သဳလာစာရ (ဓမ္မကထိုက်)

နူ ဝဳကဳပဳဒဳယာ
အစာဓမ္မကထိုက်
တၠဂုဏ်သဳလာစာရ
သၠးဂၠံဂဝ် မာံဆန်းဝင်း
(1978-12-10) ဒဳဇြေမ်ဗါ ၁၀၊ ၁၉၇၈ (အာယုက် ၄၅)
ဍုင်ရေဝ်
ဂကူ  Monမန်
ကောန်ဍုင်  Myanmarကောန်ဍုင်ဗၟာ
ကဆံင်ပညာ သာသနဓဇဓမ္မာစရိယ
ဘာ တိုက်လိက်ကျာ်ဇၞော်၊ မာန္တလေ
မဒယှ်တဴ ဓမ္မကထိုက်
အံက်
  • နာဲအောင်ညွန့် (အပါ)
  • မိတင်လှ (မိ)
လာပ် World Buddhist Outstanding Leader Award (2016)
ဂယိုင်လမျီု နွံပိုန်ဘာ

တၠဂုဏ်အစာသဳလာစာရ (ၜံင် ၁၉၇၈ ဒဳဇြေမ်ဗါ ၂၀) အစာဓမ္မကထိုက် မပြာကတ်တဴ နကဵုယၟု တၠဂုဏ်အစာမှေအ်ဝွံ ဒှ်အစာဓရ်ဒယှ်မွဲဇကုတုဲ သီုကေင်ယိုက်ဂၠေင်လဝ် ဂလေင်သာသနာ နဒဒှ် အစာလိက်ပရိယတ္တိ သၞာံဗွဲမလအ်ကီုရ။ ရာမညရဋ္ဌဗုဒ္ဓတက္ကသိုလ် ပ္ဍဲဍုင်မတ်မလီုဂှ် တၠဂုဏ်အစာသဳလာစာရဝွံရ ဒှ်မၞိဟ် ပဓာန မပ္တန်လဝ်တုဲ ရာမညရဋ္ဌဗုဒ္ဓတက္ကသိုလ်ဂှ် ဒှ်ဒတန် ပရေင်ပညာဗုဒ္ဓဘာသာ နကဵုနဲခေတ်တၟိကီု သီုဒှ် ဒတန်ပရေင်ပညာနာနာ သွက်ကောန်ဂကူမန် ကေုာံ ကောန်ဗုဒ္ဓဘာသာတအ်ကီုရ။

ဘဝသၟဝ် ကေုာံ အဝေါင်သာသနာ[ပလေဝ်ဒါန် | ပလေဝ်ဒါန် တမ်ကၞက်]

တၠဂုဏ်အစာသဳလာစာရဝွံ ကတဵုဒှ်မၞိဟ် ပ္ဍဲသၞာံ ၁၉၇၈ ဂိတုဒဳဇြေမ်ဗါ ၂၀ (သက္ကရာဇ်ဍုင် ၁၃၄၀ ဂိတုမြေက္ကသိုဝ် ၆ စွေက်) တ္ၚဲသိုက် ပ္ဍဲဍုင်ရေဝ် အရာပ်အံင်သုခ၊ မဒှ်ကောန် နာဲအောင်ညွန့်၊ မိတင်လှ။ ပၞောဝ်ကဵု ကောဒေအ် သီုဖအိုတ် ၆ တၠဂှ် ညးဒှ်ကောန်မရနုက်ကဵု မသုန်၊ နူဍောတ်တ် မိမတအ် ခုတ်လဝ်ကဵုယၟု မာံဆန်းဝင်း။

