ဝါခရူ

နူ ဝဳကဳပဳဒဳယာ
Jump to navigation Jump to search
ကွာန်ဝါခရူ
ကွာန်
ကွာန်ဝါခရူ is located in Myanmar
ကွာန်ဝါခရူ
ကွာန်ဝါခရူ
ဒၞာဲ ကွာန်ဝါခရူ မၞုံ
မပံၚ်တောဲလဝ်: 15°59′20″N 97°42′37″E / 15.9888894329967°N 97.7103638648987°E / 15.9888894329967; 97.7103638648987မပံၚ်တောဲလဝ်: 15°59′20″N 97°42′37″E / 15.9888894329967°N 97.7103638648987°E / 15.9888894329967; 97.7103638648987
ကၟိန်ဍုင် ထာမ်ပလိက်:Country data မြန်မာနိုင်ငံ
တွဵုရး တွဵုရးဍုင်မန်
ခရိုင် ခရိုင်မတ်မလီု
ပွိုင်ဍုင် ပွိုင်ဍုင်မုဟ်ဍုင်
ဒၞာဲအပိုၚ်အခြာ အခိၚ် UTC+6.30 (အခိင်ကၟိန်ဍုင်ဗၟာ)
ဗီုဍုင်ဝါခရူ မၞုံဗီုပြင် မကေက်ဒၟံင်ၜါလပါ်

ဝါခရူ (အၚ်္ဂလိက်: Wagaru village, Burmese ဝါဂရူးမြို့ဟောင်း)ဂှ် ပ္ဍဲအခိင်လၟုဟ် ဒှ်ကွာန်သၟတ်မွဲ မၞုံ ဗဒါဲဍုင်ဇြပ်ဗုကီုလေဝ် စဵုကဵု အခိင်ဍုင်မန်ဟံသာဝတဳလီု အလန်လက္ကရဴအိုတ် ပ္ဍဲသၞာံ ၁၁၁၉ ဂှ် ဒှ်လဝ် ဍုင်မွဲတုဲ ထၜိုင်နန်တြေံဂှ် မဂွံဆဵုကေတ်ဒၟံင် စဵုကဵုလၟုဟ်ရ၊၊ ဗီုပြင် ဍုင်ဝါခရူဂှ် ယဝ်ရရံင်စှ်ေ နကဵုဗဗဵုမတ်ဂစေံမ္ဂး မၞုံကဵုတၞုင်ကေက်က်ၜါလပါ်တုဲ ဗွိုင်နန်ဂှ် သီုဖအိုတ် နွံ ၜိုတ် ၆၅ ဨက ရ၊၊


ဒတန်[ပလေဝ်ဒါန် | ပလေဝ်ဒါန် တမ်ကၞက်]

ဍုင်ဝါခရူတြေံဂှ် နကဵုစၟတ်သမ္တီဂၠးတိမ္ဂး နွံတန်တဴဒၟံင် လေတ္တဳကျုတ်သၟဝ်ကျာ ၁၅ ဒဳဂရဳ ၅၉မဳနေတ်၊ လံင်တဳကျုတ်ဗၟံက် ၉၇ဒဳဂရဳ၄၂မိနေတ် (15°59’58.73²N-97°42’15.91²E) နူဍုင်ဇြပ်ဗု လပါ်ပလိုတ်သၟဝ်ကျာ ၜိုတ် ၂ တိုင်ရ၊၊

ဝင်[ပလေဝ်ဒါန် | ပလေဝ်ဒါန် တမ်ကၞက်]

ဗီုရုပ် လိက်တၟအ် ပ္ဍဲဗလး ကျာ် နိဗ္ဗရဂါံဂဵု နူ ၁၃ ဗွဝ်ကၠံ၊၊
မအက္ခရ် မဂွံဆဵုကေတ် ပ္ဍဲလိက်တၟအ် ကျာ်နိဗ္ဗရဂါံဂဵု၊၊ ဗီုတၞးလိက် note နာဲဗဳထဝ် မန်ဇြာ မချူလဝ် ပ္ဍဲအခိင်ညး ကေုာံ အစာဘရှင်၊ နာဲရတ်ရတ် မအာလ္ၚတ်လဝ် ပ္ဍဲသၞာံ ၁၉၉၇ ဒဳဇြေန်ပါ၊၊

