တရဴအအာ

နူ ဝဳကဳပဳဒဳယာ
တရဴအအာ
ဝှာင်:A-Aa.jpg
မဒက်ပတန် ၁ ဖေဖဝ်ဝါရဳ ၂၀၁၅; ၉ သၞာံ မတုဲကၠုင် (၂၀၁၅-၀၂-01)
ညးမဒက်ပတန် တၠဂုန်အဇ္ဇ
ဗီုပြင် ပရေင်မၞိဟ် ဂကူမန်
တင်ရန်တၟအ် မန်ရီုဗင်မန်
ဂကူကမၠောန် ပရေင်မၞိဟ်
ကောန်ဂကောံ
ကောန်ဂကူမန်
မထံက်ပင် နကဵုစေတနာ (စိုတ်ဓါတ်)

တရဴအအာ ဂှ် ဒှ်ပရေင်ကမၠောန် မရီုဗင်ညးဍုင်ကွာန် ဗွဲတၟေင် ဂကူမန် မစိုပ်ဒဒိုက် ဟိုတ်နူဘဲနာနာ နကဵုသြန်ဒါန် နူညးဍုင်ကွာန်နာနာတအ်တုဲ ဒှ်ကမၠောန် မဆက်စၠောအ် အကြာတၠဒါန် ကေုာံ ဒမုင်ဒါန် ကောန်ဂကူမန်လေဝ် ဟီုဂွံရ။ တရဴအအာဝွံ နကဵု တၠဂုဏ်အဇ္ဇ စခၞံဗဒှ်ပတိုန် နူသၞာံ ၂၀၁၅ နူမကဵုဒါန် ဂတာတၟအ် ကုကွးဘာ ဘာကောန်ဂကူမန် တန်မူလ ပ္ဍဲကဵု ဗဟဵုဗော်ဍုင်မန်တၟိ ၃၀ တၠတအ်ဂှ်တုဲ မံက်ဂတဝ်ကၠုင်ရ။ နူဂှ်မွဲကဆံင် သြန်ဒါန် ကောန်ဂကူမန် နူဌာန်ဇမ္ၚောဲကီု သီုကဵု အကြာဍုင်ကွာန် ကဵုဗစိုပ် ကုတၠဂုဏ်အဇ္ဇတုဲ တၠဂုန်အဇ္ဇဂှ် နဒဒှ် ဒဒန် စၠောအ်ဗစိုပ်ကဵု ကုညးဍုင်ကွာန် မစိုပ်ဒဒိုက် ဟိုတ်နူဘဲကပ်နာနာသာ် မပ္တံကဵု ဘဲပၟတ်၊ ဘဲဍာ်၊ ဘဲယဲ ကေုာံ ဒးတိုန်ရုင်ဂဥုဲ ဟိုတ်နူဒးဗုမ်တိတအ်ဒှ်တမ်ရ။

ဝင် ဗီုမကတဵုဒှ်ကၠုင်[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲကၞောတ်သၞာံ ၂၀၁၄ (ၜိုတ်နဝ်ဝေမ်ပါ) ဂှ် တၠဂုဏ်အဇ္ဇ စိုပ်အာ ဇရေင်ဗဟဵု ဗော်ဍုင်မန်တၟိရ။ အလဵုဇကုညးဂှ် ကေင်ဒှ်လဝ် အစာဘာ ပ္ဍဲဘာကောန်ဂကူမန်ကီုတုဲ စိုတ်စေတနာ နွံဒၟံင် လတူကောန်ကွးဘာဂမၠိုင်ရ။ ကာလမဂွံအခိင်ဂှ် ညးလုပ်အာဝေင် ဘာတန်မူလ ဌာနဗဟဵု ဗော်ဍုင်မန်တၟိရ။ ဘာတန်မူလဂှ်လေဝ် ၜိုန်ရ ဟီုဘာကီုလေဝ် တုပ်ဒၟံင် ညံင်ကဵုတာဲဂၠဴရ။ ပ္ဍဲဘာဂှ် ကွးဘာ နွံ ၃၀ တၠ။ ကွးဘာတအ်ဂှ် ဗွဲမဂၠိုင် ဒှ်ကောန်ဇာတ် ကောန်ပၞာန်မန် မတဝ်စၞေဟ်ဒၟံင် သွက်ဗၠးၜးဂကူမန်အိုတ်ရ။ ပ္ဍဲအခိင်ဂှ် တၠဂုဏ်အဇ္ဇ ဂွံညာတ်အာ ကွးဘာတအ် သီုဖအိုတ်ဂှ် ရပ်လဝ် ဂတာတၟအ် မေက်မေက် ထကးထကး၊ ကွးဘာသီုဖအိုတ်ဂှ် ဆညးမွဲကီု ဂွံလဝ် ဂတာတၟအ်ပေင်င် ဟွံမဲ၊ ညးလ္ၚဵုဂှ် ဂွံလဝ် မွဲကရေက်တုဲ ချူဒၟံင်လိက်တုဲ ဓဝ်ကာရုဏာ ကတဵုဒှ်ကၠုင်တုဲ ချပ်စိုပ်အာ ဇကုကောန်ကွာန်မုဟ်ဒုန် မဒှ်ကွာန် မကၠောန်ပတိတ် ဂတာတၟအ်မွဲတၠရတှ်ေ ဘာပံက် သၞာံဂတဏအ် အာရာန်ကေတ် ဂတာတၟအ်မွဲစန် (၅၀ မ) တုဲ သ္ဒးကၠုင်ကဵုဒါန် ဂတာတၟအ် ကုကွးဘာတအ်ဏအ်ရောင်။ တုဲပၠန် တၠဂုန်အဇ္ဇ ချပ်အာ ညံင်ရဴကွးဘာဗဟဵုစဏအ်ကီု ကွးဘာ ပ္ဍဲဘာကောန်ဂကူမန် ပ္ဍဲကၞောတ်ၜဳရေဝ်ဏအ်လေဝ် နွံပၟိက်ဒၟံင်ကီုရ။ နကဵု ပူဂိုလ်ဇကုမွဲတၠဓဝ်မ္ဂး သီုဖအိုတ် ဂွံကဵုမာန်ဂှ် ဟွံလောဲသွာ၊ တုဲဂှ် ချပ်စိုပ်အာ လပါ်သကအ်ရဲဇကုတြေံ မအာကၠောန်စဒၟံင် ပ္ဍဲဍုင်သအာင် မလေရှာ၊ ကိုဝ်ရိယျာ၊ သေံတုဲ အရေဝ်စိုပ်မ္ဂး ကသေအ်ကၟဝ်စ ဍေဟ်တအ် ခိုဟ်ရောင် ချပ်တိုန်ရ။

ဒါန် ဂတာတၟအ်[ပလေဝ်ဒါန် | ပလေဝ်ဒါန် တမ်ကၞက်]

တၠဂုန်အဇ္ဇ ဂွံအဆက် ကောန်ကွာန်မုဟ်ဒုန် မနွံဍုင်သအာင် ဗွဲတၟေင် ဍုင်သေံ၊ ဍုင်မလေယှာ၊ ဍုင်ကိုဝ်ရဳယျာတအ်ရ။ ကောန်ကွာန်မုဟ်ဒုန်တအ်ဂှ် နွံကဵု ဂကောံတုဲ နကဵုဂကောံကွာန်ဂှ် ချပ်ရေင်သကအ်တုဲ ပြင်နင်သြန်ဒါန် ကဵုတၠဂုအဇ္ဇ သွက်ဂွံကဵုဒါန် ဂတာတၟအ် ကုကွးဘာဂမၠိုင်ရ။ နကဵုသြန်မဒါန်ဂှ် ပ္ဍဲသၞာံ ၂၀၁၅ ဂှ် တၠဂုန်အဇ္ဇ ရာန်ကေတ် ဂတာတၟအ်ဗွဲမဂၠိုင်တုဲ အာကဵုဒါန် ကုကွးဘာ ပ္ဍဲဒေသကၞောတ်ၜဳရေဝ် ပ္ဍဲကွာန်ပၞင်ဗိုင်၊ စေဝ်ခပြု၊ ညဳသာ ကေုာံ ဗဟဵု ရ။ ဗီုရုပ်မအာကဵုဒါန်ဂှ် ပတိုန်ဏာ လတူ ဝှုက်ဗောက်တုဲ မၞိဟ်သအာင်တအ် ကေတ်နင်အဆက် မိက်ဂွံကဵုဒါန်ကီုတုဲ ဘာကောန်ဂကူမန် မနွံပ္ဍဲ ပွိုင်ဍုင်ဇြပ်ဗု၊ ပွိုင်ဍုင်ရေဝ်တအ်လေဝ် တၠဂုန်အဇ္ဇ ဂွံအာကဵု ဇၟာပ်ကွးဘာကီုရ။ ညာတ်ကေတ် နကဵုတၠဂုန်အဇ္ဇ အာဂတပၠတရဴ ဗက်ကဵုဒါန် ဂတာတၟအ် ပ္ဍဲဘာကောန်ဂကူမန်တုဲ နူကဵု ကွာန်တၞဟ်တအ်လေဝ် အာတ်မိက်ကၠုင် ကွးဘာပ္ဍဲဘာညးတအ်လေဝ် နွံပၟိက်ဒၟံင်ကီုရ။

စိုပ်သၞာံ ၂၀၁၆ ဂှ် ညံင်ရဴ သၞာံမတုဲကၠုင်တေအ်ပၠန် ကုညးမကေင်ကဵုလဝ်ဒါန်တအ်ဂှ် ဆက်ကဵုနင်ပၠန်တုဲ သွက်ဂွံအာကဵုဒါန် ဂတာတၟအ် သကောဟ် ကုကွးဘာတအ်ဂှ် တၠဂုန်အဇ္ဇ ပကောံရာန်ဂတာတၟအ်ရ။ ကာလတၠဂုဏ်အဇ္ဇ အာကဵုဒါန် ဂတာတၟအ် ပ္ဍဲပွိုင်ဍုင်ဇြပ်ဗုဂှ် သၟာဂဳတမန်ဒယှ် နဒဳ၊ အာဲသြန်၊ သြန်ဆာဲတအ်လေဝ် ဗက်အာကီုရ။ စိုပ်ဘာကောန်ဂကူမ္ဂး ဟိန်မကဵုဒါန် ဂတာတၟအ် ကုကွးဘာတအ်ဂှ် သၟာဂဳတတအ် သီုဒယှ်ေဒွက် ကရောမ်ကွးဘာတအ် မွဲစွံကီုရ။ ဗီုရုပ် ကေုာံ ဝဳဒဳယောဂှ် ပြးဇးအာ အလုံလိုက် လတူဝှုက်ဗောက်တုဲ မၞိဟ်စိုတ်လုပ်စ ပ္ဍဲကမၠောန်မကဵုဒါန်ဂတာတၟအ်ဂှ် ဂၠိုင်ကၠုင်ရ။ ကာလ တၠဂုန်အာကဵုဒါန် ပ္ဍဲပွိုင်လှာဒကှ်ဂှ် သၟာဂဳတမန်ဒယှ် ပါမောက္ခဆာန်၊ ဇာတိနာဲ၊ ပါမဇ္ဇတအ် ဗက်အာကီုရ။ သၟာဂဳတတအ် သီုဒယှ်ေတိင်တိုက် ကဵုဒွက် ကုကွးဘာမန်တအ်တုဲ ပ္ဍဲဝင် ဘာကောန်ဂကူမန်မ္ဂး သၟာဂဳတဒယှ် မကၠုင်ဒယှ်ေဒွက် မွဲစွံ ကရောမ်ကွးဘာတအ်ဂှ် ဒှ်အရာကိုပ်ကၠာအိုတ် ဒှ်အရာ မလုပ်စိုပ် ဂၠံသြိုဟ်မၞိဟ်တအ်ရ။ ပ္ဍဲဂှ် နာဲဇာတိနာဲ ဟီုဂဒိုဟ်ဝေင် ကွးဘာတအ် "ဂတာတၟအ်ဏအ် ညးဂှ်ကဵုလဝ်" တုဲ ကဵုသှ် "တၠဂုန်အအာ"။ မုဟိုတ်ရောမ္ဂး အကံက်ဝှုက်ဗောက်တၠဂုန်ဂှ် ကဵုလဝ်ယၟု "အအာ"၊ နကဵု ယၟုဂှ် ကောန်ၚာ်တအ် သမ္တီစလောဲရ။ ဟိုတ်တၠဂုန် မဂွံကဵုယၟု "အအာ" ဂှ် ညးညာတ်ကေတ် ဇၟာပ်မၞိဟ် ဆမဗှ်လိက်မန်ဒးညိညဂှ် ဗှ်ဂွံ ဗှ်ဒး၊ တုဲပၠန် ဗတောန်လိက်မန်မ္ဂး ဒးစကဵု "အအာ"ရ။ ဟိုတ်မဒှ်အရာ မဒးစဗတောန်ကိုပ်ကၠာအိုတ်တုဲ ညာတ်ဒး "အအာ" မ္ဂး စိုတ်မိက်ဂွံ ဆက်ဗတောန်လိက်မန်ဂှ် ကတဵုဒှ်ကၠုင်မာန်ရောင် ပတှ်ေကေတ်လဝ်ရ။ စနူဂှ်တုဲ ပရေင်ကမၠောန် ကဵုဒါန်ဂတာတၟအ်ဂှ် ဒှ်ကၠုင် ပရေင်ကမၠောန် "အအာ" ရ။ နူစ သၟာသုခုမတအ် ပါလုပ်ကၠုင် ပ္ဍဲကဵုကမၠောန်ဂှ်တုဲ မၞိဟ်ကဵုကၠုင်ဒါန်လေဝ် ဂၠိုင်ကၠုင်ကီုရ။ နူဂှ် မွဲကဆံင် တၠဂုန်အအာ တိတ်တရဴရ သွက်ဂွံရီု ကောန်ဂကူမန်ဂးတုဲ နကဵု နာဲဇာတိနာဲ ချူဒွက်မွဲ နကဵုယၟု "တရဴအအာ" တုဲ ကမၠောန်ရီုဗင် ကောန်ဂကူမန်ဝွံ ကလိဂွံကၠုင် နကဵုယၟု "တရဴအအာ" နူကဵုသၞာံ ၂၀၁၆ တေအ်ရ။[၁][၂][၃][၄][၅][၆][၇][၈]

