ရဝါန် (ဂကူ)
ဂကူရဝါန် ဗၟာ: ရဝမ်လူမျိုး တအ်ဂှ် ပဒတဴဒၟံင် ပ္ဍဲကုန်ဒဵုပူတာအဝ်၊ ဇိုင်ကြုင်နံင်မန် (ကသာန်)၊ ဒေသခံင်လာန်ဖူ၊ ဇိုင်ၜဳမေခ ကဵု ခယျာန်ခူ ကဵု ဇိုင်ဒဵု ခါကာဗဝ်ရာဇဳ တအ်ရ။ ဂကူရဝါန်ဂှ် ဂကူနုံ ဗီုဏအ်လေဝ် ကော်ကီုရ။ ဂကူရဝါန်ဂှ် ဒှ်ဂကောံဂကူတိဗေတ္တဝ်ဘာမာ ပါလုပ် ပ္ဍဲဂကောံဂကူလဝ်လဝ်မူသဝ်တအ်ရ။
ဂကူရဝါန်ဂှ် ဂကူဂျိန်ဖဝ် ကဵု ဂကူသေံတအ် ကော်စ ညးတအ် ဂကူနုံ (ဟွံသေင်မ္ဂး) ဂကူခနုံ။ ရဝါန်ဂှ် ဂွံအဓိပ္ပါယ် မၞိဟ်မလတက်ပလောအ်အသာ်ဗု ဗီုဏအ် ဂွံအဓိပ္ပါယ်ရ။ ဂကူမရူတအ်ဂှ် ကော်စ ညးတအ် နာဲဗံင်၊ ကြုက် ကော်စ ညးတအ် ဂကူကျူဇြဳ။ အထုပ် မၞိဟ်ဇၞော် ဂကူရဝါန်တအ်ဂှ် တာန်လဝ် နကဵုၜဝ်တုဲ စုတ်လဝ် ဂၞိဟ်ကၠိက်ရ။ တုဲပၠန် မလေပ် ဗၞုဟ် ကဵု ဇြင်ကီုရ။
ဂကူရဝါန်တအ်ဂှ် နွံကဵု တၞောဝ်ဗဳဇဂကူ ၜိုတ် ၈၀။ ဟိုတ်ဂကူဂွံ တၞဟ်ခြာ ရေင်သကအ်ဂှ် မွဲအခိင်တေအ် မွဲဒေသ ကဵု မွဲဒေသ အာကၠုင်ဝါတ်ဂါတ်တုဲ အရေဝ်တအ်ဂှ် ပြံင်လှာဲ တၞဟ်ခြာအာ ရေင်သကအ်ရ။ ဆဂး တၠုင်လအာ အရေဝ်ဂှ် တုပ်ဒၟံင် ကုအရေဝ်ဗၟာရ။[၁]
ဗီုမတင်ယၟု
[ပလေဝ်ဒါန် | ပလေဝ်ဒါန် တမ်ကၞက်]ဂကူရဝါန်တအ်ဂှ် တင်ယၟုကောန်ဇာတ်ညးတအ် အတိုင်လၟေင် နူဇၞော် ဍောတ်စှ်ေ အတိုင်ဗွဲသၟဝ်ဝွံရ။
| ကောန်တြုဟ် | ကောန်ဗြဴ | |
|---|---|---|
| ပထမ | ဖုန် | နန် |
| ဒုတိယ | ဒီး၊ ထင် | နင် |
| တတိယ | ခင်၊ ဂျုံ | ချန်၊ ခေါ် |
| စတုတ္ထ | ဆင် | နွန်၊ ထီ |
| ပဉ္စမ | မင် | ဇင်၊ ခူရ် |
| ဆဌမ | ဖီ | ထန်၊ ဂင်း |
| သတ္တမ | ယုန် | ထမ်း |
တ္ၚဲတၟေင်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲကောန်ဂကူရဝါန်ဂှ် ကၠောန်ဗဒှ်ဒၟံင် ဇၟာပ်သၞာံ ပ္ဍဲဂိတုဒဳဇြေမ္ဗာ ၉။ တ္ၚဲကောန်ဂကူရဝါန်ဂှ် စကၠောန် နူသၞာံ ၁၉၄၉ မပစၟတ်သမ္တီ တ္ၚဲမဒက်ပ္တန် ကမ္မတဳလိက်ပတ်ရဝါန် ပ္ဍဲကွာန်ဝူနာင် ပွိုင်ဍုင်ခေါင်လာန်ဖူ ပ္ဍဲသၞာံ ၁၉၄၉ ဂှ်ရ။[၂]
သဘင်ကိစ္စဇၞော် ပ္ဍဲဂကူရဝါန် နွံမွဲပၠန်ဂှ် သဘင်မနော မကော်ဂး နကဵု အရေဝ်ရဝါန် "ဒဘူအဇြဳခံင်" မကၠောန်ဗဒှ် ပ္ဍဲဂိတုဨပြဳရ။ ပ္ဍဲသဘင်ဂှ်မ္ဂး လှ်ေ ဒယှ်ေ ယေန်သၞာင်ရဝါန်ဂမၠိုင် ဒှ်သဘင်မိပ်မြဟ် မွဲဂကူရ။[၃]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ မြန်မာ့စွယ်စုံကျမ်း၊ အတွဲ(၆)
- ↑ မြစ်ကြီးနား၊ ထွန်းလင်းအောင်။ "နှစ် ၇၀ ပြည့် ရဝမ်အမျိုးသားနေ့ ကချင်ပြည်နယ် ပူတာအိုမြို့တွင် ကျင်းပ"၊ eleven Media Group Co,, Ltd.၊ 9 December 2019။
- ↑ "ရဝမ်ရိုးရာ မနောပွဲတော် စတင်ကျင်းပ"၊ RFA News၊ 19 April 2016။