သၠပတ်သမ္မာ
သၠပတ်သမ္မာ (အၚ်္ဂလိက်: Bible) ဝွံ ဒှ် လိက်ကျာ် ဘာသာခရေတ်ယာန်တုဲ မချူလဝ် တွဟ်ဂလာန်ကျာ်ရ။ သၠပတ်သမ္မာဂှ် ပရူမချူလဝ် ပရူ ကိုပ်ကၠာ နာဲပိုယ်ယေသှု ဒှ် သၠပတ်ဓမ္မတြေံ၊ ပရူ နာဲပိုယ်ယေသှုဂှ် ဒှ် သၠပတ်ဓမ္မတၟိ ရ။ လိက်တအ်ဂှ် ချူလဝ် နကုမၞိဟ်နာနာသာ်ရ။ သၠပတ်ဓမ္မတြေံဂှ် ချူလဝ် နကုအာရီုကျာ် မွဲကဆံင်၊ မြဴသာ်ဝွံ ညးတအ် ပတှ်ေကေတ်လဝ်ရ။ သၠပတ်သမ္မာဝွံ သီုဖအိုတ် ကၠောန်ပတိတ်လဝ် ၜိုတ် မသုန်အသင်္ဃဲယံင်ကၞပ် နွံတုဲ မဒှ် လိက်မွဲ မဂွံသွံ ဂၠိုင်အိုတ် ပ္ဍဲ ဂၠးတိဏအ် မြဴသာ်ဝွံ မဂွံဒုင် စၟတ်သမ္တီလဝ်ကီုရ။
အတိုင် စၟတ်သမ္တီ သုတေသနဝင်မ္ဂး သၠပတ်တအ် နွံ ဂၠိုင် ကုကၞပ်ကီုလေဝ် လိက်ကၞပ် မစၟတ်သမ္တီလဝ် ပ္ဍဲ ပစ္စုပ္ပန်ဏအ် သီုဖအိုတ်ဂှ် သၠပတ်ဓမ္မတြေံဂှ် နွံ ၃၉ ပြကိုဟ်တုဲ သၠပတ်ဓမ္မတၟိဂှ် နွံ ၂၇ ပြကိုဟ်ရ။ ဗီုလိက် Aprocrypha တအ်ဂှ် ပ္ဍဲ ဂိုဏ်ကာတ္တလေတ်ဂှ် ညး စၟတ်သမ္တီလဝ် နဒဒှ် သၠပတ်ဓမ္မမွဲကီုလေဝ် ဂိုဏ်တၞဟ်လ္ၚဵု ဗီု ကုပရောတေတ်သတာန် ကေုာံ ဨဝံဂလိဂှ် လိက်ဂှ် ဟွံစၟတ်သမ္တီ နဒဒှ် လိက်ဓမ္မမွဲရ။ သၠပတ်ဓမ္မတြေံဂှ် တုပ်ဒၟံင် ကုသၠပတ်ဘာသာဂျူ ကေုာံ သၠပတ်ဂရိတ် (Greek Septuagint) တုဲ သၠပတ်ဂျူတအ်ဂှ် ညး ကော်စ Tanakh။
နိရုတ္တိ
[ပလေဝ်ဒါန် | ပလေဝ်ဒါန် တမ်ကၞက်]မလိက်မန် သၠပတ်သမ္မာ ဂှ် သၠ ဂှ် ဒှ် မအရေဝ်မန် မဂွံအဓိပ္ပါယ် တၞး တုဲ၊ ပတ် ဂှ် ဒှ် မအရေဝ်မန် မကၠုင်နူပါဠိ ပတ္တ မဂွံအဓိပ္ပါယ် တၞံတာ/တၞံရိုတ်၊ သမ္မာ ဂှ် ဒှ် မအရေဝ်ပါဠိ မဂွံအဓိပ္ပါယ် မပြဲ။ သၠပတ်သမ္မာ မဂွံအဓိပ္ပါယ် လိက်တၞးရိုတ်မပြဲ (ဝါ) လိက်တဝဟ်ဍောင်ဓဝ်ကျာ်ရ။ အခိင်ကာလ ညး မစၠောအ် ချူ သၠပတ်သမ္မာ ဗတ်မန်ဂှ် ညး ရံင် ကုအရေဝ်မန် ဗွဲတၟေင် မအရေဝ် နူ ဗုဒ္ဓဘာသာ မစကာဒၟံင် သၠပတ် တုဲ မအရေဝ် အေင်္ဂလိက် The Holy Bible (Holy - သမ္မာ၊ Bible - သၠပတ်) ဂှ် ညး ကၠာဲလဝ် သၠပတ်သမ္မာ ဒှ်မာန်ရ။ မအရေဝ် အေင်္ဂလိက် Bible ဂှ် ကၠုင် နူ ဂရိတ် τὰ βιβλία (ta biblia) မဂွံ အဓိပ္ပါယ် လိက်ကၞပ် ရ။
