ကောန်ဆာန်၊ မိ

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
အမာတ်ကၠတ်ထဝ်ကၟိန်ဍုင်
မိကောန်ဆာန်
ဒေါ်မိကွန်ချမ်း
Mi-Kun-Chan-MP.png
သၠးဂၠံဂဝ် (1972-01-06) ဇာန်နဝါရဳ ၆၊ ၁၉၇၂ (အာယုက် ၄၈)
ခယျးပ္ဍဲ၊ ပွိုင်ဍုင်ကအ်ကြိက်။
ကောန်ဂကူ  Monမန်
ကောန်ဍုင်  Myanmarကောန်ဍုင်ဗၟာ
ကဆံင်ပညာ BA (မြန်မာစာ)
ဘာ တက္ကသိုလ်မတ်မလီု
ဂယိုင်လမျီု Managing Director (Morning Pearl Co., Ltd)
ဗော် NLD
Opponent(s) အမာတ်ကၠတ်ထဝ်ကၟိန်ဍုင်ဗၟာ
အိန်ထံင် ဦးကျော်စိုးမိုး
ကောန်ဇာတ် (၁) မောင်မင်းကောန်းခန့်
(၂) မောင်သန်းထိုက်၊
(၃) မသက်နှင်းစု
မိမ
  • နာဲသက်လောန် (အပါ)
  • မိကျင်သန်း (မိ)

မိကောန်ဆာန် (ၜံင် ၆ ဇာန်နဝါရဳ ၁၉၇၂)[၁]) ဝွံ ဒှ်အမာတ်ကၠတ်ထဝ်ကၟိန်ဍုင် ဍုင်ဗၟာ နူကဵု ဗော်ဂအုပ်ဒဳမဝ်ကရေသဳကောန်ဂကူ (အေန်အေဝ်ဒဳ) မဒှ်ဗော် ဂကူဗၟာ သၟဝ်ပၠတရဴ ဒဝ်အံင်သာန်သုကျဳ မပစၞး ပွိုင်ဆန္ဒမာဲ ပွိုင်ဍုင်ပံင်ရ။ မိကောန်ဆာန်ဝွံ ဒှ်ကောန်ဝုတ် နာဲသက်လောန် မဒှ် ဝန်ဇၞော်ကာကောန်ဍုင်အရင် အလဵုအသဳ အေန်အေဝ်ဒဳ၊ ဒုဥက္ကဌ (တြေံ) ဗော်ကောန်ဂကူမန်ရ။ ဟိုတ်နူယၟု ဒဒန်တကအ်ခၟိုင် အလဵုအသဳအေန်အေဝ်ဒဳတအ် မပၠံင်သၠာဲထောအ် နကဵု ယၟု ဒဒန်ဗိုလ်ချုပ်အောင်ဆန်းတံတားဂှ် ဂကူမန်တအ် ဒစဵုဒစး ဗွဲမဇၞော်ကဵုဒြဟတ်ဂှ် နကဵု မိကောန်ဆာန် ပတိုန်ဂလာန် ပ္ဍဲကၠတ်ထဝ်ညးဍုင်ကွာန် နကဵုကၠတ်ထဝ် နကဵုသၞောဝ် ညံင်ဂွံပဒတန် ယၟုဒဒန် တကအ်ခၟိန် နကဵုယၟု ဗိုလ်ချုပ်အောင်ဆန်း[၂][၃][၄]တုဲ ဒးဒုင်ပျုတ်ဗဒေက် ပါ်ပါဲကၠုင်ဒၟံင် အကြာဂကူမန်တအ်ရ။

ပထမအဝဲ[ပလေဝ်ဒါန် | ပလေဝ်ဒါန် တမ်ကၞက်]

မိကောန်ဆာန်ဝွံ ကတဵုဒှ်မၞိဟ် ပ္ဍဲမိမဂကူမန် နာဲသက်လောန် (နိုင်သက်လွင်၊ (၁၀/မလမ (နိုင်) ၀၂၅၉၅၉)၊ မိကျင်သန်း (၁၀/မလမ(နိုင်)၀၂၅၉၇၆) ပ္ဍဲကွာန်ခယျးပ္ဍဲ ပွိုင်ဍုင်ဘာအင် တွဵုရးဍုင်ကရေင် ပ္ဍဲ ၆ ဇာန်နဝါရဳ ၁၉၇၃ ရ။ မိကောန်ဆာန် ဂွံအံင်ကေတ် ၁၀ တန် နူကဵု ဘာတန်သမၠုင် (၆) ဍုင်မတ်မလီုတုဲ နူကဵုတက္ကသိုလ်မတ်မလီုဂှ် ကလိဂွံ ဗြးမဟိမုဘဳအေ (လိက်ဗၟာ) ရ။ [၁]

