ညးလွပ် ဓရီုကျာ:Wunchay Rukchaytdee

ရော်ဂုဏ် အာစာဗညာသာၚ်မန်

  ချူဇန်အာလိက်မန်စဵုလအိတ်လမျီုရောၚ်
  ============================
    က္ဍိုပ်သ္ကိုပ်တအ်ဂှ် အခိၚ်ဓမ္မတာ ဟွံမံက်ဂတဝ် ပြာကတ်ကၠုၚ်ရ၊ အခိၚ်ကာလစိုပ် ပ္ၚံက်ကရေပ်မွဲမွဲမ္ဂး မံက်တိုန်ကၠုၚ်ရ၊ အချကာလ လိက်ပတ်မန်ပိုဲ ဒးဒုၚ်ခြိုၚ်လဝ်အပ္ဍဲဗွိုၚ် ဆဘာလကျာ်ဓဝ် တိတ်မ္ၚးဍုၚ်ကွာန်တေံဟွံဂွံဂှ် အာစာဗညာသာၚ်မန်တအ် က္တဵုဂစာန်လွဳပရာကၠုၚ်ဂှ် ဝၚ်ချဳဒရာၚ်ဝွံ၊ သေဗ်သၟေဟ်အာ အပ္ဍဲဝၚ်လျက်ပတ်မန်ပိုဲ ခိုဟ်ခိုဟ်မွဲရ။
    အဲဂွံချူ ပရူအ္စာဗညာသာၚ်မန်ဂှ် မိပ်စိုတ်လောတ်ရ၊ နူအဲဍောတ်ဍောတ် အခိၚ်ကာလ ဘဝထပိုဲခမဳ၊ မံၚ်ဘာဗ္ဂောပ ပရိယတ္တိ အပ္ဍဲဍုၚ်မတ်မလီုဂှ်၊ အပ္ဍဲအကြာသၞာံၜိုတ် (၁၉၉၁-၁၉၉၂) တေံဂှ်၊ ဂွံစလ္ၚတ်တီကေတ်ပရူညး၊ ဒၟာနူညးကလိဂွံလာဘ်တဆိပ်ကြာ၊ ပေါဲပြိုၚ် ချူလိက်ပတ် အပ္ဍဲတ္ၚဲကောန်ဂကူမန်ရ၊ အပ္ဍဲပေါဲပြိုၚ်ချူလိက်ပတ်ဂှ်မ္ဂး မၞိဟ်တအ်ဂွံဇၞးကေတ်ညးဂှ် ဝါတ်ကွေံကွေံရ။
    အခိၚ်ဂှ်အဲလေဝ် ကလိဂွံလာဘ်ချူကဗျကီုတုဲ၊ ဘဝအာစာကၞေဟ်မွဲစွံ ကေၚ်ဆဵုကၠုၚ်ညးအလန်ကိုပ်ကၠာအိုတ်ရ၊ သၟူအမြာဲစၠန်ညးဂှ်၊ ကိုပ်ကၠာနူဂှ်လေဝ် ပိုဲတအ်ဂွံတီမံၚ်တုဲတဲု လိက်အုပ်ဝေါရလ္ၚီ မတိတ်နူကွာန်ညး၊  ဘာညးဂှ်လေဝ် ပိုဲတအ် နူအခိၚ်ဘဝထပိုဲခမဳ ဍောတ်ဍောတ်ဂှ် ဗှ်လ္ၚတ်လဝ်ပြဵုမံၚ်တဲုတဲုရ၊ ဗွဲကြဴဏအ် ပိုဲက္ဍိုက်က္ဍိုပ်သၚ်သၟတ်လဂုၚ်တဲု၊ ဟိုတ်နူဒးအာတ်တမ်လိက်ဇရေၚ်အာစာကီုဂှ်တုဲ၊ နူကဵုအခိၚ်ဂှ် ကလိဂွံအခေါၚ်ဍုက်ကေဝ်ကဵု အာစာခိုဟ်ခိုဟ်ရ၊ ယၟုအဲဂှ်စဵုလၟုဟ် ညးကော်မံၚ်ယၟုခမဳ(နာရဒ) ဏီဖိုဟ်ဂှ်တဲု၊ သွက်အဲဂှ် ထပ်တဲု ဒှ်မံၚ်အမ်သဝ်ရ၊ သၞာံ ၂၀၁၈ အဲစိုပ်အာ သ္ၚိညးဂှ်လေဝ်၊ ညးကော်မံၚ်ယၟုအဲ မဒှ်ယၟုခမဳဂှ်ရ။
    လိက်ဗွဟ် မူကအ်ဗိန်တအ်ဂှ် ဒှ်အခေတ်ကာလညးတအ် ချဳဒရာၚ်ဂှ်တဲု၊ အခိၚ်တေံဂှ် ဒှ်အခေတ်ရဲဍုၚ်ကွာန် ညးတအ်ကၠောန်စဂွံဒှ်အခေတ် ကၠတ်ဖျေံကပေါတ် နူဍုၚ်သေံရ၊ ၜိုန်ရရဲကွာန်တအ် မိပ်လဟိၚ်မံၚ်ကဵု ပရေၚ်သိုက်သၠိၚ်ဖဲသအဳ ပရေၚ်ပိုန်ဒြပ်ကီုလေဝ် စိုတ်ဓါတ်အာစာတအ် စိန်ဝုန်မံၚ် အပ္ဍဲပရေၚ်လိက်ပတ်မန်ဂှ်၊ လောန်တဲုဒးကေတ်ဂုဏ်စရာဲရ၊ အခိၚ်တေံရဲကွာန်ကအ်ဗိန် ညးဂမၠိုၚ်ဒှ်မံၚ်သေဌဳကဆံၚ်ကၟိန်ဍုၚ်မွဲကီုရ၊ ဆဂးပရေၚ်ပိုန်ဟာန် ယဿပက်တအ်ဂှ် ဓရိုက်ပချဳစိုတ်ဓါတ်အာစာ အပ္ဍဲအရာဆာန်လိက်ပတ်မန်ဟွံမာန်ရောၚ် ထေၚ်ကေတ်ရ။
    အခေတ်ကာလ ညးတအ်ချဳဒရာၚ်လိက်ပတ်မန်ဂှ် ဒှ်အခေတ်ကာလလိက်ပတ်မန်ပိုဲ နွံမံၚ်အပ္ဍဲဗွိုၚ်ကျာ် အပ္ဍဲဆအကြာ ဘာလကျာ်ဓဝ် ဂှ်တုဲ ညးဍုၚ်ကွာန်မန်တအ် ညံၚ်ရဴလၟုဟ် ဗှ်လိက်မန်ဒးမံၚ် ဟွံသေၚ်ရ၊ အခေတ်ကာလ သ္ကိုပ်ပၞာန်နေဝေန်တအ် အုပ်ဓုပ်ပကၚ်ရၚ်ဍုၚ်တေံဂှ်၊ လိက်မန်ပိုဲယာက္ပိုပ်ဟွံမာန် သက်သက်ဂှ်တဲု ဒးချဳဒရာၚ်လိက်ပတ် အခေတ်ကၠာတေံဂှ် ဗၞတ်ဂလိုၚ်လဵုဒဒိုက်ဇၞော်မံၚ် ရောဂှ် ညးဟီုလဴထ္ၜးမ္ဂး လောန်တုဲ ကၠးကေတ် အပ္ဍဲစိုတ်ပိုဲ မာန်ရောၚ်။
    မွဲလ္ပာ်ဂှ် ပရေၚ်ပိုန်ဒြပ်အဃောဇၞော်မောဝ် ရဲဍုၚ်ကွာန်တအ် ကၠောန်စဂွံ မွဲလ္ပာ်ဂှ် ဒးဒုၚ်ဍဵုဍိုက် ပရေၚ်လိက်ပတ် ဇၞော်ကဵုဒြဟတ်ဂှ်တဲု၊ အကြာအန္တရာဲၜါသာ်ဏအ် အာစာတအ်သီုကျာ်ဇၞော်ပညာဒဳပတအ် ချဳဒရာၚ်မၚ်မွဲကၠုၚ်လိက်ပတ်မန်ပိုဲဂှ် ဒးတၚ်ဂုဏ်ကဵုညးတအ် စဵုကဵုမွဲအာယုက်ဟွံအိုတ်ရ၊ အခိၚ်တေံ ပိုဲတအ်ဘဝ ထပိုဲခမဳဍောတ်ဍောတ် သဘၚ်ဇွသၚ် ကျာ်ဇၞော်အာစာပညာဒဳပဂှ် ညံၚ်ရဴသဘၚ်ဍုၚ်သွဝ်ရ၊ ကောန်ကွာန်ညးတအ်လေဝ် အဃောကၠောန်စဂွံ အဃောဒယှ်တှ်မံၚ် အလံုကၟိန်ဍုၚ်ဟီုမာန်ရ၊ ပရေၚ်ပိုန်ဒြပ် ကွာန်ညးတအ်ကဵု ပရေၚ်ချဳဒရာၚ် လိက်ပတ်ကွာန်ညးတအ် အခိၚ်တေံဂှ် သ္ပစၞးကဵုအလံုကောန်ဂကူမန်ပိုဲမာန်ရ၊ အကြာကျာ်ဇၞော်အ္စာတအ် ယၟုမဒယှ်တှ်မံၚ်တအ်ဂှ်၊ ယၟုအာစာဗညာသာၚ်မန်လေဝ် မောဝ်ဖ္ဍးမံၚ် ဗွဲမလောန်ကီုရ။
    အပ္ဍဲအကြာသၞာံၜိုတ် ၁၉၉၅ ဂှ် အဲချူပ္တိတ်လိက်အုပ် ( လညာတ်ပရၚ်တဲ ) တဲုကီု အဟိန်အာသွံလိက်အုပ် မဂ္ဂဇြေနိ ( လဂါံအာဇာနဲ ) ကီုတအ်ဂှ် ကလိဂွံအခေါၚ်အာဆဵုကဵုညးကီုရ၊ တမလိက်အာစာဂှ်လေဝ် ဒှ်အဓိက သွက်မဂ္ဂဇြေန်ပိုဲရ၊ အခိၚ်တေံဂှ်် ယၟုကၞေဟ်အာစာဂှ် မြမောဝ်ဇေတ်(ခယျးအပ္ဍဲ) လေဝ်ဂွံဆဵုကေတ်ကီုရ၊ အာစာဂှ် ၜိုန်ရဗျုထဴကီုလေဝ် စိုတ်ဓါတ်ဆာန်လိက်ပတ်မန် ဟွံဗျုတဴလးလးရ။
    ဗွဲကြဴဏအ် အခိၚ်နွံမံၚ်အပ္ဍဲကွာန်ဝၚ်္က ဇိုၚ်ပယျဵု အဟိန်ကၠောန်မံၚ်လိက်ပရိုၚ်သၞံၚ်တိုၚ်ရဂှ်လေဝ်၊ အခိၚ်အာဝေၚ် စိုပ်ကွာန်ခအံၚ်ကြေဟ် မဒှ်ကွာန်သမ္ဘာအဲဂှ်လေဝ် အဲဂွံအာဆဵုမံၚ်ကဵုညးကီုရ၊ အဲစဴဝေၚ်ကွာန် နူကၟိန်ဍုၚ်မေရိကာန် ဗၞတ်ပိအလန်ဂှ်လေဝ် အဲဂွံအာဆဵုမံၚ်ညး သီုပိအလန်ကီုရ၊ ညးဝွံရံၚ်ကဵုဗီုရုပ်သာ်မၞိဟ်ကီု စိုတ်စရိုတ်ကီု ဆက်ဆောံကီု နာနာသာ် ခါတ်ရံၚ်အကာဲမ္ဂး ဒှ်အာစာကၞေဟ်ပိုဲမန် မဂပ်ဂဝ်လျုၚ်ဇြုၚ်သ္ဍိုက်မွဲရောၚ်။
    ၜိုန်အာယုက်ညး မဗျုထဴဂလိုၚ်လဵုကီုလေဝ် အဟိန်အဲဇူဒီုမံၚ် အပ္ဍဲကွာန်ခအံၚ်ကြေဟ်ဂှ် ညးကၠုၚ်ဝေၚ်စိုပ်ဇရေၚ်အဲမာန်ဂှ်တဲု၊ စိုတ်ဇဴအဲဂှ်လောန်တုဲ လျုၚ်ဇြုၚ်သ္ဍိုက်လ္တူညးရ၊ ဟိုတ်နူပရေၚ်ဆက်ဆောံခိုဟ်တဲု လိက်ဂျာနေဝ် တိုၚ်ပ္ကဴပိုဲ ဥဒျာန်လိက်ပတ်ပိုဲ၊ မတိတ်မံၚ်အပ္ဍဲအမေရိကာန်ဝွံဂှ် ညးဗိုၚ်ဂိုတ်ဂစာန် ချူကဵုမာန်ဏီရ၊ ညးချူတဲု ကံုၚ်ပလံၚ်ဗ္စိုပ်ဇရေၚ်ကွာန်ခအံၚ်ကြေဟ်၊ ဇရေၚ်အဲမာန်ဏီရ။

             အာစာဂှ်
             ၜိုန်ရဗျးထဴကီုလေဝ်
             စိုတ်ဓါတ်ဆာန်လိက်မန်ဂှ်
             ဟှံဗှုထူလးလးရ။

    လိက်အုပ်ညးပ္တိတ်လဝ်ဂှ်လေဝ် နူအာစာပါန်ထဝ် ကော်(ဖံၚ်သာၚ်မန်) မဒှ်ကောန်ညး မတန်တဴမံၚ် အပ္ဍဲဝှတ်ဝိၚ်၊ ကၟိန်ဍုၚ်အမေရိကာန်မွဲစွံဂှ်လေဝ် ညးကၠုၚ်ကဵုဒါန်ကုအဲကီုရ၊ လိက်ပရေၚ်ညး ချူဇန်မံၚ် အပ္ဍဲဂျာနေဝ် အမာတ်ဒိန် တအ်ဂှ်လေဝ် အဲကလိဂွံအခေါၚ် ဗှ်လ္ၚတ်ကီုရ၊ အခိၚ်ပိုဲဍောတ်တအ် လိက်မဂ္ဂဇြေန် ဂျာနေဝ် ကွးဘာတက္ကသိုလ်ပံၚ်ကောံလေဝ် လိက်ပရေၚ်အာစာ ဂွံဗှ်မံၚ်လၟိုန်လၟိုန်ကီုရ၊ လိက်ပရေၚ်မွဲပိုဒ် အဲသမ္တီုဒးမံၚ်ဂှ် (ဍုၚ်မတ်မလီုဟာ? ဍုၚ်မန်လီုဟာ? ဂှ် အဲခယျကေတ် အာစာချူလဝ်ရောၚ်၊ ဆဂးဂွံကလေၚ်ဂၠာဲဆဵုဂှ် ဟွံလောဲသက်သက်ရ။

         ကၞေဟ်ညးဂှ်
         ဒှ်တၟအ်ချူမြသွက်ပိုဲ
         အာစာကၠေဟ်ခေတ်တၟိတအ်မွဲရ။

    ပိုဲဂွံဆဵုညး မွဲအလန်မ္ဂး စိုတ်ဓါတ်မိက်ဂွံဆက်ချူအာလိက်မန်မွဴာဲအလန်ပၠန်ဂှ် က္တဵုဒှ်ချိုတ်ပၠိုတ်ရ၊ ၜိုန်ညးဗျုထဴ ကီုလေဝ် ညးချူမာန်ဏီမ္ဂး ပိုဲတအ်ဂှ်လောန်တဲု ဒးဆက်ချူအာမာန်ဏီရောၚ်ဂှ်၊ ဗီုသာ်ဏအ် စိုတ်ဂါတ်ကီတဵုဒှ်ကၠုၚ်ရ၊ ပူဂိုလ်ဗီုသာ်ဝွံဂှ် ညးကော်စ (အစာံ) ရ၊ ညးဂှ် ဒှ်အစာံပိုဲ အပ္ဍဲအရာအရာချူကေှ်လိက်မဒှ်ရ၊ ကၞေဟ်ညးဂှ် ဒဵုတၟအ်ချူမြသွက်ပိုဲအာစာကၞေဟ် ခေတ်တၟိတအ်မွဲရ၊ ပိုဲစေှ်စိုတ် မြပိုဲၜီုအာရမ္ဂး ပိုဲဒးချူသကေက်ဂှ်တဲု ယဝ်ပိုဲ စိုတ်ဓါတ်လီုအာ အပ္ဍဲအရာချူဆာဲ လိက်ပတ်မန်မ္ဂး ပိုဲဗှ်လိက်ညး ပိုဲအာဆဵုကဵုညးမ္ဂး စိုတ်တေံ ဍေံပြံၚ်လှာဲအာ မာန်ရ။
    တၟေၚ်တၟဟ်မွဲသာ်ပၠန်ဂှ် အပ္ဍဲအာစာကၞေဟ်မန်တအ်ဂှ် စိုတ်ဓါတ်ဆာန်ဂကူ ဇြိုဟ်ဇြိုဟ်နက်နက် နွံအိုတ်ဂှ်တဲု၊ ဣဝွံလေဝ် ပိုဲတအ်ဒးကေတ်မံၚ် ဂုဏ်စရာဲဟွံအိုတ်ပၠန်ရ၊ အာစာကၞေဟ်မန်တအ်ဂှ် ဂယိုၚ်လမျီုကဵုကၞေဘ်ဟွံမာန်အိုတ်ကီုလေဝ်၊ နကဵုအသိၚ်စိုတ်ဓါတ်ဆာန်ဂကူ မသ္ကာတ်မြဟ်ဂှ်ရဒုၚ်ခဳတုဲ၊ ချူဇန်ပ္တိတ်မံၚ် လိက်မန်ရောၚ်ဂှ် ညးတီအဲတီရ၊ အာစာကၞေဟ်တအ် ၜိုန်ရမိက်ဂွံပ္တိတ် လိက်အုပ်ဇကုအိုတ်ကီုလေဝ် ဒၟာနူတော်ဟွံကိတ်လောန်ဂှ်တဲု ဒးဗ္ဒေါံလဝ်အသိၚ်အိုတ်ရ၊ တမလိက်ဇကု တအ်ဂှ် ဟိုတ်နူဟွံဒှ်ကၠုၚ် လိက်အုပ်ဂှ်တဲု ကၠေံဏှၚ်အာအိုတ်ကီုရ၊ လိက်ပရေၚ်တအ် ကဗျတအ် ပံုအာဂီုတအ်ဂှ် ၜိုန်ရအာစာပိုဲ ဗညာသာၚ်မန်၊ ချူလဝ်နွံဗွဲမဂၠိုၚ်ကီုလေဝ် ပိုဲတအ် ဟွံဂွံဗှ်ကေတ်ဖအိုတ်ဂှ် ဒၟာနူဟွံဒှ်လိက်ကၞပ်ရ၊ သွက်ဂွံပသေှ်စွံအာ အဆက်ကောန်အဆက်စဴဂှ်လေဝ် ရန်တၟအ်တအ်ဂှ် ဟွံမံက်ဂတဝ်ကၠုၚ်အိုတ်ရ။
    ဗီုအာစာဗညာသာၚ်မန် ဆာန်လိက်ပတ်မန်ဂှ် ပိုဲကောန်ဂကူမန် သၟတ်တၞောဝ်ဒတောဝ်တၟိတအ် ကေတ်သ္ပအစာံတဲု ဂပ်ဝဝ်ဒးချူအာလိက်ပတ်မန်၊ ဂပ်ဝ်ဒးမၚ်မွဲအာ လိက်ပတ်မန် ထေက်ကွေံကွေံရ၊ ဗီုညးဆာန်လိက်မန် စဵုလ္အိတ်လမျီုဂှ်လေဝ် ပိုဲတအ် ကဵုဂွံကေတ်စ နဲကဲမာန်အိုတ် ကီုညိ၊ နဒဒှ် ရော်ဏာ ဂုဏ်အာစာ ဗညာသာၚ်မန်တဲု၊ စဵုလ္အိတ်လမျီု အဲဆက်ချူအာလိက်မန် ပ္တိတ်အာလိက်မန်ရောၚ်၊ ဂှ်လေဝ်မိက်ဂွံလဴပူစကဵု အာစာဗညာသာၚ်မန်ကီုရ။

                     ဗညာတိထဝ်  (တၠဂုဏ်နာရဒ)
                     ကွာန်ကြုၚ်ဘာ
                     ခတ်ေတ U.S.A
     
  လိက်ပရေၚ်ဝွံ ကံက်ပ္တိတ်နၚ်နူလိက် မဂ္ဂဇြေန်
  ဂကောံအာစာကၞေဟ်မန် ကၞပ် (၃)
  မုက်လိက် (၂၉)
  ညးကံက်ပ္တိတ် အမ်သဝ်နာဲ အၜဝ်
  (.12:10.AM.21.08.2021.)

ဂကူမန်လိက်မန်ကၠုၚ်နူလဵုရော

အ္စာသုတေသနတံ ဍေံတံချူဝၚ်ဂကူမွဲမွဲ ဍေံထ္ၜး သက်သဳမာန်ဒၟံၚ်ကီု၊ ဝၚ်ဂကူမ္ဂး သက်သဳလိက်ပတ် ဒှ်ဇြ ဟတ်ဇၞော် အိုတ်ရ။ ဍေံတံကေတ်လဝ်အဓိပ္ပါယ် ဂကူမန်, အရေဝ်မန်, လိက်မန်ကၠုၚ်နူမန်ဟွံသေၚ်ဂှ် ဟွံမိက်စှ်ေ စိုတ်အှ်ေရ။ ညးတၞဟ် ဟီုဂွံကၠာ ဟီုအာရ ညးတၞဟ်ချူဂွံကၠာ ချူဏာရ ဒးဆိၚ်ဆခယျကေတ်လဝ် နွံဗဝ်ရ။ ဂွံလဝ်ဂမြၚ်ညာဏ်ကျာ်အရှန် ဟွံသေၚ် ဒးထေၚ်ကေတ်ရဂၠိုၚ်တုဲ ဍေံတံထေၚ်ကေတ်လဝ် နွံမံၚ်ကီုရ။

 မိက်ဂွံထ္ၜးသက်သဳ တွဵုရးဍုၚ်မန်ကၠာတေံ အလုံ (၉၆)ဍုၚ် ပၞောဝ်ကဵုတွဵုရးဖာသီ, မံၚ်မလ, ဒဵုပသဲ, ဟံသာ ဒေံါ(၃၂)ဍုၚ် တွဵုရးဗဂေါဟံသာဝတဳ, ဍုၚ်သေၚ်, ဍုၚ်ဒလ, ဍုၚ်ပါဒ, ဍုၚ်လ္ဂုၚ် ဥက္ကလာပ(၃၂)ဍုၚ် တွဵုရး မုဟ်တၟံ, သဓီု သုဝဏ္ဏဘုံ,တ္ကအ်ခၟိုၚ်, ဗြဝတဳ, ရးဇြာဝါခရူ, ရေဝ်, ရး တနၚ်သဳ(၃၂)ဍုၚ်တံဂှ် ဒှ်ဍုၚ်မန် ဒက်ပ္တန်လဝ် ဍုၚ်မန်သိုၚ် နန်ပြာသာဒ် ဍုၚ်နွံကဵုဨကရာဇ်မန် ချိုတ်တ် ပၠိုတ်တ်မဒှ်ရ။         
   ဂကူဒှ်သၟိၚ်မန်ကၠာအိုတ် ဒးထံက်ထ္ၜးဂလာန် ရာဇာ ဝၚ်မန်မ္ဂး တွဵုရးဍုၚ်မုဟ်တၟံ(၃၂)ဍုၚ် ဍုၚ်သုဝဏ္ဏဘုံဝွံ ကၠာကျာ်တြဲဂေါတမပိုဲ ဟွံက္တဵုဒှ်ကျာ်ဏီ ဗၞတ်(၅ဝဝ)သၞာံ တေံ ဂကူမန်မၚ်ဗၠာဲမၞုံယၟုသုဓမာနဝ, သုဓမ္မ မာဏဝ, သၟိၚ်အိန်မာဃတၠသွဝ်ၜါ စှ်ေကၠုၚ်ပသေက်ကဵု သ္ပဨက ရာဇ်မန် ကၠာအိုတ်ရ။
   သ္ပဟိုတ်နူကဵု သၟိၚ်အိန်နိမိတ်ဗဒှ်ကဵု ဍုၚ်ပြာသာဒ် သၠိုက်ကဵုအဘိသိက် ၝောံကိုဋ်ဗြကၞေၚ် ရေၚ်မတ်ရတ် နာနာ ရန်ကဵုယၟုယၟာဗွဲဘာသာပါဠိဂှ်တုဲ̏ ဍုၚ်သုဓမ္မဝတဳ̋ ဍုၚ်မၞုံကဵုဓဝ်သၟိၚ်အိန် ခုတ်ခဴကဵုလဝ်ယၟုရ။ ဂလာန်ရာဇာဝၚ်မန်ဂှ် ဒှ်ဂလာန် မဍာံပြဟေၚ်တုဲ မၚ်ဗၠာဲသၟတ်မန် သုဓမ္မမာဏဝဂှ် ဒှ်ကောန်ညးဇၞော်တမ္ၚာတုဲ မၚ်မွဲလဝ်သဳလဥပုဟ်လၟိုန်ကာလရ။ မိမယာဲဣတဂှ် ၜိုန်ရကၠောန်မံၚ် ကမၠောန်တမ္ၚာ ဂယိုၚ်လမျီု ̏မိစ္ဆာဇဳဝ̋ ပရေံကဵုဒှ်ကၠာရ။ ကောန်တြုံပရဲ ပြဲနူတၞဟ် ဒှ်ညးတၠပါရမဳ ဂှ် ဝေၚ်ပဲါထောံကမၠောန် ပွသရာံပါပ် ဗၞတ်မွဲအာယုက် မာန်တုဲ ဟိုတ်နူအသိၚ်သဳလဥပုဟ် သဳလပါရမဳစိ သၟိၚ် အိန်ဒေဝတဴသွဝ်ၜါ ဒးစှ်ေသၠိုက်အဘိသိက် ပအပ်ဇိုန် ကဵုကၟိန်ဍုၚ်က္ဍိုၚ်ဗ္တာၚ်နန်ထဝ် ပြာသာဒ်ထဝ် ကဵုသ္ပသၟိၚ် ဨကရာဇ် မန်ကၠာအိုတ်ရ။
         ဟိုတ်ဂှ်ရ ထံက်ရံၚ်ကဵုဒဒှ်သက်သဳ ရာဇာဝၚ်မန် အာဂမယုတ္တိ ဗီုဒှ်မူလဍာံပြဒၟံၚ်တုဲ သၟိၚ်ဨကရာဇ်မန်ဂမၠိုၚ် တံဂှ် ယာဲအပါမန်ဟေၚ် ၜံၚ်ခ္ဍတ်ပတိတ် က္တဵုဗဒှ်ကဵုဂကူမန် မဒှ်ရ။ မန်ကၠုၚ်နူမန်ဇေတ်တ် ဂကူမန်, အရေဝ်မန်, လိက်မန်,ယေန်သၞာၚ်မန်,ကၠုၚ်နူမန်ဖအိုတ်ရ။ တိတ် ကၠုၚ်နူကဵု ဂကူ(၄)ဂကူတေံဟွံသေၚ် ဂကူမန်ပိုဲသမ္တီလဝ် ချိုတ်တ်ပၠိုတ်တ်အိုတ်ညိအဴ။ စပ်ကဵုကိစ္စ အရေဝ်မန်, လိက်ပတ်မန်ဂှ် လညာတ်ရဲညးလ္ၚတ် (သုတေသန) တံဂှ် ဂကူမန်, လိက်မန်, အရေဝ်မန်, ကၠုၚ်နူကဵု (၄)ဂကူ တေံရ။ ဂကူမန် ယဝ်ရကၠုၚ်နူဂကူ (၄)တေံမ္ဂး သံသယ သၠေဟ်ပၟာ ဟွံအိုတ်ရ။
   မန်ကၠုၚ်နူဂလာလေဝ်ဒှ်ဂွံ ကၠုၚ်နူကြုက်ခမေန်လေဝ် ဒှ်ဂွံ သၠေဟ်ပၟာဟွံအိုတ် နကဵုစိုတ်ဟေၚ် ဒးထေၚ်ဒးခယျ ဆိၚ်ဆ ကေတ်တုဲ သံသယစိုတ်က္တဵုဒှ်ၜါလွးရ။ ဂၠာဲရိုဟ် ကၞက်တမ် ဂကူမၞိဟ်ဂွံ လဝ်ကၠာတမ်ဍာ်ၜဳမှာသၟိဒ် နွံဒၞာဲလဵု ရောဒဵုသိန္နရာဇ်နွံဒၞာဲလဵုရော အာဂၠာဲဆဵုမံၚ်ကီုဟာ? လညာတ်အ္စာရာဇာဝၚ်မန်လ္ၚဵု ဂကူမန် လိက်မန် အရေဝ်မန်ကၠုၚ်နူမန်ဟေၚ် သၠေဟ်ပၟာဟွံမွဲတုဲ ဖျေံတၚ် သ္ဂုတ်သွာတ်ဂံၚ်ၚ် ဟွံယောၚ်ဟွံယံၚ် ဖျေံစိုတ်ပိုတ်တ် သ္ကုတ်တ်ရ။ ဂကူမန်, လိက်မန်, အရေဝ်မန်, ကၠုၚ်နူဂဝ် ဂၞဴတၟာမလ္ၚဴဟွံသှ်ေ နူကၠာကျာ်တြဲဂေါတမဟွံက္တဵုဒှ်ဏီ ဗၞတ်(၅ဝဝ)သၞာံ ပယာံမလအ် တေံဟေၚ်၊ ဟွံသေၚ်သာ်ဂှ် နူတိဒှ် ဒကှ်တိုန်တေံ မန်ပိုဲသှေ်ၜက် ကၠုၚ်မံၚ် စဵုကဵုအခိၚ် လၟုဟ်ရ။ 
  ဟီုဍေံရ လိက်မန်ကၠုၚ်နူ ဂလာအိန္ဒိယ(INDIA) အက္ခရ်ဗြဟ္မဳ နူဂှ်အက္ခရ်ပလ္လဝ ကဒမ္ဗဂးသာ်ဂှ်တုဲ ပူဂဵုလ္ၚဵုလ္ၚဵုလေဝ်ဒုၚ်ယဵု အာမန္တာ နွံမံၚ်ကီုရ။ ခရေတ်အေဒဳ(ဗီ) (၅ဝဝ)သၞာံဂှ် အ္စာသၠပတ်မန် မှာထေရ်ဗုဒ္ဓဃောသာ က္ညအာ ချူကှ်ေဆာဲ ကၠာဲကေတ်ပိဋကတ်ပိစိုပ် ဍုၚ်မန် သုဝဏ္ဏဘုံရ။ သၞာံသာသနာမန်ပိုဲဂှ် (၉ဝဝ)သၞာံဟေၚ် ဝၚ်ပိဋကတ်မန် စၞောန်ထ္ၜးလဝ်တုဲ အက္ခရ်မန် လိက်မန်ပိုဲဂှ် နွံမံၚ်ပ္ဍဲဍုၚ်မန် သုဓမ္မဝတဳ ကၠာနူသၞာံခရေတ် ထုက်ထက်ဏီရ။ 
   (က)ဗြဟ္မဳသဒ္ဒါ ဣကာရန္တပုံလိၚ်ဂှ် ပ္ဍဲပါဠိအဘိဓာန်မန် အက္ခရာဝလိဟွံမွဲတုဲ ဗြဟ္မဳ ဣကာရန္တပုံလိၚ်ဟေၚ် နွံထေၚ်လဵုမံၚ်ရ။ ဗြဟ္မဳသဒ္ဒါဂှ် တွံအရထတၞးဗြီု-မနဳ တွံ အရထဂလာန် ၜါသာ်ရ။ တၞးဆုဗြီုမနဳဂှ် တၞးဍေံ ညးသ္ပဂဥုဲ အ္စာသဝ်တံရပ်စပ်စကာရ။
           (ခ)ကဒမ္ဗသဒ္ဒါ အာကာရန္တပုံလိၚ်ဂှ် တွံအရထ ဆုသဴ, ဆုပြဲ, တၞံရာဲသဳဓတ်, တၞံမိတ်, ဂကောံ တွံအရထ (၅)ဂကူရ။
  (ဂ)ပလ္လဝသဒ္ဒါ အကာရန္တပုံလိၚ်ဂှ် တွံအရထသၠ လမတ်, တၞံဆုမၜတ်,တၚ်ကၞာၚ်ဆု,မဒှ်မွဲဟာန်သၠလၟတ်,တွံအရထသၠဆုၜတ်တ်

ကဵုတါ်ျကၞာါ်ျဆုရ။

   ပါဠိသဒ္ဒါဍာံပြဟေၚ် အရထဍေံတိတ်ကၠုၚ်ဗွဲမဍာံပြတုဲ အဓိပ္ပါယ်နွံပၟိက်လ္ပာ်ဍေံလေဝ် ကလိဂွံမာန်ဗွဲစၟတ် ဟေၚ်ရ။
   အတိုၚ်လညာတ်ညာဏ် အ္စာသုတေသနတံ ကေတ်လဝ် အဓိပ္ပါယ်အက္ခရ်မန် ကၠုၚ်နူဍုၚ်ဂလာအိန္ဒိယ ထ္ၜးပါဠိပိပိုဒ်ဂှ်တုဲ ကံက်ကေတ်အဓိပ္ပါယ်ဂွံ ဂွံဍောၚ်ဓရ်သဒ္ဒတ် သာ်ဂှ်ရ။ အက္ခရ် လိက်မန်, ကၠုၚ်နူဗြဟ္မဳဂှ် ဂွံကဵုတၞးဆုရ။

   အတိုၚ်လညာတ်ညာဏ် အ္စာသုတေ သနတံ ကေတ်လဝ် အဓိပ္ပါယ်အက္ခရ်မန် ကၠုၚ်နူဍုၚ်ဂလာအိန္ဒိယ ထ္ၜးပါဠိပိပိုဒ်ဂှ်တုဲ ကံက်ကေတ်အဓိပ္ပါယ်ဂွံ ဂွံဍောၚ်ဓရ်သဒ္ဒတ် သာ်ဂှ်ရ။ အက္ခရ် လိက်မန်, ကၠုၚ်နူဗြဟ္မဳဂှ် ဂွံကဵုတၞးဆုရ။
   အက္ခရ်မန်,လိက်မန် ကၠုၚ်နူတၞံဆု, တၞးဆုဂှ် ဒှ်အဓိပ္ပါယ်ဍေံရ။ ဂလာန်အရေဝ်ဂှ် ကၠုၚ်နူ ဂလာတုဲ ဆက်စိုပ်ကၠုၚ်မန်ပိုဲဂှ် ဒှ်ဟွံမာန် ဗၠေတ်လ္ပကေတ်စညိ။ 
   အက္ခရ်မန်,လိက်မန် ကၠုၚ်နူဗြဟ္မဳ, ပလ္လဝ, ကဒမ္ဗ ဍာံပြဟွံဍာံပြ စၟဳစၟတ်ရံၚ်နကဵုသဒ္ဒါညိ။ ညံၚ်ရဴမလိက် နွံပ္ဍဲဗုၚ်ဂၞဴမပ္တံ (သြွံသြွဳဿုံဟ္တ အအ) တံဂှ် ဒှ်ပါဠိလီုလီုတုဲ အရထဟွံမွဲ အဓိပ္ပါယ်ဟွံတိတ်ရ။ ယဝ်ရကေတ်အတိုၚ် ပါဠိပိပိုဒ်ဂှ်မ္ဂး လိက်မန်ပိုဲဂှ် တုပ်ကဵုလိက်ဗၟာ လကျာ်တဳ ခမဳအပြောံ ဍုၚ် ဗကာံတေံကီုရ။
 လကျာ်တဳခမဳအပြောံတေံဂှ် ကၠောန်ဗဒှ် ချူကေတ် လိက်ပပ်ပ်ပဳပဳတုဲ အာတိုပ်ပြိုက် စုတ် ပ္ဍဲဂဝေၚ်ဆု ပေၚ်ပိသၞာံ ဂဝေၚ်ဆုဂှ် ဂတိုပ်ခၞော်ဍေံပေၚ်တိုန်တုဲ ကၟာတ်ကၠက် အာရ။ ဒဒှ်ရလိက်ဗၟာပိုဲနွံဒၟံၚ်ဂှ် ဒေဝတဴတံကဵုနိ မိတ်လ္ပအ်တုဲ ပိုဲမရာဇ်ဒးဇက်ပၞာန် အာကေတ် လိက်ပတ် တံဂှ်ရောၚ်။                                ဂရၚ်ပ္တီ သၟိၚ်ဗၟာအနဝ်ရထာ (အနော်ရထာ)ရ။ သၟိၚ်ဗၟာအနဝ်ရထာပတှ်ေတုဲ ဇက်ပၞာန်အာခဲါ အာၜံက် အာဂၠံက်ကေတ်တုဲ ဒှ်လိက်ချူဗဒှ် ကၠောန်ကေတ် ပပ်ပ်ပဳပဳဂှ်တုဲ ညိဟွံကိတ် ညဳကဵု ပရေၚ်လောကဓမ္မဒ္စာံသာ်တုဲ သၟိၚ်စံၚ် ထောံဖအိုတ်ရ။ 
   ဂွန်အလီညာဏ်အလီဇၞော်ကွေံကွေံတုဲ ဟိုတ်နူကဵု လိက်ပတ်ဟွံမွဲဂှ်ရ လကျာ်တဳခမဳ အဖြေဟ်ဒးကၠောန် ဗဒှ်ကေတ်လိက်ပတ်ရ။ လိက်မန်ပိုဲဂှ် ဟွံတုပ်ကဵုလိက်ဗၟာ လကျာ်တဳ ဍုၚ်ဗကာံတေံပုဟ်၊ လိက်မန်ပိုဲဂှ် ကၠုၚ်နူကဵုတၞံ 

ဆု,တၞးဆု,ကဝေၚ်ဆုဟွံသေၚ်၊ ကၠုၚ်နူကဵုမန် ဂကူမန်ဟေၚ်ရ။ ခေတ်ညးကဵုညး အခိၚ်ညး ကဵုညး စကာသုၚ်စောဲပြံၚ် လှာဲကၠုၚ်နွံမံၚ်တုဲ လိက်မန်ခေတ်သၠပတ် ပြာကတ်မံက်ဂတဝ် တိုန် ပ္ဍဲလက်ထက်အ္စာကဝိမန် အ္စာသၠပတ်မန် မှာထေရ်ဗုဒ္ဓဃောသာပိုဲရ။ ကောန်မန် ပိုဲဂွံတီအာကိုန်ဂစိုတ်မာန် ဂကူမန် လိက်မန် အရေဝ်မန် ကၠုၚ်နူ မန်ဟေၚ်၊ ကွေတ်ဗုဒ္ဓဘာသာကဵု အခိုက်ကၞာ သာသနာမန် ကၠုၚ်နူမန်ဟေၚ်၊ အခိုက်ကၞာ ရှ်ေသှ်ေ ဗဴဗယိကလော်သ္ၚိ ကၠုၚ်နူမန်ဟေၚ်၊ အခိုက်ကၞာ ဒက်စေတဳ ဒးပ္တိုန်က္ဍိုၚ် လ္ဇံက် က္ဍိုၚ်ကျာ် ကၠုၚ်နူမန်ဟေၚ်။

   အခိုက်ကၞာ သ္ပဒကာထပိုဲခမဳပယျၚ် ကၠုၚ်နူမန်ဟေၚ်၊ အခိုက်ကၞာ ပြေၚ်စွံ ကမ္မဋ္ဌာန်သၚ်ကဵုခရှ်ဂှ် ကၠုၚ်နူမန်တံ ဖအိုတ်ရ။                         
   ဟိုတ်ဂှ်ရ-ဂကူမန်, လိက်မန်, ကၠုၚ်နူကဵု ဂကူတၞဟ် သအာၚ်တေံဟွံသေၚ်။ (ဂကူမန်, အရေဝ်မန်, လိက်ပတ်မန်, ယေန်သၞာၚ်မန်) ကၠုၚ်နူမန်ပိုဲဖအိုတ်ရ။ 
    မိက်ဂွံဗ္ကန်ဏာကဵုဂကူမန် ညးမဗှ်လိက် မန်ပိုဲတံ      မွဲတၚ်ပၠန်ဂှ် ဒၞာဲလဵုမံၚ်ၚ်က္ဆံၚ်လဵု စိုပ်ပ် ဟီုအရေဝ်မန်,ချူဗှ် လိက်မန်, သုၚ်စောဲ အာဲယေန်သၞာၚ်အခိုက်ကၞာမန်ပိုဲတံ အိုတ်ညိ။ လ္ပထေၚ်ဇၞော်ကဵု ဂကူတၞဟ်သအာၚ်အိုတ်ညိဂှ် မိက်ဂွံဗ္ကန်ပြၚ်ဏာ နကဵုကၞေဟ်လိက်ဏံ မဒှ်ရအဴ။

ရာမညအာၚ်မန် တံၚ်ပရၚ်

ရတနတ္တယပဏာမ-ကေုာံ-ပတ္တနာ

      နမောတဿ၊ ပဏာမလိက်ပတ်။ ဗုဒ္ဓဓမ္မ၊ သီုသဳဃံရတ်။ အဲဍိက်ရှ်ေသှ်ေ၊ ဖျေံက္ဍိုပ်သ္ပဝတ်။ ဣန်ဗြီုယီုမာ၊ဒေဝါပြကတ်။ နွံဂၠိုၚ်ပြးဇး၊ဂးဗးဟုဝတ်။မိကဵုမၜါ၊ အ္စာဇၞော်သွတ်။ကဝိပန်ဌာန်၊ ဥာဏ်ညံၚ်သၞာ်ရတ်။ ဂုဏ်ညးတအ်ဂှ်၊ဒှ်ဗဇ္ဇဗတ်။ အတိက်လေဝ်ကီု၊သီုအနာဂတ်။အဲဍိက်သ္ပဝတ်၊ပ္ဍဲပစ္စုပ္ပန်။ 
       ဖျေံက္ဍိုပ်စိန်ဝုန်၊ ယိုက်လဝ်ဂုဏ်ပၠန်။ ဖိုလ်အဲရဴဂဴ၊ဇဴထပှ်တန်။ကမ္မကဵုစိ၊ ပိစှော်ၜါပၠန်။ ဝေဒနာတုန်၊ ၜါဣသုန်ဗ္ဂန်။ ပရိုက်ဥပဒြဴ၊ စှ်တြဴတန်။ အန္တရာယ်စှ်၊ ဒဏ်စှ်မွဲဒွန်။အိုတ်ကပ်ပိကီု၊ သီုဝဲမသုန်တန်။ဂြိုဟ်ပါပပၠန်၊ သီုဒဏ်အန္တရာယ်။
        အိုတ်သီုယဲဗော်၊ ကလော်တာဲဗြဲ။ ဗၟုဲဘုတ်ပြိုတ်၊အိုတ်သီုသရာဲ။ ပရိစ္ဆေဒ၊ ဘဝဇၟာပ်ဒၞဲါ။သၞနိမိတ်သၞဲ၊ ကဵုဍေံသ္ၚောဲသာဲ။ သၟိၚ်ဍာ်ပၟတ်၊ ကမၠက်စိုတ်စၞာဲ။ ကဵုဍေံပြးဆာဲ ပဲါဒဴအာညိ။
       ယိုက်ဂုဏ်တုဲပၠန်၊ ဆန်ဗ္ဒက်လိက်စိ။ ညးမဒှ်ကၠာ၊အ္စာကဝိ။ တံၚ်ပိုအ်ရးဇြာ၊ ကွာန်ဂှ်ဇာတိ။ အဲမာံတောအ်ကၠာ၊အ္စာကဝိ။ဥာဏ်ဒှ်မြမောဝ် လ္ၚောဝ်ရးမန်ပိ။ အာယုဒဳဃ၊လာဘသုခိ။လာပ်ကဵုစိုပ်ကၠုၚ်၊ ညံၚ်နုၚ်နိဓိ။အာယုက်ကဵုဂၠိၚ်၊ညံၚ်သၟိၚ်နေမိ။ ဂွံဒှ်မြမောဝ်၊ဒေါဝ်ရးမန်ပိ။ဝၚ်တြေံတြဟ်၊ဆန်ဗ္ဒက်တၟိ။ ဂကူမန်ကၠာ၊ဂွံတီအာညိ။ ဗၟာယုတ်ပျဲလဝ်၊ညံၚ်ကဝ်အဂ္ဂိ။တူဂြောတ်ဂဵုဒၟံၚ်၊ညံၚ်ရဴပ္တေၚ်ဂျိ။သွက်မန်ဂွံတီ၊တၞီမံၚ်ဒမၠိ။တီတုဲသတိုက်၊ စွံစိုတ်ကဵုဂိ။ ညံၚ်ဂွံချပ်မာန်၊ဂစာန်တိုန်ညိ။ညးအဲလ္ပဝိုတ်၊ ဂိုတ်ကဵုဗိုန်ဂၠိ။မန်ပိုယ်ဗၠိုက်မံၚ်၊ဘိုၚ်ဟံၚ်အိုတ်ညိ။ယဝ်ဟံၚ်ဂွံကၠာ၊ လာဘသုခိ။ လာပ်ဂွံစိုပ်ကၠုၚ်၊ညံၚ်နုၚ်နိဓိ။ အာယုက်ဂွံဂၠိၚ်၊ ညံၚ်သၟိၚ်နေမိ။ဇဲယသိဒ္ဓိ၊ကဵုဒှ်ညိမန်။
       မၞိဟ်ဒေဝတဴ၊ ကလောသ္ၚောဲညန်။တၞောဝ်ဂကူစိဇာတိပိုယ်မန်။တဆိပ်ၜိုပ်ကၠာ၊ဟံသာထဝ်သောန်။ရာဇာဝၚ်တၞမ်၊ တမၠာလအ်လောန်။ နူသၟိၚ်ပိုယ်မန်၊ စှ်ေနူနန်ထဝ်။
   ဍုၚ်ဟံသာဟေၚ်၊ ညးတၟေၚ်ဂွံလဝ်။ ၜိုပ်ကျအာမြာ်၊သြိုဟ်ပါ်သၞေၚ်ထဝ်။ပြာသာဒ်ရတ်ထ္ၜိုၚ်၊ က္ဍိုၚ်ဗ္တာၚ်နန်ထဝ်။ဘုတ်ဘာသီုသ္ၚိ၊ တိဍာ်ကၠအ်သွဝ်။ဍုၚ်ဗဂေါကၠာ၊ တၟာမဗ္ဒဝ်။ဟွံသှ်ေလေၚ်အိုတ်၊ ဟိုတ်ဝဲတမ်ကဝ်။ သာ်ဝွံဆတ္တဝ်၊ ပြာကတ်လဝ်ရောၚ်။
     သမ္ပတီယောၚ်၊ မွဲတောၚ်ချူဇန်။ နူရာဇာဝၚ်၊ ရံၚ်ကေတ်နၚ်ဂြန်။ ပ္ဍဲဇာတာထဝ်၊ သ္ပလဝ်ကိုန်ခန်။သ္ၚဳဂၠိပ်တုဲပၠန်၊ဆန်ဗ္ဒဟ်မၚ်ဇေန်။
       ဘာသာမန်အဴ၊ ကြဴဂွံဆက်ဆေန်။ ကလောမိတ်စှ်၊တုဲဂွံဗှ်ပ္ဍေန်။သ္ပလိက်မၚ်ဇေန်၊ မာံတောအ်ဟေန်ဆာဲ။
       ဍုၚ်ဗဂေါလီု၊ ဗီုကဝ်တူပြာဲ။ ဒဒိုက်ပိုယ်မန်၊ ကောန်ယာံကဵုယာဲ။ မိယာံကဵုကောန် အောန်စိုတ်ဇၟာပ်ဒၞဲါ။ဝုတ်ယာံကဵုဗၠာဲ၊ ဆာန်တုဲသာဲအာ။
       တၞောဝ်ရာဇာဝၚ်၊ အိုတ်လၚ်ဂတာ။ ဂကူမည၊ ဝံသပိုယ်ကၠာ။ ဒှ်ဍိက်ဗၟာရ၊ သဗ္ဗကေၚ်ကာ။ပိုယ်ဒးဒှ်လၞီ၊ ကြအ်ဆီသိၚ်သာ။အတိက်တမၠာ၊ နူကၠာတေံဂှ်။
            ဒဒိုက်ပိုယ်မန်၊ဇၞော်လောန်သ္ကာတ်မြဟ်။ ဒးချိုတ်ဘဲပၟတ်၊ တူဂြောတ်ဟေၚ်ဟဟ်။လေၚ်သီုဒြပ်ရတ်၊ပိဋကတ်သၟဟ်။ လေၚ်ဘုတ်လေၚ်ဘာ၊ လေၚ်ဝါတိရှ်။ လေၚ်ဍုၚ်လေၚ်ကွာန်၊ လေၚ်ဌာန်ဒိုဟ်စှ်။ လေၚ်သၟိၚ်နာဲတၠ၊ လေၚ်မသထပှ်။ပိုယ်လဴခၠေဝ်သှ်၊ ဂတှ်ဝိပက်။
       ဂွံတီညာတ်ရ၊ ဂတမွဲအဆက်။ ဒှ်စိတ္တဥာဏ်၊ ဂလာန်ဒှ်ကြက်။ ကောန်ဇာတ်ဗွဲကြဴ၊ စဴစေက်သှ်ေၜက်။ ဂွံတီညးအဲ၊မွဲၜါအဆက်။လိက်နွံဂွံဗှ်၊ မန်စှ်ကိုဋ်ဠက်။ဝၚ်မန်ပိုယ်ဟေၚ်၊ ဗီုတၟေၚ်ဒးကၠက်။ဗၟာသတ်အဟိုတ်၊ ဂစိုတ်မန်ညံၚ်ကၠက်။သ္ပလဝ်ရိုဟ်ကၞက်၊ ဨကဂ္ဂတာ။
       ရာဇဝၚ်ရ၊ နူသၠပတ်ကၠာ။ သ္ပမၚ်ဇေန်ပ္ညုၚ်၊ဍုၚ်မန်ဟံသာ။ အဲချူဆန်ဗ္ဒဟ်၊ ဂွံဗှ်သေၚ်ဟာ။ ဝၚ်ပိုယ်ဖအိုတ်၊ ပၠောပ်စိုတ်လောဲသွာ။ ချူကှ်ေပိုဒ်ဗျဥ်၊ ဆန္ဒလကႅာ။ဗီုပိုယ်ဒှ်ကၠုၚ်၊ ဍုၚ်မန်ဟံသာ။ သ္ဂောံစေန်ဆက်အာ၊ ပြာကတ်လဝ်ရောၚ်။
     မၞးတအ်ကလၚ်၊ ပၚ်မှိၚ်မွဲတောၚ်။ထံၚ်လဝ်သောတ၊စိုတ်ပကဵုယောၚ်။မညာဘာသာ၊ မေတ္တာအခေါၚ်။ ဆာန်ဂကူရောၚ်၊ ဟီုလဴသောၚ်ထ္ၜး။
       ဟိုဲတၞောဝ်မည၊ဝံသဗော်သွး။ဂကူပိုယ်ကၠာ၊ ညဳသာသၟဟ်တး။ ဟွံဒးလီုလာ်၊ ဟွံပါ်ဒကး၊ဍိက်ကဵုတၠနာဲ၊ ဟွံဒးသာဲပြး။ ပၚ်မှိၚ်ညိဏး၊ ယွံကွးဘာမန်။
       အတိက်တေံကၠာ၊တမၠာလအ်လောန်။ ဟံသာဝတဳ၊ဍုၚ်ကျာ်သြဳမန်၊ သၟိၚ်ဨကရာဇ်၊သီုအမာတ်ဝန်။မၞိဟ်မွဲဍုၚ်ကွာန်၊ ဇၟာပ်ဌာန်သ္ၚောဲညောန်။ သ္ကိုပ်ပၞာန်ဂှ်၊ ဟိုတ်ဟွံသၟဟ်သၟန်။ညိရောဒးဗီု၊ ဒးလီုလ္ၚုလ္ၚန်။ဟံသာဍုၚ်မန်၊ နန်ထဝ်က္ဍိုၚ်ဗ္တာၚ်။
      ဒးထောံကၠေံသ္ကဲ၊ လုပ်တဲညးသ္အာၚ်။ သၟိၚ်ဒဴဗညာ၊ ရာဇာတြုံသာၚ်။ က္တဴက္တာန်မံၚ်၊ ညံၚ်ၜိုဟ်ကဵုကၠာၚ်။ ဒးထောံကၠေံဂအာၚ်၊ ကၟာၚ်ဍုၚ်ဒေါဝ်ဝါ။
        ဂၠုက်ရာပ်ဂၠုက်အုပ်၊ ဒဴလုပ်ဒျူဒျာ။ ဍိုက်ဂွံဂၠုၚ်က္ၜၚ်၊လှၚ်ဒေါဝ်ဂဂႅါ၊ သၟိၚ်ဨကရာဇ်၊အမာတ်ဒဴဗညာ။ဝံသဒတောဝ်၊တၞောဝ်မန်ရာဇာ။ဖေက်အဲအနိုၚ်၊ ဝၚ်သၟိၚ်ယုတ်ဗၟာ။မန်ပိုယ်ဒဴပၞာန်၊ ထောံကွာန်ဂွံဝါ။ ဂြိပ်ဒဴထောံဗၟာ၊ ပ္ၚောံဒျူဒျာရောၚ်။
        သာ်ဝွံမွဲတောၚ်၊ ဟွံယောၚ်ဒှ်ဍာံ။ ဍုၚ်ဗဂေါဝွံ၊ လ္ၚုလုံဒိုဟ်ဒ္စံါ။ တၞောဝ်ပိုယ်မည၊ ညံၚ်ကဒဴကျာံ။ သ္ပကာဝရာံ၊ 

သၞာံဂှ်လ္အိတ်။

       ကၞိရောၚ်ဒးဘဲ၊ ဗ္ဂဲရပ်ကိတ်။ သက္ကရာဇ်ဍုၚ်၊ ကၠုၚ်စိုပ်လ္အိတ်။ လ္ၚီကၠံဟီုတွံ၊ ကဵုစှ်ဒ္စိတ် (၁၁၁၉)။ မန်ကျအာဗၟာ၊ ရာဇာတၞောဝ်သိဒ်။ တၞောဝ်မညပြဲ၊ 

စိုပ်ဘဲဍာ်ဒ္စိတ်။ ပ္ဍဲဇမ္ဗုဒိပ်၊ဂြိပ်ဒဴဗၟာၚိတ်။ တိုန်ဒဵုကၠဆာ်၊ စှ်ေဍာ်ကျာံကိတ်။ ညံၚ်သာ်ဂှ်ကၠာ၊ ဥပၟာလ္အိတ်။ ညံၚ်သာ်ဂှ်လေဝ်၊ သရေနိမိတ်။ မန်ဒးထောံဍုၚ်၊ သုၚ်ဝိပရိတ်။ ဆၚ်ဒဴနူနန်၊ ယောန်အာဟိတ်ဟိတ်။လုပ်အာဂြိုပ်ဂၞိၚ်၊ ကြာကၠစိၚ်သိတ်။ ဂၠိုၚ်ကဵုဝိဝဲ၊ ဂၠိုၚ်ဘဲလ္အိတ်။ဒးအေၚ်ပုၚ်ဍာ်၊ ကွာ်အာမံၚ်ဍိတ်။ဒဒိုက်စိုပ်သိဒ်၊ လ္အိတ်ပိုတ်သ္ကုတ်။

   ဍုၚ်ဟံသာရော၊ ဗဂေါညးခုတ်။ လုပ်စိုပ်တဲဗၟာ၊ ရာဇာအယုတ်။ ဂးအံၚ်ဇေယျ၊ စိုတ်ညံၚ်ကၠဂြုတ်။တၞောဝ်ၜိုပ်ထဝ်ကွေံ၊ ဍေံရပ်ပရှ်ဍုတ်။ ဂၠာဲဒုဟ်ဂၠိုၚ်နဲ၊ ဂၠာဲစောဲဂဗုတ်။လဟုက်ထေဲထုတ်၊ စုတ်ဒုဟ်ကဵုမန်။
        သၟိၚ်ဗၟာယုတ်လေဝ်၊ ဨကရာဇ်ဝန်။ညံၚ်ကလော်ကြုက်၊မုက်ညုဓညောန်။ ဍေံဂွံအဝဵု၊ ဍဵုဍိုက်ပျဲလောန်။ ခမဳသၚ်မန်၊ကြပ်ညောန်သ္ၚောဲသာဲ။
        ကဵုကော်နၚ်ကၠာ၊ ဗၠးဏာသရာဲ။ ကၠုၚ်စိုပ်ဆတ္တဝ်၊ပ္တောံလဝ်မွဲဒၞဲါ။ညာတ်ဒှ်ဒေါသ၊ ညံၚ်ကၠရပ်သ္ၚာဲ။ ဟၟဲမေတ္တာ၊အာဏာလောန်ကာဲ။ မုက်အံၚ်ဇေယျ၊ ဒေါသဗ္တေတ်ဍာဲ။မၚ်မွဲဓုတၚ်၊ သၚ်ခမဳဗၠာဲ။ ဒးအလီရ၊ ဗၟာသ္ပပြယာဲ။ ဗၟာယုတ်စိုတ်စၞာဲ၊ ဥပါယ်အဟိုတ်။
       ကေတ်စိၚ်ဒြၚ်ဗိုန်၊ ကဵုလိုန်ဂစိုတ်။ နကဵုလွဟ်ပၠန်၊ ပန်ဗာ်ဖအိုတ်။ ဒးဒုၚ်ပယျဲ၊ ဘဲကမ်ဒးချိုတ်။ ဗုၚ်လိုက်ကအ်ပိုတ်၊ ချိုတ်ၜိၚ်မံၚ်ဆီ။
      ကွးသၚ်အရဳ၊ခမဳမန်ပိလ္ၚီ (၃၀၀၀)။ စုတိစဴသွဝ်၊ သီုဓဝ်လၞီ။ဒးဒုၚ်ကၠုၚ်ပၠန်၊ ဘဲဒဏ်ကၠံလ္ၚီ။ သာ်ဝွံခပ်သီ၊ သမ္တီလဝ်ညိ။
         ဣတ္တဳဗြဴမန်၊ သီုဂဝ်သန္ဓိ။ပ္ဍဲဗော်ရာဇာ၊ ဗၟာယုတ်ဒိဋ္ဌိ။ပန်ဗာ်ထပက်၊ ၜုၚ်တက်ကဵုရိ။ ညာတ်ဒှ်ဗဟေက်၊ ဖေက်ဖေက်ဂိဂိ။ လရိုအ်ယာံဟာဲ၊ ဗက်ဂၠာဲကော်မိ။ ပၞာန်ဗၟာတဲဂံၚ်၊ ညံၚ်နာ်သတ်ဂျိ။ ညးဒၞဲါဟွံမွဲ၊ ဂၠိုၚ်နဲလက်ဗျိ။ စိုတ်ယုတ်လောန်ကာဲ၊ဟာဲသတ်ရိုၚ်ရိ။ ဗြဴသီုသန္ဓိ၊ အိုတ်ဇဳဝိတ။
        မၞိဟ်ထပှ်လ္ၚီ၊ တီကၠးဍာံပြ။ (၇၀၀၀) ဂကူပိုဲကၠာ၊ဘာသာမည။ အဆက်သၟိၚ်ပိုတ်၊ အိုတ်တၞောဝ်ဝံသ။ ညံၚ်ဂွံကၠက်အာ၊ ဘာသာပိုယ်ပၠ။ ဗၟာယုတ်စိုတ်စၞာဲ၊ ဍေံဗက်ဂၠာဲသၞ။ကောန်ၚာ်တြုံရ၊ သ္ပမံၚ်ကွးဘာ။
          ဍေံဒဳနၚ်သ္ကဲ၊ ညံၚ်ဂၠဴပ္ဍဲဝါ။ ဗာ်ထပက်ပန်၊ ပ္ကီုဒဏ်နာနာ။ဆီဇွောဝ်ဒှ်ဍာ်၊ ကောန်ၚာ်ကွးဘာ။ဗုၚ်လိုက်ကအ်ပိုတ်၊ ချိုတ်ထပ်လောတ်လ္ၚာ။ ပဲါရောဟွံဗၠး၊ ဒးဘဲလွဟ်ဗၟာ။ ဗာ်ထပက်ပန်၊ကဵုဒဏ်နာနာ။အသမ်ရာဇာ၊ ဗၟာသတ်အလီ။
         ဂစိုတ်ထောံပၠန်၊ သၟတ်မန်မသုန်လ္ၚီ။ (၅၀၀၀) ဒးဘဲလမျီု၊ ဗီုစိၚ်မံၚ်ဆီ။ ဒဒိုက်ဠက်ဆ၊ ဟွံကကၠံလ္ၚီ။ ဟိုတ်နူဗၟာ၊ကွးဘာဒှ်လၞီ။ လိက်နွံဂွံတီ၊ သီပရူဒဒှ်။
          ဆဏအ်ရောသေၚ်၊ တၟေၚ်တိုန်နူဂှ်။ကောန်ၚာ်သၟတ်မန်၊ ဒှ်မံၚ်ကောန်တှ်။ အံၚ်ၚေဝ်လရိုအ်၊ ဂွံဆဗက်ဂြဟ်။ မွဲသာ်ရောကၠိုဟ်၊ဂၠုက်သြိုဟ်မဴတှ်။သၟတ်မန်တြဴလ္ၚီ (၆၀၀၀)၊ ဗက်သီကေတ်ပြဟ်။ ပ္ကောံလဝ်တုဲပၠန်၊ ဟွံတန်ချပ်ဗှ်။ ဂစိုတ်ထောံသၟဟ်၊ ကဵုလွဟ်မၞုဟ်ဇြၚ်။
      သုသာန်ကောန်ၚာ်၊ဆီဒှ်ဍာ်ဝၚ်။ ဇွမန်ပြးမံၚ်၊ တုပ်ညံၚ်သွးဂၚ်။ ဂၠိုၚ်ကဵုဠက်ကိုဋ်၊ ချိုတ်မွဲသဘၚ်။ ဂးအံၚ်ဇေယျ၊သၟိၚ်တၠမၞုဟ်ဇြၚ်။ ဓဇန်လောန်ကာဲ၊ ဂၠာဲကော်ပ္ကောံနၚ်။ ဗၟာသတ်အယုတ်၊ ကုတ်ထောံဂၠိုၚ်ဂၠၚ်။ ကောန်တှ်ကောန်သၟတ်၊ လောတ်လောချိုတ်လၞၚ်။ ဆီဒှ်ၜဳဂၚ်၊ ဘိၚ်ဘၚ်လောန်ကၠာ။
       ဂကူပိုယ်မန်၊တၟေၚ်ဂၞန်သၚ်္ချာ။ အဃောဂှ်ရ၊ ဆမန်ချိုတ်အာ။ ပ္ဍဲဍုၚ်ဟံသာ၊ ၜါဠက်မွဲလ္ၚီ။ (၂၁၀၀၀) ရာဇဝၚ်ထၟိက်၊ လိက်နွံဂွံတီ။ ဆဗၞတ်ဂှ်ဟေၚ်၊ တုဲဟွံသေၚ်ဏီ။ ဗၟာဗက်ဂစိုတ်၊ဠက်ကိုဋ်ကၠံလ္ၚီ။ အလုံဍုၚ်မွဲ၊ ရိုဟ်တ္ၚဲဗက်လီ။ အသမ်တၠနာဲ၊ ဗက်ဂၠာဲဗက်သီ။ မန်ပိုယ်ကြအ်ဆီ၊ ဆဵုလၞီဇၞော်။
      မညဘာသာ၊ နွံကြာဂရော်။ ဇၟာပ်ဒိုဟ်သတိုတ်၊ ပလိုတ်ဗၟံက်။ ဒိုဟ်ဥတ္တရ၊ဒက္ခိဏဗော်။ ပ္ဍဲဒိုဟ်ပန်ဟာန်၊ဒ္စံါဌာန်ညးကော်။ ဍေံဗက်ဂၠာဲအာ၊ ကြာဒဵုဂရော်။ ဒဴလေဝ်ဟွံဗၠး၊ဒးစိုပ်ဘဲဇၞော်။ဆမန်နွံကၠာ၊ ဍေံအာဗက်ကော်။ ဍေံရပ်နၚ်တုဲ၊ဟွံရုဲဍောတ်ဇၞော်။ တြုံဗြဴဝုတ်ဗၠာဲ၊ သီုကၟာဲဍေံကော်။ဒိုက်သိုက်ဟွံရော်၊ ဍေံကော်ဖအိုတ်။ 
     တၟော်မၞိဟ်ရောတီ၊ ကၠံလ္ၚီဠက်ကိုဋ်။အံၚ်ဇေယျဝွံ၊သၟိၚ်ဒုစရိုတ်။မောဟဒွိဟိုတ်၊ စိုတ်ညံၚ်ဂျိနာဲ။
    အိုတ်ဂကူမန်၊ ၝောံမၞိဟ်ကောန်ၚာ်။ အကြာဍုၚ်ကွာန်၊ဌာန်ၜဳပ္ဍဲဍာ်။ဍေံဗက်သ္ၚဳဂၠာဲ၊ ဇၟာပ်တာဲဇၟာပ်ရာ်။ ပ္ဍဲသ္ၚိဂြိုပ်ဝါ၊ဘုတ်ဘာသီုကျာ်။ ဆနွံဗက်ဂၠာဲ၊ ဒၞာဲဂၠိုၚ်ဇဳသာ်။ဗၟာမၞိဟ်အရိုၚ်၊ဒှ်သၟိၚ်ပိုၚ်သၞာ်။ ဒဳပ္ကောံနၚ်မန်၊လက်ဒေါန်သ္အဵုသ္အာ်။ စိုတ်ဍေံမ္ၚိုဟ်ကြံၚ်၊ တုပ်ညံၚ်ဂျိနာ်။ ပါၚ်စက်လ္တာ်၊ ကွာ်လဇုဲဗာ်ထောံ။
        မန်ဖေက်ဍေံစိ၊ စိုတ်ညံၚ်တိကလောံ။ ညံၚ်ဂၠဴသ္ကအ်ရ၊ဖေက်ကၠကွေံသွံ။ဇၟာပ်ဒိုဟ်ဇဳကၠောံ၊ ဍောတ်ဇၞော်ကြောံဇြာဲ။
      မဂဳလထဴ၊ နှဴသီုကၟာဲကၟာဲ။ ကောန်ၚာ်ညးခုတ်၊ ဝုတ်ဝုတ်ဗၠာဲဗၠာဲ။ ကောန်ဍောတ်ဂွံဆဵု၊ လ္ၚဵုမဴတှ်ယာဲ။ ဗျုဗျုဗျဗျ၊မိမနော်နာဲ။ တဲရပ်ဂစုန်၊ ရုန်ရုန်ဂဲါဂဲါ။ သၠုၚ်သဝ်ဂၠိုၚ်စွံ၊ ကြောံကြောံဇြာဲဇြာဲ။ ပၞာန်ဗၟာဒဳနၚ်၊ ဒေါသလၚ်ဍာဲ။ ထေဲပၞောတ်လောန်ကာဲ၊ အသမ်နာဲစာ။
      မုက်မတ်ကှ်ဇြ၊ ဘယလောန်အာ။ ဖေက်ဟွံဂံၚ်ကျောဝ်၊ လၚ်ဇွောဝ်ပူဆာ။ ဒးယာံဓဇူ၊ ဗ္ဂူဗြဲမတ်ၜါ။ ဂၠိုၚ်ဘဲပရိုက်၊ ဂၠိုၚ်ဒဒိုက်သၞာ။ဒးယာံရၚ်သ္ကအ်၊ ပ္ဍဲဒၞာဲဏအ်ကၠာ။ယာံရေဝ်ကရောတ်၊ ဂစောတ်သာသာ။ ဗၟာဒဳပ္ကောံနၚ်၊ရပ်ဇြဲတဲၜါ။အသမ်သၟိၚ်ကၠာ၊ ယာံဗက်အာဍေံ။
        လရိုအ်သေဲသေဲ၊ ကရေဲညံၚ်ချေံ။ ဗၟာယုတ်မိစ္ဆာ၊ ရပ်ဏာတုဲကွေံ။ ညံၚ်ညးဗက်ချေံ၊ ဍေံဒဳပၠောပ်စာတ်။
     ပိုယ်မန်တမၠာ၊ ဍုၚ်ဟံသာကၞာတ်။ ကိုဋ်ဠက်ကၠံလ္ၚီ၊ ဟွံတီလောဲဝါတ်။ပါၚ်ဟီုတဲချဳ၊ ဍေံဒဳပၠောပ်စာတ်။ ၜုၚ်တက်ဒှ်တမ်၊ အသမ်လေဝ်သ္ကာတ်။ မန်သီုဖအိုတ်၊ လၞီစိုတ်ဂွံညာတ်။မွဲစာတ်ပေၚ်ထာတ်၊ ပ္ဍဲစာတ်က္ဍန်ဂြက်။
      ဒှ်လၞီသောက၊ မောဟညံၚ်ယက်။လရိုအ်ယာံဒၟံၚ်၊ ညံၚ်ဍုၚ်နရက်။ဍိက်ရာဇဝတ်၊ ကြမ်ကြထတ်မြက်။ ဍေံမိၚ်စုတ်ဗက်၊ လက်ဗျိပၠုက်မန်။
       ဂကူပိုယ်ကွေံ၊ မိၚ်ဍေံဗျိဒေါန်။ သြိုဟ်ညံၚ်ကဵုဖဲါ၊ ယာဲယာံကဵုကောန်။ ဒဒိုက်ကၠံလ္ၚီ၊ ဒှ်လၞီဂၠိုၚ်လောန်။ ကြိုၚ်လဝ်ပ္ဍဲစာတ်၊ ကၟာတ်လဝ်ကၟောန်ကၟောန်။ ဗၟာသတ်အယုတ်၊ စိုတ်အုတ်လက်ဒေါန်။ ဒေါသဂဵုမံၚ်၊ ညံၚ်ကၠကဟောန်။ ဂကူပိုယ်လေၚ်၊ ပၠေၚ်ထောံရောအောန်။လၞီဂၠိုၚ်လောန်၊ကောန်ကဵုမိမ။
      သမ္ဘာယာံအဵု၊ ကဵုတၠသ္ၚိပၠ။ ဗြဲမတ်ၜါပြိုဟ်၊ ဂတီုသြိုဟ်ရ။ တြုံတၠသ္ၚိကၠာ၊ သာမိဘာဂ။ ညာတ်မိတ်ဘမ္ဘာ၊ ဖေက်ဘဲရာဇ။ ဍာ်ရမတ်ဍုက်၊ မုက်ညံၚ်ပ္ကဴဇြ။

သောကစံၚ်ပၠေၚ်၊ပေၚ်ဟဒယ။ပ္ဍဲကဵုသ္ၚိစာတ်၊ ပါတ်လုံခန္ဓ။ လၞီဇၞော်ဂိ၊ စိုတ်ဂျိနာဂ။ညးဒှ်ဗဴလ၊ ဇုဇသဳမူ။

       ဆဵုညာတ်စဴကၟိန်၊ ယွာံဟွံတီဇၞူ။ ဍာ်ရမတ်ပြဟ်၊ ထၞဟ်စှ်ေဓဇူ။ အလုံစာတ်အဵု၊ ပၟတ်ဂဵုဝူဝူ။ညံၚ်ဂိတုဘတ်၊ ကျာထတ်ဗြဲဂူ။ လၞီဇၞော်ဂၠိၚ်သ္ၚောဲ၊ ဟွံမွဲကဵုဇၞူ။ဒးယာံဓဇူ၊ ဆာန်ဍူကောန်စဴ။
      သဳမူကဵုကၟိန်၊ ယာံထဂၠိန်နှဲ။ ညာတ်မံၚ်ပ္ဍဲစာတ်၊ကအ်အာတ်ပါၚ်ဠဴ။ ယာံမံၚ်သေဲသေဲ၊ ကမြေဲကမြဲ။ ဒုၚ်ဂုဏ်ဟွံဂွံ၊လရိုအ်အာတ်စဴ။ ဗၟာယုတ်ဒိုဟ်ဂွိုက်၊ ဍဵုဍိုက်ဗွဲကြဴ။ပၟတ်ဂဵုဗြံၚ်ဗြံၚ်၊ စံၚ်စာတ်ဖအဴ။ဗြဴမိတၠကောန်၊မိန်လဝ်ကောန်ဂၞဴ။မိန်ဗၟဴဖျုၚ်တှ်၊ ပါၚ်ဂှ်ယာံတဴ။ကောန်ဍောတ်ဟွံတီ၊ အီကဵုမိဂၞဴ၊မိညာတ်ဒးဗက်၊ သြိုဟ်ဂြက်ကွေံအဴ။ကောန်ဍောတ်ဂှ်မိန်၊ကောန်ဇၞော်ဂၠိန်နှဴ။ ကောန်ဇၞော်ဂှ်ယာံ၊ မိလေဝ်ယာံတဴ။တြုံကဵုသမ္ဘာ၊ ယာမုက်ဗွဲကြဴ။ဂၠိုၚ်ကဵုယွာံ၊ ဒေံယာံကဵုကော။ကၟိန်ကဵုနာဲတြ၊ ဗဴကဵုလထဴ။ၝဲယာံကဵုဒေံ၊ ကာယပၠောတ်ပၠဴ။ ထုဲၜန်မံၚ်ပၠန်၊ ညံၚ်ချံက်စန်နှဴ။ညံၚ်ၚဴတမ်သၞာံ၊ ယာံမံၚ်ရေဲရဴ၊ညံၚ်ဗရုဂဂဵု၊ဗြုသဓဵုတဴ။ဇၟာပ်ဒိုဟ်ရော၊ယာံတဴဖဳဒွါ။
     ပိုယ်မန်ဗျုဇၞော်၊လုပ်ဗော်ဇရာ။ ဂွိၚ်ဖေက်တၠိၚ်ဒိုဟ်ရိုဟ်ရေၚ်နာနာ။ ဟိုဲလေဝ်ဣတ၊ လေၚ်ရမွဲဝါ။ပိုယ်ကၠက်ဂကူ၊ဂုဏ်နူသၟိၚ်ဗၟာ။ ပိုယ်ဒးဒုၚ်ပၠန်၊ ဘဲဒဏ်နာနာ၊ စံၚ်ဂစိုတ်ပြဟ်၊ဒှ်သၠာတ်ပ္ဍဲဝါ။ ပ္ဍဲကဵုစာတ်ဗၟာ၊ ဘဲရာဇာအနိုၚ်။
    မန်ချိုတ်တူဂြောတ်၊ ပ္ဍဲပၟတ်စာတ်သၟိၚ်။ ဒးသ္ကန်ကလိ၊ စုတိသီုဂဝိၚ်။ ရမ္သာၚ်ထတ်ကၠာ၊ ယာံပြာကတ်ပၟိၚ်။ ဗၟာယုတ်ပၟၚ်ထံၚ်၊ မၚ်မံၚ်စာတ်သၟိၚ်။ တြုံဗြဴဗျုထဴ၊ ယာံတဴမံၚ်ဗျိၚ်။ကၠာဍေံဟွံစံၚ်၊ ပၟၚ်ထံၚ်ဂွံမိၚ်။ ဒေါသဇၞော်တိုန်၊ မွဲချိုန်ဂွံမိၚ်။ဍေံဟွံချပ်ဗ္စာ၊ ကရုဏာသိၚ်။ အပိုၚ်အနိုၚ်၊ ဍေံဖျေံပၟိၚ်ဟေၚ်။
  ဗၟာအံၚ်ဇေယျ၊ သ္ပပိုယ်ဗီုပြေၚ်။ ဍေံစက်ကဵုပသဲ၊ သ္ကဲပိုယ်ဗွဲလၟေၚ်။ဂကူဂွံယုတ်၊ ဍေံဂၠာဲစုတ်ပၠေၚ်။ပလီုကျာ်သြဳကၠာ၊ ဘာသာမန်ဟေၚ်။ တၞောဝ်ရာမည၊ဍေံကော်ဣတလေၚ်။ဇၟာပ်ဇၟပ်စာၚ်ဟေၚ်၊ကွာ်ရေၚ်ဗက်ဗဵု။
       တက်တဲဂေတ်ရ၊ သ္ပဝေၚ်စရဵု။ ဣတလေၚ်ဣတလေၚ်၊ ပိုယ်ရပၠေၚ်ကဵု။ ဍေံဖအဴဂေတ်ကွေံ၊မ္ၚးစာတ်ဂှ်အဵု။မန်ဘဝဍိက်၊ ဒှ်ကၠိက်ဒှ်ကၠဵု။ကျညးမုက်ဍောတ်၊ညံၚ်ပ္ကေတ်ဒးခပဵု။ညံၚ်ဂၠုၚ်က္ၜၚ်ဗြမ်၊ ကမ်အကုသိုလ်။လၚ်ဇွောဝ်ကၠၚ်ပြဵု၊ ပ္ဍဲသ္ၚိစာတ်။
        ဗၟာသတ်အဟိုတ်၊ စိုတ်ဍေံယုတ်သ္ကာတ်။ဍေံပြိုက်စုတ်ဂြုဲ၊ ဂဥုဲသေနာတ်။ရဲသၟိၚ်ရာဇာ၊ ဗၟာဗာဇ္ဇခါတ်။ဍေံစံၚ်ပၠေၚ်အဵု၊ ကဵုအဂ္ဂဓါတ်။ပၟတ်ဗ္ကေတ်ဂဵုဍာဲ၊ တူဂၠိုက်ဂၠာဲသ္ကာတ်။ကၠံလ္ၚီဠက်ကိုဋ်၊ ချိုတ်အိုတ်သီုစာတ်။ဗဂေါလ္ၚုလ္ၚုန်၊ ပိုယ်မန်ဂွံညာတ်။ လုံဍုၚ်ကွာန်ရး၊ ဒးဖေက်သမ္ၚာတ်။ ချိုတ်ဂုဏ်ပယျဲ၊ ပ္ဍဲစိုတ်ဒှ်ဝါတ်။ သီုဂကူလေၚ်၊ ဂြောတ်မံၚ်ပေၚ်စာတ်။ဖျုန်ဇုတ်စၞာံဂှ်၊ ဒှ်အာပ္တေၚ်ဓါတ်။ပိုယ်မန်ဂွံညာတ်၊သမ္ၚာတ်ကွေံဏး။
          ပ္ဍဲဍုၚ်ဗဂေါ၊ အဃောဂှ်သၟး။ဒ္စိတ်စာတ်သွံ၊စံၚ်ထောံကၠးကၠး။ဍေံစံၚ်ပၠေၚ်မန်၊ အောန်စိုတ်ကွေံဏး။ ဗြဲမတ်စရိုဟ်၊တသိုက်တဟး။ ဆဝွံရောသေၚ်၊လ္ပထေၚ်မၞိဟ်သၟး။ ဗၟာစိုတ်ဟွံပြေ၊ အံၚ်ဇေယျဏး။ ပဲါနူမၞိဟ်ဟေၚ်၊ တၟေၚ်နူဂှ်မ္ဂး။ ကပေါတ်မန်ကွေံ၊ ဍေံဗက်ဂၠာဲသၟာန်။
           အကြာၜဳကြုၚ်၊ အလုံဍုၚ်ကွာန်၊ ကၠအ်သွဝ်တိဗ္ၚ ဇွောံမမွဲဟာန်။ဘုတ်ဘာဒေါဝ်ဍုၚ်၊ဇြပ်ဇၞူရုၚ်ဒါန်။သိမ်ဥပုသ်ကၠာ၊ ရုၚ်ဖျာသ္ၚိဌာန်။သ္ၚိသွာၚ်ဒိုဟ်ပန်၊ ဒဒန်ဂၠံၚ်ဍာန်။ဆအပေါတ်မန်၊ ကၠောန်လဝ်ကွေံကြာန်။ ဂိုဟ်မံၚ်ဟာနာဲဍေံဟွံဂၠာဲသၟာန်။ ဗၟာယုတ်တအ်သွံ၊ စံၚ်ထောံကြာန်ကြာန်။နန်ထဝ်သ္ၚိကၠတ်၊ ဒြပ်ရတ်ပိုန်ဟာန်။ ဂၠိုၚ်လောန်သတိုတ်၊ရိုဟ်အိုတ်ဟွံမာန်။ တမ်ဂြန်ကိုန်ဆန်၊ အၚ်ယန်နွံဥာဏ်။
     ဗေဒၚ်ပန်ဗော်၊ ဗိုတ်ဇၞော်ပကာန်။ ဓဝ်ပိဋကတ်၊ လိက်ပတ်ဇၟာပ်ဌာန်။ သိဒ္ဓိ ဗလသဗ္ဗထုဲကြာန်။ ဗၟာအယုတ်တအ်၊တၟအ်ဍုၚ်တၟအ်ကွာန်။ စံၚ်ထောံသီုဘာ၊ ဝါဒဒပ်ပၞာန်။ ဂြန်ဂဥုဲဒဗျ၊ ရောဂနိဒါန်။စံၚ်လိက်စံၚ်ကျာ်၊ လီုလာ်ထုဲတၞာန်။ဂၠာဲဂွံဗက်စံၚ်၊ ကမၠက်ဂၠံၚ်ဍာန်။ဍဵုဍိုက်ပိုယ်မန်၊ ဂၠိုၚ်လောန်ကွေံကြာန်။ ယွံဗော်အဟော၊ ကလောမန်ဆာန်။ ဒဒှ်ဟိုတ်ဖိုလ်၊ သမ္တီကဵုမာန်။ ဗကတ်လဝ်ညိ၊ ပ္ဍဲကဵုဝိဥာဏ်။ ဂိုတ်လွဳညိမန်၊ ညံၚ်ဂွံနန်ယာန်။ ဒဵုစိုပ်နိဗ္ဗာန်၊ ဆာန်ဂကူအိုတ်ညိ။
      ရာဇာမူလ၊ ဝံသသၟိၚ်နန်။ တၞောဝ်ဨကရာဇ်၊ သီုအမာတ်ပန်။ ဗိန္ဒောဟောရာ၊ ပညာဇၞော်လောန်။သ္ကိုပ်ပၞာန်ရ၊ညးတၠအစောန်။ဒဴထောံနူနန်၊ ယောန်လုပ်ဒျူဒျာ။
         ဂိုၚ်သမ္တီရ၊ လ္ပဝိုတ်ပြောဲဇွာ။ ဒဒိုက်မန်ဂှ်၊ ဒှ်နူပၞာန်ဗၟာ။ ပၠောပ်စာတ်တုဲစံၚ်၊ ဒှ်ညံၚ်သၠာတ်ဝါ။ ပန်ဗာ်ဂစိုတ်၊ လေၚ်အိုတ်နာနာ။ ဂကူအယုတ်၊ စံၚ်ဘုတ်စံၚ်ဘာ။ ဒဒိုက်ပိုယ်ဂှ်၊ဒှ်ကၠုၚ်နူဗၟာ။ချူစွံလဝ်ပြဲ၊ ပ္ဍဲသၠရိုတ်တာ။ ဒုမဂႅလ၊ ပ္ဍဲဘဒ္ဒကၠာ။ဂိုၚ်သမ္တီလဝ်၊ ဓဝ်သတိပမှာ။ မန်ရာမည၊ ဂယဏအ်ကၠာ။သၟတ်ဝုတ်ဗၠာဲတအ်၊ တၟအ်ညးအဲမှာ။က္တဵုတိုန်တၟိကၠာ၊ ပဝိုယ်မှာတဴ။
         နူဂှ်သေၚ်ဟာ၊ အခါဗွဲကြဴ။ ဆမန်သှ်ေဂး၊ ပြးဇးဂြိပ်ဒဴ။ပ္ဍဲဂြိုပ်ဇၞော်ဟေၚ်၊ ဇရေၚ်လ္ဂောဝ်အဴ။ ကၠောန်ဂွဲသြောံဇွောံ၊ ဂၞဴဂွံဒုၚ်တဴ။ သိုၚ်သ္ၚိတက်တာဲ၊ ဗြဴကၟာဲလထဴ။မံၚ်လအ်ညိပၠန်၊ဗၟာဗက်လန်နှဴ။ ပ္ဍဲသက္က ရာဇ်၊လောကဓါတ်သ္ဍဴ။ လ္ၚီကၠံပိစှော်၊ပန်ဂှ်ပံၚ်နှဴ။ (၁၁၃၄) ဗၟာယုတ်ဂွံလဝ်၊ နန်ထဝ်က္ဍိုၚ်ပ္ကဴ။ ရးမန်ပိအဴ၊ က္တဴက္တာန်ရောၚ်။
          သမ္တီပယောၚ်၊ သောၚ်သောၚ်ပံက်ပါၚ်။ ဂကူမန်ရ၊ ညံၚ်ကပ္ဍဲကၠာၚ်။က္တဴက္တာန်အဵု၊ကဵုမံၚ်ရမ္သာၚ်။ ဗညာစိၚ်ကၠာ၊အာထောံဍုၚ်ဂြာၚ်။ က္ဍိုပ်သ္ကိုပ်မန်၊နန်ထဝ်က္ဍိုၚ်

ဗ္တာၚ်။ ဒးထောံဂအောၚ်၊ အောပ်ညံၚ်စာၚ်ဂြိုပ်။

         ပိုယ်မန်သေၚ်ဟာ၊ ဗြဲမတ်ၜါရိုပ်။တွဵုရးမုဟ်ရး၊ ဒးသ္ပဗ္ဒိုပ်။ သက္ကရာဇ်ဍုၚ်၊ ရိုဟ်ကၠုၚ်အာစိုပ်။ လ္ၚီမွဲကၠံကိုပ်၊ စိုပ်မသုန်ဣသုန်။(၁၁၅၅)
        ဆမန်သှ်ေအဴ၊ မံၚ်ရောစိန်ဝုန်။ဒဴလုပ်ဒျူဒျာ၊ ထောံဂြိုပ်ဝါတုန်။ လ္ၚီမွဲကၠံအဴ၊ တြဴစှော်ဟီုပ္ဍုန်။ (၁၁၆၀) ဆမန်သှ်ေမံၚ်၊ညံၚ်ကဵုစၟဂြုန်။ လုပ်ဒျူဒျာတုန်၊ လ္ၚုသုန်ဒေၚ်ၚုၚ်။
     သမ္တီဒဵုချိုတ်၊ စိုတ်လ္ပကေဝ်ဇြုၚ်။ဖေက်အံၚ်ဇေယျ၊ညးတၠပိုၚ်ဍုၚ်။ လ္ၚဵုဂှ်ကွာ်တိုက်၊ ဍိုက်က္ၜၚ်ဍိုက်ဂၠုၚ်။ မန်ဒဴဗၟာ၊ ဂြိုပ်ဝါတိသၠုၚ်။ နွံမွဲဂလာန်၊ဥာဏ်ပ္သရုၚ်။စိုပ်သက္ကရာဇ်၊ပိုၚ်ကၞာတ်လဝ်ပ္ညုၚ်။လ္ၚီကၠံဟီုတွံ၊ ထ္ပက်စှော်စုတ်ကၠုၚ်။ (၁၁၇၀) ရးမန်ပိကၠာ၊ ဟံသာလ္ဂုၚ်။ ဗၟာယုတ်အဂွိုက်၊ ဂးမှကျိုက်ပဠုၚ်။ ဍေံဍိုက်ကအ်စိၚ်၊ ပသၟိၚ်ပိုၚ်ဍုၚ်။ ဍဵုဍိုက်မန်ပ္ညုၚ်၊ဒုၚ်ဒဝ်ဟွံမာန်။
       ဟွံမဲဂဗုတ်၊ ဂၠာဲစုတ်ဂလာန်။ သ္ၚိလံက်ခပဵု၊ ကဵုဒဏ်စုတ်ဒါန်။ ပ္ဍဲဍုၚ်ကြာရး၊ မ္ဒးက္တဴက္တာန်။ ဗၟာယုတ်အဂွိုက်၊ကျိုက်ပဠုၚ်သ္ပမာန်။ ဗက်ကၠောန်ဗၠေတ်ဗၠေတ်၊ ကေတ်ဇၞးကေတ်မာန်။ မန်ပိုယ်ၚုၚ်ၚ၊ ဘဝကျပၞာန်။တုပ်ညံၚ်ပၟတ်ဖဴ၊ ဂမ္တဴမ္တာန်။အရေဝ်ဂလာန်၊ သ္ၚိဌာန်ဂမြိၚ်။
          ဆမန်သှ်ေမံၚ်၊ ညံၚ်ဟွံဂွံယုတ်ဂၠိၚ်။ ဖေၚ်ပူက္ဍိုပ်ကၠာ၊ ပြာကတ်ဂွံမိၚ်။ အသမ်ရာဇာ၊ ဗၟာယုတ်ဒှ်သၟိၚ်။ဂၞိန်မၞိဟ်ဗြဴကွေံ၊ ဍေံကဵုပူဂဵုကွိၚ်။ ဟိုတ်ဒှ်ဂၞိန်ဂး၊ ပိုဲဒးကေတ်ထၟိၚ်။မန်ပိုယ်ဂွံယုတ်၊ ဍေံစုတ်အသိၚ်။ ဒေါသလဟုက်၊ မုက်ဍေံညံၚ်ဂြိၚ်။ ဍေံဖျေံအမိၚ်၊ ဂွံမိၚ်ကေတ်ကီု။
       ညာတ်မၞိဟ်ဟွံကော်၊ ဍောတ်ဇၞော်ပဟီု။ ယဝ်မိၚ်ဒးမ္ဂး၊ထဗးထၞိက်ပ္ကီု။ တပ်ဒဏ်ကဵုဘဲ၊ ဂြဲကၠေၚ်တက်တ္ၚီု။ စန်ဇိုၚ်ကၠေၚ်တဲ၊ စဲပ္ဍဲတ္ၚဲကီု။ဆဂှ်ဟွံသေၚ်၊ တၟေၚ်ဂၠိုၚ်ကဵုဗီု။ ဂလာန်ၜဴပါၚ်၊ လာၚ်မုက်လေဝ်ကီု။ လဳမုက်ရောၚ်ဂး၊ ပိုယ်ဒးဗက်ကီု။ညံၚ်ဂွံဟိဏ္ဏ၊ မညအိုတ်သီု။ ဍေံရောၚ်ပလီု၊ ကဵုပိုယ်ဟီုစုတ်။
     ကောန်ၚာ်တြုံဗြဴ၊ အာနုဘဴဂွံဟုတ်။ဂကူမန်ဂှ်၊ ဒှ်မၞိဟ်ဂွံယုတ်။ ဝေါဟာဥပဲါ၊ ကဵုကၞာဲဒးစုတ်။ ဍေံဗ္ဂေတ်ထောံပၠန်၊ပိပန်ဟွံသ္ကုတ်။ ဂကူပိုယ်ကၠာ၊ ပညာဂွံဆုတ်။ မိကောန်ၚာ်ဂး၊ဇံၚ်နးဍေံစုတ်။ သၠးသန္ဓိကောန်၊ မန်ပိုယ်ဂွံယုတ်။ ညံၚ်ကွိုန်ဂွံဟုတ်၊ ဇံၚ်နးစုတ်ညိ။
       ဍေံကဵုတက်မံၚ်၊ လ္တူဇံၚ်အဂ္ဂိ။ ဂလာန်ဂှ်ကၠာ၊ ခါဟွံစၟတ်ညိ။ ဗၟာယုတ်သ္ပဝဲ၊ ဍေံပျဲမတှ်၊ ပါၚ်ကှ်ဖိဖိ။ အိုတ်ဇိုၚ်တဲမာ၊ကၠာဟွံချိုတ်ညိ။ ကာလဒးဘဲ၊ ဒှ်ယဲဗျာဓိ။ ကောန်ဂၞဴဂှ်စိ၊ မိဂွံဆဵုကၠာ။
     ကောန်ၚာ်သၟတ်ပြဲ၊ လောန်မွဲအခါ။ ပိုယ်ဂကူမန်၊ယဝ်ကၠောန်ဇာတာ။ ညံၚ်ကၠိုက်လ္ၚၚ်ရ၊ ဟိဏ္ဏလောန်အာ။ဒုန်ဓလိၚ်ဇွ၊ ဂဗသေၚ်ဟာ။ ကဵုဂကူမန်၊ကၠောန်သ္ပဇာတာ။အသမ်ရာဇာ၊ ဗၟာယုတ်မိစ္ဆာ။ပြဝေဏဳတၞမ်၊ ဝါဒိတမၠာ။သၠရိုတ်သၠတာ၊ ကၠောန်ဇာတာရ။
      ဗၟာယုတ်တအ်အဵု၊ ယဝ်ဍေံဆဵုပၠ။ လဟုက်ကဟောန်၊ကောန်သီုယာဲတ။စန်ဇိုၚ်တဲပ္ညဳ၊ ဖုံပၠဳမိက်ရ။ပၠေတ်အသုဘ၊ညံၚ်ဇွပသ။ပၠေဲစဲတ္ၚဲကၠာ၊ ကြာဂြိုပ်ဝါဗ္ၚ။ကၠာဟွံချိုတ်ညိ၊သှ်ေဇဳဝိတ။ တုဲဗလးဖျဴ၊ကြဴတပ်ဒဏ်ရ။ ဗၟာယုတ်စိုတ်သၠုၚ်၊ကၠုၚ်ပိုၚ်ပိုယ်ပၠ။ ဍေံဓဇန်လောန်၊ ပျဲပိုယ်မည။ ညံၚ်လကိုဟ်,ကၠန်၊ ကုမ္ဘဏ်ယက္ခ။ ဗၟာသတ်အဟိုတ်၊ စိုတ်နာ်စိုတ်ကၠ။ ဂၠိုၚ်ကဵုပယျဲ၊ ပျဲပိုယ်မန်ရ။ ဂကူမန်အဴ၊ ဗွဲကြဴဂတ။ 

လၟုဟ်ပစ္စက်၊သွက်ရာမည။ မိၚ်လိၚ်ဝွံပၠန်၊ ပ္တန်လဝ်စိတ္တ။ ပၠံၚ်ဍုၚ်ဗက်အာဲ၊သၠာဲကဵုဇဳဝ။ ဒၞာဲချပ်ဒၞာဲဂွ၊ လ္ပဝိုတ်ဒညဟေၚ်။

            ဒးစှ်ေနူနန်၊ ကောန်ဗြဴယိုက်လေၚ်။ မိုၚ်သဝ်နာမ၊ ဗၟာရခေၚ်။ ဒဏ်ရာဇဝတ်၊ဇြဟတ်စိၚ်ဟေၚ်။ ကြောံကၠေၚ်ကျေဝ်ဂေါဝ်၊ ဗဵုလ္ၚောဝ်ဍိုက်ပေၚ်။ပ္ဍဲရးမည၊ သ္ပသၟိၚ်ဍေံပၠေၚ်။ ဍဵုဍိုက်ပိုယ်မန်၊ နန်ထဝ်ဒးလေၚ်။ ပွိုၚ်မွဲသၞာံကၠာ၊ အခါလဵုဟွံဝေၚ်။ ဍေံပၠေၚ်ပိုယ်ဟေၚ်၊ ဗွဲတၟေၚ်ပျဲပျာံ။
        ပ္ဍဲသက္ကရာဇ်၊ဂွံညာတ်ဍာံဍာံ။ အေက်ၜါသပ်ၜါ၊ ဟွံမှာဒှ်သၞာံ။ (၁၁၁၇) ကၠံလ္ၚီဠက်ကိဋ်၊အိုတ်မန်မွဲဂံါ။ဘဲသၟိၚ်ရာဇာဖေက်ဗၟာဗက်ဒံါ။ ဂွိၚ်ဂွိၚ်ယံၚ်ယံၚ်၊ ညံၚ်ကၞိဒးတာံ။ ပဲါဘဲယုတ်ဗၟာ၊ လုပ်ဒျူဒျာသ္ဍာံ။ သမ္တီလ္ပဝိုတ်၊ ဟိုတ်ဍေံပျဲပျာံ။ ဖေက်ဗၟာအိုတ်ရ၊ ကလုပ်ပါၚ်ကျာံ။ တုပ်ညံၚ်သာ်ဂှ်၊ သၟဟ်ကဵုပယျာံ။ဗွဲကြဴတုန်သ္အး၊ အတးၜက်သၞာံ။ လ္ၚီကၠံဟီုတွံ၊ ထပှ်စှော်ဒ္စံါ။(၁၁၇၈) သၟိၚ်ဒါဝန်သ္ဍာံ၊ နာမ်နာမအဴ။
    သီုဗိုလ်ပၞာန်ရ၊ ထဥဒှ်တဴ။ဇက်လုပ်ဒျူဒျာ၊ အဝဇ္ဇာထဴ။ယိုက်လဝ်ဇၞော်မာန်၊ ဝေၚ်ပၞာန်ဒှ်ဆဴ။ဍေံဗက်လုပ်ပၠန်၊ လီၜန်ဗက်နှဴ။ ပန်ဗာ်ဗက်ဗ္တိုက်၊ လိုက်ဍုၚ်သေံအဴ။ ပ္ဍဲသက္ကရာဇ်၊ မိၚ်ညာတ်ကော်ခဴ။လ္ၚီမွဲကၠံဂှ်၊ ထပှ်ဣသုန်နှဴ။ (၁၁၇၅) ရးမန်ပိအဴ၊ က္တဴက္တာန်ရိၚ်က္တၚ်။ 
    ဥတုပိကီု၊ ကသီုကညၚ်။သြောံသ္ၚုခၞေဝ်သွ၊ ဖျုန်ကၚုဟ်က္ဍၚ်။ က္ဍၚ်ဇဳဒှ်ကၞောဝ်၊ ကၠောဝ်ဗျဵုတဟၚ်။ ဝတ်ဓမ္မတာ၊သံသာဍာ်ဂၚ်။ ဖျာတိုက်ကွဳပ္ညုၚ်၊ ဖျာဂၠုၚ်ဖျာက္ၜၚ်။ၚုဟ်မးအနဳ၊အိုတ်ဇၟာပ်ဇဳက္ဍၚ်။ ဒှ်ဂ္ညိဂ္ညောန်အဵု၊ အလဵုဍေံကၠောန်နၚ်။ ပ္တိုန်ၚုဟ်မးက္ဍၚ်၊ ကၠောန်နၚ်ဒကေဝ်နှဳ။
     ကၠောန်သၠဒကေဝ်၊ အလေဝ်ဍေံဟွံတီ။လောဘလောန်ကာဲ၊ဆာဲဥာဏ်အလီ။ ပၠောပ်သၠဒကေဝ်၊ ကေဝ်တုဲဍေံသီ။ ဟီုလဝ်အရေဝ်၊ၚုဟ်အလေဝ်နှီ။လျိုၚ်ညဳသတိုတ်၊တုပ်စိုတ်ဂြိုၚ်အီ။ ကၠောန်သ္ပသာ်ဂှ်၊ ဟွံဒှ်ဗၞိက်အလီ။ ပ္ဍဲကဵုရးမန်၊ ကမၠောန်ကၠံလ္ၚီ။ ကေတ်ကေတ်ကဵုနှီ၊ ဂွံတီတၟော်ရော်။
              ပ္ဍဲသက္ကရာဇ်၊ သမ္ၚာတ်စိုတ်ဇၞော်။ ထအုကမြဴ၊ စိုတ်ဂၠိုက်က္တဴသၞော်။ဗၟာမၞိဟ်အရိုၚ်၊ ဒှ်သၟိၚ်ပိုၚ်ဗော်။ စိုတ်ဍေံမ္ၚိုဟ်ကြံၚ်၊ ညံၚ်ဘုတ်ကလော်။ ဗၟာဗၟုဲနာံဗ္ဂဲ၊ ပျဲမန်ဂၠာဲကော်။ ဂွံတုဲဒဳဏာ၊ အကြာဂရော်။ နာမ်ကၞိဂှ်မန်၊ ဆီနန်တော်တော်။ကၠဗ္ဂဲရပ်ကိတ်၊သ္ၚာဲၚိတ်ကြော်ကြော်။ မန်ကဵုဗၟာရ၊ သၞကဝ်ညးကော်။ ယဝ်ရဒးတၟော်၊ တော်ညိတီတဴ။
        ကၞိကဵုဗ္ဂဲ၊ ဒှ်ဝဲထုဲနှဴ။ စိုပ်ကၠုၚ်ပၠန်သွံ၊ ဟွံလအ်ဗွဲကြဴ။လ္ၚီမွဲကၠံဂှ်၊ ထပှ်စှော်တြဴ။ (၁၁၇၆) ဒပ်မန်ဗၠးၜး၊ပၠန်ဂတးအဴ။ဒှ်ကလိုက်ကၟဵု၊ ကွဵုဍုၚ်တှ်ေကြဴ။ မံၚ်စံၚ်ဟွံမာန်၊ ဟိုတ်ဍုၚ်ကွာန်က္တဴ။ ထအုကမြဴ၊ စိုတ်ဂၠိုက်က္တဴသၞော်။
        နူတြိကုမ္ဘုၚ်၊ လ္ဂုၚ်ဍုၚ်ဇၞော်။ ထောံကၠေံကျာ်လေဝ်၊စေတဳဓါတ်သော်။ ပ္ၚောံလုပ်ဍုၚ်သေံ၊ တိတြေံဒှ်ဆော်။ ဒဴလုပ်ဗြိုဟ်ဗြိုဟ်၊ ပုဗ္ဗဒိုဟ်ဗၟော်။ ဍာ်ရမတ်တော်တော်၊ စိုတ်သၞော်ကတဴ။
       ဒှ်ဍိက်ညးကီု၊ လေၚ်သီုဂကူ။ ပိုယ်မန်ကွေံကြာန်၊ညံၚ်ပၞာန်အသူ။ ဒးဒုၚ်ဍဵုဍိုက်၊ ဗၠိုက်စှ်ေဖြဴဖြဴ။ဗၟာယုတ်တအ်ပၠန်၊ ပ္တန်ၚုဟ်မးအဴ။ မၞိက်ရတ်ဂကူ၊ ဝိပူရသာဲ။
     ဇာတိကုလ၊မညၜိုပ်ကၠာ။ မ္ဒးထောံလဝ်၊ နန်ထဝ်ဟံသာ။ ဍုၚ်ဗဂေါလီု၊ စွံဗီုဥပၟာ။ လ္ၚုလ္ၚန်ဒၟံၚ်၊ ညံၚ်ဂြိုပ်အၚ်လှာ။ဗၟာဗၟုဲစံၚ်ပၠေၚ်၊ ဒှ်ပ္တေၚ်သေၚ်ဟာ။ ဘာတူကျာ်ပိုတ်၊ မန်ချိုတ်ဟွံသာ။သှ်ေပ္တေၚ်သှ်ေချး၊သၟးသုသာန်ကၠာ။ ထောံဍုၚ်ထောံနန်၊ မန်တအ်ဒဴအာ။ ချပ်စိုပ်သိၚ်သာ၊ အခါယောၚ်ယာ။
    မန်ပိုယ်ဒးချိုတ်၊ ဟိုတ်နူဗၟုဲဗၟာ။ မဒးထောံလဝ်၊ နန်ထဝ်ဗၠဲဂွါ။ လီုဒၟံၚ်အပၠိတ်၊ ပေၚ်ဒ္စိတ်ဝါ။ သန္တာန်မန်တြေံ၊ ဍုၚ်သေံဒျူဒျာ။အာသ္ပနိဿာဲ၊ သ္ပရဲပြောဲဇွာ။ မန်ဒးယာံဓဇူ၊ဟိုတ်နူဗၟုဲဗၟာ။ ဘဲအဝိဇ္ဇာ၊ဂလာဗက်အာဲ။
       ဟိုတ်ဂွံတိုပ်လဝ်၊ ထးထဝ်ဂဵုဍာဲ။ ဣတ္ထဳရာဇာ၊ သ္ဂောံမြာဒှ်နာဲ။ ဍုၚ်မန်ဍုၚ်ဗၟာ၊ ဗၠဲဂွါရာၚ်ဆာဲ။ ဂလာသ္ပသၟိၚ်၊ သိုက်လှိၚ်ပိုန်အာဲ။ ပိုၚ်ရးနိဂီု၊ ဇူဒီုဒှ်နာဲ။ ဟံသာသဓီု၊ မတ်မလီုဆာဲ။ဍုၚ်မတ်တၟ၊ ဒေသဇၟာပ်ဒၞာဲ။ ဒယှ်လောန်ကာဲ၊ နာဲညးပိုၚ်တဴ။
      သ္ပတံနူဂှ်၊ ဍုၚ်မြဟ်ကွေံအဴ။ လအ်လလောန်သန်၊ဒတန်ဗွဲကြဴ။ဂလာမုက်ဗု၊ ညံၚ်ကၞုဲဗျုထဴ။ လ္ၚီမွဲကၠံသ္ဍာံ၊ကဵုဒ္စံါစှော်တြဴ။ (၁၁၈၆) သက္ကရာဇ်ဍုၚ်၊ ကၠုၚ်ခုတ်လဝ်အဴ။ဒဒှ်အိုတ်သီု၊ ဟီုတုဲအီစဴ။ စိုပ်ဍုၚ်တေံအဴ၊ မံၚ်တဴဒၞာဲဂှ်။
     ပ္ဍဲသက္ကရာဇ်၊ ဟီုကၞာတ်ဒဒှ်။ လ္ၚီမွဲကၠံသ္ဍာံ၊ဒ္စံါအဋ္ဌသၟဟ်။(၁၁၈၈) ပ္တန်မတ်မလီုရ၊ ဒေသဒဒှ်။လ္ၚီၜါကၠံပၠန်၊ ပန်စှော်ထပှ်။(၁၂၄၇) သၟိၚ်အၚ်ဝပ္ညဳ၊ ဒဳဗဝ်ဒယှ်။ ဍေံရပ်ဏာသ္ဍာံ၊ ပ္ဍဲကဵုသၞာံဂှ်။လ္ၚီပိကၠံပိ၊ ယုတ္တိဒဒှ်။ (၁၃၀၃) ကြုက်ဂျပါန်ဂှ်၊ ဒှ်သၟိၚ်ပိသၞာံ။
         ဍုၚ်ပိုယ်မန်ဝွံ၊ လ္ၚုလုံဒိုဟ်ဒ္စံါ၊ ညးတၞဟ်ပိုၚ်အဵု၊ ဒဵုကဵုလၟုဟ်ဍာံ။ သၟိၚ်ဗၟာဒှ်ဇၞော်၊ ပိုၚ်ဗော်သံက်စၞာံ။ မန်ပိုယ်ဒးကျ၊ကလုပ်ပါၚ်ကျာံ။ ဘဝဍိက်ပၠက်၊ ညးတက်ပျဲပျာံ။ သမ္တီလဝ်ရ၊ သ္ပလဝ်ပတ္တာံ။ ဗၟာမၞိဟ်အရိုၚ်၊ ပိုၚ်မန်ဍာံဍာံ။ ဘဝဍိက်ဂၠုဲ၊ထုဲလအ်ပယျာံ။ ဂကူပိုယ်မန်၊ လအ်လောန်ကဵုသၞာံ။ လ္ၚုလ္ၚန်သုန်ဂြာံ၊ ဟွံတီအိုတ်ဟာ။
       ယွံကလောမန်၊ တၠနန်ဟံသာ။ ဍုၚ်ွာန်ပိုယ်ဂှ်၊ ညးတၞဟ်ဂွံဏာ။ဗၟာတအ်ပိုယ်မန်၊ လအ်လောန်အခါ။ ပိုယ်ဒးဒုၚ်ပျဲ၊ဘဲညးတၞဟ်ကၠာ။ဂၠိုၚ်ဂိတုသၞာံ၊ ပယျာံအခါ။ လၟုဟ်ဂွံတီရ၊စိုတ်လ္ပသ္ပအ်သာ။ညံၚ်ဂွံတိတ်ဗၠး၊ နူဍိက်ညးကၠာ။ညံၚ်ဂွံဒှ်နာဲ၊ဂၠာဲဂစာန်အာ။ ညးကီုအဲကီု၊ပြီုလွဳပရာ။ဆီတၠဆီနာဲ၊ဝုတ်ဗၠာဲကညာ။ သမ္တီလ္ပမှာ၊ ချ်ဗ္စာညိ။ ဝၚ်နူအာဒိ၊ကေတ်ကၠာညိအဴ။
        
            ဝၚ်မန်အတိက် တုဲဆဝွံရအဴ။
           ✯           ✯           ✯          ✯
      ယၟုအ္စာကၞေဟ်➲မာံတောအ်✍✍✍

တၠအဝဵုပၞာန်ဗၟာ သရိုဟ်စှေ်မှ ဍုၚ်မန်မံက်ဂတဝ်ဟာ ဒဵုဗျု ဂိတုနောဝေမ်ဗာ ၆၊ တ္ၚဲသ္ၚိသဝ်၊ ၂၀၂၁

တၠအဝဵုပၞာန်ဗၟာ သရိုဟ်စှေ်မှ ဍုၚ်မန်မံက်ဂတဝ်ဟာ

ဒဵုဗျု ဂိတုနောဝေမ်ဗာ ၆၊ တ္ၚဲသ္ၚိသဝ်၊ ၂၀၂၁

တၠအဝဵုပၞာန်ဗၟာ သရိုဟ်စှေ်မှ ဍုၚ်မန်မံက်ဂတဝ်ဟာ? ဂလာန်ဝွံ အဲသၟာန်ရံၚ်ဇကုအဲသာ်ဝွံတုဲ အဲကလေၚ်ဂၠာဲရံၚ်သွဟ် သွက်ပုစ္ဆာ အဲကဵုအဲဂှ်တုန်၊ “ဟွံသေၚ်” အဲဓရိုက်က္ဍိုပ်ရ။ ဒှ်သာ်ဂှ်မဂး သာ်လဵုဂွံဖန်ရော ကလေၚ်စမ်ၜတ်ရံၚ်ဗဟုသုတညာန် ပညာ ပရေၚ်ဆဵုဂဗဇကုပၠန်ရ။ အခန်ဝွံ ဗော်ပၠန်ဂတးရခေၚ်တအ်၊ ယူဒဗယူအိတ်သ်အေတအ်ဂှ် လညာတ်ညးတအ်ဂှ် ညး တအ်ဗတိုက်သအးတၠအဝဵုပၞာန်ဗၟာဟွံသေၚ်ရ။ ဆဂး ရခေၚ်တအ် ဒှ်ကၠုၚ်မံၚ်ပေဲါဗတိုက်ကဵုဗၟာတအ် ဇၞော်အိုတ်မွဲတုဲ သီုဒး ဒုၚ်ကေၚ်ထ္ၜုတ်ကၠုၚ်ယၟု နဒဒှ်ဂကောံပလီုပလာ် ကော် ထေဝ်ရဝ်ရေတ်ဏီရ။ အခိၚ်ညးတအ် ဒးဒုၚ်ထ္ၜုတ်ကော်သာ်ဂှ် တၠအ ဝဵုဒပ်ပၞာန်ဗၟာတအ်ဟေၚ် ဖျေံလဝ်သဂုတ်သွာတ်ဟွံသေၚ်၊ ဗွဲတၟေၚ် အံၚ်ဆာန်စုကျဳတအ်၊ ရဲဗော်အေန်အေဝ်ဒဳတအ်ကီု ၊ က္ဍိုပ် သကိုပ်ဗော်ဗၟာတၞဟ်ဟ်တအ်ကီု သီုဒပ်ပၞာန်ဗၟာတအ်ကီုရ။ ကောန်ဍုၚ်အရၚ် နွံပ္ဍဲကၠတ်ထဝ်တအ်လေဝ် မူပကဵုဟွံမာန်၊ တာဒၞာကဵုဟွံမာန်ရ။ အခိၚ်ဂှ် ကၠတ်ထဝ်တအ် ဖျေံလဝ်သဂုတ်သွာတ်ရောၚ် ဟီုမဂး ကၠးဂၠိုၚ်ရ။ ဒှ်သာ်ဂှ်မဂး ပိုဲသ္ပအဓိ ကဗ တိုက်မံၚ်တၠအဝဵုဒပ်ပၞာန်ဗၟာဂှ် သာ်လဵုဂုန်ဖဵုမဇၞော်ရော။ ရခေၚ်ကဵုဝတအ်ဂှ် ညးတအ်ဟွံစွံလဝ်စိုတ် ဗၟာတအ်ဂှ် နဒဒှ်သၞ ဒတန် ကဝ်ညးတအ်ရ။ ဂုန်ဖဵုဂကူညးတအ်နွံမဂး ပံၚ်အာတုဲ ဂုန်ဖဵု ဟွံမွဲမဂး ဟွံပံၚ်ရ။ ယဝ်ကဵုကၠုၚ်အန္တရာဲညးတအ်မဂး ညးတအ်စဵုဒၞာ ဒဵုအိုတ်လမျီုရ။ တ္ၚဲရ ဒပ်ပၞာန်ဗၟာတအ်ဂှ် ဟွံကဵုအန္တရာဲကုညးတအ်မဂး တ္ၚဲဂှ် ညးတအ်ဟွံစၟတ်သမ္တီ နဒဒှ်သၞညးတအ်မွဲရ။ အေ အေတအ် ဟီုပတိတ်လဝ်ဂှ် အဟိန်ဗတိုက်ဂှ် ဒက်ပတန် မဒှ်ရ။ အခိၚ်လၟုဟ်ဝွံ ဟိုတ်နူပေဲါဗတိုက်ကဵုဗၟာတအ်ဟွံမွဲဂှ်တုဲ ညးတအ် သ္ပအဓိကကဵုဒက်ပတန်အဝဵု ပမာညံၚ်ရဴ မလလောၚ်တရးတဴ အဝဵုညးတအ် ပ္ဍဲတိဍာ်ဍုၚ်ရခေၚ်ညးတအ်ဂှ်ရ။ လၟုဟ် ဝွံ အဝဵုဂကောံရခေၚ် မဒုၚ်သဇိုၚ်ကဵုအေအေတအ်ဂှ် တဴအာနူကဵုကောန်ဍုၚ်အရၚ် ညံၚ်ရဴကရေၚ်၊ ကချေၚ်တအ်ဏီရောၚ်။ ပ္ဍဲကာလဝွံ ဂွံဆဵုကေတ်မၞိဟ်မွဲဂှ် ပတိုန်လဝ်ပ္ဍဲပတ်ညးတေံ စပ်ကဵုအဝဵုပိသာ်မတွံဂး “ကုတ်သၞောဝ်ဒန်သၞောဝ်၊ ခၞံသၞောဝ်၊ စဳရေၚ်ဂဗုတ်၊ အုပ်ဓုပ်” ပိပြကာဏံဂှ် ဒှ်အဓိကရောၚ်ဂး။ အဝဵုပိဏံ ဂွံစိုပ်ပ္ဍဲသကေံတဲပိုဲဂှ် သာ်လဵုပိုဲဒးကၠောန်သ္ပရော။ ဒးကဵုဥ ပမာမွဲမဂး ပ္ဍဲဇကု သြန်နွံကဵုပြကောတိကိုတ်မဂး ဗွဲအလဵုဇကု ဟီုဂး အဲဂှ် ဒှ်မဳလဳယာန်နာမွဲရောၚ်ဂွံရ။ ယဝ်ရနွံ ကဵုအ သၚ် ဃဲယံၚ်မဂး ဗွဲအလဵုဇကု ထ္ၜုတ်ဟီု အဲဂှ် ဗဳလဳယာန်နာမွဲရောၚ်မာန်ရ။ ဟွံပတှေ်မဂး ထ္ၜးကဵုဗီုညာတ်မာန်ရောၚ်။ ညး တၞဟ် တအ် သ္ပသမ္တီကဵုဒှ် ဟွံသ္ပကဵုဒှ် ဟွံဒှ်အဓိက၊ အဓိကဇေတ်တ်ဂှ် သြန်ဇကုနွံဍာံဍာံမဒှ်ရ။ တုပ်သာ်ဂှ်ကီုရ ပ္ဍဲဇကု အဝဵုပိပြကာဏံ ညံၚ်ဂွံနွံဂၠိုၚ်ၚ်ဂှ် ဒးဂစာန်၊ ဇြဟတ်ပိဏံဂွံနွံဂၠိုၚ်ဂှ် ဇကုဒးဖျေံဗီုပြၚ်ရ။ အစောန်စရာဲဖျေံဗီုပြၚ်ဗၟံက်ရုပ်ရဴဇကုခိုဟ်မဂး ဒးဟီုစ အ လဵုအသဳဇကုခိုၚ်ကီု ခိုဟ်ကီုရ။ အဝဵုပိပြကာဏံ ရောဟ်ရေၚ်မံၚ်၊ ဟွံခိုဟ်ဆာဲဏီမဂး ဒးသၟိတ်ဂး အလဵုအသဳဇကု ရောဟ်ရေၚ် ဟွံခိုဟ်ဆာဲဏီရ။ ယဝ်ရဒးဟီုကဵုဥပမာမွဲမဂး ပ္ဍဲတိဍာ်ဗော်ဍုၚ်မန်တၟိတဴဂှ် ပရေၚ်အုပ်လဒမ်သၞောဝ်နွံဂၠိုၚ်မံၚ်ဟာ၊ ယဝ်ရနွံဂၠိုၚ်မဂး အဝဵုပိပြကာဂှ် ခိုဟ်ဟီုမာန်ရ။ ယဝ်ရအောန်မဂး အဝဵုဟွံဗျာပ်တရးဏီရောၚ်ဒးဟီုရ။ ရဲတန်တဴပ္ဍဲဗွိုၚ်တိဍာ်ဗော်ဍုၚ်မန်တၟိတအ် ဂွံကၠောန်ဂယိုၚ် အာလမျီု ၜိုဟ်ဟ်သြိုဟ်ဟ်၊ ဒှ်ကၠုၚ်အမှုဂဗုတ်မဂး ညးတာလျိုၚ်တအ် စဳရေၚ်ကဵုဓဝ်ဝ်တြာတြာ၊ ဍုၚ်ကွာန်ညးတအ် မံၚ်တန် တဴဂှ်လေဝ် ကမၠတ်ဒမၠအောန်၊ ဂွံတိက်မံၚ်ၜိုဟ်ဟ်သြိုဟ်ဟ်၊ ဒှ်ကၠုၚ်ယဲဘဲလေဝ် ညးတအ်ရံၚ်စံၚ်ကဵုပေၚ်ၚ်ရောၚ်မဂး အဝဵုပိ တန်ဂှ် ခိုၚ်မံၚ်ခိုဟ်မံၚ် ဗွဲယျေဘူယျ ဟီုမာန်ရ။ ဍေံဂွံဒှ်ကၠုၚ်သာ်ဝွံမာန်ဂှ် ပိုဲဒးဗတိုက်သရိုဟ်ဖျေံတၠအဝဵုပၞာန်ဗၟာကၠာရောၚ် ဟီု ဟွံဂွံရ။ မွဲသာ်ပၠန်ဂှ် အလဵုအသဳဟီုဂှ် ဒှ်ညးကေတ်အကံက်အခေါန်မွဲရ။ အကံက်ဂှ်ရ ဒးကလေၚ်ကၠောန်ပလေဝ်ဍုၚ်ကွာန်ရောၚ်။ ဌာ နအကံက်အခေါန်ညးတအ် ညံၚ်ဂွံခိုၚ်ဂၠိုၚ်ၚ်ဂှ် ဒးဂိုတ်ဂစာန်တုဲ သတ်ပၟဝ်ဇဝ်ပကဴဍေံဂှ် ညးတအ်ဒးကလေၚ်ပလေဝ်ဍုၚ်ကွာန် ညံၚ်ရဴလွဳလွတ်ဂဥုဲ၊ ပလေဝ်ဂၠံၚ်ဍာန်၊ လဟဵုပတိုန်ပရေၚ်ပညာ မပ္တံသာ်ဝွံရ။ ဌာနအကံက်အခေါန်ဟွံခိုၚ်မဂး ဍုၚ်လဵုမွဲ ကလိဂွံ အလဵုအသဳခိုဟ်ဟ်ဟွံမာန်ရ။ ဂွံဇနော်ပတိုန်အလဵုအသဳဂှ် ဒးဒုၚ်သဇိုၚ်ကဵုအကံက်ရောၚ်။ ဗွိုၚ်ကေတ်အကံက်မာန်တအ်ဂှ် ဒးဇနော်သၠဲပတိတ်ဍေံ ဒးပခိုၚ်ပတိုန်ဍေံ ဒးသၠုၚ်ပတိုန်အသိၚ်ဍေံ ဒးပခိုဟ်ပတိုန်နဲကဲဍေံရောၚ်။ မွဲလပါ်ဂှ် ဇကုကေတ်အကံက်၊ မွဲလပါ်ဂှ် ဇကုကေတ်လျိုၚ် ကုညးမကဵုအကံက်တအ်ဂှ်မဂး ဍေံဒှ်ကၠုၚ်ဗီုပြၚ်အလဵုအသဳရောၚ်။ ဟွံကေတ်အကံက်လေဝ် ဇနော်ပတိုန်အလဵုအသဳဟွံမာန်၊ ကေတ်အကံက်တုဲ ဟွံဒုၚ်လျိုၚ်ကဵုမၞိဟ်ကဵုအကံက်တအ်ဂှ်လေဝ် ဒတုံမံၚ်ညံၚ်မၞိဟ်ဂၠေံသြန်တုဲ ဟွံကလေၚ်လေဲကဵုရ။ မၞိဟ်ကဵုအကံက်တအ်ဂှ် ညးဍုၚ်ကွာန်သီုဖအိုတ်မဒှ်ဂှ်တုဲ၊ မၞိဟ်သီုဖအိုတ် မတၞီလုပ်လၟိဟ်သီုမၞိဟ်ကၠောန်ကမၠောန်ပ္ဍဲအလဵုအသဳမဒှ်ဂှ်တုဲ အကြာကဵုကဵုကေတ်ၜါဏံ ညံၚ်ဂွံပြေပြံၚ်ဂှ် ဒှ်ဖျေံဗီုပြၚ်ရ။ ယဝ်ဒး ထ္ၜးဥပမာမွဲကြပ်ပ် ပ္ဍဲဗွိုၚ်ဗော်ဍုၚ်မန်တၟိမဂး တၠကၠအ်သွဝ်တအ် တၠဆေၚ်ဖျာတအ်၊ ကမ္ပဏဳတအ်ဂှ် ဒးကဵုအကံက်ဂှ်တုဲ ဗီု လဵု ညးတအ်ဂွံကဵုအကံက်နကဵုနဲကဲဒးဒးရးရးကီု၊ ဂတာပ်ခေတ်ကီုဂှ် လပါ်ညးတာလျိုၚ်ဗော်ဍုၚ်မန်တၟိတအ် ဒးဖန်ဇန်ရ။ ၜိုတ်အဲ ဍဟောဝ်စိုပ်မဂး ညးတအ်အာဗက်ကေတ်ပ္ဍဲကၠအ်တအ်ဂှ် ပ္ဍဲဆေၚ်တၠဖျာတအ်သၟးဂၠိုၚ်တုဲ နကဵုလိက်ကဵုဗစိုပ်တၠဆေၚ်ဖျာ၊ တၠကၠအ်တအ်တုဲ ကဵုညးတအ်ဗစိုပ်နၚ်ဇရေၚ်ရုၚ်ဇကုဂှ် အောန်လောန်လေဝ်ဒှ်မာန်၊ ဟွံမွဲဏီလေဝ်ဒှ်မာန်ရ။ တၠကၠအ်တအ်ဂှ်၊ တၠဆေၚ်ဖျာတအ်ဂှ် စိုပ်အခိၚ်မဂး၊ ကလိဂွံလိက်အကံက်တုဲမဂး ညးတအ် ဒးအာကဵုပ္ဍဲရုၚ်တအ်ဂှ်ရ။ အခန်ဏံမွဲ ယဝ်ရ ဖျေံဗီုခိုဟ်ဟ်မဂး သြန်အကံက်တအ်ဂှ် ဂွံမံၚ်တၟာဂလိုၚ်ရ။ အခန်ဗော်ဍုၚ်မန်တၟိ ဒးကေတ်တာလျိုၚ်စပ်ကဵုဂီုကၠီု အုပ်လဒမ် သၞောဝ်ဂှ် ဒုၚ်သဇိုၚ်ကဵုညးဍုၚ်ကွာန်တအ် အာတ်မိက်တအ်ဂှ်တုဲ ဖ္ဍိုက်ဗပေၚ်ကဵုမာန်ကီုရ။ ဂလာန်အဲမပတိုန်ထ္ၜးသာ်ဝွံဂှ် ဗၞတ်ညိညဓဝ်ဟေၚ်ရ။ နကဵုဥပမာဍောတ်တ်မွဲရ။ ဍေံဒးဒှ်ထေက်ဂှ် ပညာစပ်ကဵုကေတ် အ ကံက်အခေါန်၊ လညာတ်မကေတ်လျိုၚ်ကဵုညးဍုၚ်ကွာန်တအ်ဂှ် သၠဲလးဗျာပ်တရးလောန်ဂှ်တုဲ တန်တဴကဵုအဝယ်ဗွိုက်အလဵုအ သဳဂှ်တုဲ ဒးဖန်အာရောၚ်။ ဂွံလ္ၚတ်ကေတ် ဗော်ဍုၚ်မန်တၟိ ဗက်ဒုၚ်မံၚ်ဒါန် ပ္ဍဲဍုၚ်သေံကီု ဍုၚ်တၞဟ်ဟ်တအ်ကီုဂှ် ပရေံဟွံသေၚ်၊ ဆဂး ကမၠောန်အုပ်ဓုပ်အလဵုအသဳဟီုဂှ် ဒးသ္ပအဓိကကဵုမၞိဟ်မတန်တဴမံၚ်ပ္ဍဲတိဍာ်ဇကုဂှ်တုဲ၊ သယံဇာတမတိတ်နူတိဍာ်ဇ ကုတအ်ဂှ်လေဝ် ညံၚ်ဂွံဒှ်သြန်ဖအုံဇကုဂှ် ဒးပတိတ်ဇြဟတ်ကီုရ။ အဝဵုအုပ်ဓုပ်ဇကုခိုၚ်မဂး အလဵုအသဳဇက၊ု ဂကောံအလဵုအ သဳဇကုခိုၚ်ကၠုၚ်ရ။ ဗော်ဍုၚ်မန်တၟိဂှ် အလဵုအသဳဟွံသေၚ် ၜိုန်ရခၠေဝ်မာန်ကီုလေဝ် ဆဂး ဍေံဒးဒှ်အလဵုအသဳဟေၚ်ရ။ ယဝ်ရ အလဵုအသဳဟွံသေၚ်မဂး ပိုဲဟီုဂကောံကမၠတ်ဒမၠမတာ၊ ဂကောံတံၚ်ဂြဲရပ်မၞိဟ်တုဲ အာတ်သြန်ဂးဟာ။ ဗီုပြၚ်ညးတအ် မဒက် ပတန်လဝ်ဂှ်ဂမၠိုၚ်ကီု၊ ဗီုညးတအ်အုပ်ဓုပ်ကၠောန်မံၚ်ကမၠောန်ဂမၠိုၚ်ကီု၊ ရန်တၟံညးတအ်ကီုဂှ် ဍေံဒှ်မံၚ်ဗီုပြၚ်အလဵုအသဳရောၚ်။ ဌာနအုပ်ဓုပ်ညးတအ်၊ ပညာ၊ ထတ်ယုက်ညးတအ်၊ ကမၠောန်သ္ပစၞးဂကူမန်တုဲ မကၠောန်မံၚ်တအ်၊ ဒုၚ်ဂိုၚ်ကေတ်ညးတအ် သီုဖအိုတ်တအ်ဂှ် ဍေံသ္ပမံၚ်အဓိကကဵုဂုန်ဖဵုဂကူပိုဲရောၚ်။ ဥပမာမွဲဂှ် ကောန်ဗော်မွဲမွဲဂှ် ယဝ်ရဟွံပေၚ်စိုတ်တုဲ အာထံက် ၜံၚ်ကဵုသၞမဂး အာပအပ်ဇကုရဂွံမာန်၊ ကေတ်ဏာလွဟ်ဟွံဂွံရောၚ်၊ လွဟ်ဂှ် လွဟ်ညးဍုၚ်ကွာန်ရောၚ် သာ်ဝွံ ညးတအ်ဒုၚ် ဂိုၚ်ကေတ်လဝ်အိုတ်ရ။ ပ္ဍဲအခိၚ်ကာလကပ်ယဲဝွံဂှ်လေဝ် ဌာနထတ်ယုက်ညးတအ် ပံၚ်ဗစပ်ကဵုဂကောံအလဵုအသဳဍုၚ် သ အာၚ်တအ်ကီု၊ ယူအေန်ကီုတုဲ ချဳဒရာၚ်မံၚ်ဂှ် ဂွံညာတ်ကေတ်အိုတ်ရ။ တုပ်သာ်ဂှ်ကီု ဌာနပညာညးတအ်လေဝ် ပံၚ်ဗစပ် ကဵုယူအေန်ကီု၊ အလဵုအသဳဍုၚ်သအာၚ်တအ်ကီုတုဲ ချဳဒရာၚ်မံၚ်အိုတ်ရ။ ကမၠောန်တအ်ဝွံ ဒှ်ကမၠောန်ဗီုပြၚ်အလဵုအသဳမွဲဟီု မာန်ရောၚ်။ ပ္ဍဲအရာပိုဲပတန်အဝဵုဂကူပိုဲဂှ် သၞကဵုမိတ်ၜါသာ်ဏံ ပိုဲဒးပါ်ဒးရ။ သၞလၟိုန်လေဝ်ဟွံမွဲ မိတ်လၟိုန်လေဝ်ဟွံမွဲ၊ အဓိကဂှ် ဂုန်ဖဵုဂကူ ဟေၚ်ရ။ ဂကူဗၟာဂှ် သၞပိုဲလၟိုန်ဟွံသေၚ် မိတ်ပိုဲလၟိုန်လေဝ်ဟွံသေၚ်ရ။ အခိၚ်ဂုန်ဖဵုဂကူနွံဂှ် ဒှ်မိတ်တုဲ အခိၚ်ဟွံမွဲဂှ် ဒှ်သၞလေဝ် ဒှ်မာန်ရ။ သၞဗွဲပရေၚ်ဍုၚ်ကွာန်လေဝ်နွံ၊ သၞဗွဲပရေၚ်ပၞာန်လေဝ်နွံပၠန်ရ။ အခိၚ်လၟုဟ်ဏံ ပိုဲပတန်အဝဵုဂကူပိုဲမဂး ပိုဲဒးသ္ပတိုၚ် ကဵုဗော်ဍုၚ်မန်တၟိဟေၚ်ရ။ ဆဂး လညာတ်တအ်ဂှ် တၞဟ်ဟ်သာ်နွံမာန်ရောၚ်။ ယဝ်ရဒးလုပ်ပေဲါဗတိုက်ပ္ဍဲပါလဳမာန် ပမာညံၚ်ရဴ မတုဲကၠုၚ်တေံမဂး ဗော်ပရေၚ်ဍုၚ်ကွာန်ပ္ဍဲဂှ် ဒှ်အဓိကရောၚ်ဟီုမာန်ရ။ ဂကူဗၟာဂှ် ဒှ်သၞအဓိကပိုဲလၟိုန်ဟွံသေၚ်၊ စိုပ်မွဲတ္ၚဲ ဂကူ တၞဟ်ဟ်တအ် ညံၚ်ရဴကရေၚ်တအ်ဂှ် ဒှ်သၞမုက်ဂၞန်မွဲမာန်တဴကီုရောၚ်။ ဆဂး တန်တဴကဵုအကာဲအရာတုဲ ဒးဟီုဂးအာရောၚ်။ ပိုဲရံၚ်အာဍုၚ်ကြုက်ကဵုအမေရိကာန်မဂး ကိုပ်ကၠာတေံ ၜိုန်ရဍုၚ်ကြုက်ကဵုအမေရိကာန် ဟွံဒှ်သၞကီုလေဝ် လၟုဟ်ဝွံ ဟိုတ်နူ ပရေၚ်ပိုန်ဒြပ်တုဲ ဒှ်အာသၞမုက်ဂၞန်မွဲညးသကအ်အိုတ်ရ။ ပ္ဍဲအရာပိုဲပတဝ်က္ဍိုပ်ကဵုဂကူပိုဲ ဒက်ပတန်အဝဵုပိတန် ဍေံမဒှ်လက်သန်အလဵုအသဳဂကူမွဲမွဲဂှ် လွဟ်လေဝ်ဒးနွံပ္ဍဲတဲ၊ ပေဲါဗတိုက် ပရေၚ်ဍုၚ်ကွာန် ပ္ဍဲပါလဳမာန်လေဝ် ဒးကော်ဆဴအာရောၚ်။ ပ္ဍဲကဵုလညာတ်တၠဂုန်အစာရာဝိက မဟီုသောၚ်ကလးလဝ် မဟွံ လအ်ကၠုၚ်ဏံဂှ် ဗီုပြၚ်ဒပ်ပၞာန် ကေုာံ အုပ်ဓုပ်ကရေၚ်တအ်ဂှ် ဍေံဒှ်မံၚ်အန္တရာဲကဵုဂကူပိုဲအနာဂတ်ဇၞော်ဇၞော်ရောၚ်။ ပဝ်လ ဇြဳဂကူ ကရေၚ်ညးတအ်လေဝ် ကၠေဟ်မံၚ်ကဵုပိုဲတအ်ရ။ တိဍာ်အုပ်ဓုပ်ပိုဲကဵုညးတအ်လေဝ် ထပ်မံၚ်ညးသကအ်ရ။ ဟိုတ်ဂှ်တုဲ ညး တအ်ကဵုပိုဲဂှ် သွက်ဂွံဒှ်သၞဇၞော်ဇၞော်နွံတဴဏီရ။ တိဍာ်ဍုၚ်မန်ပိုဲဂှ် ညးတအ်သ္ပလဝ်တိဍာ်ညးတအ် ကြပ်အိုတ်မံၚ်ဂှ်တုဲ အနာ ဂတ်ဏံ ပဲါဟွံဗၠး ဍေံဒးဒှ်သၞညးသကအ်မာန်ရောၚ်။ ဇြဟတ်ပၠန်ဂတး ကေုာံ ပရေၚ်ဍုၚ်ကွာန်ညးတအ်ကီု ဇြဟတ်တၞဟ်ဟ် တအ်ကီုလေဝ် ဍေံတဴမံၚ်ဗွဲမဂၠိုၚ်ဏီရ။ စပ်ကဵုကိစ္စဏံဂှ် အလဵုဇကုအစာဟံသာ ဗော်ဍုၚ်မန်တၟိလေဝ် ဟီုပတိတ်မံၚ်ဓဝိၚ် ညးတအ် ဟွံလအ်ဟွံလအ်ကီုရ။ ဟိုတ်ဂှ်ရ လညာတ်မဂး တၠအဝဵုပၞာန်ဗၟာသရိုဟ်စှေ်မဂး ဍုၚ်မန်မံက်ဂတဝ်ဂှ် ဒးကလေၚ်ကူချပ်သ္ၚဳဂၠိပ်ရောၚ်။ အဝဵုပိုဲ အလဵု အသဳပိုဲ တိဍာ်အုပ်ဓုပ်ပိုဲ တ္ၚဲရစိုပ်ကၠုၚ်ပ္ဍဲသကေမ်တဲပိုဲတုဲ ပိုဲပစူအလာံပိုဲ ပ္ဍဲကရောံဍုၚ်ဗော်သွးဂၠးတိမာန်မဂး တ္ၚဲဂှ်မဂး ပိုဲဟီုစ ဍုၚ်မန်မံက်ဂတဝ်ရောၚ်။ ဒှ်တ္ၚဲနွံကဵုစရာဲကျာ်သြဳပိုဲ ပ္ဍဲလိုက်ဝွံရောၚ်။ အကြာဏံ အန္တရာဲခက်ခုဲဆိုအ်ဗတအ်ဂှ် နကဵုကောန်ဂ ကူပိုဲသီုဖအိုတ် ဒးတဝ်စၞေဟ်ပြိုၚ်ပကာန်အာရောၚ်။ Wunchay Rukchaytdee (ဓရီု) ၂၁:၂၃၊ ၇ နဝ်ဝေမ်ဗါ ၂၀၂၁ (+0630)