ဝင်
[ပလေဝ်ဒါန် | ပလေဝ်ဒါန် တမ်ကၞက်]သၠပတ်သမ္မာ နူ တမ်တေအ်ဂှ် စချူကၠုင် နူ အခိင်လဵုရော ဇေတ်တ်ဂှ် ဟွံဂွံတီကေတ် ချိုတ်တ်ပၠိုတ်တ်ကီုလေဝ် နူ တမ်တေအ် စကၠုင် နူ ပြကိုဟ်ပညပ်ဓရ်မဝ်ယှေ (၅) ကၞပ် မဒှ် ပြကိုဟ်ဂျူတအ်ဂှ် ဒှ်မာန်ရ။ ပြကိုဟ်ပညပ်ဇမၞော် (၁၀)သာ်ဂှ် ချူလဝ် နူအခိင် ကိုပ်ကၠာ ဘဳသဳ ၁၄၀၆ (အခိင်မဝ်ယှေ မစုတိ) ညိဂှ် ဒှ်မာန်ရ။ ဍုင်ဇၞော်ဂျေရုသလေန်ဂှ် ပၞာန်ဗေဘဳလောန်တအ် ပလီုထောအ်တုဲ ပ္ဍဲ ကာလ ပရောဗက် နေဟမိ ကလေင်ပတန်ပၠန် မစိုပ်ဒတုဲ ပ္ဍဲ ဘဳသဳ ၄၃၂ ဂှ် ဒှ် အခိင် မချူ ပြကိုဟ်လက္ကရဴအိုတ် ပ္ဍဲ သၠပတ်ဓမ္မတြေံဂှ် မြဴသာ်ဝွံ စၟတ်သမ္တီလဝ်ရ။
သၠပတ်ဓမ္မတၟိ ဂှ် နာဲပိုယ်ယေသှုဂှ် နဒဒှ် မၞိဟ်အဓိကတုဲ ချူလဝ် ပရူညး တဝှ်ဍောင်ဓရ်ညး မဟီုတွဟ် ဒၠောအ်ဗ္တောန်လဝ် ကွးသာဝကတအ်ရ။ ကြဴနူ နာဲပိုယ်ယေသှု မဒးဒုင်ဂစိုတ် နကုကောန်ပၞာန်ရောမ လတူ တိုင်မဒင်တုဲ (အေဒဳ ၃၀) ဂှ် ကွးသာဝကညး စချူကၠုင်လဝ်ရ။ ပြကိုဟ် သိက်သာလဝ်နိက် သြဝါဒ ပထမဝက် မဒှ် လိက် သင်ပေါလု မချူလဝ်ဂှ် ဒှ် ပြကိုဟ် ကၠာအိုတ်၊ မြဴသာ်ဝွံ ထေင်ကေတ်လဝ်ရ။ သၠပတ်ပယျးဒိုဟ် ဂှ် ချူလဝ် ပ္ဍဲ အခိင် နာဲယဝ်ဟာန် မစုတိ ပ္ဍဲ အေဒဳ ၉၅ ဂှ် ဒှ်သၠပတ်လက္ကရဴအိုတ်ရ။
သၠပတ်သမ္မာ ဗီုဗၟာ
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲ သက္ကရာဇ် (၁၈၁၀) ဂိတုဂျောန် (၂၇) ညးမပတန်သာသနာ သင်ဗလိုက် ခရေတ်ယာန် ဂျာတ်စောန် (ယုဒသန်) စိုပ်ကၠုင် ဍုင်လ္ဂုင်ရ။ ဂကူမန် နာဲနဝ် မညး ဒှ် သၟာကမၠောန်မဖျေဟ်ဖံင်ဆု နူ ကွာန် လိုင်ဗဝ်လာ ဒုင်ကေတ် မ္ၚဵုဗလိုပ်ဍာ် နူ ဂျာတ်စောန်တုဲ စိုပ်သၞာံ ၁၈၁၆၊ ဂိတုနဝ်ဝေန်ဘာ (၁၅) ဂှ် ဂကောံသင်ဗလိုက်ခရေတ်ယာန် မံက်ဂတဝ်ကၠုင် ပ္ဍဲ ဍုင်လ္ဂုင်ရ။ ဂျာတ်စောန် ကေုာံ ညးမဒုင်ကေတ် ကွေတ်ခရေတ်ယာန်တအ် ဂ္စာန်ကၠာဲစၠောအ် သၠပတ်သမ္မာ ဘာသာဗၟာရ။ စိုပ်သက္ကရာဇ် ၁၈၂၃ ဂှ် ညးတအ် ကၠာဲစၠောအ် သၠပတ်ဓမ္မတၟိ အာစိုပ်ဒတုဲ၊ ကလေင်ဒါန်တၟိတုဲ သက္ကရာဇ် ၁၈၂၉ တုဲဒှ်တုဲ သၞာံ ၁၈၃၂ ဂှ် ပ္ဍဵုဗီုရ။ ပ္ဍဲ သက္ကရာဇ် ၁၈၃၄ ဂှ် ကၠာဲစၠောအ် သၠပတ်ဓမ္မတြေံ အာစိုပ်ဒတုဲရ။ သၠပတ်ဓမ္မတၟိဂှ် ထပ် ကလေင်ဒါန်တၟိပၠန်တုဲ စိုပ်သၞာံ ၁၈၃၇ ဂှ် ကလေင်ပတိတ် မွဲဝါပၠန်ရ။ သၠပတ်ဓမ္မတြေံဂှ် ပ္ဍဵုဗီု ပ္ဍဲ သၞာံ ၁၈၃၈ ရ။ စိုပ်သၞာံ ၁၈၉၀ ဂှ် သၠပတ်ဓမ္မတြေံကီု သီုသၠပတ်ဓမ္မတၟိ ပံင်ပ္ကောံ မွဲကၞပ်တုဲ တက်တရးပ္တိတ်လဝ်ရ။
ဂကောံသင်ဗလိုက် ခရေတ်ယာန်မန်
[ပလေဝ်ဒါန် | ပလေဝ်ဒါန် တမ်ကၞက်]စိုပ်သၞာံ ၁၈၂၄ ဂိတုဒဳဇြေမ္ဗာ (၂) ဂှ် ညး ဒက်ပ္တန် ဂကောံသင်ဗလိုက်ခရေတ်ယာန်မန်ဗၟာ ပ္ဍဲ ဍုင်မတ်မလီုရ။ စိုပ်သၞာံ ၁၉၀၇ ကောန်ကွးမန် မယိုက်ဒိုက် သာသနာခရေတ်ယာန် (၂၅) တၠ ပါ်တိတ် နူ သင်ဗလိုက်မန်ဗၟာတုဲ ဒက်ပ္တန် ဂကောံသင်ဗလိုက်ခရေတ်ယာန်မန် ပ္ဍဲ မတ်မလီုရ။ ပ္ဍဲ အခိင်ဂှ် ဂကောံသင်ဗလိုက်ခရေတ်ယာန်မန် ပ္ဍဲ ကွာန်တအ်ဂှ် ပတန်လဝ် တုဲတုဲဒၟံင်ရ။ ကွာန်ကၟာဝက်ဂှ် နူ သၞာံ ၁၈၇၁ ဂိတုအံက်တဝ်ပါ ၄၊ ကွာန်ကၠအ်သတ်ဂှ် ၁၈၈၈၊ ကွာန်ကအ်ဗိန်ဂှ် ၁၈၈၈၊ ဍုင်မုဟ်ဍုင်ဂှ် ၁၉၀၃။
သၠပတ်သမ္မာ ဘာသာမန်
[ပလေဝ်ဒါန် | ပလေဝ်ဒါန် တမ်ကၞက်]အာန် (Ann) ညးမဒှ် ကန္တရ် ညးမပတန်သာသနာ ဂျာတ်စောန် စုတိအာ ပ္ဍဲ သက္ကရာဇ် ၁၈၂၆ ဂိတုအံက်တဝ်ပါ ၂၃ အခိင်မၞုံဒၟံင် ပ္ဍဲ ကျာ်ခမဳဂှ်ရ။ စိုပ် သက္ကရာဇ် ၁၈၃၄ ဂှ် ဂျာတ်စောန် ထပ်တဲ ကုသာရာ (Sarah Boardman) ရ။ သာရာဂှ် ဒှ် မၞိဟ် မကၠာဲစၠောအ် သၠပတ်သမ္မာ ဘာသာမန်ရ။ ညး ကေတ် အရီုအဗင် ကု နာဲမာံဘုက် မညး ဒှ် လကျာ်ရာံ နူ ဍုင်ဗဂေါတုဲ မကၠာဲလဝ်ရ။ နာဲမာံဘုက်ဂှ် စိုန်သကီု ပ္ဍဲ အရေဝ်ဗၟာ လိက်ဗၟာတုဲ စှ်ေလဝ်ဒၞာဲ ကု ဣစဳတိ မညး ဒှ် ကောန်လွဳစ မေတ်သေတ်ဝိက် (Mrs Wade) ရ။ ဣစဳတိ ဂှ် နူ သၞာံ ၁၈၂၈ နာဲမာံဘုက်ဂှ် နူ သၞာံ ၁၈၂၉ တေအ်ဂှ် ပြံင်သၠာဲ ယိုက်ဒိုက်ကေတ်လဝ် သာသနာခရေတ်ယာန်ရ။ ဣစဳတိဂှ် ဒှ် မၞိဟ် ကမၠာဲဘာသာ သွက်မေစ္စတာဝိက် ကာလ ညး ဆဵုဂဗ ကုဂကူမန် ပ္ဍဲ ကမၠောန်ပရးသာသနာခရေတ်ရ။
