သ္ကံတဲမန်ကောန်ဗုဒ္ဓဘာသာ

လိက်အုပ်ဝွံမၞုံယၟု (သ္ကံတဲမန်ကောန်ဗုဒ္ဓဘာသာ) ဂကောံဗွဝ်ဂမၠိုၚ်

ညးမချူပကောံလဝ်လိက်အုပ်ဝွံ၊ တၠဂုဏ်အ္စာ (ဘဒ္ဒန္တသြဝါဒ) အာယုက်(၄၀)၊ သိက္ခာ(၂၀)၊ ဘာမ္ၚဵုကျာ်သြဳမန်၊ (ဥက္ကလာပသၟဝ်ကျာ)

စၟတ်တ္ၚဲ(1-10-2020)တ္ၚဲဗြဴဗတိအခိၚ်သဝ်တ္ၚဲဗ္တံဒစာံနာဍဳကဵုမသုန်စှော်မသုန်မိဏေတ်ဂှ် ကလေၚ်ချူပ္တိုန်လဝ်လ္တူ(ဝဳကဳပဳဒဳယာဘာသာမန်)ကီုရ။

နိဒါန်လိက်

“ အာဒိကိုပ်ကၠာ ဘာသာမန်, သာသနာမန်, လိက်ပတ်မန်, ယောန်သၞာနမန်, ပြဝေဏဳမန်, ပယျဵုတိဍာ်ဍုၚ်မန်, သၟိၚ်တၠမန်, တၠအစောန်မန်”တံ ပြာကဋ်နွံကၠုၚ် ဍုၚ်ဇဳ, ရးဇဳ, ဘာသဇဳ တီကၠုၚ်အိုတ်ရ၊ တ္ၚဲဏံ ဘာသာမန် သာသနာမန် လိက်ပတ်မန် ယေန်သၞာၚ်မန် ပြဝေဏဳမန် ပယျဵုတိဍာ်ဍုၚ်မန် သၟိၚ်တၠမန် တၠအစောန်မန်တဴ ကြပ်ညောန်ကၠေံကၠုၚ်အိုတ်ရ။

ဟိုတ်ဂှ်ရ ဒါယကာဗျဉ် မိတာန်ယှိုဲ ကေုာံ ကောန်ဂမာန် နာဲအံၚ်ဝေန်+ကောန်ဗြဴမိယဳနူဍုၚ်လ္ဂုၚ် ဥက္ကလာပသၟဝ်ကျာတံ ကၠုၚ်အာတ်အခေါၚ်အဲညးမချူလိက်ဏံ ဂွိၚ်ဖေက်ဘာသာမန်, သာသနာမန်, လိက်ပတ်မန်, ယေန်သၞာၚ်မန်, ပြဝေဏဳမန်, ပယျဵုတိဍာ်မန် ကၠေံဗ္ဒန်အိုတ်အာတုဲ .... တ္ၚဲဏံ အဲညးချူလိက်ဏံ ဟွံရန်ကဵုလၟောၚ်ဍောၚ်ၜိုတ်ကာယ +စိုတ်တုဲ၊ ရန်ကဵုဘာသာမန်, သာသနာမန်, လိက်ပတ်မန်, ဂွံပြးပေၚ်အလုံကွာန်မန်ကီု၊ ဂွံစိုပ်အာဇရေၚ်တဲကောန်ဂကူမန်တံကီု၊ ရန်ကဵုကောန်ဂကူမန်တံ သွက်သ္ဂောံဒှ်အာဒ္တုဲဖဵုလောကဳ+လောကုတ္တဵုၜါပြကာကီု၊ ဂွံဒှ်ဒ္တုဲဖဵုလိုက်+ပလိုက်ၜါပြကာ ကုကောန်ဂကူမန်တံကီုတုဲ၊ မေတ္တာ, စေတနာစွံဂတတုဲ ပ္ဍဲသ္ကရာဇ်ဍုၚ်ကၠုၚ်စိုပ် ၁၃၆၈−သၞာံ၊ ဂိတုပုဟ်(၁၄)စွေက်၊ တ္ၚဲအၚာ၊ နက်သတ်(၁၉)၊ ယးမတ်ၜါ၊ ဗြီုမၚ်တိ ပ္ဍဲအခိၚ်နွံကဵုမ္ၚဵုမပြဲဏံ အဲမ္ဒးချူပလံၚ်ဗ္စိုပ်ဏာကုကောန်ဂကူမန်တံ လိက်ပြကိုဟ်မွဲ ဗွဲယၟုမ္ဂ “ သ္ကံတဲမန် ကောန်ဗုဒ္ဓဘာသာ”ဏံရအဴ။ ။

ဂလာန်တၚ်ဂုဏ်

အဝ် ... အဲဇၞော်ကၠုၚ်မွဲသၞာံပၠန်ရသွံ၊ သွက်အတ္တ၊ ပရဟိတ၊ သွက်သာသနာ၊ သွက်ဘာသာ၊ မူဒ္တုဲဖဵုအဲနွံကီုရော? ချပ်ဂွံသာ်ဏံတုဲ အဃောအဲယိုက်ဂၠေၚ်ဒၟံၚ်ပရေၚ်သာသနာဏံ ညံၚ်ဂွံဒှ်အာဒ္တုဲဖဵုသွက်ညးဂမၠိုၚ်ကီု၊ သွက်သာသနာကီု၊ သွက်ဘာသာကီု ရန်တၟံသာ်ဏံတုဲ ရပ်ဂွံကၞေဟ် ချူကှ်ေပလံၚ်ဗ္စိုပ်ဏာတဲ ကုကောန်ဂကူမန်တအ် လိက်အုပ် “သ္ကံတဲမန်ကောန်ဗုဒ္ဓဘာသာ”ဏံရ။

လိက်အုပ် “သ္ကံတဲကောန်ဗုဒ္ဓဘာသာ”ဝွံ ဂွံက္တဵုဒှ်ကၠုၚ်မာန်ဂှ်

1. အဲမိက်ဂွံတၚ်ဏာဂုဏ်ကုမိမၜါ ညးလွဳပရာဗ္စဖျုၚ်ကၠုၚ်လဝ်အဲကီ၊
2. ကုအ္စာမလေပ်စၞောန်ထ္ၜးစဳပျးပံက်လဝ်မတ်ကဵုအဲဂမၠိုၚ်ကီု၊
3. ကုဆေၚ်တက်လိက်မန်ဂတာပ်ခေတ် ဂကောံစဴနန်ကမ်ပျူတာတအ်ကီု၊
4. ကုဂကောံဒါယကာ ထံက်ပၚ်လဝ်လိက်ကၞပ်ဝွံကီု၊
5. ကုသ္ကံရဲညးမကဵုကသပ်ဂမၠိုၚ်ကီု ဗွဲကိုပ်ကၠာရ။

တုဲပၠန် ဟိုတ်နူအဲလေပ်, အဲတီတုဲ ချူလဝ်ဟွံသေၚ်၊ ဟိုတ်နူအဲနွံဗၟိက် မိက်ဂွံပံက်မတ်ကဵုကောန်မန်ဗုဒ္ဓဘာသာတအ်ဂွံကၠးအာကီု၊ သွက်ဘာသာ ဒၞာဲဟွံတီ ဂွံတီအာ၊ ဒၞာဲဟွံကၠးဂွံကၠးအာကီု၊ သွက်ဂွံဒှ်အာဗဟုသုတ ကုကောန်မန်တအ်ကီုညိလဝ်စိုတ်တုဲ မ္ဒးချူပလံၚ်ဗ္စိုပ်ဏာဇရေၚ်ကောန်မန်တအ်ရ။

ဟိုတ်ဂှ်ရ ပ္ဍဲလိက်အုပ် “သ္ကံတဲမန် ကောန်ဗုဒ္ဓဘာသာ”ဏံ၊ တၠပညာတအ် ညာတ်ဒးဗၠေတ်, ယောၚ်ယာ, မှာရာအာနွံမ္ဂး ... အေၚ်ဒုၚ်တုဲ ပဠေဝ်ဗှ်အာအိုတ်ညိဂှ် နကဵုဂလာန်လၟေၚ်မေတ္တာ မိက်ဂွံအာတ်ဒုၚ်ဏာဂုဏ် ဗွဲတၟေၚ်ရအဴ။ ။

ဋ္ဌာန်က္လိဂွံလိက်အုပ်မာန်

1. ရာမညနိကာယပရိယတ္တိမန် ဘာဓာတုမာလာ အရာပ်သေဂျဵု ဍုၚ်မတ်မလီု။
2. ဆေၚ်တ်ကလိက် “စဴနန်” အရာပ်သေဂျဵု ဍုၚ်မတ်မလီု။
3. ဆေၚ်သွံလိက် “ဒေါ်ညွန်.စာပေ” ဖျာဇၞော်သၟဝ်ဍုၚ်မတ်မလီု။

ပဏာမ

ကျာ်, ဓရ်, သၚ်, မိမ, အ္စာ အနန္တဂုဏ်မသုန်ပြကာတံဂှ် တဲစှ်သ္ပပၞာၚ် ပါၚ်သ္ပမြမောဝ် အဲလ္ၚောဝ်ဏာဗွဲမရှ်ေသှ်ေရဴဂဴကၠာရအဴ။

လ္ၚောဝ်အနန္တဂုဏ်မသုန်ပြကာတုဲ ကြက်အဲချူခၞံဗဒှ်ကဵုကောန်ဂကူမန်တဴ ပြကိုဟ်မွဲ ဗွဲယၟုမ္ဂး “သ္ကံတဲမန် ကောန်ဗုဒ္ဓဘာသာ”ဝွံရောၚ်။

ဂကောံဗွဝ်(၁)ဂမၠိုၚ်

1. (၁) ။ ကျာယီုလုပ် (၁)မတွံဂး = အပါန ။
2. (၂) ။ ကျာယီုတိတ် (၁)မတွံဂး = အာန ။
3. (၃) ။ ကောန်သၟိၚ်အိန် (၁)မတွံဂး = သုဝဳရ ။
4. (၄) ။ ဂလာန်ဆက်မိတ် (၁)မတွံဂး = လာပေါ ။
5. (၅) ။ ဇဲလွဳလောန် (၁)မတွံဂး = ဥဿောဠဳ ။
6. (၆) ။ နိဓိဇေတ်တ် (ဒြပ်ဇကုဇေတ်တ်) (၁)မတွံဂး = အနုဂါမိကနိဓိ ။
7. (၇) ။ ပူဂဵုဒုၚ်လလးက္တိုန် (၁)မတွံဂး = ခမဳတြုံမွဲဟေၚ် ဒုၚ်လ္လးဂွံရောၚ် ။
8. (၈) ။ မိအသူ (၁)မတွံဂး = ဒနူ ။
9. (၉) ။ မိဒေဝတဴတအ် (၁)မတွံဂး = ဒိတိ ။
10. (၁၀) ။ လျးကရှိုဏ် (၁)မတွံဂး = အရုဏ ။
11. (၁၁) ။ လောကုတ္တဵုအဘိညာဏ် (၁)မတွံဂး = အာသွက္ခာယဉာဏ် ။
12. (၁၂) ။ ကိလေသအန္တရာဲ (၁)မတွံဂး = ပူဂဵုဂိုၚ်ကေတ်ကွေတ်နိယတမိစ္ဆာဒိဋ္ဌိတံဂှ် မဒှ်ရ ။
13. (၁၃) ။ အာဏာဝဳတိက္ကမအန္တရာဲ (၁)မတွံဂး = ယောၚ်စိုတ်တုဲ ပွမက္လိလောန်ကၠေံအာဏာသိက္ခာပိုဒ်ကျာ်တြဲ ။
14. (၁၄) ။ ဥပဝါဒအန္တရာဲ (၁)မတွံဂး = ပွမဗျိဗျံက်က္ၜေံ လက်ပူဂဵုအရဳတံ ။
15. (၁၅) ။ ပၞောဝ်ခေတ်ပိပြကာ ခေတ်ကျာ်က္တဵုဒှ်နွံမွဲဟေၚ်ရ၊ ၁။ ဆပ္ဍဲဇာတိခေတ်မွဲဟေၚ် ကျာ်တြဲက္တဵုဒှ်ရ ။
16. (၁၆) ။ ပၞောဝ်တ္ကံဇၞော်ပန်ပြကာ ကျာ်က္တဵုဒှ်ပ္ဍဲတ္ကံမွဲရ = ဆပ္ဍဲက္တကံဇမ္ဗုဒိဗ်ဝွံဟေၚ် ကျာ်က္တဵုဒှ်ရ ။
17. (၁၇) ။ ပ္ဍဲတ္ကံဇမ္ဗုဒိဗ်ပၠန် ဇၟာပ်ဍုၚ်ကွာန် ဋ္ဌာန်ဒေသကျာ်က္တဵုဒှ်ဟွံသေၚ် = ဆပ္ဍဲမဇ္စျိမဒေသ မၞုံကဵုဗွိုက်(၉၀၀)ယောဇနာ၊ မၞုံကဵုဇမၠိၚ်(၃၀၀)ယောဇနာ၊ မၞုံကဵုလနေၚ်(၂၀၀)ယောဇနာဏံမွဲဟေၚ် ကျာ်က္တဵုဒှ်ရ ။
18. (၁၈) ။ ဨကသညာမွဲ = ပွမစၟတ်သမ္တီက္ဍုဟ်မၠေံဇအိုန်ဇရပ္ဍဲစၞအာဟာရမဂပ်ဝ်ၚိတ်ဖျေံ။
19. (၁၉) ။ စတုဓာတုဝဝတ္ထာန်မွဲ = ပွမပိုၚ်ခြာစၟတ်လဝ်ဓါတ်(၄)ပြကာ။
20. (၂၀) ။ ပ္ဍဲဍုၚ်လိုက်ဏံ ပူဂဵုပြဲအိုတ်နွံမွဲမတွံဂး ( ကျာ်တြဲသဗ္ဗညု)။

ဂကောံဗွဝ်(၂)ဂမၠိုၚ်

• ၁ ။ ကာမ(၂)သာ်

1. ၁ ။ ဝတ္ထုကာမ = ကာမက္တဵုဒှ်ပ္ဍဲ မပ္တံဒၞာဲ၊ ဒၞာဲသိတ်၊ စၞအာဟာရ၊ ကယျိုၚ်ကယျဝ်၊
2. ၂ ။ ကိလေသကာမ = ကာမက္တဵုဒှ်ဆေၚ်စပ် ကေုာံ ကာမရာဂ။ ဣဝွံ ကာမ (၂) ပြကာရ။

• ၂ ။ ကျာ်မွဲဇကုက္တဵုဒှ်မ္ဂး အဂ္ဂသာဝက (၂)ဇကု

1. ၁ ။ ကွးသ္တုံ / ပုၚ် = ညံၚ်မှာထေရ်သာရိပိုတ်၊
2. ၂ ။ ကွးဇွိ / ပါဲ = ညံၚ်မှာထေရ်မောဂ္ဂလာန်။ ဣဝွံ အဂ္ဂသာဝက (၂)မဒှ်ရ။

• ၃ ။ ကဝ် (၂)သာ်

1. ၁ ။ သုညကဝ် = ကတ်ကျာ်တြဲမွဲဇကုဟွံက္တဵုဒှ်၊
2. ၂ ။ အသုညကဝ် = ကဝ်ကျာ်တြဲက္တဵုဒှ်တံဂှ်။ ဣဏံဝွံ ကဝ်(၂)သာ်မဒှ်ရ။

• ၄ ။ တၠအရှန်တိတ်ဒှ် (၂)သာ်

1. ၁ ။ ဇျာနိကတၠအရှန်၊
2. ၂ ။ အဇျာနကတၠအရှန်။

• ၅ ။ တၠအရှန်တိတ်ဒှ် (၂)သာ်

1. ၁ ။ သမထယာနိကတၠအရှန်၊
2. ၂ ။ ဝိပဿနာယာနိကတၠအရှန်။

• ၆ ။ တၠအရှန်တိတ်ဒှ် (၂)သာ်

1. ၁ ။ သမထဓုရတၠအရှန်၊
2. ၂ ။ ဝိပဿနာယနိကတၠအရှန်။

• ၇ ။ တၠအရှန်တိတ်ဒှ် (၂)သာ်

1. ၁ ။ သဒ္ဓါဓရတၠအရှန်၊
2. ၂ ။ ပညာဓရတၠအရှန်။

• ၈ ။ တၠအရှန်တိတ်ဒှ် (၂)သာ်

1. ၁ ။ သက္ခဝိပညာကတၠအရှန်၊
2. ၂ ။ ဆဠာဘိညာတၠအရှန်။

• ၉ ။ ဒါန်ဓမ္မဒါနတိဒှ် (၂)

1. ၁ ။ လောကဳယဓမ္မဒါန = ရန်ကဵုပိုန်လောကဳတုဲကဵုဒါန်။
2. ၂ ။ လောကုတ္ထရဓမ္မဒါန = ရန်ကဵုမဂ်, ဖဵု, နိဗ္ဗာန်တုဲကဵုဒါန်။ ဣဝွံ ဒါန်တိတ်ဒှ် (၂)သာ်ရ။

• ၁၀ ။ ဒါန် (၂)သာ်

1. ၁ ။ အာမိဿဒါန် = ဒါန်ပစ္စဲပန်မပ္တံကဵုပိဏ္ဍပါတ်, သ္ပိုၚ် , သ္ၚာ။
2. ၂ ။ ဓမ္မဒါန = ဒါန်ဓရ်ဓမ္မက္ခန်(၈၄၀၀၀)ကီု၊ ပွမဟီုတွံဒၠောံဗ္တောန်ထ္ၜးစဳပျးဓရ်ကုညးမွဲသ္အာၚ်ကီု။

• ၁၁ ။ ဒါန် (၂)သာ်

1. ၁ ။ အဇ္စျတ္တိကဒါန် = ပွမကဵုဒါန်ဝတ္ထုပ္ဍဲသန္ထာန် မပ္တံကဵု ခ္ဍောၚ်မတ်, ဆီ။
2. ၂ ။ ဗာဟိရဒါန် = ပွမကဵုဒါန်ဝတ္ထုမ္ၚးသန္ထာန်၊ မပ္တံထဝ်သြန်၊ ပစ္စယ်ပန်တံဂှ်။

• ၁၂ ။ ဒါန် (၂)သာ်

1. ၁ ။ ဝဋ္ဋနိဿိတဒါန = ရဒၞာမိက်ကဵုပိုန်တသိုခ်လောကဳတုဲ ပွမကဵုဒါန်။
2. ၂ ။ ဝိဝဋ္ဋဿိတဒါန = ရဒၞာမိက်ကဵုပိုန်လောကုတ္တဵု၊ မဂ်, ဖဵု, နိဗ္ဗာန်တုဲ ပွမကဵုဒါန်။

• ၁၃ ။ ဒါန် (၂)သာ်

1. ၁ ။ အသၚ်္ခါရိကဒါန် = ညးမွဲသ္အာၚ် ဟွံဒးဖ္တိုက်ဖ္အောဝ် နအလဵုဇကု ဓရ်သဒ္ဓါက္တဵုဒှ်ကၠုၚ်တုဲ ကဵုဒါန်။
2. ၂ ။ သၚ်္ခါရိကကဒါန် = ညးတၞဟ်ဖ္တိုက်ဖ္အောဝ်ဟီုတွံဒၠောံဗ္တောန်တုဲမှ ပွမကဵုဒါန်။

• ၁၄ ။ ဒါန် (၂)သာ်

1. ၁ ။ သဟတ္ထိကဒါန = ဂွံကဵုဒါန်နတဲဇကု၊ ဂွံဒုၚ်ကဵုဝတ္ထုဒါန်ကုဒၟုၚ်ဒါန်နတဲဇကု။
2. ၂ ။ အဏတ္တိကဒါန = ဖ္အောဝ်စကာ(ပြၚ်ဏာဝတ္ထုဒါန်) ကုညးမွဲသ္အာၚ်တုဲ ပွမကဵုဒါန်။

• ၁၅ ။ ဒါန် (၂)သာ်

1. ၁ ။ သက္ကစ္စဒါန = ကာလကဵုဒါန်လ္တူပူဂဵုဒၟုၚ်ဒါန်ကီု၊ လ္တူဝတ္ထုဒါန်ကီု၊ နွံကဵုဂါရဝ သ္ပရှ်ေသှ်ေရဴဂဴ။
2. ၂ ။ အသက္ကစ္စဒါန = ကာလကဵုဒါန်လ္တူပူဂဵုဒၟုၚ်ဒါန်ကီု၊ လ္တူဝတ္ထုဒါန်ကီု၊ ဟၟဲကဵုဂါရဝ ဟွံသ္ပရှ်ေသှ်ေရဴဂဴ။

• ၁၆ ။ ဒါန် (၂)သာ်

1. ၁ ။ ပစ္စယာနုဂ္ဂဟဒါန = ပွမကဵုဒါန်ပစ္စဲပန် မပ္တံကဵုသ္ၚာ၊ မဏ္ဍပါတ်, ဘာ, ဂဥုဲ ။
2. ၂ ။ ဓမ္မာနုဂ္ဂဟဒါ = ချူခၞံဗဒှ်ပါဠိပါၚ်ကျာ်တုဲ ကဵုဒါန်ကီု၊ ကောန်, ဍိက်, တၠသ္ၚိကဵုအစိုပ်ဒဒှ်သာမဏဳ, ခၟဳပ္ဍဲသာသနာကီု။

• ၁၇ ။ ဓရ်လောကပါ (၂)သာ်

1. ၁ ။ ဟဳရိ = ဒးကၠောန်, ဒးပ္တုဲပွအကုသဵုဒုစရိုတ်မ္ဂး ဂွပါပ်။
2. ၂ ။ သြတ္တပ္ပ = ဒးကၠောန်, ဒးပ္တုဲပွအကုသဵုဒုစရိုတ်မ္ဂး ဖေက်ပါပ်၊ ဣဝွံ ဓရ်လောကပါလ (၂) ပြကာမဒှ်ရ။

• ၁၈ ။ ဓရ်သစ္စဟိုတ် (၂)

1. ၁ ။ သမုဒယသစ္စ၊
2. ၂ ။ မဂ္ဂသစ္စ။

• ၁၉ ။ ဓရ်သစ္စဖဵု (၂)

1. ၁ ။ ဒုက္ခသစ္စ၊
2. ၂ ။ နိရောဓသစ္စ။

• ၂၀ ။ ဓရ်ပရမတ်ဍန်န် (၂)

1. ၁ ။ ရုပ်၊
2. ၂ ။ နာမ်။

• ၂၁ ။ ဓရ် (၂) ပြကာ

1. ၁ ။ ဓရ်လောကဳ၊
2. ၂ ။ ဓရ်လောကုတ္တဵု။

• ၂၂ ။ ဓရ (၂) ပြကာ

1. ၁ ။ ဂန္ထဓရ = ပွမဖျေံဗ္တောန်ပါဠိပါၚ်ကျာ်။
2. ၂ ။ ဝိပဿနာဓရ = ပွမဇၞော်ပၟဝ်ဘာဝနာ (သဳလ၊ သမာဓိ၊ ပညာ)။

• ၂၃ ။ ဓရ်ဋ္ဌာန (၂)

1. ၁ ။ တဏှာ၊
2. ၂ ။ အဝိဇ္ဇာ။

• ၂၄ ။ ပွမသ္ပမ္ၚဵုထပ်တဲနွံ (၂)သာ်

1. ၁ ။ အာဝါဟ = ပွမသ္ပမ္ၚဵုထပ်တဲပ္ဍဲသ္ၚိကောန်ၚာ်တြုံ။
2. ၂ ။ ဝိဝါဟ = ပွမသ္ပမ္ၚဵုထပ်တဲပ္ဍဲသ္ၚိကောန်ၚာ်ဗြဴ။

• ၂၅ ။ ပ္ဍဲဂကူအလံက်ကျာ်ဂမၠိုၚ်ါ က္တဵုဒှ်ပ္ဍဲလ္အိတ်ဘဝမာန် (၂)ဂကူ

1. ၁ ။ ခတ္တိယကုလ = ဂကူသၟိၚ်။
2. ၂ ။ ဗြာဟ္မဏကုလ = ဂကူဗဗၞး။

• ၂၆ ။ ပ္ဍဲဂကူအဂ္ဂသာဝက, မဟာသာဝကတံက္တဵုဒှ်မာန် နွံ(၂)ဂကူ

1. ၁ ။ ခတ္တိယကုလ = ဂကူသၟိၚ်။
2. ၂ ။ ဗြာဟ္မဏကုလ = ဂကူဗဗၞး။

• ၂၇ ။ ဗဗေၚ်ဂပ်ဝ်ပ္ဍဲကဵုခမဳတအ် (၂)မ

1. ၁ ။ ဗဗေၚ်ပသဲ၊
2. ၂ ။ ဗဗေၚ်တိ။

• ၂၈ ။ ပညာမဂ္ဂၚ် (၂)

1. ၁ ။ သမ္မာဒိဋ္ဌိ၊
2. ၂ ။ သမ္မာသၚ်္ကပ္ပ။

• ၂၉ ။ ဘာဝနာ (၂)