သြိုင်ဘာဗတောန်လိက် ဒေသလှာဒကှ်[ပလေဝ်ဒါန် | ပလေဝ်ဒါန် တမ်ကၞက်]

စိုပ်သၞာံ ၂၀၁၇ ဂှ် သြန်မဒါန် နူကဵု ကောန်ဂကူမန်နာနာတအ်ဂှ် ပကောံတုဲ ဂွံကဵုဏာဒါန် ဂတာတၟအ် ကုကွးဘာ သီုဖအိုတ် ၁၃၃ ဘာ ပ္ဍဲဒေသပွိုင်ဍုင်ရေဝ်၊ ပွိုင်ဍုင်ဇြပ်ဗု၊ ပွိုင်ဍုင်လှာဒကှ်။ ဆဘာ ကွာန်ဟံသာတၟိ ကဵု ဘာကွာန်သ္ၚိကျာ ၜါကွာန်ဟေင် ဟိုတ်နူဂၠံင်တရဴဟွံဒးတုဲ နကဵုအလဵုဇကု ဟွံအာစိုပ်၊ ဆဂွံပလံင်ဏာ မဒါန်ဟေင်ရ။ ပ္ဍဲအခိင် မစိုပ် ကွာန်ဝေသာလဳ ပလိုတ် (ပွိုင်ဍုင်လှာဒကှ်) ဂှ် ဂကောံတရဴအအာ အာဘာဗတောန်လိက်ရ။ အခိင်ဂှ် ဗြဲဂူဒၟံင်ဖြေအ်ဖြေအ်။ စိုပ်ဘာဂှ် ဂွံဆဵုကေတ် ဘာခရိုဟ်ဟ် ကၟဳထောင်င် ကွးဘာလေဝ် ဟွံမဲ၊ အစာဘာလေဝ် ဟွံမဲ။ ဆဵုမၞိဟ်မွဲ အလဵုကွးဘာတအ် မနွံရောတုဲ ညးပညုင်ဏာ ဘာလကျာ်ရ။ ပ္ဍဲအခိင်ဂှ် တၠဂုန်အဇ္ဇ ကေုာံ နာဲဇာတိနာဲ၊ ပါမောက္ခဆာန် တက်ဗဳဒဳယောဟီုဂး ပရူအောန်စိုတ် မညာတ်ဒး ဘာကောန်ဂကူမန် မလီုလာ်စာ်ထောင်ဒၟံင်ဂှ်တုဲ ပြာပ်အာ ဇရေင်ဘာလကျာ်ရ။ ဟိုတ်နူ ဘာဂှ်ခရိုဟ်လီုဒၟံင်တုဲ ကျာ်ဇၞော်ကဵုအခေါင် ဗတောန်လိက် ပ္ဍဲဘာလကျာ်ရ။[၉] [၁၀][၁၁] ဂကောံတရဴအအာတအ် စိုပ်ဘာလကျာ်ဂှ်ဗက် မုဟွံဟီုမွဲသာ် ကော်အစာၝောအ်ၜါတၠ ပ္ဍဲဂတ မၞိဟ်ဂမၠိုင်ဂှ် ဒုင်ကဵု သြန် ၜါကိုဋ်။ တၠဂုန်သၟာန် ညးဂမၠိုင် "လှုဲၜါကိုဋ်ဏအ် တၠဂုန်ကဵုဒါန်ဂှ် သွက်မုတီဟာ"။ ညးတအ်ဟွံတီ။ တၠဂုန်ဆက်ဟီု ဒဒှ်ရ ညးတအ်ကဵုဒါန် သွက်သြန်တမ် ဂွံသြိုင်တၟိရ။ တၠဂုန်သၟာန်ညးဂမၠိုင် "ဒြဟတ်သြန် ကဵု ဒြဟတ်မၞိဟ် အရာလဵုဒှ်အဓိကရော"။ ညးကွာန်တအ်ဟီု "ဒြဟတ်သြန်အဓိကရ။ သြန်ဟွံမဲ မုကၠောန်ဟွံဂွံ။" တၠဂုန် ကလေင်ဟီု "ဒြဟတ်မၞိဟ် မကၠောန်ကမၠောန်နွံတှ်ေ သြန်ဒှ်ကၠုင်ရ။ ဟိုတ်ဂှ်ရ ဒြဟတ်မၞိဟ်ဂှ် အဓိက။ မၞိဟ်ၜိုတ်လဵုဝါတ်တ် စိုတ်ဓါတ် ကဵု လညာတ် ညံင်ဟွံဂွံဝါတ်ဂှ် ကိစ္စဇၞော်ရ။" တုဲဂှ် ညးတအ် ချပ်ရေင်သကအ် သွက်ဂွံသြိုင်ဘာတၟိဂှ် ဒက်ဂကောံသြိုင်ဘာမွဲ၊ ပ္ဍဲဂှ် အစာဘာ၊ ညးဍုင်ကွာန်၊ ကမ္မတဳခရိုင် ဗော်ဍုင်မန်တၟိ ကေုာံ ကျာ်ဇၞော်ကွာန်ဝေသာလဳပလိုတ် ပါလုပ်တုဲ ဒက်လဝ်ဂကောံသြိုင်ဘာရ။

ကောန်ဂကူမန် နူကဵု ဍုင်နာနာ ဂွံညာတ်ကေတ် ဝဳဒဳယောတၠဂုန်အဇ္ဇ၊ ပါမောက္ခဆာန် ကေုာံ နာဲဇာတိနာဲတအ် မတက်လဝ် ဘာဝေသာလဳပလိုတ်ဂှ်တုဲ မၞိဟ်တအ် ဆက်နင် မိက်ဂွံကဵုဒါန်သြန်ကီုလေဝ် ဒၞာဲမဒုင်တဲသြန် ဘာဏ်ဟွံမဲတုဲ သွက်ဂွံဒုင်တဲသြန်ဒါန်ဂှ် ဆဵုဂဗ တင်ဝါတ်ဂါတ် တၟာဂလိုင်ရ။ တၠဂုန်အဇ္ဇ ကလိဂွံအဆက် ကုတၠဂုန်သုဝဏ္ဏ (ဇာတိကွာန်သၞေဟ်ဍုင်) မပဒတဴ ပ္ဍဲဍုင်သေံ၊ တၠဂုန်ဂှ် အကံက်ဘာဏ်ညး နွံတုဲ ညးဒုင်ကဵုတဲသြန်ရ။ တုဲပၠန် သွက်ဍုင်မလေယှာဂှ် နာဲသာင်ဝဏ္ဏ ကေုာံ သၟာဂဳတဒယှ် နာဲအကးပေင် ဒုင်ကဵုတဲသြန်ဒါန် နူမလေယှာရ။ ဗွဲတၟေင် ဂကောံပုညကာရဳ (ဍုင်ဂျပါန်) ဂှ် နကဵုဂကောံညးတအ် ချပ်လဝ် သွက်ဂွံထံက်ပင်အာ ပရေင်ပညာကောန်ဂကူမန်နွံကီုလေဝ် ညးလဵု ညးတအ် မဂွံဆက်ရောဂှ် ညးတအ် ဟွံတီရ။ ဂွံဆဵုကေတ် ပရေင်ကမၠောန်တၠဂုန်အဇ္ဇတုဲ ကေတ်အဆက် ကုတၠဂုန်တုဲ ကိုပ်ကၠာအိုတ် ပြင်နင်ကဵု သြန် ၃၀ ကိုဋ်။ ဗွဲကြဴ ဇၟာပ်ၜါဂိတု မွဲအလန် မွဲအလန်မ္ဂး ပလံင်နင် သြန် အကြာ ၃၀ - ၅၀ ကိုဋ်၊ လဆောဝ်မ္ဂး စဵုကဵု ၇၀ ကိုဋ်လေဝ် နွံကီုရ။[၁၂][၁၃]

ဟိုတ်နူ မကလိဂွံ သြန်ဒါန် သွက်သြိုင်ဘာဂၠိုင်ကၠုင်ကီု တုဲပၠန် ဘာကောန်ဂကူမန် ပ္ဍဲဒေသလှာဒကှ်တအ် သီုဖအိုတ် နွံ ၁၆ ဘာဂှ် ဗွဲမဂၠိုင် ဘာခရိုဟ်လီုဒၟံင်သၟးတုဲ ပါဲနူ ဘာကွာန်ဝေသာလဳပလိုတ်တုဲ ပ္ဍဲကွာန်တၞဟ်ပၠန် ပန်မ စသြိုင်ကီုရ။ ကာလပံက်ဘာ သၞာံ ၂၀၁၈ ဂှ် ဘာတုဲအာခိုဟ်ဟ်ၜါဘာ ဘာဝေသာလဳပလိုတ်၊ ကဵု ဘာကွာန်ဖဴခပဵု သၟေဟ် ၃ ဘာဂှ် တုဲဒှ်အာ ၜိုတ်မံင်ဂွံရ။ ဂိတုမေ ၂၀၊ ၂၀၁၈ ဂှ် ပသဘင်ပအပ်ဘာရ။[၁၄][၁၅]ဘာဝေသာလဳပလိုတ်ဂှ် အိုတ်အာသြန် ၜိုတ် ၄၀၀ ကိုဋ်ဂှ် ရဲကွာန်တအ် စုတ်ကဵု သြန်သီုဖအိုတ် ဗဒါဲ ၁၀၀ ကိုဋ်။ သီုဖအိုတ် ကလိဂွံသြန်ဒါန် ၜိုတ် ၁၀၀၀ ကိုဋ်တုဲ အိုတ်အာ သြန်ဒါန် ၉၀၀ ကိုဋ်ပြင်ရ။

ထံက်ပင် ကမၠောန်သြိုင်ဘာကောန်ဂကူ[ပလေဝ်ဒါန် | ပလေဝ်ဒါန် တမ်ကၞက်]

