ဝၚ်မအက္ခရ်မန် ပ္ဍဲစက် ကောန်ပျူ

အခိၚ်ကၠာတေံပိုဲတံစသုၚ်စောဲကၠုၚ်ပ္ဍဲဍုၚ်ဗၟာတေံသွက် ဂွံတက်တြးပ္တိတ် လိက်အုပ်နာနာ၊ ကၠောန်ဒဳဇြာၚ်နာနာ သုၚ်စောဲကၠုၚ်ပ္ဍဲကဵု တိုက်တက်တြးလိက်တံဂှ် သုၚ်စောဲကၠုၚ်လဝ် အက္ခဝ်(font) MON တံဂှ်ရ။ သၞာံလဵုစကၠောန်ပ္တိတ်ဂှ်ကေတ်ဟွံဒး။ ဒးတက်လိက်မ္ဂး တက်အာ အတိုၚ်ဗီုပြၚ်ကောန်ဍေၚ်ဗၟာ အက္ခဝ် Win တံအိုတ်ရ။ ညးဂှ်ခၞံပ္တိတ်ဂှ်ဟွံတီရ။ သုၚ်စောဲ ပ္ဍဲလိက် အောန်တာနိတ်ဟွံဂွံ အက္ခဝ်တံဟွံမံက် ဟိုတ်နူဒုၚ်သ္ဇိုၚ် Unicode code point စနူ U1000 တံဟွံသေၚ်။ Font A1Mon

စနူကဵု နာဲအံက်ပိုၚ် ဂွံအရီုအဗၚ်နူကောန်ဍုၚ်မ္ၚးမွဲတၠတုဲ စကၠောန်ဗဒှ်တိုန်သွက်ဂွံတက်လိက်မန်ပ္ဍဲ ကောန်ပျူတာမာန်။ သွက်ဒဳဇြာၚ်နာနာ၊ လိက်အုပ်နာနာ၊ တံဆိပ်ဗော်ဍုၚ်မန်တၟိနာနာ၊ တံဆိပ်ၜိုပ်နာနာတံပါလုပ်အိုတ်ရ။ ဗီုပြၚ်မက္ခဝ် ဂကူ font နူ A1Monစတုဲ အိုတ်ကဵု A9Mon နူ A1Mon စဵုကဵု AC1Mon တုဲလက္ကရဴ ဆက်ပ္တိတ်လဝ်လေဝ် နွံမံၚ်ဏီရ။ Dictionary နာဲထောန်ဝဵု၊ လိက်ပရိုၚ်သၞံၚ်တိုၚ်၊ လိက်တိတ်နူပယျဵုသေံဗွဲမဂၠိုၚ်တံဂှ် သုၚ်စောဲလဝ် မအက္ခဝ် ဂကောံ A1Mon တံအိုတ်ရ။သုၚ်စောဲ ပ္ဍဲလိက် အောန်တာနိတ်ဟွံဂွံ အက္ခဝ်တံဟွံမံက် ဟိုတ်နူဒုၚ်သ္ဇိုၚ် Unicode code point စနူ U1000 တံဟွံသေၚ်။

Font Zawgyi နူဂကောံ zawgyi တံစပ္တိတ်လဝ် သွက်ဂွံသုၚ်စောဲ online လ္တူမုက် အေန်တာနိတ်မာန်ဂှ် နူနာဲဆာန်မန် ကၠောန်စုတ်လဝ်မက္ခဝ်မန် ပ္ဍဲ font zawgyi ဂှ်ကၠောၚ်ကဵုလဝ်ယၟု Mon၊ ဌာန်ပရိုၚ်မန်ဂမၠိုၚ် ကောံကု မုက်လိက် အောန်တာနိတ်ဂမၠိုၚ်တံ သုၚ်စောဲ အက္ခဝ် font ဏံအိုတ်တုဲ တက်အတိုၚ်မက္ခဝ် ဂကောံ A1Mon တံရ။ အကြာဂှ် နာဲအဲမန် လေဝ်ဒုၚ်သ္ဇိုၚ်လ္တူအက္ခဝ် zawgyi တုဲ ကၠောန်ဓဇက်စုတ်လဝ်အက္ခဝ်မန်တံပ္ဍဲအက္ခဝ် Zawgyi တုဲ ကဵုလဝ်ယၟု UniMon ရ။ မုက်လိက် အောန်တာနိတ်ကောံကု blog တံသုၚ်စောဲအိုတ်ရ။ တက်လိက်ပါဠိပေၚ်ၚ်ဟွံဂွံ၊မလိက်မန်ဟွံဇုၚ်နွံကီုလေဝ်သွက် ရဲကေၚ်တက်လဝ် အက္ခဝ် MON တံဂှ် ပြေပြံၚ် တက်အတိုၚ် အက္ခဝ် MON, Zawgyi တံတုပ်ပ်ရ။အက္ခဝ်တံဂှ် မံက်ပ္ဍဲမုက်လိက် အောန်တာနိတ်ကီုလေဝ် ဒှ်ယူနဳကုတ်(Unicode) ဟွံသေၚ်။ ၜိုန်စနူ [က = u1000]ကီုလေဝ် ဟွံပက်လဝ်အတိုၚ်သၞေဝ်၊ဟွံထဇက်လဝ်အတိုၚ်သၞေဝ်၊ rendering ဟၟဲ အတိုၚ်စေဝ်ပၞောန် ယူနဳကုတ်တံရ။