ဍုင်ဝါခရူဝွံ တၠပညာအစာဝင်တအ် ကၠုင်လ္ၚတ်လဝ် ခေတ်အဆက်ဆက် မဂၠိုင်ကဵုအလန်ရ၊၊ အစာဝင်တော်စိန်ခို ဂှ် ညးဗၟံက်လဝ် ပ္ဍဲလိက်တရဴဍုင်ရာမညဂှ် ညးရံင်ကဵု ယၟုဍုင်ဝါခရူ မတုပ်ဒၟံင် ကုယၟုသၟိင်ဝါရေဝ်ရောဝ် (မဂဒူ)တုဲ ဍုင်ဝါခရူဝွံ သၟိင်မဂဒူ (၁၃ ဗွဝ်ကၠံ) မပတန်လဝ် ဗီုဏအ် ညးဂးလဝ်ရ၊၊ ဝါခရူ ဂှ် ကၠုင်နူအရေဝ် ဝါ မဂွံအဓိပ္ပါယ် တိဗလးတုဲ ဟွံဆေင်စပ် ကုယၟုသၟိင်ဝါရေဝ်ရောဝ် မဂွံနူ မဟိမု နူသၟိင်သေံ ဂှ်ရ ဒုင်သဇိုင် ကုယၟုတုဲ မဖျေဟ်သ္ဂုတ်သွာတ် အခိင်မပတန်ဍုင်ဂှ် ဟွံဒးရောင် စှ်ေစိုတ်ရ၊၊ အခိင်လဵု မပတန်လဝ် ဍုင်ဝါခရူဇေတ်တ်ဂှ် ဟွံဂွံကေတ်ဏီရ၊၊

ပ္ဍဲသၞာံ ၁၉၉၇ အစာနာဲဘရှင် ကေုာံ ကောန်ကွး နာဲရတ်တ်၊ နာဲဗဳထဝ် မန်ဇြာ စှ်ေပံက်ဗ္တောန် လိက်တၟအ်မန် ပ္ဍဲဍုင်မတ်မလီုတုဲ အာလ္ၚတ် ဍုင်ဝါခရူ ရ၊၊ ပ္ဍဲလတူဗ္လး ကျာ်နိဗ္ဗာရဂါံဂဵု ဗဒါဲဘာတိုက် ဂှ် ဂွံဆဵုကေတ် တၟအ်မွဲမ မၞုံကဵုလိက်ညိညရ၊၊ လိက်ကြပ်သီုဖအိုတ်ဂှ် အးအိုတ်ဒၟံင်ရ၊၊ ပ္ဍဲဒၞာဲ သၟဝ်အိုတ်ဂှ် ၜိုတ်ပန်ပၞောန်ဂှ် ဂွံဆဵုကေတ် အက္ခရ် အတေအ်မွဲမ အဏအ်မွဲမ သီုဖအိုတ် ၜိုတ်စှ်မ ဒှ်ရ၊၊ အက္ခရ် မၞုံကဵုဂစိုတ်ပေင်င် ဆမွဲမကီု ဟွံဂွံဆဵုကေတ်တုဲ ပံက်အဓိပ္ပါယ် ဟွံဂွံရ၊၊ မအက္ခရ် ၜိုတ်မဂွံဆဵုကေတ် သီုဖအိုတ်ဂှ် ရံင်တုဲ အစာဘရှင်ဟီု လိက်တၟအ်ဝွံ တြေံနူ လိက်တၟအ် ကျာ်လ္ဂုင် မဒှ်ခေတ် သၟိင်ဓမ္မစေတဳ (1472-92) ဏီ၊ ဒှ်လိက် ၜိုတ် ခေတ် အေဒဳ ၁၃ ဗွဝ်ကၠံမာန်ရောင်ဂှ် ဆိင်လဝ်ရ၊၊


အပ္ဍဲ သိမ်မွဲခဏ လပါ်တဲပါဲ (ပါင်နွံဗၟံက်) ပ္ဍဲဍုင်ဝါခရူဂှ် လိက်တၟအ် ခေတ်တၟိမွဲခတှ်ေ ဂွံဆဵုကေတ်ကီုရ၊၊ လိက်တၟအ်ဂှ် နိဿဲကဵု လိက်နူသၠရိုတ်ဂမၠိုင်တုဲ ညးတအ် မချူလဝ် ဒှ်မာန်ရ၊၊

