တၠညး (နာဲ)
| နာဲတၠညး ဒုဥက္ကဌ(၁) ဗော်ညဳသၟဟ်ဂကူမန် | |
|---|---|
| သၠးဂၠံဂဝ် |
နာဲမြင့်လွင် ဒဳဇြေမ်ဗါ ၁၅၊ ၁၉၆၁ ကွာန်ကျာ်ရဲ |
| ဂကူ |
 Monမန် |
| ကဆံင်ပညာ | B.E. (Mech.) |
| ဘာ | Rangoon Institute of Technology |
| မဒယှ်တဴ | ဒုဥက္ကဌ(၁) ဗော်ညဳသၟဟ်ဂကူမန် |
| ဌာန်ဇာတိ | ကွာန်ကျာ်ရဲ |
| ဗော် | ဗော်ညဳသၟဟ်မန် |
| ချဳဓရာင် | သွက်အခေါင် ဂကူမန် |
| အိန်ထံင် | မိလျိုင်မန် (မိသန်းရှင်) |
| ကောန်ဇာတ် | မာံရာဇာပျေအ် |
| အံက် |
|
| လာပ် | လူမှုထူးချွန်တံဆိပ် (ပထမ အဆင့်) |
နာဲတၠညး (ယၟု ဗၟာ) နိုင်မြင့်လွင် မညးဒှ် ဒု-ဥက္ကဋ္ဌ (၁) ဗော်ညဳသၟဟ်ဂကူမန် ဝွံ ဒှ် ညးမကၠောန် သွက်အခေါင်ဂကူမန် နူဘဝသၟတ် ပ္ဍဲဘဝကွးဘာတက္ကသိုလ်ကီု၊ သၞာံ ၁၉၈၈ ဂှ် စိုပ်အာ ပ္ဍဲတိပၠန်ဂတး ဇရေင် ဗော်ဍုင်မန်တၟိတုဲ ပ္ဍဲ ဗော်ဍုင်မန်တၟိဂှ် ယိုက်ဂၠေင်လဝ် တာလျိုင်နာနာ ပွိုင် ၂၇ သၞာံ စဵုကဵု ကဆံင်ကေင်ကာမွဲတၠရ။ ပ္ဍဲအခိင် မွဲဒမြိပ် မနွံ ပ္ဍဲဗော်ဍုင်မန်တၟိဂှ် ကမၠောန်ဇၞော်မောဝ်ဍုင်ကွာန် ဗွဲတၟေင် ကမၠောန်ပံက်ဂၠံင် ကၠောန်ဂၠံင်တအ်ဂှ် ကၠောန်ကၠုင်လဝ် ဂၠိုင်ကဵုဒေသရ။ သၞာံ ၂၀၁၅ ဒေါအ်ဇူ နူ ဗော်ဍုင်မန်တၟိတုဲ လုပ်ချဳဓရာင်ကၠုင် ပ္ဍဲဗော်ပရေင်ဍုင်ကွာန်မန် ဒၞာဲအဓိကအဆက်အဆက်ရ။
ဘဝသၟတ်[ပလေဝ်ဒါန် | ပလေဝ်ဒါန် တမ်ကၞက်]
နာဲတၠညး က္တဵုဒှ်မၞိဟ် ပ္ဍဲကွာန်ကျာ်ရဲ ပွိုင်ဍုင်မုဟ်ဍုင် ပ္ဍဲ သၞာံ ၁၉၆၁ ဂိတုဒဳဇြေမ္ဗာ ၁၅၊ ပ္ဍဲဇရေင်မိမၜါ နာဲသာမျာင် (နိုင်သာမြိုင်) မိခေန် (မိခင်)ရ။[၁] ဘာတန်မူလဂှ် နာဲတၠညး မံင်လဝ် ဘာကွာန်တဵုဂူ၊ ဘာတန်ဒေါဝ် ကဵု တန်သၠုင်ဂှ် မံင်လဝ် ဘာဖက်ဆောတန်သၠုင် ကွာန်ဂေါန်ဒေင် မဂွံအံင် ၁၀ တန် သၞာံ ၁၉၈၀။ နူဂှ် တိုန် ဒေသကဝ်လိက် ၂ သၞာံတုဲ ဆက်တိုန် တက္ကသိုလ်ကွတ်စက် ဍုင်လ္ဂုင် (Rangoon Institute of Technology - RIT) တုဲ သၞာံ ၁၉၈၆ ဂှ် ဘာတုဲ ဂွံဗြနာမ်ရ။ ပ္ဍဲအခိင် မတိုန်ဒၟံင် တက္ကသိုလ်ဂှ် နာဲတၠညး ချဳဓရာင်ဒၟံင် ပ္ဍဲကမ္မတဳလိက်ပတ်ယေန်သၞာင်မန် တက္ကသိုလ်ဂမၠိုင် ဍုင်လ္ဂုင်၊ အကြာ သၞာံ ၁၉၈၄ - ၁၉၈၅ ဂှ် ကေတ်လဝ် တာလျိုင် ညးအုပ်ကာ ပ္ဍဲကမ္မတဳလိက်ပတ်ယေန်သၞာင်ဂှ်ရ။[၂]
ဘဝသ္ၚိကၟိန်[ပလေဝ်ဒါန် | ပလေဝ်ဒါန် တမ်ကၞက်]
နာဲတၠညး ဒက်ဘဝသ္ၚိကၟိန် ကုမိလျိုင်မန် (မိသန်းရှင်) တုဲ က္လိဂွံ ကောန်တြုဟ်မွဲ မနွံယၟု မာံရာဇာပျေအ်။
ပရေင်ဂကူ ပ္ဍဲဗော်ဍုင်မန်တၟိ[ပလေဝ်ဒါန် | ပလေဝ်ဒါန် တမ်ကၞက်]
ကြဴနူ ဘာတုဲ ပဒတဴဒၟံင် ပ္ဍဲကွာန်ဂှ် ချဳဓရာင်ကၠုင် ကမၠောန်ပရေင်ဂကူမန် သွာင်နာနာတုဲ သၞာံ ၁၉၈၈ ပရေင်ကလိုက်ကမဵု က္တဵုဒှ်ဂှ် ပ္ဍဲ ဂကောံဗဗေင်မန် ပွိုင်ဍုင်မုဟ်ဍုင် (မွန်သပိတ်လှုပ်ရှားမှုကော်မတီ) ဂှ် နာဲတၠညး ဒှ်ညးအုပ်ကာရ။ ကာလပၞာန်သီအဝဵုတုဲ တိတ်စိုပ်အာ တိဗၠးၜး ဇရေင် ဗော်ဍုင်မန်တၟိရ။ ပ္ဍဲ ဗော်ဍုင်မန်တၟိဂှ် နာဲတၠညး ယိုက်ဂၠေင်လဝ် လုကဴ ပွိုင် ၂၇ သၞာံ နကဵု တာလျိုင်နာနာ စဵုကဵုစိုပ် ကဆံင် ကေင်ကာဗဟဵုရ။ ပ္ဍဲအခိင် မယိုက်ဂၠေင်ဒၟံင် တာလျိုင် ပ္ဍဲဗော်ဍုင်မန်တၟိဂှ် ကမၠောန်ဇၞော်မောဝ်ဍုင်ကွာန် ဗွဲတၟေင် ကမၠောန်ပံက်ဂၠံင် သြိုင်ဒဒန်ဂှ် ကၠောန်လဝ် ဗွဲမဂၠိုင်ဂၠေင် ပ္ဍဲဒေသနာနာရ။[၁][၂]
ပရေင်ဂကူ ပ္ဍဲဗွိုင် အပ္ဍဲဍုင်[ပလေဝ်ဒါန် | ပလေဝ်ဒါန် တမ်ကၞက်]
