ၜ

ၜ (အၚ်္ဂလိက်: ḅa; the thirty-third letter of the modern Mon alphabet)ဂှ် ပၞောဝ်ကဵု ဗျည်မန် ခေတ်တၟိ (၃၅) မဂှ် ဒှ်အက္ခရ် မရနုက်ကဵု ပိစှ်ောပိတုဲ ပ္ဍဲကဵု အရေဝ်မန် မၞုံရမ္သာင်ၜါၜါ ရမ္သာင်သာ ကဵု ရမ္သာင်ဇြိုင်ဂှ်မ္ဂး "ၜ" ဂှ် ဒှ်ဗျည်ရမ္သာင်သာတုဲ လုပ်လၟိဟ် ဂကောံဗျည်ပထမ။ ရမ္သာင်မန် မွဲဂကောံမနွံပန်ပန်ဂှ် "ၜ" နွံ ပ္ဍဲဒၞာဲရမ္သာင်မွဲ၊ "ၜ" သာ၊ "ၐ" သာဇြိုဟ်၊ "ၝ" ဇြိုင်၊ "ၑ" ဇြိုင်ဇြိုဟ်။

ဝင်

အက္ခရ်ရုပ် အဳဂျပ်	အက္ခရ် ပရဝ်တဝ်-သေမိတိစ်	အက္ခရ် ဗြဟ္မဳ	အက္ခရ် ဂြန္ထ	အက္ခရ် မန်ခေတ်လၟုဟ် ၜ
				ၜ

အက္ခရ် "ၜ" ဝွံ ပ္ဍဲအက္ခရ်ဂြန္ထဂှ် ဟွံဂွံဆဵုကေတ်ရ။ နူဂကူမန်တအ် စချူလိက် နကဵုဘာသာဇကုဂှ် ညံင်ဂွံကိတ်ညဳ ကုရမ္သာင်မန်တုဲ ဖန်ဗဒှ်လဝ်ရ။ ဗီုဖန်ဗဒှ်ဂှ် ပ္ဍဲအက္ခရ် ဗ မၞုံဗီုပြင်ထၜါဲဂှ် စုတ်ဗိန္ဒုလဒေါဝ်တုဲ ဖန်ဗဒှ် အက္ခရ်ၜ မန်ရ။ သွက်ရမ္သာင်ဇြိုင်ဂှ် ကေတ် အက္ခရ် မ ကဵု အက္ခရ် ဗ ၜါလ္ဇံက် မ္ဗ တုဲ ဂွံရမ္သာင်ဇြိုင် ၝ ရ။