အသဝ်ကျာ် (၁၈) သာ်

1. ပတွဵုနူမတတ်သော်ဝန်ဇာတာတုဲ ဒဵုကဵုတွဵုလ္အိတ်လမျီုသော်ဟဂွံဂၠိုၚ်တိုန်၊ ဟဂွံဂၠေံစှ်ေ၊ မၞုံကဵုဇမၠိုၚ်ၜါလ္ပုဟ်ဂှ်ဒှ်တုဲ ကိစ္စမ္ဒးကးပၠန်ဟွံမဲ
2. သ္ၚာတၠဳမၞုံကုပိုန်ကျာ်တြဲ ညံၚ်ရဴသာ်ထဝ် မဟဂွံတြေံကၠိခ္ဍက်အာ
3. ပရိက္ခရာဒ္စံါမဟဂွံနွံဒးဇကုကျာ်တြဲ
4. ခါမၞုံပၟိက်တုဲ ဗဗေၚ်မ္ဒးတိုန်စိုပ် ဂၠးသ္ပာတဲကျာ်
5. ကဵုပိုန်တုဲ ခါကြဴတဲဗက် ဗဗေၚ်လေဝ်သ္အးဇ္ၚးရ။ ခါကြဴဗဗေၚ်လေဝ် တဲသ္အးဇ္ၚးရ
6. ပ္ဍဲဂၠံမၞုံဗၞတ်တၟာမလ္ၚဴ ကျာ်လုပ်တန်တဴ သီုပရိက္ခရာဒ္စံါသၟဟ်ရထ။
7. ပ္ဍဲအလုံဒိုဟ်စှ်အိုတ်သီု မၞုံကဵုလျးမဂြိပ်လစးတဴ မဟွံတီကဵုဗၞတ်တွဵု။
8. ပွမနိမိတ်ဗဒှ်ရုပ်ဇကု မၞုံဗၞတ်မတွံဂး မွဲလက်ကိုဋ်သၟဟ်ရထ။
9. အိုတ်အလုံဇာတိခေတ်စှ်လ္ၚီစက္ကဝါ၊ အာဏာခေတ်မွဲလက်ကိုဋ်စက္ကဝါ၊ ဝိသယခေတ် အနန္တစက္ကဝါအိုတ်သီု ပွမဒမၠုကၠေံ ပွမယးတၟးကၠေံ မကဵုညာတ်ဇကု ပွမကဵုမိၚ်ပရူရမျာၚ်တွံဓရ်သၟဟ်ရထ
10. ပတွဵုနူဂတာ အဝိက်တေံတုဲအိုတ် အလုံမၞိဟ် ဒေဝတဴ မၞုံပ္ဍဲခေတ္တပိအိုတ်သီု သၟဟ်ရထကဵုညာတ်ရၚ်သ္ကံမာန်
11. ကာလသၠးနူဂၠံဂဝ်ဂၞဴမိ အိုတ်အလုံစှ် လ္ၚီလောကဓါတ် မ္ဒးချဳသမြပ်ဒဇပ်ဇတဝ်။
12. ပ္ဍဲကာလမပ္တံသၠးဂဝ်ဂၞဴမိဂှ် နိမိတ် (၃၂) မ္ဒးစၞောန်ထ္ၜးပြာကဋ်တဴ
13. နူကဵုရတနစၚ်္ကြဂှ် စဵုကဵုစိုပ်လအိတ်က္ဍိုပ်တၟံသိန္နရာဇ် နဗၞတ် (၂) လ္ဂာံဟေၚ် သၟဟ်ရထဂါံအာမာန်
14. ခါအာပ္ဍဲတိမ္ဂး ဂၠးပါဒကျာ်တြဲ ဟဂွံစၞောန်ထ္ၜးပြာကဋ်ပ္ဍဲတိရ
15. မၞုံကဵုအာသယာနုဿယညာဏ် မဂွံဂြၚ်တီကေတ် ဂၞပ်စိုတ် လအာစိုတ်သတ္တံဂမၠိုၚ်
16. ဍိုက်ပေၚ်တဴ ကေုာံ ယမကပဋိဟာမသၟဟ်ရထ က္တဵုဗဒှ်ဇွောဝ်ဍာ် ဂၞန်ပၟတ်မကဵုဂြိပ်တိတ်နူဇကု
17. မၞုံကဵုအနာဝရဉာဏ် မဂြၚ်တီကေတ်ဓရ် မဒှ်အတိက်၊ အနာဂတ် ပစ္စုပ္ပန် မသက္ကုစဵုဗ္ဒန်
18. မၞုံကဵုပညာ သဗ္ဗညုတဉာဏ် မဂြၚ်တီကေတ် ဍောၚ်ဉေယျဓရ်မသုန်ပြကာ မတွံဂး သၚ်္ခါရ ဝိကာရ လက္ခဏ နိဗ္ဗာန် ပညပ်။