အိက်အသုဘ

မန်

အိက်

နာမ်

1. ဍန်ဍန်ဍာ်ဍာ် ၊ ကလောံကလောံပြာဲပြာဲ နွံကဵုသၟူပသအုဲ၊ တိတ်ကၠုၚ်နူဂဝ်ဂၞဴသတ်နွံကဵုလမျီုတံ။

နိရုတ်

1. အိက် (အသုဘ)

အဓိပ္ပါဲတၞဟ်တၞဟ်

1. မၞိဟ်ကီု သတ်တိရစ္ဆာန်ကီုဂှ် စၞတိတ်နူဂဝ်ဂၞဴမပိုဟ်ထရိုဟ်ဒှ်အာအသုဘဂှ် နွံကဵုသၟူကျာပသပသ တၞဟ်ခြာအာသတ်ဂကူမွဲမွဲတုဲ အိက်ကော်တဴအိုတ်ရ၊ သွက်မၞိဟ်ဏောၚ်တှ်ေ အသုဘလေဝ်ကော် အိက်လေဝ်ကော်တဴတုဲ ဒၞာဲဒေသမကိတ်ညဳတံဂှ် ကော်အာမာန်ရ။
2. ညံၚ်ရဴအိက်သြန်အိက်လှုဲကီု၊ နူညးဖျေံလဝ်သြန်တုဲ တက်လဝ်ကျာၚုဟ်မးမူစိဒးကဵုကေတ်အခိၚ်ပေၚ်ဂိတုတ္ၚဲသာ်ဏံဗွဲတုန်၊ အိတ်ဂွံနၚ်နူမသြန်လှုဲတံဏံဂှ် ဟွံပသတုဲ ညးမဂွံအိက်သြန်လှုဲတံဂှ် နွံကဵုအရီုမိပ်ပဳတိ ဂွံရပ်ကေတ်အိက်သြန်အိက်လှုဲဂှ် မောဝ်သက်ဟီုဟွံမွယ်ရ။
3. အိက်လၞုဟ်ဏံပၠန်၊ လၞုဟ်သက်ဒးပတုဟ်ဟွံမွယ်ရတုဲ ပသအိုတ်ဂှ်အိက်ပတုပ်ဏာကဵုပူဂဵုဂှ်ရ။
4. အိက်ၚါ်မပါန်ဒၟံၚ်ပ္ဍဲတၟံကလောံတံဂှ် သွက်ဂွံဒှ်စၞစကောန်ၚုဲကောန်ကဍောတ်တ်တံတုဲ လဆောဝ်တှ်ေ လုပ်မံၚ်ဂြန်ဂဥုဲမွဲသုၚ်စောဲမံၚ်ကီုရ။

လဟီု

1. အိက်ဆုတ်ရောဟွံတီ ( ဟွံမွယ်ကဵုတမ်ကၞောတ်မွဲသာ်တုဲ ဒးဟီုဗျိဒေါန် ညံၚ်ရဴကောန်ၚာ်မွဲ အိက်ဆုတ်ရောဟွံတီတုဲ အိက်လဝ်ပေၚ်ပြးဟွံမွဲကဵုဒၞာဲသာ်ဏံ၊)
2. အိက်စုတ်လအ်၊ ( ကၠေတ်ဗၠေတ်စုတ်၊ ကၠောန်မှာစုတ်၊ မၞိဟ်မွဲကၠောန်ဗၠေတ်တုဲ ညးမွဲဂှ်ဆဵုတုဲ ဟီုဗျိဗှ်ေအိက်စုတ်လအ်၊)

ဖဵု

1. အိက်သတ်တိရစ္ဆာန်တံမ္ဂးတှ်ေ ကၠောန်သ္ပဝါဲတိသဘာဝ သွက်ပရေၚ်တဵုလွဳတၞံဆုသၞေဝ်ကေဝ်တံမာန်အိုတ်ရ။
2. အိက်မၞိဟ်ဂှ်တှ်ေ ကၠောန်ဝါဲလေဝ်ဂွံ ကၠောန်ဓါတ်ဂိတ်လေဝ်ဂွံ လဆောဝ်တှ်ေ စံၚ်ဆောံဒှ်ဂြန်ဂဥုဲမွဲသုၚ်စောဲစကာမံၚ်ရ။
3. ယဝ်အိက်လၞုဟ်အိက်ဟအေတ်မ္ဂးတှ်ေ မုသုၚ်စောဲဟွံဂွံတုဲ သီုပသသီုအသုၚ်စောဲဟွံဂွံရ။

ဝေါဟာလွာ

1. အိက်လၞုဟ်
2. အိက်မၞိဟ်
3. အိက်သတ်တိရစ္ဆာန်
4. အိက်သြန်
5. အိက်ပသဲ
6. အိက်ၚါ်
7. အိက်နှိၚ်

ဝေါဟာတၟုပ်

1. အိက်
2. အသုဘ
3. တရဴဇၞော်

ဝေါဟာဒစး

1. တရဴဍောတ်(ကၞမ်ထောံ)
2. ဍာ်
3. စၞစလတ်လတ်၊ အမာဲလတ်လတ်
4. သတ်ဆုသတ်ဒုန်
5. ကွာၚ်ၜဲယိုဟ်ၜန်