ဝဳကဳကဵုယူနဳခတ်ကဵုဖျုန်ကီုညိ

နူ ဝဳကဳပဳဒဳယာ

ဝဳကဳ−ယူနဳခတ် (တက်ကျာဆဝ်မ္ၚုဟ်ကီုညိ


ဝဳကဳပဳဒဳယာ ကေုာံ ယူနဳခတ်ၜါဏံဂှ် မိက်သ္ဂောံကဵုညးတအ်တက်ကျာသဳကၠဳကီုကွေံရ၊ အခိၚ်တက်ကျာသဳကၠဳပရေၚ်လိက်ပတ်လ္တူလပှ်ကျာဏံမ္ဂးတှ်ေ ပရောဝဳကဳကဵုကောန်ဍေၚ်Unicodeဂှ် ညးတအ်ဝိုတ်ထောံဟွံဂွံတုဲ ထေက်ကဵုဒးသဳကၠဳပါ်ပရအ်ဗဟုသုတကီုညိဂှ် မိက်သ္ဂောံဆဵုကွေံကွေံရ။

သွာၚ်အာဲထဳ(IT)ဏံဟွံချဳဒရာၚ်ဟွံဗဂဵုလဟဵုမ္ဂးတှ်ေ ဗီုလဵုလိက်ပတ်ဂကူဇကုဂွံတဴတက်အာလ္တူလပှ်ကျာဂတာပ်အခေတ်ဗီုကဵုဍုၚ်ညးတၞဟ်ဂှ်ရော၊ တက်ကျာတုဲတက်ကျာပၠန်ပရေၚ်လိက်ပတ်တံဂှ် ဆဂး ဗီုဂွံလုပ်သၞောဝ်ဂၠးတိဂှ်ဟွံတက်ကျာဟွံဆဝ်မ္ၚုဟ်ဏောၚ်တှ်ေ ဗီုလဵုလိက်ပတ်ဂကူဇကုဂွံတဴတက်ဂွံဂတာပ်အခေတ်အာလ္တူလပှ်ကျာဂှ်မာန်ရောအ္စာတအ်။

အရာလဵုတီမံၚ်ရလုပ်သၞောဝ်ဂၠးတိ ဂၠးတိတံဒုၚ်တဲသၞောဝ်ယူနဳခတ်ဏံတုဲ မံၚ်ထောံသ္ၚိတ်သ္ၚိတ်တီတုဲတုဲအာဂှ် ဆလအ်မှလိက်ပတ်မန်ပိုဲဂွံဂတာပ်အခေတ်တုပ်ကဵုဂကူညးတၞဟ်ဂှ်ရော။

အရာလဵုဇကုဟွံကၠိုဟ်တံဂှ်ဟွံမိက်ကဵုဖျုန်ဟာဂှ် ဟွံတီဟိုတ်ဖဵုကီုရ၊ ဂွံဆဵုမံၚ်တက်မံၚ်ကျာချဳဒရာၚ်မံၚ်သွာၚ်လိက်ပတ်လ္တူလပှ်ကျာဟဝ်အာဟဝ်ကၠုၚ်မံၚ်ဂှ်လေဝ်ဂၠိုၚ်ကဵုအလန်တုဲ ကောန်ဍေၚ်ဒးသုၚ်စောဲမလိက်ကော်(Unicode)ဏံဂှ်လေဝ် မွဲပါၚ်မှဟွံပံက်ပါၚ်မံၚ်သ္ၚိတ်ထောံလောဲလောဲရ၊ သွာၚ်ဝဳကဳပဳဒဳယာဂှ်လေဝ် ထေက်ကဵုဒးတက်ကျာချဳဒရာၚ်လိက်ပတ်မန်ပိုဲဂွံနွံဂၠိုၚ်ပရေၚ်ပရောနဲကဲနာနာမာန်ဂှ်လေဝ် ဒးတက်ကျာသဳကၠဳကီုညိ။

အခိၚ်တက်ကျာတှ်ေဗဂဵုလဟဵုလိက်ပတ်ညံၚ်သ္ဂောံဂတာပ်အခေတ်ဗီုတေံသာ်ဏံဟီုဗဒှ်အာနာနာသာ်တုဲ ယဝ်ရဟွံဗိုၚ်ဆဝ်မ္ၚုဟ်စကာသုၚ်စောဲကောန်ဍေၚ်ယူနဳခတ်(Unicode)ဏောၚ်တှ်ေ ကဝ်ဂတးတေံလေဝ်လိက်ပတ်မန်ပိုဲဟွံဂတာပ်အခေတ်ရ၊ ဂွံချူဂွံဗှ်လ္တူဝဳကဳပဳဒဳယာဂှ်ပၠန်လေဝ် ဒးသုၚ်စောဲယူနဳခတ်မှဗှ်ဂွံချူမာန်တုဲ ကောန်ဍေၚ်ယူနဳခတ်မွဲဟေၚ်ရဂၠးတိတံဒုၚ်တဲလုပ်သၞောဝ်မွဲပေၚ်ပေၚ်ရ။

စဵုကဵုတ္ၚဲဏံလေဝ် ဂွံဆဵုမံၚ်ဖိုဟ်မုက်လိက်နာနာတံဒှ်မံၚ်ဇြဝ်ဂျဳညးတံဟွံသၠာဲယူနဳခတ်အိုတ်ဏီရ၊ အခိၚ်ချူလိက်ဆဝ်မ္ၚုဟ်ပရေၚ်လိက်ပတ်ဂွံတဴတက်ဂှ်လေဝ် ၜိုတ်ဆကောန်ဍေၚ်လုပ်သၞောဝ်ဂၠးတိယူနဳခတ်ဂှ်လေဝ်ညးတံဟွံဂံၚ်ပြံၚ်သၠာဲသုၚ်စောဲပုဟ်တုဲ ဂါံယာကၠာအိုတ်ဂှ်ဗၠေတ်မံၚ်တုဲတုဲယျတှ်ေ ဗီုလဵုဂွံဟီုလိက်ပတ်မန်ပိုဲဂတာပ်အခေတ်လ္တူလပှ်ကျာဏံမာန်ရောဒေံတအ် ကောတအ် အ္စာတအ် ။