ဝၚ်ပရူရာမညနိကာယ ဘာဝါရိုတ်
ဝင်ရာမညနိကာယ ဘာကွာန်ဝါရိုတ်
[ပလေဝ်ဒါန် | ပလေဝ်ဒါန် တမ်ကၞက်]ရန်တၟံကဵုကောန်ဂကူဗုဒ္ဓဘာသာ ဗွဲကြဴအဓာန်ဂတ ဂွံဂိုင် စၟတ်သမ္တီဏာ လောဲသွာညိဂးတုဲ ဝင်ဟီုမ္ဂးဂှ် "ဝေနောတိ ပတ္ထရတဳတိ ဝံသော" ရံင်ကဵုဝစနတ္ထသာ်ဝွံမ္ဂး ပရူဒဒှ်မွဲမွဲ နကဵုလၟေင်တၞောဝ်ဒတောဝ်အဆက်ဆက် ညံင်ဂွံသှ်ေၜက်အာ စဵုကဵုသၞာံအခါမလအ်လဂှ် ညးကော်ခဴစဝင်ရ။
ပရူဒဒှ် ပရေင်သာသနာ ရာမညနိကာယ ဘာဝါရိုတ်ဝွံ ပ္ဍဲသက္ကရာဇ်ဍုင် ၁၃၆၃-သၞာံ ဥက္ကဋ္ဌခရိုင်သဓီု၊ဗော်ဍုင်မန်တၟိ နာဲမျမန် အာဂတပၠတရဴတုဲ မွဲဟာကေုာံဂကောံဒါယကာကွာန်ဝါရိုတ်ဂမၠိင် စေတနာကေဝ်ဇြုင် လျုင်ပတှ်ေ သာသနာကျာ်တြဲတုဲ ဂွံနင်ဓာတ်နူကွာန်ကၟာဝက် မဗ္တံဓာတ်ကျာ် ဓာတ်မှာထေရ်တၠအရှန်ဂမၠိင်တုဲ ဒက်ပ္တန်လဝ်ကျာ်စေတဳ (ကျာ်ဇဝက်မန်)မွဲဇကု သမၠုင် (၉)ဟတ်ပြင်ရောင်။
အခိုက်ကၞာဗုဒ္ဓဘာသာဟီုဂှ် ကျာ်နွံမ္ဂး ဇြပ်ဒးနွံထေက် ရန်ကဵုပိုဒ်သာ်ဝွံတုဲ နကဵုဇြဟတ်ဂကောံဒါယကာကွာန်ဝါရိုတ်ဂမၠိင် ချပ်ကသပ်ညဳသာဒှ်မွဲဂၞန်တုဲ ဒက်ပ္တန်အာဂကောံ သွက်သ္ဂောံသိုင်ခၞံအာဘာ(ပရိယတ္တိသဒ္ဓမ္မဝေဒဂူ) ဘာဝါရိုတ် ပ္ဍဲအခိင်အခါကာလဂှ်ရောင်။
ဥက္ကဋ္ဌဘာနာဲကွိင်(စုတိကလိလောန်) ကေုာံဒါယကာကွာန်ဝါရိုတ်ဂမၠိင် သ္ပသကိုပ်သကကဵုသင် ရာမညနိကာယဂကောံဂိုဏ်ပဝါရဏာ ကအ်ဗိန်ဘာဇၞော် ကျာ်ဇၞော်အ္စာမွဲတၠမွဲဟာန်ကေုာံ တၠဂုဏ်အ္စာဂမၠိင်တုဲ ပ္ဍဲသက္ကရာဇ်ဍုင် ၁၃၆၅-သၞာံ ပယျာံဂိတုဖဝ်ရဂိုန်အိုတ် ဖျေံလဝ်ပၞက်ထဝ်သြန် ဘာဝါရိုတ် ဇမၠိင်-၇၁ပေ အနာံ-၃၆ပေ သိုင်အာလုကဴပွိင်(၁)သၞာံပြင်ရောင်။ သိုင်ဟွံတုဲဏီ သင်ဂကောံဂိုဏ်ရာမညနိကာယ ပဝါရဏာကအ်ဗိန် မွဲဟာန်ကေုာံ ဂကောံဒါယကာကွာန်ဝါရိုတ်ဂမၠိင် ပ္ဍဲဗုဒ္ဓသာသနာ ၂၅၄၈-သၞာံ သက္ကရာဇ်ဍုင် ၁၃၆၆-သၞာံ ဂိတုဖဝ်ရဂိုန်ပေင် တ္ၚဲဗြဴဗ္တိ ဒိတ္ထဳ (March 24, 2005)ဂှ် ကညနိမန်နင် တၠဂုဏ်အ္စာဝရဓမ္မ ဇာတိကွာန်ဝါရိုတ် မဒှ်ကောန်နာဲဒေံ မိဃေန်တိန် အပ်ပြာပ်ပတိုန်လဝ် နဒဒှ်နွံပိုန် မစိုန်ဒှ်တဴဘာဝါရိုတ်တုဲ မင်မွဲအာသာသနိကဂမၠိင်ရောင်။