ဝၚ်အံၚ်ဇေယျအိုတ် ပ္ဍဲကွာန်ဗမာချိုတ်

ဝၚ်အံၚ်ဇေယျအိုတ် ပ္ဍဲကွာန်ဗမာချိုတ်

အဃောဍုၚ်မန်ဆီပါ်ဍာ်ဇွောဝ် ပၟတ်ကဵုယက်ဂၠု ထအုတမ္ညဝ်ယာံတသဝ် ရိုဟ်ရေၚ်ကေုာံညးမွဲကဵုမွဲ (မန်သှေ်အကြာ ဂြိပ်ဂၞိၚ်)ဂှ် ဂၠာဲဒၟံၚ်ညးပၠန်ဂတးကဵု ဗမာအံၚ်ဇေယျလေဝ်ဟီုစဂွံရ။ မၞိဟ်ပ္ဍဵုပ္ဍိုက်ကဵု မၞိဟ်ဒးဒုၚ်ပ္ဍဵုပ္ဍိုက်ဂှ် တ္ၚဲလဵုဟွံရုဲ (ဂစေံဝိုၚ်ဒၞက်၊ ဒၞက်ဟွံဝိုတ်ဂစေံ) ဒးပၠန်တဲကလေၚ်ကွိုက်တွဵုရ။ ဒးကလေၚ်ဗက်တမ်တွဵုရ။ သိၚ်သာကဵုဒဒိုခ်ဂကူ မန်ကီု၊ စိုတ်ဂိကဵုဂကူဗမာကီု ဂွံအခေါၚ်ခိုဟ် အခါပြဲ ဂၠာဲရဲကောန်သ္ဂံၚ်တုဲ က္ဍိုပ်သ္ကိုပ်မန်တၠညးဗညာစိၚ် ကၠတ်ကၠောန်တိုန်ကမၠောန်ပၠန်ဂတး ကဵုဂကူဗမာတအ်ရ။ သၠးလမျီုသွက်ဂကူရောၚ်ဂှ်  ဖျေံလဝ်သ္ဂုတ်သွာတ် တုဲတုဲရ။ 

            နနဲပၞုက် နနဲဓလုက်ကၠတ်ကၠောန်ကၠတ်ပ္ကောံကောန်သ္ဂံၚ်တုဲ မၞိဟ်ပတှေ်ဇကု ချိုတ်မွဲက္တုိုၚ် - ဂျိုၚ်မွဲစွံဂှ် စန္ဒက် လဝ်ကၟောန်န်ရ။ ချဳဒရာၚ်အပ္ဍဲလေဝ် ချဳဒရာၚ်သ္ၚိတ်တ်ရ။ သၟိၚ်ဗမာအံၚ်ဇေယျလေဝ် ဟွံဗလးမတ်ရ။ ပရိုၚ်ဗညာစိၚ်တအ် မံက်ပြာကတ်တိုန်က္ဍၚ် ကောန်ဍုၚ်မန်တအ် ဒှ်ဒဒိုခ်က္ဍၚ်ရ။ မိၚ်ရိုၚ်တၟေၚ် ဗက်ရပ်ဗက်ကၠေၚ်ဒက်ဇုက် ဒုၚ်ၜုၚ်တက်ထပက်ဗာ်ဂစိုတ်မံၚ် မၞိဟ်ဟွံမွဲကဵုဒုဟ်ဒဏ်တအ်လေဝ် ဍေံစောဲစုတ် ဒုဟ်တုဲ ဒးလေၚ်ဆောံဟွံမွဲကဵုလၟိဟ်ဂၞန်ရ။ အခိၚ်ဂှ်မ္ဂး မန်ပိုဲနွံမံၚ်သၟဝ်တဲဍေံဂှ် ညံၚ်ဂၠဴဖေက်ကၠ၊ ကၚ္ၚုဲဖေက်ဇာ၊ စာၚ်အဒါဖေက်ပၞောဟ်၊ ကၞိဖေက်ဗ္ဂဲဂှ်ကီု ဖေက်ဗမာအံၚ်ဇေယျ သေပ်ထဍေပ် ခြေပ်ဟွံဂံၚ်ဗြုမွဲတုဲ ညံၚ်ရဴကဟွံမွဲ ကဵုဍာ် ဂြက်က္ဍန်အိုတ်အစောန်ရ။

           ပ္ဍဲပွိုၚ်ၜါစှော်သၞာံ မပေၚ်ဂှ်ဟေၚ် က္ဍိုပ်သ္ကိုပ်မန်ဗညာစိၚ်စၞေဟ်ပလန် ပၠန်ဂတးကဵုဗမာသ္ဂးလဝ်ရ။ ဂကူမန်ပိုဲဒးမံၚ်သၟဝ်တဲ ဂကူဗမာ ဒှ်ဘဝဍိက်ဗမာ ဗၞတ်ၜါစှော်သၞာံတုဲဂှ် ပ္ဍဲသၞာံ ၁၁၂၁ - အလဵုဇကု အံၚ်ဇေယျ ယိုက်ပၞာန်ဇၞော်တုဲ တိုန်ဗ္တိုက်ဍုၚ်ဒျူဒျာဇၚ်မာဲတေံရ။ စံၚ်ဍုၚ်စံၚ်ကွာန် သၠာတ်ဒှ်ဝါဂှ် ဂွံညာတ်ကေတ်မာန်ရ။ ကျာ်ပဋိမာရုပ် ကျာ်စေတဳနွံအပ္ဍဲအကြာဂှ်လေဝ် ဗက်ဗာ်ဗက်စံၚ် တက်သရိုဟ်ပလီုထောံအိုတ်ရ။ စဵုကဵုတ္ၚဲဏအ် ဂွံညာတ်ကေတ်မာန်ရ။ ပၞာန်သေံဒျူဒျာဇၚ်မာဲ ကြာပ်ဗ္တိုက်ပန်ဗာ် အံၚ်ဇေယျတုဲ ချိုတ်အာပ္ဍဲကွာန်သေံ ကွာန်မဳ ချံက်(မန်ဍုၚ်သေံကော် ကွာန်ဗမာချိုတ်)ဂှ်ရ။ ဇွအံၚ်ဇေယျဂှ် ကောန်ပၞာန်ဍေံ လုပ်ပၠံၚ်ဂွံတုဲ ဖျဴဗစိုပ်ဍုၚ်မုဟ်တၟအ် နူဂှ် ဖ္ဍိုက်ဖျဴဏာကဵုဖံၚ် အာစံၚ်တိုပ်ထောံ ပ္ဍဲဍုၚ်ဗြဴကၟာဲ ဒၞာဲအံၚ်ဇေယျ တိုပ်သုက်တေံရောၚ်။

           ထ်ၜးလဝ်ပ္ဍဲဝၚ်ဗညာစိၚ်ဂှ် 

ပ္ဍဲသက္ကရာဇ်ဍုၚ် ၁၁၂၄ (ဨကရာဇ်ပၞာန်ဗမာအံၚ်ဇေယျ သီဂွံဍုၚ်မန်ဗဂေါဟံသာဝတဳ နကဵုလွဟ်သေဏာတ်ဗွဲမ ဓဇန်ဂှ် ပိုၚ်လဝ်ဍုၚ်ပိုဲ ဂွံမသုန်သၞာံ) တၠညးသ္ကိုပ်ပၞာန်ဇၞော် သေနာပတိဗျူဟာ-ဂှ်ကီု၊ တၠစိၚ်လ္ၚီ၊ သၟိၚ်သတ်ဗြဴ၊ ဃံၚ်ဝါခရူကီု၊ တၠညးဒါဂြာၚ်ကီု လုပ်ဇူပ္ဍဲတွဵုရးဍုၚ်ဒျူဒျာ -ရတနကောသိန္ဒ ဍုၚ်ဓနၜူရဳ၊ ကော်ခဴစလၟုဟ် "ဍုၚ်ၜၚ် ကံက်"ရ။ သ္ကိုပ်ပၞာန်မန်သၟိၚ်ဗညာစိၚ် လုပ်ဇူပ္ဍဲဍုၚ်သေံတေံတုဲ ပကောံဗဵုလဗးပၞာန်မန်ကီု၊ ပၞာန်သေံကီု သီုၜါတၠ (ပၞာန်ၜါဒပ်) ဂှ် ကလေၚ်ပၠန်ဂတးဗ္တိုက်ကဵုပၞာန်ဗမာ မွဲဝါပၠန်ရ။ နကဵုလွဟ်ဇၞော်ဍောတ်ပေၚ်ၚ်ဂှ် ဇက်ဂၠောဲတိတ်ကၠုၚ်နူဍုၚ်သေံဒျူဒျာ၊ ဒပ်ပၞာန်ဗမာအံၚ်ဇေယျ ဇက်ဂၠောဲတိုန်အာဗတိုက်ဍုၚ်သေံရ။

           အဃောဆိုၚ်မုခ်ပ္ဍဲဂၠံၚ်တရဴမွဲဒၞာဲ ဗ္ဒာဲကွာန်သေံဂှ် ဗမာအံၚ်ဇေယျ ဒးဗၞုဟ်ပ္ဍဲပါၚ်ကၞက် သ္ကိုပ်ပၞာန်မန်ဗညာ စိၚ် ထပက်ကဵုလွဟ်တဲတုဲ၊ လမျီုဒးအိုတ် ဒးချိုတ်အာဟေၚ် ဒးကလေၚ်စဴကၠုၚ် ဍုၚ်ဗမာဏအ်ရောၚ်။ ဒၞာဲကွာန်သေံ - ဗမာအံၚ်ဇေယျချိုတ်ဂှ် မန်တအ်ကော်ခဴစကၠုၚ် (ကွာန်ဗမာချို်တ်)လအ်လဂၠိၚ်သ္ၚောဲ ဗွဲကြဴဏအ် ရမျာၚ်ပြံၚ်အာ (ကွာန်မာချံက် - ကွာန်ကၟာချံက်- ကွာန်မာဲချံက်) ပံက်ဗရုယောၚ်ယာစဵုကဵုလၟုဟ်ရောၚ်။

           က္ဍိုပ်သ္ကိုပ်မန် တၠညးဗညာစိၚ် ကဵုကောန်သ္ဂံၚ်ဆီဨကရာဇ် မွဲဂကောံဂှ်၊ ရပ်ကေတ်ဗၞုဟ်ဇြၚ်တုဲ က္လေၚ် တဝ်စၞေဟ်ပၠန်ဂတးကဵု ဂကူဗမာတအ်ရ။ သၟိၚ်ဗမာအံၚ်ဇေယျဟွံမွဲတုဲ ကောန်ညးမၞုံယၟု တၠစိၚ်ဗ္တာၚ်"သေန်ဖျူယှေန်"ပိုၚ်ဍုၚ်ဗဂေါ ပစၞးမအံက်ဇကုတုဲ သ္ပပ္တံနူသက္ကရာဇ်ဍုၚ် ၁၁၂၅-သၞာံဂှ် ဒုၚ်ယၟုတၠစိၚ် ဗ္တာၚ်ရ။ ပ္ဍဲလက်ထက်အံၚ်ဇေယျ ကဵုကောန်ညးဂှ်ဟေၚ် ဒှ်လက်ထက်က္ဍိုပ်သ္ကိုပ်မန် တၠညးဗညာစိၚ် ကဵုကောန် သ္ဂံၚ်ဆီနာဲဂမၠိုၚ် ဂၠိုၚ်ကဵုဝါကီုရ။ ပ္ဍဲဍုၚ်ပ္ဍဲဂြိုပ်စွံဗဒိုပ်တုဲ သ်အးကြဴကြာတ်ကမၠက်ထောံဂကူဗမာလေဝ် ကၠောန်ကၠုၚ်ရ။ ဆဂး  ဟွံအံၚ်ဇၞးတုဲ ကောန်မန်သှ်ေမံၚ်ပ္ဍဲဍုၚ်သေံတေံဂှ်လေဝ် ကလေၚ်ဂြိပ်တိတ်ကၠုၚ်ၜါဝါဂှ် ဒှ်အလန် ဒ္စာံကဵုဒ္စိတ် ရ။ လၟိဟ်မၞိဟ်မပါတိတ်ကၠုၚ်ကရောံဂှ် ပိဠက်ကဵုပိလ္ၚီပြၚ်ၚ် ပံၚ်ထောံသီုအလန်တုဲတုဲကၠုၚ်တေံ သီုဒ္စိတ်အလန်မ္ဂး ကောန်မန်ဒဴလုပ်ဍုၚ်သေံ ဗၞတ်ဒ္စိတ်ဝါဂှ် မွဲကိုဋ်ဍောတ်ကီုရ။ Wunchay Rukchaytdee (ဓရီု)  ၂၁:၂၈၊ ၇ နဝ်ဝေမ်ဗါ ၂၀၂၁ (+0630)

ခိၚ်ပေဲါရုဲမာဲ ညးလဵု အန္တရာဲဇၞော်ရော ဒဵုဗျု ဂိတုနောဝေမ်ဗာ ၈၊ တ္ၚဲစန်

အခိၚ်ပေဲါရုဲမာဲ ညးလဵု အန္တရာဲဇၞော်ရော

ဒဵုဗျု ဂိတုနောဝေမ်ဗာ ၈၊ တ္ၚဲစန်

“တၠပညာမန်ဂမၠိုၚ် လညာတ်တုပ်မံၚ်ကဵုအစာလိက်ဏံဖအိုတ်ရတှေ် လ္ပစၟဳအခေါၚ်ဗၠးၜးရ။” (Win Bo)

“ယဝ်ခါရလညာတ်ဏံဒးမံၚ်တှေ် မန်ပိုဲ ဗတိုက်မံၚ်ကဵုပၞာန်ဗၟာပွိုၚ်(၇၀)သၞာံပြၚ်ဂှ် အဓိပဲါဍေံဟွံမွဲရ။” (Banyarsoe Saimon)

လညာတ်အဲမချူပတိုန်ထ္ၜးလဝ်“တၠအဝဵုပၞာန်ဗၟာ သရိုဟ်စှေ်မှ ဍုၚ်မန်မံက်ဂတဝ်ဟာ” ပ္ဍဲ ဂိတုနောဝေမ်ဗာ ၆၊ တ္ၚဲသ္ၚိသဝ်၊ ၂၀၂၁” နကဵုက္ဍိုပ်သာ်ဝွံဂှ် ညးတအ်ညးၜါတၠ နာဲဝေန်ဗိုဝ်ကဵု ဗညာသဵု သာဲမန် ဟီုခၠေဝ်ပါ်ပဲါသ္ၚဳဂၠိပ်နၚ်လညာတ်ညးတအ် ဗွဲလ တူတေံဂှ်တုဲ ပိုဲၜတ်ကၞာတ် လညာတ်ကီု ပရေၚ်ဆဵုဂဗကီုတုဲ ဆက်သဳကၠဳပါ်ပဲါအာထေက်ရောၚ် ညာတ်ကေတ်တုဲ လိက်ပ ရေၚ်လညာတ်ဏံ မဒးထပ်ကလေၚ်ချူဏာလဝ်ရ။ ပ္ဍဲအရာဝွံ ဗွဲကိုပ်ကၠာ မိက်ဂွံဟီုဏာဂှ် ညးတအ်ဗၠေတ် အဲဒး သာ်ဝွံ ပၠုပ်စိုတ်တုဲ ချူဟွံသေၚ်ရ။ လတူလညာတ်မပါ်ခြာတအ်ဂှ် ပိုဲပတိုန်ထ္ၜးတၚ်နၚ်တုဲ ပါ်ပရအ်လညာတ်တုဲ ညးမဗှ်လိက်တအ် ဒးပါ်ပဲါကေတ်ရ။ ပ္ဍဲသဘၚ်ပေဲါမွဲမွဲလေဝ် ဆေၚ်ဍာ်ၜဴညးခိုဟ်၊ ဆေၚ်လဵုခၞာညးခိုဟ်၊ ဆေၚ်ပုၚ်ညးခိုဟ် သာ်ဝွံ ပတိုန်သာၚ် ဗုက်တုဲ ပစူပတိုန်မလိက်ဆေၚ်အိုတ်ရ။ မၞိဟ်ဗဵုပေဲါ ကြေဝ်ပ္ဍဲပေဲါတအ်ဂှ် ဆေၚ်ဇကုဒးစိုတ်ဂှ် လုပ်ဂဇံရာန်စ သီုလဟိၚ်စိုတ် မာန်ရ။ လညာတ်ဟီုဂှ် ညးမွဲကဵုမွဲ ကာလလဵုဟွံတုပ်ညးသကအ်ပေၚ်ၚ်ရ။ ကာလလဆောဝ်တုပ်ညိည၊ ကာလလ္ဆောဝ် တုပ် ဂၠိုၚ် သာ်ဝွံ နွံအဆံၚ်အဆံၚ်အိုတ်ရ။ ဆဂး ပ္ဍဲအကြာပိုဲ ယေန်သၞာၚ်ပရေၚ်ဍုၚ်ကွာန် မသဳကၠဳလှာဲဂတးလညာတ်ညးသကအ် ကျေဝ်ဝ်ဂေါဝ်ဝ်ဂှ် ဒှ်ကၠုၚ်မဂး နွံကဵုသိက္ခာကဵုဂကူပိုဲရ။ လညာတ်ဗၠေတ်ဒးဂှ် ဟွံမိက်သ္ပအဓိကတုဲ ဂုန်ဖဵုကောန်ဂကူနွံဟွံမွဲဂှ် ဟေၚ် မိက်ဂွံသ္ပအဓိကရောၚ်။ အခိၚ်ကာလဗော်အေန်အေဝ်ဒဳ ဂွံအဝဵုပွိုၚ်မသုန်သၞာံဂှ် ညးတအ်ဂှ် အန္တရာဲဇၞော်နူကဵုဒပ်ပၞာန်ဗၟာဏီ သာ်ဝွံ လညာတ်တၟိတၟိမွဲ မံက်ဂတဝ်ကၠုၚ်အကြာပိုဲတအ်ရ။ ဖိဒ္ဒရာဂှ် ပိုဲကောန်ဍုၚ်အရၚ်တအ် က္ဍိုက်ပ်တုဲ ဒးဗၟံက်ရုပ်ရဴရောၚ်၊ ပတှေ်ဗၟာတအ်ဟွံဂွံရောၚ် လညာတ်ပရေၚ်ဍုၚ်ကွာန်တၟိ မဒုၚ်သဇိုၚ်ကဵုပရေၚ်ဆဵုဂဗ ကိုပ်ကၠာဟွံစိုပ်ပေဲါရုဲမာဲက္ဍၚ် ကတဵုဒှ်ကၠုၚ် ပ္ဍဲအကြာဗွိုၚ်ပရေၚ်ဍုၚ် ကွာန်ဂကူမန်ပိုဲတအ်ဂှ်တုဲ လညာတ်ဏံ လၟုဟ်ကလေၚ်ဟောံပၠိုတ်အာရ။ မူဟိုတ်လညာတ်တံဏံ ဂွံမံက်ဂတဝ်ကၠုၚ်ရော ပိုဲပိုက်တမ်ဂၠာဲရိုဟ်ဂှ် တၚ်နၚ်နာနာသာ် မံက်ဂတဝ်တိတ်ကၠုၚ်မာန်ရ။ အခိၚ်ကာလအေန်အေဝ်ဒဳ ဒှ်မံၚ်ဗော်ဒစဵုဒစးတေံ လ ညာတ်တအ်ဏအ် ဟွံမံက်ကၠုၚ်တုဲ အခိၚ်ညးတအ် ဂွံအဝဵုရောၚ်မံက်ကၠုၚ်ဂှ်လေဝ် ပိုဲဒးကလေၚ်ဗစာရဏာရောၚ်။ ဂလာန် က္ဍိုပ်သကိုပ်ဗော်အေန်အေဝ်ဒဳတအ် မဟီုပတိတ်လဝ် ပ္ဍဲအကြာမသုန်သၞာံဝွံ ပိုဲကလေၚ်သ္ၚဳဂၠိပ်ဖအိုတ်ရောၚ် ယဝ်ဒှ်မဂးလေဝ် ပိုဲကဵုသွဟ်ကၠးကၠးမာန်ဂၠိုၚ်ရ။ တုဲပၠန် ပ္ဍဲခေတ်အေန်အေဝ်ဒဳ တိုန်ဂွံအဝဵုဂှ် မၞိဟ်၊ ပူဂဵု ပိုဲဂကူမန်တအ် က္ဍုဟ်မၠေံဂၠိုၚ်အိုတ် ဟီုဂှ် ညးဂှ်ရော ယဝ်ရသၟာန်မဂး ဗွဲမဂၠိုၚ် ဟီုသွဟ် (မိကောန်ဆာန် ) သာ်ဝွံမာန်ရောၚ်။ ပ္ဍဲမွဲအယုက်ပိုဲဏံ ကောန်ဂကူမန်တအ် ဗီုက္ဍုဟ်မၠေံမိ ကောန်ဆာန်ဂှ် ဟွံကေၚ်ဆဵုမွဲလှေ်ရ။ မိကောန်ဆာန်ဂှ်ညးဂှ်ရော ဒၞာဲဏံ ဟွံမိက်ဆက်သၟာန်အာရ။ မူဟိုတ်ဂွံက္ဍုဟ်မၠေံညးဂၠိုၚ်ရော သာ်ဝွံလေဝ် ဟွံမိက်ဆက်သဳကၠဳအာရ။ တၚ်နၚ်ဗွဲသၟဝ်တေံ ပိုဲသဳကၠဳပတို်န်ထ္ၜးမဂး ခိုဟ်ရောၚ်။ (၁) ဗော်အေန်အေဝ်ဒဳ အလဵုဇကုအံၚ်ဆာန်စုကျဳ အာစိုပ်ဂတမုက်ရုၚ်ဂလုတ်ဂၠးတိတုဲ စဵုဒၞာကုဒပ်ပၞာန်ဗၟာရ။ ယဝ်ရညးဟွံစဵုဒၞာ အာဟီုခၠေဝ်သှ်မဂး အခိၚ်ဂှ် သကိုပ်ပၞာန်မေန်အံၚ်လှာၚ်တအ် ဒတုံဇြဟ်ဗၚ်မာန်ရောၚ် ပိုဲတအ် ညာတ်ကေတ်လဝ်သာ် ဂှ်အိုတ်ရ။ အခိၚ်ပိုဲဒးဗတိုက်သရိုဟ်တၠအဝဵုပၞာန် ညံၚ်ယာက္ဍိုပ်ဟွံဂွံမာန်ဂှ် က္ဍိုပ်သကိုပ်အေန်အေဝ်ဒဳတအ် ဟွံဗတိုက်ရောၚ်ဂှ် ဟီုမာန်ရ။ ကောန်ပၞာန်ဗၟာညး ဟွံကလိလောန်လဝ်ဒုဟ် မပ္တံပလီုကောန်သမ္ဘာ ကေုာံ ပြိုက်ဂစိုတ်ရောၚ်ဂှ်လေဝ် ဟီုစဵုဒၞာပၠန်ရ။ ဂလာန်အံၚ်ဆာန်စုကျဳမဟီုခၠေဝ်ပလန်လဝ် ပ္ဍဲအာၚ်သဳဂျေတအ်ဂှ် ယဝ်ရပိုဲကလေၚ်လ္ၚတ်ရံၚ်မဂး ဗၞတ်ဂလိုၚ်လဵုညး ဆာန်မံၚ်ဒပ်ပၞာန်ဗၟာ မဒှ်ဒပ်ပၞာန်အပါညးမထ္ၜုတ်လဝ်ဂှ်မဂး တီကၠိုဟ်ကေတ်မာန်ရ။ ဟိုတ်နူညးဟီုစဵုဒၞာဒပ်ပၞာန်ဗၟာ မကြမ် ကြရုန်မဵုဂှ်တုဲ အလုံညးလိုက်မွဲ မေတ္တာပ္ဍုၚ်ကၠုၚ်လတူညးတုဲ ကလေၚ်သီကေတ်ထောံ တဆိပ်ကြာနာနာ မဇိုန်ဏှၚ် လဝ်ကုညးအိုတ်ဏီရ။ ဒဒှ်ဗီုဏံ ပ္ဍဲလိုက်ဂၠးတိပိုဲဏံ ကြပ်ဟွံဆဵုမံၚ်ရ။ ဒုၚ်က္ဍုဟ်ကဵုဗော်သွးဂၠးတိတုဲ ညးစဵုဒၞာကုဒပ်ပၞာန်ဂှ် ဗီုဏံ ဍေံကတဵုဒှ်ကၠုၚ်မာန်ရောၚ် ပိုဲတအ်ဟွံထေၚ်စှေ်စိုတ်အိုတ်ရ။ လၟုဟ်ပိုဲဒးဗတိုက်သရိုဟ်ဒပ်ပၞာန်ဂှ်ပၠန်မဂး ပိုဲကဵုညး ညံၚ် ကဵုဒစဵုဒစးမံၚ်ဇၞော်ဇၞော်ရ။ စိုပ်မွဲတ္ၚဲ ညးကလေၚ်ကလိဂွံအဝဵုပၠန်မဂး ညးဟွံဟီုစဵုဒၞာကုဒပ်ပၞာန်ဗၟာညးရပုဟ်ဂှ် ဂံၚ်ဟီုဟာ။ ဗီုပိုဲက္ဍုဟ်မၠေံဒပ်ပၞာန်ဗၟာအိုတ်အစောန်ဂှ် ညးဟွံက္ဍုဟ်ညိညတုဲ ဆာန်မံၚ်အိုတ်အစောန်ရောၚ်ဂှ် ၜတ်ကၞာတ်မာန်ရ။ အလဵုဇ ကုညး အာခၠေဝ်သှ်မာန်ရောၚ် အခိၚ်ဂှ်ဂှ် မၞိဟ်ပတှေ်ကေတ်အောန်ကွေံကွေံရ။ အခိၚ်ညးအာခၠေဝ်သှ်ဂဗုတ်ဂှ် က္ဍိုပ်သ ကိုပ် ဂကူဗၟာတအ် ညာတ်ဒုဟ်အောန်ကွေံကွေံရ။ ကောန်ဍုၚ်အရၚ်တအ်လေဝ် ကဟဳမံၚ်ဗွဲမဂၠိုၚ်ရ။ ဂလာတအ်ဂှ် ကောန်ဍုၚ် အရၚ်ဟွံသေၚ် သာ်ဝွံစွံလဝ်စိုတ်ဒှ်မာန်ရောၚ်။ ဒပ်ပၞာန်ဗၟာ ပရေံမံၚ်ဂလိုၚ်ဂှ်လေဝ် အခိၚ်ဂှ် မူဟိုတ်ပိုဲကောန်ဍုၚ်အရၚ်တအ် ဟွံ ဟီုဗျိဂရိုဟ် ညံၚ်ရဴမသီအဝဵုဂှ်ရော။ ဟွံဒစဵုဒစးကဵုပြဝဒပ်ပၞာန်ပရေံ မဒှ်အဆံၚ်ပရေံလောန် ပ္ဍဲဂၠးတိဂှ် ဒှ်ပြဝဗတိုက် သရိုဟ်ဖျေံဒပ်ပၞာန်ဗၟာဂးမာန်ဟာ။ မေန်ကိုဝ်နာၚ်တအ်လေဝ် မူပဟွံဒစဵုဒစးကီုရော။ အခိၚ်ဂှ် လုပ်စမံၚ်လပါ်အေန်အေဝ်ဒဳကဵု ပၞာန်ဗၟာဖအိုတ်ရ။ လညာတ်ပိုဲတအ်ကဵု လညာတ်ညးဂၠးတိတအ်ဂှ် အခိၚ်ဂှ်မဂး ဒစဵုဒစးမံၚ်ပေၚ်ၚ်ရ။ ကာလအေန်အေဝ်ဒဳ ဒး ဒုၚ်သီအဝဵုမှ နာဲမေန်ကိုဝ်နာၚ်တအ် မံက်ကၠုၚ် ပ္ဍဲမဳဒဳယျာဗၟာတအ်အိုတ်ရ။ အခိၚ်အေန်အေဝ်ဒဳဂွံအဝဵုဂှ် မဳဒဳယျာဗၟာတအ် ဒတဴ လိုၚ်ကရောံအေန်အေဝ်ဒဳဖအိုတ်တုဲ ဟွံသ္ပကေၚ်ကာကဵုကောန်ဍုၚ်အရၚ်တအ်ရောၚ်ဂှ်လေဝ် နာဲလွဳဝၚ် မဒှ်ပူဂဵုမကေၚ် ကၠောန်လဝ်ပ္ဍဲဌာနပရိုၚ်အေရာဝတဳဂှ် ဟီုပါ်ပဲါလဝ်နွံကီုရ။ ဂကူဝတအ် ဗၠးၜးတိတ်မံၚ်ညိညဂှ် မဳဒဳယျာဗၟာတအ် ဟွံပေၚ်စိုတ်လး လးရောၚ်ဂှ်လေဝ် လ္ၚတ်ကေတ်မာန်ကီုရ။ ဌာနပရိုၚ်သြၚ်လောန် ပ္ဍဲမတ်မလီုဂှ် ဟိုတ်နူအေန်အေဝ်ဒဳ ဒးဒုၚ်သီအဝဵုဂှ်တုဲ ညး တအ်စိုတ်လီုဗွဲမလောန်ဏီရောၚ်။

ညးဂၠးတိတအ်လေဝ် ရံၚ်ကဵုမုက်အေန်အေဝ်ဒဳတုဲ ဟွံဂံၚ်ဟီုပါ်ပဲါ စပ်ကဵုဂစိုတ်ကမၠက်တၞောဝ်မၞိဟ်တအ်ဂှ်ရ။ အခိၚ်တေံဂှ် အလဵုဇကုကံၚ်သဳဂီုကၠီုယူအေန် အာစိုပ်ဂၠိုက်ဂၠာဲစၟဳတ်ဏီရဟွံသေၚ်ဟာ။ ရံၚ်ကဵုဒဒှ်သာ်ဝွံတအ်ဂှ်မဂး ဗော်အေန်အေဝ်ဒဳ ဗတိုက်ပလီုမံၚ်တၠအဝဵုပၞာန်ဗၟာ၊ ဒပ်ပၞာန်ဗၟာဟွံသေၚ်၊ သီုစဵုဒၞာမံၚ်ကုဒပ်ပၞာန်ဗၟာပေၚ်ၚ်ရောၚ် ဟီုဟွံမာန်ဟာ။ ဗေဲရေတ်ချိတ် သေန် မဒှ်ကလုတ်အမေရိကာန်တြေံ ဟိုတ်နူဟီုဗၟံက်ဒးပရော ဂလာရောဟေန်ဂျာညိဂှ်ဗက်ဂှ် ဒးဒုၚ်ကဟုက်ကဵုအံၚ်ဆာန် စုကျဳရောၚ်ဟွံသေၚ်ဟာ။ ခေတ်ကာလအေန်အေဝ်ဒဳ ဖံက်ပကဝ်အခေါၚ်မၞိဟ်ဂှ် အလုံဂၠးတိမွဲ သ္ပလဝ်မဇ္ဇျဟ်၊ ပိုဲကောန်ဍုၚ် အရၚ်တအ် အာစိုပ်ဒဒိုက်ဇၞော်ကဵုဇြဟတ်ရ။ ဝန်ဇၞော်ဍုၚ်သအာၚ်အမေရိကာန် ပမ်ပဳယောလေဝ် ရံၚ်ကဵုမုက်အံၚ်ဆာန်စု ကျဳတအ်ဂှ်တုဲ ဟွံစၟတ်သမ္တီ နဒဒှ်ဂျေန်နောသာ်၊ ဟွံသ္ပသမ္တီ နဒဒှ်ဂစိုတ်ကမၠက်တၞောဝ်မၞိဟ်ကီုရ။ ယဝ်ရအံၚ်ဆာန်စု ကျဳ ထေဲအာမဂး ဖေက်ကၠဟ်ထောံအမေရိကာန်တုဲ အာပံၚ်ဗဒကဵုကြုက်ဟာဂှ် ကေတ်ဟွံဒးရ။ ကိုပ်ကၠာအေန်အေဝ်ဒဳ ဟွံဂွံအဝဵုဂှ် ဓဝ်ပတှေ်ကောန်ဂကူတအ် နွံမံၚ်ဗွဲမဂၠိုၚ်ကီုလေဝ် ကာလညးတအ်ဂွံအဝဵုဂှ် ကောန်ဂကူတအ် ဓဝ်ပတှေ်လတူညးတအ် ကြပ် အိုတ်အာရောၚ်ဂှ် ညာတ်ကေတ်ကၠးကၠးမာန်ရ။ အခိၚ်ကာလအေန်အေဝ်ဒဳဂွံအဝဵုဂှ် ကောန်ပၞာန်ဗၟာ မစဴကၠုၚ်နူပေဲါဗတိုက် ကချေၚ်တအ် သမ္မတနာဲထေန်ကျဝ် ဟီုသၟိတ်တဴ “လုပ်ပေဲါဗတိုက် ဂံၚ်ၚ်သကာသကာ” ကော်ဗတ်ဗၟာ (ရွတ်ရွတ်ခွျန်ခွျန်) ဂှ်တုဲ ကောန်ဂကူတအ် ဒှ်ဒေါသအိုတ်ရ။ ဒးလၞိန်ဗပိန်ကုကောန်ဍုၚ်အရၚ်တအ်ဂှ် ဒှ်ကမၠောန်ဂကူဗၟာညးတအ်ဖအိုတ်ရောၚ် ဟီုဟွံမာန်ဟာ။ 

(၂)ကိစ္စကေၚ်ကာရခေၚ်ဂှ် က္ဍိုပ်သကိုပ်အေအေတအ် တဲကၠာဂှ် ဇကုအံၚ်ဆာန်စုကျဳ စၟတ်သမ္တီညးတအ် နဒဒှ်ဂကောံ ပလီုပလာ်မာန်ရောၚ်ဂှ် ဟွံညာတ်ကေတ်အိုတ်ဂှ်တုဲ မိက်ဂွံတီကေတ်လညာတ်ညးဗွဲတိုက်ရိုက်ရ။ ဆဂး ဗွဲကြဴဏံ တီကၠး ကေတ်ဂှ်တုဲ အေန်အေဝ်ဒဳလေဝ်ကီု ဒပ်ပၞာန်ဗၟာလေဝ်ကီုဂှ် တုပ်သၟဟ်ကဵုလေံဒုက် မနွံၜါအရံၚ်သာ်ဗ္ဂေတ် ကဵုသာ်တ္ၚေက်ရ။ နကဵုလေံဒုက် သာ်တ္ၚေက်ဒုက်လေဝ်ဂိ၊ နကဵုလေံဒုက်သာ်ဗ္ကေတ် ၜုၚ်တက်လေဝ်ဂိ သာ်ဝွံ က္ဍိုပ်သကိုပ်အေအေတအ် ဟီုပ တုပ်ကၠုၚ်အိုတ်ရ။ က္ဍိုပ်သကိုပ်ရခေၚ် နာဲအေမံၚ်လေဝ် သီုဒုဟ်ဟွံမွဲမွဲသာ် အေန်အေဝ်ဒဳတအ် ဖျေံလဝ်ထံၚ်မွဲအယုက်ဏီရ။ ထ္ၜးဟိုတ်သွက်ဂွံပါ်တိတ်တုဲ ဒက်ပတန်ဍုၚ်ရခေၚ်တၞဟ်ခြာရ။ ဒှ်သာ်ဂှ်မဂး သွက်ရခေၚ်တအ်ဂှ် အလဵုအသဳကဵုပၞာန် ညးလဵု အန္တရာဲဇၞော်ရော၊ တုပ်တုပ်ဟီုဟွံမာန်ဟာ။ ယဝ်ရဟီုဟွံမာန်မဂး အေန်အေဝ်ဒဳဂှ် ဇၞော်ဂၠိုၚ်ညိဒှ်မာန်ရောၚ်။

(၃) တၠုၚ်လအာမတုပ်သာ်ဂှ်ကီု ကာလဒပ်ပၞာန်ဗၟာထပက်ပၞာန် ပ္ဍဲကချေၚ်ဂှ် ဗော်အေန်အေဝ်ဒဳ ဟွံဟီုဗျိဂရိုဟ်ကုဒပ်ပၞာန်ဂှ်တုဲ နကဵုအလဵုဗော်ကချေၚ်တအ် ဒဵုကဵုဒးနုက်တိတ်ထောံနယူအေန်အာဖ်သဳဏီရ။ ဟိုတ်နူအန္တရာဲထပက်ပၞာန်ဇၞော်လောန်ဂှ်တုဲ ဒပ်ဥမၚ်ညးတအ် မခိုၚ်ဗိုန်ဇၟအ်(ဂျဳဂန်)ဂှ်လေဝ် သရိုဟ်အာရ။ ဂွံစဵုဒၞာနူဘဲထပက်ပၞာန်မာန်ဂှ်တုဲ ညးတအ်ဒးအာပံၚ်ကဵုဂ ကောံမဟာမိတ်ပၞာန် သၟဝ်ကျာဏီရ။ အခိၚ်ဂှ်ဂှ် အလဵုအသဳအံၚ်ဆာန်စုကျဳတအ်ကဵုဒပ်ပၞာန်ဗၟာတအ်ဂှ် တုပ်ပ်ရရောၚ်ဂးတုဲ ပ္ဍဲဝေါဟာရတၟိမွဲ ဗတ်အေၚ်္ဂလိက် မုက်လိက်တုပ်ပ် မတွံဂး the same page ဂှ် ဂွံဗှ်ကေတ်ရ။ ယဝ်ရဒးဟီုအရေဝ်အ ရာပ်ဂွံကၠိုဟ်လောဲသွာမဂး အလဵုအသဳအေန်အေဝ်ဒဳကဵုဒပ်ပၞာန်ဗၟာတအ်ဂှ် ဗၟာတုပ်ပ်ရ။ လညာတ်တုပ်ပ်ရ။ တုဲပၠန် ပဝ်လဇြဳဂ ကူဗၟာ စပ်ကဵုကောန်ဍုၚ်အရၚ်တအ်ဂှ် တုပ်ပ်ဖအိုတ်ရောၚ် သာ်ဝွံလေဝ် ဟီုအိုတ်ပၠန်ရ။ ဒပ်ပၞာန်ဗၟာ ဗီုဒးစိုတ်ဍဵုဍိုက် ကောန် ဍုၚ်အရၚ်တအ်မာန် ပ္ဍဲအခိၚ်ဂှ်ဂှ်တုဲ နကဵုဗော်အံၚ်ဆာန်စုကျဳတအ် ဗက်စဵုဒၞာပ္ဍဲအဆံၚ်ဂၠးတိမာန်ရ။ အလဵုအသဳဍုၚ်ဂၠးတိ တအ်လေဝ် ဟွံမိက်သ္ပအရီု ကဵုကံ ကုသဵုကောန်ဍုၚ်အရၚ်တအ်ဂှ်တုဲ ဆၜိုတ်ကလၚ်ဂလာန်အံၚ်ဆာန်စုကျဳတအ်သၟးရ။ ဟိုတ် ဂှ်တုဲ အလဵုအသဳအေန်အေဝ်ဒဳဂှ် အန္တရာဲသွက်ကောန်ဂကူတအ်ဂှ် ဇၞော်လောန်ရောၚ်ဂးရ။

(၄) စပ်ကဵုလိက်ကသုက်အေန်သဳအေဂှ် ကရေၚ်၊ ချေၚ်၊ သေံဇၞော်တအ် က္ဍိုက်ပ်တုဲ လုပ်ချုက်လိက်၊ ဗော်ဍုၚ်မန်တၟိ၊ ကချေၚ်တအ် သှေ်အာဂှ် ဟိုတ်နူမိက်ဂွံအာတ်အခေါၚ်အရာကောန်ဍုၚ်အရၚ်တအ်ဂၠိုၚ်ၚ်ရ။ အခိၚ်ကၠောန်သ္ပသဘၚ်ဂှ် ဟိုတ် နူအေန်အေဝ်ဒဳ တိုန်စိုပ်ထံက်ဂလာန်ကီုဂှ်တုဲ ဂၠးတိတအ် လုပ်စလပါ်အေန်အေဝ်ဒဳတုဲ ဗော်ဍုၚ်မန်တၟိ သီုကချေၚ် ဒးဒုၚ် ကရေပ်ဓရတ်ဇၞော်ကဵုဇြဟတ်ရ။ ဗော်အေန်အေဝ်ဒဳလေဝ် ဟဳဗက်ကဵုလိက်ကသုက်ဂှ်တုဲ လုပ်စလပါ်ပၞာန်ဗၟာပေၚ်ၚ်ရ။ ဗွဲကြဴဏံ ဟိုတ်နူဒးဒုၚ်ကရေပ်ဂရတ်ဂၠိုၚ်ဂှ်တုဲ ဗော်ဍုၚ်မန်တၟိလေဝ် ဒးချုက်လိက်ကသုက်ဂှ်ကီုရ။ ဂကောံယူအေန်အာဖ်သဳလေဝ် လ မျီုအိုတ်အာ အခိၚ်ဂှ်ဂှ်ကီုရ။ (၅) အတိုၚ်သၞောဝ်၂၀၀၈ဂှ်မဂး ကောန်ဍုၚ်အရၚ်မဇၞးမာဲဂၠိုၚ်တအ် အခေါၚ်ဒှ်သကိုပ်ဝန်ဇၞော်တွဵုရးနွံကီုလေဝ် ဆဂး ဗော်ရ ခေၚ်တအ် ဟွံဂွံတိုန်ဒှ်သကိုပ်ဝန်ဇၞော် ပ္ဍဲတွဵုရးညးတအ်ဂှ်တုဲ ဒၞာဲဂှ် အေန်အေဝ်ဒဳရောၚ် တိုန်္ၚာပ်ကေတ်ထောံရ။ မၞိဟ်ဇၞး ကေတ်သီုဖအိုတ်ဂးတုဲ မာဲညးတအ်အလုံဍုၚ်ဂှ် ဟိုတ်နူဂၠိုၚ်အိုတ်ဂှ်တုဲ ညးတအ်ဟွံမိက်ပရအ်အဝဵုရ။ ယဝ်ရအာမံၚ်နဲကဲဏံရ မဂး ပိုဲကောန်ဍုၚ်အရၚ်တအ် ကာလလဵုလေဝ် ဒှ်သကိုပ်ဝန်ဇၞော်တွဵုရးဟွံမာန်ရ။ ဟိုတ်ဂှ်တုဲ ဗော်ကောန်ဍုၚ်အရၚ်တအ် မိက်ဂွံပံၚ်တဲကဵုကျဖောတ်ကီု၊ ဒပ်ပၞာန်ကီုတုဲ မိက်ဂွံကေတ်ဇၞးလတူအေန်အေဝ်ဒဳရ။ ၜိုန်ဂှ်လေဝ် အေန်အေဝ်ဒဳ ကၠတ်လဝ်မာဲ ပ္ဍဲတွဵုရးတအ်ဂှ်တုဲ ကေတ်ဇၞးဏာမမာဲကုကောန်ဍုၚ်အရၚ်တအ်ရ။ ပ္ဍဲရခေၚ်ဂှ် ဖေက်ကျတုဲ သီုကၟာတ်ဒၞာထောံ ဟွံကၠောန်ဗ ဒှ်ကဵုပေဲါရုဲမာဲဏီရ။ ကိုပ်ကၠာဟွံစိုပ်ပေဲါရုဲမာဲဂှ် မူဟိုတ်ကောန်ဍုၚ်အရၚ်တအ် မိက်ဂွံပံၚ်ကဵုကျဖောတအ် ကေုာံ ပၞာန်ရော၊ ဂလာန်ဝွံ ဟိုတ်နူအေန်အေဝ်ဒဳ ဟွံလဂူတပ်တး ကုကောန်ဍုၚ်အရၚ်တအ်ရောၚ် ဟီုမာန်ရ။ (၆) ဒပ်ပၞာန်သီအဝဵုအလန်ဏံဂှ် မူဟိုတ်ရော၊ ဟိုတ်နူမိက်ဂွံဍဵုဍိုက်ကောန်ဍုၚ်အရၚ်တအ်ဟာ ဂလာန်သၟာန်သာ်ဝွံ မိက်ဂွံ သၟာန်ရ။ ယဝ်ရမိက်ဂွံဍဵုဍိုက်ကောန်ဍုၚ်အရၚ်တအ်မဂး ညးစၞးဗော်မန် ကေုာံ ရခေၚ်တအ်ကီု၊ ကရေၚ်(မာန်ညိၚ်မံၚ်) ကီု တအ်ဂှ် ပါလုပ်ကၠောန်ပ္ဍဲကံၚ်သဳပၞာန်မာန်ရောၚ်ဟွံထေၚ်ရ။ အခိၚ်ဂှ်ဂှ် ဗော်မန်ပိုဲ အဃောလညာတ်ကၠေဟ်မံၚ်ကဵုအေန်အေဝ် ဒဳတၟိတၟိဂှ်တုဲ ညးတအ် အဃောထေဲမံၚ်ကဵုအေန်အေဝ်ဒဳ ဟိုတ်နူပလီုကၠေံပေဲါကောံဓရီုအကြာၜါလပါ် နပွမထ္ၜးဟိုတ် ဟွံလ ဂူတပ်တးရ။ (၇) ပၞာန်ဗၟာလေဝ် ဂုန်ဖဵုဂကူပိုဲဟွံမွဲ၊ ဗော်အေန်အေဝ်ဒဳလေဝ် ဂုန်ဖဵုဂကူပိုဲဟွံမွဲ တုပ်ပ်မဂး လညာတ်မဂး ဒးဗတိုက်သရိုဟ်တၠ အဝဵုပၞာန်ဗၟာရောၚ်၊ ဟွံဒးဗတိုက်တၠအဝဵုအေန်အေဝ်ဒဳရောၚ်ဂှ် ဟွံဒးရ။ ပိုဲဗတိုက်မံၚ်ကဵုဒပ်ပၞာန်ဗၟာ ပွိုၚ်(၇၀)သၞာံဂှ် ဂုန်ဖဵု ဟွံမွဲရောၚ် သာ်ဝွံ ပိုဲတအ် ဟွံဒုၚ်ဂိုၚ်ကေတ်ရ။ ဆၜိုတ်ဂှ် ဟွံရုမ်ဂပ်ဏီရောၚ် မိက်ဂွံဟီုရ။ နကဵုသွာၚ်ပၞာန်ဂှ် ဒပ်ပၞာန်ဗၟာ ကၟာတ် လဒဵုလဝ်အခေါၚ်ပု်ိဲ၊ နကဵုသွာၚ်ပရေၚ်ဍုၚ်ကွာန်ဂှ် ဗော်အေန်အေဝ်ဒဳ ကၟာတ်လဒဵုလဝ်ပိုဲဂှ်တုဲ တုဲတုဲကၠုၚ်တေံ နကဵုဂၠံၚ် အဓိက ၜါဏံ ဗၟာတအ် ကၟာတ်လဝ်ပိုဲရောၚ်ဂှ်တုဲ ပၞော်တိတ်ပိုဲတအ် ဟွံမွဲရ။ အန္တရာဲပၞာန်ဂှ် မသုန်စှော်၊ အန္တရာဲအေန်အေဝ်ဒဳ ပရေၚ်ဍုၚ် ကွာန်ဂှ် မသုန်စှော် ယဝ်ဒှ်မဂး အေန်အေဝ်ဒဳ အောန်စှေ်အာမွဲမဂး အန္တရာဲဂကူပိုဲ ယအ်စှေ်အာမ သုန်စှေ်ကၠိုပ်ကၠံရောၚ် မိက် ဂွံဟီုရ။ ပ္ၚံက်ပေဲါဗတိုက်ပရေၚ်ဍုၚ်ကွာန်ဂှ် ဒးဗတိုက်ကဵုအေန်အေဝ်ဒဳ ဝါတ်လောန်ဂှ်တုဲ သီုဒးကူချပ်ဖျေံဗီုပြၚ် ဂွံပံၚ်ကဵု ဒပ်ပၞာန်တအ်ဏီရောၚ် ဟွံသေၚ်ဟာ။ ပရောဒဒှ်ဍာံဏံ မိက်ဂွံတီကၠးမဂး အာသၟာန်ရံၚ်ကာပၞုက် သၟာပရေၚ်ဍုၚ်ကွာန်မန် ပ္ဍဲဍုၚ် မန်တေံညိ။ ညးတအ် သှ်ကဵုဗွဲတြးမာန်ရောၚ်။ ယဝ်ရပၞာန်ဟွံသီအဝဵုမဂး အေန်အေဝ်ဒဳ ဆိၚ်လဝ်ဝေၚ်အမှုကဵု ဒံက်တာအံၚ် နာၚ်ဥူတုဲ ညးတေံ ဒးထံၚ်မာန်ဏီရောၚ်ဂှ် အခိၚ်တေံတေံ ပိုဲတအ် ဒုၚ်စသိုၚ်လဝ်သာ်ဂှ်ရ။ Wunchay Rukchaytdee (ဓရီု) ၂၀:၂၀၊ ၈ နဝ်ဝေမ်ဗါ ၂၀၂၁ (+0630)

ယဝ်ရဍုၚ်ဗၟာ ဟွံကလိဂွံအခေါၚ်သ္ပစၞး ပ္ဍဲယူအေန်မဂး ဒဵုဗျု ဂိတုသာပ်တေမ်ဗာ ၁၆၊ တ္ၚဲဗြဴဗတိ၊ ၂၀၂၁

ယဝ်ရဍုၚ်ဗၟာ ဟွံကလိဂွံအခေါၚ်သ္ပစၞး ပ္ဍဲယူအေန်မဂး ဒဵုဗျု ဂိတုသာပ်တေမ်ဗာ ၁၆၊ တ္ၚဲဗြဴဗတိ၊ ၂၀၂၁ သွက်ဂွံပၠံၚ်အဝဵုဒၞာဲခုၚ် ပ္ဍဲဂကောံကုလသမဂ္ဂ ဍေံမစိုန်ဒှ်တဴဒၞာဲ ဂွံဟီုသ္ပစၞးကၟိန်ဍုၚ်ဗၟာဂှ် ကံၚ်သဳပၞာန်ကဵုဂကောံအေန်ယူဂျဳ မ ဒးဒုၚ်သီအဝဵုတအ် ဗီုညးညးဂစာန်လွဳပရာကၠုၚ်ဂှ် မဟာမိတ်ညးတအ်ဇၞော်အိုတ် အမေရိကာန်ကဵုကြုက် လုပ်စမွဲမွဲလပါ်ဂှ်တုဲ ညးတအ်သီုၜါဂကောံဂှ် မွဲဂှ် ကလိဂွံအခေါၚ်တိုန်စိုပ်တုဲ ဟွံကလိဂွံအခေါၚ်ဟီုဂးမွဲမွဲသာ်၊ မွဲဂှ် ဟွံကလိဂွံအခေါၚ်တိုန်စိုပ်သက် သက်၊ ပြဟ်ဟ်ဏံဒးဟီုစ ညးကျအဲကျ၊ ညးဟွံဇၞးအဲဟွံဇၞးဂှ်တုဲ သွက်ဂကောံကံၚ်သဳပၞာန် ဂွံဒှ်အာဗဗွဲဓဝ် ပ္ဍဲအဆံၚ်ဂၠးတိဂှ်လေဝ် လပါ်အမေရိကာန် မဒှ်မဟာမိတ်ကဵုအေန်ယူဂျဳဂှ် ဗက်ဒစဵုဒစးမံၚ်ပေၚ်ၚ်ဂှ်တုဲ အခိၚ်တ္ၚဲဏံပၠန် နကဵုဍုၚ်ပြၚ်သေတ်လေဝ် ထပ် လလောၚ်တရးဏာ ညးသ္ပလဝ်စၟတ်သမ္တီကဵု သွဟ်ပေဲါရုဲမာဲဖိုဟ်ဂှ်တုဲ၊ ဂလာန်ညးတအ်ဂှ် ကလိဂွံအဓိပဲါ ညးတအ်သ္ပလဝ် စၟတ်သမ္တီ နဒဒှ်အလဵုအသဳအေန်အေဝ်ဒဳဂှ် ဒှ်အလဵုအသဳဗဗွဲဓဝ်တုဲ ကံၚ်သဳပၞာန်(ဝါ)အလဵုအသဳမၚ်ဍုၚ်ကွာန်ဂှ် ဟွံဗဗွဲဓဝ်ရောၚ်။ ရံၚ်ကဵုဒတဴလိုၚ်ဍုၚ်အမေရိကာန်ကေုာံမဟာမိတ်ညးတအ် ညံၚ်ရဴဍုၚ်ပြၚ်သေတ်၊ ယူခေတအ်ဂှ်မဂး ညးတအ်ကေတ်စလပါ် အလဵုအသဳအံၚ်ဆာန်စုကျဳတအ်ပေၚ်ၚ်ဂှ်တုဲ၊ ဒတဴလိုၚ်ဍုၚ်ကြုက်ကဵုရာတ်သာတအ်ဂှ် ညးတအ်ကေတ်စလပါ်ကံၚ်သဳပၞာန် ပေၚ်ၚ်ပၠန်ဂှ်တုဲ ဇြဟတ်တံၚ်ဂြဲဂၠးတိတအ်ဂှ် ဟိုတ်နူဇၞော်လောန်ဂှ်တုဲ ပေဲါပြိုၚ်ပကာန်အဝဵုအကြာဗော်ဗၟာၜါ ဂွံအုပ်ဓုပ်ဍုၚ်ဗၟာဂှ် လောဲလောဲသွာသွာ တုဲဒှ်အာဟွံမာန်ရ။ ပၞာန်ဂှ်လေဝ် ဂွံဒှ်ဗဗွဲဓဝ် ပ္ဍဲအဆံၚ်ဂၠးတိဂှ် ဟွံလောဲ၊ ဂကောံအေန်ယူဂျဳတအ်ဂှ်လေဝ် ဂွံကလေၚ်ဒှ်အလဵုအသဳ ကလေၚ်ဂွံအဝဵုပၠန်ဂှ် ဟွံလောဲသွာ။ ၜါလပါ်ဏံ ညးဂွံကေတ်ဇၞးလတူအဲ အဲဂွံကေတ်ဇၞးလတူညးဂှ် ဖန် လောဲသွာတဴဟွံသေၚ်ရောၚ်ဂှ် ရံၚ်ကဵုအကာဲအရာသတ္တာဟဏံ ဗီုကတဵုဒှ်မံၚ် ပ္ဍဲအဆံၚ်ကောံဓရီုယူအေန်ဂှ်မဂး ကၠးကေတ် မာန်ရ။ ပရိုၚ်တအ်ဟီုတဴဂှ် အမေရိကာန်ကဵုကြုက် ကၠတ်ပညဳညးသကအ် ကိုပ်ကၠာဟွံစိုပ်ကောံဓရီုယူအေန်က္ဍၚ်ဂှ်တုဲ ကလိဂွံ တၚ်တုပ်စိုတ်၊ ဆက်ဒုၚ်အာတဲကဵုအမာတ်ကုလသမဂ္ဂ နူအေန်ယူဂျဳ နာဲကျဝ်မိုဝ်ထောန်၊ ဆဂး ဟွံကဵုညးတေံဟီုဂလာန် ညံၚ်ရဴကၠာကၠာတေံကီု၊ ဟွံဒုၚ်တဲကဵုအမာတ်ကံၚ်သဳပၞာန်မခါန်ကၞက်လဝ် နာဲအံၚ်သူရိန်ဏီဂှ်တုဲ စိုပ်ဂိတုနောဝေမ်ဗာတေံမဂး ကမ္မတဳစၟဳတ်အစောံစရာဲ ကော် Credentials Committeeဂှ် ဒးစၟဳတ်ညးစၞးနူဍုၚ်ဗၟာတအ်ဂှ်တုဲ ဒးပလံၚ်ဗစိုပ်ကဵုသဘၚ်သဳကၠဳ ဇၞော်ယူအေန် သွက်ဂွံသ္ပစၟတ်သမ္တီ နဒဒှ်ညးစၞးဗဗွဲဓဝ်ဒဒက်တဴကဵုဍုၚ်ဗၟာရောၚ်။ အကြာဏံဂှ် လပါ်လဵုမွဲလေဝ် အခေါၚ်ကဵုသ ဂုတ်သွာတ်ကံကုသဵုကၟိန်ဍုၚ်ဗၟာဟွံမွဲဏီဒးဟီုရောၚ်။ စိုပ်အခိၚ်တေံလေဝ် သဂုတ်သွာတ်မွဲမွဲသာ် ကၠးကၠးမးမးစှေ်ကၠုၚ်မာန် ဟာဂှ် ဒးမၚ်ဗဵုအာဏီရ။ ယဝ်ရပိုဲရံၚ်အာကဵုမတ်ဓမ္မတာမဂး ကံၚ်သဳပၞာန်ဂှ် ညးတအ် ကေမ်္ၚာပ်ဂွံလဝ်အဝဵုအလဵုအသဳ ပ္ဍဲဍုၚ်ဗၟာပေၚ်ၚ်ဂှ်တုဲ မူမွဲကီုပကဵု ညးတအ်ဟွံမာန်ဂးကီုလေဝ် ဆဂး ဂကောံဍုၚ်ဒဳမဝ်ကရေဇြဳဇၞော်ဇၞော် ညံၚ်ရဴအမေရိကာန် ကေုာံ မဟာမိတ်ညးတအ် ယဝ်ရ ဟွံသ္ပစၟတ်သမ္တီ နဒဒှ်ဗဗွဲဓဝ် ပ္ဍဲအဆံၚ်ကုလသမဂ္ဂမဂး သွက်ဂွံသ္ပစၞးဍုၚ်ဗၟာဂှ် ကံၚ်သဳပၞာန်တအ် ဖန်က်ဟွံဂွံဂှ်တုဲ အကာဲအရာဝွံ ဍေံဒှ်အာဇြဟတ်စိုတ်ကဵုဂကောံအေန်ယူဂျဳတအ် ဇၞော်ကဵုဇြဟတ်ဂှ်တုဲ သွက်ဂွံဝေၚ်အာပေဲါပၞာန်အပ္ဍဲဍုၚ်ဂှ်လေဝ်ကီု၊ သွက်ဂွံက လေၚ်သီဗၜေါဝ်ဇြဟတ် ကောန်ဍုၚ်အရၚ်တအ်လေဝ်ကီုဂှ် ဒှ်အာအထံက်အပၚ်ဇၞော်ဇၞော်ရ။ ယဝ်ရစိုပ်အခိၚ်သဘၚ်သဳကၠဳဇၞော် ဂိတုနောဝေမ်ဗာတေံ ကံၚ်သဳပၞာန်တအ် ဒှ်အာဗဗွဲဓဝ်မဂး ဂကောံအေန်ယူဂျဳဂှ် သွက်ဂွံဒေါံကၟိုၚ်စှေ်အာမာန်ရောၚ်။ ဆဂး ညံၚ် ဟွံဂွံဒှ်အာဗီုပြၚ်သာ်ဂှ်မာန် အလဵုအသဳအမေရိကာန်တအ် ဂစာန်လွဳပရာမံၚ်ပေၚ်ၚ်ရောၚ်ဟီုဂှ် သက်သဳသာဓကတ္ၚဲဏံ ပိုဲ ညာတ်ကေတ်မာန်ရ။ မွဲလပါ်ပၠန်ဂှ် ညးစၞးကုလသမဂ္ဂ သွက်ဍုၚ်ပိုဲဂှ်လေဝ် ညးတအ်လုက်စုက်မံၚ်ကဵုဂကောံရပ်လွဟ်ကောန် ဍုၚ်အရၚ်တအ်ကီုဂှ်တုဲ ရမ်သာၚ်ကောန်ဍုၚ်အရၚ်တအ်ဂှ်လေဝ် လျောဝ်ဗက်မံၚ်လပါ်အေန်ယူဂျဳကီုရောၚ်ဂှ် ညာတ်ကေတ် မာန်ပၠန်ရ။ ရံၚ်ကဵုဝၚ်မွဲပ္ၚံက်မဂး ဗော်ပရေၚ်ဍုၚ်ကွာန် ကေုာံ ဗော်ရပ်လွဟ်ကောန်ဍုၚ်အရၚ်တအ်ဂှ်လေဝ် ကၠောံဍမံၚ်ကဵုအ မေရိကာန်ဂၠိုၚ်ကီုရောၚ်ဂှ် ပိုဲဒးညာတ်ကေတ်သာ်ဂှ်မာန်ကီုရ။ ယဝ်ရပ္ဍဲအဆံၚ်ကုလသမဂ္ဂတေံ အမေရိကာန် ကေုာံ မဟာမိတ်ညးတအ် ဗလံက်ထောံ ဟွံဒုၚ်တဲကဵုညးစၞးကံၚ်သဳပၞာန်တအ်ဂှ် မဂး ပၞော်တိတ်တၞဟ်ဟ် သွက်ကံၚ်သဳပၞာန်တအ် နွံသာ်လဵုဏီရောဂှ် ပိုဲဒးဂၠိုက်ဂၠာဲရ။ ညးစၞးနာဲကျဝ်မဵုထောန်ဂှ် ဟိုတ်နူနွံမံၚ်ပ္ဍဲ ဍုၚ်အမေရိကာန်ဖိုဟ်ဂှ်တုဲ ၜိုန်ရကြုက်ဟွံတုပ်စိုတ်ကီုလေဝ် ညးတေံ အာစိုပ်ဂတမုက်ရုၚ်ကုလသမဂ္ဂ အခိၚ်ကောံဓရီုမာန်ဏီ ဂှ်တုဲ မွဲနဲမွဲဗီု ညးတေံကလိဂွံအခေါၚ်ဟီုဗၟံက်မွဲမွဲသာ်မာန်ဏီဂှ်တုဲ သွက်အေန်ယူဂျဳဂှ် သာမံၚ်ရ။ ဂကောံအေန်ဂျဳအိုဝ်ဇၞော်ဇၞော် တအ် ထံက်ဂလာန်ညးတေံလေဝ် ဒှ်မာန်ဏီရ။ ပ္ဍဲမ္ၚးကောံဓရီုဂှ် ညးတေံ ဒုၚ်ဆဵုကဵုအစာပရိုၚ်တအ်တုဲ ဟီုပတိတ်လညာတ် ဂွံ မံၚ်တၟာဂလိုၚ်ဏီရ။ ညးစၞးကံၚ်သဳပၞာန်ဂှ် အမေရိကာန် ဟွံကဵုလုပ်ဍုၚ် ဟွံပတိတ်ကဵုဗွဳဇြာမဂး အကာဲအရာဂှ် ဂတးဂတန် အာမွဲမွဲဗီုလေဝ်မာန်ဏီရ။ ဍုၚ်ဇၞော်ဇၞော်တအ် ဝေၚ်နဲကလုတ်ညးသကအ်မဂး သီုညးစၞးၜါလပါ်ဂှ် ဟွံကလိဂွံတိုန်စိုပ်ကောံဓရီု ပ္ဍဲယူအေန်မဂး အခိၚ်ဂှ် သွက်နာဲကျဝ်မဵုထောန်ဂှ် အာထ္ၜးဆန္ဒပ္ဍဲမ္ၚးရုၚ်ယူအေန်မာန်ဏီဂှ်တုဲ သွက်အေန်ယူဂျဳတအ် သာမံၚ်ညိ ဏီဒးဟီုရ။ အကာဲအရာဂိတုနောဝေမ်ဗာတေံဂှ် ညးစၞးနူကံၚ်သဳပၞာန်တအ် ဂွံတိုန်သ္ပစၞးပေၚ်ၚ် ပ္ဍဲယူအေန်ဂှ် ကြပ်ဒှ်ဟွံမာန်ရ။ ယဝ်ရယူအေန် တုပ်စိုတ်ကဵုညးစၞးအေန်ယူဂျဳမဂးရော သာ်လဵုမကတဵုဒှ်မာန်ဂှ်ရော ဂလာန်စောဒနာသာ်ဝွံလေဝ် ကတဵုဒှ်ကၠုၚ် မာန်ဏီရ။ ဆဂး ဂွံတုပ်စိုတ်ဂှ် ဝါတ်မံၚ်ရောၚ်ဟီုဂှ် သက်သဳကြုက်ကဵုအမေရိကာန် မကလိဂွံတၚ်တုပ်စိုတ်အကြာဏံဂှ် ကၠးမံၚ် တုဲတုဲရ။ ယဝ်ရပၞာန်တအ် ဒှ်အာဗဗွဲဓဝ် ပ္ဍဲအဆံၚ်ယူအေန်မဂး အကာဲအရာဒဳမဝ်ကရေဇြဳ ပ္ဍဲဂၠးတိပိုဲဏံ သုန်စှေ်အာစိုပ်ဂၠးဂတာမာန် ရောၚ်။ ဝါဒဒဳမဝ်ကရေဇြဳဂှ် ဓဝ်ပတှေ်ညးဂၠးတိတအ် အောန်စှေ်အာဇၞော်ဇၞော်ရ။ ဝါဒတၠအဝဵုပၞာန်တအ်ဂှ်လေဝ် ပ္ဍဲဍုၚ်ဗွဲမဂၠိုၚ် တအ် မံက်ဂတဝ်ကၠုၚ် ဗွဲမဂၠိုၚ်မာန်ကီုရောၚ်။ ပရေၚ်သီအဝဵုနူအလဵုအသဳ မဇၞးလဝ်မာဲတအ်ဂှ်လေဝ် ကတဵုဒှ်ဇၟာပ်ပ်ဒၞာဲမာန်ကီု ရောၚ်။ ဟိုတ်ဂှ်တုဲ တၠအဝဵုပၞာန်ဗၟာတအ် ဂွံဒှ်ဗဗွဲဓဝ် ပ္ဍဲအဆံၚ်ကုလသမဂ္ဂဂှ် ဝါတ်မံၚ်တၟာလှေ်ရောၚ် တော်ဆကေတ်မာန်ရ။ ဗီုကတဵုဒှ်မံၚ်တ္ၚဲဏံ စပ်ကဵုပေဲါပြိုၚ်ပကာန် ဂွံသ္ပစၞးပ္ဍဲယူအေန်ဂှ် ကၠာကၠာတေံ ခေတ်ကာလနေဝေန်၊ ခေန်ညောအ်တအ်ဂှ် ဟွံ ကေၚ်နွံကၠုၚ်ဂှ်တုဲ ဍေံဒှ်ဗီုသာ်ဝွံမာန်ရောၚ်ဂှ် ညးဂှ်မွဲ ဟွံကေၚ်တော်ဆလဝ်ရ။ ကၠာတေံ ပၞာန်သီအဝဵုတုဲဗက်ဂှ် ညးစၞးသွက် ယူအေန်ဂှ်လေဝ် ဍေံဒှ်အာညးစၞးသွက်ပၞာန်တအ်ကီုရ။ လၟုဟ်ဝွံ ဟိုတ်နူနာဲကျဝ်မဵုထောန် ဟွံလျောဝ်ဗက်လပါ်ပၞာန်ဂှ်တုဲ အ ကာဲအရာဂှ် ဒှ်အာဂတးဂတန်ရောၚ်။ အလဵုအသဳအမေရိကာန်လေဝ် သ္ပလဝ်စၟတ်သမ္တီ ဒုၚ်လဝ်တဲညးတေံပၠန်ဂှ်တုဲ အကာဲအ ရာဍာံဍာံဂှ် ဗီုဆိၚ်ဂှ်သၟိၚ်ဟွံစၟတ်ရ။ တုဲကၠုၚ်ခြာဟွံလအ်တေံပၠန်ဂှ်လေဝ် ကံၚ်သဳပၞာန်တအ် ဗလးမၞိဟ်ကဵုကၠတ်ဂစိုတ်ညးတေံ ပၠန်ဂှ်တုဲ ဟိုတ်အမေရိကာန် ဂွံလုပ်စလပါ်နာဲကျဝ်မဵုထောန် လပါ်အေန်ယူဂျဳဂှ် လောန်တုဲခိုၚ်ဗိုန်ဂၠိုၚ်အာရ။ ပ္ဍဲဂကောံကုလသမဂ္ဂဂှ် ယဝ်ရဂကောံကံၚ်သဳပၞာန်တအ် ဟွံကလိဂွံအခေါၚ်သ္ပစၞးမဂး သာ်လဵုညးတအ် ချဳဒရာၚ်အာပ္ဍဲကေၚ်ကာ ဂၠးတိဂှ်ရော။ ယဝ်ရအေန်ယူဂျဳ ကလိဂွံအခေါၚ်သ္ပစၞးမဂး အကာဲအရာပရေၚ်ဍုၚ်ကွာန် ဍုၚ်ပိုဲ ဗီုလဵုကြက်ဒှ်အာမာန်ဂှ်ရော၊ ယဝ် ရညးတအ်ကီု အေန်ယူဂျဳကီု ဟွံကလိဂွံအခေါၚ်သ္ပစၞးမဂး သာ်လဵုကံကုသဵုဗၟာ ကတဵုဒှ်အာမာန်ဂှ်ရော။ Wunchay Rukchaytdee (ဓရီု) ၂၀:၂၃၊ ၈ နဝ်ဝေမ်ဗါ ၂၀၂၁ (+0630)

စေဝ်ပၞောန်ပန်တၚ်

စေဝ်ပၞောန်ပန်တၚ် "#ယၟုအ္စာကၞေဟ်ဂှ်ဒးဒှ်ယၟုမန်ဟေၚ်ရောၚ်ယဝ်ဟွံဒှ်မ္ဂးၜိုန်ရတမ်လိက်စၟတ်ပေၚ်ဒၟံၚ်ကီုလေဝ်ဒှ်လလေၚ်ဟေၚ်ရ"

   ပ္ဍဲအရာချူလိက်ပရေၚ်မွဲပိုဒ် ဒးပၠောပ်စိုတ်ကၠာအိုတ်ဂှ် လိက်ပရေၚ်ဇကု ဂွံဒုၚ်ရုဲစှ်မံၚ်ကဵု/ဟွံမာန်ဟွံသေၚ်။ လိက်ပရေၚ်ဇကု ကိတ်ညဳမံၚ်ကဵု၊ တၚ်ရန်တၟံကေုာံ စေဝ်ပၞောန်ဂကောံကီုဟာဟေၚ်မဒှ်ရ။ဟိုတ်ဂှ်ရ ညးမချူလိက်ဝွံ ဇၟာပ်ချူတမ်လိက် သ္ပကၠုၚ်သတိကဵုတၚ်ရန်တၟံကေုာံစေဝ်ပၞောန်ဂကောံဗွဲတၟေၚ်ရ။ပ္ဍဲကာလကလိဂွံကသပ် သွက်ဂွံချူတမ်လိက် ဇရေၚ်ဂကောံမဂ္ဂဇြေန်လဂံါအာဇာနဲကၞပ်ပိဝွံလေဝ် ဗှ်လ္ၚတ်ရံၚ် တၚ်ရန်တၟံကေုာံစေဝ်ပၞောန်ဂကောံမဖျေံလဝ် သွက်အ္စာကၞေဟ်ဂမၠိုၚ်ရ။ ကာလစိုပ်စေဝ်ပၞောန်မရနုက်ကဵုပန် အတိုၚ်မစၞောန်ထ္ၜးလဝ်လတူတေံဂှ်-
        "  အဝ်……ဒၟါနူဂှ်ဟေၚ် ပ္ဍဲကၞပ်ၜါတေံ နာဲမိၚ်တဝ်ဂှ်ဂွံဒှ်အာယၟု နာဲမၞိက်ၜိုပ်၊
       နာဲထောန်သိၚ်ဂှ် ဂွံအာယၟုနာဲထဝ်သောန်ရောၚ်သွံ…။"
         သာ်ဝွံ ပဟေဠိဟွံသောၚ်ပ္ဍောၚ်မံၚ်မွဲတၚ်ဂှ် တၟးအာဖၠၚ်ရ။ မွဲဒမြိပ်ဓဝ်ဟေၚ် စိုဂ်မကေတ်တဴဂုဏ်စရာဲလတူလညာတ်ဥာဏ်ညးတာလျိုၚ်ဂကောံမဂ္ဂဇြေန်မန် လဂံါအာဇာနဲဂမၠိုၚ်ဂှ် မံက်ဂတဝ်တိုန်ကၠုၚ် တာဒၞါဟွံမာန်ရ။ စေဝ်ပၞောန်မရနုက်ကဵုပန်ဝွံ ဇၟာပ်ဂကောံမဂ္ဂဇြေန်မန်တံ သ္ပဒတန်တုဲ သုၚ်စောဲထေက်ရောၚ်။
        ယၟုမ္ဂးဂှ် တၚ်လဝ်သွက်ဂွံကော်သက်သက်ရောၚ်-သာ်ဝွံမိက်ဂွံသ္ဂးမာန်ရ။ ဆဂးမၞိဟ်မ္ဂးဂှ် မံၚ်ဒၟံၚ်ကဵုယၟုမွဲမရောၚ်-ဗီုဂလာန်မြဴသာ်ဝွံလေဝ်နွံမံၚ်ကီုတုဲ သွက်ဂွံလ္ၚတ်ပရောယၟုဂှ် ဂွံတဴဒြဟတ်ပၠန်ရ။ သွက်မၞိဟ်မွဲမွဲဂှ် ယၟုမွဲမကိစ္စဇၞော်ကွေုရ။ ယၟုမွဲမခိုဟ်မ္ဂး ကုကၠောန်ကၠောန်ညးတၞဟ်ထေၚ်ခိုဟ်ရ။ ဗွဲတၟေၚ်-ယဝ်ရကၠောန်ပရေၚ်ဍုၚ်ကွာန်,ပရေၚ်ပိုန်ဒြပ်မ္ဂး ယၟုဟွံခိုဟ်ဟွံဂွံရ။
            ဆေၚ်စပ်ကဵုယၟုတုဲ ညးကဝ်တံ ဟွံသ္ပထောံမဇ္ဇျဟ်ရ။ ဓရ်ပရမတ်ဂမၠိုၚ် ယဝ်ရစာ်စ္ဍးအာနူပညပ် (ယၟု)မ္ဂး လတူနူဒှ်ဂုဏ်ဖဵုညးလောကတံဂှ် ဒှ်ဒုဟ်ဂၠိုၚ်ရောၚ်-ဂှ် ညးတံကၠိုဟ်ခၠၚ်လဝ်ရ။ ယၟုဟွံမွဲမ္ဂး ကပေါတ်ကညောတ်အဝိညာဏကမပ္တံ ဂဥုဲဂမၠိုၚ်ကီု၊ သတ်သဝိညာဏက မပ္တံမၞိဟ်ဂမၠိုၚ်ကီုဟွံမွဲကဵုအပိုၚ်ခြာအာကာသဓာတ်ညးကဵုညးရ။ အပိုၚ်အခြာမြဴသာ်ဝွံ ဟွံမွဲမ္ဂး အဝေါၚ်မၞိဟ်လေဝ်မံက်ဂတဝ်ကၠုၚ်ဟွံသေၚ်ရ။
            ဟိုတ်ဂှ်ရ ဆေၚ်စပ်ကဵုယၟုတုဲ သ္ပကၠုၚ်သုတေသန်ဗွဲမလံလကာဖာတေံရ။ ပြကိုဟ်ဗေဒၚ်ဂမၠိုၚ်မပ္တံကဵု နာမက္ခရဆာန်

မဒက်ပတန်လဝ်နကဵုဂိုဏ် (၈)ဂိုဏ်မပ္တံ "ဘ" ဂိုဏ်၊ ပြကိုဟ်ခုတ်ယၟုဒုၚ်သဇိုၚ်ကဵု ဂၞန်သၚ်္ချာသ္ၚိတုဲ၊ ပြကိုဟ်ဗေဒၚ်ရးပလိုတ်-ဗီုရုပ်ယၟုမကိတ်ညိကဵု ဂၞန်သၚ်္ချာပုၚ်ခၟူ၊ ဂၞန်သၚ်္ချာယၟု-NUMEROEOGY ဂမၠိုၚ်ကီု ပြကိုဟ်သုတေသနဂမၠိုၚ် မပ္တံကဵုပြကိုဟ်ဝၚ်ကောန်ဂကူဒေသကောန်ဂကူ၊ ပြကိုဟနအဘိဓာန်ဂမၠိုၚ်ကီုမံက်ဂတဝ်ကၠုၚ်လတူကဝ်ဏံဗွဲမဂၠိုၚ်ရ။

        ဗွဲစၟတ်တုန်-ယၟုမ္ဂးဂှ် စၞောန်ထ္ၜးမံၚ်အဓိပ္ပါယ် ရနူက်ဗ္ဒန်မၞုံကဵုၚုဟ်မးဂမၠိုၚ်ရ။ ယၟုမၞိဟ်မ္ဂးဗီုယၟုမၞိဟ်၊ ယၟုတိရစ္ဆာန်၊ ယၟုတၞံဆုမ္ဂး ဗီုတၞံဆု-မပ္တံသာ်ဏံ ဖန်ဗဒှ်မံၚ်ကဵုဒြဟတ်ဒမၠုဂမၠိုၚ်နူလက်ကြဴတေံ ဗွဲမသကာတ်မြဟ်ဂှ် ဂွံဆဵုကေတ်ရ။ ဆဂးဂှ် လိက်ပရေၚ်ဝွံ ချူပရောအစောံသတ္တိယၟုဟွံသေၚ်တုဲ ဟွံဇမၠိၚ်ဇိုၚ်ကၞေဟ်ပရောဗေဒၚ်ဂမၠိုၚ်ရ။ ဟီုသာ်ဂှ်မ္ဂး ပဲါနူဏံမုဂုဏ်ဖဵုနွံမံၚ်ဏီရော။
         ဗီုယၟုကိစ္စဇၞော်ဂှ် နကဵုပုစ္ဆာ(၃)တၚ် သၟဝ်ဝွံ သ္ပဏာပြာကတ်ရ။
     ၁။  ဂကူမြာန်မာ(ဗၟာ)တံဂှ် ဂကူသာကျ၊ဝၚ်ကွေံဟာ။
    ၂။   မန်လုပ်ကၠုၚ်ဍုၚ်ဏံ နူဒိုဟ်လဵုရော။
     ၃။   ဂကူပျူ အခိၚ်လဵုကၠေံအာရော။

၁။ ဂကူမြန်မာ(ဗၟာ)တံဂှ်ဂကူသာကျဝၚ်ကွေံဟာ။

  ဗၟာတံ ဒလူလပုဟ်တဲကဵုဝင် "တကံၚ်" တုဲ ဒုၚ်ယၟုဂကူသာကျဝၚ်ရ။ ဒုၚ်ယၟုဂကူသာကျဝၚ်မ္ဂး "ပိုယ်ဂှ်တၞောဝ်ဒတောဝ်ကျာ်ရောၚ်- " သာ်ဝွံ ဒုၚ်ဝန်တုပ်တုပ်ရ။ အာစာဝၚ်ဗၟာတံဗွဲမဂၠိုၚ်တံဂှ် "တၞောဝ်သၟိၚ်ပထမ-အဘိရာဇာဂှ် ဒှ်ညးပတန်ဍုၚ်ရ။ ဟိုတ်နူသၟိၚ်ဝိဋဋူဘ ဗတိုက်ဍုၚ်ကပိလဝှ်တုဲ ညးတံပှ်တိတ်ကၠုၚ်ဒၞဲါ ဍုၚ်တကံၚ်ဝွံရောၚ်။ဟိုတ်ဂှ်ရ ဂကူမဒှ်တၞောဝ်ဒတောဝ် "တကံၚ်" ဂမၠိုၚ်ဂှ် ဒှ်ဂကူမပိၚ်ပှ်ကၠုၚ်နူမဇ္ဇျိမဒေသတေံရောၚ်" သာ်ဝွံ ချူတဴအိုတ်ရ။ အတိုၚ်လဟီုဏံ ယဝ်ရကေတ်စမ္ဂး ဂကူဗၟာတံဂှ် ဟွံပါလုပ်ပ္ဍဲဂကောံ "မန်ဂေါ" တုဲ ပါလုပ်ပ္ဍဲဂကောံဂလာတၟောဝ်အာရိယာန်တံရောၚ်-ဟီုစဂွံရ။
          FDEA - ကၠေၚ်က္ဍဟ် "ဂကူဗၟာ ဂကူသာကျဝၚ် " ပ္ဍဲဝၚ်ဗၟာကၠာတေံချူကၠုၚ်ဟွံမွဲရ။ မွဲအခိၚ်တေံဍုၚ် "တကံၚ်"နွံကၠုၚ်၊ ယၟုဨကရာဇ်ဂှ် အဘိရာဇာ-သာ်ဝွံဗွဲမခ္ဍန်ဟေၚ် ချူကၠုၚ်ရ။ ညးတၞောဝ်ဒတောဝ်"တကံၚ်" တံ ကၠုၚ်နူမဇ္ဇျိမဒေသလေဝ်ဟွံပါ။ ဂကူဗၟာ ဂကူသာကျဝၚ်လေဝ်ဟွံပါရ။
      အ္စာဝၚ်ဗၟာမဟာသဳလဝံသ(၁၆က္ဍိုပ်ကၠံကၠာ)ကီု၊ ဥူကလာ(၁၈ က္ဍိုပ်ကၠံကၠာ)ကီု ၊ တောန်တေန်တာက်ဝန် မဟာစဳသူ(၁၈ ဗွဝ်ကၠံ) ကီု၊ ဒှ်အ္စာဝၚ်ဗၟာ ဒယှ်ဂမၠိုၚ်ရ။ ဆေၚ်စပ်ကဵဝၚ် "တကံၚ်" ဂှ်အယာံမာတ်မြော်-ဓမံက်သ္ဂးရ။ ပ္ဍဲလိက်ရာဇာဝၚ်ဗကာံတၟိလေဝ် ဓမံက်ထ္ၜးလဝ်တၞောဝ်ဒတောဝ်သၟိၚ်တကံၚ်ဟွံမွဲရ။
       စိုပ်လက်ထက်ကုၚ်ဗံၚ်(၁၉ က္ဍိုပ်ကၠံ)၊ ဟီုချိုတ်ချိုတ်ပၠိုတ်ပၠိုတ်မ္ဂးပ္ဍဲသက္ကရာဇ်ခရေတ်-၁၈၂၉သၞာံဏံမှ အ္စာရာဇဝၚ်မှန်နန်တံ ဟီုကၠုၚ်ပရောဝၚ်တကံၚ်ဗွဲတြးရ။ ပရောဍုၚ်တကံၚ်ကီု၊ ပရောတၞောဝ်ဒတောဝ် သၟိၚ်တကံၚ်ကီု ဟီုကၠုၚ်ဗွဲတြးတုဲ ဝါဒ "ဂကူဗၟာ ဂကူသာကျဝၚ် " ဂှ် မံက်တိတ်ကၠုၚ်-မဒှ်ရ။ ၜိုန်ဂှ်လေဝ် အ္စာရာဇဝၚ်မှန်နန်တံ ချူလဝ်ဆဆဵုဟွံသေၚ် ညံၚ်ဂွံနွံကဵုယုတ္တိဗေဒဂှ် စၞောန်ထ္ၜးလဝ်ပြကိုဟ်နိဿယ်ရ၊တကံၚ်-ညးတံနိဿယ်လဝ်ဂှ်လေဝ် ဍာံဍာံတေံပရောတၞောဝ်ဒတောဝ်သၟိၚ်တကံၚ် ဟွံပါရ။ ဟိုတ်ဂှ်ရ စိုပ်လက်ထက်ဏံမှ ဖန်ဇန်တိုန်ရာဇဝၚ်ဏံဗွဲတြးရောၚ်ဂှ် ပြာကတ်မံၚ်ရ။
         အခိၚ်ချူရာဇဝၚ်မှန်နန်ဂှ် ဒှ်အခိၚ်ကောန်ဍုၚ်အရၚ်တံဟွံညဳသာသၟဟ်သၟန်၊ ဒှ်မံၚ်ပြသၞာဝိရောဓိတုဲ ညံၚ်ဂွံစိုပ်လတူဂကူမန်မၞုံကဵုတၞောဝ်ဒတောဝ်ဝၚ်မခိုၚ်ကၠိုက် မဍိုက်ပေၚ်ကဵုယေန်သၞာၚ်ပြဝေဏဳကဆံၚ်လှုၚ်ဂှ် ဗၟာတံသ္ဒးထွုတ်ပတိုန်ဝၚ်ကံၚ်ဗွဲတြးရ။ ဂကူမန်တံဂှ် စၟတ်သမ္တီလဝ်ဂကူ သာကျဝၚ်ဂှ်ဂကူပြဲတုဲ ညးတံလုပ်ထောံအဝေါၚ်ဂကူသာကျဝၚ်မှ ပ္ဍဵုပ္ဍိုက်ဝးပကဝ်ကၠေံ စိုတ်ဓါတ်ဆီနာဲဂကူမန်တံမာန်ရောၚ်မဒှ်ရ။ ဟိုတ်ဂှ်ရ-အရေဝ်မ္ဂး" ဂကူဗၟာ-ဂကူသာကျဝၚ် "ဂှ် ဒှ်အရေဝ်ဇြဲကဴဝဴသတ်-သဒ္ဒတ်ဟွံမွဲတုဲ အယာံမာတ်သၠုၚ်ဝေၚ်သကေတ်ဇကုဟေၚ်ရောၚ်ဂှ် အ္စာဝၚ်တံ ဖျေံလဝ်သ္ဂုတ်သွာတ်ညာတ်လဝ်အဇှ်ေ ဇိုၚ်ကၞေဟ်ရာဇဝၚ်မှန်နန်ရ။
       ပ္ဍဲအရာဂကူဗၟာတံ ဂစာန်တဴညံၚ်ဂွံစိုပ်လတူဂကူမန်ဂှ် စိုပ်ခေတ်ကုၚ်ဗံၚ်ဏံမှ သ္ပကၠုၚ်ဍာ်ပလာဲဝေၚ်ကၠုၚ်ပြယာဲ ဟွံသေၚ်ရ။ နူခေတ်ဗကာံတေံလဝ် သၟိၚ်ရေတ် တက်ကၠုၚ်ပေဲါအလီ-ဂှ်ဗှ်ကေတ်ပ္ဍဲလိက်တၟံယှိုဲစိခုံ "မာန်ရ။ ဂကူမန်တံ ရှ်ေသှ်ေမံၚ်မှာထေရ်ပဝမ္မတိ၊ ဂကူပျူဂှ်ရှ်ေသှ်ေဒေဝတဴဗိသြဴ-တုဲ-"ဂွံလဝ်ပျးဒိုသ်နူညးတံညံၚ်ညံၚ်" ချူလဝ်ပ္ဍဲလိက်တၟံဂှ်ရ။သုၚ်စောဲပါဝါမှာထေရ်ဂဝမ္မတိ, ဒေဝတဴဗိသြဴတံတုဲ အုပ်ဓုပ်ကၠုၚ်ဂကူမန်တံကေုာံဂကူတိစူ(ပျူ)ရ။တက်ကၠုၚ်ဓယံက် ပရေၚ်ဘာသာဂှ် စကၠုၚ်နူဍုၚ်ဗကာံတေံရောၚ်-ဟီုစဂွံရ။
     ဂကူဗၟာကၠုၚ်နူမဇ္ဇျိမဒေသဟွံသေၚ်မ္ဂး နူလဵုညး တံကၠုၚ်ဂှ် သ္ဒးစၞောန်ထ္ၜးမာန်ရ။ ပ္ဍဲဒၞဲါဝွံယၟုဂမၠိုၚ်ဟီု ကၠုၚ်အရေဝ်ရ။ မၞိဟ်မ္ဂးဂှ်ဇိုတ်ကၠေံဒၞဲါဇိုၚ်ဇကုဟွံအးရ။ ဂၠိုၚ်ကဵုအောန် စက်ဒၞဲါဇိုၚ်သှ်ေဝက်မံၚ်ဟေၚ်ရ။ "ဇြုံကဵု ဇြုံညာတ်ဒၞဲါဇိုၚ် "ဟီုဂှ် တန်ဒှ်အဓိပ္ပါယ်ဏံရ။
      ဂကူဗၟာတံလေဝ် ဒၞဲါညးတံမံၚ်ကၠုၚ်နူတမၠာတေံဂှ် ဒၞဲါဇိုၚ်သှ်ေဝက်ကၠုၚ်ရ။ ယဝ်ရဒးထ္ၜး ဥပမာမ္ဂး ပ္ဍဲဂကူမန်ပိုယ် ဒိုသ်ပန်ဂှ် အဓိပ္ပါယ်ပြာကတ်လောန်ရ။ဒိုဟ်ဗၟံက်မ္ဂးဒၞဲါတ္ၚဲမံက်တိုန်၊ ဒိုဟ်ပလိုတ်မ္ဂးဒၞဲါတ္ၚဲပၠိုတ်စှ်ေ၊ ဒိုသ်သၠုၚ်ကျာမ္ဂး ဂၠံၚ်ကျာသၠုၚ်၊ ဒိုသ်သၟဝ်ကျာမ္ဂး ဂၠံၚ်ကျာအာ-ပြာကတ်မံၚ်ရ။ ပ္ဍဲဂကူဗၟာတံ ဒိုဟ်ပန်ဂှ် အဓိပ္ပါယ်ရနူက်ဗ္ဒန်လောန်ရ။ အဓိပ္ပါယ်ဟွံမံက်ဂတဝ်။ဂတမုခ်လပါ်တ္ၚဲတိုန်တေံညိ။ ဂတမုခ်ဇကုဂှ် "အရှေအ်"၊ လက်ကြဴဇကုဂှ် "အနံက် ၊ လပါ်တဲပုၚ် ဂှ် တံၚ် "လပါ်တဲပဲါဂှ် မြံက် " သာ်ဝွံသ္ဂးရ။ နူဂကူဗၟာ ဝိုတ်ကၠံ ကံက်သၟာန်စမ်ရံၚ်မ္ဂး အတိုၚ်လတူတေံဟေၚ် ကဵုကၠုၚ်သွဟ်ရောၚ်-မဒှ်ရ။ တၚ်ဒုဟ်ဟွံထေက်ရ။ ပ္ဍဲဘာတန်မူလလေဝ် ဗတောန်မံၚ်အတိုၚ်ဂှ်ရသေၚ် ဟာ။
          အဓိပ္ပါယ်ဒိုသ်ပန်လတူတေံဂှ် အဓိပ္ပါယ် "အရှေအ် "ကဵု "အနံက်" ဝါဒိုသ်ဂှ်နွံကဵုယုတ္တိတုဲ အဓိပ္ပါယ် "တံၚ်" ကဵု မြံက်ဝါဒိုသ်" ဂှ် ဟွံပြာကတ်ရ။ယၟုဒိုသ်(၂)ဒိုသ်ဝွံ စၞောန်ထ္ၜးလဝ် ဇာတိတိုပ်သုက်ဂကူဗၟာတံ ပေၚ်ပေၚ်ရ။ ဒၞဲါဗၟာတံမံၚ်ကၠုၚ်ကိုပ်ကၠာတေံဂှ် ဒှ်ဍုၚ်ကြုက်ဒေသနေရတိရ။ တ္ၚဲဏံ တွဵုရးကောန်သုကော်ရ။ ညးတံယေန်သၞာၚ်ဟွံမွဲဏီတုဲ မံၚ်ဒၟံၚ်ပ္ဍဲအကြာ ဂြိုပ်ဒဵုဝိစောဝ်ရ။ ဒၞဲါမူလဒေသညးတံဂှ် တၟေၚ်တၟေၚ်တၟဟ်တၟဟ် ဝိဂှ်ဇွောဝ်မံၚ်လပါ်သၟဝ်ကျာရ။ ဗွဲမဂၠိုၚ်ဝိမ္ဂးဂှ်ဇွောဝ်လပါ်သၠုၚ်ကျာဂၠိုၚ်ရ။ ဟွံသေၚ်မ္ဂးလပါ်ပလိုတ် ဟွံသေၚ်မ္ဂးလပါ်ဗၟံက် ဇွောဝ်တဴတုဲလပါ်သၟဝ်ကျာဂှ် ဇွောဝ်စအောန်ရ။ ဝိမၞုံယၟု "ဟဵုအေန်ယဵု" မူလဒေသဗၟာတံဂှ် ဟဳဇွောဝ်မံၚ်လပါ်သၟဝ်ကျာရ။ ဟိုတ်ဂှ်ရ သၠုၚ်ကျာဂှ် ဟိုတ်နူဒဵုနွံမံၚ်တုဲ "တံၚ်" သာ်ဝွံသ္ဂးတုဲ လပါ်ၜဳဟဳဇွောဝ်စှ်ေအာဂှ် "မြံက်" သာ်ဝွံပညပ်စရ။ မြံက်ဂှ်ချူမံၚ်ပ္ဍဲလိက်တၟံ"မ္လစ်သြက်-မ္လစ်အောက်" တုဲအဓိပ္ပါယ်ဂှ် သၟဝ်ၜဳ-ၜဳလပါ်သၟဝ်-မဒှ်ရ။သရုပ်ထောံမ္ဂးလတူၜဳဂှ်ဒဵုနွံမံၚ်တုဲ "တံၚ်" လပါ်ၜဳ ဟဳဇွောဝ်စှ်ေအာဂှ် မ္လစ်အောက်/မြောက်" သာ်ဝွံ ဂွံအဓိပ္ပါယ်ရ။ ဟိုတ်ဂှ်ရ ဗၟာတံဂှ် ဂကူသာကျဝၚ်ပိၚ်ပှ်ကၠုၚ်နူ မဇ္ဇျုမဒေသဟွံသေၚ်တုဲ ဒှ်ကောန်ဍုၚ်အရၚ်ဍုၚ်ကြုက်မၞုံပ္ဍဲအကြာမုဟ်ဂြိုပ်ခၟဴ ဂစေံ သကေံကၞောတ်ၜဳ "မာချူ" မဒှ်လစှ်ေၜဳဇၞော်ဟဵု အေန်ဟဵုကေုာံဒေသ"ဗယျာန်ခရ "ရောၚ် - ဂှ် ယၟုဒိုသ် ညးတံသုၚ်စောဲမံၚ်ဂှ် လဴထ္ၜးလဝ်ကဵုဗွဲမဗိုန်ဗတ်ရ။ပဵုတုဲပြာကတ်မံၚ်ပၠန်ဂှ် ဂကူကောန်ဍုၚ်အရၚ်ဆီတုပ်ကဵုဗၟာ မသှ်ေမံၚ်လတူဒဵုတံဂှ် ဒဵုတ္ၚဲဏအ်ကော်စချေံ "မြာန်" ရ။ ဗၟာတံဍိုက်ချေံစောန် ပန်တ္ၚဆိုက်ဗ္ဒက်တဴရ။ ဗၟာပါမ္ဂးချေံပါရ။ ဟိုတ်ဂှ်ရ ဗၟာကၠုၚ်မ္ဂး ချေံကၠုၚ်ရ- သာ်ဝွံ နကဵုဌာနူပစာ၊ သဒိသူပစာ ကော်ခဴကၠုၚ်ဂကူ ဗၟာတံ "မြန်မာ" ဒှ်ဂွံရောၚ်-အ္စာသုတေသိတံစှ်ေ စိုတ်ရ။ မြက်စာတုဲ "မြာန်"ကြံၚ်မ္ၚိုဟ်တုဲ "မာ" ဟွံသေၚ်။ "ဍိုက်ချေံကြမ်တုဲ"  "မြန်မာ" မဒှ်ရ။ ဂကူဗၟာတံဂှ် ဒးဒုၚ်ဍဵုဍိုက်ကဵုဂကူကြက်တံဗွဲမလောန်တုဲ ဟွံဂွံမံၚ်ကၠုၚ်ဝိုဟ်ဝိုဟ်ရ။ စိုပ်ဍုၚ်ပိုယ်ဏံတုဲမှ ညးတံဝွံ ဇူစဗွဲတသိုခ်စိုတ်တသိုခ်ကာယအိုတ်ရ။
     ပ္ဍဲအေဒဳ-၈၃၂ ဂှ် ကောန်ပၞာန်ချောမ်ဖေအ်ယဵု ကၠုၚ်ဗတိုက်ပလီုထောံလုၚ်သိရိခေတ္တရာတုဲ ရပ်ဏာမၞိဟ်ပိလ္ၚီတုဲ ဖျေံကဵုဒၞဲါပ္ဍဲချေဝ်တုၚ်-လၟုဟ်ဍုၚ်ခေါန်မေန် တွဵုရးယူနာန်ရ။ ပ္ဍဲအေဒဳ ၈၃၅ သၞာံဂှ် ထပ်ဗတိုက်သဓီုတုဲ ထပ်ရပ်ဏာ မၞိဟ်ပိလ္ၚီပၠန် စွံပကန်လဝ် ပ္ဍဲကၞောတ်ၜဳ ဨရာဝတဳ လၟုဟ်မျေတ်ကျဳနာ ရပ်နၚ်ဂကူဗၟာတံသ္ပကောန်ပဝ်တာဒပ်အာဂတ သ္ပစရန်ဍန်ပၞာန်ရောၚ် -သ္ဂောံတီကေတ်တုဲ ကိုပ်ကၠာနူအေဒဳ-၉-က္ဍိုပ်ကၠံဂှ် ဂကူဗၟာတံဟွံဂွံဖျေံဇိုၚ်ဍုၚ်ပိုယ်ဏီဂှ်လေဝ် ပြာကတ်အာရ။ဣဝွံ……အဆက်ဒတုဲဖဵုဝၚ်မကလိဂွံနူယၟုဂမၠိုၚ်မဒှ်ရ။

၂။မန်လုပ်ကၠုၚ်ဍုၚ်ဏံ နူဒိုဟ်လဵုရော

      အ္စာဝၚ်မန်တံဂှ် မန်ပိုယ်လုပ်ကၠုၚ်ဍုၚ်ဏံ နူဒိုသ်သၟဝ်ကျာရောၚ်-သ္ဂးရ။ မန်တံပ္တန်ကၠုၚ်ဍုၚ်ပ္ဍဲဇရေၚ်ၜဳ ယာန်သဳကြုၚ်ရောၚ်လေဝ်ဟီုရ။ အ္စာဝၚ်ဗၟာတံဂှ် မန်ပိုယ်လုပ်ကၠုၚ်နူဒိုဟ်ဗၟံက်တုဲကေၚ်မံၚ်ကၠုၚ် ပ္ဍဲဒေသတွဵုရး ကာန်တုၚ်ရောၚ်-သ္ဂးအိုတ်ရ။ အ္စာဝၚ်မန်လ္ၚဵု ယိုက်ဗက်အ္စာဝၚ်ဗၟာတံတုဲ ချူဗက်အတိုၚ်လညာတ်ညးတံလေဝ် ဂွံဆဵုကေတ်ရ။
        တွဵုရးကာန်တုၚ်ဂှ်နွံသၠုၚ်ကျာၜဳယာန်သဳ ကြုၚ်,ဗၟံက်ဍုၚ်ဗဳယေက်နာမ်ဏီရ။ ယၟုၜဳယာန်သဳ ကျာန်ဂှ်ဒှ်မံၚ်ယၟုမန်ကီု၊ မၞိဟ်ဒေသတံဂှ် သုၚ်စောဲလဝ်ဝေါဟာမန်ဗွဲမဂၠိုၚ်ကီု၊ ၜဳယာန်သဳကျာန်ဂှ်နူကုန်ဒဵုတိဗက်ဟဳဇွောဝ်အာလဒေါဝ်ဍုၚ်ကြုက်ဒဵုကဵုစိုပ်ဍုၚ် ရုၚ်ဟာဲကီုတော်ရံၚ်မ္ဂးဂကူမန်စကၠုၚ်နူကာန်တုၚ်ဂှ်ဒှ်ဟွံမာန်ရ။ပ္ဍဲကာန်တုၚ်ဂှ်မံၚ်ကၠုၚ်ကီုလေဝ် ကိုပ်ကၠာအိုတ်ဟီုဟွံဂွံရ။
         ဟိုတ်ဂှ်ရ ဂကူမန်တံဂှ် နူဒဵုသၟဝ်ကျာ လုပ်ကၠုၚ်ဍုၚ်ပိုယ်ဏံကီု၊ ဍုၚ်ဒွါရဝတဳ(သေံ)ကီု၊ ဍုၚ်ကမ္ဗုဇကီု မဒှ်ရ။ ဒွါရဝတဳလီုတုဲမှ စိုပ်ကၠုၚ်ဍုၚ်ရာမညဏံဟွံသေၚ်။ မန်ဒွါရဝတဳကေုာံမန်ရာမည (ဍုၚ်ဗၟံက်+ဍုၚ်ပလိုတ်)ဝါဍုၚ်ဝွံ မွဲဒမြိပ်ဓဝ်လိက်ပတ်ယေန်သၞာၚ်ဇၞော်-မောဝ်ရာၚ်ဆာဲကၠုၚ်ရောၚ်ဂှ် ယၟုယၟာမန်တြေံတြဟ် ညးဂူတံ,ခါသဳတံ ထ္ၜးမံၚ်သာဓကရ။
      မွဲသာ်ပၠန် ယဝ်ရလုပ်ကၠုၚ်နူဒိုဟ်ဗၟံက်မ္ဂး တၞောဝ်ဒတောဝ်မန်မပ္တံဂကူ မုဏ္ဍဆာန်တာ(လ်)၊ခါသဳတံဂှ် ဂွံစိုပ်အာတွဵုရးအာသာမ်၊ ရးမဇ္ဇျိမဒေသတေံဟွံလောဲရ။ ယၟုကွာန်၊ ယၟုဍုၚ်၊ ယၟုဘုတ်ဘာစေတဳ မၞုံမံၚ်ပ္ဍဲလတူဍုၚ်ပိုယ်ဗွဲမဂၠိုၚ်ဂၠၚ်တံဂှ် စၞောန်ထ္ၜးမံၚ်ဒဒှ်ရ မန်တံစိုပ်ကၠုၚ်ဍုၚ်ဏံနူဒိုသ်သၟဝ်ကျာရ။ ကာလချိုတ်-စွံက္ဍိုပ်, ကေတ်ဏာက္ဍိုပ်လ္ပါ်သၟဝ်ကျာဂှ် ပြာကတ်မံၚ်ရ။ ဒၟါနူယၟုမန်သှ်ေဝက်မံၚ်ပ္ဍဲဒေသတံဂှ်တုဲ ဂုဏ်ဖဵုဝၚ် ပတန်ၚုဟ်ဟွံမာန် ဂမၠိုၚ် မံက်ဂတဝ်ကၠုၚ်ရ။
      ၃။ ဂကူပျူ အခိၚ်လဵုကၠေံအာရော-
    ကြုက်တံကော်ခဴစဂကူပျူတံ "ပိယော" -(PINO)၊ မန်တံတံကော်ခဴစ "တိရ်စူလ်" ရ။ ဍုၚ်ဗဳသၞဴ ရာဇဌာနဳပျူတံဂှ် ပ္ဍဲ အေဒဳ-၅ က္ဍိုပ်ကၠံဂှ် ဖူနန်အၚ်ပါယာဗတိုက်ပလီုထောံရောၚ်-ဂှ် အ္စာဝၚ်ဗၟာတံ ထေၚ်သၠေဟ်တဴရ။ ဍုၚ်သဳရိခေတ္တရာ(ပြည်)ဂှ် ပ္ဍဲအေဒဳ (၈)က္ဍိုပ်ကၠံဂှ်သၟိၚ်ပျူလက်ကြဴအိုတ် သဳဟဝိကြမ ဂ္ဇံနန်ဂှ် ဂွံဆဵုကေတ်ရ။ လက်ထက်သၟိၚ်ဝွံ ယေန်သၞာၚ် ပျူတံဇၞော်မောဝ်ရာၚ်ဆာဲစိုပ်ကၞောတ်အထောတ်ရ။ သၟိၚ်သဳဟဝိကြမဂှ် ပ္ဍဲအေဒဳ-၇၁၈, စဴအာသွဝ်တုဲလက် ကြဴဏံ သၟိၚ်ပျူအဆက်ပိုတ်အာရ။ညးမွဲကဵုမွဲဟွံညဳ သကအ်ရ။ သၟိၚ်မအုပ်ဓုပ်ဂကူပျူတံသီု ဖအိုတ်ဂှ်ဟွံမွဲရ။ သၟိၚ်ဒေသညးကဵုညးဂှ်နွံမံၚ်ဏီရ။ ပ္ဍဲအေဒဳ-၈၃၂-ကာလကြုက်နန်ချံၚ်တံကၠုၚ်ဗတိုက်ဂှ် ဍုၚ်ပျူသီရိ ခေတ္တရာလီုအာရ။နူဂှ်ပတန်ဍုၚ်ဟာန်လေန်ပၠန်ရ။ ဍုၚ်ဟာန်လေန်လေဝ် ဒုၚ်ဟွံလံရ။ လ္ၚဵုဟီုကြုက်ဗ္တိုက် လ္ၚဵုဟီုပၟတ်ဒဵုဂတိုဟ်ဍုၚ်ဟာန်လေန်လီုအာရ။တော်ရံၚ်ကဵု ဂကူဗၟာတံ စိုပ်မံၚ်ဗကာံဍုၚ်ပျူတုဲ ဗၟာတံဟွံ ဗတိုဟ်-ဟီုဟွံဂွံ။
       ဂကူပျူတံဂှ် ကဵုဂကူဗၟာတုပ်တုပ်ဟီုဂှ် ဒးဗ္စာရဏာရ။ ဥပမာ-ဂကူညးဂူကဵုဂကူမန်တံ လောန်ကၠုၚ်ၜိုတ်(၈၀၀)သၞာံတေံဒှ်ကၠုၚ်မွဲဂကူဓဝ်ကီုလေဝ် လၟုဟ်ဟွံကၠိုဟ်အရေဝ်ညးသကံရ။ ဂကူဗၟာကဵုဂကူပျူတံဂှ် ဒှ်ဂကောံ တိဗက်တဝ်ပါမေန်တုဲ အရေဝ်တုပ်-ဟီုဟွံဂွံ။ ကရေၚ်ကဵုကချေၚ်တံလေဝ် အ္စာတံစုတ်လဝ်ပ္ဍဲဂကောံတိဗက်တဝ်ပါမေန်ကီုရ။ ရ မျှာၚ်ညးတံ ပဲါနူဟွံတုပ်ကဵုဗၟာတံ သက်သက်ရ။ ရ မျှာၚ်ညးတံ ပဲါနူဟွံတုပ်ကဵုဗၟာတံဂှ် ကြပ်မံၚ်ကဵုမန်တဴဏီရ။ နူစတမ်တေံ ပျူကဵုဗၟာတံ ဟီအရေဝ်တုပ်ကဵုဒှ်ကၠာရ။ ပြဆာဲမံၚ်ညးသကံပွိုၚ်(၉၀၀)သၞာံတုဲအခိၚ်တေံ ဂၠံၚ်ဆက်ဆောံ ဟွံမွဲတုဲ အရေဝ်ဂွံဆက်တုပ်အာပၠန် အခေါၚ်အောန်လောန်ရ။
        အ္စာဝၚ်ဗၟာတံချူမ္ဂး ဂကူပျူတံဂွံကၠက်ဂှ် ဗဝ်စုတ်ဒုဟ်လတူမန်,ခမေန်,ကြုက်တံရ။ ဆဂး-ဒၞါဲဍုၚ်ပျူတံဂှ် ဂကူဗၟာတံဂ္ဇံလဝ်ဂှ် ရုပ်ရဴပရေံမံၚ်ရ။ မန်ဂွံၚိတ်ပျူတံဂှ်လ္ပဟီုဏီ၊ အခိၚ်ပျူတံကၠက်အာဂှ် မန်တံနွံကဵုဍုၚ်ဟွံသေၚ်ရ။ နွံမံၚ်သၟဝ်တဲဗၟာတုဲ ညံၚ်ဂကူဇကု ဟွံဂွံကၠက်အာဂှ် ဒးရုန်ဂစာန်မံၚ် ဟွံသံက်သာလးလးဂှ် ဇၟာပ်ညးအဲမတ်တၟးမံၚ်သီုဖအိုတ်ရ။ ဂကူပျူတံဂှ် ကၠအ်အာပ္ဍဲတဲဗၟာတံတုဲ တာလျိုၚ်ပ္ဍဲမန်,ခမေန်,ကြုက်တံဟွံမွဲရ။
       ဂကူမန်ကဵုပျူတံ ဒှ်ကၠုၚ်ပၞာန်မွဲလှ်ေဟွံဆဵုရ။ကာလပၞာန်ကြုက်တံ+ခမေန်တံဓလဵုခၞံၚ် ကၠုၚ်ပၠံၚ်တိဍာ်မ္ဂး မန်ကဵုပျူတံ တံၚ်တဲညဳသာတုဲ စဵုဒၞါကၠုၚ်တိဍာ်ဇကုအိုတ်ရ။ အတိုၚ်အ္စာဝၚ်ဗၟာတံဟီု-ပျူတံဖေက်ဘဲမန်တုဲပြံၚ်တိုန်အာလပါ်ယှိုဝ်ဗဝ်တေံဂှ် ဒှ်ဟွံမာန်ရ။မူဟိုတ်ရောမ္ဂး ပ္ဍဲအေဒဳ ၈၃၂ သၞာံဂှ်ဍုၚ်သဓီုလေဝ် ဒၟါနူလီုအာကီုမဒှ်ရ။ ဒၟါနူဘဲပၞာန်ကြုက်တံတုဲ ပျူတံမွဲဓဝ်ဟွံသေၚ် ဒးပြံၚ်ဍုၚ် မန်တံလေဝ်ဒးပြံၚ်ဍုၚ်ကီုရ။
      ပျူတံဂှ် ဍုၚ်ဗိသၞဴလဵု စိုပ်သိရိခေတ္တရာ၊ သိရိခေတ္တရာလီု စိုပ်ဟာန်လေန်(ဟာန်လေန်ဂှ်နွံမံၚ်ဒိုဟ်ဂၞဲ ဍုၚ်ယှိုက်ဗဝ်(၁၁)တိုၚ်ရ)မဒှ်ရ။ မန်တံဂှ် ပထမသဓီုလဵု-စိုပ်သဓီုဒုတိယ၊ သဓီုဒုတိယလီု-စိုပ်သဓီုတတိယ၊ (ပထမသဓီုကဵု တတိယသဓီုဂှ် သဓီုလၟုဟ်ဝွံရ။ ဒုတိယသဓီုဂှ် နွံဇိုၚ်ဒဵုကေလာသရောၚ်-အ္စာတံသ္ဂးရ။)မဒှ်ရ။ မန်ကဵုပျူတံ ဟွံတၟေၚ်ညးသကအ်ရ။ ဂကူမန်ကဵုပျူဒဒှ်ရညိသာမံၚ်ညးသကံဂှ် ယၟုယၟာကပေါတ်ဗွဲမဂၠိုၚ်ထ္ၜးမံၚ်သက်သိရ။
       စိုပ်လက်ထက်သၟိၚ်ဗၟာအနူရုဒ္ဒ (အနာဝ်ရထာ)ဂှ် သဓီုလေဝ်လီုအာတုဲ စှ်ေအာသၟဝ်တဲဗၟာ ညံၚ်ရဴပျူတံကီုရ။ မန်ကဵုပျူဘဝတုပ်ရ။ သၟိၚ်အနဝ်ရထာဂှ်နူ AD-1044-စိုပ်-AD-1077သ္ပသၟိၚ်ရ။ သၟိၚ်ဗကာံလက်ကြဴအိုတ်ဂှ် သၟိၚ်ပေက်ကြုက်(AD-1256-1287)မဒှ်ရ။ခေတ်ဗကာံဂှ် ပွိုၚ်-234သၞာံတန်တဴကၠုၚ်ရ။ ဂကူပျူတံဂှ် ဒဵုကဵုစိုပ် AD-1248ဟွံကၠက်ဏီရ။ပ္ဍဲလိက်တၟံညံၚ်ယျၚ်ကျိတမိ မချူကှ်ေလဝ် AD-1233ဂှ် ယၟုဂကူပျူ,ဂကူမန်တံပါမံၚ်တုဲ ဒဵုကဵုအခိၚ်ဏံ ဂကူပျူတံနွံမံၚ်ဏီရောၚ်ဂှ် ပြာကတ်အာရ။ ဂကူပျူတံ နန်ကၠေံအာပွိုၚ်(၄၀၀)သၞာံပြၚ်ပြၚ်တုဲမှ ဂကူကၠက်အာရောၚ်မဒှ်ရ။ဂကူမန်တံဂှ် စိုပ်လက်ထက် သၟိၚ်ပေက်ကြုက်မှ ဂွံတိတ်ဗၠးနူသၟဝ်တဲဗၟာရ။
      ဒၟါနူဆဵုယၟု ကမၠောန်မောၚ်မပျူတံပ္ဍဲလိက်တၟံတုဲ အခိၚ်ပျူတံကၠေံအာကီု၊ ကၠေံအာပ္ဍဲတဲညးလဵုကီု၊ ညးဂှ်ၚိတ်ထောံကီု  တြးဇာဥာဏ်တုဲ ညးကဝ်တံတော်ဆဒးအာရ။ ဂကူမွဲမွဲကၠေံကၠက်အာဂှ် မွဲတ္ၚဲဓဝ်မွဲဗတံဓၚ်ဟွံသေၚ်။ ကၠေံကၠက်အာသိုက်သိုက်ရောၚ်။ညးမၚိတ်တံဂှ် ဖျေံလဝ်ဂွန်တုဲ ဖန်ၚိတ်အာညံၚ်ရဴကၠန်ရောၚ်ဂှ် ယၟုကမၠောန်မောၚ်မပျူတံဂှ် ကဵုမံၚ်သတိကဵုပိုယ်ရ။တၚ်ယၟုမန်ညိမန်-
           အ္စာသုတေသနတံဂွံရုပ်ကျာ်ပရမံ ခေတ်အနဝ်ရထာချူလဝ်လိက်ပျူမွဲ၊ အ္စာချူဂှ်ယၟုမန်။ၜိုန်ရတၚ်လဝ်ယၟုမန်မ္ဂး။ "သီရိဗညာနော "ကီုလေဝ် ဂကူပျူတန်ဒှ်ရ။ ပ္ဍဲထွာဲတေံ ဂွံရုပ်ကျာ်ပရမံၜါ ခေတ်သၟိၚ်ကျာန်ယျေတ် ချူလဝ်လိက်မန်၊ အ္စာချူလဝ်ယၟုမန်သီုၜါ။ ၜိုန်ဂှ်လေဝ်-ဆဵုလိက်မန်ပ္ဍဲထွာဲတုဲ ဂကူမန်စိုပ်ထွာဲရ-ဟီုဟွံဂွံသာ်ဝွံ အ္စာဝၚ်ဗၟာ သဝ်လူသွးရ။ 
     မန်ခေတ်ဗကာံတေံ တၚ်လဝ်ယၟုမန်ဖိုဟ် ဒးဒုၚ်ထောံ ဂကူပျူ။ ရးတနၚ်္သီတေံယၟုကွာန်မန်နွံပြာကတ်မံၚ်ဖိုဟ် ဒးဒုၚ်ထေၚ်မန်တံဟွံကေၚ်မံၚ်ရ။ အရေဝ်ဏအ်ဒှ်ဟွံဒှ်စွံလဝ်ကၠာတုဲမန်ပိုယ်ခေတ်ဏံ ဗွဲမဂၠိုၚ်ယၟုမန်ဟွံတၚ်၊ လိက်မန်ဟွံလေပ်တံဂှ် ဂတဏံ(၁၀၀၀)သၞာံပၠန်မ္ဂးအ္စာသုတေသနတံ စုတ်စရၚ်ပ္ဍဲဂကူလဵုထေၚ်ရောၚ်။ ဘာမန်လ္ၚဵု၊ ကွာန်မန်လ္ၚဵု အတိုၚ်ယၟုမန်ဂှ်ဟွံချူ၊ ကၠာဲထောံဘာသာတုဲ ချူမံၚ်တံဂှ်လေဝ် ပ္ဍဲဘာတံဂှ် ပ္ဍဲကွာန်တံဂှ် မူရဴဂကူလဵုမွဲမံၚ်ကၠုၚ်-အ္စာသုတေသနတံထေၚ်ရောၚ်။ ဥပမာ- "ဘာဇၞော်" ဂှ် ကၠာဲထောံ "ဘုရာကြီးကျောင်း"တုဲ ချူဟွံထေက်။"ဘာကျိုက်၊ဇနော"- သာ်ဝွံသ္ဒးချူအတိုၚ်ယၟုမန်ဂှ်ရ။
      လိက်မန်ဂှ်နူလက်ထက်အနဝ်ရထာစိုပ်လက်ထက်အလံၚ်စိသူ-ပွိုၚ် (၁၀၀)သၞာံဍောတ်ဍောတ် သုၚ်စောဲကၠုၚ်ပ္ဍဲနန်ဗကာံရ။ အမာတ်ဒဴဗညာမန်ဗၟာဟွံရုဲ သ္ဒးလေပ်လိက်မန်ရ။ ၜိုန်ရဒးဗတောန် လိက်မန်ကီုလေဝ် ဗၟာတံ ဒုၚ်ယၟုမန်ဟွံသေၚ်ရ။ တ္ၚဲဏံဂကူမန် ရဲဟွံလေပ်အရေဝ်မန်တံဂှ် သ္ပဟိုတ်ကဵုဟွံလေပ်အရေဝ်မန်တုဲ ဟွံဒုၚ်ယၟုမန်ဂှ် သ္ဒးအမ်သဝ်ရ။ ယၟုဍေံဂှ်လေဝ်ယၟုမန်ဟွံတၚ်လဝ်၊ အရေဝ်မန်လေဝ် ဟွံဗတောန်လဝ်ကဵုဍေံ၊ လိက်မန်ဂှ်သ္ၚောဲ၊ ကောန်ၚာ်ဗီုဏံဍေံထေၚ်ဍေံဂကူမန်ဟွံသေၚ်ဂှ် ဗျိဟွံထေက်ရ။
      ပ္ဍဲအိန်ထံၚ်မၞုံကဵုပ္ဍဲဍုၚ်လ္ဂုၚ်လ္ၚဵု မဍုက်ကေဝ်မံၚ်ကေုာံ ညးမချူလိက်ဏံဝွံ ညးတံသုၚ်စောဲယၟုမန်အလုံသ္ၚိရ။ကောန်ညးတံ ဟီုအရေဝ်မန်ဂွံသီုဖအိုတ်ဟွံသေၚ်ကီုလေဝ် "အာဲဂကူမန်" သာ်ဝွံဍေံတံ ဂံၚ်ဒုၚ်ယၟုသီုဖအိုတ်ရ။ ဒၟါနူဟွံလေပ်လိက်မန်,ဟွံလေပ်အရေဝ်မန်တုဲ ဟွံဒှ်ဂကူမန်ဂှ်အဓိပ္ပါယ်ဟွံမွဲရ။ ပ္ဍဲဍုၚ်လက်တေန်အမေရိကာန်ဗွဲမဂၠိုၚ်တံဂှ် အရေဝ်,လိက်ပတ်ညးတံကၠေံအာပ္ဍဲအကြာဘာသာကဵုလဵုနဳကီုလေဝ် ယၟုဂကူညးတံ ညးတံဟွံကၠဟ်။ စိုပ်မွဲတ္ၚဲညးတံဟွံကၠဟ်။ စိုပ်မွဲတ္ၚဲညးတံဂွံဗၠးၜးရ။
         ပ္ဍဲအခိၚ်တ္ၚဲဏံ ဂကူမန်တံ ထေက်ကဵုဒးစွံသတိအိုတ်ရ။ ၜိုတ်လဵုဒှ်ဒှ် ယၟုဇကုကီု၊ ယၟုဒေသဇကုကီု၊ ယၟုမန် သ္ဒးဒှ်ရ။ ဂွံဆဵုညးယၟုကၠာဲမံၚ်တံဂှ်မ္ဂး ဒးကဵုလညာတ်ထေက်ရ။ ဒးသောၚ်ကလးၚုဟ်မးယၟုထေက်ရ။ "ဂကူမန်ဂှ် ဂျိုၚ်မံၚ်ကဵုယၟုမန်မွဲမရောၚ်"ဂှ် ဒးကဵုသမ္တီထေက်ရ။ သ္ၚိဌာန်ဇကုဘုတ်ဘာဇကု၊ ကောန်ဇကု ကောန်ကွးဇကုတံဂှ် ဒးခုတ်ခဴကၟုမန်ထေက်ရ။ အယာံမာတ်မိ,နာဲမိမံၚ်ဂတဂှ်မွဲမဓဝ် ဟွံရုမ်ဂပ်ဏီဂှ် သ္ဒးကဵုပညာထေက်ရ။
       ကၟိန်ဍုၚ်ပိုယ်ဝွံဒက်ပတန်လဝ်နကဵုကောန်ဍုၚ်အရၚ်ဂမၠိုၚ်ရ။ ကောန်ဍုၚ်အရၚ်ဂမၠိုၚ်ဂှ် နကဵုသာ်အရံၚ် ဇကုအပိုၚ်ဂှ် ကယျိုၚ်ကယျဝ်မံၚ်ကၟိန်ဍုၚ်အိုတ်ရ။သွက်ဂွံကယျိုၚ်ကယျဝ်ကၟိန်ဍုၚ်ဂှ်ဂကူမန်တံ ဟွံဒးပြံၚ်သာ်ရ။ နကဵုသာ်အရံၚ်ဇကုအပိုၚ်ဂှ်ဟေၚ် ကယျိုၚ်ကယျဝ်မ္ဂး ကၟိန်ဍုၚ်လေဝ်တန်ဂကူပိုယ်,တွဵုရးပိုယ်လေဝ်တန်အာမာန်ရောၚ်။ နကဵုသာ်အရံၚ်မန်မတွံဂး လိက်ပတ်ဘာသာ,သာသနာ,ပညာဂကူမန်ဂမၠိုၚ်ဂှ် ကယျိုၚ်ကယျဝ်အာကၟိန်ဍုၚ်ထေက်ရ။ နကဵုယၟုမန်ဂှ် ဒက်ပတန်အာဝၚ်ဘဝကောန်ဂကူဇကုပ္ဍဲကၟိန်ဍုၚ်ဏံထေက်ရ။ လက်ကြဴအိုတ်ဂှ် ညံၚ်ရဴစေဝ်ပၞောန်မရနုက်ကဵုပန် ဒှ်မံၚ်ဒတန်ပ္ဍဲမဂ္ဂဇြေန်မန်လဂံါအာဇာနဲကီု ဇၟာပ်ဂကောံမဂ္ဂဇြေန်မန် သ္ပဒတန်စေဝ်ပၞောန်ဝွံထေက်ရ။
        
