ကုန်အာဇာနဲ (ဍုင်ကၟာဝက် ရးဇြာ)
| Martyrs' Mausloeum of Mon | |
  Location in Myanmar | |
| ဒၞာဲ | 16°08′02″N 97°43′22″E / 16.13389°N 97.72278°Eဒတန်: 16°08′02″N 97°43′22″E / 16.13389°N 97.72278°E |
|---|---|
| ဒၞာဲ | ဍုင်ကၟာဝက်ရးဇြာ |
| ဂကူ | ကုန်စၟတ်သမ္တီ ကေုာံ ဗီုရုပ်ဂမၠိုင် |
| ကိရိယာ | ဍိုတ်၊ ကောန်ဂရေတ်၊ ဗရိုတ် |
| တင်ရန်တၟအ် | ကျာ်ဇၞော်ပါလိတ ကေုာံ က္ဍိုပ်သကိုပ်တၞဟ် |
ကုန်အာဇာနဲ(အၚ်္ဂလိက်: Martyrs' Mausoleum of Mon) ဝွံ နွံ ပ္ဍဲ ဍုင်ကၟာဝက်ရးဇြာ ကွာန်ထံင်ကှ်ေ သၠုင်ကျာ ဘာဒယိုင်ဇၞောဝ် (ဘာဇောတိကာရာမ်)။ ကုန်အာဇာနဲဝွံ စကၠောန်ဗဒှ်လဝ် နူ သၞာံ ၂၀၂၃ နမရန်တၟအ် သွက်ဂွံစွံအာ ရုပ်မြဴ က္ဍိုပ်သကိုပ် ကောန်ဂကူမန်ဂမၠိုင်ရ။ ဟိုတ် ပရေင်ကမၠောန် မကၠောန်ဗဒှ် ကုန်အာဇာနဲဏအ် ဂွံက္တဵုဒှ်ကၠုင်ဂှ် ကြဴနူ အစာကဝိ ကောံ ကုသၟိင်လိက်ပတ်မည် ကျာ်ဇၞော်အစာဘဒ္ဒန္တပါလိတ (၁၉၂၄ နဝ်ဝေမ်ဗါ ၂၇ - ၂၀၂၁ နဝ်ဝေမ်ဗါ ၂၂) စဴသွရ်တုဲ မိက်ဂွံကၠောန် ဒၞာဲမစၟတ်သမ္တီ သွက်ညး မွဲမွဲဒၞာဲရ။[၁][၂] ညးမအာဂတပၠတရဴ ပ္ဍဲ ကမၠောန်ဏအ်ဂှ် ဒှ် တၠဂုဏ်အ္စာ ဇယသေန (တၠဂုဏ်ယ) ဘာဓါတ်ကျာ် (ဘာတိုက်တၟိ) ဍုင်ကၟာဝက်ရ။
ဝင်
[ပလေဝ်ဒါန် | ပလေဝ်ဒါန် တမ်ကၞက်]ကုန်အာဇာနဲ ဒၞာဲအာဇာနဲ သၟိင်လိက်ပတ်မည် ကျာ်ဇၞော်အစာတၠမှာထေရ်ပါလိတဝွံ ကၠောန်သဘင် ဖျေဟ်ရိုဟ်ကၞက် ပ္ဍဲကဵု သက္ကရာဇ် ၁၃၈၄ ဂိတုဖဝ်ရဂိုန် ၅ မမံက် (သၞာံ ၂၀၁၃ ဂိတုဖေဖဝ်ဝါရဳ ၂၃) တ္ၚဲဗြဴဗတိ။ ပ္ဍဲသဘင်ကၞာဂှ် နူကဵု ဘာဓါတ်ကျာ် ဇက်အာ နကဵု ဂကောံထဗုင်ခရာ၊ ခမဳသင်၊ သဳလ ကေုာံ ညးဍုင်ကွာန် နကဵု ကယျိုင်မန် ပလောအ်ဗု ဂၠိက်/ဂၞိန်ဍာဲရ။ ပ္ဍဲသဘင်ဂှ် ခမဳသင်ဂမၠိုင်ကီု သီုကဵု က္ဍိုပ်သကိုပ်ဂကူမန် နူသွာင်နာနာ နူကဵုဗော်ညဳသၟဟ်မန်၊ ဗော်ဍုင်မန်တၟိ ကေုာံ က္ဍိုပ်သကိုပ်ဂကောံမှာဇန်မန်ဂမၠိုင်၊ ညးဍုင်ကွာန်ၜိုတ် ဗဒါဲမွဲလ္ၚီ တိုန်စိုပ်လဝ်ရ။[၁][၂]
