သမိင်ခဴ (သၟာလက်ပၠုဲ)
| သမိင်ခဴ (ကော်) နဳဂရဝ် | |
|---|---|
| သၠးဂၠံဂဝ် |
ဇာန်နဝါရဳ ၁၊ ၁၉၉၂ ကွာန်ပင၊ ပွိုင်ဍုင်ဇြပ်ဗု |
| ဂကူ | မန် |
| မဒယှ်တဴ | သၟာလက်ပၠုဲ |
| သမၠုင် | ၁၆၈ သေန်ဒဳမဳတာ |
| လျိုင် | ၁၄၆.၂ ကဳလဝ် (ကာလ အာယုက် ၃၂) |
| ဂယိုင်လမျီု | ကမၠောန်မသြိုင်ခၞံ/လက်ပၠုဲ |
သမိင်ခဴ (Samingkhao, สมิงขาว [၁]) ဂှ် ဒှ် ကောန်မန် ဇာတိကွာန်ပင၊ ပွိုင်ဍုင်ဇြပ်ဗု။ ယၟုတမ် ဗတ်မန် မာံမန်ဇေတ်[၂]၊ မသကောဒေအ်တအ်ဂှ် ကော်စ အဗာဲ၊ ဟိုတ်နူ ဖျုန်လမ္စံက်ဒၟံင်တုဲ ရဲကွာန်တအ် ကော်စဒၟံင် နဳဂရဝ်။ ပညာလက်ပၠုဲဂှ် ဗွဲကိုပ်ကၠာ ကေင်ဗ္တောန်လဝ် ပ္ဍဲ ကွာန်တၟအ်ဗြဴ၊ သၞာံ ၂၀၁၃ ဂှ် ဟိုတ်နူ ပရေင်ဍုင်ကွာန် ဟွံၜိုဟ်သြိုဟ်၊ ဒှ်ဒၟံင် ပၞာန်တုဲ ပြံင်လုပ် ရးမရာဇ်သေံ၊ ကၠောန်စ ကမၠောန်ပရန်။ လုပ်စိုပ် ရးမရာဇ်သေံတုဲ လုပ် ဂကောံလက်ပၠုဲလောက်သုန် (Look Suan Muay Thai Camp ค่ายมวยลูกสวน)၊ နူ ဂကောံဂှ် ဂွံ ယၟုလက်ပၠုပ် ဗတ်သေံ သမိင်ခဴ မဂွံအဓိပ္ပါယ် ကၠသရာဲဗတာင်။ နူ ဂကောံဂှ် ဂွံလုပ်တက် ပ္ဍဲ စင်လက်ပၠုဲ ကဆံင်လတူ ဍုင်သေံရ။ ပ္ဍဲအခိင်မတိုန်စင်ဂှ် ကြာဲလဝ် အလာံၜိုပ်ပဝ် ပ္ဍဲစး၊ တုဲပၠန် ကာလမအံင်ဇၞးမ္ဂး ကျိုင် ကယျိုင် သၟာကမၠောန်မသြိုင်ခၞံတုဲ ဒှ် အရာတၟေင်မွဲတုဲ ယၟုပြာကတ်ကၠုင်ရ။ စဵုကဵု အဝ်ဂေတ် ၁၀၊ ၂၀၂၄ ဂှ် တက်ဂွံ သီုဖအိုတ် ၁၂ ပေါဲ၊ ဂွံ ဇမၞး ၉ ပေါဲ၊ ဒး ကမျ ၃ ပေါဲ။[၃][၄] သၞာံ ၂၀၂၄ သမိင်ခဴ ဂွံအာယုက် ၃၂၊ မနွံ သမၠုင် ၁၆၈ သေန်ဒဳမဳတာ၊ လျိုင် ၁၄၆.၂ ကဳလဝ်၊ လစိုပ် (reach) ၁၇၀။[၅][၆][၇][၈]
ပေါဲမတက် ပ္ဍဲ Rajadamnern World Series (RWS Muay Thai) တ္ၚဲသ္ၚိသဝ် အဝ်ဂေတ် ၁၀၊ ၂၀၂၄ ဂှ် သမိင်ခဴ တက် ကုသၟာလက်ပၠုဲသေံ ပြဗ်ပြာမ် (Prabpram) ပ္ဍဲဗလးပထမ အခိင် ၜါမိနေတ်၂၈ စက္ကဂှ် ဂွံဇၞးကေတ် နကုမဒေါမ်ရ။[၉][၁၀] သွက်ဂွံတက် ပ္ဍဲပေါဲဏအ်ဂှ် အခိင်ပတိုန်အလာံဂှ် နကဵု သမိင်ခဴ မိက်ဂွံကဵု ပ္တိုန်အလာံမန်ဇကု၊ ဆဂး အလာံမန်ဂှ် ဟိုတ်ဟွံဒှ် အလာံဍုင်တုဲ ပ္တိုန်ဟွံဂွံ၊ ဂးနင်တုဲ၊ သမိင်ခဴ ဟီု သာ်ဂှ်မ္ဂး အလာံဍုင်ဗၟာလေဝ် လ္ပပတိုန်တုဲ ပ္ဍဲ ပေါဲဂှ် ပ္တိုန်အလာံဍုင်သေံ မပစၞး ကုညးမပြိုင်ပကာန်ညးတေအ် မွဲဓဝ်ဟေင်ရ။[၄]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ สมิงขาว ลูกสวน. Open (August 10, 2024).