အခိင်ညးမကလိဂွံ အာယုက် ၅ သၞာံဂှ် စမံင်ဘာ တန်မူလ စၟတ် (၉) အရာပ်အံင်သုခ၊ ဍုင်ရေဝ်တုဲ စတမ်နူသၞာံ ၁၃၄၇ ဂှ် မိမၜါ အာပအပ်ညး ဘာလကျာ် ဘာသိမ်၊ ဍုင်ရေဝ် ရ။ ကာလမကလိဂွံ အာယုက် ၈ သၞာံ ပ္ဍဲ ၁၉၈၇ ဂိတုဇာန်နဝါရဳ ၁၀ (၁၃၄၈ ပုဟ် ၁၁ မမံက်) တ္ၚဲဗြဴဗတိ(?) ဂှ် မိမၜါ ဒုင်ပစ္စယ်၊ ပဥပ္ပဇ္ဇျာယ် ကုကျာ်ဇၞော်ဘာဝယ်ပူး ဘဒ္ဒန္တဝရဒဳပတုဲ မဂွံအာစိုပ် ဒဒှ်ဘဝထပိုယ်သာမဏဳတုဲ ကလိဂွံ မဟိမု သဳလာစာရ။ သၞာံ ၁၉၉၈ မေ ၂၁ (၁၃၆၀ ပသာ် ၄ မမံက်) တ္ၚဲဗြဴဗတိ အခိင်သဝ်တ္ၚဲ ၅ နာဍဳ ၃၀ မိနေတ် နိုင်စိန်းဖေ၊ မိငွေကျန် ဒုင်ပစ္စယ်၊ ပဥပ္ပဇ္ဇျာယ် ကုကျာ်ဇၞော်ဘာကလျာဏမိတ္တ၊ ဍုင်ရေဝ် ဘဒ္ဒန္တဣန္ဒောဘာသတုဲ ကတဵုဒှ် ဘဝခမဳမပြဲ ပ္ဍဲ သိမ်ဘာကလျာဏ ရ။

ပရေင်ပညာ[ပလေဝ်ဒါန် | ပလေဝ်ဒါန် တမ်ကၞက်]

သက္ကရာဇ်ဍုင် ၁၃၅၁ ဂှ် ထပိုယ်သဳလာစာရ အာကတ်လိက် ပ္ဍဲဘာတၟိ၊ ကွာန်ကအ်ခပုင်၊ ပွိုင်ဍုင်မုဟ်ဍုင် ဇရေင်ဘဒ္ဒန္တဇောတိပါလ၊ သက္ကရာဇ် ၁၃၅၂ ဂှ် ကတ်လိက် ပ္ဍဲတိုက်လိက်မန်ဒယှ် ဘာကၠအ်ပၞဟ်၊ ဍုင်မုဟ်ဍုင် ဇရေင် ဘဒ္ဒန္တခေမာသာရတုဲ သက္ကရာဇ် ၁၃၅၃ ဂှ် ဂွံအံင်ဇၞးကေတ် တန်မူလ။ သက္ကရာဇ် ၁၃၅၄ ဂိတုအံင်ဇၞးကေတ် တန်ဍောတ်။ သက္ကရာဇ် ၁၃၅၆ ဂှ် အာကတ်လိက် ပ္ဍဲတိုက်လိက် ဘာဗဂေါပရိယတ္တိ၊ ဍုင်မတ်မလီု ဇရေင် ဘဒ္ဒန္တသဳလာစာရ။ သက္ကရာဇ် ၁၃၆၇ ညးအာကတ်လိက် ဘာဗိုလ်လ္ၚီ၊ ပွိုင်ဍုင်မ္ၚးထံင် (ဗိုလ်တထောင်) ဍုင်လ္ဂုင် ဇရေင် ဘဒ္ဒန္တပါလ၊ ကေုာံ ဘဒ္ဒန္တကေသရ၊ သၞာံဂှ် ဂွံအံင်ဇၞးကေတ် တန်လဒေါဝ်။ သက္ကရာဇ် ၁၃၅၉ဂှ် ညးအာကတ်လိက် ဘာမြာင်၊ အရာပ်မုဟ်ပန်၊ ဍုင်မတ်မလီု ဇရေင်ဘဒ္ဒန္တထေရာနန္ဒ၊ သက္ကရာဇ် ၁၃၆၀ ဂှ် ဂွံအံင်ဇၞးကေတ် တန်ဇၞော်။ သက္ကရာဇ် ၁၃၆၃ အာကတ်လိက် ဘာဒေါနခြံ၊ တိုက်ကျာ်ဇၞော် (ဘုရားကြီးတိုက်) ဍုင်မာန္တလေ ဇရေင် ဘဒ္ဒန္တဝဏ္ဏိဿရ သၞာံဂှ် ဂွံအံင်ဇၞးကေတ် တန်ဓမ္မာစရိယ ပြကိုဟ်သဳလက္ခန်၊ သၞာံ ၁၃၆၄ ဂှ် ဂွံအံင်ဇၞးကေတ် ပြကိုဟ်ပါရာဇိကဏ် ကေုာံ ပြကိုဟ်ဓမ္မသင်္ဂဏဳတုဲ ကလိဂွံ တဆိပ်ကြာ သာသနဓဇဓမ္မာစရိယ နူအလဵုအသဳကၟိန်ဍုင်ဗၟာရ။