သၞာံ ၂၀၂၄ ဂိတုနဝ်ဝေမ္ဗာ ၁၉ (သက္ကရာဇ် ၁၃၈၆ ကထိုန် ၄ စွေက်) ကၠောန် သဘင်မ္ၚဵုဖျေဟ်ဍိုတ်ထဝ်ဍိုန်သြန် တွင် (pedestal) မဒှ်ဒၞာဲ သွက်ဂွံစွံပ္တန် ရုပ်မြဴဗရိုတ် ကျာ်ဇၞော်အစာတၠမှာထေရ်ပါလတ။[၃]
သၞာံ ၂၀၂၅ ဂိတုဇာန္နဝါရဳ ၁၀ (သက္ကရာဇ် ၁၃၈၆ ဂိတုပုဟ် ၁၂ မၟံက်) တ္ၚဲဗြဴဗတိ အခိင်သဝ်တ္ၚဲ ၃း၃၀း၃ဂှ် ရုပ်ဗရိုတ် ကျာ်ဇၞော်အစာတၠ မှာထေရ်ပါလိတ သၟိင်လိက်ပတ်မည် က္ညပ္တိုန်စွံလဝ် လတူ တွင် (pedestal) ပ္ဍဲကၠအ်ပ္ကဴဥဒျာန်အာဇာနဲဝွံရ။[၄]
သဘင်ဓရ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]တၞဟ်နမဂွံကလိဂွံ သြန်ဘဏ္ဍာ သွက်ဂွံ ကၠောန် ကၠအ်ပ္ကဴဏအ်တုဲ ကၠောန်ဗဒှ်လဝ် သဘင်ဓရ်ဂမၠိုင်ရ။
အလန်ပထမ ကၠောန်ဗဒှ် သဘင်ပူဇဴဓရ်ဓမ္မဒေသနာမည် ပွိုင် ၆ ဗတံ နူ ၄၊ ၂၊ ၂၀၂၄ စဵု ၉၊ ၂၊ ၂၀၂၄ ပ္ဍဲ ဇရေင်ကၠအ်ပ္ကဴဂှ်ရ။ ဓမ္မကထိုက်ဂမၠိုင်ဂှ်[၅]
- တၠဂုဏ်အစာ ကောဝိဒ (ပန်းသီး) (သာသနာဓဇ ဓမ္မာစရိယ) ဘာသဒ္ဓမ္မပါလ၊ ဍုင်ဇိုင်ကျာ် (၄၊ ၂၊ ၂၀၂၄)
- ကျာ်ဇၞော်အစာ ဘဒ္ဒန္တပါလ (မဟာသဒ္ဓမ္မဇောတိကဓဇ) ညးမနွံပိုန် ဘာကလျာဏမိတ္တ ကွာန်ဆုကၠ။ (၅၊ ၂၊ ၂၀၂၄)
- တၠဂုဏ်အစာ ဒံက်တာကောဝိဒ (ဓမ္မာစရိယ MA. Ph.D) ဘာမဟာဝိဟာရ၊ ကွာန်ကအ်ဍောတ်။ (၆၊ ၂၊ ၂၀၂၄)
- ကျာ်ဇၞော်အစာ ဘဒ္ဒန္တစန္ဒကုမာရ (အဂ္ဂမဟာဂန္ထ ဝါစကပဏ္ဍိတ) ညးးမနွံပိုန် ဘာဇာဒိသိုင်၊ ဍုင်ကၟာဝက်ရးဇြာ။ (၇၊ ၂၊ ၂၀၂၄)။
- ကျာ်ဇၞော်အစာ ဘဒ္ဒန္တသဳလဝန္တ ညးရေင်တၠုင်ဖဵို ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ (အလုံဒေသရးမန်)၊ ဒု-ဟိတဓရ ရာမညဓမ္မာစရိယ၊ ညးမနွံပိုန် ဘာဟံသာထဝ် ဍုင်ဇြပ်။ (၈၊ ၂၊ ၂၀၂၄)
- ကျာ်ဇၞော်အစာ ဘဒ္ဒန္တကေတုမာလာ ဥက္ကဋ္ဌ ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ (အလုံဒေသရးမန်)၊ ညးမနွံပိုန် ဘာကအ်ပလိုင်၊ ကွာန်ကအ်ပလိုင်။ (၉၊ ၂၊ ၂၀၂၄)
အလန်ဒုတိယ ကၠောန်ဗဒှ် သဘင်ပူဇဴဓရ်ဓမ္မဒေသနာမည် ပွိုင် ၆ ဗတံ၊ နူ ၂၃၊ ၀၁၊ ၂၀၂၅ စဵု ၂၈၊ ၀၁၊ ၂၀၂၅ ပ္ဍဲ ဇရေင်ကၠအ်ပ္ကဴဂှ်ရ။ ဓမ္မကထိုက်ဂမၠိုင်ဂှ် [၆][၇]