အက္ခဝ်ယူနဳကုတ် Unicode Font ယူနဳကုတ်ဂှ် အတိုၚ်သၞေဝ်မက္ခဝ်မွဲမ ဒးဓဇက်၊ ဓပိုတ်၊ စုတ် Rendering သွက် Window,Linux,Mac ဟွံက ဂွံသုၚ်စောဲပ္ဍဲ software Program နူဂုမ္ပဏီ Adobe ပ္တိတ်လဝ်တံ ဗီုပ္ဍဲ Photoshop, Illustrator, Premiere နာနာတံဂွံကၠောန်ဂမၠောန်ဂှ် ဒးစုတ်ကဵု adobe font rendering ရ။ Font Unicode ၊ဇေတ်ဇေတ် သုၚ်စောဲမံၚ်လၟုဟ်တံ မွဲလေဝ်ဟွံဂွံစုတ်လဝ် adobe font rendering system တုဲသုၚ်စောဲဟွံဂွံဏီဖိုဟ်အိုတ်ရ။

ယူနဳကုတ်ပြဟ်ဟ်ဏံ Masterpieces uni san, Myanmar3, Yunghkio, Padauk တံညးဂမၠိုၚ်သုၚ်စောဲဂၠိုၚ်အိုတ်ရ။ က္ခဝ်လဵုဒှ်ဒှ် တက်လဝ် အက္ခဝ်မွဲ အဗဵုကဵုအက္ခဝ် ယူနဳကုတ်တၞဟ်တံ ပံက်ဗဵုညာတ်ဖအိုတ်ရ။ Ayar Font ဂှ်ဟွံဒှ်ယူနဳကုတ် ဟိုတ်နူဟွံဗက်လဝ်အတိုၚ်သၞေဝ် ဒၞဲါလၟေၚ် code point တံရ။

Masterpieces uni san (ပ္ဍဲ Mac) အက္ခဝ် Masterpieces uni san ကၠောန်လဝ်သွက်ကပေါတ်နူ ဂုမ္ပဏီ apple တံပတိတ်လဝ် ကောန်ပျူတာ Mac, ဖုၚ်(iphone), ကလၚ်ဒွက်(ipod), ဗှ်လိက် E-reader(ipad)တံရ။ သွက်ဍေံဂှ်ဒးစုတ်ကဵု AAT (apple advance type ) rendering မှ အက္ခဝ် ယူနဳကုတ်တံကၠောန်ဂမၠောန်အိုတ်ရ။ ဆဂး အက္ခဝ်(Glyph) ကောန်ဍုၚ်အရၚ်ဂကူဇၞော် မန်၊သေံ၊ကရေၚ်တံဟွံဂွံစုတ်လဝ်တုဲ တက်ဆလိက်ဗၟာသၟးရဂွံ။

Myanmar 3 (Multi OS) အက္ခဝ် Myanmar 3 ဂှ်သွက် ကောန်ပျူတာနာနာ (Multi OS) Mac,Window,Linux တံဂွံကီုလေဝ် ဆဂး အက္ခဝ်(Glyph) ကောန်ဍုၚ်အရၚ်ဂကူဇၞော် မန်၊သေံ၊ကရေၚ်တံဟွံဂွံစုတ်လဝ်တုဲ တက်ဆလိက်ဗၟာသၟးရဂွံ။ပ္ဍဲအကြာအက္ခဝ် ယူနဳကုတ်ဟလိုၚ်မ္ဂး ဗီုပြၚ် အက္ခဝ်ဒးရး ဟီုစဂွံရ။