ဂကောံသ္ၚိကၟိန်[ပလေဝ်ဒါန် | ပလေဝ်ဒါန် တမ်ကၞက်]

မိကောန်ဆာန်ဝွံ ဒက်သ္ၚိကၟိန် ကု ဦးကျော်စိုးမိုး (၅/ရဘန (နိုင်)၁၁၀၉၉၇)တုဲ ကလိဂွံ ကောန်ဇာတ်ပိ (၁) မောင်မင်းကောန်းခန့် (၂) မောင်သန်းထိုက်၊ (၃) မသက်နှင်းစု ရ။[၁] ဦးကျော်စိုးမိုးဂှ် ဒှ်ဂလာမူသလေန် မွဲတၠရ။[၅]

ဘဝသၟာပရေင်ဍုင်ကွာန်[ပလေဝ်ဒါန် | ပလေဝ်ဒါန် တမ်ကၞက်]

မိကောန်ဆာန်ဝွံ နူဘဝ သၟာပရေင်ပိုန်ဒြပ်မွဲဂှ် ပ္ဍဲကဵုသဘင်ရုဲမာဲ သၞာံ ၂၀၁၅ ဂှ် ဒုင်ရုဲစှ် နဒဒှ် အမာတ်ကၠတ်ထဝ်ညးဍုင်ကွာန် ပ္ဍဲပွိုင်ဍုင်ပံင် နူကဵု ဗော်ဂအုပ်ဒဳမဝ်ကရေသဳကောန်ဂကူ (အေန်အေဝ်ဒဳ) မဒှ်ဗော် သၟဝ်ပၠတရဴ ဒဝ်အံင်သာန်သုကျဳတုဲ ကလိဂွံဇမၞးမာဲ ဂွံဒှ် အမာတ်ကၠတ်ထဝ်ကၟိန်ဍုင် မွဲတၠရ။ [၆]

ကမၠောန်တၟေင် ပ္ဍဲကၠတ်ထဝ်[ပလေဝ်ဒါန် | ပလေဝ်ဒါန် တမ်ကၞက်]

ယၟု ဒဒန်တကအ်ခၟိုင်[ပလေဝ်ဒါန် | ပလေဝ်ဒါန် တမ်ကၞက်]

