ဝၚ်ကျာ်မဟာစေတဳ-ကအ်သိုခ်

နူ ဝဳကဳပဳဒဳယာ

ဝၚ်ကျာ်မဟာစေတဳ[ပလေဝ်ဒါန် | ပလေဝ်ဒါန် တမ်ကၞက်]

ဗုဒ္ဓကေသာသရိရဓါတ်၊ဘာကအ်သိုခ်၊ ပွိုၚ်ဍုၚ်ကျာ်မြဟ်

ပ္ဍဲဗုဒ္ဓသာသနာ(၁၉၁၀)သၞာံ၊ကောဇာ(၇၂၈)သၞာံတေံ ကွာန်မန်ကုန်ကံသက်လက်ထက်တမၠာတေံ ကံသက်ကော်ခဴစတုဲ စိုပ်ကၠုၚ်လက်ထက်ဨကရာဇ်မန်ပိုၚ်ပြဳမတ္တမဍုၚ်ဝါန် ကေုာံ ဍုၚ်ဟံသာဝတဳဗ္ဂေါ တၠညးစိၚ်ဗ္တာၚ်သၟိၚ်ဗညာဥူအာက္ဍိုပ်သ္ပသ္ကိုပ်သ္ကတုဲ ကေုာံ အမာတ်သေနာပတိတၠပညာအ္စာဗမၞးညးဍုၚ်ကွာန်ဂမၠိုၚ်ထ္ၜုတ်ပ္တန်လဝ်ကျာ်မဟာစေတဳထာပနာလဝ်ဓါတ်သော်မွဲတၞုၚ်၊သရိရဓါတ်ထပှ်မ ပ္ဍဲဇရေၚ်ၜဳဂြာၚ်ဌာန်ဒတန်တိကံသက် မြဟ်တမ္ညဝ် အိုတ်ကဵုမၞိဟ်ဒေဝတဴအဆေဝ်သွဝ်ဂွံဗဵုလ္ၚောဝ် သ္ပပူဇဴမၞုံတဴကဵုဓဝ်သဒ္ဓါစေတနာ လျုၚ်စိုတ်မှောၚ်ဇဴရာဒနာ သွက်ဂွံဗၠးဒဒိုက်ဝဋ်သံသာအိုတ်ရ။ ဗွဲမလံလကာဖါဒးဒုၚ်ဒၟံၚ်ဗြဲစဲဒၟံၚ်တ္ၚဲဂၠိုၚ်ကဵုဥတုရာသဳတုဲဗုဒ္ဓသာသနာ(၂၄၉၂)သၞာံ ကောဇာ ၁၃၁၀သၞာံ၊ပွိုၚ်(၅၈၂)သၞာံဂှ် ပ္ဍဲဂိတုဒုတိယဒ္ဂိုန်(၈)မံက်၊တ္ၚဲအဒိုတ် ပျာံသဝ်တ္ၚဲဂှ် နူကဵုခၟောံဗိုတ်ကဣဗၠိတ်ကျာ်စေတဳကံသက်ဒေံါလာ်ကဝ်လီုပြဵုအာတုဲ- အိုတ်ကဵုဂကောံညးတၠသဒ္ဓါစေတနာဒါယကာ ကံသက်ကံဇြဲကံဇၞော်ဂမၠိုၚ် ထပ်ပၠေဝ်လဟဵုသ္ပပူဇဴပ္တိုန်တၟိတုဲ ပ္ဍဲသက္ကရာဇ်ဍုၚ်(၁၃၁၂)သၞာံ၊ဂိတုမာ်(၁၅)မံက်၊ တ္ၚဲဗုဒ္ဓဝါဂှ် ဗွဲမိပ်မြဟ်အိုဟ်တၟိုဟ်သီုမြဟ်တမ္ညဝ် ဂွံသ္ပသဘၚ်ပၠေဝ်လဟဵုပ္တိုန်က္ဍိုၚ်ကျာ်ထဝ်တၟိဂှ် ဒှ်ကုသိုလ်ပါရမဳမပြဲမွဲဝါပၠန်ရောၚ်။

