သၠ​ပတ်​ပ​ထ​မ​ကဝ် ၁၀

သၠ​ပတ်​ပ​ထ​မ​ကဝ် ၁၀

^၁ကြဴဍာ်မဇၞော်ဟးပရးဂှ်၊ မစှ်ေကၠုၚ်နူကဵုကောန်နဝ်ဨသှေမ၊ ဟာမ၊ ယျာဖေတ်ဂှ် အဆက်ကောန်အဆက်စဴဂှ် မိက်ဂးရောၚ်။ ^၂ကောန်ယျာဖေတ်မ္ဂးဂှ်၊ ဂဝ်မာ၊ မဂဝ်ဂ၊ မဍာဲ၊ ယျာဝါန်၊ တုၜလ၊ မေသှေက်၊ တိရာတ်ရောၚ်။ ^၃ကောန်ဂဝ်မာမ္ဂးဂှ်၊ အသှကေဏာတ်၊ ရိဖာတ်၊ တဝ်ကာမာရောၚ်။ ^၄ကောန်ယျာဝါန်မ္ဂးဂှ်၊ ဨလိသှာ၊ တာသှု၊ ကိတ္တိမ်၊ ဍဝ်ဍနိမ်။ ^၅တေံညးတံဝွံ အတိုၚ်ဘာသာတၞဟ်တၞဟ်၊ အတိုၚ်တၞောဝ်ဒတောဝ်တၞဟ်တၞဟ်မနွံဂှ် ပြးချာဲရၚ်သ္ကံပ္ဍဲတွဵုရးမွဲဍုၚ်မွဲလ္ကံမၞိဟ်ဇၟာပ်ဇၟာပ်ဂကူအိုတ်ရ။ ^၆ကောန်ဟာမမ္ဂးဂှ်၊ ကုသှ၊ မိဇရိမ်၊ ဖုတ၊ ခါနာန်ရောၚ်။ ^၇ကောန်ကုသှမ္ဂးဂှ်၊ သေၜ၊ ဟာဝိလ၊ သာၜတ၊ ရာဂမ၊ သာပ္တေတခါရောၚ်၊ ကောန်ရာဂမမ္ဂးဂှ်၊ သှေၜ၊ ဍေဍာန်ရောၚ်။ ^၈ကုသှဝွံ ဂွံကောန်နိမ်ရဝ်ဍဏီရ။ တေံကောန်ဝွံ ဒှ်ညးမမာန်ဒြဟတ်ကိုပ်ကၠာပ္ဍဲလတူတိဇၞော်ရ။ ^၉ပ္ဍဲဂတကျာ်ထာဝရ မဒှ်လၟမဇၞော်ကဵုဒြဟတ်ရ။ ဟိုတ်နူဂှ် ပ္ဍဲဂလာန်ပုံဂှ်၊ ညံၚ်ကဵုနိမ်ရဝ်ဍမပလၟမဇၞော်ကဵုဒြဟတ်ပ္ဍဲ ဂတကျာ်ထာဝရ သာ်ဝွံ စပ်ဟီုရောၚ်။ ^၁၀တံရးနဳဂီုညးမ္ဂးဂှ်၊ ဍုၚ်ၜါၜုလောန်၊ ဍုၚ်ဨရေက်၊ ဍုၚ်အက္ကာဒ်၊ ဍုၚ်ကာလနေပ္ဍဲရသှိဏာရောၚ်။ ^၁၁နူရးဂှ် အာပ္ဍဲရးအာသှုရိတုဲ ဍုၚ်နိနေဝေ၊ ဍုၚ်ရဟောဝ်ၜေါတ်၊ ဍုၚ်ကာလဂှ်လေကီု၊ ^၁၂ပ္ဍဲအကြာနိနေဝေကဵုဍုၚ်ကာလဂှ်၊ ဍုၚ်ဇၞော်မတွံဂးဍုၚ်ရေသေန်ဂှ်လေကီုဒက်ပ္တန်တဴရ။ ^၁၃ကောန်မိဇရိမ်မ္ဂးဂှ် မၞိဟ်လုတ်ဍိမ်၊ မၞိဟ်အာဏမိမ်၊ မၞိဟ်လဟာၜိမ်၊ မၞိဟ်ဏာပ္တုဟိမ်။ ^၁၄မၞိဟ်ပါထရုသိမ်၊ မၞိဟ်ကာသလုဟိမ်၊ မၞိဟ်ကာပ္တောဝ်ရိမ်ရောၚ်၊ နူအပ္ဍဲမၞိဟ်ကာသလုဟိမ်မၞိဟ်ဖိလိတ္တိဒှ်ရောၚ်။