ဒဒန်တကအ်ခၟိုင် ကဵု မတ်မလီုဂှ် ဗွဲကိုပ်ကၠာ ကဵုလဝ်ယၟု နကဵုဘာသာဗၟာ သံလွင်တံတား (ချောင်းဆုံ)ရ၊၊ အလဵုအသဳ အေန်အေဝ်ဒဳ ကလိဂွံအဝဵုတုဲ ကာလဒဒန်ကြပ်တုဲဂှ် ညးတအ် သၠာဲထောအ် နကဵုယၟု ဗိုလ်ချုပ်အောင်ဆန်းတံတား (ဘီလူးကျွန်း)ရ၊၊ စပ်ကဵု ကိစ္စဏအ်တုဲ ညးဒေသဂမၠိုင် ဟွံဒးဂၞပ်တုဲ ဒစဵုဒစး၊ ဂိတုမာတ် ၂၊ ၂၀၁၇ဂှ် ညးဒေသ ရဲတကအ်ခၟိုင် ၜိုတ် ၃၀၀၀ ထ္ၜးဆန္ဒရ၊၊ စနူတ္ၚဲဂှ်တုဲ သွက်ဂွံဆက်ဒစဵုဒစးအာ အရာမသၠာဲယၟုဒဒန်ဂှ်တုဲ နူကဵု ညးဍုင်ကွာန်မန် ပွိုင်ဍုင်နာနာ ဒက်ပ္တန်လဝ် ကမ္မတဳမွဲ (သံလွင်တံတား(ချောင်းဆုံ)ဆိုင်ရာ လူထုလှုပ်ရှားမှုကော်မတီ) သီုဖအိုတ် မၞိဟ် ၁၅၀ တၠရ၊၊ အပ္ဍဲဂှ် နာဲမန်ရာဇာ၊ ဒံက်တာအံင်နာင်ဥူ၊ နာဲမေန်မေန်၊ မာံအံင်မန် တအ် ပါလုပ်ကီုရ၊၊ ညးဒစဵုဒစးတအ် စနူဂိတုဨပြဳ ၁၃ ဂှ် စပကောံစၟတ်တဲ ညးမဒစဵုဒစး ယၟုဒဒန်အောင်ဆန်း ပွိုင် (၅)တ္ၚဲဂှ် ကလိဂွံသီုဖအိုတ် ၜိုတ် မွဲပြကောဋိကိုဋ်ဘာ် (၁၂၀၀၀၀၀)ရ၊၊ စၟတ်တဲတအ်ဂှ် ညးတအ် ပလံင်ဗစိုပ် ဇရေင် သမ္မတ ဥူခေန်ကျဝ်၊ ညးမကဵုကသပ်ဍုင် ဒဝ်အံင်သာန်သုကျဳ၊ ဝန်ဇၞော် တွဵုရးဍုင်မန် ကေုာံ ကၠတ်ထဝ်တွဵုရးဍုင်မန်ရ၊၊ [၇] ပ္ဍဲဂိတုမာတ် ၁၄ ပ္ဍဲ ကောံဓရီုကၠတ်ထဝ်ညးဍုင်ကွာန် မရနုက်ကဵု စတုတ္ထ (စတုတ္ထအကြိမ်မြောက် ပြည်သူ့လွှတ်တော် ပုံမှန်အစည်းအဝေး) ဂှ် နူကဵု အမာတ်ဗော်အေန်အေဝ်ဒဳ မိကောန်ဆာန် ပတိုန်ဂလာန် “ဣလဵုဂှ် က္ဍိုပ်သ္ကိုပ်ကောန်ဂကူ ဣလဵုဂှ် က္ဍိုပ်သ္ကိုပ်ကောန်ဍုၚ်အရၚ်ရောဂှ် ကောန်ဍုၚ်အရၚ်တအ် ပါ်ပါဲ တီကေတ်ထေက်ရ။ ဍုၚ်ဂမၠိုၚ်ပ္ဍဲဂၠးတိဏအ် က္ဍိုပ်သ္ကိုပ်ကောန်ဂကူညးတအ် ညးတအ်သ္ပသမ္တီရ။ ပ္ဍဲဍုၚ်ပိုဲဏအ် ကဵုယၟုဒဒန် “ဗိုလ်ချုပ်အောၚ်ဆန်း” မ္ဂး ညးလ္ၚဵုတအ် ဂစာန်တးပါဲမံၚ်ဂှ် ဒှ်ညးလညာတ်က္ဍန်ဟေၚ်ရ” ဟိုတ်ဂှ်ရ ဒဒန်မကၠောန်ဒၟံင် အကြာမတ်မလီု ကဵု တကအ်ခၟိုင်ဂှ် ညံင်ဂွံခုတ်ကဵုယၟု ဒဒန် "ဗိုလ်ချုပ်အောင်ဆန်းတံတား"ရ၊၊ စပ်ကဵု ဂလာန်ဂှ်တုဲ မၞိဟ်မလုပ် ပတိုန်ဂလာန် သီုဖအိုတ် ၁၆ တၠ၊ မၞိဟ်လပါ်ဒစဵုဒစး ၃ တၠ ကဵု မၞိဟ်ထံက်ဂလာန် ၁၃ တၠ၊၊ ကာလဖျေဟ်မာဲဂှ် မၞိဟ်မထံက်ဂလာန် ၂၁၈ မာဲ၊ ဒစဵုဒစး ၄၃ မာဲ၊ မၞိဟ်မမံင်လဒေါဝ် ၁၁၆ မာဲတုဲ မာဲလပါ်ဂၠိုင်တုပ်စိုတ်တုဲ ဒှ်အာဒတန်ရ၊၊ [၈][၉][၁၀]