သၞာံ ၂၀၁၅ ဂှ် ဒေါအ်ဇူ နူ ဗော်ဍုင်မန်တၟိတုဲ လုပ်ဗိုင်ကၠောန် ပ္ဍဲဗော်ပရေင်ဍုင်ကွာန်မန်ရ။ ကြဴနူ သဘင်မာဲ ၂၀၁၅ တုဲ ညာတ်ကေတ် နကဵု မန်တအ် သ္ဒးဒှ် မွဲဗော်ဟေင် သ္ကလိဂွံ ဇမၞးမာဲဂၠိုင်ဂၠိုင်ရောင်တုဲ စနူဂှ် ချပ်ဇန်ကၠောန်ကၠုင် ညံင်ဗော်ပရေင်ဍုင်ကွာန်မန် ဂွံဒှ် မွဲဗော်ရ။ ပ္ဍဲဂိတုဂျူလာင် ၂၁၊ ၂၀၁၈ ဂှ် လလောင်တြး ဗော်ကောန်ဂကူမန် ကေုာံ ဗော်ဒဳမဵုကရေဇြဳအလုံဒေသရးမန် ပံင်ကောံရေင်သကအ်ရ။[၃]
သဘင်မာဲ ၂၀၂၀ ဂှ် လုပ်ဒုင်ရုဲမာဲ သွက်စၠတ်ဓရ်တွဵုရးဍုင်မန် ပွိုင်ဆန္ဒမာဲ ၁၊ ပွိုင်ဍုင်မုဟ်ဍုင်။ ဆဂး ဟွံဂွံ ဒုင်ရုဲစှ်။ ကာလ ဗော်ညဳသၟဟ်မန် ကၠောန် သဘင်သဳကၠဳဗော် အလန်ပထမ ပ္ဍဲသၞာံ ၂၀၂၂ ဂိတုမာတ်ဂှ် ဂွံဒုင်ရုဲစှ် နဒဒှ် ဒုဥက္ကဋ္ဌ(၁)။[၄]
တဆိပ်တြာ[ပလေဝ်ဒါန် | ပလေဝ်ဒါန် တမ်ကၞက်]
သၞာံ ၂၀၂၄ ဂိတုဇာန္နဝါရဳ ၄ မဒှ် တ္ၚဲသၠးပွးရးနိဂီုဗၟာ မရနုက်ကဵု ၇၆ ဝါဂှ် နကဵု အလဵုအသဳပၞာန် ဇိုန်နှင်ကဵု တဆိပ်ပရေင်မၞိဟ်သကေက်သကာ (ကဆံင်ပထမ) "လူမှုထူးချွန်တံဆိပ် (ပထမ အဆင့်)" ရ။ နကဵု အလဵုအသဳပၞာန် မဂွံဇိုန်ကဵု တဆိပ်ဏအ်ဂှ် ဟိုတ်နူ အခိင်မကေတ်လဝ် တာလျိုင် ပ္ဍဲ ဗော်ဍုင်မန်တၟိ တိုန်လဝ် သဘင်သဳကၠဳကောန်ဂကူ (အမျိုးသားညီလာခံ) အလဵုအသဳပၞာန် ဒှ်မာန်ရ။ ဟိုတ်ဂှ်ရ ကရောမ်ညးဂှ် နူကဵု ဗော်ဍုင်မန်တၟိ မတိုန်လဝ် သဘင်သဳကၠဳကောန်ဂကူ ဖက်ဆောညးအုပ်နာနာ (တြေံ) နာဲဆာန်တိ၊ သကိုပ်က္ဍိုက်ပ်ပၞာန် (တြေံ) နာဲအံင်နာင် (စုတိ)၊ နာဲလွဳအံင်၊ ကမ္မတဳဗဟဵု နာဲတေန်လှ တအ်လေဝ် က္လိဂွံ တဆိပ်ဂှ်ကီုရ။[၅]
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ၁.၀ ၁.၁ " မုဒုံမြို့နယ် မွန်ညီညွတ်ရေးပါတီမှဝင်ရောက်ယှဉ်ပြိုင်မယ့် ကိုယ်စားလှယ်လောင်း နိုင်တလညီ (ခ) နိုင်မြင့်လွင်၏ ကိုယ်ရေးအကျဉ်းနှင့် ကတိကဝတ်များ. Open (October 23, 2020).