- ကျာ်ဇၞော်အစာ ဘဒ္ဒန္တသဳလဝန္တ ဥက္ကဋ္ဌ ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ (အလုံဒေသရးမန်)၊ ဒု-ဟိတဓရ ရာမညဓမ္မာစရိယ၊ ညးမနွံပိုန် ဘာဟံသာထဝ် ဍုင်ဇြပ်။ (၂၃၊ ၀၁၊ ၂၀၂၅)
- ကျာ်ဇၞော်အစာ ဘဒ္ဒန္တစန္ဒဓဇ ညးမနွံပိုန် ဘာမဟာသုမင်္ဂလ၊ ကွာန်မတေဲ။ (၂၄၊ ၀၁၊ ၂၀၂၅)
- ကျာ်ဇၞော်အစာ ဘဒ္ဒန္တညာဏသာဂရ ညးမနွံပိုန် ဘာတာဝတိံ၊ ဍုင်ကၟာဝက်ရးဇြာ (၂၅၊ ၀၁၊ ၂၀၂၅)
- ကျာ်ဇၞော်အစာ ဘဒ္ဒန္တပဝရ ညးမနွံပိုန် ဘာထဝ် ကွာန်ဝင်ဒါ။ (၂၆၊ ၀၁၊ ၂၀၂၅)
- ကျာ်ဇၞော်အစာ ဘဒ္ဒန္တသဳလဝန္တ ညးမနွံပိုန် ဘာဓမ္မရံသဳ၊ ဍုင်မုဟ်ဍုင် (၂၇၊ ၀၁၊ ၂၀၂၅)
- ကျာ်ဇၞော်အစာ ဘဒ္ဒန္တစန္ဒကုမာရ (အဂ္ဂမဟာဂန္ထဝါစကပဏ္ဍိတ) ညးမနွံပိုန် ဘာဇာဒိသိုင်၊ ဍုင်ကၟာဝက်ရးဇြာ။ (၂၈၊ ၀၁၊ ၂၀၂၅)
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ " မ္ၚဵုဖျေံရိုဟ်ကၞက် ကုန်အာဇာနဲ ဒၞဲါအာဇာနဲ သၟိင်လိက်ပတ်မည် ကျာ်ဇၞော်အစာတၠ မှာထေရ်ပါလိတ. Open (February 23, 2023). “ပ္ဍဲဂိတုဖဝ်ရဂိုန် (၅) မံက်ဂှ် ကၠောန်ဗဒှ်လဝ် မ္ၚဵုဖျေံရိုဟ်ကၞက် ကုန်အာဇာနဲ ဒၞဲါအာဇာနဲ သၟိင်လိက်ပတ်မည် ကျာ်ဇၞော်အစာတၠ မှာထေရ်ပါလိတ ပ္ဍဲဍုင်ကၟာဝက်ရးဇြာရ။”
- ↑ ၂.၀ ၂.၁ " မ္ၚဵုဖျေံရိုဟ်ကၞက် ကုန်အာဇာနဲ ဒၞဲါအာဇာနဲ သၟိင်လိက်ပတ်မည် ကျာ်ဇၞော်အစာတၠ မှာထေရ်ပါလိတ. Open (February 23, 2023). “ပ္ဍဲဂိတုဖဝ်ရဂိုန် (၅) မံက်ဂှ် ကၠောန်ဗဒှ်လဝ် မ္ၚဵုဖျေံရိုဟ်ကၞက် ကုန်အာဇာနဲ ဒၞဲါအာဇာနဲ သၟိင်လိက်ပတ်မည် ကျာ်ဇၞော်အစာတၠ မှာထေရ်ပါလိတ ပ္ဍဲဍုင်ကၟာဝက်ရးဇြာရ။”
- ↑ " သဘင်မ္ၚဵုဖျေဟ်ဍိုတ်ထဝ်ဍိုတ်သြန်. Open (November 19, 2024).
- ↑ " က္ညပြာပ်ပ္တိုန် ရုပ်မြဴ ကျာ်ဇၞော်အစာတၠမှာထေရ်ပါလိတ. Open (January 10, 2025).
- ↑ " သဘင်ပူဇဴဓရ်ဓမ္မဒေသနာ. Open (January 21, 2024).
- ↑ " သဘင်ပူဇဴဓရ်ဓမ္မဒေသနာမည်. Open (December 28, 2024).
- ↑ " သဘင်ပူဇဴဓရ်ဓမ္မဒေသနာမည်. Open (January 1, 2025).