ဂင်ယျင်၊ ကွာန်
ကွာန်ဂင်ယျင် (သေံ: บ้านทุ่งก้างย่าง) ဂှ် နွံဒၟံင် ပ္ဍဲပွိုင်ဍုင်သာဲယောက် (Sai Yok Subdistrict)၊ ခရိုင်သာဲယောက် (Sai Yok District)၊ ရးကာန်ချ်နပူရဳ (Kanchanaburi Province) ရးနိဂီုသေံ၊ မဒှ်ကွာန် ကောန်ဂကူမန်တအ် မပဒတဴကၠုင် မွဲအခိင်တေအ်ရ။ အတိုင်ဝင်မ္ဂး ကွာန်ဝွံ ဒှ်ဒၞာဲကၠအ်သတ်ဗြဴ အစာယျာပ် ညးမဒှ် ဂကူကြုက် မစာတ် ကုမဗဳဇမန်ဍုင်သေံ ပ္တန်လဝ်တုဲ ကောန်ဂကူမန် ပဒတဴလဝ် ပ္ဍဲကွာန်ဂှ် သ္ၚိကေင်နွံလဝ် ၜိုတ်လ္ၚီ၊ ဗွဲကြဴ ဟိုတ်နူ ပဋိပက္ခသၟာဗၞိက်လွဟ် မဒးဒုင်ရပ် ပ္ဍဲကွာန်ဏအ်တုဲ သၟိင်သေံတအ် ပလီုထောအ်ကွာန်ဂှ်ရ။ လတူဒဵုကွာန်ဂှ် နွံကျာ်စေတဳအခိုက်မန်မွဲတၞုင်ရ။
ဝင်[ပလေဝ်ဒါန် | ပလေဝ်ဒါန် တမ်ကၞက်]
ကွာန်ဂင်ယျင်ဝွံ ပ္ဍဲသၞာံအကြာ ၁၉၅၇-၁၉၇၈ ဂှ် ဂကူမန်တအ် စပ္တန် ပဒတဴကၠုင်လဝ် နဒဒှ် တိဗၠးၜးမွဲတုဲ အစာနာဲယျာပ်ဂှ် ညးဗဒှ်လဝ် ကၠအ်သတ်ဗြဴမွဲဇၞော်တုဲ ကောန်ကွာန်မန်တအ် ဗွဲမဂၠိုင် ကၠောန်ဒၟံင်ကမၠောန်ကၠအ်ညးရ။[၁] သၞာံ ၁၉၆၅ ဂှ် အစာယျာပ် အာတ်မိက် သၟိင်သေံ သွက်ဂွံသြိုင်ကဵု ဘာဗတောန်လိက် သွက်ကောန်င္ၚာ်တအ်ရ။ စိုပ်ၜိုတ် ၁၉၇၇ - ၁၉၇၉ ဂှ် ကွာန်ဂင်ယျင် ဇၞော်တိုန် ဗွဲမပြဟ် ဒှ်အာ သ္ၚိၜိုတ်လ္ၚီမ။[၁] ဟိုတ်နူ ရဲသၟာဗၞိက်လွဟ် ကုဗော်ဍုင်မန်တၟိ (ကျာ်ပိ) ဖ္ဍိုက်ဏာ လွဟ်မကမ် တတ်အာ ကွာန်ဂင်ယျင်ဂှ် ဗၠာဲသၟိင်သေံတအ် ရပ်ဂွံတုဲ ပရိုင်ပရောဂှ် ပြာကတ်ဒယှ်အာတုဲ သၟိင်သေံတအ် သီကေတ်ထောအ် ကၠအ်အစာယျာပ်ဂှ်တုဲ ကောန်မန် မပဒတဴဒၟံင် ပ္ဍဲကွာန်ဂင်ယျာင်ဂှ်လေဝ် ဒးဒုင်ဗက်ပ္တိတ်ထောအ်နူကွာန်ကီုရ။ ကုညး မိက်ဂွံအာ မံင်ဇိုင်ပယျဵုဒိုဟ်သၠုင်ကျာ ပ္ဍဲပွိုင်ဍုင်ပြစွောမ်ဂှ် ပၞာန်သေံတအ် ဖ္ဍိုက်ပလံင်ဏာ၊ လ္ၚဵု မိက်ဂွံအာမံင် ဇိုင်ပယျဵု ပ္ဍဲပွိုင်ဍုင်ဓံင်ဖါဘုမ်၊ လ္ၚဵု မိက်ဂွံအာမံင် လပါ်ကွာန်ဝိဇာဓိုရ် ပွိုင်ဍုင်သင်ခလမ္ဂး ပၞာန်သေံတအ် ဖ္ဍိုက်ပလံင်ကဵုရ။[၂] စနူဂှ်တုဲ ကွာန်မန်ဂင်ယျင်ဂှ်လေဝ် လီုအာကီုရ။[၁]
ကျာ်စေတဳလတူဒဵု[ပလေဝ်ဒါန် | ပလေဝ်ဒါန် တမ်ကၞက်]