အကြာသၞာံ ၂၀၁၈ ကဵု ၂၀၁၉ ဂှ် ပ္ဍဲဒေသမုဟ်ဍုင်လေဝ် နကဵုအစဳအဇန် ကွာန်ညးကဵုညးဂှ် စသြိုင်ကၠုင် ဘာကောန်ဂကူမန်ကီုရ။ နကဵု တရဴအအာဂှ် ဖျေဟ်လဝ် သ္ဂုတ်သွာတ် ကွာန်လဵုဟွံဟီု ယဝ်ရ သြိုင်ဘာကောန်ဂကူမန်တၟိမ္ဂး ကဵုဒါန် ၂၀ ကိုဋ်။ ယဝ်ရ ပလေဝ်ဘာမ္ဂး ကဵုဒါန် ၁၀ ကိုဋ်ရ။ ဆဂး ကွာန်ခရိုင်စိင်ဂှ် ဟိုတ်နူ ကွာန်ဍောတ်တုဲ နကဵု တရဴအအာ ကဵုဏာ ၅၀ ကိုဋ်ရ။[၁၆][၁၇]

ဂလာန်သၟာန် လတူကမၠောန် ကေုာံ လဒက်ပ္တန်ဂကောံ[ပလေဝ်ဒါန် | ပလေဝ်ဒါန် တမ်ကၞက်]

နကဵု ပူဂိုလ် နာဲဨရာမာန် ညးမပဒတဴ ပ္ဍဲဍုင်နေတာလာန်ဂှ် ချူပတိုန် သၟာန်လဝ် ပ္ဍဲဝှုက်ၜောက်ညးတေအ် ဗီုဏအ်။

  • မိက်ဂွံလုပ် ဂကောံတရဴအအာတှ်ေ နကဵုဗီုပြင်လဵုဂွံ ဒှ်ကောန်ကောန်ဂကောံမွဲ မၞိဟ်ဂကူဗီုလဵုမှ တရဴအအာ သ္ပစၟတ်သ္တီဒှ် ကောန်ဂကောံမွဲရော?
  • ညးဂှ် ဒုင်တဲစၟတ်သ္တီဂွံဒှ် ကောန်ဂကောံတရဴအအာရော၊ ဒှ်ကောန်ဂကောံမွဲတုဲ ဗီုပြင်သၞောတ်ဝ်လဵု သ္ဒးဒ္ဂေတ်ဗက်ထေက် ဟွံထေက် ညးမလုပ်ဂကောံတရဴအအာ သောင်က္လးကဵုညိ။
  • တရဴအအာဂှ် ကၠောန်မံင်ဂမၠောန်ရီုဗင်ဂကူမန်ရ ဗီုပြင်ရီုဗင်ဂကူ ကေုာံ တင်ရန်တၟံဂကောံ ဗီုပြင် သၞောတ်ဝ်ဂကောံ မွဲမွဲ ညးတာလျိုင်တရဴအအာတအ် သောင်က္လးကဵုညိ။
  • ကမ္မတဳတာလျိုင် တရဴအအာတအ် ရီုဗင်မံင်ဂကူဂွံစိသၞာံတုဲ သြန်လုပ် သြန်တိတ် ပဍဲဂကောံ သောင်က္လးသြန် Budget မွဲသၞာံ သုင်စောဲအိုတ် မုစိရော ညးတာလျိုင်ကမ္မတဳ ပံင်တဲ ဂကောံတရဴအအာတအ် သောင်ထ္ၜးကဵုညိ။
  • ဥက္ကဋ္ဌ ဒုဥက္ကဋ္ဌ ညးရေင်တၠုင်ဖိုလ် ဒုင်ညးရေင်တၠုင်ဖိုလ် ကေုာံ မၞိဟ်ထိင်ဒဝ်သြန် မၞိဟ်ထိင်စရင်သြန် မၞိဟ်စၟဳစၟတ်စရင်သြန် လုပ်တိတ် ညးတာလျိုင် ဂကောံရေင်တၠုင်ဖိုလ် တရဴအအာတံသောင်က္လးကဵုညိ။[၁၈]

ပ္ဍဲမွဲစွံကဵု လိက်ဂှ် ညးတေအ် ချူလဝ်

  • ပွမရီုဗင်ထံက်ပင်ဒဒိုက်ကောန်ဂကူဂှ် ဟွံကၠောန်သ္ပပွမကေတ်စမုက်တုဲ ရီုဗင်ထံက်ပင် ဒဒိုက်ကောန်ဂကူဇေတ်တ်ဍာံဍာံပြပြညိ။
  • ပွမထၜးကၞုဲ အာတ်မံင်သၠုဲဂှ် အေင်ဒုင်မွဲဝါညိ တက်ဓယံက်ကဵု ဂကောံညး+ဗော်ညးတုဲ ပတိတ်စမံင်ပရဲ သၠဲဇၞော်မံင်ဇြဟတ်ဇကုဂှ် လ္ပကၠောန်ညိ။
  • ဇၟာပ်ဗော်ဇၟာပ်ဂကောံကမၠောန်ချဳဒရာင် ညးနွံတုဲ နွံပၟိက်မံင်သြန်ဂအုံရ ညးတၠဒါန်တအ် ရန်တၟအ်ကဵု ဂကောံညး၊ ဗော်ညးတုဲ ထံက်ပင်ညိ၊ ပွမထံက်ပင်ပူဂိုလ်ဟွံမွဲကဵုစရင်သြန်လုပ်တိတ်ဂှ် အေင်ဒုင်ညိ။
  • ဒုင်သဇိုင် ကဵုဗော် ဂကောံတုဲ ဂွံအခေါင်ကၠောန် ပရေင်ဂကူရ၊ ဟိုတ်နူဒုင်သဇိုင်ကဵု ညးတအ်တုဲ ဇကုကၠိဂွံပေါဲအံင်ဇၞးဂှ် လ္ပထေင်ဇၞော်ကဵုစရာဲပူဂိုလ်ဇကုညိ၊ ကေတ်ဂုဏ်စရာဲ လတူဂကောံ၊ ဗော်ညိ။
  • မိက်ဂွံယိုက်ဂၠေင်တာလျိုင်ဂကူမ္ဂး သ္ၚဳဂၠိပ်ရံင် တင်ရန်တၟအ်ဗော်ညး၊ ဂကောံညးတုဲ ယိုက်ဂၠေင်ညိ။ တင်ရန်တၟအ်ညး ဟွံတုပ်ကဵုဇကုမ္ဂး အခိင်အိုတ် ဓဝ်ပတှ်ေဟွံမွဲကၠုင်မ္ဂး စိုတ်ဓါတ်စှ်ေလောဲတုဲ ကျဗြမ်ဘဝရ။[၁၉]

စပ်ကဵု ဂလာန်သၟာန် ကေုာံ လဟီုနာဲဨရာမာန်တုဲ ၜိုန်ရ နကဵုညးမအာဂတပၠတရဴ ဟွံခၠေဝ်သှ် တပ်ပ်ကီုလေဝ် နကဵု တရဴအအာ ကၠောန်ဗဒှ် ဝိုင်တက်ကျာတရဴအအာ ပ္ဍဲကဵု ဇာန်နဝါရဳ ၁၀ တုဲ မၞိဟ်မပူဗိုင်တရဴအအာဂမၠိုင်ကီု သီုကဵု မၞိဟ်မ္ၚး အလုံလိုက်၊ မၞိဟ်နူကဵုဍုင်သြသတြေရဳယျာ၊ ကိုဝ်ရိယျာ၊ ဂျပေန်၊ သေံ၊ မလေရှာ၊ ဍုင်မန်ဗၟာ၊ ကၟိန်ဍုင်ပံင်ကောံအမေရိကာန်၊ ခနေဒါ၊ ရးယူရောပ် (ဒိန်မက်) တိုန်စိုပ် ပ္ဍဲကဵု Zoom Conference မၞိဟ်သီုဖအိုတ် ပိစှ်ောတြဴတၠတုဲ ကောန်ဖရေန်ဂှ် ဗလးလဝ် Live ပ္ဍဲမုက်လိက်ဝှုက်ၜောက်တရဴအအာဂှ် မၞိဟ်မဗဵု နွံအကြာ ၄၅၀-၅၀၀ တၠ။ နာဲသိုက်ဆာန်ဂှ် ဒှ်မၞိဟ်သကိုပ်ဝိုင်ကျာဂှ်ရ။ နကဵု နာဲဨရာမာန် ကေုာံ မၞိဟ်လညာတ်တၟုပ် ကုညးတေအ် ၜါတၠ နာဲစူဠာနန်၊ နာဲဆာန်လွဳဟံသာ ဂှ်လေဝ် နကဵု တၠဂုန်အဇ္ဇ ပလံင်လဝ်လိက်ဘိက် ကဵုလဝ် ဂၞန်လုပ်ကောန်ဖရေန် သွက်ဂွံသၟာန် အရာဇကုမိက်ဂွံတီ ပ္ဍဲကဵုဝိုင်ဂှ်ကီုလေဝ် ညးတအ် ကလေင်ကဵုပရိုင် ညးတအ်တိုန်စိုပ်ဟွံမာန်ရ။[၂၀]

ပ္ဍဲကဵု ဝိုင်ဂှ် ဗွဲကိုပ်ကၠာ တၠဂုဏ်အဇ္ဇ လဴထ္ၜး ပရူဗီု တရဴအအာ မကတဵုဒှ်ကၠုင် ဗီုညးစကဵုဒါန်ဂတာတၟအ်၊ နူဂှ် ဒှ်အာ ကမၠောန်သြိုင်ဘာကောန်ဂကူ၊ ကမၠောန်ရီုဗင်ဂကူမန် နကဵု ဂမြဴ "မန်ရီုဗင်မန်" ပွိုင် ၁၆ မိနေတ်(အတိုင်ဝင်ဗွဲလတူ)။

တုဲဂှ် နာဲသိုက်ဆာန် သကိုပ်ဝိုင်ကျာ သၟာန် နာဲဇာတိနာဲ သၟာဂဳတ ကေုာံ ညးမချဳဓရာင် ပရေင်ဂကူ ဗီုလဵု ကေုာံ အရာလဵု မချဳဓရာင်ကၠုင် ပ္ဍဲကဵု တရဴအအာရောဂှ် နာဲဇာတိနာဲ ညးလဴထ္ၜးကဵု ပရူ ဗီုညးမဂွံပူဗိုင်ကၠောန် ကမၠောန်တရဴအအာဂှ် နကဵုညး ဂွံပါလုပ်ကၠောန် နူတမ်ကၠာအိုတ်တေအ် ဟွံသေင်၊ လဇုဲနူညးတၞဟ်ညိ။ မၞိဟ်မပူဗိုင်ကၠောန်ကၠာအိုတ်ဂှ် နာဲဘာဲ ကဵု နာဲသြန်လွဳ။ ညာတ်ကေတ် ကမၠောန်တၠဂုန်မကဵုဒါန်ဂတာတၟအ်ဂှ် ဒှ်ကမၠောန် မဒှ်ဂုန်ဖိုလ်ဂကူရောင်တုဲ ကသေအ်သၟာဂဳတတအ် ညံင်ဂွံပါလုပ်ကၠုင် ပ္ဍဲကမၠောန်ဂှ်။ ဗွဲကိုပ်ကၠာ ညးတၠရမ္သာင် မပါလုပ်ကၠာအိုတ်ဂှ် နဒဳ၊ ဂမ္ဘဳဆာန်၊ စပ်၊ သြန်ဆာဲ၊ အာဲသြန်။ ဗွဲကြဴညိ တၠရမ္သာင်ဒယှ်တှ်တအ်လေဝ် ပါလုပ် ပူဗိုင်ကၠုင်ကမၠောန်အအာ။

 

ညးဆက်လဴ ပရေင်ဆဵုဂဗညး ညိပၠန်၊ ကြဴနူ ကမၠောန်ကဵုဒါန် ထံက်ပင်ဂကူဂှ် ကတဵုဒှ်ကၠုင်၊ ရုပ်ရဴကမၠောန် မံက်ဂတဝ်ကၠုင်တုဲ တၠဂုန်အစာအဇ္ဇ သၟာန်ညးတအ် ဒဒှ်ရ ကမၠောန်ဏအ် ဒက်ပ္တန် နကဵု ဗီုပြင်ဂကောံ ဟွံခိုဟ်ဟာ။