စပ်ကဵုကိစ္စဏအ်တုဲ နာဲသက်လောန် ညးမဒှ်ဝန်ဇၞော်ကာ ကောန်ဍုင်အရင်ကီု သီုဒှ် အပါမိကောန်ဆာန်ဂှ် ပါ်ပါဲ လတူအရာ ကောန်ဝုတ်ဇကု နကဵုစၞး ဗော်အေန်အေဝ်ဒဳ မပတိုန်ဂလာန် ပ္ဍဲကၠတ်ထဝ် စပ်ကဵုကိစ္စယၟုဒဒန်ဝွံ "ပွမကေတ်မာန် ကေတ်ဇၞး လတူညးဍုင်ကွာန်ဗီုဏအ်ဂှ် ဒှ်နဲကဲ ညးအရိုင်တအ် မကေတ်မာန်မွဲရ" မြဴသာ်ဝွံ ညးဟီုကဵု ပရိုင် Frontier Myanmar ရ။[၁၁]

ကိစ္စပလေဝ် ဥပဒေသဇိုင် ၂၀၀၈[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲကောံဓရီုကၠတ်ထဝ်ကၟိန်ဍုင် မဆေင်စပ် ကုပလေဝ် ဥပဒေသဇိုင် ၂၀၀၈ ဂှ် ပ္ဍဲကဵု ၂၆ ဖေဖဝ်ဝါရဳ ၂၀၂၀ ဂှ် မိကောန်ဆာန် ပါလုပ် ပတိုန်ဂလာန်ကီုရ။ စပ်ကဵု ပိုဒ်ဇၞော် ၅၉ (စ) မဆေင်ကဵု ဍာ်ဒကေဝ် ဂကောံသ္ၚိကၟိန် သမ္မတကၟိန်ဍုင်ဂှ် မိကောန်ဆာန်ဟီု

“ကုညးမပ သမ္မတဟေင် ထေက်ကဵု ဒးပိုင်ခြာ ဍာ်ဒကေဝ်မၞိဟ်ရောင်၊ လတူ ဂကောံသ္ၚိကၟိန် မၞိဟ်ဂှ် သွက်ဂွံ ပိုင်ခြာ ဍာ်ဒကေဝ် ဟွံမဲပၟိက်။ ဥပဒေဗီုဏအ်ဂှ် ပ္ဍဲကဵု ခေတ်ဨကရာဇ်တေအ်ဟေင် ဟိုတ်နူကဵု အဝဵုဍုင်ဂှ် ဆက်ဒုင်အာ အဆက်ကောန် အဆက်စဴတုဲ သၞောဝ်ဗီုဏအ်နွံပၟိက်” ညးဆက်ဟီုပၠန်ဂှ်

