ကသၠဇြဲ
| ကသၠဇြဲ | |
|---|---|
| |
| မပါ်ဂကူ အတိုင်နဲသိပ္ပံ | |
| လောက: | Animalia |
| လပါ်ဂကူ: | Chordata |
| ဂကောံဂကူ: | Actinopterygii |
| လၟေင်ဂကူ: | Perciformes |
| ဇာတ်ဂကူ: | Drepaneidae |
| ဗဳဇဂကူ: | 'Drepane' |
| လစှ်ေဂကူ: | ''D. longimana'' |
| ယၟုရုက္ခဗေဒ | |
| Drepane longimana | |
ကသၠဇြဲ ကတၞးဇြဲ (တုပ်တၞးဇြဲ−သၠတၞံဇြဲ) သေံတံကော် ปลาใบปอ ပလာၜါဲပဵု, ปลาเมลงปอ ပလာမလၚ်ပဵု (စၟနာၚ်လော်) [၁] (အၚ်္ဂလိက်: Banded sicklefish, Concertina fish; ဒှ်ကဍာ်ဖၞုၚ်မွဲဂကူ ပ္ဍဲဂကောံက ပလာၜါဲပဵု−ရမ်သာၚ်သေံ (Drepaneidae)
အဝဲပၟာဏဂၠိကွ၊ ဗွဲလ္တူဟတေဟ်ကြဳတုဲ ရံၚ်တုပ်ညံၚ်ကဵုသၠဇြဲ၊ တုပ်အရေဝ်ညးဟီုလဝ်နွံ ဗွဲစးကဝိုၚ်ညံၚ်စဵုတ္ၚ က္ဍိုပ်နွံဇၞော် သၟန်ပါၚ်ဍောတ်, ဖျုန်မတ်ဇၞော်တုဲ ကၠေၚ်မဂြေပ်လဝ်မတ်ဂှ် တီုတိတ်ကၠုၚ်ညိည၊ သၟန်ပါၚ်ဍောတ်တုဲနွံဂၠိၚ်ညိ၊ ၚေက်ဍောတ်တ်သောဲသောဲ မကေက်တဴညံၚ်(ကြံက်ကြေဝ်)၊ တုဲတှ်ေ အလုံမွဲဇကုဂှ် နွံအရံၚ်ဗုနှဴဗတေၚ် တုဲ နွံမခ္ဍံက်ဍောတ်တ်အရံၚ်လိမဴ ညဳတပ်ပ္ဍဲသ္ကဲၜါလပါ် နွံ 4-11 ရေၚ်နွံ၊ ဟိုတ်ဂှ်ရ တၞဟ်ခြာနူကဵုကသၠဇြဲခ္ဍံက် (D. punctata) ဏံ နွံအရံၚ်သာ်ဗတေၚ်မရေၚ်ဒၟံၚ်မွဲဓဝ်၊ ကောန်ကအဃောမဍောတ်တံဂှ် အရံၚ်သ္ကဲနွံသာ်လမစံက်ပ္ဍဲဒၞာဲခ္ဍံက်အရံၚ်လိမဴဂှ် ။
နွံဇမၠိုၚ် 20-25 ဇြေန်တိမေတ် ဆဵုဂဗဇၞော်အိုတ် 40 ဇြေန်တိမေတ်၊ ဆဵုဂဗပ္ဍဲအကြာလဒေါဝ်ၜဳ နွံအကြာကြေဟ်တၟံဗတဳနွံဗဒါဲမွဲဒမြိပ်ဍောၚ်ပ္ကဴတၟံ တုဲတှ်ေ အကြာဍာ်ၜါ−ဖၞုၚ်ပတေက်၊ ရပ်စသတ်ဍာ်ဇုတ်စးဟၟဲဍောတ်တ်သောဲသောဲမဒှ်စၞစရ၊ ဂွံဆဵုဂဗကေတ်ပေၚ်ပြး နူစကဵု အိန်ဍေဲ−အိန္ဒိယ စဵုကဵုစိုပ်သြသတေလေဲလပါ်သၟဝ်ကျာ၊ ပ္ဍဲဍုၚ်သေံ ဂွံဆဵုဂဗကေတ်မာန် သီုၜဳသေံကေုာံၜဳအာန်တာမာန်ဗွဲတုန်။
ကသၠဇြဲ ကော်စၟနာၚ်လော်ဏံဝွံ ဖျုန်စခိုဟ်နွံကဵုကွေံကွေံရ၊ ယဝ်ဒးဍုၚ်သွမ္ဂးတှ်ေ အမာဲသွမြေက်မဍောတ် ဒေသလ္ၚဵုကော် သွဍာ်ဗစး (ဗစးမြာၚ်) စခိုဟ်ကြိုက်ကွေံကွေံ၊ ရှ်နွံကြောံကၠေၚ် တၞဟ်ခြာနူဖျုန်တၞဟ်ရ၊ ကဝွံ ဟိုတ်နူဖျုန်နွံကြဳတုဲ ခၞါ, စဲကကှ်ကှ်ဂှ် မၞိဟ်တံဟွံကၠောန်စအိုတ်တုဲ ဗွဲမဂၠိုၚ်တှ်ေ ဍုန်စသွဂၠိုၚ် ။
ကဝွံ လၟုဟ်ဏံပ္ဍဲဗွဝ်ဖျာဗီုဍုၚ်သေံဏံတှ်ေ (2021) နွံၚုဟ် နူ 20/ၜါတ်သေံ စဵုကဵု 80/ၜါတ်သေံတုဲ တိုန်တဴကဵုအဝဲဍောတ်ဇၞော်ရ၊ ၚုဟ်မးဟွံဂၠိုၚ်တုဲ ဇၟာပ်ညးအဲရာန်စမာန်၊ ကောန်ဂကူတိုက်အာယျလ္ၚဵု ဟွံကေၚ်စကဏံတုဲ မွဲလှ်ေလေဝ်ဟွံစမ်စရံၚ်လေဝ်နွံရ၊ ဟိုတ်နူညးတံဟွံတီကယၟုကကီု လ္ၚဵုဟွံကေၚ်စတုဲ ဟွံစလေဝ်နွံရ၊ ကဝွံ ဒှ်ကဍာ်ဖၞုၚ်တုဲ သဘဝကဍာ်ဖၞုၚ်ဟီုဂှ် ဇုတ်ဂၠိုၚ်နွံအောန်တုဲ စဒှ်ဂျိဟီုဂှ် အောန်တဴကွေံကွေံရ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ใบโพ ๒ น. ตาม Archived ၂၀၁၈-၁၁-၁၈ at the Wayback Machineพจนานุกรมฉบับราชบัณฑิตยสถาน พ.ศ. 2542