- ↑ ၂.၀ ၂.၁ Nyah, Nai Tala. "နာဲတၠညး ဟီုတွဟ် သဘင်မာဲ ၂၀၂၀". တရဴအအာ (Interview). Interviewed by ဂကောံဇမၞးမာဲ. open.
- ↑ မွန်နိုင်ငံရေး ပါတီ နှစ်ခု ပေါင်းစည်း. Open Publishing (23 July 2018).
- ↑ မွန်တမျိုးသားလုံးနှင့် ဒေသခံပြည်သူတို့၏ အကျိုးစီးပွားကို ရှေ့ရှုပြီး လူထုသွေးထွက်သံယို မဖြစ်စေသည့်နည်းလမ်းကို ရွေးချယ်ခဲ့သည်ဟု MUP ဆို. Open (21 March 2022).
- ↑ အမျိုးသားညီလာခံတက်ရောက်ခဲ့သူ NMSP ခေါင်းဆောင်ဟောင်း ၅ ဦးတို့အား လူမှုထူးချွန်တံဆိပ်(ပထမအဆင့်) ချီးမြှင့်. Open (4 Jan. 2024). “အမျိုးသားညီလာခံတက်ရောက်ခဲ့သည့် မွန်ပြည်သစ်ပါတီခေါင်းဆောင်ဟောင်း ၅ ဦးတို့အား ယနေ့တွင်ကျရောက်သော ၇၆ နှစ်မြောက်လွတ်လပ်ရေးနေ့တွင် နစကကောင်စီမှ လူမှုထူးချွန်တံဆိပ်(ပထမအဆင့်) ချီးမြှင့်ကြောင်း နိုင်ငံတော်အမိန့်ကျေငြာစာအမှတ် ၃/၂၀၂၄ အရ သိရသည်။ မွန်ပြည်သစ်ပါတီ တွဲဖက်အတွင်းရေးမှူးဟောင်း နိုင်ချမ်းတွဲ့၊ စစ်ဦးစီးချုပ်ဟောင်း နိုင်အောင်နိုင် (ဗိုလ်ချုပ်-ကွယ်လွန်)၊ ဗဟိုအလုပ်အမှုဆောင်ဝင်ဟောင်း နိုင်တလညီ၊ ဗဟိုကော်မတီဝင်ဟောင်းများ ဖြစ်ကြသည့် နိုင်လဝီအောင် (ဗိုလ်မှူးကြီး) နှင့် နိုင်တင်လှ (ဗိုလ်မှူး) ၅ ဦးတို့အား လူမှုထူးချွန်တံဆိပ်(ပထမအဆင့်) ချီးမြှင့်ခဲ့ကြောင်း သိရှိရသည်။ “အတိတ်ကသူတို့ ဆောင်ရွက်ခဲ့တဲ့ တိုင်းပြုပြည်ပြုလုပ်ငန်းများအကျိုးဆက်ရဲ့ အသီးအပွင့်အဖြစ် မြန့်မာ့လွတ်လပ်ရေးနေ့မှာ နိုင်ငံတော်ကနေ ချီးမြှင့်ပေးတာပေါ့၊ လက်ရှိမှာ မွန်ညီညွတ်ရေးပါတီ MUP ရဲ့ CEC ၄ ယောက်ပါဝင်တယ်၊ ဥက္ကဌ နိုင်လဝီအောင်၊ ဒုဥက္ကဌ နိုင်ချမ်းတွဲ့နဲ့ နိုင်တလညီတို့ CEC အဖွဲ့ဝင် နိုင်တင်လှတို့ပေါ့၊ ဗိုလ်ချုပ်အောင်နိုင်က နောက်ပိုင်းမှ မွန်ငြိမ်းချမ်းရေးကာကွယ်ရေး တပ်ဖွဲ့ ခေါင်းဆောင်တစ်ယောက်အနေနဲ့ ရပ်တည်ခဲ့တယ် သူကွယ်လွန်ခဲ့တာကြာပါပြီ” ဟု အမည်မဖော်ပြလိုသော မွန်ညီညွတ်ရေးပါတီ ဗဟိုကော်မတီဝင်တစ်ဦးက ပြောသည်။”