1. ၁ ။ သမထဘာဝနာ = ပွမဇၞော်ပၟဝ်ဂလိုၚ်ဓရ်သမာဓိ။
2. ၂ ။ တိပဿနာဘာဝနာ = ပွမဇၞော်ပၟဝ်ဂလိုၚ်ဓရ်ပညာ၊ ဣဝွံ ဘာဝနာ (၂) ပြကာရ။

• ၃၀ ။ ရိုဟ်ကၞက်သံသာ (မူလ) (၂)

1. ၁ ။ အဝိဇ္ဇာ၊
2. ၂ ။ တဏှာ။

• ၃၁ ။ သန္ထာန် (၂)

1. ၁ ။ အဇ္စျတ္တသန္ထာန်၊
2. ၂ ။ ဗဟိဒ္ဓသန္ထာန်။

• ၃၂ ။ သၚ် (၂) ဂကူ

1. ၁ ။ မရမတ္တ(အရဳယ)သၚ် = ခမဳသၚ်က္လိဂွံမဂ်, ဖဵု, အစိုပ်နိဗ္ဗာန်။
2. ၂ ။ သမုတ္တိသၚ် = ခမဳသၚ်မဂပ်ဝ်ဖ္ဍောတ်ဗှ်နကဵုဥတ္တိစတုတ္ထကမ္မဝါစာ။

• ၃၃ ။ ဟိုတ်သရဏဂုဏ်ဂွံလီုနွံ (၂) သာ်

1. ၁ ။ ပွမပြံၚ်အာဒ္ဂေတ်ကွေတ်မိစ္ဆာဒိဋ္ဌိ။
2. ၂ ။ ပွမစုတိ (ချိုတ်) အာ။

• ၃၄ ။ ကၠာဟွံချိုတ်ဏီ ကမၠောန်ဂပ်ဝ်ဒးကၠောန် (၂) သာ်

1. ၁ ။ ကတ္တဗ္ဗံကုသလံ = ဒးကၠောန်ကုသဵု။
2. ၂ ။ စရိတဗ္ဗံဗြဟ္မစရိယံ = ဒးဒ္ဂေတ်, ဒ္ဂေတ်မပြဲ။

• ၃၅ ။ ပွမသၠးပွးကဵုဒါန် (၂) ပြကာ

1. ၁ ။ ပုဂ္ဂလိကဒါန = ရန်တၟံကဵုပူဂဵုမွဲမွဲတုဲ ပွမသၠးပွးကဵုဒါန်။
2. ၂ ။ သံဃိကဒါန = ဟွံရန်ကဵုပူဂဵု ရန်တၟံကဵုသၚ်ဂမၠိုၚ်တုဲကဵုဒါန်။

• ၃၆ ။ ဝေဒနာ (၂) ပြကာ

1. ၁ ။ သုခဝေဒနာ = ပွမဒုၚ်စသိုၚ်တသိုခ်။
2. ၂ ။ ဒုက္ခဝေဒနာ = ပွမဒုၚ်စသိုၚ်ဒဒိုက်။

• ၃၇ ။ ဥပရာဇာဘိသေက (၂) ပြကာ

1. ၁ ။ ကနိဋ္ဌဥပရာဇာ = ပွမကဵုဒေံဒၟံၚ်သ္ၚိဂတ (သ္ပဥပရာဇာ)။
2. ၂ ။ ပုတ္တနတ္တာဒိဥပရာဇာ = ပွမကဵုကောန်, ကောန်စဴဒၟံၚ်သ္ၚိဂတ။ (သ္ပဥပရာဇာ) ။

• ၃၈ ။ ညးမ္ဒးဒ္ဂေတ်လ္ၚတ် ညံၚ်ရဴဇာဒိသိုၚ် (၂) တၠ

1. ၁ ။ သၟိၚ်ပိုၚ်ဍုၚ်၊
2. ၂ ။ ညးသၞောဝ်ဓရ် (ဂဗုတ်)။

• ၃၉ ။ အၚ်္ဂသမ္ဖပ္ပလာပ (၂) သာ်

1. ၁ ။ ဂလာန်ဟၟဲကဵုကြက်၊ ဟၟဲကဵုဖဵု ညံၚ်ဂလာန်ဂၟာဂၠဴတံ။
2. ၂ ။ ပွမဟီုဂလာန်သာ်ဂှ် ညးတၞဟ်ပတှ်ေအာ၊ ဣဝွံ အၚ်္ဂသမ္ဖပ္ပလာပ (၂) သာ်မဒှ်ရ။

• ၄၀ ။ အၚ်္ဂအဘိဇ္စျာ (၂) သာ်

1. ၁ ။ ဒြပ်ညးသ္အာၚ် မၞုံကဵုတၠမမၚ်မွဲလဝ်။
2. ၂ ။ ပွမလၟောဝ်နၚ်နဒဒှ်ဒြပ်ဇကု၊ ဣဝွံ အၚ်္ဂအဘိဇ္စျာ (၂)သာ်မဒှ်ရ။

• ၄၁ ။ အၚ်္ဂဗျာပါဒနွံ (၂) သာ်

1. ၁ ။ ပွမဂြိုဟ်ကဵုပူဂဵုသ္အာ။
2. ၂ ။ ပွမချပ်ပၠေၚ်ညးမွဲသ္အာၚ်။ ဣဝွံ အၚ်္ဂဗျာပါဒ (၂) သာ်မဒှ်ရ။

• ၄၁ ။ အၚ်္ဂမိစ္ဆာဒိဋ္ဌိနွံ (၂) သာ်

1. ၁ ။ ပွမဂိုၚ်ကေတ်ကွေတ်မပၠန်ဂတး။
2. ၂ ။ အတိုၚ်မဂိုၚ်ကေတ်ဂှ် က္တဵုဒှ်ပြာကဋ်။ ဣဝွံ အၚ်္ဂမိစ္ဆာဒိဋ္ဌိ (၂)သာ်မဒှ်ရ။

• ၄၃ ။ အၚ်္ဂဒှ်အလံၚ်အဂ္ဂသာဝက (၂) သာ်

1. ၁ ။ အဓိကာရရာဒၞာမိက် ဒဒှ်အဂ္ဂသာဝက။
2. ၂ ။ ဆန္ဒနွံဗၟိက် မိက်ဂွံဒှ်အဂ္ဂဿာဝကဗွဲတၟေၚ်ဗွဲမလောန်။ ဣဝွံ အၚ်္ဂဒှ်အလံၚ်အဂ္ဂသာဝက (၂)သာ်မဒှ်ရ။

• ၄၄ ။ အၚ်္ဂဒှ်အလံၚ်မဟာသာဝက (၂) သာ်

1. ၁ ။ အဓိကာရရာဒၞာမိက် မဒှ်မဟာသာဝက။
2. ၂ ။ ဆန္ဒမိက်ဂွံဒှ်မဟာသာဝကဗွဲမလောန်။ ဣဝံ အၚ်္ဂဒှ်အလံၚ်မဟာသာဝက (၂)သာ်မဒှ်ရ။

• ၄၅ ။ အၚ်္ဂဒှ်အလံၚ်မိကျာ်, မကျာ်, ကောန်ကျာ် နွံ(၂)သာ်

1. ၁ ။ အဓိကာရရာဒၞာမိက်ဒဒှ်မိကျာ်, မကျာ်, ကောန်ကျာ်။
2. ၂ ။ ဆန္ဒနွံပၟိက်မိက်ဂွံဒှ် မိကျာ်, မကျာ်, ကောန်ကျာ်ဗွဲမလောန်။

• ၄၆ ။ စုတိနူဗြီုအရူပတုဲ ဘုံအာက္တဵုဒှ်မာန် (၂)ဘုံ

1. ၁ ။ စုတိနူဗြီု အရူပဘုံတုဲ က္လေၚ်က္တဵုဒှ်ပ္ဍဲအရူပဘုံပၠန်။
2. ၂ ။ စုတိနူဗြီု အရူပဘုံတုဲ ဒးအာက္တဵုဒှ်ပ္ဍဲကာမဘုံ။

• ၄၇ ။ သာမဏဳတံ ပွမကဵုဒ္ဂိုန်ဂိုၚ်ကေတ်သရဏဂှ် တိတ်ဒှ် (၂)သာ်

1. ၁ ။ နိဂ္ဂဟိတန္တဂှ်မွဲ၊
2. ၂ ။ မကာရန္တဂှ်မွဲ။ ဣဝွံ (၂)သာ်မဒှ်ရ။

• ၄၈ ။ သရုပ်ပုထုဇန် (၂) ကေုာံ အဓိပ္ပါယ်

1. ၁ ။ အန္ဓပူထုဇန် = ပုထုဇန်ဟၟဲကဵုပွမကတ်ဗ္တောန်, သၟာန်သၟုက်, ကလၚ်, ပကၚ်ရၚ်, ဗ္စာရဏာပ္ဍဲမပ္တံကဵုခန္ဓ, အာယတန, ဓာတ်, သစ္စတံဂှ်။
2. ၂ ။ ကလျာဏပုထုဇန် = ပုထုဇန်မၞုံကဵုပွမကတ်ဗ္တောန်, သၟာန်သၟုက်, ကလၚ်, ပကၚ်ရၚ်, ဗ္စာရဏာပ္ဍဲမပ္တံကဵုခန္ဓ, အာယတန, ဓာတ်, သစ္စတံဂှ်။

• ၄၉ ။ ဗီုကျာ်တြဲက္ညတိုန်အာ ဍိုၚ်သွဝ်တာဝတိံၜါလဂါံ

1. ၁ ။ နူကဵုလိုက်ကဵုက္ဍဟ်ဒဵုယုဂန္ဓရ်ဂှ် မွဲလဂါံ။
2. ၂ ။ နူက္ဍဟ်ဒဵုယုဂန္ဓရ်ကဵု ဍုၚ်သွဝ်တာဝတိံမွဲလဂါံ။ ဣဝွံ ဗီုဒှ်ၜါလဂါံရ။

• ၅၀ ။ ပညာ(၂)သာ်

1. ၁ ။ အတ္ထဇာပိကပညာ = ပညာမလေပ်က္တဵုဗဒှ်ကဵုဖဵု ။
2. ၂ ။ ဇာပိတတ္တထာပညာ = ပညာမၞုံကဵုဖဵုမဂပ်ဝ်က္တဵုဗဒှ်တုဲ ။ ဣဝွံ ပညာ(၂)သာ်ရ။

ဂကောံဗွဝ်(၃)ဂမၠိုၚ်

• ၁ ။ အၚ်္ဂသ္ပမၞိဟ်ဇၞော်သၞောဝ်ဓရ် (သ္ဂုတ်သွာတ် ဂဗုတ်) (၃)သာ်

1. ပွမဟွံဂွံသ္ပအနိၚ်အထက်ဂှ်မွဲ။
2. ပွမဟွံဗက်စအဂတိပန်ဂှ်မွဲ။
3. ပွမစဳရေၚ်ဂဗုတ်ဗွဲမညဳသၟဟ် ကေုာံ ဒဒှ်ဍေံကၠောန်သ္ပဒးလဝ်။ ဣဝွံ အၚ်္ဂဇၞော်သၞောဝ်ဓဝ် (၃) သာ်မဒှ်ရ။

• ၂ ။ အနုဂါမိကနိဓိ (၃)သာ်

1. ဒါန
2. သဳလ
3. ဘာဝနာ ။

• ၃ ။ အရာဟဂပ်ဝ်သၟာန် (၃) သာ်

1. ဃောဓလိုက်က္တဵုနူသတိက်ဟဂပ်ဝ်သၟာန်။
2. ဃောကၠုၚ်နူတရဴ သီုမဍောၚ်ဂှ် ဟဂပ်ဝ်သၟာန်။
3. ညးမကၠုၚ် ကေုာံ ဒေါသက္တဵုဒှ် (ဗွဲမသ္ကာတ်မြဟ်)ဂှ် ဟဂပ်ဝ်သၟာန်။ ဣဝွံ အရာဟဂပ်ဝ်သၟာန် (၃) ပြကာမဒှ်ရ။

• ၄ ။ အကုသဵုဝိတက် (၃) သာ်

1. ကာမဝိတတက် = ကသပ်ချပ်စပ်ကဵုကာမဂုဏ်။
2. ဗျာပါဒဝိတက် = ကသပ်ချပ်စပ် မိက်ဂွံကဵုညးတၞဟ်အာစိုပ်လီုလာ်။
3. ဝိဟိံသာဝိတက် = ကသပ်ချပ်စပ်ကဵုပွမကယျာန်ပါဲ (ဒ္စဵုဒ္စး) ။ ဣဝွံ အကုသဵုဝိတက် (၃)သာ်မဒှ်ရ။

