သၟာဒွက်

ဝေါဟာရမ္ဂး "သၟာဒွက်" ဝွံ မလေပ်ကၠိုဟ်ခၠၚ်တီစဳကၠးရောၚ် မိက်ဂွံသ္ဂးရ။ သၟာဒွက်မ္ဂးဂှ် ညးမစိုတ်သ္ကီုန် ကၠိုဟ်ခၠၚ်စဳကၠး ပ္ဍဲအရာ ဒွက် မပ္တံကဵု ချူဇန်တပ်ဒယှ်ေလဟိၚ်ရ။ ပ္ဍဲအရာ ဇန်တပ်ဒယှ်ေလဟိၚ်ဂှ် တောဲစုတ်ကွတ်လှ်ေ ကေုာံ ကွတ်တိၚ်တိုက်တူရိယာဂှ်ဟေၚ် ဒှ်ပေဲါသၟာဒွက်ရ။ မုပရူပရာ မချူဆန်ရောမ္ဂး ဘာသာရှ်ေသှ်ေ၊ အခိုက်ကၞာမံၚ်စံၚ်တန်တဴ၊ ပရေၚ်သဘာဝပွဳပွူ၊ ဝၚ်၊ တိဍာ်ဌာန်ဒေသ၊ ပရေၚ်သ္ဍိုက်ဆာန်၊ အရာမကိတ်ညဳဒုၚ်ဒဝ် ဓရ်လိုက်ဒ္စာံပြကာ မာန်တံဂှ် ချူဇန်တုဲ ဒယှ်ေလှ်ေကွာဲ လဟိၚ်လဟာဲ ကဵုအိုတ်ရ။ ပၞောဝ်ကဵု ဇန်တပ်ချူဆန် ပရူပရာဂှ်ဝွံ ညးဗြဴညးတြုံ ဇန်ပရူပရာသဝ်ဒွက် သီုညးၜါလ္ပာ်ရ။ လ္တူပရူပရာ ညးတြုံမပ္တိုန်ထ္ၜးဇန်တပ် ဒယှ်ေဂှ် ညးဗြဴဝွံ မကိတ်ညဳကဵု ဂမြၚ်ညာဏ်ဇကု ဂတးဂတန် ဇန်တပ်ဒယှ်ေလဟိၚ်အာရ။ ဒၞဲါဝွံ ညးတြုံဟေၚ် ဇန်တပ်ကၠိုဟ်ပရူပရာ ဟွံသေၚ် ညးဗြဴလေဝ် ဗွဲမတုပ်ကဵုစရာဲ ဇန်တပ်ချူဆန် မဖျေံဒယှ်ေရမျာၚ်လေပ်မံၚ်ဂှ် ဂွံဆဵုကေတ်မာန်ရ။