လဝ်ဝဝ် (ဂကူ)
ဂကူလဝ်ဝဝ် (ဝါ) ဂကူမရူ ဂှ် ဒှ်ကောန်ဂကူ ကောန်ဍုင်အရင်မွဲ ပ္ဍဲရးနိဂီုဗၟာ။ ဂကူလဝ်ဝဝ်ဂှ် ပၠုပ်စုတ်လဝ် ပ္ဍဲဂကောံဂကူကချေင်ဂမၠိုင်တုဲ ပဒတဴဒၟံင် ပ္ဍဲသဟရးဗၟာ သကုတ်သၟဝ်ကျာ ပ္ဍဲတွဵုရးဍုင်ကချေင် ပ္ဍဲပွိုင်ဍုင်မျေတ်ကျဳနာ၊ ဝါင်မဝ်၊ ချဳဖွေ၊ ပါန်ဝါ၊ လဝ်ခံင်၊ သောအ်လဝ်၊ ထဝ်လာန်၊ ဆဍုင်။ ပါဲနူဂှ်တုဲ ပ္ဍဲတွဵုရးသေံ ကရေက်လပါ်သၠုင်ကျာလေဝ် နွံဒၟံင်ကီုရ။[၁]
အရေဝ်လဝ်ဝဝ်ဂှ် လဟီုကီု၊ ဝေါဟာရဂမၠိုင်ကီု ကြပ်တုပ် ကုအရေဝ်ဗၟာရ။ ဂကူလဝ်ဝဝ်တအ်ဂှ် ကော်ညးတအ် ဂကူမရူမ္ဂး ညးတအ် ဟွံဒးဂၞပ်ရ။ ဟိုတ်ဂှ်ရ နကဵု ယၟု ပ္ဍဲသၞောဝ်ဂှ် စၟတ်သမ္တီလဝ် ဂကူလဝ်ဝဝ်ရ။ ယၟုမ္ဂး မရူဂှ် ဒှ်ယၟု ဂကူဂျိန်ဖဝ် တအ် မကော်ညးတအ်၊ နကဵု အလဵုဇကု ညးတအ်မ္ဂး ညးတအ် ကော်စ လဝ်ဝဝ်ရ။[၁]
ဂမ္စာဲ[ပလေဝ်ဒါန် | ပလေဝ်ဒါန် တမ်ကၞက်]
ဂကူလဝ်ဝဝ်ဂှ် နကဵု ရုပ်သာ် ဗီုပြင်ဒမံင်တအ်ဂှ် တုပ်ဒၟံင် ဂကူဂျိန်ဖဝ်ဂၠိုင်၊ ဆဂး အရေဝ်ညးတအ်ဂှ် မအရေဝ်ဗၟာ နွံဂၠိုင်ရ။
ဒတန်ဒၞာဲဂကူလဝ်ဝဝ် မပဒတဴဂမၠိုင်ဂှ်
- ပဗဟဵု ကုထဝ်လဝ်တုဲ တိုန်အာလပါ်သၟဝ်ကျာ နူဇိုင်ၜဳအာမက်ခ စဵုကဵုစိုပ် ဒေသတြိဂံ လပါ်ဗမံက် သီုကဵု ဇိုင်ၜဳမေခ။
- ဒေသလဝ်ခံင်ဂှ်မ္ဂး ဇိုင်ၜဳငဝ်ဆာန် ဒေသလပါ်သၟဝ်
- ပ္ဍဲဇိုင်ကြုင် ယျေန်ခဝ်မ မဒှ်ကြုင် မပါ်တိတ် နူကဵု ၜဳမေခ
- ဒေသကရေက်လပါ်သၠုင်ကျာ ဆောန်ပရာဘုမ်
- ဆဍုင် လပါ်သၠုင်ကျာ ကဵု ဒေသဗာန်မဝ်
ယၟု[ပလေဝ်ဒါန် | ပလေဝ်ဒါန် တမ်ကၞက်]
လဝ်ဝဝ်ဂှ် နကဵု အရေဝ်ဘာသာညးတအ်မ္ဂး ဂွံအဓိပ္ပါယ် မၞိဟ်မပဒတဴ ဇိုင်ၜဳ၊ ဗွဲတၟေင် ညးစၞောန်ကဵု ၜဳမေခ ဂှ်ရ။ ညးတအ် ပံက်လဝ် အဓိပ္ပါယ်မွဲပၠန်ဂှ် လဝ် ဂှ် ဂွံအဓိပ္ပါယ် သၟဝ်ကျာ၊ ဝဝ် ဂှ် ဂကောံမၞိဟ်။ လဝ်ဝဝ် ဂကောံမၞိဟ်သၟဝ်ကျာ။
ပြဝေဏဳ[ပလေဝ်ဒါန် | ပလေဝ်ဒါန် တမ်ကၞက်]
ဂကူလဝ်ဝဝ်တအ် ဗွဲမဂၠိုင်ဂှ် ဒှ်မၞိဟ်မရှ်ေသှ်ေ ဘာသာခရေတ်ယာန်တုဲ သီုရှ်ေသှ်ေ ကလော်၊ ဒေဝတဴဂမၠိုင်ကီုရ။ သဘင်မနောဟီုဂှ် ဒှ်သဘင် ညးတအ် မဗစကလော်သ္ၚိ ညးတအ်ရ။