လိက်တၟအ်ဂှ် ချူလဝ် ပ္ဍဲသက္ကရာဇ်ခရေတ် ၁၉၈၅ အတိုင်ဗွဲသၟဝ်ဏအ်ရ၊၊


နမောတဿ ဘဂဝတော အရဟတော သမ္မာသမ္ဗုဒ္ဓဿ


"ဝင်သီဗွဲခမၞောန်"

(၁) သက္ကရာဇ် သာသနာ ၂၃၉ သၞာံ ပ္ဍဲဍုင်ဝါခရူ လက်ထက်သၟိင် ဗြသၜိုတ် ထေရ်တၠအရှန်

(၂) မပ္တံကဵု သောဏုတ္တရထေရ် အာစိုပ်တွံဓဝ်တုဲ ထ္ၜုတ်လဝ် သမၠုင်ကျာဍုင် သီ ၁ သီမွဲခဏဂးယၟုရ

(၃) စိုပ်သက္ကရာဇ် သာသနာ ၂၄၇၉- ၂၄၉၅ သၞာံတုဲ သ္ပက္ဍိုပ်သ္ကိုပ် ကဵုဂကောံသင်

(၄) ကွာန်ဝါခရူတုဲ မွဲဟာန်ကေုာံ ဒါယကာ ဒါယိကာဗျဥ်ဂမၠိုင် ကလေင်လဟဵုပတုန်သီ

(၅) အလန်ကိုပ်ကၠာ မအာစိုပ်ဒတုဲ မွဲဝါ

(၆) စိုပ်သက္ကရာဇ် သာသနာ ၂၅၂၈ ဂိတုစဲတုဲ သ္ပက္ဍိုပ်သ္ကိုပ် ကဵုဂကောံသင်

(၇) ကွာန်ဝါခရူတုဲ မွဲဟာန်ကေုာံ ဒါယကာ- ဒါယိကာဗျဥပဂမၠိုင် ကလေင်လဟဵု

(၈) ပ္တုန် ကျာ်ပ္ဍဲသီ အလန်မရနုက်ကဵုၜါဝါ အာစိုပ်ဒတုဲပၠန်ရောင်


"ပ္ဍဲရးဝါခရူ ဝင်ကျာ်တုန်"

(၁) ကျာ်သၞဓါတ်သော် မွဲတၞုင်တဴပ္ဍဲဍုင် သရိရဓါတ် -၃၃- မ ဒေဝတဴမင်

(၂) ဒိုဟ်သမၠုင်ကျာ စလဂန္ဓမွဲ ခန္ဍဂန္ဓမွဲ ဒေဝတဴၜါ ဒှ်တၞံ ကာလဒက်ကျာ်ဂှ်

(၃) သာ်ဝွံ ဒကာကျာ်ဗ္စရ ယိုဟ် - ၁၀၀- သာ် ကွာင် -၅၀- သာ် သတ်ဗြဴ ၃၃ ဖျုန်

(၄) ၁၀၀ ကလောံ - ဗ္ကပၞာင် - ၁၀၀၀- ဍာ်တှ်ၜါသာ်- ယာဂုစှ်သာ်- ခမ် ၃၀၀ - စၞဗွဝ်ဖျာ

(၅) ဒကာကျာ်ဂှ် - ခမဳရံသဳမွဲ-သိင်္ဂလမွဲ-ခရှ်မွဲ မလ ဂးယၟု- ညးပိဝွံ ဒှ်ဒကာတၞံရ-

(၆) ကျာ်ဒေါဝ်ဍုင် သရဳရဓါတ် ဒေဝတဴ သုဒကမင်ဓါတ်- ကာလဒက်ကျာ်ဂှ်

(၇) သာ်ဝွံ ဗ္စဒေဝတဴ- ယိုဟ်-၃၂-သာ် ကွာင် - ၄၃-သာ် ဍာ်သာဲ- ယာဂု တင်လာဲ

(၈) ကဝ် ဗြာတ် စၞဗွဝ်ဖျာ - သုမေဓ ဒက်ကျာ်ဝွံရ

(၉) ကျာ်သၠာ် သရိရဓါတ်- ဒေဝတဴဗလမင်ဓါတ်-ယိုဟ် ၅-သာ် ကွာင် ၃-သာ် -ယာဂု ၄ သာ်- သတ်ဗြဴ ဗြာတ်- သဂြာ သာ်ဝွံဗ္စရ ရတ္ထပါလ

