လၟိုင်၊ ဍုင်
ဍုင်လၟိုင်ဝွံ ဒှ်ဍုင်မၞုံပ္ဍဲ ပွိုင်ဍုင်ရေဝ်မွဲတုဲ ဒက်ပတန်လဝ် နကဵု (၃) ၝောံဍုင်ရ။ ဗွဲအတိုင်ဂၠံင်ကွဳစက် မတ်မလီု-ရေဝ်မ္ဂး ဒးဒေါအ်ကေတ် ပ္ဍဲဒပ်ပၞာန်စၟတ် (၁၀၆) ကွာန်တၟအ်ကၞေင် တုဲ ဒးဆက်အာ ဗွဲဒိုဟ်ပလိုတ်ရ။ ပဲါနူ ဂၠံင်ကွဳစက်မ္ဂး ဂၠံင်ကွဳပၟတ်(ရထာ) မတ်မလီု-ရေဝ်မ္ဂး စှ်ေဒေါအ်ကေတ် ပ္ဍဲသၞေဟ်ကွဳပၟတ် လၟိုင်ဂှ်ရ။
ဝင်
[ပလေဝ်ဒါန် | ပလေဝ်ဒါန် တမ်ကၞက်]ဍုင်လၟိုင်ဝွံ ပ္ဍဲအခိင် ခေတ်ဨကရာဇ် ရးဍုင်မန်ဂမၠိုင် ၉၆ ဍုင်ဂှ် ပါလုပ်လၟိဟ် ပ္ဍဲမတ္တမ (၃၂) ဍုင်ရ၊၊ ကြဴနူ ဍုင်မန် ဟံသာဝတဳ မဒးဒုင်ပလီုထောအ် ကုဗၟာအံင်ဇဲယျတုဲ ပ္ဍဲသၞာံ ၁၁၂၈၊ ဂိတုပုဟ် ၁၀ စွေက် (၂၄ ဇာန်နဝါရဳ ၁၇၆၇) ဂှ် နာထံင်ရေ (မၞိဟ်ဇၞော်ဍုင်ရေဝ်) မၞုံယၟု ပါရမဳ ကေုာံ ဇခဳဇၞော်ရေ (မၞိဟ်ဇၞော်ဍုင်ရေဝ်) ထဝ်ကမု ကဵုစရင်ပယိုဝ်တိ ရးဍုင်လၟိုင်ရ၊၊ ဍုင်တၞဟ်တအ် ညးဇၞော်ညးကဵုညး ကၠုင်ကဵုကီုလေဝ် ဍုင်လၟိုင်မွဲ မၞိဟ်ဇၞော် နူဍုင်တၞဟ် ဂရင်ဗတီ စရင်ဍုင်ဇကုဂှ် ဒှ်အရာတၟေင်မွဲတုဲ ပ္ဍဲအခိင်ဂှ် ဍုင်လၟိုင်ဂှ် သုန်ဂြာံ ဟွံဒှ်ဍုင် သၟိင်မဂ္ဇအ်ရုင်ရလေဝ် ဒှ်မာန်ရ၊၊ တုဲပၠန် စရင်ကွာန် နွံမူစိရောလေဝ် ဟွံဂွံဆဵုကေတ် ပ္ဍဲစရင်ဂှ်ရ၊၊
စရင်ပယိုဝ်တိ ရးဍုင်လၟိုင် အတိုင်လိက် ဍုင်၃၂ ဇာ ၁၂ ဒၟံင်စာတန် ဂှ် ဂွံဆဵုကေတ် အတိုင်ဗွဲသၟဝ်ဝွံရ၊၊
ပုံ ၁၀ စွေက် နာထံင်ရေ ပါရမီ ဇခဳဇၞော်ရေ ထဝ်ကမု ကဵုစရင်ပယိုဝ်တိ ရးဍုင်လၟိုင်၊၊ ၊၊နူဍုင်မတ္တမ စိုပ်ဍုင်လၟိုင် ၄ တ္ၚဲ ၄၀ တိုင်၊
၊၊ နူဍုင်လၟိုင် လပါ်ဗၟံက် ပါဒိုဝ်ကလောတ် ပါပယိုဝ်တိ ရးဍုင်ဝင်ရဴ ၃ တ္ၚဲ ၃၀ တိုင်၊