• ၅ ။ ဥတုပိ

1. ဂိမန္တဥတု = ဥတုက္တဴ၊ (သ္ပတံနူဖဝ်ရဂိုန်မွဲစွေက် စိုပ်ဒ္ဂိုန်ပေၚ်)။
2. ဝဿန္တဥတု = ဥတုဗြဲ၊ (ဒ္ဂိုန်(၁)စွေက် စိုပ် က္ထိုန်ပေၚ်)။
3. ဟေမန္တဥတု = ဥတုၜိုဟ်/ဥတုသကတ် (က္ထိုန်မွဲစွေက် စိုပ်ဖဝ်ရဂိုန်ပေၚ်)။

• ၆ ။ ဓရ်ကာလပိ

1. ကာလအတိက် (၂) = အဝိဇ္ဇာ, သၚ်္ခါရ။
2. ကာလအနာဂတ် (၂) = ဇာတိ, ဇရာမာရဏ။
3. ကာလပစ္စုပ္ပန် (၈) = ဝိဉာဏ်, နာမ်ရုပ်, သဠာယတန, ဖဿ, ဝေဒနာ, တဏှာ, ဥပါဒါန်, ကမ္မဘဝ။ ဣဝွံ ဓရ်ကာလပိမဒှ်ရ။

• ၇ ။ ကာယကံ (၃) သာ်

1. ပါဏာတိပါတ = ပွမဂစိုတ်လမျီုညး။
2. အဒိန္နာဒါန = ပွမဂိုၚ်ကၠတ်ကေတ်ဒြပ်ညးမၞုံကဵုတၠ။
3. ကာမေသုမိစ္ဆာစာရ = ပွမဒ္ဂေတ်ဓရ်မေထုန်ပ္ဍဲကောန်ဇာတ်သမ္ဘာညး။ ဣဝွံ ကာယကံ (၃) သာ်မဒှ်ရ။

• ၈ ။ ကာလပိသာ်

1. ကာလပစ္စုပ္ပန် = အခိၚ်ကာက္တဵုဒှ်ဒၟံၚ်လၟုဟ်, ပစ္စက္ခဂတမတ် (တ္ၚဲဏံ)။
2. ကာလအတိက် = အခိၚ်ကာမက္လိလောန်ကၠုၚ်တုဲတုဲတေံ (နူကၞေံတေံ)။
3. ကာလအနာဂတ် = အခိၚ်ကာလကြက်ဒးဒှ်အနာဂတ်ဂတတေဴ (တ္ၚဲယးဂတတေံ)။

• ၉ ။ ကံ (၃) သာ်

1. ကာယကံ = ပွမကၠောန်, ပ္တုဲနကဵုကာယ။
2. ဝစဳကံ = ပွမကၠောန်, ဟီုနကဵုပါၚ်။
3. မနောကံ = ပွမကၠောန်, ချပ်နကဵုစိုတ်။ ဣဝွံ ကံပိမဒှ်ရ။

• ၁၀ ။ ကုသဵုဝိတက် (၃) သာ်

1. နေက္ခမ္မဝိတက် = ချပ်ညံၚ်ဂွံတိတ်ဗၠးနူကာမဂုဏ်။
2. အဗျာပါဒဝိတက် = ချပ်ညံၚ်ဟွံဂွံအာစိုပ်လီုလာ်။
3. အဝိဟိံသာဝိတက် = ချပ်ညံၚ်ဟွံဂွံကယျာန် (ဟွံဂွံဒ္စဵုဒ္စး)။ ဣဝွံ ကုသဵုဝိတက် (၃) ပြကာမဒှ်ရ။

• ၁၁။ စေတနာပိတန်

1. ပုဗ္ဗစေတနာ = စေတနာက္တဵုဒှ်ဗွဲကိုပ်ကၠာ နူဟဂွံသ္ပကုသဵု, ကဵုဒါန်ဏီ ဃောချပ်။
2. ပဥ္ဇစေတနာ = စေတနာက္တဵုဒှ်ဃောကၠောန်, ပ္တုဲကုသဵု ဃောကဵုဒၟံၚ်ဒါန်။
3. ပရစေတနာ = စေတနာက္တဵုဒှ်ကြဴနူတ္ၚဲသ္ပကုသဵု, ကဵုဒါန်တုဲ။ ဣဝွံ စေတနာပိတန်မဒှ်ရ။

• ၁၂ ။ စရိုတ် (၃) သာ်

1. လောကတ္ထစရိယာ = တၞဟ်နဒ္တုဲမြမောဝ်ပ္ဍဲလိုက်။
2. ဉာတတ္ထစရိယာ = တၞဟ်နဒ္တုဲမြမောဝ်က္လောဂမၠိုၚ်။
3. ဗုဒ္ဓတ္ထစရိယာ = တၞဟ်နဒးဒှ်ကျာ်။ ဣဝွံ စရိုတ်ပိမဒှ်ရ။

• ၁၃ ။ ဇျာပန (၃)ဂကူ

1. အဂ္ဂိဇျာပန = ပွစံၚ်ဇွဂြဇုတ်နကဵုပၟတ်။
2. ဘူမိဇျာပန = ပွမတိုပ်ဇွဂြဇုတ်ပ္ဍဲတိ။
3. ဥဒကဇျာပန = ပွမဖဳထောံဇွဂြဇုတ်ပ္ဍဲဍာ်။ ဣဝွံ ဇျာပန ပိဂကူမဒှ်ရ။

• ၁၄ ။ တြိကဋုက် (၃) သာ်

1. မြေက္ခမိဟ်
2. မကၞိ
3. လ္ဂဝ် ။

• ၁၅ ။ တဏှာ (၃) သာ်

1. ကာမတဏှာ = ပွမစောဲလာံကဵုဓရ်အာရီုကာမဂုဏ်(၅)ပြကာ။
2. ဘဝတဏှာ = ပွမစောဲလာံကဵုဘဝ၊ တဏှာ မစိုန်သ္ကီု ကေုာံ သဿတဒိဋ္ဌိ။
3. ဝိဘဝတဏှာ = ပွမစောဲလာံကဵုတဏှာ ရဴဝွံမ္ဂးဘဝဟၟဲ၊ တဏှာမစိုန်သ္ကီု ကေုာံ ဥစ္ဆောဒိဋ္ဌိ၊ ဣဝွံ တဏှာ ပိပြကာမဒှ်ရ။

• ၁၆ ။ တြိဖလ (၃) သာ်

1. သတ်တၠုဲ
2. သတ်ဂစွံ
3. သတ်ဂမောဝ် ။

• ၁၇ ။ ဒါန်ပိသာ်

1. ဟိနဒါန် = ဝတ္ထုဒါန်ဍိုန်လျနူဇကုရပ်စပ်။
2. မဇ္စျိမဒါန် = ဝတ္ထုဒါန်တုပ်သၟဟ်ကဵုဇကုရပ်စပ်။
3. မဏိတဒါန် = ဝတ္ထုဒါန်ခိုဟ်ပြဲနူဇကုရပ်စပ်။ ဣဝွံ ဒါန်တိတ်ဒှ်ပသာ်မဒှ်ရ။

• ၁၈ ။ ဒါန်ပိသာ်

1. ဒါနဒါသ = ဝတ္ထုဒါန်ဍိုန်လျနူဇကုရပ်စပ်။
2. ဒါနသဟာယ = ဝတ္ထုဒါန်တုပ်သၟဟ်ကဵုဇကုရပ်စပ်။
3. ဒါနသာမိ = ဝတ္ထုဒါန်ခိုဟ်ပြဲနူဇကုရပ်စပ်။ ဣဝွံ ဒါန်တိတ်ဒှ်ပသာ်မဒှ်ရ။ ဣဝွံ ဒါန်တိတ်ဒှ်ပိသာ်ရ။

• ၁၉ ။ ဒါန်ပိသာ်

1. သဟတ္ထိကဒါန = နတဲဇကုပရာပ်ကဵုဒၟုၚ်ဒါန်(သၠးကဵုဒါန်)။
2. အာဏတ္ထိကဒါန = ပွမဖ္အောဝ်စကာညးသ္အာၚ်ကဵုသၠးကဵုဒါန်။
3. နိဿဂ္ဂိယဒါန = ပွမပြၚ်ဏာဝတ္ထုဒါန်ကုညးမွဲသ္အာၚ်တုဲ သၠးကဵုဒါန်။ ဣဝွံ ဒါန်ပိပြကာရ။

• ၂၀ ။ ဒါနပိသာ်

1. ဒါန = ကဵုဒါန်ထဝ်, သြန်, စိၚ်, ချေံ, ပြေၚ်, ဂၠဴ, တိဗ္ၚ, ကောန်, သမ္ဘာ။
2. ဒါနဥပ = ကဵုဒါန်မပ္တံကဵုအဝဲဇိုၚ်, တဲ, က္တောဝ်, မတ်။
3. ဒါနပရမတ္ထ = ကဵုဒါန်လမျီုဇကု။ ဣဝွံ ဒါန်ပိသာ်မဒှ်ရ။

• ၂၁ ။ ဒေတတဴဣဒ္ဓိဇၞော်လ္တူနူသၟိၚ်အိန် (၃)တၠ

1. ဒေဝတဴစူဠရဋ္ဌ ။
2. ဒေဝတဴမဟာရဋ္ဌ ။
3. ဒေဝတဴအနေကဝဏ္ဏ ။ ဟိုတ်တုန် − သၟိၚ်အိန်ဂှ် ကဵုလဝ်ဒါန်ပ္ဍဲဘဝမ္ၚးသာသနာတုဲ ဒေဝတဴဇၞော်ပိဝွံ ဟိုတ်နူကဵုလဝ်ဒါန်ပ္ဍဲသာသနာဏံတုဲ ဣဒ္ဓိဇၞော်နူသၟိၚ်အိန်ရ။

• ၂၂ ။ ဒးကၠောန်လၟိုန် (၃) သာ်

1. ဒါန ၊
2. သဳလ ၊
3. ဘာဝနာ ။

• ၂၃ ။ ဒးဝေၚ်ပါဲလၟိုန် (၃) သာ်

1. ကာယကံဒုစရိုတ် ၊
2. ဝစဳကံဒုစရိုတ် ၊
3. မနောကံဒစရိုတ် ။

• ၂၄ ။ ဒးသ္ပစ္ၜုဲစ္ၜော်လၟိုန် (၃) သာ်

1. ကျာ် ၊
2. ဓရ် ၊
3. သၚ် ။

• ၂၅ ။ ဒိဋ္ဌိ (၃) သာ်

1. နတ္ထိကဒိဋ္ဌိ = ပွမဂိုၚ်ကေတ်ကွေတ်မ္ၚး ဓရ်ဖဵုဟၟဲ (ကု+အကုဟၟဲ၊ ကံ+ကံဖဵုဟၟဲ)။
2. အကိရိယဒိဋ္ဌိ = ပွမဂိုၚ်ကေတ်ကွေတ်မ္ၚး ဂွံဒှ်မၞိဟ်ဟိုတ်နူကံအတိက်ဟွံသေၚ် (ဟိုတ်နူမိမၜါ)။
3. အဟေတုကဒိဋ္ဌိ = ပွမဂိုၚ်ကေတ်ကွေတ်မ္ၚး ဓရ်ဖဵုလေဝ်ဟၟဲ ဓရ်ကံလေဝ်ဟၟဲ၊ (ကၠောန်ဒု−ဒုဟ်ဟၟဲ)။ ဣဝွံ ဒိဋ္ဌိပိသာ်မဒှ်ရ။

• ၂၆ ။ ဒေသနာ (၃) သာ်

1. အာဏာဒေသနာ = ဝိနဲပိဋကတ်မဂပ်ဝ်ဟီုတွံဒၠောံဗ္တောန်ပ္ညပ်ဗွဲအာဏာ။
2. ဝေါစဟာရဒေသနာ = သုတ္တန္တပိဋကတ် မဂပ်ဝ်ဟီုတွံဒၠောံဗ္တောန်ဗွဲဝေါဟာရဂှ်။
3. ပရမတ္ထဒေသနာ = အဘိဓမ္မပိဋကတ် မဂပ်ဝ်ဟီုတွံဒၠောံဗ္တောန်ဗွဲမရမတ္ထဂှ်။ ဣဝွံ ဒေသနာ ပိပြကာမဒှ်ရ။

