အတ္ထုပ္ပတ္တိကျာ်ဇၞော်အ္စာတၠဘဒ္ဒန္တဇဋိလ
===ကျာ်ဇၞော်အ္စာတၠဘဒ္ဒန္တဇဋိလဝွံ=== ပ္ဍဲသက္ကရာဇ် ၁၃၀၇ ဂိတုဝှ် ၃ မံက်တ္ၚဲအၚာ က္တဵုဒှ်မၞိဟ် နူနာဲလိုအ်မိအိ ကွာန်ကအ်ဇၞော်ရ ပၞောဝ်ကဵုကောန် ၇ ဒှ်ကောန်ဇၞော်အိုတ်တုဲ ဟိုတ်နူဆာန်ကောန်လောန်အာခုတ်တင်ကဵုယၟု မာံဆာန်လောန်ရ။
နူညးဍောတ်သွတ် ကတ်ဗ္တောန်ကၠုင်ပညာ ဘာသာမန် အခါအယုက်စိုပ် ၁၃ သၞာံဂှ်ဒှ်သာမဏဳတုဲ ဗ္ဒဗ္ဒာဲဒၟံင်ကဵုကျာ်ဇၞော်အ္စာ ဝိမလမဟာထေရ် ကတ်လ္ၚတ်ကၠုင် သ္ဇိုင်ပရိယတ်စုင်ပၠန်ရ ပ္ဍဲသက္ကရာဇ် ၁၃၂၇ သၞာံဂိတုပသာ် ၈ မံက်တ္ၚဲစန်ဂှ် သ္ပခမဳပ္ဍဲအ္စာဥပဇ္ၛာဲ ဇရေင်ကျာ်ဇၞော်အ္စာဝိသုဒ္ဓ
ကွာန်ကအ်ဗိန်ဘာတၟိဂှ် မိကဵုမၜါ ဒုင်ဒကာပစ္စယ်ပန်တုဲ ဒှ်အာခမဳ ပ္ဍဲဝိသုံဂါမသိမ် ဘာကအ်သိုက်ရ။
ကျာ်ဇၞော်အ္စာဝွံ ဂၠာဲကတ်ကၠုင်ပညာဇရေင်အ္စာကျာ်ဇၞော်အိန္ဒသာရ အရိယဝံသ ဘာဂြိုပ်ကွာန်ကံလှာ ဇရေင်ကျာ်ဇၞော်တိက္ခ ဘာဓမ္မာနုဂ္ဂဟဍုင်ပံင် ဇရေင်ကျာ်ဇၞော် သုန္ဓရ ဘာဟရိုဟ်ကွာန်ကၠံသတ် ဇရေင်ကျာ်ဇၞော်ဝါယမ ဘာသဒ္ဓမ္မဓဇ ကွာန်မုဟ်ဒဵု ဂၠာဲကၠုင်နဲကဲစုင်ဒဵုကဵုစိုပ်အာဍုင်လ္ဂုင် ဇရေင်ကျာ်ဇၞော်တိဿ သီုကဵုကျာ်ဇၞော်သြဘာသ ဟွံပြေစိုတ်တုဲ ပြာပ်အာဇရေင်အ္စာကျာ်ဇၞော်ဝိမလဗုဒ္ဓိ ဘာ(မြစေတီရဲကျောင်း)ဍုင်မတ်မလီုတုဲ ဆက်ပြာပ်အာဇရေင်ကျာ်ဇၞော်ညာဏိကဘာပဇ္ဇောတာရီုဍုင်မံင်မလပၠန်ရ။
ပ္ဍဲသၞာံ(၁၃၃၆)ဂ်ှမိက်ဂွံဆာပ်ပရေခၠေဝ်ရော်ဂုဏ်အ္စာတုဲ ဖျေံလိက်ပွိုင်(၃)သၞာံ ပ္ဍဲကွာန်ကံလှာဘာဂြိုပ်ရ။ ပ္ဍဲသၞာံ(၁၃၃၉)ဂ်ှကျာ်ဇၞော်အ္စာဘဒ္ဒန္တသသာန ဓမ္မသဘာကျာ်က္ညနိမန်ဏာကဵုဖျေံလိက်တုဲ ကျာ်ဇၞော်အ္စာဇဋိလဖျေံကၠုင်လိက်ပ္ဍဲကွာန်ဓမ္မသဘာကျာ်ပွိုင်(၁၀)သၞာံပၠန်ရ။ ပ္ဍဲသၞာံ(၁၃၃၉)ကျာ်ဇၞော်အ္စာကၠုင်ပတန်သာသနာပ္ဍဲဇရေင်ကွာန်ကံဇြဲ နွံပိုန်ဂဇအ်ဘာရ။ ကျာ်ဇၞော်ဇဋိလ ဟိုတ်ညးဂွိင်ကဵုဂကူ လိက်ပတ် ကေုာံ ဂွိင်ကဵုဒကာတအ်တုဲ ပတိတ်ကၠုင်ဒြဟတ် ပံက်ကၠုင်သီုပရိယတ္တိရ။
ကျာ်ဇၞော်ဝွံစိုတ်ဓါတ်စေတနာသဒ္ဓါလ္တူသာသနာ ဗုအးကေဝ်ဇြုင်လ္တူကွးကီုလ္တူဒါယကာကီု သွက်ပ္တောံၜတ်ဟွံမွဲရ ကျာ်ဇၞော်အ္စာအာဂတပၠတရဴတုဲ ဒါယကာတံဗက်လက္ကရဴသိုင်ကၠုင်လဝ်ဘုတ်ဘာ ကျာ်စေတဳ ဇြပ်သာလာ ဗွဲမစုင်လေင်ရ ကျာ်ဇၞော်အ္စာဝွံပတန်မံင်သာသနာဇရေင်ရာမညနိကာယ ကံဇြဲပရိယတ္တိဘာဗၟံက်ဒဵုကဵုလၟုဟ်ဝွံဏီရ။
(နိဿဲ)