Yunghkio (Multi OS) အက္ခဝ် Yunghkio ဂှ်ရန်လဝ်သွက်ဂွံကၠောန် Multi OS ရ။ကၠာအိုတ်ဂှ် တက်ဆၜိုတ် လိက်သေံကဵုဗၟာ ပ္ဍဲwindow မွဲဟေၚ်ဂွံကၠာရန်လဝ်လေဝ်၊ ဟိုတ်နူ ပ္ဍဲ Font ညး Glyph အက္ခဝ်ကောန်ဍုၚ်အရၚ်မန်၊ ကရေၚ်၊ တံလေဝ်ပါမံၚ်တုဲ လၟုဟ်ပြဟ်ဟ်မ္ဂး စိုပ်ကၠုၚ်က္ဆံၚ် တက်လိက် မန်၊ဗၟာ၊သေံ၊ကရေၚ်ပ္ဍဲ OS Mac၊ Window ဂွံ ပ္ဍဲ Linux ပြသၞာနွံမံၚ်ညိရ။ ခြာဟွံလံသုၚ်စောဲ ခိုဟ်ဟ်မာန်အိုတ်ရ။ ပၞောဝ်အကြာအက္ခဝ် ယူနဳကုတ်ဟလိုၚ်မ္ဂး ဗီုပြၚ် အက္ခဝ်ဒးရးကျေဝ်အိုတ်ဟီုစဂွံရ။ဂကူသေံ ချူဓဇက်လဝ်ကေတ်တ်ရ။

Padauk (Window,Linux) အက္ခဝ် Padauk ဂှ် ကောန်ဍုၚ်မ္ၚးမွဲတၠ ကၠောန်လဝ်ကဵုတုဲ တက်လိက် ကောန်ဍုၚ်အရၚ်၊ဗၟာဍိုက်က်ပေၚ်ၚ်ဂွံအိုတ်ရ။ ဟိုတ်နူအက္ခဝ် ဟွံကျေဝ်အှ်ေကဵု သုၚ်စောဲ ပ္ဍဲ Window,Linux သၟးဂွံတုဲ မၞိဟ်သုၚ်စောဲအောန်ညိရ။ ဗီုပြၚ်နွံမံၚ် Padauk regular ကဵု Padauk Book ရ။ Padauk Book ဂှ်အက္ခဝ်တီုဒၟံၚ် သွက်ဗှ်စလိက်တံမ္ဂး ခိုဟ်သြန်ရ။

ယူနဳကုတ် Unicode သ္ပစၞးကဵု သၚ်္ကေတ၊ မအက္ခဝ်၊ လိက် အလုံဂၠးကဝ်မွဲတုဲ နကဵုစက်ကောန်ပျူတာတံကၠိုဟ်တီ သ္ဇိုၚ်ရိုဟ်ကၞက်မာန် အတိုၚ် လၟေၚ်ဂၞန်ယူနဳကုတ် (Unicode)၊ပ္ဍဲမတၞဟ်ခြာဂကူစက်ကောန်ပျူတာလဵုဒှ်ဒှ် သ္ပစၟတ်သမ္တီ နကဵု လၟေၚ်ၚုဟ်မးတုပ်သၟဟ်။

ပ္ဍဲအတိုၚ်လၟေၚ်ယူနဳကုတ် မအက္ခဝ်မန်၊ဗၟာတံ

u1000 မ္ဂး စက်လဵုဒှ်ဒှ်ကၠိုဟ်ကေတ် အက္ခဝ်မန်၊ဗၟာ (က)။ u1039/u1000 မ္ဂး စက်လဵုဒှ်ဒှ်ကၠိုဟ်ကေတ် အက္ခဝ်မန်၊ဗၟာ (္က)။ u105A မ္ဂး အက္ခဝ်မန် (ၚ)။ u1039/u105A မ္ဂး အက္ခဝ်မန် ကွက်ၚ (္ၚ)။ u1039 မ္ဂး (္) သွက်ဂွံပံၚ်စုတ် မလိက်ထပ်ပ်၊ ဗီုပြၚ် မအက္ခဝ် ္က၊ ၚ်္၊ ဍ+ဎ= ဍ္ဎ။ u105B မ္ဂး အက္ခဝ်မန် (ၛ)။ u105C မ္ဂး အက္ခဝ်မန် (ၜ)။ u105D မ္ဂး အက္ခဝ်မန် (ၝ)။ u105E မ္ဂး အက္ခဝ်မန် (ၞ)။ u105F မ္ဂး အက္ခဝ်မန် (ၟ)။ u1060 မ္ဂး အက္ခဝ်မန် (ၠ)။