• ၂၇ ။ ဒၠောံဗ္တောန်ကျာ်တြဲ (၃) သာ်

1. သဗ္ဗပါပဿအကရဏံ = လ္ပကၠောန်အကုသဵုအိုတ်ညိ ။
2. ကုသလဿဥပသမ္ပဒါ = ကၠောန်ကုသဵုအိုတ်ညိ ။
3. သစိတ္တပရိယောဒပနံ = လၟိုန်စွံစိုတ်ခိုဟ်ဟ်၊ စွံစိုတ်ပြဲပြဲအိုတ်ညိ။ ဣဝွံ ဒၠောံဗ္တော်ကျာ်တြဲပိသာ်မဒှ်ရ။

• ၂၈ ။ နိဓိပ္တောံ (ဒြပ်ပ္တောံ) ပိသာ်

1. ထာဝရနိဓိ ၊
2. ဇၚ်္ဂမနိဓိ ၊
3. အၚ်္ဂသမနိဓိ ။ ဣဝွံ နိဓိပ္တောံပိပြကာမဒှ်ရ။

• ၂၉ ။ ပိဋကတ်ပိ

1. ဝိနယပိဋကတ်မွဲ ။
2. သတ္တန္တပိဋကတ်မွဲ ။
3. အဘိဓမ္မပိဋကတ်မွဲ ။ ဣဝွံ ပိဋကတ်ပိမဒှ်ရ။

• ၃၀ ။ ဓရ်တိရစ္ဆာန်တအ်တီ (၃) သာ်

1. ပွမစ ၊
2. ပွမတိက် ၊
3. ပွမဒ္ဂေတ်ဓရ်မေထုန် ။

• ၃၁ ။ ပွမတန်ပဋိသိန္ဓ အၚ်္ဂ (၃) သာ်

1. မိမၜါ ပွကောံဓရီု (အာကၠုၚ်) ။
2. ပွမဒှ်အဃောသတ္တံစုတိ ။
3. ပွမကိတ်ညဳကဵုဥတုသမယ ။ အၚ်္ဂပိသာ်ဝွံ ဍိုက်ပေၚ်မ္ဂး က္လိဂွံတန်ပဋိသန္ဓိရ။

• ၃၂ ။ ပေမ (ပွမသ္ဍိုက်ဆာန်) တိတ်ဒှ် (၃) သာ်

1. တဏှာပေမ = ပွမသ္ဍိုက်ဆာန်သမ္ဘာ, တၠသ္ၚိ, ကဝေၚ်ဂရိုၚ် ။
2. ဂေဟဿိတပေမ = ပွမသ္ဍိုက်ဆာန်မိမ, က္လော, ကောဒေံ, ကောန်ဇာတ် ။
3. မေတ္တပေမ = ပွမသ္ဍိုက်ဆာန်နကဵုစေတနာ, နွံပၟိက်မိၚ်ဂွံကဵုညးတၞဟ်ဇၞော်မောဝ်, ဒှ်တသိုခ် ။

• ၃၃ ။ ပရိနိဗ္ဗာန် (၃) သာ်

1. ကိလေသပရိနိဗ္ဗာန် = ဂွံဖ္အိုတ်ကၠေံ (ဂစိုတ်ကၠေံ)ကိလေသ ၁၅၀၀၊ တဏှာ−၁၀၈ သီုဝါသၞာ၊ နကဵုအရဟတ္တမဂ္ဂဉာဏ် ပ္ဍဲဇရေၚ်တံဇြဲဗောဓိ။
2. ခန္ဓပရိနိဗ္ဗာန် = သက္ကရာဇ်−၁၄၈၊ ဂိမန္တဥတု၊ ဂိတုပသာ်(၁၅)မံက်၊ တ္ၚဲအၚာ၊ ဏာမုက္ခဝါလ္ပာ်ဒိုဟ်ပၠိုတ်၊ ပ္ဍဲဍုၚ်ကုသိနာရာံ၊ ဇရေၚ်ဥဒျန် သၟိၚ်မလ္လာ၊ က္ညစဴအာနိဗ္ဗာန်တုဲရ။
3. ဓာတုပရိနိဗ္ဗာန် = အနာဂတ်ဂတ ကြက်ဒှ်ရ၊ ကာလသာသနာကျာ်အိုတ်၊ ညးဟွံရှ်ေသှ်ေမွဲတုဲ ဓာတ်ဂမၠိုၚ် အာကောံပ္ဍဲဇရေၚ်ဇြဲဗောဓိတုဲ တူလေၚ်အာအိုတ်ရောၚ်။ ဣဝွံ ပရိနိဗ္ဗာန်ပိသာ်မဒှ်ရ။

• ၃၄ ။ ပူဂဵုပ္တုဲဒါန် က္လိဂွံသမ္ပတ္တိပိမာန်

1. ဘောဂသမ္ပတ္တိ = ပွမက္လိဂွံပိုန်ဟာန်ဒြပ်ရတ်ထဝ်သြန်။
2. ဘဝသမ္ပတ္တိ = ပွမက္လိဂွံ ဒဒှ်ဘဝမၞိဟ်, ဘဝဒေဝတဴ ။
3. နိဗ္ဗာနသမ္ပတ္တိ = ပွမက္လိဂွံ အာစိုပ်ဍုၚ်ဇၞော်နိဗ္ဗာန် ။

• ၃၅ ။ ဖေက်ပိဂကူ

1. စိုတ်ဖေက် = ဖေက်ဝွံ ဟိုတ်နူဒှ်ဂကူဖေက် မပ္တံကဵုကၠဗြန်တအ်ရောၚ်။
2. ဖေက်သမထ = ဖေက်ဝွံ ဟိုတ်နူဒှ်ဂကူဖေက်အာရီုနိမိတ် မပ္တံဇွမၞိဟ်, ဇွပုခ္ဍံၚ်, ဂအုံဇုတ်တံရ။
3. ဖေက်ဝိပဿနာ = ဖေက်ဝွံ ဖေက်ဘယဉာဏ်ရောၚ်။ ဣဝွံ ဖေက်ပိဂကူမဒှ်ရ။

• ၃၆ ။ ဘုံ (၃) သာ်

1. ကာမဘုံ၊
2. ရူပဘုံ၊
3. အရူပဘုံ။ ဣဝွံ ဘုံ(၃)မဒှ်ရ။

• ၃၇ ။ မနောကံ (၃)သာ်

1. အဘိဇ္စျာ = ပွမချပ်ဒြပ်ညးတၞဟ် ညံၚ်ဂွံဒှ်ဒြပ်ဇကု။
2. ဗျာပါဒ = ပွမချပ်ဒြပ်ညးတၞဟ် ညံၚ်ဂွံအာစိုတ်လီုလာ်။
3. မိစ္ဆာဒိဋ္ဌိ = ပွမချပ်ဂိုၚ်ကေတ်ကွေတ်မစ္ဆာ။ ဣဝွံ မနောကံ ပိပြကာမဒှ်ရ။

• ၃၈ ။ ပွမပေၚ်ပၟိက် (၃) သာ်

1. ဗွဝ်ပၟတ်၊
2. ၜဳမှာသၟိဒ်၊
3. ညးလောဘဇၞော်။

• ၃၉ ။ မာန (၃) ဂကူ

1. သေယျမာန = ၜိုတ်အဲမွဲရောဟၟဲ အဲပြဲအိုတ်ရ။
2. သဒိသမာန = ညးဂမၠိၚ် ၜိုတ်လဵုမိက်ဂွံခိုဟ်တှ်ေခိုဟ် ၜိုတ်အဲရဒှ်။
3. ဟိနမာန = ယုတ်ပရေံနူအဲ မွဲဟၟဲရ။ ဣဝွံ မာနာ ပိဂကူမဒှ်ရ။

• ၄၀ ။ မဂ္ဂၚ်ဗွဲခမၞောန် (၃) သာ်

1. သဳလမဂ္ဂၚ်၊
2. သမာဓိမဂ္ဂၚ်၊
3. ပညာမဂ္ဂၚ်။

• ၄၁ ။ မိမရီုဟွံမာန် (၃) သာ်

1. ဇရာဘယံ = ဒဒိုက်ဗျု (ဘဲ)။
2. ဗျာဓိဘယံ = ဒဒိုက်ယဲ (ဘဲ)။
3. မရဏဘယံ = ဒဒိုက်ချိုတ် (ဘဲ)။

• ၄၂ ။ မၞိဟ်ဗြဴလ္တက်ပဠောအ်ကယျိုၚ်ကယျဝ်မဟလ္လတာမာန် နွံ(၃)တၠ

1. ဂၞကျာ်ဝိသာခါ။
2. ဂၞကျာ်မလ္လိကာ = သမ္ဘာသ္ကိုပ်ပၞာန်ဇၞော်ဗန္ဓုလ။
3. ဂၞကျာ်သုမန = ကောန်ဝုတ်သေဋ္ဌဳဇၞော်ဍုၚ်ဗာရဏသဳ။ ဣဝွံ ပိတၠမဒှ်ရ။

• ၄၃ ။ မၞိသ်ဗြဴတံ ဂါရဝနွံ(၃)သာ်

1. ပွမသ္ပရှ်ေသှ်ေရဴဂဴလ္တူမိမၜါ။
2. ပွမသ္ပရှ်ေသှ်ေရဴဂဴလ္တူခါံသဳၜါတၠ။
3. ပွမသ္ပရှ်ေသှ်ေရဴဂဴလ္တူတၠသ္ၚိဇကု။ ဣဝွံ မၞိသ်ဗြဴတံ ဂါရဝနွံ (၃)ပြကာမဒှ်ရ။

• ၄၄ ။ ရတ် (ရတနာ)ပိသာ်

1. ဗုဒ္ဓရတ် = ကျာ်။
2. ဓမ္မရတ် = ဓရ်။
3. သံဃရတ် = သၚ်။ ဣဝွံ ရတ်ပိမဒှ်ရ။

• ၄၅ ။ လက်သဏ်အ္စာသဝ် (၃)သာ်

1. ပွမဆိုက်ဗ္ဒက်ဍိုဟ်ကေက်ပ္ဍဲပြကိုဟ်ဂဥုဲ, ပြကိုဟ်ဓာတ်, ပြကိုဟ်ဗိန္ဒော။
2. ပွမဟီုဂလာန်ဍိုန်ၜတ်ဇိပ်ဂၠိပ်။
3. ပွမဍိုက်ပေၚ်တဴ ကေုာံ ဓရ်သဳလ။ ဣဝွံ လက်သဏ်အ္စာသဝ် ပိပြကာမဒှ်ရ။

• ၄၆ ။ လက်သဏ်အ္စာတက္ခဳ (၃)သာ်

1. ပွမၞုံကဵုသမ္တီဉာဏ်ခိုဟ်။
2. ပွမချူအ္ခရ်ပြဟ်ပြေဟ်။
3. ပွမချူအက္ခရ်သောၚ်ကၠး။ ဣဝွံ လက်သဏ်အ္စာတက္ခဳ (၃) ပြကာမဒှ်ရ။

• ၄၇ ။ လက်သဏ်ပြောဟိတ် (၃)သာ်

1. ပွမဆိုက်ဗ္ဒက်ပ္ဍဲပြကိုဟ်ဝေဒ။
2. ပွမဆိုက်ဗ္ဒက်ပ္ဍဲအရာမန်ယန်။
3. ဒၞာဲဒးဟီုမ္ဂး ပွမဟီုဗွဲမဂံၚ်သ္ကာ။ ဣဝွံ လက်သဏ်ပြောဟိတ် ပိပြကာမဒှ်ရ။

• ၄၈ ။ လက်သဏ်ညးဇၞော်ဂဗုတ် (၃)သာ်

1. ပွမဍိုက်ပေၚ်ကဵုလက်သဏ်ဂကူ။
2. ပွမလဟိၚ်တဴပ္ဍဲပြကိုဟ်မပ္တံကဵုဓမ္မသာဒ်။
3. ပွမလေပ်ဖ္အောဝ်စကာဍိက်သ္ကံတွဳဝါရ ဒၞာဲညးကဵုညး။ ဣဝွံ မိသာ်မဒှ်ရ။

• ၄၉ ။ လက်သဏ်ပူဂဵုသမၠီု (၃)ပြကာ

1. ဒုစိန္တိတဿစိန္တာ = ချပ်လ္ပာ်ဒုစရိုတ်။
2. ဒုဘာသိတဿဘာသနာ = ဟီုလ္ပာ်ဒုစရိုတ်။
3. ဒုက္ကမ္မဿကတဥ္စ = ကၠောန်လ္ပာ်ဒုစရိုတ်။

• ၅၀ ။ လက်သဏ်ပူဂဵုတၠပညာ (၃)ပြကာ

1. သုစိန္တိတဿစိန္တာ = ချပ်လ္ပာ်သုစရိုတ်။
2. သုဘာသိတဿဘာသနာ = ကၠောန်လ္ပာ်သုစရိုတ်။
3. သုက္ကမ္မဿကတဥ္စ = ကၠောန်လ္ပာ်သုစရိုတ်။ ဣဝွံ လက်သဏ်ပူဂဵုတၠပညာ ပိပြကာမဒှ်ရ။

