သဳဟ၊ နာဲ
| နာဲသဳဟ အမာတ်စၠတ်ထဝ် ကောန်ဂကူ | |
|---|---|
| သၠးဂၠံဂဝ် |
သေပ်တေမ်ဗါ ၂၃၊ ၁၉၆၆ ကွာန်ကအ်ဍောတ်၊ ပွိုင်ဍုင်ရေဝ် |
| ဂကူ |
 Monမန် |
| ကောန်ဍုင် |
 Myanmarကောန်ဍုင်ဗၟာ |
| ဗော် | ဗော်ကောန်ဂကူမန်/ဗော်ညဳသၟဟ်ဂကူမန် |
| အိန်ထံင် | မိဆာန်မန် |
| ကောန်ဇာတ် |
|
| အံက် |
|
နာဲသဳဟ (သၠးဂဗ္ဘ ၂၃ သေတ်တေမ်ပါ ၁၉၆၆) ဇာတိကွာန်ကအ်ဍောတ်ဝွံ ဒှ်အမာတ် စၠတ်ထဝ် ကောန်ဂကူ (ကၟိန်ဍုင်) နူသဘင်မာဲ ၂၀၁၅ စဵုကဵု ၂၀၂၀ နူဗော်ကောန်ဂကူမန်ရ။[၁]
ပထမ အဝဲ
[ပလေဝ်ဒါန် | ပလေဝ်ဒါန် တမ်ကၞက်]နာဲသဳဟဝွံ ကတဵုဒှ်မၞိဟ် ပ္ဍဲဂိတုသေတ်တေမ်ပါ ၂၃၊ ၁၉၆၆၊ ပ္ဍဲကွာန်ကအ်ဍောတ် မဒှ်ကောန် နာဲစိန်မောင်၊ မိကျာင် (ကြိုင်)ရ။ အခိင်ကာလ မမံင်ဘာဂှ် တန်စတုတ္ထဂှ် တိုန်လဝ် ဘာဍုင်မတ်မလီု အရာပ်က္ၜင်ထဝ်၊ တန်ပဉ္စမဂှ် ဍုင်မတ်မလီု ဘာအထက (၉)၊ ၆တန်ဂှ် ဘာတန်လဒေါဝ် ကွာန်ကအ်ဍောတ်၊ ၇ ကဵု ၈ တန်ဂှ် တိုန်လဝ် ဘာအထက (၄) ပွိုင်ဍုင်ဥက္ကလာပသၠုင်ကျာ (ဍုင်လ္ဂုင်)တုဲ ၉တန်ကဵု ၁၀တန်ဂှ် မံင်လဝ် ပ္ဍဲဘာဍုင်ရေဝ်ရ။ နူသၞာံပထမ စဵုကဵု သၞာံတတိယဂှ် တိုန်လဝ် တက္ကသိုလ်မတ်မလီု ဘာသာဝင်ရ။[၁]
ဘဝပၠန်ဂတး
[ပလေဝ်ဒါန် | ပလေဝ်ဒါန် တမ်ကၞက်]၁၉၈၈ ပရေင်ကလိုက်ကမဵု အလုံဍုင်မွဲကတဵုဒှ်တုဲ နာဲသဳဟ စိုပ်အာ တိပၠန်ဂတး ဇရေင်ဗော်ဍုင်မန်တၟိ ပွိုင် ၁၀ သၞာံ စဵုကဵု ၁၉၉၇ ရ။ [၁]
ကမၠောန် ရေင်တၠုင်ကွာန်
[ပလေဝ်ဒါန် | ပလေဝ်ဒါန် တမ်ကၞက်]နာဲသဳဟ တိတ်နူ ဗော်ဍုင်မန်တၟိတုဲ ပဒတဴ ပ္ဍဲကွာန်ပ္ၚရ။ ပ္ဍဲကွာန်ပ္ၚဂှ် နဒဒှ် ညးရေင်တၠုင်ဖိုလ်ဘာတန်သမၠုင်မွဲတၠဂှ် ဗိုင်လုပ်ကၠောန်ကၠုင်ဒၟံင်ရ။[၁]
ပရေင်ဍုင်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲသဘင်မာဲ ၂၀၁၅ ဂှ် နာဲသဳဟ ဒုင်ရုဲမာဲ ပွိုင်ဆန္ဒမာဲစၟတ်(၇) ပွိုင်ဍုင်ရေဝ် သွက်စၠတ်ထဝ်ကောန်ဂကူ နူဗော်ကောန်ဂကူမန်တုဲ ဂွံဒှ်အမာတ်စၠတ်ထဝ်ရ။ [၁] သွက် သဘင်မာဲ ၂၀၂၀ ဂှ်လေဝ် ပ္ဍဲပွိုင်ဆန္ဒမာဲဒၞာဲတြေံ (စၟတ် ၆) (ယၟုဆန္ဒမာဲ နူ ၇ ဒှ်အာ ၆)ဂှ် ပတိုန်စရင် သွက်ဂွံဒုင်ရုဲစှ်ပၠန်ဂှ် ဒှ်ခက်ခုဲ တၟာဂလိုင်ရ။ ဗွဲကိုပ်ကၠာ ကုညးမပတိုန်လဝ်စရင် သွက်ပွိုင်ဆန္ဒမာဲ နွံ (၄)တၠဂှ် ညးကေင်ကာ ပွိုင်ဍုင် (၈၁) တၠတအ် စုတ်မာဲနဲဓလုက်ဂှ် နာဲအံက်သာ ကလိဂွံ ၂၈ မာဲ၊ နာဲလၟိုန်အံင် ကလိဂွံ ၁၉ မာဲ၊ မိပိုန်သိုက်ထဝ် ကလိဂွံ ၁၄ မာဲ၊ နာဲသဳဟ ကလိဂွံ ဆ (၃) မာဲဓဝ်ရ။ ဟိုတ်ဂှ်ရ နကဵု