ဘာဆုတြေံဍောတ်ဂှ် ဟိုတ်နူကဵုဍောတ်လောန်အာတုဲ ခမဳသင်တအ်လေဝ်မံင်ဟွံရုံဂပ် ချပ်စိုပ်အာသာ်ဂှ်တုဲ ကျာ်ဇၞော်အ္စာဝရဓမ္မ မွဲဟာန်ကေုာံဒါယကာဂမၠိင် ကေတ်တာလျိုင်တုဲ ပ္ဍဲဗုဒ္ဓသာသနာ ၂၅၅၇-သၞာံ သက္ကရာဇ်ဍုင် ၁၃၇၅-သၞာံ ဂိတုပသာ်(၁၀) တ္ၚဲအဒိုတ် ဒိတ္ထဳ (May 19, 2013) အခိင်နူဂယး၉)နာဍဳကဵု(၉)မိနေတ် ပယျာံအခါသမယခိုဟ် နွံကဵုမ္ၚိုလ်မပြဲပြဲဂှ်ဟေင် ကလေင်ဖျေံလဝ်ပၞက်ထဝ်သြန်တၟိ ဘာတၟိ ဘာတြေံ ပံင်ဒှ်အာဇမၠိင် (၁၃၅)ပေ၊ ဟတ်မ္ဂး(၉၀)ဟတ် အနာံ(၇၈)ပေ၊ ဟတ်မ္ဂး(၅၈) နကဵုဇြဟတ်ဂကောံဒါယကာ ကောန်ညးတ္ၚဲထပှ် တ္ၚဲဒ္စာံ ပ္ဍဲကွာန်ဝါရိုတ်ကီု သီုကဵုဒါယကာကွာန်နာနာဂမၠိင် လုကဴပွိင်(၄)သၞာံ အိုတ်အာသြန်(၃)လ္ၚီကိုဋ်ပြင်တုဲမှ အာစိုပ်ဒတုဲရောင်။
ရန်တၟံကဵုသွက်သ္ဂောံဒှ်အာသက်သဳ လိုက်ကဵုသွဝ်ကုသိုလ်အသဝ်တၟေင် ဂးသာ်ဂှ်တုဲ ကၠောန်ဗဒှ်သဘင်မ္ၚိုလ်စရိုဟ်ဍာ်ဘာ ပ္ဍဲဗုဒ္ဓသာသနာ ၂၅၆၁-သၞာံ သက္ကရာဇ်ဍုင် ၁၃၇၉-သၞာံ ဂိတုစဲ(၃-၄-၅)စွေက် ဒိတ္ထဳ (April 3,4,5, 2018)ဂှ် ပူဇဴဓမ္မဒေသနာမန်တွံဓရ်(၃)ဗ္တံ (၇)စွေက် ဒိတ္ထဳ (April 7, 2018)ဂှ် သ္ပမ္ၚဵုခမဳသာမဏဳဂမၠိင်တုဲ (၈)စွေက် ဒိတ္ထဳ (April 8, 2018) အခိင်နူဂယး(၉:၀၀)နာဍဳဂှ် ပံက်အသေအဟာန် အခန်ကၞာ သဘင်မ္ၚိုလ်စရိုဟ်ဍာ်ဘာ အာစိုပ်ဒတုဲရောင်။
အိုတ်ကဵုဒါယကာ ညးတၠဒါန်ဘာဂမၠိင် သြဝ်ကဵုဂွံဒှ်တသိုက်စိုတ် တသိုက်ကာယၜါပြကာတုဲ ကဵုဂွံလဟိင်ဒၟံင် ပ္ဍဲဓရ်ညးသပ္ပုရိုဟ်အိုတ်ညိအဴ။
ဌာန်ဒၟံင်: ရာမညနိကာယ ဘာဝါရိုတ် ကွာန်ဝါရိုတ်(၁၇၀၆၃၅) ပွိၚ်တိုက်ကအ်ဗိန် ပွိၚ်ဍုၚ်ကအ်ကြိက် တွဵရးဍုၚ်ကရေၚ်။
ဌာန်ဒတန်
[ပလေဝ်ဒါန် | ပလေဝ်ဒါန် တမ်ကၞက်]လိပ်စာ: ရာမညနိကာယ ဝဲရိတ်ကျောၚ်း ဝဲရိတ်ကျေးရွာ(၁၇၀၆၃၅) ကော့ဘိန်းတိုက်နယ် ကရၚ်ပြည်နယ်။
Address: Rāmaññanikāya Warrot(Wea Raik) Buddhist Monastery, Warrot(Wea Raik) Village(170635), Kawtbein(Kawt Bein) Village Tract, Kawkareik Township, Kayin State, Myanmar.