ကျာ်မြဟ်၊ ပွိုင်ဍုင်
| ပွိုင်ဍုင်ကျာ်မြဟ် | |
|---|---|
| ပွိုင်ဍုင် | |
| Kyaikmaraw Township | |
 | |
  ပွိုင်ဍုင်ကျာ်မြဟ် ဒၞာဲဍုင်ကျာ်မြဟ် မနွံ | |
| ဒတန်ဒၞး: 16°22′07″N 97°43′30″E / 16.368742°N 97.724923°Eဒတန်: 16°22′07″N 97°43′30″E / 16.368742°N 97.724923°E | |
| ကၟိန်ဍုင် |
 Myanmar |
| တွဵုရး | တွဵုရးဍုင်မန် |
| ခရိုင် | ခရိုင်မတ်မလီု |
| ဍုင်ဒတန်ရုင်သၟိင်ပွိုင်ဍုင် | ဍုင်ကျာ်မြဟ် |
| လၟိဟ်မၞိဟ်(၂၀၁၄) | ၁၉၅,၈၁၀[၁] |
| ဒၞာဲအပိုင်အခြာ အခိင် | UTC+6:30 |
ပွိုင်ဍုင်ကျာ်မြဟ် (အၚ်္ဂလိက်: Kyaikmaraw Township) (Burmese: ကျိုက်မရောမြို့နယ်) ဝွံ ဒှ်ပွိုင်ဍုင် မနွံ ပ္ဍဲခရိုင်မတ်မလီု၊ ပ္ဍဲတွဵုရးဍုင်မန်၊ ကၟိန်ဍုင်ဗၟာတုဲ ဒတန်ရုင်သၟိင်ပွိုင်ဍုင် နွံပ္ဍဲ ဍုင်ကျာ်မြဟ်ရ။ ပွိုင်ဍုင်ကျာ်မြဟ်ဂှ် ဒက်ပ္တန်လဝ် နကဵု ဍုင် (၁) ဍုင်၊ အရာပ် (၄) ဂကောံကွာန် (၄၃)၊ ကွာန် (၁၅၈) ရ။[၂]:2 တုဲ ယၟုမြဟ်အိုတ် ကျာ်မြဟ် မဒှ်ကျာ်တၠညးဗညာထဴ (မိစဴဗု) မပလေဝ်လဟဵုလဝ် ပ္ဍဲကဵု သက္ကရာဇ် ၈၁၇ တုဲ ချူစၟတ်သမ္တီလဝ် နကဵုလိက်တၟအ်နွံရ။
ဒတန် ကေုာံ သမၠဲ
[ပလေဝ်ဒါန် | ပလေဝ်ဒါန် တမ်ကၞက်]ပွိုင်ဍုင်ကျာ်မြဟ်ဂှ် နွံပ္ဍဲ ဍုင်မန်ဗၟာ လပါ်သၠုင်ကျာ၊ ခရိုင်မတ်မလီု။ ပွိုင်ဍုင်ကျာ်မြဟ်ဂှ် တန်တဴဒၟံင် ပ္ဍဲကဵု လေတ္တဳတွဒ်သမၠုင်ကျာ အကြာ ၁၆ ဒဳဂရဳ ၇ မိနေတ် ကဵု ၁၆ ဒဳဂရဳ ၃၄ မိနေတ်၊ လံင်ဂျဳတွဒ်ဗမံက် အကြာ ၉၇ ဒဳဂရဳ ၉ မိနေတ် ကဵု ၉၇ ဒဳဂရဳ ၅၀ မိနေတ်ရ။ သမၠဲပွိုင်ဍုင်ဂှ် နွံ ၅၁၁.၇၀ စတုရံတိုင်။ ပွိုင်ဍုင်ကျာ်မြဟ်ဂှ် ပယျဵုဆက်ဗွဲကဵု ဒိုဟ်ဗမံက် စုက်ပွိုင်ဍုင်ကအ်ကြိက် ကဵု ပွိုင်ဍုင်လှာဒကှ်၊ ဗွဲဒိုဟ်ပလိုတ် စုက် ပွိုင်ဍုင်မုဟ်ဍုင်၊ ဗွဲဒိုဟ်သၠုင်ကျာ စုက်ပွိုင်ဍုင်မတ်မလီု၊ ပွိုင်ဍုင်ဘာအင်၊ ဗွဲဒိုဟ်သၟဝ်ကျာ စုက်ပွိုင်ဍုင်လှာဒကှ် ရ။။ [၂]:2
ပထဝဳ
[ပလေဝ်ဒါန် | ပလေဝ်ဒါန် တမ်ကၞက်]တိ
[ပလေဝ်ဒါန် | ပလေဝ်ဒါန် တမ်ကၞက်]တိဍာ် ပွိုင်ဍုင်ကျာ်မြဟ်ဂှ် လပါ်သၟဝ်ကျာဂှ် နွံၜဳဂျာင်တုဲ လဒေါဝ််ပွိုင်ဍုင်ဂှ် ၜဳကဍတ် (အတ္တရံ) ဒြေပ်တတ်အာတုဲ လပါ်ပလိုတ်ဂှ် နွံဒဵုခရမ် ရ။ ပွိုင်ဍုင်ကျာ်မြဟ်ဂှ် နွံဒၟံင် လတူဗလးၜဳ ၁၈ ပေ။[၂]:2-3