- ↑ "" မန်ဇေတ် (သၟီခဴ) တက်ဇၞးအာ ဗၠာဲသၟိင်သေံ"၊ Men3 News၊ 11 August 2024။
- ↑ Jit, Mon (11 August 2024). " "ထိုင်းမဟာ ပန်းရံ လုပ်ပေမယ့် လက်သီးပြင်းတဲ့ နီဂရိုး". Myanmaar Celebrity+ (Interview). Interviewed by Myanmar Celebrity. Burma: Open.
- ↑ ၄.၀ ၄.၁ မွေထိုင်းပွဲစဥ် RWS 24 တွင် မွန်လူမျိုးနီဂရိုးက ထိုင်းဖိုက်တာကို အနိုင်ရရှိ. Open (August 11, 2024). “ဩဂုတ်(၁၀)ရက်၊ ညနေပိုင်းက ပြိုင်ပွဲစတင်သည့်အချိန်၌ ပြိုင်ပွဲဝင်လက်ဝှေ့သမားနှစ်ဦး၏ နိုင်ငံကိုယ်စားပြုအလံတင်ရာတွင် နီဂရိုးက မွန်အလံတင်ရန် အဆိုပြုခဲ့သော်လည်း မြန်မာနိုင်ငံအလံကိုသာ တင်ခွင့်ပြုမည်ဟု ပွဲစီစဥ်သူက ပြောကြားခဲ့ကြောင်း နီဂရိုးက ပြောသည်။ “အလံတင်ဖို့က မွန်အလံတင်ဖို့ ကျနော်ပြောတယ်၊ အာဆီယံအသင်းဝင်အလံမဟုတ်တော့ တင်လို့မရဘူးတဲ့၊ ဗမာအလံတင်ဖို့ပြောလာတယ်၊ ဗမာအလံကို ကျနော်မတင်ချင်ဘူးလို့ ကျနော်ပြောလိုက်တယ်၊ ဒါကြောင့် ထိုင်းအလံတစ်ခုဘဲ တင်ဖြစ်ခဲ့တယ်””
- ↑ " Full Fight, Prabpram Sor. Suwanaran vs Samingkhao Looksuan Lui Muay Thai, RWS. Open (August 10, 2024).
- ↑ ศึกจิตรเมืองนนท์. Open (August 10, 2024).
- ↑ Full Fight, Prabpram Sor. Suwanaran vs Samingkhao Looksuan Lui Muay Thai, RWS. Open (August 10, 2024).
- ↑ ศึกจิตรเมืองนนท์. Open (August 10, 2024).
- ↑ Rajadamnern World Series, Aug. 10 Results: Alfie Pearse outpoints Sangmanee. Open (August 10, 2024). “Samingkhao Looksuan Lui Muay Thai def. Prabpram Sor. Suwanaran by KO. Round 1, 2:28”
- ↑ RWS Muay Thai Highlight. Open (August 10, 2024). “Prabpram Sor. Suwanaran vs. Samingkhao Looksuan Lui Muay Thai”