(၁၀) ဒက်ကျာ်ဝွံရ မဗုဲမဒှ်ဒကာရ


(ခ)


(၁) ကျာ်နိဗ္ဗရဂါံဂဵု သရိရဓါတ် ဒေဝတဴသုံဗွဲ မင်ဓါတ် စၞဒေဝတဴဂှ် ကွာင်

(၂) ၂ -သာ်- ယိုဟ်- ၄- သာ် - သတ်ဗ္ဒဝ် သတ်မညောံ- စုတ်ကဵုခမ် ၅၀ တုဲ

(၃) ဗ္စရ- ဝွံပုင် ၅၅ ဒါကာကျာ် ကျာ်ဗြီုအသောက သရိရဓါတ် ဒေဝတဴ

(၄) စတုလ ဂးယၟု ဒှ်ပၟင်ဓါတ် စၞဒေဝတဴဂှ် ယိုဟ်- ၁၀၀- သာ် ကွာင် -၃၃-သာ် စၞဗွဝ်ဖျာ- ကာလ

(၅) ဒက်ကျာ်ဝွံ သာ်ဝွံ ဒကာကျာ်ဗ္စ ခမ် ၃၀၀ ယၟုဒါကာကျာ်ဂှ် ၝရ- ခမဳဒက်ကျာ်ဂှ်မနိဂြောဓ ဂးယၟု

(၆) ကျာ်ကၠံဗန် သရိရဓါတ် စေတဳ ဒေဝတဴ မင်ဓါတ်ဂှ် သရိဂဇ္ဇ ဂးယၟ စၞဒေဝတဴဂှ်

(၇) ယာဂု- ကွာင် ဍာ်တှ်ဂၠဴ- ကွာင်ခရုင် ဒ္စိတ်သာ်- ယိုဟ်-၄-သာ် ကာလဒက်ကျာ်ဂှ် ဗ္စရ- ဒိုဟ်