စိုပ် သၞာံ ၁၈၃၅ ဂှ် ဂျေမ် ဟာတ်ဝါ (James Haswell) စိုပ်ကၠုင် ဒေသမန် သွက်ဂွံ ပရးသာသနာခရေတ် အကြာ ဂကူမန်ရ။ ဂျေမ်ဂှ် ဟီုဂး အရေဝ်မန် ဂွံခိုဟ်ဟ်၊ တွဟ်ဓရ် ဗတ်မန်လေဝ် ဂွံခိုဟ်ဟ်တုဲ ကမၠောန် မကၠာဲစၠောအ် သၠပတ်သမ္မာဘာသာမန် မကၠောန်ဂွံလဝ် ကဝက်ကဝုဲတအ်ဂှ် သာရာ ပအပ်ကဵု ဂျေမ် ရ။ ဂျေမ် ကု နာဲမာံဘုက် ညးၜါ ဂစာန်ကၠာဲတုဲ အရာမကၠာဲလဝ်တုဲတအ်ဂှ် ဂျေမ် ကလေင်ဗကိတ် ကုမူတမ် ဘာသာဂရိတ် ရ။ စိုပ်သၞာံ ၁၈၄၇ ဂှ် ဂိတုသြဂေတ် ၈ ဂှ် သၠပတ်ဓမ္မတၟိ နဘာသာမန်ဂှ် ပ္ဍဵုဗီု ပ္ဍဲ မတ်မလီုရ။ ခြာဟွံလအ်ဂှ် ပြကိုဟ် သာလိမ် ကေုာံ သၠပတ်ဓမ္မတြေံ ဗွဲခမၞန်ဂှ် တက်ပရးပ္တိတ်မာန်ကၠုင်ရ။ စိုပ် သက္ကရာဇ် ၁၈၃၈ အက်ဒွောတ် သိုဝ်တဳပေန် (E.O. Steven) စိုပ်ကၠုင် မတ်မလီုတုဲ ပြကိုဟ်သာလိမ် နဘာသာမန် မံက်တိတ်ကၠုင် ပ္ဍဲ သၞာံ ၁၉၀၄ ဂှ်ရ။
အစာပ္တန်သာသနာ ဟလ္လဳဒေလ် (Halliday) နူ ဂကောံကွးပတန် သာသနာအေင်္ဂလိက် ပတန်ဒၟံင် သာသနာ အကြာ ကောန်မန် ပ္ဍဲ ဍုင်ရေဝ်တုဲ စိုပ် သက္ကရာဇ် ၁၉၁၄ ဂှ် ပံင်ကောံ ကုဂကောံသင်ပလိုတ်တအ်ရ။ ရဝ်ဗာတ် ဟာလ္လဳဒေလ် ကလေင်ဒါန်ပလေဝ် သၠပတ်သမ္မာ ဘာသာမန်ဂှ်တုဲ စိုပ် သက္ကရာဇ် ၁၉၂၇ ဂှ် သၠပတ်သမ္မာ ဘာသာမန် ဍိုက်က်ပေင်င်မွဲ တိတ်ကၠုင်ရ။ စိုပ် သၞာံ ၁၉၅၁ ဂှ် Rangoon, The British and Foreign Bible Society ကလေင်ပတိတ်လဝ် အလန်ဒုတိယ ပ္ဍဲ ဍုင်အင်္ဂလာန် (Lowe and Brydone Printers Limited, London, N.W 10) ရ။
စရင် သၠပတ်ဓမ္မတြေံ ၃၉
[ပလေဝ်ဒါန် | ပလေဝ်ဒါန် တမ်ကၞက်]| The Orthodox Old Testament | Greek-based name | Conventional English name | Conventional Burmese name | Conventional Mon name |