ပ္ဍဲဗုဒ္ဓသာသနာ(၂၅၅၅)သၞာံ ကောဇာ(၁၃၇၃)သၞာံ၊ဂိတုမြေက္ကသဵု(၁၄)မံက်၊တ္ၚဲသိုက်စနူထာၚ်ဒကှ်စိုပ်ကၞောတ်ဂဒၚ်ဗြာတ်ကျာ် သ္ပပူဇဴဖျေံထဝ်က္ဍိုၚ်ကျာ်တၟိကီု သီုပၠေဝ်လဟဵုပ္တိုန်တၟိဇၞော်တိုန်(၈)ၝောံတဲပြၚ်ၚ်ဂေတ်ကၠောံတုဲ- အဃောပၠေဝ်လဟဵုဒၟံၚ်ကျာ်မဟာစေတဳဂှ် ပ္ဍဲဂိတုပုဟ်(၅)မံက်၊

တ္ၚဲဗြဴဗ္တိ(၁၃၇၃)သၞာံ၊ အခိၚ်နူဂယး၊(၈)နာဍဳ၊(၂၄)မိနေတ်ဂှ် ကျာ်စေတဳဍောတ်ပရောတ်ကျာ်စေတဳ ကလေၚ်ထ္ၜုတ်ပ္တန်တၟိ(၂၃)ဇကု၊ ဗွဲဒိုဟ်ဗၟံက်(၂)ဇကု၊ ဒိုဟ်အဂၞဲ(၃)ဇကု၊ဒိုဟ်သၠုၚ်ကျာ(၃)ဇကု၊ဒိုဟ်နေရတိ(၃)ဇကု၊ဒိုဟ်ပၠိုတ်(၃)ဇကု၊ဒိုဟ်ဗာယပ်(၃)ဇကု၊ဒိုဟ်သၟဝ်ကျာ(၃)ဇကု၊ဒိုဟ်ဨသာန်(၃)ဇကု ပံၚ်ဒှ်(၂၃)ဇကုရောၚ်။