 

စပ်ကဵု နာဲဨရာမာန် မဟီုပတိုန်လဝ်ဂှ်တုဲ နကဵုညး ဗီုလဵု ညးဒုင်စသိုင်ဂှ် ညးဆက်ဟီု မၞိဟ်လ္ၚဵုတအ် ဟီုနင် ဒဒှ်ရ "တရဴအအာဏအ်ဂှ် ပါ်ပရအ်စရောင်။ အရာဏအ်ဂှ် ဒှ်ပရေင်ဒုင်စသိုင် ဟွံခိုဟ်မွဲရ။ ၜိုန်ဂှ်လေဝ် အခေါင်ညးဟီု ဟွံမဲဟာ၊ နွံ၊ ဆၜိုန်ရ နွံဂှ်၊ မိက်ဂွံကဵုချပ်မွဲ ရဲမပတုဲဒၟံင်ဖိုလ် တရဴအအာဖအိုတ်ဏအ်ဂှ် ညးမွဲလေဝ် ဟွံအာတ်မိက်လဝ် သြန်ဂိတု ပ္ဍဲတရဴအအာ မွဲလှ်ေ။ နွံဂှ်ရ ကဵုဏာ။ ဥပမာ ဗီုအဲ ဇာတိနာဲ အဲအာဟွံမာန်ပုဟ်၊ ညးမွဲဂှ် ညးအာမာန်တှ်ေ ညးဂှ်အာရ။ ဟွံဒးကဵုတာလျိုင် ရေင်သကအ်။ နွံပၟိက် မိက်ဂွံထံက်ဒြဟတ် ဗပေင်ဒြဟတ်တှ်ေ ကတဵုကၠောန်မာန်။ ပိုယ်ကျာကၠုင်တုဲ နကဵုပူဂိုလ်အဲ ဒးစိုတ်ကမၠောန် (မကၠောန်) ဗီုဗီုစဏအ်။ မုပရောတှ်ေ ပရေင်ကဵုစၞောန်ညးသကအ်လေဝ် ဟွံမဲ၊ မိက်ဂွံထံက်ပင်ပၞာန် အာမာန် အာဟဂှ်။ ပိုယ်ဟီုကဵု တၠဂုန်မွဲဂှ် နကဵုတၠဂုန် လ္ပအာဗက်ဒုင်ဒါန်သြန်၊ တိုန်လတူလာင်တုဲ ဒုင်ဒါန်သြန်ဂှ် လ္ပပညိ။ အရာညးတၞဟ် မထံက်နင်တုဲတုဲတအ်ဂှ် ပသမ္တီကဵုညးတအ် လတူလပှ်ကျာ။"[၂၃]

 

တုဲဂှ် နာဲသိုက်ဆာန် ဆက်သၟာန် နာဲဗဳထဝ်မန်ဇြာ ဂကောံဟွံသေင်ပုဟ်၊ ဆဂး ရံင်အာကဵု ဂၠံင်တရဴ ပရေင်ကမၠောန် သြန်ဒါန်ကောန်ဂကူဂှ် ဗစိုပ်ဏာကဵု ညးဒမုင်ဒါန်၊ ဂကောံဟွံမဲမွဲသာ် ကၠောန်ဗီုဗီုဏအ် ပ္ဍဲကဵုဍုင်ဂၠးတိ ဒၞာဲတၞဟ် နွံဒၟံင်ကီုဟာ။

နာဲဗဳထဝ်မန်ဇြာ ညးသှ်ဏာ ဂလာန်သမာန်ဂှ် "ဗီုကဵု တရဴအအာဂှ် ဂကောံပ္ဍဲဂၠးတိဏအ် ဖံင်ဒေရှေန် ပ္ဍဲဂၠးတိဏအ် နွံတၟာဂလိုင်။ ဒးပတောအ် နကဵုဥပမာတှ်ေ ကြပ်အိုတ်ဂှ်တှ်ေ တုပ်ကဵု Isha Foundation ပ္ဍဲဍုင်အိန္ဒိယ။ ဖံင်ဒေရှေန်ဏအ်ဂှ် နကဵု သာဒ်ဂုရု ညးမနွံကဵု စရာဲဂုဏ်မွဲ နကဵုပူဂိုလ်ညးရ အာဂတပၠတရဴ။ ပ္ဍဲကဵု ဖံင်ဒေရှေန်ဂှ် မၞိဟ်မပူဗိုင်ကၠောန် နကဵုစေတနာ နွံဒၟံင် ဒစိတ်မဳလဳယာန်။ ပ္ဍဲကဵု မၞိဟ်မလုပ်ကၠောန်ဒၟံင်တအ်ဂှ် ပါမောက္ခလေဝ်နွံ၊ သၟာဂဳတဒယှ်လေဝ်နွံ။ ပ္ဍဲကဵု ဖံင်ဒေရှေန်ဂှ် ဒက်ပ္တန်လဝ် နကဵုဂကောံ ဥက္ကဋ္ဌ၊ ဂိုင်သြန် ဗီုဏအ် ဟွံမဲ။ မၞိဟ်မဒက်ပ္တန် သာဒ်ဂုရု မွဲရနွံ။ ညးတၞဟ်တအ်ဂှ် လုပ်ဗိုင်ကၠောန်ဖအိုတ်ရ။ ယဝ်ရ ဒးပတောအ် နကဵုဥပမာတှ်ေ တရဴအအာဂှ် တုပ်ဒၟံင်ကု ဣရှဖံင်ဒေရှေန်၊ ဆဂး ယဝ်ရ ပိုယ်ဒးပတောအ် နကဵုလၟိဟ် ကမၠောန်တှ်ေ ဒှ်ဒၟံင် ဍာ်မွဲခေါက်ကဵု ဍာ်ၜဳမှာသၟိဒ်ရ။ အရာညးမိက်ဂွံဟီုဂှ် ဖံင်ဒေရှေန်ပူဂိုလ်စဂှ်လေဝ် ဗီုဏအ်ကီုရ။ မၞိဟ်မွဲမွဲ ညးစုတ်သြန်တမ်ညးတုဲ ညးတၞဟ်ကဵုဒါန် ဂလိုင်ပတိုန်သြန်ဂအုံတုဲ ညးတအ် အာဗက်ထံက်ပင် ဒၞာဲမနွံပၟိက်။ ညးတအ် ဟွံဒက်ပ္တန်လဝ် နကဵုဂကောံ။ နဲကဲဏအ်ဂှ် နဲကဲတြေံလေဝ် ဟွံသေင်၊ နဲကဲတၟိလေဝ် ဟွံသေင်၊ နဲကဲ ဍေဟ်နွံဒၟံင်ရရ။

နာဲဗဳထဝ်မန်ဇြာလေဝ် ညးဆက်ဟီု ပရူလတူ နာဲဨရာမာန် မပတိုန်တြးလဝ် ပ္ဍဲမုက်လိက်ဝှုက်ၜောက်ညးဂှ်ကီုရ။ နာဲဨရာမာန် ယဝ်ရ တိုန်စိုပ် ဒၞာဲဏအ်ကီုမ္ဂး ဂလာန်သၟာန် ညးမိက်ဂွံတီဂှ် ညးသၟာန်ဂွံ။ ဆဂး ညးဟွံတိုန်ကၠုင်တှ်ေ အရာညးမိက်ဂွံတီဂှ် ညးဂွံသွဟ်ရောင် ညာတ်ကေတ်။ မုဟိုတ်ရောမ္ဂး တၠဂုန်အစာအဇ္ဇလေဝ် ညးပသောင်ကဵု ဗီုဟိုတ် တရဴအအာ ဂွံကတဵုဒှ်ကၠုင်တုဲရ။ တင်ရန်တၟအ် တရဴအအာဂှ် ဒှ်ကမၠောန်စမၠောအ်ဒဒန် အကြာတၠဒါန် ကဵု ဒမုင်ဒါန်ရ။ ကလိဂွံသြန်တုဲ ဂိုင်ဒေပ်လဝ် ဗီုဂှ်လေဝ် ဟွံသေင်တှ်ေ သွက်ဂွံ ဒးဒက်ပ္တန် ဂကောံပၟင်ပၟဲသြန်လေဝ် ဟွံဒးကေတ်။ ၜိုတ်ညးတၞဟ်မကဵုနင် ပလံင်ဗစိုပ်ဏာ ဇရေင်ဒမုင်ဒါန်တအ်ရ။ ဟိုတ်ဂှ်ရ နကဵုလညာတ်ညး နကဵုနဲဏအ်ဂှ် အာဂွံဒၟံင်ဟဂှ်ရ။ ပ္ဍဲပိုယ်လေဝ် နွံပၟိက်ဒၟံင် ဟဂှ်ရ။[၂၅]

နာဲဗဳထဝ်မန်ဇြာ ညးဆက်ဟီုညိပၠန်၊ "အဲဆဵုကေတ် post နာဲဨရာမာန်တုဲ အဲချပ်ဂွံ၊ အခိင်ကာလ အဲတိုန်ဒၟံင် ကဝ်လိက် ပ္ဍဲဒိန်မက်ဏအ်ဂှ် ပ္ဍဲကဵု ဘာသာပရေင်ဍုင်ကွာန်၊ ပ္ဍဲကဵုကဏ္ဍမွဲ၊ ပ္ဍဲဂၠးတိဏအ် ပြသၞာနွံနာနာသာ်၊ ပြသၞာလဵုမှ ပိုယ်ဂွံဟီု ပြသၞာဏအ် ဒှ် ပြသၞာမဆေင်စပ် ကုမၞိဟ်ဂလိုင်။ အရာဏအ်ဂှ် ညးတအ်ပိုင်ခြာလဝ်နွံ၊ ဥပမာဍေဟ် ပ္ဍဲကဵုသ္ၚိ ဗြဴကဵုတြုဟ် တက်ရေင်သကအ် ညိည၊ ကယျာန်ရေင်သကအ် ဣဏအ်လေဝ် ပြသၞာ။ ပြသၞာတအ်ဏအ်ဂှ် ပြသၞာပရေင်ဍုင်ကွာန် ပိုယ် ဟီုဟွံဂွံဏီ။ ပြသၞာ ဍေဟ်ဂွံစိုပ် ကဆံင်ပြသၞာပရေင်ဍုင်ကွာန်ဂှ် နွံဗီုလဵု၊ ညးတအ်ပိုင်ခြာလဝ်နွံ။ ဟိုတ်ဂှ်ရတှ်ေ ယဝ်ရ နာဲဨရာမာန် နွံတှ်ေ အဲမိက်ဂွံသၟာန် နာဲဨရာမာန်။ အရာနာဲဨရာမာန် မချူလဝ်ဂှ်တှ်ေ အဲဗှ်ရံင်တှ်ေ အဓိက နာဲဨရာမာန် မိက်ဂွံတီဂှ် စပ်ကဵုကဏ္ဍသြန်။ ဒှ်ဒၟံင် ညံင်ကဵု ညးဟွံပတှ်ေစ တၠဂုန်။ ညံင်ကဵု ရဲဂကောံတၠဂုန်တအ် ဂွံတုဲ ပရအ်စဒၟံင် ရေင်သကအ်ညံင်င်။ တုဲပၠန် အရေဝ်ဏအ် ဂွံမံက်ကၠုင်ဂှ် ဆက်စပ်ဒၟံင်ကဵု နကဵုတရဴအအာ ဖန်ဇန်ကၠုင် သွက်ဂွံ ရာန်ကွဳစက်။ ဟိုတ်ဏအ်တုဲ ကတဵုဒှ်ကၠုင်လေဝ် ဒှ်မာန်။ ယဝ်ရ နာဲဨရာမာန် နွံမ္ဂး အဲမိက်ဂွံသၟာန်နာဲမွဲ၊ ယဝ်ရ နာဲဟွံမဲတှ်ေ အဲဒးဟီု အတိုင်ဂှ် (တၠဂုန်အဇ္ဇ ဟီုတိုန် ဘိက်လဝ် ညးတအ်ရ ညးတအ် ဟွံတိုန်)။