၊၊ နူဍုင်လၟိုင် လပါ်သမၠုင်ကျာ ပါကြုင်တၟံလး ပါပယိုဝ်တိ ရးဍုင်ရေဝ် ၁ တ္ၚဲ ၁၀ တိုင်၊
၊၊ လပါ်ပလိုတ် ၁ တိုင် ပါၜဳဇၞော်၊
၊၊ လပါ်သၟဝ်ကျာ ပါကြုင်လၟိုင် ပါပယိုဝ်တိ ရးဍုင်ဝါခရူ ၁ တ္ၚဲ ၁၀ တိုင်၊
၊၊ နူဍုင်လၟိုင် လပါ်အဂၞဲ ပါတၟံကလုံ ၃ တ္ၚဲ ၃၀ တိုင် ပါရးတိဍုင်ဒျောဒျာ၊
၊၊ နူဍုင်လၟိုင် လပါ်နေရတိ ပါကြုင်ဒပ်လၟိုင် ပါၜဳဇၞော် ၂ တိုင်၊
၊၊ နူဍုင်လၟိုင် လပါ်ဗာယပ် ပါပါင်ကြုင်အကြေင် ပါၜဳဇၞော် ၇ တိုင်၊
၊၊ နူဍုင်လၟိုင် လပါ်အေသာန် ပါဒိုဝ်ဟံင်ဘိုင် ပါပယိုဝ်တိ ရးဍုင်ဝါခရူ ၅ တိုင်၊
ကျာ်စေတဳဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ကျာ်ကေလာသ
- ကျာ်ဓာတ်ဇူ
- ကျာ်ဍုင်တၟိ
- ကျာ်ၝဲၜေဝ်
- ကျာ်ဗုဒ္ဓဂါယာ
- ကျာ်သာသနာ၂၅၀၀
- ကျာ်ကၟာမ္ၚဵုကျာ်သြဳ
ဘာလကျာ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ရာမညနိကာယ ဘာရုင်ဒါန်
- ရာမညနိကာယ ဘာရာမည
- ရာမညနိကာယ ဘာမ္ၚဵုအံင်ဇၞး
- ရာမညနိကာယ ဘာကျာ်
- ရာမညနိကာယ ဘာသာသနာမေဓါဝဳ
- ရာမညနိကာယ ဘာမူလဘာၜဳ
- ရာမညနိကာယ ဘာထဝ်
- ရာမညနိကာယ ဘာအ္စာဓရ်
- ရာမညနိကာယ ဘာမုနိပါလ
ဌာန်ပုဂ္ဂလိက
[ပလေဝ်ဒါန် | ပလေဝ်ဒါန် တမ်ကၞက်]ဇြပ်ဇၞူမန်
ၝောံခန် မုနိပါလ
ပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]ဘာတန်အလဵုအသီ
[ပလေဝ်ဒါန် | ပလေဝ်ဒါန် တမ်ကၞက်]ဘာကောန်ဂကူ
[ပလေဝ်ဒါန် | ပလေဝ်ဒါန် တမ်ကၞက်]တိုက်ရံင်လိက်
[ပလေဝ်ဒါန် | ပလေဝ်ဒါန် တမ်ကၞက်]ဖျာ
[ပလေဝ်ဒါန် | ပလေဝ်ဒါန် တမ်ကၞက်]ဖျာမိစောဗု (ရှင်စောပု)
သ္ဇိုင်ဝန်ထတ်ယုတ်
[ပလေဝ်ဒါန် | ပလေဝ်ဒါန် တမ်ကၞက်]- ရုင်ဂဥုဲကဆံင် ပွိုင်တိုက် (တိုက်နယ်ဆေးရုံ)