• ၅၁ ။ ဝိဇ္ဇာပိ

1. ပုဗ္ဗေနိဝါသဉာဏ်၊
2. ဒိဗ္ဗစက္ခုဉာဏ်၊
3. အာသွက္ခာယဉာဏ်။ ဣဝွံ ဝိဇ္ဇပိမဒှ်ရ။

• ၅၂ ။ သာဝကကျာ်ပိ

1. အဂ္ဂသာဝက = ကွးသွုံမွဲ၊ ကွးဇွိမွဲ။
2. မဟာသာဝက = ကွးကျာ်(၈၀) ညံၚ်အညာတကောဏ္ဍည။
3. ပက္ကတိသာဝက = သၟေဟ်နူသာဝကၜါဂှ်တုဲ ဒှ်ပက္ကတိသာဝကဖ္အိုတ်ရ။ ဣဝွံ သာဝကကျာ်ပိပြကာမဒှ်ရ။

• ၅၃ ။ သိက္ခာ (၃)သာ်

1. အဓိသဳလသိက္ခာ = ပွမထိၚ်ဒက်မၚ်မွဲ သဳလသိက္ခာပိုဒ်ဗွဲမလောန်။
2. အဓိစတ္တသိက္ခာ = ပွမပ္တိုတ်ဇြဟတ်ကဵု ညံၚ်သ္ဂောံက္လိဂွံသမာဓိဗွဲမလောန်။
3. အဓိပညာသိက္ခာ = ပွမပ္တိတ်ဒြဟတ် ညံၚ်သ္ဂောံက္လိဂွံပညာ(ဉာဏ်/ဝိပဿနာ)ဗွဲမလောန်။ ဣဝွံ သိက္ခာပိမဒှ်ရ။

• ၅၄ ။ သဳလမဂ္ဂၚ် (၃)သာ်

1. သမ္မာဝါစာ ၊
2. သမ္မာကမ္မန္တ ၊
3. သမ္မာအာဇဳဝ။ ဣဝွံ သဳလမဂ္ဂပိမဒှ်ရ။

• ၅၅ ။ သမာဓိမဂ္ဂၚ် (၃)သာ်

1. သမ္မာဝါယာမ၊
2. သမ္မာသတိ၊
3. သမ္မာသမာဓိ။ ဣဝွံ သမာဓိမဂ္ဂၚ် ပိမဒှ်ရ။

• ၅၆ ။ သာသနာပိတန်

1. ပရိယတ္တိသာသနာ = ပွမကတ်လ္ၚတ်ဖျေံပ္တိုန် မပ္တံပိဋကတ်ပိ၊ ပါဠိပါၚ်ကျာ်။
2. ပဋိပတ္တိသာသနာ = ပွမဒ္ဂေတ်လ္ၚတ်မၚ်မွဲ သဳလ၊ သမာဓိ၊ ပညာ၊ ဓုတၚ်−၁၃၊ ဝတ်ဇၞော်−၁၄၊ ဝတ်သၟတ်−၈၀၊ သဳလ, သမာဓိ၊ ဝိပဿနာပညာ။
3. ပဋိဝေဓသာသနာ = ပွမတီကေတ်ဖဵုဂုဏ် (မဂ်ဉာဏ်, ဖဵုဉာဏ်, နိဗ္ဗာန်မာန်)။ ဣဝွံ သာသနာပိတန်မဒှ်ရ။

• ၅၇ ။ ဟွံဂွနွံ (၃)သာ်

1. သ္ဍိုက်မၠိုက်ဒးကဵုစိုတ်တုဲ ဟွံဂွ။
2. ကၠောဝ်ဗျဵုတဟၚ်တုဲ ဟွံဂွံ။
3. မတ်ဒကုဲတုဲ ဟွံဂွံ။ ဣဝွံ ဟိုတ်ဟွံဂွံ (၃)သာ်မဒှ်ရ။

• ၅၈ ။ ဓရ်သၚ်္ခါရ (၃)သာ်

1. ပုညာဘိသၚ်္ခါရ = ဂကောံမဟာကုသဵုစေတနာ, ရူပကုသဵုစေတနာ, လေပ်ပြုပြေၚ်စဳရေၚ်သွက်ဏာဗ္စိုပ်ကဵုဘုံမၞိဟ်၊ ဘုံသွ(ဒေဝတဴ)၊ ဘုံဗြီုရူပ။
2. အပုညာဘိသၚ်္ခါရ = ဂကောံဗွဝ်စေတနာမစိုန်သ္ကီု ကေုာံအကုသဵုစိုတ်(၁၂)၊ လေပ်ပြုပြေၚ်စဳရေၚ်သွက်ဏာဗ္စိုပ်ကဵုဘုံအပါဲပန်။
3. အာနေဥ္ဇာဘိသၚ်္ခါရ = ဂကောံစေတနာမစိုန်သ္ကီုပ္ဍဲအရုပကုသဵုပန်၊ လေပ်ပြုပြေၚ်စဳရေၚ်သွက်ဏာဗ္စိုပ်ကဵုဗြီုအရူပ။ ဣဝွံ ဓရ်သၚ်္ခါရတိတ်ဒှ်(၃)သာ်ရ။

• ၅၉ ။ လွဳပရာဓရ်မ္ဂး ဒးစွံသတိ (၃) သာ်

1. ပွမတက်ဒၟံၚ်ကျာဂှ် ဒးဖ္အောန်။
2. ပွမစစၞစဵုကဵုလောန်ဟွံဂွံ။
3. ပွမတိတ်ဂၠိုၚ်လောန် ဟွံဂွံ။ လၚ်္ကာ−ဂလာန်သီုစၞ၊ တိက်ပိရ၊ မုချဒးဖ္အောန်ရောၚ်။

• ၆၀ ။ စိုတ်ပိဂကူ

1. ကိလေသစိုတ် = လေပ်သ္ပအာရီုကဵုပ္ညပ်ဟေၚ်ရ။
2. ဝိပဿနာစိုတ် = လေပ်သ္ပအာရီုကဵုရုပ်ပရမတ်+နာမရမတ်ဟေၚ်ရ။
3. မဂ်စိုတ်, ဖဵုစိုတ် = လေပ်သ္ပအာရီုကဵုနိဗ္ဗာန်ဟေၚ်ရ။ ဣဝွံ စိုတ်ပိဂကူမဒှ်ရ။

• ၆၁ ။ မန်ပိဂကူ

1. မန်ဒိုၚ်၊
2. မန်ဒ၊
3. မည ။ ဣဝွံ မန်ပိဂကူမဒှ်ရ။

• ၆၂ ။ ထေရ် (၃)သာ်

1. အနုထေရ် = နူသ္ပခၟဳစဵုကဵုစိုပ် (၁၀)ဝှ် ။
2. မဇ္စျိမထေရ် = နူစှ်ဝှ်စဵုကဵုစိုပ် (၂၀)ဝှ် ။
3. မဟာထေရ် = (၂၀)ဝှ်လ္တူ ။

၆၃ ။ ဂၠံၚ်တရဴသၟိၚ်တ္ၚဲအာနွံ (၃)ဂၠံၚ်

(၁) ၊ အန္တောဝဳထိ = ဂၠံၚ်အပ္ဍဲ၊

(၂) ၊ မဇ္စျေဝဳထိ = ဂၠံၚ်လဒေါဝ်၊

(၃) ၊ ဗာဟိရဝဳထိ = ဂၠံၚ်မ္ၚး။ ဣဝွံ ဂၠံၚ်တရဴသၟိၚ်တ္ၚဲ အာတိတ်ဒှ်ပိပြကာရ။

၆၄ ။ ဒေဝတဴ (၃) ပြကာ

(၁) ၊ ဒေဝတဴသမ္မုတိ = သၟိၚ်မၞိသ်၊ ဨကရာဇ်။

(၂) ၊ ဒဗဝတဴဥပပတ္တိ = ဒေဝတဴလ, ဗြီုအလုံအိုဿီု မလေပ်က္တဵုဗဒှ်နကဵုဥပပါတ်ပဋိသန္ဓိတအ်။

(၃) ၊ ဒေဝတဴဝိသုဒ္ဓိ = ကျာ်, အရှန် မလေပ်သ္အးဇ္ၚးကၠေံနူကိလေသ (၁၅၀၀)တုဲ။ ဣဝွံ ဒေဝတဴပိပြကာရ။

၆၅ ။ ပဟာန် (၃)သာ်

(၁) ၊ တဒၚ်္ဂပဟာန် = ပွမပါဲကၠေံကိလေသမာန် ဗၞတ်မွဲချိုန်ခဏ။

(၂) ၊ ဝိက္ခမ္ဘနပဟာန် = ပွမပါဲကၠေံကိလေသမာန် နကဵုဓရ်ဇျာန်, သမာပတ်။

(၃) ၊ သမုစ္ဆေဒပဟာန် = ပွမပါဲကၠေံကိလေသ ဗွဲမသက္ကုသၟေဟ်နကဵုဓရ်မဂ်။ ဣဝွံ ဓရ်ပဟာန် ပိပြကာရ။

၆၆ ။ ကျာ်တြဲသ္ပပရိနိဗ္ဗာန် ဟိုတ်ဂွံက္ညအာဍုၚ်ကုသိနာရာံ နွံ(၃)သာ်

(၁) ၊ ဟိုတ်နူနွံပၟိက်မိက်ဂွံဟီုတွံ မဟာသုဒဿနသုတ်ကီု။

(၂) ၊ ပွမတီကေတ်ပြဘာဒ်သုဘဒ္ဒ ကြက်ဂွံအာစိုပ်ဒဒှ်အရှန်ကီု။

(၃) ၊ ဟိုတ်နူဓါတ်ကျာ်သၟိၚ်(၇)က္ဍိုၚ်ဗ္တာၚ် က္တဵုဒှ်ပၞာန်ဏောၚ် ညံၚ်ဟွံဂွံဒှ်ပၞာန် အ္စာဗၞးဒေါန ဆေဝ်ဒဝ်ကဵုမာန်၊ ဖန်ဖက်ကဵုမာန်ကီု။ ဣဝွံ ဟိုတ်ပိပြကာမဒှ်ရ။

၆၇ ။ သၟိၚ်တအ် ဟဂပ်ဝ်ပါဲထောံကၠေံမၞိသ် (၃)တၠ

(၁) ၊ ညးမရီုဗၚ်လဝ်လမျီုသၟိၚ်။

(၂) ၊ ကာလအာစိုပ်ဒဒိုက် ညးမဟံၚ်ပြာ်လဝ်။

(၃) ၊ ညံၚ်ဂွံဒှ်သၟိၚ် ညးမပ္တိုန်ကဵုလဝ် ။ ဣဝွံ (၃)တၠမဒှ်ရ။

၆၈ ။ ဋ္ဌာန်သၟိၚ်တအ် ဟဂပ်ဝ်ဝိုတ်ကၠေံ(၃)သာ်

(၁) ၊ ဋ္ဌာန်ဇာတိဒှ်မၞိသ် (တိုပ်သုက်)။

(၂) ၊ ဋ္ဌာန်ဂွံဒုၚ်စဝ်လဝ်ဘိသိက်။

(၃) ၊ ဋ္ဌာန်ဂွံပေါဲအံၚ်ဇၞးသၞသတြု။ ဣဝွံ ဋ္ဌာန်ဝိုတ်ဟွံထေက်ပိပြကာရ။

၆၉ ။ မာန (၃)သာ်

(၁) ၊ ဇာတိမန = ဗ္ဒါဲကဵုဇာတ်တုဲ ပွမသၠုၚ်ပ္တိုန်မာန်။

(၂) ၊ ဣဿရိယမာန = ဗ္ဒါဲကဵုအလဵုအသဳတုဲ ပွမပ္တိုန်မာန်။

(၃) ၊ ဂေါတ္တမာန = ဗ္ဒါဲကဵုတၞောဝ်ဒတောဝ်တုဲ ပွမပ္တိုန်မာန်။ ဣဝွံ မာနတိတ်ဒှ်ပိပြကာရ။

