သဝ်ဇဳဝက

တမ်သ္ၚာပၠ သဝ်ဇဳဝက

သဝ်ဇဳဝကဂှ် ဒှ်အာစာဂဥုဲ အာစာသဝ်သၟးဟွံက ဒှ်ညးဂွံကဵုဒါန်သ္ၚာ ကိုပ်ကၠာအိုတ်ရ။ ယၟုသဝ်ဇဳဝက မွဲဗီုပၠန်ဂှ် ကောမာဘစ္စ မဒှ်ရ။

သဝ်ဇဳဝကဂှ် ဒှ်ကောန်စဴ သၟိၚ်ဗိမ္ဗိသာရ၊ ဒှ်ကောန်အဘယကုမာရ ကဵု သာလဝတဳတအ်ရ။ သာလဝတဳဂှ် ဒှ်ဗြဴစရာဲဍုၚ်ရ။ ဂကူဇာတ်ဟွံပြဲကီုလေဝ် ကမၠောန်ပြဲမ္ဂး ပြာကတ်မာန်ရ။ ကာလသၠးဂဝ် ဇဳဝက ဟိုတ်နူဒှ်ကောန်တြုံစိ ညးမဒှ်မိဗြဴစရာဲဍုၚ် သာလဝတဳ ဟွံမွဲပၟိက်တုဲ အာဗိုတ်ကၠဟ်ထောံရ။ ညးမကပှ်ဝဳဗ္စဂှ် ဂျိုၚ်လမျီုဏဳဟာ သၟာန်တုဲ ဂျိုၚ်လမျီုဏီရ ကဵုတဴသွဟ် သာ်ဝွံရ။ ဇဳဝက- ညးဂျိုၚ်လမျီု ရဴသာ်ဝွံ ကလိဂွံယၟုရ။

သဝ်ဇဳဝကဂှ် ဒယှ်တှ်တဴဗွဲမလောန်၊မူဟိုတ်ရောဟီုမ္ဂး ပ္ဍဲအရာမဝဳယဲ ပဲါကၠေံနူယဲကတဵုဒှ် ဟိုတ်နူကမ်တုဲ ယဲမကဵုဒှ် ဟိုတ်နူစိုတ်ကီု ယဲမကတဵုဒှ် ဟိုတ်နူဥတုကီု ယဲမကတဵုဒှ် ဟိုတ်နူအာဟာရကီု အယာံမာတ် မကဵုဂဥုဲမွဲအလန် ဟိုတ်နူယဲ မဗၠးမာန်ရောၚ်။ ဒးကာလမွဲတ္ၚဲ သၟိၚ်စန္ဒပဇ္ဇောတ ဂွံအလဵုအသဳပိုၚ်ပြဳ ဍုၚ်စမ္ပာနာဂိုရ် ကတဵုဒှ်ယဲ စဟွံစှ်ေ တိက်ဟွံလှိုၚ် ဖျိုဟ်ဂတးအာဂှ် က္ဍုဟ်ကၠေၚ်သွဟ် ဗွဲမလောန်၊ ဆ္ဂး တၞဟ်နသ္ဂောံဝဳယဲညး ကၠေၚ်သွဟ်ဟွံပါတှ်ေ ဟွံတုဲ။ ကာလဂှ် သဝ်ဇဳဝက ပ္ဍဲဂဥုဲညံၚ်သၟူကၠေၚ်သွဟ် ဂွံကၠေံ ဒးပ္ကောံဂဥုဲရ။