“ဂွိင်ဖေက် ဍုင်သအာင်တအ် အုပ်ဓလီုဏာ ဍုင်ဇကုတုဲ နွံပၟိက် ဥပဒေဏအ်ဂှ် ဒှ်ဟွံထေက်။ ဟိုတ်နူ ဇကုဍိုန်လျဟေင်ရ ဍုင်သအာင်တအ် ဓလီုဏာဇကုမာန်။ ဇကုဍိုဟ်ကေက်ဒၟံင်မ္ဂး ဍုင်သအာင်ဂှ် ဇကုရပ်စကာဂွံဒၟံင်ဏီရ။ သမ္မတဂှ် ဟိုတ်နူ မရုဲစှ်ဒၟံင် ဇၟာပ်မသုန်သၞာံမွဲအလန်ဂှ်ရ ပိုဒ်ၝောအ်ဏအ် ဟွံမဲပၟိက်။” တုဲပၠန် စပ်ကဵု ဍာ်ဒကေဝ် သမ္မတဂှ် ပွမပိုင်ခြာ အာယုက်၊ မၞိဟ်တြုဟ်၊ မၞိဟ်ဗြဴ၊ ဍာ်ဒကေဝ် ကတ်ပၞာန်တအ်ဂှ် ဒှ်ဟွံထေက်။ အာယုက်ဍောတ်ကဵုဒှ် အာယုက်ဇၞော်ကဵုဒှ် မၞိဟ်ဗြဴကဵုဒှ် မၞိဟ်တြုဟ်ကဵုဒှ် ယဝ်ရ ဍာ်ဒကေဝ်ဉာဏ်သၠုင်မ္ဂး ညးလဵုဟွံဟီု ဒှ်သမ္မတထေက်ဂှ် ညးဆက်ပတိုန်ထ္ၜး ထံက်ဂလာန် လတူ တင်ပလေဝ် ဥပဒေသဇိုင် ၂၀၀၈ ရ။[၁၂]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. ၁.၀ ၁.၁ ၁.၂ ပြည်သူ့လွှတ်တော်. ဒေါ်ကွန်ချမ်း (ပေါင်မဲဆန္ဒနယ်). Open Publishing.
  2. Mon News Agency April 27, 2017 http://burmese.monnews.org/2017/04/27/ဗိုလ်ချုပ်အောင်ဆန်းတံတ-4/
  3. TimeAyeyar by Ar Ti http://www.timeayeyar.com/2017/03/blog-post_797.html
  4. Hinthar Media March 27, 2017 by ရွှေရိုး https://www.hintharmedia.com/ဗိုလ်ချုပ်အောင်ဆန်းတံ/
  5. ဖြိုးဆီဟချို (October 22, 2015). နိုင်ငံကောင်းဖို့ အရင်လုပ်ပါ. Open publisher. “ကျွန်မကိုဆိုရင် "ကျွန်မအမျိုးသားက ကုလား၊ ကျွန်မကလည်း ဗုဒ္ဓဘာသာမဟုတ်ဘူး" ဆိုပြီးတော့ ဝါဒဖြန့်နေတာမျိုးတွေကို ကြားနေရပါတယ်။”
  6. ဖြိုးဆီဟချို (October 22, 2015). နိုင်ငံကောင်းဖို့ အရင်လုပ်ပါ. Open publisher. “ကျွန်မကိုဆိုရင် "အဖေ့ပါတီကနေ နဂိုကတည်းက ဝင်လည်းမပါပါဘူး။ အဖေ့ပါတီကို ကျွန်မက ကူညီလုပ်ဆောင်ပေးတယ်။ အဲဒီလောက်ပါပဲ။ (မွန်)လူမျိုးရေးအတွက်ကိုလည်း ကျွန်မက တစိုက်မတ်မတ် လုပ်ဆောင်ပေးခဲ့ပါတယ်။ နိုင်ငံတစ်ခုကို ပြောင်းလဲဖို့အတွက်က ကျွန်မတို့တိုင်းရင်းသားတွေအားလုံး ပါဝင်ရမယ်။ ဖက်ဒရယ်ပြည်ထောင်စုဖြစ်ဖို့အတွက်ကို ကျွန်မတို့က ဝင်ပြီးတော့ ပံ့ပိုးပေးတာ။”
  7. BBC Burmese 26 April 2017 https://www.bbc.com/burmese/burma-39725022
  8. Mon News Agency April 27, 2017 http://burmese.monnews.org/2017/04/27/ဗိုလ်ချုပ်အောင်ဆန်းတံတ-4/
  9. TimeAyeyar by Ar Ti http://www.timeayeyar.com/2017/03/blog-post_797.html
  10. Hinthar Media March 27, 2017 by ရွှေရိုး https://www.hintharmedia.com/ဗိုလ်ချုပ်အောင်ဆန်းတံ/
  11. သမီးအမတ်၏ တံတားအမည်ပေးအဆို ဖခင်ဝန်ကြီး လက်မခံ. Open publisher (March 15, 2017). ““မသင့်တော်ဘူး။ တိုင်းရင်းသား စည်းလုံးညီညွတ်မှုအတွက်ရော လူမျိုးအချင်းချင်း မုန်းတီးမှုလည်း ဖြစ်တယ်။ အဲဒီလိုဟာမျိုးတွေက ဒီလွှတ်တော်ထဲလာပြီးတော့ တင်သွင်းအနိုင်ယူတာ မသင့်တော်ဘူး။ မဖြစ်သင့်ဘူး။ ဒီလိုအနိုင်ယူတာ လူပြိန်းတွေ အနိုင်ယူတဲ့ပုံစံမျိုး””
  12. သက်ဦးဆံပိုင်ဘုရင်စနစ်ဖြင့် အာဏာကို သားစဉ်မြေးဆက် လက်ဆင့်ကမ်းလိုမှသာလျှင် ပုဒ်မ ၅၉ (စ) ပါကန့်သတ်ထားသောအချက်များကို ဆက်လက်ကျင့်သုံးသင့်ကြောင်း NLD ပါတီ လွှတ်တော်ကိုယ်စားလှယ် ဝေဖန်. Open Publishing (February 27, 2020).