               ✍   ရာမည-မာံဝါန်ၛာဲ✍
               ကွာန်ကအ်သိုခ်
    သၞောဝ်စိုပ်တွဵုရး ပ္ဍဲဍုၚ်ဗၟာဏံမ္ဂး "မွဲတ္ၚဲဂကူမပဒတဴ ပ္ဍဲတွဵုရး ဒၞာဲတံဂှ်တံဂှ် အာတ်မိက်ကၠုၚ် မိက်သၠာဲယၟုတွဵုရးမ္ဂး သၠာဲကဵုမာန်ရောၚ်" ရံၚ်ကဵုပိုဒ်ဏံတုဲ ပ္ဍဲတွဵုရးမန် မၞိဟ်ဟီုအရေဝ်မန် အောန်အာမ္ဂး ယၟုမ္ဂး "တွဵုရးဍုၚ်မန် " ဂှ် ပြံၚ်လှာဲအာ ယၟုတၞဟ်မာန်ရောၚ်၊ စွံသတိကဵုဇၞော်ညိ။ Wunchay Rukchaytdee (ဓရီု)  ၂၀:၂၈၊ ၈ နဝ်ဝေမ်ဗါ ၂၀၂၁ (+0630)

ဍိက်တၠအဝဵုပၞာန်

ဍိက်တၠအဝဵုပၞာန်

ယွံကလောပိုဲ ဟိုဲမန်မွဲသကအ် ဂွံတီလဴကဵု ဒှ်ဖဵုဗိုန်ဇၟအ် နေဝေန် သာန်ယု ယၟုဗမာတအ် ဗော်ပၞာန်ဂမၠိုၚ် ပိုၚ်လဝ်ဍုၚ်ဏအ် ပေၚ်စှ်ၜါသၞာံ ပယျာံဟွံပၠအ် ဍန်ဂြက်ဇဳဂၠံၚ် ပၠံၚ်ၜးတေံဏအ် ဗက်သီဗၞိက်တိုက် ဍိုက်ယာန်ဂဇအ် လောဘဖအဴ ထဴသီတိကၠအ် လုံကောန်ရးဍုၚ် ဒုၚ်ပျဲရေက်ကအ် ပၞာန်ဂွှံအဝဵု ညျြါံ က်ကဵု ကှအကြှအြ ဗက်ကိတ်ဗက်ကဳ သၚဳညးဂြိပ်တၚအ် ဓဇနျလောနျကဲာ ဟဲာက္ကဵုတမွအျ စှၜါသၞာံဏအှ ဝးကအသှုါဆှီ နူဂှ်သၠာဲပြံၚ် ညံၚ်ဒးအလီ လပါ်တံသွံ စွံလဝ်မွဲလၚီ ပိပိမသုန်(၁၉၇၃) သၞာံတုန်ဂေါဝ်မြီ မြေက်ကသဵုအဴ တြဴစွေက်ကြအ်ဆီ ဍှုါရှးဟှံပဲါ ရဲုမဲာအလီ ပၞာန်အပ်အဝဵု လၚဵုမိပ်ဂြိုၚ်အီ လလံကဵုပြဟ် မွဲတၚဲဒှ်လၞီ သမတလေဝ် နေဝေန်ကြအ်ဆီ မန်ညံၚ်ဂွံသၠေက် ဍေံပေက်ဟဇီ မိၚ်ဒးၚုၚ်ၚ ဂွဂွဗြီဗြီ ရုဲမာဲအလီ ဒှ်လၞီရိုဟ်တၚဲ သၞာံလတူဂှ် ဟီုသှ်ဗဗွဲ ဂိတုပုဟ်ကၠာ ဖါမံက်စှ်မွဲ ကဵုဍုၚ်မန်ရ ပစၟတ်လဝ်တၚဲ နေဝေန်သာန်ယု ဂးယၟုညးအဲ ဒှ်အလဵုသဳ ပိုၚ်ပြီဂၠိုၚ်နဲ ဍာံဂှ်ဟွံကေတ် ဗၠေတ်ရောၚ်ဗဗွဲ ကဵုဍုၚ်မန်ဂှ် ရှ်ညိဟွံမွဲ ဂကူဂွံကၠေအ် လှေအ်လှန်ဂၠိုၚ်နဲ ဍုၚ်မန်ဍုၚ်ပၠက် ခိုဟ်သွက်ညးမွဲ မူသာ်ရောတၟေၚ် ပထေၚ်ညးအဲ ဍုၚ်မန်ဍုၚ်ဍိက် ရပ်ဇိက်ရိုဟ်တၚဲ ညိရောဟွံတၟေၚ် ဒးထေၚ်ညးအဲ ညးဂဇံခုၚ် ပေၚ်ဗုၚ်ရိုဟ်တၚဲ မန်ဍိက်ဗမာ ယာမုက်ဒုၚ်နဲ အခေါၚ်မန်ကၠက် သွက်ဇကုမွဲ ဍုၚ်ဟွံဗဗွဲ တုပ်နဲကောန်ဍိက် ရဲမန်ဒုၚ်ဂိ ညိဟွံမွဲပၟိက် အခေါၚ်အဝဵု စဵုဇာစဵုနှိက် ကၠောန်ပၠန်ဒှ်လုတ် စုတ်ထံၚ်စုတ်ထိက် ဂကူဟွံသၠုၚ် ဍုၚ်မန်ဍုၚ်ဍိက် မန်ကေတ်ဟွံကဵု ပလဝ်ကၠဵုကၠိတ် မန်ဟွံကေတ်ဂှ် ဗဒှ်ခိုဟ်ပိက် မန်ညးဂရိုဟ် မန်ဒိုဟ်မန်ကၞိက် မန်ဏအ်ရောၚ် ဂွံဖဵုဒှ်ဍိက် ဒုၚ်ဇက်ဒုၚ်ဇိက် မန်ဍိက်နေဝေန် ကှ်ေကဲလၚုလၚန် ဍုၚ်မန်ဟွံထၞေန် ညိရောစောဲစပ် ကၞိပ်တိက်ကဝေန် ဂွံဆယၟုပညုၚ် ဍုၚ်မန်ပိုတ်ကြေန် မူသာ်ရောဒှ် ဟွံသၟဟ်မၚ်ဇေန် ညးဒုၚ်ဂစိုတ် တဲပိုတ်ဇိုၚ်လၟေန် မူဟွံပကဵု တုပ်ကၠဵုဂျာပေန် ညးဆာန်မန်ဍိက် ဗက်ကိတ်ဗက်ကဟေန် မန်ဍိက်နေဝေန် ထၞေန်ကဵုဍုၚ်ပၠက် မန်ညံၚ်ဂွံကၠက် ဍုၚ်ပၠက်ဍုၚ်ဍိက် မန်ဏအ်ရောၚ်ကဵု ဂွံဖဵုဒုၚ်ဇိက် မန်ဒုၚ်ဒဒိုက် သီုကွိုက်သီုထၞိက် ဍုၚ်မန်‌ဍေံကဵု ညးလဵုရောဘိက် မန်ရဲနေဝေန် ဒက်ဂြေန်စတိက် စၚ်ခဗာဲကၠာ စကာရပ်ဇိက် မန်ဏအ်ပဇၞော် ဍေံကော်ဍေံဘိက် ရပ်ဗဂန်ဟေၚ် ညံၚ်ပြေၚ်ဂၠဴဇိက် ဗီုပြၚ်ဍုၚ်လၟုဟ် ဒုဟ်ဟွံဗၠးဍိက် သွက်ဂကူမန် ဆီနန်ပြိုက်သိက် ရဲညးတၠကောန် ဗတောန်ဗှ်လိက် ရေၚ်တၠုၚ်ဟွံမာန် ကွာန်ပိုဲနွံပၟိက် ဍုၚ်ပၠက်ဍုၚ်ဍိက် လိက်ပတ်ကၠေံအိုတ် Wunchay Rukchaytdee (ဓရီု) ၂၀:၃၃၊ ၈ နဝ်ဝေမ်ဗါ ၂၀၂၁ (+0630)

မဟာဗျူဟာဂွံဂွံဖျောန်အရံၚ်ချီဒနာဲသာ်ဍာဲဂှ်မာန် ဒးပဓာန်နဲပတန်သာသနာမန်

မဟာဗျူဟာဂွံဂွံဖျောန်အရံၚ်ချီဒနာဲသာ်ဍာဲဂှ်မာန် ဒးပဓာန်နဲပတန်သာသနာမန်

---

ရံၚ်ကဵု ၂၀၂၀ ဏအ်မ္ဂး အတိုၚ်တိဍာ်မန်ဖအိုတ်လ္ပဟီုဏီ ၜိုတ်တိဍာ်နွံသၟဝ်ယၟုတွဵုရးမန်ဂှ် မန်ဟွံဂွံအခေါၚ်ကျမာဲပေၚ်ၚ်။ ညအ်ဂှ်တာလျိုၚ်ဗော်ပရေၚ်ဍုၚ်ကွာန်ရ။ ဇေတ်တ်ၜိုတ်ဟွံဇၞးကီုလေဝ် ဇၟာပ်ပွိုၚ်ဍုၚ် ၜိုတ်ကျ ဒးဂံၚ်ပြိုၚ်။ ညအ်ဂှ် အခေါၚ်ကျဟွံမွဲဏီမ္ဂး ဂွံဇၞးဂှ်လအ်မံၚ်ညိဏီ။ ဂွံဇၞးနကဵုပေဲါပရေၚ်ဍုၚ်ကွာန်မွဲဟီုဂှ် ညံၚ်ပေဲါပတိုက်ပၠန်ဂတး မွဲပေဲါ မွဲတမြိပ် ကၠောန်ဂွံဟွံသေၚ်။ ဒးအာကဵုဗျူဟာဟေၚ်ရ။ မုဟိုတ်ဂွံဟီုရောတှ်ေ မန် ရဲစွံဒၞဲါဟွံဒးဏီဂှ် မုဒှ်ဒှ်ကၠုၚ်ဂၠာဲမံၚ်သၞကဵုလကျာ် ဗွဲတၟေၚ်အဲ " ဟိုတ်နူ လကျာ်လၟိုဟ်ဂၠိုၚ် ၊ ဟိုတ်နူညးရုၚ်သ္ၚာဂၠိုၚ်ရ " ဇြဟတ်ပၞာန် ဇြဟတ်မန် ယအ် " ညအ်ဂှ် လညာတ်ရဲစွံအိက်ဒၞဲါဟွံဒးတအ်မွဲရဒးဟီု။ တ္ၚဲဏအ် လကျာ်မန်အိုတ်အာ တ္ၚဲဏအ်ဂကူမန်ပြံၚ်အာရ။ နတဲဂှ် ရံၚ်ကဵုကွာန်မန် ဒှ်ဘာလကျာ်ဗၟာ ဘာမန်သုၚ်စောဲဝေါဟာဗမာမ္ဂး သက်သဳဏအ်ကၠိုဟ်ကေတ်လုပ်ရ။ ဒၞဲါဏအ်မိက်ဂွံဟီုဂှ် စၞးဒးဟီုမံၚ်ကဵုလကျာ်မန်ဂၠိုၚ် ဇြဟတ်ပၞာန် ဇြဟတ်ညးကဵုမာဲယှအ်ဂှ် သြန်ဇကုတအ် မပၠေၚ်မံၚ်အကြာသ္ဘၚ်ဘာသာ ဌာန်ကွာန်ဇကုဂှ် ပကောံတုဲ ဗက်ရာန်တိ ပတိုန်ဘာ ဗဒှ်ဘာတုဲ ဌာန်ဘာလကျာ်မန်ဟွံမွဲညိ။ အခါဂှ်မ္ဂး ဌာန်ဂှ် တိဂှ် ဗၞတ် ၃၀ သၞာံ ၄၀ သၞာံမ္ဂး ဒှ်ကၠုၚ်ဇြဟတ်မန်ဟေၚ်ရ။ ၜိုန်ရဟွံဒှ်မန်ကီုလေဝ် အောန်အိုတ် ညံၚ်ဍေံဂွံစုတ်ကၠုၚ်မာဲကဵုဗော်မန်ဇကု ဒးဂစာန်ဂွံ ဂစာန်မာန်။ ကဆံၚ်ၜိုတ်ဏအ် ချပ်လဝ်ဟွံမွဲ ချပ်ဟွံလုပ် ဗက်ဟရာံမံၚ်လကျာ်ဗၠာဲ သက်က်ဂှ် ဂၠံၚ်ဒးဟွံသေၚ်။ လမုဟ် ဘာလကျာ်မန် ပအပ်ထောံလကျာ်ဗမာ ကွာန်မန် ၁၀ သၞာံဟွံပေၚ် ဒှ်အာဗမာ (ဗမာသာမညဟွံသေၚ်၊ ဗမာဍဟ်မန်ဒှ်ကၠုၚ်မာန်) လပါ်သၚ်မန်တအ်လေဝ် ကမၠောန်ပတိုန်သာသနာဂှ် ကဆံၚ်ဂိုဏ် ကဆံၚ်ကွာန် ဒးချပ်ဇန်ထေက်ရ။ ညအ်ဂှ်ကမၠောန် ကောန်သာသနာတအ်ဒးကၠောန်ရ။ လကျာ်ဗမာ ညးတအ်ဂစာန်ပတိုန်မံၚ်သာသနာ အကြာတိဍာ်ချေၚ် ကချေၚ်တအ် ပရဲညးတအ်တိတ် ၂ လပါ် မွဲသာသနာ ညးတအ်တိုန် ၂ ဂကူညးတအ် ဗျာပ်တြး။ ကမၠောန် ပတိုန်သာသနာ missonary ဟီုဂှ် အၚ်္ဂလိက်လေဝ် သုၚ်စောဲလဝ်ရ။ ကိုပ်ကၠာနူဒပ်ဍေံဟွံအာမ္ဂး သၟာပတိုန်သာသနာ ဍေံစိုပ် တုဲမ္ဂး ဒပ်ပၞာန်ဍေံဗက်စိုပ်။ မန်ပိုယ်လေဝ် ဒးမံၚ်ကၠာ်ဏအ်ရသေၚ်ဟာ။ နဲသီကေတ်တိဍာ်ဇြဟတ်ဂကူၜေတ်တ်၊ တီဖိုဟ်ရနဲ ဆဟွံကလေၚ်သုၚ်စောဲ။ ဌာန်တိဍာ် နူကျာ်ထဝ် စဵုစိုပ်သထီုဂှ် ပွိုၚ် ၁၀ သနာံ ဘာမန် ဒးဒှ်မုစိဘာ၊ ပွိုၚ် ၂၀ သၞာံ မုစိဘာ ၊ ပွိုၚ် ၁၀၀ သၞာံ မုစိဘာ နကဵုကသပ်ကမၠောန် ကဆံၚ်သၚ်ဂကူဟီုဟ ို ကဆံ၎်ဂိုဏ်ညးကဵုညးဟီုဟီု ဒးချပ်ဇန်ကမၠောန်ပတိုန်သာသနာရ။ ညအ်ဂှ်သွက်မဟာဗျူဟာရ။ ဘာဒှ်တုဲ ဒးကာဗက်ဟေၚ်ရ။ ဒးကာဗဒှ်ဘာတုဲ လကျာ်ဗက်ဟေၚ်ရ။ ဂွံကလေၚ်သီတိ ဂွံဗဒှ်ဇြဟတ်ဂကူပၠန်ဂှ် ဗော်ပရေၚ်ဍုၚ်ကွာန် ဗော်ရပ်လွဟ် ကေုာံ သၚ် တအ်ကီု သီုကောန်ဂကူမန်တအ် ဗဒိက္ဍိုပ်တုဲ လကြဴကမၠောန်ပတိုန်သာသနာမန်ဂှ် ဇြဟတ်မန်ဗီုလဵုသ္ဂောံဆက်ဗက်အာဂှ် ဒးသီကၠဳရ။ လမုဟ်ဂှ် ဗော်ပရေၚ်ဍုၚ်ကွာန်လေဝ် ပတှ်ေမံၚ်ဇြဟတ်မၞိဟ်ကၠးကၠး ဒၞဲါလဵုမန်တီုရ ဂံၚ်လုပ်ပြိုၚ်၊ နကဵုအစဳအဇန်ဗော်လေဝ် ဒၞဲါဒးဖံက်ဂၠံၚ်တၟိဂှ်ဟွံဂံၚ်သုၚ်စောဲဇြဟတ် ဗွိုက်ဘာသာပၠန်လေဝ် တုပ်ကဵုရဲမာဲကီု ဒၞဲါလဵုမန်တီုရ ပကီုစုတ်။ အခါညးချူလိက် ပရေၚ်ပညာတုဲမ္ဂး ဌာန်ဒၞဲါတၟိမွဲ ၜိုန်ညံၚ်ဂွံဒှ်ဂကူမန်ဟွံမာန်ကီုလေဝ် အောန်အိုတ် ၜိုတ်ညးစုတ်မာဲကဵုဗော်မန် ညံၚ်ဂွံဒှ်မာန် ရန်ချပ်လဝ်နွံ။ Pic: TLT Wunchay Rukchaytdee (ဓရီု) ၁၂:၃၇၊ ၉ နဝ်ဝေမ်ဗါ ၂၀၂၁ (+0630)

ၜံက်

ကြက်မၞိဟ်ဂှ်ပုၚ် ကြုက်ဍုၚ်ဂှ်ပၞာန် ကြုက်မၞိဟ်ဂှ်ဒှ်မံၚ်ပုၚ်ဖိုဟ် မူဟိုတ်မၞိဟ်စောဲၜံက်တံ ထပိုတ်ၜံက်ဟွံမာန်တုဲ ဟီုမံၚ်ၜံက်မွဲတၞုၚ် ပုၚ်မွဲပ္ၚာန်ဂှ်ရော? ထေက်ကဵုဒးသ္ပ သုတေသန လ္တူၜံက်ဏံထေက်ကွေံရ၊ ၜက်ဏံဂှ် သုၚ်ကၠုၚ်နူစကဝ်တန်ရဟာ? သာ်ဂှ်ဟွံသေၚ် ဗီုလဵုဂွံစိုပ်ကၠုၚ် ပ္ဍဲမၞိဟ်ရောဂှ် ယဝ်ရလ္ၚတ်မ္ဂး အတိုၚ်ဗွဲသၟဝ်ဏံ ဂွံဆဵုကေတကမာန်ရောၚ်-

         လောန်ကၠုၚ်သၞာံၜိုတ် ၜါလ္ၚီ(၂၀၀၀) တေံ မၞိဟ်ဂမၠိုၚ် စံၚ်တၞးဆု တၞံဆုတံဂှ် ကေၚ်ခရေတ်ကေတ်သၟုဟ်ဍေံ နဒဒှ်ဂဥုဲမွဲဂကူရ။ၜိုန်ဂှ်ခမူဗီုၜံက်တုဲ သုၚ်ဂှ် ဟွံကေၚ်ဆဵုကေတ်ရ။
      သက္ကရာဇ်ခရေတ် (၁၄၉၂)ကောန်ဍုၚ်ယူရောပ်ပ မၞုံယၟု ကိုဝ်လာန်ဗာတ် ကၠုၚ်ဇရေၚ်တ္ကံ မဟာမာဗ္ဒဲါတိုက်အမေရိကဂှ်တုဲ ဂွံဆဵုကေတ်ညးအရိုၚ်ဂမၠိုၚ် စံၚ်ဒၟံၚ်တၞးဆုမွဲဂကူတုဲ ခရေတ်ဒၟံၚ် ယက်တၞးဆုဂှ် ဗွဲမသာယျေန်ရ။ က္ဍိုပ်သ္ကိုပ်မၞိဟ်အရိုၚ်ဂှ်လေဝ် ဆက်ကွာဲကဵုတၟာဲတဲကုကိုဝ်လာန်ဗာတ်တုဲ ဂဥုဲတၞးဂှ် စိုပ်အာတိုက်ယူရောပ်ပတေံ ကီုရ။
     မၞိဟ်အရိုၚ်နွံပ္ဍဲဇရေၚ် ဇိုၚ်ၜဳဍုၚ်ဗေန်နဳဇွဳဠာ ပ္ဍဲတိုက်အမေရိက သၠုၚ်ကျာဂှ် ထၜမ်လဝ် ဂဥုဲတၟးသီုညးဖ္အိုတ်ဂှ် ဂွံဆဵုကေတ် ပ္ဍဲလိက်စၟတ်သမ္တီပ္ဍဲသက္ကရာဇ် (၁၄၉၉)တေံရ။
      ပ္ဍဲခေတ်ဂှ်ကီု ကောန်ဂကူသပိန်ဂမၠိုၚ် အာစိုပ်တ္ကံဂျူဗာတုဲ ဂွံဆဵုကေတ်မၞိဟ်အရိုၚ်ဂမၠိုၚ် ခရေတ်ဒုၚ်မံၚ်သၟူ ခမူမွဲဂကူ သၠဟ်ညံၚ်ၜံက်ခမူ ခေတ်ပိုဲဏံကီုဂှ် စၟတ်သမ္တီလဝ်ရ။ ရံၚ်ကဵုဟိုတ်စဏံတုဲ ဂဥုဲတၞးဏံဂှ် ကၠုၚ်နူဒေသတိုက်အမေရိကတေံဟီုစမာန်ရ။
        ပ္ဍဲသက္ကရာဇ် (၁၅၆၅) ဂှ် ဂဥုဲတၞးစိုပ်အာ ဍုၚ်အေန်ဂလာန်တုဲ အခိုက်သုၚ်ၜံက်တဝ်တံ ဂၠိုၚ်တိုန်ညံၚ်ဍာ်ဒဳကီုရ။ ဗွဲကြဴဏံ ဂဥုဲတၞးဂှ် ပြးဇးအာအလုံမွဲတိုက် ယူရောပ်မွဲတုဲ နဒဒှ်ဂဥုဲမွဲဂကူလေဝ် သုၚ်စောဲကၠုၚ်ရ။ ဗီုဒှ်ဂှ်ပ္ဍဲၜိုတ်ခရေတ် (၁၆၆၄-၁၆၆၆) တေံဂှ် ပ္ဍဲဍုၚ်အေန်ဂလာန်က္တဵုဒှ်ယဲ ပလိက်တုဲ မၞိဟ်ချိုတ်အာ ဗွဲမဂၠိုၚ်ရ။ တၞဟ်နဂွံစဵုဒၞာယဲဂှ် မၞိဟ်သၟတ်ဂမၠိုၚ် မွဲတ္ၚဲမွဲတၞုၚ်ဒးသုၚ်ၜံက်ရ။ ရဴဝွံ ဂွံဆဵုကေတ်ပ္ဍဲလိက်စၟတ်သမ္တီရ။ ယဲပဲါနူဂှ်ပၠန်လေဝ် နဲလွဳယဲ ထဂိုဟ်စုတ်သၟုဟ်ဂဥုဲ ပ္ဍဲဂၠံၚ်ကသုၚ်အိက်လေဝ် နွံရ။
      မဂဥုဲက္လိဂွံ နူအ တိုက်အမေရိကဂှ် ကၠောံအာတိုက်ယူရောပ်ပနူဂှ်ကၠောံအာတိုက်အာဖရိက တိုက်အာယှသကုတ်လ္ဒောဝ်ကေုာံ ဍုၚ်ကြုက်တံ ဗွဲမဂၠိုၚ်ရ။ ပ္ဍဲအခေတ်ဂှ် ဇၟာပ်မၞိဟ်တြုံသုၚ်ၜံက်လေပ်အာရ။ ယဝ်ရ ဟွံသုၚ်ၜံက်မ္ဂး ဟွံဒှ်မၞိဟ်တြုံခိုဟ်က္ဆံၚ်ဏံစိုပ်ကၠုၚ်ရ။
        ညံၚ်ရဴမၞိဟ်ဒးစိုတ်ၜံက်ဂၠိုၚ်ဂှ် ဍုၚ်လ္ၚဵုလ္ၚဵုဂှ် ကၟာတ်စဵုဒၞာၜံက်လေဝ် က္တဵုဒှ်ကၠုၚ်ကီုရ။ ပ္ဍဲခရေတ် (၁၆၀၄)ဍုၚ်အေန်ဂလာန် လက်ထက်သၟိၚ်ဂျုၚ် (ကိုပ်ကၠာ) ဂှ် သုၚ်ၜံက်မ္ဂး က္တဵုဒှ်ယဲကဴဇြဏောဝ်ဟီုတုဲ စဵုဒၞာကၠုၚ်ကီုရ။ ခရေတ် (၁၆၃၄) ဂှ် ပ္ဍဲဍုၚ်ရုယှာ ညးသွံရာန်သုၚ်စောဲဂဥုဲတၞးတံ သီုဖ္အိုတ်ရပ်ဂွံမ္ဂး ရေက်ထပိုတ်ကၠေံမုဟ်ကေုာံကဵု ဒုဟ်ဒဏ်ဓဇန်ဓဇန်ကီုရ။ ညးမက္လိဂွံလောန်အာဒုဟ် ဂၠိုၚ်ကဵုအလန်မ္ဂး ဒးဒုၚ်ဘဲဒဏ်ဂစိုတ်ရ။ ပ္ဍဲ (၁၇) ဗွဝ်ကၠံတေံ  ဍုၚ်ဒါၚ်မာတ် ဍုၚ်သွိဒေန် ဍုၚ်နလ်တာလာန် ဍုၚ်သေဿဠဳ ဍုၚ်အဝ်သကြဳယျကဵု ဍုၚ်ဟာန်ဂေရဳဂမၠိုၚ် ပ္တိတ်သၞောဝ်ဥပဒေ သုၚ်ၜံက်ဟွံဂွံကီုရ။ ဆဂးသၞောဝ်ဂှ် ဟွံဓလီုဖဍိုက်ကွေံကွေံရ။
    နူဂှ် ဗီုဂွံစိုပ်ကၠုၚ် ၜံက်ခၟူနကဵုစက္ခောဏံ ဂှ် သၟာလအာတ်မစောဲၜံက်တံဂှ် ရာန်သုၚ်ဟွံမာန်တုဲ ဗက်ဂၠာဲကပှ်ဍုတ်ၜံက် ညးတၞဟ် ကၠဟ်လဝ်ဂှ်တုဲ ခမူကဵုစက္ခောတုဲသုၚ်ရ။စနူဂှ်တုဲ ကၠောံအာအလုံဍုၚ်ရ။ ပ္ဍဲ (၁၈) ဗွဝ်ကၠံ ပ္ဍဲဍုၚ်အဳတလဳကဵုဍုၚ်ပဝ်တူကဳ သၟာပရေၚ်ပိုန်ဒြပ်ဂမၠိုၚ် ကၠောန်ခမူၜံက်နကဵုစက္ခောတုဲ ပ္တိတ်ၜံက်ရ။ ပ္ဍဲခရေတ် ၁၈၅၃ ဍုၚ်ဟာဗာနာတ္ကံဂျူဗာဂှ် ကၠောန်ပ္တုတ်ရုၚ်စက်ၜံက် ကၠာအိုတ်ရ။
     ဆဂး ကၠောန်လဝ် ဗီုမၞိဟ်ဗြဴရတံခၟူလၟုဟ်ရ။ နူဂှ် သၟာပရေၚ်ပိုန်ဒြပ်ဂမၠိုၚ် ညံၚ်ညးတၞဟ် စိုတ်ဂွံလုပ်စဂှ် ဂစာန်ကၠောန်လဝ် ကျေဝ်ကျေဝ် လိၚ်ကေတ် ကောန်သၟိၚ်ဒယှ်ဒယှ်တုဲ ကဵုတက်ဗီု ဗီုသုၚ်ၜံက်အကြာရုပ်ဒမျိုၚ်တံတုဲ မၞိဟ်သုၚ်ၜံက် ဂၠိုၚ်ကၠုၚ်ရ။
         ပ္ဍဲဍုၚ်ပိုဲဏံဂှ် ပ္ဍဲအကြာရာဇဝၚ်ပိုဲမန်ကီု ပ္ဍဲအကြာတၞဟ်ဟ်ကီု ယဝ်ရလ္ၚတ်ရံၚ်ချိုတ်တ်ပၠိုတ်တ်မ္ဂး ဨကရာဇ်မန်ပိုဲသုၚ်ဒၟံၚ်ၜံက် ကောန်ဂကူမန်ပိုဲ အခိုက်သုၚ်ၜံက် နွံမံၚ်ဏောၚ်ဂှ် ဟွံဆဵုကေတ်ရ။ ဆဂး အတိုၚ်ရာဇာဝၚ်ဗၟာတံမ္ဂး ၜံက်ဏံ စနူသက္ကရာဇ်ဍုၚ် (၉၉၁) လက်ထက်သၟိၚ်ဗၟာ တလောန်မေန်တယျာ ဍေံတံဂှ် စိုပ်ကၠုၚ်ဒေသလပါ်ဍေံတံရ။ အခိုက်ဒုၚ်ကၟုဲ နပၠံၚ်ကဵု ဂဥုဲ သုၚ်ၜံက် ဒှ်အခိုက်ဗၟာတံရောၚ်။ ဆဂး လက္ကရဴဏံ ပ္ဍဲသက္ကကရာဇ် ၁၁၁၉ သၟိၚ်မန် ကၟိန်နန်မန် ဒးကဝ်အာတုဲ ဘဝဂကူပိုဲဒးမံၚ် သၟဝ်ဂကူဗၟာအယုတ်မိစ္ဆာဒိဋ္ဌိဂှ်တုဲ ယဲသုၚ်ၜံက်ဏံ ကၠောံကၠုၚ်နူကဵု ဍေံတံဂှ် အဲထေၚ်ကေတ်ရ။
    ပိုဲတီကေတ် ဟိုတ်ဝၚ်ၜံက် ဒဒှ်စကၠုၚ်နူမၞိဟ်အရိုၚ်တံတုဲ သၟာပရေၚ်ပိုန်ဒြပ်ဂမၠိုၚ် ပဂေတ်ဝေၚ်က္ဍဟ်လ္တူဘဝပိုဲဂှ်တုဲ ပိုဲကလေၚ်ပံက်ရံၚ်အဘိဓာန် ဟိုတ်ဖဵုရှ်သာဍေံပၠန်မ္ဂး ဂွံဆဵုကေတ်မာန်ရ။
     ပိုဲဇြောတ်ပြောတ် ပ္တိတ်ၜံက်မွဲတဲမ္ဂး ဗၞတ်ဗ္ၜတ်သၟုဟ်ဂဥုဲမတၟုဲတဴနကဵုဓါတ်ဂျိ, မပ္တံနေတ်ကဵုတောန်,ဘာနဇဵုပါၚ်ယေန်ကာဗန်မဵုနံက်သာ်,ပါၚ်ရဵုဖေန်ဖိနဝ်,ဖဝ်မေတ်အက်သေတ်,နာ်တရေတ်အက်သေတ်,အေက်ဇြဳတုန်တုန် တံပါလုပ်ခက်ဗာန်ဂွံကသအ်ညးသုၚ်ၜံက်ဂှ် (၉၀) က္ဍိုပ်ကၠံရ။
   ပ္ဍဲကဵုဓာတ်ဂမၠိုၚ် ဓာတ်ကာဗန်မိနံက်သာ်မွဲပရေံဓဇန်အိုတ်တုဲ ဓာတ်နေစ်ကဵုတေန်ဂှ် ဒှ်ဓာတ်အဓိကပ္ဍဲၜံက်ဂှ်ရ။ ဓာတ်ဂျိဂမၠိုၚ်ဂှ် ပိုဲဇြောတ်ပၠောပ် ဂၠိုၚ်ကဵုအလန်မ္ဂး ဓာတ်ဂျိဂှ် ကောံဂၠိုၚ်ကၠုၚ်တုဲ ကဵုဒဒိုက်ကုခန္ဓကာယပိုဲမာန်ရ။ ဟိုတ်နူၜံက်တုဲ ယဲအဓိကက္တဵုဒှ်မာန်ဂှ် 

(၁) ယဲကဠေန်ပ္ဍဲကသအ် (ဒဳဗဳ) (၂) ယဲသ္ၚိကျာ်ကသအ်ဂုဟ်ဖေါဝ် (၃) ယဲကတေၚ်ကျာကသအ်ဂုဟ် (၄) ယဲဂန္ဓမာလာ (ဂေန်ဇြာ) ကသအ်ကေုာံဂန္ဓမာလာတၞဟ်ဟ် (၅) ယဲကောန်တၟံ (၆) ယဲဆီၜေတ် (ကတေၚ်ဆီဍန်) (၇) ယဲထိုၚ်စၞတံ က္တဵုဒှ်မာန်ရ။

      ဟိုတ်နူသုၚ်ၜံက်တုဲ ခမုဟ်ယက်အိက်ၜံက်ဂှ် ခက်ဗာန်ဂွံကတေၚ်ကျာကသအ်တုဲ က္တဵုဒှ်လှေဟ်ရ။လှေဟ်ဂမၠိုၚ် ပလီုကၠေံ ကသော်ၜတ်တ် ပ္ဍဲကတေၚ်ကျာဂှ်တုဲ လံညိ ကတေၚ်ကျာဂှ် ကၟာတ်အာတုဲ ကတေၚ်ကျာ ပ္ဍဲကသအ်ဂမၠိုၚ် ဖေါဝ်တေၚ်ကၠုၚ်တုဲ မွဲခဏခဏခ္ဍက်တုဲ (Emphysema) စောဲဂွံလေပ်ရ။
       ဓါတ်မလေပ်ဗဒှ်ကဵုယဲ ဂန္ဓမာလာ တၞဟ်ဟ်မပ္တံပ္ဍဲကသအ်,ပ္ဍဲဂၠံၚ်ယွီု ပါၚ်,လတာ်,တံဂှ် လေဝ် ပါလုပ်ဒၟံၚ်နဒဒှ်အဓိကမွဲတုဲ ညးမထၜမ်ဂဥုဲတဲဂှ် မလေပ်ဒှ်ယဲဂန္ဓမာလာပ္ဍဲပါၚ်လတာ်ရ။ ဓါတ်ဂျိခၟုဟကယက်ၜံက်ဂှ် ခ္ဍဳလျတ်ဒးမံၚ် ခန္ဓကာယပိုဲလၟိုန်တုဲ ကလာရုပ်ပိုဲက္တဵုဒှ် မူဟွံဍာံတုဲ က္တဵုဒှ်ယဲ ဂန္ဓမာလာမာန်ပေၚ်ပၚ်ရောၚ်။
       ပဲါနူဂှ်ပၠန် ဓာတ်နဳကဵုတေန်ဂှ် မလေပ်ကဍန်ကဵုကတေၚ်ဆီတုဲ ညးသုၚ်ၜံက်လောန်န်ကာဲကာဲတံဂှ် က္တဵုဒှ်ယဲ ကတေၚ်ဆီဍန်တၞဟ်ဟ်သာ်မာန်ရ။
       ကတေၚ်ဆီ ကောန်တၟံဍန်မ္ဂး ယဲကောန်တၟံမပ္တံကဵု ကောန်တၟံထအံၚ် ကောန်တၟံအုဲတံက္တဵုဒှ်ကၠုၚ်ရ။ ပဲါနူဂှ်ပၠန် ဆီနွံပ္ဍဲကောန်တၟံတေံဂှ်လေဝ် ကှ်ကလောံကၠုၚ်မာန်ရ။ ဗွဲတၟေၚ်တှ်ေ မၞိဟ်ဗြဴသုၚ်ၜံက်လေဝ်လေပ် သီုသုၚ်ဂဥုဲပလီုဂဝ်ပၠန်တှ်ေ က္တဵုဒှ်ယဲကတေၚ် ဆီကောန်တၟံဍန် ဂၠိုၚ်နူမၞိဟ်ဓမ္မတာမသုန်ချရ။ ကတေၚ်ဆီနွံပ္ဍဲဇိုၚ်တဲဂမၠိုၚ် ဍန်ဂြက်ကၠုၚ်မ္ဂး ဇိုၚ်အုဲတဲအုဲ ဒးရေက်ကုတ်ဇိုၚ်တဲတံ မလေပ်ကတဵုဒှ်ရ။ မၞိဟ်ဗြဴက္တဵုဒှ်ယဲဂန္ဓမာလာပ္ဍဲသ္ၚိကောန်ဗွဲမဂၠိုၚ်တံဂှ် ဒှ်သၟတ်ဗြဴသုၚ်ၜံက်လေပ်တံသၟးရ။
     လောန်ကၠုၚ်ၜိုတ်(၂၀)သၞာံတေံ အ္စာသုတေသနဂမၠိုၚ်ဂွံတီကေတ် ဟိုတ်နူခၟုဟ်ၜံက်ပွဳပွူတုဲ ဟွံဟီုဂး တြုံဗြဴ ကတဵုဒှ်ယဲမာန်ရ။ မွဲအခိၚ်တေံ ယဲဂန္ဓမာလာ ကသအ်ကဵုယဲ ကတေၚ်ဆီကောန်တၟံတံဂှ် ဒှ်ပ္ဍဲညးသုၚ်ၜံက်လေပ်တံဟေၚ် ၜိုန်ထေၚ်ကီုလေဝ် လၟုဟ်ပ္ဍဲ ကၟိန်ဍုၚ်အမေရိကာန်တေံ ပ္ဍဲ ကဵုညးချိုတ်အာနကဵုယဲ ကသအ်ဂမၠိုၚ်ဂှ် မၞိဟ်ၜိုတ် (၃၀၀၀) ပြၚ်ဂှ် ဒှ်ညးသုၚ်ၜံက် ဟွံလေပ်တံတုဲ တၟေၚ်ကွေံကွေံရ။ ညံၚ်သာ်ဂှ်ကီု ညးသုၚ်ၜံက် ဟွံလေပ်တံ ချိုတ်အာမ္ဂး နကဵုယဲကတေၚ်ဆီ ကောန်တၟၠံ ၊ မွဲသၞာံဂှ် နူကဵုပိလက် (၃၀၀၀၀) စဵုကဵုမသုန်လက် (၅၀၀၀၀) ရ။ ဟိုတ်နူသၟုဟ်ယက်ၜံက်ပွဳပွူဂွံတီကေတ်ရ။
       သၟုဟ်ယက်ၜံက်ဂှ် တိတ်ဒှ်ၜါသာ် (၁) ယံက်ၜံက်နူတမ် (၂) ယက်ၜံက်တိတ်ဟဗဵုရ ယက်ၜံက်တမ်ဟီုဂှ် ဒှ်ယက်ၜံက် ခြောတ်ပၠေပ်ပ္ဍဲဂၠံၚ်ယွီုညးသုၚ် ၜံက်ဂှ်ရ။ ယက်ၜံက်တိတ်ဟဗဵု ၜံက်မဍေန်လဝ်တုဲ ယက်မဓဂုဲမံၚ်ပ္ဍဲက္ဍိုပ်ဍေံဂှ် မဟီုရ။
      ယံက်ၜံက်တုတ်ဟဗဵုဂှ် ဗၞတ်ဗ္ၜတ်ဒြဟတ် ဓါတ်မလေပ်ပလီုကၠေံ ကလာရုပ် ပိုဲမၞိဟ်တံဂှ် ဂၠိုၚ်နူယက်ၜံက်တမ်ဏီရ။ ပ္ဍဲကဵုရုၚ်သ္ၚိဌာန်ကျာလုပ်တိတ်အောန်အောန်တံဂှ် သာတုဲဒးသ္ပဂရုဏီရ။ လဂွံကဵုသုတေသန ပ္ဍဲ (၁၉၈၁) တေံမ္ဂး သၟတ်ဗြဴဟွံကေၚ်သုၚ်ၜံက် ပ္ဍဲဍုၚ်ဂျပေန်တံဂှ် က္တဵုဒှ်ယဲဂန္ဓမာလာကသအ်ဂၠိုၚ်ကၠုၚ်ဂှ်လေဝ် ဟိုတ်နူယက်ၜံက်ပွဳပွူရ။
      သၟတ်တြုံပ္ဍဲဍုၚ်ဂျဖေန်ဂမၠိုၚ် ဟိုတ်နူသုၚ်ၜံက်သဳခ်ရိတ် ဂၠိုၚ်လောန်တုဲအာယုက်သုၚ်ၜံက်လောန်အာနူ (၁၄) သၞာံမ္ဂး ကောန်ဗြဴ ညးတံကလိဂွံယဲ ဂန္ဓမာလာကသအ်ဂၠိုၚ်ကၠုၚ်ဂှ်လေဝ် ဂွံဆဵုကေတ်ရ။ ဗွဲတၟေၚ်တှ်ေ သၟတ်ဗြဴမပဒတဴပ္ဍဲသ္ၚိကၟိန်မၞိဟ်ဂၠိုၚ်ဂၠိုၚ် ကျာလုပ်တိတ်လေဝ် ဟွံခိုဟ် မၞိဟ်သုၚ်ၜံက်လေဝ် နွံဒၟံၚ်မ္ဂး သွက်ကလိဂွံယဲဂှ် နွံစဒှ်ရ။
    သၟတ်ဗြဴမၞုံကဵုယဲဒိုက် (ဂဝ်ဂၞဴ) တံဂှ် အလဵုဇကုညးသုၚ်ၜံက်ကဵုဒှ် ဟိုတ်နူယက်ၜံက်ပွဳပွူကဵုဒှ် ကောန်ဖျုန်ဂြိုဟ်ညးတံဂှ်  ယဲဇၞော်ပါနူဂဝ်တံကီု ဂိတုတ္ၚဲဟွံပေၚ်ကီု၊ ကၠေၚ်က္ဍဟ်ညာဏ်သမ္တီဟွံခိုဟ်ကီု၊ ပရေၚ်ထတ်ယုက်ဟွံခိုဟ်ကီု က္တဵုဒှ်မာန်တုဲ စဵုကဵုဂဝ်ဂၞဴလီုက္တဵုဒှ်မာန်ရ။
      အန္တရာဲဘဲၜံက်ဏံဂှ် ယဝ်ဒှ်မံၚ်ဗီုဂျိပတိုဟ်တၠိၚ်သၞာံ ကၠၚ်ပၟတ်ခဍောတ်စဒးထၜူဓဝဲါဂှ်မ္ဂး ဇၟာပ်မၞိဟ်ဝေၚ်ပဲါအိုတ်ရ။ သုၚ်ၜံက်မွဲတၞုၚ် မုလေဝ်ဟွံဒှ် သုၚ်မွဲဂိတု,မွဲသၞာံ မုလေဝ်ဟွံဒှ်တုဲ မၞိဟ်တံဟွံဖေက်စကွေံကွေံရ။ အန္တရာဲ ပ္ဍဲၜံက်မွဲဂှ် ယဝ်ပါ်ပ္တိတ်ဓာတ်ဂျိဍေံသၟးမ္ဂး ကၞိမွဲချိုတ်မာန်ကီုလေဝ်၊ ပိုဲမၞိဟ်ဂှ် ဟိုတ်နူဓာတ်ကြံၚ်နူကၞိၚ်ဂၠိုၚ်ကဵုချတုဲ ရုပ်ရဴဟွံမံက်ရ။
       လၟုဟ်ပ္ဍဲကဵုလ္တူဂၠးတိဏံ ညးတံတီဒဒှ်ၜံက်ဏံဟွံခိုဟ်တုဲ ပ္ဍဲဂိတုမေ (၃၁) ဂှ်မ္ဂး စၟတ်သမ္တီလဝ် တ္ၚဲဂၠးကဝ်ဟွံသုၚ်ၜံက် (World No Tobacco Day) ရ။ ဍုၚ်ဗွဲမဂၠိုၚ်မပ္တံဍုၚ်အမေရိကာန်၊ ဍုၚ်ကြုက်တံဂှ် ညးတံဂွိၚ်ကဵု ကောန်ဍုၚ်ကွာန်ညးတံဂှ် ၜိုတ်စဵုဒၞာမာန် ကဵုမာန် ညးတံစဵုဒၞာအိုတ်ရ။
        မပ္တံကဵုဍုၚ်ကြုက်တံဂှ် ဟိုတ်နူမၞိဟ်သုၚ်ၜံက်ဍုၚ်ညးပေၚ်အာ ပိကၠံပြကောဋိကိုဋ် (၃၀၀, ၀၀၀,၀၀၀,)တုဲ စတံနူ၁၉၉၅ ဂိတုဇန်နဝရဳ (၁)ဂှ်တုဲ ပ္ဍဲလိက်ပရိုၚ်ကီု ပ္ဍဲလိက်ကၞပ်တၞဟ်ဟ်ကီု ပ္ဍဲပလံၚ်ဓာတ်ကီု ပ္ဍဲဓူရဓါတ် (TV) တံဂှ် ကြီုလလောၚ်တြးပရူၜံက်ဟွံဂွံ၊ ပ္ဍဲအကြာဂၠံၚ် ယဝ်ရဆဵုဒးဗါန်လဝ် မွဲတၞးမ္ဂး ကုမ္ပဏဳၜံက်ဂှ် ဒးလေဲသြန်ရ။
          ဗွဲကြဴဏံ ကလေၚ်ပ္တိတ်ကမိၚ်မွဲပၠန်ဂှ် ညးဂှ်သုၚ်ၜံက် အကြာမၞိဟ်မ္ဂး ဒးဒဏ်သန်ဒဝ်လာ အမေရိကာန် မွဲဒကေဝ်ရောၚ်၊ ပ္ဍဲဍုၚ်ပရာဇြဳပၠန် ညးဟွံပေၚ်အာယုက် (၁၈)မ္ဂး သုၚ်ၜံက်အခေါၚ်ဟွံမွဲ မၞိဟ်အာလ္တူအာယုက် (၁၈) ဂှ်ပၠန် လေဝ် ညးဟွံကလိဂွံ အခေါၚ်သုၚ်ၜံက် ယဝ်ရပ်ဂွံမ္ဂး ဒးဒဏ်ဇၞော်ကဵဒြဟတ်ရောၚ်။ ပ္ဍဲဍုၚ်အမေရိကာန်ပၠန်တၞဟ်နဂွံဖအောန်ကၠေံမၞိဟ်သုၚ်ၜံက်တုဲ ကြီုၜံက်အခေါၚ်ဟွံမွဲ၊ သွံၜံက်အကြာဂၠံၚ် ဍာန်ဟွံဂွံရ။
        ဍုၚ်ပိုဲဏံဂှ် ပ္ဍဲသက္ကရာဇ် (၁၁၉၃) တေံဂှ် အတိုၚ်သုတေသန ပရေၚ်ထတ်ယုက်တံ ဂၠာဲဂွံမ္ဂး မၞိဟ်မံၚ်ပ္ဍဲဍုၚ်သုၚ်ၜံက်လၟိဟ် ၃၁ ဒသမ ၅ က္ဍိုပ်ကၠံ၊ မၞိဟ်ပ္ဍဲဂြိုပ် ၃၆ ဒသမ ၈ က္ဍိုပ်ကၠံဂှ် သုၚ်ၜံက်ရ။ ပ္ဍဲ(၁၉၉၄) ကလေၚ်သ္ပ သုတေသနပၠန် ဂွံဆဵုကေတ်လၟိဟ်မၞိဟ်သုၚ်ၜံက် အလုံကၟိန်ဍုၚ်မွဲ ၄၆ ဒသမ ၆ က္ဍိုပ်ကၠံရ။ လၟိဟ်ဂၠိုၚ်တိုန်မံၚ်ဂှ် ဂွံဆဵုကေတ်ရ။ ၜိုန်ဂှ်လေဝ် အလဵုအသဳတၠအဝဵုတံ ဟွံသ္ပတီဏီရ၊ သီုဘိက်ကော်ပၠောပ်ကုမ္ပဏဳၜံက်တံရ။ ပ္ဍဲကဵုဓူရဓါတ် (TV) ကီု၊ ပ္ဍဲကဵုပလံၚ် ဓာတ်ကီုဂှ် ကုမ္ပဏဳၜံက်တံဒှ်မံၚ်အ္စာရ။ အတိုၚ်ညးတၞဟ်တံဟီု ဍုၚ်ဗၟာဏံ ကော်ဘိက်မံၚ် (ဘိၚ်,အရက်,ၜံက်,မှံက်မုစ္စလေန်တုဲ ဂၠာဲပရေၚ်ပိုန်ဒြပ်ရ။ အတိုၚ်ဍေံတံတက်တၚ်ပ္တဝ်က္ဍိုပ်ဍေံ တမျိုတာလုံကြာန်မာယျေနေအ် လူမှုယျေ မျေအ်မာယျေ " ဂှ် ဒှ်အာဆလံက်ဂြိပ်ကဵု ညးတၞဟ်ဟေၚ်ရ။
        ဟိုတ်ဂှ်ရ ပိုဲဂကူမန်တံ ယဝ်ရဆာန်ကောန်ဖျုန်ဂြိုဟ်ဇကု၊ ယဝ်ရဆာန်ဇကု ယဝ်ရဂိုဟ်ဒြပ်လေပ်မ္ဂး ၜံက်ဟွံမွဲ ၚုဟ်မးသွက်ဘဝဂှ် လ္ပဒုၚ်ဗဂေတ်မတ်ကဵု ရဲသၟာပရေၚ်ပိုန်ဒြပ်တံညိ၊ ၜံက်ဏံဗဵုလဵုဂွံထပိုတ်ရော ယဝ်သၟာန်မ္ဂး အတိုၚ်ပိုဲသ္ပကၠုၚ်သုတေသနမ္ဂး တ္ၚဲဏံထပိုတ်မ္ဂး တ္ၚဲဏံပိုတ်ရ။ တ္ၚဲပ္ဍဲမၞိဟ်သုၚ်ဂှ်ဟေၚ်ရ။ မၞိဟ်ဟွံဂွံသုၚ်ၜံက်ဂှ် ဍေံဟွံချိုတ် ဟွံဂွံစပုၚ်ဟေၚ် ချိုတ်ရ၊ ဟိုတ်ဂှ်ရ ၜံက်ကဵုပရေၚ်ထတ်ယုက် ၝောံဒးဂၞပ်ဂှ် ရုဲကေတ်ရသဟာဲ…………။         ။
        ✍ကောန်စေက်✍(ချူ)☞☟
         {ရာမညမာံဝါန်ၛာဲ}
     ဗ္စိုပ်/➩➭➬
                        ခန္ဓကာယပိုဲသီုဖ္အိုတ် ဂွံထတ်ယိုတ်မံၚ်ဂှ် ဒှ်ဆီပ္ဍဲလတေၚ်ပိုဲရ၊ ဆီတံ ဂွံက္တဴဂွံအး ဇ္ၚးဂှ် ကသအ်ပိုဲကဵု ဒြဟတ်ခ္ဍိုက်ကဵုရ၊ ဒၟာနူဂှ်ရ၊ မၚ်မွဲကသအ်ညံၚ်ဟွံဂွံဒှ်ယဲညိ။ ပိုဲသုၚ်ဖျေံၜံက်မ္ဂး ကသော် (ချောဲ) နွံလ္တူကသအ် (မကဵုဒြဟတ်ကဵုက္သအ်) ဂှ်အေဲအာမ္ဂး ကသအ်ဂှ် ဒြဟတ်ဍိုန်ကၠုၚ်မ္ဂး ဂမ္တဴကဵုဆီလေဝ်ဟွံမာန် ဖ္အးကဵုဆီလေဝ်ဟွံမာန်ကၠုၚ်မ္ဂး ယဲဗွဲမဂၠိုၚ် က္တဵုဒှ်ကၠုၚ်မာန်ရ။ Wunchay Rukchaytdee (ဓရီု)  ၁၂:၃၈၊ ၉ နဝ်ဝေမ်ဗါ ၂၀၂၁ (+0630)

ရုဲစှ်က္ဍိုပ်သ္ကိုပ်ကဵုလေပ်ညိ

လိက်ပတ်

ရုဲစှ်က္ဍိုပ်သ္ကိုပ်ကဵုလေပ်ညိ

“က္ဍိုပ်သ္ကိုပ်” အရေဝ်ဏံ ပိုယ်တအ်ကေၚ်မိၚ်ကၠုၚ်ဗွဲမဂၠိုၚ်ရ။ မပ္တံ ဍုၚ်မွဲမွဲ ကွာန်မွဲမွဲ ဟွံသေၚ်မ္ဂး ဂကောံမွဲမွဲ ဂွံတောတက်ဇၞော်မောဝ်ကျေဝ်ဂေါဝ်ကီု ဂွံတန်တဴအာဍာ်ဇမၠိၚ်မာန်ကီုဂှ် ညးမဒှ် “က္ဍိုပ်သ္ကိုပ်” တအ် ဒှ်တဴအဓိကမွဲတၠကီု ဟီုမ္ဂးဟွံဗၠေတ်ရ။ ဒှ်သာ်ဂှ်မ္ဂး-ကောန်ဂကောံတအ်ရော ဟွံဒှ်အဓိကပုဟ်ဟာ-? ယဝ်ပုစ္ဆာမ္ဂး “ဟွံသေၚ်” ဗီုဏံဂှ် မ္ဒးသွဟ်ဏာဂၠေံဂၠေံရ။ မုဟိုတ်ရောမ္ဂး ဇရေၚ်ပူဂိုလ် ညးမဒှ် “က္ဍိုပ်သ္ကိုပ်” အံၚ်ဇၞးမွဲဂှ် ဒးနွံကဵု ကောန်ဂကောံခိုဟ်ဟ်တအ် ပူဗိုၚ်လဝ်ရ။ တုပ်ပမာ-သၟာရပ်သၞေဝ်ဂၠုၚ်(အာစာဂၠုၚ်) ကေုာံ ကောန်ဂကောံမတွံဂးညးမဒုန်ဂၠုၚ်တအ် တာလျိုၚ်ညးကဵုညးပြေမှ သ္ဂောံအာစိုပ်သြၚ်တၚ်ရန်တၟအ်တေံမာန်ရ။ ပ္ဍဲအရာဏံ ညးမဒှ်“က္ဍိုပ်သ္ကိုပ်” ယဝ်ထ္ၜးဂၠံၚ်ခိုဟ် တီပြယာဲဂၠံၚ်ဂၠိုၚ်မ္ဂး ညးမဒှ်ကောန်ဂကောံတအ် ဒှ်လၟောၚ်ဍောၚ်ၜိုတ်အောန်တုဲ အာစိုပ်တိုၚ်ပ္ကဴလေဝ် လောဲသွာကီုရ။

ဟိုတ်ဂှ်ရ ပ္ဍဲအရာမရုဲစှ်“က္ဍိုပ်သ္ကိုပ်”ဂှ် ဒှ်တၚ်အဓိကဇၞော်မွဲရောၚ် စှ်ေစိုတ်တုဲၜိုတ်လညာတ်သၟဟ်

အစောံ မ္ဒးပ္တိုန်ထ္ၜးဏာကဵု ကုညးမဗှ်လိက်တအ် “ပူဂိုလ်ဟွံထေက်ကဵုရုဲစှ်နဒဒှ်က္ဍိုပ်သ္ကိုပ်” ဍန်န်ဂၠေံဂၠေံ မွဲကဏ္ဍကီုရ။

ပူဂိုလ်ညးမသုၚ်စောဲအဝဵုအာဏာ

ခေတ်ကာလလၟုဟ်ဏံ ဍုၚ်ကွာန်ကီု ဂကောံကီု အုပ်ဓုပ် နကဵု အဝဵုအာဏာဂှ် အောန်ကၠုၚ် မၞိဟ်ဒးစိုတ်ဟွံမွဲကၠုၚ်တုဲ ပြံၚ်သၠာဲကၠုၚ် ဗီုပြၚ်အုပ်ဓုပ် နကဵု “တၚ်တုပ်စိုတ်” ကေုာံ “သၞောဝ်စဳပၞောန်” အိုတ်ရ။ ညးမဒှ်“က္ဍိုပ်သ္ကိုပ်”တအ်ကီု ကောန်ဂကောံတအ်ကီု ဒးဒ္ဂေတ်ဗက်အာ ဒးကွာ်ဗက်အာ အတိုၚ်“တၚ်တုပ်စိုတ်” ကေုာံ “သၞောဝ်စဳပၞောန်” တအ်ဂှ်ရ။ အဝဵုအာဏာ ဟီုဂှ် တုပ်ပမာ-ပၟတ်ကီုရ။ ယဝ်စိုပ်တဲ ညးမၞုံကဵုဓရ်ဍာံမ္ဂး ဒှ်ဂုဏ်ဖိုလ်မာန်တုဲ ယဝ်စိုပ်အာတဲ ပူဂိုလ်ကြအ်ကဵုအဝဵုအာဏာမ္ဂး ဒှ်လလေၚ်ဖိုလ် သွက်ဍုၚ်ကွာန် သွက်ဂကောံတအ်ဂှ်တအ်ဂှ် မာန်ရ။

ပူဂိုလ်ညးမဟွံမွဲကဵုတၚ်ဒုၚ်လျိုၚ်ကေတ်လျိုၚ်

ဂလာန်ဝွံ ဍာံစၟတ်သြန်ရ။ ကုပူဂိုလ် ညးမဒှ်“က္ဍိုပ်သ္ကိုပ်” တအ် တၚ်ဒုၚ်လျိုၚ်,ကေတ်လျိုၚ် ဂှ် ဒှ်အဓိကဇၞော်မွဲရ။ ကု“က္ဍိုပ်သ္ကိုပ်” ဟွံမွဲကဵုတၚ်ဒုၚ်လျိုၚ်ဂှ် ကောန်ဂကောံတအ် ဂွံရှ်ေသှ်ေရဴဂဴလေဝ် ဒှ်ဟွံမာန်တုဲ အာစိုပ် ဒဵုကဵုက္ဆံၚ် ဍုၚ်ကွာန်လီု ဂကောံလီု လေပ်ရ။ “ဒးတှ်ေ ဗီုဒး၊ ဗၠေတ်တှ်ေ ဗီုဗၠေတ်” ညးမဒှ်“က္ဍိုပ်သ္ကိုပ်” တအ် ဒးနွံကဵုသစ္စ ဒးနွံကဵုတၚ်ဒုၚ်လျိုၚ် လ္တူဂလာန်ဇကု လ္တူကမၠောန်ဇကု ဍိုက်က်ပေၚ်ၚ်ထေက်ရ။

ပူဂိုလ်နွံကဵုဓရ်အဂတိ ဟွံတပ်တး

ညးမဒှ်“က္ဍိုပ်သ္ကိုပ်” ယဝ်ဟွံတပ်တးမ္ဂး ဒှ်ဂၠံၚ်တရဴသွက်ဂကောံဂွံယုတ်ဒေက်စှ်ေဟေၚ်ရ။ ယဝ်ရံၚ်လ္ပာ်ပရေၚ်ဍုၚ်ကွာန်မ္ဂး ပူဂိုလ်လ္ၚဵုတအ်ဂှ် မိက်ဂွံဒှ်တဴ “က္ဍိုပ်သ္ကိုပ်” ဗွဲမလောန်ရ ဆ္ဂး ဒှ် “က္ဍိုပ်သ္ကိုပ်” တုဲ ရံၚ်ကဵုလာဘ်သကာဟွံဗဗွဲဓရ်တအ်မ္ဂး ဍုၚ်ကွာန်မွဲမွဲ ထေက်ကဵုဒးတောတက် ဒးၜိုဟ်သြိုဟ်ဂှ် ဟွံတောတက် ဟွံၜိုဟ်သြိုဟ်ကၠုၚ်ရ။

ပူဂိုလ်ဟွံဂံၚ်ဖျေံတၚ်သ္ဂုတ်သွာတ်

ပ္ဍဲအရာပံၚ်ကၠောန်ကမၠောန်ဂကောံဝွံ ပွမဖျေံတၚ်သ္ဂုတ်သွာတ်မွဲဂှ် ဒှ်တၚ်အဓိကမွဲသာ်ကီုရ။ သၠေဟ်ပမာ ဒှ်ကၠုၚ်ၜါလွးတုဲ ညးမဒှ်“က္ဍိုပ်သ္ကိုပ်” တအ် ယဝ်ဟွံဂံၚ်ဖျေံတၚ်သ္ဂုတ်သွာတ်မ္ဂး ကမၠောန်လဇုဲလဇ ဟွံစိုပ်ဒ္တုဲဒှ်မာန်ရ။

ပူဂိုလ်ဟွံမွဲကဵုဓရ်မေတ္တာ

ဒဒိုက်၊တသိုခ် ကောန်ဂကောံ ညးမဒှ်“က္ဍိုပ်သ္ကိုပ်” တအ် ယဝ်ဟွံသ္ပစၟတ်၊ဟွံကၠိုဟ်လဝ်မ္ဂး ကၠောန်ကမၠောန်ဂကောံ ဟွံစိုပ်တရဴရ။ ညးမဒှ်“က္ဍိုပ်သ္ကိုပ်” တအ်ဒးနွံကဵုတၚ်သၠာဲဂတးလညာတ် ကုကောန်ဂကောံရ။ ဟွံထေက်ကဵုစွံဓရ်ဣဿာ မစ္ဆရိယ လ္တူကောန်ဂကောံတအ်တုဲ ဒၞာဲထေက်ကဵုဒးထိုၚ်သးမ္ဂး ဒးထိုၚ်သး ဒၞာဲထေက်ကဵုဒးကဵုက္ဍိုပ်မ္ဂး ဒးကဵုက္ဍိုပ်လေပ်ရ။

သရုပ်ကၠေံမ္ဂး ဂကောံမွဲမွဲ ဂွံအာစိုပ်တိုၚ်ပ္ကဴအံၚ်ဇၞးမာန်ဂှ် “က္ဍိုပ်သ္ကိုပ်” လေဝ်ဒးခိုဟ်၊ ကောန်ဂကောံတအ်လေဝ် ဒးတီတာလျိုုၚ် ဘိုၚ်ယိုက်ဂၠေၚ်အာမ္ဂး အံၚ်ဇၞးလောဲလောဲရ။ မွဲသာ်ပၠန် ပ္ဍဲအရာကၠောန်ကမၠောန်ဂကောံဂှ် ပရေၚ်ဂကောံ, ပရေၚ်ပူဂိုလ် ပိုယ်တအ်ထေက်ကဵု ဒးပါ်ပါဲလေပ်ရ။ ယဝ်ရ ပါ်ပါဲဟွံလေပ်မ္ဂး ပူဂိုလ်မွဲကဵုမွဲ ဒက်ဝဲဒှ်သၞ ဂွံဆဵုညာတ်ကေတ်ဗွဲမဂၠိုၚ်ရ။ “ပရေၚ်ပူဂိုလ်မ္ၚးဏံ ၜိုန်ပၟိက်ဟွံတုပ်ညးသ္ကအ်ကီုလေဝ် ကိစ္စစပ်ကဵုကမၠောန်ဂကောံမ္ဂး ဒးပံၚ်ကၠောန်ညးသ္ကအ်ဂွံ” စိုတ်ဓါတ်ဗီုဏံဒးနွံထေက်ရ။

 ဓမ္မေ ဟောန္တု သဂါရဝါ

မၚ်ဗၠာဲဗျူဟာခေတ် (လျးကျာ်သြဳ)

(11/7/2020) crd Wunchay Rukchaytdee (ဓရီု) ၁၂:၄၀၊ ၉ နဝ်ဝေမ်ဗါ ၂၀၂၁ (+0630)

တ္ၚဲဟံသာဝတဳလီု

လိက်ပတ်

တ္ၚဲဟံသာဝတဳလီု

တ္ၚဲဟံသာဝတဳလီု(အင်္ဂလိက်: Mon Kingdom Hongsawatoi Fallen Day) ဂှ် စၟတ်သမ္တီလဝ် ပ္ဍဲကဵုဂိတုပသာ် (၈) စွေက်တုဲ မဒှ်တ္ၚဲ မရန်တၟအ် ဍုင်မန်ဟံသာဝတဳ မဒးဒုင်ပလီု ကုသၟိင်ဗၟာ အလန်လက္ကရဴအိုတ် ပ္ဍဲသၞာံ ၁၇၅၇ (သက္ကရာဇ် ၁၁၁၉) တေအ် နကဵုသၟိင်ဗၟာ အံင်ဇေယျ မဒှ်သၟိင် နူ မုက်ဆဝ်ပေါဝ်တုဲ ဒှ်တ္ၚဲ ဂကူမန်တအ် မဗှ်ဗၞုဟ် ဒှ်လၞီ ဟိုတ်နူ ဍုင်ဇကု မစိုပ်အာ သၟဝ်ဂကူညးတၞဟ်ကီု သီုကဵု ဂကူမန် မဂၠိုင်ကဵု လက်ကိုဋ် သီုမၞိဟ်ဗြဴ ကောန်ၚာ် ခမဳသင် မဒးဒုင် စံင်ယဇ် ဂစိုတ်ပဠက်ဏာလဝ်ဂကူဂှ်ရ၊၊ တ္ၚဲဟံသာဝတဳလီုဂှ် နကဵု တ္ၚဲမစၟတ်သမ္တီ ဂကူမန် မဒးဒုင်စံင်ယဇ် ကုဗၟာဂှ် ၜိုန်ရ ကၠောန်ကၠုင် နူစ ခေတ်ပၠန်ဂတးမန် ကလေင်ကတဵုဒှ် ပ္ဍဲခေတ်တၟိ (ကြဴနူခေတ် ကဝ်လဝ်နဳ) ကီုလေဝ် နကဵု ပရေင်ချဳဓရာင် ဂကောံမၞိဟ်မှာဇန်မန်မွဲဂှ် စကတဵုဒှ်ကၠုင် ပ္ဍဲအခိင် ဍုင်ဗၟာ တၠအဝဵုပၞာန် မအုပ်ဓလီုလဝ် ဗွဲမတေင်ဂြတ် ပ္ဍဲတ္ၚဲဟံသာဝတဳလီု မပေင် ၂၅၀ သၞာံဂှ် ဟီုဂွံရ၊၊

တ္ၚဲဟံသာဝတဳလီု Cannon-inscription.jpg လိက် သၟိင်ဗၟာအံင်ဇေယျ မချူလဝ် ပ္ဍဲအမၠံက် မြတဗူ၊ (၁) သံလျှင်ရ မြတဗူ --။ (၂) ကုဓရ မဵုကြီး

(၃) သက္ကရာဇ် ၁၁၁၉ ခု ကဆုလပြည်ကျော် (၄) ၆ ရက် ညတချက်တိကျော် ဟံသာဝတီ (၅) မဟာသတ္တြု သေဒ အဓိပ္ပါယ် အဗၠံက်မြတၜူ မသီဂွံ နူဍုင်သြေင်။ ဗြဲဇၞော်ကုဓရ (ပတိုန်စလဝ် အမၠံက်။ မဂွံအဓိပ္ပါယ် အမၠံက် မဗဂူဖျေဟ်ပၞောတ်ဒေါသ ညံင်ဗြဲဇၞော် (ကုဓ (ပါဠိ) - ပၞောတ်ဒေါသ)) သက္ကရာဇ် ၁၁၁၉ ပသာ် ၆ စွေက် (8 May 1757)[၁]အခိင်ဗတံ လုပ်သီ ဍုင်ဟံသာဝတဳ မဒှ်ဍုင်မဟာသၞသတြု(ဗၟာ)။၊ ဍုင်မကၠောန် ဒၞာဲ ဂကူမန် မနွံ ပေါဲသဘင်ဂမၠိုင် ပူဇဴ ပၞာင်သ္ဍဴ ကေုာံ က္ဍိုင်ဇၞောဝ် ပ္ဍဲကျာ်၊ ဟီုတွဟ် ပရူဟံသာဝတဳလီု ကေုာံ ဗီုလဵု ဂွံကလေင်ပ္တန် ဍုင်မန် မွဲဝါပၠန် ဗီုမကၠောန်သဘင် သွက်ဂကူမန်တအ် ဂွံကလေင်ဗှ်ဗၞုဟ် ဝင်အတိက်ဇကု စနူ မေ ၉၊ ၁၇၅၇ (မရနုက် ကဵု ၂၆၄) ပသာ် (၈) စွေက် (တ္ၚဲကၟာင်ဍုင်သရိုဟ်ဂှ် ပသာ် ၆ စွေက် (ဂိတုမေ ၉) မဆက်စပ် ကု ဍုင်မန်ဟံသာဝတဳ မဒးဒုင်ပလီု ဂကူမန် မဒးဒုင်စံင်ယဇ် မဒးဒုင်ဂစိုတ်ပဠက်ဂကူ ကဵုသၟိင်ဗၟာ ပ္ဍဲသက္ကရာဇ်ဍုင် ၁၁၁၉ ဂိတုပသာ် (၈) စွေက်၊၊ စၟတ်သမ္တီ တ္ၚဲဟံသာဝတဳလီု

ဗီုဂတာပ်လိက် ဂျာနေဝ်တ္ၚဲဟံသာဝတဳလီု ပေင် ၂၅၀ သၞာံ၊၊ မဒှ်ဗီု ကောန်ဂကူမန်တအ် ကလေင်ဇက်လုပ် နန်ဍုင်ဗဂေါ နကဵုအလာံခေတ်တၟိ၊ နမရန်တၟအ် မန်ကလေင်ဒက်ပ္တန် ဍုင်မန်တၟိ၊၊ တ္ၚဲဟံသာဝတဳလီု မကၠောန်ဗဒှ် နဒဒှ် ပရေင်ချဳဓရာင် ညးဍုင်ကွာန်ဂှ် ကတဵုဒှ်ကၠုင် ပ္ဍဲသၞာံ ၂၀၀၇ ပ္ဍဲသၞာံ ဟံသာဝတဳလီု ပေင် (၂၅၀) သၞာံဂှ် ဟီုဂွံရ၊၊ ကၠာနူဏအ် ပ္ဍဲကဵုတိဍာ်ဗၠးၜး ဒၞာဲဒေသ ဗော်ဍုင်မန်တၟိ မအုပ်ဓုပ်ဂှ် နကဵုအခန်ကၞာ ဟီုတွဟ် ကေင်ကၠောန်လဝ် ညိညကီုရ၊၊ တုဲပၠန် အခိင်ကာလ ဂကူမန်တအ် မအာစိုပ် ကၟိန်ဍုင်အမေရိကာန် နကဵုအစဳအဇန် ကုလသမဂ္ဂ မဖျေဟ်ဒၞာဲ ကုညးမဒှ်ဒဒိုက်တုဲ ဂကူမန် ပ္ဍဲအမေရိကာန်တအ် စတမ်နူ သၞာံ ၁၉၉၄ နကဵုအစဳအဇန် ထ္ၜးဆန္ဒ ဂတရုင်ကလုတ်ဗၟာ ဇၟာပ်ပ်သၞာံရ၊၊ ဗွဲကြဴ နူဂှ်ညိ ၜိုတ်သၞာံ ၂၀၀၀ ဂှ် ဂကူမန်တအ် ပါဲနူကဵု ရးအမေရိက ကဵု ရးအဝ်သတြေလျာတုဲ စိုပ်အာ သီုကဵု ရးယူရောပ်တအ်ကီုရ၊၊ မန်ဒေသအလုံလိုက် (အမေရိက၊ အဝ်သတြေလျ၊ ယူရောပ်) တအ် ပံင်ကောံတုဲ ဒက်ပ္တန် ဂကောံပံင်ကောံမန်ဍုင်သအာင် မွဲရ၊၊ နကဵုဂကောံဏအ် ပံင်တောဲ ကုမန် ပ္ဍဲဍုင်မန် ဗွဲတၟေင် ဂကောံသၟတ်မန်လညာတ်တၟိ၊ ညးတာလျိုင် ပရေင်စန်ဒက် ဗော်ဍုင်မန်တၟိ (ဗွဲတၟေင် နာဲအံင်မ္ၚဵု) တုဲ သၠုင်ပတိုန် အသိင် ပရေင်ချဳဓရာင် ပရေင်ဍုင်ကွာန် ဂကူမန် ပ္ဍဲဍုင်မန်တေအ်ရ၊၊ မန်ဍုင်သအာင်ဂှ် ပ္တိတ်ကဵုသြန်ခရိတ် ကေုာံ လညာတ်တုဲ မၞိဟ်မဗမံက်ရုပ်ရဴကမၠောန်ဂှ် ကောန်ဂကောံ ဂကောံသၟတ်မန်လညာတ်တၟိ ကေုာံ နာဲအံင်မ္ၚဵု မဒှ်မၞိဟ်မပၠတရဴရ၊၊

လညာတ်မ္ဂး ＂ကမၠောန် ပရေင်ဍုင်ကွာန်မန် ညံင်ဂွံစိုပ် ပ္ဍဲညးဍုင်ကွာန်မန်＂ ဂှ် စကတဵုဒှ်ကၠုင် နူပရေင်ပံင်ကောံ အကြာမန် မစိုပ်ဍုင်သအာင် ကေုာံ ဂကောံသၟတ်မန်တအ်ရ၊၊ နကဵုလညာတ်ဂှ် ရုပ်ရဴကမၠောန် ညံင်ဂွံမံက်ဂှ် ညာတ်ကေတ် ပ္ဍဲမန်

တ္ၚဲကောန်ဂကူမန် မဒှ်တ္ၚဲ ပ္တန်ဍုင်၊ တ္ၚဲဟံသာဝတဳလီု မဒှ်တ္ၚဲ မန်ဒးကျဟောံဗြမ်ဍုင် မဒးဒုင်ဂစိုတ်ပဠက်ဂကူ ကုဗၟာ၊ တ္ၚဲပၠန်ဂတး မဒှ်တ္ၚဲ ကောန်ဂကူမန် ဂစာန်တဝ်စၞေဟ် သွက်ဗၠးၜးဂကူမန်၊ တ္ၚဲပိဝွံ စွံအာရီုတုဲ ဒးကၠောန်အာရောင်၊၊ ကၠောန်ပၠန်ရ သ္ဒးဒှ် နကဵု ဗီုပြင်ပရေင်ချဳဓရာင် ကောန်ဂကူဂှ် ဒးကၠောန်ရောင်၊၊ တ္ၚဲကောန်ဂကူမန်ဂှ် ဒှ်ဒၟံင် တ္ၚဲပရေင်ချဳဓရာင် အလုံဂကူမန်မွဲ တုဲဒၟံင်ရ၊၊ သှ်ေဒၟံင် တ္ၚဲဟံသာဝတဳလီု ကဵု တ္ၚဲပၠန်ဂတး ရ၊၊ တ္ၚဲဟံသာဝတဳလီုဂှ် မၞိဟ်တီအောန်တုဲ လဆောဝ်မ္ဂး ဗော်ဍုင်မန်တၟိ ကၠောန်ဒၟံင် သဘင်ဟီုတွဟ်ညိည ကဵု ဂကူမန် မစိုပ်အမေရိကာန်တအ် အာထ္ၜးဆန္ဒ ပ္ဍဲဂတမုက် ရုင်ကလုတ်ဍုင်ဗၟာရ၊၊ ပ္ဍဲအခိင်ကာလဂှ် ၜိုန်ရ ရဲတၠအဝဵုပၞာန်ဗၟာတအ် ကၟာတ်လဝ် အခေါင်ပရိုင် ဗွဲမတေင်ဂြတ်ကီုလေဝ် ဇၟာပ်ပ်သၞာံ နူကဵုဌာနရေဒဳယော RFA ဘာသာဗၟာ နူကဵု ကၟိန်ဍုင်အမေရိကာန် ဗလးကဵုဒၟံင်ပရိုင် မန်ပ္ဍဲအမေရိကာန် ထ္ၜးဆန္ဒ ဂတမုက်ရုင်ကလုတ်ဗၟာ ပ္ဍဲတ္ၚဲဟံသာဝတဳလီုဂှ်တုဲ ယၟု ကေုာံ စၟတ်တ္ၚဲဂှ် ဂကူမန်တအ် ဗွဲမဂၠိုင် တီကေတ်ဒၟံင်အိုတ်ကီုရ၊၊ ညံင်ဂွံဒှ် နကဵုပရေင်ချဳဓရာင် ညးဍုင်ကွာန်၊ ညးဍုင်ကွာန်ဂွံတီ ပရူဟံသာဝတဳဂှ် ချပ်ဂၞန် ရေင်သကအ်ဂှ်

ဒုင်သဇိုင် ကုဂကူမန် မဒးဒုင်စံင်လဝ်ယဇ် မဒးဒုင်ဂစိုတ်ပဠက်လဝ်ဂကူတုဲ သ္ဒးဖန်ဇန်အာ ညံင်ဂွံကိတ်ညဳ ကုအခိုက်ကၞာဂကူမန်၊၊ နကဵုအကာဲအရာလဵုဒှ်ဒှ် ဗွဲမဗၠးဒုဟ် ဗၠးရာ ကုတၠအဝဵုဗၟာဂှ် ညံင်ဂွံညးဍုင်ကွာန်တအ် ဂွံကၠောန်အာဂွံဂှ် သ္ဒးဖန်ရောင်၊၊ ပ္ဍဲအခိင်ဂှ် အခေါင်ညးဍုင်ကွာန် ကောံရေင်သကအ် ဟွံမဲ၊၊ ဒုင်သဇိုင် ကုတင်ဗွဲလတူတအ်တုဲ ချပ်ရေင်သကအ်ဂှ် နာဲဗဳထဝ် မန်ဇြာ နူဒိန်မက် ပတိုန်လညာတ် ＂ဆဝ်မ္ၚုဟ် ဂကူမန် ပ္ဍဲတ္ၚဲဟံသာဝတဳလီု မဒှ် တ္ၚဲသဳ ပသာ်ဒစာံစွေက်ဂှ် ရန်တၟအ်ကဵု ဇုဇဗဴလပိုယ် မဒးဒုင်ဂစိုတ် ပဠက်ဂကူ၊ မဒးဒုင်စံင်ယဇ်ဂှ်တုဲ ကောံရေင်သကအ် အာဇရေင်ကျာ်တုဲ ဍေန်ပၞာင်၊ အတိုင်အခိုက်မန် သွက်ညးမစုတိတအ်ဂှ် ညးထောအ်ဇၞောဝ်ဂှ်ရ ပ္ဍဲတ္ၚဲဂှ် ကၠောန်ဇၞောဝ်တုဲ ပူဇဴကျာ်ရ၊၊ ကၠောန်ဗီုဏအ်မ္ဂး နကဵုအလဵုအသဳ ကၟာတ်လဒဵုဟွံဂွံ ပဒုဟ် လတူညးဍုင်ကွာန် ဟွံဂွံရ၊၊ တုဲပၠန် ညးဍုင်ကွာန်တအ်လေဝ် ဂွံတီကေတ် ပရူတ္ၚဲဟံသာဝတဳလီုမာန်ရ၊၊＂

နကဵုကသပ်ဂှ် မၞိဟ်ဂမၠိုင် တုပ်စိုတ်တုဲ ဖျေဟ်အစဳအဇန်ကမၠောန် ညံင်ဂွံစကၠောန် ပ္ဍဲသၞာံ ၂၀၀၆ မဒှ် တ္ၚဲဟံသာဝတဳလီု ပေင် ၂၄၉ သၞာံ၊၊ ကေတ်အသိင် ပွိုင်မွဲသၞာံတုဲ သွက်သၞာံဂတ မပေင် ၂၅၀ သၞာံဂှ်မ္ဂး ညံင်ဂွံဒှ် ဒေသဇဳဇဳ သီုကဵု ပ္ဍဲဍုင်ဗဂေါ လတူကျာ်မုဋ္ဌော (မုဟ်တဴ)ဂှ် ဖန်ဇန်ရောင်၊၊ အတိုင်မဖျေဟ်လဝ် အစဳအဇန်ဂှ် စဗၟံက်ရုပ်ရဴတုဲ တ္ၚဲဟံသာဝတဳလီု နကဵုဗီုပြင် ပရေင်ချဳဓရာင် ညးဍုင်ကွာန်မန် နမပူဇဴကျာ် နကဵုပၞာင်ဂှ် ကတဵုဒှ်ကၠာအိုတ် ပ္ဍဲသၞာံ ၂၀၀၆ ဂှ်ရ၊၊ ဆဂး ဒေသဟွံဇဳရ၊၊

သွက်ဂွံဆဝ်မ္ၚုဟ် ဗၟံက်ရုပ်ရဴ သွက် မပေင် ၂၅၀ သၞာံဂှ် နူကဵု ဂကောံပံင်ကောံမန်ဍုင်သအာင် ဖျေဟ်လဝ်သ္ဂုတ်သွာတ် ဒးပံက် ဗော်သွးကမ္မတဳမကၠောန်ဗဒှ် တ္ၚဲဟံသာဝတဳလီုပေင် ၂၅၀ သၞာံမွဲ နကဵုဂကောံနာနာရောင်၊၊ ပ္ဍဲကဵုကမ္မတဳဂှ် ညးစၞး နူဗော်ဍုင်မန်တၟိ၊ ဂကောံညဳသၟဟ်ဂကူမန် (MUL)၊ ဂကောံမန် နယူဇြဳလာန်၊ ဂကောံမန်အဝ်သတေလျာ၊ ဂကောံမန်မလေရှာ၊ ဂကောံမန်ပံင်ကောံ ကၟိန်ဍုင်အမေရိကာန် (ဗော်ကလေင်ဒက်ပတန်ဍုင်မည်)၊ ဂကောံမန်ခေနဒါ၊ ဂကောံမန် ရးယူရောပ်ဂမၠိုင် မပ္တံကဵု ဂကောံမန်ဒိန်မက်၊ ဂကောံမန်ဝှေန်လာန်၊ ဂကောံမန် နေတာလာန်၊ ဂကောံမန်နဝ်ဝေတအ် ပါလုပ် ပ္ဍဲကမ္မတဳဂှ်ရ၊၊

နူကဵုကမ္မတဳဂှ် ဖျေဟ်လဝ် သ္ဂုတ်သွာတ် ကၠောန်ပ္တိတ်

ကဝးဒွက် တ္ၚဲဟံသာဝတဳလီု ပေင် ၂၅၀ သၞာံ၊၊ နာဲရတ်ရတ် မန်ဇြာ ညးမပဒတဴ ပ္ဍဲဍုင်အမေရိကာန် ကေတ်တာလျိုင် အဓိကတုဲ စန်ဒက် ဗၟံက်အာရုပ်ရဴကမၠောန်၊၊ လိက်ဂျာနေဝ် တ္ၚဲဟံသာဝတဳလီု ပေင် ၂၅၀ သၞာံ၊၊ နာဲဗဳထဝ် မန်ဇြာ ညးမပဒတဴ ပ္ဍဲဍုင်ဒိန်မက် ကေတ်တာလျိုင် အဓိကတုဲ စန်ဒက် ဗၟံက်အာ ရုပ်ရဴကမၠောန်၊၊ ဂျာနေဝ်ဂှ် တၠဂုဏ်အစာ ဣန္ဒလင်္ကာရ (ဘာကျာ်သြဳမန်)၊ တၠဂုဏ်အစာကေလာသ (တၠဂုဏ်သေံ) ဗိုင်ကၠောန်ကဵု ပ္ဍဲအရာ မဖျေဟ်ဒဳဇာင် ကေုာံ အရာတၞဟ်၊ နာဲတိုင်ပ္ကဴ နူကဵု ဂကောံသၟတ်မန်လညာတ်တၟိ ဒှ်မၞိဟ်မချဳဓရာင် ညံင်လိက်ဂွံစိုပ်စက်တုဲ ကောန်ဂကောံသၟတ်မန်လညာတ်တၟိ ကောန်တာလျိုင် ညံင်ဂွံစိုပ် တဲဂကူမန် ပ္ဍဲဍုင်မန်ရ၊၊ ပ္ဍဲအခိင်ဂှ် ဗော်ဍုင်မန်တၟိ ဒေါအ်လဝ် ပန်ပှော် ကုတၠအဝဵုပၞာန်ဗၟာတုဲ တၞဟ်န ဂွံတြးလောဲသွာ ဟွံဂွံဒှ် အန္တရာဲ ကုညးမချဳဓရာင်တအ်တုဲ ဒုင်လဝ်ယၟု တြးပ္တိတ် နူကဵု ဌာနပရေင်စန်ဒက် (ဗဟဵု) ဗော်ဍုင်မန်တၟိ၊၊ ပလောအ်တဳရှာတ် မစုတ်လဝ် တဆိပ် တ္ၚဲဟံသာဝတဳလီု ပေင် ၂၅၀ သၞာံ၊ ဂကောံသၟတ်လညာတ်တၟိ ကေတ်တာလျိုင်တုဲ စန်ဒက် ဗၟံက်အာ ရုပ်ရဴကမၠောန်၊၊ ထိုင်ကၟာဲ (ဟွံဒှ်ပတိတ်) ဝဳဇြဳဒဳ နာဲလျးရတ် (ဂင်ယင်) ကေတ်တာလျိုင် အဓိကတုဲ စန်ဒက်ဗၟံက်အာရုပ်ရဴကမၠောန်၊၊ အရာတအ် သီုဖအိုတ် ညံင်ဂွံဒှ်တိတ် ကၠာဟွံစိုပ် တ္ၚဲဟံသာဝတဳလီု ပေင် ၂၅၀ သၞာံရ၊၊

တ္ၚဲဟံသာဝတဳလီု ပေင် ၂၅၀ သၞာံ အတိုင် ဗော်သွးကမ္မတဳမကၠောန်ဗဒှ် တ္ၚဲဟံသာဝတဳလီု ပေင် ၂၅၀ သၞာံ မရန်တၟအ်လဝ် သွက်ဂွံ ဗၟံက်ရုပ်ရဴကမၠောန်ဂှ် နာဲအံင်မ္ၚဵု နူဌာနစန်ဒက်ဗဟဵု ဗော်ဍုင်မန်တၟိ ကေုာံ ဂကောံသၟတ်မန်လညာတ်တၟိ (MYPO) ပံင်ကောံ ကုဂကောံသင်သၟတ် ပ္ဍဲဍုင်မန်တုဲ ဗၟံက်အာရုပ်ရဴရ၊၊ သင်သၟတ် ကေုာံ ဂကောံသၟတ် နူဒေသနာနာ ပ္ဍဲဒေသညးကဵုညး ဗၟံက်ရုပ်ရဴကမၠောန် နကဵုမဍေန်ပၞာင် ရာဒၞာမံက် ပ္ဍဲကဵု ကျာ်စေတဳတအ်ရ၊၊

ဍုင်ဗဂေါ ဂကောံသၟတ်မန်တအ် ပ္ဍဲတ္ၚဲပသာ် (၈) စွေက်ဂှ် ပြာပ်အာ ဒၞာဲအာဲကၟာဲဂကူမန်တြေံ ပ္ဍဲလတူဍုင်ဗဂေါ မပ္တံ ဒၞာဲကျာ်ပန်၊ နန်၊ ကျာ်ၜိုပ်တုဲ ပၠးပ္တိတ်ယာတ် မချူလဝ်＂ပသာ် ၈ စွေက် တ္ၚဲဍုင်ဟံသာဝတဳလီု ပေင် ၂၅၀ သၞာံ ဍုင်ဗဂေါ＂ရ၊၊ ပ္ဍဲအခိင်သဝ်တ္ၚဲဂှ် ခမဳသင် ကေုာံ ကောန်ဂကူမန် လတူဗဂေါ ၜိုတ် ၂၀၀ဂှ် ကောံအာ ဇရေင်ကျာ်မုဟ်တဴ သွက်ဂွံဍေန်ပၞာင် ပူဇဴကျာ် နကဵုမဗဒှ်မလိက် တ္ၚဲဍုင်ဟံသာဝတဳလီု ပေင် ၂၅၀ သၞာံရ၊၊ တုဲဂှ် ဖဍောတ်လ္ၚောဝ်ကျာ် ရာဒၞာဖျေဟ်မေတ္တာ ကုဂကူမန် မဒးဒုင်ဂစိုတ်လဝ် ပ္ဍဲအခိင်ဍုင်လီုတေအ်ရ၊၊ ပ္ဍဲအခိင်ဂှ် ညးသၟိင်တၠဗၟာတအ် ပြာပ်ကၠုင်တုဲ စၟဳစၟတ်ကီုလေဝ် ဟိုတ်နူမဒှ်ကမၠောန် မဍေန်ပၞာင် ပူဇဴကျာ်တုဲ ဍေဟ်တအ် ကေတ်ဒုဟ်ဟွံဂွံ၊ ကောန်ဂကူမန် လတူဍုင်ဗဂေါတအ် ဆက်ကၠောန်အာ ဗွဲမအံင်ဇၞးရ၊၊

ဒဵုမာဲ၊ ဆက်တဲ သင်သၟတ် ကေုာံ ဂကောံသၟတ်ဒေသ ဒဵုမာဲဆက်တဲ ပံင်ကောံတုဲ ကၠောန်သီုမလိက်လက္ကရဴတုဲ ဟီုဂး ပရူဝင်ဟံသာဝတဳ၊ ဗှ်လိက်လလောင်တြး ပူဇဴကျာ် နကဵုပၞာင် သီုမဂေတ်ကျာ်ရ၊၊

ကွာန်အၜေတ် ပ္ဍဲကွာန်ၜေတ်ဂှ် သင်သၟတ် ကေုာံ ဂကောံသၟတ်တအ် ကၠောန်ဗဒှ် ပ္ဍဲဘာလကျာ် ဟီုဂး ပရူဝင်ဟံသာဝတဳ၊ ဗှ်လိက်လလောင်တြးလတူဘာတုဲ စှ်အာ ဇရေင်ကျာ်တုဲ နကဵုပ္ကဴ ကေုာံပၞာင်တုဲ ဂေတ်ကျာ်တုဲ ပူဇဴကျာ်ရ၊၊

ကၟာဝက် ကျာ်ဇြာ ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ကေုာံ ဂကောံသၟတ်တအ် ပံင်ကောံတုဲ ကွာန်မန် ပ္ဍဲပွိုင်ဍုင်မုဟ်ဍုင် စှ်မွဲကွာန် ကောံကၠုင် ဇရေင်ကျာ်ဇြာ ပ္ဍဲကွာန်ကၟာဝက်တုဲ ကၠောန်ဗဒှ် တ္ၚဲဟံသာဝတဳ ပေင် ၂၅၀ သၞာံရ၊၊ မၞိဟ်နူကွာန်တၞဟ်တအ်ဂှ် ပ္ဍဲကွာန်ညးတအ်လေဝ် ညးတအ်ကၠောန်လဝ်ကီုတုဲ ကောံကၠုင် ဇရေင်ကျာ်ဇြာ နဒဒှ် ဒၞာဲဒတန်ဗဟဵုရ၊၊ တ္ၚဲဟံသာဝတဳလီု ပေင် ၂၅၀ သၞာံ မကၠောန်ဗဒှ် ပ္ဍဲဍုင်မန်မ္ဂး ပ္ဍဲဇရေင်ကျာ်ဇြာဂှ် မၞိဟ်ဂၠိုင်အိုတ် ဇၞော်အိုတ်ရ၊၊

ဒေသတၞဟ်ဟ် ပါဲနူ ပ္ဍဲပွိုင်ဍုင်မုဟ်ဍုင် ကေုာံ ဍုင်ဗဂေါတုဲ ဒေသတကအ်ခၟိုင်၊ ပွိုင်ဍုင်ရေဝ်၊ ပွိုင်ဍုင်ကျာ်မြဟ်၊ ပွိုင်ဍုင်မတ်မလီုလေဝ် ကၠောန်ဗဒှ်လဝ် မဂၠိုင်ကဵုဒၞာဲရ၊၊ ဟိုတ်နူမကၠောန်လဝ် ပ္ဍဲတကအ်ခၟိုင်ဂှ်တုဲ တ္ၚဲယးဂတဂှ် ဗၠာဲသၟိင်ဗၟာ ကၠုင်စၟဳစၟတ် သီုဘပဠဏာ နကဵုဒုဟ် မဆက်ဆောံ ကုဍုင်သအာင်ရ၊၊

ဍုင်သေံ ပ္ဍဲကွာန်ဝင်ကဂှ် ကၠောန်ဗဒှ် ပ္ဍဲ Songkhlalia River Hut and Resort ပ္ဍဲဂှ် က္ဍိုပ်သကိုပ်သၟာပၠန်ဂတးမန် ဗွဲမဂၠိုင်တိုန်စိုပ်ရ၊၊ တုဲဂှ် မၞိဟ်တအ် ကောံအာ ဇရေင်ကျာ်သာမ်သုက်တုဲ ပူဇဴကျာ် နကဵုပၞာင် ကေုာံ က္ဍိုင်ဇၞောဝ်ရ၊၊ ပ္ဍဲဍုင်က္ၜင်ကံက်၊ မာဲဆံက်လေဝ် နကဵုအစဳအဇန် ခန်ကၞာကၠောန်ဗဒှ်လဝ်ကီုရ၊၊

ဍုင်သအာင်

(နူပုင် ပ္ဍဲဗီု) နာဲမဂ္ဂါမန်၊ Broddi Siguroarson, တၠဂုဏ်ရတ်တ် မန်ဇြာ အဃောမအာဆဵု ပ္ဍဲတ္ၚဲဟံသာဝတဳလီု ပေင် ၂၅၀သၞာံ ပ္ဍဲရုင်ဇၞော်ကုလသမဂ္ဂ၊၊ နူကဵုကောံဓရီုဏအ် ဂကူမန် ဒှ်အာ ဂကောံထာဝရ ပ္ဍဲကုလသမဂ္ဂ မဆေင်ကဵု ဂကူရးတၟံ၊၊[၄] ရန်တၟအ် ကဵုတ္ၚဲဟံသာဝတဳလီု ပေင် (၂၅၀) သၞာံ ကေုာံ ဂကူမန် ဂွံတိတ်ဗၠး နူဘဝဍိက်တုဲ နူကဵု ဗော်ကလေင်ဒက်ပတန်ဍုင်မန် ကောန်ဂကူမန် (၅၇)တၠ အာထ္ၜးဆန္ဒ ဂတမုက် ရုင်ဇၞော်ကုလသမဂ္ဂ ပ္ဍဲဍုင်နယူယျံက်၊၊ နာဲမဂ္ဂါမန် (ညးအုပ်ကာ ဗော်ကလေင်ဒက်ပ္တန်ဍုင်မန်)၊ မိပ္ကဴရတ် (ဒုဥက္ကဌ ဂကောံညးဗြဴမန် ကၟိန်ဍုင်အမေရိကာန်)၊ တၠဂုဏ်ရတ်တ်မန်ဇြာ ညးပိဝွံ အာဆဵုဂဗ ကုညးတာလျိုင် ဂကောံကုလသမဂ္ဂ မၞုံယၟု Broddi Siguroarson (Division for Social Policy and Development, Department of Economic and Social Affairs) Permanent Forum on Indigenous Issues.United Nations၊ သ္ဂောအ်ဓရီု ကိစ္စဂကူမန် ဗၞတ် (၅၀) မိနေတ်ဂှ် နူကဵုညးစၞးဂှ် ကဵုကသပ် ဂကူမန် ညံင်ဂွံပါလုပ် ပ္ဍဲဂကောံ Permanent Forum on Indigenous Issues မာန်ဂှ် ပတိုန်အာတ်မိက်ညိ၊ ဒှ်ကောန်ဂကောံတုဲ နူကဵုညးစၞး ဂကောံမန် သွက်ဂွံတိုန်စိုပ် ကောံဓရီုဂှ်တုဲ ပတိုန်ထ္ၜး ပရူဂကူမန် ပ္ဍဲကောံဓရီုဂှ်ဂွံရ၊၊ စနူကဵုဂှ် ဂကူမန် ဂွံပါလုပ် ပ္ဍဲဂကောံထာဝရ ပ္ဍဲဂကောံဂကူရးတၞံ ပ္ဍဲကုလသမဂ္ဂဂှ်တုဲ အလာံမန်ဂှ်လေဝ် ညးစုတ်လဝ်ကဵု မွဲကီုရ၊၊ ဇၟာပ်ပ်သၞာံ မန်အာတိုန်ဒၟံင် ကောံဓရီု ပ္ဍဲကုလသမဂ္ဂ မဆေင်ကဵု ဂကူရးတၟမ်တအ်ရ၊၊

ပါဲနူဂှ်တုဲ နူကဵု ကမ္မတဳမကၠောန်ဗဒှ် တ္ၚဲဟံသာဝတဳလီု ပေင် ၂၅၀ သၞာံ ချူလဝ်လိက် သွက်ဂွံဗစိုပ် ဇရေင်ညးအုပ်ကာနာနာ ကုလသမဂ္ဂ ဗေန်ကဳမုန် (Mr. Ban Ki Moon, Secretary General)ဂှ်လေဝ် ဂွံကဵုဗစိုပ်ကီုရ၊၊ ကောန်မန် (၉) တၠဂှ် အာထ္ၜးဆန္ဒ ဂတရုင်ကလုတ်ဗၟာ ပ္ဍဲဝတ်ယှေန်ဒါန် ဒဳဇြဳ၊၊ ပ္ဍဲဘာလကျာ်မန်တအ်ဂှ် ကၠောန်သဘင် နကဵုအစဳအဇန် မဍေန်ပၞာင် ရာဒနာ ဇိုန်ပိုန် ကုဂကူမန် မဒးဒုင်ဂစိုတ်လဝ် ပ္ဍဲအခိင်ကျဍုင်တေအ်ကီုရ၊၊

ဍုင်အဝ်သတြေလျာ၊ ဍုင်ဒိန်မက်၊ နာဲနေတာလန်၊ ကေုာံ ဍုင်တၞဟ်ဟ်တအ်လေဝ် ကၠောန်ဗဒှ် စၟတ်သမ္တီ တ္ၚဲဟံသာဝတဳလီု နကဵုအစဳအဇန် မဍေန်ပၞာင် ဟီုတွဟ် ပရူဝင်မန် ကေုာံ အကာဲအရာ ဘဝဂကူမန် တ္ၚဲဏအ်အိုတ်ကီုရ၊၊

HFD-Bago.jpg ဝင် စတုတ္ထ ဟံသာဝတဳ

တတိယ ဟံသာဝတဳလီု သၟိင်ဗၟာ တပေန်သောဲထဳ ကၠုင်ဗတိုက် ပၠံင်ကေတ် ဍုင်မန်ဟံသာဝတဳ နူသၟိင်ဒကာရတ်ပိ ပ္ဍဲသက္ကရာဇ် ၉၀၁ ဂှ်တုဲ တၞောဝ်ဨကရာဇ်မန် ပ္ဍဲဟံသာဝတဳ ပိုတ်အာရ၊၊ ကျာ်ဇၞော်ဓမ္မရာမ မၞုံပိုန် ဘာအသောကရာမ်ဂှ် ပအပ်ကွးဇကု မၞုံယၟု သၟိင်ဍောတ် ကုတပေန်သောဲထဳ၊ သၟိင်ဍောတ်ဂှ် ဒှ်ကောန်သၟိင်စဍုင်ဒသေတ်ရ၊၊ ခြာဟွံလအ် ပ္ဍဲသက္ကရာဇ် ၉၁၂ ဂိတုပသာ် ၁ စွေက် တ္ၚဲဗုဒ္ဓဝါဂှ် သၟိင်ဍောတ်ဂစိုတ်ကၠေအ် တပေန်သောဲထဳတုဲ ပိုင်ပြဳ ဍုင်ဟံသာဝတဳရ၊၊ ဆဂး သၟိင်ဍောတ် ဂွံပိုင်ဍုင် ၜါဂိတုလပါ် သၟိင်ဓဝ်ဇုက်လလဳ ကလေင်ဂစိုတ်ကၠေအ်ပၠန်တုဲ သၟိင်ဓဝ် တိုန်ပသၟိင်ပၠန်ရ၊၊ သၟိင်ဓဝ်ဇုက်လလဳဂှ် ဒှ်ကောန်သၟိင်ဗညာရာံစေဝ် (၈၅၃-၈၈၈) မဒှ်ကောန်စဴ သၟိင်ဓမ္မစေတဳရ၊၊

ဂတဂှ် ခြာဟွံလအ် ပ္ဍဲသက္ကရာဇ် ၉၁၃ ဂိတုစဲ ၃ စွေက် တ္ၚဲသ္ၚိသဝ် ကြဴနူသၟိင်ဗၟာဘုရင်နံင် ကလိဂွံဇမၞး သရေခေတ္တရာတုဲ စိုပ်ကၠုင် ဍုင်ဟံသာဝတဳရ၊၊ သၟိင်ဗၟာ ဘုရင်နံင် ကဵု သၟိင်မန် သၟိင်ဓဝ်ဇုက်လလဳ ပြိုင်ဗဇဵုစိင် ဂြင်စိင် သၟိင်ဘုရင်နံင်ကဝ်၊ သၟိင်ဘုရင်နံင်လေဝ် ဒးဂိသကေဝ်အာ ဗွဲမဂၠိုင်ကီုလေဝ် ဟိုတ်နူဗိုလ်လဗး ဘုရင်နံင်ဂၠိုင် မလုပ်သီဍုင်တုဲ သၟိင်ဓဝ်ဇုက်လလဳ ဒးဒဴလုပ်အာဂြိုပ်ရ၊၊ ဍုင်မန်ဟံသာဝတဳဂှ် ကလေင်စိုပ်အာ သၟဝ်တဲဗၟာပၠန်ရ၊၊ စိုပ်သက္ကရာဇ် ၉၁၉ ဂိတုမြေက္ကသိုရ်ဂှ် သၟိင်ဓဝ်ဇုက်လလဳ ဒးဒုင်ရပ်တုဲ စဵုကဵုစဴသွဝ် ဟွံပင်တဲလ္ၚောဝ် ဘုရင်နံင်ရ၊၊

ဍုင်ဗဂေါဟံသာဝတဳဂှ် လဆောဝ် ဒှ်ဍုင်ရာဇာဌာနဳ၊ လဆောဝ် ဒှ်ဍုင်သၟဝ်အင်ဝ ဆဂး နူဘုရင်နံင် မသီဂွံတုဲဂှ် ဒးမံင်ကၠုင် သၟဝ်ဗၟာရ၊၊ စိုပ်လက်ထက် သၟိင်ဗၟာဓမ္မရာဇာဓိပတိဂှ် ဗၟာတအ် ပၠံင်နန် ရေင်သကအ်တုဲ ဍုင်ကွာန်ဟွံၜိုဟ်သြိုဟ်၊ ဂကူသေံတအ်လေဝ် ကတဵုသပုန် တဝ်စၞေဟ် ကဵုဗၟာရ၊၊

စတုတ္ထ ဟံသာဝတဳတန် ပ္ဍဲဗဂေါဟံသာဝတဳဂှ် သၟိင်စဍုင်ဗၟာ နာဲသာအံင်ဂှ် စနူကဵု သက္ကရာဇ် ၁၁၀၂ ဂိတုဇှ်ေပေင် တ္ၚဲဗြဴဗတိဂှ် ဂစိုတ်ထောအ် မၞိဟ်ဟွံမိက် ပုန်ကဵု အင်ဝတုဲ လလောင်တြး ဍုင်ဗၠးၜးမွဲရ၊၊ မန်တအ်လေဝ် ချပ်ဒၟံင် ညံင်ဂွံဗၠးၜး နူဗၟာတွဵုတုဲ ပ္ဍဲအခိင်ဂှ် ဂွံအခေါင်ခိုဟ် ဂစိုတ်ထောအ် နာဲသာအံင် ရ၊၊ နာဲသာအံင် ချိုတ်အာတုဲ သၟိင်ဗၟာဗလးနင် မင်ရာဲအံင်နာင် သီုကဵု ဒပ်ပၞာန် ဗွဲမဇၞော် ကၠုင်ဗတိုက်တုဲ မန်တအ် ဒးမံင်အာ သၟဝ်ဗၟာပၠန်ရ၊၊ ဆဂး မန်တအ် ပံင်ကဵု သၟိင်ဓဝ်ဗုဒ္ဓကေသဳတုဲ ကလေင်ဂစိုတ်ထောအ် မင်ရာဲအံင်နာင်ပၠန်ရ၊၊ သၟိင်ဓဝ်ဗုဒ္ဓကေသဳဂှ်လေဝ် ဒှ်ဂကူဗၟာ ဆဂး ဒှ်မၞိဟ် ဟွံမိက်မံင် သၟဝ်အဝဵုသြဇာအင်ဝရ၊၊

သၟိင်ဓဝ်ဗုဒ္ဓကေသဳ ဂွံပိုင်ဍုင် ဗၞတ် ၆ သၞာံ ပ္ဍဲအခိင်မအာဝေင်ဂြိုပ် ပ္ဍဲသက္ကရာဇ် ၁၁၀၈ ဂိတုမာဃ် ၁၂ မံက် တ္ၚဲအဒိုက်ဂှ် နာဲစရင်ခိုင် ညးမဒှ်ဂကူဗၟာပၠန် သီကေတ် အဝဵုဍုင်ဗဂေါဟံသာဝတဳပၠန်ရ၊၊ ဆဂး မန်တအ် ကလေင်ဖျေဟ်ထောအ် နာဲစရင်ခိုင် နူဒဒှ် ဨကရာဇ်တုဲ ပ္ဍဲဂိတုဖဝ်ရဂိုန် ၄ မံက် တ္ၚဲဗုဒ္ဓဝါဂှ် မန်တအ် ခပတိုန် မဟာသေနာပတိ ဗညာဒလ နဒဒှ် ဨကရာဇ်ဍုင်ဟံသာဝတဳရ၊၊ ဗညာဒလဂှ် ကာလမတိုန်နန်ဂှ် ကလိဂွံယၟု ဗြမိုင်ဓိရာဇာနာဓိပ္ပတိ၊၊ ဆဂး ဂွံဆဵုကေတ် ပ္ဍဲလိက်ခၞိင် မဒှ်လိက်ဒေအ်ညး (ဥပ္ပရာဇာ) မချူလဝ် နကဵုယၟု မဟာသေနာပတိရာဇ်၊ ဟိုတ်မဒှ်လဝ် သကိုပ်ပၞာန်တုဲ ညးဂမၠိုင်တီလဝ် ဗညာဒလ ဂှ်ရ၊၊ ပ္ဍဲကဵုလိက်ဝင်မ္ဂး တၠညးဗညာဒလ မြဴသာ်ဝွံ ချူစဂၠိုင်ရ၊၊ နူစ သၟိင်ဗၟာ ဘုရင်နံင် မလုပ်သီကေတ် ဍုင်မန်ဟံသာဝတဳ ပ္ဍဲသက္ကရာဇ် ၉၁၃ တေအ်တုဲ လုကဴ ပွိုင် ၁၉၅ သၞာံဂှ် ဍုင်ဗဂေါ ဒးမံင်လဝ် သၟဝ်ဗၟာဂှ် စိုပ်သၞာံ ၁၁၀၈ ဂှ် အဝဵုသြဇာဍုင် ကလေင်စိုပ် တဲဂကူမန်ပၠန်ရ၊၊ အလန်ဝွံ ဒှ်အလန်မန် ကလေင်ဒက်ပ္တန် ဍုင်ဟံသာဝတဳ အလန်စတုတ္ထ ရ၊၊

ဟံသာဝတဳ သီအင်ဝ ဍုင်ဟံသာဝတဳ မဒှ်ဍုင်ဗၠးၜးမွဲဂှ် နကဵုသၟိင်ဗၟာအင်ဝ ဟွံဒးဂၞပ်လးလးရ၊၊ ညးဗလးနင် သွက်ဂွံဗတိုက် ကဵုမန် မဂၠိုင်ကဵုအလန်ရ၊၊ စိုပ် သက္ကရာဇ် ၁၁၁၂ ဂှ် ဥပ္ပရာဇာ အာဗတိုက် ပၞာန်ဗၟာ စိုပ်အာ စဵုကဵု မြစ်ဆုံ၊ ဗၟာစိုပ်ကရေပ်တုဲ သကိုပ်ပၞာန်ဗၟာ သတိုးမင်းခေါင် အာတ်မိက် သွက်ဂွံဒက်ပ္တန် ဓဝ်ၜိုဟ်လလံတုဲ တုပ်စိုတ် ရေင်သကအ် အတိုင်ပယျဵုတိ သၟိင်မန် တၠညးရာဇာဓိရာဇ် ကေုာံ သၟိင်ဗၟာ တၠညးဖရင်မင်ဂံင် မစၟတ်သမ္တီလဝ် ဗွဲပလိုတ်ၜဳဨရာဝတဳမ္ဂး တၟအ်ဗ္ဒင်ရမ္မဂှ် ပပယျဵုတုဲ လပါ်လတူ ဒှ်ရးဗၟာ၊ လပါ်သၟဝ် ဒှ်ရးမန်၊၊ ဗွဲဗမံက်ၜဳဨရာဝတဳမ္ဂး ကြုင်လှာဗ္ၚဂှ် ပပယျဵုတုဲ ကြုင်လပါ်သၟဝ်ကျာ ဒှ်တိရးဍုင်ဗၟာ၊ ကြုင်လပါ်သၠုင်ကျာ ဒှ်တိရးဍုင်မန်ရ၊၊ ပါဲနူဂှ် တၞဟ်နမဂွံရီုဗင် ကမၠောန်ဇၞော်မောဝ်သာသနာကျာ်တုဲ ဗၟာတအ် ဗလးကဵု တၠပညာ မဒါတ်ထဝ် ငဥူ ကေုာံ ကောန်ရဲ ၜါစှော်တၠ ရ၊၊

ဆဂး ငဥူဂှ် ဒှ်မၞိဟ် မကၠတ်လ္ၚတ် အကာဲအရာ ပရူဍုင်မန်တုဲ ညးကဵုဒုဟ်ဒဏ် အမိင်ဂစိုတ်ရ၊၊ ဟိုတ်နူဂှ်တုဲ သၟိင်ဗၟာအင်ဝ ဗလးနင် မင်းရဲကျော်ခေါင် သွက်ဂွံ ကၠုင်ဗတိုက် ဝေင်ပၞာန်ကဵုမန်ပၠန်ရ၊၊ မွဲလပါ်ဂှ်လေဝ် ဟံသာဝတဳ ဒက်မိတ် ကုသကိုပ်က္ၜင်ပြင်သေတ် သဳခွာဒဳပရူနဝ် (Sieur de Bruno) တုဲ နူကဵုမန် ကဵုဒၞာဲဂအာင်တိ ကုပြင်သေတ် ပ္ဍဲဍုင်သြေင် မဒှ်ဍုင်ဗၞိက်တုဲ နူကဵုပြင်သေတ်ဂှ် ကဵုမန် အမၠံက်ပါင်စှ်ဒစာံ ၆ ဒကိုအ်၊ သေနာတ် ပိပန်ကၠံရ၊၊ ဒပ်ပၞာန်မန် ဇက်တိုန်အာ သက္ကရာဇ် ၁၁၁၃ ဂိတုခ္ဍဲသဳ ၅ မံက်ဂှ် သီဂွံ ယှိုဲပံင်လံင်၊ ခ္ဍဲသဳ ၁၀စွေက်ဂှ် သီဂွံ ညောင်လှ၊ မြေက္ကသိုရ် ၈ မံက်ဂှ် ဂွံဇမၞးကေတ် ဒပ်ဗၟာ ခေန်ဥူ၊ မြေက္ကသိုရ် ၅ စွေက်ဂှ် သီဂွံ ငါသောက်၊ ပ္ဍဲသၞာံဂှ်အိုတ်ဂှ် သီဂွံအာ ဍုင်ကြံက်သေဝ်တုဲ ပ္ဍဲသၞာံ ၁၁၁၃ ဂိတုစဲ ၉မံက် တ္ၚဲဗြဴဗတိဂှ် မန်သီဂွံအာ ဍုင်အင်ဝရ၊၊

စတုတ္ထဟံသာဝတဳလီု

လိက် သၟိင်ဗၟာအံင်ဇေယျ မချူလဝ် ပ္ဍဲအမၠံက် မြတဗူ၊ ((၁) သံလျှင်ရ မြတဗူ --။(၂) ကုဓရမ်ုကြီး(၃-၅) သက္ကရာဇ် ၁၁၁၉ ခု ကဆုလပြည်ကျော် ၆ ရက် ညတချက်တိကျော် ဟံသာဝတီမဟာသတ္တြု သေဒ) မဂွံအဓိပ္ပါယ် အဗၠံက်မြတဗူ မသီဂွံ နူဍုင်သြေင်။ ဗြဲဇၞော်ကုဓရ။ သက္ကရာဇ် ၁၁၁၉ ပသာ် ၆ စွေက် (9 May 1757)[၅]အခိင်ဗတံ လုပ်သီ ဍုင်ဟံသာဝတဳ မဒှ်ဍုင်မဟာသၞသတြု(ဗၟာ)။ ဟိုတ်ဂှ်ရ တ္ၚဲဟံသာဝတဳလီုဂှ် သ္ဒးဒှ် တ္ၚဲကြဴနူပသာ် (၆) စွေက်ဂှ် ဟီုမာန်ရ။ ဒပ်ပၞာန်မန် သီဂွံအာ ဍုင်အင်ဝတုဲ သၟိင်စဍုင်ဝုတ်ဒိုဟ်ဂမၠိုင် ကၠုင်ဒုင်သစာ ကုဟံသာဝတဳရ၊၊ မၞိဟ်မိက်ဂွံတဝ်စၞေဟ် ကုမန် ဗီုကဵု ကောန်သၟိင်အင်ဝတြေံဂှ်ကီု သရာဲပၞာန်ဗၟာတြေံကီု အာကောံဒၟံင် ပ္ဍဲကွာန်မုက်ဆဝ်ပေါဝ် ဖအိုတ်ရ၊၊ မၞိဟ်ဇၞော်ကွာန်မုက်ဆဝ်ပေါဝ် ဥူအံင်ဇေယျဂှ် ဟွံကၠုင် ဒုင်သစာ ကုဟံသာဝတဳရ၊၊ ကာလဒပ်မန် သိဒ္ဓိဟံသာ ပြာပ်စိုပ်အာ ကွာန်မုက်ဆဝ်ပေါဝ်ဂှ် ကွာန်မုက်ဆဝ်ပေါဝ်ဂှ် ပခိုင်လဝ် ကၟာင်ဒပ် ဗွဲမခိုင်တုဲတုဲရ၊၊ တုဲပၠန် ကေတ်မာန် နကဵုပြယာဲတုဲ လၞိန်ဗပိန် ဒပ်မန်သိဒ္ဓိဟံသာမာန်အာရ၊၊ သကိုပ်ပၞာန်တၠဗာန် အာဗတိုက် ဂၠိုင်ကဵုအလန်ကီုလေဝ် ဒးကျစဴကၠုင်ရ၊၊ ကောန်ပၞာန်ဇကု ညးမဒှ်ဂကူဗၟာတအ်ဂှ် စိုပ်မုက်ပၞာန် ဟွံကဠင်အမိင်ဇကု ဒှ်အာ ကောန်ပၞာန်မုက်ဆဝ်ပေါဝ်ရ၊၊