မွဲအဆက်ဓဝ် တၠသဒ္ဓါစေတနာမံက်ဂတဝ်ကၠုၚ်ဒုၚ်သ္ပပူဇဴကျာ်ပဋိမာရုပ်(၄)ဇကု၊ဒိုဟ်သၟဝ်ကျာ(၂)ဇကု၊ဒိုဟ်အဂၞဲ(၁)ဇကု၊ဒိုဟ်သၠုၚ်ကျာ(၁)ဇကု မဒှ်ရောၚ်။ ဗုဒ္ဓသာသနာ(၂၅၅၅)သၞာံ ကောဇာ(၁၃၇၃)သၞာံ၊ဂိတုဖဝ်ရဂိုန်(၆)မံက်၊တ္ၚဲစန်၊နိမန်က္ညနၚ်ဓါတ်ကျာ်ဓါတ်တၠအရှန်ဂမၠိုၚ် နူကွာန်ကၟာဝက်ဘာဓါတ်ပံၚ်ကောံမၞိဟ်ဒေဝတဴအိန်ဗြီုဂမၠိုၚ် ဗွဲမဂၠိုၚ်ဒုၚ်တၠုၚ်က္ညနၚ်စိုပ်ကၠုၚ်ဘာကအ်သိုခ်တုဲ အိုတ်ကဵုဂကောံဒါယကာဂမၠိုၚ် နကဵုပုၚ်ပိဏ္ဍပါတ်ပၞာၚ်သ္ဍဴ ပ္ကဴသဴမြမောဝ်ဂွံသ္ပပူဇဴပွိုၚ်(၂၁)တ္ၚဲတုဲ- ဂိတုဖဝ်ေဂိုန်(၁၁)စွေက်၊တ္ၚဲအဒိုတ်၊အခိၚ်နူဂယး(၈)နာဍဳပြၚ်ၚ်ဂှ် ဂွံသ္ပပူဇဴထာပနာဓါတ်ဂမၠိုၚ်ပ္ဍဲကျာ်စေတဳဍောတ်(၂၃)ဇကုကီု သီုကျာ်ပဋိမာရုပ်ဂမၠိုၚ်အိုတ်ရ။ပ္ဍဲဂိတုဖဝ်ရဂိုန်(၁၁)စွေက် တ္ၚဲဝွံဒဒှ်ရ အခိုက်ကၞာမန်တြေံတြဟ် ကၠောန်ဗဒှ်လဝ်ကွာန်မန်(၁၂)သာ်ဂှ် ဒုၚ်တၠုၚ်ဗ္စဖျုၚ်ကၟုဲ ကၟုဲပၠုၚ်တၠသဒ္ဓါ၊တၠစေတနာ အလုံပန်ဒိုဟ်ဒ္စံါဒိုဟ်အိုတ်ရ။ ဓါတ်သော်ဂမၠိုၚ်ဂှ် ဓါတ်သာ်ဗၠဲ၊သာ်ဆီ၊ဓါတ်သာ်ထဝ်၊သာ်သြန်ဓါတ်တၠအရှန်ဂမၠိုၚ်ဂှ် ဓါတ်မဟာထေရ်မောဂ္ဂလာန်၊ မဟာထေရ်သာရိပိုတ်၊မဟာထေရ်ရာဟုလ၊မဟာထေရ်အနုရုဒ္ဓ၊မဟာထေရ်ကစ္စါယ်၊မဟာထေရ်ဗာကုလ၊မဟာထေရ်သိဝလိ၊မဟာထေရ်အကႅုလိမာလ၊မဟာထေရ်ဥပလိသီုကျာ်ပဋိမာရုပ်ကီု သီုလိက်တၞးထဝ်ဓဝ်ဓမ္မက္ခန်ကီု သ္ပပူဇဴသၠိုၚ်ဓါတ်ထာပနာတဴ စိုပ်ဒတုဲဗွဲမအံၚ်ဇၞးအိုတ်ရောၚ်။ ပ္ဍဲဗုဒ္ဓသာသနာ(၂၅၅၅)သၞာံ၊ဂိတုစဲ(၁၃)မံက်၊တ္ၚဲသိုက်၊အခိၚ်နူဂယးသဘၚ်ပူဇဴပ္တိုန်က္ဍိုၚ်ကျာ်(၂၃)ဇကုသီုစေတဳဍောတ်တြေံ(၈)ဇကု ဗွဲမမိပ်မြဟ်သၠောၚ်သ္ပဝ်ဓဝ်သဒ္ဓါစေတနာမံက်ဂတဝ်ဂွံဗဵုလ္ၚောဝ် သ္ပပူဇဴသွက်ဂွံတိတ်ဗၠးအာနူဝဋ်သံသာအိုတ်တုဲမွဲအဆက်ဓဝ် ဗြဲရတ်သြန်ထဝ် ဗ္ဂူဖျေံဒၟံၚ်ပြဳပြဳ အိုတ်ကဵုကောန်ဗုဒ္ဓဘာာဂကူကျဝၚ် မၞိဟ်ဒေဝတဴအိန်ဗြီုဂမၠိုၚ် ဒုၚ်ကေတ်သာဓုကာပြုပြုဂြီုဂြီုအိုတ်ရ။

ခဏ္ဍသီဓမ္မစေတဳ[ပလေဝ်ဒါန် | ပလေဝ်ဒါန် တမ်ကၞက်]

ကွာန်ကအ်သိုခ်၊ ဘာကအ်သိုခ်။ ပွိုၚ်ဍုၚ်ကျာ်မြဟ်၊တွဵုရးဍုၚ်မန်

ဗုဒ္ဓသာသနာ(၂၀၁၉)၊ကောဇာ(၈၃၈)သၞာံ၊ ဨကရာဇ်မန် ဒုၚ်စသိုၚ်နန် ဍုၚ်ဟံသာဝတဳ ကောန်ခမာန်ဨကရာဇ်ဗြဴ တၠညးဗညာထော မိစဴဗု တိပိဋကဓရ သၟိၚ်မန်ဓမ္မစေတဳဝွံ ရန်တၟံကဵု ဗုဒ္ဓဘာသာ ဂွံတန်တဴလံလကာဖါကီု သီုသာသနာဂွံဇၞော်မောဝ်တိုန်အာလၟိုန်ကာလတုဲ- ထ္ၜုတ်ပတန်လဝ် ခဏ္ဍသီဓမ္မစေတဳ ပ္ဍဲကွာန်ကအ်သိုခ် ဘာကအ်သိုခ်ဝွံရောၚ်။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

စၟတ်သမ္တီ - ကျာ်ဇၞော်အ္စာ ဘဒ္ဒန္တပညာပဝရဇိန။ ဘာကအ်သိုခ်