- ရုင်ကဵုဂဥုဲညးဍုင်ကွာန် (ကျန်မာရေး ဆေးပေးခန်း)
ယေန်သၞာင် ဒေသ
[ပလေဝ်ဒါန် | ပလေဝ်ဒါန် တမ်ကၞက်]စဲပေင် သဘင်ကျာ်ဍုင်တၟိ
သဘင်ကဝါ်ပူဇဴ ကျာ်တြဲ ၂၈
သဘင်ကဝါ်ပဌာန်
သဘင်ကဝါ်ပၞာင်
သဘင်လှ်ေပေဲါဂၠဴ
သဘင်ပူဇဴဓရ်လ္ၚီဂါထာ
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲဍုင်လၟိုင်ဂှ် ဗွဲလၟေင်သၞာံ စိုပ်အခိင်ဂိတု -- မ္ဂး ဗၞတ်ပွိုင် --- တ္ၚဲ ဂကောံသင်မဟာနာယကဍုင်လၟိုင်ဂမၠိုင် က္ဍိုပ်က္ဍိုပ်တုဲ ညးကၠောန်ဗဒှ်ကေတ်လျိုင် ဂကောံဂေါပက ကျာ်ကေလသဍုင်လၟိုင်တအ် ကၠောန်ဗဒှ်ကၠုင်မံင်မ္ဂး သၞာံ ၁၃၇၉ သၞာံဂှ် ပေင်အာ ၂၅ ဝါတုဲ ညးတအ်ကၠောန်ဗဒှ် သ္ဘင်စၟတ်သမ္တီဓရ်လ္ၚီဂါထာ ပေင် ၂၅ ဝါနွံရ။ သဘင်ပူဇဴဓရ်လ္ၚီဂါထာ မကၠောန်ဗဒှ်ကၠုင် ပ္ဍဲဇြပ်သုဓမ္မာ ကျာ်ကေလာသ-ဍုင်လၟိုင်ဝွံ ဟိုတ်နူကၠောန်ကၠုင်အဆက်အဆက်တုဲ ပ္ဍဲကဵုကောဇာ သက္ကရာဇ် ၁၃၇၉ ဏံ ပေင်ကၠုင် ၂၅ သၞာံကီုရ။
ဝင်စးဗွဴကြဴ
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲလိက်အုပ် သ္ဘင်ပူဇဴဓရ်လ္ၚီဂါထာ-ဍုင်လၟိုင် ပေင် ၂၅ သၞာံဂှ်မ္ဂး ထၟံက်ထ္ၜလဝ် " ကမၠောန်ပုည ပွသ္ပပူဇဴဓရ်လ္ၚီဂါထာ ကၠောန်ဗဒှ်ကၠုင် ပ္ဍဲကဵုဍုင်လၟိုင်ဂှ် စနူသၞာံလဵု၊ လလံလဵု ၜိုန်ရတီကေတ် ချိုတ်တ်ပၠိုတ်ဟွံမာန်ကီုလေဝ် အတိုင်ညးဇၞော်အာယုက်ၜိုတ်ဒ္စိတ်စှော် (အနာဲမလဵုချိုင်ဆ) လဴကၠုင်မ္ဂး လောန်ကၠုင် ၜိုတ် (၈၀) သၞာံတေံ ပ္ဍဲကဵုဘာကျာ် (ဘာဇၞော်) ကေင်ကၠောန်ဗဒှ်လဝ် သ္ဘင်ပူဇဴဓရ်လ္ၚီဂါထာ အလန်ကၠာကီု။ အတိုင် နာဲၝောံလဴလဝ် (ညးချိင်ကေတ်) လောန်ကၠုင်ၜိုတ် (၇၁) သၞာံတေံ ပ္ဍဲကဵုဘာကျာ် ကေင်ကၠောန်လဝ် အလန်ဒုတိယကီုရောင် ဂွံတီကေတ်ရ" သာ်ဝွံ ရ။