(၈) ဨသာန် ဗ္စရ ယၟုဒါကာမွဲ ၝထဝ်လ ဂးယၟု ဂမဳဒက်ကျာ်ဂှ် ရေဝတ ဂးယၟု

(၉) ဘုတ်သီ သရိရဓါတ် ဒေဝတဴပၟင်ဓါတ်ဂှ် ဂေါတရ ဂးယၟု စၞဒေဝတဴ ယိုဟ် ၃ သာ်

(၁၀) ကွာင် ၅ သာ် စၞဗွဝ်ဖျာ ခမ် ၉၀ တုဲ ဗ္စရ ယၟုဒကာကျာ်ဂှ် ၝမွဲ မပံက် ၝလဇ ညးပိဒှ်

(၁၁) ဒကါကျာ်ရ ဂမဳဒက်ကျာ်ဂှ် နာဂ ဂးယၟု

(၁၂) ကျာ်မွဲလက် သရိရဓါတ် ဒေဝတဴ ပၟင်ဓါတ် သုဂန္ဓိမွဲ ရိလကမွဲ ဗလရကမွဲ

(၁၃) ဥုဒ္ဓလကမွဲ ညးပန် မံင်ပန်ဒိုဟ် စၞဒေဝတဴပန် တုပ်ပ်ရ၊ ယိုဟ် - ၁၀၀ - သာ်

(၁၄) သတ်ဆု - ၅၀ သာ် ပ္ကဴ ၁၀၀ သာ်၊ ဗ္စး ၃၃ ဖျုန် ၃၀၀ ကလောံ- က ၃၀၀ ကလောံ

(၁၅) ဍာ်တှ် ၇ သာ် ကဝ်ပိသာ် ယာဂုပန်သာ် ဗြာတ်ကၠံဂရး သတ်ဗြဴကၠံ က္ၜဴကၠံ ဒ

(၁၆) ကုတ် ကာလဒက်ကျာ် သာ်ဝွံဗ္စရ- ယၟုဒကာဂှ် ၝလန်မွဲ ၝဗုမွဲ ၝလဴမွဲ ဂမဳဇော

(၁၇) နရာံမွဲ ပဏ္ဍိတမွဲ သိင်္ဃမွဲ ရေပတ္တမွဲ ညးထ္ပျ်ဝွံ ဒှ်ဒကာကျာ်ရ

(၁၈) ကျစနဝါသရိရဓါတ် ကျာ်ထွာဲ ဒေဝတဴဂေါနောသ မင်ဓါတ် စၞဒေဝတဴ

(၁၉) ယိုဟ် ၃ သာ် ကွာင် ၅ သာ် ဍာ်သာဲ တင်လာဲ သဂြာ ကွာင်ခရုင် ထ္ပျ်သာ်

(၂၀) ကဵုစၞတုဲ ဒက်ရ ဟွံလာ်ရ ယၟုဒကာကျာ်ဂှ် ၝသဳဟမွဲ ဂမဳမွဲ ဗာကုလ ဂး

(၂၁) ယၟုညးၜါ ဒှ်ဒကာကျာ်ဝွံရ -

(၂၂) ညးရေင်တၠုင်ဖိုလ် ဘဒန္တသောဘိတ

(၂၃) ၁၃၄၇ ဝါခရူ ဘာတိုက် 1985


လိက်တၟအ်ဏအ် ၜိုန်ရ မချူလဝ် သၞာံဟွံလအ်ကီုလေဝ် အရာစိုတ်မလုပ်စခိုဟ်အိုတ်ဂှ် ယၟုကျာ်ဂမၠိုင်ရ၊၊ ယၟုကျာ်လ္ၚဵုတအ်ဂှ် တြေံတုဲ ဒှ်သက်သဳဝင် ဍုင်ဝါခရူမွဲကီုရ၊၊

ကျာ်နိဗ္ဗရဂါံဂဵု၊ ပ္ဍဲလိက်မန် (၁၁ ဗွဝ်ကၠံ) ဂှ် နိဗ္ဗႝာန်၊ စိုပ် ၜိုတ် (အေဒဳ ၁၂-၁၃ ဗွဝ်ကၠံ) ဂှ် ဒှ်အာ နိဗ္ဗာရ ကြဴနူဂှ်ညိ ရ ဂှ် ကၠေအ်အာတုဲ ဒှ်အာ နိဗ္ဗာန် ရ၊၊ ဂါံဂဵု ဂှ် ပ္ဍဲလိက်တၟအ်မန် ခေတ်ဗုကာံဂှ် ဂွံဆဵုကေတ် ဂိရ်ရ္ဂေါး မဒှ်မနာမ် မကၠုင် နူ မကြိယာ ရ္ဂေါးဟ်၊ အဓိပ္ပါယ်ဂှ် မဂဵုလဟဵု၊ ဂဵုတၟး ရ၊၊ ဟိုတ်ဂှ် ကျာ်နိဗ္ဗရဂါံဂဵု ဝွံ မဂွံအဓိပ္ပါယ် ကျာ်မပံက်ထ္ၜး စၞောန်ကဵုဂၠံင်တရဴနိဗ္ဗာန်ရ၊၊ ယၟုကျာ်ဝွံလေဝ် ဒှ်ယၟု မကၠုင် နူ ၜိုတ် (၁၃) ဗွဝ်ကၠံကီုရ၊၊

ကျာ်ကၠံဗန် ယၟုကျာ်ကၠံဗန်ဂှ် ပ္ဍဲဒၞာဲဒေသဂကူမန် ဗွဲမဂၠိုင် မဂွံဆဵုကေတ်ဒၟံင်ရ၊၊ ဗီုဗၟာမ္ဂး ဒၞာဲလ္ၚဵုချူ ကျိုက်ကလွန်ဗွန်၊ ကျိုက်ကလံဗွန်၊ ကျိုက်ကလော့၊ ကျိုက်ကလဲ့၊ ယၟုကျာ်ဝွံ နူတမ်တေအ် ကၠုင်နူ ကျာ်က္လိပန် မဂွံအဓိပ္ပါယ် ကျာ်မကလိလောန်အာတုဲ ပန်ဇကုရ၊၊ ညးရန်တၟအ် ကဵုကျာ်မကလိဂွံအာပန်တုဲ ညးပ္တန်ကျာ်ရ၊၊ ဒၞာဲလ္ၚဵု ကျာ်ကလိ / က္လိ ဆၜိုတ်ဓဝ်လေဝ် ဂွံဆဵုကေတ်ကီုရ၊၊