အစာလိက်[ပလေဝ်ဒါန် | ပလေဝ်ဒါန် တမ်ကၞက်]

တၠဂုဏ်သဳလာစာရဝွံ ကြဴနူပြကိုဟ်မအာစိုပ်ဒတုဲ မကလိဂွံ မဟိမုသာသနဓဇဓမ္မာစရိယတုဲ ပ္ဍဲအခိင်အာယုက် ၂၆-၂၈ ဂှ် ဖျေဟ်လိက် ပ္ဍဲကဵု တိုက်လိက်ပရိယတ္တိမန် ဘာမြာင် ဍုင်မတ်မလီု၊ အကြာအာယုက် ၂၉-၃၂ ပွိုင်ပန်သၞာံ ပံက်တိုက်လိက် ပ္ဍဲကဵု ဘာပရိယတ္တိမန်သန္တိသုခ အရာပ်ကုန်တိဍာဲ၊ ဍုင်မတ်မလီုကီုရ။ ကာလမစိုပ်အာယုက် ၃၃ စပတန် ရာမညဗုဒ္ဓတက္ကသိုလ် ပ္ဍဲအရာပ်ဖျာ၊ ဍုင်မတ်မလီုရ။

ဓမ္မကထိုက်[ပလေဝ်ဒါန် | ပလေဝ်ဒါန် တမ်ကၞက်]

တၠဂုဏ်သဳလာစာရဝွံ နူအခိင်မပဒၟံင် အစာလိက် ပ္ဍဲဘာသန္တိသုခ ဍုင်မတ်မလီုဂှ်ရ မွဲလပါ်ဂှ် သီုတွဟ်ဓရ် ကဵုဒါယကာတအ်ကီုတုဲ ယၟုမြဟ်ပြာကတ်တဴ နကဵု ယၟု တၠဂုဏ်မှေအ်။ ဗွဲကြဴ ကာလမပတန် ရာမညရဋ္ဌဗုဒ္ဓတက္ကသိုလ်ဂှ်လေဝ် စဵုကဵုအခိင်လၟုဟ် နဒဒှ် အစာဓမ္မကထိုက်ဒယှ်မွဲဇကု ဟီုတွဟ်ဒၟံင် ဍောင်ဓရ်ကျာ် ကုဒါယကာဂမၠိုင် အလုံဒေသရးမန်ဂမၠိုင်ကီု သီုကဵု ဍုင်သအာင် မပ္တံကဵု ကၟိန်ဍုင်အမေရိကာန်၊ ဍုင်ဥရောပဂမၠိုင်၊ ဍုင်ဂျပါန်၊ ဍုင်ကဝ်ရိယျာ၊ ဍုင်အဝ်သတေလျာ၊ ဍုင်သေင်္ကာပူရ်၊ ဍုင်မလေရှာ၊ ဍုင်သေံတအ်ကီုရ။

ပ္ဍဲအခိင် ယဲကပ်ကဝ်ဝိဒ်-၁၉ မကတဵုဒှ် ဟိုတ်နူတိတ်တရဴဟွံဂွံ၊ ပကောံမၞိဟ်ဟွံဂွံတုဲ နကဵုအန်လာင်ဂှ် ဟီုတွဟ်ဒၟံင်ဓဝ် ကုဒါယကာဥပ္ပးဇန်တအ်ဖိုဟ်ရ။

တဆိပ်ကြာ[ပလေဝ်ဒါန် | ပလေဝ်ဒါန် တမ်ကၞက်]

သဘင်ဂကောံမဟာမိတ်ဂၠးကဝ် သကိုပ်သကဗုဒ္ဓဘာသာ (World Alliance of Buddhist Leaders) မကၠောန်ဗဒှ် ပ္ဍဲၝောအ်ခန် AIT Conference Center, ပထုမ်ဌာနဳ၊ ဍုင်သေံ ပ္ဍဲစၟတ်တ္ၚဲ ၂၃ ဖေဖဝ်ဝါရဳ ၂၀၁၆ဂှ် တၠဂုဏ်သဳလာစာရ မဂွံဒုင်ပူဇဴဗဂိန်ကဵု လာပ်တဆိပ်ကြာ သကိုပ်သက ဗုဒ္ဓဘာသာ မစိစောန် ဂၠးကဝ် (World Buddhist Outstanding Leader Award) ရ။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

ထေရုပတ္တိ တၠဂုဏ်အစာသဳလာစာရ။