၇၀ ။ ခၟဳတအ် ပွမဒုၚ်ဒါန်ဘာနွံ (၃)ပြကာ

(၁) ၊ ဘာပုဂ္ဂလိက = ဘာရန်တၟံလဝ်ကဵုပူဂဵုမွဲမွဲတုဲ ပွမကဵုလဝ်ဒါန်။

(၂) ၊ ဘာဂဏိက = ဘာရန်တၟံလဝ်ကဵုသၚ်ဂကောံဂမၠိုၚ်တုဲ ကဵုလဝ်ဒါန်။

(၃) ၊ ဘာသံဃိက = ဘာရန်တၟံလဝ်ကဵုသၚ်အလုံအိုဿီုတုဲ ကဵုလဝ်ဒါန်။ ဣဝွံ ဘာတိတ်ဒှ်ပိပြကာရ။

• ၇၁ ။ အၚ်္ဂလမဳအလဇ္ဇဳတအ် နွံ(၃) ပြကာ

1. သဥ္စိစ္စအာပတ္တိံအာပဇ္ဇတိ = ပွမအာစိုပ်အာပတ် (ဒုဟ်) မွဲဟာန်ကေုာံစေတနာ။
2. အာပတ္တိံပရိဂူဟတိ = ပွမဂြောပ်ဗ္ဒန်လဝ်အာပတ်(ဒုဟ်) မအာစိုပ်လဝ်တုဲ။
3. အဂတိဂမနဥ္စဂစ္ဆတိ = ပွမဗက်စအဂတိပန်ပြကာ။ ဣဝွံ အၚ်္ဂခမဳအလဇ္ဇဳ ပိပြကာရ။

• ၇၂ ။ ကောန် (၃) ပြကာ

1. အတိဇာတ = ကောန်မၞုံကဵုဂုဏ်ဇၞော်လောန်လ္တူနူကဵုမိမၜါ။
2. အနုဇာတ = ကောန်မၞုံကဵုဂုဏ်တုပ်သၟဟ်ကေုာံမိမၜါ။
3. အဝဇာတ = ကောန်မၞုံကဵုဂုဏ်ယုတ်သဝ်နူမိမၜါ။ ဣဝွံ ကောန်တိတ်ဒှ်ပိပြကာမဒှ်ရ။

• ၇၃ ။ သုတ်ပိပြကိုဟ်

1. ပြကိုဟ်သုတ်သဳလကွန်၊
2. ပြကိုဟ်သုတ်မဟာဝါ၊
3. ပြကိုဟ်သုတ်ပါထေယျ။ ဣဝွံ သုတ်ပိပြကာရ။

• ၇၄ ။ ပွမသ္ပမ္ၚဵုထပ်တဲ နွံ(၃)သာ်

1. အာဝါဟမၚ်္ဂလာ = ပွမုၚ်ဏာမၞိသ်ဗြဴတုဲ သ္ပမ္ၚဵုထပ်တဲပ္ဍဲသ္ၚိမၞိသ်တြုံဂှ်။
2. ဝိဝါဟမၚ်္ဂလာ = ပွမဒုၚ်ဏာမၞိသ်တြုံတုဲ သ္ပမ္ၚဵုထပ်တဲပ္ဍဲသ္ၚိမၞိသ်ဗြဴဂှ်။
3. စရမၚ်္ဂလာ = ပွမသ္ပမ္ၚဵုထပ်တဲဒၞာဲမွဲမွဲ၊ ဗွဲမမိပ်မြဟ် ဒုၚ်တၠုၚ်ကၟုဲ ပ္ဍဲဒၞာဲမပ္တံကဵု(အခန်မလိၚ်မ္ၚဵုကာနာနာ)ဒၞာဲဖျာစသုၚ်ဗွဲတုန်။ ဣဝွံ ပွမသ္ပမ္ၚဵုထပ်တဲ တိတ်ဒှ်ပိပြကာရ။

• ၇၅ ။ ပထမဇျာန် (၃)ဘုံ

1. ဗြဟ္မပရိသဇ္ဇာ၊
2. ဗြဟ္မပရောဟိတာ၊
3. မဟာဗြဟ္မာ။

• ၇၆ ။ ဒုတိယဇျာန် (၃)ဘုံ

1. ပရိတ္တဘာ၊
2. အပ္ပမာဏာဘာ၊
3. အဘဿရာ။

• ၇၇ ။ တတိယဇျာန် (၃)ဘုံ

1. ပရိတ္တသုဘာ၊
2. အပ္ပမာဏာသုဘာ၊
3. သုဘကိဏှာ။

• ၇၈ ။ လက္ခဏပိ

1. အနိစ္စလက္ခဏ = ခန္ဓ, နာံ, ရုပ် ဒှ်/လီု၊ ပၠန်ဂတး ဟွံဗိုန်။
2. ဒုက္ခလက္ခဏ = ခန္ဓ, နာံ, ရုပ် ဒှ်ဗွဝ်ဒဒိုက်။
3. အနတ္တလက္ခဏ = ခန္ဓ, နာံ, ရုပ် ဟွံဒ္ဂေတ်ဗက်ပၟိက်စိုတ်ညးမွဲ၊ ဟွံဂွံအလဵုအသဳ။ ဣဝွံ လက္ခဏပိ မဒှ်ရ။

• ၇၉ ။ ဍုၚ်သာကျဝၚ် (၃)ဍုၚ်

1. ဍုၚ်ကပ္ပိလဝှ် ။
2. ဍုၚ်ဒေဝဒဟ ။
3. ဍုၚ်ကောလိယ ။

• ၈၀ ။ ယၟုကောန်ဝုတ်သၟိၚ်မာပိ

1. တဏှာ ။
2. ရာဂ ။
3. အာရတဳ။ ဣဝွံ ကောန်ဝုန်သၟိၚ်မာရ်ပိမဒှ်ရ။

• ၈၁ ။ ဘဲကပ်ဇၞော် (၃)သာ်

1. ဒဗ္ဘိက္ခဘယ = ဘဲဒဒိုက်ကၞောဝ်ကၠောဝ်ဗျဵုက္တဵုဒှ်တံဂှ်။
2. ရောဂဘယ = ဘဲယဲက္တဵုဒှ် သတ္တံဒးသ္ပကာဂစိုတ်ဗွဲမဂၠိုၚ်။
3. အမနုဿဘယ = ဘဲက္လော်, ဘုတ်, ပြိုတ် မရပ်စပ်သတ္တံတုဲ ဒးသ္ပကာဂစိုတ်။

• ၈၂ ။ ရနုက်ဗပေၚ်ပါရမအကျာ် တိတ်ဒှ်ပိသာ် မတွံဂး

1. ပညာဓိက
2. သဒ္ဓါဓိက
3. ဝဳရိယဓိက ။

• ၈၃ ။ လၟိဟ်ကဝ်ဒးရနုက်ဗပေၚ်ပါရမဳ (၃)ပြကာ

1. တြုံဗောဓိသတ် မဒှ်ပညာဓိကပါရမဳဂှ် ပန်အသၚ်ဃဲကဵုပရဲမွဲမွဲမှာလက်ကဝ် ဒးရနုက်ဗပေၚ်ပါရမဳရ။
2. တြုံဗောဓိသတ် မဒှ်သဒ္ဓါဓိကပါရမဳဂှ် ဒ္စာံအသၚ်ဃဲကဵုပရဲမွဲမှာလက်ကဝ် ဒးရနုက်ဗပေၚ်ပါရမဳရ။
3. တြုံဗောဓိသတ် မဒှ်ဝဳရိယဓိကပါရမဳဂှ် စှ်တြဴအသၚ်ဃဲကဵုပရဲမွဲမှာလက်ကဝ် ဒးရနုက်ဗပေၚ်ပါရမဳရ။

• ၈၄ ။ အသဝ်ချေံကဏ္ဍက (၁၈)ဟတ်

1. ဇမၠိၚ်ချေံကဏ္ဍက (၁၉)ဟတ် ။
2. သၠုၚ်ချေံကဏ္ဍက (၈)ဟတ်။
3. ဗုၜတ်ညံၚ်ရဴကၞုသၚ်ပဝေါတ်ညးမပေါတ်လဝ်။ ဣဝွံ အသဝ်ချေံကဏ္ဍကတိတ်ဒှ်ပိပြကာရ။

• ၈၅ ။ ခေတ္တပိ

1. ဇာတိခေတ် = စှ်လ္ၚီစက္ကဝါ ။
2. ဝိသယခေတ် = အနန္တစက္ကဝါ ။
3. အာဏာခေတ် = မွဲလက်ကိုဋ်စက္ကဝါ ။ ဣဝွံ ခေတ်တိတ်ဒှ်ပိပြကာရ။

• ၈၆ ။ အလံၚ်ဗောဓိသတ်သိဒ္ဓတ္တကုမ္မာ ဒုၚ်စသိုၚ်နန် (၃)မ

1. နန်ရမ္မ = မၞုံကဵုဘုံ(၉)ဘုံ၊ ဒုၚ်စသိုၚ်ရာသဳသကတ် (ရာသဳၜိုဟ်)။
2. နန်သုရမ္မ = မၞုံကဵုဘုံ(၅)ဘုံ၊ ဒုၚ်စသိုၚ်ရာသဳက္တဴ။
3. နန်သုဘ = မၞုံကဵုဘုံ(ရ)ဘုံ၊ ဒုၚ်စသိုၚ်ရာသဳဗြဲ။

• ၈၇ ။ သေဋ္ဌဳဍုၚ်ကောသမ္ဗဳ (၃)တၠ

1. ဃောသကသေဋ္ဌဳ ။
2. ကုက္ကုဋသေဋ္ဌဳ ။
3. ပါဝါရိကသေဋ္ဌဳ ။

• ၈၈ ။ သေဋ္ဌဳဍုၚ်ကောသမ္ဗဳ(၃)တၠ ခၞံလဝ်ဘာပိမ

1. ဘာဃောသိတာရာံ ။
2. ဘာကုက္ကုဋာရာံ ။
3. ဘာပါဝါရိကာရာံ ။

• ၈၉ ။ သတ်ကာမစုတိနူကာမဘုံတုဲ ဒးအာက္တဵုဒှ်မာန်(၃)ဘုံ

1. စုတိနူကာမဘုံတုဲ သတ်က္လေၚ်က္တဵုဒှ် ပ္ဍဲကာမဘုံပၠန် ။
2. စုတိနူကာမဘုံတုဲ သတ်ဒးအာက္တဵုဒှ် ပ္ဍဲရူပဘုံ ။
3. စုတ်နူကာမဘုံတုဲ သတ်ဒးအာက္တဵုဒှ် ပ္ဍဲအရူပဘုံ။ ဣဝွံ ပိပြကာမဒှ်ရ။

• ၉၀ ။ စုတိနူဗြီုရူပတုဲ ဒးအာက္တဵုဒှ်မာန် (၃)ဘုံ

1. စုတိနူရူပဘုံတုဲ က္လေၚ်က္တဵုဒှ် ပ္ဍဲရူပဘုံပၠန် ။
2. စုတိနူရူပဘုံတုဲ က္လေၚ်က္တဵုဒှ် ပ္ဍဲကာမဘုံ ။
3. စုတိနူရူပဘုံတုဲ က္လေၚ်က္တဵုဒှ် ပ္ဍဲအရူပဘုံ ။ ဣဝွံ ပိပြကာမဒှ်ရ။

• ၉၁ ။ ပွမသ္ပသာမဏဳဂွံဒှ်သာမဏဳဂှ် ဟိုတ်နွံ(၃)သာ်

1. ပွမကးကၠေံသော် ။
2. ပွမကဵုသ္ပိုၚ်, သ္ၚာ ။
3. ပွမကဵုဂိုၚ်ကေတ်သရဏပိ ။ ဣဝွံ ဟိုတ်ဂွံဒှ်သာမဏဳ(၃)ပြကာရ။

• ၉၂ ။ ပိဋကတ်ပိ ဗီုတောဲကေုာံ ဒေသနာပိ

1. ဝိနယ်ဂှ် = ယထာပရာဓသာသနာ ။
2. သုတ်ဂှ် = ယထာနုလောမသာသနာ ။
3. အဘိဓရ်ဂှ် = ပရမတ္ထဒေသနာ ။ ဣဝွံ (၃)ပြကာမဒှ်ရ။

• ၉၃ ။ ပိဋကတ်ပိ ဗီုတောဲကေုာံ သာသနာပိ

1. ဝိနယ်ဂှ် = ယထာပရာဓသာသနာ ။
2. သုတ်ဂှ် = ယထာနုလောမသာသနာ ။
3. အဘိဓရ်ဂှ် = ပရမတ္ထဒေသနာ ။ ဣဝွံ (၃)ပြကာမဒှ်ရ။

• ၉၄ ။ ပိဋကတ်ပိ ဗီုတောဲကေုာံ ကထာပိ

1. ဝိနယ်ဂှ် = သံဝရာသံဝရကထာ ။
2. သုတ်ဂှ် = ဒိဋ္ဌိဝိနိဝေဋ္ဌနကထာ ။
3. အဘိဓရ်ဂှ် = နာမရူပပရိစ္ဆောဒကထာ ။ ဣဝွံ (၃)ပြကာရ။