မွဲလပါ်ဂှ် လပါ်ဗၟံက် ဍုင်ဟံသာဝတဳ သၟိင်သေံလေဝ် ဘပဠကၠုင် ဟံသာဝတဳကီုရ၊၊ တၞဟ်နဂွံသၠာဲ ဗီုပြင် မုက်ပၞာန်တုဲ သကိုပ်ပၞာန်တၠဗာန်ဂှ် ကော်ဖျဴ ဟံသာဝတဳတုဲ စၞးဂှ် ပလံင်ဏာ သၟိင်အခေါန်ထဝ် ကေုာံ သကိုပ်ပၞာန်ဗညာအရိန္ဒမ ရ၊၊ နကဵုသကိုပ်ပၞာန် ဗညာအရိန္ဒမလေဝ် အာဗတိုက်ဒၟံင် ဒပ်မုက်ဆဝ်ပေါဝ် မဂၠိုင်ကဵုအလန်ကီုလေဝ် ကေတ်ဇၞး မုက်ဆဝ်ပေါဝ် ဟွံမာန်၊၊ ကြဴနူ မန်သီဂွံအင်ဝ ၜါသၞာံတုဲ ပ္ဍဲသက္ကရာဇ် ၁၁၁၅ ဂှ် ဒပ်မုက်ဆဝ်ပေါဝ် သီဂွံအာ အင်ဝရ၊၊

ဒပ်မန် နူအင်ဝ ဒးစှ်ေဒုင်လဝ် ပ္ဍဲပြန်၊၊ နူကဵု ဟံသာဝတဳပၠန်တုန်လေဝ် ဂကောံမြုဝန်ဍုင်ဂမၠိုင် ချပ်ရေင်သကအ်တုဲ သွက်ဂွံကလေင်သီကေတ်အင်ဝ ဗွဲမပြဟ်မာန်ဂးတုဲ ဗလးဏာ ဒပ်ပၞာန်ဗွဲမဇၞော်ရ၊၊ ဆဂး အခိင်ဂှ် စိုပ်အာအခိင်ကၞောတ်သၞာံရ၊၊ ပ္ဍဲအခိင်ပၞာန်မဇီုရေင်သကအ်ကွေဟ်ဟ်ဂှ် စိုပ်အာအခိင်ဗြဲရ၊၊ ဒြဟတ်ပၞာန်မန် ပၞာန်ဂၠုင်ဂှ် ဒးဘဲဗြဲကျာကီု ဘဲပၞာန်ကီုတုဲ ဒးလီုလာ် ကျသ္ၚောံဗြံအာရ၊၊ ဟိုတ်နူကျပၞာန် ပ္ဍဲအလန်ဏအ်ဂှ်တုဲ ဒြဟတ်ဟံသာဝတဳ ဍိုန်လျစှ်ေအာ ဗွဲမလောန်ရ၊၊

ဒြဟတ်ပၞာန် အောန်စှ်ေဗက် ဂကူမန် မဟီုအရေဝ်ဗၟာတုဲ မဒုင်ပလဝ် ဂကူဗၟာ ပ္ဍဲဍုင်မန်ဂမၠိုင် မပ္တံကဵု ပ္ဍဲဍုင်ဗဂေါ၊ ပ္ဍဲဍုင်ပြန်တအ်ဂှ် ကတဵုသပုန်တုဲ ဒပ်ပၞာန်မန် ပ္ဍဲကဵုပြန်ဂှ် ဒးဒြေပ်တိတ် နူဍုင်ရ၊၊ ပ္ဍဲဍုင်ဗဂေါဂှ် ၜိုန်ရ ကလေင်ထိင်မာန်၊ သပုန်တအ်ဂှ် ဗက်ရပ်ထိင်မာန်ကီုလေဝ် ဍုင်ကွာန်ဓရံက်ဓရာ်အာရ၊၊ ဒေသမၞိဟ်မဟီုအရေဝ်ဗၟာဂၠိုင် ဗွဲတၟေင် ဒေသလတူဍုင်လ္ဂုင်တအ်ဂှ် အဓိကိုရ် ကောန်ဂကူ အကြာဂကူမန် ကဵု ဂကူဗၟာ ကတဵုဒှ်တုဲ ဂကူမန် နူဒေသတအ်ဂှ် ဒးဒြေပ်ဒဴစှ်ေကၠုင် လပါ်ဍုင်လ္ဂုင် ဍုင်ဗဂေါရ၊၊ အဝဵုသြဇာမန် ပ္ဍဲဒေသဂှ်လေဝ် အိုတ်အာရ၊၊

ညးဇၞော်ကွာန်မုက်ဆဝ်ပေါဝ် အံင်ဇေယျဂှ် ဂွိင်ဖေက် ဇကုဟွံကလိဂွံအဝဵုတုဲ ကောန်ဨကရာဇ်အင်ဝတြေံ မပၠဒၟံင်ဒပ် ကရောမ်ဇကုဂှ် ဇကုဂစိုတ်ထောအ်တုဲ ဇကုဂွံဒှ် ဨကရာဇ်သၟိင်ဗၟာရ၊၊ အခိင်ညးစိုပ် ဍုင်ပြန်ဂှ် ဂကူအာမေရဳယာန် ဂြဳဂေါရဳ အာဝေလ် (gregory Aves) အာခစညးရ၊၊ ပ္ဍဲအခိင်ဂှ် ဟိုတ်နူဒြဟတ်ပၞာန်မန်အောန်တုဲ ဂကူယူရောပ် အင်္ဂလိက် မန်မကဵုလဝ်ဒၞာဲ ပ္ဍဲမုဟ်တင်နာဂရာဇ် (ဟိုင်းကြီးကျွန်း)ဂှ်ကီု၊ ပြင်သေတ် မန်ကဵုလဝ်ဒၞာဲ ပ္ဍဲဍုင်သြေင်ဂှ်ကီု ချပ်ကၠုင် သွက်ဂွံပံင်ကဵုဗၟာအိုတ်ရ၊၊ ညးဒြဟတ်ဇၞော်ၜါ ပြင်သေတ် ကဵု အင်္ဂလိက်ဂှ် ဒှ်ဂကူသၞတမ်ကဝ်တုဲ ပြိုင်ပကာန်ဒၟံင် ရေင်သကအ်ရ၊၊ ညးတအ်သီုၜါဂှ် မိက်ဂွံဂွံဒၟံင် သီုဒၞာဲဖအိုတ်ရ၊၊ ဆဂး နကဵုမန် ညးလဵုမွဲလေဝ် ဟွံကဵုလဝ် ဒၞာဲဂၠိုင်င် ဇၞော်ဇၞော်ရ၊၊ ယဝ်ရကဵုမ္ဂး ဍေဟ်တအ် ကလေင်သီဇကုမာန်ဂှ် မန်တအ်တီလဝ် ဒှ်မာန်ရ၊၊ ဟိုတ်ဂှ်ရ ကဵုလဝ် ဒၞာဲသီုညးၜါတုဲ အကြာဒြဟတ်ၜါဂှ် ကလေင်ထိင်လဝ် အဝဵုသြဇာ ညးမွဲကုမွဲ ညံင်ဟွံဂွံဇၞော်တိုန်ရ၊၊

နကဵုအရီုအဗင် ဂြဳဂေါရဳတုဲ ကလုတ်ဗၟာအာဆဵုကဵု သကိုပ်ပၞာန်အင်္ဂလိက် ဟေန်ရဳဗရက် (Henry Brooke) မၞုံပ္ဍဲမုဟ်တင်နာဂရာဇ်မာန်ရ၊၊ အင်္ဂလိက်ကဵုဗၟာ တုပ်အာစိုတ် ရေင်သကအ် နကဵုအင်္ဂလိက် ကဵုအရီုအဗင် နကဵုဒြဟတ်ပၞာန်ကီု သီုကဵုဒြဟတ်လွဟ် ကုဗၟာ စဵုကဵုသီကေတ် ဍုင်မန်သီုဖအိုတ်မာန်ရ၊၊ ကာလသီဂွံတုဲမ္ဂး ဗၟာဒးကဵုအင်္ဂလိက် ဒၞာဲဗဒိုပ် ပ္ဍဲဍုင်လ္ဂုင်၊ ပ္ဍဲမုဟ်တင်နာဂရာဇ်ဂှ်တုဲ ကုပြင်သေတ်ဂှ် ဒးထဍေင်ပ္တိတ် နူကဵုဒေသဂှ်ရ၊၊ ပြင်သေတ်လေဝ် ကၠတ်ဗလးဏာမၞိဟ် သွက်ဂွံပံင်ကဵု ဗၟာကီုရ၊၊ ဆဂး နကဵုအရီုအဗင်ပူဂိုလ်ဂှ် အံင်ဇေယျဒုင်တဲတုဲ နကဵုကမ္မဏဳ (ဝါ) နကဵုဂကူဂှ် အံင်ဇေယျ ဟွံဒုင်တဲရ၊၊

ပရေင်ပံင်တောဲ အကြာဗၟာ ကဵု အင်္ဂလိက် ညံင်ဂွံလီုဂှ် နကဵုနဲကလုတ်ကီု နကဵုနဲပၞာန်ကီု ၜိုန်ရ ဥပ္ပရာဇာ ဂစာန်ဂၠိုင်ကဵုနဲကီုလေဝ် နကဵုပူဂိုလ်သကိုပ်ပၞာန်အင်္ဂလိက်လ္ၚဵု ပါလုပ်ကၠုင် လပါ်မန်ကီုလေဝ် နကဵုဂကူအင်္ဂလိက်ဂှ် ဟွံပါလုပ်ကၠုင် လပါ်မန်ရ၊၊

ပ္ဍဲအခိင်ဂှ် ဍုင်လ္ဂုင်ဂှ် ဒှ်ဍုင်ကိစ္စဇၞော် သွက်ပၞာန်ဟွံသေင်၊ ဒှ်ဍုင် ဒၞာဲဒတန်ဓါတ်ကျာ်ရ၊၊ ဆဂး ဒပ်ပၞာန်အံင်ဇေယျ စၞးအာဗတိုက်သြေင်ဂှ် လုပ်ဖျေဟ်ထောအ်ဒပ်ဇကု ပ္ဍဲဍုင်လ္ဂုင်ရ၊၊ ကျာ်စုလောဟ် (ဆူလေ)ကဵု ကျာ်လ္ဂုင်ဂှ် ပဒၞာဲဗဒိုပ်ဇကုရ၊၊ အတိုင်စၟတ်သမ္တီမ္ဂး အံင်ဇေယျ ဖျေဟ်ထောအ်က္ဍိုင်ကျာ်လ္ဂုင် မတ်မၞိက်ၚုဟ်က္ဍင်င်ဂှ် ကေတ်တုဲ ကဵုတၟာဲတဲ ကုအင်္ဂလိက် သွက်ဂွံဂွံလွဟ်ရ၊၊ ဟိုတ်နူဒပ်ဗၟာ မဖျေဟ်လဝ် ပ္ဍဲကျာ်တုဲ မန်ဟွံဂံင်ပန်တုဲ ဖအးထောအ်ဗၟာ နူလ္ဂုင် ဟွံမာန်ရ၊၊ ဗၟာ၊ အင်္ဂလိက် ကေုာံ သကိုပ်ပၞာန်ပြင်သေတ် ပံင်ကောံတုဲ ပ္ဍဲသက္ကရာဇ် ၁၁၁၈ ဂိတုဒဂိုန် ၃ စွေက်ဂှ် လုပ်သီဂွံ ဍုင်သြေင်ရ၊၊ နူဂှ် ပၞာန်ဗၟာ၊ ပၞာန်အင်္ဂလိက်၊ ပၞာန်ပြင်သေတ် ဇက်ကၠုင်တုဲ ဗိုင်လဝ် ဍုင်ဟံသာဝတဳရ၊၊ တၞဟ်နဂွံဗၜိုဟ်လလံပၞာန်တုဲ နကဵုခမဳသင်မန်၊ ခမဳသင်ဗၟာ၊ ခမဳသင်သေံ အာပညဳပညပ် ဓဝ်ၜိုဟ်လလံကီုလေဝ် အံင်ဇေယျ ဟွံဒုင်တဲ၊၊ ယဝ်ရ ပအပ်ကဵု ကောန်ဝုတ်ဨကရာဇ်မန် မိဂုဏ် မ္ဂး နုက်ကဵုပၞာန်ရောင် ဟီုနင်ကီုလေဝ် ကာလကလိဂွံ ကောန်ဝုတ်ဨကရာဇ်တုဲလေဝ် ဟွံနုက်ပၞာန်၊၊ အလဵုဇကု ဨကရာဇ်ဟံသာဝတဳ တၠညးဗညာဒလ အာပညဳပညပ် ဓဝ်ၜိုဟ်လလံဂှ် ရပ်ကၠေင်ထောအ် တၠညးဗညာဒလတုဲ သက္ကရာဇ် ၁၁၁၉ ဂိတုပသာ် ၄ စွေက်ဂှ် လုပ်သီ ဍုင်ဟံသာဝတဳတုဲ ဂိတုပသာ် ၆ စွေက် ကၟာင်ဍုင်ဟံသာဝတဳသရိုဟ် ပၞာန်ဗၟာလုပ်စိုပ်ဍုင်တုဲ ဂတဂှ် ၜါပိတ္ၚဲဂှ် ဗၟာသီဂွံအာ ဍုင်ဟံသာဝတဳရ၊၊

ဟံသာဝတဳလီုတုဲ

ဍုင်ဗဂေါဟံသာဝတဳ စိုပ်အာသၟဝ်တဲဗၟာတုဲ

တၠညးဗညာဒလဂှ် ရပ်ဏာ ကြိုင်စွံလဝ် ပ္ဍဲမုဟ်သဝ်ပေါဝ်၊ ဗွဲကြဴ နကဵုဒုဟ် မဆဝ်မ္ၚုဟ် မန်ညံင်ဂွံတဝ်စၞေဟ်တုဲ ကေတ်နင် ဍုင်လ္ဂုင်တုဲ ကုတ်ဂစိုတ်ကအ်၊၊ ကောန်ဂကူမန် ၜိုတ်မရပ်ဂွံဂှ် မၞိဟ်မသွံစဂွံဂှ် သွံစ နဒဒှ်ဍိက် မၞိဟ်မွဲ မသုန်စှ်ော၊ အစိတ်၊ ၜါစှ်ော၊ စှ်သုန် ဗွဲမဗဗွဲကဵု အဝဲခန္ဓကာယ၊ ကုမၞိဟ်မသွံစ ဟွံဂွံ၊ သွံဟွံအိုတ် သှ်ေဒၟံင်တအ်ဂှ် စုတ်ကဵုစာတ်တုဲ စံင်ဂစိုတ် သီုဖအိုတ် ဒစိတ်စာတ်၊ ခမဳသင်မန်ပိလ္ၚီပြင်င်ဂှ် ကဵုစိင်လိုန်တုဲ ဂစိုတ်၊၊ နကဵုဓဝ်ပတှ်ေညးတအ် အလဵုဇကုညးတအ် ဂစိုတ်ဟွံသေင် ကဵုစိင်လိုန်တုဲ မဂစိုတ်မ္ဂး ညးတအ် ဟွံကလိလောန် ပါဏာတိပါတကမ်တုဲ ကဵုစိင်လိုန်တုဲဂစိုတ်၊၊ ဒြပ်ရတ်ထဝ်သြန် မကေတ်ဏာဂွံတအ်ဂှ် ဖ္ဍိုက်ကဵုက္ၜင်တုဲ ဖျဴဏာဍုင်ဗၟာ၊ အရာမကေတ်ဏာ ဟွံမာန်တအ်ဂှ် ကဵုစံင်ပလီုထောအ်၊၊ အရာမဒှ်အာဲကၟာဲမန် မပ္တံ လိက်တၟအ်တအ်ဂှ် ၜိုတ်မဆဵု ကဵုတက်ပကဝ်ထောအ်ဖအိုတ်၊ ယၟုကျာ်ဂှ် စၞးကျာ်ဂှ် ဒးစုတ် ရွှေ ညံင်ရဴ ဍုင်မုဟ်သဝ်ပေါဝ်ဂှ် မစုတ် ရွှေဘို ကီု၊၊ အတိုင်မတုပ်လဝ်စိုတ် ကုအင်္ဂလိက် ဍုင်သြေင်ဂှ် ဟွံကဵုဒှ် ဌာန်ဒတန်မၞိဟ်မံင်၊ စၞးဂှ် ဗဒှ်ပတိုန်လ္ဂုင်တုဲ ပ္ဍဲဍုင်လ္ဂုင်ဂှ် ကဵုဒၞာဲ ကုကမ္မဏဳ (ဝါ) ဒပ်ပၞာန်အင်္ဂလိက် မဖျေဟ်ဒၞာဲ၊ တုဲပၠန် ဒၞာဲအင်္ဂလိက်တြေံ မန်မဖျေဟ်ကဵုလဝ် ပ္ဍဲမုဟ်တင်နာဂရာဇ်ဂှ် ကဵုအင်္ဂလိက် ဆက်မံင်အာ၊၊ က္ဍိုပ်သကိုပ်ပြင်သေတ် မၞုံပ္ဍဲသြေင်ဂှ် ဂစိုတ်ထောအ်၊၊ ဟွံကဵု ဒၞာဲကုပြင်သေတ်၊၊ အင်္ဂလိက်မွဲဓဝ် သှ်ေပ္ဍဲဍုင်ဗၟာ သကုတ်သၟဝ်၊၊ ဂုဏ်ဖိုဟ်ဍေဟ်ဂှ် ပြင်သေတ် ဟွံမဲတုဲ ဂတဂှ် သၞာံဟွံလအ်ကွေဟ်ဟ် အင်္ဂလိက် သီကေတ်ဏာ သီုဖအိုတ်ရ၊ နူ ဝဳကဳမန်

လိက်မာတင်ဂ

လိက်မာတၚ်ဂ

✍(ဘဒ္ဒန္တ − ညာဏဝံသ) ဒူရာ ဘာဇၞော်

(နမောတဿ ဘဂဝတော အရဟတော သမ္မာသမ္ဗုဒ္ဓသ)

ကလေၚ်တက်ပ္တိုန်လဝ်လ္တူဝဳကဳပဳဒဳယာဘာသာမန် စၟတ်တ္ၚဲ (16-8-2020)မဒှ်ကီုရ ။

မာတိကာ ၁ မုက်လိက်−၁ ၂ မုက်လိက်−၂ ၃ မုက်လိက်−၃ ၄ မုက်လိက်−၄ ၅ မုက်လိက်−၅ ၆ မုက်လိက်−၆ ၇ မုက်လိက်−၇ ၈ မုက်လိက်−၈ ၉ မုက်လိက်−၉ ၁၀ မုက်လိက်−၁၀ ၁၁ မုက်လိက်−၁၁ ၁၂ မုက်လိက်−၁၂ ၁၃ မုက်လိက်−၁၃ ၁၄ မုက်လိက်−၁၄ ၁၅ မုက်လိက်−၁၅ ၁၆ မုက်လိက်−၁၆ ၁၇ မုက်လိက်−၁၇ ၁၈ မုက်လိက်−၁၈ ၁၉ မုက်လိက်−၁၉ ၂၀ မုက်လိက်−၂၀ ၂၁ မုက်လိက်−၂၁ ၂၂ မုက်လိက်−၂၂ ၂၃ မုက်လိက်−၂၃ ၂၄ မုက်လိက်−၂၄ ၂၅ မုက်လိက်−၂၅ ၂၆ မုက်လိက်−၂၆ ၂၇ မုက်လိက်−၂၇ ၂၈ မုက်လိက်−၂၈ ၂၉ မုက်လိက်−၂၉ ၃၀ မုက်လိက်−၃၀ ၃၁ မုက်လိက်−၃၁ ၃၂ မုက်လိက်−၃၂ ၃၃ မုက်လိက်−၃၃ ၃၄ မုက်လိက်−၃၄ ၃၅ မုက်လိက်−၃၅ ၃၆ မုက်လိက်−၃၆ ၃၇ မုက်လိက်−၃၇ ၃၈ မုက်လိက်−၃၈ ၃၉ မုက်လိက်−၃၉ ၄၀ မုက်လိက်−၄၀ ၄၁ မုက်လိက်−၄၁ ၄၂ မုက်လိက်−၄၂ ၄၃ မုက်လိက်−၄၃ ၄၄ မုက်လိက်−၄၄ ၄၅ မုက်လိက်−၄၅ ၄၆ မုက်လိက်−၄၆ ၄၇ မုက်လိက်−၄၇ ၄၈ မုက်လိက်−၄၈ ၄၉ မုက်လိက်−၄၉ ၅၀ မုက်လိက်−၅၀ ၅၁ မုက်လိက်−၅၁ ၅၂ မုက်လိက်−၅၂ ၅၃ မုက်လိက်−၅၃ ၅၄ မုက်လိက်−၅၄ ၅၅ မုက်လိက်−၅၅ ၅၆ မုက်လိက်−၅၆ ၅၇ မုက်လိက်−၅၇ ၅၈ မုက်လိက်−၅၈ ၅၉ မုက်လိက်−၅၉ ၆၀ မုက်လိက်−၆၀ ၆၁ နိဿဲ မုက်လိက်−၁[ပလေဝ်ဒါန် | ပလေဝ်ဒါန် တမ်ကၞက်] ကျာ်သမ္ဗုဒ္ဓ နာမတုလံ၊ ဟွံမွဲပ္တောံၜတ် အိုတ်သတ်လောကံ၊ သောဘဂဝါ ဗုဒ္ဓအရဟံ မဂၠိုၚ်ကုဂုန် အန္တအန္တံ၊ ဗုဒ္ဓဂုန္နံ အဟံဝန္ဒာ၊ ဍောၚ်ဓရ်ကျာ်တြဲ ဇၟန်ဗၠဲဒွါ၊ ပိဋ္ ကပိ သီုပိပြကာ၊ ဒစာံစှော်လ္ၚီ ကဵုပန်လ္ၚီကၠာ၊ မိက်ဂွံဒ္ဂေတ် လၟေတ်ဒေသနာ၊ မၚ်မွဲဂွံဗၠး နူပဝိဇ္ဇာ၊ မဂၠိုၚ်ကုဂုန် အနန္တအနန္တာ၊ ဓမ္မဂုန္နာ တန္ဒာမိဟံ၊ သၚ်ၜါပြကာ မဟာတုလံ၊ မၚ်မွဲလဝ်ကၠာ သာသၞာဗုဒ္ဓံ၊ သံဃဂုန္နံ အဟံဝန္ဒာ၊ မာတာပိတု ဂုရုပဇျာ၊ ဂုန်မဇၞော်လှဲ လ္တူအဲကၠာ၊ ခါမသၟဟ်စိ တိသုန္ဓရာ၊ မွဲသာ်တိုန်အဵု သၟဟ်ကဵုဂၚ်္ဂါ၊ ဟွံတုပ်သၟဟ်စိ ဂုန်မိမၜါ၊ မဂၠိုၚ်ကုဂုန် အနန္တအနန္တာ၊ ဂၠးဇိုၚ်ပါဒ လ္ၚောဝ်ကၠာရအဴ။

ဘုမ္မဇဵုရ ရုက္ခဒေဝတဴ၊ အကာသပၠန် မရာဇ်ပန်နှဴ၊ ဗဳနာဲယၟု ဗဳသၞုဗဳသဴ၊ အိန်ဗြီုယီုမာ ဒေဝသွဝ်တရဴ၊ အဲဍိက်ရဴဂဴ ပူဇဴသကာ၊ သ္မိၚ်ဂိတုသ္မိၚ်တ္ၚဲ သ္မိၚ်ဗြဲသ္မိၚ်ကျာ၊ ပၟၚ်ဟေမဝန် သဳဒန်ဂၚ်္ဂါ၊ ဝိသုန္ဓရဳ မနဳခလာ၊ သြဿဝတဳ သဏ္ဍဳမိဒ္ဒြာ၊ လက္ခမ္မဳစိ ဝိနာယကာ၊ အိုတ်ဒေဝတဴကွေံ ဂၠးစက္ကဝါ၊ အဲဍိက်ကလံကၠာ သီုကဵုဒွါပိ၊ ဖဵုကလံရ သရဏစိ၊ ဖဵုကလံအ္စာ ၜါမကဵုမိ၊ ဖဵုကလံအဴ ဒေဝတဴမဂ္ညိ၊ ပ္ဍဲပစ္စက္ခ လောကဝုတ္တိ၊ သဗ္ဗယဲပၠန် ပကဵုစောန်ကၠိ၊ ဗၞတ်အာယုက်ကၠာ ကဵုမြာသုခိ၊ ကဵုဍိုက်ပေၚ်ညိ သီုသတိညာဏ်၊၊

မုက်လိက်−၂[ပလေဝ်ဒါန် | ပလေဝ်ဒါန် တမ်ကၞက်] ဆန္ဒလၚ်္ကာ မြာကဵုချပ်မာန်၊ ပါဠိရထ သဗ္ဗနိဒါန်၊ လၟေၚ်သုတ်ဇာတ် နိပါတ်ဍုၚ်ကွာန်၊ ပကဵုတိုန်စှ်ေ ကဵုတၟးပ္ဍဲညာဏ်၊ ပကဵုဝိုက်ဝုဲ ပကဵုထုဲကြာန်၊ ကဵုအဲချပ်မာန် ပ္ဍဲညာဏ်ကဝိ၊ ဟိုတ်ကဵုဝါသနာ ပြေၚ်ဏာယတိ၊ ဓမ္မဒါန်အဴ သၟိက်ပူဇဴညိ၊ သၟိက်လလောၚ်ကမြဴ ဓရ်သ္ဍဴမူဏိ၊ လၟေၚ်ဓမ္မ ရထပါဠိ၊ လၟေၚ်သုတ်ဇာတ် နိပါတ်မဂ္ညိ၊ အဲမာဲယှိုဲလေန် ဟေၚ်ဆာဲဖိဖဳ၊ သၟိက်ဇန်လဝ်ညိ ကဝိလၚ်္ကာ၊ သၟက်ကောန်ဂကူ လ္ဂူဓရ်မေတ္တာ၊ ကွိုၚ်ကွုဲဟွံဖေက် ဗ္ဒေက်ဖျဝ်ကာယျာ၊ ဟွံရိုဟ်စရ ရုပ္ပခန္ဓာ၊ သွက်ဂွံဗှ်လောဲ ဆန်ဗွဲလၚ်္ကာ၊ ယၟုလိက်ကီု ပိုဲဟီုကဵုကၠာ၊ ကဵုဂွံပြာထာ လိက်မာတၚ်္ဂ၊ ကာလၜတ်ၜတ် ဗောဓိသတ္တာ၊ ဟံၚ်ပြာ်ရဲတဳ ပ္တိတ်ဝဳရိယ၊ ၜိုတ်လွဳဂှ် ဟွံသၟဟ်ရထ၊ ဒဵုဒဴနိဗ္ဗာန် ပြာ်ဟွံမာန်ရ၊ ဂလာန်သာ်ဂှ် တွံအဂါမ၊ ပိုဲဟီုကဵုရ က္ညကၠၚ်ညိကၠာ၊ မိၚ်ဂွံဒှ်မ ဗိဇ္ဇဆက်အာ၊ မိၚ်ဂွံဂၠာဲဟေန် ဒက်ဂြေန်စိတ္တာ၊ မိၚ်တုဲဂွံလွဳ ပါရမဳမြာ၊ မိၚ်မၚ်မွဲဒး ကြဗၠးဒက္ခာ၊ ယဝ်ဂွံမိၚ်လဝ် ဓရ်သမ္ဗုဒ္ဓါ ကြဴတုဲမွဲဝါ မြာသုခညောန်၊ လိက်ဇၟန်ဗၠဲ ကာအဲဆန်၊ (၁)သက္ကရာဇ်ကီု ပိုဲတိတ်ဟီုပ္တန်၊ သုညနဝ ဒွါရဨကန်၊ ဖဝ်ရဂိုန်စိ ပိမံက်ပြဲလောန်၊ အာဒိုတ်ဒှ်တ္ၚဲ ပ္ဍဲစှ်ခၞောန်၊ နက်သတ်ဟီုတွံ ဒှ်ၜါစှော်ပန်၊ မူဒၞာဲဂွံဆန် သန္ထာန်ဒေသ၊ ကိုပ်အဒိကၠာ ယက္ခာဒဳပ၊ ကံခၟိုၚ်အဴ ကြဴခုတ်နာမ၊ မုဟ်ရိုတ်ဍောတ်ကွာန် ဋ္ဌာန်ဂှ်မူလ၊ သ္ၚိဇိုၚ်ဍာန်ကၠာ ဖျာဗေသဇ္ဇ၊ ကရောံသွံဂဥုဲ တုဲဂွံဆန်ရ၊ ထံၚ်လဝ်သောတ တ္ညကၠုၚ်ညိအဴ၊ လၟိဟ်ဍုၚ်ဇၞော်အဴ စှ်တြဴရ၊ ဍုၚ်ရာဇာဂြိုဟ် ၜိုဟ်သိုဟ်လောန်တဴ၊ ဒဵုဗိုၚ်လဝ်ပၠန် ဆုဒုန်ဍိုပ်ဍဴ၊ သဝ်ဇဝ်ပေၚ်ရ သီုသၠသီုပ္ကဴ၊ အဒေါဝ်ဂှ်အဴ မဒှ်ဂၞဴဍုၚ်၊ ကၟာပ်ပိထပ် ညဳညပ်သဝ်သၠုၚ်၊

မုက်လိက်−၃[ပလေဝ်ဒါန် | ပလေဝ်ဒါန် တမ်ကၞက်] အကြာဂှ်ပၠန် ၜံက်ကၠောန်ခါဲကြုၚ်၊ တြၚ်ပန်ကၠာ လုပ်အာတိတ်ကၠုၚ်၊ သတြုဂြိုဟ်စာ ဂွံဒၞာဒုၚ်၊ ပ္တိုန်ကၟာၚ်ဍုၚ် သၠုၚ်သဝ်ရေၚ်ဗ္ဂါ၊ သၠဲဍုၚ်ရော ပိယောဇနာ၊ ပန်ကၠၚ်ဒးရး တပ်တးညဳသာ၊ အပ္ဍဲဍုၚ်ဟေၚ် ပြုပြေၚ်နာနာ၊ ဥဒျာန်ဍုၚ်စိ ဘိသေဓနန်၊ ပြာသာဒ်အဆံၚ် ညံၚ်ဝေဒယန်၊ ဂ္ညိဂ္ညာတ်လဝ်ကွေံ နဂၠးထဝ်သြန်၊ ဗြံက်ဗြပေၚ်တဴ ပ္ကဴသၠဇာဗြောန်၊ ဂးပြာသာဒ်နန် စိစောန်ပြေၚ်ဖျဳ၊ အဆံၚ်ဂၠိုၚ်သာ် ဂၞကျာ်ဒေဝဳ ဗၞတ်လၟိဟ်တုန် မသုန်ကၠံညဳ၊ ပြပြေၚ်လဝ်သၟတ် နန်ကၠတ်ကျာ်သြဳ၊ လျးထဝ်ဖၞောတ် လျးမတ်လလဳ၊ ပ္ကဴဒုၚ်ဗွုတ် ပါန်မုတ်ပါန်ခဳ၊ လျးရတ်လလဳ နန်ဒေဝဳဗြဴ၊ မှောၚ်မှနၚ်စၚ် လဗၚ်ဖက်နှဴ၊ ဇၞော်ဇၞော်ဍောတ်ဍောတ် သ္ၚိကၠတ်ကၠံပ္ကဴ၊ တိုက်အမာတ်စိ သ္ၚိသၞာဲဒဴ၊ သေဏၚ်္ဂအဴ သ္ၚိသၞာဲဒဴ၊ တိုက်လွဟ်ပၠန် ကောန်ပၞာန်မွဲသာ၊ တိုက်ကၠိက်ယာတ်သွံ တိုက်ဇွောံအဟာ၊ တိုက်ဖံမန်ဒိုၚ် ဗာတ်ကိုၚ်သီုခရာ၊ ဆာၚ်မံၚ်လဒု ဗရုကြဵုဇာ၊ တိုက်ကဵုတိုက်ဗ္ဂါ ဟာန်ဇာစိစောန်၊ ရုၚ်ကဵုရုၚ်ဟေၚ် ဝၚ်ကဵုဝၚ်ခၠန်၊ ရုပ်ချေံရုပ်စိၚ် ရုပ်သၟိၚ်ကုတ်ဒန်၊ သ္ၚိကဵုသ္ၚိဂၠောဲ ဗၚ်ဗွဲလီုဝန်၊ ဓမာတ်ရဲဖျာ တမ္ၚာလုလန်၊ ဂၠံၚ်ကဵုဂၠံၚ်ဗျာၚ် ဇၟာပ်သွာၚ်ဒိုဟ်ပန်၊ တိုက်သေဋ္ဌဳပၠန် ဂၠိုၚ်လောန်ရေၚ်ဗ္ဂါ၊ ဂြပ်ရတ်ထဝ်သန် ဟွံတီနန္တာ၊ ဍုၚ်သ္အာၚ်ရောၚ် ဟွံဂံၚ်ပ္တောံၜါ၊ အိုတ်အလုံဍုၚ် အာကၠုၚ်ဟောဒြာ၊ လ္ၚဵုကွာ်တိုက် ဍိုက်ကွဳမွဲသာ၊ ညံၚ်ဂြုန်ဇက်ဂၠောဲ ရိုဟ်တ္ၚဲကၠုၚ်အာ၊ ဆာဲရာၚ်သ္အဳဗ္ဂါ ကၠုၚ်အာလီၜန်၊ စရာဲဍုၚ်ကၠာ ရာဇာဂြိုဟ်ပၠန်၊ ယဝ်ရချူအာ သၠရိုတ်တာအောန်၊ ချူကှ်ေဟွံအိုတ် လၟေၚ်ပိုတ်ဗျဥ်၊ ဗၞတ်ဆညိည ဟီုပၠလက်သန်၊ လၟေၚ်ဍုၚ်ပၠန် တန်လဝ်ကၠာရ၊ . . . . .။

မုက်လိက်−၄[ပလေဝ်ဒါန် | ပလေဝ်ဒါန် တမ်ကၞက်] လၟေၚ်ဖဵုဂုန် တွံပၠန်ဂတ၊ ဍုၚ်ရာဇာဂြိုဟ် ၜိုဟ်သိုဟ်ကာယျ၊ သၟိၚ်ဘိမ္မသာ မဟာရာဇာ၊ တၠက္ဍိုၚ်သန် နန်ဘိသေခ၊ ဂကောံဍုၚ်အဴ စှ်တြဴရ၊ ဍုၚ်ဝွံပဋ္ဌမ ကျာ်တြဲတ္ညတန်၊ သၟိၚ်ဘိမ္မသာ သဒ္ဓါပြဲလောန်၊ သိုၚ်လဟဵုလဝ် ဘာထဝ်ဘာသန်၊ ဘာဝေဠုဝန် သီုကွန်စိစောန်၊ ကဵုဒါဂၠိုၚ်သာ် တ္ညကျာ်နိမန်၊ ကျာ်သီုအရှန် တ္ညတန်တဴရ၊ ပ္ဍဲမမံၚ်စိ ပိတ္ၚဲဂတ၊ ကြိုက်သၟိက်ကဵုဒှ် တွံဒေသ၊ မၞးၜါပၠန် ကွးသန်ဇဲယ၊ မွဲဂးယၟု ဥပတိဿ၊ မွဲဂှ်တုန်ရော ဂးကောလိတ၊ ဟွံစှ်ေစိုတ်ရ ပြဝအ္စာတဳ၊ ဓရ်မစုပ်ကၞတ် ပ္တိတ်ဓတ်ဂၠာဲလွဳ၊ အလုံဍုၚ်ရး ဟီုဂးဂၠာဲသ္ၚေဝ်၊ ဟွံဂွံဆဵုသၟတ် စံၜတ်ဂၠာဲဇဳ၊ ဟွံဂွံဆဵုအဴ ကၠေၚ်စဴအနဳ၊ ပ္ဍဲလုပ်ဍုၚ်ဂှ် ညာတ်ဒဒှ်အရဳ၊ ကၠုၚ်အာတ်ပါန်ယဵုတဲ ဓဝ်မပြဲဂ္ညိ၊ ဖျေံက္ဍိုပ်လ္ၚောဝ် ကၞိပ်လျောဝ်တိ၊ ခါဂှ်ထေရ ဟွံလဇညိ၊ ထေအဿဇိ နကြိတွံကဵု၊ ဗၞတ်ၜါဂါထာ ဟွံခြာဒစဵု၊ ဥပတိဿ တၠကုသဵု နဲလ္ၚီကွေံ တီကၠးလၚ်ပြဵု၊ မကၠိဂွံကၠာ သောတာပတ္တိဖဵု၊ မိပ်စိုတ်ပူမှ် တဲစရှ်ယဵု၊ စ္ဍးစဴတုဲအဵု ဟီုကဵုအ္စာ၊ ယွံလေဝ်တိက္ခ တၠဒါယကာ၊ ချိုန်လၟုဟ်အဲ လန်ထဲကၠုၚ်အာ၊ ဓဝ်မစိုပ်သိတ် လအိတ်ရှ်သာ၊ အဲဂွံမိၚ်ရ နသောတဒွါ၊ ယဝ်နွံဂၞပ် ပချပ်စန်စာ၊ ညံၚ်ပိုဲဂွံအာ ဋ္ဌာန်ဘာကျာတြဲ၊ သန်ဇဲယကီု ဟီုတိုန်သဲသဲ၊ ချိုန်လၟုဟ်ကွေံ ယွံလေဝ်ကွးအဲ၊ ရာဇာဂြိုပ်ကၠာ အ္စာဆအဲမွဲ၊ ချိုတ်လဝ်ကဵုချိုတ် ဒဵုလ္အိတ်သ္ကန်ဒဲ၊ ပကွးကျာ်တြဲ အဲအာဟွံမာန်၊ ဥပတိဿ တွံနကယျာန်၊ ယွံလေဝ်အ္စာ ပသၚ်္ကာကြာန်၊ ဓဝ်အ္စာတွံ ဟွံဒှ်ဂလာန်၊ ရုပ်နာံဟွံပၠိုတ် ဟွံပိုတ်ဝိညာဏ်၊ တွံဓဝ်ကေတ်လာပ် ဇၟာပ်ဍုၚ်ဇၟာပ်ကွာန်၊

မုက်လိက်−၅[ပလေဝ်ဒါန် | ပလေဝ်ဒါန် တမ်ကၞက်] ကၠတ်စမဒါန် ဂလာန်အ္စာတွံ၊ ဂွံစသုၚ်ဖဲ ပ္ဍဲချိုန်လၟုဟ်၊ ဒ္ဂေတ်အာကြာန် နိဗ္ဗာန်ဟွံဒှ်၊ လံညိဗျုအာ ဇရာဟွံရုဲစှ်၊ တာပိုတ်ကၞတ် လာဘဇတ်ကှ်၊ ဒုက္ခမတ်ဇျဟ် ကြဴဒှ်ရအ္စာ၊ တဳသန်ဇဲယ ဟွံဂွံညှာတာ၊ တုဲဟီုတိုန်ရ ကွးတံညံၚ်အာ၊ မၞိဟ်ဒိုဟ်ဓီုလောန် မၞိဟ်အောန်ပညာ၊ ကၠုၚ်ကဵုအဲရ ဍေံပရှ်သာ၊ မၞိဟ်နွံပညာ အာကဵုကျာ်တြဲ၊ မၞိဟ်ဍေံအောန်ညာဏ် ကဵုဒါန်ကဵုအဲ၊ လာပ်အဲဟွံပိုတ် ဟွံအိုတ်ကြဴတဲ၊ ကွးတံပဂွိၚ် တြဴဂၠိၚ်သ္ၚောဲ၊ ကွးတံညံၚ်အာ အာပနိဿဲ၊ ကံအဲကဵုအဲ ပကော်ဂြဲရ၊ မိၚ်တုဲလ္အိတ် ဥပတိဿ၊ ညးၜါတုန်ရော သီုကောလိတ၊ သီုညးၜါပၠန် ဟွံရန်ဒည၊ သၟိက်ဂွံတိတ်အာ ဘာမှာဗုဒ္ဓ၊ သ္ပိုၚ်လ္တက်ရ တၞဟ်နယကြာ၊ ကွးအ္စာတဳ မဂၠိုၚ်သ္အဳဗ္ဂါ၊ ဗၞတ်မသုန်ကၠံ ဂကောံရဲသာ၊ ဒှ်တိုန်ဂြုက်ဂြေက် သၟိက်ဗက်ညးၜါ၊ ညးညးအဲအဲ ကွာ်ဂၠောဲဗက်အာ၊ အဏံဘာအ္စာ ပၟာသုသာန်၊ လ္ၚုကှ်သံၚ် မံၚ်စံၚ်ဟွံမာန်၊ အ္စာတဳဂရေက် ဒြေပ်ဗက်ဂစာန်၊ ဒြေပ်အာသီုဓတ် လောတ်အဒေါဝ်ဍာန်၊ ကွးကလေၚ်ရံၚ် ဒှ်စံၚ်ခလာန်၊ က္တဵုဒှ်ဇြဟာန် ဆာန်ဍူအ္စာ၊ မၞိဟ်ကဝက်ဟေၚ် ကလေၚ်စဴအာ၊ ကဝက်အာကောံ ကရောံညးၜါ၊ ကွာ်အာမွဲဟာန် အာစိုပ်ဋ္ဌာန်ဘာ၊ ကောံရေၚ်သ္ကံ ဂဇံညဳသာ၊ ယဵုတဲဟောဒြာ ဝန္ဒနာရ၊ အာတ်ပါတ်တိုန်အဴ ယွံသ္ဍဴလောက၊ သၟိက်ဂွံခမဳ လွဳဓတ်သဳလ၊ ကြၚ်ကၠုၚ်စိုပ်ကွေံ ဂၠးဇိုၚ်ပါဒ၊ နမေတ္တာဇဴ ဖ္အောဝ်လဴဂတ၊ သၟိၚ်သၚ်တၠဳ တ္ညခၞံညိအဴ၊ ကျာ်အ္စာဗြီု သီုလျးတြဴ၊ သ္ၚေဝ်ရံၚ်ဂွံညာတ် ပတ်ပဳတိဇဴ၊ ကျာ်သၟိက်လလောၚ် ဍောၚ်ဓဝ်ကမြဴ၊ ပါဠိပဋ္ဌမ ရထဖက်နှဴ၊ လၟေၚ်သုတ်ဇာတ် နိပါတ်ဗွဲကြဴ၊ ညံၚ်ရဴဍောၚ်ပ္ကဴ ကမြဴဓဝ်ဂှ်၊ ကွးတဳရေၚ်ဗဂါ ၜါကၠံမသုန်စှော်၊

မုက်လိက်−၆[ပလေဝ်ဒါန် | ပလေဝ်ဒါန် တမ်ကၞက်] ဓဝ်စှ်ေစိုတ်တုန် အရှန်ဂွံဒှ်၊ ဥပ္ပတိဿ ကောလိတသၟဟ်၊ ၜိုန်မိၚ်အိုတ် စရိုတ်ကၠိုက်ကၠဟ်၊ ညးၜါညဳသၟဟ် ဟွံဒှ်အရှန်၊ မူဟိုတ်မ္ဂး ဟီုပျးလက်သန်၊ ဟိုတ်ပါရမဳ လွဳလဝ်ဂၠိုၚ်လောန်၊ ညးၜါကြဴဒှ် ဓယှ်တန်တန်၊ ဟိုတ်ဂှ်လဇ ဗွဲဂတတုန်၊ ညးၜါသၟဟ်န် ဇၞော်လောန်ပါရမဳ၊ ဥပ္ပတိဿ ဇၞတ်မပလွဳ၊ ကမ္မဋ္ဌာန်ပၠန် ဟွံဗၠန်ဟွံချဳ၊ ဗၞတ်စှ်သုန်တ္ၚဲ နဲအိန်တက္ခဳ၊ ကၠေံစိုတ်ပၟဝ် ဓဝ်သၟိၚ်ခမဳ၊ ဇၞတ်မလွဳ ဒှ်အရဳပၠန်၊ ဂးကောလိတ ညးတၠအစောန်၊ ဗၞတ်ထပှ်တ္ၚဲ ကြဴတဲဒှ်အရှန်၊ သီုညးၜါရ တေဇပြဲလောန်၊ ဓယှ်က္ဍၚ်က္ဍီု အိုဿီုဒိုဟ်ပန်၊ ကျာ်မဂၠိုၚ်ဂုန် ဒေါဝ်အရှန်ကၠာ၊ ဥပ္ပတိဿ ကျာ်မပြထာ၊ ကွးသတုံရ ဓမ္မအစာ၊ သာရိပိုတ်ကၠာ မြာကျာ်ခုတ်ပ္တိုန်၊ ဂးကောလိတညး ညးတၠအစောန်၊ ဒေါဝ်အရှန်ကၠာ ကျာ်ပြာကတ်ပၠန်၊ ဒှ်ကွးဇွိမွဲ မပြဲလောန်သန်၊ မုဂ္ဂလာန်ပြဲ ကျာ်တြဲခုတ်ပ္တိုန်၊ ဣဒ္ဓိဗလပၠန် အစောံပြာထာ၊ ဂွံဓဝ်တုဲကီု သီုကဵုညးၜါ၊ ညာတ်ဓဝ်နိဗ္ဗာန် ဆာန်ဍူအ္စာ၊ သၟိက်ကဵုတိတ်ဗၠး နူပးဝိဇ္ဇာ၊ ၜိုန်ကော်ခဴရ ဟွံပကေၚ်ကာ၊ သီုကဵုညးၜါ ချပ်ပိုၚ်ခြာရ၊ ပိုဲဟိုတ်ဒှ်ကွး ဟွံဝးဓဝ်မၞ၊ ကျာ်မဂၠိုၚ်အသဝ် ယဝ်ဂွံဆောံမ၊ နဣဒ္ဓိသၟတ် ကၞတ်လောက၊ ဍဵုဍိုက်ဟီုဝေတ် ဖေက်ဒးကေတ်စ၊ ကသပ်ဝွံဂွံမြာ အ္စာသန်ဇဲယ၊ ချပ်တုဲဟေၚ်ရ လ္ၚောဝ်ပါဒပၠန်၊ ယွံကျာ်ဂမျိုၚ် ပၞာၚ်တိုၚ်တ္ကံပန်၊ တဳသန်ဇဲယ မူလပြာပ်ညောန်၊ အဒိကိုပ်ကၠာ အ္စာခုတ်ပ္တိုန်၊ ဟိုတ်နူသာ်ဂှ် ဂၠာဲချပ်ဗှ်ရန်၊ ညံၚ်ဂွံတိတ်ဗၠး သ္ဍးကိလေသန်၊ ကျာ်သ္ဍဴတ္ကံပန် ဝေတ်ဗ္တောန်ညိအဴ၊ ကျာ်တဲနာဲညး တၠလျးတြဴ၊ ခါဂွံမိၚ်ဒး တရးဝိတှဳဇဴ၊ အတိက်ကာလ ဘဝဗွဲကြံ၊ ကေၚ်ဂွံဝေတ်လဝ် ဖအောဝ်လလဴ၊

မုက်လိက်−၇[ပလေဝ်ဒါန် | ပလေဝ်ဒါန် တမ်ကၞက်] နွံဟွံမွဲဟာ ဗ္စာရံၚ်တဴ၊ အဒိတံအဴ တရံသ္ၚောဲခြာ၊ နညာဏ်ဒိပ်ဟေၚ် ဂြၚ်ရံၚ်ညာတ်အာ၊ တုဲကျာ်ဟီုဂး ယွံလေဝ်ကွးၜါ၊ သန်ဇဲယကီု သီုဒါယကာ၊ အဲဟီုဝေတ်အဵု ဂၠိုၚ်ဂၠိုၚ်ကဵုဝါ၊ ဘဝအတိက်ကၠာ ဂၠိုၚ်ဝါရမၞး၊ ရိုဟ်မဒှ်ကောံ ကရေအဲညး၊ ဓဝ်မဂၠိုၚ်နဲ ၜိုန်အဲဟီုပျး၊ မၞဗိုန်ဇၟံ ဍေံတံဟွံဝး၊ ယိုက်လဝ်ဇၞောန်မာန် ကယျာန်ဟီုဂး၊ ချိုန်လၟုဟ်ကွေံ သ္ဇက်ဂးနွံဟာ၊ သာရိပိုတ်ရ တေဇပြဲဖါ၊ မုဂ္ဂလာကီု သီုကဵုညးၜါ၊ မိၚ်ကျာ်ဟီုပျး တၟးစိတ္တာ၊ လၟေၚ်သာဒက ဘဝတမၠာ၊ သီုကဵုညးၜါ ခါဂှ်အာတ်ပါန်၊ ယွံကျာ်မဂ္ညိ ပလိုဟ်ဗောဓိယာန်၊ ကိုပ်အဓိရ မူလဂလာန်၊ ၜိုန်ဝေတ်တဴကီု ဟီုဂးဟွံမာန်၊ လၟေၚ်ဓဝ်ဂှ် တွံကဵုနိဒါန်၊ သၟိက်ယဵုဒုၚ်အိုတ် ပၠောပ်စိုတ်ဝိညာဏ်၊ က္တဵုဗဒှ်ဇြဟာန် ဆာန်ဍူယတ်သဒှ်၊ ပိုဲဍိက်တံကီု သီုညးတၞဟ်၊ သၟိက်ဂွံမိၚ်လဝ် ဍောၚ်ဓဝ်နွံရှ်၊ တၟေၚ်ဓဝ်ဂှ် တွံပၟိၚ်ညိအဴ၊ သၟိၚ်သဳစန်ဂြ နအနုဘဴ၊ ဂါံဍိုက်ကွဳသန် ဗ္ဂန်သိန္ဓဴ၊ အရံၚ်သာ်ကၟု သ္ဇုၚ်ဂွုၜတ်သဴ၊ ဂၠးကာသအဴ ဂၠိုၚ်တဴကျာ်သြဳ၊ နက်သတ်တာရာ ကျိုၚ်လှာပေၚ်ညဳ၊ ပၠေဲပၠေဲပၠဴပၠဴ ဖျဴဖျဴဖျဳဖျဳ၊ ဍောတ်တ်ဇၞော်ဇၞော် ပေၚ်ပြောဲဝိထဳ၊ လျးကဵုလျး တၟးဗ္ဂဳ၊ တူဂၠံဝိထဳ ပေၚ်ဇဳရေၚ်ဗ္ဂါ၊ လ္ၚဵုဂှ်ပျးသဲ ဗွဲဒိက္ခိဏာ၊ လ္ၚဵုဂှ်ဍောတ်ဇၞော် ပျးညတ္တရာ၊ လ္ၚဵုကောံကလောံ ပ္ၚောံအမ္ဗာ၊ အရံၚ်ဗြာဗြာ ပျးအာတ္ကံပန်၊ ပျးတဴဟွံပိုတ် တရိုပ်စိုတ်ဇန်၊ တိုၚ်ပၟိက်ကၠာ ကၠုၚ်အာလဆန်၊ ဂွံညာတ်ရေၚ်သ္ကံ၊ မုဂြံလီုၜန်၊ မိပ်တဴစရိုတ် အဵုဇိုတ်ပူဗန်၊ အိုဿီုတ္ကံပန် ဗၞုဟ်သၟိၚ်စန္ဒြာ၊ ကျာ်သ္ဍဴဇမ္မု သၟိၚ်ဂိတုပၟာ၊ ဓဝ်ကျာ်နာဲညး လျူသာ်လွာ၊ အရံၚ်ဒးရး တၟးစက္ကဝါ၊ သၚ်မတုပ်သၟတ် နက်သတ်တာရာ၊ ကမြဴဓဝ်ပၠန် စိုတ်ဇန်လိုက်ဗာ၊ ရေၚ်တၠုၚ်ဏာ မြာစိုပ်နိဗ္ဗာန်၊

မုက်လိက်−၈[ပလေဝ်ဒါန် | ပလေဝ်ဒါန် တမ်ကၞက်] ကျာတၠဳဂှ် ဂၠိုၚ်တေဇဥာဏ်၊ ဂြၚ်ရံၚ်တီလောဲ ဂၠိၚ်သ္ၚောဲသန်ဋ္ဌာန်၊ သၟိက်တွံကဵုပၠန် အရှန်မွဲဟာန်၊ လၟေၚ်အၚ်္ဂ ဓမ္မနိဒါန်၊ ဝေတ်ဗော်တဳဟေၚ် ပရေၚ်ဂလာန်၊ ကျာ်တၠဳဇျာန် နညာဏ်တွံရ၊ ယွံအရှန်တံ ဗိုန်ဇၟံညာဏ၊ သၟတ်ကလၚ်ရောၚ် ထံၚ်လဝ်သောတ၊ အတိက်တေံပြဲ ဂၠိၚ်သ္ၚောဲကာလ၊ ဍုၚ်ဗာရာန္နသဳ ခုတ်ပ္ညဳနာမ၊ ဨကရာဇ ဗြမ်မရာဇာ၊ ဒးရးစိစောန် ပိုၚ်နန်ထာၚ်သွာ၊ မိပ်ဇြိပ်ရာၚ်ဆာဲ စရာဲဘောဂါ၊ ဂကူဗၞးပၠန် ဂၠိုၚ်လောန်ဝေါဟာ၊ ရှ်ေသှ်ေမှာဗြီု မသ္တီုဘာသာ၊ မဇၞော်ဂကူကၠာ မဟာသာလ၊ ဟိုတ်ဂကူသွံ စွံဓဝ်မၞ၊ ညးသ္အာၚ်ဂှ် ညံၚ်ဟွံသၟဟ်ရ၊ ဟွံပဆောယျာ ကၠုၚ်အာရောံဆ၊ ညးသ္အာၚ်ဂှ်ဗတ်ဍုန်ပုၚ်သွ၊ ဟွံဒုၚ်စဟေၚ်ပါဲဝေၚ်စၞ၊ ဟိုတ်ဂကူရဒှ်မၞကီု၊ မဟာသာလ ရဲခစဗြီု၊ ဗၞးဝွံရ တေဇက္ဍၚ်က္ဍီု၊ မဂၠိုၚ်ယဿပတ် ဒြပ်ရတ်မသ္တီု၊ ဒစာံစှော်ကိုတ် တော်ဂိုတ်စိုန်သ္ကီု၊ ဗော်ဗၞးတံကီု အိန်သွီုအိုတ်အာဲ၊ ကၠံသွဝ်ဂူဗ္ၚ သဗ္ဗဂၠိုၚ်ဒၞာဲ၊ ပြေၚ်ဂၠံစိချေံ ပေၚ်သ္ဂေဟ်တက်နှာဲ၊ ကွဳဍောတ်ကွဳဇၞော် ပေၚ်ဗြော်စရာဲ၊ ဥဒျာန်ပ္ကဴကၠံ ဍိက်တံၜှ်ကွာဲ၊ မဂၠိုၚ်ပိုန်စရာဲ ဂၠာဲဟီုရောမာန်၊ သိုက်လှိၚ်တဴဟေၚ် ၜိုဟ်စိုတ်ရေၚ်ကာန်၊ လ္တူလွဳမာန် မဒါန်တမၠာ၊ ဗၞးဗြဴပၠန် တန်အာဂဗ္ဘာ၊ နူတန်ဂဝ်ဗက် မသက္ကုခြာ၊ ဟွံက္တဵုဒှ်ယဲ ဘဲဝေဒနာ၊ စဟာပ်မၚ်မွဲ ဋ္ဌာန်သ္ၚောဲဟွံအာ၊ မၚ်မွဲဇကု အမှုဇြိုၚ်သာ၊ မၞတ်ဓမ္မတာ ဟွံခြာဟွံညန်၊ ဒစိတ်ဂိတု ဂွံသၠးဂဝ်ပၠန်၊ ဂွံကောန်ဗြဴမွဲ ရုပ်နဲညးသောန်၊ ပ္ဍဲတ္ၚဲဂှ်ရ ဂွံလာပ်ထဝ်သန်၊ သေဋ္ဌဳမိပ်စိုတ် အဵုဇိုတ်ပူဗန်၊ လညာတ်ဝွံပြဲလောန် မ္ၚဵုတန်ဒှ်ရ၊ ဂးဣၚုဟ်ကွေံ ဗၞးသာလ၊ ကော်နၚ်အ္စာ မဟာတိက္ခ၊ ထ္ၜုတ်တၟာဲ ဇိုန်ကွာဲသက္ခ၊ ပ္ဍဲကောန်ဗြဴဍောတ် ကဵုခုတ်နာမ၊

မုက်လိက်−၉[ပလေဝ်ဒါန် | ပလေဝ်ဒါန် တမ်ကၞက်] အ္စာဂှ်ရ တော်ဆသ္ၚေဝ်ရံၚ်၊ သၟတ်ဝွံသၟတ် ရုပ်ညံၚ်ရဴနှံၚ်၊ ပ္ဍဲတ္ၚဲဝွံအသဝ် ထတ်သန်လုပ်ကၠံၚ်၊ တော်ဂိုတ်ဂၠိုၚ်နာဲ စရာဲဇဳဂၠံၚ်၊ လညာတ်ပြဲအဵု မ္ၚဵုမၚ်္ဂလံ၊ အ္စာတော်ရံၚ် ဇဳဂၠံၚ်ဗိုတ်ပိ၊ နက်သတ်ဟေရာ စဂ္ဂတာမဂ္ညိ၊ ယးမတ်ၜါပြဲ ပ္ဍဲတ္ၚဲသုခိ၊ တံကၞောတ်ရောၚ်ပြဲ အဒေါဝ်ဂှ်ဘဲမြိ၊ ၜိုန်ဒိုက်စိုတ်ကွေံ ဗၠးလီုဇိဝိ၊ အ္စာခုတ်ရ နာမဗၠးဗျိ၊ ဒိဋ္ဌိဟိရိ ဂးမၚ်္ဂလိကာ၊ ဗၞးဂှ်ဂွံမိၚ် ကွိၚ်ပါၚ်အ္စာ၊ အိုဟ်တၟိုဟ်စိုတ် အဵုဇိုတ်လာံတာ၊ ထဝ်သန်ဍိုပ်ဍဴ ပူဇဴအ္စာ၊ ဇိုန်ကဵုလက်ဆံၚ် လ္ၚောဝ်ပလံၚ်ဏာ၊ ချိန်ဂှ်အ္စာ တ္ညစဴအာ၊ မၞးသေဋ္ဌဳကၠာ မဟာသာလ၊ မၚ်မွဲမြိမြန် ဖန်ဖက်တော်ဆ၊ ကော်ဍိက်တြုံဗြဴ လွဳတဴခယျ၊ ဗၟဴဖျီုဖအံ မုံဂြံကဵုပ၊ ဝတ်ဗြဴတံရ ထဒၟမၚ်မွဲ၊ ဍိက်ဗြဴတံကီု အိုတ်ညးအဲလွဳ၊ ဖျီုဖအံ ဆံလံတက်တဲ၊ နနဲသာ်ဂှ် ရိုဟ်ဒဒှ်တ္ၚဲ၊ ဇၞော်တိုန်ဖေါၚ်ၚ် ညံၚ်ဒကောၚ်ဗၠဲ၊ မသက္ကုယဲ ဘဲဝေဒနာ၊ ကြဴဂှ်ဟွံလံ ဂဇံဂမာ၊ ဟွံမွဒဒဒိုက် ဗြဴသိုက္ခမာ၊ ဒါန်အတိက်ရောၚ် ထံက်ပၚ်ဍံၚ်သွာ၊ ညးဒးမုံဂြံ ဆံလံလာံသာ၊ လံညိဇၞော်အာ တီဝေါဟာပန်၊ ဟွံမွဲကဵုမ္ၚဵု ဟွံမိက်ဆဵုပၠန်၊ ယဝ်ဒးမိၚ်ညာတ် သ္ၚာတ်စိုတ်က္ဍန်၊ ဟွံကဵုမိၚ်ညာတ် မာတ်ဒဝ်တန်န်၊ စွံသတိဟေၚ် ဟွံကဵုဝေၚ်ခၠန်၊ အိုဿီုဒိုဟ်ပန် ဗိုန်ညန်မၚ်မွဲ၊ သေဋ္ဌဳတြုံဗြဴ ဗဴလဇမ္ၚောဲ၊ သဳမုနော်တြ ဝေါၚ်သတပ်ဂၠောဲ၊ ထိုၚ်သးထဥ ရုရုညံၚ်ပေါဲ၊ ကဵုတဴခၟ ဝေါၚ်သနတဲ၊ မိပ်စိုတ်ဟွံဟဲ ရိုဟ်တ္ၚဲကၠုၚ်အာ၊ ဒါန်အတိက်သၟတ် ဝတ်ဓမ္မတာ၊ ဇၞော်တိုန်ဖေါၚ်ၚ် ညံၚ်ဍောၚ်ထာၚ်သွာ၊ ဗၞတ်အယုက်အဴ စှ်တြဴအခါ၊ ရုပ်သာ်ဂဥုပ် ညးဟွံတုပ်ၜါ၊ အလုံဍုၚ်ကၠာ ပြာကတ်ဒယှ်၊ တုပ်အဇပ္ကဴ မောဝ်နှဴဒိုဟ်စှ်၊ အမြာဲမောဝ်ပ္ဍး ထိုၚ်သးကဴဂှ်၊ ဒှ်တိုန်ခဵုခါတ် ညာတ်သၟိက်ဂွံၜှ်၊

မုက်လိက်−၁၀[ပလေဝ်ဒါန် | ပလေဝ်ဒါန် တမ်ကၞက်] အလုံဍုၚ်ကၠာ မေတ္တာက္တဵုဒှ်၊ ကောန်ဝုတ်ဗၞးဂှ် ဓယှ်ရုပ်ဗြဴ၊ ကောန်သေဋ္ဌဳသ္အာၚ် တၟံပါၚ်ဂၠာဲလဴ၊ တၟံညးအဲ နတဲဇန်ပ္ကဴ၊ ဗလးကလုတ်အဵု ကဵုကၠုၚ်ပူဇဴ၊ ညးညးအဲအဲ ရိုဟ်တ္ၚဲဖက်နှဴ၊ ကလုတ်တံဟေၚ် ဂွဒးကလေၚ်စဴ၊ မနသၠုၚ်အဴ ကောန်ဗြဴသေဋ္ဌဳ၊ ပ္တေဟ်လဝ်ဗိုန် ပိုန်ရုပ်ကျာ်သြဳ၊ ဗတ်ဟီုလှေံလှန် ဟွံဗၠန်ဟွံချဳ၊ ကၟာဲဂၠိုၚ်တောၚ် ဟွံရံၚ်ဟွံသ္ၚေဝ်၊ ဂလာန်အိုဿီု ဟီုထောံဓရဳ၊ ကောန်ဝုတ်သေဋ္ဌဳ လွဳဓဝ်မန၊ ညးညးအဲအဲ ဟွံဂွံမွဲရ၊ ပ္ကဴၜိုန်ဍေံဂေါဝ် မြမောဝ်ပသ၊ ညံၚ်ဗီုသာ်ဂှ် သၟဟ်ပၟာဏ၊ ဗတ်နွံမေတ္တာ ယဝ်အာဒးဂွ၊ ဟွံဂံၚ်မွဲရ အိုတ်ဒေသဍုၚ်၊ ရုပ်ဂေါဝ်ကွေံရ ဟိုတ်မနသၠုၚ်၊ ၜိုန်ရုပ်ဂေါဝ်တဴ ညံၚ်ပ္ကဴဟရုၚ်၊ ပသဂၠိုက်မံၚ် ညးဟွံဂံၚ်ဆုၚ်၊ ကောန်သေဋ္ဌဳဗၠာဲ ကွာ်သာအာကၠုၚ်၊ ယိုက်စၞောန်တဲ ဂေတ်ဂြဲပါဲပုၚ်၊ သၟိက်ဂွံဂဗး ဟီုဂးတက်ၜုၚ်၊ အိုတ်အလုံဍုၚ် ဍုဟ်ဟွံကၠုၚ်အာ၊ မိဒိဋ္ဌဟေၚ် ဂးမၚ်္ဂလိကာ၊ ကရောံမိမ မနဖြာဖြာ၊ လ္တူပိုန်ဘိုက် တသိုက်ဘောဂါ၊ လ္တူဍိက်ကမၠောန် ကၠောန်ၜိုတ်နၚ်ဏာ၊ နပိုန်အခါ တန်တဴကၠာရ။

လၟေၚ်ဖဵုဂုန် တွံဆန္ဒ ပိုဲချူပျးဇန် ဇၟန်ဝက်ကျ၊ လၟေၚ်မဂ္ညိ ဗောဓိသတ္တ၊ ဟိုတ်အကုသဵု ဇိုန်ကဵုမူလ၊ မက္တဵုဒှ်ရ ဋ္ဌာနဍုၚ်ဂှ်၊ ဂဗ္ဘာဂမြၚ် ကြၚ်ကၠုၚ်က္တဵုဒှ်၊ ညးပမၞိဟ်ယုတ် ခါဲဒုတ်ညးချဟ်၊ ဍုဟ်ဒၞာဲ ညးပါဲရုဲစှ်၊ ဗတ်ညးဍုဟ်ကီု ဟွံဟီုခၠေဝ်သှ်၊ ပ္ဍဲဂကူဂှ် ကၠုၚ်ဒှ်ဂဗ္ဘ၊ ကံအတိက်ဟေၚ် ချူပြေၚ်နၚ်ဏာ၊ ပါရမဳစိ ဗောဓိသတ်ကၠာ၊ မသက္ကုယဲ ဗွဲဓမ္မတာ၊ အကုသဵုကီု ကုသဵုသီုၜါ၊ ဍေံဇိုန်ကဵုကၠာ သၠးဂဗ္ဘာရ၊ ဗဗွဲဓမ္မတာ ဇၞော်အာလျလျ၊ ရုပ်သာ်ဟိန်ဗိန် ဇိုၚ်သေန်တတ်ဖလ၊ မုက်လးကယေၚ်ၚံက် သီုဗ္စံက်သီုကွ၊ ရာညးညာတ်ဗိုန် ဇအိုန်ဇရ၊

မုက်လိက်−၁၁[ပလေဝ်ဒါန် | ပလေဝ်ဒါန် တမ်ကၞက်] ညးခုတ်နာမ မာတၚ်ဂပၠန်၊ ကရောံမိမၜါ ဂယိုၚ်လမျီုစိ ပိမိကဵုကောန်၊ လၟိုန်တ္ၚဲဟေၚ် ဟွံဂွံဝေၚ်ခၠန်၊ တ္ၚဲသဝ်စဴညောန် သန္ထာန်တာဲဝၚ်၊ တ္ၚဲယးခဵုခါတ် ဂၠာဲအာတ်စဟေၚ်၊ ခၞာတ်ထိုၚ်ရ ထ္ၜကေတ်ဓလေၚ်၊ လၟိဟ်သ္ၚိကၠာ အာတ်ဟွံခြာဝေၚ်၊ လ္ၚဵုညးချဟ် ဍုဟ်မုက်ဓစေၚ်၊ ဆညးကဵုဟေၚ် ယိုက်ဂၠေၚ်တုဲစဴ၊ ရိုဟ်တ္ၚဲအာတ်ရ ဂွံပဗုၚ်ဂၞဴ၊ ဗောဓိသတ္တ တုပ်အဇပ္ကဴ၊ ဗွဲဓမ္မတာ ဇၞော်အာသဴသဴ၊ အယုက်တိုန်ဒှ် စိုပ်စှ်တြဴ၊ မိမဗျုထဴ စိုပ်သဘဴဇရာ၊ ဗောဓိသတ္တ မာတၚ်ဂကၠာ၊ က္တဵုဒှ်ဗဒှ်ကသပ် ချပ်နပညာ၊ ဂုန်မဇၞော်ပြဲ မိမအဲၜါ၊ မဂၠိုၚ်အနန္တ ဟွံကသုန္ဓရာ၊ လၟုဟ်အဲဇၞော် အဲဒးရော်ခၠေဝ်၊ မိမဇရာ ဟွံကဵုအာတ်ရ၊ အဲအာတ်ဗ္စညိ ၜါမိကဵုမ၊ ဟွံကဵုယုတ်တ် ပ္ဍဲဝတ်ပုၚ်သွ၊ ဟွံကဵုဒိုတ်ဝါတ် ဂၠိက်ယာတ်ညိည၊ ဂၠာဲအာညံၚ်ဂွံ ဟွံဒိုအ်ဟွံလဇ၊ ချပ်တုဲဟေၚ်ရ ပ္တီမိမၜါ၊ လ္ၚောဝ်ဒးရး ဂၠးဇိုၚ်ပါဒါ၊ တုဲဟီုတုန်ရ ယွံမိမၜါ၊ လၟုဟ်ကောန်ဍောတ် ထတ်စောံမြက်စာ၊ မိမၜါဂှ် ဒှ်ဓဝ်ဇရာ၊ ဂုန်မဇၞော်လှဲ လ္တူအဲကၠာ၊ ကဵုကောန်ဂွံခၠေဝ် မွဲဝါညိအဴ၊ မိမၜါဝွံ လၟုဟ်ဗျုထဴ၊ လ္ပဂၠာဲရ စၞအဟာဂၞဴ၊ မံၚ်ပ္ဍဲတာဲညိ မိလ္ပကတဴ၊ ကောန်ဂၠာဲအာတ်ဟေၚ် ဂွံယိုက်ဂၠေၚ်ဖျဴ၊ သွကအဟာဂၞဴ လ္ပကတဴညိ၊ မိၚ်ကောန်ဟီုပၠန် ဒှ်တိုန်ပဳတိ၊ ကောန်ညံၚ်ကောန်အဲ ဟွံမွဲလိုက်ပိ၊ ဟိုတ်ဒှ်ခါဲဒုတ် ယုတ်ညးဟီုဗျိ၊ ကောန်အဲဟွံယုတ် ဟိုတ်တီဝတ်မိ၊ ညံၚ်ကောန်ဝွံစိ ဇြက်ဗျိနွံဟာ၊ ဟီုထိုၚ်ဟးကီု သီုမိမၜါ၊ ဝဳတိနရု ဒုၚ်သာဓုကာ၊ ဂးမၚ်တၚ်ဂ တၠပညာ၊ သၟိက်ခၠေဝ်ရော်ညိ ဂုန်မိမၜါ၊ တိုၚ်ပၟိက်ကၠာ အဲမြာကွေံရ၊ ဂးဣၚုဟ်ပြဲ တ္ၚဲယးဂတ၊

မုက်လိက်−၁၂[ပလေဝ်ဒါန် | ပလေဝ်ဒါန် တမ်ကၞက်] သွက်ကေတ်ထိုၚ်ဟေၚ် ဓလေၚ်ရပ်ထ္ၜ၊ ခၞာတ်တဲမွဲ ကွာ်သဲတိတ်ရ၊ ဇၟာပ်သ္ၚိပၠန် ဟွံရန်ဒည၊ ဂဇံအာတ်ရ သ္ပရာဒနာ၊ သာဓုသာဓု သာ်ဝွံကဵုမြာ၊ ဖဵုဂွံကဵုရ ပုၚ်သွအဟာ၊ သ္ၚုသီုသှုဲသၠာဲ ဂၠိုၚ်သာ်နာနာ၊ ပိုန်ကၞောတ်ပိုန် သီုကွိုန်ပညာ၊ ရုပ်ကၞတ်ရုပ် ညးဟွံတုပ်ၜါ၊ ဖဵုကဵုဒါန်ကၠာ ကဵုမြာသုခိ၊ ကဵုဂွံဗၠးယဲ ပ္ဍဲပစ္စက္ခ၊ ကဵုသိုက်လှိၚ်အဴ ပ္ဍဲဘဴဂတ၊ ယဝ်စုတိအဴ ဇၟာပ်ဘဴဘဝ၊ ဋ္ဌာန်အပါဲကွေံ ကဵုဗၠးဒိဋ္ဌ၊ ဍုၚ်သွဝ်မူလ ကဵုစိုပ်ညိအဴ၊ မိၚ်ဒးဆံလံ တၟံတြုံဗြဴ၊ ကၠုၚ်ဒုၚ်ကဵုရ ပုၚ်သွဖက်နှဴ၊ သၠုဲသၠာ်သီုသ္ၚု ဇဗၠုဗြာတ်က္ၜဴ၊ သီုစေတနာ သီုမေတ္တာဇဴ၊ မာတၚ်ဂအဴ အာတ်တဴညိညိ၊ တဲရပ်ခၞာတ် ဂၠာဲအာတ်ဇၟာပ်သ္ၚိ၊ ယဝ်ဖ္ဍောဝ်ပၠန် ညံၚ်မန်ရသိ၊ မိၚ်ဒးစိုတ်ချဳ ရာသဳပက္ကတိ၊ ဂြပ်နွံကဵုပၠန် ညံၚ်ကောန်ကဵုမိ၊ ဆုဲအာတ်အာညိ သ္ၚိဟွံညန်သ္ၚောဲ၊ မာတၚ်ဂဗိုန် ဖ္ဍောတ်တိုန်သဲသဲ၊ သာဓုသာဓု ယွံလဇုအဲ၊ ယွံဗဴယွံလနော်တြၝဲ၊ ဆာန်ဍူညိရ ဒါနရောၚ်ပြဲ၊ ဒါန်ဂွံနိဿဲ ကြဴတဲဒှ်မ၊ အယုဝဏ္ဏ သုခဗလ၊ ဂွံဍိုက်ပေၚ်တဴ ဇၟာပ်ကဵုဘဝ၊ ပိုန်မၞိဟ်ပိုန်သွဝ် ဗွဝ်သုခ၊ ဋ္ဌာန်အပါဲကၠာ ဟွံဒးအာရ၊ ယွံမိယွံမ သၠးညိရအဴ၊ ဝုတ်တ်ဗၠာဲဗၠာဲ ဗြဴကၟာဲလထဴ၊ သၟတ်တြုံကီု သီုကဵုသၟတ်ဗြဴ၊ ယဝ်မိၚ်ဒးအဴ ကၠုၚ်ကဵုနှဴရဴ၊ သ္ၚုသၠုဲသၠာဲရ ပုၚ်သွဖက်နှဴ၊ မာတၚ်ဂအဴ ဂွံတုဲစဴအာ၊ ဂၠေၚ်ဖျဴဏာသၟတ် လျတ်သာသာ၊ ညောန်စိုပ်တာဲဝၚ် ဇရေၚ်မိမၜါ၊ ဖျေံဓလေၚ်ရ သဂါရဝါ၊ ဆန်ၜန်တုဲကီု သီုမရောံညှာ၊ လ္ၚောဝ်ဂၠးပါဒါ ခါဂှ်ဟီုပၠန်၊ ယွံလေဝ်ပိတာ ညးၜါဂၠိုၚ်ဂုန်၊ ဒုၚ်ဒါန်ညိရ ပုၚ်စၞဗျန်၊ စွံမေတ္တာပြဲ ပ္ဍဲအဲဍိက်ကောန်၊ ပြေၚ်ဖျဳတုဲသ္အး ဒးရ:ပြဲလောန်၊ ချိုန်လမုဟ်ပၠန် ဒုၚ်ဒါန်ကောန်အဴ၊ ဂမြၚ်ဇၞော်ကၠာ ညးၜါတြုံဗြဴ၊ မိၚ်လဟီုကောန် ဝန်စဝ်ပူဇဴ၊

မုက်လိက်−၁၃[ပလေဝ်ဒါန် | ပလေဝ်ဒါန် တမ်ကၞက်] မိပ်တဴစရိုတ် အဵုဇိုတ်မှောဝ်ဇဴ၊ ရိုဟ်ရေၚ်ဟီုဂး ထိုၚ်သးကောန်ဂၞဴ၊ ကောန်ပိုဲဝွံအဴ ဒေဝတဴပၟာ၊ ဂၠာဲအာတ်ဟွံလံ လၟုဟ်ဏံရောၚ်အာ၊ ဂွံနၚ်ပြဟ်ရ စၞအာဟာ၊ သ္ၚုသီုသၠုဲသၠာ် ဂၠိုၚ်သာ်နာနာ၊ ၜိုန်ဂြပ်ညးလအိတ် အာတ်ကေတ်လောဲသွာ၊ ညံၚ်ကောန်ဝွံကၠာ ၜါဟွံမွဲရ၊ ထိုၚ်သးကၠာအဴ ကြဴဟာပ်ပုၚ်သွ၊ ဂဇံဒးရး ဂးမာတၚ်ဂ၊ ဍာ်ကြဴတဲပ္ညုၚ် ဍာ်သုၚ်ရပ်ထ္ၜ၊ ဇိုန်ကွာဲကဵုရ တဲမိမၜါ၊ ဂးမာတၚ်ဂ တၠပညာ၊ ဟွံဂွံလၞုဟ် ပ္ၚုဟ်ဓဝ်သဒ္ဓါ၊ လၟိုန်တ္ၚဲပၠန် ကၠောန်ၜိုတ်နၚ်ဏာ၊ ဖါၚ်ဗ္စရ စၞအဟာ၊ ဟွံကဵုယုတ်မတ် ပတ်ပေါန်လွဳပရာ၊ ဒးအခိၚ်ကၠာ အာဂၠာဲအာတ်ပၠန်၊ အလုံဍုၚ်မွဲ ဂေတ်အာထဲလန်၊ ဆညးကဵုကွေံ ဟွံဂးဂၠိုၚ်အောန်၊ သိုဂၠိက်ယာတ်ကွေံ ဟီုဂးကၠိစောန်၊ ဆဂွံယိုက်ဖျဴ စဴသ္ၚိပြာပ်ညောန်၊ ဗ္စမိမပၠန် အာတ်ကၠောန်လွဳပရာ၊ မိမၜါဂှ် ဒှ်ဓဝ်ဇရာ၊ နူဇရာစိ ဗျာဓိပြိုက်ဖါ၊ ယဲဂှ်ထပ်လံၚ် လံအာကြံၚ်အာ၊ ရာန်သကိုတ်ရ ဒုက္ခဝေဒနာ၊ ဒွံမာရဏ သီုညးၜါပၠန်၊ မါတၚ်္ဂရ စိတ္တကၠိစောန်၊ ညာတ်ဒးဂိုဟ် တက်သိုဟ်ယာံဒေါန်၊ တံဇိုၚ်မိမ ယာံထပူဗန်၊ မိမဒဴထောံ ဟွံဂွံခၠေဝ်ဂုန်၊ လၞီထတ်လောန် တသောန်တသဝ်၊ အဵုတၟံတိုၚ်ဗိုတ် ဒေပ်စိုတ်ဓဇန်၊ မိလၟာဂၞဴ ကၠုၚ်ဒဴထောံကောန်၊ ကၠၚ်ဨကောဝ ဒေသဒိုဟ်ပန်၊ ဟွံမွဲကောဒေံ ကၠၚ်ရစောန်လောန်၊ အဵုမိကျာ်ဂန် ဒဴထောံကောန်ဟာ၊ အဵုမဂၠိုၚ်ဂုန် သၟဟ်သုန္ဓရာ၊ လၟုံကောန်ဇၞော် ကောန်ဂွံရော်ခၠေဝ်၊ ဟွံလံသွံအဴ မိတံဒဴအာ၊ ထောံလဝ်အောန်မွဲ ညံၚ်ဇြဲဒေါဝ်ဝါ၊ ဟွံမွဲသၞေဟ်သၚ် ပါတဟၚ်သာ၊ အဵုမိမာတာ က္ဍုဟ်ကောန်ဟာအဴ၊ အဵုဓုပ်ပြကာ ယွံလၟာဂၞဴ၊ ကောန်ကဵုဒုဟ် ဍုဟ်လဝ်ကဵုဒဴ၊ ကောန်ဂၠာဲအာတ်ဇွောံ ဂွံတုဲကလေၚ်စဴ၊

မုက်လိက်−၁၄[ပလေဝ်ဒါန် | ပလေဝ်ဒါန် တမ်ကၞက်] စိုပ်သ္ၚိဇံသဝ် လ္ၚောဝ်ပူဇဴ၊ လၟုဟ်ဒဴအာ သ္ၚောဲခြာတဴ၊ ယွံလၟာဂၞဴ ဒဴထောံကောန်မွဲ၊ အဵုလၟာဂၞဴ တုပ်ရဴသၟိၚ်တ္ၚဲ၊ ပျးတကံပန် ဂေတ်လန်ဂေၚ်ထဲ၊ ချိုန်လၟုဟ်ဝွံ ရာဟုကၠုၚ်ပျဲ၊ လျးဂၠုထုပ် အုပ်ဒးမတ်ဗြဲ၊ ဒဵုသဝ်ပၠိုတ်အာ ပါသတြုပျဲ၊ ဒဴထောံကောန်မွဲ ကဵုညးပျဲဟာ၊ အဵုမိကျာ်ဂန် ထောံကောန်ဒဴအာ၊ ဥတုဒးဂွာံ တံသၞာံလဗိုက်ကျာ၊ အကာသဓဇူ ဗြဲဂူဖြာဖြာ၊ ဍာ်ဗြဲလေဝ်ကှ် ကြဴဒှ်မုဟ်ကျာ၊ ဗြဲမတ်ကောန်ၜါ ကှ်ကီုဟာယာဲ၊ အဵုလၟာဂၞဴ ဒဴထောံကောန်ဗၠာဲ၊ ညးနွံညးသိုက် ညးဂွံအိုတ်အာဲ၊ ကောန်ဒှ်ခါဲဒုတ် ဒုဟ်ဂၠိုၚ်ဒၞာဲ၊ ဇကုမွဲအဵု ဟွံမွဲကဵုဗ္ဒာဲ၊ ကောန်ကၠၚ်ညးဂး ဒးပြးနူယာဲ၊ ကောန်ဒးတူလာဲ အဵုယာဲတၠဂုန်၊ အဵုလၟဂၞဴ ကောန်ရဴအှ်ေဒုန်၊ ဗဗုလဟဵု ဂဵုတုဲဒးသုန်၊ ပၠိုတ်တုဲဟုံအဴ ကြဴဒှ်ဗွဝ်ဂြုန်၊ ညံၚ်သာ်ဂှ်ရ ဒုက္ခမဵုရုန်၊ အဵုမိတၠဂုန် ဒဴထောံကောန်ဟာ၊ အဵုမိကျာ်ဂန် ကောန်ဒှ်ပူဆာ၊ လတေံဍာ်ဆၚ် လၟောဝ်ဂၚ်္ဂါ၊ ကျာလေၚ်ကဝ်ပိုတ် သိုက်က်ဇတ်အာ၊ ရမတ်ကောန်ဆက် နူစက္ခုဒွါ၊ ရမတ်ဂၚ်္ဂါ ဇတ်မာန်ဟာအဴ၊ ဂးမာတၚ်ဂ တၠအနုအဴ၊ နဓဝ်ပညာ ချပ်ဗ္စာတဴ၊ ဇာတိဇရာ ဗျုဓိဖက်နှဴ၊ ဓဝ်မာရဏ ဇၟာပ်သတ်ကျစဴ၊ ဒှ်ဗျုယဲအဴ ချိုတ်အဴဟွံလံ၊ ညံၚ်မံၚ်ညးအဲ တက်တဲကဵုကံ၊ မံၚ်ပ္ဍဲလိုက်ဗာ သိုတ်သာသ္ပံ၊ ဟွံဗှ်ဂၠံၚ်ချိုတ် စရိုတ်စတ္တံ၊ ညံၚ်ဟွံပြးဆာဲ ဟွံလာဲညံၚ်တၟ၊ ကာလဒးချိုတ် စိုတ်ကၠုၚ်ဒှ်ပရအ်၊ အဲလၟုံဏံ ဒှ်ပရံရသွံ၊ ချပ်ဣၚုဟ်သွံ ဂတိဂိုၚ်စွံ၊ သောကဂၠိုက်ဂၠာဲ ဂိုၚ်ဖရာဲထောံ၊ ဟွံကဵုဗၠိုက်ဗၠန် ဟွံကဵုစောန်ကလောံ၊ သောတဆေဝ်ဒဝ် ဓဝ်ရောၚ်ဇၞးဂွံ၊ မာတၚ်ဂသွံ စွံသ္တိတုဲဗ္စာ၊ တုဲသၟိက်ဂိုၚ်ရ ဇွမိမၜါ၊ ကော်ပကောံနၚ် ဂမြၚ်ရဲသာ၊ ဍောတ်တ်ဇၞော်ဇၞော် သီုဗော်ပြဝါ၊

မုက်လိက်−၁၅[ပလေဝ်ဒါန် | ပလေဝ်ဒါန် တမ်ကၞက်] ဖန်ဖက်စဳရေၚ် လၟေၚ်အရာ၊ ပြဝေဏဳရ ယိုက်ဇွတမၠာ၊ ပြုပြေၚ်တုဲကၠာ ပ္ဍဲကာလဂှ်၊ သၟိက်ဂိုၚ်ဒေပ်ကၠာ ပ္ဍဲကာလဂှ်၊ ခါဲကတိုၚ်ကၠာ သီုၜါညဳသၟဟ်၊ တိုပ်ဒေပ်ညဳသာ သီုၜါဟွံတၞဟ်၊ ကလေၚ်စဴရ ဒေသဒဒှ်၊ မာတၚ်ဂဂှ် ဂၠာဲဗှ်ဗ္စာ၊ ဗတ်အဲမွဲသွံ ချိုတ်ထောံဂွံဟာ၊ ဇၟာပ်ညးအဲ ဗွဲဓမ္မတာ၊ ပိုဲခါဲဒုတ်ရ မူဒၞာဲပကာ၊ ခိုဝ်ခိုဝ်ခါတ်တ် ဂၠာဲအာအာတ်အာ၊ ဗွဲဓမ္မတာ အာတ်စအာရ၊ ချပ်ဣၚုဟ်ပၠန် ဟွံရန်ဒည၊ ပလေဝ်ကောန်တာဲ ဂၠာဲၜုန်မြ၊ ဇုက်ဝါဂၠာဲပၠန် ဆုဒုန်မှာဲမှ၊ ဂၠာဲပကောံနၚ် ပြုပြေၚ်သက္ခဏ၊ သၞာံဂၠဴမူလ ဂွံပကၟဳ၊ ဒုန်ၜဝ်ထၞေက် ကရေက်ဝဏဳ၊ ဇုက်ညးဒက်ဂဝ် ဒက်ကွဝ်ညဳညဳ၊ ယာတ်ညးဂြာပ်ဇွ ဂွံဇိၚ်ပဂၞဳ၊ အိုတ်ဂမြၚ်ပၠန် ဗိုၚ်ကၠောန်ပလွဳ၊ မံၚ်တဴညဳညဳ ပနဳသုသာန်၊ တၠပညာ ပ္စာနညာဏ်၊ ဂွံမိၚ်ကေတ်ဟေၚ် ပရေၚ်နဳဒါန်၊ ခါဲဒုတ်ညးဍုဟ် စုတ်ဒုဟ်သီုကွာန်၊ ဂကူယုတ်ကွေံ ဟီုက္ၜေဟ်အဓာန်၊ အိုတ်ဇၟာပ်ကွာန် ကွာ်ဍာန်ညးချဟ်၊ ဂကူယုတ်ကွေံ ဒုဟ်ဍေံဟွံဒှ်၊ စိုတ်ယဝ်ရယုတ် ဒှ်လုတ်ကျာ်တွံ၊ ဒးစှ်ေအပါဲ ဂၠိုက်ဂၠာဲပှ်လှ်၊ ဂကူယုတ်ပြဲ ၜါနဲတုပ်သၟဟ်၊ စိုတ်သတ္တံဂှ် ဒှ်တံအရၚ်၊ သမ္မာမိစ္ဆာ စိုတ်ၜါတွံနၚ်၊ သမ္မာစိုတ် ကွာ်လောဲစိုပ်သၚ်၊ မိစ္ဆာဒှ်ဗက် နရက်ဒးကြၚ်၊ စိုတ်ယုတ်ခဵုခါတ် ပါတ်ဇၟာပ်တၚ်၊ စိုတ်ဆောံမမၚ် ဟွံဒးကြၚ်အာ၊ ဂလာန်ဝွံဂှ် ဗှ်တုဲဗ္စာ၊ ဂးမာတၚ်ဂ မိမသီုၜါ၊ ဂကူယုတ်အိုတ် ချိုတ်ရောသ္ဂးဟာ၊ ဂကူပြဲပၠန် ချိုတ်အနန္တာ၊ တိုၚ်ချိုတ်မွဲတ္ၚဲ အိုတ်အဲညးကၠာ၊ ဓဝ်မာရဏ ချပ်ဗ္စာညိ၊ လောဘဒေါသ မောဟညးပိ၊ မၞမွဲကၠာ မိစ္ဆာဒိဋ္ဌိ၊ ယဝ်ဗက်စဍေံ ဒးစှ်ေကမ္ဘိ၊ သၟိက်ကဵုဝေၚ်ပါဲ ဂၠာဲကဵုဂတိ၊ ဝေၚ်ပါဲကၠေံညိ သတိပလွဳ၊ မဟာသာလ နာမသေဋ္ဌဳ၊

မုက်လိက်−၁၆[ပလေဝ်ဒါန် | ပလေဝ်ဒါန် တမ်ကၞက်] ဂွံကောန်ဝုတ်မွဲ ညံၚ်နဲထဝ်ဂွဳ၊ မၚ်္ဂလိကာ ရုပ္ပါကျာ်သြဳ၊ မဇၞော်ဓဝ်မၞ ခန္ဓပြေၚ်ဖျဳ၊ ကျိုၚ်ကျဝ်ဟုံလဳ ပြေၚ်ဖျဳရိုဟ်တ္ၚဲ၊ ပ္ဍဲလိုက်ဝွံကွေံ ညးဟွံတုပ်အဲ၊ ဂကူပိုဲဗၞး နူညးပိုဲပြဲ၊ ထတ်သန်ဂၠိုၚ်ထပ် ပိုန်ဒြပ်ပိုဲလှဲ၊ ဂးရုပ်အသဝ် ဂေါဝ်ဆအဲမွဲ၊ ပ္ဍဲစိုတ်ဒက်ဂြဲ ရိုဟ်တ္ၚဲကျိုၚ်လှာ၊ ကြိုက်သၟိက်ဒှ် ကာလဂှ်ကၠာ၊ သ္ဘၚ်နက်သတ် ဒးသၞောဝ်အ္စာ၊ အလုံဍုၚ်မွဲ မွဲသၞာံမွဲဝါ၊ အိုတ်ဗၞးတံ တၟံဝေါဟာ၊ ၜးကေတ်ကြိယျာ ကၠုၚ်အာလဳၜန်၊ ညးဝါတ်ညးလောဲ တံၚ်ဂြဲပြာပ်ညောန်၊ ပုၚ်ကွာၚ်စၞ သဗ္ဗဂၠာဲကၠောန်၊ ကၞာထကီု သီုပ္ကဴဇၟန် အိုတ်ဇၟာပ်သ္ၚိ တိညံၚ်ဍန်၊ ဖါပ်စ္စပၠန် တန်ဆန်ကၠုၚ်အာ၊ ဒိဋ္ဌဟိရိ ဂးမၚ်္ဂလိကာ၊ ဍိက်ကမၠောန်ရောၚ် ဟောဟောဂြာဂြာ၊ သၟိက်ဝေၚ်သဘၚ် အခြၚ်နာနာ၊ ဂၠာဲကၠောန်ကွာၚ်ၜဲ ဂၠိုၚ်နဲပြကာ၊ ဓရိက်ခၞာ ဂၠိုၚ်ဝေါဟာလောန်၊ ထဝ်ဗာတ်ဍာ်သာဲ ဖက်ပၠာဲခန်န်၊ သဂြာကလောံ ထောံကၠေၚ်သောန်န်၊ ဓုပ်ကဵုဓုပ်အဵု ဂွဳကဵုဂွဳပၠန်၊ ဝေါဟာဗၞး ဒးရးဂၠာဲကၠောန်၊ ဍိုက်ပေၚ်စိစောန် ဂၠာဲကၠောန်ဗဒှ်၊ ကော်ဍိက်ဗြဴပၠန် ဗၞတ်မသုန်စှော်၊ ကဵုကျိုၚ်ကျဝ်အဴ ပ္ကဴကဵုစရှ်၊ ကော်ဍိက်တြုံရ ခၞံညဳသၟဟ်၊ မသုန်စှော်ကၠာ ဟွံခြာတၞဟ်၊ ကောံတုဲညဳသၟဟ် ပြဟ်ကဵုနၚ်ကွဳ၊ အမာဲပုၚ်သွ စၞကွာၚ်ဂွဳ၊ လ္ၚဵုဂှ်စန်ဒက် ကၠံက်ဂွက်ဓရဳ၊ မြမောဝ်ဂၠိုၚ်ဂၠၚ် ကဵုပၟၚ်ကဵုဂွဳ၊ ဍိုက်စုတ်ပေၚ်ဍတ် ဟွံလျတ်ချဳ၊ ဍိုက်ပေၚ်ဇၟာပ်ကွဳ ညဳညဳသာသာ၊ ဒိဋ္ဌဟိရိ ဂးမၚ်္ဂလိကာ၊ ကျိုၚ်ကျဝ်ဒးရး ၜးလဝ်ကြိယျာ၊ ကွဳဇရာထဝ် အသဝ်သာ်လွာ၊ ကျိုၚ်လဝ်ဒးရး ချေံသိန္ဓဴၜါ၊ ဗ္ဂန်ကေတ်တုဲ သၟိက်အာဥဒျာန်၊ ဍိုက်ကွဳကမၠေ အသေအဟာန်၊ ညးညးအဲအဲ ထပ်ဂၠောဲပေၚ်ဍာန်၊ လ္ၚဵုကွာ်တိုက် လ္ၚဵုဍိုက်ကွဳယာန်၊

မုက်လိက်−၁၇[ပလေဝ်ဒါန် | ပလေဝ်ဒါန် တမ်ကၞက်] ကောန်သေဋ္ဌဳဗြဴ ပ္ကဴလှဖ္ဍာန်၊ ကၟဳလဝ်ကွဳယာန် မွဲဟာန်သၟိက်အာ၊ ခၞဂှ်ပၠန် ဖျေံအမန္တာ၊ ယွံလေဝ်ဍိက်သ္ကံ လ္ပသ္ပံသာ၊ လညာတ်ယုတ်ကွေံ မၞးတံဆေဝ်တာ၊ မၞိဟ်ချိုတ်မၞိဟ်ယဲ ကဵုပါဲသ္ၚောဲခြာ၊ ခါဲဒုတ်ယုတ်မာ ပကဵုဒနာကြတ်၊ ဟွံမွဲကဵုမ္ၚဵု လေပ်ဆဵုဒးပယျတ်၊ ယာံအဲညာတ်ကွေံ ဟွံဒးကဵုမတ်၊ ဟွံဒးညာတ်မွဲ နူအဲဍောတ်တ်၊ ဂၠံၚ်ပိုဲအာကွေံ ပကဵုဍေံတတ်၊ မၞးတံဍောတ်ဇၞော် စဳစောတ်မၚ်မွဲ၊ မိၚ်တုဲဆံလံ ဍိက်သ္ကံရဲ၊ လ္ၚဵုလေံလွပ် ရၠ်ကေတ်နတဲ၊ ကွာ်အာဂတ ဟီုရသဲသဲ၊ ဟွံမွဲမ္ၚဵုကၠာ ပါဲသာဲသ္ၚောဲ၊ ကောန်သေဋ္ဌဳပြဲ တ္ၚဲဝွံတိတ်ကၠုၚ်၊ ဂးမာတၚ်ဂ ဂၠာဲစၞပုၚ်၊ တ္ၚဲဝွံပြဲဟေၚ် ဝေၚ်သဘၚ်ဍုၚ်၊ ဇၟာပ်ညးဇၟာပ်ကွာန် ကဵုဒါန်အာကၠုၚ်၊ အဲဂွံလောဲရ စိတ္တကေဝ်ဇြုၚ်၊ ဂွံကသပ်ပ္ညုၚ် ကွာ်ကၠုၚ်ဇောဲဇောဲ၊ ခၞာတ်နတဲ ထိုၚ်မွဲကၟာဲ၊ ဆဵုသ္ၚိလုပ်အာတ် ဟွံဒးဝါတ်ခါဲ၊ ဆညာတ်ဒးကဵု ကုသဵုဇိုန်ကွာ်၊ ဆဵုဒးပေၚ်ခုတ် ဍိက်ဝုတ်ဍိက်ဗၠာဲ၊ ဍေံဟီုသ္ကာတ်သာဲ ဂၠိုၚ်ဒၞာဲဆေဝ်တာ၊ ဟေံမာတၚ်္ဂ မၞးလ္ပအာ၊ ဂကူခါဲဒုတ် ဗှ်ေမၞိဟ်ယုတ်မာ၊ တေံနာဲပိုဲကွေံ ဂးမၚ်္ဂလိကာ၊ ဟွံမိက်ညာတ်ဟေၚ် အမၚ်္ဂလာ၊ မၞးလ္ပအာ ယဝ်အာဒှ်ဝါတ်၊ မာတၚ်ဂဗၠာဲ ဂါဲဝါဲခါတ်မါတ်၊ ဟွံဟီုဟွံခၠေဝ် ကွာ်ကြေဝ်ဂၠာဲအာတ်၊ ဍိက်တံအိုဿီ ဗိုၚ်ဟီုရာဲသာတ်၊ ဟေံမာတၚ်ဂ ယဂၠာဲပတိဃာတ်၊ နာဲပိုဲယာံညာတ် ဒှ်ဝါတ်ရယ၊ မာတၚ်ဂပၠန် ဟွံရန်ဒည၊ ဓဏာတ်တဲမွဲ ကွာ်သဲဗၠဗၠ၊ ကောန်ဝုတ်သေဋ္ဌဳ စဝ်ကၠုၚ်ကွဳရ၊ ဂွံညာတ်ကေတ်ကွေံ မၞးမာတၚ်ဂ၊ ချပ်ခါ်ဆိုအ်ေ ဇအိန်ဇရထအအ်၊ တုဲသၟာန်တိုန်ကွေံ ယွံလေဝ်မၞးတံ၊ ဒးညာတ်လၟုဟ် ညးဂှ်ဍေံဏံ၊ မူယၟုကီု ဟီုပကဵုလံ၊ ဟိန်ဗိန်ယုတ်မာ လအာညံၚ်ပရံ၊ ညးဂှ်ဍေံဏံ မၞးတံဟီုစံ၊ ဍိက်ဂမၠိုၚ်ဂွိၚ် မိၚ်ဒးအသံ၊

မုက်လိက်−၁၈[ပလေဝ်ဒါန် | ပလေဝ်ဒါန် တမ်ကၞက်] လ္ၚောဝ်ပ္တီညိ ယွံမိတ္ကံဇမ်၊ ဂးမာတၚ်ဂ ဍေံမၞိဟ်ပရံ၊ ပိုဲဍိက်ဆေဝ်တာ ဂၠိုၚ်ဝါလ္ၚီကၠံ၊ ဍေံဟွံဒိုအ်စံ ဍေံကြံလောန်အဴ၊ ကောန်ဝုတ်သေဋ္ဌဳ မိၚ်ချဳလိုက်လဴ၊ ညာတ်မာတၚ်ဂ ဒေါသဖက်နှဴ၊ ဟွံမွဲကဵုမ္ၚဵု ဆဵုဘာ်တရဴ၊ ဟွံမိက်အာဟေၚ် ဂေတ်ကလေၚ်စဴ၊ ချပ်ခါ်တုဲအဴ ကလေၚ်စဴအာရ၊ ဍိက်သေဋ္ဌဳကီု ဟီုသီုဒေါသ၊ ဟိုယ်လေဝ်ယတံ တ္ၚဲဏံဒးဂွံ၊ ဒၟာနူဂမြၚ် ယမာတၚ်ဂ၊ ဟွံဂွံစသုၚ် ပုၚ်ကွာၚ်စၞ၊ ကဵုဘဲဒက္ခ ဒးရယတံ၊ မၞိဟ်ဂမၠိုၚ်ကီု ဟီုတုန်ခံခံ၊ ကဵုဘဲလၟုံရ ပစွံဍေံလံ၊ ဂၠောဲလုပ်ဗိုန်ဗတ် ဍေံရပ်ပတ်ကံ၊ လ္ၚဵုဍေံခၞက် တက်ဗိုတ်ကဵုတၟံ၊ စိပ်တိုန်ဂြိုဟ်ချအ် ကံဝ်မတ်ပ္တဴ၊ ဍိက်သ္ကံရဲ တက်ဖဲစဴအာ၊ ဍေံပၠောထောံအဵု ညံၚ်ကဵုဇွဂၠဴ၊ ဗောဓိသတ္တ တၠအနှဘဴ၊ ဓဝ်အကုသဵု ဇိုန်ကဵုဖက်နှဴ၊ ဟွံဂွံချိုတ်အဴ လောတ်လောကၟဝ်၊ ဂိသၠောံကာယျ သဗသ္အဝ်၊ ဝိုတ်သ္တိကီု တသ္ၚဳကသဝ်၊ လောတ်လောကၟဝ် ကသဝ်သာသာ၊ လံညိဗ္ၜူဗၠး ဂွးတိဇက်အာ၊ ဇရေၚ်သၞိၚ်ဇြဲ ထောံဇိုၚ်တဲၜါ၊ လၟောၚ်ဂၠိုၚ်ထပ် ဗကပ်လ္ၚာ၊ နကဵုတဲကဵု ဗက်ဍဵုညှာညှာ၊ ပတ်ဇွိတ်သာသာ ဂိဟဲအာရ၊ ဇက်က္တဵုပၠန် ဂဇုန်တော်ဆ၊ အဲအာတ်စလၟုဟ် ဗၠးဒုဟ်ပွ၊ မၚ်္ဂလိကာ ဒေပ်စိုတ်ပါပ၊ ချပ်ခါ်အဲပၠန် ဟွံရန်ဒည၊ စရိုတ်ဓဝ်မၞ ဍေံပနိဿဲ၊ အဲဒှ်ခါဲဒုတ် ပွလုတ်ဟွံမွဲ၊ ဂၠာဲအာတ်စရ ဗၞတ်ဆစဖဲ၊ ဟွံဂၠာဲဟီုၜေဟ် ညးရးဇမ္ၚောဲ၊ ရာဒနာအဵု လ္ၚောဝ်ယဵုတဲ၊ ဍေံညာတ်ရုပ်အဲ ချဟ်ခါ်အဲပၠန်၊ ဍိက်တံဂှ်ရ ဟွံဒညရန်၊ ဍေံရပ်ဂွံအဲ ဍေံကဵုဘဲဒန်၊ ဍိက်ကဵုနာဲရ မၞတန်တန်၊ ဓဝ်မေတ္တာရ သ္တိညာဏ်အောန်၊ ဟွံဂၠာဲဗှ်ရန် ဟွံချပ်စန်စာ၊ မာတၚ်ဂပြဲ ချပ်ပၠန်မွဲဝါ၊ ညးဍဵုဍိုက်သၟတ် ကဵုယုတ်ရဟာ၊ ဒေပ်စိုတ်ကဵုပြဲ မၚ်မွဲဂွံမြာ၊

မုက်လိက်−၁၉[ပလေဝ်ဒါန် | ပလေဝ်ဒါန် တမ်ကၞက်] ဗတ်ၜုၚ်တက်ကွေံ ဖျေံဓဝ်မေတ္တာ၊ ရပ်စိုတ်သမ္မာ မြာပိုန်သုခ၊ မၚ်္ဂလိကာ ပိုၚ်ခြာမာန၊ ဓဝ်မေတ္တာသွံ အဲစွံဂတ၊ အဲဟံၚ်ပြာ်ဍေံ ဂှ်ရောၚ်ဒးပွ၊ ကြဴဂွံတီညိ သတိဗလ၊ အဲအာတ်ဍေံရ ကာလဂှ်ဒး၊ ဂးမာတၚ်ဂ တြုံတၠညး၊ ချပ်တုဲက္တဵု ဍဵုၜံၚ်ရပ်ပၞး၊ လျဝ်ဇိုၚ်တဲ ကွာ်ထဲဆဒး၊ စံဇြဟတ်ညိ ဋ္ဌာန်တိသတး၊ မာန်ကီုရဂး ဇၞးစိုတ်တုဲအာ၊ ဇောဲဇောဲဇာဲဇာဲ လုဲလာဲဇိုၚ်ၜါ၊ ဟိုတ်ညးၜုၚ်တက် ဟွံဓဝ်ဟွံယာ၊ ဒစုန်ဝါဲဝါဲ ထိုၚ်ကၟာဲဏာ၊ သ္ၚေဝ်ရံၚ်အာစိ သ္ၚိမၚ်္ဂလိကာ၊ ချိုန်ဂှ်စိုပ်အာ ဟွံပါလၞၚ်၊ ဂဇုန်ယဵုဲ ပ္ဍဲတြၚ်ဝၚ်၊ ဖ္ဍောဝ်သဲသဲ ဂၠိုၚ်ကဵုနဲတၚ်၊ သာဓသာဓု ဒါန်ဝွံပြဲက္ဍၚ်၊ ဒါန်ရောၚ်ဇိုန်ကဵု မဂ်ဖဵုစိုပ်သၚ်၊ ဒါန်ရောၚ်ရီုဗၚ် ဟွံဒးကြၚ်လန်၊ ဒါန်ဇိုန်ကဵုစိ ကလိဂွံထဝ်သန်၊ ဒါန်ဇိုန်ကဵုတသိုက် ပိုန်ဘိုက်တန်န်၊ ဒါန်ဇိုတ်အဝဲ ရုပ်သာ်ပြဲလောန်၊ ဒါန်ဇိုန်ကဵုကွေံ ဟွံဒးဂၠာဲကၠောန်၊ ကၠိဂွံထဝ်သန် ဒြပ်ကောန်သမ္ဘာ၊ ဒါန်ရောၚ်ဒှ်တံ ခၞံနၚ်ဏာ၊ ဒါန်ဝွံရီုဗၚ် ဒါန်ဂွံဍံၚ်သွာ၊ ဒါန်ဇိုန်ကဵုတသိုက် လိုက်သွဝ်သီုၜါ၊ ဒါန်ရောၚ်တိတ်ဗၠး နူပးသံသာ၊ ဒါန်မှတ်ကဵုမြာ သုခသိုၜါ၊ ဍိက်သေဋ္ဌဳတံ တၟံတြုံဗြဴ၊ မိၚ်ကၠုၚ်ကဵုရပုၚ်သွဖက်နှဴ၊ မာတၚ်ဂကီု ဟွံကေတ်ဟီုတဴ၊ ကောန်ဝုတ်သေဋ္ဌဳ ကျာ်သြဳၜတ်သဴ၊ အဲဂွံအဲစဴ အဲအာတ်တဴရောၚ်၊ ဍိုက်သ္ကံရဲ တက်တဲဂြိုၚ်ကၠံၚ်၊ ကောန်ဝုတ်အသဝ် ရုပ်ထဝ်ဒကောၚ်၊ ဂလာန်ဂှ်ကွေံ ဒှ်ဍေံဟီုဂံၚ်၊ ခါဲဒုတ်ညံၚ်ဍေံ ညာတ်ဒးစံၚ်ပရံၚ်၊ ဒှ်ဍေံအာတ်ဂံၚ် အဲစံၚ်ပြံၚ်ကွေံ၊ ဍိက်သေဋ္ဌဳတံ ကဵုကံဟီုၜေဟ်၊ ဍေံတံဂြိုၚ်ကၠံၚ် မံၚ်စံၚ်ဟွံဒး၊ လ္ၚဵုခါတ်မါတ် သၟိက်ဘာတ်ထောံဍေံ၊ လ္ၚဵုဂှ်ချပ် သၟိက်ရပ်ဂဗး၊ ဆဍေံကဵုဍေံ ဂၠာဲဟီုဂးကၠံၚ်၊ ကၠံၚ်မံၚ်ထဥ ရုရုသံၚ်သံၚ်၊ သေဋ္ဌဳဗြဴမိၚ် ဂွံၚ်ဘိုန်စိုတ်စံၚ်၊

မုက်လိက်−၂၀[ပလေဝ်ဒါန် | ပလေဝ်ဒါန် တမ်ကၞက်] ကော်ဍိက်ဗြဴအဵု ကဵုပါန်အခေါၚ်၊ ထဝ်သန်ကဵုဏာ ကဵုအာပလံၚ်၊ ပကဵုဍေံမံၚ် ညံၚ်ဒုၚ်ဂုန်ညိ၊ မိၚ်သေဋ္ဌဳဟီု သီုဍိက်ဗြဴပိ၊ဂိုၚ်ကေတ်ထဝ်သန် ယောန်စှ်ေအာတိ၊ ဟွံမိက်အာကီု ဍေံဟီုဒေါန်ဗျိ၊ ဍုဟ်ခါဲဒုတ်လောန် ညောန်လုပ်ညိညိ၊ စိုပ်တြၚ်ဝၚ်စိ နကြိဟီုပၠန်၊ ယွံမာတၚ်ဂ ကေတ်ရထတ်သန်၊ ကောန်ဝုတ်ညးကီု တုပ်ဗီုထဝ်သောန်၊ မၞးလ္ပအာတ် သွက်ဂွံဝါတ်လောန်၊ လံညးထေဲအဵု ညးကဵုဘဲဒန်၊ ဆဗၞတ်ထတ်သန် ကေတ်ညိပၠန်ရ၊ မာတၚ်ဂကီု ဟီုတိုန်ခယျ၊ ချိုတ်လၟုဟ်အဲ ဟွံမွဲမိမ၊ သွက်ဂွံမၚ်တာဲ ဂၠာဲဖျိန်ပုၚ်သွ၊ ဗတ်ညးဂစိုတ် ဒဵုအိုတ်ဇိဝိ၊ အာတ်ဒဵုဂွံရ ပဆေဝ်တာညိ၊ မိၚ်ကေတ်ဆဴဆဴ ဍိက်ဗြဴညးပိ၊ မိၚ်ဒးစိုတ်စံၚ် ဗီုသုၚ်ဍာ်ဂျိ၊ သၟိက်ဂွံကဵုချိုတ် ထေဲပၞတ်စိုတ်ဂိ၊ သ္ၚေဝ်မုက်တုဲဟေၚ် ကလေၚ်တိုန်သ္ၚိ၊ လ္ၚောဝ်ပ္တီစိ ယွံမိသေဋ္ဌဳ၊ လၟုဟ်ခါဲဒုတ် မၞိဟ်ယုတ်ခါခၞဳ၊ ဒုၚ်ဂုန်ဍေံကီု ဍေံဟီုဝေရဳ၊ ကဵုထဝ်သန်ကွေံ ဘာတ်ဍေံဟွံချဳ၊ ဍေံအာတ်ကေတ်ပၠန် ကောန်ဝုတ်သေဋ္ဌဳ၊ ခါဲဒုတ်ခါခၞဳ ဍေံဟွံချဳစဴ၊ မိၚ်လဟီုစိ မိသေဋ္ဌဳဗြဴ၊ ဇၞော်တဴဇကု သၟူဒမြဴ၊ ခါဲဒုတ်အာတ်ကောန် ဒယှ်လောန်တဴ၊ ပရိုၚ်သာ်ဂှ် မြဟ်ကမြဴ၊ ဂွံလောန်သဘဴ လှေံဖျဴပြဲလောန်၊ ဂးဗြဴသေဋ္ဌဳ ဂွဳစိုက်ကေတ်သန်၊ ဗၞတ်ကၠံပသာ ဂွဳဏာလှေံလှန်၊ သေဋ္ဌဳဗြဴကၠာ ကွာ်အာပြာပ်ညန်၊ တုဲဟီုတိုန်ရ ယွံကောန်ယွံကောန်၊ မိနၚ်ကဵုသန် ကောန်ကေတ်ညိရ၊ သန်ကၠံပသာ အာပဇွောံမ၊ ကြဴဟွံဒးအာတ် ဟွံဝါတ်စၞ၊ တိုၚ်ပၟိက်ကၠာ ကဵုမြာသုခ၊ အာတ်ကောန်ကွေံ ဟွံဒးပွ၊ ညးမိၚ်ဒးဂွ စဴကၠာရကောန်၊ မိၚ်သေဋ္ဌဳဗြဴ ဟီုတဴသောန်သောန်၊ မာတၚ်ဂကီု ဟီုခၠေဝ်ပလန်၊ ပိုဲခါဲဒုတ်ကီု မူနွံပၟိက်သန်၊ ခါဲဒုတ်သိုက်ကွေံ ညးထိုၚ်သးအောန်၊

မုက်လိက်−၂၁[ပလေဝ်ဒါန် | ပလေဝ်ဒါန် တမ်ကၞက်] ဟိုတ်ဂှ်အဲပၠန် ဂၠာဲကောန်သမ္ဘာ၊ အဲဒးအာတ်စိ မၚ်္ဂလိကာ၊ ဗတ်ရဂစိုတ် ကဵုအိုတ်ဇိဝါ၊ အဲအါတ်ညံၚ်ဂွံ ဒိုအ်ပၠန်ဂွံဟာ၊ချိုန်လၟုံပြဲ ကဵုအဲစဴအာ၊ ဗတ်ဟီုလာံသာ အဲဟွံအာရ၊ ပါၚ်တရၚ်ဝၚ် ဂးမာတၚ်ဂ၊ တိက်လၞၚ်ကၠာ ဗဒေါံဖျေံကာယျ၊ ပိတ္ၚဲလ္အိတ် ဟွံကေတ်ပုၚ်သွ၊ ပ္တပ်ဇိုၚ်တဲ တုပ်နဲဇွ၊ ပညံၚ်ချိုတ်ရ ကာလဂှ်ပၠန်၊ ပရိုၚ်သာ်ဂှ် ဒယှ်တန်တန်၊ မၞစိုတ်ယုတ် ခါဲဒုတ်အာန်ကောန်၊ ကောန်ဗၠာဲသေဋ္ဌဳ ဟီုကြေဝ်ဂၠာဲလန်၊ အလုံဍုၚ်မွဲ ညးအဲလီၜန်၊ အိုတ်အလုံဍုၚ် ကောန်ကၠုၚ်ပြာပ်ညန်၊ ဟီုရေၚ်သ္ကံပၠန် ဒးဂွန်ရယ၊ ပိုဲကၠုၚ်ဒုၚ်ဂုန် ညးပ္တိုန်မာန၊ လၟုံဒးအဵု ကဵုမာတၚ်ဂ၊ ခါဲဒုတ်အာတ်ဏာ ဂွမာဂွ၊ ကံဍေံစိုပ်ဍေံ ပေၚ်စိုတ်ဍေံရ၊ ဟိုတ်နူဓဝ်မၞ ဂွံရဟွံလံ၊ ဍေံဟီုတိုန်ပလေ ဟိုယဲလေယတံ၊ ပိုဲလၟုဟ်ရ ပိုဲပသောၚ်ဏံ၊ ကဵုမာတၚ်ဂ ပိုဲပသ္ကံ၊ ပကဵုညးပျဲ ဘဲပကဵုဒွံ၊ ဍေံဂွံဗြဴဏံ ယတံထေဲဟာ၊ လ္ၚဵုဂှ်အီဂြိုၚ် တက်ဇိုၚ်တဲၜါ၊ ဗြဴသၠုၚ်မာန မူပရောဇွာ၊ စိုတ်ညံၚ်အိက်အာ် ရုပ်သာ်ဍေံကျေဝ်၊ ဗြဴသာ်ဂှ်ကွေံ စရုပ်ဍေံဟာ၊ ဍုဟ်ကွေံရဇွာ ကဵုဏာခါဲဒုတ်၊ ညးလ္ၚဵုကီု ဍေံဟီုဂၠာဲပျုတ်၊ ယွံလေဝ်ယတံ ဗြဴဏံဗြဴယုတ်၊ ပိုဲတီလံကွေံ နူဍေံဍောတ်တ်၊ သၠုၚ်မၞအဵု ဒဵုဍေံဒှ်ဝုတ်၊ ဟိုတ်နူဍေံယုတ် ခါဲဒုတ်အာတ်ဍေံ၊ လ္ၚဵုဟီုတိုန်ပြဟ် ဒှ်ကွေံဒှ်ကွေံ၊ မိၚ်ညးဟီုဂှ် ချဟ်ခါ်လဝ်ဍေံ၊ ဍိက်သ္ကံစိုတ်သၠုၚ် တက်ၜုၚ်ဂဗး၊ ဟိုတ်ပွလုတ် ယုတ်မာပဒး၊ မာတၚ်ဂကွေံ ဍေံအာတ်ရောၚ်ယ၊ သေဋ္ဌဳဗၠာဲရောၚ် ဟီုကၠံၚ်ခယျ၊ အိုဿီုညးအဲ တက်တဲဂြိုၚ်ခ၊ မိပ်စိုတ်ယူယာ် ဒံၚ်သၠာ်ရ၊ ကောံတုဲရံၚ်ပၠန် ယတံပကသဳ၊ ဟေံမာတၚ်ဂ ကၠေံစိုတ်ပလွဳ၊ ဂွံလၟုဟ်ရ မၞးလ္ပချဳ၊ ယဝ်ညးတက်ကီု ပိုဲရီုညဳညဳ၊

မုက်လိက်−၂၂[ပလေဝ်ဒါန် | ပလေဝ်ဒါန် တမ်ကၞက်] မၞးလ္ပချဳ လွဳကျာ်ထိုၚ်သး၊ ဗၠာဲလ္ၚဵုကီု ဍေံကော်ဟီုဂး၊ ဟေံမာတၚ်ဂ လွဳရဂွံဇၞး၊ လွဳဂှ်ကၠေံစိုတ် ဗတ်ချိုတ်လ္ပဗလး၊ လွဳမာန်ရောၚ်ပြဲ ကျာ်တြဲထိုၚ်သး၊ တိက်ဟွံချဳကွေံ ဗၠးမာန်ကီုဟာ၊ ဗၠာဲဂမၠိုၚ်ရောၚ် ကောံမံၚ်ဟောဂြာ၊ ဍေံဗိုၚ်ဟီုရ ဂၠိုၚ်ကဵုပြကာ၊ ကောံတုဲတက်တဲ ဂၠောဲကၠုၚ်ဂၠောဲအာ၊ ဍေံဍုဟ်ညာတ်ဟေၚ် မၚ်္ဂလိကာ၊ ကဵုဇြဟတ်ကၠာ ကဵုမှာတၚ်ဂ၊ ဍိုက်သေဋ္ဌဳကီု ဍေံဟီုစမြ၊ ဗၞတ်မဟီုဂှ် ဟွံသၟဟ်ရထ၊ ဟွံဂံၚ်ပျဲပျာံ ဍေံရောံဒည၊ ဗၠာဲသ္ကံရဲ ဟိုတ်မၚ်မွဲရ၊ ဂးမာတၚ်ဂ တိက်ရဟွံချဳ၊ အိုတ်ပန်ဒိုဟ်စိ ဇရေၚ်သ္ၚိသေဋ္ဌဳ၊ မၞးသ္ကံရဲ ဂၠောဲကၠုၚ်ရံၚ်သ္ၚေဝ်၊ ဂးမာတၚ်ဂ တိက်ရလွဳ၊ ယဝ်ဍေံချိုတ်အာ ဘာသာလီုဇဳ၊ ဂွိၚ်တိုန်ဂြိုဟ်ချဳ ဒးကၠုၚ်သ္ၚေဝ်ရံၚ်၊ ဗၞးရေၚ်သ္ကံ ကောံဂဇံမံၚ်၊ ညးညးအဲအဲ ဂၠိုၚ်နဲဟီုကၠံၚ်၊ မာတၚ်္ဂချိုတ် ဝုတ်ဒိုဟ်ပန်ဂၠံၚ်၊ ထပ်ှထပှ်စိ ဇၟာပ်သ္ၚိဒးပြံၚ်၊ ဒှ်ခါဲဒုတ်ရောၚ် တုဲဒးပြံၚ်အာ၊ ဇာတ်ဗၞးရ ညးပပြာထာ၊ လၟုဟ်ခါဲဒုတ် ဍေံမၞိဟ်ယုတ်မာ၊ ပ္ဍဲပါၚ်တြၚ် တိက်တၚ်လ္ၚာ၊ ယဝ်ဍေံချိုတ်ဟေၚ် လေၚ်ရသေၚ်ဟာ၊ အိုတ်မွဲဘာသာ ဒှ်လေၚ်အာရ၊ ဟိုတ်နူညးကီု လေၚ်သီုမသ၊ ကဵုပိုဲလေၚ်ကွေံ ဟွံဒးပွ၊ အိုတ်ပိုဲညးကီု ဗိုၚ်ဟီုဆောံမ၊ ညံၚ်အာကီုရ ကာလဂှ်ဒး၊ လ္ၚဵုဟီုပြဟ် ဒှ်ကွေံဒှ်ကွေံ၊ ဂကောံဝေါဟာ ဘာသာဗၞး၊ ဂုန်ကောန်ညးမွဲ ညးအဲလေၚ်ပြး၊ ယဝ်ဟွံကဵုကီု ပိုဲဟီုညံၚ်ဇၞး၊ ကသပ်ဝွံကွေံ ဒးရမၞးတံ၊ တိုၚ်ကသပ်အဵု ပိုဲပကဵုလံ၊ အိုတ်မၞးတံဟေၚ် ကောံရေၚ်သ္ကံ၊ ဂၠာဲကၠုၚ်ထိမြိ ပ္ဍဲသ္ၚိပေၚ်ချံ၊ ဆမွဲကရောံ ကောံတုဲဂဇံ၊ အိုတ်မၞးတံ ခံမံဟီုပၠန်၊ ယွံသေဋ္ဌဳဇၞော် ဗော်ညးတၠသန်၊ ဂကူပိုဲဗၞး ဒးရးပြဲလောန်၊ ဘာသာဗၞးစိ ဟွံဂွံကၠိစောန်၊ အိုဿီုညးအဲ မၚ်မွဲတန်န်၊