|---|---|---|---|---|
| Γένεσις | Génesis | Genesis | ကမ္ဘာဦးကျမ်း | သၠပတ်ပထမကဝ် |
| Ἔξοδος | Éxodos | Exodus | ထွက်မြောက်ရာကျမ်း | သၠပတ်ဗၠးတိတ် |
| Λευϊτικόν | Leuitikón | Leviticus | ဝတ်ပြုရာကျမ်း | သၠပတ်မပဝတ် |
| Ἀριθμοί | Arithmoí | Numbers | တောလည်ရာကျမ်း | သၠပတ်ဂၚေင်ဂြိုပ် |
| Δευτερονόμιον | Deuteronómion | Deuteronomy | တရားဟောရာကျမ်း | သၠပတ်တွံဓဝ် |
| Ἰησοῦς Nαυῆ | Iêsous Nauê | Joshua | ယောရှုမှတ်စာ | သၠပတ်သမ္တီယဝ်ယှု |
| Κριταί | Kritaí | Judges | တရားသူကြီးမှတ်စာ | သၠပတ်သမ္တီတလသၞောဝ် |
| Ῥούθ | Roúth | Ruth | ရုသဝတ္ထု | ဝတ္ထုရုထ |
| Βασιλειῶν Α | I Reigns | I Samuel | ဓမ္မရာဇဝင် ၁ | ဓမ္မရာဇာဝင် ပထမဝက် |
| Βασιλειῶν Βʹ | II Reigns | II Samuel | ဓမ္မရာဇဝင် ၂ | ဓမ္မရာဇာဝင် ဒုတိယဝက် |
| Βασιλειῶν Γʹ | III Reigns | I Kings | ဓမ္မရာဇဝင် ၃ | ဓမ္မရာဇာဝင် တတိယဝက် |
| Βασιλειῶν Δʹ | IV Reigns | II Kings | ဓမ္မရာဇဝင် ၄ | ဓမ္မရာဇာဝင် စတုတ္ထဝက် |
| Παραλειπομένων Αʹ | I Paralipomenon | I Chronicles | ရာဇဝင်ချုပ် ၁ | ရာဇာဝင် ဗွဲသရုပ် ပထမဝက် |
| Παραλειπομένων Βʹ | II Paralipomenon | II Chronicles | ရာဇဝင်ချုပ် ၂ | ရာဇာဝင် ဗွဲသရုပ် ဒုတိယဝက် |
| Ἔσδρας Αʹ | I Esdras | 1 Esdras | ဧဇရမှတ်စာ | သၠပတ်သမ္တီ သၞောဝ်ဧဇရ |
| Ἔσδρας Βʹ | II Esdras | Ezra–Nehemiah | နေဟမိမှတ်စာ | သၠပတ်သမ္တီ သၞောဝ်နေဟမိ |
| Ἐσθήρ | Esther | Esther with additions | ဧသတာဝတ္ထု | ဝတ္ထုဧသတာ |
| Ἰώβ | Iōb | Job | ယောဘဝတ္ထု | သၠပတ်ယဝ်ၜ |
| Ψαλμοί | Psalms | Psalms | ဆာလံကျမ်း | သၠပတ်ဆာလာမ် |
| Παροιμίαι | Proverbs | Proverbs | သုတ္တံကျမ်း | သၠပတ်သုတ္တန္တ |