 

ပ္ဍဲဝိုင်ကျာဂှ် ဇၟာပ်မၞိဟ် မတိုန်စိုပ်တအ် ဟီုဂး မုဟိုတ် ညးတအ် ဂွံပူဗိုင်ကမၠောန်တရဴအအာ၊ ကေုာံ ပရေင်ဆဵုဂဗကမၠောန်ညးတအ်နာနာသာ်။ တုဲပၠန် ကိစ္စလဒက်ပတန် တရဴအအာဂှ် ဒက်ပ္တန် နကဵုဂကောံ ထေက်ဟွံထေက်ဂှ်လေဝ် ချပ်ရေင်သကအ် နွံကီု။ ဆဂး မၞိဟ်ဗွဲမဂၠိုင် (ကြပ်သီုဖအိုတ်) ညာတ်ကေတ် ပြဟ်ဟ်ဏအ် အာအတိုင်ဗီုပြင်လၟုဟ် နကဵုပၠတရဴ တၠဂုန်အဇ္ဇတုဲ မၞိဟ်စိုတ်မနွံ အခိင်မနွံတအ်ဂှ် ဗိုင်ရီုဗင်ကၠောန်အာ ဗွဲမဗၠးၜးဂှ် ခိုဟ်အိုတ်၊ ဒှ်ကမၠောန်ဂၠိုင်အိုတ်။ ဗွဲကြဴ အကာဲအရာတၞဟ် ကတဵုဒှ်ကၠုင်မ္ဂး နကဵု ညးမပူဗိုင်တရဴအအာတအ် ဆက်ချပ်ဂၞန်အာပၠန်။[၂၇]

ထံက်ပင် ညးမဒးဘဲဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]

ကောန်ဂကူမန်တအ် ဒးဘဲပၟတ် ဗီုကဵု သ္ၚိတူ၊ ဍာ်ဇၞော်တအ်မ္ဂး နကဵု တရဴအအာ လလောင်တြးတုဲ မဒါန်နူကဵု ညးဍုင်ကွာန်တအ် မဆက်နင်ဂှ် ပလံင်ဗစိုပ် ညံင်ဂွံစိုပ် ခရိတ်ဂၠံင် ခရိတ်စဟွံနုက် အတိုင်လၟုဟ်ဂှ် ပလံင်ဗစိုပ်ဏာ ကုညးဓမုင်ဒါန်ရ။

ဘာပၞာန် ဗော်ဍုင်မန်တၟိ[ပလေဝ်ဒါန် | ပလေဝ်ဒါန် တမ်ကၞက်]

ဇၟာပ် ဗော်ဍုင်မန်တၟိ မပံက်ဘာပၞာန်မ္ဂး သွက်ဇွောအ်မ မပ္တံကဵု သ္ၚု၊ ကၠေင် မြေက် လသိုန်ဒှ်တမ် နကဵု တရဴအအာ ထံက်ပင်ကၠုင် နူသၞာံ ၂၀၁၅ စဵုကဵု အခိင်လၟုဟ်ရ။ ဇၟာပ်မအာကဵုဇွောအ်မမ္ဂး သၟာဂဳတမန်ဒယှ်ယှ်တအ် ဗက်အာကီုတုဲ ကဵုဒါန်တုဲ သီုဒယှ်လဟိင်ကဵု ဒွက်နာနာ ကုကွးဘာပၞာန်တအ်ကီုရ။[၂၈]

မဳဒဳယာ[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲသၞာံ ၂၀၁၆ ဂှ် နကဵု တရဴအအာ ကၠောန်ပ္တိတ် ပဠောအ် နကဵုတဆိပ်အအာရ။ သြန်ပရဲ နူကဵု ပဠောအ် ၂၀၀ ကိုဋ်ဂှ် နူသၞာံ ၂၀၁၉ ဂှ် ရာန်ကပေါတ်စက် သွက်ဂွံဗလး Live တုဲ ကဵုကောန်ဂကောံတအ် လိင်ဗလးလဳလတ်ရ။ ကမၠောန်မဆေင်ကဵု ဂကူ၊ သဘင်ဓရ်တအ်ဂှ် ဗလးကဵု သက်ကုင္ၚုဟ်။ သြန်မကလိဂွံ နူကဵုလိင်ဗလးလဳလတ်ဂှ် ကဵုခရိတ်ညးမကၠောန်တုဲမ္ဂး ဒးပၠုပ်စုတ် ပ္ဍဲသြန်ဂအုံဗွဝ်တရဴအအာရ။

ထံက်ပင်ပညာ[ပလေဝ်ဒါန် | ပလေဝ်ဒါန် တမ်ကၞက်]

နကဵု တရဴအအာ ချပ်လဝ်မွဲပၠန်ဂှ် သွက်ဂွံ ကဵုသြန်ထံက်ပင်ပညာ ကုကွးဘာမန် မအာကတ်ပညာ ပ္ဍဲဍုင်သအာင်၊ ကေုာံ ကွးဘာမိမဒိုက်ဂတ် မထံက်ပင်ခရိတ်ဘာ အပ္ဍဲဍုင် ဟွံမာန်တအ်ရ။ သွက်ကမၠောန်ဏအ်ဂှ် ပကောံစွံဂွံလဝ် သြန်တမ် နွံ ၁၀၀ ကိုဋ်တုဲ ဟွံဂွံ ဗၟံက်ရုပ်ရဴကမၠောန်ဏီရ။

ကမၠောန် သၞာံ ၂၀၂၁[ပလေဝ်ဒါန် | ပလေဝ်ဒါန် တမ်ကၞက်]

ကမ္မတဳကၠောန်ဗဒှ် ကဝးဒွက် ပတိုန်စရာဲ အစာကၞေဟ်ၜိုပ်ဍာဲ (ဥက္ကဋ္ဌဇၞော် ဗော်ဍုင်မန်တၟိ နာဲဟံသာ) ရန်တၟအ်လဝ် သွက်ဂွံပ္တိတ်ကဝး ဒွက်နာဲဟံသာ မချူလဝ်တြေံ ၈ ဒွက် ကဵု ဒွက်တၟိ ၄ ဒွက် သီုကဵု ဒွက်ကောန်ဂကူမန်ဂှ် တော်ကေတ် ဒးစကာသြန် သီုဖအိုတ် ၅၀ ကိုဋ်။[၂၉] ပ္ဍဲကဵုကမၠောန်ဏအ် နကဵုတရဴအအာ ကဵုထံက်ပင်ကဵုသြန်ကီုရ။


ကမၠောန် သၞာံ ၂၀၂၀[ပလေဝ်ဒါန် | ပလေဝ်ဒါန် တမ်ကၞက်]

တရဴအအာဂှ် ဒှ်ဒတန် မဆက်စၠောအ် အကြာညးတၠဒါန် ကေုာံ ဒမုင်ဒါန်တုဲ ကမၠောန်ပ္ဍဲပွိုင်မွဲမွဲသၞာံ မကၠောန်ကၠုင်လဝ်တအ်ဂှ် နကဵု ဝဳကဳပဳဒဳယာ မချူစၟတ်သမ္တီဖအိုတ် နကဵုနဲလဵုလေဝ် ဒှ်ဟွံမာန်။ ၜိုတ်မဗက်စိုပ် ကမၠောန်ဇၞော်ဇၞော်လ္ၚဵုတအ်ဟေင် ချူစၟတ်သမ္တီလဝ် အတိုင်ဗွဲမသၟဝ်ဝွံရ။

ထံက်ပင်ဇွောအ်မ ကွးဘာဂဥုဲ ဗော်ဍုင်မန်တၟိ[ပလေဝ်ဒါန် | ပလေဝ်ဒါန် တမ်ကၞက်]

ဌာနထတ်ယိုက် ဗော်ဍုင်မန်တၟိ မပံက်လဝ် ဘာဂဥုဲ ကွးဘာမတိုန်ဒၟံင် (၆၀) တၠဂှ် နကဵု တရဴအအာ ပ္ဍဲ ဂျူလာင် ၂၁၊ ၂၀၂၀ ဂှ် အာကဵုဒါန် ဇွောအ်မရ။ ကွးဘာဂဥုဲတအ်ဂှ် ဗွဲကိုပ်ကၠာ ဒးတိုန်လဝ် ကွတ်ပၞာန်သဇိုင်တုဲဟေင် ကလိဂွံအခေါင် တိုန်ဘာဂဥုဲရ။ ကွးဘာတအ် ဒးတိုန် ဘာဂဥုဲပွိုင် (၁၀) ဂိတုတုဲမ္ဂး ဂွံဒှ် အစာဂဥုဲပ္ဍဲဗော် သွက်ဂွံလွဳယဲ မင်မဲလမျီုကောန်သ္ဂံင်တအ်ကီု သီုကဵု ညးဍုင်ကွာန် ပ္ဍဲကဵုဒေသတအ်ရ။ ပ္ဍဲကဵု အခိင်မအာကဵုဒါန်ဝွံ နကဵုသၟာဂဳတဂမၠိုင်ကီု သီုကဵု ခမဳသင်တၞဟ်တအ် ဗက်အာကီုရ။ ကဵုဒါန်တုဲ သီုလဟိင်ကဵုစိုတ် နကဵုဂဳတ ကုကွးဘာဂဥုဲတအ်ကီုရ။[၃၀][၃၁]

ကဵုဒါန် ညးသ္ၚိတူ ကွာန်ကြုင်အညာ[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲ ဂျူလာင် ၁၇၊ ၂၀၂၀ ဂှ် ပ္ဍဲကွာန်ကြုင်အညာ ပွိုင်ဍုင်ရေဝ် သ္ၚိတူအာမွဲမတုဲ ပ္ဍဲ ဂျူလာင် ၂၀ ဂှ် နကဵုတရဴအအာ အာကဵုဒါန် သြန် (၅) ကိုဋ်၊ သ္ၚု (၃) ရိုက်၊ ကၠေင် (၁) စေဝ်။ ကရောမ်ညးဂှ် နူဂကောံဂဳတပံင်ကောံ ကဵုဒါန် သြန် ၁၃၀၀၀၀ ဒကေဝ်၊ နူကဵု ဒု-ဥက္ကဌ စၠတ်ထဝ် တွဵုရးဍုင်မန် ဒံက်တာအံင်နာင်ဥူ ကဵုဒါန် သြန် (၁) ကိုဋ်ကီုရ။[၃၂]

ဣနာဲမိခေန်ဇြုင် ကွာန်တၟိဂေါဝ်ဆာဲ (ရေဝ်သၠုင်ကျာ)[ပလေဝ်ဒါန် | ပလေဝ်ဒါန် တမ်ကၞက်]

မိခေန်ဇြုင် ဇာတိကွာန်တၟိဂေါဝ်ဆာဲ (ရေဝ်သၠုင်ကျာ) ကတဵုဒှ်ယဲဂိုဟ် သွက်ဂွံကရေက် ပ္ဍဲရုင်ဂဥုဲဇၞောတ်မတ်မလီုဂှ် ဟိုတ်နူသြန်ဟွံမဲတုဲ စိုပ်ဒၟံင်ဒဒိုက်ဂှ် နကဵု တရဴအအာ ဗိုင်ဆဝ်ဗ္ၚုဟ်တုဲ မိခေန်ဇြုင် ဂွံကရေက်မာန်အာရ။ [၃၃][၃၄][၃၅]

မိဇင်မာထောန် ကွာန်ဘာခတဵု[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲဂျူလာင် ၁၆၊ ၂၀၂၀ မိဇင်မာထောန် နူကွာန်ဘာခတဵု ကတဵုဒှ်ဒၟံင် ယဲကောန်ကၟအ် (ကျောက်ကပ်)တုဲ လွဳဒၟံင် ပ္ဍဲရုင်ဂဥုဲ (ဇာနည်အောင်) ဍုင်မတ်မလီုရ။ မိမၜါလေဝ်ဝါတ်ဒၟံင်တုဲ ဒှ်ဒၟံင်ခက်ခုဲ ခရိတ်ဂဥုဲဂှ် နကဵုတၠဂုဏ်အဇ္ဇ ဂွံဆဵုကေတ် ပရူဂှ် နူကဵု ဝှုက်ၜေါက်တုဲ ဆဝ်ဗ္ၚုဟ် ဗိုင်ကဵုဒါန်ထံက်ပင်ကီုရ။ [၃၆]

