အန္တရာဲစှ်

နူ ဝဳကဳပဳဒဳယာ

အန္တရာဲစှ်ပြကာမ္ဂးဂှ်

  1. ရာဇန္တရာယ-အန္တရာဲသၟိၚ်အလဵုသဳ
  2. စောရန္တရာယ-အန္တရာဲကမၠတ်ဒမၠ
  3. အဂျန္တရာယ-အန္တရာဲပၟတ်
  4. ဥဒကန္တရာယ-အန္တရာဲဍာ်
  5. မနုဿန္တရာယ-အန္တရာဲမၞိဟ်
  6. အမနုဿန္တရာယ-အန္တရာဲကလော်လကိုဟ်
  7. ဝါဠန္တရာယ-အန္တရာဲသတ်ဒမြိုဟ် (သတ်ဂမျိဂမ္တာန်)
  8. သရဳသပန္တရာယ-အန္တရာဲသတ်ဂမျိ
  9. ဇဳဝိတန္တရာယ-အန္တရာဲလမျီု
  10. ဗြဟ္မစရိယန္တရာယ-အန္တရာဲဒ္ဂေတ်လ္ၚတ်သိက္ခာပိုဒ်မပြဲ

စှ်ပြကာဝွံဟေၚ်ရောၚ်။[၁]

အန္တရာဲစှ်ပြကာဝွံ မမိက်ကဵုမွဲမွဲကီု ယဝ်နွံပြာကဋ်မ္ဂး ကာလမပ္တုဲကံ မပ္တံ စၞောန်ထ္ၜးပါတိမုက်၊ သှ်ပဝါတအ်ဂှ် ရေၚ်တၠုၚ်ဗွဲခမၞန်မာန်ရ။[၁]

အဓိပ္ပါဲ[ပလေဝ်ဒါန် | ပလေဝ်ဒါန် တမ်ကၞက်]

  • ရာဇန္တရာယ-အန္တရာဲသၟိၚ်အလဵုသဳမ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် သၟိၚ်အလဵုသဳတအ် ပြာပ်ကၠုၚ်မ္ဂး ဒှ်ရာဇန္တရာယ်ရ။
  • စောရန္တရာယ-အန္တရာဲကမၠတ်မ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် ကမၠတ်ဒမၠတအ် ပြာပ်ကၠုၚ်မ္ဂး ဒှ်စောရန္တရာယ်ရ။
  • အဂျန္တရာယ-အန္တရာဲပၟတ်မ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် ပၟတ်ဂြိုပ် တူကၠုၚ်ကီု၊ ဘာတူတိုန်ကီုမ္ဂး ဒှ်အဂျန္တရာယ်ရ။
  • ဥဒကန္တရာယ-အန္တရာဲဍာ်မ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် ဗြဲဂၠုတိုန်ကီု၊ ဇၟောဝ်ဍာ်ဇၞော်ကၠုၚ်ကီုမ္ဂး ဒှ်ဥဒကန္တရာယ်ရ။
  • မနုဿန္တရာယ-အန္တရာဲမၞိဟ်မ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် မၞိဟ်ဗွဲမဂၠိုၚ် ပြာပ်ကၠုၚ်မ္ဂး ဒှ်မနုဿန္တရာယ်ရ။
  • အမနုဿန္တရာယ-အန္တရာဲကလော်လကိုဟ်မ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် လကိုဟ်ရပ်ဏာခမဳမွဲမွဲမ္ဂး ဒှ်အမနုဿန္တရာယ်ရ။
  • ဝါဠန္တရာယ-အန္တရာဲသတ်ဒမြိုဟ် (သတ်ဂမျိဂမ္တာန်)မ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် မပ္တံကၠဒမြိုဟ်တအ် ပြာပ်ကၠုၚ်မ္ဂး ဒှ်ဝါဠန္တရာယ်ရ။
  • သရဳသပန္တရာယ-အန္တရာဲသတ်ဂမျိမ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် မပ္တံဇြုံတအ် ၜံက်ခမဳမ္ဂး ဒှ်သရဳသပန္တရာယ်ရ။
  • ဇဳဝိတန္တရာယ-အန္တရာဲလမျီုမ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် ခမဳယဲတိုန်ကီု၊ ပကာဂစိုတ်ကီု၊ သၞသတြုဂမၠိုၚ် မမိက်ဂစိုတ်ခမဳကီုမ္ဂး ဒှ်ဇဳဝိတန္တရာယ်ရ။
  • ဗြဟ္မစရိယန္တရာယ-အန္တရာဲဒ္ဂေတ်လ္ၚတ်သိက္ခာပိုဒ်မပြဲမ္ဂးဂှ် အခိၚ်ကာလခမဳသၚ်တအ် ဂဇအ်ကောံဓရီု သွက်သဂွံပ္တုဲကံ မပ္တံဥပုသ်ဂှ် မၞိဟ်ဂမၠိုၚ် ခမဳမွဲမွဲကီု၊ ခမဳဗွဲမဂၠိုၚ်ကီု မၞုံပၟိက်မိက်ကဵုလဟုတ်အာ နူဒ္ဂေတ်(သိက္ခာ)မပြဲတုဲ ယဝ်ရပ်ဏာမ္ဂး ဒှ်ဗြဟ္မစရိယန္တရာယ်ရ။[၂]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. ၁.၀ ၁.၁ ဝိနယပိဋက၊ ပါဠိမဟာဝဂ္ဂ
  2. ဝိနယပိဋက၊ ပါစိတျာဒိအဋ္ဌကထာ