ဂိုဏ်ပဝါရဏာ ဘာမြာင် ရေဝ်သၠုင်ကျာ
ဂိုဏ်ပဝါရဏာ ဘာမြာင် ရေဝ်သၠုင်ကျာ ဂှ် ဒှ်ဂကောံဘာလကျာ်ဂမၠိုင် မဒက်ပ္တန်လဝ် သွက်ဂွံပ ပဝါရဏာ မွဲစွံ မစေန်ဆက်ကၠုင် နူတမ် ဘာမြာင် ကွာန်ဟံင်ဂါမ်၊ ပွိုင်ဍုင်ရေဝ်ရ။[၁] ကျာ်ဇၞော်အ္စာ ဘဒ္ဒန္တပုပ္ဖ ဘာဝါရက် ကွာန်ဝါရက်ဂှ် ဒှ်အစာတၠ ဂကောံဂိုဏ်ဝွံရ။ ဘာမလုပ်လၟိဟ် ပ္ဍဲဂကောံဂိုဏ်ဏအ်ဂှ် ဘာဝါရက်၊ ကွာန်ဝါရက်၊ ဘာသၠုင်ကျာ ကွာန်ကအ်လှိုင်၊ ဘာမြာင် ကွာန်ဟံင်ဂါမ်၊ ဘာပရဟိတ ကွာန်ဝါဗိုင်၊ ဘာဝင်တၟအ် ကွာန်ဝင်တၟအ်၊ ဘာကလျာဏမိတ္တ ကွာန်ယံင်ရေဝ်၊ ဘာတြေံ ကွာန်ခေါဇာ၊ ဘာမြာင် ကွာန်ကလအ်၊ (ဘာသုခကာရဳ (ဘာဂၠံက်) ကွာန်ဟံင်ဂါမ်၊ ဘာဏအ် လီုအာတုဲ ဂအာင်ဘာဂှ် နူကဵု ကျာ်ဇၞော်အစာ (၈) ဇကု မဒှ် က္ဍိုပ်သကိုပ် ဂကောံပဝါရဏာဂိုဏ်မြာင် (ဟံင်ဂါမ်) ဏအ် ပအပ်ကဵု ဂကောံလိက်ပတ်ယေန်သၞာင်မန်တုဲ ကၠောန်ဗဒှ် ဘာကောန်ဂကူမန် ပ္ဍဲသၞာံ ၂၀၂၂ ဂှ်ရ။[၂]
အတိုင်ဂကောံရာမညနိကာယ သံဃာနုဂ္ဂဟ မချူစၞောန်ထ္ၜးလဝ်မ္ဂး ဂကောံဂိုဏ်ပဝါရဏာ ပ္ဍဲကဵု ဂိုဏ်ရာမညနိကာယဂှ် နွံဗၞတ် ၅၄ ဂိုဏ်ရ။ ဂိုဏ်လ္ၚဵုဂှ် နွံ ၁၀ ဘာ၊ ဂိုဏ်လ္ၚဵုဂှ် နွံ ၂၀ ဘာတုဲ၊ ဂိုဏ်ဇၞော်အိုတ်ဂှ် နွံစဵုကဵု ၅၀ ဘာဒှ်ရ။ သဘာဝခမဳသင်မန်တအ်ဂှ် ကြဴနူ ညးတအ် သြိုင်ခၞံပ္တန်ဗဒှ် ဘာတၟိမွဲတုဲမ္ဂး ဗွဲမဂၠိုင် ညးတအ် လုပ်ဂကောံ ပ္ဍဲကဵု ဂကောံဂိုဏ်ဒေသနိကာယ (ဝါ) ဂကောံဂိုဏ်ပဝါရဏာမွဲမွဲရ။ ကာလညးတအ် ပ္တုဲကေင်ကာမွဲမွဲမ္ဂး ဗီုကဵု သဘင်ပဝါရဏာမ္ဂး ညးတအ် မလေပ်နိမန် သင် နူဂကောံဂိုဏ်ညးတအ်ရ။[၃]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ သူ, တၠဂုဏ် (၂၀၁၉). " သဘင်ကလအ် ကျာ်ဇၞော်အစာတၠ ဂအုပ်ဂိုဏ်ရာမညနိကာယ (အလန်ဒုတိယ) ခမဳသင်မန် ကေုာံ ဂိုဏ်ရာမညနိကာယ (၁၉ ဗွဝ်ကၠံ အေဒဳ)။
- ↑ " လိက်စၟတ်သမ္တီ ကဵုဒါန်တိဂအာင်ဘာ. Open (December 17, 2022).
- ↑ သူ, တၠဂုဏ် (၂၀၁၉). " သဘင်ကလအ် ကျာ်ဇၞော်အစာတၠ ဂအုပ်ဂိုဏ်ရာမညနိကာယ (အလန်ဒုတိယ) ခမဳသင်မန် ကေုာံ ဂိုဏ်ရာမညနိကာယ (၁၉ ဗွဝ်ကၠံ အေဒဳ)။
