ဝလ်တာ ချေတ်ထောန်၊ ဒံက်တာ

နူ ဝဳကဳပဳဒဳယာ
Jump to navigation Jump to search
ဝလ်တာ ချေတ်ထောန်
Walter Chit Tun
Walterchittun.jpg
သၠးဂၠံဂဝ် (1898-10-14) အံက်တဝ်ပါ ၁၄၊ ၁၈၉၈ (အာယုက် ၁၂၁)
မတ်မလီု ဗြိတိသျှ ဘာမာ
စုတိ နဝ်ဝေမ်ပါ ၁၉၊ ၁၉၄၇(1947-11-19) (အာယုက် ၄၉)
ဟိုတ်မစုတိ Military Escort Accident
ကောန်ဂကူ မန်
ကဆံင်ပညာ Doctor of Medicine (M.D.)
ဘာ Calcutta University
ဂယိုင်လမျီု အစာသဝ်ဝန် စိတ္တဇ ကေုာံ သၟာကာယဗလ
မဒယှ်တဴ သၟာကာယဗလ ကၠာအိုတ် ပ္ဍဲဍုင်ဗၟာ
အိန်ထံင် Barbara Margaret King
ကောန်ဇာတ် Walter Chit Tun, II
မိမ နာဲချေတ်ထောန်၊ မိတုင်ၚိုဲ

ဝလ်တာ ချေတ်ထောန် (အၚ်္ဂလိက်: Walter Chit Tun (Burmese: ဝေါ်လတာချစ်ထွန်း)) (၁၈၉၈–၁၉၄၇) ဝွံ ဒှ် သၟာကာယဗလ ကေုာံ သၟာထၜင်လျိုင် (body building and weight lifting) ကၠာအိုတ် ပ္ဍဲဍုင်ဗၟာရ၊၊ ညးဂှ် ဒှ်ဂကူမန် မကတဵုဒှ်မၞိဟ် ပ္ဍဲဍုင်မတ်မလီု ပ္ဍဲခေတ်အင်္ဂလိက် မဒှ်ကောန် ဒံက်တာချေတ်ထောန် (Dr Chit Tun) မိတုင်ၚိုဲ (Thein Ngwe) ပ္ဍဲသၞာံ ၁၈၉၈ ဂိတုအံက်တဝ်ပါ ၁၄၊ ပ္ဍဲမိမ မရှ်ေသှ်ေ သာသနာခရေတ်ယာန်ရ၊၊ [၁][၂] ဝလ်တာ ချေတ်ထောန်ဝွံ လုပ်လၟိဟ် ပ္ဍဲစရင် မၞိဟ်ဒယှ်အိုတ် (၁၈)တၠ ပ္ဍဲကောန်ဍုင်ဗၟာဂမၠိုင်ရ၊၊

မကတဵုဒှ် သၟာကာယဗလ (bodybuilder)[ပလေဝ်ဒါန် | ပလေဝ်ဒါန် တမ်ကၞက်]

ဝလ်တာ ချေတ်ထောန်ဝွံ တိုန်ဘာ ပ္ဍဲဘာသင်ပဝ် ဍုင်လ္ဂုင် (Rangoon's St. Paul Convent School) တုဲ ဆက်တိုန် ပ္ဍဲတက္ကသိုလ်လ္ဂုင်ရ၊၊ ဟိုတ်နူ ညးစန်ဒက်ကွးဘာ သွက်ဂွံ ဒစဵုဒစးအလဵုအသဳ ညံင်ဂွံ ကဵုအခေါင် ကုညးဍုင်ကွာန်တုဲ ပရေင်ဘပဠ ကုဘဝညးဂှ် ကတဵုဒှ်ကၠုင်တုဲ ညးဒးပြံင်အာတိုန်ဘာ ပ္ဍဲအိန္ဒိယရ၊၊ ပ္ဍဲအိန္ဒိယလေဝ် ညးဆက်ကၠောန် သွက်အခေါင်ညးဍုင်ကွာန် မပံင်တောဲ ကုကွးဘာအိန္ဒိယ မဂစာန် သွက်အခေါင်ဗၠးၜးရ၊၊ မွဲလပါ်ဂှ် ညးသီုဝေင်ဓတ်ကာယဗလရ၊၊ ပ္ဍဲအိန္ဒိယဂှ် ညးဂွံဇၞးကေတ် ပ္ဍဲအရာမထ္ၜး ကာယဗလ ဗွဲမဂၠိုင်ကဵုဒၞာဲရ၊၊ [၃] ညးချူလိက် နကဵုက္ဍိုပ်လိက် Barbell Exercises [၄] မဒှ်လိက် ခန္ဓကာယ ကေုာံ စိုတ် ဗီုမဆက်စပ် ပ္ဍဲအရာ ကာယဗလရ၊၊ လိက်ဂှ် အဓိကသဇိုင် ပ္ဍဲအရာ ကာယဗလ (the tenets for Muscle Control)တုဲ ဒှ်လိက် တၟေင်တၟဟ် ပ္ဍဲကဵု အခိုက်ကၞာ ကာယဗလ အိန္ဒိယ မွဲကီုရ၊၊