ပ္ဍဲလတူဒဵု ကွာန်ဂင်ယျင်တြေံဂှ် နွံစေတဳမွဲ။ စပ်ကဵု ဝင်ကျာ်စေတဳဝွံတုဲ ဂွံဆဵုကေတ် လိက်တၞး နကဵုကျာ်ဇၞော်ဘာဂင်ယျင် မချူလဝ်
| “ |
"တ္ၚဲဒက်ပ္တန် ကျာ်ကွာန်ဂင်ယျင် 3–22–1976 ဟိုတ်ဒှ်သာ်ဂှ်ရ ညးနွံသဒ္ဓါစေတနာမ္ဂး ကဵုဏါ လၟုဟ်လေဝ် အဲလေဝ် အိုတ်အခိင်သ္ဂောံအာ အဲလေကၠိဂွံအယုက် ၈၀ သၞာံရ ဝှ်လေ ၅၇ ဝှ်ရ - အာလေဟွံမာန် ကၠောန် ကျာ်ဇၞော် |
” |
တင်စၟတ် ပ္ဍဲသက္ကရာဇ် ၁၃၃၅ ဂိတုဖဝ်ရဂိုန် ၁၅ မမံက် ဂှ် (ပ္ဍဲကြက္ကဒိန် ဒှ်ဒၟံင် တ္ၚဲဗြဴဗတိ) (၁၉၇၄ မာတ် ၇)။[၃] စၟတ်တ္ၚဲ ၃-၂၂-၁၉၇၆ ဂှ် ဒှ်စၟတ်တ္ၚဲ ကျာ်ဇၞော်ဂှ် မချူလိက်ဂှ် ဒှ်မာန်ရ။ ပ္ဍဲအခိင်ဂှ် ကွာန်ဂှ် ဟွံဂွံလီုဏီဟီုမာန်ရ။
ကွာန်ဂင်ယျင်ဂှ် ၜိုန်ရ လီုအာကီုလေဝ်၊ ကျာ်စေတဳလတူဒဵုဂှ် ကောန်မန် မနွံပ္ဍဲပွဳပွူတအ်ဂှ် စဵုကဵု သၞာံ ၂၀၁၆ ဂှ် မင်မဲင္ၚးတးကၠုင်ဒၟံင် အဆက်ဆက်ရ။[၁] သၞာံ ၂၀၂၃ ဂိတုမာတ် ၉ ဂှ် နာဲဥထာဲ မနဳ ကေုာံ ကောန်ဂကူမန်တအ် ကၠောန်သဘင်မ္ၚဵုဖဍောတ်ပရိုတ် ပ္ဍဲဇရေင်ကျာ်စေတဳတြေံဝွံတုဲ က္လေင်လဟဵုပလေဝ်လဝ် ကျာ်စေတဳဝွံပၠန်ရ။[၄][၅]
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ၁.၀ ၁.၁ ၁.၂ ၁.၃ Manee, Uthai (April 7, 2023). เรื่องเล่า..เจดีย์มอญบ้านทุ่งก้างย่าง (in Thai). Open.
- ↑ Sripanngern, Sunthorn (April 9, 2023). " အစာယျာပ် (နာဲဆာဲယတ် ပိန်သုကာန်စဏ) ကေုာံကွာန်ဂင်ယျင် မုဟိုတ်ဂွံကေတ်နင်ဇုတ်အစာယျာပ်ကၠုင်စွံလဝ်ပ္ဍဲသုသာန်ကွာန်ဝင်က. Open.
- ↑ Manee, Uthai (April 5, 2023). " วันที่สร้างพระเจดีย์บ้านทุ่งก้างย่าง จุลศักราช 1335 ขึ้น 15 ค่ำ เดือน 4 ตรงกับวันอาทิตย์ที่ 18 มีนาคม 2516 (ในเอกสาระบุวันศุกร์) สร้างเสร็จ วันที่ 22 มีนาคม 2519. Open.
- ↑ Sripanngern, Sunthorn (April 9, 2023). " ကျာ်စေတဳတြေံ ကွာန်ဂင်ယျင်. Open.
- ↑ พระธาตุเจดีย์มอญ!! (in Thai). Open (April 10, 2023). “เมื่อวานนี้วันดี ถือฤกษ์วันที่ 9 เวลา 09.09 นาที นิมนต์พระคุณเจ้ามาประกอบพิธีขอขมาพระธาตุเจดีย์ และบอกกล่าว เทวดา เจ้าที่เจ้าทาง บรรพบุรุษมอญผู้สร้าง มีคนมาร่วมงานหนาตาพอสมควร”