သ္ၚိတူ ကွာန်တၟအ်ကၞေင် (ရေဝ်)[ပလေဝ်ဒါန် | ပလေဝ်ဒါန် တမ်ကၞက်]

ဂိတုဂျောန် ၂၂၊ ၂၀၂၀ အခိင်သဝ်တ္ၚဲ ၃ နာဍဳ ၁၅ မိနေတ် သ္ၚိပ္ဍဲကွာန်တၟအ်ကၞေင်၊ ပွိုင်ဍုင်ရေဝ် သ္ၚိ ၁၈ မ၊ (ဂကောံသ္ၚိကၟိန် ၂၇၊ မၞိဟ် ၁၄၄)၊ တူအိုတ်၊ သ္ၚိ ၉ မ တူဆဗဒင်။ ပၟတ်တူဂွံ လလအ် ပွိုင် ၜိုတ် ၂ နာဍဳရ။ ညးတာလျိုင်တအ် စၟဳစၟတ်တုဲ ဂွံတီကေတ် ဟိုတ်ပၟတ်မတူဂှ် ဟိုတ်နူကဵု ဇုက်ပၟတ်ယှတ်ရ။ တ္ၚဲယး ဂျောန် ၂၃ ဂှ် နကဵု တရဴအအာ သြန် ၁၆ ကိုဋ်၊ အမာတ်မန် နာဲဒံက်တာအံင်နာင်ဥူ ဂှ် ၅ ကိုဋ် အာကဵုဒါန် ညးသ္ၚိတူအာ သီုဖအိုတ် ၁၈ မဂှ် ဒါန်သြန် မွဲမွဲသ္ၚိ မွဲကိုဋ်ဒကေဝ်၊ သ္ၚုဂှ် မွဲရိုက်၊ ညးသ္ၚိတူအာညိတအ်ဂှ် မွဲမွဲသ္ၚိ မသုန်လက် ကဵု သ္ၚုမွဲမွဲရိုက်ရ။ [၃၇][၃၈] ကောန်ဂကူမန် နူကဵုဒေသနာနာတအ် ပလံင်ဗစိုပ်နင်သြန်မဒါန် သွက်ညးဘဲပၟတ်ဂှ်တုဲ ပ္ဍဲ ဂျူလာင် ၅ ဂှ် နကဵု တရဴအအာ ပကောံဂွံသြန်ဒါန် သီုဖအိုတ် (၃၂၀၇၁၂၄၆) ဒကေဝ် (ပိကၠံၜါစှ်ောကိုဋ် ထပှ်လက် မွဲလ္ၚီ ၜါကၠံပန်တြဴ ဒကေဝ်)တုဲ အာကဵုဒါန် ကုညးသ္ၚိတူ ၁၈ သ္ၚိ၊ မွဲသ္ၚိ ၁၇၈၀၀၀၀ ဒကေဝ် (စှ်ထပှ်ကိုဋ် ဒစာံလက်)ရ။[၃၉][၄၀]

မိတေန်တေန်ဥူ ကရေက်ဝစ္စမဂ်[ပလေဝ်ဒါန် | ပလေဝ်ဒါန် တမ်ကၞက်]

မိတေန်တေန်ဥူ ဇာတိကွာန်ကအ်ကျာ် ကလိဂွံအာယုက် (၈) သၞာံ မိမၜါပြးဒၟံင် ရေင်သကအ်၊ မံင်ဇရေင်မိနော်၊ နူဂဝ်ဂှ် ဝစ္စမဂ် ဟွံမဲတုဲ ဒးပတိတ် အသုဘ(တရဴဇၞော်) နူကဵုပထောင်ဗုင်။ နကဵုတရဴအအာ ဂွံမိင်ကေတ် ပရိုင်ဏအ်တုဲ သွက်ဂွံကရေက် ဝစ္စမဂ် မိတေန်တေန်ဥူဂှ် ဗွဲကိုပ်ကၠာ ပ္ဍဲဂိတုဂျောန် ၃၊ ၂၀၂၀ ဂှ် ပံင်ကောံ ကုတၠဒါန်ဂမၠိုင်တုဲ အာကဵုသြန်ရ ၈ ကိုဋ်။ တုဲပၠန် နကဵု တရဴအအာ ဆဝ်ဗ္ၚုဟ်တုဲ[၄၁]သီုဖအိုတ် ဂွံထံက်ပင် ကဵုဏာဒါန် နူကဵု တရဴအအာ မွဲကဆံင် ၁၅၀၈၄၅၈၅ ဒကေဝ် (ကၠံမသုန်စှ်ောကိုဋ် ဒစာံလက် ပန်လ္ၚီ မသုန်ကၠံဒစာံဣသုန် ဒကေဝ်)။ ကောန်ၚာ်ဗြဴဂှ်လေဝ် ကလိဂွံအာ ယၟုတၟိ မိတိုင်ပ္ကဴမန်၊ ဂွံတိတ်ဗၠးအာ နူဘဝ မဒးပ္တိတ် အသုဘ ဒကဲဗုင်ရ။[၄၂][၄၃]

ဒါန်ကောန်ပျူတာ ဘာကောန်ဂကူမန် ညဳသာ၊ အင်ဒင်၊ ဝင်သပဝ်[ပလေဝ်ဒါန် | ပလေဝ်ဒါန် တမ်ကၞက်]

ရန်တၟအ်ကဵု ကွးဘာတန်သမၠုင် ဘာကောန်ဂကူမန် ပိဘာ၊ ညဳသာ၊ အင်ဒင်၊ ဝင်သပဝ်တုဲ နကဵု တရဴအအာ စဳဇန်ဖန်ကဵုဒါန် ကောန်ပျူတာ(တဲတြေံ)။ ကောန်ပျူတာတအ်ဂှ် ရာန်နင် နူဍုင်သေံ နကဵု င္ၚုဟ်မွဲမ ၄၉၀၀ ၜါတ်။ ဟိုတ်မကေတ်ဂလိုင်ဂှ်ရ မွဲမ ဒးကဵု ၂၂၀၀ ၜါတ်။ ဗွဲကိုပ်ကၠာ ရာန်လဝ် ၁၀၀ မ။ [၄၄] [၄၅][၄၆]

ဆက်ဗှ်[ပလေဝ်ဒါန် | ပလေဝ်ဒါန် တမ်ကၞက်]

ပြကိုဟ်[ပလေဝ်ဒါန် | ပလေဝ်ဒါန် တမ်ကၞက်]