ပ္ဍဲလိက်ကၞပ်သ္ဘင်ဓရ်ပေင် ၂၅ သၞာံမ္ဂးဂှ် ညးမချူပကောံ နာဲလအ်ဂှ် သ္ပသဇိုင်ကဵု နဲကဲသၟာန်သွဟ် ညးဇၞော်တအ်တုဲ ပတိုန်လဝ်ကဵုတင်နင်ဝင်လၟေင်ကမၠောန်တအ်ဂှ်မ္ဂး " အတိုင်နာဲသဵုအံင် (စိုးအောင်) လဴလဝ် လောန်ကၠုင်ၜိုတ် ၆၂ သၞာံတေံ ဘာရာမည (ဘာတၟိ) ကေင်ဒုင်လဝ်သ္ဇိုင် ကၠောန်ဗဒှ်လဝ် သ္ဘင်ပူဇဴဓရ်လ္ၚီဂါထာရ။ အတိုင်ကျာ်ဇၞော်အ္စာ သောဘဏမဟာထေရ် လဴလဝ်မ္ဂး၊ အခိင်ညး က္လိဂွံ ၜိုတ်အာယုက် (၁၀) သၞာံတေံ ကၠောန်ဗဒှ်သ္ဘင်ပူဇဴဓရ်လ္ၚီဂါထာ ပ္ဍဲဘာရာမညရ။ ဗစပ်ကဵု ဂလာန်ၜါဝွံတုဲ လောန်ကၠုင် ၜိုတ်တြဴစှော်သၞာံပြင်တေံ ဘာရာမညကေင်ကၠောန်ဗဒှ်လဝ် သ္ဘင်ပူဇဴဓရ်လ္ၚီဂါထာကီုဂှ် စၟတ်စထေက်ရ" ထမံက်ပတိုန်လဝ်ရ။
ဆက်တုဲပၠန်ဂှ် " အတိုင်နာဲမလဵု လဴလဝ်ကီု၊ အတိုင်နာဲထောန် လဴလဝ်ကီု လောန်ကၠုင်ၜိုတ် (၅၀) သၞာံတေံ ဘာရုင်ဒါန် (ဘာဂြေန်) ကေင်ကၠောန်ကၠုင်သ္ဘင် ပူဇဴဓရ်လ္ၚီဂါထာ အလန်ကိုပ်ကၠာကီု။ လောန်ကၠုင်ၜိုတ် (၃၇) သၞာံတေံ ကေင်ကၠောန်ဗဒှ်လဝ် သ္ဘင်ပူဇဴဓရ်လ္ၚီဂါထာ အလန်ဒုတိယပၠန်ဂှ် နာဲလအ် (ညးမကေင်ဖ္ဍောတ်လဝ်ဓရ် လ္ၚီဂါထာ အခိင်တေံ) စၟတ်သမ္တီလဝ်နွံဂှ် ကလေင်ထမံက်ပတိုန်လဝ် ပ္ဍဲလိက်ကၞပ်ပေင် ၂၅ သၞာံပၠန်ရ။ တုပ်သာ်ဂှ်ကီု " ကြဴနူဂှ် ကုသဵုပွမကၠောန်ဗဒှ် သ္ဘင်ပူဇဴဓဝ်လ္ၚီဂါထာဂှ် စိုပ်ကၠုင်ဘာမ္ၚဵုအံင်ဇၞး (ဘာဇြပ်)ကီုရ။ အတိုင်ကျာ်ဇၞော်အ္စာ သောဘဏမဟာထေရ် (ကျာ်ဇၞော်ဘာဇြပ်) စၟတ်သမ္တီလဝ်မ္ဂး စပ္တံနူကဵု ကောဇာ ၁၃၄၈ သၞာံ၊ ပွိုင်ပိသၞာံ ဆက်က် ကေင်ဒုင်လဝ်သဇိုင် သ္ပပူဇဴဓရ်လ္ၚီဂါထာ ပ္ဍဲကဵုဘာဇြပ်ရ။
.svg){kind=small}