ကျာ်ဗြီုအသောက ဗြီုဂှ် မဂွံအဓိပ္ပါယ် သၟိင် သၟိင်အသောက၊ သာ်ဂှ်ဟွံသေင် ညးမစၠောအ်လိက်သၠရိုတ်တအ် ဗၠေတ်စတုဲ သၟီ ဂှ် စၠောအ်ဒး ဗြီုလေဝ် ဒှ်မာန်ရ၊၊ အရာစိုတ်မလုပ်စခိုဟ်ဂှ် ကျာ်သၟီအသောက ဟွံသေင်မ္ဂး ကျာ်အသောက ဂှ် ပ္ဍဲဍုင်မန်ဒၞာဲတၞဟ်တအ်လေဝ် ဂွံဆဵုကေတ်ကီုရ၊၊ အတိုင်အခိုက်မန် ယၟုတအ်ဂှ် ဂစိုတ်ပမွဲရမ္သာင်ဂွံမ္ဂး ပထောအ်ဖအိုတ်ရ၊၊ အသောက ဂှ် ပ္ဍဲလိက်ခေတ်ဗုကာံ နူကျာ်ဗြံက်ဗြဇၞော် မြင်ကပါ ဂှ် ညးချူလဝ် အသောက် ရ၊၊ ကျာ်သၟီအသောက် ဟွံသေင်မ္ဂး ကျာ်အသောက် ရဴသာ်ဝွံ ညးရန်တၟအ်ကဵု သၟိင်အသောက ညးမယိုက်ဒိုက်သာသနာကျာ်တုဲ ပ္တန်ကျာ်ရ၊၊ ကျာ်အသောက် ဂှ် ဗွဲကြဴ မြိပတ်အာ ဒှ်အာ ကျာ်အသုက်၊ ကျာ်သုက်၊ ကျာ်ဓါတ်သောက် ဗီုဗီုဏအ် ဂွံဆဵုကေတ်ရ၊၊

အရာမစၟတ်သမ္တီခိုဟ် မွဲပၠန်ဂှ် ဒှ်ယၟုဒါယကာကျာ်တအ်ရ၊၊ မၞိဟ်တြုဟ်မ္ဂး မ ၊ မၞိဟ်ဗြဴမ္ဂး ၝ ရဴသာ်ဝွံ ဂွံဆဵုကေတ်ရ၊၊ အရေဝ်ဝေါဟာရဏအ်လေဝ် ဒှ်အရေဝ်ဝေါဟာ နူခေတ် အကြာ (၁၀- ၁၇) ဗွဝ်ကၠံ ဖအိုတ်ရ၊၊

ဍုင်ဝါခရူဝွံ ပ္ဍဲခေတ်ဨကရာဇ်တေအ် ပါလုပ် ပ္ဍဲစရင်လၟိဟ် ရးမုတ္တမ (၃၂) ဍုင်ဂှ်ရ၊၊ အတိုင် လိက်စရင်ပယျဵုတိဍာ် ညးစဳရေင်ဍုင်ဝါခရူ စမ္ပါ မကဵုစရင် ပ္ဍဲသက္ကရာဇ်ဍုင် ၁၁၂၈ ဂိတုပုဟ် ၁၀ စွေက်ဂှ်မ္ဂး ဂွံဆဵုကေတ် အတိုင်ဗွဲသၟဝ်ဏအ်ရ၊၊


၎င် ပုံ ၁၀ စွေက် စဳရေင်ဍုင်ဝါခရူ ကဵုစရင်ပယိုဝ်တိ ရးဍုင်ဝါခရူ၊

၊၊နူဍုင်မတ္တမ စိုပ်ဍုင်ဝါခရူ ပိတ္ၚဲ ၃၀ တိုင်၊

၊၊နူဍုင်ဝါခရူ လပါ်ဗၟံက် ပါကျာ်ဓါတ်သော်ရှာဲသောတံင် ပါပယိုဝ်တိ ရးဍုင်ဝင်ရဴ ၅ တိုင်၊