^၁၅ကောန်ဇၞော်ခါနာန်မ္ဂးဂှ် ဇိဍောန်၊ ကြဴဂှ် ဟေထ၊ ^၁၆ကြဴဂှ် ယေၜုသိ၊ မၞိဟ်အာမောဝ်ရိ၊ မၞိဟ်ဂိရကာသှိ။ ^၁၇မၞိဟ်ဟိဝိ၊ မၞိဟ်အာကိ၊ မၞိဟ်သိဏိ၊ ^၁၈မၞိဟ်အာဍိ၊ မၞိဟ်ဇေမရိ၊ မၞိဟ်ဟာမထိရောၚ် ကြဴဂှ် ကောန်ဂကူခါနာန်ပြးချာဲရၚ်သ္ကံအိုတ်ရ။ ^၁၉တွဵုရးကောန်ဂကူခါနာန်မမံၚ်ဂှ် နူကဵုဍုၚ်ဇိဍောန်ဒဵုကဵုဍုၚ်ဂေရာ၊ ဍုၚ်ဂါဇဂှ်လေကီု၊ မွဲဝါပၠန်လောန်အာဍုၚ်သောဝ်ဍောမ်၊ ဍုၚ်ဂေါဝ်မောဝ်ရ၊ ဍုၚ်အာဍမ၊ ဍုၚ်ဇေၜိန်တုဲ ဒဵုကဵုဍုၚ်လာသှဂှ်လေ ကဵုနွံရောၚ်။ ^၂၀တေံညးတံဝွံ အတိုၚ်ဂကူ ဝေါၚ်သ တဏဟ်တဏဟ်၊ အလိုက်ဘာသာ ညးတၞဟ်တၞဟ်ပ္ဍဲရးနဳဂီုညးတံဂှ် ဒှ်ကောန်ဟာမဂမၠိုၚ်ရောၚ်။

^၂၁ဒေံယျာဖေတ်၊ မမၞိဟ်ဟေံဗြာဲ အိုတ်သီုတံ၊ သှေမဝွံလေ ညာတ်မုက်ကောန်ဂမၠိုၚ်ရ။ ^၂၂ကောန်သှေမမ္ဂးဂှ် ဨလာမ်၊ အသှရ၊ အာဖာဇာဒ်၊ လုဍ၊ အာရာမ်ရောၚ်။ ^၂၃ကောန်အာရာမ်မ္ဂးဂှ်၊ ဥဇ၊ ဟုလ၊ ကေထာ၊ မာသှရောၚ်။ ^၂၄ကောန်အာဖာဇာဒ်သှာလ၊ ကောန်သှာလဟေၜါရောၚ်။ ^၂၅ဟေၜါဝွံလေ ညာတ်မုက်ကောန်ၜါ၊ ကောန်မွဲမ္ဂးဂှ်၊ ဖာလေက်မနွံယၟု။ ဟိုတ်မ္ဂးဂှ်။ ပ္ဍဲလက်ထက်ညးဂှ် ပါ်ပရံတိဇၞော်အိုတ်ရ။ ဒေံညးမ္ဂးဂှ်၊ မနွံယၟုယောတ္တာန်ရ။ ^၂၆ကောန်ယောတ္တာန်မ္ဂးဂှ်၊ အာလမဝ်ဍာဒ်၊ သှေလာပ်၊ ဟာဇာမာဝေတ်၊ ယေရ။ ^၂၇ဟာဍောဝ်ရာံ၊ ဥဇလ၊ ဍိကလ၊ ^၂၈အောဝ်ၜလ၊ အၝိမေလ။ သှေၜ။ ^၂၉အောဝ်ဖိရ၊ ဟာဝိလ၊ ယဝ်ၜါပ်၊ တေံညးသီုဖအိုတ်တံဝွံ ဒှ်ကောန်ယောတ္တာန်ရောၚ်။ ^၃၀ဒေသညးတံမမံၚ်မ္ဂးဂှ်၊ နူဍုၚ်မေသှေဒဵုကဵုဒဵုသေဖာပ္ဍဲဒိုဟ်ဗၟံက်ဂှ် မနွံရောၚ်။ ^၃၁တေံညးတံဝွံ အတိုၚ်ဒတောဝ်ညးတံတၞဟ်တၞဟ်၊ အလိုက်ဘာသာညးတံတၞဟ်တၞဟ်၊ ကောန်သှေမဂမၠိုၚ်မမံၚ်ပ္ဍဲရးနဳဂီုညးတံတၞဟ်တၞဟ်ဂှ် မဒှ်ရောၚ်။

^၃၂ဣဝွံ မ္ဂးဂှ်၊ အတိုၚ်တၞောဝ် ဒတောဝ်ဇကုတံတၞဟ်တၞဟ်၊ စရၚ်အဆက်ကောန်ဂကူဝေါၚ်သကောန်နဝ်ဨမသမ္တီလဝ်ရောၚ်။ တေံညးတံဝွံ ကြဴဍာ်ဇၞော်ဟးပရးဒက်ပ္တန်ရးနဳဂီုတၞဟ်ဂှ် ပ္ဍဲလတူတိဇၞော်ရ။

နိဿဲ

ဂကောံသၠပတ်သမ္မာမန်