ၜုန္နရိက်၊ တၞံ

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ပုဏ္ဏရိက်/ၜုန္နရိက်
Ixora
Ixora coccinea (Rubiaceae).jpg
Ixora coccinea
မပါ်ဂကူ အတိုင်နဲသိပ္ပံ
လောက: Plantae
(unranked): Angiosperms
(unranked): Eudicots
(unranked): Asterids
လၟေင်ဂကူ: Gentianales
ဇာတ်ဂကူ: Rubiaceae
လစှ်ေဇာတ်ဂကူ: Ixoroideae
ဗဳဇဂကူ: ''Ixora''
Type species
Ixora coccinea
Carl Linnaeus L.
Species

နွံၜိုတ် ၅၆၂ ဂကူ

ယၟုတၞဟ်

ပုဏ္ဏရိက် / ၜုန္နရိက်(အၚ်္ဂလိက်: Ixora) ဝွံ ဒှ်တၞံပကဴမွဲတုဲ နကဵုယၟုဓမ္မတာ မကော်ခဴစ ပကဴတၞိင်၊ ပ္ဍဲလိက်တြေံ ဂွံဆဵုကေတ် ၜုန္နရိက်၊ မလုပ်လၟိဟ် ဗဳဇ Rubiaceae ရ၊၊ ပုဏ္ဏရိက်ဝွံ ဒှ်တၞံမတိုန် ပ္ဍဲဒေသဂမ္တဴတုဲ ဒှ်တၞံသၚေက်တွဵု မွဲဂကူ၊ သီုဖအိုတ် နွံ ၜိုတ် ၅၆၂ ဂကူ၊၊ မွဲဂကူကဵုမွဲဂကူ အသာ်ပကဴ ဟွံတုပ် ရေင်သကအ်ရ၊၊[၁] တမ်မူလ ပုဏ္ဏရိက်ဝွံ ကၠုင်နူ ဒေသဂမ္တဴ ကေုာံ သာပ်ဒေသဂမ္တဴ အလုံမွဲဂၠးတိတုဲ ဒၞာဲမဂွံဆဵုကေတ် ဂကူနာနာ ဂၠိုင်င်ဂှ် ဒှ်ဒေသဂမ္တဴအာရှရ၊၊ ပ္ဍဲဒၞာဲသာပ်ဒေသဂမ္တဴ ပ္ဍဲကၟိန်ဍုင်အမေရိကာန် ဗီုကဵု တွဵုရးဖလဝ်ရေဒါတအ်လေဝ် တိုန်ဒၟံင်ကီုရ၊၊ ညးတအ် ကော်စWest Indian Jasmine (မၠဵုအိန္ဒိယပလိုတ်)၊၊ ပကဴဝွံ ယၟုနွံဂၠိုင်ကွေဟ်ရ၊၊

ယၟုဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]

ယၟုပကဴဝွံ ပါဲနူကဵု ဗီုအင်္ဂလိက် မကော် အာဲဇြောရာ (Ixora) တုဲ ယၟုမပ္တံ viruchi, rangan, kheme, ponna, chann tanea, techi, pan, siantan, jarum-jarum/jejarum, jungle flame, jungle geranium,cruz de Malta တအ်လေဝ် ကော်ကီုရ၊၊ ပကဴဝွံ ဗီုဘာသာဗၟာမ္ဂး ပုဏ္ဏရိပ် မြဴသာ်ဝွံ ကော် ကြပ်တုပ်ဒၟံင် ကုမန်ကီုရ၊၊ ယၟုဘာသာမန် ပုဏ္ဏရိက် ဝွံ ဒုင်သဇိုင် ကုယၟုတၞဟ်ဟ် ဗွဲတၟေင်ယၟု ponnaတုဲ ရိက် ဂှ် ကၠုင်နူ ယၟုသံသကြိုတ် ရက္တက (raktaka) ရက္တတ (raktata) ၜါဂှ် ဗဂပ်တုဲ ဒှ်အာ ပုဏ္ဏရိက် ရ၊၊ "ပုဏ္ဏ" နကဵုဘာသာပါဠိဂှ် ဂွံအဓိပ္ပါယ် "ပေင်" ၜုန္န အတိုင်လိက်တြေံဂှ်လေဝ် ကၠုင်နူ အဓိပ္ပါယ် ပုဏ္ဏ ဟွံသေင်မ္ဂး ဗီုသံသကြိုတ် အဓိပ္ပါယ် "မပေင်" ကီုရ၊၊ "ရက္တက" ဗီုသံသကြိုတ်ဂှ် ဂွံအဓိပ္ပါယ် "ဗကေတ်၊ အသာ်ဆီ"၊၊ [၂]ဟိုတ်နူ ဍောင်ဍောတ်တ်ဂမၠိုင် မကောံပေင်ဒၟံင် မနွံကဵုအသာ်ဆီတုဲ ကဵုလဝ်ယၟု "ပုဏ္ဏရိက်" ဒှ်မာန်ရ၊၊ ပ္ဍဲကဵု သံသကြိုတ်လေဝ် ယၟုပကဴဝွံ ဂွံဆဵုကေတ် နာနာ မပ္တံကဵု ဗန္ဓုဇိဝက (bandhujivaka) ဗန္ဓုက( bandhuka) ဗိန္ဒုက (binduka) ပရလဳ (parali) ပရန္တိ (paranti)၊ ပထလဳ (pathalee) ရက္တက (raktaka) ရက္တတ (raktata) ရ၊၊

ဗီုရုပ်ဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]


  1. "The World Checklist of Rubiaceae". Retrieved 16 November 2017.
  2. Wisdom Library Raktaka; 1 Definition(s)