၊၊ နူဍုင်ဝါခရူ လပါ်သမၠုင်ကျာ ပါကြုင်ၝအ်လၟိုင် ပါပယိုဝ်တိ ရးဍုင်လၟိုင် ၁၃ တိုင်၊

၊၊ နူဍုင်ဝါခရူ လပါ်ပလိုတ် ပါၜဳဇၞော် ၅ တိုင်၊

၊၊ နူဍုင်ဝါခရူ လပါ်သၟဝ်ကျာ ပါၜဳကလေင် ပါပယိုဝ်တိ ရးဍုင်ဇြာ ၂ တိုင်၊

၊၊ နူဍုင်ဝါခရူ လပါ်အဂၞဲ ပါဒိုဝ်စာင်ခြး ပါပယိုဝ်တိ ရးဍုင်လၟိုင် ၂ တ္ၚဲ ၂၀ တိုင်၊

၊၊ နူဍုင်ဝါခရူ လပါ်နေရတိ ပါကြုင်ကြေင် ပါပယိုဝ်တိ ရးဍုင်လၟိုင် ၂ တ္ၚဲ ၂၀ တိုင်၊

၊၊ (နူဍုင်ဝါခရူ လပါ်နေရတိ ပါကြုင်ကြေင် ပါပယိုဝ်တိ ရးဍုင်လၟိုင် ၁ တ္ၚဲ ၁၀ တိုင်)?၊

၊၊ နူဍုင်ဝါခရူ လပါ်ဗာယပ် ပါကျာ်ဂမှီ ပါၜဳဇၞော် ၅ တိုင်၊

၊၊ နူဍုင်ဝါခရူ လပါ်အေသာန် ပါကြုင်တလိုင်ကၠံ ပါပယိုဝ်တိ ရးဍုင်ဝင်ရဴ ၁ တ္ၚဲ ၁၀ တိုင်၊

၎င်ကွာန်တရေံ လီုဖအိုတ် ဗဒှ်ဂွံတၟိ ၂၊ ကွာန်သၞေဟ်ကိုင် မွဲ၊ ကွာန်မြိုင်စိင် မွဲ၊

ကဗျလဒု (ကျေးစေရတု)[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲသက္ကရာဇ် ၁၁၄၈ ကောန်ဗၠာဲသၟိင်ဗၟာ ဘိုးတော်မင်းတရား၊ သၟိင်ဥပ္ပရာဇ အခိင်ညးတေအ် မဇက်ပၞာန် ဍုင်ထဝါဲဂှ် ကန္တဝ်ညး ကောန်ဍုင်မတ္တမ ဇန်လဝ် ကဗျလဒု (ကဗျမဗှ်သၞာ) သွက် တၠသ္ၚိဇကုမွဲရ၊၊ ပ္ဍဲကဗျဂှ် ဂွံဆဵုကေတ် ယၟု ဍုင်ဇြာ (ဇယား) ကဵု ဍုင်ဝါခရူ (ဝါဂရူ) တုဲပၠန် အကြာဂှ် ညးဆတ်စုတ်လဝ် အရေဝ်မန်ညိည အတိုင်မဂွံဆဵုကေတ် ဗွဲသၟဝ်ဏအ်ရ၊၊ လဒု အရေဝ်မန် မဂွံအဓိပ္ပါယ် လၞီစိုတ်၊ ဗှ်သၞာ ပ္ဍဲကဗျဏအ် ဟိုတ်နူမချူလဝ် တင်စသိုင် မဒှ်လၞီစိုတ်တုဲ ကဵုလဝ် ယၟု ကဗျလဒု ရ၊၊ ပ္ဍဲလိက်ကဗျမန်ဂှ် မချူလဝ် ပရေင်လၞီစိုတ်ဗၠာဲဂှ် ညးကဵုလဝ် ယၟု လဒုဗၠာဲ၊၊