• ၉၅ ။ ပိဋကတ်ပိ ဗီုတောဲကေုာံ သိက္ခာပိ

1. ဝိနယ်ဂှ် = အဓိသဳလသိက္ခာ ။
2. သုတ်ဂှ် = အဓိစိတ္တသိက္ခာ ။
3. အဘိဓရ်ဂှ် = အဓိပညာသိက္ခာ။ ဣဝွံ (၃)ပြကာရ။

• ၉၆ ။ ပိဋကတ်ပိ ဗီုတောဲကေုာံ ပဟာန်ပိ

1. ဝိနယ်ဂှ် = ဝဳတိက္ကမပဟာန် ။
2. သုတ်ဂှ် = ပရိယုဋ္ဌာနပဟာန် ။
3. အဘိဓရ်ဂှ် = အနုသယပဟာန် ။ ဣဝွံ (၃)ပြကာရ။

• ၉၇ ။ တမ်, လ္ဒေါဝ် , လ္အိတ်သာသနာပိပြကာ

1. တမ်သာသနာ = သဳလ , သမာဓိ , ပညာ ။
2. လ္ဒေါဝ်သာသနာ = အရိယမဂ် ။
3. လအိတ်သာသနာ = ဖိုလ်, နိဗ္ဗာန် ။ ဣဝွံ (၃)ပြကာရ။

• ၉၈ ။ ညးကၠောန်ကုသဵုဟွံကလိဂွံကုသဵု (၃)

1. ကျာ် ။
2. ပစ္စေကဗုဒ် ။
3. တၠအရှန် ။ တၚ်သမ္တီ။ ။ ညးပိဝွံ ဟိုတ်မစာ်စဍးအာနူဂၠံတိုက်ဒမၠု မတွံဂး အဝိဇ္ဇာတုဲ ဟွံကလိဂွံကုသဵုရ၊ ကြိယာဟေၚ်ကလိဂွံရောၚ်။

• ၉၉ ။ နယပိ

1. ဝိတ္တာရနယ = ပ္ဍဲဍုၚ်သွဝ်တာဝတိံ လုကဴမွဲဝှ်ပိဂိတု ကျာ်တြဲတွံပၟိၚ်တဴ အဘိဓမ္မဒေသနာဗွဲတြး ။
2. သၚ်္ခေပနယ = ပ္ဍဲဂြိုပ်ကြက်စၠန် ကျာ်တြဲတွံပၟိၚ်တဴအဘိဓမ္မဒေသနာ ကုမှာထေရ်သုရိပိုတ်ဗွဲခမၞောန်။
3. နာဝိတ္ထာရနာတိသၚ်္ခေပနယ = မှာထေရ်သာရိပိုတ် ကလေၚ်တွံပၟိၚ်တဴ အဘိဓမ္မဒေသနာ ကုခမဳမသုန်ကၠံ ကေၚ်က္တဵုဒှ်ကောန်ကဝ ပ္ဍဲဘဝကိုပ်ကၠာ ဗွဲဟဂွံက္ဍန်လောန် ဟဂွံတြးလောန်။ ဣဝွံ (၃)ပြကာရ။

• ၁၀၀ ။ အဓိပ္ပါယ်ပါရမဳ (၃)ပြကာ

1. ပွမသၠးပွးကဵုဒါန်ဝတ္ထု ဆေၚ်စပ်ကဵု မ္ၚးသန္ထာန်ဇကုဇကုဂှ် = သာညပါရမဳ ။
2. ပွမသၠးပွးကဵုဒါန်ဝတ္ထု ဆေၚ်စပ်ကဵု အဝဲသန္ထာန်ဇကုဇကု မပ္တံကဵုဇိုၚ်, တဲ, မုဟ်, ကတောဝ်ဂှ် = ဥပပါရမဳ။
3. ပွမသၠးပွးကဵုဒါန်ဝတ္ထု ဆေၚ်စပ်ကဵုလမျီုဇကုဇကုဂှ် = ပရမတ္ထပါရမဳ။ ဣဝွံ (၃)ပြကာရ။

• ၁၀၁ ။ ဗီုကျာ်တြဲက္ညတိုန်အာဍုၚ်သွဝ်တာတတိံ ပိလၟာ်

1. နူကဵုဍုၚ်လိုက်ဇိုၚ်ပုၚ်ဂှ် မွဲလၟာ် ။
2. က္ဍဟ်ဒဵုယုဂန္ဓရ်ဇိုၚ်ပုၚ်ဂှ် မွဲလၟာ် ။
3. ဍုၚ်သွဝ်တာဝတိံဇိုၚ်ပါဲဂှ် မွဲလၟာ် ။ ဣဝွံ ပိလၟာ်မဒှ်ရ။

• ၁၀၂ ။ ဋ္ဌာန, သၠုၚ်, ဗွိုက် တၞံဗပေၚ်ပါဒကဇာတ်(၃)ပြကာ

1. တၞံဗပေၚ်ပါဒကဇာတ် = မၞုံဒၟံၚ်ဋ္ဌာနဍုၚ်သွဝ်တာဝတိံ ဗၟံက်ကဵုသၟဝ်ကျာ ။
2. တၞံဗပေၚ်ပါဒကဇာတ် = မၞုံကဵုသၠုၚ် (၁၀၀)ယောဇနာရ။
3. တၞံဗပေၚ်ပါဒကဇာတ် = မၞုံကဵုဗွိုက် (၁၅) ယောဇနာ ။ ဣဝွံ ပိပြကာရ။

• ၁၀၃ ။ ဇမၠိၚ်, အနာံ, သတီုသၞာပဏ္ဍုကၟဝ် (၃)ပြကာ

1. ဇမၠိၚ်သၞာပဏ္ဍုကၟဝ် = (၆၀) ယောဇနာ ။
2. အနာံသၞာပဏ္ဍုကၟဝ် = (၅၀) ယောဇနာ ။
3. သတီုသၞာပဏ္ဍုကၟဝ် = (၁၅) ယောဇနာ ။ ဣဝွံ ပိပြကာရ။

• ၁၀၄ ။ နိဒါန်ပိပြကာ

1. ဒူရေနိဒါန် ။
2. အဝိဒူရေနိဒါန် ။
3. သန္တိကေနိဒါန် ။ ဣဝွံ နိဒါန်ပိပြကာရ။

• ၁၀၅ ။ ပညာ (၃)သာ်

1. စိန္တာမယပညာ = ပညာမက္တဵုဒှ် ဟိုတ်တဳနူပွမချပ်။
2. သုတမယပညာ = ပညာမက္တဵုဒှ် ဟိုတ်နူပွမက္လၚ်မၚ်မှိၚ်။
3. ဘာဝနာမယပညာ = ပညာမက္တဵဒှ် ဟိုတ်နူဘာဝနာ။

• ၁၀၆ ။ ပညာ (၃) သာ်−မွဲနဲပၠန်

1. ဒါနမယပညာ = ပညာပ္တုဲတဴဟိုတ်နူဒါန။
2. အဓိသဳလပညာ = ပညာမက္တဵုဒှ်ပ္ဍဲသဳလမပြဲ။
3. အဓိပညာယပညာ = ပညာမက္တဵုဒှ်ပ္ဍဲပညာမပြဲ။ ဣဝွံ (၃)သာ်ရ။

ဂကောံဗွဝ်(၄)ဂမၠိုၚ်

၁ ။

(၁) ၊

(၂) ၊

(၃) ၊

(၄) ၊

၂ ။

(၁) ၊

(၂) ၊

(၃) ၊

(၄) ၊

၃ ။

(၁) ၊

(၂) ၊

(၃) ၊

(၄) ၊

၄ ။

(၁) ၊

(၂) ၊

(၃) ၊

(၄) ၊

၅ ။

(၁) ၊

(၂) ၊

(၃) ၊

(၄) ၊

၁၂၂ ။ သရုပ်ကဝိပန်သာ် ။

(၁) ၊ စိန္တာကဝိ = တၠပညာမလေပ်ဇန်ကဗျ ဗွဲအစောံမချပ်ကေတ်ဂှ်မွဲ။

(၂) ၊ သုတကဝိ = တၠပညာမလေပ်ဇန်ကဗျ ဗွဲအစောံ ဟိုတ်မမိၚ်လဝ်ဂှ်မွဲ။

(၃) ၊ အတ္ထကဝိ = တၠပညာမလေပ်ဇန်ကဗျ ဗွဲအစောံ အရထအဓိပ္ပါယ်ဂှ်မွဲ။

(၄) ၊ ပဋိဘာနကဝိ = တၠပညာမလေပ်ဇန်ကဗျ နကဵုဉာဏ်ပညာမပြာကဋ်ကၠုၚ်ကၠာကၠာဂှ်မွဲ။ ဣဝွံ ကဝိ(၄)သာ်ရ။

ဂကောံဗွဝ်(၅)ဂမၠိုၚ်

၁ ။

(၁) ၊

(၂) ၊

(၃) ၊

(၄) ၊

(၅) ၊

၁၂၈ ။ သရုပ်အတ္တ (၅)သာ်

(၁) ၊ အန္နမယော = အတ္တမဒှ်ဟိုတ်နူစၞ ။

(၂) ၊ ပါနမယော = အတ္တမဒှ်ဟိုတ်နူဍာ်ယာမ ။

(၃) ၊ မနောမယော = အတ္တမဒှ်ဟိုတ်နူစိုတ် ။

(၄) ၊ အာနန္ဒမယော = အတ္တမဒှ်ဟိုတ်နူပဳတိသ္ဍိုက်မၠိုက် ။

(၅) ၊ ဝိညာဏမယော = အတ္တမဒှ်ဟိုတ်နူစိုတ်ဝိညာဏ်ဟေၚ် ။ဣဝွံ အတ္တ(၅)သာ်မဒှ်ရ။

ဂကောံဗွဝ်(၃၁)ဂမၠိုၚ်

• ၁ ။ သံသာ (၃၁)ဘုံ၊ ဝဋ်သံသာ (၃၁)ဘုံ
• ဗွဲတြး

1. ၁ ။ ဘုံပြိုတ် ။
2. ၂ ။ ဘုံနရက် ။
3. ၃ ။ဘုံတိရစ္ဆာန် ။
4. ၄ ။ဘုံအသူရကာဲ။ (အပါဲပန်ဘုံ) ။
5. ၅ ။ မၞိသ် ။
6. ၆။ စတုမဟာရာဇ် ။
7. ၇
8. ၈
9. ၉ ။ တုသိတာ ။
10. ၁၀ ။ နိမ္မာနရတိ ။
11. ၁၁ ။ ပရိမ္မိတဝသဝတ္တဳ ။ (ကာမသုဂတိ−၇−ဘုံ) ။
12. ၁၂ ။ ဗြဟ္မပရိသဇ္ဇာ ။
13. ၁၃ ။ ဗြဟ္မပုရောဟိတာ ။
14. ၁၄ ။ မဟာဗြဟ္မာ ။
15. ၁၅ ။ ပရိတ္တာဘာ ။
16. ၁၆ ။ အပ္ပမာဏာဘာ ။
17. ၁၇ ။ အဘဿရာ ။
18. ၁၈ ။ ပရိတ္တသုဘာ ။
19. ၁၉ ။ အပ္ပမာဏာသုဘ ။
20. ၂၀ ။ သုဘကိဏှာ ။
21. ၂၁ ။ ဝေဟပ္ဖဵု ။
22. ၂၂ ။ အသညာသတ် ။
23. ၂၃ ။ အဝိဟာ ။
24. ၂၄ ။ အတပ္ပါ ။
25. ၂၅ ။ သုဒဿာ ။
26. ၂၆ ။ သဒဒဿဳ ။
27. ၂၇ ။ အကာနိဋ္ဌာ ။
28. ၂၈ ။ အကာသာနဥ္စာယတနဘုံ ။
29. ၂၉ ။ ဝိညာနဥ္စာယတနဘုံ ။
30. ၃၀ ။ အကိဥ္စာညာယတနဘုံ ။
31. ၃၁ ။ နေဝသညာနာသညာယတနဘုံ ။ ဣဝွံ သံသာ (၃၁)ဘုံမဒှ်ရ။

နိဿဲ

နူလိက်အုပ် တၠဂုဏ်အ္စာဘဒ္ဒန္တဩဝါဒ ဘာမ္ၚဵုကျာ်သြဳမန်၊ ဥက္ကလာပသၟဝ်ကျာ လိက်အုပ်မၞုံယၟု(သ္ကအ်တဲမန်ကောန်ဗုဒ္ဓဘာသာ)