ဝေသာလဳပလိုတ်၊ ပွိုင်ဍုင်လှာဒကှ်
| ကွာန်ဝေသာလဳပလိုတ် | |
|---|---|
| ကွာန် | |
  ကွာန်ဝေသာလဳပလိုတ် ဒၞာဲကွာန်ဝေသာလဳပလိုတ် မၞုံ | |
| ဒတန်ဒၞး: 15°56′36″N 98°06′05″E / 15.943243°N 98.101293°Eဒတန်: 15°56′36″N 98°06′05″E / 15.943243°N 98.101293°E | |
| ကၟိန်ဍုင် |  Myanmar |
| တွဵုရး | တွဵုရးဍုင်ကရေင် |
| ခရိုင် | ခရိုင်လှာဒကှ် |
| ပွိုင်ဍုင် | ပွိုင်ဍုင်လှာဒကှ် |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ကွာန်ဝေသာလဳပလိုတ် (ဗၟာ: ဝေသာလီအနောက်ရွာ၊ အၚ်္ဂလိက်: Waitharli (West)) ဝွံ မၞုံပ္ဍဲပွိုၚ်ဍုၚ်လှာဒကှ် (ဒေသရးမန်) (တွဵုရးကရေၚ်) တုဲဒှ် ကွာန်မန် မၞုံသၟဝ်အုပ်ဓုပ်ဗော်ဍုၚ်မန်တၟိ အကြာၜဳၜါ ကော်ဂး ၜဳဇမိ ကေုာံ ၜဳဝၚ်ရော။ ပ္ဍဲကဵုဗွိုၚ်တိဍာ်အုပ်ဓုပ်ဗော်ဍုၚ်မန်ပိုၚ်ပြဳ မပါ်လဝ် ပန်သ္ကုတ်ဂှ် ကွာန်ဝေသာလဳပလိုတ်ဝွံ မၞုံပ္ဍဲသ္ကုတ်ပွိုၚ်တိုက်လၟိဟ် (၁)။[၁] ကောဒ်ဂၞန်ကွာန် ဝေသာလဳပလိုတ်ဂှ် ၁၇၀၆၉၄။[၂]
ဝၚ်ကွာန်ဝေသာလဳပလိုတ်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲသက္ကရာဇ်ဍုၚ် ၁၂၈၉ သၞာံ၊ အခိၚ်ဂှ် နာဲဖောအ် မိဝေအ် ကေုာံ သ္ကံအဖဝ်ဂမၠိုၚ် နူကွာန်ဆက်တဲ ဒဵုမာဲ ပွိုၚ်ဍုၚ်မုဟ်ဍုၚ်တေံ က္တဵုဒှ်ပေါဲပၞာန်တုဲ ညးတအ်ဂြပ်ပါဲဒဴဘဲပၞာန် စပ်ကၠုၚ်ပွိုၚ်ဍုၚ်လှာဒကှ် ပ္ဍဲကွာန်ဝါဂြာဲရ။ ညးတအ်ဇူတန်တဴကွာန်ဝါဂြာဲမွဲ အံၚ်တုဲ နူဂှ် သွက်ဂွံဗက်ဂၠာဲရံၚ် ဒၞာဲဌာန်ဒၟံၚ်ဗၠးဘဲတုဲ ဆဵုဒးဒၞာဲဌာန်ချောဲၜတ်ဍာ်ကေဝ်ခိုဟ် ရံၚ်အာလ္ပာ်ဗၟံက်တေံ ဂွံညာတ် ကေတ်ကုန်ဒဵုသၠုၚ် သီုကဵုဍာ်ကြုၚ်လ္ဂောဝ် ဟဳဇွောဝ်မံၚ်ၜိုဟ်သြိုဟ် နွံမံၚ်ဗ္ဒာဲဝါဗ္ၚနာဲဇျှာလဳဂှ်ရ။ [၃]
နာဲဖောအ်ဂွံသ္ကံခိုဟ် ကော်ထောံဇွာကဵုနာဲဇျှာလဳတုဲ တက်တာဲမံၚ်ကၠုၚ်ပ္ဍဲဝါဝွံရ။ နူဂှ် နာဲဖောအ်ပ္ကောံကၠုၚ်ဂြပ်ရတ်ပိုန်ဟာန် ကၠောန်ဗ္ၚ ကပှ်သၠ ဂမျိုၚ်ကၠုၚ်လမျီုသာ်ဝွံတုဲ ညးအဲနူဒိုဟ်စုၚ် ကောံကၠုၚ်ညဳသၟဟ်တုဲ ညးတအ်ဗဒှ်ကၠုၚ်သ္ၚိဌာန်ရ။ မၞိဟ်ဂၠိုၚ် ကၠုၚ်တုဲ ညးတအ်ချပ်ဂၞန်ကၠုၚ် သွက်ဂွံဗဒှ်ကွာန်တုဲ ပ္ဍဲသက္ကရာဇ် ၁၂၉၁ သၞာံ ဟိုတ်နူဝါဗ္ၚနာဲဇျှာလဳတုဲ ကွာန်ဝါသာလဳ ညးတအ်ကော်ခဴကၠုၚ်ရ။ ဒွက်ဝၚ်ကွာန်ဝေသာလဳပလိုတ်[ဒွက်ဝၚ်ကွာန်ဝေသာလဳပလိုတ် ၁]
- ↑ လှာဒကှ်၊ ပွိုင်ဍုင်
- ↑ Place codes (Pcodes). Myanmar Information Management Unit (June 2020). Archived from the original on 2020-11-21။ Retrieved on 2020-12-20။
- ↑ ဒွက်ဝၚ်ကွာန်ဝေသာလဳပလိုတ်
- ↑ ဒွက်ဝၚ်ကွာန်ဝေသာလဳပလိုတ်
<ref> tags exist for a group named "ဒွက်ဝၚ်ကွာန်ဝေသာလဳပလိုတ်", but no corresponding <references group="ဒွက်ဝၚ်ကွာန်ဝေသာလဳပလိုတ်"/> tag was found