  • နာဲဗဳထဝ်မန်ဇြာ သၟာန်သွဟ်လဝ် တၠဂုန်အဇ္ဇ ပ္ဍဲ ဂျူလာင် ၁၇၊ ၂၀၂၀။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. [မုက်ဝှုက်ဗောက် တၠဂုန်အဇ္ဇ တရဴအအာ ထံက်ပင် မဒါန်သြန် သွက်ဂွံသြိုင် ဘာကောန်ဂကူမန် ကွာန်ဝေသာလဳ(ပလိုတ်) ၅၀၀၀၀၀ ဒကေဝ်။] (27 July 2017).
  2. [မုက်ဝှုက်ဗောက် တၠဂုန်အဇ္ဇ တရဴအအာ ဗီုတြေံ ဘာကောန်ဂကူမန် ကွာန်ဝေသာလဳပလိုတ်] (27 July 2017).
  3. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ် ကွာန်ကအ်ဝါန် ပွိုင်ဍုင်ကျာ်မြဟ်] (16 July 2016).
  4. [မုက်ဝှုက်ဗောက် တၠဂုန်အဇ္ဇ တရဴအအာ ပ္ဍဲဘာကောန်ဂကူမန် ကွာန်ဂြိုပ်ခပုင် ပွိုင်ဍုင်ကျာ်မြဟ်] (15 July 2016).
  5. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ် ကွာန်ကံမသာံ] (14 July 2016).
  6. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ်] (14 July 2016).
  7. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ်] (14 July 2016).
  8. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ်] (14 July 2016).
  9. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ်] (17 July 2017).
  10. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ်] (17 July 2017).
  11. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဂတာတၟအ် ကွာန်ပၞင်ဗိုန် (ကၞောတ်ၜဳရေဝ်)] (16 July 2017).
  12. [မုက်ဝှုက်ဗောက် ပရိုင်နူဂျပါန် စရင်ကဵုဒါန်သြန် သွက်ပရေင်ပညာဂကူမန် နူဍုင်ဂျပါန် (ပ္ဍဲမွဲဂိတု)] (16 July 2018).
  13. [မုက်ဝှုက်ဗောက် ပရိုင်နူဂျပါန် စရင်ကဵုဒါန်သြန် သွက်ပရေင်ပညာဂကူမန် နူဂကောံမန်ဂမၠိုင် ဍုင်သေံ (ပ္ဍဲမွဲဂိတု)] (16 July 2018).
  14. [မုက်ဝှုက်ဗောက် တၠဂုဏ်အဇ္ဇ သဘင်ပအပ်ဘာ ကွာန်ဝေသာလဳပလိုတ်] (20 May 2018).
  15. [မုက်ဝှုက်ဗောက် ပရိုင်နူဂျပါန် စရင်ကဵုဒါန်သြန် သွက်ပရေင်ပညာဂကူမန် နူဂကောံမန်ဂမၠိုင် ဍုင်သေံ (ပ္ဍဲမွဲဂိတု)] (16 July 2018).
  16. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန် သွက်သြိုင်ဘာ ကွာန်ပလိုင်သီ] (16 July 2018).
  17. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန် သွက်သြိုင်ဘာ ကွာန်ဘာဒေါဝ်] (26 July 2018). “... ဂကောံပုညကာရဳ(ထံက်ပင်ပရေင်ပညာကောန်ဂကူမန်) ဍုင်ဂျပါန် ပကောံဂွံသြန်ဒါန်တုဲ ပြင်ဗစိုပ်နင်သြန်(၅၀)ကိုဋ်ဒ္ကေဝ်ရ။ ဆန္ဒရဲဂကောံဏံဝွံ( သြန်ဒါန်နူဂကောံပိုယ်ထံက်ပင်ဏာလၟုဟ်ဏံ ဒှာဲအစဳအဇန် ညးကွာန်တံသိုင်ဘာကောန်ဂကူမန်နွံဂ်ှကီု ဒၞာဲဘာခုင်ချူလိက်ကွးဘာတံ ဟွံဍိုက်ပေင်တံဂ်ှကီု ထံက်ပင်ကဵုဒါန်ညိ) ညးတာလျိုင်ဂကောံတံ ဟီုဂးလဝ်ကဵုတၠဂုဏ်ရ။ သြန်ဒါန်(၅၀)ကိုဋ်ဝွံ ပ္ဍဲအစဳအဇန်သိုင်ဘာကောန်ဂကူမန် ကွာန်ဘာဒေါဝ် ပွိုင်ဍုင်မုဟ်ဍုင်ဏံဂ်ှ ဂွံထံက်ပင်ဏာ(၄၀)ကိုဋ်ဒ္ကေဝ်တုဲရ။ သြန်သှ်ေမံင်(၁၀)ကိုဋ် ရန်လဝ်သွက်ဂွံကၠောန်ခုင်ချူလိက် ဒၞာဲဘာကောန်ဂကူမန် အာတ်မိက်လဝ်တံဂ်ှရောင် လောန်ကၠုင်မွဲဂိတုပြင်င်တေံ ကျာ်ဇှော်အ္စာသဳဟ(အဂုဏ်ချေတ်)ကီု သီုညးလျိုင်ပရေင်ပညာ(ခရိုင်မတ်မလီု) နာဲအံင်ဇၞး(ကွာန်လှာ)တံ ဆက်နင်ဖုင်တုဲ ဒဒ်ှရ ကျာ်ဇှော်အ္စာဘာဝင်ဗ္ကောတ် ကဵု ကောန်ကွာန်ဘာဒေါဝ်တံ ညးတံအစဳအဇန်သိုင်ဘာကောန်ဂကူမန်နွံဏောင် လပါ်အဂုဏ်အဇ္ဇတံ ဘိုင်ချဳဒရာင်ကဵုကီုညိ အာတ်မိက်နင်ရ ကလေင်ကေတ်ဏာအဆက်ကဵု ကျာ်ဇှော်ဘာဝင်ဗ္ကောတ်တုဲ သွက်ဂွံသိုင်ဘာဂ်ှ ညးတံဒက်လဝ်ကမ္မတဳသိုင်ဘာတုဲမံင်ရဂး ဂွံတီကေတ်အကာဲအရာတုဲ သြန်ထံက်ပင်နူဂကောံဂျပါန်အလန်ဏံဂ်ှ မ္ဒးထံက်ပင်ဏာ ပ္ဍဲကွာန်ဘာဒေါဝ်ဏံရ ပရေင်ဂွံစသိုင်ဘာဂ်ှ ဟိုတ်နူအခိင်ဗြဲတုဲ ပြဟ်ဟ်ဏံ ဒ်ှသိုင်ဟွံမာန်ဏီရ လိုက်ဝ်ှတိက်ှတေံမှ ဒ်ှသိုင်မာန်ရောင် ဘာကောန်ဂကူမန် ပ္ဍဲကွာန်ဘာဒေါဝ်ဏံဝွံ ဒ်ှမံင်တန်မူလလောန် နွံမံင်စဵုကဵု (၇)တန်ရောင် ညးတံဗ္တောန်မံင်လိက်(၂)ဌာနရ ပ္ဍဲဇြပ်မင်သဳ ဘာဝင်ဗ္ကောတ်ဂ်ှ မွဲဌာန ပ္ဍဲအရှာံကျာ်စေတဳကွာန်ဂ်ှ မွဲဌာနရ သီုဖအိုတ်ကွးဘာနွံမံင်(၈၀)တၠပြင်င်ရောင် ဂွံတီကေတ်ရ ဂကောံပုညကာရဳ(ဂျပါန်)ဝွံ သၟတ်မန်ပိုယ် နွံဒေသနာနာတံ ကသေကၟဝ်ညးသ္ကံတုဲ မွဲဂိတုမွဲဝါ ပကောံစုတ်မံင်သြန်ထံက်ပင်ရ ဆဂ်ှသၟးဟွံကဏီ နကဵုအစဳအဇန်တိတ်တရဴကီု အစဳအဇန်သွံဖျာဂကောံကီု ဂၠာဲမံင်သြန်ဗွဝ်နွံမံင်ရောင် ဂွံတီကေတ်ရ သၟတ်မန်ပိုယ်နကဵုတိုန်ဘာကီု နကဵုကၠောန် ကမၠောန်ကီု စိုပ်မံင်ဂျပါန်တေံ နွံမံင်ဗွဲမဂၠိုင်ကီုရ ပ္ဍဲကဵု မစုတ်မံင်သြန်ထံက်ပင်ဏံဂ်ှ မၞိဟ်ဟ်နွံမံင်ကၠံတၠပြင်င်ရ ဟိုတ်ဂ်ှရ သၟတ်မန်ပိုယ် ရဲစိုပ်မံင်ဍုင်ဂျပါ နွံမံင်ဒေသနာနာတံ ပကောံဇြဟတ်တုဲ ကေတ်အဆက်ကဵု ဂကောံပုညကာရဳ(ဂျပါန်)တံအိုတ်ညိ ညးညိအဲညိ ဘိုင်ထံက်ပင်သြန်ဂကောံအိုတ်ဂ်ှ မ္ဒးကသေံကူဝ်ဆဝ်မ္ၚုဟ်ဏာ နကဵုမေတ္တာရအဴ ညးတၠဒါန်ကောန်ဂကူမန်ပိုယ်စိုပ်မံင်ဍုင်ဂျပါန်တံကီု သီုကဵုအလုံကောန်ဂကူမန်ပိုယ် ညာတ်ဒးမဒါန်ပရေင်ထံက်ပင်ဘိုင်သိုင်ဘာကောန်ဂကူမန်ဏံတုဲ ကဵုဂွံမိပ်မြဟ်ဒ်ှပဳတိ အိုတ်တၟိုဟ်ကေတ်စိုတ်တုဲ ဒုင်ကေတ်သာဓုကာအိုတ်ညိအဴ ဇြဟတ်မန် နွံပ္ဍဲမန်ရ ပိုယ်ဒးပတှ်ေ ဇြဟတ်ပိုယ်ရ”
  18. ဟွံတီဒးသၟာန်သၠးအခေါင်သၟာန်မွဲဝါညိ ဒုင်ဏါဂုန်ရကျာ်/အဴ ချူပ္တိတ်လညာတ်ပူဂိုလ်ရကျာ်/အဴ (5 January 2021).
  19. ဟွံတီဒးသၟာန်သၠးအခေါင်သၟာန်မွဲဝါညိ ဒုင်ဏါဂုန်ရကျာ်/အဴ ချူပ္တိတ်လညာတ်ပူဂိုလ်ရကျာ်/အဴ (7 January 2021).
  20. ဝိုင်တက်ကျာတရဴအအာ (live) (49:50-50:57) (10 January 2021).
  21. ဝိုင်တက်ကျာတရဴအအာ (live) (17:20-19:17) (10 January 2021).
  22. ဝိုင်တက်ကျာတရဴအအာ (live) (19:45-20:49) (10 January 2021).
  23. ဝိုင်တက်ကျာတရဴအအာ (live) (21:40 - 23:26) (10 January 2021).
  24. ဝိုင်တက်ကျာတရဴအအာ (live) (24:29-26:10) (10 January 2021).
  25. ဝိုင်တက်ကျာတရဴအအာ (live)(27:43) (10 January 2021).
  26. ဝိုင်တက်ကျာတရဴအအာ (live) (35:40 - 39:28) (10 January 2021).
  27. ဝိုင်တက်ကျာတရဴအအာ (live) (10 January 2021).
  28. [မုက်က်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဇွောအ်မ သွက်ဘာပၞာန် ဗော်ဍုင်မန်တၟိ သၞာံ ၂၀၁၇] (25 July 2017).
  29. [မုက်က်ဝှုက်ဗောက် တရဴအအာ ကမ္မတဳကၠောန်ဗဒှ်ကဝးဒွက် ပ္တိုန်စရာဲ အစာကၞေဟ်ၜိုပ်ဍာဲ] (12-01-2၀21).
  30. [မုက်က်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဇွောအ်မ သွက်ဘာဂဥုဲ ဗော်ဍုင်မန်တၟိ ၂၁၊ ၀၇၊ ၂၀၂၀] (21 July 2၀20).
  31. [မုက်ဝှုက်ဗောက် တၠဂုန်အဇ္ဇ တရဴအအာ ကဵုဒါန်ဇွောအ်မ သွက်ဘာဂဥုဲ ဗော်ဍုင်မန်တၟိ သၞာံ ၂၀၂၀] (25 July 2၀20).
  32. [မုက်ဝှုက်ဗောက် ဒံက်တာအံင်နာင်ဥူ တရဴအအာ ကေုာံ ဂကောံဂဳတ၊ အမာတ်မန် ကဵုဒါန် ကုညးဒးဘဲပၟတ်သ္ၚိတူ ကွာန်ကြုင်အညာ ၂၀၊ ၀၇၊ ၂၀၂၀] (20 July 2၀20).
  33. [မုက်ဝှုက်ဗောက် တၠဂုဏ်အဇ္ဇ တရဴအအာ ဆဝ်မ္ၚုဟ် သွက်ဂွံဗိုင်ကဵုဒါန် ညးဒိုက်ဂတ် ဂွံကရေက်ကအ်] (17 July 2၀20). “... မိနာဲခေန်ဇြုင် ဇာတိကွာန်တၟိဂေါဝ်ဆာဲ ရေဝ်သၠုင်ကျာဏံ က္တဵုဒှ်ယဲဝေဒနာကအ်ဂုဟ်တုဲ ဒးကရေက်ရောင် ညးဘိုင်ရေင်တၠုင်ကဵုမွဲတၠ ဟီုနင်ရ သွက်ဂွံလွဳယဲဂှ် တိုန်စိုပ်မံင်ရုင်ဂဥုဲဇၞော်မတ်မလီုဏံယျ ညးဒိုက်ဝါတ်မွဲတၠရောင် ဂွံတီကေတ်ရ ဟိုတ်ဂှ်ရ စွံစိုတ်ညံင်မိဇကုမွဲတၠကီုတုဲ ညးညိအဲညိ ဘိုင်ထံက်ပင်မာန်မံင်ရောင် မ္ဒးကသေံကၟဝ်ဏာနကဵုမေတ္တာရ ...”