ဍာ်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲပွိုင်ဍုင်ကျာ်မြဟ်ဝွံ ဒှ်ပွိုင်ဍုင် မနွံကဵု ၜဳ၊ ကြုင်ဂမၠိုင်တုဲ ၜဳ၊ ကြုင် မၞိဟ်မတီဂၠိုင်ဂှ် ၜဳကဍတ်၊ ၜဳဂျာင်၊ ကြုင်ဂမိ၊ ကြုင်သၞေဟ်သြောအ်။ ၜဳကဍတ် ကဵု ၜဳဂျာင်ဂှ် က္ၜင် ကေုာံ ဂၠုင်ဇမၞော်အာကၠုင်ဂွံရ။[၂]:2
ရာသဳဥတု
[ပလေဝ်ဒါန် | ပလေဝ်ဒါန် တမ်ကၞက်]ပွိုင်ဍုင်ကျာ်မြဟ်ဂှ် ဒှ်ဒေသဂမ္တဴမွဲတုဲ အခိင်ကညင် ကတဴအိုတ် ဂမ္တဴ စိုပ်စဵု ၃၇.၁C° တုဲ အခိင်ဂံက် ဂမ္တဴသဝ်အိုတ် နွံ ၁၆.၀C° ရ။ ပ္ဍဲသၞာံ ၂၀၁၈ဂှ် လၟိဟ်တ္ၚဲ ဗြဲမဂူ ပွိုင်မွဲသၞာံ နွံ (၁၂၀) တ္ၚဲတုဲ လၟိဟ်လယိုင်ဍာ်ဗြဲ နွံ ၂၂၂,၅၇ ၝောအ်တဲရ။ [၂]:3
လၟိဟ်မၞိဟ်
[ပလေဝ်ဒါန် | ပလေဝ်ဒါန် တမ်ကၞက်]အတိုင်စရင်လၟိဟ်မၞိဟ်သၞာံ ၂၀၁၉ မ္ဂး ပ္ဍဲပွိုင်ဍုင်ကျာ်မြဟ်ဂှ် မၞိဟ်နွံ ၂၂၈၃၅၈ တၠ။ ပ္ဍဲဂှ် ဂကူကရေင် ၄၇၂၃၀ (၂၀%) တၠ၊ ဂကူမန် ၁၀၉၄၂၆ တၠ (၄၈.၁၉%)၊ ဂကူဗၟာ ၂၉၀၄၇ တၠ (၁၃.၂၄%)၊ ဂကူယခေင် ၆ တၠ (၀.၀၁%)၊ ဂကူသေံ ၁၁၂၆ တၠ (၀.၄၇%)၊ ဂကူသအာင် (ကြုက်/ဂလာ) ၄၁၅၂၂ (၁၉.၀၂%)။ မၞိဟ်ရှ်ေသှ်ေဗုဒ္ဓဘာသာဂှ် နွံ ၁၈၆၈၃၅ တၠ၊ ခရေတ်ယာန် ၁၀၀၂ တၠ၊ ဟိန္ဒူ ၃၂၁ တၠ၊ အေတ်သလာမ် ၄၀၁၉၉ တၠ။[၂]:4-7
ပရေင်ပိုန်ဒြပ်
[ပလေဝ်ဒါန် | ပလေဝ်ဒါန် တမ်ကၞက်]မၞိဟ်ဗွဲမဂၠိုင် ပ္ဍဲပွိုင်ဍုင်ကျာ်မြဟ်ဂှ် ကၠောန်ကမၠောန်ဂူဗၜိုတ် ဂၠိုင်ရ။ တိဗ္ၚ မတဵုသြောအ် နွံ ၅၄၃၆၁ ဨက၊ တိကၠအ် နွံ ၉၁၈၁၈ ဨက။[၂]:10
ပရေင်ပလံင်ဗစိုပ်
[ပလေဝ်ဒါန် | ပလေဝ်ဒါန် တမ်ကၞက်]တရဴကျာ ပ္ဍဲပွိုင်ဍုင်ကျာ်မြဟ် ဟွံမဲ၊ တုဲ တရဴတိုက် နွံဂၠံင်ကွဳပၟတ် မဒြေပ်ဒၟံင် မတ်မလီု-ကျာ်မြဟ်၊ ကျာ်မြဟ်-ဆုကၠ၊ မုဟ်ဍုင်-ဗြဝတဳ၊ တၟအ်ဗြဴ-ကျာ်ပိ၊ ကြေဝ်ဏာ-ကုန်ကျာ်၊ ကလိုင်ကနာင်-ကျောက်တစ်လုံး။[၂]:18
ဍုင် ကေုာံ ကွာန် ပ္ဍဲ ပွိုင်ဍုင်ကျာ်မြဟ်
[ပလေဝ်ဒါန် | ပလေဝ်ဒါန် တမ်ကၞက်]ပွိုင်ဍုင်ကျာ်မြဟ်ဝွံ ဒက်ပတန်လဝ် နကဵု နကဵု ဍုင် (၁) ဍုင်၊ အရာပ် (၄) ဂကောံကွာန် (၄၃)၊ ကွာန် (၁၅၈) ရ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၅၉။
- ↑ ၂.၀ ၂.၁ ၂.၂ ၂.၃ ၂.၄ ၂.၅ ၂.၆ ၂.၇ ကျိုက်မရောမြို့နယ် အထွေထွေအုပ်ချုပ်ရေးဦးစီးဌာန (September 2019). ကျိုက်မရောမြို့နယ် ဒေသဆိုင်ရာ အချက်အလက်များ။
.svg){kind=small}