| Ἐκκλησιαστής | Ekklesiastes | Ecclesiastes | ဒေသနာကျမ်း | သၠပတ်ဒေသဏာ |
| Ἆσμα Ἀσμάτων | Song of Songs | Song of Solomon or Canticles | ရှောလမုန်သီချင်း | ဒွက်သှဝ်လမောန် |
| Ὡσηέ Αʹ | I. Osëe | Hosea | ဟောရှေအနာဂတ္တိ | သၠပတ်အနာဂတ္တိဟဝ်သှေ |
| Ἀμώς Βʹ | II. Amōs | Amos | အာမုတ်အနာဂတ္တိ | သၠပတ်အနာဂတ္တိအာမောတ် |
| Μιχαίας Γʹ | III. Michaias | Micah | မိကကာအနာဂတ္တိ | သၠပတ်အနာဂတ္တိမိက္ခာ |
| Ἰωήλ Δʹ | IV. Ioël | Joe | ယောလအနာဂတ္တိ | သၠပတ်အနာဂတ္တိယောဝ်လ |
| Ὀβδίου Ε | V. Obdias | Obadiah | ဩဗဒိအနာဂတ္တိ | သၠပတ်အနာဂတ္တိအောဝ်ၜဍိ |
| Ἰωνᾶς Ϛ' | VI. Ionas | Jonah | ယောနဝတ္ထု | ဝတ္ထုယောဝ်န |
| Ναούμ Ζʹ | VII. Naoum | Nahum | နာဟုံအနာဂတ္တိ | သၠပတ်အနာဂတ္တိနာဟုမ် |
| Ἀμβακούμ Ηʹ | VIII. Ambakum | Habakkuk | ဟဗကကုတ်အနာဂတ္တိ | သၠပတ်အနာဂတ္တိဟာၜထ္ကုက် |
| Σοφονίας Θʹ | IX. Sophonias | Zephaniah | ဇေဖအနာဂတ္တိ | သၠပတ်အနာဂတ္တိဇေဖနိ |
| Ἀγγαῖος Ιʹ | X. Angaios | Haggai | ဟဂဂဲအနာဂတ္တိ | သၠပတ်အနာဂတ္တိဟဂ္ဂာဲ |
| Ζαχαρίας ΙΑʹ | XI. Zacharias | Zachariah | ဇာခရိအနာဂတ္တိ | သၠပတ်အနာဂတ္တိဇာခရိ |
| Ἄγγελος ΙΒʹ | XII. Messenger | Malachi | မာလခိအနာဂတ္တိ | သၠပတ်အနာဂတ္တိမာလခိ |
| Ἠσαΐας | Hesaias | Isaiah | ဟေရှာရအနာဂတ္တိ | သၠပတ်အနာဂတ္တိဟဝ်သှေ |
| Θρῆνοι | Lamentations | Lamentations | ယေရမိမည်တမ်း | ဂလာန်ယေရကရောတ်က္သဝ် |
| Ἐπιστολή Ιερεμίου | Epistle of Jeremiah | Letter of Jeremiah | ယေရမိအနာဂတ္တိ | သၠပတ်အနာဂတ္တိယေရမိ |
| Ἰεζεκιήλ | Iezekiêl | Ezekiel | ယေဇကျေလအနာဂတ္တိ | သၠပတ်အနာဂတ္တိယေဇကျေလ |
| Δανιήλ | Daniêl | Daniel with additions | ဒံယေလအနာဂတ္တိ | သၠပတ်အနာဂတ္တိဍာန်ယေလ |
စရင် သၠပတ်ဓမ္မတၟိ ၂၇
