အန္တရာဲဇၞော် မသုန်တန်
အန္တရာဲဇၞော် မသုန်တန်ဝွံ လေပ်က္တဵုဗဒှ်ကဵု သဂ္ဂန္တရာဲ၊ မောက္ခန္တရာဲ(မဂ္ဂန္တရာဲ)ရ။ ညံၚ်ဟွံဂွံအာစိုပ်ဍုၚ်သွဝ်ကီု၊ ညံၚ်ဟွံဂွံကလိဂွံတီကေတ် ၛာန် မဂ် ဖဵု နိဗ္ဗာန်ကီု လေပ်တာဒၞာကၠေံရ။
အန္တရာဲဇၞော် မသုန်တန်မ္ဂးဂှ်
- ကမ္မန္တရာဲ - ပဉ္စာနန္တရိယကံ၊ ဘိက္ခုနဳဒူသကကံ။
- ကိလေသန္တရာဲ - ဓရ်နိယတမိစ္ဆာဒိဋ္ဌိ။
- ဝိပါကန္တရာဲ - ပဋိသန္ဓိဝိပက် ပူဂဵုအဟိုတ်၊ ဒွိဟိုတ်ဂမၠိုၚ်။
- ဥပဝါဒန္တရာဲ/အရိယူပဝါဒန္တရာဲ - ပွမက္ၜေဟ်လက် ပွမပျုတ်ဗ္ဒေက် ပွမစောဲသရပ် ပူဂဵုအရဳတအ်။
- အာဏာဝဳတိက္ကမန္တရာဲ/ပညတ္တိဝဳတိက္ကမန္တရာဲ - အာပတ်ထပှ်ဘုံ မကၠိလောန် မွဲဟာန်ကေုာံစေတနာ။
မသုန်ပြကာဂမၠိုၚ်ဝွံရောၚ်။[၁][၂][၃]
ဗီုလေပ်သ္ပအန္တရာဲ
[ပလေဝ်ဒါန် | ပလေဝ်ဒါန် တမ်ကၞက်]- ပဉ္စာနန္တရိယကံဂှ် သဂ္ဂန္တရာဲကီု မောက္ခန္တရာဲကီု က္တဵုဗဒှ်သီုၜါရ။
- ဘိက္ခုနဳဒူသကကံဂှ် ယဝ်ကၠိလောန် လ္တူခမဳဗြဴအရဳမ္ဂး သဂ္ဂန္တရာဲကီု မောက္ခန္တရာဲကီု က္တဵုဗဒှ်သီုၜါရ။ မၚ်ဗၠာဲနန္ဒ ဂပ်ဝ်သ္ၚဳရ။ ယဝ်ကၠိလောန် လ္တူခမဳဗြဴပုထုဇန် မၞုံဆန္ဒသၟဟ်မ္ဂး ဟွံဒှ်သဂ္ဂန္တရာဲ၊ မောက္ခန္တရာဲဟေၚ် က္တဵုဗဒှ်ရ။
- နိယတမိစ္ဆာဒိဋ္ဌိလေဝ် ညံၚ်ပဉ္စာနန္တရိယကံကီု က္တဵုဗဒှ်သီုၜါရ။
- ပူဂဵုအဟိုတ်၊ ဒွိဟိုတ်ဂမၠိုၚ် ၜိုန်ကလိဂွံၛာန် မဂ် ဖဵု နိဗ္ဗာန် ဟွံမာန်ကီုလေဝ် ဟိုတ်နူအာစိုပ်ဍုၚ်သွဝ်မာန်ဏီဂှ်ရ ဟွံဒှ်သဂ္ဂန္တရာဲ၊ မောက္ခန္တရာဲဟေၚ် က္တဵုဒှ်ရ။
- အရိယူပဝါဒကကံဂှ် တီကဵုဒှ် ဟွံတီကဵုဒှ် ယဝ်ကၠိလောန်မ္ဂး သဂ္ဂန္တရာဲကီု မောက္ခန္တရာဲကီု က္တဵုဗဒှ်သီုၜါရ။ ယဝ်အာတ်ကလအ် ဒုၚ်ဂုန်မ္ဂး ၜိုဟ်လလံအာရ။
- လုကဴဟွံဂွံလွဳပရာ အာပတ်ဏီမ္ဂး သဂ္ဂန္တရာဲကီု မောက္ခန္တရာဲကီု က္တဵုဒှ်မံၚ်သီုၜါရ။ လွဳပရာအာပတ်တုဲမ္ဂး ၜိုဟ်လလံအာရ။[၁][၄]