မုက်လိက်−၂၃[ပလေဝ်ဒါန် | ပလေဝ်ဒါန် တမ်ကၞက်] ချိုတ်လၟုဟ်ပၠန် ကောန်ဝုတ်သေဋ္ဌဳ၊ ခါဲဒုတ်အာတ်ရောၚ် တိက်မံၚ်ဟွံချဳ၊ ထပှ်တ္ၚဲရ လံခန္ဓဏှဳ၊ ယဝ်ဍေံချိုတ်အာ ဘာသာလီုဇဳ၊ ဒးဒှ်ခါဲဒုတ် ယုတ်မာကၠၚ်ဟဳ၊ ဟိုတ်ဂှ်သေဋ္ဌဳ သ္ၚေဝ်တုဲတော်ဆ၊ ဂုန်ကောန်ဝုတ်မွဲ သီုရဲမသ၊ ဒးလေၚ်တဴအဆက် အနာဂတ်ဂတ၊ လေၚ်ညးမွဲဂှ် ဟွံသၟဟ်ရထ၊ လေၚ်သီုမသ ဝါတ်ရသေဋ္ဌဳ၊ မဟာသာလ တော်ဆဂၠာဲသ္ၚဳ၊ လၟုဟ်ဝါတ်လောန် ဂုန်ကောန်ကျာ်သြဳ၊ ဍေံကၠုၚ်အာတ်စုတ် ခါဲဒုတ်ခါခၞဳ၊ ဟွံဂွံဟွံအာ ဗက်ဏာဟွံချဳ၊ လံဖေက်ချိုတ်ပၠန် ခန္ဓဍေံဏှဳ၊ ဍေံချိုတ်လီုဇဳ ပြဝေဏဳဗၞး၊ ဒးကဵုဏာကောန် သၞောဝ်ပၠန်ဂတး၊ ဟွံကဵုဒှ်ဝါတ် ဝါတ်သီုညးအဲ၊ ချိုန်လၟုဟ်ရ သိက်ဂွံပဒး၊ အိုတ်ကသပ်ရောၚ် ညံၚ်ဂွံတိတ်ဗၠး၊ သေဋ္ဌဳဇၞော်ကွေံ ဟွံဟီုဂးပၠန်၊ ဗၞးဂမၠိုၚ် ဗိုၚ်ဟီုတန်တန်၊ ယွံသေဋ္ဌဳဇၞော် ဗော်တၠသန်၊ ဟွံဟီုသၚ်ရိုဟ် လၟုဟ်ဂိုဟ်ကောန်၊ ညးဂမၠိုၚ်ဂှ် ဟွံဂၠာဲဗှ်ရန်၊ သီုသေဋ္ဌဳပၠန် သီုကောန်သီုဗြဴ၊ သဳမူနော်တြ မသကောန်စဴ၊ အဆက်ဆက် ဂၠိုၚ်လောန်ဖက်နှဴ၊ ဒးဒှ်ခါဲဒုတ် ယုတ်မာဗွဲကြဴ၊ ဗတ်ဒြပ်နွံကွေံ ညးဟွံရဴဂဴ၊ ယဝ်ဂိုဟ်ကောန်ဗြဴ ကြဴတဲဒးဟောံ၊ သေဋ္ဌဳၜိုန်ကြံ ဂဇံဒေန်ဗျောံ၊ ဖျုန်ဂြိုဟ်ဂတဝ် ဒှ်ဓဝ်ဇြဟောံ၊ ညံၚ်ဆုဇိုၚ်ဍာ် သၚ်လာ်ဆုဒေါံ၊ ဟွံသေၚ်မွဲသာ် ညံၚ်ညးဗာ်ပြောံ၊ ဒှ်ဓဝ်ဇြဟောံ ဒေါံစှ်ေအာရ၊ ဗၞးဂမၠိုၚ်ရော ကောလာဟာလ၊ ၜိုန်ဟီုတိုန်ဇဳ သေဋ္ဌဳဟိတ်ဇြ၊ ဟွံကလေၚ်ပါၚ် ရမျာၚ်ညိည၊ ဒှ်မံၚ်ကၠိုက်ကၠဟ် ဟွံသၟဟ်ရထ၊ ဟီုတိုန်ပၠန်ရ ကာလဂှ်ပၠန်၊ ယွံသေဋ္ဌဳဇၞော် ဗော်တၠသန်၊ ဟွံဂိုဟ်ဘာသာ လၟုဟ်ဂိုဟ်ဟာကောန်၊ ကဵုဟွံကဵုကီု ဟီုရခိုဟ်သန်၊ ယဝ်သ္ၚိတ်မံၚ်ကီု ပဟီုပိုဲဓဇန်၊ ပိုဲဟီုဒုၚ်ဂုန် တုန်စှ်ေစိုတ်ရ၊ သေဋ္ဌဳဇၞော်ကီု ဟွံဟီုပါတ်သဗ၊

မုက်လိက်−၂၄[ပလေဝ်ဒါန် | ပလေဝ်ဒါန် တမ်ကၞက်] ဇြဟာတ်ပ္ဍဲကောန် ဍိုန်တိုန်စိတ္တ၊ မွဲသာ်ဂှ်ပၠန် ရံၚ်ကဵုဝံသ၊ ဂၠိုၚ်ကဵုအောန်ဂှ် ဟွံသၟဟ်ရထ၊ ကောန်သၠးကဵုရ ကာလဂှ်ဒး၊ မူဟိုတ်တုန်ရော ပိုဲဂကူမၞး၊ လၟေၚ်ဝေါဟာ ဘာသာဇၞော်ကၠး၊ ဇာတ်လီုညးပါဲ ဂၠိုၚ်နဲပြးဇး၊ ဟွံဂွံအာကောံ ကရောံအဲညး၊ ကောန်ကဵုဏာကွေံ ဒှ်ဒးရးသန်၊ ချပ်တုဲသေဋ္ဌဳ ဒ္ၚဳကဵုကဵုကောန်၊ ယွံကောန်သ္ဍိုက်မ ရုပ္ပလက်သန်၊ လၟုံခါဲဒုတ် ဍေံယုတ်မာလောန်၊ ဍေံကၠုၚ်တိက်တၚ် ပါၚ်တြၚ်ပၠန်၊ ဍေံကၠုၚ်အာတ်ကောန် အံက်ဝါတ်လောန်ရ၊ ယဝ်ဍေံချိုတ်ကီု လေၚ်သီုမသ၊ ညးဂမၠိုၚ်ကီု ကၠုၚ်ဟီုကြံကြ၊ ဟိုတ်ဘာသာမၞး အံက်မ္ဒးကျ၊ ချိုန်လၟုံကောန် ပ္တိုန်လဝ်စိတ္တ၊ မူဟိုတ်မွဲရ ဒါနဒှ်တံ၊ ပ္ဍဲကုသဵုရ အကုသဵုကံ၊ ချိုန်လၟုဟ်ပ္ညုၚ် ဍေံကၠုၚ်ခၞံ၊ ပ္ဍဲဂၞဴအဆၚ် က္ၜၚ်လေဝ်ဒးဗြံ၊ လီုတုဲသဘဴ ကြဴခိုဟ်လေဝ်နွံ၊ ဟိုတ်ရောၚ်ဒှ်တံ ခၞံနၚ်ဏာ၊ ဟိုတ်ကဵုဖဵုရ သီုၜါပြကာ၊ ဍေံဇိုန်ကဵုသၟတ် သတ်ပ္ဍဲလိုက်ဗာ၊ လဆောဝ်သၠုၚ်သဝ် ရေတ်ဂပဝ်အာ၊ လဆောဝ်ဒှ်ရ သုခဒုက္ခာ၊ သ္ဘဴဓဝ်ရ ဗ္စာညိရကောန်၊ လၟုံအံက်မ ဒှ်ပွဓဇန်၊ စုတ်တဲခါဲဒုတ် ပွလုတ်ဂြန်၊ ယဝ်ဟွံကဵုသၟတ် ခါဲဒုတ်အိုတ်သ္ကန်၊ ယဝ်ဍေံချိုဃတ်ကီု လေၚ်သီုဒိုဟ်ပန်၊ ကရောံခါဲဒုတ်ရ ညံၚ်အာညိကောန်၊ မၚ်္ဂလိကာ ကညာရုပ္ပ၊ မိၚ်ဂလာန်ညး ဟွံသၟဟ်ရထ၊ က္တဵုဒှ်စံၚ်တူ ဒွံဓဝ်သောက၊ တိုန်ညံၚ်ဂျိဇြုံ ဗ္ဒောံဖျေံကာယျ၊ ဝိုတ်သတိရ သက်ခၞပၠန်၊ သောကဍဵုဍိုက် စရိုတ်ဗၠိုက်ဗၠန်၊ ဟီုဟွံဒးဟေၚ် ညံၚ်ညးကၠေၚ်စန်၊ သဗသ္ဘာ် တသၚ်တသောန်၊ ဂွံသ္တိကီု ဂၠာဲဟီုယာံဒေါန်၊ တံဇိုၚ်မပၠန် သောန်န်ယာံတဴ၊ အဵုသၟိၚ်အံက်မ တၠနှဘဴ၊ မူရဴနွံဒုဟ် လၟုဟ်က္ဍုဟ်ကောန်ဂၞဴ၊ စုတ်တဲခါဲဒုတ် ယုတ်သန်သွံအဴ၊ အံက်မကျာ်ဂန် ဓဇန်ကဵုကောန်ဂၞဴ၊

မုက်လိက်−၂၅[ပလေဝ်ဒါန် | ပလေဝ်ဒါန် တမ်ကၞက်] အဵုလၟာဂၞဴ ဍုဟ်ကောန်ဗြဴဟာ၊ အဵုသၟိၚ်အံက်မ ဂးဓုပ်ပြကာ၊ ညးသ္အာၚ်ပၠန် ဍုဟ်ကောန်နွံဟာ၊ လၟုဟ်အံက်မ ပွမှာရာ၊ စုတ်တဲခါဲဒုတ် ပွယုတ်မာ၊ အဵုအံက်ရာဇာ မူရာဍုဟ်ကောန်၊ အဵုသၟိၚ်အံက်မ တၠတိုက်သန်၊ ချိုန်လၟုဟ်ကွေံ ကောန်ဒးစောန်လောန်၊ ဗျဂ္ဃစောရ ညးပဓဇန်၊ လၟုဟ်အံက်မ ပွလုလန်၊ အဵုအံက်ကျာ်ဂန် ဓဇန်လောန်ရအဴ၊ အဵုလၟာဂၞဴ မူရဴနၚ်ဒုဟ်၊ စုတ်တဲခါဲဒုတ် မၞိဟ်ယုတ်က္ဍုဟ်၊ ကောန်ဒးလေၚ်ဘဝ ဒိဋ္ဌလၟုဟ်၊ ဂစိုတ်ထောံပြဲ ကဵုဘဲဇြၚ်ဗၞုဟ်၊ ကောန်ဟွံမွဲဒုဟ် မူရာဍုဟ်ရော၊ အဵုသၟိၚ်အံက်မ ညးတၠအယော၊ ညးဂွံဗၠးဒုဟ် က္ဍုဟ်ကောန်ဟီုတဴ၊ ညးမိပ်စိုတ်အဴ ကြဴညးစောစ၊ ဟိုတ်ပတှ်ေညး ကောန်ဒးစံၚ်တဴ၊ အဵုမဂၠိုၚ်အယော ဗဵုညးစောဟာ၊ အဵုမဂၠိုၚ်အဇ အံက်မရာဇာ၊ ကောန်လဝ်ကဵုချိုတ် ကေတ်စိုတ်ဘာသာ၊ အိုတ်ဂကူဗၞး ကောန်ရးခန်လွာ၊ ဟိုတ်နူညးက္ဍုဟ် ဂၠာဲဒုဟ်နာနာ၊ အံက်မရာဇာ အဵုအံက်မရာဇာ ဟုံမှာရအဴ၊ အဵုမဇၞော်ဣဒ္ဓိ မိဒေဝတဴ၊ ကံအတိက်ဟေၚ် ချူပြေၚ်အဲဗြဴ၊ ဟွံသေၚ်ပ္ဍဲလၟုဟ် ဒုဟ်ကၠုၚ်ဖက်နှဴ၊ နတဲခါဲဒုတ် ညးစုတ်လလဴ၊ အဵုဒေဝတဴ ဍုဟ်အဲဗြဴဟာ၊ ဇိုန်ကဵုခါဲဒုတ် အဲဒးယုတ်မာ၊ ညံၚ်ဒဒှ်အဲ ညးဟွံမွဲၜါ၊ လၟုံမွဲဝါ ပြာ်ညိကၠာအဴ၊ မၚ်္ဂလိကာ သိုက္ခာဗြဴ၊ တံဇိုၚ်သၟိၚ်မ ယာံထဂၠက်သ္ဍဴ၊ နရာတ်ဇတဝ် ဖ္အောဝ်စိုတ်ဇဴ၊ ဂၠးကၞေၚ်အဝဲ ယဵုတဲညံၚ်ပ္ကဴ၊ လ္ၚောဝ်သၟိၚ်မအဴ ရဴဝွံသ္ဂးပၠန်၊ ယွံလေအံမ တၠတိုက်သန်၊ ခါဲဒုတ်ဂၠိုၚ်ဒုဟ် အဲဗြဴဍုဟ်လောန်၊ နူဍောတ်တ်ဟေၚ် အဲဗြဴဝေၚ်ခၠန်၊ ဍေံကၠုၚ်အာတ်ကွေံ ဒးကဵုဏာကောန်၊ အံက်မကျာ်ဂန် ဓဇန်လောန်ရအဴ၊ ဗတ်ဍေံအာတ်ပၠန် ကဵုသန်ဗက်ဖျဴ၊

မုက်လိက်−၂၆[ပလေဝ်ဒါန် | ပလေဝ်ဒါန် တမ်ကၞက်] ကဵုဍိက်တံဓဇက် ၜုၚ်တက်ဗက်ဗဒဴ၊ ကဵုဘဲဓိမြိ ဍေံဂိဒးစဴ၊ ဟွံမိက်ဗက်အဵု ဇိုန်ကဵုကောန်ဂၞဴ၊ ကံအဲဍိက်ဗြဴ ခၞံတဴသ္ဂးဟာ၊ မွဲသာ်သၟိၚ်မ ကျရောံပြဝါ၊ ကောန်စၞးထောံရ ဗက်စဘာသာ၊ ရန်ကဵုညးကွေံ ကောန်ဒးကဵုဏာ၊ ဟွံချပ်ဂၠိုၚ်ဂၠေံ ပွမှာရာ၊ သၟိၚ်မရာဇာ အေၚ်ညိကၠာအဴ၊ သေဋ္ဌဳမိၚ်ကီုသၟိက်ဟီုဖ္အောဝ်အဴ၊ ယွံကောန်သ္ဍိုက်မ အဇဍောၚ်ပ္ကဴ၊ လၟေၚ်ဓဝ်စိ သတိသှ်ပတဴ၊ ကံပြုပြေၚ်ရ ကံပၠတြဴ၊ အိုတ်သတ္တံအဴ ဂေတ်တဴသံသာ၊ ကံဇိုန်ကဵုဟေၚ် ကံနၚ်ကံဏာ၊ ကံရောၚ်ဒှ်သၠဲ သတ်ပ္ဍဲလိုက်ဗာ၊ လဆောဝ်သၠုၚ်သဝ် ဂွံသွဝ်အာ၊ အိုတ်သီုညးအဲ ဗွဲဓမ္မတာ၊ ပဒှ်သၚ်ကာ ညံၚ်အာရကောန်၊ မၚ်္ဂလိကာ ကညာရုပ်သောန်၊ ဂၠုသူစရိုတ် အိုဿီုဒိုဟ်ပန်၊ သီုဓဝ်ဟိရိ သတိစွံပ္တိုန်၊ ဟိုတ်အသံရ မိမပြဲလောန်၊ ယဵုဒုၚ်ကေတ်ပၠန် တိုၚ်အမန္တာ၊ ကယိုၚ်မဂ္ညိ အိုဿီုကြိယျာ၊ ဂယိုၚ်ဂှ်သွံ ၜးစွံသာသာ၊ ယာတ်မစောန်ပြံက် ဗစံက်ဂဝါန်၊ ဒးကျိုၚ်သၠောံစုတ် ခါဲဒုတ်ပၟာ၊ ဇရေၚ်မိမာ တာကွာ်ရဴဂဴ၊ သၟိက်ခၠေဝ်ရော်ပၠန် ဂုန်လၟာဂၞဴ၊ စိုပ်တုဲဂဇံ တဲခၠာံပ္ကဴ၊ ချိုန်ဂွံညာတ်ဒး မိဗၞးဗြဴ၊ ကၠိၚ်ရုပ်ကောန် သိုဟ်စန်လိုက်လဴ၊ သဗသ္အဝ်တဴ ညံၚ်ရဴကၠေၚ်စန်၊ နရာတ်သ္အဝ် တသဝ်တသောန်၊ ဒတဝ်ဖျုန်ဂြိုဟ် ဟီုရိုဟ်ရေၚ်ဒေါန်၊ ဟီုအာယာံအာ စံၚ်ဏှာပူဗန်၊ မိဒးကြံအု ဟိုတ်ဆာန်ဍူကောန်၊ ဗၞးဗြဴပၠန် ယာံဒက်ဒေါန်တဴ၊ မၚ်္ဂလိကာ ကညာရုပ်ဗြဴ ၊ ယဵုတဲဂဇံ ကၠံမိဂၞဴ၊ ဝါစဳကာယ စိတ္တဖက်နှဴ၊ လ္ပုဟ်တဲစှ် သၟဟ်ဍောၚ်ပ်ကဴ၊ ဒုဟ်ပ္ဍဲကောန်ဗြဴ ကဵုစ္ဍးဒဴညိ၊ ဗၞးဗြဴကီု ဟီုတိုန်တသိ၊ သာဓုသာဓု အယုဝုဒ္ဓိ၊ သဗ္ဗဒုဟ်ပၠန် ပကဵုစောန်ကၠိ၊ အိုတ်သဗ္ဗယဲ ဘဲပကဵုမြိ၊ ကဵုဒှ်သုခိ ညံၚ်အာညိကောန်၊ မၚ်္ဂလိကာ ကညာရုပ်သောန်၊

မုက်လိက်−၂၇[ပလေဝ်ဒါန် | ပလေဝ်ဒါန် တမ်ကၞက်] ကလံမိတုဲ သုဲဂါဲအာပၠန်၊ သၟိက်ကလံရ သၟိၚ်မကျာ်ဂန်၊ ယောန်လုပ်သာသာ ခါမပြာပ်ညောန်၊ သေဋ္ဌဳဇၞော်ပၠန် ညာတ်ဒးကောန်ဗြဴ၊ ဒှ်တိုန်ဝိဝိၚ် ကၠိၚ်ကောန်ဂၞဴ၊ ညံၚ်ရဴဒးဂျိ သတိဖက်နှဴ၊ ဟီုဇီုဟွံဒး ညံၚ်ညးက္ဍိုၚ်ကၠဴ၊ သေဋ္ဌဳဇၞော်အဴ ရမတ်ရဴဗြဲ၊ မၚ်္ဂလိကာ ယဵုသ္ပာတဲ၊ သီုမဇံသဝ် လ္ၚောဝ်အဲပရဲ၊ ဝါစဳကာယျ သီုစိတ္တပ္ဍဲ၊ သီုမသိပ်ဂၠိပ် ကၞိပ်အဝဲ၊ ဒုဟ်ပ္ဍဲကောန်မွဲ ကဵုစ္ဍးသ္ၚောဲညိ၊ သီုမကၠၚ်ဟဳ သေဋ္ဌဳဇၞော်စိ၊ ဒုၚ်သာဓုပၠန် ပ္ဍဲစိုတ်စောန်ကၠိ၊ ကောန်ဒးစ္ဍးအာ ပၟာသုၚ်ဂျိ၊ အိုတ်ဝေဒနာ ပကဵုပါမြိ၊ ပ္ဍဲပစ္စက္ခ ဒိဋ္ဌဝုတ္တိ၊ ကဵုဍိုက်ပေၚ်ညိ သုခကဵုတန်၊ ညံၚ်အာညံၚ်အာ ညံၚ်အာရကောန်၊ ကံဝဳပက်ရ အံက်မဟွံဓဇန်၊ ယဝ်ကောန်စှ်ေစး အံက်ဒးဘဲဒန်၊ အိုဿီုဝေါၚ်သ ဋ္ဌာနဒိုဟ်ပန်၊ ကောန်ဂွံဍံၚ်သွာ စေတနာပ္တိုန်၊ ညံၚ်အာရကောန် ပစောန်စိုတ်ရ၊ မၚ်္ဂလိကာ ကညာရုပ္ပ၊ တုဲစ္ဍးတိတ်အာ ဗ္စာတော်ဆ၊ အိုတ်သတ္တံရော အလုံလောက၊ ဒါန်ရောၚ်ဒှ်ကံ တံပထမ၊ ကာမာဝစရ နမကုသဵု၊ ဟိန်ဏာဒါန်ပ္ညုၚ် ဍေံကၠုၚ်ဇိုန်ကဵု၊ လဆောဝ်ဂှ်ခိုဟ် လဆောဝ်ဂှ်ရုန်မဵု၊ ဆာန်ဒးသာဲရောၚ် ဍုဟ်မဗံၚ်ဒးဆဵု၊ ပၟိက်သၟိက်ဂွံ ဟွံဂွံလၚ်ပြဵု၊ ဟွံမွဲပၟိက်အဵု ဒးဆဵုဂၠိုၚ်တုန်၊ ကာမာဝစရ ဒါနဒးကၠောန်၊ ကၠုၚ်ဒှ်မၞိဟ်စိ ကၠိဂွံထဝ်သန်၊ ဇပန်ဂွံညိ တိညံၚ်ဍန်၊ သၠေဟ်သုခ ဒေပ်ရဗိုန်တ္ညန်၊ ဗတ်ဂၠိုၚ်ထဝ်သန် လေၚ်ပၠန်မွဲဝါ၊ ကုဇကုဟေၚ် ချိုတ်ပၠန်သေၚ်ဟာ၊ ဂြပ်ဒေပ်လဝ်ရောၚ် ဇမၠိၚ်သံသာ၊ ဂျိုၚ်မံၚ်ဟွံအိုတ် ချိုတ်ညးဂွံဏာ၊ ဂုပ်ရတ်သန်ထဝ် ဒေပ်လဝ်ဒှ်မှာ၊ မၚ်္ဂလိကာ ချပ်ဗ္စာရ၊ မွဲနဲသေၚ်ဟာ ချပ်အာဂတ၊ အဲဟိုတ်ဒါန်ကၠာ ကာမာဝစရ၊ ဒှ်ကောန်သေဋ္ဌဳ ရုပ်ပစဳခၞ၊ ဟိုတ်ဂၠိုၚ်သန်ထဝ် စွံဓဝ်မၞ၊

မုက်လိက်−၂၈[ပလေဝ်ဒါန် | ပလေဝ်ဒါန် တမ်ကၞက်] ချိုန်လၟုံရ ဒုက္ခကၠုၚ်ပျဲ၊ ဒှ်ဂၠုဲခါဲဒုတ် ယုတ်မာလောန်တဲ၊ အိုဿီုညးတၞဟ် လေပ်ဒှ်ညံၚ်အဲ၊ ဂြပ်ကောန်သမ္ဘာ လေၚ်အာလောဲလောဲ၊ ၜိုန်ဇကုရ မာရဏပျဲ၊ ဗၠးပၠန်ဟၟဲ အိုတ်အဲညးကၠာ၊ ဒိဋ္ဌဟိရိ ဂးမၚ်္ဂလိကာ၊ မဂၠိုၚ်ကဵုကသပ် ချပ်နပညာ၊ အိုဿီုညးအဲ လန်ထဲသံၚ်သာ၊ ဇပန်ဒှ်စိ သ္တိဝိုတ်အာ၊ ညံၚ်ဟွံဒးချိုတ် ဒက်ဂတ်စိတ္တာ၊ ဟိုတ်ဓဝ်သၚ်ကာ ဟွံမှာဘဝ၊ မွဲသာ်ဒေပ်လဝ် ဟိုတ်ဓဝ်လောဘ၊ မွဲသာ်ဒေါသ မောဟမန၊ သီုကဵုဓဝ်ပန် ဗ္ဒန်ညာဏ၊ ဂၠုညံၚ်ညးမာတ် ဟွံဂွံညာတ်ရ၊ ဟွံစ္ဍးလောဘ ညာတ်ရသ္ဂးဟာ၊ ဂွံကသပ်စိ မၚ်္ဂလိကာ၊ ဝးဓဝ်မၞ လောဘဒေါသ၊ ဝေၚ်ဓဝ်မောဟ ဖေက်ဂွံရောံညှာ၊ တိုၚ်အသံရ အံက်မိပိတာ၊ ဂွဳပုၚ်သွကၠာ တုဲစှ်ေအာရ၊ ပ္ဍဲတြုၚ်ဝၚ် ဂးမာတၚ်ဂ ၊ တိက်သဝပ်လဝ် တုပ်အၚောပ်ဇွ၊ ထပှ်တ္ၚဲသွံ ဟွံဂွံပုၚ်သွ၊ ဟၟဲဇြဟတ် ဆဗၞတ်ညိည၊ မၚ်္ဂလိကာရ ခၞပြာပ်ညောန်၊ ဂဇံတုဲဗိုန် ဟီုတိုန်သောန်န်၊ ယွံနာဲပိုဲရောၚ် ညံၚ်ကတဵုညိပၠန်၊ ညံၚ်လာၚ်မုက်မတ် ပ္တိုန်ဓဝ်ခိုဟ်သန်၊ ပုၚ်သွနွံရှ် ဍာ်တှ်ခန်ခန်၊ အဲပရာပ်နၚ်ပၠန် သွက်ကောန်တၠ ၊ ညံၚ်က္တဵုညံၚ်က္တဵု ညံၚ်က္တဵုရ၊ က္တဵုဍာ်ဂွံသုၚ် ဂွံစပုၚ်သွ၊ တိုၚ်ပၟိက်စိ ကၠိဂွံဒိဋ္ဌာ၊ ပဒှ်စံၚ်တူ ပဒှ်သောက၊ ယွံမာတၚ်ဂ ညက္တဵုညိအဴ၊ မာတၚ်ဂကၠာ ချပ်ဗ္စာတဴ၊ တိုၚ်လွဳကွေံ အဲဂွံဇၞးစဴ၊ လၟုဟ်အဲဂွံမြာ သိုက္ခမာဗြဴ၊ ကဵုမၚ်တာဲကွေံ အဲဒးကော်ဖျဴ၊ ချပ်တုဲသဘဴ ညံၚ်ရဴမက္တဵု၊ ဗၠာဲအလုံဍုၚ် ဍေံတံကၠုၚ်ဗဵု၊ ဍေံကော်ဟီုရ ဍေံပဝေၚ်စရဵု၊ ဟိုဲမာတၚ်ဂ မူပဟွံက္တဵု၊ မွဲအယုက်ဗှ်ေ မွဲလှ်ေဟွံဆဵု၊ ချုန်လၟုဟ်အဵု ဂွံဆဵုရယ၊ ညက္တဵုကီု ဍေံဟီုဂြိုၚ်ခ၊ ဟိုဲမတၚ်ဂ သာ်လဵုယပ၊ ပိုဲမၚ်မွဲကွေံ ယဗၠးဘဲလ္ၚ၊ ၚုဟ်တၟံယဒုၚ် ပိုဲဂွံသုၚ်စ၊ ဟွံကဵုပိုဲကၠဟ် ယဒှ်ဒုက္ခ၊ ဟီုတုဲဂြိုၚ်ရ ခယျတက်တဲ၊

မုက်လိက်−၂၉[ပလေဝ်ဒါန် | ပလေဝ်ဒါန် တမ်ကၞက်] ညးလ္ၚဵုကီု ဟီုတိုန်သဲသဲ၊ ဟိုဲမာတၚ်ဂ လွဳရယပြဲ၊ ဟိုတ်လွဳယ ဂွံရလောဲလောဲ၊ ဂွံညံၚ်ကဵုစိုတ် ပဝိုတ်သ္ကံရဲ၊ ဟီုဂြိုၚ်ဝေၚ်ဖဲ တက်တဲစဴအာ၊ မာတၚ်ဂပၠန် ယောၚ်ကတဵုသာသာ၊ က္တဵုဟွံမာန် ဟွံစအာဟာ၊ ဟွံမွဲဇြဟတ် ဂၠုသီုမတ်ၜါ၊ မၚ်္ဂလိကာညာတ် သမ္ၚာတ်ပူဆာ၊ သီုကဵုမေတ္တာ သာသာထ္ၜ၊ ဝတ်တြုံကဵုဗြဴ ရဴဗၟာဏ၊ ၜိုန်ဗၠာဲဗဵုကၠံၚ် အမာဲပုၚ်သွ၊ ဟွံရောံဒည ပြုပြေၚ်နတဲ၊ မာတၚ်ဂအဵု က္တဵုဇာဲဇောဲ၊ မၠာဲရံၚ်ကၞာတ် ညာတ်ကေတ်လောဲလောဲ၊ ညာတ်မၚ်္ဂလိကာ ချပ်ဗ္စာမွဲ၊ ပထမစိ ကိုပ်အဒိတဲ၊ ဖျဝ်မၞဍေံ ဂးဇကုအဲ၊ ချိုန်လၟုဟ်ပြဲ အဲဗၠးဒုဟ်ဟာ၊ ကာမေသုကီု ပလီုကောန်သမ္ဘာ၊ အဲဟွံဂွံပလီု ဟီုပါန်သာသာ၊ အာတ်ပါန်ဂၠိုၚ်ကီု သီုကဵုမေတ္တာ၊ ၜိုန်ညးကဵုရောၚ် သ္ၚေဝ်ရံၚ်ညိကၠာ၊ ကြိုက်ဟွံကြိုက်ဟာ ဗ္စာရံၚ်မွဲ၊ လောကထ္ၜုတ် ဂကူယုတ်ပြဲ၊ ဂကူခါဲဒုတ် မၞိဟ်ယုတ်ရအ်၊ ဍေံကောန်သေဋ္ဌဳ ညံၚ်ဗနဳတ္ၚဲ၊ ဟွံကြိုက်ကဵုဗှ်ေ ဗှ်ေပတံၚ်တဲ၊ ဗှ်ေဝေၚ်ကဵုသ္ၚောဲ ဗွဲဝိရတိ၊ မာတၚ်ဂရ ချပ်တုဲပလွဳ၊ တိုၚ်ကသပ်ပၠန် ဟွံကဵုဗၠန်ချဳ၊ ဒက်ဂန်ဗိုန်တၟံ လံခန္ဓဏှဳ၊ ချပ်ပ္ဍဲစိုတ်ရ ပညံၚ်ပိုၚ်ပြ၊ ၜးဂဇံသ္ၚေဝ် ဟွံချဳကာယျ၊ မၚ်္ဂလိကာ လာံသာခယျ၊ ယွံနာဲပိုဲရောၚ် ညံၚ်ဟာပ်ပုၚ်သွ၊ ဂွံဒှ်ဇြဟတ် ဗၞတ်ဆညိည၊ မူဒၞာဲအာဂှ် ဂွံသၟဟ်ရထ၊ ပဒှ်ၚုၚ်ၚ ဟာပ်ပုၚ်ရကော၊ ဂးမာတၚ်ဂ ညးတၠအယော၊ ဟာပ်ဖျေံပုၚ်ညိ မြိဒးဝါယျော၊ ကျာဒွံမုဟ်ဂြိုဟ် လှိုဟ်တိုန်သောသော၊ မၚ်္ဂလိကာ မေတ္တာဂၠိုၚ်အဴ၊ ဟွံဖေက်ညးစော အဵုကောသိက်ပ၊ ဂးဣၚုဟ်ပၠန် ဟွံရန်ဟွံဂွံ၊ ထံက်ကလဵုပၠန် ပဝ်ပေါန်ဓယျ၊ ဇွိတ်သြိုဟ်ဇွိတ်စး ရပ်ပၞးတုဲထ္ၜ၊

မုက်လိက်−၃၀[ပလေဝ်ဒါန် | ပလေဝ်ဒါန် တမ်ကၞက်] ကဵုဍာ်ညိညိ ဂိဍိုန်အာရ၊ ဒှ်တဴၚုၚ်ၚ ၚိတ်စၞဝါတ်လောန်၊ မၚ်္ဂလိကာ ခါဂှ်ပတ်ပေါန်၊ ဟာပ်ပုၚ်ညိညိ လံဍေံဂိအောန်၊ ပုၚ်စှ်ေဂၠိုၚ်ဇၞး ကြဴဂွံဗၠးပၠန်၊ ဗၠးတုဲဒှ်ဓဝ် ဇြဟတ်စိစောန်၊ မာတၚ်ဂပၠန် သၟိက်ဟီုဝန်စဝ်၊ ယွံလေဝ်ဒေံဗြဴ မိရဴရုပ်ထဝ်၊ မိကောန်သေဋ္ဌဳ ပိုန်ကျာ်သြဳဗဝ်၊ အဲဒှ်ခါဲဒုတ် ဂကူယုတ်သဝ်၊ ၜိုန်ခါဲဒုတ်ကီု ပဟီုဗ္ဒေက်ဖျဝ်၊ စွံစိုတ်ကဵုသဝ် ဝးဓဝ်မၞ၊ ဂကူပိုဲပြဲ ဟွံမွဲဂုန္န၊ ဂကူယုတ်ဂှ် ဟွံသၟဟ်ရထ၊ စိုတ်ယၚ်ပြဲသ္အး ဂွံဗၠးဒုက္ခ၊ လိုက်ပလိုက်ကၠာ သီုၜါဋ္ဌာဏ၊ ဒှ်ပၠန်ဒုက္ခ ပသၠေဟ်ရမိ၊ ဂကူခါဲဒုတ် ယုတ်ပဟီုဗျိ၊ ဟိုတ်မဒါန်ရ မူလအဒိ၊ ဒါန်ဂှ်ဟိုတ်အဵု ဖဵုဒှ်ဇာတိ၊ ဟိုတ်ဒါန်ဇၞော်လှဲ ဇိုန်ကဵုပြဲဂၠိ၊ ပသၚ်ကာညိ ယွံမၚ်္ဂလိကာ၊ ဟီုဇီုတုဲဒှ် တၞံနယကြာ၊ မာတၚ်ဂအဵု က္တဵုသာသာ၊ ဂါံကွာ်ဇောဲဇောဲ လုဲလာဲဇိုၚ်ၜါ၊ အိုတ်တဴဇြဟတ် ဒးဖုတ်အဟာ၊ ဂးမၚ်္ဂလိကာ လဘာ်ဏာရ၊ ကၠာလောတ်ဟွံလောတ် ဇြဟတ်ဍိန်လျ၊ လုဲလုဲလာဲလာဲ ဇောဲဇာဲရံက်ရာ်၊ ဇိုၚ်ဒေၚ်ဒိုတ်ဓီု ဓယီုဗၠဗၠ၊ သီုညးၜါလ္အိတ် ပ္တိတ်ဝဳရိယ၊ ဂွံအာစိုပ်ရ ဒေသသုသာန်၊ တိုန်စိုပ်တာဲကၠာဲ ညးၜါမွဲဟာန်၊ ဂးမာတၚ်ဂ ညးတၠညာဏ်၊ တိုၚ်ပၟိက်ပြဲ ဟီုမွဲဂလာန်၊ ယွံလေဝ်ဒေံဗြဴ မူရဴစံၚ်ခလာန်၊ လ္တူအဲကၠာ ပသၚ်ကာကြာန်၊ ဒေံဗြဴဟွံကယျာန် ဂလာန်မိမ၊ ညးဇိုန်ကဵုပြဲ စိုပ်တဲအဲရ၊ ကောကဵုဒေံကၠာ စွံပၟာဏ၊ ညံၚ်ကောန်မွဲမိ သန္ဓိဇလ၊ ပိုဲပ္တန်လဝ်စိုတ် ဒဵုအိုတ်ဇိဝိ၊ စှ်ေစိုတ်ညိရ ယွံလေဝ်ဒေံဗြဴ၊ မၚ်္ဂလိကာ ခါဂှ်ဟီုတဴ၊ ဒးရးအိုဿီု လဟီုကောဂၞဴ၊ ဂွိၚ်စၞပုၚ် စသုၚ်ဗွဲကြဴ၊ ဂွိၚ်ကဵုဗိုက်လ္တက် ဂၞိန်ယာတ်ဖက်နှဴ၊ ပိုဲဒှ်မၞိဟ်ဗြဴ ဒှ်စံၚ်တူလာန်၊ မာတၚ်ဂကီု ဂၠာဲဟီုလှေံလှန်၊ ယွံလေဝ်ဒေံဗြဴ မူရဴစိုတ်ဍန်၊ ပိုဲခါဲဒုတ်ရ မူဒေပ်စွံသန်၊ ဒိုတ်သိုက်ဟွံဝါတ် အာတ်ကေတ်ဂွံပၠန်၊

မုက်လိက်−၃၁[ပလေဝ်ဒါန် | ပလေဝ်ဒါန် တမ်ကၞက်] ဂၠိက်ယာတ်ထဝ်သန် ဂွံပၠန်လောဲလောဲ၊ ဒေံဗြဴမၚ်တာဲ ဂၠာဲအာရိုဟ်တ္ၚဲ၊ သ္ၚိဆက်ရေၚ်ဗဝ် ယဝ်ညာတ်ဒးအဲ၊ ဟွံဟီုမုက်ဂွး လၚ်လးညန်သ္ၚောဲ၊ ပုၚ်သ္ၚုသၠုဲအဵု ဇိုန်ကဵုရိုဟ်တ္ၚဲ၊ ပဂွိၚ်ဒေံအဲ တိုၚ်စဖဲရ၊ မၚ်္ဂလိကာ ကညာရုပ္ပ၊ မိၚ်တုဲမိပ်စိုတ် အဵုဇိုတ်ခယျ၊ ဝတ်ကောဒေံဟေၚ် ပြုပြေၚ်နာထ၊ အှော်ဍာ်သွက်သုၚ် ဗစိန်ပုၚ်သွ၊ ရှ်ေသှ်ေညံၚ်မ အဇကောပၟာ၊ ပ္ဍဲမမံၚ်ကောံ ကရောံညးၜါ၊ ဂးမာတၚ်ဂ ချပ်နပညာ၊ အိုတ်သတ္တံအဴ ဂၚေၚ်ဘဴသံသာ၊ ဘုံပိစှော်မွဲ လန်ထဲကၠုၚ်အာ၊ ချိုတ်ကဵုဒှ်ရ ဘဝနာနာ၊ ယုတ်ပြဲဇၟာပ်ရာ နာနာဘဝ၊ မူဟိုတ်မွဲကၠာ ဗ္စာတော်ဆ၊ ဇၟာပ်ဍုၚ်ဇၟာပ်ကွာန် ဟိုတ်ဒါန်မသ၊ ဇၟာပ်ညးအဲ ဟွံမွဲဂါရဝ၊ အရီုကြာန်ထုဲ ပတုဲဒါန၊ ကေတ်စဇျာန်မက် ဗက်ပကာသန်၊ ဇၞော်ပၟဝ်ရာဂ ပသဘၚ်ပေါဲ၊ ကာလဇိုၚ်ကဵု ကုသဵုဇမ္ၚောဲ၊ ဒးဒုၚ်စကီု သီုယုတ်သီုပြဲ၊ လဆောဝ်ဒှ်တသိုက် လဆောဝ်ဒိုက်ယဲ၊ လဆောဝ်ဂွံဇၞး လဆောဝ်ဒးဘဲ၊ သၠုၚ်သဝ်ဂၠိုၚ်နဲ ယုတ်ပြဲနာနာ၊ လဆောဝ်ဒှ်ရ ဨကရာဇာ၊ လဆောဝ်ပိုန်ဟုတ် ဒှ်မၞိဟ်ယုတ်မာ၊ လဆောဝ်စိန်ဂၠက် နရက်ဒုက္ခာ၊ လဆောဝ်ဍုၚ်သွဝ် ဂေဝ်သွဝ်အာ၊ ဘဝနာနာ စိုပ်လိုက်ဗာပၠန်၊ ဗတ်စိုပ်လိုက်ဂှ် ဒှ်မၞိဟ်ဝါတ်လောန်၊ ယဝ်ဒှ်မၞိဟ်စိ တိညံၚ်ကဵုဍန်၊ လောဘဒေါသ မောဟတန်တန်၊ ဟိုတ်နူဗိဇ္ဇ မဂှ်ပြာပ်ညောန်၊ ဇၞော်ပၟဝ်ပၠန် ကၠောန်ဒါန်မိဿ၊ ဆက်မံၚ်ဟွံသ္ဂုတ် သမုဒ္ဒယ၊ သမုဒ္ဒယော ဒုက္ခောဝန္ဓ ဗတ်ဆဵုဒးစိ၊ တိသရဏ ဟွံထောံဒဂေတ်၊ ဇြိုၚ်ရောၚ်ကေတ်စ ဘဝအနန္တဂၠိုၚ်ကဝ်ရအဴ၊ ဟွံကဵုဒှ်ရ ဘဝဂၠိၚ်သ္ၚောဲ၊ ဘဝဂွံအိုတ် ဂွံပၠိုတ်ဟုံဟဲ၊ မူမၚ်မွဲရ ဂွံပနိဿ၊

မုက်လိက်−၃၂[ပလေဝ်ဒါန် | ပလေဝ်ဒါန် တမ်ကၞက်] ဒဴဝတ်ပိရ ကာလဂှ်ပြဲ၊ ရုပ်နာံပၠိုတ်ဟဲ ဗၠးဘဲသံသာ၊ အဲအာပညိ ရသိဟေမာ၊ သ္ဂောံပၟဝ်ရ သမထကၠာ၊ ဗဒှ်အဘိညာဏ် လိုန်သဗာန်ကျာ၊ ကြဴဂွံပ္တန်လဝ် ဓဝ်ဝိပဿနာ၊ ကသပ်ဝွံဒးကၠာ မြာရကုသဵု၊ ချိုန်လၟုဟ်အဴ မၞုံဒေဴဗြဴမွဲ၊ မၚ်္ဂလိကာ ပါသတြုဝဲ၊ အဲထံက်ပၚ်ညိ ကိုပ်အဒိတုဲ၊ ကသပ်ဂှ်ရ မၞုံစိတ္တပ္ဍဲ၊ ကသပ်ဂှ်ပြဲ အဲဒးလွဳကၠာ၊ ဂးမွဲသာ်ပၠန် ချပ်နပညာ၊ လောကုတ္တဵုကီု လောကဳသီုၜါ၊ ကဵုဍိက်ပေၚ်ပြဟ် ဂှ်ရောၚ်ဂွံမြာ၊ အဲဂၠာဲအာတ်ရ ဇွောံမအဟာ၊ ကဵုဍိုက်ပေၚ်ကၠာ ကာလဒှ်ဒး၊ ဗောဓိသတ္တ တြုံတၠလွဳ၊ တိုၚ်ကသပ်ကီု သၟိက်ဂွံဟီုဂး၊ ယွံမၚ်္ဂလိကာ ရုပ္ပါဒးရး၊ ဇွောံမဟွံမွဲ စဟွံလှဲလး၊ ဒေံဗြဴမွဲကွေံ မၚ်တာဲဒးရ၊ အဲဂၠာဲအာတ်ကီု သီုဇွောံစၞ၊ ဒေံပအာသ္ၚောဲ မၚ်မွဲစိတ္တ၊ ယဝ်ရအာသ္ၚောဲ လေပ်ဆဵုဝဲသၞ၊ ရံၚ်မၚ်မွဲညိ သတိဗလ၊ ဟိုတ်ကောဏံရ ဆောံမဗကန်၊ ဗတ်ရကောအာ ဟွံခြာသ္ၚောဲညန်၊ ဟွံကဵုလံဟေၚ် ကလေၚ်ကၠုၚ်ပၠန်၊ ဟီုတုဲစဳရေၚ် ဓလေၚ်ထိုၚ်ယန်၊ ခၞာတ်တဲမွဲ ကွာ်ထဲကြေဝ်လန်၊ ဆဵုသ္ၚိညးပၠန် ဟွံဂွံညောန်သ္ၚောဲ၊ ရပ်ခၞာတ်ပၠန် ဂဇုန်ယဵုတဲ၊ အရာဒါန်သၟတ် ဖ္ဍောတ်သဴသဴ၊ သာဓုသာဓု ဒါန်ဝွံဒှ်ပြဲ၊ ဒါန်ရောၚ်ဒှ်မ ဒါန်ပနိဿဲ၊ ဒါန်ဇိုန်ကဵုပြဲ ကြဴတဲဂွံမြာ၊ ဒါန်ဇိုန်ကဵုလဝ် ရုပ်သာ်ကျေဝ်ဂေါဝ်၊ ဒါန်ဇိုန်ကဵုသၟတ် ထတ်စောံမြက်စာ၊ ဒါန်ကဵုပိုန်ဘိုက် တသိုက်ဘောဂါ၊ ဒါန်ဇိုန်ကဵုအယုက် ဂွံဗၠးဒုက္ခာ၊ ဒါန်ဂွံဍံၚ်သွာ ဂွံမြာသုခ၊ ဒါန်ရောၚ်ဇိုန်ကဵု မဂ်ဖဵုဂတ၊ ဒါန်လၟောဝ်တၠုၚ် ဍုၚ်နိဗ္ဗာန်၊ ဒါန်ဒှ်မူလ ကဵုညိရအဴ၊ မိၚ်ဒးဆံလံ တၟံတြုံဗြဴ၊ သီုဝုတ်သိုဗၠာဲ ဗြဴကၟာဲလထဴ၊ မၞိဟ်ဇၞော်ဗျုလောန် စကာကောန်စဴ၊ ခါမိၚ်ဖ္ဍောတ် ဒြပ်ရတ်ပူဇဴ၊ ဟုသၠုဲသၠာဲအဴ ကဵုတဴညးအဲ၊

မုက်လိက်−၃၃[ပလေဝ်ဒါန် | ပလေဝ်ဒါန် တမ်ကၞက်] မာတၚ်ဂကၠာ အာတ်ဟါံခြာသ္ၚောဲ၊ ဆုဲအာညိညိ သ္ၚိရေၚ်ဂၠောဲ၊ ယဝ်ဖ္ဍောတ်အဵု ကၠုၚ်ဗဵုညံၚ်ပေါဲ၊ ဇၟာပ်သ္ၚိသွံ အာတ်ဂွံလောလောဲ၊ ပယျာံသဝ်တ္ၚဲ ဇာဲဇောဲစဴအာ၊ ခါစဴစိုပ်သ္ၚိ ကဵုမၚ်္ဂလိကာ၊ အာတ်လၟိုန်ပြဲ မွဲတ္ၚဲမွဲဝါ၊ နဲသာ်ဂှ်ရ သ္ပလွဳပရာ၊ ဇၞတ်ပကောံရ ဇွောံမပေၚ်ဗဂါ၊ မၚ်္ဂလိကာ မိပ်စိုတ်ခါဂှ်၊ ဗောဓိသတ္တ တၠကြဳဇှ်၊ တိုၚ်ကသပ်ကၠာ မြာသၟိက်ကဵုဒှ်၊ တ္ၚဲဂတဒး နူဂယျးပြဟ်၊ ကဵုဒေံဗြဴကီု ဟွံဟီုခၠေဝ်သှ်၊ ဇကုမွဲကၠာ သၟိက်အာတၞဟ်၊ တိုၚ်ကသပ်ဂှ် ပြဟ်ဒဴတိတ်အာ၊ ဇကုမွဲသ္ၚိတ် ဟွံကေတ်ပြဝါ၊ သၠးကဝိုၚ်ဍုၚ် သရုၚ်ကန္တာ၊ တြဴဂၠိၚ်သ္ၚောဲ ကွာ်သဲဒေါဝ်ဝါ၊ ဂမၠိုၚ်ကဵုအဆၚ် လစအၚ်လှာ၊ ဍောတ်တ်ဇၞော်ဇၞော် ပေၚ်ဗြော်ရေၚ်ဗ္ဂာ၊ သီုဓကှ်သွာ ဝုန်ခါဗၚ်ဗွဲ၊ ကံက်ကဇုံဝေါတ် ကၟောတ်သောဲသောဲ၊ ကဴကဵုကဴပြး၊ တၞးကဵုတၞးဂၠောဲ၊ သတ်ကဵုသတ်ကောံ ခၟောံညံၚ်ခၟောံဗၠဲ၊ တဝ်ကဵုတဝ်ဖလ ကွကွဒက်ဂြဲ၊ ညာတ်ဋ္ဌာန်ဇမ္ၚောဲ ဗဵုဟွံဖဲကီု၊ လ္ၚဵုလျလျ ဖလဍီုဍီု၊ လ္ၚဵုဗြဗြး ပေါၚ်လးသာ်ဍီု၊ လ္ၚဵုဂှ်ခရံက် ဗ္စံက်ဂၠိုက်တီု၊ လ္ၚဵုခစာန်ဗြံက် ကဝံက်ဂြီုဂြီု၊ ဗဵုဟွံဖဲကီု အကြီုအၚ်လှာ၊ မွဲသာ်ဍောတ်ဇၞော် သတ်လ္တူကျာ၊ လၞေၚ်ပူပံက် ၚေက်ကြေၚ်ဂံက်ဂါ၊ ခဍိအဂၠောန် ကောန်ၜိုပ်ကောန်မာ၊ ကြေဲတေဝ်တောတ်ရ ဗျုဒိုၚ်ဂလာ၊ ဇံၚ်မံၚ်ပရောတ်ၜဳ ၜိၚ်လေဝ်သာဲအာ၊ အကၠဟ်မွဲသာ ဗၠိုပ်အာရေၚ်ၚ်၊ ဒိုၚ်ဗျုဒိုၚ်ဂလာ ယောန်အာလက်ခစေၚ်၊ လ္ၚဵုဂှ်ကဵုကံ လ္ၚဵုဂှ်ပၠံသၞေၚ်၊ လ္ၚဵုကဵုရဲသာ ဟွံကဵုခြာဝေၚ်၊ လ္ၚဵုဇဵုထုဲထ္ၜန် ညံၚ်ညးစန်ကၠေၚ်၊ ဍေံကဵုဍေံဟေၚ် ညံၚ်သ္ဘၚ်ပေါဲ ၊ ထိုၚ်သာဲအဒါဲ ဂၠာဲဇာပ်ပဝ်ဂၠောဲ၊ အလိုန်ဂြပ်သၞေၚ် အခြၚ်ဂၠိုၚ်နဲ၊ ဗရုဇၞော်ဍောတ် ထတ်တ်သောဲသောဲ၊ ညံၚ်ရဴစိၚ်ဂြဝ် တိၚ်လဝ်နတဲ၊

မုက်လိက်−၃၄[ပလေဝ်ဒါန် | ပလေဝ်ဒါန် တမ်ကၞက်] ဟွံမိက်အာသ္ၚောဲ ဟွံဖဲသောတ၊ ဆဂှ်ဟွံသေၚ် တၟေၚ်ဝိသေသ၊ သတ်ပ္ဍဲဍာ်ကီု မဂၠိုၚ်အနန္တ၊ ဂၠိုၚ်ထုဲဓရုဲ သီုၚုဲသီုက၊ ကၞုဟ်ကၠဴဂတာံ ဟလီုကျာံရ၊ ဇၞော်ဍောတ်နထ ဂၠိုၚ်နာမကီု၊ ဂမၠိုၚ်တ္ၜန်တ္ၜောဲ ထဝ်ဂၠောဲသီုသီု၊ လ္ၚဵုစောန်ပြံက် လ္ၚဵုမံက်လှီုလှီု၊ လ္ၚဵုသဝ်ဗၠိုက် လ္ၚဵုပိုက်ယဝီု၊ လ္ၚဵုဒံၚ်သၠာ် ညံၚ်ညးဗာ်တ္ၚီု၊ ဍေံကဵုဍေံကီု သီုသီုသာဲသာဲ၊ မာတၚ်္ဂညာတ် သမ္ၚာတ်ပူဆာ၊ ဗှ်ဇကုမွဲ ကြၚ်ထဲဂၠိုက်ဂၠာဲ၊ ဗဵုအာရံၚ်အာ ပါတဟၚ်ဂြာဲ၊ ရံၚ်အာအိုတ်မတ် စိုတ်ဍောတ်ဇၟာပ်ဒၞာဲ၊ ကွာ်အာသာဲသာဲ ပယျာဲကန္တာ၊ ကွာ်အာသောၚ်ၚ် ဗက်ူဓလောၚ်ဝါ၊ တဟၚ်ဒြာဲဇး တၟးညာတ်အာ၊ ဗျဵုဗျဵုဗျောံဗျောံ မၞုံသာ်လွာ၊ ညံၚ်ဒဵုညံၚ်ဆု သာ်ဝွံနာနာ၊ စမဳညာတ်အာ မိပ်စိုတ်ခါဂှ်၊ ဝါဝွံၜိုဟ်သ္တိုတ် မိပ်စိုတ်ပူမှ်၊ ပ္တိတ်ဝဳရိယျ စိတ္တဟွံလၞုဟ်၊ တိုၚ်ပၟိက်ကၠာ စေတနာပ္ၚုဟ်၊ ဟိုတ်ဝဳရိယ ခဏစိုပ်ပြဟ်၊ ကၞောတ်ဝါဂှ် ဇီုဇြဟ်ဗတဳ၊ ဂြိုပ်ဇီုဂြိုပ်ဗြး ပြးဗြးပေၚ်ဇဳ၊ သိၚ်သိၚ်သာဲရေၚ် ညံၚ်ညးပြေၚ်ဖျဳ၊ သၠုၚ်ၚ်တၞံလျ ကွကွမံၚ်ညိဳ၊ ကဴကဵုကဴဆက် ညံၚ်ညးဒက်ဂွဳ၊ ဂၠိုၚ်လောတ်ကျာသြီ ညံၚ်လွဳမာန်သွဝ်၊ ကွာ်အာဗဵုအာ ရံၚ်အာဗဵုဒ္ၚောဝ်၊ လ္ၚဵုဂှ်ကၞာၚ်လျ သီုသၠသီုကၟဝ်၊ သၠုၚ်ၚ်သဝ်သဝ် ဗဵုလ္ၚောဝ်ဟွံဖဲ၊ ဗဵုအာရံၚ်အာ ကွာ်အာဇကုမွဲ၊ ညောန်စိုပ်ဒဵုရ သၠုၚ်လျသၠာလကဲ၊ တၞံဗၠိုဟ်မံၚ်ဗျာၚ် ထာၚ်လျမံၚ်ဂၠောဲ၊ ကဴရဴနော်နာ် ဗကေတ်သာ်ဗၠဲ၊ ယဝ်ရဍုဟ်သၟတ် သတ်ဍေံလုပ်ပေါဲ၊ ယဝ်ဍုဟ်ဍေံလကဲ တုပ်နဲသတ်ဗြာတ်၊ လ္ၚဵုဂှ်သၠုၚ်သဓုံ တၞံညံၚ်ပြသာဒ်၊ လဴဂှ်သဝ်လက် ခတောဲဂှ်ကြံၚ်ဃာတ်၊ သတ်ယဝ်ဍုဟ်ဗက် ကရေက်စဍေံဝါတ်၊

မုက်လိက်−၃၅[ပလေဝ်ဒါန် | ပလေဝ်ဒါန် တမ်ကၞက်] ယဝ်စရံၚ်ကီု သီုကြောံသီုဍာတ်၊ မၞိဟ်ယဲစိုပ်ဝါတ် ကဵုဓါတ်ဒူရေန်၊ လ္ၚဵုတၞံကဓုံ ကောံညံၚ်ညဂြေန်၊ ကဴဍေံဇဝ်ပရဲ လကဲသေန်န်၊ သတ်ကြံၚ်ဗ္စံက် သီုတ္ၚံက်သီုကဝေန်၊ ယဝ်ထ္ၜးသတ်ဍေံ ညံၚ်လှ်ေညံၚ်အေန်၊ စံၚ်လဝ်စိန်န် အမြာဲဂၠိန်ခနေၚ်၊ လ္ၚဵုသၠုၚ်ခဝေါဲ ဇာၚ်ဇောဲမံၚ်ရေၚ်၊ ဟွံမွဲကၞၚ်ကဝ သၠညံၚ်ဗၞုဟ်ဇြၚ်၊ ဗရဲဗုၜတ်သတ်လက်ဂစေၚ်၊ ဍုဟ်စဖျိုတ်လောန် ခ္ဍန်ညံၚ်မဝေၚ်၊ တၞံကဵုတၞံတၟေၚ် သတ်ဟေၚ်ကော်ဍေံ၊ မွဲသာ်တၞံလ္ၚဵု ထာၚ်ကဵုထာၚ်ပြး၊ ကၞာၚ်ဗာၚ်ဟွံမွဲ သတ်လကဲပြး၊ အပ္ဍဲရဴဗြံက် ၜံက်ရံၚ်ဍေံထကး၊ ဍာ်ဍာတ်ဖျုန်ကြောံ ပ္တောံပၠန်ဟွံဒး၊ ကောန်မန်တံကွေံ ကော်ဂးသတ်ဗြဴ၊ လ္ၚဵုဗြးဗြး မွဲလှ်ေဟွံကဴ၊ သတ်တိတ်နူပီု ညံၚ်ဗီုကောန်ရဴ၊ ကြံၚ်ၜိုဟ်ပေက်ရ ဍုန်သွဖက်နှဴ၊ ဍုဟ်စဍာတ်အိုတ် ထၜိုတ်ဆဴဆဴ၊ ယဝ်ညးခုတ်ခဴ တုပ်ညံၚ်ရဴပၞဟ်၊ လ္ၚဵုသဓုံဗျာၚ် သၠကၞာၚ်မဝ်ဂၠဟ်၊ ကဴဇဝ်ပရဲ လကဲလျဟ်၊ ခတောဲၜတ်တ် ဖျိုတ်ဖျးလေဝ်ဒှ်၊ဍုဟ်စဟွံဝါတ် ဍာတ်ဖျးနွံရှ်၊ သတ်ကြုက်ရဒှ် ကော်ဍေံဂှ်ရ၊ လ္ၚဵုမွဲရဲ တၞံသောဲကွကွ၊ အလုံတၞံပၠန် ကေက်လောန်ဇလ၊ ၜှ်တၞးဍေံ ဆုၚ်ဒးပသ၊ ဖျးနူၜတ်ၜတ် ဍုဟ်မတ်ဖလ၊ ပၠာဲထဥုဲထပက် ဗၠးသက်ခၞ၊ ညးကော်တုန်အဴ သတ်ပၞဴရ၊ လ္ၚဵုတၞံဒလ ကၞာၚ်လျဍိုပ်ဍဴ၊ တၞးၜတ်တ် သတ်သီုပ္ကဴ၊ ယတ်ၜှ်ဆုၚ်ရ ပသကတဴ၊ ပါ်ရံၚ်အဒေါဝ် ခၟောဝ်ဖက်နှဴ၊ သတ်ဂှ်သဘဴ ညံၚ်ရဴသတ်ဗဳ၊ သီုသတ်သီုပ္ကဴ ဖက်နှဴညဳညဳ၊ သၟးဟေမဝန် ဂၠိုၚ်လောန်ကျာ်သြဳ၊ ညံၚ်ညးပြေၚ်ဖျဳ တုပ်ဗၞဳသွဝ်၊ ကှ်ေအနာၚ်ပြာန် ပ္ကာန်ဍောၚ်ပ္တိတ်ဇဝ်၊ အနုသ္ဇၚ်ထောဲ ခပေါဲတဝ်သွဝ်၊ အဂၠဴကြက်စၠန် ကဴသန်ကဴထဝ်၊ ပ္ၚာလာံသဴ ညံၚ်ရဴကျိုၚ်ကျဝ်၊

မုက်လိက်−၃၆[ပလေဝ်ဒါန် | ပလေဝ်ဒါန် တမ်ကၞက်] သီုကဴသီုဇဝ် မြမောဝ်နာနာ၊ ပြာ်ဇုက်အဂၞု သ္ဇုၚ်ဂွုစမ္မာ၊ အံၚ်ရေၚ်သၞေၚ်ဇုက် အသုက်ကဏ္ဏကာ၊ ဓဇေၚ်သရဖဳ ပကဇဳသွာ၊ မၠဵုကဴသတၚ် ဗၚ်ယခ္ဍၚ်ရာ၊ သတ်ကဵုသတ်နှဴ ကဴကဵုကဴခြာ၊ ဇဝ်ကဵုဇဝ်ကၠာ ဂၠိုၚ်ရာစိစောန်၊ ကၞာၚ်ကဵုကၞာၚ်လျ လှကဵုလှညန်၊ ဟွံသိၚ်ဟွံသာဲ ဂၠိုၚ်ဒၞာဲစိစောန်၊ လ္ၚဵုဂှ်ကြပ်ဇြ တုပ်အဇသန်၊ ပ္ဍဲဂြိုပ်ဟေမန် ဂၠိုၚ်လောန်ရေၚ်ဗ္ဂါ၊ မာတၚ်ဂအဵု ကွာ်အာဗဵုအာ၊ သတ်ဂြိုပ်တံပၠန် သ္ၚောဲညန်ဂၠိုၚ်ရာ၊ လ္ၚဵုညံၚ်ကၞုဲဗျ လ္တူဆုမွဲသာ၊ ဍောန်ဝေၚ်ဓရီု သီုကောန်ဗာဏာ၊ သီုကဵုပြဝါ အာကၠုၚ်လဆန်၊ လ္ၚဵုညံၚ်ဂၚ် ဆၚ်အာတန်န်၊ ဆဵုဏှာအာပြဟ် ဂှ်ဂှ်ဟီုဒေါန်၊ လ္ၚဵုဗုၜတ် ညံၚ်ဝုတ်အဵုပၠန်၊ ဗြုတဴဝိုဟ်ဝိုဟ် အိုတ်ကံသောန်န်၊ လ္တူဆုပၠန် ဂၠိုၚ်လောန်ပြဝါ၊ ပ္ဍဲတိဂၠိုၚ်ရဲ ဂၠောဲကၠုၚ်ဂၠော်အာ၊ စိုၚ်ကၠဒြာဲမၚ် ဗလေၚ်မွဲသာ၊ ပှ်ပှ်ေကၠဵုကၠိၚ် ကလိၚ်နာနာ၊ က္ၜိုၚ်သိတ်သီုကောန် ကၠဗြန်ကၠလှာ၊ ဂၠိုၚ်ကဵုရဲသာ အာကၠုၚ်လဆန်၊ ကၟက်ကၟက်ဂၠိုၚ်စွံ ၝောံၝောံသီုကောန်၊ ဗၟက်ကလှ်ေ ဍေံကဵုဍေံပၠန်၊ ဟွံတီသ္ကံရဲ ထပ်ဂၠောဲလီၜန်၊ မဂၠိုၚ်ဇၞော်ဍောတ် သတ်ပ္ဍဲဟေမဝန်၊ မၚ်တၚ်ဂပၠန် ဂၠာဲချပ်စန်စာ၊ ချိုန်လၟုံအဲ ဒဴဝဲသံသာ၊ အဲတိတ်ဋ္ဌာန်ဂြိုပ် ဗ္ဒိုပ်ဟေမာ၊ ပရသိပၠန် ပ္တန်စေတနာ၊ တိုၚ်ကသပ်ကီု ကဵုလီုရဟာ၊ ဟွံကဵုလီုကၠာ စေတနာပ္တိုန်၊ ပ္ဍဲဋ္ဌာန်ဝွံကွေံ ဒးရးပြဲလောန်၊ သ္ၚေဝ်ရံၚ်အာမွဲ သၞဝဲလေဝ်အောန်၊ ဂးဍာ်လေဝ်ၜိုဟ် သာဓါဒိုဟ်ပန်၊ ရိုဟ်ဇုက်ကြုက်ပၞဟ် နွံရှ်စိစောန်၊ ဒးရးပြဲလောန် စိစောန်ဇၟာပ်ဒၞာဲ၊ မာတၚ်ဂပၠန် ခၞံကောန်တာဲ၊ တိုၚ်ပၟိက်အဵု ဂၠိုၚ်ကဵုပြယာဲ၊ ခၞံဗွဲပရှ် ဋ္ဌာန်ဇြဟ်ဗိုၚ်လာဲ၊ ဇရေၚ်တၞံဇြဲ ဟွံမွြကဵုဗ္ဒာဲ၊ ဂြိုပ်မဂၠိုၚ်စရာဲ ပဗ္ဒာဲပန်၊ ယာတ်မစေါန်ပြံက် ဍာ်လွံက်ဖျောန်၊

မုက်လိက်−၃၇[ပလေဝ်ဒါန် | ပလေဝ်ဒါန် တမ်ကၞက်] လ္တူကၞိပ်ကၠာ ကေသာကုတ်ဒန်၊ သ္ပိုၚ်တုဲကၠေဟ် ဒးရးပြဲလောန်၊ လှာဲရုပ်တၟိ ရသိဟေမောန်၊ ဇကုမွဲပၠန် တန်တဴမံၚ်ရ။

ဟွံမွဲလၞုဟ်ကွေံ ဂးမာတၚ်ဂ၊ လဆောဝ်ဂှ်အိုတ် စရိုဟ်ကာယျ၊ သၟိက်ဂွံပ္တိုန်လဝ် ဓဝ်သမထ၊ သတးတိဗက် စက်စေဝ်သၟိက်ပ၊ ထွာဲဟွံသ္ၚောဲ မွဲဟတ်မွဲဍ၊ ပရိကံရ ပထမကၠာ၊ ဒက်ထဝါဲဗိုန် သွိုန်ဘာဝနာ၊ ထ္ၜေက်မၠာ်ကီု ကၠံဝါလ္ၚီဝါ၊ စေဝ်ကသိုဏ်အဵု ဟွံကဵုကၠေံအာ၊ ပ္တိုန်သမာဓိ ဒမၠိဂၠိုၚ်ဝါ၊ ဟွံကဵုယောၚ်မှာ ပ္ဍဲကာလဂှ် ရိုဟ်တ္ၚဲအနဳ လွဳဟွံလၞုဟ်၊ ဟွံကဵုကၠိပၠန် ဟွံကဵုစောန်ထၞဟ်၊ ပၟဝ်ဂၠိုၚ်စိ ပဳတိက္တဵုဒှ်၊ ပရိကံလ္လိတ် နိမိတ်စဝ်ပြဟ်၊ သမာဓိဂှ် မက္တဵုဒှ်ရ၊ ကြဴဝွံအနဳ ပ္တိတ်ဝဳရိယျ၊ ကမ္မဋ္ဌာန်ပၠန် ပန်စှော်နာမ၊ ဗၞတ်မွဲမွဲ ပ္တန်ပ္ဍဲစိတ္တ၊ ပၟဝ်ဂၠိုၚ်ဂိုတ် ကိုတ်လက်ဟွံက၊ ကဵုပြာကတ်ကၠး တၟးစက္ခ၊ ဂွံနိမိတ်ရ ဥဂ္ဂဟပၠန်၊ နိမိတ်ဗိုန်စိ သမာဓိတုန် ၊ သ္ဍိုက်စိုတ်လွဳ ပဳတိပြာပ်ညန်၊ စွံတဴဂတိ ဟွံကဵုကၠိစောန်၊ လၟိုန်တ္ၚဲဟေၚ် ဟွံကဵုဝေၚ်ခၠန်၊ နဲဂှ်လက်သန် ပၟဝ်ပၠန်ဂတ၊ ဂဇံဟွံချဳ ပတိတ်လွဳရိယ၊ နိမိတ်ဂဵုခၠၚ် ဟွံဒှ်ခၚ်ခ၊ နိမိတ်ဗိုန်စိ ပတိဘာဂ၊ သမာဓိတိုန် နရဴခန္ဓ၊ ပဳတိစပ်ရ လုံကာယျဒွါ၊ ပဳတိမသုန် မၞုံဂုန်ပြဲဖါ၊ သ္ဍိုက်စိုတ်ပ္ဍဲ ဟွံဟဲစိတ္တာ၊ လၟေၚ်ဇျာန်တိုန် မသုန်ပြကာ၊ ပၟဝ်တုန်န် ထပ်ပၠန်မွဲဝါ၊ လၟေၚ်ၚ်ကၠာ ပၟဝ်အာရ၊ ဝိတက်ဇျာန်စိ ပၟဝ်အဒိတ၊ ပၟဝ်ဂၠိုၚ်လောန် စှ်ေတန်စိတ္တ၊ နိမိတ်ဗိုန်ဆိတ် ပ္တိတ်လွဳရိယ၊ ဇျာန်ဝိတက်အဴ ဒှ်တဴကြံကြ၊ ပါဲဝိတက်ဂျ ပၟဝ်ရဝိစာ၊ ပၟဝ်ဂလိုၚ် ဂၠိုၚ်ၚ်ကဵုဝါ၊ စှ်ေစိုတ်ဗိုန်ကြပ် ခပ်ပ္ဍဲစိတ္တာ၊ မဂၠိုၚ်ပဳတိ သမာဓိဂွံမြာ၊ ဝိစာလောန်က္ဍၚ် စၚ်ခြၚ်မနောဒွါ၊ ပါဲကၠေံဝိစာ ပၟဝ်အာပဳတိ၊ ပၟဝ်ဂၠိုၚ်လောန် ပ္တိုန်သမာဓိ၊ ပတိတ်ဝဳရိယ ဟွံလဇညိ၊

မုက်လိက်−၃၈[ပလေဝ်ဒါန် | ပလေဝ်ဒါန် တမ်ကၞက်] အိုတ်တၟိုဟ်တဴ ပါတ်ဇဴဖိဖိ၊ ဟွံဗၠန်ဒစေၚ် ဟွံဝေၚ်ခြာစိ။ ပါဲဇျာန်ပဳတိ ပၟတ်ညိသုခ၊ ပၟဝ်ဂၠိုၚ်လောန် ပ္တိုန်စိတ္တ၊ တသိုက်စိုတ်တန် ကြပ်ဗန်ကာယ၊ ဝိထဳဗိုန်ဗတ် စိုပ်သၞောတ်ဇျာန၊ ဟွံဗၠန်ဒစေၚ် ဟွံဝေၚ်သက္ခဏ၊ ပါဲကၠေံသုခ ဨကဂ္ဂတာ၊ ပၟဝ်ဂၠိုၚ်ဆိတ် စိုတ်သိပ်ဂွံမြာ၊ လၟေၚ်ဇျာန်တုန် မသုန်ပြကာ၊ ဍိုက်ပေၚ်ဟွံချဳ လိုန်ဝိထဳကျာ၊ ဂေတ်လန်အာပၠန် တ္တံပန်ကၠုၚ်အာ၊ အိုတ်အလုံပြဲ မွဲစက္ကဝါ၊ ဇျာန်ဍိုက်ပေၚ်ကၠာ ပြာကတ်အဘိညာန်၊ အဘိညာန်အဴ သီုတရဴဋ္ဌာန်၊ သမာပတ်ဒ္စာံ ဒးဂွါမွဲဟာန်၊ တိုၚ်ပၟိက်အဴ အာတဴနဇျာန်၊ ရသိတၠညာန် နဇျာန်ကၠုၚ်အာ၊ ပၠေၚ်ဗဒှ်ရုပ် ပတုပ်နာနာ၊ ညံၚ်ဂိတုတ္ၚဲ ညံၚ်ဗြဴညံၚ်ကျာ၊ ညံၚ်အိန်ဗြီုရောၚ် အယောၚ်အာ၊ ပ္တောံကၠဗြန် ကုမ္ဘန်ယက္ခာ၊ ပၠေၚ်ဗဒှ်ဏာ နာနာသဗ္ဗ၊ နအဘိညာန် ဇျာန်သမ္မထ၊ တိုၚ်ပၟိက်ကၠာ သွာပ္ဍဲစိတ္တ၊ ရသိပြဲက္ဍၚ် ဂးမာတၚ်ဂ၊ လွဳဗိုန်ဗတ် ထပှ်သတ္တဟ၊ ဍိုက်ပေၚ်တုဲရ သမ္မထဇျာန်၊ မာတၚ်ဂစိ ဣသိတၠညာန်၊ ဂၠာဲချပ်ဗ္စာ ဗှ်အာဍုက်ကွာန်၊ စွံလဝ်ဒေံဗြဴ တဴပ္ဍဲသုသာန်၊ အဲထံက်ပၚ်ညိ အဒိဂလာန်၊ ဒက်ဂြေန်ဝိဥာန် ပၟဝ်ဇျာန်ဂွံမြာ၊ ချိုန်လၟုံအဲ ဒးရးပြဲဖါ၊ တိုၚ်ပၟိက်အဲ ကၠိဂွံလောဲသွာ၊ အဲဒးထံက်ပၚ် မၚ်္ဂလိကာ၊ က္တဵုဗဒှ်ဇျာန် လိုန်သဗါန်ကျာ၊ မာတၚ်ဂကၠာ ကလာၚ်စဴအာရ၊ ပရဟ်ဇျာန်ပြဲ မွဲသက္ခဏ၊ ခါညန်စိုပ်ကွေံ စှ်ေနူကာသ၊ ဂမြၚ်တံညာတ် သွာတ်ဟဒယ၊ ဂြေပ်ကၠုၚ်လ္ၚောဝ် ဇံသဝ်ထဒၟ၊ မၚ်္ဂလိကာ ညာတ်သ္ပာထ၊ တဲပ္ဍဵုသိသ ပဝတ်လ္ၚောဝ်၊ မၚ်္ဂလိကာ ကညာရုပ်ထဝ်၊ ညာတ်ရသိပၠန် ကသောန်ကသဝ်၊ သောကဍဵုဍိုက် ကလိုက်ကၟဝ်၊ ဂၠိုက်တိုန်ပေၚ်သိုဟ် ဖျုန်ဂြိုဟ်ဇတဝ်၊ ရမတ်ဗြဲကဝ် ဆေဝ်ဒဝ်ဟွံမာန်၊ လီုစတ္တဇ ကာယျဝိညာဏ်၊

မုက်လိက်−၃၉[ပလေဝ်ဒါန် | ပလေဝ်ဒါန် တမ်ကၞက်] ဟွံညာတ်ဒိုဟ်စှ် ဒှ်အာန်တၞာန်၊ ဂၠာဲဗှ်ချပ်ခဝ် ဆေဝ်ဒဝ်ဟွံမာန်၊ ညံၚ်ရဴဥူမတ် ပညောတ်သန္ထာန်၊ တၞံနအာတ်ပါန် ဂၠိုၚ်ဂလာန်ယာံပၠန်၊အဵုကောရသိ ကောမိဓဇန်၊ ထောံလဝ်အဲဗြဴ ညံၚ်ရဴအှော်ဒုန်၊ ဗဗုလဟဵု ဂဵုတုဲပၠိုတ်သုန်၊ ဒးပၠိုတ်ဟုံဇြ ဒှ်စၞဂြုန်၊ အဵုကောတၠဂုန် အဵုကောတၠဂုန် ကဵုလေၚ်သုန်ဟာ၊ အဵုကောသော်က္ဍိုပ် ဋ္ဌာန်ဂြိုပ်ဒဴအာ၊ နူတံတုန်စိ အဒိကိုပ်ကၠာ၊ ကော်နၚ်တုဲသွံ ကၠုၚ်ထောံလသာ၊ ဟွံဗှ်ဂၠိၚ်သ္ၚောဲကဵုအဲပူဆာ၊ အဵုတၠသိက္ခာက္ဍုဟ်အဲဟာကော၊ အဵုတၠပဿတၠအယော၊ ထောံလဝ်အဲမွဲခြာသ္ၚောဲကလော၊ ဟွံမွဲဝံသညးဟွံပဆော၊ ညးဂၠာဲနၚ်ဒုဟ်ညးဍုဟ်ဟီုစော၊ အဵုကောအဵုကောကဵုညးစောပၠန်၊ အဵုမဂၠိုၚ်အယောအဵုကျာ်ဂန်၊ တူတံဝါဒိကြာမိကဵုကောန်၊ အာတ်တုဲဖျာ်နၚ်ကဵုအဲကၠၚ်ကၠောန်၊ ပွတံဂှ်ဟွံဂၠာဲဗှ်ရန်၊ ဒဴထောံအဲပၠန်ဓဇန်လောန်ရအဴ၊ အဵုတာပဿတၠနုဘဴ၊ ပၠီုကၠေံတုဲကၠာဘာသာအဲဗြဴ၊ ဒှ်ခါဲဒုတ်ရောၚ်သ္ၚိဟွံဂံၚ်စဴ၊ ညာတ်ဗွဝ်ဒုဟ်ဒုဟ်အဲဒြေပ်ဒဴ၊ ကောဟးကောဂၞဴဟွံစဴရဟာ၊ တံဇိုၚ်ရသိဂးမၚ်္ဂလိကာ၊ တက်သိုဟ်တုန်န်ယာံအာဒေါန်အာ၊ ဇါတ်လီုဂၠိုၚ်စွံဒးထောံဘာသာ၊ ဂကူလီုရလောကပြိုက်ဖါ၊ ဒဴထောံအဲကၠာဒးရးရဟာ၊ မာတၚ်္ဂစိရသိကြက်လှဴ၊ သီုမေတ္တာကီုသၟိက်ဟီုဖ္ဘောဝ်လဴ၊ ယွံမၚ်္ဂလိကာကညာဒေံဗြဴ၊ ၜိုန်ဒးသာဲခြာမူဒၞာဲစိုတ်ကတဴ၊ ထံက်ပၚ်ဒေံဗြဴအဲဒးဒဴအာ၊ ဂလာန်ဂှ်ရောၚ်ထံၚ်လဝ်သောတ၊ အဲဒှ်ခါဲဒုတ်ဂကူယုတ်မာ၊ အောန်ရကဵုပိုန်ဟိုတ်နူဒိုက်သာ၊ ဟွံမွဲလးလးဥုပ်ဂၠးကြိယျာ၊ ဂွံထံက်ပၚ်ကၠာခါဂှ်ဝါတ်လောန်၊ နမေတ္တာဇဴဒဴတိတ်ဟေမောန်၊ က္တဵုဗဒှ်ဇျာန်အဘိညာဏ်ပၠန်၊

မုက်လိက်−၄၀[ပလေဝ်ဒါန် | ပလေဝ်ဒါန် တမ်ကၞက်] ဍိုက်ပေၚ်တုဲလ္အိတ်စိုပ်သိတ်ဗိုန်တ္ညန်၊ တိုၚ်ပၟိက်ဟေၚ်ဟွံဂွံဝေၚ်ခၠန်၊ ဍိုက်ပေၚ်စိစောန်ဂွံပၠန်ဒေံဗြဴ၊ မၚ်္ဂလိကာခါဂှ်ပါန်တဴ၊ ယွံတာပဿတၠနုဘဴ၊ ထဝ်သန်ဗိုန်မြဇိုန်ကဵုညိအဴ၊ ဇိုန်ကဵုပိုန်ဘိုက်တသိုက်ဗွဲကြဴ၊ ဆာန်ဍူညိအဴကြဴဂွံသိုက်တန်၊ မာတၚ်ဂကီုသၟိက်ဟီုဗ္တောန်၊ ယွံမၚ်္ဂလိကာလောဲသွာထဝ်သန်၊ ဗတ်ဂွံဒြပ်ဂၠိုၚ်ညးထိုၚ်သးအောန်၊ ဟိုတ်ဒှ်ခါဲဒုတ်ယုတ်ညးဂးပၠန်၊ ဗတ်သိုက်ညးၜေဟ်ဟီုဂးဒက်ဒေါန်၊ ကြဴဒေံဂွံပၠန်ထဝ်သန်ဗၠဲဒွါ၊ လုပ်အာဍုၚ်ဇၞော်ကွာ်အာကော်အာ၊ ပသာ်ဂလာန်ကီုသၟိက်ဟီုကဵုကၠာ၊ ယွံတၠတံလ္ပသာသ္ပံ၊ လ္တူအဲဂှ်ပဒှ်သၚ်ကာ၊ သမ္ဘာအဲကၠာမှာဗြီုတေံရ၊ ပလွေဟ်ကၠာရုပ်မှာတၚ်ဂ၊ ယဝ်ဟွံပ္တေဟ်အဲထပှ်တ္ၚဲဂတ၊ ဗပေၚ်သဝ်ပၠန်သၟိၚ်တ္ၚဲပၠိုတ်ဇြ၊ မှာဗြီုစှ်ေကၠုၚ်ဍုၚ်ဝွံမူလ၊ ဗဵုအိုတ်ညိရယွံတၠအဲ၊ တိုၚ်ဗကန်စိဟီုညိကဵုတ္ၚအ်၊ ထပှ်တ္ၚဲရဂတဟွံလံ၊ ညးညာတ်ညးဆဵုညးဒးကဵုကံ၊ ညးဒးရှ်ေသှ်ေဖျေံက္ဍိုပ်မုဂြံ၊ ခိုဟ်စလၟုဟ်ဏံဟွံလံဂတ၊ မၚ်္ဂလိကာကညာရုပ္ပ၊ ဂွံမိၚ်တုဲအဵုယဵုတဲဓယျ၊ မိပ်စိုတ်အသဝ်လ္ၚောဝ်ထဒၟ၊ တိုၚ်ဗကန်ကၠာညးတာပဿ၊ ယဵုဒုတ်လဝ်ရပ္ဍဲကာလဂှ်၊ မာတၚ်ဂစိရသိဒယှ် ဗကန်တုဲကၠာတၞံနအာပြဟ်၊ ဂလာန်သ္အာၚ်ကီုဟွံဟီုခၠေဝ်သှ်၊ ပ္ၚုဟ်အဘိညာဏ်နဇျာန်က္တဵုဗဒှ်၊ ဋ္ဌာန်ဟေမဂှ်ပြဟ်ကလာၚ်အာ၊ အဏံတုန်ကွေံဂးမၚ်္ဂလိကာ၊ တိုၚ်ဗကန်စိရသိပြဲဖါ၊ သၟိက်လလောၚ်ပ္ညုၚ်ဋ္ဌာန်ဍုၚ်လုပ်အာ၊ ဆဵုမၞိဟ်ထပ်ဂၠောဲကွာ်ထဲရေၚ်ဗ္ဂါ၊ မၚ်္ဂလိကာခါဂှ်ကော်ဟီု၊ ယွံမိယွံမဗဴလအိုဿီု၊ ကလၚ်လဝ်ကွေံဒးဟွံဒးကီု၊ သမ္ဘာအဲကၠာညးဂှ်မှာဗြီု၊ ပလွေဟ်ပုတ်ခါဲဒုတ်သမၠီု၊ ထပှ်တ္ၚဲကီုဗဵုစံဂတ၊ ဗပေၚ်သဝ်ပြဲတ္ၚဲပၠိုတ်ဟောံဇြ၊

မုက်လိက်−၄၁[ပလေဝ်ဒါန် | ပလေဝ်ဒါန် တမ်ကၞက်] ညံၚ်ဂိတုၜါတုပ်မၟာဏ၊ သၟိၚ်ဗြီုစှ်ေရမူလဒၟံၚ်၊ ရံၚ်ဗဵုရံၚ်အာလ္တူကာသ၊ စိုတ်ပခၚ်ခတ္ညဗဵုညိအဴ၊ မၚ်္ဂလိကာသိုက္ခမာဗြဴ၊ လၟိုန်တ္ၚဲကီုကော်ဟီုကမြဴ၊ နူယးဒဵုသဝ်ကော်ဖ္အောဝ်လလဴ၊ ကဵုညးမိၚ်အိုတ်တ္ၚဲပၠိုတ်တုဲစဴ၊ လၟိုန်တ္ၚဲအဴကော်တဴတမ္ညဝ်၊ အိုတ်ဂကူဗၞးမိၚ်ဒးချပ်ရ၊ မၚ်္ဂလိကာဟုံမှာလၚ်ဇွောဝ်၊ ယုတ်မာကာဲကဝ်၊ သမ္ဘာဍေံဗြီုကၠုၚ်ဟီုပ္ဍဲကတောဝ်၊ ခါဲဒုတ်ဇိုၚ်ကဝ်ဆဵုလဝ်ဍာံဍာံ၊ ညးလ္ၚဵုကီုဟီုတိုန်ဆာံဆာံ၊ ဗြဴဒှ်သာ်ဏံကြံရုပ်ကြံနာံ၊ ဟွံဒှ်ဟီုအဵုဟွံဆဵုဂၠာဲဂၠာံ၊ ခါဲဒုတ်ညာတ်ကၠးဗြီုညးအာဟီု၊ ပိုဲဆဵုဍာံဍာံဍေံပဂၠာံကြာန်၊ ညးလ္ၚဵုကီုသၟိက်ဟီုကယျာန်၊ ယွံလေဝ်မၞးတံသာ်ဏံဂလာန်၊ အတိက်တေံဟေၚ်ပရေၚ်မဒါန်၊ ဍာံဟွံဍာံဟာဗ္စာနညာဏ်၊ ဗြီုပၠေၚ်ရုပ်မာန် တီညာဏ်ဗြီုဟာ၊ လ္ၚဵုမွဲရဲတက်တဲဂြိုၚ်အာ၊ ဍေံဂၠာဲဟီုက္ၜေဟ်ပတေဟ်ညိဇွာ၊ ဗြီုပ္တောံခါဲဒုတ်ဂလာန်ယုတ်မာ၊ ဟွံမွဲမွဲလှ်ေဍေံပကၠုၚ်ကျာ၊ ဍေံဂွံဂၠိုၚ်အာဍေံကျာစရောၚ်၊ အလုံဍုၚ်ထဥရုရုသံၚ်သံၚ်၊ လ္ၚဵုပ္တေဟ်ကီုဟီုတဗြံၚ်ၚ်၊ လ္ၚဵုဟွံပ္တေဟ်ဂၠာဲဟီုဂးကၠံၚ်၊ ကောလာဟာလတော်ဆသ္ၚေဝ်ရံၚ်၊ ရုရုသံၚ်ၚ်ကၠံၚ်ညံၚ်ကဵုပေါဲ၊ ညးလ္ၚဵုကွေံဗၞးသ္ကံရဲ၊ ချပ်ရေၚ်သ္ကံကွေံညးညးအဲအဲ၊ ကောန်ဝုတ်ကညာအာတ်ဏာလောဲလောဲ၊ သဘဴမၞိဟ်သွံဂွံပၠန်ဟွံမွဲ၊ ဂုန်ဒှ်ဗြီုအဵုဟွံဂံၚ်ကဵုဘဲ၊ ဂွံဏာလောဲလောဲဗြီုအဲဂးရ၊ ညးလ္ၚဵုဂှ်စိုတ်ဒှ်ခၚ်ခ၊ မၚ်္ဂလိကာဗၞတ်ဗြဴဟာယ၊ ရုပ်သာ်ဂေါဝ်လောန်ညံၚ်ကောန်ဒေဝ၊ ပိုန်ဒြပ်ဍေံပၠန်ဟွံတီနန္တ၊ ခါဲဒုတ်အာတ်ကီုလဟီုစောဒက၊ ဗြီုတိုန်ဒှ်ရအဲခယျရံၚ်၊ ညးလ္ၚဵုပ္တေဟ်ဟွံဟီုဂးဍောၚ်၊ ခၞံကၞာပ္ကဴတြုံဗြဴသံၚ်ဗြံၚ်၊ တဵုဗြာတ်တဵုက္ၜဴသတ်နှဴၜတ်ကြံၚ်၊ ညးညးအဲအဲညံၚ်ပေါဲဟောကၠံၚ်၊

မုက်လိက်−၄၂[ပလေဝ်ဒါန် | ပလေဝ်ဒါန် တမ်ကၞက်] အိုတ်ဗၞးတံရောၚ်ကၠောန်မံၚ်ဟောဂြာ၊ ဇာတ်ဗၞးတံကီုဗြီုပပြာထာ၊ ရှ်ေသှ်ေဗြီုဂှ်ဒှ်မွဲဘာသာ၊ ဗၞးဂကူဗြီုလဟီုဝေါဟာ၊ လညာတ်ကျေဝ်ဂေါဝ်အသဝ်ဂန္ဓာ၊ မ္ၚဵုရသေၚ်ဟာပပြာကတ်ပၠန်၊ ညးလ္ၚဵုရခၚ်ခစိုတ်က္ဍန်၊ အတိက်မိမဗဴလသ္ၚောဲလောန်၊ ဂလာန်တြေံကီုညးဟီုဗကန်၊ ဗြီုစှ်ေလိုက်ကွေံစှ်ေဝေတ်ဗ္တောန်၊ လေဝ်ပိုဲမိၚ်ပၠန်လံလောန်ကာလ၊ လၟုဟ်ဗြီုစှ်ေဟီုဂးခယျ၊ ယဝ်စှ်ေပြဲလောန်ဂုဏအနန္တ၊ မိပ်စိုတ်သၠောၚ်ဟွံဍောၚ်ကာယျ၊ သိုက်ကၞာမ္ၚဵုတဵုပ္ကဴသၠ၊ ဇၟာပ်သ္ၚိရဆဂကူဗၞး၊ ကွာၚ်ၜဲယိုဟ်ၜန်ဂၠာဲကၠောန်ဒးရး၊ သ္ဂောံပူဇဴဗြီုအိုဿီုအဲညး၊ တိညံၚ်ကဵုဍန်ဖန်ဖက်ၜံက်ဂွး၊ ဇၞောဝ်အလာံကီုဍာ်ထီုမောဝ်ဖ္ဍး၊ အိုတ်ဂကူဗၞးဒးရးကျိုၚ်ကျဝ်၊ မွဲသာ်ပၠန်ရဒးပအံသဝ်၊ ဒါန်ကညဗြဴဂွံပူဇဴလဝ်၊ ဒါန်ဂှ်ဒါန်ပြဲဒါန်ဗ္စဲကဝ်၊ ဇာတ်ဗၞးရဍေံပဇၞော်မောဝ်၊ ဍေံကဵုကျိုၚ်ကျဝ်အသဝ်ကောန်ဗြဴ၊ ဗၞဝုတ်တ်ကရှ်စုတ်ပ္ကဴ၊ ဍောတ်တ်ဇၞော်ဇၞော်ပေၚ်ဗြော်ဖက်နှဴ၊ ယဝ်ဗြီုစှ်ေကၠုၚ်ဝေၚ်ဒုၚ်ပူဇဴ၊ ဗၞးဗၠာဲဗၠာဲဗြဴကၟာ်လထဴ၊ စၟဳရံၚ်အဴလ္တူအကာသ၊ ပေၚ်ထပှ်တ္ၚဲ တ္ၚဲသဝ်ပၠိုတ်ဇြ၊ ဂိတုစက်သန်ယုဂ္ဂန်သၠးရ၊ မာတၚ်ဂကၠာ ဂးတာပဿ၊ ဗဒှ်အဘိညာဏ်နဇျာန်ကြံကြ၊ ဗဒှ်ရုပ်ဗြီု မသ္တီုတေဇ၊ အရံၚ်ဗိုတ်မြ အဇဂိတုကီု၊ ညံၚ်ဂိတုၜါတုပ်ပၟာဗီု၊ ဂဵုတဴတၟးလစးက္ဍီုက္ဍီု၊ ဍုၚ်ဗာရာန္နသဳ ညာတ်ကျာ်သြီလီု၊ ဒံၚ်သၠာ်ယူ ဗဵုဒ္ၚောဝ်သီုသီု၊ ယဵုတဲဂြီုဂြီု ဗြီုတန်ဒှ်ဟာ၊ လ္ၚဵုဍေံဟီုဂိတုသီုၜါ၊ ညောန်စိုပ်ဓဝ်ဝ်သဝ်စှ်ေသာသာ၊ ဂေတ်မံၚ်တူကျာညာတ်အာညံၚ်ဗြီု၊ ဗၞးထပ်ဂၠောဲယဵုတဲဂြီုဂြီု၊ ဍောတ်တ်ဇၞော်ဇၞော်ပေၚ်ဗြော်ကဍၚ်ဍီု၊

မုက်လိက်−၄၃[ပလေဝ်ဒါန် | ပလေဝ်ဒါန် တမ်ကၞက်] ကလံရဴဂဴပူဇဴကောဟီု၊ ကောလာဟာလ ကော်အာသီုသီု၊ တန္ဒနာကီုအိုဿီုညးအဲ၊ ဟွံတီဍောတ်ဇၞော် ပေၚ်ဗြော်ယဵုတဲ၊ ဂဇံရဴဂဴဂတဴဂၠိုၚ်နဲ၊ ဟွံတီလထဴလဗြဴမွဲရဲ၊ ဟွံတီဝုတ်ဗၠာဲဗြဴကၟာဲထပ်ဂၠောဲ၊ တိညံၚ်ရဴပြဵုလ္ၚောဝ်အဲပရဲ၊ မာတၚ်ဂပြဲဂေတ်ထဲလ္တူဍုၚ်၊ ပၠဇကုကဵုကဵုညးဝေၚ်ဒုၚ်၊ ညာတ်ဂွံဗဵုဒ္ၚောဝ်ဟွံသဝ်ဟွံသၠုၚ်၊ ပၠတဴစရာဲသီုပါဲသီုပုၚ်၊ ဗၞးတံဇံသဝ်လ္ၚောဝ်တၠုၚ်၊ အိုတ်အလုံဍုၚ်ဝေၚ်ဒုၚ်လ္ၚောဝ်၊ ဗကဗြာတ်က္ၜဴယဵုပူဇဴလဝ်၊ ဗ္ဂဵုပၞာၚ်သ္ဍဴပ္ကဴမြမောဝ်၊ ပုၚ်ကွာၚ်စၞကဵုသၠကဵုခဝ်၊ မဂၠိုၚ်သတ်ပ္ကဴပူဇဴဇံသဝ်၊ ဗၞးတံလ္ၚောဝ်ဇံသဝ်ရဴဂဴ၊ မွဲသာ်ဂှ်ကၠာဒါန်ကညာဗြဴ၊ ဗၞးဗြဴဝုတ်ကရှ်စုတ်ပ္ကဴ၊ ဟွံတီသၠုၚ်သဝ်ကျိုၚ်ကျဝ်ဖက်နှဴ၊ ပဝတ်ဇံသဝ်လ္ၚောဝ်ပူဇဴ၊ ဒါန်ကညာဗြဴပူဇဴသကာ၊ ဇာတ်ဗၞးတံတၟံဘာသာ၊ ဍုၚ်ညံၚ်ထကးလုံရးခန်လွာ၊ လ္ၚောဝ်ဝေၚ်ဒုၚ် ဒြေပ်ကၠုၚ်ဒြေပ်အာ၊ ဟွံဂွံဒိုအ်စံ ဗ္တံသ္ဂာ၊ ဟောဟောဂြာဂြာကၠုၚ်အာလီၜန်၊ မာတၚ်ဂစိ ရသိဟေမောန်၊ ဂေဝ်သွဝ်အာလတူကျာဂေၚ်လန်၊ ဂၚေၚ်အာဒးရးမ္ၚးဍုၚ်ကွာန်၊ ဒေသသုသာန်မွဲဟာန်စိတ္တ၊ အိုတ်အလုံဍုၚ်ဒေပ်ကၠုၚ်ထဒၟ၊ ဟွံတီဍောတ်ဇၞော် ဗော်မိဂၠးမ၊ ထုဲဓရုဲကောံ လ္ၚဵုဒေါံဂြ၊ တိတ်ဟွံမာန်ရဒေသတြၚ်ဍုၚ်၊ လ္ၚဵုဂှ်လိုန်လဝ်တဲကဝ်ပါဲပုၚ်၊ လ္ၚဵုထိမြိတိသဝ်တိသၠုၚ်၊ လ္ၚဵုဂှ်တံၚ်ဂြဲတဲဒၞာဒုၚ်၊ လ္ၚဵုဂှ်လောတ်စှ်ေညးလိုန်ဒးဗုၚ်၊ ၜေတ်တြၚ်ဍုၚ်အာကၠုၚ်ဟွံမာန်၊ လ္ၚဵုဆဗၠးတိတ်ကိတ်ၚေက်ဂစာန်၊ လ္ၚဵုဂှ်ဂၠိက်လာဲဇော်ဇာဲဇိုၚ်ညန်၊ လောတ်ဒးကြေဟ်ဝါန်ၜေတ်တြၚ်ဟွံမာန် ဂစာန်ဟောဒြာ၊

မုက်လိက်−၄၄[ပလေဝ်ဒါန် | ပလေဝ်ဒါန် တမ်ကၞက်] လ္ၚဵုဂှ်မၞုံဓတ်ၜေတ်စတ်တိတ်အာ၊ ပ္ၚောံသုသုာန်ဋ္ဌာဂှ်ဒြေပ်အာ၊ ဂွံညာတ်ရုပ်ရောၚ်အယောၚ်အလာ၊ လ္ၚောဝ်ရဴဂဴပူဇဴသကာ၊ ကောံမံၚ်ဟောဒြာပ္ဍဲကာလဂှ်၊ မာတၚ်ဂစိရသိဒယှ်၊ ပ္ဍဲမၚ်္ဂလိကာမေတ္တာစောန်တၞံ၊ သၟိက်ဂွံထံက်လဝ်အသဝ်ဂွံဒှ်၊ ကဵုရှ်ေသှ်ေကီုဗၞးသီုဒိုဟ်စှ်၊ အဒိဋ္ဌာရခၞဗွဲပရဟ်၊ ပ္ဍဲကာလဂှ်ဗဒှ်ဓဝ်ဟိရိ၊ မၚ်္ဂလိကာပ္တိုန်သမာဓိ၊ မာတၚ်ဂတၠရသိ၊ နလ္ပုဟ်တဲအဵုဍဵုပၞေဟ်စိ၊ ဂဗ္ဘပြဲလောန်ကဵုတန်ဂဝ်ဂၞဴ၊ ခါဂှ်ရသိအဒိဋ္ဌာန်ပၠန်၊ တုဲရသိကီုသၟိက်ဟီုဗ္ကန်၊ ယွံမၚ်္ဂလိကာကၠၚ်ကၠာဗိုန်တ္ညန်၊ ချိုန်လၟုံရဂဗ္ဘဒးတန်၊ သၟတ်တြုံဗြဴကြဴကလိဂွံကောန်၊ လ္တူညးပၠန်ဂၠိုၚ်လောန်ကျာ်သြဳ၊ ဒးရှ်ေသှ်ေကီုညးဒးဖုံပၠဳ၊ အလုံဍုၚ်ရညးဒးပလွဳ၊ အိုတ်ဂကူဗၞးညးဒးပြေၚ်ဖျဳ၊ ဂွံစသိုၚ်အဵုဒဵုခန္ဓဏှဳ၊ ဍုၚ်ဗာရာန္နသဳဒးလွဳဒေံဗြဴ၊ ခါရသိပၠန်ဗ္ကန်တုဲသၟိက်စဴ၊ ဗဒှ်အဘိညာဏ်သီုဇျာန်ဖက်နှဴ၊ သီုအရဴၚ်အဵုဂဵုမံၚ်ဖျဴဖျဴ၊ အဇဗြီုကွေံညာတ်ဒးပူဇဴ၊ ရသိဓယှ်အဴကလာၚ်စဴအာ၊ မၚ်္ဂလိကာတန္ဒနာသ္ပ၊ ဗၞးတံညာတ်သမ္ၚာတ်ဟဒယ၊ သီုသ္ကံရဲယဵုတဲထ္ၜ၊ စမဳရံၚ်အာလ္တူကာသ၊ ကၠေံဗ္ဒန်အာရပ္ဍဲဂတမတ်၊ ဗၞးအလုံဍုၚ်ဒြေပ်ကၠုၚ်ဖ္ဘောတ်၊ ဗၞးဂၠိုၚ်ဗော်ဟွံတီဇၞော်ဍောတ်၊ ကြိက်ကြက်လၞၚ် တိတ်တြၚ်ဟွံလတ်၊ ဟွံဂတာပ်ကို ဒြေပ်သီုဇြဟတ်၊ ဟီုဒေါန်ၜုတ်ၜုတ် မၞိဟ်ယုတ်အဲရ၊ ညးဒြေပ်ညးဆဵု ညးဗဵုဖဲဖဲ၊ ပိုဲဒြေပ်ညံၚ်ချိုတ် ဒြေပ်အိုတ်သ္ကန်ဒဲ၊ ဒြေပ်ဂၠိုၚ်ဗုၚ်ဂိဂုန်ညိရောမွဲ၊ ဟီုဒေါန်ဗြိုဟ်ဟ်တက်သိုဟ်နတဲ၊ ဍောၚ်မံၚ်ဟွံဟဲထောံဇိုၚ်တဲၚုၚ်၊ ပေၚ်သုသာန်ကွေံ ဗၞးအလုံဍုၚ်၊ မိပ်စိုတ်ဟောဒြာကောံအာကောံကၠုၚ်၊ ကဵုမၚ်္ဂလိကာ လုပ်အာဝေၚ်ဒုၚ်၊ ဍေံပယွံသွံစွံဋ္ဌာန်သၠုၚ်၊

မုက်လိက်−၄၅[ပလေဝ်ဒါန် | ပလေဝ်ဒါန် တမ်ကၞက်] ဗၞးအလုံဍုၚ်သၟိက်ဒုၚ်ဖျဴဏာ၊ မိဗြီုမိဗြီု ဟီုမံၚ်ဟောဒြာ၊ ဇာတ်ဗၞးဂှ်ဒှ်မွဲဘာသာ၊ ခၞံဝဝ်ထဝ်အသဝ်သာ်လွာ၊ အလာံဖက်နှဴပ္ကဴနာနာ၊ သၠဖ္ဍာန်ရတ်ရေၚ်မတ်နဳလာ၊ မြမောဝ်နာနာပၟာလွဳမာန်၊ ဗၞးသ္ကံရဲကျိုၚ်ထဲပေၚ်ဍာန်၊ အိုတ်အလုံဍုၚ်ကောံကၠုၚ်မွဲဟာန်၊ လ္ၚဵုကွာ်တိုက် လ္ၚဵုဍိုက်ယာန်၊ ဇက်ပ္ၚောံအာဋ္ဌာဏသုသာန်၊ ကောံမွဲဟာန်ယိုက်ဏာယာန်ထဝ်၊ လ္ၚဵုမွဲသာတိၚ်အာစံၚ်ဂြဝ်၊ လ္ၚဵုသေဲကျာံဗာတ်သၞာံအဟဝ်၊ ဗရုကြဵုဆက် တိၚ်ဇက်တမ္ညဝ်၊ ဗၞးဝုတ်ဗၠာဲလှ်ေကွာ်အာဗဝ်၊ ဝေၚ်ဒုၚ်မိဗြီုတုပ်ဗီုဍုၚ်သွဝ်၊ ယိုက်ဏာယာန်ထဝ် မိပ်တဴအဝ်ဇာ၊ အာစိုပ်သုသာန်ဋ္ဌာန်မၚ်္ဂလိကာ၊ စိုပ်တုဲဝန်စဝ်ဇံသဝ်အောပ်မာ၊ ယွံလေဝ်မိဗြီုမသ္တီုအဒ္ညာ၊ ဒၟံၚ်ပ္ဍဲသုသာန်ဒှ်ဋ္ဌာန်ယုတ်မာ၊ အပ္ဍဲအဍုၚ်ရဂပ်ဝ်ကျအာ၊ စွံစိုတ်မေတ္တာတ္ညအာညိအဴ၊ မၚ်္ဂလိကာမိကညာဗြဴ၊ ဂွံတီကေတ်ပၠန်ဟိုတ်တန်ဂဝ်ဂၞဴ၊ ဒုၚ်ပါၚ်ကဵုကံဟွံပၠံကမြဴ၊ ဟွံတီဝုတ်ဗၠာဲဗြဴကၟာဲလထဴ၊ ဍေံဗၠိုပ်ဖုံပၠန်စၠန်အဂၠဴ၊ ယာတ်သုတ်ယာတ်ပ္ကဴကဵုကျိုၚ်စဴပၠန်၊ လ္တူဝဝ်ထဝ်အသဝ်ပြဲလောန်၊ မၚ်္ဂလိကာဍိုက်အာသိပ်တန်၊ ဗၞးတံဂမၠိုၚ်ဝေၚ်ဂြိုၚ်လုလန်၊ ဝုတ်တ်ဗၠာဲဗၠာဲ ဗြဴကၟာဲလီၜန်၊ တိၚ်တိုက်တုဲလှ်ေဓယှ်ေသောန်န်၊ ဒုၚ်မိဗြီုပၠန်မိပ်လောန်ဟောဒြာ၊ အိုတ်ဗၞးကၠာဝေါဟာဂလာ၊ အာတဴသိုက်က်အခိုက်နာနာ၊ ယိုက်ဏာယာန်ထဝ်မိပ်လောန်မှောဝ်ဇာ၊ အဝဲအလာံမန်ဂြာံဂြာတ်ဏာ၊ ဗ္ဂိုဟ်ခပဵုသီုကဵုခရာ၊ ဝေၚ်အာဂြိုၚ်အာစိုပ်ဍုၚ်ခါဂှ်၊ အိုတ်ဗနးကၠာစိုတ်ညဳသာသၟဟ်၊ အဒေါဝ်ဍုၚ်ပၠန်ကၞကၠောန်ဗဒှ်၊ ခၞံဇံၚ်ရတ် ကြကောတ်ဍာ်စှ်၊ ညံၚ်ဇံၚ်ဒေဝဟွံခြာတၞဟ်၊ ဂၠာဲကၠောန်ဗဒှ်ဆဂှ်ရောသေၚ်၊

မုက်လိက်−၄၆[ပလေဝ်ဒါန် | ပလေဝ်ဒါန် တမ်ကၞက်] ပ္ကဴလဳဆက်ကွက်စုတ်သၠကြေၚ်၊ သၠကဵုသၠဗျာၚ် ကၞာၚ်ကဵုကၞာၚ်ဗၠေၚ်၊ တၞံသတ်ဗြဴက္ၜဴကဵုတဵုရေၚ်ဏာ၊ အလာံနာနာဟွံခြာဟွံဝေၚ်၊ အိုတ်ဗၞးဟေၚ်ပြုပြေၚ်သ္အဳဗ္ဂါ၊ ကၞာရတ်ပၠန်ကၠောန်လဝ်တုဲကၠာ၊ စွံပ္တိုန်စိမၚ်္ဂလိကာ၊ ညးညးအဲအဲမၚ်မွဲဟောဒြာ၊ ဖါပ်ဗ္စရစၞဟောဒြာ၊ ဗိုၚ်ပူဇဴပၠန်ထတ်သန်ဗၠဲဒွါ၊ ယာတ်ဗြေဝ်ယာတ်သုတ် မြခုတ်သရာ၊ ဗ္ဂဵုပၞာၚ်သ္ဍဴပူဇဴသကာ၊ ဇာတ်ဗၞးတံတၟံဝေါဟာ၊ လၟိုန်တ္ၚဲကၠာသာဓာလီၜန်၊ ဗၞးအလုံဍုၚ်ပြာပ်ကၠုၚ်စိုပ်ညန်၊ ညံၚ်ဆဵုဒးကျာ်သာ်ဂှ်စိုတ်တန်၊ ဇံသဝ်ရဴဂဴပူဇဴထဝ်သန်၊ မၚ်္ဂလိကာဗြဴဂွံစဴသိုက်တုန်၊ မၚ်္ဂလိကာပၠန်သိုက်တုန်ကာယျ၊ မၚ်္ဂလိကာကညာရုပ္ပ၊ သ္ဇိုၚ်ဂဝ်ဂၞဴမဒှ်သဘာဝ၊ ကြံၚ်ဍုဟ်အာညိညိဂတ၊ ဗၞးဗြဴဟေၚ်မၚ်မွဲထဒၟ၊ ဝတ်ဗြဴတံရဆောံမထံက်ပၚ်၊ စသုၚ်တိက်မံၚ်သ္ၚေဝ်ရံၚ်ဇၟာပ်တၚ်၊ ဍာတ်ကြောံဂၠိုၚ်နဲဂၠာဲပြာပ်နၚ်၊ ကဵုဝေၚ်ပါဲရစၞရိၚ်ကတၚ်၊ အိုတ်ဇၟာပ်ဒၞာဲ ဂၠာဲသ္ၚေဝ်စၚ်ခြၚ်၊ ပြုပြေၚ်ဇၟာပ်တၚ်မၚ်မွဲသ္အဳဗဂါ၊ ရုပ္ပဒးရး ဂးမၚ်္ဂလိကာ၊ ကြံၚ်အာိညညိသန္ဓိဂဗ္ဘ၊ ဒစိတ်ဂိတုပြဲဗွဲဓမ္မတာ၊ ဒးအခိၚ်သၟတ်နက်သတာရာ၊ သၟိက်သၠးကၠာကာလဂှ်ရ၊ ဗၞးဗြဴတံတၟံဋ္ဌဏ၊ ကၠုၚ်မၚ်မွဲကောံဗိုၚ်ရောံဆောံမ၊ တုပ်အဇကောန် ပူဗန်ခယျ၊ ဟောဟောဒြာဒြာလာံသာထဲဒၟ၊ သန္ဓိဇလဂဗ္ဘယာယဳ၊ ဥဒ္ဓံဂါထာ ကျာဂဝ်ဂှ်ချဳ၊ ဓမ္မမပြဲသတ်ပ္ဍဲလောကဳ၊ ဝတ်ဗြဴတံရတုဲသ္ပလွဳ၊ ကောန်တြုံအသဝ်တုပ်နဲထဝ်ဂွဳ၊ သီုရုပ်ကျာ်သြဳဒ္ၚဳဂွံသၠးရ၊ သၠးတုဲဗိုန်ချိုန်သက္ခဏ၊ နဍာ်မြမောဝ် စဝ်ဗၠိုပ်ဂတ၊ တုဲလာၚ်ဇအးဍာ်ပၠးရ၊ ဟိုတ်ကောန်ဗြီုပၠန် ဍေံရောံဒည၊ ဗၞးဗြဴတံရဍေံပရေက်သာ၊ ယာတ်ဗြေဝ်ယာတ်ပါန် ဖက်ခါန်သာခါ၊

မုက်လိက်−၄၇[ပလေဝ်ဒါန် | ပလေဝ်ဒါန် တမ်ကၞက်] လ္တူထးထဝ်ကဵုလးလဝ်ကၠာ၊ သုတ်ညံၚ်ရဴသော်သောတ် ဂွဳကဵုသာသာ၊ တၟံညးအဲဆက်တဲဒုၚ်အာ၊ လ္တူထးကၠာသာသာစွံပတုန်၊ ဗြဴတၠတှ် ခါဂှ်ရုဲပၠန်၊ ဗြဴဗကေတ်သ္အးတှ်ဖျးတှ်အောန်၊ ဗြဴဗ္စံက်ကြၚ် တှ်ဖျိုတ်က္ဍၚ်သန်၊ ဗြဴဗ္တာၚ်ကြဳ တှ်ကေဝ်ဍာတ်လောန်၊ ဗြဴသရဳဂှ် တှ်ေကြောံဍာတ်ခန်၊ တီတုဲလက်သန် ကောန်ပၠန်ဗြဴမွဲ၊ ဗြဴသရဳသ္အး ကဵုဗၟဴရိုဟ်တ္ၚဲ၊ ဗၞးဗြဴတံသီုသ္ကံရဲ၊ လွဳဖျီုဖအံ ဆံလံတက်တဲ၊ ကြဳဇှ်ကုသဵုဟွံက္တဵုဒှ်ယဲ၊ ဇၞော်တိုန်ရိုဟ်တ္ၚဲဗွဲဓမ္မတာ၊ ဗၞးဍောတ်ဇၞော်ဂၠိုၚ်ဗော်အ္စာ၊ အ္စာဗိန္ဒော အ္စာဟောရာ၊ ဗိုတ်ပိဗေဒၚ် မက္ဍၚ်အဒ္ညာ၊ အိုတ်မွဲကရောံ ဂကောံပြဝါ၊ ရံၚ်စဝွံတာကာလဂှ်ရ၊ တီအိုတ်ညာတ်ကၠး တၟးစိတ္တ၊ အ္စာဂမၠိုၚ်ကွေံ ဟွံဒးခၚ်ခ၊ ဒဒှ်တြုံမွဲ ပ္ဍဲကဵုလောက၊ ဂွံဒုၚ်ဒယှ်သၟဟ်ဗြီုတံရ၊ မိပ်စိုတ်ခယျကာလဂှ်ပၠန်၊ ပ္ဍဲကၞာအဴ ရတ်ပ္ကဴဇၟန်၊ ဟိုတ်ဒှ်မၠိဟ်အဵု မ္ၚဵုရောၚ်ဂးပၠန်၊ နကွတ်ဂၠိုၚ်ဒၞာဲ ဂၠာဲဟီုတော်ဂၞန်၊ ဗိုတ်ပိလေဝ်ကီု သီုဗေဒၚ်ပန်၊ တုဲသၟိက်ခုတ်နာမပြဲလောန်၊ မာန်ဏာပ္ပပၠန်ခုတ်ပ္တိုန်လဝ်ရ၊ အ္စာဗၞးကီု ဟီုတိုတ်ခယျ၊ လၟုံပိုဲအဴတဴပ္ဍဲလောက၊ ပြဲနူညးကွေံ ဍုၚ်ရးလောက၊ မူဟိုတ်မွဲကၠာ ဗ္စာတော်ဆ၊ ဗြီုဒှ်သၟိၚ်မ ဆဵုရသေၚ်ဟာ၊ ပ္ဍဲဍုၚ်ဝွံဂးမၚ်္ဂလိကာ၊ ဒှ်မဗြီုရဂွံပရေက်သာ၊ ချိုန်လၟုဟ်ပြဲ ကောန်တြုံမွဲမြာ၊ ဂွံရှ်ေသှ်ေရဂတဆက်အာ၊ နူညးသ္အာၚ်ကၠာ ဘာသာပိုဲပြဲ၊ အ္စာဗၞးကီုဟီုတိုန်သဲသဲ၊ မိၚ်အ္စာဟီု သီုသ္ကံရဲ၊ မိပ်စိုတ်ခံမံ ကဵုကံတက်တဲ၊ ဗဂိုဟ်ကၞုသၚ် အခြၚ်ဂၠိုၚ်နဲ၊ လ္ၚဵုဒံၚ်သၠာ် ယူယာ်ညးအဲ၊ ဗၞးသကံရဲအိုတ်မွဲဘာသာ၊ ဗၞးသ္အာၚ်ကီု သီုကဵုအ္စာ၊ သိုၚ်ဗဒှ်ကၞာတ်ပြာသာဒ်ရေၚ်ဗဂါ၊ ထပှ်ဘုံကီု ညံၚ်ဘုံဒေဝါ၊ ဂ္ညိဂ္ညာတ်လဝ်အဴ ပ္ကဴသြဴနာနာ၊ နရတ်ထတ်သန် ဇၟန်ဗၠဲဒွါ၊ ပြေၚ်ဖျဳနာနာ သီုဓဇာပ္ကဴ၊

မုက်လိက်−၄၈[ပလေဝ်ဒါန် | ပလေဝ်ဒါန် တမ်ကၞက်] ရတ်မဂၠိုၚ်သာ် သၠုဲသၠာ်ဖက်နှဴ၊ ညံၚ်ဇုက်လလဳ ဖျဳဖျဳဖျဴဖျဴ၊ အရံၚ်မတ်လစ တၟးဍိုပ်ဍဴ၊ ပ္ကဴကြကောတ် အရံၚ်ၜတ်သဴ၊ ဂၠာဲခၞံလဝ်အဴဂၠိုၚ်တဴပြကာ၊ ဍိက်ပေၚ်စိစုံ ထပှ်အုဴရေၚ်ဗဂါ၊ တဵုလဝ်ဗြာတ်က္ၜဴပ္ကဴသြဴနာနာ၊ အလာံစောန်ပြံက်ဗစံက်ဂဝါန်၊ ပတာၚ်ဗ္ကေတ်ဍာ်မိတ်မွဲသာ၊ သာ်တ္ၚေက်အရံၚ်မာဲဂၠိုၚ်နဲပြကာ၊ ဗၞးတံဟောဒြာ ခၞံတုဲခါဂှ်၊ ဗၞးမွဲကရောံကောံတုဲညဳသၟဟ်၊ အိုတ်တၟိုဟ်စိုတ် အဵုဇိုတ်ပူမှ်၊ မၚ်္ဂလိကာ ရုပ္ပါဒယှ်၊ ဗၞးတံအဵုသၟိက်ဇိုတ်ကဵုပြဟ်၊ ဇိုန်ကဵုညဳသၟဟ်ကာလဂှ်ပၠန်၊ ဂွံသိုက်သၠိၚ်ကၠာၜါမကဵုကောန်၊ မဂၠိုၚ်ပိုန်ဘိုက်တသိုက်ထဝ်သန်၊ အိုတ်အလုံဍုၚ်ဖျေံက္ဍိုပ်ဒုၚ်ဝေါန်၊ ပူဇဴရိုဟ်တ္ၚဲ ထပ်ဂၠောဲရေၚ်ဇန်၊ ၜေတ်ဟွံမာန်အဵုဂွံဝါတ်လောန်၊ အိုတ်ဗၞးတံပၠန်ဂၠိုၚ်လောန်ပူဇဴ၊ ဂးမာန်ဏာပ္ပတုပ်အဇပ္ကဴ၊ ဇၞော်တိုန်ဒးရးတၟးဍိုပ်ဍဴ၊ အိုတ်ဇၟာပ်အ္စာမေတ္တာစိုတ်ဇဴ၊ ကၠုၚ်ပကတ်ကၠာ ပညာဖက်နှဴ၊ မာန်ဏာပ္ပအဴ လေပ်တဴဂၠိုၚ်လောန်၊ ဗိုက်ပိလေကီု သီုဗေဒၚ်ပန်၊ ဗိန္ဒောဟောရာ ကြိယျာတော်ဂၞန်၊ နက်သတ်ဒိထိ တာရာစဳဇန်၊ လေပ်အိုတ်စိုပ်သၚ် ဂြၚ်ရံၚ်သၟဟ်ပ္တိုန်၊ ဒုၚ်ဒယှ်ပၠန် ဂၠိုၚ်လောန်ပြထာ၊ ညးဒးရှ်ေသှ်ေဍုၚ်ရးခန်လွာ၊ ညးဒးရဴဂဴပူဇဴသကာ၊ မဂၠိုၚ်ကြက်ဂြပ် အရပ်အရာ၊ ဍိက်သ္ကံတြုံဗြဴ ဂၠိုၚ်တဴပြဝါ၊ မာန်ဏာပ္ပကၠာ ခါဂှ်သိုက်လှိၚ်၊ ပိုန်ဟာန်သၠဲလးစဟွံဒးဂွိၚ်၊ မဂၠိုၚ်ပေၚ်ဍတ် သ္ၚိကၠတ်ဇမၠိၚ်၊ ပိုန်ဒိပ်အသဝ် ညံၚ်သွဝ်တာဝတိၚ်၊ ဂးမာံဏာပ္ပ အဇကောန်သၟိၚ်၊ စဟွံဒးဂွိၚ်သိုက်လှိၚ်သ္အဳဗဂါ၊ အယုက်ဒှ်အဴစှ်တြဴအခါ၊ အိုတ်ဗၞးရကၠုၚ်ပအ္စာ၊ ကောန်ဗြီုကောန်ဗြီု ဗိုၚ်ဟီဟောဒြာ၊ ဟိုတ်ညးထိုၚ်သး စိုတ်ဂတးအာ၊ မၞိဟ်ညံၚ်ကဵုအဲ လိုက်ဟွံမွဲၜါ၊

မုက်လိက်−၄၉[ပလေဝ်ဒါန် | ပလေဝ်ဒါန် တမ်ကၞက်] ပ္ဍဲစိုတ်သၚ်ကာဒှ်ပၟာဒ၊ ညံၚ်ကောန်ဗြီုကွေံသၠေဟ်ပၟာဏ၊ ယိုက်ဇၞော်မာန် မွဲဟာန်မၞ၊ ၜိုန်ညးဇၞော်ပြဲ ဟၟဲဂါရဝ၊ ဇကုပြဲအိုတ် ဒိပ်စိုတ်ပါပ၊ ချိုတ်ဟွံတီရမာန်ဏာပ္ပပၠန်၊ ဒါန်အတိက်အဵုဇိုန်ကဵုထတ်သန်၊ ကသပ်သာ်ဂှ်ဟွံဂၠာဲဗှ်ရန်၊ သၠေဟ်ကောန်ဗြီုဟိုတ်ဒိုဟ်ဓီုလောန်၊ ဟိုတ်ဓဝ်မနမောဟဂၠုဗ္ဒန်၊ ဟွံညာတ်သက်က် ကၠက်သီုဒိုဟ်ပန်၊ ကုဇကုပၠန်ကောန်သၚ်ကာ၊ ဒးဂွါံကာလ မာန်ဏာပ္ပကၠာ၊ သၟိက်ကဵုဒါန်ကီုချပ်သီုစေတနာ၊ ကော်သ္ကံကွး ဍုၚ်ရးခန်လၟာ၊ ဆမွဲကရောံဂကောံဘာသာ၊ ဖန်ဖက်ညဳသာ ခါဂှ်ပြုပြေၚ်၊ ဒယိုၚ်လ္ၚီကၞာ ဟွံကဵုခြာဗၠေၚ်၊ ၜတ်ကၞာတ်ညဳညတ် ခါဂှ်ဗ္ဂပ်စဳရေၚ်၊ ညဳညဳသာသာ ဟွံဂွံခြာဝေၚ်၊ ညးညးအဲအဲကၠောန်တုဲမံၚ်ရေၚ်၊ ဘာသာမၞးဟေၚ်ပြုပြေၚ်ညးအဲ၊ ၜတ်ကၞာတ်ဗိုန်တ္ညန် ကုတ်ဒန်နတဲ၊ ကၠောန်ဖ္ဍာန်လဝ် အၚောဝ်သၞိၚ်ဇြဲ၊ ဇိပ်ဂၠိပ်ဒးရး သွက်ဂွံဗၠးတ္ၚဲ၊ ပ္ကဴလဳဆက်ကွက်လဝ်လကဲ၊ ယာတ်အရံၚ်ဗၠဲ ကၠောန်နဲခဇာ၊ အသေအဟာန်သၠးဖ္ဍာန်ကျာ၊ မွဲသာ်ပါန်ခဳ ချူပ္ညဳဏာ၊ ရုပ်က္ၜိုၚ်ရုပ်ဒြာဲ ဗ္တာဲကၠလှာ၊ ရုပ်စိၚ်ရုပ်ချေံ ပှ်ပှ်ေမွဲသာ၊ ရုပ်ကၞုဲရုပ်ဂၚ် ရုပ်မၚ်ဂၠိုၚ်ရာ၊ ချူလဝ်နာနာ ရိုဟ်အာဟွံမာန်၊ လ္ၚဵုလၟေၚ်ဇာတ် နိပါတ်ဍုၚ်ကွာန်၊ လ္ၚဵုဍုၚ်ရးဟီုဂးဥဒျာန်၊ လ္ၚဵုဂှ်ချူဏာပြာသာဒ်နန်ယာန်၊ လ္ၚဵုဗီုတိုက်စိ လ္ၚဵုဗီုသ္ၚိဋ္ဌာန်၊ ဗီုဂၠံၚ်ဗီုဍာန်ကွဳယာန်ဇက်ဂၠောဲ၊ မွဲသာ်ချူပျး အကးအမှဲ၊ မွဲသာ်ချူကီု ညံၚ်ဗီုမတ်ဗြဲ၊ မွဲသာ်ချူလံၚ် နှံၚ်ဂိတုတ္ၚဲ၊ မွဲသာ်ချူဏာ တာရာသောဲသောဲ၊ ယဝ်ဗဵုဋ္ဌာန်သ္ၚောဲ ဗဵုဟွံဖဲကီု၊ မွဲသာ်ချူဗဒှ် ဒဵုဇြဟ်ဂြိုပ်ဇီု၊ မွဲသာ်ညံၚ်တ္ကံ ညံၚ်တၟံညံၚ်ထီု၊ မွဲသာ်ညံၚ်ဝါ အၚ်လှာချူဗြီု၊ မွဲသာ်ၚုဲက အဇတုပ်ဗီု၊ ပေၚ်ဗြော်ဍၚ်ဍီုဂၠာဲဟီုရောမာန်၊ ယဝ်ကၠုၚ်ညာတ်ဒးအိုတ်ရးဍုၚ်ကွာန်၊