  34. [မုက်ဝှုက်ဗောက် တၠဂုဏ်အဇ္ဇ တရဴအအာ ဆဝ်မ္ၚုဟ် သွက်ဂွံဗိုင်ကဵုဒါန် ညးဒိုက်ဂတ် ဂွံကရေက်ကအ်] (17 July 2၀20). “... မိနာဲခေန်ဇြုင် ဇာတိကွာန်တၟိဂေါဝ်ဆာဲ ရေဝ်သၠုင်ကျာဏံ က္တဵုဒှ်ယဲဝေဒနာကအ်ဂုဟ်တုဲ ဒးကရေက်ရောင် ညးဘိုင်ရေင်တၠုင်ကဵုမွဲတၠ ဟီုနင်ရ သွက်ဂွံလွဳယဲဂှ် တိုန်စိုပ်မံင်ရုင်ဂဥုဲဇၞော်မတ်မလီုဏံယျ ညးဒိုက်ဝါတ်မွဲတၠရောင် ဂွံတီကေတ်ရ ဟိုတ်ဂှ်ရ စွံစိုတ်ညံင်မိဇကုမွဲတၠကီုတုဲ ညးညိအဲညိ ဘိုင်ထံက်ပင်မာန်မံင်ရောင် မ္ဒးကသေံကၟဝ်ဏာနကဵုမေတ္တာရ ...”
  35. [မုက်ဝှုက်ဗောက် တရဴအအာ တရဴအအာ အာကဵုဒါန် ကုညးဒိုက်ဂတ် ဂွံကရေက်ကအ်] (12 July 2၀20). “...တရဴအအာ ဘိုင်ထံက်ပင်ခရိတ်လွဳယဲ သွက်မိနာဲခေန်ဇြုင်(၃၀၀၀၀၀)ဒကေဝ်ကီုရ မိနာဲခေန်ဇြုင် ဇာတိကွာန်တၟိဂေါဝ်ဆာဲ ရေဝ်သၠုင်ကျာဏံ က္တဵုဒှ်ယဲဝေဒနာကအ်ဂုဟ်တုဲ ဒးကရေက်ရောင် ညးဘိုင်ရေင်တၠုင်ကဵုမွဲတၠ ဟီုနင်ရ သွက်ဂွံလွဳယဲဂှ် တိုန်စိုပ်မံင်ရုင်ဂဥုဲဇၞော်မတ်မလီုဏံယျ ညးဒိုက်ဝါတ်မွဲတၠရောင် ဂွံတီကေတ်ရ ဟိုတ်ဂှ်ရ စွံစိုတ်ညံင်မိဇကုမွဲတၠကီုတုဲ ညးညိအဲညိ ဘိုင်ထံက်ပင်မာန်မံင်ရောင် မ္ဒးကသေံကၟဝ်ဏာနကဵုမေတ္တာရ...”
  36. [မုက်ဝှုက်ဗောက် တၠဂုဏ်အဇ္ဇ တရဴအအာ ဆဝ်မ္ၚုဟ် သွက်ဂွံဗိုင်ကဵုဒါန် ညးဒိုက်ဂတ် ဂွံလွဳယဲကောန်ကၟအ် (ကျောက်ကပ်)] (16 July 2၀20). “...သၟတ်ဝုတ်မိဇင်မာထွန်း အာယုက်(၁၈)သၞာံ နူကွာန်ဘာခတဵု က္တဵုဒှ်မံင်ယဲ(ကျောက်ကပ်) လွဳမံင်ယဲ ပ္ဍဲရုင်ဂဥုဲ(ဇာနည်အောင်) မတ်မလီုရ မိမလေဝ်ဝါတ်မံင်တုဲ ဒှ်မံင်ခက်ခုဲခရိတ်ဂဥုဲရောင် ဂွံညာတ်နူfacebook အကံက်ကောန်ကွာန်ဘာခတဵု ပတိုန်လဝ်ဂှ်ရ မိဂှ်လေဝ်ဒှ်မံင်ယဲကျာ ရီုကောန်ဟွံမာန်တုဲ ညးမဒှ်ဣစဳဂှ် ဘိုင်မင်မွဲလွဳပရာမံင်ရောင် က္တဵုဒှ်မၞိဟ်ပ္ဍဲဘဝကောန်ဂကူမန်မွဲစွံဏံ ညးမွဲဒှ်ဒဒိုက် နဇြဟတ်ညးဂမၠိုင် ဘိုင်ယိုက်ဒိုက်ထံက်ပင်မ္ဂး ဟံင်ပြာ်လမျီုမာန်ရောင် ဟံင်ပြာ်လမျီုကောန်ဂကူဂှ် ဒှ်ကမၠောန်မင်မွဲဂကူမွဲသာ်ကီုရောင် ပတှ်ေစှ်ေစိုတ်ရ စွံစိုတ်ညံင်ကောဒေံတုဲ ဒးဘိုင်ရီုဗင်အာညးသ္ကံရောင် အကြာညးမွဲကေုာံညးမွဲ ဒက်ပ္တန်မေတ္တာညးသ္ကံမ္ဂး ကလိဂွံတသိုက်ရောင် ညးတၠဝေဒနာကီု ညးတၠဒါန်တံကီု သီုအလုံဂကူမန်ပိုယ် သတ္တံအိုဿီု ယဲဘဲကဵုလာဲလေင် ကဵုကလိဂွံတသိုက်လၟိုန်ညိအဴ...”
  37. အောင်, ရန်လင်း. မော့ကနင်ကျေးရွာတွင် နေအိမ် ၁၈ လုံးကျော် မီးလောင်သဖြင့် အိမ်ထောင်စု ၂၇ စုဘေးသင့်ခံရ.
  38. [မုက်ဝှုက်ဗောက် ဒေါက်တာအံင်နာင်ဥူ တရဴအအာ ကေုာံ ဒံက်တာအံင်နာင်ဥူ ကဵုဒါန် ညးဘဲပၟတ် ကွာန်တၟအ်ကၞေင်] (23 June 2၀20). “...
    1. သွက်ညးဒးဘဲပၟတ်သ္ၚိ(၂၄)မတံ ပလံင်ဗစိုပ် ထံက်ပင်သ္ၚုကေုာံသြန် မဒှ်ရ၊ #တရဴအာအာ #ဘိုဘိုဝင်း ကေုာံ သကအ်ရဲဂမၠိုၚ်တံအာစိုပ်ရီုဗၚ်မဒှ်ရ
    2. ဒီနေ့မနက်မှာ_မော့ကနင်ရွာ_မီးဘေးသင့်နေအိမ်(၂၄)အိမ်အတွက် #တရဴအအာနဲ့အတူ ဆန်နှင့်ထောက်ပံ့ငွေများ သွားရောက် ကူညီထောက်ပံ့ရငိး အားပေးစကားများပြောခဲ့ပါတယ်၊
    3. ယမန်နေ့ မွန်းလွဲပိုင်းက မီးလောင်မှုကြောင့် နေအိမ်(၁၈)လုံးကျွမ်းလောင်ခဲ့ပြီး ကပ်လျှက်နေအိမ်(၆)လုံးက တစ်စိတ်တစ်ပိုင်းပျက်ဆီးခဲ့ရပါတယ်၊ နေအိမ်(၁၈)လုံးတို့ကို ဆန်တစ်အိတ်နဲ့ငွေတစ်သိန်းစီနဲ့ ကျန်နေအိမ်(၆)လုံးကိုတော့ ဆန်တစ်အိတ်နဲ့ငွေငါးသောင်းစီ ထောက်ပံ့ပေးခဲ့ပါတယ်၊
    4. တရဴအအာ- ငွေ၁၆သိန်း၊ ဆန်၂၅အိတ်၊ #ကျွန်တော်မှ- ငွေ ၅ သိန်း ၊ (သဘာဝဘေးကာကွယ်တားဆီးရေးအတွက် လက်ခံရရှိထားတဲ့အလှူငွေမှ ထောက်ပံ့လှူဒါန်းခြင်းဖြစ်ပါတယ်)
    5. ဘိုဘိုဝင်းလူမှုကယ်ဆယ်ရေးအဖွဲ့လည်း တစ်ဆက်တည်းမှာ ဆန်၊ ဆီနဲ့ ပစ္စည်းတချို့တို့ကိုလည်း ကူညီထောက်ပံ့ပေးခဲ့ကြပါတယ်။...”
  39. [မုက်ဝှုက်ဗောက် တရဴအအာ တရဴအအာ ကဵုဒါန် ညးဘဲပၟတ် ကွာန်တၟအ်ကၞေင်] (5 July 2၀20). “... အ အာ was live. July 5 at 6:03 AM · တရဴအအာ ကွာန်တၟံကၞေင် မဒါန်ကောန်ကောန်ဂကူမန် ဘိုင်ထံက်ပင်ဏာ (32071246)ဒကေဝ် သွက်ရဲသ္ၚိတူအာ(၁၈)မ ကွာန်တၟံကၞေင်ကီုရ ဒးကွာန်ညး ညံင်ဒးကွာန်ဇကု သ္ၚိညးတူအာ ညံင်သ္ၚိဇကုတူအာကီု ဘိုင်ဒုင်စသိုင် ဒဒိုက်တုပ် တသိုက်တုပ်တုဲ ထံက်ပင်နင်ဂှ် ဒှ်ဇြဟတ်ဗွဲမလောန်ရ သာဓု သြန်ဒါန်နူညးတၠဒါန်ဂမၠိုင် ပြင်ဗစိုပ်လဝ်တံဂှ် ပံင်ပကောံတုဲ ကလေင်ပါ်ပရအ်ကဵု သွက်ရဲသ္ၚိတူအာ(၁၈)မတံ မွဲသ္ၚိမ္ဂး ဂွံလၟိဟ်သြန်ဒါန် (၁၇၈၀၀၀၀)ဒကေဝ်ရ သာဓု မုဒိတာ...”
  40. [မုက်ဝှုက်ဗောက် တရဴအအာ တရဴအအာ ကဵုဒါန် ညးဘဲပၟတ် ကွာန်တၟအ်ကၞေင်] (5 July 2၀20). “အ အာ was live. July 5 at 6:03 AM · တရဴအအာ ကွာန်တၟံကၞေင် သွက်ရဲသ္ၚိတူအာ(၁၈)မတံဂှ် မဒါန်ကောန်ကောန်ဂကူမန်ပိုယ် ဂွံဘိုင်ထံက်ပင်ဏာလဝ် (32071246)ဒကေဝ်ကီုရ ဒးကွာန်ညး ညံင်ဒးကွာန်ဇကု သ္ၚိညးတူအာ ညံင်သ္ၚိဇကုတူအာကီု ဘိုင်ဒုင်စသိုင် ဒဒိုက်တုပ် တသိုက်တုပ်တုဲ ထံက်ပင်နင်ဂှ် ဒှ်ဇြဟတ်ဗွဲမလောန်ရ သြန်ဒါန်နူညးတၠဒါန်ဂမၠိုင် ပြင်ဗစိုပ်လဝ်တံဂှ် ပံင်ပကောံတုဲ ကလေင်ပါ်ပရအ်ကဵု သွက်ရဲသ္ၚိတူအာ(၁၈)မတံ မွဲသ္ၚိမ္ဂး ညးတံဂွံလၟိဟ်သြန်ဒါန် (၁၇၈၀၀၀၀)ဒကေဝ်ရ သာဓု မုဒိတာ”
  41. [မုက်ဝှုက်ဗောက် ဒေါက်တာအံင်နာင်ဥူ တရဴအအာ ဆဝ်မ္ၚုဟ် သွက်ဂွံဗိုင်ကဵုဒါန် မိတေန်တေန်ဥူ သွက်ဂွံကရေက် ဝစ္စမဂ်] (03 June 2၀20). “...#တရဴအအာ #မန်ရီုဗင်မန် အာစိုပ်ကွာန်ကအ်ကျာ် သွက်ဂွံလွီ ညးတၠဝေဒနာ မိတေင်တေင်ဥူ (၈ သၞာံ)- - တၠဂုဏ်အ္စာသဳလာစာရ ၁ကိုဋ် - တၠဂုဏ်အ္စာခေမာသာရ ၅လက် - တရဴအအာ ၃ကိုဋ် - နာဲအံင်နာင်ဥူ ၅လက် - နာဲအကးပေင် ၅လက် - နာဲအံင်ဟေင်+မိသာန်ကျဳ (Auss- $100) ၁ကိုဋ် - နာဲဆန်ဒမန်+မိနဳနဳ (Aussi- $100) ၁ကိုဋ် - နာဲခိုင်စိုး (ကအ်ကျာ်) - ၅ လက် ပေၚ်ဖအိုတ် (၈)ကိုဋ်ဒကေဝ်ဂှ်အပ်ပြာပ်ကဵု ဂကောံရေၚ်တၠုၚ်တံ မဒှ်ရ၊
    1. ညးတၠဒါန်တံကီု_ညးတၠဝေဒနာကီု #သြဝ်ကဵုဂွံဒှ်တသိုက်စိုတ်တသိုက်ကာယျအိုတ်ညိအဴ.....”
  42. {{cite web |url=https://www.facebook.com/www.aar.mon/videos/3133286080085133/[မုက်ဝှုက်ဗောက် တရဴအအာ]|title=ကောန်ဝုတ် မိတိုင်ပ္ကဴမန် စိုပ်ကွာန်ကအ်ကျာ်|date=28 June 2၀20 |website=Facebook Page |access-date=30 July 2020
  43. {{cite web |url=https://www.facebook.com/www.aar.mon/videos/574489546828872/[မုက်ဝှုက်ဗောက် တရဴအအာ]|title=အပ်ပြာပ် သြန်ဒါန် သွက်ခရိတ်ဂဥုဲမိတိုင်ပ္ကဴမန် ကွာန်ကအ်ကျာ်|date=28 June 2၀20 |website=Facebook Page |access-date=30 July 2020
  44. {{cite web |url=https://www.facebook.com/www.aar.mon/posts/1540846159446369[မုက်ဝှုက်ဗောက် တရဴအအာ]|title=စဳဇန်တရဴအအာ ကဵုဒါန်ကမ်ပျူတာ သွက်ဘာတန်သၠုင်ကောန်ဂကူမန်(ညဳသာ/ အင်ဒင်/ ဝင်သပဝ်)|date=21 December 2020|website=Facebook Page |access-date=17 Jan. 2021
  45. {{cite web |url=https://www.facebook.com/www.aar.mon/posts/1538809852983333[မုက်ဝှုက်ဗောက် တရဴအအာ]|title=စဳဇန်တရဴအအာ ကဵုဒါန်ကမ်ပျူတာ သွက်ဘာတန်သၠုင်ကောန်ဂကူမန်(ညဳသာ/ အင်ဒင်/ ဝင်သပဝ်)|date=21 December 2020|website=Facebook Page |access-date=17 Jan. 2021
  46. {{cite web |url=ps://www.facebook.com/www.aar.mon/posts/1555347574662894[မုက်ဝှုက်ဗောက် တရဴအအာ]|title=စဳဇန်တရဴအအာ ကဵုဒါန်ကမ်ပျူတာ သွက်ဘာတန်သၠုင်ကောန်ဂကူမန်(ညဳသာ/ အင်ဒင်/ ဝင်သပဝ်)|date=21 December 2020|website=Facebook Page |access-date=17 Jan. 2021
ကလေၚ်သီကေတ်လဝ် နူ "https://mnw.wikipedia.org/w/index.php?title=တရဴအအာ&oldid=26077"