[ပလေဝ်ဒါန် | ပလေဝ်ဒါန် တမ်ကၞက်]- ခရေတ်ဝင် မာတ်သာဲ။ ရှင်မသဲခရစ်ဝင် Matthew
- ခရေတ်ဝင်မာကု။ ရှင်မာကုခရစ်ဝင် Mark
- ခရေတ်ဝင်လုကာ။ ရှင်လုကာခရစ်ဝင် Luke
- ခရေတ်ဝင်ယဝ်ဟာန်။ ရှင်ယောဟန်ခရစ်ဝင် John
- ဝတ္ထုကလုတ်။ တမန်တော်ဝတ္ထု Acts
- ရဝ်မသြဝါဒ။ ရောမဩဝါဒစာ Romans
- ကဝ်ရိန်သုသြဝါဒ ပထမဝက်။ ကောရိနတုဩဝါဒစာ ၁ Corinthians 1
- ကဝ်ရိန်သုသြဝါဒ ဒုတိယျဝက်။ ကောရိနတုဩဝါဒစာ ၂ Corinthians 2
- ဂလာတိသြဝါဒ။ ဂလာတိဩဝါဒစာ Galatians
- ဧလိပ္ပိသြဝါဒ။ ဧဖက်ဩဝါဒစာ Ephesians
- ဖိလိပ္ပိသြဝါဒ။ ဖိလိပပိဩဝါဒစာ Philippians
- ကဝ်လဝ်သေသြဝါဒ။ ကောလောသဲဩဝါဒစာ Colossians
- သိက်သာလဝ်နိက်သြဝါဒ ပထမဝက်။ သက်သာလောနိ ၁ Thessalonians 1
- သိက်သာလဝ်နိက်သြဝါဒ ဒုတိယျဝက်။ သက်သာလောနိ ၂ Thessalonians 2
- တိမဝ်သေသြဝါဒ ပထမဝက်။ တိမောသေ Timothy 1
- တိမဝ်သေသြဝါဒ ဒုတိယျဝက်။ တိမောသေ Timothy 2
- တိတုသြဝါဒ။ တိတုဩဝါဒစာ Titus
- ဖိလေမုင်သြဝါဒ။ ဖိလေမုန် Philemon
- ဟေဗြေဝ်သြဝါဒ။ ဟေဗြဲဩဝါဒစာ Hebrews
- ယျာကုတ်သြဝါဒ။ ရှင်ယာကုပ်ဩဝါဒစာ James
- ပေတရုသြဝါဒ ပထမဝက်။ ရှင်ပေတရု ၁ Peter 1
- ပေတရုသြဝါဒ ဒုတိယျဝက်။ ရှင်ပေတရု ၂ Peter 2
- ယဝ်ဟာန်သြဝါဒ ပထမဝက်။ ရှင်ယောဟန် ၁ John 1
- ယဝ်ဟာန်သြဝါဒ ဒုတိယျဝက်။ ရှင်ယောဟန် ၂ John 2
- ယဝ်ဟာန်သြဝါဒ တတိယဝက်။ ရှင်ယောဟန် ၃ John 3
- ယုဒသြဝါဒ။ ရှင်ယုဒဩဝါဒစာ Jude
- သၠပတ်ပယျးဒိုဟ်။ ဗျာဒိတ်ကျမ်း Revelation
လေန်မ္ၚး
[ပလေဝ်ဒါန် | ပလေဝ်ဒါန် တမ်ကၞက်]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- အစာသဝ် နဲသဵု၊ သၠပတ်သမ္မာ နကဵုဘာသာမန်၊ လဂါံအာဇာနဲ ကၞပ် (၅) မုက် ၃၈။
- အစာသဝ် နဲသဵု၊ သၠပတ်သမ္မာ နကဵုဘာသာမန်၊ လဂါံအာဇာနဲ ကၞပ် (၅) မုက် ၃၈။
- အစာသဝ် နဲသဵု၊ သၠပတ်သမ္မာ နကဵုဘာသာမန်၊ လဂါံအာဇာနဲ ကၞပ် (၅) မုက် ၃၈။