သတ်ထဝ်ဖအူ၊ ကွာင်
| မစသုင်အဓိက | ကွာင် |
|---|---|
| မကၠုင်နူ | ကွာန်ကအ်ဍောတ် (ပွိုင်ဍုင်ရေဝ်) |
| ဂမ္တဴ | ဂီုဂီု၊ လမုဟ် |
| ကပေါတ် | ဝိုဟ်ပလေင်၊ သတ်ဗြဴ၊ ကဝ်/သဂြာ၊ ၜဵု |
 Cookbook: ကွာင်ထဝ်ဖအူ  Media: ကွာင်ထဝ်ဖအူ | |
ကွာင်သတ်ထဝ်ဖူ ကွာင်သတ်ထဝ်ဖအူ (ကော်စ ကွာင်ကအ်ဍောတ်) (ဗၟာ:ဆပ်တာဖူးမုန့်) (အင်္ဂလိက်:Roasted Pan Cake[၁]) ဂှ် ဒှ်ကွာင်အခိုက်မန် ဗွဲတၟေင် ကွာင်နူကွာန်ကအ်ဍောတ်၊ ပွိုင်ဍုင်ရေဝ်။ ကွာင်ဝွံ မကၠောန်ကဵု ဝိုဟ်ပလေင်၊ ကဝ်၊ သတ်ဗြဴတုဲ အခိုက်ဗီုမကၠောန်ဂှ် တုပ်ဒၟံင် ကုကွာင်ကဝေက်ရ။[၂]
နိရုတ်[ပလေဝ်ဒါန် | ပလေဝ်ဒါန် တမ်ကၞက်]
ယၟု ကွာင်ဝွံ နူတမ် ကၠုင်နူ ကွာင်သတ်ထဝ်ဖအူ၊ နူဂှ် ပြံင်လှာဲတုဲ ဒှ်အာ ကွာင်သတ်ထဝ်ဖူ။ ယၟုဗီုမန် သတ်ထဝ်ဖူ ဂှ် ဟီုနကဵု ရမ္သာင်ဗၟာ ဆပ်တာဖူး။ ဟိုတ်နူ ကွာင်ဝွံ ရဲကွာန်ကအ်ဍောတ်တအ် မကၠောန်ဒၟံင်တုဲ ကွာင်ကအ်ဍောတ် ဗီုဏအ်လေဝ် ကော်စဒၟံင်ကီုရ။[၂]
မတ်[ပလေဝ်ဒါန် | ပလေဝ်ဒါန် တမ်ကၞက်]
ဂြန်ကွာင်ဏအ်ဂှ် နွံ (၄) မတ်၊ လဆောဝ်မ္ဂး စုတ်သီု ဗက မ္ဂး ဒှ်အာ (၅) မတ်။[၂][၁]
- ဝိုဟ်ပလေင် (ညးလ္ၚဵု ဝိုဟ်သ္ၚု ကဵု ဝိုဟ်ပလေင်နှဴ (၁၀၀ ဂရာမ်၊ ဝိုဟ်သ္ၚု၉၀ဂရာမ် + ဝိုဟ်ပလေင် ၁၀ဂရာမ်) ၁၀၀ ဂရာမ်[၁]
- သတ်ဗြဴကဝါတ် ၁၀၀ ဂရာမ်
- ကဝ်/သဂြာ ၅၀ ဂရာမ်
- ဍာ် ၅ ဂရာမ် (သွက်ဂွံပၠာဲ ဝိုဟ်) (လ္ၚဵု ဟွံစုတ်)
- ၜဵု (ညိည)
- (ဗက)
ဂြန်[ပလေဝ်ဒါန် | ပလေဝ်ဒါန် တမ်ကၞက်]
ဂြန် နဲမကၠောန်ကွာင်ဏအ်ဂှ်[၂]
- သၠ - ပလေင်ဂှ် တုင်ဍာ်တုဲ ထၞက် ညံင်ဂွံဒှ်ဝိုဟ် (ညံင်ဂွံဍိုတ်) ယဝ်ရ ဍိုတ်ဟွံခိုဟ်မ္ဂး ကာလခၟူမ္ဂး ထောင်ပြိုဟ်လေပ်။
- ယိုဟ် - သတ်ဗြဴမကွာတ်လဝ်ဂှ် ဖုဲကဵု ကဝ် (ဟွံသေင်မ္ဂး) သဂြာ ၜဵုညိညတုဲ ကၞာန် စဵုကဵု သတ်ဗြဴကဝါတ်ဂှ် ကှ်။ ယဝ်ရ သတ်ဗြဴကှ်ခိုဟ်မ္ဂး ကွာင်ဂှ် စွံဂွံ စဵုကဵု ၁၀ တ္ၚဲ။
- ဂမ္တဴ (ပၟတ်) - လတူထၟာဲထး မကဵုလဝ်ဓါတ်ဂမ္တဴဂှ် ကြုဲစုတ် ဝိုဟ်ပလေင်ကြဳကြဳ ပေင်ပေင် တၟာဇကုမကေတ်ဂှ်၊ တုဲမ္ဂး စုတ်ယိုဟ် လဒေါဝ် နကဵုဗီုပြင် ဂၠိင်ဂၠိင်။ ဝိုဟ်ဂှ်ခၟူဂွံမ္ဂး ခၟူပူဝိုဟ်ဂှ်တုဲမ္ဂး က္လိဂွံ ကွာင်သတ်ထဝ်ဖူ ထၜောမ် မွဲခမူရ။
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ၁.၀ ၁.၁ ၁.၂ Nay Chyi (August 9, 2016). " ဆပ်သားဖူးမုန့် (in Burmese). Nay Chyi's Homemade Cakes. Online.
- ↑ ၂.၀ ၂.၁ ၂.၂ ၂.၃ Story Mon (March 24, 2023). " ဆပ်တာဖူးမုန့် (သို့) ကော့ဒွတ်မုန့် (in Burmese). Online. “ဆပ်တာဖူးမုန့် (သို့) ကော့ဒွတ်မုန့် တိမ်မြုပ်ပျောက်ကွယ်လုနီး ရိုးရာ snap food တစ်မျိုး။ ရှားပါးသွားပြီဖြစ်သော ဆပ်တာဖူးမုန့်ကို မွန်ပြည်နယ် ရေးမြို့နယ် ကော့ဒွတ်ရွာတွင်သာ တွေ့ရှိရပါသည်။ (အခြားနေရာများရှိပါက commentတွင် ညွှန်ပြပေးပါရန်) ထို့ကြောင့် အချို့လူများက ကော့ဒွတ်မုန့် ဟူ၍လည်း ခေါ်ဝေါ်ကြသည်။ မွန်ဘာသာစကား "ကွာင်သတ်ထဝ်ဖအူ" ကနေ "သတ်ထဝ်ဖူ" ထိုမှတဖန် "ဆပ်တာဖူး" ဟူ၍ ပြောင်းလည်းခေါ်ဝေါ်လာကြသည်။ အသံထွက် အမှန်မှာ "သတ်ထဝ်ဖအူ"(ဆော့ထောဖဦး) ဖြစ်သည်။”