ဘဝ အစာသဝ်ဝန်[ပလေဝ်ဒါန် | ပလေဝ်ဒါန် တမ်ကၞက်]

ဝလ်တာ ချေတ်ထောန် ဘာပညာဂဥုဲ တုဲဒှ် နူတက္ကသိုလ် ကာလ်ကတ္တာ(Calcutta University) တုဲ စဴကၠုင် ဍုင်ဗၟာ လုပ်ကၠောန် ပ္ဍဲရုင်ဂဥုဲစိတ္တဇ တတာလေ မဆေင်ကဵု ယဲစိုတ် (Rangoon Mental Hospital (Tadalay))ရ၊၊ ညးချပ်လဝ် သွက်ဂွံပံက်ရုင်ဂဥုဲပုဂ္ဂလိက သွက်ညးမတိုန်ရုင်ဂဥုဲဟွံမာန်တအ်ကီုလေဝ် စဵုကဵု မဒးစုတိအာဂှ် ကသပ်ညး ဟွံဍိုက်ပေင်ရ၊၊

ဘဝ နဒဒှ် ကောန်သၟိင်ရုပ်ဒမျိုင် Life as movie star[ပလေဝ်ဒါန် | ပလေဝ်ဒါန် တမ်ကၞက်]

ဝလ်တာ ချေတ်ထောန်ဂှ် ဒှ်မၞိဟ်မွဲတၠ ပ္ဍဲကဵု ကောန်သၟိင် ရုပ်ဒမျိုင် ဍုင်ဗၟာကၠာအိုတ်ရ၊၊ [၅] ညးလုပ်ချဳဓရာင် ပ္ဍဲရုပ်ဒမျိုင်ဗၟာ'ပန်းပဲမောင်တင့်တယ်' ရ၊၊ ဆဂး ဝလ်တာ ချေတ်ထောန် ဒးစုတိအာ နကဵု ကွဳလိုန်ဓါတ်ဗဂါပ်/ကာဇီု ပ္ဍဲကဵု ၁၉ နဝ်ဝေန်ပါ ၁၉၄၇ ကြဴနူ မစဴကၠုင် နူမဒုင်သၟာန်သွဟ် ကုအစာပရိုင်တအ်ရ၊၊ ပ္ဍဲကွဳလိုန်ဓါတ်ဗဂပ်ဂှ် ကောန်ပၞာန်အေသ်သကတ် (military escorts) ဒှ်မၞိဟ်မလုပ်ပထုဲရ၊၊

ကာလညးမစုတိအာဂှ် သမ္ဘာညး ဂကူဗြိတိန် (Barbara Margaret King) ကေုာံ ကောန်ဇာတ်ညး ဝလ်တာ ချေတ်ထောန် ဒုတိယ (Walter Chit Tun, II)တုဲ ဒှ်အပါနော် ဇျောတ်သဝါ ချေတ်ထောန် (Joshua Chit Tun) မဒှ် မၞိဟ် မပဒတဴ ပ္ဍဲဍုင်အမေရိကာန် မဒှ်မၞိဟ်မပ္တိတ် ရုပ်ဒမျိုင် (movie producer) ကေုာံ ကမၠောန်ပရဟိတ (philanthropist( မွဲရ၊၊ [၅]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. "Origins Define a Future". YoungINC.LA. 6 April 2015. Retrieved 2 September 2017.
  2. Burmese Encyclopedia. II. 1955.
  3. "Physical Culture in India". The History of Physical Culture. Retrieved 23 March 2015
  4. "Dr. Walter Chit Tun - Index by Author". The History of Physical Culture. Retrieved 23 March 2015.
  5. ၅.၀ ၅.၁ "Joshua Chit Tun". IMDb. Retrieved 2 September 2017