ကောံဓရီုဇၞော်သၟတ်မန် အလန်ပထမ
| အခိင်ကာလ (Date) | သၞာံ ၂၀၁၄၊ ဂိတု မေ (May) |
|---|---|
| ဒတန် (Location) | ဘာ လဒေါဝ် သာသနာ ၂၅၀၀၊ ဍုင် မတ်မလီု |
| မၞိဟ်လုပ်လၟိဟ် (Participants) | ညးစၞး သၟတ် နူ ပွိုင်ဍုင် ကေုာံ ဂကောံ နာနာ |
| ဖဵု (Outcome) | သ္ဂုတ်သွာတ် ၅ တင် သွက် ပရေင် ကမၠောန် သၟတ် ကေုာံ ပွမဒက်ပ္တန် ဌာန်ကောံသၟတ်မန် |
ကောံဓရီုဇၞော်သၟတ်မန် (အၚ်္ဂလိက်: Mon Youth Conference) ဝွံ ဍေံဒှ် ကောံဓရီု ဇၞော် မွဲ မကၠောန် ဗဒှ် လဝ် ပ္ဍဲ သၞာံ ၂၀၁၄ ဂိတု မေ ပ္ဍဲကဵု ဘာ လဒေါဝ် သာသနာ (၂၅၀၀)၊ ဍုင်မတ်မလီု ရ။ ပ္ဍဲကဵု ကောံဓရီု ဏအ် ဂှ် ညးစၞး သၟတ် နူကဵု ပွိုင်ဍုင် နာနာ ကေုာံ ဂကောံ နာနာ တအ် ပါလုပ် တိုန် စိုပ် တုဲ သဳကၠဳ ညးသကအ် သွက်ဂွံ ဒက် ပခိုင် ပတိုန် ဌာန်ကောံသၟတ်မန် (Mon Youth Forum) ကေုာံ ပရေင် ကမၠောန် အဓိက သွက် ဌာန် ကောံ ဏအ် ရ။
ကောံဓရီု ဇၞော် ဏအ် ဝွံ ဍေံ ဒှ် ပရေင် ချဳဒရာင် မကိစ္စဇၞော် အိုတ် မွဲ သွက် ဝင် ပရေင် ဍုင်ကွာန် ကေုာံ ပရေင် ဂကောံမၞိဟ် သၟတ် ဂကူ မန် ပ္ဍဲကဵု ခေတ် တၟိ ဏအ် ရ။
၁။ တင်သ္ဂုတ်သွာတ် (၅) တင် (The 5 Resolutions)
[ပလေဝ်ဒါန် | ပလေဝ်ဒါန် တမ်ကၞက်]ကြဴနူ မသဳကၠဳ ညဳသၟဟ် ညးသကအ် တုဲ၊ နကဵု သၟတ် တအ် သီုဖအိုတ် ဖျေဟ် အာ တင် သ္ဂုတ်သွာတ် (၅) တင် အဓိက စပ် ကု ပရေင် ကမၠောန် သၟတ် ဂကူ မန် အတိုင် ဗွဲသၟဝ် ဏအ် ရ[၁]-
(၁) သၟတ် ကဵု ပရေၚ်ဍုၚ်ကွာန် ကောန်ဂကူ
[ပလေဝ်ဒါန် | ပလေဝ်ဒါန် တမ်ကၞက်]သၟတ် မန် တအ် ဝွံ သ္ဂောအ် ဒတူ လိုင် အာ နကဵု ဂၠံင် တရဴ ပရေင် ဍုင်ကွာန် ကောန်ဂကူ (National Politics) တုဲ، သ္ဂောအ် ရုန်ဂစာန် အာ သွက် ပရေင် ဗၠးၜး ဂကူ ကေုာံ ကဆံင် တုပ်သၟဟ် ကောန်ဂကူ မွဲ ကရောံ ကု ဗော် ပရေင် ဍုင်ကွာန် မန် တအ် ဗွဲမသၠးပွး ရောင်။