နကဵု codoe အက္ခဝ်ဗီုနာနာဏံ၊ ပံၚ်ကဵုနာနာတေံမ္ဂး ကဵုဒှ်ဗီုလဵုဂွံ၊ဟွံဂွံ၊ ချူကဵုပၟိၚ်အဇဳဇန်နဲနာနာမာန်အိုတ်ရ။ အခိၚ်ဂှ်မ္ဂး ဒးကေတ်ညးစောန်သ္ကီုပရေၚ်လိက်ပတ်တံအိုတ်ရ။ ဟိုတ်ဒှ်သာ်ဂှ်ရ ပုဒ်ဇၞော်၊ပုဒ်ဍေတ်တံဂှ် ဒှ်ဒၞဲါဝါကျအိုတ်၊ ဒှ်ဒၞဲါထပိုတ်ဝါကျ တံနကဵုစက်တီကၠိုဟ်ကေတ်မာန်တုဲ တက်ဏာလိက်မွဲဒါန် ကဵုမွဲဒါန် ဍေံပေၚ်မံၚ်ပၞောန် ဟွံဒးတက်ပတိုန် လေံခြာ(space bar)၊ လေံပလီု(delete) သွက်မလိက် ဒါန်သၟဝ်ဂွံစှ်ေတန်တံ။(ပ္ဍဲ အက္ခဝ်ယူနဳကုတ် Unicode လိက်ဗၟာလေဝ်အဃောကၠောန်မံၚ်ဖိုဟ်)။ဍေံပြေၚ်ရေၚ်အတိုၚ်လၟေၚ်အက္ခဝ်နူ က-စိုပ်-ၜ ပ္ဍဲ စက် Mac OS Lion, Linux ဂွံယျ။ ပ္ဍဲ command line (terminal,cmd) အက္ခဝ်ဟွံမံက်ပေၚ်ၚ်အိုတ်ဏီဖိုဟ်။ က္ဆံၚ်နာနာၜက်ကၠုၚ်တုဲ ကဆံၚ်အဘိဓါန် dictioanry, ကၠာဲဘာသာ (translate နာနာ)။တုဲပၠန်နကဵု အရေဝ်၊လိက်ဘာသာဇကု os ဇကုရော ဒှ်ဟွံမာန်ဟာ။ ပ္ဍဲစၟတ်တ္ၚဲ ၁၁၊၁၁၊၁၁ ဏံမ္ဂး ဗၟာတံပတိတ် Linux OS မွဲဏောၚ်။ ဒးအာအတိုၚ်လၟေၚ် ညးဂမၠိုၚ် ဒုၚ်တဲ၊သ္ပစၟတ်သမ္တီရ။

ပြဟ်ဟ်ဏံ ယဝ်မိက်ဂွံစမ်တက်လိက်မန် နကဵုယူနဳကုတ်မ္ဂး သုၚ်စောဲ အက္ခဝ် Padauk (window,Linux) ကဵု Yunghkio (Mac,window) ဂွံရ။ ကောန်ဍေၚ်မန် (Mon Unicode keyboard) ဂှ် ဒုၚ်လဝ်သ္ဇိုၚ် အတိုၚ်ကောန်ဍေၚ် A1Mon(Mon)တံတုဲ ပလေဝ်လဝ်နွံညိရ ဟိုတ်နူကဆံၚ် ပိ၊ပန် ဟၟုဲကီုလေဝ်တက်လိက်မန် ကဵု ပါဠိမန်တံပေၚ်ၚ်မာန်အိုတ်ရ။ကောန်ဍေၚ်မန်ဏံဝွံ ဟိုတ်နူသ္ပ စၞးကောန်ဍေၚ်မန်မွဲဟေၚ် ကောန်ဍေၚ်ပံၚ်ကောံဟွံသေၚ်တုဲ တက်လိက်ဗၟာဟွံဂွံပုဟ် တက်လိက်မန်မွဲရ။ ယဝ်ပၟိက်နွံမိက်ဂွံတက်ဗီု အတိုၚ် UniMon နွံမ္ဂး ဗီုလဵုကေတ် ဓဇက်လဝ်နကဵုဗီုတုဲ သဳကၠဳချူစွံကဵုဂလာန်သၟဝ်ဂှ် အတိုၚ်မိက်ဂွံကေတ် မာန်ရ။

ဗီုလဵုဒးစတက် စတက် ယူနဳကုတ် မ္ဂး တက်အတိုၚ်ဗီုချူလိက်ရ။ ေ က ာ န ် = ကောန် က ေ ာ န ်် = ကောန် က ြ ု ၚ ် = ကြုၚ် က ျ ာ ် = ကျာ် အ န ္ တ ရ ာ ဲ = အန္တရာဲ ပ ဉ ္္Font A1Mon