မုက်လိက်−၅၀[ပလေဝ်ဒါန် | ပလေဝ်ဒါန် တမ်ကၞက်] တၟံတြုံဗြဴ ပါတ်ဇဴဝိညာန်၊ ဝိုတ်ဝုဲသတိ ထောံကၠေံသ္ၚိဋ္ဌာန်၊ ဗဵုတဴရုရု ကေုာံမွဲဟာန်၊ သိုၚ်ကၞာယာန်မွဲဟာန်ညဳသာ၊ အလုံဍုၚ်ကွေံဗၞးပုဏ္ဏာ၊ ကောံတဴလဆန် ကၠောန်ၜိုတ်ဟောဒြာ၊ ကွာၚ်ၜဲယိုယ်ၜန် ဖန်ဖက်နာနာ၊ လ္ၚဵုကွာၚ်ဗုတ် လ္ၚဵုဝေါတ်သာသာ၊ လ္ၚဵုဖက်ပၠာဲ တၚ်လာဲကဝ်တာ၊ ဍာ်သာဲသဂြာ ဖက်ဏာခန်ခန်၊ ကဝ်သဂြာ ထၞာသောန်န်၊ တၚ်ဂွါၜဲဒုတ် ၜဲမုတ်သွံဂန်၊ ခၞာဂၠိုၚ်သာ်သီုဍာ်မၚ်ဂၠန်၊ မဇဳမအဳ ဖက်ပ္ညဳဆအောန်၊ ကဵုထဝ်ဗာတ်ပၠန် သောန်န်ခၞာ၊ ပုၚ်ကၠေၚ်သွဟ် နွံကုရှ်သာ၊ ဖျိန်ဗဒှ်လဝ် မြမောန်နာနာ၊ သဂြာဍာ်ပၞဴ ပၠာဲနှဴသီုၜါ၊ မွဲမွဲဗောတ်ဟေၚ် ကဵုပြေၚ်လဝ်ကၠာ၊ ဗောတ်တြဴလက် ပန်လ္ၚီဆက်အာ၊ ပြုပြေၚ်ညဳသာ ဝေါဟာဗၞး၊ အ္စာစိုပ်ကောံ အလုံဍုၚ်ရ၊ တြဴလက်ပၠန် ကဵုပန်လ္ၚီဒး၊ ဂဇံရေၚ်ဗဂါ ကၞာလှဲလး မာန်ဏပ္ပကၠာ မဒှ်အ္စာညး၊ ကျိုၚ်ကျဝ်ဒးရး ၜးကေတ်ကြိယျာ၊ စှ်ေဒတဴဗျာံ ပ္ဍဲဂါံလုပ်ကၞာ၊ မာတၚ်ဂစိ ရသိဟေမာ၊ သၟိက်ဝးဓဝ်မၞ မာန်ဏပ္ပကၠာ၊ ချပ်တုဲလုပ်ဍုၚ် ကၠုၚ်လ္တူကျာ၊ စှ်ေတုဲလုပ်အာ စိုပ်ကၞာဂှ်၊ မာန်ဏပ္ပညာတ် သ္ၚာတ်က္တဵုဒှ်၊ ဟိုတ်ဒးညာတ်စိ ကၠိခဍက်ဇြကှ်၊ အဲဒးညါတ်စုတ် မၞိဟ်ယုတ်မတ်ဇျဟ်၊ ဗက်ထောံခိုဟ်ရ ခဏလၟုဟ်၊ ချပ်တုဲဣၚုဟ် ခါဂှ်ဟီုတိုန်၊ ဟေံမၞိဟ်ယုတ်မာ ပါပအိုတ်ကွိုန်၊ ညံၚ်စ္ဍးတိတ်အာ ဇိုၚ်ကၞာပလိုန်၊ အာဟွံအာကီု ဟီုညိဗိုန်န်၊ ဟွံအာကဵုဘဲ နတဲအဲသွိုန်၊ ဇိုၚ်ကၞာပလိုန် ချိုန်လၟုံတိတ်အာ၊ မာတၚ်စိ ရသိဟေမာ၊ ဟွံဒှ်ဒေါသ ဟီုရညှာညှာ၊ ယွံမာန်ဏပ္ပ တၠသဒ္ဓါ၊ မၞိဟ်ဇၟာပ်ကွာန် သၠးဒါန်သေၚ်ဟာ၊ လ္ၚးညးစိ ညိညသ္ဇိုၚ်သာ၊ လၟုံမွဲဝါ ကဵုညိကၠာရ၊ အဲဒှ်ခါဲဒုတ် ယုတ်မာဍာံပြ၊ အဲပရသိ ဂ္ညိလဝ်သဳလ၊

မုက်လိက်−၅၁[ပလေဝ်ဒါန် | ပလေဝ်ဒါန် တမ်ကၞက်] လၟေၚ်သိက္ခာ မၚ်မွဲကာယျ၊ ဒဴထောံဍုၚ်ကွာန် မံၚ်ဋ္ဌာန်ဟေမ၊ အဲကၠုၚ်အာတ်ဒါန် ပ္ဍဲမာန်ဏာပ္ပ၊ ဗၞတ်ဆညိည ကဵုဒါန်ရဒကာ၊ မာန်ဏာပ္ပဂှ် မိၚ်ဒှ်ဒေါသာ၊ သီုဒေါသကီု ဟီုတိုန်ဟွံညှာ၊ ဟာဲရသိမုတ် ရုပ်ရဴယုတ်မာ၊ မုက်ညံၚ်ကလော်ပၠန် ကမ္ဘန်ယက္ခာ၊ ချိုတ်လၟုဟ်ပြဲ ဋ္ဌာန်သ္ၚောဲသ္ဍးအာ၊ ပဟီုဂၠိုၚ်ဝါ အာကၠေံကဵုပြဟ်၊ မာတၚ်ဂစိ ရသိဒယှ်၊ ဂွံမိၚ်ကေတ်ကီု တုဲဟီုခၠေဝ်သှ်၊ ယွံမာန်ဏာပ္ပ ကဵုဒါန်သဒှ်၊ ညံၚ်ရဲဇိက်ဗ္ၚ တဵုမသၟဟ်၊ တိခိုဟ်ဂွံသွံ စွံပၟာဂှ်၊ မာန်ဏာပ္ပလၟုဟ် စွံစိုတ်ဂှ်ညိ၊ မာန်ဏာပ္ပကီု မိၚ်ဗီုသုၚ်ဂျိ၊ တုဲဟီုတိုန်ရ ဟေံတၠရသိ၊ ဟီုလၟုဟ်ကီု ညံၚ်ဗီုရုဲတိ၊ အဲပါဲထောံသၟတ် မၞိဟ်ယုတ်ဒိဋ္ဌိ၊ ရုဲဂိုၚ်လဝ်စိ ဇာတိဗၞး၊ ဇၞော်ဂကူကၠာ ပညာလှဲလး၊ ပူဂဵုဂှ်ရ လောကထိုၚ်သး၊ ဇၞော်လောန်ကုသဵု ကဵုဒါန်ရောၚ်ဒး၊ ရသိမၞိဟ်ယုတ် ခါဲဒုတ်တီကၠး၊ ချိုန်လၟုံကွေံ ညံၚ်စ္ဍးတိတ်ညိ၊ မာတၚ်ဂစိ ရသိဟေမာ၊ မိၚ်ဂလာန်ကီု ဟီုတိုန်ညှာညှာ၊ ယွံမာန်ဏာပ္ပ တၠသဒ္ဓါ၊ ဂကူခါဲဒုတ် ယုတ်ရသ္ဂးဟာ၊ အိုတ်ဂကူဗၞး ပြဲပသၠေဟ်ပၟာ၊ ယုတ်ပြဲသီုၜါ ညဳသာသၟဟ်န်၊ ယွံမာန်ဏာပ္ပ ကၠၚ်ရဗိုန်တ္ညန်၊ သတ္တံတုပ်သၟဟ် ဒှ်နူဓါဟ်ပန်၊ ဘုံလိုက်ဝွံ သန္ဓိဒးတိုန်၊ ဒှ်ယဲဗျုအဴ ကြဴဒးချိုတ်ပၠန်၊ ဟွံတၟေၚ်တၟဟ် တုပ်သၟဟ်လက်သန်၊ ပိုဲသတ္တံပၠန် ဂၠိုၚ်လောန်သာသာ၊ ဂကူဇၞော်ကွေံ ပြဲရသ္ဂးဟာ၊ သဳလဟွံသ္အး ဒှ်မၞိဟ်ယုတ်မာ၊ ဂကူယုတ်ကီု ယဝ်နွံသဳလာ၊ ပူဂဵုဂှ်ပြဲ သတ်ပ္ဍဲလိုက်ဗာ၊ မာန်ဏာပ္ပကၠာ ဗ္စာတုဲကဵုဒါန်၊ မာန်ဏာပ္ပကီု ဟီုဗက်ဟွံမာန်၊ အိုတ်တဴကသပ် ဂၠာဲချပ်ကြာန်န်၊ ကော်သ္ကံရဲ ဂၠောဲကၠုၚ်မွဲဟာန်၊ ကဵုရပ်ထၞက် ကဵုတက်ပ်ဍဲဍာန်၊ ရသိတၠဇျာန် နညာန်ကလာၚ်အာ၊ ဟွံညောန်သ္ၚောဲကွေံ တုဲစှ်ေသာညာ၊ လိုန်ဒးတိရ တုဲပပတ္တနာ၊

မုက်လိက်−၅၂[ပလေဝ်ဒါန် | ပလေဝ်ဒါန် တမ်ကၞက်] ဒၞာဲဇိုၚ်အဲ ကဵုညာတ်လောဲသွာ၊ ဂါံကွာ်အာဗိုန် ဍိုန်ဍိုန်ညှာညှာ၊ ဇရေၚ်ဇြပ်ကၠာ ခါဂှ်မံၚ်တိုန်၊ လတေံတုန်ရ မာန်ဏာပ္ပပၠန်၊ ဝါစဳကံရ ပွလုလန်၊ ညးမၞုံသဳလ ဟီုရဒက်ဒေါန်၊ ဍဵုဍိုက်ဟီုပျုတ် လဟီုယုတ်လောန်၊ ကဵုၜုက်တက်ဟေၚ် သၟိက်ကဵုကၠေၚ်စန်၊ မဂၠိုၚ်ဒုဟ်လောန် ဟွံချပ်စန်စာ၊ ပၟၚ်ဍုၚ်ရ ရုက္ခဒေဝါ၊ အာကော်နၚ်ပၠန် ကုမ္ဘန်ယက္ခာ၊ ရပ်မာန်ဏာပ္ပ ကြံကြဂြိုဟ်စာ၊ ဝတ်ကၠေံကံပၠန် ကၠဗၠန်ဝိုတ်အာ၊ ဗၞးတြဴလက် ပန်လ္ၚီသၞက်ဗဂါ၊ စိပ်လေါတ်စှ်ေအာ လောအကြာတိ၊ ရုဒှ်တိုန်အဴ ဖက်နှဴထိမြိ၊ သိက်ပသိက်ပ သိက်ဂွံပညိ၊ ညးလ္ၚဵုကၠာ ဒြေပ်တိုန်အာသ္ၚိ၊ ဟီုဇီုဟွံဒး တက်သိုဟ်ဖိဖိ၊ ဂဇံတုဲစိ နကြိဟီုပၠန်၊ ယွံလေဝ်မိဗြီု ဗဵုကီုရကောန်၊ မာန်ဏာပ္ပသၟတ် ကံဝတ်မုက်ဗၠန်၊ ဗၞးဂမၠိုၚ်လောတ် ညံၚ်ရဴအိုတ်သ္ကန်၊ ဒှ်လၟုဟ်ရ ယွံမိတၠဂုန်။ ချိုန်လၟုဟ်ပၠန် ဝါတ်လောန်ရမိ၊ မၚ်္ဂလိကာ ခါဂှ်ဟီုစိ၊ ယွံလေဝ်မၚ်ဗၠာဲ ကာတ်သာဲက္ဍၚ်ညိ၊ တိုၚ်မၚ်ဗၠာဲဟီု ညံၚ်ဗီုသုၚ်ဂျိ၊ ဗ္ၜူလောတ်နး ပြးအလုံတိ၊ ဟွံတီဟိုတ်စိ တန်ဒှ်ညိဟာ၊ ယွံလေဝ်မိဗြီု ကလၚ်ပိုဲဟီုကၠာ၊ ရသိခါဲဒုတ် ဍေံမၞိဟ်ယုတ်မာ၊ ကၠုၚ်ဒုၚ်ဒါန်ရ ဟွံဂွညှာတာ၊ မာန်ဏာပ္ပကီု ဟီုစုတ်ပြိုက်ဖါ၊ ကဵုရပ်တက်ကၠာ ရသိကၠေံအာရ၊ ကၠေံအာတုဲဗက် ချိုန်သက္ခဏ၊ ကံဝတ်အာကွေံ ဂးမာန်ဏာပ္ပ၊ အိုတ်အ္စာဗၞး လောတ်စှ်ေညံၚ်ဇွ၊ ဟွံဂွံမုဟ်ပါၚ် ရမျာၚ်သ္ၚိတ်ဇြ၊ ဍိက်ဖေက်ကွေံရ ယွံမိတၠဂုန်၊ မၚ်္ဂလိကာ ကညာရုပ်သောန်၊ ဂွံမိၚ်လဟီု တီကေတ်ဗိုန်တ္ညန်၊ မာတၚ်ဂစိ ရသိတၠအစောန်၊ ကၠုၚ်ဒုၚ်ဒါန်ကွေံ ဟီုတ္ၜေဟ်လက်ဒေါန်၊ ဟိုတ်ဒုဟ်ဂှ်ပၠန် ဇၞော်သန်က္တဵုဒှ်၊ ကလံအာတ်ဒုဟ် လၟုဟ်ညံၚ်ပြဟ်၊ ကေတ်နၚ်သၠိုၚ်ထဝ် ဍာ်မြမောဝ်စှ်၊ ဂွံတုဲသၟိက်အာ ကောံညဳသာသၟဟ်၊

မုက်လိက်−၅၃[ပလေဝ်ဒါန် | ပလေဝ်ဒါန် တမ်ကၞက်] ဋ္ဌာန်ရသိကၠာ ကွာ်အာပြဟ်ဟ်၊ ရသိဓယှ် ဗဒှ်လတ်ဒၞာဲဇိုၚ်၊ ရံၚ်တုဲဗက်အာ ယဵုဏာဍာ်သၠိုၚ်၊ ဟွံဂံၚ်လ္ၚာ် ကွာ်အာလက်ဂစိုၚ်၊ စိုပ်ဇြပ်ဂွံညာတ်သ္ၚာတ်က္ဍိုပ်ဘိုၚ်၊ ဟွံဂံၚ်ဟီုပြဟ် ဒှ်မံၚ်ကၠိုၚ်မိုၚ်၊ ဟွံဂံၚ်အီဂြိုၚ် လ္ၚောဝ်ဇိုၚ်သာသာ၊ ဟီုပါန်တိုန်ရ ယွံတၠပညာ၊ ကောန်အဲဗြဴရပွယောၚ်မှာ၊ အဲဍိက်အာတ်ဒုဟ် လၟုဟ်မွဲဝါ၊ လ္တူကောန်သွံ ယဝ်စွံမေတ္တာ၊ လၟုဟ်မွဲဝါပြာ်ညိကၠာအဴ၊ မာတၚ်ဂစိ ရသိကြက်လှဴ၊ မိၚ်တုဲသၟိက်ဟီု သီုမေတ္တာဇဴ၊ တုဲဟီုတိုန်ရ ယွံလေဝ်ဒေံဗြဴ၊ အဲဟွံကဵုဘဲ ဒက်ဝဲဗွဲကြဴ၊ ဒုဟ်ပ္ဍဲကောန်ဂၞဴ မူရဴကဵုဒှ်၊ အဲဟွံဂွံပပွတံဂှ်၊ ဒေဝတံအနဳ မဇၞော်ကြဳဇှ်၊ ဒေဝတံပ ပ္ဍဲပွလၟုဟ်၊ ဟိုတ်ဒးပ္ကီုလဝ် ပ္ဍဲဗွဝ်ဒုဟ်၊ ဒေဝတံက္ဍုဟ် ဍေံတန်ဒှ်ရ၊ မၚ်္ဂလိကာကညာရုပ္ပ၊ ဟီုပါန်တိုန်ကၠာ ယွံတာပဿ၊ ယဝ်လေပ်လဝ်ပၠန် မန်ယန်နာထ၊ သ္ဂောံဗက်ဗ္ဒဴပၠန် ကုမ္ဘန်ယက္ခ၊ ယဝ်မၞုံတဴသၟတ် ဗၞတ်ဆညိည၊ ထံၚ်ပၚ်ညိရ ယွံတၠဂုန်၊ မာတၚ်ဂစိ ရသိဟေမောန်၊ မိၚ်လဟီုအဵု ကဵုပိုဲတုဲပၠန်၊ ပ္ဍဲလှိုၚ်ထဝ် မြမောဝ်စၠန်၊ လ္ၚဵုက္ၜဴပါၚ် လာၚ်မုက်မွဲဂွန်၊ ဆမသှ်ေပၠန် ဍာ်စၠန်ဂှ်၊ ကြဴဗဗေၚ်ရ ခၞဗွဲပရဟ်၊ ညးတာပဿ တၠကြဳဇှ်၊ ပတ္တနညာဏ် အဓိဋ္ဌာန်ဗဒှ်၊ ကဵုဗၠးဘဲသွာ နမေတ္တာသၟဟ်၊ ဍာ်ၜါသာ်ဂှ် ပၠာဲစုတ်နတဲ၊ စုတ်ဗပေၚ်လဝ် လှိုန်ထဝ်သာ်ဗၠဲ၊ မွဲဂလာန်ကီု ဟီုတိုန်သဲသဲ၊ ယွံဒေံဗြဴအဲ ကလၚ်ညိမွဲဝါ၊ ပုၚ်ဍာ်ဝွံရောၚ် ဒေံဗြဴညံၚ်ဏာ၊ ဖျီုဗ္စရ မာန်ဏာပ္ပကၠာ၊ ဆသှ်ေက္ဍဝ် ပၠာဲလဝ်ဂၠိုၚ်ရာ၊ မၚ်္ဂလိကာ ကညာရုပ္ပ၊ မိၚ်တုဲမိပ်စိုတ် အဵုဇိုတ်ခယျ၊ တဲစရှ်ယဵု ပ်ဍဵုတူသိသ၊ လ္ၚောဝ်ဒးရး ဂၠးဇိုၚ်ပါဒ၊

မုက်လိက်−၅၄[ပလေဝ်ဒါန် | ပလေဝ်ဒါန် တမ်ကၞက်] ဂွံသၠိုၚ်ထဝ်ရ ခဏဂှ်စဴအာ၊ ခါမညန်ကြပ် လုပ်စိုပ်ကၞာ၊ တိုၚ်ဗ္စန်ရောၚ် ဟွံကဵုယောၚ်ယာ၊ ဖျုၚ်ဗ္စရ မာန်ဏာပ္ပကၠာ၊ သက္ခဏပြဲ ဂွံဗၠးလောဲသွာ၊ ညံၚ်ရဴသၠိၚ်အာ ခါဂှ်ၚုဟ်ပၠန်၊ ချိုန်ခဏစိ ညာတ်မိကျာ်ဂန် အိုတ်ဇၟာပ်ဂၠံၚ်၊ သ္ၚေဝ်ရံၚ်ဒိုဟ်ပန် ညာတ်ဗၞးအိုတ်လောတ်လောလီၜန်၊ မူဟိုတ်မွဲကၠာ သၚ်ကာစိုတ်ဍန်၊ ဟွံတီလက်သန် သၟာန်မိပၠန်ရေၚ်၊ ယွံလၟာဂၞဴ မူရဴုဒုက္ခ ၊ ဗၞးဂမၠိုၚ်ကဵု ဟွံဟီုသ္ၚိတ်ဇြ၊ လောတ်လောကၟဝ် တုပ်အၚောပ်ဇွ၊ ကဵုသတိရ ဟီုပၠညိအဴ၊ သြကောန်သြကောန် ယွံလေဝ်ကောန်ဂၞဴ၊ ကောန်တံစွံမၞ သီုဒေါသဇဴ၊ ညးမၞုံသဳလ ဟွံပရဴဂဴ၊ ရသိပြဲသ္အး ကောန်ဒးဗက်ဗ္ဒဴ၊ ဟိုတ်ဂှ်သဘဴ ဒုဟ်စဴဒှ်ရ၊ ကောန်ဒးဝပ်ပၠန် ကုမ္ဘန်ယက္ခ၊ ကံဝတ်မုက်ဗၠန် ညောန်မာရဏ၊ ဟွံဂွံတီစိ သတိဗလ၊ မိဒြေပ်ဂၠာဲအာ ညးတာပဿ၊ ဂွံဆဵုလောဲလောဲ ယဵုတဲထ္ၜ၊ မိအာတ်ဒုဟ်ရ တာပဿပၠန်၊ အာတ်ဂဥုဲကီု ဟီုပါန်ဒုၚ်ဂုန်၊ သွက်ဂွံဗၠးအာ ဝေဒနာကောန်၊ ဍာ်မကေဝ်ဇြုၚ် သီုပုၚ်ပၟန်၊ ဂွံတုဲဒြေပ်စဴ တရဴသ္ၚောဲလောန်၊ သုၚ်တုဲမွဲဂွန် ကောန်ဂွံဗၠးလၟုဟ်၊ ကောန်ဟွံပ္တေဟ်ကၠာ ရံၚ်အာညးတၞဟ်၊ လောတ်လောမံၚ်ရ ဒုက္ခမတ်ဇျဟ်၊ ညးဂမၠိုၚ်ကၠာ သၟိက်ကဵုဗၠးပြဟ်၊ ဂဥုဲရသိ မဂ္ညိကြဳဇှ်၊ ဖျုၚ်ဂွံဗၠးပြဟ် ချိုန်လၟုဟ်ရ၊ ဟီုရိုဟ်ရေၚ်ပၠန် ကဵုကောန်ပုတ္တ၊ တုဲဂိုၚ်ပ္တိတ်ကၠာ ပုၚ်တာပဿ၊ ဖက်ဍာ်ပၠာဲအဵု ဟွံကဵုလဇ၊ ဖက်တုဲဖျုၚ်ကွေံဗၠးသက္ခဏ၊ ဂးမာန်ဏာပ္ပ ညာတ်ရသေၚ်ဟာ၊ ညာတ်ဒှ်ဗဟေက် ဖေက်ဂွညှာတာ၊ ပ္ဍဲတာပဿ ပွဇကုမှာ၊ ဂွံတီကေတ်ရ ဘယသၚ်ကာ၊ ပ္ဍဲစိုတ်ဗှ်ဂွိၚ် ဒှ်မံၚ်သိၚ်သာ၊ မာန်ဏာပ္ပကၠာ သိၚ်သာမံၚ်တုန်၊ မၚ်္ဂလိကာ ခါဂှ်ဟီုဗ္တောန်၊ ယွံလေကောန်မိ ကၠၚ်ညိဗိုန်တ္ညန်၊

မုက်လိက်−၅၅[ပလေဝ်ဒါန် | ပလေဝ်ဒါန် တမ်ကၞက်] သတ္တံပ္ဍဲလိုက် ဒိုက်သိုက်ပရန်၊ ဂကူယုတ်ပြဲ ဟွံမွဲရကောန်၊ တုပ်သၟဟ်လက်သန် ဓာတ်ပန်က္တဵုဒှ်၊ ဇာတိပုည ဂုနကျာ်တွံ၊ ဓဝ်ပိဝွံရ မၞတုပ်သၟဟ်၊ ရုပ်ဂေါဝ်ပိုန်လှဲ ဂုန်ပ္ဍဲညးတၞဟ်၊ ဓဝ်မၞအဵု ဇၞော်ကဵုကြဳဇှ်၊ ဓဝ်ပိဝွံဂှ် ဗဒှ်ညိကောန်၊ ဒမုၚ်ဒါန်သဳလပြဲလောန်၊ ဂကူပြဲဂှ်ပဂၠာဲဗှ်ရန်၊ သဳလဟၟဲဋ္ဌာန်သ္ၚောဲဝေၚ်ခၠန်၊ ဂကူယုတ်ရသဳလယဝ်တိုန်၊ ပူဂဵုဂှ်ပၠန်ကောန်ကဵုဒါန်ညိ၊ ဖေက်ပါပ်ဂွပါပ် ဗျာပ်ဓဝ်ဟိရိ၊ သဳလဇြၚ်ဂွု အယုဝုဒ္ဓိ၊ ဂှ်ညးပြဲလောန်တိုၚ်ဗ္ကန်မိ၊ သမ္တီအိုဒဵုလီုဇိဝိ၊ ကဵုလဝ်သတိလ္ပဝိုတ်ညိကောန်၊ မာန်ဏာပ္ပစိ တိုၚ်မိဗကန်၊ ဟွံစှ်ေစးကီုဟွံဟီုပၠန်၊ မၞဂှ်ဍဵုဍိုက် ဗ္တိုက်ဗ္တောန်၊ ဝေၚ်အကုသဵု ဟွံကဵုမဵုရုန်၊ စွံသတိပၠန် မၚ်မွဲစန်စာ အိုတ်အ္စာဗၞးဂွံဗၠးရောဂါ၊ ဗၠးအိုတ်တုဲဟေၚ်ကလေၚ်စဴအာ၊ လ္ၚခါဲဒုတ်စၞယုတ်မာ၊ စသုၚ်ဂှ် ဓယှ်ဖြာဖြာ၊ ညးဂမၠိုၚ်ကၠာဘာသာဗၞး၊ ဒှ်ခါဲဒုတ်ကီုဍေံတံဟီုဂး၊ ဍေံပါဲထောံကီု ဇာန်လီုပြးဇး၊ ဗၞးတံဂှ်ရောၚ် မံၚ်စံၚ်ဟွံဒး၊ တြဴလက်လၟိဟ် မၞိဟ်ပန်လ္ၚီ၊ ဍုၚ်မစ္စတာ ပြံၚ်ကၠောံအာကီု၊ တံဇိုၚ်သၟိၚ်ရ ခစဂြီုဂြီု၊ ပ္တေဟ်ဂကူရ ရဲခစဗြီု၊ ဟွံတီဖေက်ဂွ မၞဂၠိုက်ထီု၊ ဍုၚ်မစ္စကီု မံၚ်သီုညးအဲ၊ ပ္ဍဲဂကူကွေံ မၞုံဗၞးမွဲ၊ ဇိုၚ်ၜဳဝတ္တ တိတ်ပနိဿဲ၊ ပရသိကီု ပလီုရုပ်ဝဲ၊ ဟိုတ်ဂကူရမၞထုၚ်ဂြဲ၊ ဓဝ်ဟွံမၚ်မွဲမံၚ်ပ္ဍဲဇိုၚ်ၜဳ၊ ဇာတိမာန်တ နာမခုတ်ပ္ညဳ၊ ဓဝ်ဇကုရ ဂၠာဲပလွဳ၊ နဲညးတၞဟ် ဟွံဂၠာဲဗှ်သ္ၚေဝ်၊ ပၟိက်ဇကုမွဲ ရိုဟ်တ္ၚဲပြေၚ်ဖျဳ၊ နိဿဲကဵုၜဳ လွဳမံၚ်အဓါန်၊ မာတၚ်ဂစိ ရသိတၠဇျာန်၊ လ္တူကျာတၟး တြးအဘိညာန်၊ ဂွံညာတ်ရသိ ဒှ်ဇာတိမာန်၊ သၟိက်ဝးကၠေံရ မၞထုဲကြာန်၊ ချပ်တုဲနညာန် မွဲဟာန်ပြာပ်အာ၊ ဗွဲလ္တူပ္ညဳ ဇိုၚ်ၜဳဂၚ်္ဂါ၊ ဍာ်ဟွံဒးတုက်လာၚ်မုက္ခဝါ၊

မုက်လိက်−၅၆[ပလေဝ်ဒါန် | ပလေဝ်ဒါန် တမ်ကၞက်] ဗကဂၠိုၚ်ရာ ပေါတ်ၚေက်ခါဂှ်၊ မာတၚ်ဂစိ ရသိဓယှ်၊ နမေတ္တာညာန်အဒိဋ္ဌာန်ဗဒှ်၊ ဖဳဖျေံဏာဗက ခၞဗွဲပရှ်၊ ကဵုခက်က္ဍိုပ်ညိ ဇာတိမာန်လၟုဟ်၊ ဖဳဖျေံဏာသၟဟ် လၟုဟ်ရိုဟ်တ္ၚဲ၊ ဇာတိမာန်စိ ရသိၜိုန်သ္ၚောဲ၊ စှ်ေဗၠိုပ်ဍာ်ၜဳ ဟုံလီကြာတ်တဲ၊ ဗကဟဳစိုပ် ခက်က္ဍိုပ်အဂဲ၊ ချိုန်မလုက်ဒး ပသၠေဟ်ချောဲ၊ ခက်မံၚ်တံၚ်ဂြဲ နတဲလၟုဟ်ရ၊ ခါသ္ၚေဝ်ရံၚ်ကၠာ ဒှ်အာဗက၊ ညာတ်ဒးဂြိုဟ်ဆအ် သၟိက်ဂအံတ၊ ဇာတိမာန်စိ ရသိကြံကြ၊ ခၞဗွဲပရဟ် က္တဵုဒှ်ဒေါသ၊ မူညးမွဲရ ဖဳဗ္ကကဵုအဲ၊ ဒစးတိုန်ရောၚ် ဂၠာဲရံၚ်တီလောဲ၊ သီုဒေါသကၠာ ကွာ်အာၜိုတ်သ္ၚောဲ၊ အာဆဵုဒးရ မာတၚ်ဂပြဲ၊ မွဲဂလာန်ကီု ဟီုတိုန်သဲသဲ၊ ယွံတၠအဲ မံၚ်မွဲဓဝ်ဟာ၊ မၚ်မွဲသ္ဒးပ ပွယုတ်မာ၊ ဖဳဖျေံဗက ပသနာနာ၊ ခက်ဒးက္ဍိုပ်အဲ ရိုဟ်တ္ၚဲဟွံခြာ၊ လ္တူဇမောဝ် ဂပ်ဝ်ရဟာ၊ ဗွဲသၟဝ်ကၠာ ပြံၚ်အာကဵုပြဟ်၊ မာတၚ်ဂကီု ဟွံဟီုခၠေဝ်သှ်၊ ပြံၚ်စှ်ေအါရ ချိုန်ခဏလၟုဟ်၊ ဗၞတ်မွဲကော်ရ ဒေသဋ္ဌာန်ဂှ်၊ မာတၚ်ဂစိ ရသိဓယှ် စိုပ်ဒၞာဲဂှ် ဗဒှ်အဒိဋ္ဌာန်၊ ဗကအဲဖဳ ကဵုဟဳတိုန်မာန်၊ နဣဒ္ဓိစိ သီုအဘိညာဏ်၊ လာၚ်မုက်တုဲဖဳ ၜိၚ်လဳဂစာန်၊ ရသိတေံကီု ဟုံဍာ်အဓာန်၊ ခက်ဒးက္ဍိုပ်ကြာန် ဒှ်မာန်ဒေါသ၊ ထေဲပၞတ်က္ဍၚ် ကဵုမာတၚ်ဂ၊ ခဵုခါတ်အာပၠန် ဟွံရန်ဒည၊ ခါစိုပ်တုဲကီု သၟိက်ဟီုကြံကြ၊ လက်ချဴစုတ်ပၠန် ဟွံရန်တော်ဆ၊ ဟာဲမၞိဟ်ပါပ ပွဗှ်ေလၟုဟ်၊ ထပှ်တ္ၚဲဂတ ပ္ဍဲကာလဂှ်၊ ဂဂဵုတးပန်ပၠန် ကဵုပန်ဗှ်ေပြဟ်၊ ဒေါသဂြေန်ဒက် သီုလက်သီုချဟ်၊ မာတၚ်ဂစိ ရသိဓယှ် ဟွံခၠေဝ်သှ် ဗဒှ်ဓဝ်မေတ္တာ၊ ဟိုတ်ဂကူရ မၞဖြာဖြာ၊ ဟိုတ်ဓဝ်မၞ ဒေါသသ္ကေက်သ္ကာ၊ ကၠုၚ်ချဴအဲပၠန် စောန်စိုတ်လက်ဖါ၊ ဝါစဳကံရ ရသိဝွံမှာ၊ ထပှ်တ္ၚဲကၠာ လံအာဂတ၊ ဂဂဵုတးပန်စိ ရသိဂှ်ရ၊

မုက်လိက်−၅၇[ပလေဝ်ဒါန် | ပလေဝ်ဒါန် တမ်ကၞက်] သီုဓဝ်မေတ္တာ ဗ္စာတော်ဆ၊ တီတုဲမဇ္ဇျဟ် ဒှ်မံၚ်ၚုၚ်ၚ၊ ဒှ်ဓဝ်လဟောံ ဒေၚ်ဗျောံကာယျ၊ ဂွံကသပ်ရ ကာလဂှ်ပၠန်၊ ထပှ်တ္ၚဲဒး ဂဵုတးကၠာဟွံပန်၊ အဲဗ္ဒောံလဝ်တ္ၚဲ ကဵုထဲမံၚ်ပၠန်၊ ရသိဂွံဖေက် ဗဟေက်ဇၞော်လောန်၊ သ္ဒးဖျဝ်မၞ ဘယစိုတ်က္ဍန်၊ ဂှ်ဒးရးသန် မိပ်စိုတ်ပၠန်ရ၊ ထပှ်တ္ၚဲပြဲ ချိုန်ဗွဲဂတ၊ နဣဒ္ဓိကာ ရသိမှာတၚ်္ဂ၊ စက်ဗ္စဲကဝ် ပ္တိုန်လဝ်သ္ပ၊ ၜိုန်အခိၚ်ဒး အကးဟွံဖလ၊ ဗ္ဒန်လျးတ္ၚဲ ဂၠုနဲအန္ဓ၊ ကောလာဟာလ ဒှ်ရလုံဍုၚ်၊ ဒှ်တဴသၚ်ကာ ကောံအာကောံကၠုၚ်၊ ဒှ်တဴလၞီ ဟွံတီဍာ်ပုၚ်၊ တိတ်ကဵုရသိ တိသဝ်တိသၠုၚ်၊ စိုပ်တုဲဇံသဝ် လ္ၚောဝ်ယဵုဒုၚ်၊ ဇၟာပ်ညးဂၠောဲကၠုၚ် ယဵုဒုၚ်တဲသၟာန်၊ ယွံတာပဿ ဂၠိုၚ်တေဇညာဏ်၊ ချိုန်လၟုဟ်အဵု ဓိကဵုဒှ်ကြာန်၊ သၟိၚ်တ္ၚဲကၠေံဗ္ဒန် ဝါတ်လော်ဍုၚ်ကွာန်၊ ဟိုတ်တာပဿ နပွဇျာန်၊ ပိုဲဍိက်တံကၠာ သၚ်ကာတုဲသၟာန်၊ ယဝ်ဗဒေါံတ္ၚဲယာန် ဆာန်ဍူညိကၠာ၊ ဇာတိမာန်စိ ရသိကြက်လှဴ၊ သၟိက်ဟီုတိုန်ရ သီုဒေါသဇဴ၊ ယွံဒါယကာ ပသၚ်ကာတဴ၊ စက်ဗ္စဲကဝ် အသနုအဴ၊ အဲရပ်မာန်အဴ သဘဴဍေံနွံဟာ၊ တေတေံမွဲစိ ရသိဓိစ္ဆာ၊ ရသိခါဲဒုတ် ဍေံမၞိဟ်ယုတ်မာ၊ ရသိဂှ်ပၠန် တိုန်ဒှ်ရောၚ်ဒကာ၊ ဍေံလေပ်မန်ယန် ဂၠိုၚ်လောန်ဝေါဟာ၊ ဍေံတန်ဒှ်ကၠာ ညံၚ်အာသၟာန်ရ၊ အိုတ်ဒါယကာ ဒြေပ်အာထဒၟ၊ အိုဿီုညးအဲ ဒြေပ်မွဲခဏ၊ စိုပ်တုဲကလံ မုံဂြံသ္ပ၊ တုဲသၟာန်တိုန်အဵု ကဵုတာပဿ၊ ယွံလေဝ်သိက္ခ ဂၠိုၚ်တေဇညာန်၊ သၟိၚ်တ္ၚဲကၠေံအာ ပူဆာဍုၚ်ကွာန်၊ ဟိုတ်တာပဿ နပွဇျာန်၊ ဗ္ဒန်လဝ်ကွေံ ပိုဲဍိက်သၠေဟ်ကြာန်၊ နမေတ္တာသၟဟ် က္တဵုဗဒှ်ဇြဟာန်၊ ဗၠးစက်ယာန် ဆာန်ဍူညိအဴ၊ မာတၚ်ဂစိ ရသိကြက်လှဴ၊ သၟိက်ကဵုတီရ နအနုဘဴ၊ တုဲဟီုတိုန်ကၠာ သီုမေတ္တာဇဴ၊ ယွံဒါယကာ မူရဴစိုတ်ကတဴ၊

မုက်လိက်−၅၈[ပလေဝ်ဒါန် | ပလေဝ်ဒါန် တမ်ကၞက်] ဗ္ဒန်လတ်တ္ၚဴအဴ တဴလျိုန်အဲရ၊ ချိုန်လၟုဟ်ကွေံ မူဟိုတ်ဒးပ၊ လတေံမွဲစိ ရသိဂၠိုၚ်မၞ၊ လက်ချဴလဝ်အဲ ထပှ်တ္ၚဲဂတ၊ ဂဵုတးကဵုပန် ချဴပၠန်ကြံကြ၊ ဟိုတ်ဂှ်အဲရ လဇဗ္ဒန်လဝ်၊ ယဝ်ညာတ်တ္ၚဲပၠန် ပန်စှ်ေဓဝ်ဓဝ်၊ ဒးရသိဂှ် ကြဴဒှ်လၚ်ဇွောဝ်၊ ဟိုတ်ဒုဟ်သေသာတ် ညာတ်တုဲဆာန်ဍူ၊ ချိုန်လၟုဟ်အဲ တ္ၚဲဒးဆေဝ်ဒဝ်၊ တ္ၚဲဒတန်ကဝ် ဒးဆေဝ်ဒဝ်ရ၊ သြကျာ်သြကျာ်သာ်လဵုဂွံပ၊ ဂပ်ဝ်ဖေက်ကၠာ ယွံတာပဿ၊ ဟိုတ်မၞစိ ညိဟွံတော်ဆ၊ ဝါစဳကံကၠာ ဂြိုဟ်စာကြံကြ၊ သိက်လဵုဂွံပ ဟီုပၠညိအဴ၊ မာတၚ်ဂစိ ရသိကြက်လှဴ၊ မွဲဂလာန်အဴ ဟီုတဴသဲသဲ၊ ရသိတေံအဵု ကဵုကၠုၚ်ကလံအဲ၊ စှ်ေပ္ဍဲၜဳအဵု ယဵုတိကလောံမွဲ၊ ခဏအဲဗလး ဂဵုတးပန်သော်၊ ကဵုဗၠိုပ်စှ်ေအာ ရာဋ္ဌာန်ဇမ္ၚောဲ၊ တိုၚ်လဟီုအံ ဗၠးဘဲဒက္ခ၊ ညးဂမၠိုၚ်ကၠာ မိၚ်ဒြေပ်အာရ၊ အိုတ်သီုရဲသာ ဒြေပ်အာသက္ခဏ ခါစိုပ်ရသိ ညိဟွံလဇ၊ ဟီုတိုန်သဲသဲ ယဵုတဲထ္ၜ၊ ယွံတာပဿ ပွယောၚ်မှာ၊ တာပဿကီု ဟီုလတ်သေၚ်ဟာ၊ အာကလံညိ ရသိတေံကၠာ၊ ညံၚ်ဂွံကလံ လ္ပသ္ပံသာ၊ ညးဗလးတ္ၚဲ ဂၠိုၚ်ဘဲဒုက္ခာ၊ ဂဵုတးပန်ကၠာ ဒးတာပဿ၊ ချိုန်ဂှ်ရသိ ဇာတိမၞ၊ ဟွံမိက်ကလံရောၚ် မံၚ်တဴသ္ၚိတ်ဇြ၊ ပညံၚ်က္ဍိုၚ်ကၠဴ ပ္တပ်တဴကာယျ၊ ယဝ်ရဟွံအာ ဟုံမှာဗွဲကြဴ၊ ကရောံရသိဂှ် ပိုဲဒှ်ဂတဴ၊ ဟိုတ်ဂှ်ဝန်စဝ် ဒးဖ္အောဝ်လဴ၊ ညံၚ်အာညိအဴ ယွံသ္ဍဴမူဏိ၊ သ္ၚိတ်ဇြမံၚ်ရတၠရသိ ၊ ဟိုတ်မၞကီု ညံၚ်ဗီုသုၚ်ဂျိ၊ ဒကာတံကွေံ ဍေံတံစိုတ်ဂိ၊ ဂၠောဲလုပ်ဓဇက် ဂြုက်ဂြက်ထိမြိ၊ အာစိုပ်တုဲစိ နကြိကဵုလ္ၚောဝ်၊ ညးဂမၠိုၚ်အဵု ဍေံကဵုဝန်စဝ်၊ ကဵုစှ်ေဍာ်စိ တိကဵုယဵုလ္ၚောဝ်၊ တုဲကဵုဗလး လျးဗ္စဲကဝ်၊ ဂဵုတးထတ်လောန် ပန်ဖျေဴဓဝ်ဓဝ်၊

မုက်လိက်−၅၉[ပလေဝ်ဒါန် | ပလေဝ်ဒါန် တမ်ကၞက်] ဟွံဒးရသိ တိဍာ်ဇမောဝ်၊ ရသိဂြိုဟ်ဂတဝ် ၜိၚ်စဝ်လုပ်သၚ်၊ ဟိုတ်နူဓဝ်မၞ ဒးဂွဇၟာပ်တၚ်၊ ဒဴထောံဍုၚ်ကွာန် ဋ္ဌာန်ဂြိုပ်တိတ်ကြၚ်၊ ၜိုန်ဒှ်ရသိ ညိဟွံချပ်ဂြၚ်၊ မၞဟွံဝး ကြဴဒးဘိၚ်ဘၚ်၊ မိၚ်တုဲစၚ်ခြၚ် မၚ်မွဲအိုတ်ညိ၊၊ ပ္ဍဲဍုၚ်မစ္စ ဒေသနန်လွဳ၊ ဗၞးတြဴလက် ပန်လ္ၚီဆက်ဂၠိ၊ နူဗာရာန္နသဳ ပြံၚ်တုဲသိုၚ်သ္ၚိ၊ ကၠုၚ်ကောံမံၚ်ကွေံ ဟွံဗၠးဒိဋ္ဌိ၊ မာတၚ်ဂစိ ပြာ်ညိချပ်ပၠန်၊ နဓဝ်မေတ္တာ ဗ္စာတုန်တုန်၊ သၟိက်ကဵုဗၠးညိ နူဇာတိပန်၊ ကသပ်ဝွံကွေံ ဂှ်ဒးရးသန်၊ သ္ပိုၚ်လ္တက် လၜက်ဗိုန်ညန်၊ သၟိၚ်ဒုၚ်ဒါန်ပၠန် ကွာ်ညောန်စဴအာ၊ မာတၚ်ဂစိ ရသိဟေမာ၊ သၟိက်ဒုၚ်ပုၚ် လုပ်စိုပ်ဍုၚ်ကၠာ၊ ဗၞးတြဴလက် ပန်လ္ၚီဆက်ဗ္ဂါ၊ ဍေံညာတ်ဒးစိ ရသိပြဲဖါ၊ ဒေါသဖြာဖြာ သီုရဲသာပၠန်၊ ပ္ကောံသရဲ ဂၠောဲလုပ်အာနန်၊ ဍေံလ္ၚောဝ်ပ္တီရ ယွံတၠက္ဍိုၚ်သန်၊ ရသိခါဲဒုတ် ပူဂဵုယုတ်လောန်၊ ချိုန်လၟုံပ္ညုၚ် စိုပ်ဍုၚ်ဝွံပၠန်၊ ဍေံလုပ်မန်ယန် လေၚ်ရကောန်တၠ၊ မူဟိုတ်မွဲရော ထံၚ်လဝ်သောတ၊ ဍုၚ်ဗာရာန္နသဳ လေၚ်ကၠုၚ်တုဲရ၊ ပိုဲဒးပြံၚ်ကွေံ စိုပ်ဂၠးပါဒ၊ ဗက်ရပ်ဂစိုတ် ဒဵုအိုတ်ဇိဝ၊ ပလဇရ ယွံတၠနန်၊ ဨကရာဇ်မိၚ် ကွိၚ်ပါၚ်လက်သန်၊ စှ်ေစိုတ်ဒးရး ပတှ်ေဗိုန်ညန်၊ ကော်သရာဲသဂံၚ် ချပ်ရံၚ်တုန်တုန်၊ ကေတ်ဟွံဂွံရ ဇျာနအစောန်၊ ကြဴမွဲဝါပၠန် ဇၞော်လောန်ဓိကဵု၊ ဟိုတ်ပ္တုဲလဝ်ရ ဓဝ်အကုသဵု၊ ဒးဒုၚ်ဘဲလ္ၚ ပွရုန်မဵု၊ ပ္ဍဲကဵုပိုန်ပၠန် ဍေံယောၚ်ကၠုၚ်ဆဵု၊ နလွဟ်ဆက် ထပက်တုဲဍဵု၊ နာံဒဴထောံအဵု ဒဵုဗြီုစိုပ်အာ၊ ဂးဍုၚ်မစ္စ ဨကရာဇာ၊ မိၚ်ဂလာန်ဗၞး ပ္တေဟ်တုဲမှာ၊ ပ္ဍဲညးမၞုံရ သဳလသိက္ခာ၊ ပတုံဇိဝိ တၞဟ်နဖ္အောဝ်ဏာ၊ ဒေဝတံမၚ် ပၟၚ်လန်လွာ၊ ထေဲပၞတ်ကၠာ ပ္ဍဲကာလဂှ်၊ ဟွံမၚ်မွဲကၠာ ကျာပိုက်သှ်သှ်၊ လံအာကြံအာ စာ်ခြာပှ်လှ်၊ ဗြံဗ္တဳဂူ သူညဳသၟဟ်၊

မုက်လိက်−၆၀[ပလေဝ်ဒါန် | ပလေဝ်ဒါန် တမ်ကၞက်] ဍုၚ်ဗၠိုက်တၞီ ဟွံတီဒိုဟ်စှ်၊ လေၚ်ဟုံတုဲချိုတ် ကၠေံအိုတ်တုဲဒှ်၊ အကုသဵုဂှ် ဒးဒှ်ဒိဋ္ဌ၊ ကျာ်သမ္ဗုဒ္ဓေါ နာဲသာလောက၊ ဂ္ၚေၚ်လန်အဴ ဂၠိုၚ်တဴဘဝ၊ ဇာတ်မသုန်ကၠံ တံပထမ၊ ဂြၚ်တုဲတွံလဝ် ဓဝ်ဝိသေသ၊ သၟတ်ကၠေံဇာတ်ရ ပ္ဍဲကာလဂှ်၊ အတိက်ရသိ ဒိတှိစောန်ထၞဟ်၊ ဒေဝဒတ်ပ္ညုၚ် လၟုံကၠုၚ်ဒှ်၊ သၟိၚ်ဍုၚ်မစ္စ စိတ္တဟေက်ဟဟ်၊ တဳညန်ဇဲယ ဒှ်ရလၟုံ၊ ဗၞးဂမၠိုၚ်ကၠာ ဒကာညဳသၟဟ်၊ မာတၚ်ဂစိ ရသိဓယှ်၊ မွဲချိုန်လၟုဟ် ဒှ်အဲကျာ်ရ၊ အတိက်မွဲဟာန် ဂးမာန်ဏာပ္ပ၊ ပ္ဍဲချိုန်လၟုံဒှ်ရာဟုလ၊ မၚ်္ဂလိကာ ကၠာပဋ္ဌမ၊ ချိုန်လၟုံရ ယသောဓရာ၊ ကျာ်တြဲတွံဇန် ကဵုအရှန်ကၠာ၊ အရှန်တံအဵု ကဵုသာဓုကာ၊ ဇန်တံမိၚ်ရောၚ် ရှ်ဍောၚ်ဓမ္မာ၊ ဒှ်သောတာပန် ဂၠိုၚ်လောန်ဝေါဟာ၊ တၠပညာ သမ္တီကၠာအဴ....။

ဖဵုအဲချူပၠန် လိက်ဇၟန်ပ္ကဴ၊ ညောန်ကဵုစုတိ ကၠိသ္ကန်တဴသာရဏပၠန် ကဵုတုန်ပ္ဍဲဇဴ၊ စုတိတုဲရ ဘဝဗွဲကြဴ၊ တိဟိုတ်ပြဲဂၠိ သန္ဓိဂဝ်ဂၞဴ၊ ပကဵုဆောတ်အဴ ကဵုတန်တဴညိ၊ ပ္ဍဲညးမၞုံကၠာ သမ္မာဒိဋ္ဌိ၊ ကရောံညးပၠန် တန်ဂဝ်ကဵုမိ၊ ပကဵုဒိုက်ယဲ ဘဲပကဵုမြိ၊ ကဵုဂွံတီလတ် ဍောၚ်ဓဝ်ဒမၠိ၊ ကဵုဂွံပ္တံပ္ညဳ ပါရမဳကျာ်ညိ၊ ဗွဲကြဴဒမၠိ ယဝ်စုတိပၠန်၊ ပ္ဍဲတၠပညာ မြာကဵုဂွံတုန် ၊ ကဵုဒှ်ကျာ်မွဲ နဲမေတ္တဲယျ၊ ဂွံအိုတ်ဇပန် ကြဴပၠန်ဟွံဒှ်၊ နိဗ္ဗာန်ဂဵုမြဟ် စိုပ်ပြဟ်ညိအဴ ။ ။ ။

သက္ကရာဇ်တၞံ ၁၃၅၉ − သၞာံ ၊ ဂိတုပသာ် ၄−မံက်၊ တ္ၚဲသ္ၚိသဝ်အခိၚ်မွဲနာဍဳ ၄၅−မိဏေတ် ချူအာစိုပ်ဒတုဲရ။ (ဘဒ္ဒန္တ ညာဏ − ဒူရာဘာဇၞော်)

နိဿဲ[ပလေဝ်ဒါန် | ပလေဝ်ဒါန် တမ်ကၞက်] လိက်အုပ်- မၞုံယၟု(လိက်မာတၚ်ဂ) ဘဒ္ဒန္တ−ညာဏဝံသ (ဒူရာ−ဘာဇၞော်) − (စောဟံသာ)ပုံနှိပ်တိုက် ကမာဝက် စိန်တောၚ်ရပ်။ Wunchay Rukchaytdee (ဓရီု) ၁၂:၄၅၊ ၉ နဝ်ဝေမ်ဗါ ၂၀၂၁ (+0630)

นายทอโสน (สุพจน์) ผู้นำชนชาติมอญอายุ 98 ปี เสียชีวิต เมื่อวันที่ 7 พ.ย. 2557 အစာထဝ်သောန် က္ဍိုပ်သ္ကိုပ်ကောန်ဂကူမန် ညးမဒှ်အစာံခိုဟ်ပြဲ သွက်ပိုဲကောန်ဗွဲကြဴညးဂမၠိုင်

นายทอโสน (สุพจน์) ผู้นำชนชาติมอญอายุ 98 ปี เสียชีวิต เมื่อวันที่ 7 พ.ย. 2557 အစာထဝ်သောန် က္ဍိုပ်သ္ကိုပ်ကောန်ဂကူမန် ညးမဒှ်အစာံခိုဟ်ပြဲ သွက်ပိုဲကောန်ဗွဲကြဴညးဂမၠိုင်

ပ္ဍဲကဵုဝင်ပရေင်ဍုင်ကွာန်မန်မွဲဒမြိပ်နူပၞာန်ဂၠးကဝ်အလန်ဒုတိယတုဲတေံ ဒိုဝ်ကဵုစိုပ်အခိင် ပစ္စုပန်ဏအ်ယၟုယၟာအစာထဝ်သောန် (နိုင်ထွန်းသိန်း) မွဲပြာကတ်ကၠုင်ဒၟံင်လၟိုန်ရ။ တၞဟ်နသဂွံတိုန်ဒှ်ကဍိုပ်သကိုပ်မန်ဂှ် ဟွံလောဲသွာမွဲ ဒးဍိုက်ပေင်ကဵု အင်္ဂလက်သန်ဂၠိုင်ကဵုသာ် မပတံဒ္ဂေတ်ပတိပတ်ယျဵုလဂူတပ်တး ညာန်ပညာကေတ်သကာမြက်စာ ရင်တၠုင်ဂုန်ဖဵုကဵုကောန်ဍုင်ကောန်ကွာန်ဂမၠိုင်မာန်ရောင်။ 
နူအဝဲဍောတ်သွတ်တေံ အစာထဝ်သောန်မနွံညာန်ပညာကေတ်သကာဗွဲမလောန်တုဲ ကလိဂွံလာပ်ကတ်ပညာမကော်ဂး SHOLARSHIP လၟိုန်န်ဂှ် ဂွံဆဵုကေတ်ရ။ ကာလတိုန်ကတ်လိက် ပ္ဍဲဘာတက္ကသိုလ်ပၠန်လေဝ် ဂွံလုပ်တိုန်ကတ်ဓါတုဗေဒ ပ္ဍဲတန်ဂုန်တၟေင်၊ ကၠာဘာညးဟွံတုဲက္ဍင်ဏီ ပ္ဍဲကဵုသၞာံကြဴအိုတ် သက္ကရာတ် ၁၉၄၀ ဂှ် ကတဵုဒှ်ပၞာန်ဂၠးကဝ်အလန်ဒုတိယဂှ်ရ ဘာတက္ကသိုလ်ဂမၠိုင်လေဝ် မ္ဒးကၟာတ်အာအိုတ်ရ။ ဟိုတ်သာ်ဂှ်ရ ဘာတက္ကသိုလ်ညးဂွံတုဲဂှ် အခိင်လဇုဲလအ်အာမသုန်သၞာံ ဒိုဝ်ကဵုပၞာန်တုဲမဒှ်ရ။ ပ္ဍဲလက်ထက်အင်ဂလိက်အုပ်ဓုပ်လဝ်ဍုင်ပိုဲ ကောန်ဂကူမန်ပိုဲမၞိဟ်ဂွံတိုန်ကတ်လိက်ကဆံင်ဘာတက္ကသိုလ်မာန်ဂှ် ဒှ်မၞိဟ်ကၞောတ်အထောတ်မွဲ ဟီုစမာန်ရ။ ကတ်လိက်ဘာတက္ကသိုလ်တုဲသက်ဂတာပ် အစာထဝ်သောန် လုပ်ကၠောန်ပရေင်ကောန်ဂကူမန် ပ္ဍဲဂကောံမန်အလုံရးမည ဒှ်ညးအုပ်ကာဂကောံဂှ်ရ။ မွဲအခိင်ဓဝ် သီုကဵုဒှ်ဂအုပ်ဋ္ဌာနပရေင်ပညာခရိုင်ကျာ်ခမဳ မနွံဒေသတာလျိုင် (၁၀) ပွိုင်ဍုင်မဒှ်ရ။ ဗွဲကြဴဂှ် ကာလရဲဗော်သၟာပရေင်ဍုင်ကွာန်မန်တအ် ချဳဒရာင်ပရေင်ဍုင်ကွာန် အပ္ဍဲဍုင်ဟွံဂွံတုဲ မ္ဒးလုပ်အာဂြိုပ်ဂှ် အစာထဝ်သောန်လေဝ်ဗက်လုပ်အာကီုရ။ 

ပ္ဍဲကဵုလိက်ကၞပ်နာဲဆာန်ဍုင် (ဗဵုပၞာန်ဒပ်ဍာ်သေံမွဲတၠ) ချူဇန်လဝ်ပရောဆဵုဂဗညး မနွံယၟုလိက် "ဒစာံသၞာံဒစာံဗြဲပ္ဍဲဍုင်မန်" ဂှ် ညးချူထ္ၜးလဝ် ပရောအစာထဝ်သောန်နွံကီုရ။  အလန်ကၠာအိုတ်ညးဂွံဆဵုဂဗကုအစာထဝ်သောန် ပ္ဍဲဘာလကျာ်ကွာန်ကြုက်ပိ သက္ကရာတ် ၁၉၅၁ တက်ကျာရင်သကအ် နကဵုဘာသာအင်ဂလိက် ဍုက်ကေဝ်ဒှ်အာမိတ်သဟာဲညးသကအ်ညံင်ရဴတီညာတ်လဝ်ညးသက်တုဲတုဲ၊ ပရေင်ဝေါဟာမၞိဟ်အစာထဝ်သောန်ခိုဟ်ဗီုလဵု မဍိုက်ပေင်တဴကဵုအင်ဂလက်သန်တၠပညာ မနွံစိုတ်စရိုတ်ခိုဟ်ပြဲလောန်သန် ရဴသာ်ဝွံ နာဲဆာန်ဍုင်ချူထ္ၜးလဝ်ပ္ဍဲလိက်ကၞပ်ညးဂှ်ရ၊ အခိင်ကၠောန်ဒၟံင်ပရေင်ပၠန်ဂတးတေံဂှ် အစာထဝ်သောန် မနွံတာလျိုင်ဗွဲတၟေင် ပရေင်ဆက်ဆောံကုဍုင်သၟာင် ပစၞးကောန်ဂကူမန် မကဵုလဝ်ယၟုသေံ "နာဲသုဖတ်" ဂးပြာကတ် ဒၟံင်အကြာမန်ဍုင်သေံဂမၠိုင်ရ။ 

မွဲအယုက်အစာထဝ်သောန်နူအယုက်အဝဲဍောတ်သွတ်ကတ်ဗတောန်ဒၟံင်ပညာ ပ္ဍဲဘာတန်သဇိုင်တေံ ကၠောန်ကၠုင်ပရေင်ကောန်ဂကူမန် စဵုကဵုလအိတ်အယုက်ညးဂိုတ်ဂစာန်ကၠောန်ကၠုင်လဝ်ပရေင်ဂကူမန်။ ကမၠောန်ဂွံလာပ်သြန်ဂိတုကီုဒှ် ကမၠောန် အလဵုသဳသၟိင်ကီုဒှ် အစာထဝ်သောန်စိုတ်ဟွံလုပ်စကမၠောန် ပရေင်ကောန်ဂကူမန် ပရေင် လိက်ပတ်ယေန်သၞာင်မန်ဟေင်ရ အစာထဝ်သောန်စိုတ်လုပ်စတုဲ ဂိုတ်ဂစာန်ကၠောန်လဝ်ရ။ နကဵုဓဝ်စေတနာပြဲ ဟွံကလိဂွံၚုဟ်မးမွဲသာ် အစာထဝ်သောန်ဗတောန်ထ္ၜးကဵုလိက်မန် လိက်တၟိမန်တြေံ ကုခမဳသင်မန်ကီု ကောန်ဍုင်ကောန်ကွာန်မန်ဂမၠိုင် ညးမလုပ်စိုတ် ပ္ဍဲပရေင်လိက်ပတ်မန်ဂမၠိုင်ရ။ သအာင်နူဂှ်ပၠန်လေဝ် ညးချူဇန်လဝ် လိက်ကၞပ်ပ္ဍဵုဗီုတက်ပတိတ် လဝ်ဗွဲမဂၠိုင်ဂှ် ညးညးအဲအဲဂွံဆဵုဒၟံင်ရ။ အခိင်အခါဒးရးကၠောန်ပရေင်ဍုင်ကွာန်မန်ဂွံမ္ဂး အစာထဝ်သောန်ပိုဲကၠောန်ပရေင်ဍုင်ကွာန်မန်တုဲ အခိင်အခါဍေံဟွံဒးရးမ္ဂး အစာပိုဲ ကၠောန်အာပရေင်လိက်ပတ်ယေန်သၞာင်မန်မဒှ်ရ။

စိုတ်ဓါတ် စေတနာညးလတူကောန်ဂကူမန်ကီု သီုကောန်ဂကူတၞဟ်သအာင်ဂမၠိုင် အးဇ္ၚးကေဝ်သ္ဇုင်ဗွဲမလောန်တုဲ ဒ္ဂေတ်ပတိပတ်ညးပၠန်လေဝ်မနွံကဵုဓဝ်သဳလ သမာဓိ ဟွံစသုင်စၞဗၜူမွဲလေဟ်၊ ဟိုတ်ဂှ်ရ အယုက်ညးဂွံဂၠိင်သီုကဵုပရေင်ထတ်ယုက်ခိုဟ်ဒၟံင်ဂှ် ပိုဲဂွံညာတ်ကေတ်ရ။ ပရေင်လိက်ပတ်ယေန်သၞာင် ပရေင်ကောန်ဂကူ ပရေင်ဍုင်ကွာန် ဆဂှ်ဟွံသေင်ဏီ ပ္ဍဲကဵုပရေင်သာသနာပၠန်လေဝ် အစာထဝ်သောန်ဂွံကၠောန်ပတုဲကၠုင်လဝ်ဇၞော်ကဵုဇြဟတ်ရ။ ပ္ဍဲပေဲါသၟာန်လိက်ပရိယတ္တိရာမညနိကာယ ဓမ္မာစရိယခမဳသင်မန် သက္ကရာတ် ၁၉၈၄ - ၁၉၈၅ ဂှ် အစာထဝ်သောန် ကေတ်တာလျိုင်ဒဒှ်ဥက္ကဋ္ဌဂှ်လေဝ်ဂွံဆဵုကေတ်ရ။ Wunchay Rukchaytdee (ဓရီု)  ၁၄:၂၀၊ ၉ နဝ်ဝေမ်ဗါ ၂၀၂၁ (+0630)

ဝတ် ကဵု တာလျိုၚ် ကောန်ဒပ် (၂၇) တၚ်

ဝတ် ကဵု တာလျိုၚ် ကောန်ဒပ် (၂၇) တၚ်

===================

၀၁။ ဒးက္လၚ်အမိၚ် ချိုတ်တ်ပၠိုတ်တ်ရောၚ်။

၀၂။ ဒးမြက်ဇက်ရောၚ်။

၀၃။ လၟိုန်ကာလ ဒးနွံကဵု သတိရောၚ်။

၀၄။ ဒးနွံကဵု ပွမသ္အးဇ္ၚးရောၚ်။

၀၅။ လၟိုန် ဒးနွံကဵု ဂွန်ရောၚ်။

၀၆။ ဒးလ္ၚတ် လိက်ပတ်ရောၚ်။

၀၇။ ဗွဲတၟေၚ် ဒးသ္ပဂရုကဵု ပရေၚ်ထတ်ယုက်

      ရောၚ်။

၀၈။ ကောန်ဒပ် ကဵု ကောန်ဒပ် ဒးနွံကဵု စိုတ်

      ရဲဗော်ရောၚ်။

၀၉။ ဒးပါ်ပါဲကေတ် တၚ်တၟေၚ်တၟဟ်

      ပ္ဍဲအကာဲအရာ ညးဍုၚ်ကွာန်၊ 
      အကာဲအရာ ညးတိဍာ်တအ်မာန်ရောၚ်။

၁၀။ အခိၚ်သၠး နူတာလျိုၚ် ပရေၚ်ပၞာန်ဂှ်

      ဒးကၠောန်သ္ပကဵု သွက်ဂုဏ်ဖဵု 
      ညးဍုၚ်ကွာန်ရောၚ်။

၁၁။ ပ္ဍဲကဵု ပံၚ်ဖက်ဆက်ဆောံ ကဵု

      ညးဍုၚ်ကွာန်ဂှ် ဒးဍိုန်ဍောတ် 
      ကၠောံက္ဍရောၚ်။

၁၂။ သွက်ဒပ် ဂွံဇၞော်မောဝ်တိုန်ဂှ် ထ္ၜးစဳပျးတုဲ

      ဒးစန်ဒက်ပၠုပ် ကောန်ပၞာန်တၟိတအ်
      ရောၚ်။

၁၃။ လ္တူဍုၚ်ကွာန် ဂကူဇကု အလဵုဇကု မၞိဟ်

      က္ဆံၚ် ဇၞော်ဍောတ် ကဵု ကောန်သ္ဂံၚ်ဇကု 
      ဂမၠိုၚ်တအ်ဂှ် ဒးနွံကဵု သစ္စ သမာဓိ
      ရောၚ်။

၁၄။ လ်တူသၞဂျှ ဒးစှံစိုတျ ဗီုသၞတဲု ဒးနှံကဵု

      ပွမက္ဍုဟ်မၠေံရောၚ်။

၁၅။ ဒးစဵုဒၞာမၚ်မွဲကဵု လမျီု သ္ၚိဌာန် ပိုန်ဟာန်

      ညးဍုၚ်ကွာန်တအ်ရောၚ်။

၁၆။ လ္တူတၚ်နၚ်ဆဵုဂဗ ကဵု ပရိုၚ်ဂမၠိုၚ် ဇကု

      ဂွံနၚ်တအ်ဂှ် ဒးဒုၚ်စဳရေၚ်ကဵု 
      သ္ကိုပ်ဒပ်စြေက် ဇကုရောၚ်။

၁၇။ ဒးထိၚ်ဒဝ်လဝ် လွဟ်ဇကု ညံၚ်ဂွံ

      ဂီုကၠီုရောၚ်။

၁၈။ လၟိုန်တ္ၚဲ ဒးပေါတ် သ္အးကဵု လွဟ်ဇကု

      ရောၚ်။

၁၉။ ဒ္ဂေတ်ပဋိပတ် ဒးခိုဟ်ရောၚ်။

၂၀။ ဒးရှ်ေသှ်ေ ညးဇၞော်လ္တူဇကု ဂမၠိုၚ်ရောၚ်။

၂၁။ ဒးရှ်ေသှ်ေ အခိၚ်ရောၚ်။

၂၂။ ဒးနွံကဵု ပွမပတှ်ေကေတ် ဇကုဇကုရောၚ်။

၂၃။ ဒးနွံကဵု ပွစိုတ်ဓါတ် ကတိုၚ်ကၟဟ်

      ချဳဒရာၚ်ရောၚ်။

၂၄။ ဒးနွံကဵု ဂလာန်ပတှ်ေ မဗိုန်ဇၟအ်ရောၚ်။

၂၅။ ပ္ဍဲကမၠောန် သ္ဒးစှ်ေသၞောတ် သိပ်ဂၠိပ်

      ရောၚ်။

၂၆။ ဒးဒုၚ်ကေတ် ဘဲဒဏ် ပရေၚ်ဝါတ်ဂါတ်

      ကြေပ်ဂြတ် ခတ်က္ဍန်တအ်မာန်ရောၚ်။

၂၇။ ဒးထိၚ်ဒဝ် ဇကုဇကု မာန်ရောၚ်။

1. crd #Wunchay Rukchaytdee Wunchay Rukchaytdee (ဓရီု) ၀၅:၄၉၊ ၁၀ နဝ်ဝေမ်ဗါ ၂၀၂၁ (+0630)

ညးတၠဂုန် မိကဴထဝ် ကဵုစိုပ်သွဝ်ညိ အဂုန်တိုၚ်ထဝ် ဂိတုနောဝေမ်ဗာ ၉၊ တ္ၚဲအၚာ၊ ၂၀၂၁

ညးတၠဂုန် မိကဴထဝ် ကဵုစိုပ်သွဝ်ညိ

အဂုန်တိုၚ်ထဝ် ဂိတုနောဝေမ်ဗာ ၉၊ တ္ၚဲအၚာ၊ ၂၀၂၁

ဂလာန်မရာဒနာသာ်ဝွံ မိက်ဂွံချူပတိုန်ထ္ၜးလညာတ်တၟိမွဲ ပ္ဍဲခေတ်ကာလဓဝ်ညးသပ္ပရိုဟ်မအောန်တဴဝွံရ။ ပိုဲဂကူမန် မတန် တဴပ္ဍဲကၟိန်ဍုၚ်အမေရိကာန်တအ် ဓဝ်ညးသပ္ပရိုဟ် အကြာဂြောဝ်ဂတာသ္ၚိကၟိန်- အကြာသမ္ဘာကဵုတၠသ္ၚိ၊ အကြာမိမကဵုကောန် ဇာတ်၊ အကြာသကအ်ရဲမွဲကဵုမွဲ ဓဝ်ညးသပ္ပရိုဟ် မဒှ်ဓဝ် မဒှ်ဒ္ဂေတ် ပူဂဵုမပြဲပြဲတအ် မဖအာတဴတအ်ဂှ် အောန်စှေ်ကၠုၚ် ဂၠိုၚ် လောန်၊ သုန်ဂြာံကၠုၚ်ဂၠိုၚ်ဂှ်တုဲ ဂပ်ဝ်ဒးဒှ်ဂဝိၚ်လောန်သန်ရ။ အသပ္ပုရိသတောဝါ ပ္ဍဲပါဠိသၠပတ်ပရိုတ်ဇၞော် ဟီုလဝ်စပ်ကဵု အန္တရာဲနာနာသာ် မပ္တံသၟိၚ်ဍာ်ကမၠတ်ပၟတ်တအ်ဂှ် ဓဝ်ညးသပ္ပရိုဟ်မကၠေံခၞၚ်ဝွံဂှ်လေဝ် တၞီလုပ်လၟိဟ်မွဲကီုရ။ ပ္ဍဲဍုၚ်မၞိဟ်ပိုဲဏံ မၞိဟ်တအ် ရှေ်သှေ်ကၠောန်ၜိုတ်ဥပကာမံၚ်မိမကီုဟာ သွက်ဂွံလ္ၚတ်ဂၠိုက်ဂၠာဲမာန်ဂှ် ဒေဝတဴတအ် ဇၟာပ်ပ်သတ္တာဟ ကေတ်မံၚ်စ ရၚ်ရောၚ်ဂှ် လိက်ပိဋကတ်တေံ ဟီုလဝ်ရ။ ယဝ်ရဟွံကၠောန်ၜိုတ် ဟွံသ္ပရှေ်သှေ်ရဴဂဴမိမမဂး ပိုဲမၞိဟ်တအ် ဂွံအာစိုပ်ဍုၚ်သွဝ် ညးတအ်ဟွံလောဲသွာဂှ် အလဵုဇကုဒေဝတဴတအ် တီညာတ်လဝ်ဂှ်တုဲ ပိုဲတအ် ညံၚ်ဂွံကၠောန်ၜိုတ်ဥပကာမိမတအ်ဂှ် လိက်ပိဋ ကတ်ဂှ် ဟီုဆဝ်ဗ္ၚုဟ်လဝ်ရ။ ပိုဲကၠောန်ၜိုတ်ဥပကာမိမမဂး သွက်ဂွံကလိဂွံဍုၚ်သွဝ်ဂှ် ဒှ်ဟိုတ်ကြပ်ပ်မွဲရောၚ်ဂှ်လေဝ် တီကၠိုဟ် ကေတ်မာန်ရ။ ဣဏံဂှ် ဒှ်ဓဝ်ဗုဒ္ဓဘာသာမွဲရောၚ် မိက်ဂွံဟီုလေဝ် ဂွံ၊ ဟွံမိက်ဟီုလေဝ် ဂွံ၊ ဆဂး ပူဂဵုနွံကဵုဓဝ်သပ္ပရိုဟ် တီဂုန် မိမတအ်ဂှ် ညးတအ်ကွာ်မံၚ်ဂၠံၚ်တရဴဂွံစိုပ်ဍုၚ်သွဝ်ရောၚ် ယဝ်ရသရုပ်တုဲဟီုမဂး ရုမ်ဂပ်ရ။ သကအ်ရဲပိုဲ ပ္ဍဲအမေရိကာန်တအ် ကောန်ဗြဴဗြဴညးတအ် ဟီုပတိုန်ဒုဟ်ညးတအ် နဒဒှ်ပလီုအိန်ရဳ physical abuses (အိနြ္ဒေဖျက်ဆီးမှု)ဂှ် ဂွံဆဵုကေတ်ဂၠိုၚ်တိုန်ကၠုၚ်ဂှ်တုဲ အရာဝွံ ဂပ်ဝ်ဖေက်ဂၟံက်လောန်ရ။ ကောန်ၚာ်ဗြဴဗြဴတအ်ဂှ် မူဟိုတ်ဍေံတအ် ဂွံပတိုန်ကၠုၚ်ဒုဟ် ကုအပါဍေံတအ်သာ်ဝွံရောဂှ် ဟိုတ်ဍေံဇေတ်တ် တီကေတ်ဟွံမာန်ကီုလေဝ် ညးမဒှ်အပါဍေံတအ် ဒှ် ဟိုတ်မေတ္တာဂွံပ္ဍုၚ်ကၠုၚ်ကုဍေံတအ်ရောၚ်ဂှ် ချိုတ်ပၠိုတ်ရ။ ကိစ္စတအ်ဏံ ဒှ်ကာပၞုက်ဂးတုဲ ညးတာလျိုၚ်အလဵုအသဳတအ် သၟာန် သၟုက်ကောန်ၚာ်တအ်ဂှ်တုဲ ပတိုန်အမှုကုအပါဍေံတအ်အိုတ်ရ။ ကာလစိုပ်ရုၚ်ဂဗုတ်ဂှ်မှ ဂွံတီကေတ်ဗွဲတြး ဗီုကောန်ဝုတ်ဇကု ပတိုန်လဝ်အမှုဂှ်တုဲ ညးတအ်စိုတ်လီုအိုတ်ရ။ ပ္ဍဲယေန်သၞာၚ်အခိုက်ကၞာပိုဲမန်ဂှ် ကောန်ဒဒေံဂှ် မိမဆာန်အိုတ်ဟီုမာန်ဂှ်တုဲ ကောန်ဒဒေံဂှ် ယဝ်ရဒှ်မၞိဟ်ဗြဴမဂး ညးမဒှ်အပါတအ် သ္ဍိုက်ဆာန်သၞေမ်သၞဴဂၠိုၚ်ရ။ ကောန်ဒဒေံဂှ် ဒှ်မၞိဟ်ဒုၚ်ဂိုၚ်ကေတ်အာဲတၟာဲ ဂှ်တုဲ ဒှ်မၞိဟ်မံၚ်အာမွဲအယုက်ဒဵုကဵုမိမမတ်ပၠိုတ်ရ။ အခိုက်ကၞာကောန်ဍုၚ်ပလိုတ်တအ် လုပ်ဓလီုဂွံဍေံတအ်ဟာ၊ ကောန်ဍုၚ် အမေရိကာန်တအ် အာမံၚ်ဗီုဏံဖအိုတ်ဟာ ၜိုန်ရဟွံတီကေတ်ကီုလေဝ် ဆဂး ကောန်ဇာတ်လဵုဟွံဟီု ယဝ်ကဵုအန္တရာဲ ကုမိမ ၜါမဂး ဘဝဂတတေံ ဂွံစိုပ်သွဝ်ဟွံလောဲသွာရောၚ်ဂှ် လညာတ်ပိဋကတ်တေံ စဳပျးမံၚ်ရ။ ပူဂဵုကဵုဒဒိုက်ကဵုမိမတအ်ဂှ် ဘဝ ဏံလေဝ် ဒးကတဴဂၠမ်စိုတ် ဘဝဂတတေံလေဝ် စုတိဗက် ဒးအာစိုပ်ဘုံအပဲါရောၚ်။ ကုပူဂဵုနွံကဵုစိုတ်သပ္ပရိုဟ်တအ်ဂှ် ထေက်ကဵုဒးထိုၚ်သးလောန်ရ။ အခိၚ်ကာလသၞာံအာတေံ အဃောကပ်ယဲက္ဍၚ်မံၚ်ဂှ် ညးမဒှ် သမ္ဘာအဲမိကဴထဝ် (မိပကဴထဝ်)ဂှ် ညးတေံဒးကၠောန်အာကမၠောန် အကြာမၞိဟ်ဒှ်ယဲကဝ်ဗေတ်တအ်ဂှ်တုဲ ဇကုညးတေံ ကလိ ဂွံယဲဂှ်ကီုရ။ နူဂှ် ပိုဲအလုံသ္ၚိ သီုညးမသုန်တၠ ကလိဂွံယဲဂှ်ကီုရ။ ဆဂး ညးတေံဂှ် ၜိုန်ရစၟယဲနွံကီုလေဝ် ထတ်ယုက်မံၚ်ဖိုဟ်ဂှ်တုဲ သီုဒးကၠောန်ကမၠောန် သီုဒးဍုန်တိုပ် သီုဒးရံၚ်စံၚ်သ္ၚိကၟိန်ဖအိုတ်ရ။ ယဝ်ရညးတေံ ဟွံဆက်ကၠောန်ကမၠောန်မဂး ဂြောဝ်ဂ တာပိုဲ အာစိုပ်ဒဒိုက်ဇၞော်ဇၞော် ကဵုကေတ်ဟွံပြေပြံၚ်ရောၚ်ဂှ်တုဲ ညးတေံ ဒုၚ်ခဳတုဲ ကၠောန်အာမံၚ် အကြာမဒးပံၚ်ကဵုလမျီုရ။ အခိၚ်ဂှ်ဂှ် ဂဥုဲစဵုဒၞာလေဝ်ဟွံမံက်ကၠုၚ်ဏီရ။ ဂုန်ညးတေံ လတူအဲကီု အိန်ထံၚ်ကီုဂှ် ကာလလဵုဝိုတ်ကၠေံဟွံဂွံဂှ် အဲဒုၚ်ဂိုၚ်ကေတ် လဝ်သာ်ဝွံရ။ ယဝ်ရအဲတၠိၚ်ဂုန်ညးတေံမဂး အဲဏံဒှ်ဗာလသမၠီုပါပမွဲရောၚ်ဂှ်လေဝ် ယဵုဒုၚ်ဂိုၚ်ကေတ်လဝ်ကီုရ။ ပူဂဵုအကတညူ ကတဝါဒဳ ဟွံတီဂုန်တအ်ဂှ် သမၠီုရောၚ်ဂှ် ခမဳအရဳတအ် ဟီုတွံလဝ်အိုတ်ရ။ မၞိဟ်ဗြဴဗြဴနွံကဵု စိုတ်ဓါတ်သာ်ဝွံ သွက်သ္ဂောံက လိဂွံ ဍုၚ်သွဝ်ရောၚ်ဂှ် ၜတ်ကၞာတ်ကဵုလညာတ်ပိဋကတ်တေံမဂး ကၠးကေတ်မာန်ရ။ မၞိဟ်ခေတ် လၟုဟ်တအ် စိုတ်ဓါတ်ဒုၚ်ဂိုၚ် ကေတ်သာ်ဝွံဂှ် အောန်တဴဗွဲမလောန်ကီုရ။ ဟိုတ်နူဂုန်ညးတေံဇၞော်လောန်ကၠုၚ်သာ်ဝွံဂှ်တုဲ စိုပ်မွဲတ္ၚဲ အဲဒုၚ်ဂိကၠောန်ၜိုတ်ဥပကာသမ္ဘာအဲကီုရောၚ် စိုတ်သာ်ဝွံ မံက်ဂတဝ် ကၠုၚ်ကုအဲရ။ ဗီုစိုတ်သမ္ဘာအဲနွံကၠုၚ်သာ်ဏံဂှ် ပ္ဍဲကောန်ဇာတ်အဲဂမၠိုၚ် ညံၚ်ဂွံနွံမာန်ဂှ် ဒးစဳပျးထ္ၜးဂၠံၚ်တရဴကီုရ။ ယဝ်ရဍေံတအ် ဟွံတီဗီုဒုၚ်လဝ်ဒဒိုက်သွက်ဍေံတအ်မဂး စိုတ်ပြဲပြဲဂွံနွံကၠုၚ်ကုကောန်ဇာတ်တအ်ဂှ် ဝါတ်အာညိညရောၚ်။ လညာတ်ညးသပ္ပ ရိုဟ်တအ်ဂှ် ပၟိက်ဇၞော်လောန်ရ။ ကောန်ဂကူပိုဲတအ် ဟိုတ်နူဝါတ်ဒိုက်လောန်ဂှ်တုဲ ဒးအာကၠောန်စဍုၚ်ညးတၞဟ် ကောန် ဇာတ်ဂှ်တၞဟ် မိမဂှ်တၞဟ်၊ အပါဂှ်တၞဟ် ယာဲဂှ်တၞဟ် သာ်ဝွံ ပြးဆာဲညးသကအ်အိုတ်ဂှ်တုဲ သွက်ဂွံဒၠောံဗတောန်ကောန်ဇာတ် ဂွံနွံကဵုစိုတ်သပ္ပရိုဟ်ဂှ် ဝါတ်လတူဝါတ်ရ။ ဒးဇၞော်ဂေါဝ်အကြာဗွိုၚ်သၟာကမၠောန် ဍေံမဟွံသေၚ်ကဵုလညာတ်တၠပညာ သပ္ပရိုဟ် တအ်ဂှ်ပၠန်မဂး ပရေံလတူပရေံပၠန်ရ။ ပိုဲမကတ်လ္ၚတ်မံၚ်လိက်အဝဵုဝဵုဂှ်လေဝ် အဟိန်မကွာ်အာဂှ် ဒးပတပ်မံၚ်ဂၠံၚ်ဍာန်လ ညာတ်ဏီမဂး ရဲဟွံဗှ်လိက်တၠပညာတအ်ဂှ် ဟွံပံၚ်ကဵုတၠပညာတအ်ဂှ် ဇြက်ဟီုဟွံမွဲရ။ ဟိုတ်နူဇကုတုဲ ဂြောဝ်ဂတာသ္ၚိကၟိန်ဇကုကီု၊ မသကောဒေံတအ်ကီု၊ သကအ်ရဲညးဍုၚ်ကွာန်တအ်ကီု၊ ဒှ်မံၚ်တသိုက်ကီုဟာဂှ် လၟိုန်န်ကာလကလေၚ်သၟာန်ရံၚ်ဇကုတုဲ လးပတပ်ဂၠံၚ်ဍာန်လစွံစိုတ်ညိ။ ယဝ်ရဒှ်မံၚ်မဂး ဂၠံၚ်ဍာန်ညးသပ္ပရိုဟ်ဒးဂှ်တုဲ ယဝ်ဟွံဒှ် မဂး ဍာန်ဂှ် ဟွံဒးရ။ ကာလလ္ဆောဝ်ဂွံဆဵုကေတ်မံၚ်လညာတ် “သြန်နွံကၠောန်ဂွံဖအိုတ်” ဂှ်တုဲ သြန်ဂှ် ရာန်ကေတ်စိုတ်ညး သပ္ပရိုဟ်ဟွံဂွံရ။ စိုတ်ညးသပ္ပရိုဟ်ဂွံဒှ်ကၠုၚ်ဂှ် ဒးပံၚ်ကဵုညးသပ္ပရိုဟ်၊ ဒးကလၚ်ဓဝ် ညးသပ္ပရိုဟ် ဒးဖအာဓဝ်ညးသပ္ပရိုဟ် ရောၚ်။ သကအ်ရဲပိုဲတအ် ဒးစံၚ်တူပူမှ်မံၚ်ဂၠမ်စိုတ်တအ်ဂှ် ဟိုတ်နူသြန်ဟွံမွဲဟွံသေၚ်၊ ဟိုတ်နူကောန်ဇာတ်ညးတအ် စိုတ် ဓါတ်သဝ်လောန်ရောၚ်။ ကောန်ဇာတ်ပိုဲတအ်ဂှ် ဟိုတ်နူဂွံမံၚ်ပ္ဍဲဍုၚ်ဇၞော်ဂှ်တုဲ ပညာလောကဳဍေံတအ် ခိုဟ်ကွေံကွေံရ။ ဆဂး လေပ်ပညာ အိက်စုတ်အရှာံဘာ ဒှ်မံၚ်သာ်ဂှ်တုဲ ပြဝဍေံတအ်ဂှ် ပလီုပလာ်မံၚ်ဂုန်သိက္ခာ ကေုာံ ဘဝအိန်ထံၚ်ဍေံတအ်ကီုရ။ တၠပညာဍုၚ်ပိုဲကၠာကၠာတေံ လိက်ဗွဟ်ဘာတန်တအ်ဂှ် ညးတအ်စုတ်မံၚ်သုတ်ဇာတ်မကၠုၚ်နူဇာတ်ဗောဓိသတ်အလံၚ်ကျာ် တအ်ဂှ်တုဲ နူဍောတ်တ် ကောန်ၚာ်တအ်ဂှ် စိုတ်ဗောဓိသတ်နွံကၠုၚ်အိုတ်ရ။ ပရေၚ်ပညာခေတ်ဏံ လိက်ဗွဟ်ပရောသာ်ဝွံ ဂပ်ဝ်ဒးစုတ်ကဵုထေက်ရောၚ်။ ပိုဲတအ် ဂွံစွံစိုတ်ဒးဂှ် ဒးလ္ၚတ်ဗှ်လိက်နာနာသာ်အိုတ်ရ။ လိက်ပရေၚ်ပညာလောကဳကီု လောကုတ္တဵုကီု ဗက်ဂၠာဲဗှ်လ္ၚတ်အိုတ်ရ။ ပိုဲဗှ်လိက်ဟီုဂှ် သွက်ဂွံဒှ်ဒတုဲဖဵုဘဝဇကုရ။ ဘဝဇကုဂှ် ဗဂပ်စုတ်ကဵုလညာတ်တၠပညာတအ်၊ ညးသပ္ပရိုဟ်တအ်မဂး ကျေဝ် ဂေါဝ်အိုတ်ရ။ အလံၚ်ကျာ်တအ်၊ အလံၚ်မှာထေရ်မဒယှ်တှ်တအ်ဂှ် ကလေၚ်ရံၚ်အာမဂး ကိုပ်ကၠာတေံ ညးတအ်ဂွံညာတ် ကေတ်ဗီုညးတၞဟ်တအ်ကၠောန်- ဗီုကျာ်၊ ဗီုကွးသာဝကကျာ်ကၠာတေံ ကၠောန်သ္ပဂှ်တုဲ ညးတအ် ဗတောံဗက်တုဲ၊ ရာဒ နာမိက်ကၠောန်ဗက်ဂှ်တုဲ ပ္ဍဲဘဝဏံ ညးတအ် ဒှ်ဘဝအရဳကီု သီုဒယှ်တှ်ပြာထာကီုတုဲ ကလိဂွံဨတဒဂ်အိုတ်ရ။ ပ္ဍဲလိက်တေံ ညး ဟီုလဝ် ထီုဗးပါရမဳ၊ ဗပေၚ်ပါရမဳ မဒှ်ဂှ်တုဲ ပိုဲတအ်လေဝ် ယဝ်ရဒ္ဂေတ်ဗက် ပတောံဗက်လညာတ်တၠပညာ ညးသပ္ပရိုဟ် တအ် ကီုမဂး ဍေံဒးဒှ်သာ်ဂှ်ကီုဟေၚ်ရ။ ကောန်ဂကူမန်ပိုဲကၠာကၠာတေံ ၜိုန်ရဟွံဂွံကတ်လ္ၚတ်လိက်ပတ် ပ္ဍဲဘာတန်အိုတ်ကီုလေဝ် ညးမလေပ်လိက်တအ်ဂှ် အခိၚ်သၠး ညးတအ်ဟီုဂးသဳကၠဳပရောဇာတ်ကျာ်တအ်ဂှ်တုဲ ညးမွဲကဵုမွဲ ဒ္ဂေတ်ဗက်လညာတ်တအ်ဂှ်အိုတ်ရ။ ဗီုလစွံစိုတ်ဂၞကျာ်မဒ္ဒဳတအ်၊ ဗီု လစွံစိုတ်ဂၞကျာ်ဝိသာခါတအ် ဒှ်တမ် သွက်မၞိဟ်ဗြဴဗြဴတအ်ဂှ် မိမပိုဲတအ် ညးတအ်ဟီုလဴဒးမံၚ်အိုတ်ရ။ ဇာတ်ဇၞော်စှ်၊ ဇာတ် (၅ ၅၀)တအ်ဂှ် ဗွဲမဂၠိုၚ် ညးတအ်ကေၚ်မိၚ်လဝ်အိုတ်ဂှ်တုဲ ပ္ဍဲညးတအ် စိုတ်သပ္ပရိုဟ်နွံမံၚ် ဗွဲမဂၠိုၚ်ရ။ ပိုဲမၞိဟ်တြုံတအ်ဂှ်လေဝ် ဒးနွံကဵုဝဳရိယဇဲသတ္တိ ညံၚ်ရဴမဟာဇနက်ဏောၚ်၊ ဒးနွံကဵုပညာ ညံၚ်ရဴမဟောသဓဏောၚ်၊ ဒးနွံကဵုစိုတ်ဓါတ်ကၠောန်ၜိုတ်ဥပကာ မိမ ညံၚ်ရဴသုဝဏ္ဏသာမ်ဏောၚ်၊ ဒးနွံကဵုစိုတ်ညံၚ်ရဴတေမဳဏောၚ်၊ အယုက်ဇၞော်ကၠုၚ် ဒးအာကျာ်ဘာဏောၚ် မပ္တံသာ်ဏံ ညးတအ် ယိုက်ဒိုက်လဝ်အိုတ်ရ။ ပ္ဍဲတွဳဗွိုၚ်မၞိဟ် မနွံကဵုဒ္ဂေတ်ပဋိပတ်မပြဲသာ်ဝွံတအ်ဂှ် ၜိုန်ရညးတအ်ဟွံလေပ်လိက်ကီုလေဝ် ယဝ်ရဂွံမံၚ်ကရောံညးတအ်မဂး ကလိဂွံတသိုက်စိုတ်အိုတ်ရ။ လၟုဟ်ဝွံ လညာတ်ဍုၚ်ပလိုတ်မသ္ပအဓိကကဵုကလိဂွံအဝဵုတအ်၊ ပရေၚ်ပိုန်ဒြပ်တအ်၊ အံၚ်ဇၞးဘဝတအ် ဂၠိုၚ်လောန်ဂှ်တုဲ အတ္တပိုဲမၞိဟ်တအ် ဇၞော်သၠုၚ်ကၠုၚ်အိုတ်ရ။ ဘာလကျာ်သေံ ပ္ဍဲဍုၚ်က္ၜၚ်ကံက်တအ်ဂှ် ကောန်ဍုၚ်ပိုဲတအ် ကဵုဒါန် ကလၚ်ဓဝ်ဂၠိုၚ်ဂှ်တုဲ ညးတအ်မိပ်စိုတ်တုဲ ဒုၚ်တၠုၚ်အိုတ်ရ။ ကောန်ကမၠောန်နူဍုၚ်ပိုဲဂမၠိုၚ် ဟိုတ်နူစိုတ်စေတနာသဒ္ဓါညးတအ်ထတ်ဂှ်တုဲ ခမဳသၚ်ကောန်ဍုၚ်သေံတအ် ကေတ်စဂုန်စရာဲ အိုတ်ရ။ ဟိုတ်နူဒကာတအ်ဂှ်ဂၠိုၚ်ဂှ်တုဲ ညးတအ် ဒးနိမန်သၚ်မန် ဓမ္မကထိကတအ်ဂှ်တုဲ ကဵုတွံဓဝ်ဗတ်မန်အိုတ်ကီုရ။ ၜိုန်ရ ဍုၚ်ပိုဲဝါတ်ကီုလေဝ် ၜိုန်ရညးတအ်ဒှ်မၞိဟ်ဝါတ်ကီုလေဝ် ဆဂး သဒ္ဓါစေတနာညးတအ်ဟွံဝါတ်ဂှ်တုဲ အခိၚ်အာမံၚ်ပ္ဍဲဍုၚ်ညးတၞဟ် တအ်မွဲချိုန်ခဏဂှ် ကလိဂွံဓဝ်မေတ္တာ ကရုဏာ နူကောန်ညးဍုၚ်သေံတအ်ဂှ်အိုတ်ရ။ သဒ္ဓါစေတနာဂှ် ဒှ်ဓဝ်ပူဂဵုကလျာဏပု ထုဇန်တအ် မကၠောန်သ္ပမွဲရ။ ဟိုတ်နူစိုတ်တအ်ဂှ်တုဲ ဒၞာဲလဵုအာအာမုက်မတ်ယးတၟးတုဲ တိတ်ဗၠးနူအန္တရာဲမာန်ရ။ Wunchay Rukchaytdee (ဓရီု) ၁၃:၅၃၊ ၁၀ နဝ်ဝေမ်ဗါ ၂၀၂၁ (+0630)

ပိဋကတ် ပါဠိပါဲစိုတ် ဘာသာမန် − (ခဏ်သံဃာဒိသေသ်)

ပိဋကတ် ပါဠိပါဲစိုတ် ဘာသာမန် − (ခဏ်သံဃာဒိသေသ်)

၂၁၁။ ပဌမသံဃဒိသသျေသိက်ခာပိုဒျ

ယွံနာဲဗြဴတအ် အာပတ်သံဃဒိသေသ်ဂမၠိုၚ် စှ်ထပှ်ဝွံ အာစိုပ်ဒဒှ်ဂပ်ဝ်စၞောန်ထ္ၜးဗွဲသရုပ်အိုတ်ရ။

၆၇၈။ ပ္ဍဲမခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ဥပးမွဲတၠ ကဵုဒါန်တိုက်ဂြပ် ကုဘိက္ခုနဳသၚ်တုဲ ပ္ဍဲကြဴ စုတိကလိလောန်စဴအာရ၊ ပၞောဝ်ကဵုကောန်ၜါတၠ မၞုံတဴကုဥပးဂှ် မွဲတၠဂှ် ဟွံမွဲကဵုဓရ်သဒ္ဓါရ၊ ဟွံလျုၚ်ဇြုၚ်သ္ဍိုက်ရတ်ပိပြကာရ၊ မွဲတၠဂှ်တုန် မၞုံကဵုဓရ်သဒ္ဓါရ၊ လျုၚ်ဇြုၚ်သ္ဍိုက်ရတ်ပိပြကာရ၊ ကောန်ၜါတၠဂမၠိုၚ်ဂှ် ပါ်ပရအ်တဴ ကြက်ဂြပ်မကၠုၚ်နူမအံက်အိုတ်ရ၊ ပ္ဍဲအခိၚ်ဂှ် ညးဟွံမွဲကဵုဓရ်သဒ္ဓါ ဟွံလျုၚ်ဇြုၚ်သ္ဍိုက်ရတ်ပိပြကာဂှ် “တိုက်ဂြပ် နွံကုပိုဲညးဂမၠိုၚ်ရ၊ ပါ်ပရအ်တိုက်ဂြပ်ဂှ်အိုတ်စိုအ်” ရဴဝွံ ဟီုသ္ဂးကၠုၚ် ကဵုညးမၞုံကဵုဓရ်သဒ္ဓါ မလျုၚ်ဇြုၚ်သ္ဍိုက်ရတ်ပိပြကာဂှ်မ္ဂး ညးမၞုံကဵုဓရ်သဒ္ဓါ မလျုၚ်ဇြုၚ်သ္ဍိုက်ရတ်ပိပြကာဂှ် “ယွံကောန်နာဲ လ္ပဟီုသ္ဂးရဴဝွံညိ၊ မအံက်ပိုဲညးဂမၠိုၚ် ကဵုလဝ်ဒါန်ကုဘိက္ခုနဳသၚ်တုဲရ” ရဴဝွံ သ္ဂးကဵုညးဟွံမွဲကဵုဓရ်သဒ္ဓါ မဟွံလျုၚ်ဇြုၚ်သ္ဍိုက်ရတ်ပိပြကာဂှ်ရ။

မရနုက်ကဵုၜါဝါလေဝ် ညးဟွံမွဲကဵုဓရ်သဒ္ဓါ ဟွံလျုၚ်ဇြုၚ်သ္ဍိုက်ရတ်ပိပြကာဂှ် “တိုက်ဂြပ် နွံကုပိုဲညးဂမၠိုၚ်ရ၊ ပါ်ပရအ်တိုက်ဂြပ်ဂှ်အိုတ်စိုအ်” ရဴဝွံ ဟီုသ္ဂးကဵုညးမၞုံကဵုဓရ်သဒ္ဓါ မလျုၚ်ဇြုၚ်သ္ဍိုက်ရတ်ပိပြကာဂှ်ရ၊ ပ္ဍဲအခိၚ်ဂှ် ညးမၞုံကဵုဓရ်သဒ္ဓါ မလျုၚ်ဇြုၚ်သ္ဍိုက်ရတ်ပိပြကာဂှ် “ယွံကောန်နာဲ လ္ပဟီုသ္ဂးရဴဝွံညိ၊ မအံက်ပိုဲညးဂမၠိုၚ် ကဵုလဝ်ဒါန်ကုဘိက္ခုနဳသၚ်တုဲရ” ရဴဝွံ သ္ဂးကဵုညးဟွံမွဲကဵုဓရ်သဒ္ဓါ မဟွံလျုၚ်ဇြုၚ်သ္ဍိုက်ရတ်ပိပြကာဂှ်ရ။

မရနုက်ကဵုပိဝါလေဝ် ညးဟွံမွဲကဵုဓရ်သဒ္ဓါ ဟွံလျုၚ်ဇြုၚ်သ္ဍိုက်ရတ်ပိပြကာဂှ် “တိုက်ဂြပ် နွံကုပိုဲညးဂမၠိုၚ်ရ၊ ပါ်ပရအ်တိုက်ဂြပ်ဂှ်အိုတ်စိုအ်” ရဴဝွံ ဟီုသ္ဂးကဵုညးမၞုံကဵုဓရ်သဒ္ဓါ မလျုၚ်ဇြုၚ်သ္ဍိုက်ရတ်ပိပြကာဂှ်ရ၊ ပ္ဍဲအခိၚ်ဂှ် ညးမၞုံကဵုဓရ်သဒ္ဓါ မလျုၚ်ဇြုၚ်သ္ဍိုက်ရတ်ပိပြကာဂှ် “ယဝ်ဒှ်အဲပိုၚ်မ္ဂး (ယဝ်အဲဂွံမ္ဂး) အဲလေဝ် ကြက်ကဵုဒါန်ကုဘိက္ခုနဳသၚ်ရ” ရဴဝွံ (ပၠုပ်စိုတ်တုဲ) “ပါ်ပရအ်အိုတ်စိုအ်” ရဴဝွံ ဟီုသ္ဂးကဵုညးဟွံမွဲကဵုဓရ်သဒ္ဓါ မဟွံလျုၚ်ဇြုၚ်သ္ဍိုက်ရတ်ပိပြကာဂှ်တုဲ ပ္ဍဲကြဴ အခိၚ်ပါ်ပရအ်ဂြပ်ဂှ် (တိုက်ဂြပ်ဂှ်) အာစိုပ်ဇရေၚ် ညးဟွံမွဲကဵုဓရ်သဒ္ဓါ မဟွံလျုၚ်ဇြုၚ်သ္ဍိုက်ရတ်ပိပြကာဂှ်ရ။

ပ္ဍဲအခိၚ်ဂှ် ညးဟွံမွဲကဵုဓရ်သဒ္ဓါ မဟွံလျုၚ်ဇြုၚ်သ္ဍိုက်ရတ်ပိပြကာဂှ် ပြာပ်အာဇရေၚ်ဘိက္ခုနဳသၚ်တုဲ “ယွံနာဲဗြဴတအ် ဩဝ်တိတ်အိုတ်ညိ၊ တိုက်ဂြပ်အဲဏောဝ်” ရဴဝွံ သ္ဂးတိုန်ဂလာန်ဝွံမ္ဂး ခမဳဗြဴထုလ္လနန္ဒာဂှ် “ယွံကောန်နာဲ လ္ပဟီုသ္ဂးရဴဝွံညိ၊ မအံက်မၞးတအ်ညးဂမၠိုၚ် ကဵုလဝ်ဒါန်ကုဘိက္ခုနဳသၚ်တုဲဒှ်ရ” ရဴဝွံ သ္ဂးကဵုတြုံဂှ်ရ။ ကဵုဒါန်တုဲရ ဟဂွဴကဵုဒါန်ဏီရ ရဴဝွံ ကယျာန်ဓဝါတ်တုဲ သၟာန်တဴ အမာတ်ဇၞော် မဒှ်ညးသ္ဂုတ်သွာတ်ဓရ်ဂမၠိုၚ်ဂှ်ရ “ယွံနာဲဗြဴတအ် ကဵုလဝ်ဒါန်ကုဘိက္ခုနဳသၚ်တုဲရ ရဴဝွံ ညးလဵုမွဲတီရော?” ရဴဝွံ အမာတ်ဇၞော်ဂမၠိုၚ် သၟာန်အိုတ်ရ။

သၟာန်တဴရဴဝွံမ္ဂး ခမဳဗြဴထုလ္လနန္ဒာဂှ် “ယွံနာဲတအ် စွံသက်သဳတုဲ ဒါန် မကဵုဒါန်သၠးပွးဂှ် တၠအဲအမာတ်ဇၞော်ဂမၠိုၚ် ညာတ်လေဝ်ကေၚ်ညာတ်ဟာ မိၚ်လေဝ်ကေၚ်မိၚ်ဟာ” ရဴဝွံ သ္ဂးကဵုအမာတ်ဇၞော်ဂမၠိုၚ်ဂှ်ရ။ ပ္ဍဲအခိၚ်ဂှ် အမာတ်ဇၞော်ဂမၠိုၚ် “ယွံနာဲဗြဴဂမၠိုၚ် ဟီုဂလာန်ဍာံစၟတ်အိုတ်ရ” ဂှ် တိုက်ဂြပ်ဂှ် သ္ပတဴဂြပ်ဘိက္ခုနဳသၚ်ပိုၚ်အိုတ်ရ။ တြုံဂှ် ဟိုတ်မကျအာဂှ်ရ ဗြဴက္ဍိုပ်တ္ၚာတ် ဂကူအယုတ်ဂမၠိုၚ်ဝွံ ခမဳဗြဴဟွံသေၚ်အိုတ်ရ၊ “မုဟိုတ် ပၠံၚ်ၜါ်ကတ် တိုက်ဂြပ်ပိုဲညးဂမၠိုၚ်အိုတ်ဂှ်ရော?” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။

ပ္ဍဲအခိၚ်ဂှ် ခမဳဗြဴထုလ္လနန္ဒာ ဟီုလဴပတီ ဟိုတ်ပရူပရာဝွံ ကုအမာတ်ဇၞော်ဂမၠိုၚ်ဂှ်ရ အမာတ်ဇၞော်ဂမၠိုၚ် ထပ်စွံဒဏ်ကုတြုံဂှ်အိုတ်ရ၊ ပ္ဍဲအခိၚ်ဂှ် တြုံမဒးဒုၚ်တပ်စွံလဝ်ဒဏ်ဂှ် ကဵုသိုၚ်ခၞံဘာတဳ ပ္ဍဲဇရေၚ်ခမဳဗြဴဂမၠိုၚ်တုဲ “ဩဝ်တ္ၜေဟ်လက်ချဴဟီုတေၚ် ခမဳဗြဴဂမၠိုၚ်ဂှ်အိုတ်ညိ” ရဴဝွံ ဗတိုက်ဖအောဝ်တဳဂမၠိုၚ်ရ၊ ခမဳဗြဴထုလ္လနန္ဒာ ဟီုလဴပတီ ဟိုတ်ပရူပရာဝွံ ကုအမာတ်ဇၞော်ဂမၠိုၚ်ပၠန်ဂှ်ရ အမာတ်ဇၞော်ဂမၠိုၚ် ကဵုကၠေၚ်ဒက်တြုံဂှ်အိုတ်ရ။ ဂကောံမၞိဟ်ဂမၠိုၚ်ဂှ် “ခမဳဗြဴဂမၠိုၚ် ဗွဲကိုပ်ကၠာ ပၠံက်ကေတ်တိုက်ဂြပ်အိုတ်၇၊ မရနုက်ကဵုၜါအလန်ဂှ် ကဵုတပ်စွံဒဏ်အိုတ်ရ၊ ပ္ဍဲအခိၚ်လၟုဟ်တုန် ကြက်ကဵုဂစိုတ်အိုတ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဗြဴဂမၠိုၚ် သ္ဂောံမိၚ်ကေတ် ဂလာန်မၞိဟ်ဂမၠိုၚ်ဂှ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်ဟေၚ်ရ။

ခမဳဗြဴပၟိက်အောန်ဂမၠိုၚ်ဂှ် “မုဟိုတ် နာဲဗြဴထုလ္လနန္ဒာ သ္ပဂဗုဓ်စုတ်ဂလနာ် နပၞောတ်,မာန်တုဲ သ္ဂောံပဒတဴရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဗြဴဂမၠိုၚ်ဂှ် ဂရၚ်ပတီဟိုတ်ပရူပရာဝွံ ကုခမဳတြုံဂမၠိုၚ်အိုတ်ရ ။ ပ ။ “ယွံခမဳတအ် ခမဳဗြဴထုလ္လနန္ဒာ သ္ပဂဗုဓ်စုတ်ဂလာန် နပၞောတ်,မာန်တုဲ ပဒတဴရဟီုဂှ် ဍာံပြရဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ “ယွံခမဳတအ် မုဟိုတ် ခမဳဗြဴထုလ္လနန္ဒာ သ္ပဂဗုဓ်စုတ်ဂလာန် နပၞောတ်,မာန်တုဲ ပဒတဴရော? ယွံခမဳတအ် (ကမၠောန်ပွမခမဳဗြဴထုလ္လနန္ဒာ သ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။

ယွံခမဳတအ် ရဴဝွံဟေၚ် ဩဝ်ကဵုခမဳဗြဴဂမၠိုၚ်စၞောန်ထ္ၜးသိက္ခာပိုဒ်ဝွံအိုတ်ညိ။

၆၇၉။ “ယြဴခမဳဗြဴမွဲ ကေုာံသမ္ၚေဟ်ကီု ကေုာံကောန်သမ္ၚေဟ်ကီု ကေုာံဍိက်ကီု ကေုာံသၟာကမၠောန်ကီု ဗွဲတွဵုမယုတ် ကေုာံခမဳပြဘာဇ်မ္ၚးသာသနာလေဝ် သ္ပဂဗုဓ်စုတ်ဂလာန် နပၞောတ်,မာန် (သ္ပအမှု) တုဲ ပဒတဴမ္ဂး၊ ခမဳဗြဴဝွံ ဒးအာပတ် ပ္ဍဲချိုန်ခဏမကလိလောန်ကၠေံဗွဲကိုပ်ကၠာဒှ်တုဲ အာစိုပ်အာပတ်သံဃာဒိသေသ် မလေပ်ကဵုဗက်ပတိတ် (နူဂကောံသၚ်) ရ” ရဴဝွံ (ဩဝ်ကဵုစၞောန်ထ္ၜး အိုတ်ညိ ရဴဝွံ သ္ဂးရ)။

---

၂.၁.၂။ ပွံက်ပဌမသံဃာဒိသေသ်သိက္ခာပိုဒ်

၆၈၀။ ယွူ မ်ဂးဂျှ ယွူဍေံမၞုံသဘူမဖျှသျာလဵု ။ ပ ။ ခမုဗွူ မ်ဂးဂျှ ။ ပ ။ ပ်ဍဲအရာဝှံ ဗွူမဒျှပယြါ်ျ နကဵုဉတ်တိစတုတ်ထကမျဝှံ ဂပျဝျနှံပၟိကျ ရူဝှံမ်ဂးခမုဗွူရ။

သ္ပဂဗုဓ်စုတ်ဂလာန် မ္ဂးဂှ် သ္ဂးတဴပွမသ္ပအမှုရ။

သမ္ၚေဟ် မ္ဂးဂှ် ညးမမိက်ကဵုမွဲမွဲ အုပ်ဓုပ်ပိုၚ်ပြဳတုဲ ပဒတဴပ္ဍဲသ္ၚိရောၚ်။

ကောန်သမ္ၚေဟ် မ္ဂးဂှ် ကောန်ကောဒေံညးမမိက်ကဵုမွဲမွဲဂမၠိုၚ်ရောၚ်။

ဍိက် မ္ဂးဂှ် ဍိက်ကတဵုဒှ်ပ္ဍဲသ္ၚိ ဍိက်ရာန်နဂြပ် ဍိက်ဂၠုဲရောၚ်။

သၟာန်ကမၠောန် မ္ဂးဂှ် ညးမဒုၚ်ဝန် ရဴဝွံမ္ဂး ညးဒုၚ်လိၚ်ရောၚ်။

ခမဳပြဘာဇ် မ္ဂးဂှ် ပါဲကၠေံ ခမဳတြုံ ခမဳဗြဴ သိက္ခမာန် သာမဏဳတြုံ သာမဏဳဗြဴတုဲ ညးမတၞီလုပ်ပ္ဍဲပြဘာဇ်မမိက်ကဵုမွဲမွဲရောၚ်။

“ကြက်ဂဗုဓ်စုတ်အမှုရ” ရဴဝွံ သကအ်ပွံၚ်လေဝ် ဂၠာဲသ္ၚေဝ်မ္ဂး၊ အာလေဝ်အာမ္ဂး၊ ဒးအာပတ်ဒုက္ကဋ်ရ။ ဟီုလဴဗ္စ ကုညးမွဲမ္ဂး ဒးအာပတ်ဒုက္ကဋ်ရ။ ဟီုလဴဗ္စ ကုသကအ်ပွံၚ်မ္ဂး၊ ဒးအာပတ်ထုလ္လစ္စယ်ရ။ ပ္ဍဲအလိက်သ္ပဂဗုဓ်အမှုတုဲဂှ် ဒးအာပတ်သံဃာဒိသေသ်ရ။

ဒးအာပတ် ပ္ဍဲချိုတ်ခဏမကလိလောန်ကၠေံဗွဲကိုပ်ကၠာဒှ်တုဲ မ္ဂးဂှ် မွဲဒမြိပ်ကေုာံပွမကလိလောန်ဒ္ဂေတ်သ္ပဝတ္ထုဂှ် ဒးအာပတ်ရ၊ ဟိုတ်နူပွမဒၠောံဗတောန် နဉတ်ကမ္မဝါစ်ဂှ် ဒးအာပတ်ဟွံသေၚ်ရ။

မလေပ်ကဵုဗက်ပတိတ် မ္ဂးဂှ် မလေပ်ကဵုဗက်ပတိတ် နူဂကောံသၚ်ရ။

သံဃာဒိသေသ် မ္ဂးဂှ် သွက်အာပတ်ဂှ် သၚ်ဟေၚ် သ္ဒးကဵုမာနတ်ရ၊ သ္ဒးတံၚ်ဓဇက်တမ်ရ၊ သ္ဒးပၠုပ်အဗ္ဘာန်ရ၊ ခမဳဗြဴၜါဇကုပိဇကုကီု၊ မွဲဇကုကီု၊ ကဵုမာနတ်ဟွံဂွံရ၊ တံၚ်ဓဇက်တမ်ဟွံဂွံရ၊ ပၠုပ်အဗ္ဘာန်ဟွံဂွံရ၊ ဟိုတ်ဂှ်ရ ကော်ခဴဂး ရဴဝွံမ္ဂး “သံဃာဒိသေသ်” ရ၊ (ယၟုမတွံဂး သံဃာဒိသေသ်ဂှ်) ယၟုဂကောံအာပတ်ဂှ်ဟေၚ်ရ၊ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။

၆၈၁။ ဂကောံမၞိဟ်ဂမၠိုၚ် ဟိုတ်မတံၚ်ဓဇက် ဇရေၚ်ညးဇၞော်ဓရ်တုဲ အာမ္ဂး၊ အာတ်ပၟၚ်ပၟဲမ္ဂး၊ သီုဟွံရန်တၟအ် ဟီုလဴဗ္စမ္ဂး၊ ဟွံဒးအာပတ်ရ၊ ကုခမဳဗြဴမကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။

ပဌမသံဃာဒိသသျေ သိက်ခာပိုဒျ တဲုရ။ Wunchay Rukchaytdee (ဓရီု) ၀၇:၂၁၊ ၁၂ နဝ်ဝေမ်ဗါ ၂၀၂၁ (+0630)

ပိဋကတ် ပါဠိပါဲစိုတ် ဘာသာမန်) ပါဠိဘိက္ခုနဳဝိဘၚ် ၁.၃.၁။ တတိယပါရာဇိကသိက္ခာပိုဒ်

(ပိဋကတ် ပါဠိပါဲစိုတ် ဘာသာမန်)

ပါဠိဘိက္ခုနဳဝိဘၚ်

၁.၃.၁။ တတိယပါရာဇိကသိက္ခာပိုဒ်

၆၆၈။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဗြဴထုလ္လနန္ဒာ ဒ္ဂေတ်ဗက်လက်ကရဴခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ် သၚ်မညဳသာသၟဟ်သၟန် မဗက်ဗ္ဒဴလဝ်ရ။

ခမဳဗြဴပၟိက်အောန်ဂမၠိုၚ်ဂှ် “မုဟိုတ် နာဲဗြဴထုလ္လနန္ဒာ ဒ္ဂေတ်ဗက်လက်ကရဴ ခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ် မိန်သၚ်မညဳသာသၟဟ်သၟန် မဗက်ဗ္ဒဴလဝ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ “ယွံခမဳတအ် ခမဳဗြဴထုလ္လနန္ဒာ ဒ္ဂေတ်ဗက်လက်ကရဴ ခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ် သၚ်မညဳသာသၟဟ်သၟန် မဗက်ဗ္ဒဴလဝ်ရ ဟီုဂှ် ဍာံပြရဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ “ယွံခမဳတအ် ခမဳဗြဴထုလ္လနန္ဒာ မုဟိုတ် ဒ္ဂေတ်ဗက်လက်ကရဴ ခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ် သၚ်မညဳသာသၟဟ်သၟန် မဗက်ပတိတ်လဝ်ရော? ယွံခမဳတအ် (ကမၠောန်ပွမခမဳဗြဴထုလ္လနန္ဒာသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။

ယွံခမဳတအ် ရဴဝွံဟေၚ် ဩဝ်ကဵုခမဳဗြဴဂမၠိုၚ်စၞောန်ထ္ၜးသိက္ခာပိုဒ်ဝွံအိုတ်ညိ။

၆၆၉။ “ယြဴခမဳဗြဴမွဲ ဒ္ဂေတ်ဗက်ခမဳ မိန်သၚ်မညဳသာသၟဟ်သၟန် မဗက်ပတိတ်လဝ် နသဘဴဓရ်မဍာံစၟတ် နဝိနယ် န ‘ဉတ်ကမ္မဝါစ်’ မဒှ်ဒၠောံဗတောန်ကျာ် မဟွံမွဲကဵုပွမရှ်ေသှ်ေရဴဂဴ မဟဂွံကော်ပၠုပ်ဏီ မဟဂွံသ္ပပွမပံၚ်ဖက်ဏီဂှ်မ္ဂး၊ ခမဳဗြဴသအာၚ်ဂမၠိုၚ် ‘ယွံနာဲဗြဴ ခမဳဂှ် မိန်သၚ်မညဳသာသၟဟ်သၟန် မဗက်ပတိတ်လဝ် နသဘဴဓရ်မဍာံစၟတ် နဝိနယ် န ‘ဉတ်ကမ္မဝါစ်’ မဒှ်ဒၠောံဗတောန်ကျာ်ရ၊ ခမဳဂှ် မဟွံမွဲကဵု ပွမရှ်ေသှ်ေရဴဂဴရ၊ မဟဂွံကော်ပၠောပ် ခမဳဂှ် (လဒေါဝ်သၚ်) ဏီရ၊ မဟဂွံသ္ပမပံၚ်ဖက်ဏီရ’ ရဴဝွံ သ္ဒးဟီုသ္ဂးကဵုခမဳဗြဴဂှ်ရ၊ ရဴဝွံဟေၚ် ခမဳဗြဴဂှ် သီုကဵုခမဳဗြဴသအာၚ်ဂမၠိုၚ်ဟီုသ္ဂးတဴဂှ် တုပ်နဲကိုပ်ကၠာဟေၚ် ယိုက်ဒိုက်ဂိုၚ်ကေတ်မ္ဂး၊ တၞဟ်နကဵုသၠးကၠေံကွေတ်ဂှ် စဵုကဵုပေၚ်ပိဝါ ခမဳဗြဴသအာၚ်ဂမၠိုၚ် ဂပ်ဝ်ဒၠောံဗတောန် ခမဳဗြဴဂှ် ဗွဲမဒးရးရ၊ စဵုကဵုပေၚ်ပိဝါ ဂပ်ဝ်ဒၠောံဗတောန်ဗွဲမဒးရးနေဝ် ယဝ်သၠးကၠေံကွေတ်ဂှ်မ္ဂး၊ ပွမသၠးကၠေံ ရဴဝွံ ခိုဟ်သန်ရ၊ ယဝ်ဟွံသၠးကၠေံမ္ဂး၊ ခမဳဗြဴဝွံလေဝ် ဒ္ဂေတ်ဗက်ခမဳ မဗက်ပတိတ်လဝ်ဒှ်တုဲ ဒးအာပတ်ပါရာဇ် (မၞုံယၟုဉက္ခိတ္တာနုဝတ္ထိကာ) ရ၊ ဟွံမွဲကဵုပွမပံၚ်ဖက် ကေုာံခမဳဗြဴဆာဲဂမၠိုၚ်မွဲစွံရ” ရဴဝွံ (ဩဝ်ကဵုစၞောန်ထ္ၜးအိုတ်ညိ ရဴဝွံ သ္ဂးရ)။

−−−

၁.၃.၂။ ပွံက်တတိယပါရာဇိကသိက္ခာပိုဒ်

၆၇၀။ ယွူ မ်ဂးဂျှ ယွူဍေံမၞုံသဘူမဖျှသျာလဵု ။ ပ ။ ခမုဗွူ မ်ဂးဂျှ ။ ပ ။ ပ်ဍဲအရာဝှံ ဗွူမဒျှပယြါ်ျ နကဵုဉတ်တိစတုတ်ထကမျဝှံ ဂပျဝျနှံပၟိကျရူဝှံမ်ဂး ခမုဗွူရ။

သၚ်မညဳသာသၟဟ်သၟန် မ္ဂးဂှ် (သၚ်) မၞုံကဵုပွမပံၚ်ဖက်တုပ်သၟဟ် မတန်တဴပ္ဍဲသိမ်တုပ်သၟဟ် (မွဲသိမ်ဓဝ်)။

ခမဳ မဗက်ပတိတ်လဝ် မ္ဂးဂှ် ခမဳမဗက်ပတိတ်လဝ် ဟိုတ်နူပွမဟွံမၠာဲသ္ၚေဝ် ပွမဟွဴဇအုဲဇဗ ဝဳဗလးအာပတ် ပွမဟွဴသၠးကၠေံကွေတ်မိစ္ဆာရောၚ်။

နအဘဴဓရ်မဍာံစၟတ် နဝိနယ် မ္ဂးဂှ် ယြဴနသဘဴဓရ်မဍာံစၟတ် ယြဴနစောဒနာသာရဏာဝိနယ်။

န ‘ဉတ်ကမ္မဝါစ်’ မဒှ်ဒၠောံဗတောန်ကျာ် မ္ဂးဂှ် န ‘ဉတ်ကမ္မဝါစ်’ မဒှ်ဒၠောံဗတောန်ကျာ် မအံၚ်ဇၞးမာရ်မသုန်ပြကာ ကေုာံန ‘ဉတ်ကမ္မဝါစ်’ မဒှ်ဒၠောံဗတောန်ကျာ် မဂြၚ်တီကေတ်သစ္စပန်။

ဟှံမှဲကဵုပှမရျှသျှေရေူဂူ မ်ဂးဂျှ ဟှံရျှသျှေရေူဂူ သါ်ျကို ဂိုဏျကီု ကမျကီုရ။

မဟဂွံကော်ပၠုပ်ဏီ မ္ဂးဂှ် ဗက်ပတိတ်လဝ် နဥက္ခေပနဳယကမ်တုဲ ခမဳ မဟဂပ်ဝ်ကော်ပၠုပ်လဒေါဝ်သၚ်ဏီရောၚ်။

မဟဂွံသ္ပပွမပံက်ဖက်ဏီ မ္ဂးဂှ် ခမဳမပဒတဴမံၚ်စံၚ်မွဲစွံဂမၠိုၚ်ဂှ် ကော်ခဴဂးပံၚ်ဖက်အိုတ်ရ၊ ပွမပံၚ်ဖက်ဂှ် ဟွံမွဲကေုာံခမဳဂှ်မွဲစွံရ၊ ဟိုတ်ဂှ်ရ ကော်ခဴဂး မဟဂွံသ္ပပွမပံၚ်ဖက်ဏီရ။

ဒ္ဂေတ်ဗက် ခမဳဂှ် မ္ဂးဂှ် ခမဳမဒးဒုၚ်ဗက်ပတိတ်ဂှ် ယြဴမၞုံကွေတ်မွဲရ၊ ယြဴမၞုံပွမသ္ဍိုက်မၠိုက်မွဲရ၊ ယြဴမၞုံဂၞပ်ပၟိက်မွဲရ၊ ခမဳဗြဴဂှ်လေဝ် မၞုံကွေတ်သာ်ဂှ်ရ၊ မၞုံပွမသ္ဍိုက်မၠိုက်သာ်ဂှ်၇၊ မၞုံပၟိက်သာ်ဂှ်ရ။

ခမဳဗြဴဂှ် မ္ဂးဂှ် ယြဴခမဳဗြဴမဒ္ဂေတ် ခမဳမဒးဒုၚ်ဗက်ပတိတ်လဝ္ နဥက္ခေပနဳယကမ်မွဲ။

ခမဳဗြဴဂမၠိုၚ် မ္ဂးဂှ် ခမဳဗြဴသအာၚ်ဂမၠိုၚ်။

ခမဳဗြဴ မဆဵုညာတ်မမိၚ်ဂမၠိုၚ် “ယွံနာဲဗြဴ ခမဳဂှ် မိန်သၚ်မညဳသာသၟဟ်သၟန် မဗက်ပတိတ်လဝ် နသဘဴဓရ်မဍာံစၟတ် နဝိနယ် န ‘ဉတ်ကမ္မဝါစ်’ မဒှ်ဒၠောံဗတောန်ကျာ်ရ၊ ခမဳဂှ် မဟွံမွဲကဵုပွမရှ်ေသှ်ေ ရဴဂဴရ၊ မဟဂွံကော်ပၠုပ် ခမဳဂှ် (လဒေါဝ်သၚ်) ဏီရ၊ မဟဂွံသ္ပပွမပံၚ်ဖက်ဏီရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး၊ ဒးအာပတ်ဒုက္ကဋ်ရ။ မိၚ်တုဲ ဟွံဟီုသ္ဂးမ္ဂး၊ ဒးအာပတ်ဒုက္ကဋ်ရ။ ခမဳဗြဴဂှ် တံၚ်ဓဇက်ဏာလဒေါဝ်သၚ်တုဲလေဝ် “ယွံနာဲဗြဴ ခမဳဂှ် မိန်သၚ်မညဳသာ သၟဟ်သၟန် မဗက်ပတိတ်လဝ္ နသဘဴဓရ်မဍာံစမတ် နဝိနယ် န ‘ဉတ်ကမ္မဝါစ်’ မဒှ်ဒၠောံဗတောန်ကျာ်ရ၊ ခမဳဂှ် မဟွံမွဲကဵုပွမရှ်ေသှ်ေရဴဂဴရ၊ မဟဂွံကော်ပၠုပ် ခမဳဂှ် (လဒေါဝ်သၚ်) ဏီရ၊ မဟဂွံသ္ပပွမပံၚ်ဖက်ဏီရ၊ ယွံနာဲဗြဴ လ္ပဒ္ဂေတ်ဗက် ခမဳတြုံဂှ်ညိ” ရဴဝွံ သ္ဒးဟီုသ္ဂးရ။ မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး၊ ဒးအာပတ်ဒုက္ကဋ်ရ။ ဒးဒၠောံဗတောန် မမဳဗြဴဂှ် ဗွဲဒးရးရ၊ ယွံခမဳတအ် ရဴဝွံဟေၚ် သ္ဒးဒၠောံဗတောန်ဗွဲမဒးရးရ၊ ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။

၆၇၁။ ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဗြဴမၞုံယၟုဝွံ ဒ္ဂေတ်ဗက်ခမဳ မိန်သၚ်မညဳသာသၟဟ်သၟန် မဗက်ပတိတ်လဝ် နသဘဴဓရ်မဍာံစၟတ် နဝိနယ် န ‘ဉတ်ကမ္မဝါစ်’ မဒှ် ဒၠောံဗတောန်ကျာ် မဟွံမွဲကဵုပွမရှ်ေသှ်ေရဴဂဴ မဟဂွံကော်ပၠုပ်ဏီ မဟဂွံသ္ပပွမပံၚ်ဖက်ဏီဂှ်ရ၊ ခမဳဗြဴဂှ် ဟွံသၠးကၠေံဝတ္ထုဂှ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ တၞဟ်နကဵုသၠးကၠေံဝတ္ထုဂှ် သၚ် သ္ဒးဒၠောံဗတောန် ခမဳဗြဴမၞုံယၟုဝွံ ဗွဲမဒးရးရ၊ ဣဝွံတုန် ပွမကဵုတီရောၚ်။

ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဗြဴမၞုံယၟုဝွံ ဒ္ဂေတ်ဗက်ခမဳ မိန်သၚ်မညဳသာသၟဟ်သၟန် မဗက်ပတိတ်လဝ် နသဘဴဓရ်မဍာံစၟတ် နဝိနယ် န ‘ဉတ်ကမ္မဝါစ်’ မဒှ်ဒၠောံဗတောန်ကျာ် မဟွံမွဲကဵုပွမရှ်ေသှ်ေရဴဂဴ မဟဂွံကော်ပၠုပ်ဏီ မဟဂွံသ္ပပွမပံၚ်ဖက်ဏီဂှ်ရ၊ ခမဳဗြဴဂှ် ဟွံသၠးကၠေံဝတ္ထုဂှ်ရ၊ တၞဟ်နကဵုသၠးကၠေံဝတ္ထုဂှ် သၚ် ဒၠောံဗတောန်ခမဳဗြဴမၞုံယၟုဝွံ (နဉတ်ကမ္မဝါစ်) ဗွဲမဒးရးရ၊ နာဲဗြဴဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုနာဲဗြဴမွဲ ဟွံမွဲကဵုပွမသ္ဍိုက်မၠိုက်ရ၊ နာဲဗြဴဂှ် သ္ဒးဟီုတိုန်ရ။

မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။

“တၞဟ်နကဵုသၠးကၠေံဝတ္ထုဂှ် သၚ်ဂပ်ဝ်ဒၠောံဗတောန် ခမဳဗြဴမၞုံယၟုဝွံ ဗွဲမဒးရးတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။

ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုၚ်ၜါဝါ ဒးအာပတ်ထုလ္လစ္စယ်ရ၊ ပ္ဍဲလအိတ်ကမ္မဝါစ် ဒးအာပတ်ပါရာဇ်ရ။

ခမဳဗြဴဝွံလေဝ် မ္ဂးဂှ် ထံက်ရံၚ်ကဵုခမဳဗြဴ မအာစိုပ်ပါရာဇိကမဒှ်ကိုပ်ကၠာဂှ် ဂပ်ဝ်သ္ဂးရ။

ဒးအာပတ်ပါရာဇ်ရ မ္ဂးဂှ် ဗွဲဥပမာတုန် တၟအ်လးဇၞော် မဒကးအာၜါလွးတုဲဂှ် သၟဟ်ညံၚ်ရဴကလေၚ်ဗ္ဂပ်ဖျပ်မွဲလှ်ေပၠန် ဟွံဂွံရကီု တုပ်သၟဟ်သာ်ဝွံရ ခမဳဗြဴဂှ် ဒၠောံဗတောန် ‘နဉတ်ကမ္မဝါစ်’ စဵုကဵုပေၚ်ပိဝါနေဝ် ဟွံသၠးကၠေံကွေတ်ဂှ်မ္ဂး၊ ခမဳဗြဴ ဟွံသေၚ်ရ၊ တၞောဝ်ကျာ်ကောန်သၟိၚ်ဗြဴသာကျဝၚ် ဟွံသေၚ်ရ၊ ဟိုတ်ဂှ်ရ ကော်ခဴဂး အာစိုပ် ပွမကျနူသာသနာရ။

ပ္ဍဲအရာ ဟွံမွဲကဵုပွမပံၚ်ဖက် ကေုာံခမဳဗြဴခိုဟ်ဆာဲဂမၠိုၚ်မွဲစွံဂှ် ပွမပံၚ်ဖက်မ္ဂးဂှ် ပွမသ္ပဝိနယ်ကမ်မွဲစွံ ပွမစၞောန်ထ္ၜး (ဖ္ဍောတ်) ပါတိမုက်မွဲစွံ ပွမဒ္ဂေတ်လ္ၚတ်ပဒတဴမွဲစွံရောၚ်၊ သီုဖအိုတ်ဝွံ ပွမပံၚ်ဖက်မ္ဂးရ၊ ပွမပံၚ်ဖက်ဂှ် ဟွံမွဲမွဲစွံ ကေုာံခမဳဗြဴမစှ်ေပါရာဇိကဂှ်ရ၊ ဟိုတ်ဂှ်ရ ကော်ခဴဂး “ဟွံမွဲကဵုပွမပံၚ်ဖက် ကေုာံခမဳဗြဴခိုဟ်ဆာဲဂမၠိုၚ်မွဲစွံ” ရ။

၆၇၂။ ပ္ဍဲဓမ္မကမ် (မဂပ်ဝ်သ္ပ နဗဗွဲဓရ်) မၞုံကဵုစၟတ်သမ္တီ ဓမ္မကမ်ဒှ်တုဲ ဟွံသၠးကၠေံမ္ဂး၊ ဒးအာပတ်ပါရာဇ်ရ။ ပ္ဍဲဓမ္မကမ် မၞုံသၠေဟ်ပၟာဒှ်တုဲ ဟွံသၠးကၠေံမ္ဂး၊ ဒးအာပတ်ပါရာဇ်ရ။ ပ္ဍဲဓမ္မကမ် မၞုံကဵုစၟတ်သမ္တီ အဓမ္မကမ်ဒှ်တုဲ ဟွံသၠးကၠေံမ္ဂး၊ ဒးအာပတ်ပါရာဇ်ရ။ ပ္ဍဲအဓမ္မကမ် မၞုံကဵုစၟတ်သမ္တီ ဓမ္မကမ်မ္ဂး၊ ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံကဵုသၠေဟ်ပၟာမ္ဂး၊ ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံကဵုစၟတ်သမ္တီ အဓမ္မကမ်မ္ဂး၊ ဒးအာပတ်ဒုက္ကဋ်ရ။

၆၇၃။ ကုခမဳဗြဴ မဟွံဒးဒၠောံဗတောန်ဗွဲမဒးရး (နဉတ်ကမ္မဝါစ်) ခမဳဗြဴသၠးကၠေံကွေတ် ခမဳဗြဴကြအ်ဥမ္မတ် ။ ပ ။ ခမဳဗြဴကလိလောန်ကၠာတဲဂှ် ဟွံဒအာပတ်ရ။

တတိယပါရာဇိက သိက္ခာပိုဒ် တုဲရ။ Wunchay Rukchaytdee (ဓရီု) ၀၇:၂၃၊ ၁၂ နဝ်ဝေမ်ဗါ ၂၀၂၁ (+0630)

ပိဋကတ် ပါဠိပါဲစိုတ် ဘာသာမန်) ပါဠိဘိက္ခုနဳဝိဘၚ် ၁.၄.၁။ စတုတ်ထပါရာဇိကသိက်ခာပိုဒျ

(ပိဋကတ် ပါဠိပါဲစိုတ် ဘာသာမန်)

ပါဠိဘိက္ခုနဳဝိဘၚ်

၁.၄.၁။ စတုတ်ထပါရာဇိကသိက်ခာပိုဒျ

၆၇၄။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဗြဴဆဗ္ဗဂ္ဂဳဂမၠိုၚ် ဍုက်ဍေက်တဴ နကာယသံသဂ္ဂရာဂဒှ်တုဲ တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် ဒဒက်တဴတြုံမဍုက်ဍေက်တဴ နကာယသံသဂ္ဂရာဂ ပွမရပ်တဲလေဝ် သာယျေန်အိုတ်ရ၊ ပွမရပ်တၞုဟ်မုဟ်သ္ၚာလေဝ် သာယျေန်အိုတ်ရ၊ မွဲစွံလေဝ် ဒတူဒၟံၚ်အိုတ်ရ၊ မွဲစွံလေဝ်ဟီုဂလာန်အိုတ်ရ၊ ဌာန်သ္ၚောဲကြန် (ဌာန်ချိၚ်ဖာပ်) လေဝ် အာအိုတ်ရ၊ ပွမတြုံကၠုၚ်တူရူလေဝ် သာယျေန်အိုတ်ရ၊ ဌာန်ဂြောပ်ဗ္ဒန်လေဝ် ဗက်လုပ်အိုတ်ရ၊ ဇကုလေဝ် လၟောဝ်ဏာဇရေၚ်အိုတ်ရ။

ခမဳဗြဴပၟိက်အောန်ဂမၠိုၚ်ဂှ် “မူဟိုတ် ခမဳဗြဴဆဗ္ဗဂ္ဂဳဂမၠိုၚ် ဍုက်ဍေက်တဴ နကာယသံသဂ္ဂရာဂဒှ်တုဲ တၞဟ်နပွမသိပ်ဂၠိပ်ဒ္ဂေတ်မယုတ်ဂှ် ဒဒက်တဴတြုံမဍုက်ဍေက်တဴ နကာယသံသဂ္ဂရာဂ ပွမရပ်တဲလေဝ် သာယျေန်အိုတ်ရော? ပွမရပ်တၞုၚ်မုဟ်သ္ၚာလေဝ် သာယျေန်အိုတ်ရော? မွဲစွံလေဝ်ဒတူဒၟံၚ်အိုတ်ရော? မွဲစွံလေဝ်ဟီုဂလာန်အိုတ်ရော? ဌာန်သၟောဲကြန် (ဌာန်ချိၚ်ဖာပ်) လေဝ် အာအိုတ်ရော? ပွမတြုံကၠုၚ်တူရူလေဝ် သာယျေန်အိုတ်ရော? ဌာန်ဂြောပ်ဗ္ဒန်လေဝ် ဗက်လုပ်အိုတ်ရော? ဇကုလေဝ် လၟောဝ်ဏာဇရေၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ ။ ပ ။

“ယွံခမဳတအ် ခမဳဗြဴဆဗ္ဗဂ္ဂဳဂမၠိုၚ် ဍုက်ဍေက်တဴ နကာယသံသဂ္ဂရာဂဒှ်တုဲ တၞဟ်နပွမသိပိဂၠိပ်ဒ္ဂေတ်မယုတ်မာဂှ် ဒဒက်တဴတြုံမဍုက်ဍေက်တဴ နကာယသံသဂ္ဂရာဂ ပွမရပ်တဲလေဝ် သာယျေန်အိုတ်ရ၊ ပွမရပ်တၞုၚ်မုဟ်သ္ၚာလေဝ် သာယျေန်အိုတ်ရ၊ မွဲစွံလေဝ်ဒတူဒၟံၚ်အိုတ်ရ၊ မွဲစွံလေဝ်ဟီုဂလာန်အိုတ်ရ၊ ဌာန်သၟောဲကြန် (ဌာန်ချိၚ်ဖာပ် လေဝ် အာအိုတ်ရ၊ ပွမတြုံကၠုၚ်တူရူလေဝ် သာယျေန်အိုတ်ရ၊ ဌာန်ဂြောန်ဗ္ဒန်လေဝ် ဗက်လုပ်အိုတ်ရ၊ ဇကုလေဝ် လၟောဝ်ဏာဇရေၚ်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။

“ယွံခမဳတအ် မုဟိုတ် ခမဳဗြဴ ဆဗ္ဗဂ္ဂဳဂမၠိုၚ် ဍုက်ဍေက်တဴ နကာယသံသဂ္ဂရာဂဒှ်တုဲ တၞဟ်နပွမသိပ်ဂၠိပ်ဒ္ဂေတ်မယုတ်ဂှ် ဒဒက်တဴတြုံမဍုက်ဍေက်တဴ နကာယသံသဂ္ဂရာဂ ပွမရပ်တဲလေဝ် သာယျေန်အိုတ်ရော? ပွမရပ်တၞုၚ်မုဟ်သ္ၚာလေဝ် သာယျေန်အိုတ်ရော? မွဲစွံလေဝ် ဒတူဒၟံၚ်အိုတ်ရော? မွဲစွံလေဝ် ဟီုဂလာန်အိုတ်ရော? ဌာန်သၟောဲကြန် (ဌာန်ချိၚ်ဖာပ်) လေဝ် အာအိုတ်ရော? ပွမတြုံကၠုၚ်တူရူလေဝ် သာယျေန်အိုတ်ရော? ဌာန်ဂြောပ်ဗ္ဒန်လေဝ် ဗက်လုပ်အိုတ်ရော? ဇကုလေဝ် လၟောဝ်ဏာဇရေၚ်အိုတ်ရော? ယွံခမဳတအ် (ကမၠောန်ပွမခမဳဗြဴဆဗ္ဗဂ္ဂဳဂမၠိုၚ်သ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။

ယွံခမဳတအ် ရဴဝွံဟေၚ် ဩဝ်ကဵုခမဳဗြဴဂမၠိုၚ်စၞောန်ထ္ၜးသိက္ခာပိုဒ်ဝွံအိုတ်ညိ။

၆၇၅။ “ယြဴခမဳဗြဴမွဲ ဍုက်ဍေက်တဴ နကာယသံသဂ္ဂရာဂဒှ်တုဲ တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် ဒဒက်တဴတြုံမဍုက်ဍေက်တဴ နကာယသံသဂ္ဂရာဂ ပွမရပ်တဲလေဝ် သာယျေန်မ္ဂး၊ ပွမရပ်တၞုၚ်မုဟ်သ္ၚာလေဝ် သာယျေန်မ္ဂး၊ မွဲစွံလေဝ်ဒတူဒၟံၚ်မ္ဂး၊ မွဲစွံလေဝ် ဟီုဂလာန်မ္ဂး၊ ဌာန်သၟောဲကြန် (ဌာန်ချိၚ်ဖာပ်) လေဝ် အာမ္ဂး၊ ပွမတြုံကၠုၚ်တူရူလေဝ် သာယျေန်မ္ဂး၊ ဌာန်ဂြောန်ဗ္ဒန်လေဝ် ဗက်လုပ်မ္ဂး၊ ဇကုလေဝ် လၟောဝ်ဏာဇရေၚ်မ္ဂး၊ ခမဳဗြဴဝွံလေဝ် မၞုံကဵုဟိုတ်ဒ္စာံသာ်ဒှ်တုဲ ဒးအာပတ်ပါရာဇ် (မၞုံယၟုအဋ္ဌဝဝတ္ထုကာ) ရ၊ ဟွံမွဲကဵုပွမပံၚ်ဖက် ကေုာံခမဳဗြဴခိုဟ်ဆာဲဂမၠိုၚ်မွဲစွံရ” ရဴဝွံ (ဩဝ်ကဵုစၞောန်ထ္ၜးအိုတ်ညိ ရဴဝွံ သ္ဂးရ)။

---

၁.၄.၂။ ပွံက်စတုတ္ထပါရာဇိကသိက္ခာပိုဒ်

၆၇၆။ ယွူ မ်ဂးဂျှ ယွူဍေံမၞုံသဘူမဖျှသျာလဵု ။ ပ ။ ခမုဗွူ မ်ဂးဂျှ ။ ပ ။ ပ်ဍဲအရာဝှံ ဗွူမဒျှပယြါ်ျ နကဵုဉတ်တိစတုတ်ထကမျဝှံ ဂပျဝျနှံပၟိကျ ရူဝှံမ်ဂးခမုဗွူရ။

ဍုက်ဍေက်ကာယသံသဂ္ဂရာဂဒှ်တုဲ မ္ဂးဂှ် မၞုံကဵုပွမထၞေန်စပ်သ္ဍိုက်မၠိုက်ဒှ်တုဲ မၞုံကဵုပွမသ္ၚေဝ်မဲဒှ်တုဲ မၞုံကဵုစိုတ်ဆာန် ရာဂဒက်ဂြေန်လဝ်ဒှ်တုဲ။

ဍေံမဍုက်ဍေက်နကာယသံသဂ္ဂရာဂ မ္ဂးဂှ် ဍေံမၞုံကဵုပွမထၞေန်စပ်သ္ဍိုက်မၠိုက် ဍေံမၞုံကဵုပွမသ္ၚေဝ်မဲ ဍေံမၞုံကဵုစိုတ်ဆာန် ရာဂဒက်ဂြေန်လဝ်။

ပူဂိုလ်တြုံမၞိဟ် မ္ဂးဂှ် တြုံလကိုဟ်ဟွံသေၚ် တြုံပြိုတ်ဟွံသေၚ် တြုံတိရစ္ဆာန်မပတောလဝ် မၞိဟ်ဟွံသေၚ် တြုံမၞိဟ်မတီကၠိုဟ်ခၠၚ် မသၟဟ်စောံတၞဟ်နပွမဒ္ဂေတ်သ္ပ ပွမနှဴရဴဇကုကာယဟေၚ်ရောၚ်။

ပ္ဍဲအရာ ပွမရပ်တဲလေဝ် သာယျေန် မ္ဂးဂှ် တဲ မ္ဂးဂှ်တုန် သ္ပတမ်နူတၚ်တဲတုဲ အဝယ်လစှ်ေဇကု ဍေံဒစဵုကဵုစိုပ်တၞုၚ်သၞေမ်တဲရောၚ်။ တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် သာယျေန်တဴ ပွမရပ် ပ္ဍဲလတူဇုတ်ကၞၚ်ကအ်ၜါ ကေုာံသၟဝ်ဗၞဳအဝဏ်တၚ်က္ၜံၚ်ၜါမ္ဂး၊ ဒးအာပတ်ထုလ္လစ္စယ်ရ။

ပွမရပ်တၞုၚ်မုဟ်သ္ၚာလေဝ် သာယျေန် မ္ဂးဂှ် တၞဟ်နပွမသိပိဂၠိပ်ဒ္ဂေတ်မယုတ်မာဂှ် သာယျေန်တဴ ပွမရပ်ယာတ်ဗိုက်ကီု ယာတ်လတက်ကီုမ္ဂး၊ ဒးအာပတ်ထုလ္လစ္စယ်ရ။

မွဲစွံလေဝ် ဒတူ မ္ဂးဂှ် တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် ဒတူတဴ ပ္ဍဲအပ္ဍဲၜါဟတ်မွဲဍတြုံမ္ဂး၊ ဒးအာပတ်ထုလ္လစ္စယ်ရ။

မွဲစွံလေဝ် ဟီုဂလာန် မ္ဂးဂှ် တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် သီုမဒတူတဴဒၟံၚ်ပ္ဍဲအပ္ဍဲၜါဟတ်မွဲဍ တြုံ ဟီုဂလာန်မ္ဂး၊ ဒးအာပတ်ထုလ္လစ္စယ်ရ။

ဌာန်သၟောဲကြန်လေဝ် အာ မ္ဂးဂှ် တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် တြုံဂှ် “ဩဝ်ကၠုၚ်ဌာန်မဟိမုဝွံညိ” ရဴဝွံ ချိၚ်ဖာပ်တုဲ အာမ္ဂး၊ ဒးအာပတ်ဒုက္ကဋ်ရ၊ ဇၟာပ်ဂါမ်ဇိုၚ် ဇၟာပ်ဂါမ်ဇိုၚ် ဒးအာပတ်ဒုက္ကဋ်ရ၊ အာစိုပ်အပ္ဍဲၜါဟတ်မွဲဍ တြုံမ္ဂး၊ ဒးအာပတ်ထုလ္လစ္စယ်ရ။

ပွမတြုံကၠုၚ်တူရူလေဝ် သာယျေန် မ္ဂးဂှ် တၞဟ်နပွမသိပ်ဂၠိပ်ဒ္ဂေတ်မယုတ်မာဂှ် သာယျေန်တဴ ပွမတြုံကၠုၚ်တူရူမ္ဂး၊ ဒးအာပတ်ဒုက္ကဋ်ရ၊ လုပ်အာမပ္ဍဲၜါဟတ်မွဲဍ တြုံမ္ဂး၊ ဒးအာပတ်ထုလ္လစ္စယ်ရ။

ဌာန်ဂြောန်ဗ္ဒန်လေဝ် ဗက်လုပ် မ္ဂးဂှ် တၞဟ်နပွမသိပ်ဂၠိပ် ဒ္ဂေတ်မယုတ်မာဂှ် ပ္ဍဲအယာံမာတ် မလုပ်အာဌာန်ဂြောပ်ဗ္ဒန်မမိက်ကဵုမွဲမွဲဂှ် ဒးအာပတ်ထုလ္လစ္စယ်ရ။ ဇကုလေဝ် ပြာပ်ဏာဇရေၚ် မ္ဂးဂှ် တၞဟ်နပွမသိပ်ဂၠိပ် ဒ္ဂေတ်မယုတ်မာဂှ် သီုမဒတူဒၟံၚ် ပ္ဍဲအပ္ဍဲၜါဟတ်မွဲဍ တြုံ လၟောဝ်ဏာဇကုဇရေၚ်မ္ဂး၊ ဒးအာပတ်ထုလ္လစ္စယ်ရ။

ခမဳဗြဴဝွံလေဝ် မ္ဂးဂှ် ထံက်ရံၚ်ကဵုခမဳဗြဴ မအာစိုပ်ပါရာဇိကမဒှ်ကိုပ်ကၠာတုဲ ဂပ်ဝ်သ္ဂးရ။

ဒးအာပတ်ပါရာဇ်ရ မ္ဂးဂှ် ဗွဲဥပမာတုန် တၞံတာကအ်ပိုတ်အာတုဲ သၟဟ်ညံၚ်ရဴတၞဟ်နပွမကလေၚ်ကၠုတ်ဍိုပ်ဍဴမွဲလှ်ေပၠန် ဟွံထေက်ကီု တုပ်သၟဟ်သာ်ဝွံရ ခမဳဗြဴဂှ် ကဵုပေၚ်တဴဝတ္ထုဟိုတ် မရနုက်ကဵုဒ္စာံမ္ဂး ခမဳဗြဴဟွံသေၚ်ရ၊ တၞောဝ်ကျာ်ကောန်သၟိၚ်ဗြဴသာကျဝၚ် ဟွံသေၚ်ရ၊ ဟိုတ်ဂှ်ရ ကော်ခဴဂး အာစိုပ် ပွမကျနူသာသနာရ။

ပ္ဍဲအရာ ဟွံမွဲကဵုပွမပံၚ်ဖက် ကေုာံခမဳဗြဴခိုဟ်ဆာဲဂမၠိုၚ်မွဲစွံဂှ် ပွမပံၚ်ဖက်မ္ဂးဂှ် ပွမသ္ပဝိနယ်ကမ်မွဲစွံ ပွမစၞောန် (ဖ္ဍောတ်) ပါတိမုက်မွဲစွံ ပွမဒ္ဂေတ်လ္ၚတ်ပဒတဴမွဲစွံရောၚ်၊ သီုဖအိုတ်ဝွံ ပွမပံၚ်ဖက်မ္ဂးရ၊ ပွမပံၚ်ဖက်ဂှ် ဟွံမွဲမွဲစွံ ကေုာံခမဳဗြဴမစှ်ေပါရာဇိကဂှ်ရ၊ ဟိုတ်ဂှ်ရ ကော်ခဴဂး “ဟွံမွဲကဵုပွမပံၚ်ဖက် ကေုာံခမဳဗြဴခိုဟ်ဆာဲဂမၠိုၚ်မွဲစွံ” ရ။

၆၇၇။ ကုခမဳဗြဴမဟွံမွဲကဵုစိုတ်စေတနာ ခမဳဗြဴမဝိုတ်အာသတိ ခမဳဗြဴမဟွံတီ ခမဳဗြဴမဟွံသာယျေန် ခမဳဗြဴမကြအ်ဥမ္မတ် ခမဳဗြဴစိုတ်ကလှ်လဖှ် ခမဳဗြဴယဲဝေဒနာပ္ဍဵုပ္ဍိုက် ခမဳဗြဴကလိလောန်ကၠာတဲဂှ် ဟွံဒးအာပတ်ရ။

စတုတ်ထပါရာဇိက သိက်ခာပိုဒျ တဲုရ။ − ယွံတၠနာဲဗြဴတအ် ဂပ်ဝ်စၞောန်ထ္ၜးကဵု ပါရာဇိကအာပတ်ဂမၠိုၚ်ဒ္စာံပြကာ ဗွဲသရုပ်အိုတ်တုဲရ၊ ယြဴခမဳဗြဴမွဲ ပၞောဝ်အာပတ်ပါရာဇိကဂမၠိုၚ်ဒ္စာံဂှ် အာစိုပ်အာပတ်မွဲမွဲမ္ဂး ပ္ဍဲအခိၚ် (ဃောဒှ်ခရှ် သာမဏဳဗြဴ သိက္ခာမာန်) ကၠာတေံ သၟဟ်ညံၚ်ရဴဟွံကလိဂွံ ပွမပံၚ်ဖက်ဆက်ဆောံမွဲစွံ ကေုာံခမဳဗြဴဂမၠိုၚ်ကီု တုပ်သၟဟ်သာ်ဂဋ္ဌှ် ခမဳဗြဴဂှ် ပ္ဍဲအခိၚ်ကြဴ (မအာစိုပ်ပါရာဇိကတုဲ) လေဝ် ဟွံကလိဂွံပွမပံၚ်ဖက် ဆက်ဆောံမွဲစွံ ကေုာံခမဳဗြဴဂမၠိုၚ်ရ၊ အာစိုပ် ပွမကျာနူသာသနာရ၊ ဟွံမွဲကဵုပွမပံၚ်ဖက်မွဲစွံ ကေုာံခမဳဗြဴခိုဟ်ဆာဲဂမၠိုၚ်ရ။

ပ္ဍဲအာပတ်ပါရာဇိကဂမၠိုၚ်ဒ္စာံဂှ် သၟာန်နာဲဗြဴဂမၠိုၚ်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုၜါဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုပိဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ နာဲဗြဴတအ်ညးဂမၠိုၚ် ပ္ဍဲအာပတ်ပါရာဇိကဂမၠိုၚ်ဝွံ သအးဇ္ၚးနူအာပတ်အိုတ်ရ၊ ဟိုတ်ဂှ်ရ ဒၟံၚ်သ္ၚိတ်သ္ၚိတ်ဇြဇြအိုတ်ရ၊ ရဴဝွံ နဒဒၟံၚ်သ္ၚိတ်သ္ၚိတ်ဇြဇြဂှ် ဂွံသမ္တီကေတ် ဒဒှ်မသအးဇ္ၚးနူအာပတ်ဝွံရ။

ဘိက္ခုနဳဘၚ် ခဏ်ပါရာဇ် တုဲရ။ Wunchay Rukchaytdee (ဓရီု) ၀၇:၂၃၊ ၁၂ နဝ်ဝေမ်ဗါ ၂၀၂၁ (+0630)

ဂမ္တဴဂၠးတိဂှ် ထိၚ်မာန်၊ ပေဲါပၞာန်ဂှ် ထိၚ်ဟွံမာန် ဒဵုဗျု ဂိတုနောဝေမ်ဗာ ၁၂၊ တ္ၚဲသိုက်၊ ၂၀၂၁

ဂမ္တဴဂၠးတိဂှ် ထိၚ်မာန်၊ ပေဲါပၞာန်ဂှ် ထိၚ်ဟွံမာန်

ဒဵုဗျု ဂိတုနောဝေမ်ဗာ ၁၂၊ တ္ၚဲသိုက်၊ ၂၀၂၁

ပ္ဍဲကဵုပရိုၚ်တ္ၚဲဏံ ဂွံလ္ၚတ်ကေတ်ဂှ် မွဲလပါ်ဂှ် ဂပ်ဝ်ဒးမိပ်၊ မွဲလပါ်ဂှ် ဂပ်ဝ်ဒးဒှ်ဓဝိၚ်- ထေက်ကဵုဒးမိပ်ဂှ်တုန်၊ ဍုၚ်ကြုက်ကဵုအ မေရိကာန် ပံၚ်တဲက္ဍိုက်ပ်တုဲ ကလိဂွံတၚ်တုပ်စိုတ်တုဲ လလောၚ်တြးပတိတ်ဏာ စပ်ကဵုအခန်သွက်ဂွံလုပ်အာပေဲါဗတိုက်ကဵု ရာသဳ ဥတုဂၠးတိပိုဲ မပြံၚ်လှာဲအာမံၚ်လပါ်ဂမ္တဴ ပ္ဍဲကောံဓရီုဇၞော် ယူအေန် စပ်ကဵုရာသဳဥတုဂၠးတိဝွံဂှ်ရ။ ဂွံညာတ်ကေတ်မိၚ် ကေတ် ညးတအ်မဟီုမလလောၚ်တြးတအ်ဂှ်တုဲ အလုံဂၠးတိမွဲ ဒုၚ်တၠုၚ်အိုတ်ဂှ်တုဲ လညာတ်ညးတအ်ၜါဍုၚ်မပါ်ခြာတုဲ မတုပ် သၟဟ်မံၚ် ဗီုသၞညးသကအ်တအ်ဂှ် ညးတအ် ၚိတ်လဝ်ဂှ်တုဲ စပ်ကဵုကိစ္စကေၚ်ကာအန္တရာဲအလုံဂၠးတိဏံ ညးတအ်ၜါဍုၚ် မဒှ် ဍုၚ်ဇြဟတ်ဇၞော်အိုတ် ပ္ဍဲဂၠးတိဏံ ပံၚ်တဲဂစာန်လွဳပရာအာမာန်ဂှ် ဍေံဒှ်လက်သန်ခိုဟ် သွက်ဂၠးတိရောၚ် ညာတ်ကေတ်အိုတ်ဂှ် တုဲ နူဂကောံဍုၚ်အဳယူတံလေဝ် ဟီုဒုၚ်တၠုၚ်လဝ်ကီုရောၚ်ဂှ် ဂွံဗှ်ကေတ် ပ္ဍဲဌာနပရိုၚ်အေဝ်ဂျာဇြဳရာ ပ္ဍဲနောဝေမ်ဗာ (၁၀)ဂှ်ရ။ ပြသၞာအကြာညးတအ်ၜါဍုၚ်ကဵု ပြသၞာအလုံတၞောဝ်မၞိဟ်တအ် မဒးဆဵုဂဗမံၚ်တအ်ဂှ် ဟွံတုပ်သၟဟ်ရောၚ်ဂှ် ညးတအ်တီကေတ် တုဲ ရံၚ်ကဵုဂုန်ဖဵုအလုံဂၠးတိမွဲ ဍေံမဟွံသေၚ်ကဵုဆဍုၚ်ဇကုမွဲဓဝ်တုဲ ညးတံလုပ်ကေတ်တာလျိုၚ်မွဲဣဝဵုမွဲဒလေၚ်ပေၚ်ၚ်ဂှ် ဍေံဒှ် ဟိုတ်ဂၠးတိပိုဲ ဂွံတဝ်အာလပါ်ခိုဟ် ပ္ဍဲအရာဖအောန်ဖျေံဓါတ်ဂီုဂမ္တဴဂၠးတိပိုဲဝွံရောၚ်။ သကိုပ်ဝန်ဇၞော်ကုလသမဂ္ဂ နာဲအေန်တိုဝ်နဳ ယော ဂူတရာတ်လေဝ် ဟီုဒုၚ်တၠုၚ်ဂလာန်မိပ်စိုတ်နဒဒှ် “လဂါံဇိုၚ်ကိစ္စဇၞော် important step” ပ္ဍဲအရာလုပ်ပေဲါဗတိုက်ကဵု အန္တရာဲရာသဳဥတုမပြံၚ်လှာဲမံၚ်ပ္ဍဲဂၠးတိပိုဲဝွံရောၚ်။ ဍုၚ်ဇၞော်ၜါဝွံ ဒှ်ဍုၚ်မကဵုမံၚ်အန္တရာဲကဵုအလုံညးဂၠးတိမွဲ ပ္ဍဲအရာစပ်ကဵုပြောဟ်ပတိတ်မံၚ်ဓါတ်ဂျိ ဗၞတ်ၜိုတ်(၄၀) က္ဍိုပ်ကၠံကီု ရောၚ် ဂှ်လေဝ် ပိုဲတအ်လ္ၚတ်ကေတ်မာန်ကီုရ။ ယဝ်ရညးတအ် ဟွံကေတ်တာလျိုၚ် အဓိကမဂး ဟွံတိတ်ဗၠးနူဂမျိ ညးလိုက် ဂၠးတိ တအ်ကီုရောၚ်။ ၜိုန်ဂှ်လေဝ် ကိစ္စဏံ ပိုဲတအ် ဒးတၚ်ဂုန်ကဵုညးစၞးအမေရိကာန် နာဲဂျန်ကေဝ်ရဳကီု၊ ညးစၞးဍုၚ်ကြုက် နာဲဇြဳ ယှေန်ဟဲကီုရောၚ်။ ညးတအ်ၜါတၠဂှ် ဒှ်ညးစၞးမကေတ်မံၚ်တာလျိုၚ် သွက်ရာသဳဥတုဂၠးတိ ပ္ဍဲအရာသ္ပစၞးကဵုဍုၚ်ညးတအ် ဂှ် ရောၚ်။

“ဍုၚ်ကြုက်ကဵုအမေရိကာန် လၟုဟ်ဏံ သွက်ဂွံပံၚ်တဲအာညးသကအ်ကြပ်ပ် ပ္ဍဲအရာဂွံကော်ဆဴအာ ကဵုပြသၞာပိုဲမၞိဟ်တအ် မဒး ဆဵုဂဗမံၚ်ဇၞော်အိုတ် မတွံဂး အခက်အခုဲရာသဳဥတုဂှ်တုဲ အရာဝွံ ဍေံကိတ်ညဳမံၚ်ကဵု ဟိုတ်ပိုဲဂွံဒးကၠုၚ်စိုပ်ဒၞာဲသဳအိုဝ်ပဳ COP – conference of the parties (သဘၚ်သဳကၠဳဇၞော် စပ်ကဵုရာသဳဥတုဂၠးတိ) ဝွံဂှ်တုဲ အဲဒုၚ်တၠုၚ်ဏာကဵု လိက်ပံၚ်တဲလလောၚ် တြးညးတအ် ဇၞော်ကဵုဇြဟတ်ရောၚ်။ ဣဏံဂှ် ဒှ်ပရိုၚ်ခိုဟ်မွဲ သွက်ပိုဲတအ်ရောၚ်” ဂလာန်မြဴသာ်ဝွံ နာဲဖရေန် တေမ်မာမာန် မစိုန်ဒှ်တဴဒုတိယဥက္ကဌ သၟိၚ်ဇၞော်ကမ္မယှေန်အဳယူ ပ္ဍဲအရာမဆေၚ်စပ်ကဵုကေၚ်ကာရာသဳဥတု(Frans Timmermans, the European Commission’s executive vice president for the European Green Deal) ဂှ် ဟီုလဴထ္ၜးလဝ်ကဵု ဌာန ပရိုၚ်ဂၠးတိဂှ်ရောၚ်။

ပ္ဍဲတ္ၚဲဝွံ ဌာနပရိုၚ် The Guardian လေဝ် ဟီုဗၟံက်လဝ် ဗီုသမ္မတဍုၚ်ကြုက် နာဲဇြဳဂျေန်ပေန် မဟီုကဵုလဝ်သတိ စပ်ကဵုဓဝိၚ် သောက ဖေက်ပ္ဍဲဒေသအာယှဖသဳဖိတ် ကလေၚ်ကတဵုဒှ်ပၞာန် ညံၚ်ရဴခေတ်ကာလပၞာန်ဂံက်၊ ဖေက်ဍုၚ်မွဲကဵုမွဲ ကတဵုဒှ် ပဋိပ က္ခသေက်ဇဵုညးသကအ်ရောၚ်။ ပ္ဍဲကဵုက္ဍိုက်လိက်ပရိုၚ်ဂှ် ဂွံဆဵုကေတ် Xi Jinping warns against return to Asia-Pacific tensions of cold war era မြဴသာ်ဝွံတုဲ ၊ ပ္ဍဲပိုဒ်လိက်မွဲဂှ် ချူလဝ် အတိုၚ်ဗွဲသၟဝ်တေံသာ်ဝွံပၠန်ရ။“The Asia-Pacific region cannot and should not relapse into the confrontation and division of the cold war era.” ညံၚ်ဒေသဝွံ ဂွံက လေၚ်ကတဵုဒှ်ပၞာန်ပၠန်ဂှ် အမေရိကာန် က္ဍိုက်ပ်တုဲ ဖန်က်ပထုဲမံၚ်ဖေဝ်ရောၚ်ဂှ်လေဝ် ရံၚ်ကဵုဂလာန်ညးဂှ်မဂး ညးဂၠးတိတအ် တီကေတ်မာန်ရ။ ကြဴနူအမေရိကာန် က္ဍိုက်ပ်ဒက်ပတန်ဂကောံမဟာမိတ်ဂမၠိုၚ် မပါလုပ်လၟိဟ်သီုဍုၚ်ဂလာအိန္ဒိယကီု၊ အဝ်သတြေလျကီု၊ ဂျပါန်ကီုဂှ်တုဲ နကဵုဍုၚ်ကြုက် ကတဵုဒှ်ဂဝိၚ်သောကရောၚ်။ စပ်ကဵုပဋိပက္ခထာဲဝါန်ဂှ်လေဝ် ဍေံဒှ်ဟိုတ်ဒေ သဍုၚ်အာယှဂမၠိုၚ် ဂွံထုဲထံၚ်ပရေၚ်ပၞာန်ကီုရောၚ်။ နကဵုဍုၚ်ကြုက် ဍေံဒှ်ကၠုၚ်သၞကဵုဂကောံဍုၚ်မဟာမိတ်ကွိတ် (Quad) ခ္ဍၚ် ညးတအ်ဒးဂၠာဲဍုၚ်မဟာမိတ် သွက်ဂွံစၞေဟ်ပလန် ခ္ဍၚ်ဂှ်တုဲ ပ္ဍဲဂှ် ဍုၚ်ပိုဲ သွက်ဂွံဒးဗက်လကြဴဍုၚ်ကြုက်မာန်ရောၚ်ဂှ် ဟီုမာန်ရ။ အလဵုပၞာန်ဗၟာတအ် ဗက်လကြဴလပါ်ဍုၚ်ကြုက်၊ အလဵုအသဳပြိုၚ်ပကာန်အေန်ယူဂျဳတအ်၊ ဂကောံရပ်လွဟ်မဒိုအ်လဝ်ပန်ပှော် မချုက်လိက်ကသုက်အေန်သဳအေတအ်ဂှ် ဗက် လကြဴမဟာမိတ်ကွိတ်တအ်ဂှ်မဂး ပဋိပက္ခဍုၚ်ပိုဲဂှ် ဍေံဒှ်ဟိုတ်သ္ဂောံဂၠိၚ်သ္ၚောဲမာန်ရောၚ်ဂှ် တော်ဆကေတ်မာန်ရ။ လစွံစိုတ် အကြာဂကောံဍုၚ်အာဇြဳယာန်တအ်လေဝ် ထကးပြးတိတ်အာမာန်ကီုရ။ ပ္ဍဲဂကောံဍုၚ်တအ်ဝွံ ဍုၚ်လ္ၚဵုဂှ် ဒးဒုၚ်အုပ်ဂလီုလဝ် နကဵုအဝဵုဍုၚ်ကြုက်လေဝ်ကီု၊ အမေရိကာန်လေဝ်ကီုဂှ်တုဲ ၜိုန်ရပဝ်လဇြဳညးတအ်မသုန်တၚ်တအ်ဂှ် အလုံလိုက်မွဲဒုၚ်တဲ မာန်ကီုလေဝ် ဆဂး စပ်ကဵုလညာတ်သဳကၠဳပညဳပညပ်ဂၠာဲသွဟ်တအ်ဂှ် လပါ်ရဲအေန်ယူဂျဳတအ် ဒုၚ်ဂိုၚ်ကေတ်လဝ်ဟွံမွဲရောၚ်ဂှ် လိက်လညာတ်တၠဂုန်အစာရာဝိက ချူဗၟံက်လဝ်နွံရ။ ကုအလဵုအသဳပၞာန်ဂှ် ညးတအ်တက်ကျာဟွံမာန်၊ အဇာဂှ် စၞးဂှ် ဒးဗတိုက် သအးကၠေံရောၚ်ဂှ် ဒုၚ်ဂိုၚ်ကေတ်လဝ်လညာတ်သာ်ဝွံဂှ်တုဲ ကုခမဳသၚ် မနွံကဵုလညာတ်လပါ်ပၞာန်တအ်ဂှ်လေဝ် ညးတအ် ကၠတ်ပန်ဂစိုတ်မံၚ်ကီုရောၚ် ပရိုၚ်ဘာသာဗၟာတအ် အကြာဏံ ချူဗၟံက်လဝ်နွံရ။ ကုခမဳသၚ် မနွံကဵုလညာတ် ဟွံတုပ်ကဵုဇကု တအ်ဂှ်လေဝ် သ္ဍာံပန်ဂစိုတ် ကၠတ်ဂစိုတ်တဴကီုဂှ် ပိုဲတအ် ဒှ်သတ်မၞိဟ်မဓဇန်လောန်အာနူဗၞတ်ရ။ ပ္ဍဲတွဵုရးကရေၚ်ဍာဲဂှ် ပူဂဵုဟွံ ကေၚ်ဒစဵုဒစး ပစူလပုဟ်တဲပိတၞုၚ်တအ်ဂှ် ဂြိပ်ဒဴလုပ်မံၚ် ပ္ဍဲဗဒိုပ်ညးဒဴပၞာန်ညးတအ်ဟွံဂွံ၊ ထ္ၜးဟိုတ်ညးတၟုတ်ဒပ်ပၞာန်ဗၟာတအ် လုပ်ထုဲမံၚ်ဂှ်တုဲ တးပဲါကၠေံ ဟွံကဵုအခေါၚ်၊ ညးမဒဴပၞာန်တအ်ဂှ် ဒဒိုက်မွဲစိုပ်ဒဒိုက်ၜါရ။ ပရိုၚ်ဝွံ ဂွံဆဵုကေတ်ပ္ဍဲစၟတ်တ္ၚဲနောဝေမ်ဗာ ၁၂ဂှ်ရ။ လၟုဟ်ဝွံ ပေဲါဗတိုက်လ္ၚဵုဂှ် ဒပ်ပၞာန်အလဵုအသဳတအ်ဟာ၊ အေန်ယူဂျဳတအ်ဟာဂှ် ပါ်ပဲါဟွံဒးအိုတ်ဂှ်တုဲ ဒုၚ်တၠုၚ် ညးတအ်လေဝ် ဒးဒုဟ်၊ ပဲါတးညးတအ်လေဝ် ဒးဒုၚ်ဂစိုတ် ဒှ်မံၚ်အကာဲအရာသာ်ဂှ်တုဲ ညးဍုၚ်ကွာန်တအ်ဂှ် ဒှ်မံၚ်အဓိပဲါ ပဲါလံက်ကွတ်ဒးလံက်ဂၞၚ်ရောၚ်။ တုပ်သာ်ဂှ်ကီု ပ္ဍဲစၟတ်တ္ၚဲဝွံပၠန် ဘာညးမရှေ်သှေ်ကျာ်ခရေတ်တအ် ပ္ဍဲတိဍာ်ဍုၚ်ချေၚ်တအ်ဂှ် ဗၞတ်ၜိုတ်၂၂ဘာ ဒပ်ပၞာန်ဗၟာတအ် ပလီုပလာ်ကၠေံပၠန်ရ။ လအာသာ်ဝွံ ကၠာကၠာတေံ သၞာံမဟွံလအ် ပ္ဍဲတွဵုရးရခေၚ်ဂှ် သၚ်ရခေၚ်တအ် ဒးဒုၚ်ပတိုန်ဒုဟ် ဆက် ဆောံကဵုပၠန်ဂရးရပ်လွဟ်အေအေတအ်တုဲ ဒးဒုၚ်ရပ်ဂှ်လေဝ် နွံဗွဲမဂၠိုၚ်ရ။ ခေတ်ဂှ်ဒှ်ခေတ်ကာလအေန်အေဝ်ဒဳ မအုပ်ဓုပ် လဝ်ရောၚ်။ ပြဝမဓဇန်ကြမ်လတူညးဟွံမွဲကဵုဒုဟ်တအ်ဂှ် အလဵုအသဳဗၟာလဵုတိုန်န် ကၠောန်သ္ပမံၚ်ဟဂှ်ရ။ ဗွဲတၟေၚ် ဘာလ ကျာ် ဗုဒ္ဓဘာသာကီု၊ ဘာလ္ၚောဝ်ကျာ်ညးဘာသာမပ္တံခရေတ်တအ်ကီု ယဝ်ရဆက်စပ်မံၚ်ကဵုကောန်ဂကူတအ်မဂး ဒးဒုၚ်ပ လီုပလာ် အိုတ်ရ။ ညးမဒှ်ဂလာရောဟေန်ဂျာတအ် ဂၠိုၚ်ကဵုစှော်ကိုတ် အာစိုပ်ဒဒိုက် ဒးဒုၚ်ဂစိုတ်စံၚ်ကွာန်၊ ပလီုကောန်သမ္ဘာ သီုဒးဒုၚ် ထ္ဍေၚ်ပတိတ်နူဍုၚ်ကီုလေဝ် ဇကုအံၚ်ဆာန်စုကျဳ လုပ်စမံၚ်လပါ်ဒပ်ပၞာန်ဗၟာညးတုဲ ဂြောပ်ဗဒန်တဴဒုဟ်အိုတ်ဏီဂှ်ရံၚ် ကေတ်မ ဂး ကောန်ဍုၚ်ဗၟာတအ် က္ဍိုပ်သကိုပ်ဂကူဗၟာတအ် ဓဇန်လောန်တဲရ။ ရံၚ်ကဵုဥပ္ပတ္တိမကတဵုဒှ်မံၚ်ပ္ဍဲဍုၚ်ပိုဲဇေတ်တ်ဂှ်မဂး ကမၠောန်ဍေံမဒှ်လလေၚ်ကဵုညးဍုၚ်ကွာန်တအ်ဂှ် အုပ်ဂလီုဂွံလဝ်ပေၚ်ၚ်ဂှ်တုဲ အလဵုအသဳပၞာန်လေဝ် ပလီုပလာ် ဓဇန်ဇြက်ဟီုဟၟဲ၊ ရဲအေန်ယူဂျဳတအ်လေဝ် ပလီုပလာ် ဓဇန်တဲလတူ။ ဂကောံကောန်ဍုၚ်အ ရၚ်တအ်လေဝ် လုပ်စလပါ်ပၞာန်ကီု၊ လပါ်အေန်ယူဂျဳကီု နွံတဴနာနာသာ်ဂှ်တုဲ လညာတ်ပရေၚ်ဍုၚ်ကွာန်၊ လညာတ်ဂွံပညဳပ ညပ်သွက်ဍုၚ်ကွာန်ဂွံၜိုဟ်သြိုဟ်တအ်ဂှ် ပ္ဍဲဆကောန်ဍုၚ်အရၚ်တအ်ညိညဟေၚ်နွံတဴဂှ်တုဲ ဍုၚ်ပိုဲ အဃောဂၠံၚ်ကၠေံမံၚ်ရောၚ် ဟီုမာန်ရ။ ပ္ဍဲဍုၚ်ဇၞော်ဇၞော် ညံၚ်ရဴလဂုၚ်တအ်၊ အၚ်ဝတအ်၊ သေတ်ကါၚ်တအ်ဂှ်လေဝ် အကာဲအရာကြပ်တုပ်မံၚ်ကဵု သဳရဳယျာ ကၠာတေံရ။ လၟုဟ်ဝွံဍုၚ်သဳရိယျာသ္ၚိတ်ဇြမံၚ်ကီုလေဝ် ဆဂးဍုၚ်ပိုဲဂှ် ကြပ်ဂွံမံၚ်ချာမ် ပ္ဍဲဒၞာဲဂှ်ရောၚ်။ ဝါဒပလီုပလာ် နူလ ပါ်အလဵုအသဳပၞာန်ကီု၊ အေန်ယူဂျဳကီု ကၠောန်မံၚ်ပေၚ်ၚ်တအ်ဂှ် ဆလအ် ဂွံဒိုအ်ကၠေံမာန်ဂှ်ရော ယဝ်ရပိုဲသၟာန်ရံၚ်မဂး အခိၚ်ဝွံ ဒှ်အခိၚ်အဃောစိုပ်မံၚ်သဂါဗတံရောၚ် ယဝ်ရဟီုမဂး ဟွံဗၠေတ်ရ။ အနာဂတ်ဂတပြဟ်ဟ်ဝွံ ဂွံခိုဟ်တိုန်ဂှ် စၟဳဟွံညာတ်ရ။ လညာတ်မဓဇန်ကြမ်ကြဂှ် ဒှ်လညာတ်မပၠေၚ်ကၠေံတသိုက်ပိုဲမၞိဟ်တအ်မွဲရောၚ်ဂှ် ဗွဲယျေဘူယျဟီုမာန်ဂှ်တုဲ လညာတ်ဏံ ပ္ဍဲဍုၚ်ပိုဲ ရဲဂကောံတအ်ဂှ် ဒုၚ်ဂိုၚ်ကေတ်လဝ်ပေၚ်ၚ်ဂှ်တုဲ ပရိုၚ်မဆက်စပ်ကဵုပွမဓဇန်ကြမ်ကြတအ်ဂှ် ပ္ဍဲဌာနပရိုၚ်ဗတ်ဘာသာဗၟာ ပ္ဍဲဗဳဗဳဇြဳတအ်၊ ဗဳအိုဝ်အေတအ်ဂှ် ဂတဏံ ဒဵုကဵုဗှ်ဗက်ဟွံမာန်ဒှ်မာန်ရောၚ်။ ကြုက်ကဵုအမေရိကာန် ဟွံပြေပြံၚ်ခ္ဍၚ် သွဟ်ဍေံမတဝ်အာကဵုၜိုဟ်လလမ်ဍုၚ်ပိုဲ သ္ၚောဲအာခ္ဍၚ်ဂှ်တုဲ ယူအေန်လေဝ် မူပကဵု ဟွံမာန်၊ အာဇြဳယာန်လေဝ် မူဖန်က်ကဵုဟွံတုဲရ။ အလဵုအသဳပၞာန်ကဵုအေန်ယူဂျဳလေဝ် ဝေၚ်ပြိုၚ်ဓဇန်ညးသကအ်သၟးဂှ်တုဲ လအ် အာခ္ဍၚ် ညးဍုၚ်ကွာန်တအ် ဒဒိုက်ဇၞော်ခ္ဍၚ်ရ။ အကြာဏံ ဂကူဝတအ်၊ ဂကူရခေၚ် မတန်တဴပ္ဍဲတိဍာ် ဒၞာဲအဝဵုအေအေတဴ တအ်ဂှ် ဒဒိုက်အောန်အိုတ် ဟီုကြပ်ဂွံမံၚ်ရ။ ဟိုတ်ဂှ်တုဲ ဗွိုၚ်ဇကု ၜိုန်ရဍောတ်ကီုလေဝ် တိဍာ်ဇကုကဵုဇကု အဝဵုအုပ်ဓုပ်ဇကု ကဵုဇကုမဂး ခိုဟ်အိုတ်ရောၚ်ဂှ် ရံၚ်ကဵုဒဒှ်ရဲမတန်တဴပ္ဍဲတိဍာ်တအ်ဂှ်ကီု၊ ပ္ဍဲတိဍာ်အဝဵုဗော်ဍုၚ်မန်တၟိတဴတအ်ဂှ်ကီုမဂး တီကေတ် မာန်ရ။ သွက်ရဲမတန်တဴပ္ဍဲတိဍာ်တအ်ဂှ် ဂဥုဲစဵုဒၞာလေဝ် ကလိဂွံမံၚ်၊ ဒှ်ကၠုၚ်ယဲမဂး ဂွံအာလွဳလွတ်ပ္ဍဲရုၚ်ဂဥုဲဂှ်လေဝ် ခက်ခုဲ အောန်ရ။ သ္ၚိဇကုဍောတ်သွတ် မသိုၚ်ခၞံလဝ်အဆံၚ်ဟွံစိုပ်လဝ်ကဵုဒှ်ကၠာရ ယဝ်ရတိတ်ဗၠးမံၚ်နူဘဲအန္တရာဲၜိုဟ်ဂံက်ဂမ္တဴ၊ ဂဂဳအ ယဴတအ်ဂှ်မဂး ဂွံတိက်မံၚ်ၜိုဟ်ဟ် ဗွဲတသိုက်မာန်ကီုရောၚ်။ ဂွံလဝ်သ္ၚိခိုဟ်ဟ်တုဲ ဒးဗက်အောပ်တိက်မံၚ်ကီု၊ ဒးဂွိၚ်ဖေက် မံၚ်ကဵုညးကၠုၚ်စံၚ်ပလီုပလာ်ကီုမဂး ဟွံကလိဂွံတသိုက်စိုတ်ရ။ ။ Wunchay Rukchaytdee (ဓရီု) ၀၇:၀၁၊ ၁၃ နဝ်ဝေမ်ဗါ ၂၀၂၁ (+0630)

ပရေၚ်ဂကူ ပရေၚ်တဲသွက်ရဲဆာန်ဂကူမန်

ဂလာန်ပရၚ်တဲ သွက်ရဲဆာန်ဂကူမန်

      အလန်ဒုတိယ

ဥက္ကဌဇၞော်ဂုဏ်တၟေၚ်➲နာဲဟံသာ(ကော်ခဴစ) အ္စာကၞေဟ်➲ၜိုပ်ဍာဲ

ယၟုလိက် - ဂလာန်ပရၚ်တဲ သွက်ရဲဆာန်ဂကူမန် ကၞေဟ် - ၜိုပ်ဍာဲ

           (ဥက္ကဌဗော်ဍုၚ်မန်တၟိ- အ္စာနာဲဟံသာ)

အစဳအဇန် - တရဴအအာ ဂတိုပ်ဒဳဇြောၚ် - ဇဝ်ဝဳနန် (Jaw V Non) ကောန်ပျူတာ - ခေတ်လိုက် သၞာံတက်ပ္တိတ် - 30.1.2022-၁၃၈၃ သၞာံ။

                    ဂိတုပုဟ်(၁၄)စွေက်

တက်ပ္တိတ်အလန် - ဒုတိယ လၟိဟ်အုပ် - ၁၀၀၀၀အုပ် ညးတၠဒါန် - မဒါန်ကောန်ဂကူမန်

      ဂလာန်ပရၚ်တဲ သွက်ရဲဆာန်ဂကူမန် 

      ဂလာန်ညးဇန်လိက် 
                     

လိက်အုပ်ဍောတ် “ ဂလာန်ပရၚ်တဲ သွက်ရဲဆာန်ဂကူမန် ” ဝွံ ရန်ကဵုသၟတ်မန် အဝဲမံၚ်ဘာအဝဲဇူဘာတၟိတၟိတအ် သွက်ဂွံတီအာ ပရေၚ်ဂကူ၊ပရေၚ်ဍုၚ်ကွာန်၊ ပရေၚ်ပၞာန်၊ ပရေၚ်အာက္ဍိုပ်၊ ပရေၚ်ပညာ ကေုာံ ပရေၚ်မန် ပ္ဍဲအဝၚ်တိက်တအ် ၜိုတ်ဒးရးပြဟ်ဟ်မာန်တုဲ ဂလာန်တၚ်ဏှ်နွံကဵုရှ်သာတအ်ဂှ် ၜိုတ်ကပှ်ဂၠာဲ ချပ်ဗစာဂွံ ချူဇန်တက်ပ္တိတ်ဏာရ။ ဂလာန်တအ်ဏံဂှ် တိတ်ကၠုၚ်နူက္ဍဟ် ညးဇန်လိက်ဖအိုတ် ဟွံသေၚ်၊ ဂလာန်လ္ၚဵုတအ်ဂှ် နွံပ္ဍဲလိက်ဂွံကေၚ်ဗှ်တၚ် နၚ် ဇကုစှ်ေစိုတ် ဒုၚ်တဲ မာန် ဒှ်ဂုဏ်ဖဵုကုဂကူမန်ဟေၚ် ရုဲစှ် ချူပြေၚ်တက် ပ္တိတ်ဏာရောၚ်။

  သၟတ်မန်ညးဂွံဗှ် ဂွံတီကေတ်ဂလာန်တအ်ဏံ အနာဂတ်ဂတတေံ ကဵုဂွံဒှ်ညးဆာန်ဂကူမန် ညးကၠောန်ပရေၚ်ဂကူမန် ညးအာက္ဍိုပ်ကမၠောန်ပရေၚ်ဂကူမန်မာန်ညိ။
                     ✍ၜိုပ်ဍာဲ✍
                 (၁)
           ပရေၚ်ဂကူ 

၁။ ဂကူမွဲမွဲဟီုဂှ် ဂကောံမၞိဟ် မံၚ်စံၚ်တန်တဴကၠုၚ်လဝ်မွဲစွံလအ်လ ကဵုသၞာံအခါ (လ္ၚီသၞာံ -ဠက်သၞာံ) အရေဝ် -လိက် - ယေန်သၞာၚ်အခိုက် ကၞာတုပ်၊ ကံကုသဵုဆက်စပ် (အခေါၚ်အရာ သၠဲလး/ဍန်ဂြက်တုပ်) တအ်ဂှ် ဒှ်မွဲဂကူရ။

၂။ ဇုဇဗဴလပိုဲနူကၠာကၠာတေံဂှ် ဟိုတ်နူညးတအ် ဟိုတ်နူမံၚ်စံၚ်တန်တဴကၠုၚ်မွဲစွံ လအ်လကဵုအခိၚ်တုဲ အရေဝ် - လိက် - ယေန်သၞာၚ် အခိုက်ကၞာပိုဲ ဂွံတုပ်မံၚ်ရောၚ်။

    - ဇုဇဗဴလပိုဲတအ်ဂှ် ဟိုတ်နူမဗဳဇ (ဆီဇာတိ) ဆက်စပ်မံၚ်ညးသ္ကံတုဲ ရုပ်သာ်ပိုဲ မပ္တံ 

အရံၚ်စၞာံ၊ အရံၚ်သော်၊ အရံၚ်မတ်၊ ဗီုပြၚ်ဇကုဇကောဝ်ပိုဲ ဂွံတုပ် (ဝါ) ကြပ်တုပ်မံၚ်ရောၚ်။

 - ဒၟာနူဏံဟေၚ် ဂကူမသဆက်စပ်မံၚ်ရဂှ် ပိုဲတီ၊ ပိုက်တံဂၠာဲရိုဟ်မ္ဂး ဂကူမန်တအ်ဂှ် ဒှ်မသ ကောဒေံ ကြပ်ပ် (ဝါ) သ္ၚောဲသ္ၚောဲဖအိုတ်ရရောၚ်။ 

၃။ ကောဒေံဂှ် ဒှ်မသကြပ်ပ် ဂကူဂှ် ဒှ်မသသ္ၚောဲသ္ၚောဲ ဗီုဆာန်ကောဒေံဂှ် ဆာန်ဂကူကီုမ္ဂး မန်ပိုဲမုက်မတ် ယးတၟးဂကူပိုဲဗၠးၜးရောၚ်။

             (၂)

၄။ ဂကူမၞးဒှ်မံၚ်ဍိက်မ္ဂး မၞးကီု ကောဒေံမၞးကီု ဒှ်ဗက်ဍိက် ဒးဒုၚ်ဇိက်ဖအိုတ်ရ။ ဂကူမၞးဗၠးၜးမ္ဂး မၞးကီု ကောဒေံမၞးကီု ဗၠးၜးသၠဲလးဇၞော်မောဝ် ဖအိုတ်ရောၚ်။

၅။ ဂကူဇကုဒှ်မံၚ်ဍိက် ဒှ်မံၚ်ဒဒိုက်ဂှ်ဟွံရံၚ်၊ ရံၚ် သွက်ဇကုတုဲ ပဲါဒဴအာဌာန်တၞဟ်ဟ်ဂှ် ဒှ်ညး ဒှ်ဂြိပ်ဒဴ မာန်ဗက်စရ။

၆။ ဍုၚ်ကွာန်ဌာန်ဒေသဇကု ဇကုဟွံမံၚ် ရန်ကဵုသြန်တုဲ အာထောံဌာန်တၞဟ်မ္ဂး ဂကူညးတၞဟ် လုပ်ကၠုၚ်ဗပေၚ်ဒၞာဲရောၚ်။ ဒှ်သာ်ဂှ်ဂၠိုၚ်မ္ဂး ဍုၚ်ကွာန်ဌာန်ဇကု ဒှ်အာဌာန်ညးတၞဟ်ရောၚ်။

၇။ မန်တအ်အာဍုၚ်သ္အာၚ် ဂၠာဲသြန်ဂှ် ဒှ်ဂုဏ်ဖဵုပူဂဵုရဂၠိုၚ် ဍုၚ်ကွာန်မန် ဒှ်အာဍုၚ်ကွာန်ဂကူညးတၞဟ်ဂှ် ဂွံကလေၚ် ပလေဝ်ဟွံလောဲ လေၚ်ဆောံသွက် ဂကူဇၞော်ဇၞော် ဒဵုကဵုဂကူကၠေံကၠက် ဒှ်မာန်ရောၚ်။

၈။ ဂကူတုပ်မ္ဂး ဒးရီုဗၚ်မၚ်မွဲ ညးသ္ကအ်ရောၚ်။ဂကူကြုက်၊ ဂကူဂလာ၊ (မူသလေမ်)တအ် ရီုဗၚ်မၚ်မွဲ ညးသ္ကအ်ခိုဟ်တုဲ ဂကူဍေံတအ် ဇၞော်မောဝ်ပြာကတ်ရောၚ်။

၉။ မၞိဟ်ဂကူတုပ်တအ်ဂှ် ကံကုသဵုဆက်စပ်မံၚ် ညးသ္ကအ်ရောၚ်တုဲ ဒးညဳသာညးသ္ကအ် ဒးရီုဗၚ်ညးသ္ကအ်။ ဟွံညဳသာ ဟွံရံၚ်စံၚ်မၚ်မွဲ ညးသ္ကအ်မ္ဂး ညးလေဝ်ဒှ်ဒဒိုက် အဲလေဝ်ဒှ်ဒဒိုက် တၞီဗၠိုက်အာ အလုံဂကူရောၚ်။

                 (၃)

၁၀။ ကၠဵုတအ်ဂှ် ဟွံဝိုတ်တၠ၊ မၞိဟ်ဝိုတ်မံၚ်မသ ဂကူတအ်ဂှ် ပရေံစိုပ်ကဆံၚ်လဵု ချပ်ဗ္စာညိ။

၁၁။ ပြံၚ်အာမံၚ် ဍုၚ်ညးတၞဟ် ဌာန်ညးတၞဟ်မ္ဂး ဒးဗက်မံၚ် အခိုက်ညးတၞဟ်ရောၚ်တုဲ လက်သဏ်ဂကူဇကု ဗၠိုက်တၞီအာရ၊ ကၞောတ်တဲ (စိုပ်အဆက်ကောန် အဆက်စဴ) ဒှ်အာ ဂကူညးတၞဟ်တွဵုရ။

၁၂။ ဘဝဍိက်ဂှ် ပါဲဒဴကေတ်ဟွံဗၠး၊ အာမံၚ်ဍုၚ်ညး ဒးမံၚ်သၟဝ်တဲဂကူညးရ၊ ကုသဵုခိုဟ်မ္ဂး ဘဝဍိက်ကဆံၚ်သၠုၚ်ညိဟေၚ် ဒှ်မာန်ရောၚ်။သ္ဂောံဗၠးတိတ် နူဘဝဍိက်မာန် ဌာန်ဒေသ ဂကူဇကုဂှ် သ္ပသ္ဇိုၚ်တုဲ ဒးလွဳဒြဟတ် ဒးဒက်ပတန်အာရောၚ်။

၁၃။ ဂကူဇကုဒှ်မံၚ်ဍိက် ဒှ်မံၚ်ဒဒိုက်ဂှ် ဟွံရံၚ်၊ ရံၚ်ကဵုဖဵုဂုဏ်ဇကုတုဲ ကၠောန်မံၚ်သွက် ညးဍဵုဍိက်ဂကူဇကုဂှ် ဒှ်မၞိဟ်ကၠက်ဂကူ ဒှ်မၞိဟ်ဂကူတဝ်မုဲဟွံသေၚ်ဟာ?။

၁၄။ ပိုဲဒးဒုၚ်ဒှ်မံၚ်ဍိက်ဂှ် ဟိုတ်နူကဵုကံကုသဵုဘဝအတိက်ဟွံသေၚ်၊ ဟိုတ်နူကဵု ပိုဲဒုၚ်သ္ပမံၚ်ဍိက်တုဲ ညးတၞဟ်ဂွံသ္ပဂွံအုပ်ဓလီုမံၚ်ရောၚ်။

                (၄)

၁၅။ ဂကူဟွံမိက်ဒုၚ် သ္ပဍိက်ညးတၞဟ်တအ်ဂှ် ညးတၞဟ်လေဝ် ဟွံမိက်သ္ပဍိက်ရ၊ ဟိုတ်ဍေံဂှ် ဖဵု ဂုဏ်ညးဟွံမွဲ သီုဒှ်အန္တယ်ကုညးမာန်တုဲ ညးဟွံမိက်သ္ပရောၚ်။

၁၆။ ကံကုသဵုဂကူမွဲမွဲဂှ် နွံလ္တူပရေၚ်လွဳပရာ ကေုာံ ပရေၚ်ညဳသာပ္ဍဲဂကူဂှ်ရ။

၁၇။ ဂကူဟွံမွဲကုဍုၚ် စရာဲဂွံဇၞော်သၠုၚ်ပြာကတ် ဗီုညးတၞဟ်ဒှ်ဟွံမာန်။

   - ဂကူဟွံမွဲကုအခေါၚ်ပရေၚ်ဂကူဇကုဇကုဖန် သ္ဂောံ တန်ကြန်အာဍာ်ဇမၠိၚ် ဒှ်ဟွံမာန်။

   - ဂကူဟွံမွဲကုဒပ်ပၞာန် ညးသ္ပမာန်ဍဵုဍိုက် ဒးဗၠိုက်တၞီအာ ပြဟ်ဟ်ရောၚ်။

၁၈။ လ္ၚတ်ဝၚ်ဂကူ သွက်ဂွံကြီုကြဴမံၚ်ဟွံသေၚ်၊လ္ၚတ်ဝၚ်ဂကူ သွက်ဂွံတီ အာဲကၟာဲဟေၚ်၊ တီအာဲကၟာဲတုဲ ညံၚ်သ္ဂောံစိုပ်တဲဂကူဇကု ဒးပြုပြေၚ်။

၁၉။ အရေဝ်ဘာသာမွဲမွဲ လိက်ပတ်ဘာသာမွဲမွဲဂှ် ဟွံဒှ်အထက်အပၚ်ကု ပရေၚ်ဂယိုၚ်လမျီုမ္ဂး မၞိဟ်တအ်ဟွံစွံ ၚုဟ်မး ဟွံမိက်ကတ်ဗတောန် စကာအောန်ကၠုၚ်တုဲ အရေဝ်၊လိက်ပတ်၊ ဘာသာ ဗၠိုက်တၞီစှ်ေအာတွဵုရ။

                   (၅)
  ညးမဂွံလဝ်အဝဵုတအ် တီလဝ်ဒဒှ်ဏံတုဲ ကၟာတ် ဒၞာလဝ်၊ အရေဝ်၊ လိက်ပတ် ဂကူကောန်

ဍုၚ်အရၚ်တအ် ညံၚ်ဟွံဂွံစကာ အပ္ဍဲရုၚ် အပ္ဍဲသၞောဝ်တအ်ဂှ် သွက်ဂွံၚိတ်ကလက်ဂကူ ကောန်ဍုၚ်အရၚ်တအ်ရောၚ်။

၂၀။ လ္ၚဴမွဲမဟွံဒှ်ကၠေၚ်၊ ပလေၚ်မွဲမဟွံဒှ်ကွာၚ် ဟီု ကၠာလေဝ် ဂကူတၞဟ်မွဲ စိုပ်ကၠုၚ်ကွာန်ဇကု ဍေံဟွံဟီုအရေဝ်ဇကု ဇကုမၞိဟ်ဂမၠိုၚ် ဗက်ဟီု မံၚ်အရေဝ်ဍေံဂှ် စိုတ်ဓါတ်ဆာန်ဂကူဇကု ဟွံသဝ်အာနူဍေံဟာ။

၂၁။ မၞိဟ်ကၠုၚ်ပၠံၚ်တိဍာ်ဂကူဇကု ၚိတ်ကလက်ဂကူ ဇကုဂှ်စွံစိုတ်သၠဲသၠဲဒုၚ်လဝ်တဲမ္ဂး မၞးဂှ် မၞိဟ်ဆာန်ဂကူဟွံသေၚ် ဒှ်မၞိဟ်ဒုၚ်စကာသၞ ဗပေၚ်ပၟိက်သၞ ဒှ်မၞိဟ်ကလက်ဂကူ ဇကုကီုရ။

၂၂။ ဂကူမွဲမွဲ မိက်ဂွံဒက်ပ္တန်ကၟိန်ဍုၚ်ဗၠးၜး သွက်ဂကူ ဇကုမ္ဂး မ္ၚးနူဌာန်ဒတန် ဇုဇဗဴလဂကူဇကုတုဲ ဒၞာဲဒေသတၞဟ် ဒက်ပ္တန်ဟွံလောဲရ။

၂၃။ ပ္ဍဲလိုက်ဏံ ဒြပ်ရတ်ၚုဟ်မးဇၞော်နူကၟိန်ဍုၚ်ဗၠးၜးဂှ် ဟွံမွဲရ။ ဟိုတ်နူၚုဟ်မးဇၞော်ဂၠိုၚ်ဟေၚ် မၞိဟ်တအ် ဒုၚ်သၠာဲမံၚ်ကုဆီပဠက် လမျီု ဗွဲမဂၠိုၚ် ရောၚ်။

၂၄။ ဆာန်ဂကူမန်ဍာံမ္ဂး မဇဂကူမန်ညံၚ်ဟွံဂွံကၠေံကၠက်အာဂှ် ဒးထိၚ်ဒဝ်အာရောၚ်။မဇဂကူမန် ညံၚ်ဟွံဂွံကၠေံကၠက် ပရေၚ်ဘဝဂကူမန် မန်ဒးဖန်ဖက်ကေတ်တ်ရောၚ်။ မဇဂကူမန် ညံၚ်ဂွံတန်ကြန် ဍုၚ်မန်ဗၠးၜးပိုဲ ဒးပ္တန်ရောၚ်။

၂၅။ မိက်ဂွံတီအာဲ ဒးဂၠာဲရၚ်ဝၚ်အတိက်၊ ဝၚ်အတိက်ဟွံရံၚ် ဆီပြံၚ်ဒှ်ဍိက်။(ကျာ်ဇၞော်ဘာဒေါဝ် ကွာန်တံၚ်ပရၚ်)

၂၆။ မိက်ဂွံကဵုဂကူဗၠးၜးမ္ဂး အလုံဂကူမန်တအ် စိုတ်ဓါတ်ဆာန်ဂကူ ညံၚ်သ္ဂောံသၠုၚ်၊ ညံၚ်သ္ဂောံမြဟ်မြဴကၠုၚ်ဂှ် ဒးကၠောန်ကၠာအိုတ်ရောၚ်။စိုတ်ဓါတ်ဆာန်ဂကူသၠုၚ် မံၚ် ဟေၚ်ဒုၚ်ဒဒိုက်၊ ဒုၚ်ဂိ၊ ဒုၚ်ကဵုမာန် စိုတ်ဓါတ် ဆာန်ဂကူ မြဟ်မြဴဟေၚ် ဒုၚ်ထံၚ် ဒုၚ်ချိုတ် သွက်ဂကူမာန်ရောၚ်။

၂၇။ မၞိဟ်ကၠောန်မံၚ်ကမၠောန်ပရေၚ်ဂကူတအ်ဂှ် ၜိုန်ယောၚ်ယာနွံကၠာလေဝ် ဆဵုဂဗဂၠိုၚ်ကၠုၚ်မ္ဂး ကၠောန်ဒး အံၚ်ဇၞး မာန်မံၚ်ရောၚ်။မၞိဟ်ဟီုကေတ်သၟးသၟးတအ်ဂှ် အခိၚ်လဵုလေဝ် အံၚ်ဇၞးမာန်ဟွံသေၚ်၊ဟိုတ်ဂှ်တုဲ မၞိဟ်ဗီုလဵု ဒးထိုၚ်သးထေက် သ္ၚဳဂၠိပ်ညိ။

၂၈။ မၞိဟ်မွဲမွဲ ပူဂဵုဆာန်ဂကူဟွံသေၚ်၊ ကလၚ်အရေဝ်ညးသၟး ဟွံတီ၊ ဒးရံၚ်လ္တူ ကမၠောန် ပွညးတအ်ရောၚ်။

၂၉။ ဒုၚ်ယၟုကၠောန်ပရေၚ်ဂကူ ဂးတုဲ ရေက်ကးပ္တိတ်မံၚ်ပရဲ လ္တူကမၠောန်ဂကူမ္ဂး ပရေံနူ ဟွံကၠောန်ပရေၚ်ဂကူဏီ။

၃၀။ ဘဝဂတမုဒှ်ဂှ် ညးလဵုလေဝ်တီချိုတ်ပၠိုတ် ဟွံသေၚ်၊ ကၠောန်ပရေၚ်ဂကူ ပရေၚ်ဍုၚ် ပရေၚ်ညးဂမၠိုၚ် ညံၚ်စိုပ်တရဴမ္ဂး မၞိဟ်ချိုတ်အာလေဝ် ဝၚ်ခိုဟ်မွဲ ဂွံဒုၚ်စချိုတ်ပၠိုတ်အာရောၚ်။

၃၁။ ဂၠာဲဒြပ်ရန်သွက်ကောန် ဗတောန်ကွတ် ရန်သွက်ဇကုဖဵု ညးဂမၠိုၚ်ဟွံဒှ်မ္ဂး ညးမွဲဟွံထိုၚ်သးဝၚ်ခိုဟ်ဟွံၜက်သှ်ေရ။

၃၂။ မၞိဟ်မွဲမွဲ စိုတ်ဓါတ်ဆာန်ဂကူၜိုတ်လဵုနွံဂှ် မိက်ဂွံတီမ္ဂး ၜိုတ်လဵုညးဒုၚ်ဂိ ဒုၚ်အိုတ် ဒုၚ်ကၠောန်မံၚ် သွက်ဂကူဂှ် ရံၚ်ညိ၊ လ္တူအရေဝ်ညးသၟး သ္ပသ္ဂုတ်သွာတ်ညိ။

၃၃။ ဆာန်ကၠအ်မ္ဂး ဒးပခိုၚ်ဒၞးဒပ်၊ ဆာန်ဒြပ်မ္ဂး ဒးပခိုၚ်ပရေၚ်ဂီုကၠီု ဆာန်ဂကူဆာန်ဍုၚ်မ္ဂး ဒးပခိုၚ်ဒပ်ပၞာန် ရောၚ်။

၃၄။ ဂကူမွဲမွဲ ဂွံဇၞော်မောဝ်တဴတက်ပြာကတ်မံၚ်ဂှ် ချိုတ်တုပ်ဂျိုၚ်တုပ် ဝါတ်တုပ်သိုက်တုပ် ညဳညဳသာသာ ရုန်ဂစာန်ထတ်ထပါ်ကၠုၚ် အခက်အခုဲနာနာ၊ တဝ်စၞေဟ်သၞနာနာမွဲစွံ လအ်ကဵုသၞာံအခါရောၚ်၊ အခိုက်ဏံ လီုလာ်ယောၚ်ယာအာမ္ဂး ဒှ်ဍိက်ညးတၞဟ်ရ။

၃၅။ မၞိဟ်ဟွံတီဂုဏ်မိမ ဂုဏ်အစာ ဂုဏ်ဂကူတအ်ဂှ် ဒှ်မၞိဟ်ဟွံတီဂုဏ်ညးတၞဟ် ဒှ်မၞိဟ်သစ္စဟွံမွဲတုဲ ပရေံနူသတ်တိစ္ဆာန်ဏီရ။

                       (၈)

၃၆။ ကြက်ဂကူဂှ် အရေဝ်၊ ကြက်အရေဝ်ဂှ် လိက်ပတ် ဆာန်ဂကူဇကုမ္ဂး ထိၚ်ဒဝ်အရေဝ် လိက်ပတ်ဂကူဇကုအိုတ်ညိ။

၃၇။ သ္ဂောံထိၚ်ဒဝ်အာအရေဝ်ဂကူဇကုမာန် မန်ကုမန် ဟီုအရေဝ်မန်အိုတ်ညိ၊ဟီုအရေဝ်မန်မ္ဂး အရေဝ်ညးတၞဟ် လ္ပကဵုပြံက်နှဴ၊ ပြံက်နှဴမံၚ်အရေဝ်ညးတၞဟ်မ္ဂး အရေဝ်ဂကူဇကုဂှ် ကၠာဲအာတုဲ လအ်မ္ဂး ကၠေံကၠက် အာရောၚ်။

၃၈။ ဂကူမန်ကောန်ဗုဒ္ဓသာသာတအ် ဗီုစိုတ်ဓါတ်ပ္ဍဲအရာကဵုဒါန်သ္ပကုသဵုဂှ် ယဝ်ထံက်ပၚ် ပ္ဍဲပရေၚ်ကမၠောန်ဂကူကီုမ္ဂး ဂကူပိုဲဇၞော်မောဝ် တဴတက်တိုန်ပြဟ်ဟ် ဗွဲစၟတ်ရောၚ်။

၃၉။ မၞိဟ်တအ် စိုတ်ဓါတ်ဆာန်ဂကူ ၜိုတ်လဵုဇြိုဟ်နက်ရောဂှ် အခါဆဵုဂဗကြေပ်ဂြတ်ဟေၚ် တီကေတ်မာန်ရ။ အခါကြေပ်ဂြတ် ဝေၚ်ပဲါ၊ အခိၚ်သၠဲလးမ္ဂး လုပ်ဗဒဲါ၊ ကြပ်ကၠုၚ်ပေဲါအံၚ်ဇၞးမ္ဂး ပၠံၚ်ဒၞာဲ ပွသာ်ဏံဂှ် ပွရဲဗက်သာတအ်ရောၚ်။

၄၀။ ဂွံမံၚ်ပ္ဍဲတိဇကု သ္ၚိဇကုဂှ် ၜိုန်ဝါတ်ဒိုက်ကၠာလေဝ် သိက္ခာနွံဂၠိုၚ်နူ ဒးမံၚ်ပ္ဍဲတိညးတၞဟ် သ္ၚိညးတၞဟ်ဏီ၊ ပ္ဍဲသ္ၚိဇကု ဒးစပုၚ်ၜိုတ်လေဝ် ခိုဟ်နူဒးအာတ်စ ပ္ဍဲသ္ၚိညးတၞဟ်ဏီရ။

၄၁။ ဂကူမန်တအ် ၜိုတ်လဵုဝါတ်တ် စိုတ်ဓါတ်ဂွိၚ်ဖေက်ဂကူ ကၠက်နွံမံၚ်မ္ဂး ပရေၚ်ဗၠးၜးဂကူဂှ် ကၠောန်ဂွံမံၚ်ဏီ။ဂကူမန်တအ် ၜိုတ်လဵုလောဲလောဲ စိုတ်ဓါတ်ဆာန်ဂကူ ဟွံမွဲရမ္ဂး ပရေၚ်ဗၠးၜးဂကူဂှ် ကၠောန်ဟွံလောဲရ။

၄၂။ ဟိုတ်နူစိုတ်ဓါတ်ဆာန်ဂကူထတ် ကၠောန်သွက်ဂကူတုဲ ဒးဒုၚ်ချိုတ်အာဂှ် လ္ပဂွိၚ်လ္ပဖေက်စိုတ်လ္ပလီု ချိုတ်ဂှ်ညးလဵုမွဲပါဲဟွံဗၠး၊ ဂကူဇကုဒှ်မံၚ်ဍိက်ဖိုဟ် ဇကုတိက်မံၚ်မိပ်မံၚ်တုဲ ဒးချိုတ်အာဂှ် ထေက်ကဵု ဒးဂွကဵုညးဂမၠိုၚ်။

၄၃။ မၞိဟ်မွဲမွဲ အယုက်ၜိုတ်လဵုဂၠိၚ်ၚ် ပိုန်ဒြပ်ၜိုတ်လဵုသၠဲသၠဲ နွံမံၚ်ပ္ဍဲဘဝဍိက်မ္ဂး ဝၚ်လျးတၟးမာန်ဟွံသေၚ်၊ ၜိုန်ဒှ်သၟိၚ်မွဲမွဲဒၞာဲ ၜိုန်ဝၚ်နာဲဒယှ်လေဝ် ဒှ်ဍိက်ကဆံၚ်သၠုၚ်၊ ဍိက် ဒယှ်မွဲဟေၚ်တုဲ သိက္ခာဟွံမွဲရ။

၄၄။ ဝၚ်ဂှ်ညးဇၞးတအ်ဟေၚ် အခေါၚ်ချူခၞံဂၠိုၚ်တုဲ ညးဂမၠိုၚ်စိုတ်လုပ်စရ။

၄၅။ ဟီုကြီုမံၚ်ဝၚ်အတိက် ဇကုဒုၚ်သ္ပမံၚ်ဍိက်ဂှ် ဂွကဵုလေပ်ညိ။

၄၆။ ကူချပ်ရံၚ်အးအး မၞိဟ်ဟွံဂွံဒုၚ်စလဝ် အာဲကၟာဲဂကူ နွံမံၚ်ကီုရဟာ၊ ဒုၚ်စလဝ်အာဲကၟာဲဂကူတုဲ ဟွံတီဂုဏ်ဂကူ ဟွံကၠောန်ပရေၚ်ဂကူ ဟွံရီုဗၚ်ဂကူမ္ဂး ဒှ်မၞိဟ်ဟွံတီတာလျိုၚ် ဒှ်ပွမၞိဟ် အရိုၚ်တအ်ရောၚ်။

                  (၁၀)
၄၇။ မၞိဟ်ကၠာတေံကၠောန်ဗဒှ်ကၠုၚ်လဝ်ဂှ် မၞိဟ်တ္ၚဲဏံ ဒုၚ်စသိုၚ်၊ မၞိဟ်တ္ၚဲဏံကၠောန်ဗဒှ်လဝ်တအ်ဂှ် မၞိဟ်တ္ၚဲယးတေံဒုၚ်စသိုၚ်ရ။ လၟေၚ်ဓမ္မတာဏံဂှ် တီကၠိုဟ်တုဲ သွက်မဇဂကူပိုဲ တ္ၚဲယးတေံ သ္ဂောံဒုၚ်စသိုၚ်ခိုဟ်ဟ်မာန် ပိုဲဒးဂစာန်ကၠောန် ကဵုရောၚ်ဂှ် ဒှ်တာလျိုၚ်ပရေၚ်မၞိဟ်ရ။

၄၈။ မၞိဟ်တုပ်ပ် ပိုဲဒုၚ်သ္ပမံၚ်ဍိက်ဂကူတၞဟ်မ္ဂး ၚုဟ်မးဂကူပိုဲပၠိုတ် ဝၚ်ဂကူပိုဲ ကၠေံအိုတ်အာရောၚ်။

၄၉။ တၠအဝဵုတအ်ဂှ် ထ္ၜးဟိုတ်ကဵုစဵုဒၞာဖဵုဂုဏ်ဂကူတုဲ ရပ်လဝ်အဝဵုသၟးရ၊ ၜိုန်ဂှ်လေဝ် အခါသရုပ်ဇာတ်မ္ဂး ဒှ်ဂုဏ်ဖဵုကုဂကူဂှ် အောန်အာနူအန္တယ်ကုဂကူ သာ်ဂှ်သၟး ဂွံဆဵုကၠုၚ်ရ။ Wunchay Rukchaytdee (ဓရီု) ၀၄:၅၆၊ ၂၁ မေ ၂၀၂၂ (+0630)

ပရေၚ်မန်ပ္ဍဲဝၚ်အတိက် ပရေၚ်တဲသွက်ရဲဆာန်ဂကူမန်

ဂလာန်ပရၚ်တဲ သွက်ရဲဆာန်ဂကူမန်

      ပရေၚ်မန်ပ္ဍဲဝၚ်အတိက်

၁။ လ္ၚတ်ဝၚ်တမၠာ အာသ္ဂောံတီဂၠံၚ်

    ဆီဒၞာဲမန်ခံၚ်    လံၚ်ဗပေၚ်ကဵုဇြဟတ်
    လ္ၚတ်ဒၞာဲမန်သဝ်  ဗဝ်ဗပေၚ်ပလေဝ်ဒး။
    မိက်ဂွံဗၠးၜး        ဒးကၠးဝၚ်အတိက်
    ဟွံတီဝၚ်အတိက် ဆီပြံၚ်ဒှ်ဍိက်မာန်။

၂။ ဂကူမန်ပိုဲဂှ် ကၠုၚ်နူမဇမန်ဂေါလွာ် ဂကောံဂကူမန်ခမာရ။ ဒေသမူလမန်ခမာတအ်ဂှ် ကုန်ဒဵုမန်ဂေါလဳယျာ လပါ်သၟဝ်ကျာ ကန္တာရဗတဳ (ဂၚ်ဗတဳ) ဂေါဗဳရ။

၃။ ဒၞာဲတေံဝွံ ဟိုတ်နူဥတုရာသဳဟွံခိုဟ်တုဲ ဆုဲပြံၚ်စှ်ေမံၚ် ပ္ဍဲဗလးပရၚ်ဝဳယာန်ဇြဳကျာန်န် (ပ္ဍဲဍုၚ်ကြုက်လပါ်ဗၟံက်) ဂှ် သၞာံ ဗွဲမလအ်လ ကၠောန်ကၠုၚ်ဝါဗ္ၚတဵုသြောံရ၊ မန်ခမာတအ် သြောံသ္ၚုဇွောံမသၠဲလးမံၚ်ဂှ် ဂကူတၞဟ်ကၠုၚ်ပၠံၚ်ၜးဂၠိုၚ်ကဵုဝါ ဂၠိုၚ်ကဵုသၞာံတုဲ နူဂှ်ထပ်ဆုဲပြံၚ်ကၠုၚ် လပါ်ပလိုတ်သၠုၚ်ကျာ (နေရတိ) မွဲက္ဍိုပ်တုဲမွဲက္ဍိုပ်ရ၊ ဟိုတ်နူဂှ် ပြးအာညးသကအ်တုဲ လအ်ညိဒှ်အာဂကူတၞဟ်ခြာရ။

၄။ ဂကူမွဲကရောံ လုပ်ဂကောံဂကူမန်ခမာတအ်ဂှ် ဗဳယေက်နာမ်၊ ခမာ (ခမေန်)၊ မန်၊ ပလံၚ်(တအၚ်)၊ ဝ(လဝ)၊ မုန္ဒ (ဍုၚ်အိန္ဒိယသၠုၚ်ကျာ)၊သာန်တာ၊ (ဍုၚ်အိန္ဒိယ/ ဗေန်ဂလာဒက်)၊ ခါဇြဳ (ဍုၚ်အိန္ဒိယ တွဵုရးဍုၚ်အာသာံ) တအ်ရ။

၅။ ဂကူမန်တအ်ဂှ် နူအခိၚ်ၜိုတ် (BC-၂၀၀၀) တေံ ဆုဲပြံၚ်တိတ်နူဒေသပြၚ်ၜဳယာန်ဇြဳကျာန်တုဲ စှ်ေအာလပါ်ဒိုဟ်နေရတိ (ပလိုတ်သၠုၚ်ကျာ) ဖျေံသဇိုၚ်ပ္ဍဲဒေသ (ခါလၟုဟ်ကော်) ကၟိန်ဍုၚ်သေံဒကုတ်သၠုၚ်ကျာ ကေုာံ ကၟိန်ဍုၚ် မန်ဗၟာ ဒကုတ်သၠုၚ်ကျာကျာတအ်ရ။

၆။ အခိၚ်ၜိုတ် (BC-၁၀၀၀) ဂှ် မန်တအ် ဒက်ပ္တန်ကၠုၚ် ဍုၚ်သုဓမ္မဝတဳ ပ္ဍဲဒၞာဲတမ်ဒဵုကေလာသ ခါလၟုဟ်နွံသၟဝ်ကျာ ဍုၚ်သဓီုၜိုတ်(၃၀)တိုၚ်၊ ပ္ဍဲပွိုၚ်ဍုၚ်ၜဳလၚ်၊ တွဵုရးဍုၚ်မန်ရ၊ ဍုၚ်ဝွံ သၟိၚ်မန် (၂၄) အဆက်သ္ပကၠုၚ်သၟိၚ် ပကၚ်ရၚ်ကၠုၚ်ရ၊ ကြဴဏံပြံၚ်သၠာဲယၟုဍုၚ် သုဘိန္နနာဂရတုဲ ဆက်အုပ်ဓုပ်ကၠုၚ်သၟိၚ် (၃) အဆက်ပၠန်ရ။

၇။ နူဍုၚ်သုဘိန္နနာဂရဂှ် ပြံၚ်ဆုဲအာပတန်ဍုၚ် ရာဇာဌာနဳ သုဝဏ္ဏဘုမ္မိ ဒၞာဲဍုၚ်သဓီုလၟုဟ်တုဲ အဆက်သၟိၚ် ဥမဵု (၅) အဆက် အဆက်သၟိၚ်သဳဟသုဓမ္မရာဇာ (၅၇)အဆက်အုပ်ဓုပ်ကၠုၚ်ရ။ ကြဴအိုတ် လက်ထက်သၟိၚ်မနဟဝ် သက္ကရာဇ်သာသနာ (၁၆၀၁) ခရေတ် (၁၀၅၇)ဍုၚ် (၄၁၉)ဂိတုဇှ်ေ(၁၁)မံက်ဂှ် သၟိၚ်ဗၟာအနဝ်ရထာ ကၠုၚ်ဗ္တိုက်ပလီုသီုရပ်ဏာသၟိၚ်မနုဟဝ် ကေတ်ဏာဂြပ်ရတ် သီုပိဋကတ်တအ်ရ။ ခေတ်တေံယၟုဍုၚ်ရာဇာဌာနဳဂှ် ဒှ်မံၚ် ယၟုကၟိန်ဍုၚ်ရ)

၈။ ပ္ဍဲရးလ္ဂုၚ် ပွိုၚ်ဍုၚ်ကျိုက်တာန် ဒၞာဲကွာန်ပါဒဇၞော်လၟုဟ်ဂှ် ပ္ဍဲမဟာသက္ကရာဇ်(၉၈)တေံ ကောန်ဨကရာဇ်ဍုၚ်သုဝဏ္ဏဘိမ္မိ မနွံယၟု တိဿဘောဂသေန အာပတန်လဝ်ဍုၚ်ပါဒတုဲ အုပ်ဓုပ်ကၠုၚ်သၟိၚ်(၃၄)အဆက် ပွိုၚ်ကာလၜိုတ်(၈၀၀)သၞာံရ။

၉။ ပ္ဍဲဒၞာဲဍုၚ်လ္ဂုၚ်လေဝ် သၟိၚ်ဥက္ကလာပ ပ္တန်ကၠုၚ်ဍုၚ် တြိဂုမ္ဗတုဲ သၟိၚ်ပကၚ်ရၚ်ကၠုၚ် (၃၂) အဆက်ရ။

၁၀။ သက္ကရာဇ်သာသနာ (၁၁၁၆)၊ ခရေတ် (၅၇၃)ဂှ် အဆက်သၟိၚ်ဍုၚ်သုဝဏ္ဏမ္မိ သမလ၊ ဝိမလ ကောဒေံၜါသ္ပက္ဍိုပ်တုဲ အာပ္တန်ကၠုၚ်ဍုၚ် ဟံသာဝတဳရ။ သၟိၚ်အုပ်ဓုပ်ကၠုၚ် (၁၇) ဒတောဝ်၊ စိုပ်လက်ထက်သၟိၚ်တိဿသက္ကရာဇ်သာသနာ ('၁၄၈၇)၊ ခရေတ် (၁၀၄၃)ဂှ် သၟိၚ်ဗၟာနူဍုၚ် ဗကာံအာဗ္တိုက်ပလီုထောံရ။

၁၁။ ဂကူမန်ကု ဂကူခမာတအ် ပံၚ်တုဲ ပ္ဍဲကာလသက္ကရာဇ်ခရေတ် AD- မွဲဗွဝ်ကၠံသၞာံ ဒဵု (၆) ဗွဝ်ကၠံသၞာံဂှ် ပ္တန်ကၠုၚ်လဝ်ဍုၚ်ဇၞော်သၠဲ (အေမ်ပါရာ) မနွံယၟု ဖူနာံရ။ ပ္ဍဲ (၆) ဗွဝ်ကၠံသၞာံဂှ် မန်ကုခမာပြးအာတုဲ မန်တအ်ဒက်ပ္တန်ကၠုၚ် ကၟိန်ဍုၚ်ဒွါရဝတဳ ဒဵုစိုပ် (၁၁) ဗွဝ်ကၠံသၞာံ (သၞာံ-၁၀၂၂) သ္ပလဝ်သဇိုၚ်အပ္ဍဲဒေသကၟိန်ဍုၚ်သေံ ဒကုတ်သၠုၚ်ကျာလၟုဟ်ဏံရ။ ကၟိန်ဍုၚ်ဒွါရဝတဳဂှ် သၟိၚ်ခမာသူရိယဝါရမာန် ပဌမကၠုၚ်ဗ္တိုက်တုဲ ဒးလီုအာရ။

၁၂။ သက္ကရာဇ်ခရေတ် (AD-၆၆၃) (၇-ဗွဝ်ကၠံသၞာံ) ဂှ် ဨကရာဇ်ဗြဴ စာဓမ္မဒေဝဳ စပ္တန်ကၠုၚ်ကၟိန်ဍုၚ်မန် ဟရိပုဥ္ဇ(ဒၞာဲဍုၚ်လာံဖုန် လၟုဟ်နွံသၠုၚ်ကျာ ဍုၚ်ဇျှၚ်မာဲၜိုတ် ၃၀ ဂဳလဵုမဳတာ)ဂှ်တုဲ သၟိၚ်မန်တအ် ပကၚ်ရၚ်ကၠုၚ် (၄၉) ဒတောဝ်ရ၊ စိုပ်အခိၚ်သၟိၚ်မန် ဗညာယိဗအုပ်ဓုပ်လဝ်ပ္ဍဲ (၁၃)ဗွဝ်ကၠံသၞာံ (AD-၁၂၉၃)ဂှ် သၟိၚ်သေံမၚ်ရာဲကၠုၚ်ဗ္တိုက်တုဲ ဒးလီုအာရ။

၁၃။ အခိၚ်ကၟိန်ဍုၚ်ဟံသာဝတဳ၊ သုဝဏ္ဏဘုမ္မိ၊ ဒွါရဝတဳ၊ ဟရိပုဥ္ဇ တအ်တန်မံၚ်တေံဂှ် ကၟိန်ဍုၚ်မွဲကုမွဲ ဆက်တဲကၠောံဍ ရီုဗၚ်ကၠုၚ်ညးသ္ကအ်နွံရ။

၁၄။ ဍုၚ်ဟံသာဝတဳ ဒှ်ကၠုၚ်ဍုၚ်ရာဇဌာနဳ ကၟိန်ဍုၚ်မန်ပိုဲဂှ် နွံပိဝါရ။

     အလန်ပဌမ-သက္ကရာဇ်သာသနာ (၁၁၁၆) ခရေတ် (၅၇၃) သမလ၊ ဝိမလ တအ် စပ္တန်သၟိၚ် (၁၇)ဒတောဝ် အုပ်ဓုပ်ကၠုၚ်ရ၊ ပ္ဍဲသၞာံသာသနာ (၁၅၈၇) ခရေတ် (၁၀၄၃) လက်ထက်သၟိၚ်တိဿ သၟိၚ်ဗၟာနူဍုၚ်ဗကာံကၠုၚ်ဗ္တိုက်တုဲ လီုအာရ။
    
   အလန်ဒုတိယ-သၞာံခရေတ်(၁၃၆၉)ဂှ် သၟိၚ်ဗညာဥူ (အပါရာဇာဓိရာဇ်) ပြံၚ်အာနူမုတ္တမ၊ ဍုၚ်ဝါန်တအ်တုဲ စပ္တန်၊ သၟိၚ် (၁၁)ဒတောဝ် အုပ်ဓုပ်ကၠုၚ်သၞာံ ခရေတ်(၁၅၃၈) အခိၚ်သၟိၚ်မန် တၠညးဒကာရတ်ပိ ပ္ကၚ်ရၚ်ဂှ် သၟိၚ်ဗၟာနူတံၚ်ဥူတဗေန်ယှိုဲထဳကၠုၚ်ဗ္တိုက်တုဲသီဂွံဏာရ။

   အလန်တတိယ- သၞာံခရေတ် (၁၇၄၀)ဂှ် သၟိၚ်ဗုဒ္ဓကေသဳ ကလေၚ်ပ္တန် သၟိၚ်မန် (၂) ဒတောဝ် ပ္ဍဲခရေတ် (၁၇၅၇) သာသနာ (၂၃၀၁) လက်ထက်သၟိၚ်ဗညာဒလဂှ် သၟိၚ်ဗၟာအံၚ်ဇေယျကၠုၚ်ဗ္တိုက်တုဲလီုအာရ။

၁၅။ ကၟိန်ဍုၚ်မန် ဍုၚ်မုတ္တမ ဒှ်ဍုၚ်ရာဇာဌာနဳဂှ် ပ္ဍဲသက္ကရာဇ် ခရေတ် (၁၂၈၁) သၟိၚ်ဝါရေဝ်ရောဝ် (မဂဒူ) ပ္တန်ဗဒှ်ကၠုၚ်တုဲ သၟိၚ် (၈)ဒတောဝ် အုပ်ဓုပ်ကၠုၚ်ရ။ သၟိၚ်လၟိဟ် (၈) ဗညာဥူဂှ် တန်တဴဂွံပ္ဍဲမုတ္တမ(၁၅)သၞာံတုဲ ပြံၚ်အာပ္တန်ဍုၚ်ရာဇာနဳ ပ္ဍဲဟံသာဝတဳပ္ဍဲသၞာံခရေတ် (၁၃၆၉)ဂှ်ရ။

၁၆။ ဂကူမန်ပိုဲဂှ် အရီုဇၞော်ပ္ဍဲကမၠောန်ပိုန်ဒြပ် ဇြုၚ်သ္ဍိုက်ပ္ဍဲသာသနာ အကြာဂကူဂမၠိုၚ် ကၟိန်ဍုၚကဂမၠိုၚ် မိက်ဂွံမံၚ်ညဳညဳသာသာ စေတနာခိုဟ်ပြဲ လ္တူညးတၞဟ်ဂၠိုၚ် ပလေဝ်ပခိုၚ်လဝ် ဇြဟတ်ပၞာန်အောန်ရ၊ လ္တူဂှ်ညးတၞဟ်ပ္တိတ်ဏာပရဲ ဍုၚ်မန်တိမန်လပါ်ဗၟံက်တေံဂှ် သေံတအ်ပၠံၚ်ကေတ်ဏာလပါ်ပလိုတ်ဏံဗၟာတအ်ပၠံၚ်ကေတ်ဏာတုဲ ဍုၚ်မန် တိမန် ဒးလေၚ်ဆောံ အာရ။

၁၇။ လ္ၚတ်ရံၚ်ပ္ဍဲဝၚ်မ္ဂး ဂကူမန်ပိုဲ အာပၠံၚ်ဗ္တိုက်ဍုၚ်ညးတၞဟ်ဂွံဆဵုအောန်ကွေံကွေံရ။ မန်ပိုဲတိုန်ဗ္တိုက် ဍုၚ်ဗၟာ အၚ်ဝနွံၜါဝါဓဝ်ရ၊ အလန်ပဌမ-လက်ထက်ရာဇာဓိရာဇ် သၟိၚ်ဗၟာဖရၚ်မၚ်ဂံၚ် (မၚ်းခေါၚ်း) ကေုာံ ဒေံညးပၠံၚ်နန်ဒှ်ပြသၞာဒေံညး စိုပ်ကၠုၚ်အာတ်အရီုအဗၚ်တုဲ ရာဇာဓိရာဇ် ဇက်တိုန်အာ ဗိုၚ်လဝ်ဍုၚ်အၚ်ဝရ။

       ၜိုန်ဂှ်လေဝ် ခမဳဗၚ်ယသဂြော (စဂြိုဟ်သူမြတ်) တိတ်ဆဵုဂဗ သောၚ်ကလး စၞးသၟိၚ်ဗၟာတုဲ ဟွံဒှ်ဗတိုက် ရုပ်စဴကၠုၚ်ပၞာန်ရ။

       အလန်ဒုတိယ ပ္ဍဲလက်ထက်သၟိၚ်မန်ဗညာဒလ မန်တအ် ဗၠးၜးတိတ် နူသၟဝ်တဲဗၟာတၟိတၟိ အဃောဂစာန်ပလေဝ်ပခိုၚ်မံၚ်ကၟာၚ်ဍုၚ် ကၟာၚ်နန်တုဲဒှ်ဝွံ ပိဂအုံမွဲဂအုံဂှ် သၟိၚ်ဗၟာဒှ်ဂဝိၚ် ဖေက်မန်တအ်. ဇြဟတ်ဗိုန်ခိုၚ်အာတုဲ ကၠုၚ်ဗ္တိုက်ဍုၚ်မန်ရ၊ မန်တအ်လေဝ် ဃရေက်ပကောံဇြဟတ် ဒုၚ်ဗ္တိုက်ဗက်တိုန်အာ သီဂွံဍုၚ်အၚ်ဝ ရပ်ဂွံနၚ်သၟိၚ်ဗၟာရ။ ဗၟာတအ်ကၠုၚ်ဗ္တိုက်မံၚ်ဍုၚ်မန်ဂှ် ခေတ်ဆက်က် ဂၠိုၚ်ကဵုဝါရ။

   တၚ်သမ္တီ။      ။ဗညာဒလတိုန်ဂွံနန်ပွိုၚ် (၄)သၞာံ ရန်လဝ်ဒက်ကၟာၚ်ဍုၚ်ပိထပ် တုဲဂွံမံၚ်ထပ်ဓဝ်ဂှ် ဗၟာတအ်စှ်ေကၠုၚ်ဗ္တိုက်ရ၊ ဗၟာတအ် ဒှ်မံၚ်ဂဝိၚ်ဂှ် မန်တအ်ဂွံလဝ်ဒၞာဲ ပါၚ်ၜဳဨရာဝတဳရောၚ်တုဲ ဇြဟတ်မန်ခိုၚ်ဗိုန်အာမ္ဂး တြၚ်တိတ်ဍုၚ်မ္ၚး ကၠက်အာမာန်ဂှ်မွဲသာ် ဇွောံမသြောံသ္ၚု နူဒေသမန် ဟွံဂွံမ္ဂး စသုၚ်ဟွံရုမ် ဒှ်ဝါတ်မာန်မွဲသာ်တုဲ ကၠုၚ်ဗ္တိုက်ရောၚ်။

၁၈။ ဍုၚ်မန်တိမန်ပိုဲဂှ် နွံပ္ဍဲဇိုၚ်ၜဳဇၞော်တုဲ အာကၠုၚ်ဆက်ဆောံကုဍုၚ်သအာၚ်လောဲသွာကီု တိဗလး တိဝါဒၞာဲတဵုစဂၠိုၚ်ဇြဟတ်ဝဲါခိုဟ်တုဲ ကၠောန်ပ္တိတ်ဇွောံမ သၠဲလးကီု တိဗလးၜဳကြုၚ်ဂၠိုၚ်တုဲ အာကၠုၚ်လောဲသွာကီု၊ ဥတုရာသဳညဳသာဒးရတုဲ ဘဲသဘာဝအောန်ကီုကၚုဲသတ်ဆုဂၠိုၚ်နွံကဵုရှ်သာခိုဟ်ကီုတုဲ ညးတၞဟ်မိက်ဂွံပၠံၚ်ကေတ်မံၚ်ရောၚ်။

၁၉။ သၟိၚ်ဗၟာအံၚ်ဇေယျ သီဂွံဍုၚ်မန်ဟံသာဝတဳတုဲဂှ် ညံၚ်ဂွံဒှ်အာတိဍာ်ဍေံတအ် လၟိုန်ထာဝရမာန် ဂစိုတ်ကလက်ကၠုၚ်ဂကူမန် ထဍေၚ်ပ္တိတ်ထောံဂကူမန် ၚိတ်ကလက်ကၠုၚ်ဂကူမန် ဗွဲမဓဇန်ကြာန်ရောၚ်။ ကြဴဏံလေဝ် သၟိၚ်ဗၟာ တအ်အဆက်က် ၚိတ်ကလက်ကၠုၚ်မံၚ်ဂကူမန် နဲနာနာဖိုဟ်ရ၊ ဟိုတ်နူဒးဒုၚ်ၚိတ်ကၠုၚ်သာ်ဝွံတုဲ ပ္ဍဲရးဖါသီကုရးဟံသာဝတဳ ဂကူမန်တအ် ဂွံကၠေံအာရောၚ်။

၂၀။ သၟိၚ်ဗၟာအံၚ်ဇေယျ အခါသီဂွံဍုၚ်ဟံသာဝတဳ ပ္ဍဲသၞာံ(၁၁၁၉)တေံ မၞိဟ်ချိုတ်အာပ္ဍဲပေဲါဗ္တိုက်ဂှ် ဟွံရိုဟ်မၞိဟ်ဂြိပ်ပဲါဒဴဟွံမာန် သှ်ေမံၚ်ပ္ဍဲဍုၚ်ဟံသာဝတဳ ခမဳသၚ် (၃၀၀၀)၊ မၞိဟ်ဗြဴနွံကဵုယဲဒဒိုက် (၇၀၀၀) ၊သၟတ်မန် (၅၀၀၀)၊ ကောန်ၚာ်အဝဲမဴတှ် (၆၀၀၀)၊ တအ် ဒးဒုၚ်ဂစိုတ်ကၠုၚ်ရ၊ မၞိဟ်ဂြိပ် ပါဲဒဴအာအောပ်မံၚ်အကြာဝါ အကြာကြုၚ် အကြာဂြိုပ် အကြာဒဵု ၜိုတ်ဆဵုညာတ်တအ်ဂှ် အာဂၠာဲ ဗက်ရပ်နၚ်တုဲ ကြိုၚ်စုတ်လဝ်ပ္ဍဲစာတ် (ခရိုၚ်ဇၞော်ဇၞော်)၊ အပံၚ် (၉)စာတ် ပေၚ်တဴထာတ်မံၚ်တအ်ဂှ် စံၚ်ဂစိုတ်ထောံကဵုပၟတ်ယဇ်၊ ရပ်ပကောံဒက်စွံလဝ်ပ္ဍဲပရၚ်ၜဳ ဍာ်ဒဳတိုန်ဟဳဗၠိုက်အာဂှ်လေဝ် ရိုဟ်လၟိဟ်ဟွံမာန်ရ။ပဲါနူဂှ်ဒြပ်ရတ်ကပေါတ်မန် မပတံကဵုနန်၊ ဘာ၊ဒြပ်၊ ကၟာၚ်ဍုၚ်ဂှ် လက်သဏ်ဂကူတအ်ကီု သီုကဵုလိက်ပတ်ပိဋကတ်အၚ်ယန်ဂြန်ဂဥုဲဗေဒၚ်ဝၚ်တြေံတြဟ် ဒှ်အာဲကၟာဲမန်တအ်ဂှ် ဗက်ဂၠာဲစံၚ်ပလီုထောံဖအိုတ်ရ။

၂၁။ မန်တအ် ဟွံမိက်မံၚ်သၟဝ်တဲဗၟာ ပၠန်ဂတးဟွံမာန်တုဲ ဒဴလုပ်အာဍုၚ်သေံ နလၟိဟ်မၞိဟ်ဂၠိုၚ်ၚ်နွံ (၉ဝါရ၊ အလန် ကၠာအိုတ်ဂှ် လက်ထက်သၟိၚ်နန္ဒ (ကောန်ဗရေအ်နံၚ်)အုပ်ဓုပ်လဝ်ဍုၚ် ဟံသာဝတဳ ပ္ဍဲသက္ကရာဇ်သာသနာ(၂၁၀၈) ပ္ဍဲ(၁၅၆၅)ဂှ် ဗညာကေန်ဒဴ၊ ဗညာရာံ ကေုာံ မဟာထေရ်ခါန်ဆံၚ်တအ် ပံၚ်ကဵုကောန်သၟိၚ်သေံ နရေဝ်သွောန် တဝ်စၞေဟ်ကဵုဗၟာတုဲ လုပ်အာဍုၚ်သေံဂှ် ကၠာအိုတ် အလန်ကြဴအိုတ်ဂှ် သက္ကရာဇကသာသနာ (၂၃၆၇) AD-(၁၈၂၄) ဒစဵုဒစးကုသၟိၚ်ဗၟာဗဂျဳဒဝ်ဟွံမာန်တုဲ ဒဴအာပၠန်ရ။ ပၠန်ဂတးဟွံမာန်မ္ဂး ဖေက်သၟိၚ်ဗၟာဗက်ဂစိုတ်တုဲ သီုကောန်သီုဗြဴ သီုကောဒေံမသဒဴလုပ်အာဍုၚ်သေံရ၊ သၟိၚ်ကောန်သီုဗြဴ သီုကောဒေံမသဒဴလုပ်အာဍုၚ်သေံရ၊ သၟိၚ်သေံတအ်လေဝ်ကဵုအရီုအဗၚ်ဖျေံကဵုဒၞာဲ ပကောံလဝ်တုဲ သ္ပလဝ်ဇြဟတ်သွက်ဂွံစဵုဒၞာအခါဗၟာတအ်ကၠုၚ် ဗ္တိုက်ရ။

၂၂။ ဍုၚ်ဟံသာဝတဳအဆက်ကြဴအိုတ် ဒးလီုအာပ္ဍဲသက္ကရာဇ်ဍုၚ် (၁၁၁၉) AD-(၁၇၅၇)တုဲဂှ်ပ္ဍဲ AD-(၁၇၆၁) သ္ကိုပ်ပၞာန်တၠဗါန်သ္ပက္ဍိုပ်တုဲ ဗ္တိုက်ကၠုၚ်သၟိၚ်ဗၟာအံၚ်ဇေယျမွဲဝါ သ္ကိုပ်ပၞာန်ဗညာစိၚ်သ္ပက္ဍိုပ်တုဲ ပ္ဍဲ AD-(၁၇၇၃)ဂှ် ဗ္တိုက်သၟိၚ်ဗၟာတၠညးစိၚ်ဗ္တာၚ်မွဲဝါ၊ ပ္ဍဲ AD-(၁၈၁၄) ဗ္တိုက်သၟိၚ်ဗၟာသေအ်ကူ (စဥ်ကူးမၚ်း) ဂှ်မွဲဝါ။ ညးစဍုၚ်သြေၚ် (သံလျၚ်) နာဲသာတ် ကေုာံ စက္ကာဲ မာံထဝ်လေဝ်တအ် သ္ပက္ဍိုပ်တုဲ ပ္ဍဲ AD-(၁၈၂၄)ဂှ် ဗ္တိုက်သၟိၚ်ဗၟာဗဂျဳဒဝ် မွဲဝါဍုၚ်မန်ညံၚ်ဂွံကလေၚ်မံက် ညးတအ်ဂစာန်ကၠုၚ်နွံရ၊ ပဲါနူပေဲါပၞာန်ဇၞော်ဇၞော်တအ်ဏံ ပေဲါဍောတ်တ်လေဝ် နွံဗွဲမဂၠိုၚ်ဏီရ။

၂၃။ ကျာ်တြဲဂေါတမ ကလိဂွံသဗ္ဗုတညာဏ် (ကတဵုဒှ်ကျာ်) တုဲပေၚ် (၄၉)တ္ၚဲဂှ် သၟာဗၞိက်ဂကူမန် တပူတဗဝ်အာစိုပ်ကဵုလဝ်ဒါန် ကျာ်တြဲကဵုနၚ်ဓါတ်သော် (၈)တၞုၚ် စဴကၠုၚ်ဌာန်ဇကု အပ်ကဵုသၟိၚ်ဥက္ကလာပ ဒက်လဝ်ကျာ်လ္ဂုၚ်ဂှ် သာသနာကျာ် စိုပ်ကၠုၚ်ဍုၚ်မန်ရးမည အလန်ပဌမရ။

၂၄။ အပ္ဍဲအခိၚ်ကျာ်ဝွံ (၆)ဝှ် သၟာဗၟိက်ကောန်သေဌဳမန် နူဍုၚ်ဇံၚ်တူ (မောၚ်းတူ) မဟာသလကဵုစူဠသာလတအ်ညးၜါ အာစိုပ်ဂွံကဵုလဝ်ဒါန်ကုကျာ်တြဲ ကျာ်တြဲကဵုနၚ်ဓါတ်သော် (၂)တၞုၚ်ပၠန် ဓါတ်သော်ဝွံဂိုၚ်စွံလဝ် ဇိုၚ်ဍုၚ်ဇံၚ်တူဗွဲမလအ်၊ အလန်ဏံ သာသနာကျာ်စိုပ်ကၠုၚ်တိဍာ်မန်အလန်ဒုတိယရ၊ ဓါတ်သော် ကြဴဏံ အခါသာမလ-ဝိမလတအ် ပ္တန်ဍုၚ်ဟံသာဝတဳတုဲ ဒက်ပ္တန်ကျာ်မံက်တဴဂှ် သၠိုၚ်လဝ်ဓါတ်ရ။

၂၅။ အခါကျာ် ဂွံ (၈)ဝှ် မဟမထေရ်ဂဝမ္မတိ ကညနိမန်တုဲ ကျာ်တြဲကေုာံသၚ်ဂမၠိုၚ် ကညကၠုၚ် ဍုၚ်မန်သုဝဏ္ဏဘုမ္မိ ဂွံလဝ်ဓဝ်ဂှ် ဒှ်သာသနာကျာ် စိုပ်တိဍာ်မန် အလန်တတိယရ။

၂၆။အခိၚ် ကျာ်တြဲဂေါတမ ကညကၠုၚ်ဍုၚ်သုဝဏ္ဏဘုမ္မိ နကဵုၛာန်စိုပ်ဒၞာဲဍုၚ်ဗဂေါလၟုဟ် ဆဵုဒးၜိုပ်ၜါဍုန်မံၚ် ပ္ဍဲကုန်ပ္တဳဍောတ် မံက်မံၚ်ပ္ဍဲဍာ်ဂှ်တုဲ ကျာ်ကဵုလဝ်ပယျးဒိုဟ် "ပ္ဍဲဌာန်ဏံ မွဲတ္ၚဲကတဵုဒှ် ဍုၚ်ဇၞော်မွဲ သာသနာအဲကျာ်ဂဵုမြဟ်ရာၚ်ဆာဲရောၚ်" သာ်ဝွံ နွံကၠုၚ်ရ။ သ္ပသဇိုၚ်ကဵုနကျာ်တြဲ ဆဵုလဝ်ၜိုပ်ၜါ ကဵုလဝ်ပယျးဒိုဟ်ဂှ်တုဲ အခါတီတန်ဗဒှ်ဍုၚ် ကဵုကၠုၚ်ယၟုဍုၚ်ဟံသာဝတဳ (ဍုၚ်ၜိုပ်) ရောၚ်။ဂကူမန်တအ်လေဝ် စကာကၠုၚ်တဆိပ်သ္ပစၞးဂကူရ။

၂၇။ကျာ်တြဲစဴပရိနိဗ္ဗာန်တုဲ (၂၃၅)သၞာံ (သက္ကရာဇ်သာသနာ-၂၃၅) ပ္ဍဲရးအိန္ဒိယ ဍုၚ်ပါတလိပုတ် သၟိၚ်အာသောက(သဳရိဓမ္မသောက) ဒုၚ်သ္ပဒကာ မဟာထေရ်မောဂ္ဂလိပုတ္တတိဿ သ္ပက္ဍိုပ်တုဲ ပ္တိုန်သၚ်္ဂါယနာ ဗလးနၚ် မဟာထေရ်သောဏ မဟာထေရ်ဥတ္တရတအ် သ္ပက္ဍိုပ် ဖအိုတ်သၚ်(၅)ဇကု စိုပ်ကၠုၚ်ဍုၚ်သုဝဏ္ဏဘုမ္မိဂှ် ဒှ်သာသနာကျာ် စိုပ်ဍုၚ်မန် အလန်စတုတ္ထရ။

၂၈။ သက္ကရာဇ်သာသနာ (၉၃၀) AD-(၃၈၇) နူုၚ်သုဝဏ္ဏဘုမ္မိ လက်ထက်သၟိၚ်ဓမ္မပါလ မဟာထေရ်ဗုဒ္ဓဃောသာ ကညစိုပ်ဍုၚ်သိဃဵု (သဳရိလၚ်္ကာ)တုဲ ချူဆာဲစၠောံနၚ် ပိဋကတ်ပိဂှ် ဒှ်သာသနာကျာ် စိုပ်ဍုၚ်မန်အလန်ပဥ္ဇမရ။

၂၉။ အက္ခရ်လိက်မန်ပိုဲ စကာမံၚ်ဂှ် ဒုၚ်သဇိုၚ်ကုအက္ခရ်လိလ်ဂကူပလ္လဝတအ် စကာမံၚ်ပ္ဍဲ AD-(၄)ဗွဝ်ကၠံဂှ်တုဲ ဖန်ဗဒှ်လဝ်ရ၊ အက္ခရ်ပလ္လဝတအ်ဂှ် ဒုၚ်သဇိုၚ်ကု အက္ခရ်ဗြာဟ္မဳစကာမံၚ်ပ္ဍဲ AD(၃)ဗွဝ်ကၠံ ပ္ဍဲဒေသ အိန္ဒိယကၠာအိုတ်ရ။

၃၀။လိက်မန်ပိုဲၜိုတ်ဂွံဆဵုလဝ် အယုက်ဇၞော်အိုတ်ဂှ် ချူလဝ်ပ္ဍဲ AD-(၅)ဗွဝ်ကၠံသၞာံတေံ လိက်ဝွံ လိက်တၟအ် နွံပ္ဍဲကၟိန်ဍုၚ်သေံ၊ ပလိုတ်ဍုၚ်ၜၚ်ကံက် ပ္ဍဲဍုၚ်နခန်ပထုမ် စေတဳ ဖရပထုမ် လိက်တၟအ်ကမေက်ထကးမံၚ်နွံၜါကလောံ ကေုာံ လိက်ခေါ်ဍိုတ် (တိစံၚ်) ချူလဝ်ဂါထာ ယေဓမ္မာၜါမရ။ လိက်ခေါ်ဍိုတ်သာ်ဝွံကီု ပ္ဍဲလ္ဂုၚ် ကျာ်ဒဵုအပ် (ဗိုလ်ယထောၚ်)ဂှ် ဂွံဆဵုလဝ်ကီုရ။

၃၁။ လိက်တၟအ်မန်တြေံ နွံပ္ဍဲဍုၚ်လဓီု (လပ်ပူရဳ) ကၟိန်ဍုၚ်သေံလၟုဟ် ဒၞာဲမန်တြေံတြဟ်ဂှ်ကီု ပ္ဍဲဍုၚ်ဝၚ်ကျာံ (ဗဳယေန်ကျာန်) ကၟိန်ဍုၚ်လဴဟီုဂှ် ချူကှ်ေလဝ် ပ္ဍဲ AD-(၈)ဗွဝ်ကၠံသၞာံ ပ္ဍဲဍုၚ်သဓီု (သုဝဏ္ဏဘုမ္မိ) ပ္ဍဲဍုၚ်ဗကာံ ချူကှ်ေလဝ် ပ္ဍဲ(၁၁)ဗွဝ်ကၠံသၞာံတအ်နွံတဴရ။

၃၂။ လိက်တၟအ်တိုၚ်ပန်ကၠၚ် ကောန်သၟိၚ်ကျာန်ယေတ်(ကျန်စစ်သား) ရာဇာကုမ္မာ ကၠောန်လဝ်လိက်တၟအ် (မြစေတဳကျောက်စာ) ဂှ် ချူလဝ် (၄)ဘာသာရ။ ပ္ဍဲဂှ် လိက်မန်၊လိက်ဗၟာ၊ လိက်ပါဠိတအ် စကာလဝ်အက္ခရ်မန်ဖအိုတ်တုဲ လိက်ပျူမွဲဘာသာဟေၚ် ချူလဝ်နကဵုအက္ခရ်ပျူရ၊ လိက်ဗၟာအယုက်ဇၞော်အိုတ်ဂှ် လိက်တၟအ်ဝွံ ဟေၚ်တုဲ ချူလဝ်ပ္ဍဲ AD-(၁၁)ဗွဝ်ကၠံသၞာံရ။ Wunchay Rukchaytdee (ဓရီု) ၀၄:၅၇၊ ၂၁ မေ ၂၀၂၂ (+0630)

လိက်ပရေင်အဲ ပ္ဍဲဂျာနေဝ်အမာတ်ဒိန် (အဆက်အလန်မတုဲကၠုင်)။ လိက်ရာဇာဘိသိက် - တြဲ ကေုာံ ပဏ္ဍိတ်

လိက်ပရေင်အဲ ပ္ဍဲဂျာနေဝ်အမာတ်ဒိန် (အဆက်အလန်မတုဲကၠုင်)။

လိက်ရာဇာဘိသိက် - တြဲ ကေုာံ ပဏ္ဍိတ်

ပၞောဝ်ကဵု ကပေါတ်ပူရာန်ဂမၠိုင်ဂှ် ကပေါတ်သက်သဳ လိက်တၟအ်မူလဂှ် ဒှ်သက်သဳမခိုင်ကၠိုက်မွဲရ။ လိက်ဂှ် ဒှ်သင်္ကေတ မချူ အရေဝ်ရမ္သာင်မၞိဟ် မဆက်စပ် ကုပရူဒဒှ်ဝင် ဂကောံမၞိဟ်ဂှ်တုဲ ဂကောံမၞိဟ်ဂှ် မုအရေဝ် ညးတအ် မဟီု၊ မုလိက် ညးတအ် မစကာဂှ် ပိုယ်ဂွံတီကေတ် နူကဵု လိက်တၟအ်တအ် မာန်ကီုရ။ ပၞောန်ကဵု လိက်တၟအ်မန် ၜိုတ်မဂွံဆဵုလဝ်ဂမၠိုင်ဂှ် လိက်တၟအ်ၜါ မကဵုလဝ်ယၟု လိက်တၟအ်တြာပ် ကဵု လိက်တၟအ်ပဏ္ဍိတ် မဂွံဆဵုကေတ် ပ္ဍဲအရှာံ ကျာ်သဓီုဂှ် သွက်ဝင်ဂကူမန်မ္ဂး ဒှ်သက်သဳ ကိစ္စဇၞော် ဗွဲမလောန်ရ။ ပရူလိက်တၟအ်တြာပ်ဂှ် ပ္ဍဲလိက်ပရေင်အဲ မတုဲကၠုင်ဂှ် ဗၟံက်ထ္ၜးကဵုလဝ်တုဲ အလန်ဏအ် အဲဆက်ချူ ပရူလိက်တၟအ်ပဏ္ဍိတ်ရ။ လိက်တၟအ်ၜါဝွံ ဒှ်လိက်ကမာ မကတဵုဒှ်ကၠုင်မွဲစွံတုဲ ဗီုညးကဵုညး ၜိုန်ရ မနွံကဵု စရိုတ်ပူဂိုလ်တၞဟ်ခြာကီုလေဝ် ဒှ်ဒၟံင် မွဲဗီု မွဲပြကာဓဝ်ရ။ လိက်တၟအ်ပဏ္ဍိတ်ဝွံလေဝ် ဟိုတ်နူ မအက္ခရ်လလီု နွံဂၠိုင် ဗွဲမလောန်တုဲ အဓိပ္ပါယ် ပေင်ပေင်ဂှ် ၜိုန်ရ ဗၟံက်ထ္ၜးကဵု ဟွံမာန်ကီုလေဝ် ၜိုတ်မဗှ်ဂွံဂှ် လ္ၚတ်တုဲ ချူပ္တိုန်ထ္ၜး ပ္ဍဲကဵု လိက်ပရေင်ဝွံရ။

တၟအ် လိက်တၟအ်ပဏ္ဍိတ်ဝွံ ဗွဲကိုပ်ကၠာ ဂွံဆဵုကေတ် ပ္ဍဲအရှာံကျာ်သဓီု ဗဒါဲစင်္ကြံ လပါ်ဗမံက် ကရောမ်မွဲစွံ ကုလိက်တၟအ်တြာပ်တုဲ လၟုဟ် ဂိုင်စွံလဝ် ပ္ဍဲကဵု ရုင်လိက်တၟအ်တြေံ ကျာ်သဓီုရ။ လိက်တၟအ်ဝွံ နွံ သမၠုင် ၆ ပေ၊ လပါ်က္ဍိုပ်ဂှ် တၟအ်မေက်လီုဒၟံင် ညိညရ။ ပ္ဍဲလပါ်လတူဂှ် နွံရုပ်ကျာ်ဒတဴမွဲဇကု ကဵု တၠအရှန်မွဲဇကု။ လတူရုပ်တအ်ဂှ် ညာတ်ဒၟံင် မအက္ခရ်ညိည၊ ဆဂး ဗှ်ဟွံဂွံရ။