ဇေယျတု၊ တခုမြတွင်၊ သခင်နှစ်လို့၊ ပင်စိမ်းညို့သား၊ မွန်တို့ဘာသာ၊ တတ်မြောက်စွာသည်၊ မြန်မာမကျွမ်း၊ ကျေးမှုထမ်း၊ အလွမ်းယှက်ကူး၊ နဲးကြူးစရဟန် (နာဲတြုဟ်ဇြဟာန်-ချစ်လင်သခင်)၊ ကရွန်ဟုကုမောင် (ကရောမ်ဟွံဂွံမံင် - အတူမနေရ)၊၊ သောင်းမျှဗိုလ်ပါ၊ ချီလေရာဝယ်၊ အပသေည်ညီ (အာဗ္တီညိ - သွားရောက် တင်လျှောက်ပါချေ)၊ ဦးဖြင့်ထိလော့၊ သီရိကြက်သရေ၊ ဒေဝါဓယ၊ သိန်းတန်မြဝယ်၊ လွှတ်ပသွတ်ချ (လုပ်ပသစ္စ - သစ္စာဝင်ပြု) တူတကွဟု၊ လဟန်ကလောတေ့ (လဟီုကၠာတေအ် - ယခင်က ပြောစကား) တစေ့စေ့သည်၊ အောက်မေ့မြင်တော်မူလိမ့်မည်၊၊

ယခုညပင်၊ လွမ်းလှသောအား၊ မတန့်နားမှု ဇယားမည်ဟူ ဝါဂရူမှ၊ ဟို့စျငွယ်နီ (ဟွံဇ္ၚောဲဏီ-မဝေးသေးမီ)၊ တပ်တော်ချီလိမ့်၊ လမ်းစီမှတ်ရော် ကနက်ထော်လျှင် (တ္ၚေက်ထဝ်ဟေင်-ရွှေကျေးငှက်ပင်)၊ လေယာဉ်ယူလော့၊ ကြင်သူသက်မျှ၊ တလငွီအွယ် (တၠသ္ၚိအဲ-ကျွန်မချစ်လင်)၊ တလေဘွယ်ခဲ့၊ မယ်လည်းငယ်သေး လူရေးမပွန်၊ စောသွန်သနန် (စှ်သုန်သၞာံ-၁၅နှစ်ရွယ်မျှ)၊ ဒရင်ဟန်မောင်းရ (ဂရင်ဟီုမံင်ရ-ဆိုမည်တမ်းတ)၊ ဖြစ်သမျှကို တောင်လှယှက်တွေ့၊ လျှောက်သရွေ့သည်၊ နောက်ရှေ့ဆင်တော်၊ မူလိမ့်မည်၊၊

မပြုသချင်၊ ကိုယ်ကိုပင်တည့်၊ မရွှင်သမို့၊ ဟို့တစူမုတ် (ဟွံကြဴမုက်-မျက်နှာမလိမ်း)၊ စိတ်ရှုတ်သမ်းမို့၊ ဟို့တရိကလိုင် (ဟွံဓယိကၠေင်-ဆံပင်ဆီမလိမ်း)၊ ပိုင်သူစစ်မြေ၊ ချဳရလေဟု၊ သွတ်လေဟို့ကျား (သော်လေဝ်ဟွံဂြး-ဆံပင်မဖီး)၊ သနားချစ်စိတ် တွိတ်လေဟို့လိန် (တိက်လေဝ်ဟွံလှိင်- အိပ်စက်၍ မပျော်ပါနိုင်)၊ အစိန္တေယျော်၊ ဓါတ်မြွေတော်ဝယ်၊ နှောင်းမြော်မယ်ထူး၊ ကိုယ်တိုင်ဖူး၍၊ ကြည်နူးပန်ထွာ၊ အွန္တရာပွဲး (အန္တရာဲဘဲ -အန္တရာယ်ဘေး)၊ ကွဲးသငွးအာရ (ကဵုသ္ၚောဲအာရ- ကင်းဝေးပါစေသော်)၊ ဦးချခါခါ၊ ဆုပန်ပါဟု၊ ကျေးဝါထပ်လှောက်၊ နားတော်လျှောက်သည်၊ ထောက်ရှေကြင်တော်မူလိမ့်မည်၊၊

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. နိုင်ဘီထော မွန်ဇြာ၊ နိရုတ္တိ စကားဇစ်မြစ်အမြင်ဖြင့် ပျူ နှင့် မွန်လူမျိုးတို့ အကြောင်း၊ ၂၀၁၄၊
  2. နိုင်ပန်းလှ၊ သံဖြူဇရပ်နှင့်ဆက်စပ်နေသည့်သမိုင်းကြောင်း၊ သံဖြူဇရပ် ရာပြည့်မဂ္ဂဇင်း (၁-၁၂-၁၉၇၄)
ကလေင်သီကေတ်လဝ် နူ "https://mnw.wikipedia.org/w/index.php?title=ဝါခရူ&oldid=8979"