(၂) သၟတ် ကဵု ပြသၞာ ဂဥုဲၜူမာဲ
[ပလေဝ်ဒါန် | ပလေဝ်ဒါန် တမ်ကၞက်]သၟတ် မန် တအ် ဝွံ သ္ဂောအ် ပံင် ဗစပ် ကု ဗော် ပရေင် ဍုင်ကွာန် မန်၊ ဂကောံ မှာဇန် နာနာ ကေုာံ အလဵုအသဳ တွဵုရး တအ် တုဲ သ္ဂောအ် ဗတိုက် သရိုဟ် အာ ပြသၞာ ဂဥုဲ ၜူမာဲ မက္တဵုဒှ် ဒၟံင် ပ္ဍဲ ဒေသ ညးဍုင်ကွာန် ရောင်။
(၃) သၟတ် ကဵု ပွဳပွူသဘာဝ
[ပလေဝ်ဒါန် | ပလေဝ်ဒါန် တမ်ကၞက်]ယဝ်ရ ညးဍုင်ကွာန် တအ် ဟွံပါလုပ် မွဲ သာ် မ္ဂး، ကမ္မဏဳ တအ် ကီု၊ အလဵုအသဳ တအ် ကီု، ဗော် ပရေင် ဍုင်ကွာန် တအ် ကီု ပွမဓမံက် ရုပ်ရဴ ကိုန်စဳမာန် ဇၞော်ဇၞော် မဒှ် အန္တရာယ် ကု ညးဍုင်ကွာန် ကေုာံ ဇီုကပိုက် လတူ ပွဳပွူ သဘာဝ (Environment) တအ် ဂှ်، နကဵု သၟတ် တအ် သ္ဂောအ် ပံင် ဗစပ် ကု ညးဍုင်ကွာန် မန် ကေုာံ ဂကောံ မှာဇန် မန် နာနာ တအ် တုဲ သ္ဂောအ် ဗတိုက် သရိုဟ် (ဒစဵုဒစး) အာ ရောင်။
(၄) သၟတ် ကဵု လိက်ပတ် ယေန်သၞာၚ်
[ပလေဝ်ဒါန် | ပလေဝ်ဒါန် တမ်ကၞက်]ပွမချူ ဆာဲ ကၠာဲ စၠောအ် ဝင် မန် မဟွံမွဲ ကု ဓဝ် ဍာံ၊ ပွမလံက် အရောင် ပလီုပလာ် ယေန်သၞာင် အခိုက်ကၞာ မန်၊ ပွမကၟာတ် လဒဵု အခေါင် ဗ္တောန် လိက်ပတ် မန် ကေုာံ အခေါင် ပကတ် ပကေင် ဂဳတ သုခုမ မန် တအ် ဂှ်، နကဵု သၟတ် မန် တအ် သ္ဂောအ် ပံင် ဗစပ် ကု ဂကောံ လိက်ပတ် ယေန်သၞာင် မန် တုဲ သ္ဂောအ် ဗတိုက် သရိုဟ် မင်မဲ အာ ရောင်။
(၅) သၟတ် ကဵု ပရေၚ်ပညာ
[ပလေဝ်ဒါန် | ပလေဝ်ဒါန် တမ်ကၞက်]ပရေင် ပညာ သၟတ် မန် ညံင် ဂွံ ဒုင် သ္ဇိုင် ကု ကွတ် ပညာ ဂတာပ် ခေတ် ကေုာံ သ္ဂောအ် သၠုင် တိုန် မာန် ဂှ်، နကဵု ဌာန်ကောံသၟတ်မန် သ္ဂောအ် ပံင် ဗစပ် ကု ဂကောံ နာနာ တုဲ သ္ဂောအ် ဓမံက် အာ ရုပ်ရဴ ရောင်။
မုက်လိက် မဆက်စပ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ဌာန်ကောံသၟတ်မန် (Mon Youth Forum)
- ဍုင်မတ်မလီု
- မန် (Mon people)
- ပရေင်ဍုင်ကွာန် မန်