မဗှ်လိက် လိက်တၟအ်ဝွံ ကိုပ်ကၠာတေအ် ဟိုတ်မနွံဒၟံင်မ္ၚး မဒးလဝ် ဘဲဒဏ်ဗြဲကျာတ္ၚဲ သၞာံဗွဲမလအ်တုဲ ဒၞာဲဗွဲမဂၠိုင်ဂှ် ဗှ်ဟွံကၠးရ။ ဒၞာဲကြပ်သီုဖအိုတ်ဂှ် ဂွံညာတ်ကေတ်ဒၟံင် မလိက်ညိညကီုလေဝ် ဆသကုတ်သၟဝ်ဂှ်ဟေင် ဗှ်ဂွံ ဂၠိုင်ညိရ။ အစာလိက်တၟအ်တြေံ ဗီုကဵု အစာဇၞော်နာဲချေတ်သိင် (ဦးချစ်သိန်း) တအ် ဗှ်တုဲ ဒၞာဲဟွံကၠး ဗွဲမဂၠိုင်တအ်ဂှ် ညးဆိင်ဗပေင်စုတ်လဝ် နွံညိညကီုရ။ ပ္ဍဲကဵု လိက်ပရေင်ဏအ် ဆဒၞာဲ မဗှ်ကၠး ကေုာံ ဒၞာဲမဖျေဟ်စိုတ်ဂွံတအ်ဂှ်ဟေင် ပတိုန်ထ္ၜးဏာရ။

လိက်ဝွံ ညးပါ်လဝ် သီုဖအိုတ် ပိသကုတ်။ သကုတ်လတူအိုတ်ဂှ် ညာတ်ကေတ် အက္ခရ်ပန်မသုန်မဂှ် ဒှ်ဂါထာ နူပိဋကတ်မွဲမွဲမာန်တုဲ မနွံကဵု ရုပ်ကျာ်တြဲ မွဲဇကု ကေုာံ တၠအရှန် (ဝါ) ကွးသာဝကကျာ် မွဲဇကုရ။ တုဲဂှ် ညးတန်လဝ် နကဵု ဇၟန်ဗၠဲ။

ပ္ဍဲကဵု သကုတ်ဒုတိယဂှ် ညးချူလဝ် နကဵုဘာသာပါဠိ မတုပ်ညံင် မဂွံဆဵုကေတ် ပ္ဍဲကဵု လိက်တၟအ်တြာပ်ကီုတုဲ ညးဆက်ချူ မဟိမုဇမၠိင် ဨကရာဇ် သဓီုရ။ တုဲဂှ် ညးဆက်ချူလဝ် ဂါထာ နကဵု ဘာသာပါဠိ မဇန်လဝ် နကဵုနဲကဗျ ယၟု ကေုာံ အသဝ်ဂုဏ် ကျာ်တြဲ ၂၈ မကၠုင်နူ အာဋာနာဋိယသုတ် ရ။ ပ္ဍဲကဵု မူလိက်ဇၞော်ဂှ် လိက်ဏအ် ဟွံဂွံဆဵုကေတ်။ ညးတအ် နုက်ပ္တိတ်လဝ် ဒှ်မာန်ရ။ ပ္ဍဲကဵု လိက်သၠပတ်ပရိုတ်မန် ဂါထာဂၞန် ၁၁၀ - ၁၁၆ ဂှ် ဂွံဆဵုကေတ်ရ။ ပ္ဍဲဒၞာဲဏအ် ၜိုန်ရ လိက်ဟွံကၠးကီုလေဝ် ပ္ကိတ် ကုအာဋာနာဋိယသုတ်တုဲ ဗပေင်စုတ် ဂွံခိုဟ်ဟ်ရ။ ဂတဂှ် ညးဆက်ချူလဝ် နကဵု ဘာသာမန် ရံင်ကဵု မလိက် ဆၜိုတ် မဂွံဆဵုကေတ်ဒၟံင်ညိညမ္ဂး ဒၞာဲဂှ် ညးချူလဝ် အသဝ်ဂုဏ်ဂမၠိုင် ပိုယ်ဟီုမာန်ရ။ ပိုဒ်ဂှ် အိုတ်ကဵု ယၟုဇမၠိင် သၟိင်ဨကရာဇ် သဓီုတုဲ သၟိင်ဨကရာဇ်သဓီု ညးခုတ်ကဵု ယၟု “တြိအ်ရ်္လေယ် (တၠဳအဲ/တြဲ)” တုဲ မွဲသကုတ်တုဲ ညးတန်လဝ် နကဵု ဇၟန်ဗၠဲပၠန်ရ။

ပ္ဍဲကဵု သကုတ်တတိယဂှ် ညံင်ရဴ သကုတ်လတူဂှ်ကီု ညးစကဵု နကဵုဘာသာပါဠိ မတုပ်ကဵု သကုတ်တၞဟ်တအ်တုဲ ညးဆက်ချူ မဟိမုဇမၠိင် ဨကရာဇ် သဓီု။ တုဲ ညးဆက်ချူ နကဵု ဘာသာမန်တြေံပၠန်ရ။ ပ္ဍဲကဵု သကုတ်ဏအ်ဂှ် ဟိုတ်မဂွံညာတ်ကေတ်ဒၟံင် ယၟု ဝိဓူရ၊ ဝေသန္တရ်တအ်တုဲ ညးဒုင်သဇိုင် ကုဇာတ်ဇၞော် ၁၀ တုဲ မချူလဝ် ဒှ်မာန်ရ။ တုဲဂှ် ညံင်ရဴ သကုတ်တၞဟ်တအ်ကီု အိုတ်ကဵု ယၟုဇမၠိင် သၟိင်ဨကရာဇ်သဓီုတုဲ သၟိင်ဨကရာဇ်သဓီုဂှ် ညးခုတ်ကဵု ယၟု “ပဏ္ဍိတ်” မဂွံအဓိပ္ပါယ် တၠပညာ ရ။

ရံင်ကဵု သကုတ်လိက် ဗွဲလတူဝွံတုဲ လိက်တၟအ်မကဵုလဝ်ယၟု လိက်တၟအ်ပိဏ္ဍိတ်ဝွံ ဒှ်လိက်ရာဇာဘိသိက် မကဵုယၟု ဨကရာဇ်သဓီု ၜါ၊ မွဲဂှ် မဟိမု “တြဲ/တၠဳအဲ” တုဲ၊ မွဲပၠန်ဂှ် မဟိမု “ပိဏ္ဍိတ်”။

လိက် သကုတ်ဒုတိယ ပ္ဍဲသကုတ်ဒုတိယ ပၞောန် ၁ စဵုကဵု ပၞောန် ၅ လပါ်စ

{၁} အာဒိကာလေရ - [နာ}မ ပုရေ သရ်္ဗ္ဗ သိကာလ တိ[ပ္ပေ] သရ်္ဗ္ဗ သိ[ပျကာ] {၂} - - လောက မက[တ] ရာဇာနာမ ရာဇာဓိရာဇ ဒေဝေါတိဒေ[ဝ ပ]{၃} [ရမေ] သွရ [ဣ]သွရ ရာဇ[နာမာ]ယ မဟာရာဇ ဗဟူညာန သာဂ[ရ]{၄}[ဂုန ဂမ္ဘိရ] သြိ[နိ]တျဓရ်္မၟ ဓရ ဓနေသွရ သကလ တမှာဝိသေယ် တြေ{၅}[ယ်] လောကဓရ်္မၟ။

နူပၞောန် ၅ စဵုကဵု ပၞောန် ၁၇ လပါ်စဂှ် ဒှ်ဂါထာ မကၠုင်နူ အာဋာနာဋိယသုတ်။

နမောသဗ္ဗ ဗုဒ္ဓါနံ တဏှကင်္ကရာ မဟာဝိ[ရော မေဓင်္က][ရော မဟာယ]သော သရနင်္ကရော လောကဟိတော ဒိပင်္ကရော ဇု[တိန္ဓ ရော] ကောဏ္ဍ[ညော] ဇိနပါမောက္ခော မင်္ဂလော ပုရိသာ သဘော သုမနော သုမန[ဓိရော ရေ]ဝတော ရတိစ[ဒ္ဓ]နော သောဘိတောဂူန သမ္ပ[န္နော အနော] မ[ဒ]ဿိ ဇနု[တ္တမော] ပဒုမော လောက ပ[ဇ္ဇော]တော [နာရဒေါ] ဝ[ရ]သာရ [ထိ ပဒုမုတ္တ]ရော သတ္တသာရော သုမေဓေါ အဂ္ဂပုဂ္ဂလော သု[ဇာတော] သဗ္ဗလောက[ဂ္ဂေါ ပိ]ယဒဿိ နရာသဘော အဋ္ဌဒဿီ ကာ[ရု]နိကော ဓမၟဒဿီ တမော [နုဒေါ သိဒ္ဓတ္ထော အ]မောလောကေ တိ[ဿော]စ ဝရဒဒံဝရော ဖုဿော[စ] ဝရ[ဒေါ ဗုဒ္ဓေါ ဝိပဿိ]စ အ[နု]ပမော သိခိ သဗ္ဗဟိတော သတှာ [ဝေဿဘူ သုခဒါယကော] ကကုသ[န္ဓော] သတ္ထဝါဟော ကောနာဂမနော [ရနည္ဇဟော က]ဿပေါ သိ[ရိသမ္ပ]နၞော [ဂေါ]တမော [သာကျ] ပုင်္ဂ ဝေါ ဨ[တေသ] ညေစ သံဗုဒ္ဓါ အနေကသတ္တ ကောဋိယော - - - မ - သေ - - -

နူပၞောန် ၁၇ လိက်ဂှ်အိုတ် ပ္ဍဲကဵု ပၞောန် ၂၉။ နူပၞောန် ၁၇ စဵုကဵု ပၞောန် ၂၂ ဂှ် ဗှ်ဂွံညိညတုဲ တီအဓိပ္ပါယ် ၜိုတ်ဒးရးရ။ နူပၞောန် ၂၃ စဵုကဵု ပၞောန် ၃၁ ဂှ် ဂွံဆဵုဒၟံင် ညိညဓဝ်တုဲ တီကေတ် အဓိပ္ပါယ် ဟွံမာန်ရ။ ပၞောန် ၃၂ ကဵု ပၞောန် ၃၃ ဂှ် ဒှ်ဒၞာဲ မဟိမုဇမၠိင်တုဲ ထပ်ဗပေင်စုတ်လဝ်ရ။ တုဲပၠန် နူပၞောန် ၃၅ စဵုကဵု ပၞောန် ၃၈ ဂှ် မလိက်မဗှ်ဒး ကြပ်ဟွံမဲရ။ ပ္ဍဲဒၞာဲဏအ် သီုဖအိုတ်ဂှ် အဲစှ်ေစိုတ် မဂွံအဓိပ္ပါယ် “ပယၟု တြဲ/တၠဳအဲ၊ ဒုတိယမ္ပိ မရနုက်ကဵု ၜါအလန် ပယၟုတြဲ/တၠဳအဲ၊ တတိယမ္ပိ မရနုက်ကဵု ပိအလန် ပယၟုတြဲ/တၠဳအဲ” ဆပၞောန်လက်ကြဴအိုတ် ၃၉ ဂှ် ဂွံဆဵုကေတ် ညိညပၠန်ရ။

{၁၇} - - - ပု[မ်]ရေယ် မအ်တြိအ်(လအ် မအ်)ပြေယ် [နောရ်] - - {၁၈} - - - မာနုသ် ဣ[သိ] ပြာက်ဗုအ်လးဟ် သ(တ်) [အုတ်စ]သ် လ္ငိမ်(စက္ကဝါ) – {၁၉} - - - - မာရ် မအ်နောမ် ကုအ်တြိဇသ် ကးသ်(ဒသ်) မရေမ် - - - - {၂၀} - - - သ် တ္လသ်ဗြအ်မြိအ် - - - ယ် - - - - တြိ[ရ်္လေယ်](စိ) - - {၂၁} - - တုအ်ဂေတ် ဓရ်္မၟစက် - - - - ယရ် - - - အ် - - - - {၂၂} - - (စာ)ရ် ယမကပြာတိဟာရ်သွာရ် - - - (လအ်) - - - မ - - - (…) {၃၂ -၃၄} [ရာဇာဓိရာဇ] (ပရမေ) [သွရ] (ဣ)သွရ ရာ(ဇ ရာဇာဓိရာဇ) [ဒေဝါတိ ဒေဝ] (ဗဟူ) ညာ(နသာဂရ ဂမ္ဘိရ) [သြိနိတျ] (ဓရ်္မၟ ဓရ ဓနေသွရ) [သကလ တမှာဝိ](သေယ်တြေယ်) လောက(ဓရ်္မၟ) (…) {၃၉} အ် - (နောရ်) - - (လေးဟ်)ပအ် (ဣ)မောအ်[တြိအ်ရ်္လေယ်] - - -

ပ္ဍဲအကြာပၞောန် ၁၇ ကဵု ၁၈ ဂှ် ဂွံအဓိပ္ပါယ် “ပရဲ မတၠ မပြဲနူ - - - မၞိဟ်၊ ဣသိ၊ ပြာ်ဗလး သတ် အိုတ်စှ်လ္ၚီစက္ကဝါ။” ပၞောန် ၁၉ ဂွံဆဵုကေတ် “- - - - မာရ်” ဒၞာဲမဗှ်ဟွံညာတ် အက္ခရ် ပန်မဂှ် “မအ်ဇိန်နး” ဗပေင်စုတ်မာန်ရောင် စှ်ေစိုတ်တုဲ ပ္ဍဲဒၞာဲဂှ် ဂွံအဓိပ္ပါယ် “မဇၞးမာရ်”။ ဂတဂှ် “မအ်နောမ် ကုအ်တြိဇသ် ကးသ်(ဒသ်)မရေမ်” ဂှ် ဂွံအဓိပ္ပါယ် “မနွံ ကုကြဳဇှ် ဟွံမဲကုသၟဟ်”။ ပ္ဍဲဒၞာဲ “မရေမ်” ဂှ် ရံင်ကဵု တၠုင်ဝါကျတုဲ “သုမောဟ်” ဒှ်မာန်ရ။ ပၞောန် ၂၀ “တ္လသ်ဗြအ်မြိအ်” ဂှ် အဓိပ္ပါယ် ဟွံမံက်။ “တြိရ်္လေယ်စိ - - - - တုအ်ဂေတ် ဓရ်္မၟစက်” ဂှ် “တၠဳအဲစိ - - - - ဗဂေတ် ဓမ္မစက်”။ ပၞောန် ၂၂ ယမကပြာတိဟာရ်သွာရ် ဂှ် “(ထ္ၜး)ယမကပြာတိဟာရ်သွာရ်”။

ပၞောန် ၃၉ ဂှ် နကဵု အစာဇၞော်ချေတ်သိင် ဗၟံက်ထ္ၜးလဝ် “အ် - (နောရ်) - - (လေးဟ်)ပအ် (ဣ)မောအ်[တြိအ်ရ်္လေယ်] - - -“ ရံင်ကဵု တၠုင်လအာလိက် ဒၞာဲတၞဟ်မ္ဂး ဒၞာဲညးမဗပေင်လဝ်ဂှ် အဲမိက်ဂွံ ဗပေင် “အ် - - - - (ရောဝ်) (ဂေါးဟ်)ပအ် (ဣ)မောအ်[တြိအ်ရ်္လေယ်] - - -“ မဂွံအဓိပ္ပါယ် “ရဴဂှ် ပယၟု တြဲ/တၠဳအဲ” ရ။

လိက် သကုတ်တတိယ ပ္ဍဲကဵု သကုတ်တတိယဏအ်လေဝ် အက္ခရ်မဂွံဆဵုကေတ်မာန်ဂှ် အောန်ကွေဟ်ဟ်ရ။ နူပၞောန် ၁ စဵုကဵုပၞောန်ပိ ဂှ် တုပ်ကဵု ပိုဒ်တၞဟ်တအ်ရ။ တုဲပၠန် နူပၞောန် ၄ စဵုကဵု ပၞောန် ၁၁ ဂှ် မလိက် မဗှ်ဂွံ ကြပ်ဟွံမဲရ။ ပၞောန် ၁၂ ဂှ် ဂွံဆဵုကေတ် “လောက်မဟာဇန် (ဂုံလောင်)” တုဲ နူပၞောန် ၁၅ ဂှ် ဂွံဆဵုကေတ် မလိက်ဂၠိုင်ညိပၠန်ရ။

{၁} (။ၐြီ။) အာဒိကာ[လေ] - - - - [ပုရေ]၊ သရ်္ဗ္ဗ ကာလတိ[ပ္ပေ] သဗ္ဗသိ - - - {၂} - - - [ရာဇာနာမ] - - - [ပရမေ]သွရ ဣ[သွရ ရာ]ဇာ - - - -- - - - {၃} - - - - - - - - [ဂမ္ဘိရ သြိနိတျ] ဓရ်္မ္မ ဓရ ဓနေ [သွ]ရ [သကလ] - - - (…)

သၟဝ်ပိုဒ်ဏအ်ဂှ် ပ္ဍဲပၞောန် ၄ ဂှ် ဂွံဆဵုကေတ် “ပညောတိ”။ တုဲပၠန် ပၞောန် ၆ ဂှ် ဂွံဆဵုကေတ် “ယသ ကရုနာ” တုဲ စဵုကဵု ပၞောန် ၆ ဂှ် ချူလဝ် နကဵု ဘာသာပါဠိ ဟီုမာန်ရ။

{၁၄} - - - - - လမှာယ် ဍေးဟ် ရပ် သုန်တိတ် ဝီ- - - - - - - - - - - {၁၅} - - - - - - - ကာလ် နာရ(ဒေါ)ဟ် မဟာဗြဟၟ - - - - - {၁၆} - - - - - - - တွေသ် - - တြိလအ်ဝိ[ဓူ](ရ) - - - - {၁၇} ထရ် - - - - - - - - - ရ် တြိလအ်ဝေသန္တရ် (တု)န်လရ်ကျာက် - - - {၁၈} - - - - - - - - ပဏ္ဍိတ်ဂုမ်လူမ် သြရ် - - အ် ကုအ် - -

ပၞောန် ၁၄ “လမှာယ် ဍေးဟ် ရပ်” ဂှ် မဂွံအဓိပ္ပါယ် “အလမ္ဗာ ညးမဝေင်ပလှ်ေဇြုံ ရပ်”။ ပၞောန် ၁၅ ဂှ် “ကာလ်နာရဒေါဟ် မဟာဗြဟၟ” ဂှ် ဂွံအဓိပ္ပါယ် “ကာလ နာရဒ မဟာဗြဟ္မ”။ ပၞောန် ၁၆ “တွေသ် - - တြိလအ် ဝိဓူရ” ဂွံအဓိပ္ပါယ် “တွဟ် - - တၠဝိဓူရ”။ ပၞောန် ၁၇ “ထရ်” ဂှ် “ထဝ်”။ တုဲ ဂတဂှ် ဂွံဆဵုကေတ် “ တြိလအ်ဝေသန္တရ် တုန်လရ် ကျာက်- - ” ဂှ် ဂွံအဓိပ္ပါယ် “တၠဝေသန္တရ် တုန် စွံ ကျာ်- -“ ပၞောန် ၁၈ “ပဏ္ဍိတ်ဂုမ်လူမ် သြရ်- “ ဂှ် ဂွံအဓိပ္ပါယ် “ပဏ္ဍိတ်(တၠပညာဂမၠိုင် သြဝ်”။

{၁၉} (အုတ်လောက် မဟာဇန်ဂုမ်)လောင် သြရ်ရုမ်ငေါအ် [သၟိင်]အ[ဘိ]ပြာယ် - ကျာက် - {၂၀} (မအ်ကုတ) ရာဇာဓိရာဇ (ပရမေသွရ်) ဣသွရ ရာဇ[အ]ဘေယ် မဟာရာဇ ဒေဝါတိ ဒေဝ (ဗဟူညာန သာဂရ ဂမ္ဘိရ်)သြိနိတ္ထျဓရ်္မၟဓရ သွရ သကလ [တာ]မှာ ဝိသေယ် တြေယ်လောကဓရ်္မၟ - - {၂၂} - - - - (ဍေး)ဟ် [နာမဓေယ် ပုအ်ရေယ် အာရ် ကုန္တအ် ပအ်ဣ]မောအ် (ပဏ္ဍိတ်) {၂၃} ဒုတိယံပိ ရိန်ဍုက် ကုအ်ၜါရ်လေးဟ် ပဣမောအ် ပဏ္ဍိတ် တတိယံပိ ရိန်ဍုက် ကုအ်ပိ {၂၄} [လေးဟ် ပဣမောအ် ပဏ္ဍိတ် - - - ဇ - မ် [တောက်]ဖံမ်က္လောအ် (ဝေါအ်) ကုအ် - - {၂၅} - - - - က် - - အ် [ရောဝ်]ဂေါးဟ် ပအ် ဣမောအ် ပဏ္ဍိတ် ။ ။ ။

နူပၞောန် ၁၉ စဵုကဵုအိုတ်ဂှ် “အိုတ်လိုက် မဟာဇန်ဂမၠိုင် သြဝ်ဗၞဟ် သၟိင်အဘိပြာယ် - ကျာ် မကုတ ရာဇာဓိရာဇ ပရမေသွရ် ဣသွရ ရာဇအဘေယ် မဟာရာဇ ဒေဝါတိ ဒေဝ ဗဟူညာန သာဂရ ဂမ္ဘိရ် သြဳနိတ္ထျဓမ္မဓရ သွရ သကလတာမှာ ဝိသေယ် တြေယ်လောကဓမ္မ - - - - ဍေဟ် နာမဓေယ် ပရဲ အာဂတ ပယၟုပဏ္ဍိတ်၊ ဒုတိယမ္ပိ မရနုက် ကုၜါအလန် ပယၟုပဏ္ဍိတ်၊ တတိယမ္ပိ မရနုက်ကဵု ပိအလန် ပယၟုပဏ္ဍိတ် - - - တက်ဖမ်ကၠဟ် ဝွံ ကု - - - - - - ရဴဂှ် ပယၟု ပိဏ္ဍိတ်။ ။ ။”

တြိအ်ရ်္လေယ် တြိအ်ရ်္လေယ် ဂှ် လိက်မန် ခေတ်ကြဴနူဂှ်ညိ ပ္ဍဲဗုကာံ ဂွံဆဵုကေတ် “တရ်္လေယ်” နကဵု အဓိပ္ပါယ်မန် ခေတ်လၟုဟ် “တဳလအဲ/တၠဳအဲ” ရ။ “တြိအ်ရ်္လေယ်” ဂှ် မအရေဝ် ၜါမ “တြိအ်လ (တၠ) + ဨယ် (အဲ)” ပ္ကောံတုဲ ခၞံဗဒှ်လဝ် ဝေါဟာရ မွဲမရ။ လိက်မန် ပ္ဍဲဗုကာံမ္ဂး မအရေဝ် “တရ်္လေယ်” ဂှ် စကာ ကုအရာ မလုပ်လၟိဟ် ရတ်ပိပြကာ ဗီုကဵု “ကျာ်၊ ဓရ်၊ ကေုာံ သင်” သၟးရ။ မအရေဝ်ဝွံ ပ္ဍဲခေတ်လၟုဟ် ၜိုန်ရ ပိုယ်တအ် စကာဒၟံင် “တၠဳအဲ” ကီုလေဝ်၊ မလိက်မန် မချူ “ကျာ်တြဲ” တြဲ ဂှ်လေဝ် မြိပတ်ကၠုင် နူဏအ်ကီုရ။

ပ္ဍဲအခိင် ညးမကဵုယၟု “တြဲ” ကုသၟိင်ဨကရာဇ် သဓီုဂှ် ညးဗှ်ဂါထာ ယၟုကျာ်တြဲ ၂၈။ ရံင်ကဵု ညးမကဵုယၟု “တြဲ” ကုဨကရာဇ်သဓီုဂှ်တုဲ ဒဒှ်ရ ဨကရာဇ်မန်သဓီုဂှ် ညးတအ် စွံလဝ် နဒဒှ် ကျာ်ဂမျိုင်မွဲဇကု ဟီုမာန်ရ။

ပဏ္ဍိတ် မအရေဝ် ပဏ္ဍိတ် ဂှ် ကၠုင် နူအရေဝ်ပါဠိ ပဏ္ဍိတ မဂွံအဓိပ္ပါယ် ညးမနွံကဵု ဂမြင်ညာဏ်ပညာ ရ။ မအရေဝ်ဏအ် သွက်ဂွံ ဒးပသောင်ကလး အဓိပ္ပါယ် လှဲလှဲလးလး ဟွံမဲပၟိက်ရ။

ပ္ဍဲအခိင် ညးမကဵုယၟု “ပဏ္ဍိတ်” ကုသၟိင်ဨကရာဇ် သဓီုဂှ် ညးဗှ်ထ္ၜး ပရူပါရမဳစှ်သာ် (ဝါ) ဘဝကျာ်တြဲ အလန်လက်ကြဴအိုတ် စှ်ဘဝဂှ်တုဲ ညးကဵုယၟု “ပဏ္ဍိတ်” ရ။ ရံင်ကဵု ညးမကဵုယၟုဏအ် ကုဨကရာဇ်သဓီုဝွံတုဲ ဒဒှ်ရ ညးတအ် မိက်ဂွံဟီု ဨကရာဇ်ဍုင်သဓီုဝွံ သ္ဒး (ဝါ) ဒှ်မၞိဟ် မနွံကဵု ဂမြင်ညာဏ်ပညာ သွက်ဂွံ ဖျေဟ်သ္ဂုတ်သွာတ် သၞောတ်သၞောဝ်ဗဗွဲဓဝ်ရ။

ကျာ်တြဲ ၂၈ ပ္ဍဲကဵု သကုတ်ဒုတိယဂှ် ညးဗှ် အာဋာနာဋိယသုတ်။ လညာတ်မ္ဂး ပ္ဍဲမွဲကဝ် ကျာ်ကတဵုဒှ် ပိဇကု ဟွံသေင်မ္ဂး ပန်ဇကုတုဲ သီုဖအိုတ် ကျာ်တြဲမကလိလောန်အာတုဲ နွံ ၂၈ ဇကုဂှ် ဒှ်လညာတ် ထေရဝါဒဗုဒ္ဓဘာသာမွဲရ။ ပ္ဍဲကဵု လိက်ရာဇာဘိသိက် သၟိင်ဨကရာဇ်သဓီုဏအ် ညးတအ် ဖ္ဍောတ်ဗှ် ဂါထာဏအ်ဂှ် လ္ၚတ်ရံင်မ္ဂး ဒဒှ်ရ ပ္ဍဲအခိင်ဂှ် ကောန်ဍုင်သဓီုတအ် ရှ်ေသှ်ေဒၟံင် ထေရဝါဒဗုဒ္ဓဘာသာဂှ် ပိုယ်တအ် ဟီုမာန်ရ။

သရောပ် လိက်တၟအ်တြာပ် ကဵု လိက်တၟအ်ပဏ္ဍိတ် မဂွံဆဵုကေတ် ပ္ဍဲအရှာံကျာ်သဓီုဂှ် ဒှ်လိက် ရာဇာဘိသိက် သွက်ဂွံဗှ် ပ္ဍဲအခိင်ကာလ ညးစဝ်ရာဇာဘိသိက်တုဲ ကဵုယၟု သၟိင်ဍုင်သဓီု ပိသာ်၊ မဟိမုတြာပ် မဂွံအဓိပ္ပါယ် ညးဇမၞော်လပါ်ပၞာန်ကီု သီုကဵု ညးဍုင်ကွာန်၊ မဟိမုတြဲ မဂွံအဓိပ္ပါယ် ညးမသၠုင်ပြဲ မတုပ်ညံင် ကျာ်ဂမျိုင်မွဲဇကု၊ မဟိမုပဏ္ဍိတ် မဂွံအဓိပ္ပါယ် ညးမနွံကဵု လညာတ်ညာဏ်ပညာ မဂွံဒှ် ဇမၞော်လပါ်သာသနာရ။

နူဂှ်မွဲကဆံင် ပိုယ်ဂွံတီကေတ် ဒဒှ်ရ ဍုင်သဓီုဂှ် ဒှ်ဍုင်သၠးပွး မနွံကဵု ဨကရာဇ်ဇကုကဵုဇကုရ။ ဟိုတ်မစကာလဝ် နကဵုလိက်မန် အရေဝ်မန်တုဲ ဍုင်သဓီု ရးမညဒေသဝွံ ဒှ်ဍုင်ဂကူမန်တအ် မပဒတဴမွဲရ။ တုဲပၠန် ပ္ဍဲကဵုအခိင် (၁၀ ဗွဝ်ကၠံ) မချူလဝ်လိက်တၟအ်ဏအ်ဂှ် ပ္ဍဲဍုင်သဓီု သာသနာ ထေရဝါဒဗုဒ္ဓဘာသာ ဇၞော်မောဝ်ပြာကတ်ဒၟံင်ဂှ် ပိုယ်တအ် ဂွံတီကေတ်ရ။

နိဿဲ

Luce, Gordon H., Ba Shin, Bo-Hmu (1969) Old Burma-Early Pagán, Volume one Text, Published for Artibus Asiae and the Institute of Fine Arts, New York University, J.J. Augustin Publisher, Locust Valley, New York.

Shorto, H. L. (1971) A Dictionary of the Mon Inscriptions from the Sixth to the Sixteenth Centuries, London, Oxford University Press, New York Toronto.

သိန်း၊ ဦးချစ် (၁၉၆၅) ရှေးဟောင်မွန်ကျောက်စာပေါင်းချုပ်၊ ပြည်ထောင်စုယဉ်ကျေးမှုဌာန၊ ရှေးဟောင်းသုတေသနဌာနခွဲ Wunchay Rukchaytdee (ဓရီု) ၀၄:၅၈၊ ၂၁ မေ ၂၀၂၂ (+0630)

ဂလာန်ပရၚ်တဲ သွက်ရဲဆာန်ဂကူမန် ပရေၚ်ပညာ

ဂလာန်ပရၚ်တဲ သွက်ရဲဆာန်ဂကူမန်

      ပရေၚ်ပညာ

၁။ ပရေၚ်ပညာဂှ် ဝဳၜံၚ်သၠုၚ်ကီု အစောံစရာဲမၞိဟ် ၚုဟ်မး၊မၞိဟ်ရ၊ မၞိဟ်ဟွံမွဲကဵုပညာတအ်ဂှ် ဟွံတၟေၚ်နူပြေၚ်ဂၠဴကၠီတအ်ကွေံကွေံရ။

၂။ ၚုဟ်မးမၞိဟ်မွဲမွဲဂှ် တန်တဴဒၟံၚ်ပ္ဍဲကဆံၚ်ပညာဍေံလေပ်ဍေံကၠိုဟ် ဍေံဒုၚ်ကေတ်ဟေၚ်ရ။

၃။ လိုက်မၞိဟ်ပိုဲတ္ၚဲဏံ ပညာဟေၚ်ပၠမံၚ်တရဴရောၚ်။

၄။ ဗတောန်ပညာကဵုသၟတ်တအ်ဂှ် ဝဳၜံၚ်သၠုၚ်တိုန်ဘဝ ဂကောံမၞိဟ်ဇကု၊ ဂကူဇကု၊ ဍုၚ်ဇကုရ။

၅။ ဂကူပိုဲဂွံသၠုၚ် (လှုၚ်) ပိုဲဒးသၠုၚ် (သမၠုၚ်)' ကဵုကဆံၚ်ပညာကောန်ဂကူပိုဲရောၚ်။

၆။ ကောန်ၚာ်မွဲမွဲ နူအခိၚ်ဍောတ်တ် အာစွံလဝ်ပ္ဍဲဂြိုပ်ဇၞော် (ညံၚ်ဍေံဟွံချိုတ်ဂှ်ဖန်ဇန်ကဵု) လ္ပဗတောနအရေဝ် လ္ပဟီုဂးတက်ကျာ လ္ပဗတောန်ကဵုပညာမ္ဂး ၜိုန်ဇၞော်တိုန်ဒှ်မၞိဟ်ဗီုဓမ္မတာကၠာလေဝ် ကၠေၚ်နူသတ်ဂြိုပ် အရိုၚ်ကွေံကွေံဟွံသေၚ်။

                          (၄၁)

၇။ မိမတအ် ကဵုအာဲကၟာဲကုကောန်နနဲ ဗတောန်ကဵုကွတ်ပညာဂှ် ဒှ်ဖဵုသွက်ကောန်ချိုတ်ပၠိုတ် အိုတ်ရ။

၈။ ကမၠောန်ဖျေံတံရိုဟ်သွက်ဍုၚ် သ္ဂောံဒှ်ဂုဏ်ဖဵုပ္ဍဲအနာဂတ်နွံနာနာသာ်ဝွံ ပရေၚ်သၠုၚ်ကဵု ကဆံၚ်ကွတ်ပညာကုကောန်ဍုၚ်ဇကုဂှ် ဒှ်ပရဲဇၞော်သၠုၚ် သွက်ဍုၚ်ဂၠိုၚ်အိုတ် ချိုတ်ပၠိုတ်အိုတ်ရ၊ (ဍုၚ်သေၚ်ကပေါဝ်) ၊ ထာဲဝါန်၊ ဟံၚ်ကံၚ်တအ်ဂှ် နနဲဝွံဟေၚ် ဇၞော်သၠုၚ်ကၠုၚ်ရ။)

၉။ အာစာဘာတအ်ဂှ် ဒှ်ညးသၠုၚ်စရာဲ ပၠုပ်ဗီုကုသၟတ်၊သၟတ်တအ်ဂှ် ဒှ်ညးပိုၚ်ပြဳအနာဂတ် ဟိုတ်ဂှ်တုဲ အာစာဘာတအ်ဂှ် ဒှ်ညးသၠုၚ်စရာဲဖျေံဗီုအနာဂတ်ရောၚ်။

၁၀။ ကောန်ၚာ်နူဍောတ်တ် ဒဵုဇၞော်ဒေံါဇူနူဘာ သၞာံအခါဗွဲမလအ် အာစာဘာတအ်ဂွံအခိၚ် ဖျေံဗီုဗတောန်ဖျောန်ရောၚ်တုဲ အာစာဘာတအ်စောန်မ္ဂး ကောန်ၚာ်တအ်ဂှ် ဗီုဒးစိုတ်ဖျေံဗီုမာန်ရောၚ်။

၁၁။ မိမတအ်ဂှ် ဒှ်အာစာတမ် အာစာသဇိုၚ် ဒှ်ညးဖျေံဗီုကဵု ကောန်ၚာ်ကၠာအိုတ်ရောၚ်။

                       (၄၂)

၁၂။ လညာတ်သမ္တီဂှ် ကတဵုဗဒှ်ကဵု ဇဲ၊ ဝဳရိယ၊ သတ္တိ၊ ဇဲ-ဝဳရိယ သတ္တိဂှ် ပတဝ်ပဓဝ်အာနကဵုပညာ ဒးမ္ဂး၊ အာစိုပ်တိုၚ်ပ္ကဴ ရန်တၟအ်ရောၚ်။

၁၃။ ပံက်ကဵုဘာကောန်ဂကူဂှ် ဒှ်ကမၠောန်ပရေၚ်ဂကူ ပရေၚ်ဍုၚ်ကွာန် နဲသဇိုၚ် နဲဍာ်ဇမၠိၚ်ရ။

၁၄။ ဗတောန်ပညာ ကုကောန်ၚာ်သၟတ်တအ်မ္ဂး ပညာမဗတောန်ဂှ် ၜိုတ်သ္ပမာန်ဒးပံၚ်ဗစပ်ကဵု ပညာအနုၜတ်(အနုပညာ)ရောၚ်၊ သာ်ဂှ်ဟွံသေၚ်မ္ဂး ဒှ်မံၚ်ပွပျဲပျာံ ကောန်ၚာ် (ဝါ) ပလီုက္ဍဟ် ကောန်ၚာ်တအ်ရောၚ်။

၁၅။ ဗတောန်ကဵုလိက်မန်ဂှ် ဒှ်ပွထိၚ်ဒဝ်ဂကူမန် ညံၚ်ဟွံဂွံ ကၠေံကၠက်အာမွဲသာ် အခိၚ်ညးတၞဟ်ၚိတ် ကလက်မံၚ်ဂကူဇကု ပရေၚ်ထိၚ်ဒဝ်ဂကူဇကုသာ်ဝွံဂှ် ဒှ်ကမၠောန်နွံကဵုၚုဟ်မးဇၞော်ဇၞော်ရ။

၁၆။ ဗတောန်ကဵုဝၚ်မန် လဴထ္ၜးကဵုပရေၚ်မန် ဗီုဒးဒုၚ်ဍဵုဍိုက်ကၠုၚ်တအ်ဂှ် ဒှ်ပွသၠုၚ်စိုတ်ဓါတ် ဆာန်ဂကူရ၊ စိုတ်ဓါတ်ဆာန်ဂကူသၠုၚ်ကၠုၚ်မ္ဂး ညးတၞဟ်ဍဵုဍိုက်ဂကူဇကုဟွံဒုၚ် ပေဲါဗ္တိုက်ပၠန်ဂတး ဗၠးၜးဂကူ စိုပ်တရဴသၠုၚ်ကၠုၚ်ရောၚ်။

၁၇။ ဘာဗတောန်လိက် ကၟာတ်ဒၞာလဝ်အခေါၚ်ဗတောန်လိက်ဂကူကောန်ဍုၚ်အရၚ်တအ်ဂှ် ဒှ်ရုၚ်စက်ၚိတ်ကလက်ဂကူဇၞော်အိုတ် အလဵုအသဳတအ်ဖန် ဗဒှ်လဝ်ရောၚ်။

၁၈။ ဘဝမၞိဟ်မွဲမွဲ အဝဲပဌမဂှ် ဒှ်သဇိုၚ်ပၟိက်ဇၞော်အိုတ်ရ၊ပ္ဍဲအဝဲပဌမဂှ် ကတ်လဝ်ပညာသၠုၚ်မ္ဂး စိုပ်အဝဲဒုတိယဂၠာဲပိုန်ဒြပ်ကလိဂွံလောဲ အဝဲဒုတိယ ဒြပ်နွံသိုက်သၠဲဟေၚ် စိုပ်အဝဲတတိယ ဂၠာဲဓဝ်ကဵုဒါန် ကၠောန်သ္ပမာန်ရောၚ်၊ပ္ဍဲအဝဲပဌမ သဇိုၚ်ပရေၚ်ပညာယဝ်ဍိုန်အာမ္ဂး အဝဲကြဴၜါဂှ် ခက်ခုဲဒှ်ရောၚ်။

၁၉။ ဆာန်ကောန်ဇာတ်မ္ဂး ကဵုအာဲပညာ၊ အာဲကၟာဲပညာ ညးပၠံၚ်ဏာဟွံဂွံ။

၂၀။ တၠပညာ ညးအာက္ဍိုပ်ကောန်ဂကူ ကေုာံညးအာက္ဍိုပ်ကၟိန်ဍုၚ်တအ် ပ္ဍဲအနာဂတ်ဂတ ဂကောံမၞိဟ်ဇကု ဍုၚ်ကွာန်ဌာန်ဇကု ဗီုလဵုမိက်ဂွံဒှ်တအ်ဂှ် ဒးစတံဖျေံဗီုပၠုပ်လညာတ် ပ္ဍဲဘာဗတောန်လိက်တအ်ရ၊ လညာတ်မွဲမွဲ စောဲဗာန်လုပ်အာပ္ဍဲက္ဍဟကကွးဘာတအ်မ္ဂး ဗွဲစၟတ်ဨကန် ပြာကတ်ဇၞော်မောဝ်တိုန်ပ္ဍဲအနာဂတ်ရောၚ်။

၂၁။ပ္ဍဲခေတ်ကၠာတေံဂှ် ကၟိန်ဍုၚ်ပိုၚ်ပြဳလဝ် သယံဇာတသၟဝ်တိလ္တူတိ နွံကဵုၚုဟ်မးဂၠိုၚ်ဂၠေၚ်တအ်ဟေၚ် ဒှ်မံၚ်ကၟိန်ဍုၚ်သိုက်သၠဲရ၊ခေတ်လၟုဟ်သာ်ဝွံဟွံသေၚ် ကၟိန်ဍုၚ်ဝဳၜံၚ်ပ္တိတ်တၠပညာကဆံၚ်သၠုၚ်ဂၠိုၚ်ၚ်တအ်ဂှ် ဒှ်ကၠုၚ်ဍုၚ်သိုက်သၠဲရ၊ တၠပညာတအ်ဂှ် ပံၚ်ကဵုက်ဂတာပ် ခေတ်ကံပျူတာတအ်တုဲ အာမံၚ်က္ဍိုပ်ပ္ဍဲကမၠောန်နာနာ ပ္တိတ်မံၚ်ကပေါတ်နွံကဵုၚုဟ်မး ပရးမံၚ်ဂၠးတိရ၊ တၠပညာစကာ ဟွံအိုတ်တအ်ဂှ် အာကၠောန်စဍုၚ်မ္ၚးမ္ဂး ဂွံၚုဟ်မးဂၠိုၚ်ၚ်ပၠန်ရ၊ သၠာကမၠောန်ဒးပတိတ်ဒြဟတ် ကာယတအ်ဂှ် ကော်စကာနူဍုၚ်မ္ၚး နကဵုၚုဟ်မးအောန်န်တုဲ ဂွံပရဲမွဲလပါ်ပၠန်ရ၊ နနဲသာ်ဏံ ကၟိန်ဍုၚ်ညးတအ် သိုက်သၠဲကၠုၚ် ဍုၚ်သေၚ်ကပေါဝ်၊ ဟံၚ်ကံၚ်၊ ထာဲဝါန်တအ်ဂှ် စကာနဲသာ်ဝွံရ။ ကၟိန်ဍုၚ်ပတှ်ေကပေါတ်သယံဇာတတအ်ဂှ် သဘာဝပွဳပွူလီု သီုဒးသွံစကောန်ကမၠောန်ကာယတုဲ လဇုဲဂလုဲ စိုပ်မံၚ်ကြဴညးဗွဲမဂၠိုၚ်ဂွံဆဵုညာတ်ရ။

၂၂။ ဂကောံမၞိဟ်မွဲမွဲ ကၟိန်ဍုၚ်မွဲမွဲ သ္ဂောံလောဲတောတက်တိုန်ဂှ် တၠပညာကေုာံ ညးအာက္ဍိုပ် ညးတအ်ဟေၚ် စဳရေၚ်ပြုပြေၚ်လဝ်၊ သ္ဂောံဒှ်တၠပညာ ညးအာက္ဍိုပ်ကၟိန်ဍုၚ်ခိုဟ်မာန်၊ ဒးတတ်အာဘာဗတောန်လိက်တအ်ဖအိုတ်ရ၊ ဟိုတ်ဂှ်တုဲ ကံကုသဵုဂကောံမၞိဟ်မွဲမွဲ ကၟိန်ဍုၚ်မွဲမွဲဂှ် နူဘာဗတောန်လိလ်တအ်ဟေၚ် စဳရေၚ်ပြုပြေၚ်မံၚ်ရောၚ်ဂှ် ပိုဲဒးညာတ် ဒးဒုၚ်တဲရောၚ်။

၂၃။ အရာပညာ ဝိဇ္ဇာ ကုသိပ္ပံ နွံၜါဂၠံၚ်ရောၚ်၊ ဆေၚ်ကဵုနာံ ဆေၚ်ကဵုစိုတ်၊ ပညာသိပ္ပံဂှ် ဆေၚ်ကဵုရုပ် ဆေၚ်ကဵုကွတ်စက်ကွတ်တဲ သီုၜါရဲမၞိဟ်မွဲမွဲ ဒးလေပ်ဒးကၠိုဟ်လဝ်ရောၚ်၊ ဝိဇ္ဇာသၟးဂှ် ဍိုန်ၜတ်ဂၠိုၚ်အာ အခါဒးပြိုၚ်ပကာန်ဟွံမာန်ညးတၞဟ် သိပ္ပံသၟးပၠန် ဓဇန်ရိုၚ်ဇိုၚ်မၞိဟ်ဂမၠိုၚ် ဒှ်ဒဒိုက်ၜါသာ်ဏံပံၚ် ညံၚ်ဂွံညဳသၟဟ်ဟေၚ် ဒှ်ပရေၚ်ဖဵုလိုက် မာန်။

၂၄။ ခေတ်လၟုဟ်ဏံ ကွတ်ပညာနာနာတအ်ဂှ် တောတက်ပြံၚ်သၠာဲ မြက်ဇက်မံၚ်တုဲ လေပ်လဝ် ကွတ်ပညာမွဲမွဲတုဲဂှ် ရုမ်ဂပ်ရ၊ မြက်ဇက်မံၚ်တုဲ လေပ်လဝ် ကွတ်ပညာမွဲမွဲတုဲဂှ် ရုမ်ဂပ်ရ စွံစိုတ်ဟွံဂွံ၊ ဟွံဆက်လ္ၚတ်လံၚ်ဗပေၚ်မံၚ်မ္ဂး ခြာဟွံလအ်ဗက်ညးတၞဟ်ဟွံမာန်လလုဲအာရောၚ်။

၂၅။ ခေတ်ကာလဏံ ပ္ဍဲအဝဲအဌမဟေၚ် ဒးဂၠာဲပညာဟွံသေၚ်၊ အပ္ဍဲဘာဟေၚ် ဒးဂၠာဲပညာဟွံသေၚ် ဇၟာပ်ပ်အဝဲဇၟာပ်ပ်ဒၞာဲ ဒးဂၠာဲဗပေၚ်မံၚ်ပညာ အဆက်ဟွံကဵုပိုတ်ရောၚ်။

၂၆။ ကောန်ၚာ်တအ် သ္ဂောံလေပ်လိက်မြဟ် သ္ဂောံကေက်သကာကၠုၚ်မာန်၊ နူဂကောံကုလသမဂ္ဂ သွာၚ်ပညာ၊ သိပ္ပံ ယေန်သၞာၚ်(UNESCO) ကတ်လ္ၚတ်ဆဵုဂဗ သ္ပလဝ်သမ္တီဂှ် အခိၚ်စဗတောန်လိက်ကုကောန်ၚာ်တအ်မ္ဂး ဒးဗတောန်နကဵုအရေဝ်ဘာသာ မိမကောနကၚာ်တအ်ရောၚ်။ ကောန်ၚာ်တအ်လ္တူအရေဝ်ဘာသာဂှ် ကၠိုဟ်မံၚ်ခိုဟ်ဟ်မ္ဂး ဒးစွံအရီုနဲချူ ကုနဲဂှ် ပ္တိတ်ရမျာၚ်ဟေၚ်တုဲ သာကဵုက္ဍဟ်ကောန်ၚာ် ၚာ် ဗတောန်ကဵုသာ်ဝွံ ၜိုတ် ၂/၃ သၞာံတုဲ ထပ်ဗတောန်ဘာသာ ဒးစကာဂၠိုၚ်ကေၚ်မိၚ်ဂၠိုၚ် ဘာသာစကာကၟိန်ဍုၚ်ဇကုပၠန်၊ ဇၞော်တိုန်ညိပၠန်မ္ဂး း ထပ်ဗတောန်ဘာသာ ဂၠးတိစကာဖန်အာသာ်ဝွံ မွဲကဆံၚ်တုဲ မွဲကဆံၚ်မ္ဂး လေပ်လောဲတုဲ က္ဍဟ်ကောန်ၚာ်တအ် သာ်ဒှ်မၞိဟ်ကေက်သကာဂၠိုၚ်ရ၊ ဂလေၚ်သာမ္ဂး အာတရဴသ္ၚောဲ၊ က္ဍဟ်သာမ္ဂး ဗတောန်ပညာလောဲ နဲသာနဲခိုဟ်ဂှ် ဒးစကာထေက်ရောၚ်။

၂၇။ အရေဝ်ဘာသာမွဲမွဲ ကၠိုဟ်ကေတ်မ္ဂး ဒှ်ၚုဟ်မးဇၞော်ကွေံကွေံရောၚ်၊ လိက်တၟအ်တြေံတြဟ်တအ်ဂှ် သွက်ရဲလ္ၚတ်ဝၚ်တအ် ၚုဟ်မးဇၞော်ကွေံကွေံရ၊ ဆ္ဂး ယဝ်ဟွံကၠိုဟ်မ္ဂး ဒှ်ၚုဟ်မးဟွံသေၚ်၊သာ်ဝွံကီု အၚ်ယန် ဂြန်ဂဥုဲ။ဝၚ်၊ ပုံအာဂီု၊ ဂလာန်တၠပညာချူလဝ် ကၠေံကၠက်အာမ္ဂး ညးတီဟွံမွဲတုဲ ဆောံလေၚ်အာကီုရောၚ်၊ ဟိုတ်ဂှ်တုဲ အရေဝ်ဘာသာဂကူနာနာ ညံၚ်ဂွံတန်တဴမာန်ဂှ် ဒးကဵုဒြဟတ်၊ ပရေၚ်ၚိတ်ကလက်ဂကူဂှ် ဒးဒစဵုဒစးရောၚ်။

၂၈။ ကၟိန်ဍုၚ်ညိၚ်ဝတ် တောတက်မွဲ ညံၚ်ဂွံဒှ်ကၠုၚ်မာန် ကောန်ဂကူနာနာ သာသနာရှ်ေသှ်ေနာနာ နွံမံၚ်ပ္ဍဲကၟိန်ဍုၚ်ဇကုဂှ် ဒးသ္ပသမ္တီ ဒးကဵုဒၞာဲ ဒးကဵုဇြဟတ်ရောၚ်၊ နဲက Wunchay Rukchaytdee (ဓရီု) ၀၅:၀၀၊ ၂၁ မေ ၂၀၂၂ (+0630)

ဂလာန်ပရၚ်တဲ သွက်ရဲဆာန်ဂကူမန် ပရေၚ်ပၞာန်

ဂလာန်ပရၚ်တဲ သွက်ရဲဆာန်ဂကူမန်

          ပရေၚ်ပၞာန်

၁။ ပၞာန်ဟီုဂှ် ပရေၚ်ပြိုၚ်ပကာန်ပၠံၚ်ဇမၞးအကြာ ဂကောံမွဲကဵုမွဲ (ဝါ) ဂကူမွဲကဵုမွဲ ဗွဲဓဇန်ကြာန် ကဆံၚ် သၠုၚ်အိုတ်ရ။

           ပေဲါပၞာန်ဂှ် အခိၚ်မၞိဟ်တအ်ဂၠိုၚ်ဟန်ပိုၚ်ကၠုၚ်တိဍာ်တုဲ ပြိုၚ်ပကာန်ပၠံၚ်ၜးညးသကအ်ဂှ် စကတဵုဒှ်ကၠုၚ်ရ။
            ပရေၚ်ဝေၚ်ဒၟံၚ်ပၞာန် နူအတိက်ဗွဲမလအ် ဒဵုတ္ၚဲဏံဂှ် ဒုၚ်သဇိုၚ်လ္တူပၠံၚ်ၜးဖဵုဂုဏ် သွက်ဂကူးညးဂကူအဲ (ဝါ) ဂကောံမၞိဟ်ညးကဵုဂကောံမၞိဟ်အဲဟေၚ်ရ။ ပရေၚ်ဒဒှ်သာ်ဏံဂှ် ဆက်နွံအာဗွဲမလအ်လ ဏီရောၚ်။

၂။ ပၞာန်ဒှ်ကၠုၚ်မ္ဂး ဆမၞိဟ်ဗ္တိုက်မံၚ်ပၞာန် ၜါလပါ်ဓဝ်ဟွံသေၚ် မၞိဟ်ဆက်စပ်ညးဗြဴကောန်ၚာ်လကျာ်တအ်လေဝ် ဒးဒုၚ်ဘဲဒဏ်ပၞာန်ဖအိုတ်ရ။

၃။ ဒှ်ကၠုၚ်ပၞာန်မ္ဂး သွက်ဘဝညးဂွံသာ ညးဒးဗ္ဒဗ္ဒာဲကဵုဂကူညး(ဝါ) ဂကောံမၞိဟ်ညး သွက်ဘဝအဲဂွံဟာ အဲဒးဗ္ဒဗ္ဒာဲကဵုဂကူ အဲ (ဝါ) ဂကောံမၞိဟ်အဲရ။ ဂကောံညဳသာဇြဟတ်ဇၞော်တအ်ဂှ် ဂွံဇမၞးဂၠိုၚ်တုဲ ဂွံဒုၚ်စသိုၚ် အခေါၚ်နာနာရ။ ဂကောံကျ တအ်ဂှ် ဒးဆောံလေၚ် ဒးဒုၚ်ပျဲ ဒးဒုၚ်ဂစိုတ် ဒးဂြိပ် ပဲါဒဴရ။ ဒၞာဲလ္ၚဵု ဟွံမိက်ပဲါဒဴ ဒုၚ်ကမျမ္ဂး ဒးဒုၚ်သ္ပဍိက်ဒးကဵုအကံက်အခေါန် ဗီုညးဖန်ဒးဒုၚ်ရ။

                   (၂၆)

၄။ ရဲကျပၞာန်တအ်ဂှ် ယဝ်ဟွံတဝ်စၞေဟ်မ္ဂး ဒးဒုၚ်သ္ပဍိက်အဆက်ကောန်အဆက်စဴ သီုဂကူဗၠိုက်တၞီ အာရောၚ်ဂှ် ညာတ်တုဲ ဝဳစိုတ်ဓါတ်ဆာန်ဂကူ ကလေၚ်ပလန်လေပ်ရ။ရဲဇၞးလဝ်ပၞာန်တအ်ဂှ် အခေါၚ်တၟေၚ်ဂွံလဝ်တအ် ဖေက်ဗၠးတိတ်နူတဲတုဲ ဝဳစိုတ်ဓါတ်မဟာဂကူ ဇၞော်ဇြဟတ်ပၞာန်ဂစာန်ဍဵုဍိုက်ရ။ ပဋိပက္ခဏံဂှ်သောၚ်ကလးဟွံလောဲ ဂၠိၚ်သ္ၚောဲမံၚ်ဏီရောၚ်။

၅။ ပၞာန်ဂၠးကဝ်ဒှ်ကၠုၚ်ၜါဝါ ဆောံလေၚ်ဂိချိုတ်ဇၞော်ကဵုဇြဟတ်ညာတ်တုဲ သွက်ဂွံဒၞာတာ ပံက်ကၠုၚ်ဂကောံ ကုလသမဂ္ဂရ ဟိုတ်နူဂှ်တုဲ ကၟိန်ဍုၚ်မွဲကုမွဲ ဒှ်ပၞာန်အောန်ကၠုၚ်၊ ဆ္ဂး ပ္ဍဲဗွိုၚ်ကၟိန်ဍုၚ်မွဲမွဲ ဂကူဂွံလဝ်အဝဵုတအ် ဍဵုဍိုက်ၚိတ်ကလက်မံၚ်ဂကူသၟဝ်တဲတအ်တုဲ ပၞာန်အပ္ဍဲဍုၚ်ဆက်ဒှ်မံၚ်ဂၠိုၚ်ကဵုကၟိန်ဍုၚ် ဂၠိုၚ်ကဵုဒၞာဲဏီရောၚ်။

၆။ ပၞာန်ဂှ် သောၚ်ပြသၞာပရေၚ်ဍုၚ်ကွာန် နဲသၠုၚ်အိုတ်ရ၊ သောၚ်ၜိုဟ်ဟ်ၜတ်တ်ဟွံလောဲတုဲ သောၚ်နကဵုဒြဟတ်ရ။ဟိုယ်ဂှ်တုဲ ပၞာန်ဂှ်ဒှ် ပရေၚ်ဍုၚ်ကွာန် ဆီပါ်ဍာ်ဇွောဝ်ရ။

၇။ ကၠောန်ပၠန်ဂတးမ္ဂး ပရေၚ်ဍုၚ်ကွာန် ကုပရေၚ်ပၞာန်မ္ဂး ဒးပံၚ်ဗွဝ်လဝ်သီုၜါရောၚ်။ ပၞာန်ဟွံမွဲ ပရေၚ်ဍုၚ်ကွာန်သၟးအာဟွံစိုပ် ပရေၚ်ဍုၚ်ကွာန်ဟွံမွဲ ပၞာန်သၟးအာဟွံဂွံရ။

                (၂၇)

၈။ ပရေၚ်ကွာန်ဂှ် တုပ်ညံၚ်က္ဍိုပ် ပၞာန်ဂှ် တုပ်ညံၚ်ဇိုၚ်တဲၜါဏံပံၚ်ဒးကၠောန်ဂွံနာနာရ။ဆ္ဂး က္ဍိုပ်ဂှ် ဒးစကာဇိုၚ်တဲရောၚ်။

၉။ ဇြဟတ်ပၞာန်ဟွံမွဲ အခေါၚ်ပရေၚ်ဍုၚ် ပရေၚ်ဂကူဟွံဂွံလောဲ၊ ဇြဟတ်ပၞာန်ဇၞော်မ္ဂး ဟွံအာတ်လေဝ်ညးကဵု ကေၚ်နွံကၠုၚ်ကီုရ။

၁၀။ ဘဝဍိက်ဂှ် ပါဲဒဴကေတ်ဟွံဗၠး ဒဴအာဍုၚ်ညးတၞဟ် ဒးဒုၚ်သ္ပဍိက်ကုညးတၞဟ်ရ၊ ဘဝဍိက်ဂှ် ဗတိုက်ကေတ်ဟေၚ်ဗၠးမာန်၊ တိဍာ်ဇုဇဗဴလပိုဲ ညံၚ်ပိုဲဂွံပိုၚ်ဗ္တိုက်မာန်မ္ဂး ဗၠးနူဘဝဍိက်ဍာံဍာံရောၚ်။

၁၁။ နွံပၟိက်ကဵုတသိုက်အခေါၚ်သွက်ဂကူတုဲ ပိုဲကၠောန်ပၠန်ဂတး၊ ကၠောန်ပၠန်ဂတးမ္ဂး ဒးဆဵုဒဒိုက်ရောၚ်။ ဖေက်မံၚ်ဒဒိုက်တအ်ဂှ်မ္ဂး ဂွံအခေါၚ် ဂွံတသိုက် ဟွံမာန်၊ ဂကူပိုဲဟွံဗၠးၜးမ္ဂး ဒဒိုက်တအ်ဂှ် အိုတ်အာ ဟွံသေၚ် သီုဇၞော်တိုန်မံၚ်ဏီရောၚ်။

၁၂။ အခိၚ်ကာလပၞာန်ပၠန်ဂတး မၞိဟ်ချိုတ်အာဂှ်တိုပ်၊ ညံၚ်စိုပ်တိုၚ်ပ္ကဴ မၞိဟ်နွံတအ် ဒးဆက်ကၠောန်အာ လၟေၚ်ဏံဂှ် ဓမ္မတာရ။

၁၃။ ဍုၚ်ပိုဲဂှ်ညးတၞဟ်သၠာဲလဝ်ကဵု ဆီပလက်တုဲ ပၠံၚ်ၜးဂွံလဝ်ရောၚ်။ပိုဲအာတ်ကေတ်နနဲ၊ ဓမ္မတာဂွံမာန်မံၚ်ဟာ၊ ရဲအာတ်ဍုၚ်တအ်ဂှ် ညးတအ် မၚ်ရပ်ပၠုပ်ထံၚ် မၚ်ပန်ဂစိုတ်မံၚ်နကဵုလွဟ်မ္ဂး ပိုဲဟွံပန်ကေတ် ကလိဂွံမာန်ဟွံသေၚ်။

                (၂၈)

၁၄။ အဝဵုပရေၚ်ဍုၚ်ကွာန်ဂှ် တိတ်နူပၠံၚ်လွဟ်ရောၚ်။

       (မဝ်ဇြဳတုၚ်)

၁၅။ ဂကူမွဲမွဲ ဒပ်စဵုဒၞာမၚ်မွဲဂကူဇကု ဟွံမွဲမ္ဂး အခေါၚ်အရာ သွက်ညးတံ မုလေဝ်ကလိဂွံဟွံမာန်ရ။ (မဝ်ဇြဳတုၚ်)

၁၆။ ကြက်ပၠန်ဂတးဂှ် ဇြဟတ်ပၞာန်/လွဟ်/ဇွောံမထဝ်သြန်ဟွံသေၚ်၊ ဂလာန်ပတှ်ေ ကေုာံ သဘဴဓဝ်ဟေၚ်ရောၚ်။

၁၇။ ဂိုတ်ဂစာန်ဗ္တိုက်သၞ နကဵုဇြဟတ်မၞိဟ် ဇြဟတ်လွဟ်တုဲ မာန်တှ်ေမာန် ဟွံမာန်မ္ဂး ဒုၚ်ကမျ ဖျေံလွဟ် ဗက်ကြဴသၞဂှ် လညာတ်ရဲပၠန်ဂတးဟွံသေၚ် လညာတ်ပၠန်သက်က်ဟေၚ်ရ။

၁၈။ ရဲပၠန်ဂတးတအ် ဖျေံလွဟ်ကုသၞဂှ် ဒှ်ဒုဟ်ဖံက်သစ္စလ္တူပၠန်ဂတးဇၞော်အိုတ်ရ။

၁၉။ ပၞာန်ဂှ်ဗတိုက်ကဵုဂြိုဟ် (ဂံၚ်သ္ကာ) သၟးဟွံဂွံ၊ ဒးစကာ ဥာဏ်ပညာဂၠိုၚ်ဂၠိုၚ်ရောၚ်။ သရာဲပၞာန်ပတှ်ေ ဇြဟတ်ပတှ်ေကွတ်တဲတအ်ဂှ် ဒးကဵုစၞာဲပြယာဲသၞတုဲ ဒးကျကၠုၚ်ဂၠိုၚ်ကွေံကွေံရ၊ ထ္ၜးသက်သဳမ္ဂး လ္ဂန်အိန်ဂွံဒးကျ ဗညာဓရာံဂွံဒးဒုၚ်ရပ်တအ်ဂှ် ဒးကဵုစၞာဲပြယာဲရ။

                       (၂၉)

၂၀။ ဝေၚ်ပၞာန်ဂှ် ပြိုၚ်ပကာန်ဇြဟတ်မၞိဟ် ဇြဟတ်လွဟ် သၟးဟွံသေၚ် ပြိုၚ်ဂွန် (ဗျူဟာ) ပြိုၚ်ပညာ ပြိုၚ်စိုတ်ဓါတ် ပြိုၚ်ပိုနိဒြပ် ပြိုၚ်မံၚ်နာနာသာ်ရောၚ်။

၂၁။ နကဵုဒေါသလ္ပဝေၚ်ပၞာန် ဒေါဇၞော်မ္ဂး သတိဗၠးကျ ညးဒှ်ဂၠိုၚ်ရောၚ်။

၂၂။ ဆဒှ်ကဵုဒှ်လ္ပဇန်ပၞာန် အောန်အိုတ်အာသၞဍိုဟ်အာ၊ ယောၚ်အာမွဲဒၞာဲ ဒးဒုၚ်သၠာဲကဵုဆီ/လမျီုရောၚ်။

၂၃။ ပၞာန်ဂှ် အဆက်ပရေၚ်ဍုၚ်ကွာန်၊ ဒၟာနူပရေၚ်ဍုၚ်ကွာန် ပၞာန်ဂွံကတဵုဒှ်၊ မိက်ဂွံကဵုပၞာန်တုဲဒှ်မ္ဂး ဒးသှ်ကလး ပရေၚ်ဍုၚ်ကွာန်ရောၚ်။

၂၄။ ဝေၚ်ပၞာန်မ္ဂး ပရေၚ်သၞကီု သီုပရေၚ်ဇကု ဒးတီဒးကၠိုဟ်လဝ်ခိုဟ်ဟ်ရောၚ်။ ဒၞာဲသၞဍိုန်အိုတ်ဂှ်ဂၠာဲ အခိၚ်/ဂၠံၚ်ဍေံဟွံခယျဂှ် လုပ်ဗ္တိုက်မ္ဂး သွက်ဂွံဇမၞးဂှ် နွံဂၠိုၚ်ရောၚ်။

၂၅။ ပ္ဍဲလိုက်ဏံ သတ်တှ်ေတုဲ လွဟ်မွဲမွဲသာ် နွံမံၚ်သၟးရ။ ယဝ်ဟွံမွဲမ္ဂး ဗီုညးတၞဟ်ဖန်ဒးဒုၚ်တုဲ တန်တဴလအ်အ်ဟွံမာန် ကၠေံကၠက်အာပြဟ်ဟ်ရောၚ်။ ကၞုတအ် အရုတ်တအ် နွံကဵုခၞော်ကြံၚ်ၚ်ဂှ် ဒှ်လွဟ်ဍေံကီုရ။ လွဟ်ဟီုဂှ် သွက်ဂွံစဵုဒၞာဇကု ကေုာံ သွက်ဂွံ သ္ပမာန် လ္တူညးတၞဟ်ရန်တၟအ်နွံၜါသာ်ရ။ လွဟ်စကာသွက်ဂွံစဵု ဒၞာဇကုနွံဂှ် ခိုဟ် ဒးရး၊ ပိုဲဒးထံက်ဂလာန်ရောၚ်။ သာ်ဂှ်ဟွံသေၚ်မ္ဂး သတ်ဂြိုပ်အရိုၚ်တအ်ကီု မၞိဟ်စိုတ်ဓါတ်နွံ ဗီုသတ်ဂြိုပ်အရိုၚ်တအ်ကီု ကၠုၚ်ကဵုဘယ်ပၠံၚ်ၜးသ္ပမာန်မ္ဂး ပိုဲဒးဒုၚ်သက်က်ရောၚ်။ ဟိုတ်ဂှ်တုဲ လွဟ်ဇကုဂှ် အခါလဵုမွဲလ္ပအပ် ဒပ်ဇကုဂှ် အခါလဵုမွဲ လ္ပဒုၚ်ပလီု လွဟ်ဟွံမွဲ ဒပ်ဟွံမွဲမ္ဂး ဗီုညးဖန်ဒးဒုၚ် ညးကၠုၚ်သ္ပမာန် ဒးယာံဒးလ္ၚောဝ်ရောၚ်။

                        (၃၀)

၂၆။ ဂကူညးကဵုညး ဂကောံညးကဵုညး လွဟ်/ဒပ်စဵုဒၞာ ညးတအ်နွံဟေၚ် ရဲမိက်ဂွံ ကြံကြသ္ပမာန်တအ် ဖေက်ဓညချပ်ဗ္စာဒးကၠုၚ်တုဲ ထိၚ်ဒဝ်အာဓဝ်ၜိုဟ်လလံမာန်ရောၚ်။

၂၇။ သွက်ဂွံဒက်ပ္တန်ဓဝ်ၜိုဟ်လလံကီု သီုပရရေၚ်ဆာန်ကၟိန်ဂကူအိုဿီုမာန် ဂကူမွဲကဵုမွဲ ကဆံၚ်ဒးတုပ် ပရေၚ်ဂကူညးညးဖန် အခေါၚ်သာ်ဝွံ ဒးနွံရောၚ်ဂှ် ဂကူဒးဒုၚ်ဍဵုဍိုက်မံၚ်တအ်ဟေၚ် ဒုၚ်ကေတ်တုဲ ဟီုဂးမံၚ်၊ ဂကူဂွံလဝ်စေဝ်လ္တူတအ် ဒုၚ်တဲမာန် ဟီုဂးမံၚ်၊ ဂကူဂွံလဝ်စေဝ်လ္တူတအ် ဒုၚ်တဲမာန် စှ်ေမံၚ်စိုတ်ဟွံသေၚ် ညးတအ်ညံၚ်ဂွံဒုၚ်ကၠုၚ်တဲမာန် နပရေၚ်ဍုၚ်ကွာန်သၟး ဟီုဂးဂှ် ညးဟွံကၠိုဟ် ဒးဟီုသီုကဵု ပရေၚ်ပၞာန်ရောၚ်။

                   (၃၁)

၂၈။ ပ္ဍဲဝၚ်ပၠန်ဂတးဍုၚ်ပိုဲပွိုၚ် (၇၀)သၞာံပြၚ်ဏံ ဂကောံပၠန်ဂတးရပ်လွဟ်မွဲမွဲ ဒးဒုၚ်ပ္တိတ်နကဵုဇြဟတ်ပၞာန်တုဲ အိုတ်အာဟွံမွဲဏီ။ ဒးဒုၚ်လီနနဲပရေင်ဍုၚ်ကွာန်တုဲ အပ်ထောံလွဟ်ဟေၚ် အိုတ်အာဂှ် နွံဂၠိုၚ်ကဵုဂကောံရ။

၂၉။ ဂကောံအပ်ထောံလွဟ်တအ်ဂှ် အပ်တုဲ အဝဵုပိုတ်သြဇာပၠိုတ် ပရေၚ်ဍုၚ်ကွာန်လေဝ်ချိုတ် ဒဵုလမျီုအိုတ်ယာက္ဍိုပ်ဟွံမာန် လုပ်ဝိုၚ်ဟွံဂွံရ။

၃၀။ နွံပၟိက်ကဵုဓဝ်ၜိုတ်လလံမ္ဂး ဗလးထောံလွဟ်မွဲလါ်ဓဝ်ဂှ် ဂွံမာန်ဟွံသေၚ်ရ၊ ပြသၞာရပ်လွဟ် ဂွံကတဵုဒှ်ကၠုၚ်ဂှ် တာလျိုၚ်နွံမွဲလါ်ဓဝ်ဟွံသေၚ်၊ မိက်ဂွံပြေပြံၚ်မ္ဂး ဒးပညဳပညပ်အကြာၜါ ဒးသၠးဖဵုဒးကဵုကေတ်သီုၜါလ္ပါ်ရောၚ်၊ သာ်ဝွံဟွံ သေၚ် မွဲလ္ပါ်ဟေၚ် ဗလးထောံလွဟ်မ္ဂး သၠဒကေဝ်ဒးစေၚ်ဂၠိုၚ်အာတုဲ သ္ၚောဲခြာအာကဵုဓဝ်ဍာံ သ္ၚောဲခြာအာကဵုဓဝ်ၜိုဟ်လလံရောၚ်။

၃၁။ ဖျေံလွဟ်၊ အပ်လွဟ်၊ သၠာဲထောံလွဟ်ကဵုဒဳမဝ်ကရေဇြဳသၠာဲထောံလွဟ်ကဵုဓဝ်ၜိုဟ်လလံ လုပ်အာဗွိုၚ်တၟးတအ်ဂှ် ဝေါဟာၜိုန်ဟွံတုပ် ကၠာလေဝ်အဓိပ္ပါယ်တုပ်ပ်ရ။ဒုၚ်ကမျ ဒုၚ်ယျံက် ဒုၚ်ထံက်ၜံၚ် ဒုၚ်သ္ပ ဍိက်ဖအိုတ်ရ။

၃၂။ ဒပ်ပၞာန်ဂှ် ဒှ်သွက်စဵုဒၞာဂကူ စဵုဒၞာဍုၚ် စဵုဒၞာပိုန်ဒြပ် တိဍာရ၊ အရာအိုဿီုတအ်ဂှ် ပရေၚ်စဵုဒၞာနွံဟေၚ် တန်တဴအာမာန်ရောၚ်၊ ဟိုတ်ဂှ်တုဲ ဆာန်ဂကူဍာံမ္ဂး ဒပ်ပၞာန်စဵုဒၞာဂကူဂှ် ဒးပခိုၚ်လဝ်ရောၚ်။

                           (၃၂)

၃၃။ ပေဲါပၞာန်ဂှ် အန္တရာယ်ဇၞော်၊ လမျီုဗွဲမဂၠိုၚ်ဂၠေၚ်၊ ဒြပ်ရတ်ဗွဲမဂၠိုၚ်ဂၠေၚ်၊ဒးလေၚ်ဆောံမံၚ်တုဲ ၜိုန်ဟွံမွဲပၟိက်ကီုလေဝ် ဗလေတ်ပဲါထောံသောၚ်ၚ်ဂွံဟွံသေၚ်၊ ဟွံပြေၚ်ရေၚ်ပလေဝ်ပလေတ်လဝ်မ္ဂး ပရေၚ်ဒးလေဝ် ဆောံတအ်ဂှ် ဂၠိုၚ်အာနူကဵုဝေၚ်ပၞာန် ဏီရောၚ်။

၃၄။ ဒပ်ပၞာန်မွဲမွဲဂှ် လညာတ်ပရေၚ်ဍုၚ်ကွာန်ဟွံမွဲ စေဝ်ပၞောန်ဟွံမွဲမ္ဂး ဒှ်အာဗီုဂကောံဒမၠမွဲကီုရောၚ်။

၃၅။ သတီုလဝ်ဂြိုဟ် မ္ၚိုဟ်လဝ်စိုတ် ချိုတ်အာတှ်ေတုဲ ဟွံမွဲ ကဵုဂွန် ဟွံမွဲကဵုအစဳအဇန်မ္ဂး ကေတ်ဇမၞးသၞ ဟွံမာန်။

                     (၃၃) Wunchay Rukchaytdee (ဓရီု)  ၀၅:၀၁၊ ၂၁ မေ ၂၀၂၂ (+0630)

ဂလာန်ပရၚ်တဲ သွက်ရဲဆာန်ဂကူမန် ပရေၚ်အာက္ဍိုပ်

ဂလာန်ပရၚ်တဲ သွက်ရဲဆာန်ဂကူမန်

          ပရေၚ်အာက္ဍိုပ်

၁။ ရန်တၟအ်ပရေၚ်ကမၠောန် သွက်ဂကောံမၞိဟ်မွဲမွဲ ညံၚ်ဂွံအံၚ်ဇၞး ညံၚ်ဂွံတုဲဒှ်ပြဟ်ဟ်မာန် ပွမ္ဒးဖန်ဇန်ဖျေံဗီုလ္တူညးတၞဟ် ညံၚ်ဂွံရေၚ်တၠုၚ်ကၠောန်ၜိုတ်အာ ညဳညဳသာသာဂှ် ဒှ်ပရေၚ်အာက္ဍိုပ်ရ။

၂။ ပ္ဍဲဂကောံမွဲမွဲ ပြာပြာကတ်တ် (ဝါ) သ္ၚိတ်တ်ဇြဇြ မံက်မံက် (ဝါ) ပၞုက်ပၞုက် မၞိဟ်အာက္ဍိုပ် ဒးနွံဟေၚ်ရ။အကြာမၞိဟ်နွံၜါဂှ်လေဝ်ဝ် မၞိဟ်မွဲဂှ် ဒှ်မၞိဟ်က္ဍိုပ်တုဲ မၞိဟ်မွဲဂှ် ဒှ်မၞိဟ်ဗက်ကြဴရ၊ ဗွဲဓမ္မတာမ္ဂး မၞိဟ်ကၠိုဟ် မၞိဟ်ကေက် မၞိဟ်ဂံၚ်သကာတအ်ဂှ် ဒှ်က္ဍိုပ်ရ။

၃။ ညးအာက္ဍိုပ်ဟီုဂှ် ညးဂမၠိုၚ်ညံၚ်ဂွံဗက်ကၠုၚ်ကြဴဇကု ညးတၞဟ်ညံၚ်ဂွံကၠောန်အတိုၚ်စၞောန်ဇကု ကၠောန်သ္ပလေပ် ကၠောန်သ္ပဒှ်ဂှ် ဒှ်ညးအာက္ဍိုပ်ရ။

၄။ ပ္ဍဲညးအာက္ဍိုပ်တအ်ဂှ် ဆန္ဒမိက်ဂွံအာက္ဍိုပ် ကေုာံ သတ္တိနွံဟေင် ဒှ်ညးအာက္ဍိုပ်ရ။

၅။ ညးအာက္ဍိုပ်မွဲမွဲဂှ် နကဵုကမၠောန်ကီုပွကီု နကဵုအရေဝ်ကီု ထ္ၜးပျးသောၚ််လးတံၚ်ဂြဲ ညးဗက်ကြဴတအ် ဓဝ်ပတှ်ေညံၚ်ဂွံနွံလ္တူကမၠောန်လ္တူဇကုမာန်မ္ဂး ပရေၚ်အာက္ဍိုပ်ညးဂှ်အံၚ်ဇၞးစိုပ်တရဴရောၚ်။

                  (၃၄)

၆။ ညးအာက္ဍိုပ်တအ်ဝွံ လ္တူကမၠောန် ဇကုကေတ်လဝ်လျိုၚ်ဂှ် ဒးကၠိုဟ်ဒးလေပ်လဝ် ခိုဟ်ဟ်ရောၚ်။ သ္ဂောံအာက္ဍိုပ်ဍာ်ဇမၠိၚ်မာ္န် ဒးဆက်ကတ်လ္ၚတ်မံၚ် လၟိုန်ရောၚ်။

၇။ ညးအာက္ဍိုပ်မွဲ (ဝါ) သ္ကိုပ်ဒပ်မွဲဂှ် ရန်တၟအ်ပရဝၚ်ကမၠောန်ညံၚ်ဂွံအံၚ်ဇၞး ညးဗက်ကြဴဇကု ညံၚ်ဂွံဗၠးဘယ် ဒးစွံအရီုဒးကေတ်တာလျိုၚ် ဂၠိုၚ်အိုတ်ရောၚ်။

၈။ ညးဍုၚ်ကွာန် (ဝါ) ကောန်ဂကောံ ဓမ္မတာတအ်ဂှ် လ္တူပရေၚ်မွဲမွဲ မိက်ဂွံဒှ်ရတီ နဲလဵုဂွံကၠောန် ဂွံဖန်ဗဒှ်ဂှ် ဟွံတီ ယဝ်တီလေဝ် တီဆလ္တူကျာညိညဟေၚ်ရ။

         ညးအာက္ဍိုပ်တအ်ဂှ် တီပၟိက်ဆန္ဒညးဍုၚ်ကွာန် (ဝါ) ကောန်ဂကောာံတအ်တုဲ နဲလဵုဂွံကၠောန် ဗီုလဵုဂွံဗၟံက်ရုပ်ရဴဂှ် ချပ်ဗစာ စဳဇန် ပၠကဵုတရဴမ္ဂး တၚ်ရန်တၟံတအ်ဂှ် အံၚ်ဇၞးစိုပ်တရဴမာန်ရောၚ်။

၉။ က္ဍိုပ်သ္ကိုပ်တအ်ဂှ် ဒးစန္ဒက်တံၚ်ဂြဲညးဂမၠိုၚ်လေပ် ဍာန်ဗၠေတ်ဍာန်ဒး ပညုၚ်ထ္ၜးမာန်တုဲ နပွ နကမၠောန်လေဝ် ဒးကၠောန်ဒးမံၚ် ဒးသ္ပ ဒးပၠတရဴနာနာသာ်ရောၚ်။

၁၀။ သ္ဂောံဒှ် ညးအာက္ဍိုပ်ညးဂမၠိုၚ်မာန်ဂှ် ကွတ်၊ သတ္တိ၊ ပဋိပတ် ပိသာ်ဏံပၟိက်ဇၞော်အိုတ်ရ။ မၞးမိက်ဂွံဂှ် ညးအာက္ဍိုပ်မၞိဟ်ဂမၠိုၚ်မ္ဂး ပ္ဍဲဇကုမၞးညံၚ်ဂွံဍိုက်ပေၚ်ဂၠိုၚ်ဂၠိုၚ်ဂှ် လွဳပရာညိ။

                     (၃၅)  

၁၁။ စိၚ်အာမ္ဂးဒှ်ဂၠံၚ်၊ မၞိဟ်အာက္ဍိုပ်တအ် ကၠောန်သ္ပမ္ဂး ဒှ်သၞောဝ်ရောၚ်တုဲ ပွခိုဟ်ကီု မၞိဟကအာက္ဍိုပ်တအ် သ္ၚဳဂၠိပ်ချိုတ်တ်ပၠိုတ်တ်တုဲ ကၠောန်ထေက်ရ။

၁၂။ မၞိဟ်ကၠိုဟ်မၞိဟ်ခိုဟ် မၞိဟ်ဍိုဟ်တအ်ဟေၚ် ဒှ်မၞိဟ်အာက္ဍိုပ်ဍာ်ဇမၠိၚ်မာန်။

၁၃။ အာယုက်ပ္ဍဲကမၠောန် (ဝှ်) ဂှ်ဒှ်စရာဲပၟိက်ဇၞော် မွဲသာ်ကီုရ၊ ဗွဲတၟေၚ်ပ္ဍဲအခိၚ်ကာလပြံၚ်သၠာဲ အခိၚ်ကြေပ်ဂြတ်တအ် ဗီုလဵုဒတူလိုၚ်ဂှ် ဒးစွံၚုဟ်မးဂၠိုၚ်ရ။

၁၄။ မၞိဟ်ကၠိုဟ်ပရေၚ်ကမၠောန် စေတနာဍာံတအ်ဂှ် ၜိုန်ဆဵု ဂဗအာယုက်ကမၠောန်အောန်ကီုလေဝ် သ္ၚဳဂၠိပ်တုဲ ကဵုဒၞာဲ ကဵုက္ဍိုပ်ထေက်မံၚ်ကီုရောၚ်၊ တၟော်လ္တူဝှ်သၟးမ္ဂး ကမၠောန် လ္ဇုဲအာမာန်ရောၚ်။

၁၅။ ချေံဂြိပ်မြက်တ်ဂှ် ထိၚ်ဝါတ် ဆ္ဂး ထိၚ်မာန်မ္ဂး စိုပ်တရဴပြဟ်ရောၚ်။

၁၆။ မိက်ဂွံဒှ် က္ဍိုပ်သ္ကိုပ်ပြာကတ်ဍာ်ဇမၠိၚ်မ္ဂး လ္ပဍဵုဍိုက်မဇအဆက်တၟိ(သၟတ်)တအ်ညိ၊ ပ္ဍဲအနာဂတ် သၟတ်တအ်ဟေၚ် ဂွံဒၞာဲရောၚ်တုဲ ဍေံတအ်ဒုၚ်တဲဟေၚ် ဝၚ်က္ဍိုပ်သ္ကိုပ်ပြာကတ် အာမာန်ရောၚ်။

                  (၃၆)

၁၇။ ညးအာက္ဍိုပ်တအ်ဂှ် ဒးဂစာန်ချူလိက်ဂၠိုၚ်ၚ်ရောၚ်။လညာတ်ဇကုဂှ်ဟီုကေတ်သၟးမ္ဂး မၞိဟ်ကြပ်ကဵုဇကုဟေၚ်ဂွံမိၚ်၊ မိၚ်တုဲခြာဟွံလအ်ဝိုတ်အာ မာန်ရောၚ်။ ချူတြးနကဵုလိက်မ္ဂး အာစိုပ်တရဴသ္ၚောဲ သှ်ေၜက်အခိၚ်လအ်အ်မာန်တုဲ မၞိဟ်တီညာတ်ဂၠိုၚ် သီုဗိုန်ခိုၚ်ရောၚ်။

၁၈။ က္ဍိုပ်သ္ကိုပ်တအ်ကီု တၠပညာတအ်ကီု ယဝ်လၞုဟ်ဟီုဂး ၚုဟ်မးမၞိဟ်အောန် ယဝ်လၞုဟ်ကၠုၚ်အာ လာဘ်သကာအောန်ရောၚ်။

၁၉။ ရုဲပ္တိုန်ညးအာက္ဍိုပ် ဗက်အခိုက်သၞောတ်တြေံ နနဲကောန်ဨကရာဇ် ဂွံဒှ်ဨကရာဇ် သၚ်ဝှ်ဇၞော် ဂွံဒှ်ကျာ်ဇၞော်ဂှ် ရုဲစှ်လောဲသွာ ပြသၞာအောန်ဒှ်ကၠာလေဝ် ဒုၚ်သဇိုၚ်လ္တူစရာဲဟွံသေၚ်တုဲ ပရေၚ်ကမၠောန်ဂွံဇၞော်မောဝ်ဝါတ်ရ။

၂၀။ သ္ဂောံဒှ်ညးအာက္ဍိုပ်လ္တူမၞိဟ်ဂမၠိုၚ်မာန်ဂှ် ကွတ်၊ သတ္တိ၊ ပဋိပတ် ပိသာ်ဏံဒှ်သဇိုၚ်ပၟိက်ဇၞော် တပ်တးသၠးဖဵု တံၚ်ဂြဲ၊ စိုတ်ပြဲ ပန်သာ်ဏံလေဝ် ဒးဍိုက်ပေၚ်ကီုရောၚ်။

၂၁။ သ္ဂောံဒှ်က္ဍိုပ်သ္ကိုပ်မၞိဟ်ဂမၠိုၚ်ဂှ် ကံကုသိုလ်အတိက်ဖန်လဝ်ဟွံသေၚ် လက်သဏ်က္ဍိုပ်သ္ကိုပ် ညံၚ်ဂွံပေၚ်ဖ္ဍိုက်ဗပေၚ်မၚ်မွဲမာန်မ္ဂး ညးညးအဲအဲဒှ်မာန်ဖအိုတ်ရ။

                  (၃၇)

၂၂။ ဂကောံ(ဝါ)မၞိဟ်ဂမၠိုၚ်ဂှ် ဒးထိၚ်ဒဝ်ကဵုသၞောဝ်၊ မၞိဟ်အာမံၚ်က္ဍိုပ်ဂကောံတအ်ဂှ် မၚ်မွဲသၞောဝ်ဟွံမာန်မ္ဂး သၞောဝ်ဂှ်ဟွံတန်ကြပ်တုဲ ဂကောံရောအ်ရေၚ်ပြးဆာဲရောၚ်၊ဟိုတ်ဂှ် တုဲ မၞိဟ်မၚ်မွဲ သၞောဝ်ဟွံမာန် ပဋိပတ်ယောၚ်တအ်ဂှ် သ္ပက္ဍိုပ်ဟွံဂွံရ။

၂၃။ ညးအာက္ဍိုပ်တအ်ဂှ် သမ္တီ၊ သတ္တိ၊ သစ္စ၊သမာဓိ၊ သၠးဖဵု "သ" မသုန်မဏံ ညံၚ်ရဴသဳမသုန် ဒးထိၚ်ဒဝ်ဖ္ဍိုက်ဗပေၚ်လဝ်ရောၚ်။

၂၄။ နဲကဲအာက္ဍိုပ်နွံပိသာ် နဲကဵုအမိၚ်၊ နဲသောၚ်ကလး၊ နဲကြဴစးတအ်ရ၊ နဲကဵုအမိၚ်ဂှ် ဒှ်သၞောတ်တၠအဝဵုစကာဂၠိုၚ်၊ နဲသောၚ်ကလးဝွံ ချပ်သဳကၠဳပညဳ လုပ်အဝေါၚ် ဒဳမဝ်ကရေဇြဳ စကာအကြာ ဗွိုၚ်မၞိဟ်လညာတ်သမ္တီ သၠုၚ်ၚ်တအ်ရ၊ နဲကြဴစးဝွံ စကာမၞိဟ်သၟဝ်တဲတုဲ ဇကုမံၚ်ထောံသာသာ နဲဝွံ စကာပ္ဍဲဗွိုၚ်မၞိဟ်သၟဝ်တဲခိုၚ်ၚ် ဗွိုၚ်ဂွံဖျေံစိုတ် စကာဒေံကောန်ဇာတ်ဂၠိုၚ်ရ၊ နဲပိသာ်ဝွံ ရံၚ်ဒၞာဲတုဲ စကာလေပ်မ္ဂး ဒှ်ဂုဏ်ဖဵု စကာဒၞာဲဗၠေတ်မ္ဂး ဒှ်လလေၚ်ဖဵုရောၚ်။

၂၅။မၞိဟ်အာက္ဍိုပ် ရန်ကဵုဖဵုဂကောံတအ်ဂှ် ကဵုဒၞာဲကုမၞိဟ်ခိုဟ်မၞိဟ်ကၠိုဟ်၊ မၞိဟ်အာက္ဍိုပ်ရန်ကဵု ဖဵုဇကု တအ်ဂှ် ကဵုဒၞာဲဂှ် မၞိဟ်ဍုက်ကေဝ်ကဵုဇကုတအ်ရ။

                    (၃၈)

၂၆။ ဗျိဒေါန်ဂၠိုၚ်မ္ဂး မၞိဟ်ဗက်ကြဴအောန်၊ စန္ဒက်သမၠုၚ် စိုတ်ဓါတ်ဂၠိုၚ်မ္ဂး မၞိဟ်ဗက်ကြဴဂၠိုၚ်ဂှ် ဓမ္မတာရ။

၂၇။ လက်ကြဴက္ဍိုပ်သ္ကိုပ်စကာအဝဵုတအ်ဂှ် ရဲကလၚ်အမိၚ် မၞိဟ်သမ္တီသဝ်ဝ်ဟေၚ်နွံဂၠိုၚ်တုဲ လက်ကြဴ က္ဍိုပ်သ္ကိုပ်စကာ ပရေၚ်စန္ဒက်တအ်ဂှ် ရဲလေပ်ပညာ မၞိဟ်သမ္တီသၠုၚ်ၚ် နွံဂၠိုၚ်ရ။

၂၈။ က္ဍိုပ်သ္ကိုပ်ဒးစိုတ် သၞောတ်တၠအဝဵုတအ်ဂှ် ဖေက်ရဲတၠပညာ တုဲ စကာရဲကလၚ်အမိၚ်ဂၠိုၚ် ကေမ်ၛာပ်လဝ်အဝဵု ဂၠိုၚ်ရ၊ က္ဍိုပ်သ္ကိုပ်ဒးစိုတ်သၞောတ်ဒဳမဝ်ကရေဇြဳတအ်ဂှ် ဒးစိုတ်ရဲတၠပညာ ပါ်ကဵုတာလျိုၚ် ဗွိုၚ်ညးကဵုညးဂၠိုၚ်ရ။

၂၉။ ဟိုတ်ဖဵုညးအာက္ဍိုပ်ဂွံဒတုံပြဟ် နွံစှ်သာ်ရ၊ ဟွံလေပ်ကွတ်၊ စိုတ်ဟွံထတ်၊ ပဋိပတ်လီု၊ ဗီုဟီုတွံကၠောန်၊ အောန်ဓဝ်ခန္တဳ၊ရဲဒၞာဲပဲါက္ဍိုပ်၊ က္ဍိုပ်က္ဍုတ်ဟွံသၟဟ်၊ ဂၠုဟ်ပၟိက်ညးညးဂမၠိုၚ်၊ ရိုၚ်ဇိုၚ် အရေဝ်ကြံၚ်၊ ညာတ်မံၚ်ဇကုပြဲ က္ဍိုပ်သ္ကိုပ်တဲဏံ ဟွံလအ်ပြဟ်စှ်ေရောၚ်။

၃၀။ လက်သဏ်ညးအာက္ဍိုပ်ခိုဟ်(၅)သာ်ဝွံ လညာတ်ဒးသၠဲ၊စိုတ်ဓါတ်ဒးပြဲ၊ နဲကဲဒးဍိုဟ်၊ သတ္တိဒးခိုဟ်၊ လဂံါသၞဒးကၠိုဟ်ရောၚ်။

                 (၃၉)

၃၁။ ညးလ္ၚဵုဂှ် ဂွံဒှ်က္ဍိုပ်မှကၠောန် ပရေၚ်ဂကောံပရေၚ်ဂကူ ဒးဖက်ကြံမ္ဂး ဆုဲတိတ်သ္ၚောဲသ္ၚောဲတုဲ ဂၠာဲဒုဟ်ပါ်ပဲါခါဂွံဒၞာဲပၠန် ဒၞာဲယၟုပရေံဂှ် ဗဝ်စုတ်ဒုဟ်ညးတၞဟ် ယၟုမြဟ်ခိုဟ်တှ်ေ ဇကုဒုၚ်ကေတ် စကာမံၚ်ကွေတ် ကၠိက်တုက်ကတဵု ကၠဵုဒုဟ်ဒယှ်မ္ဂး ညးဂမၠိုၚ်ကဵုက္ဍိုပ် လအ်အ်မာန်ဟွံသေၚ်။

၃၂။ က္ဍိုပ်သ္ကိုပ်စကာသၞောတ်တၠအဝဵုတအ်ဂှ်ဟွံကဵုဒၞာဲကုညးတၞဟ်၊ မၞိဟ်ကေက်သကာ မံက်ကၠုၚ်မ္ဂး ဖေက်ပၠံၚ်ဒၞာဲတုဲ မၚ်ဝးပကဝ်ထောံ အခါဗျုယဲကၠောန်ဟွံမာန်မ္ဂး ကဵုဒၞာဲဇကုကောန်ဇကု ဒေံဇကုသာ်ဝွံ ကၠောန်သ္ပလေပ်ရ။

     က္ဍိုပ်သ္ကိုပ်စကာသၞောတ်ဒဳမဝ်ကရေဇြဳတအ်ဂှ် မၞိဟ်ကေက်သကာမံၚ်ကၠုၚ်မ္ဂး ပါ်ပရအ်ကဵုအဝဵု၊ မွဲလ္ပါ်ဂှ် ဒုၚ်ကေတ်သ္ဂုတ်သွာတ်မာဲညးဂမၠိုၚ် စိုပ်အခိၚ်ပေဲါကဵုဒၞာဲဂှ်လေဝ် ဟွံဇြိုၚ်စိုတ်ရ။

၃၃။ သၟိၚ်ဂိတုဂှ် ပျးလျးအရံၚ် ၜိုဟ်သြိုဟ်တုဲ သၞံၚ်တအ်ပူဗိုၚ်မိတ်သဟာဲဂၠိုၚ် သၟိၚ်တ္ၚဲဂှ် ပျးအရံၚ် က္တူကတာန်ဂၠိုၚ်တုဲ ပွဳဗွိုၚ်ဟွံမွဲ သ္ကအ်ရဲဟွံမွဲရ၊ သာ်ဝွံကီု က္ဍိုပ်သ္ကိုပ်စကာသၞောတ်ဒဳမဝ်ကရေဇြဳ ပညဳလညာတ်ကုညးတၞဟ်ဂှ် ဗွဳဗွိုၚ်ဂၠိုၚ်၊ က္ဍိုပ်သ္ကိုပ်စကာသၞောတ်တၠအဝဵုဂှ် ကေတ်လညာတ် ဇကုမွဲဓဝ်တုဲ ဗွဳဗွိုၚ်ဟွံမွဲရ။

                     (၄၀) Wunchay Rukchaytdee (ဓရီု)  ၀၅:၀၂၊ ၂၁ မေ ၂၀၂၂ (+0630)

အမေရိကာန်ကဵုနေတိုဝ် မွဲကရေက်၊ ကြုက်ကဵုရာတ်သာ မွဲလပါ် ပါ်မံၚ်ဂၠးတိပိုဲ ကောန်စဴထဝ်

အမေရိကာန်ကဵုနေတိုဝ် မွဲကရေက်၊ ကြုက်ကဵုရာတ်သာ မွဲလပါ် ပါ်မံၚ်ဂၠးတိပိုဲ ကောန်စဴထဝ် ဂိတုဖေဖဝ်ဝါရဳ ၂၃၊ တ္ၚဲဗုဒ္ဓဝါ၊ ၂၀၂၂ ပဝ်လဇြဳဍုၚ်ကြုက်ညးတအ် ဟွံလုပ်ပလာပ်ပထုဲ ပ္ဍဲကေၚ်ကာဍုၚ်မွဲမွဲရောၚ် ၜိုန်ရဟီုကီုလေဝ် ဆဂး ရံၚ်ကဵုဂုန်ဖဵုဍုၚ်ညးတအ် ဗွဲတၟေၚ် ဗဒစးကဵု ဍုၚ်ရာတ်သာတုဲ စဵုဒၞာအန္တရာဲနူအမေရိကာန် ကေုာံ မဟာမိတ်အမေရိကာန် မပ္တံ ဂျပါန်၊ အိန္ဒိယ၊ ယူခေ၊ အဝ်သတြေလျ၊ နေတိုဝ်တအ်ရောၚ်ဟွံသေၚ်ဟာ။ ဍုၚ်ရာတ်သာဂှ် ဒှ်မဟာမိတ်အဓိက ပ္ဍဲအရာမစဵုဒၞာအာဂုန်ဖဵုဍုၚ်ညး တအ်ရောၚ် ဟွံသေၚ်ဟာ။ ဂကောံကွိတ် Quad ကဵုအဝ်ကာတ် AUKUS ၜါဝွံ ဒှ်ဂကောံသွက်ဂွံကရေပ်ဂရတ် ဍုၚ်ကြုက်ဂှ်တုဲ ဂွံဗၠးဘဲကီု ဂွံကလေၚ်ပ လန်တဲကဵုဂကောံဍုၚ်တအ်ဝွံကီုဂှ် နကဵုဍုၚ်ကြုက်ဂှ် ဒးသ္ပမဟာမိတ်ကဵုရာတ်သာဟေၚ်ရ။ ကေုာံဍုၚ်ဍောတ်တ်တအ်ဂှ် ၜိုန်ရသ္ပမဟာမိတ်ကီုလေဝ် အစောံဇြဟတ်ဟွံဍိုက်ပေၚ် သွက်ဂွံတဝ်စၞေဟ်ရောၚ်။ ဂၠုၚ်ဍောတ်တ်တအ်ဂှ် ဒုန်ပ္ဍဲၜဳမှာ သၟိဒ်ဟွံဂွံရောၚ် ဒးဟီုပတောံဥပမာသာ်ဝွံရ။ ကာလဍုၚ်ကြုက် ဒးဒုၚ်ကရေပ်ဂရတ်ကဵုအ မေရိကာန်၊ မဟာမိတ်အမေရိကာန် မပတံအဳယူတအ် ပ္ဍဲကေၚ်ကာဟံၚ်ကံၚ်၊ ဇြေန်ကျေန်၊ တိဗိတ်၊ ထာဲဝါန်တအ်ဂှ် ညးတအ် အာစိုပ်ဒဒိုက်ဇၞော်ကဵုဇြဟတ်ရ။ မဟာမိတ်ဇၞော်ဇၞော်ဟွံမွဲမဂး ဟွံလောဲရောၚ်ဂှ် ညာတ်ကေတ်မာန်ရ။ ဟိုတ်ဂှ်တုဲ လအိတ်သၞာံတုဲကၠုၚ်ဏံ ညးတအ်ပံၚ်တဲ ကဵုရာတ်သာတုဲ ပကတ်ပကေၚ်ကွတ်ပၞာန်ဇၞော်ဇၞော်ကီု၊ သၞာံဏံ သမ္မတၜါဍုၚ်ဂှ် ဆဵုဂဗညးသကအ် ကိုပ်ကၠာဟွံစိုပ်အိုဝ် လာမ်ပေတ်က္ဍၚ်ဂှ်တုဲ လလောၚ်တြးပတိတ်လဝ် လိက်လလောၚ်တြးဇမၠိၚ် မနွံမသုန်လ္ၚီမလိက် ပ္ဍဲဖေဖဝ်ဝါရဳ(၄)ဂှ်ကီုတုဲ ကော်ဆဴပြိုၚ်ပကာန်ဏာကဵုအမေရိကာန် ကေုာံ မဟာမိတ်အမေရိကာန်တအ် ပြာပြာကတ်တ်အိုတ်ရ။ ဣဝွံဂှ် ဍေံဒှ်ဟိုတ် ဍုၚ်ရာတ်သာ ကလိဂွံအဟံက်ခိုဟ် ပ္ဍဲအရာဂံၚ်ဖျေံသဂုတ်သွာတ် ဂွံနိမိတ်ဗဒှ်ပဋိပက္ခယူကရိၚ် ဒှ်မာန်ကီုရောၚ်။ ပေဲါပြိုၚ်ပ ကာန်အကြာဂကောံဇြဟတ်ဍုၚ်တအ်ဂှ် ဂတဏံဇၞော်နူဏံဏီဒှ်မာန်ရ။ ၜိုန်ဂှ်လေဝ် မူဟိုတ်ကြုက်ဟွံထံက်ဂလာန်ရာတ်သာ လုပ်သီခရာၚ်မဳယျာကီု၊ ဟွံစၟတ်သမ္တီဍုၚ်တၟိၜါကီုဂှ်တုဲ ဂွံမံၚ်ကၠေံလဒေါဝ်၊ ကဵုကသပ်လညာတ် ညံၚ်ဂွံစကာနဲကဲၜိုဟ်ဟ်သြိုဟ်ဟ်တုဲ ဂၠာဲသွဟ် ပ္ဍဲကောံဓရီုကံၚ်သဳဂီုကၠီုယူအေန်ရော။ တၚ်တုပ် စိုတ်ပရေၚ်ပိုန်ဒြပ်ညးတအ်ကဵုရာတ်သာဂှ် နွံမံၚ်117ဗဳလဳယာန်ပြၚ်ဂှ်တုဲရ။ စပ်ကဵုယူကရိၚ်ဝွံဂှ် ပရေၚ်ပို်န်ဒြပ်ကူသာန်ဗၞိက်ညး တအ်ကဵုယူကရိၚ် သၞာံ2020ဂှ် နွံမံၚ်စှ်သုန်အသၚ်ဃဲယံၚ်(ဗဳလဳယာန်)ပြၚ်ရောၚ်။ တုဲပၠန် ယဝ်ရညးတအ်ကေတ်စ လ ပါ်ရာတ်သာပေၚ်ၚ်မဂး ပရေၚ်ပိုန်ဒြပ်ညးတအ်ကဵုအမေရိကာန်တအ်ကီု၊ အဳယူတအ်ကီုဂှ် လီုလာ်အာမာန်ရောၚ်။ မံၚ်လဒေါဝ် ညိညဂှ် သာမံၚ်သွက်ဍုၚ်ညးတအ်ရ။ ရာတ်သာလေဝ် ပေၚ်စိုတ်၊ ယူက ရိၚ်လေဝ် ဟွံဒက်စိုတ်၊ ဍုၚ်ပလိုတ်တအ်လေဝ် ဂၠာဲသၞဟွံဂွံကွေံကွေံရ။ ကွတ်ပညာမံၚ်လဒေါဝ်သာ်ဏံ ပ္ဍဲက္ဍိုပ်သကိုပ်ယူကရိၚ်တအ်နွံမံၚ်ကီုဟာ။ ပဋိပက္ခဍုၚ်ယူကရိၚ်ဝွံ အတိုၚ်တၠပညာကြုက်မွဲတၠမဟီုပါ်ပဲါလဝ်ဗၞတ်ညိညဂှ်မဂး က္ဍိုပ်သကိုပ်ယူကရိၚ်တအ် ထေက်ကဵုဒး ဂိုၚ်ကေတ်၊ ယိုက်ဒိုက်ကေတ်လညာတ်မံၚ်လဒေါဝ် ဟွံလျောဝ်ဗက် နေတိုဝ်ကဵုအမေရိကာန်၊ ဟွံဗလးကၠေံရာတ်သာရောၚ်။ ဂလာန်ညးဝွံ ဒုၚ်သဇိုၚ်လဝ်ကဵုအကာဲအရာသာ်လဵုရောမဂး ဍုၚ်ယူကရိၚ်ဂှ် ပယျဵုစပ်မံၚ်ကဵုရာတ်သာရောၚ်၊ လုပ်နွံမံၚ် အဒေါဝ်ဂကောံဇြဟတ်ၜါလပါ်ဂှ်ရောၚ်။ ဍုၚ်ရာတ်သျှာဂှ် ဇြဟတ်ဇၞော်ကီုဒှ် ဍောတ်ကီုဒှ် ဒဒှ်ရကဵုအန္တရာဲကဵုညးတအ်မာန် ရောၚ်ဂှ် ဇကုဇမၞော်ဍုၚ်ယူကရိၚ်တအ် ဒးတီလဝ်ထေက်ရောၚ်။ ဗီုဍုၚ်ကြုက်ဝေၚ်ဏာ ဟီုဏာ ပ္ဍဲယူအေန်ဂှ် ညးတအ် ဟွံကေတ်စလပါ်တေံလပါ်ဏံတုဲ သွက်ကြုက်ဂှ် ယီုသာအာရ။ ညးတအ်ဟွံထံက်ဂလာန်ကဵုရာတ်သာကီု ဟွံကေတ်စ လပါ်ယူကရိၚ်ကီုရ။ ဝၚ်ဍုၚ်ကြုက် ကေၚ်ဒှ်လဝ်ပၞာန်ကဵုခေတ်ကာလသဵုဗဳယိတ်ယူနဳယာန်တေံဂှ်လေဝ် နွံတဴဏီရ။ ဍာံဍာံတေံ ယဝ်ရဒးကေတ်စမွဲလပါ်မဂး ညးတအ်ဒးကေတ်ရာတ်သာဟေၚ်ရ။ ဆဂး ပညာကလုတ်တမာန်ဟီုဂှ် ပၟိက်ဇၞော်တဴဂှ်တုဲ သမ္မတယူကရိၚ်လၟုဟ်ဝွံ ယဝ်ရရံၚ်ကဵုဝှ်ပရေၚ်ဍုၚ်ကွာန်မဂး ၜတ်မံၚ်ရောၚ်ဂှ် ဗှ်ရံၚ်ဝၚ်ဘဝညးတေံ ပ္ဍဲဝဳကဳပဳယျာမဂး ကၠး ကေတ်မာန်ရ။ ဘဝညးတေံဂှ် ကၠုၚ်နူဗွိုၚ်ကောန်မှိၚ်ဇာတ်၊ မၞိဟ်ကတဵုဂရိုၚ် ဍေံမလျောဝ်ဗက် အာကဵုလညာတ်ဒ ယှ်တှ် ပဝ်ပျူဠာတအ်မွဲရ။ အကာဲအရာဝွံ တုပ်မံၚ်ကဵုသမ္မတအမေရိကာန် ဒေါနေဝ်ထရာမ်ညိညကီုရောၚ်။ အစောံစရာဲ ဂွံတတ်ကၠောံအခက်အခုဲဍုၚ် ယူကရိၚ် ပ္ဍဲညးတေံဟၟဲဒှ်မာန်ရောၚ်။ သမ္မတယူကရိၚ် မဒှ်ကောန်ဂကူရာတ်သာ ဒးဂြိပ်ဒဴတိတ်အာရာတ်သာဂှ် အခိၚ်တ္ၚဲဏံ ၜိုန်ရပရိုၚ်မဳဒဳယျာဍုၚ်ပလိုတ်တအ် ဟွံချူဗၟံက်ကီုလေဝ် ပၠန်ဂတးယူကရိၚ်ဂွံဒှ်ကၠုၚ်ဂှ် ဒုၚ်လဝ်သဇိုၚ်ကဵုအကာဲအရာဏံရောၚ်ဟွံသေၚ်ဟာ။ ပ္ဍဲယူကရိၚ် လညာတ်ဍုဟ်မၠေံကောန်ဂကူရာတ်သာတအ် ဂၠိုၚ်ကၠုၚ်ဂှ် ဍေံဒှ်ဟိုတ်မစံၚ်ဗဂဵုပၟတ်ပဋိပက္ခဝွံရောၚ်။ မွဲလပါ်တေံဂှ် သမ္မတ ဒဳမဝ်ကရိတ်အမေရိကာန်ဂှ်လေဝ် တိုန်ကၠုၚ်နကဵုရမျာၚ်ကရေဲ ဒစဵုဒစးကဵုရာတ်သာကီု ရောၚ်ဟွံသေၚ်ဟာ။ ဗီုသမ္မတ ဒေါနေဝ်ထရာမ် ဆက်ဆောံခိုဟ်ဆာဲကဵုရာတ်သာဂှ် ခေတ်သမ္မတဂျောဗာ်ဒေန်ဏံ ဍေံဟွံဒှ်သာ်ဂှ်ရ။ အခိၚ်ညးဒှ်ကၠုၚ်ဒုတ တိယသမ္မတ ပ္ဍဲသၞာံ၂၀၁၄တေံဂှ်လေဝ် ကေၚ်ဆဵုဂဗလဝ် စပ်ကဵုရာတ်သာ လုပ်သီလဝ်ဒေသခရာၚ်မဳယျာကီုရောၚ်။ ဇကုသမ္မတအမေရိကာန်ဂှ် ဟီုသောၚ်ကလးပရိုၚ် ဗီုကတဵုဒှ်ပြံၚ်လှာဲမံၚ်ပ္ဍဲယူကရိၚ်ကီုရောၚ်ဟွံသေၚ်ဟာ။ တုဲပၠန် ပ္ဍဲစိုတ်သမ္မတပူတေန်ဂှ်လေဝ် သွက်ဂွံအုပ်ဓုပ်အာဍုၚ်ရာတ်သာလအ်အ်မာန်ဂှ် ညးဒးကၠောန်သ္ပသာ်ဝွံကီုရောၚ်။

သမ္မတဖဳလေပ်ပါၚ်လၟုဟ် ကေၚ်ဟီုလဝ်ဂလာန်နွံရ။ ရံၚ်ကေတ်မဂး ညးဒးဒုၚ်ကဵုဇြဟတ်ဓရိုဟ်ကဵုအမေရိကာန် စပ်ကဵု ကေၚ်ကာဂွံထိၚ်ကၠေံဍုၚ်ကြုက်ဒှ်မာန်ရောၚ်။ ဍုၚ်ကြုၚ်တၟာဏံဂှ် ကဵုညးဒစဵုဒစးကီုဟာ၊ ယဝ်ရဒစဵုဒစးကဵုကြုက်ဂှ် ဍုၚ်ညး သာ်လဵုဒှ်အာမာန်ရောဂှ် ညးတီရ။ ကာလလဆောဝ်ညးဒစဵုဒစးကဵုကြုက် သီုအမေရိကာန်ရောၚ်။ တုပ်သာ်ဂှ်ကီု ကာလဍုၚ် တဳမဝ်ဗၟံက်ဗၠးၜးတိတ်တၟိတၟိဂှ် က္ဍိုပ်သကိုပ်ပၠန်ဂတးညးတအ် မဒှ်သမ္မတကၠာအိုတ်ဂှ် ညးသ္ပအဓိကတုဲဆဵုဂဗကဵုက္ဍိုပ်သ ကိုပ်အေန်ဒေါနဳရှာရောၚ်။ ၜိုန်ရက္ဍုဟ်မၠေံအေန်ဒေါနိသာကီုလေဝ် ဆဂး ရံၚ်ကဵုဂီုကၠီု ကေုာံ ဂုန်ဖဵုဍုၚ်ညးတုဲ ညးဒးရုဲစှ်သာ် ဂှ်ရောၚ်။ လညာတ်နဲကဲဏံ ပ္ဍဲက္ဍိုပ်သကိုပ်ယူကရိၚ်တအ် နွံညိဟာဂှ် အဲဟွံကၠးကေတ်ရ။ 

ပ္ဍဲကဵုဂလာန်တၠပညာကြုက် မဗတိုက်ဖအောဝ်လဝ်ဂှ်တုန်၊ နကဵုယူကရိၚ် ထေက်ကဵုဒးဆဵုဂဗတက်ကျာကဵုရာတ်သာ ဗွဲတိုက် ရိုက် ဍေံမဟွံသေၚ်ကဵု နူ ကောံဇြဟတ်တၞဟ်တအ် မွဲအဆံၚ် ကော် face to face ရောၚ်။ ဂလာန်ဗတိုက်ဖအောဝ်ညးဝွံ စှေ်စိုတ်လောန်ရ။ ပ္ဍဲကဵုဌာနပရိုၚ်ဂၠးတိတအ် ဟီုတဴနွံပၠန်ဂှ် ပ္ဍဲပ္ၚံက်ဏံ ရမျာၚ်ကောန်ဍုၚ်ယူကရိၚ်တအ်ဇေတ်တ် ဟွံမိၚ် ကေတ်တုဲ ရမ်သာၚ်မ္ၚးမ္ၚးတအ်သၟး ဂွံမိၚ်ကေတ်မံၚ်ရောၚ်။ အရာဝွံ ပိုဲကံက်ကေတ်အဓိပဲါသာ်လဵုမာန်ရောမဂး၊ ပဋိပက္ခ ယူကရိၚ်ဂှ် ဍေံကၠောအ်ထၞာန်အာ ညံၚ်ရဴပၟတ်ဂြိုပ်ဂှ်တုဲ ညးဂှ်ဒှ်ကမၠတ် ညးဂှ် ဒှ်မၞိဟ်ထ္ဍေၚ်ကမၠတ်ဂှ် ပါ်ပဲါဝါတ်အာရ။ ပၠန်ဂတး ယူကရိၚ်တအ် သာ်လဵုမဟီုတုဲ အလဵုအသဳယူကရိၚ်တအ် သာ်လဵုမဟီုရောဂှ် ပိုဲတအ် ဟွံဂွံမိၚ်ကေတ်တုဲ ဂွံမိၚ်မံၚ်ရမ် သာၚ် သမ္မတရာတ်သာကဵု အမေရိကာန် ကေုာံ နေတိုဝ်တအ်သၟးရ။ ပရေၚ်ဇီုလပိုက် ဍေံမဒှ်လလေၚ်ဍုၚ်ဂကူဍောတ်ဇၞော်တအ်ဂှ် စွံလဝ်ကၠာ၊ တၠုၚ်လအာယူကရိၚ် ဒးဆဵုဂဗမံၚ်တ္ၚဲဏံဂှ် တုပ်မံၚ် ကဵုပိုဲတအ်တၟာဂလိုၚ်ရ။ ပၞာန်ဗၟာဂှ် ညးတအ်နွံလပါ်ကြုက်ကဵုရာတ်သာ၊ အေန်ယူဂျဳဂှ် နွံလပါ်အမေရိကာန် ကေုာံ မဟာ မိတ်အမေရိကာန်ဂှ်တုဲ ကောန်ဍုၚ်အရၚ်တအ်ဂှ် လ္ၚဵုနွံလပါ်တေံ၊ လ္ၚဵုလပါ်ဏံရ။ ဆဂး ဂကောံလ္ၚဵုကဟဳထောံတုဲ ရုဲစှ်ကေတ် လညာတ်မံၚ်လဒေါဝ် ညံၚ်ရဴဂကောံလပါ်တိဍာ်သၟဝ်ကျာ ကေုာံ အေန်သဳအေတအ်လ္ၚဵုရ။ တိဍာ်မန်ဟွံဒှ်ပၞာန် တိဍာ်က ရေၚ်တအ် ဒှ်ပၞာန်၊ မဳဒဳယျာမန်တအ် မံၚ်ပ္ဍဲဍုၚ်ဂွံ၊ မဳဒဳယျာဗၟာတအ် ဒးဂြိပ်ဒဴရ။ ရဲကေတ်စလပါ်ကံၚ်သဳပၞာန်တအ် ညံၚ်ရဴပဲါဒုဟ် ဟွံလောဲသွာကီု၊ ဟွံဗၠးအစောကီု၊ ရဲဒစဵုဒစးတအ်လေဝ် အန္တရာဲဟွံဍောတ်ရ။ လညာတ်အကြာက္ဍိုပ်သကိုပ်ပရေၚ်ဍုၚ်ကွာန် ကေုာံ ပၠန်ဂတးဂကူမန်တအ်လေဝ် ဒှ်မံၚ်ပိကဵုပန်ကီုရ။ ဂၠးတိပိုဲတ္ၚဲဏံ ပရေၚ်ပြိုၚ်ပကာန်အကြာကြုက်ကဵုရာတ်သာမွဲလပါ်ကဵု အမေရိကာန်၊ နေတိုဝ် ကေုာံ မဟာမိတ်ညးတအ်မွဲလ ပါ်ဂှ် ကၠးကၠး ပိုဲတအ်ဂွံဆဵုကေတ်မာန်ရ။ ဗီုပြၚ်ကြုက်၊ ရာတ်သာ၊ အမေရိကာန်၊ နေတိုဝ်တအ် ပလှေ်မံၚ်ဂၠးတိပိုဲဂှ် ပိုဲတအ် ဟွံတီလဝ်ကၠာမဂး ပရေၚ်ဍုၚ်ကွာန်ဂၠးတိဂှ် ဂွံဗ္ၜမ်ဍေံဟွံလောဲသွာရ။ ပိုဲဒးဒုၚ်သဇိုၚ်ကဵုပဝ်လဇြဳဍုၚ်ဂကောံဇၞော်ပန်တအ်ဂှ်တုဲ လ္ၚတ်အာပရေၚ်ဍုၚ်ကွာန်ဂၠးတိပိုဲမဂး ကၠိုဟ်လောဲသွာမာန်ရောၚ်။ ဒုၚ်သဇိုၚ်ကဵုပဝ်လဇြဳပန်က္ဍိုပ်တအ်ဂှ်တုဲ ဂၠးတိပိုဲ ပြံၚ်လှာဲ အာမာန်ရောၚ်ဂှ်လေဝ် ဟီုမာန်ရ။ ဍုၚ်ကိုဝ်ရဳယျာသၠုၚ်ကျာ ကေုာံ ဂျပါန်တအ်ဂှ် ဒၞာဲလ္ၚဵုညးတအ် ရံၚ်ကဵုဂုန်ဖဵုပရေၚ်ပိုန်ဒြပ် ညးတအ်တုဲ ၜိုန်ရဟွံမိက်ပါ်ပဲါကြုက်ကီုလေဝ် ဆဂး ဒစဵုဒစးကဵုဇြဟတ်ဓရိုဟ်မဟာမိတ်အမေရိကာန်ဟွံမာန်ရ။ နေတိုဝ်လေဝ် ရံၚ်ကဵုဂုန်ဖဵုညးတအ်တုဲ ဟွံမိက်ဒးဓယံက်အမေရိကာန်တုဲ မိက်ဂွံက္ဍိုက်ပ်သဳကၠဳကေၚ်ကာအေန်ဒေါ-ဖသဳဖိက် ရဳဂျေန် ကော် Indo-Pacific Regionကီုရ။ ဂၠးတိဏံ ယြဴဍုၚ်လဵုမွဲဟွံဟီု ယဝ်ရဇၞော်ပြိုၚ်ပကာန်ကၠုၚ်မဂး နကဵုအမေရိကာန် ဒးပဒေါံကၟိုၚ်ဖျေံရောၚ်။ ဍုၚ်ရာတ်သာလေဝ် ကြဴနူသဵုဗဳယိတ်ယူနဳယာန် သရိုဟ်အာတုဲ သိက္ခာညးတအ် ပ္ဍဲဂၠးတိဏံအောန်စှေ်အာ၊ မုက်ဍောတ် မတ်သဝ်၊ ညးတၞဟ်တအ် ဖျဝ်အဆံၚ်တုဲဆက်ဆောံ၊ ဂကောံနေတိုဝ်တအ် စိုပ်ဇိုၚ်ပယျဵုဇကုတုဲ ပၠေတ်မံၚ်ဍာ်ပါၚ်ပ္ဍဲကတောဝ်ဂှ် ဒုၚ်စသိုၚ်ပရေံလောန် မိက်ဂွံကလေၚ်ဂွံဘဝတြေံ ညံၚ်ရဴဂကူမန်ပိုဲ စိုတ်ဟဳသွဝ်မံၚ်ကဵုအေန်ပါယျာမန်ခေတ်ကၠာတေံကီုရ။ ပရေၚ်ဒုၚ်စသိုၚ်စိုတ် သာ်ဝွံတအ်ဂှ် ဍေံဖန်ဗဒှ်မံၚ်ရာသဳဥတုပရေၚ်ဍုၚ်ကွာန်ဂၠးတိပိုဲရောၚ်။ ကြုက်ကဵုရာတ်သာ ဒှ်မွဲဇြဟတ်တုဲ ဍုၚ်ဍောတ်တ်တအ် မံက်ဂတဝ်ဗၠးၜးကၠုၚ်ဂှ် ၜိုန်ရဒှ်ဇြဟတ်စိုတ်ကဵုသွက်ပၠန်ဂတးဂွံဗၠးၜး ပ္ဍဲဍုၚ်ပိုဲကီုလေဝ် ဆဂး ဍုၚ်ၜါဝွံ ဒှ်ကၟာၚ်စက္ကဝါ သွက်အလဵုအသဳပၞာန်ဗၟာတအ်မွဲရောၚ်ဟွံသေၚ်ဟာ။ ညးတအ် နွံမံၚ် ထံက်မံၚ် ဂလာန်ဏီမဂး ဒပ်ပၞာန်ဗၟာတအ် ဂံၚ်သီမံၚ်အဝဵု ဒဵုတွဵုကဝ်ဂှ်တုဲ အပါအမေရိကာန်၊ အဳယူတအ်လေဝ် ညးတအ်ဟွံဒးဖေက်ရ။ ယဝ်ရဒးဟီုပတောံဥပမာမဂး သၟိၚ်နာဲဝၚ်ဇၞော်မသုန် မအုပ်ဓုပ်မံၚ်ဂၠးတိပိုဲဂှ် ညးတအ်ဂွံလဝ်ပေၚ်ၚ်ဂှ် ၜါတၠတုဲရောၚ်။ ဖျေံညး သကအ်ဟွံစှေ်ရ။ ဂလာန်သကိုပ်ပၞာန်ဗၟာ နာဲဇြဝ်မေန်ထောန် ကေၚ်ဟီုကၠုၚ်လဝ်ကြံၚ်ၚ်မ္ၚိုဟ်ဟ် နွံမွဲသာ်ဂှ်တုန်၊ ယဝ်ရဒး ဖေက်မံၚ်ဍုၚ်ဇၞော်ဇၞော်တအ်ဂှ်တှေ် ဍုၚ်ဗၟာညးလေဝ် မံက်ဂတဝ်ကၠုၚ်ပ္ဍဲဂၠးတိဏံဟွံသေၚ်ရောၚ်။ ဍေံနွံမွဲသာ်ဂှ် ဂကောံအေန်ယူဂျဳတအ် ဗတိုဟ်ဗမ်မဂး မၞိဟ်တအ်ချိုတ်ရ၊ ဒပ်ပၞာန်ဗၟာတအ် စကာက္ၜၚ်ကျာတုဲပန်သၠေက်မဂး မၞိဟ်တအ် ဒှ်လလေၚ်ရ။ ဆလအ် ပၞာန်ဗၟာ ကေတ်ဇၞးကုအေန်ယူဂျဳမာန်ရော၊ ဆလအ် အေန်ယူဂျဳကေတ်ဇၞး ကံၚ်သဳ ပၞာန်ဗၟာမာန်ရော၊ ဒပ်ပၞာန်ဗၟာပရေံဂလိုၚ်တေံ၊ အေန်ယူဂျဳပရေံခိုဟ်ဂလိုၚ်ဏံ ဂလာန်သၟာန်မြဴသာ်ဝွံ စွံလဝ်ကၠာ၊ တ္ၚဲဏံ ကောန်ဍုၚ်ပိုဲ စုတိချိုတ်အာမွဲစိတၠ၊ ဍုၚ်ကွာန်သ္ၚိဌာန် လေၚ်ဒိုက်အာ ဂလိုၚ်လဵုဂှ်ဟေၚ် မိက်ဂွံသၟာန်တီကၠာရောၚ်။ အခိၚ်ကာ လပိုဲဍောတ်တ်တေံ ကေၚ်ဗှ်လ္ၚတ်ကၠုၚ်ပရိုၚ် စပ်ကဵုပေဲါပၞာန် ပ္ဍဲယူဂေါသဠာဗဳယျာဂှ်တုန်၊ “အနိဌာရီုပေဲါပၞာန်- ဇကုဟွံမွဲကဵုက္ဍိုပ်၊ က္ဍိုဟ်မသက္ကုဇကုတအ်” ဂှ် ပေဲါပၞာန်ညးတအ် လလမ်ကၠုၚ် ၜိုတ်၂၇သၞာံဂှ် အခိၚ်တ္ၚဲဏံ ကလေၚ်ဒှ်ကၠုၚ်ညိညပၠန်ရ။ ပေဲါပၞာန် ဍုၚ်ပိုဲဂှ် ညံၚ်ရဴပၟတ်နရက် ဝေၚ်ပၠိုတ်ဟွံမွဲဂှ် ကောန်ညးဍုၚ်ကွာန်တအ် ဍေံဒှ်မံၚ်ညံၚ်ကောန်နရက်ဂျိုၚ်ၚ်ရောၚ်။ မဟာဝါဒဳဂ ကူဗၟာတအ်ဂှ် ဒှ်အဓိကမၞိဟ်စုတ်မံၚ်သၞပရက်ပၟတ်နရက်ဂှ်ရောၚ်၊ တုပ်သာ်ဂှ်ကီု ပ္ဍဲပၞာန်ဍုၚ်ညးတအ်ဂှ်လေဝ် မဟာဝါဒဳ သာပ်တအ် ဒှ်ၝောံလတေၚ်ဍေံကီုရောၚ်။ ဓဝ်သၟိၚ်စှ်ဟွံမွဲမဂး ဍုၚ်ဒဳမဝ်ကရေဇြဳလေဝ်ကဵုဒှ် ဒဳမဝ်ကရေဇြဳဟွံသေၚ်လေဝ်ကဵုဒှ် ညးဍုၚ်ကွာန်တအ် ကလိဂွံတသိုက်ဟွံမာန်ရ။ ။ Wunchay Rukchaytdee (ဓရီု) ၀၅:၀၃၊ ၂၁ မေ ၂၀၂၂ (+0630)