ပွိုင်ဍုင် ဆမၞိဟ်မကလိဂွံမာဲဂၠိုင်အိုတ်ၜါ နာဲအံက်သာ ကဵု နာဲလၟိုန်အံင် ဟေင်ပလံင်ဏာလဝ် ဗဟဵု သွက်ဂွံပဒတန်ရ။ ဆဂး ပ္ဍဲကဵု ကမ္မတဳရုဲစှ်အလံင်အမာတ် ဗဟဵု ၁၇ တၠဂှ် ထ္ၜးဟိုတ်ကဵု ညးဒေသရေဝ်တအ် ဟွံရုဲစှ်လဝ် အတိုင်စၞောန်ပညုင်ဗဟဵု မကဵုလဝ် သွက်ဂွံရုဲစှ် နကဵုနဲမဒုင်သဇိုင် ကုက္ဍိုပ်ပိက္ဍိုပ် မဒက်ပတန်လဝ် ဗော်ညဳသၟဟ်မန်ဂှ်တုဲ ကလေင်ရုဲစှ်တၟိပၠန်ရ။ ပ္ဍဲကဵု အလံင်အမာတ် အလုံပွိုင်ဍုင်ရေဝ် မဒုင်ရုဲစှ်တအ်ဂှ် ဟိုတ်နူကဵု ဆနာဲသဳဟမွဲဟေင် ဒှ်မၞိဟ် နူကဵု က္ဍိုပ် ဗော်ကောန်ဂကူတုဲ နကဵု ဗဟဵု စၞး နာဲအံက်သာဂှ် ပၠုပ်စုတ် နာဲသဳဟ ရ။[၂][၃][၄][၅] ဆဂး နာဲသဳဟ ဂွံဒုင်ရုဲစှ် နဒဒှ် အမာတ်စၠတ်ထဝ် ကောန်ဂကူ နူကဵု ပွိုင်ဍုင်ရေဝ်ဂှ်ရ။
သ္ၚိကၟိန်
[ပလေဝ်ဒါန် | ပလေဝ်ဒါန် တမ်ကၞက်]နာဲသဳဟ ဒက်သ္ၚိကၟိန် ကုမိဆာန်မန်တုဲ ကလိဂွံ ကောန်မသုန်တၠ။ မိသဉ္ဇာမန်၊ မိညဳညဳမန်၊ မာံမြတ်သွေးမန်၊ မိဥမ္မာမန်၊ မာံသုဝဏ္ဏမန်။ နာဲသဳဟ ပဒတန် ပ္ဍဲကွာန်ပ္ၚ အရာပ်ဘာပလိုက် စၟတ် ၄၂၁ ရ။ [၁]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ ၁.၂ ၁.၃ ၁.၄ ၁.၅ ဦးနိုင်သီဟ. Open. Archived from the original on 10 August 2020။ Retrieved on 12 July 2020။
- ↑ [မုက်ဝှုက်ဗောက် နာဲအံက်သာ ပသောင်ကိစ္စအလံင်အမာတ်] (5 August 2020).
- ↑ သွက်မန်, မာဲမန် (12 July 2020). အလံင်အမာတ် ပွိုင်ဍုင်ရေဝ်. open. “"ရွေးချယ်တဲ့အခါမှာ ကျွန်မတို့ လျှို့ဝှက်မဲနဲ့ ရွေးချယ်သွားမယ်"ဟု ရေးမြို့နယ် မွန်ညီညွတ်ရေးပါတီ တွဲဖက်အတွင်းရေးမှူး(၁) မိဝင်ပ္ကဴက ပြောသည်။ အဆိုပါရွေးချယ်သည့်အခါ ရေးမြို့နယ် မွန်ညီညွတ်ရေးပါတီအလုပ်မှုဆောင်အဖွဲ့ (၈၁) ထဲကသာ လျှို့ဝှက်ဆန္ဒမဲ ပေးခွင့်ရှိကြောင်း ၎င်းက ဆိုသည်။ ရေးမြို့နယ် မဲဆန္ဒနယ် (၂) နေရာအတွက် မွန်ညီညွတ်ရေးပါတီမှ အဆိုပြုထားသူ (၁၃) ဦးရှိပြီး အဆိုပါ (၁၃) ဦးထဲတွင် လူငယ်နှင့် အမျိုးသမီးများ ပါဝင်နေကြောင်း ရေးမြို့နယ် မွန်ညီညွတ်ရေးပါတီထံမှ သိရသည်။”
- ↑ မွန်ညီညွတ်ရေးပါတီမှ ဝင်ရောက်ယှဉ်ပြိုင်မည့် လွှတ်တော်ကိုယ်စားလှယ်လောင်းများအမည်စာရင်း. Open Publishing (2020-07-26). Archived from the original on 2020-10-24။ Retrieved on 2020-08-06။
- ↑ Central, Mon Unity Party- (July 26, 2020). ဗော်ညီသၟဟ်မန် သ္ပဏာဒတန် စရၚ်အလံၚ်အမတ် ပ္ဍဲကဵုကေၚ်ကာ. Open Publishing.