အနေင်၊ ပွိုင်ဍုင်ဇြပ်ဗု
| ကွာန်အနေင် | |
|---|---|
| ကွာန် | |
  ကွာန်အနေင် ဒၞာဲကွာန်အနေင် မၞုံ | |
| ဒတန်ဒၞး: 15°40′32″N 97°46′03″E / 15.6754903793335°N 97.7674789428711°Eဒတန်: 15°40′32″N 97°46′03″E / 15.6754903793335°N 97.7674789428711°E | |
| ကၟိန်ဍုင် |
 Myanmar |
| တွဵုရး |
 Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်ဇြပ်ဗု |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ကွာန်အနေင် (အၚ်္ဂလိက်: Ahnin,ဗၟာ: အနင်း)ဝွံ နွံပ္ဍဲတွဵုရးဍုင်မန်၊ ခရိုင်မတ်မလီု၊ ပွိုင်ဍုင်ဇြပ်ဗု၊ ဂကောံကွာန်အနေင်။ ဂၞန်ကောဒ်ကွာန်ဂှ် ၁၉၅၂၇၃။ ဇမၞော်ကွာန်ဂှ် သီုဖအိုတ် နွံၜိုတ် 0,41 mi2 ရ၊၊ ဂၠံင်ကွဳပၟတ်တတ်အာ လပါ် ဗၟံက်ကွာန်တုဲ အဓိက ပရေင်ပလံင်ဗစိုပ် ကွာန်အနေင်ဝွံ ဒှ်ကွဳပၟတ်ကီုလေဝ် တိတ်အာ ဂၠံင်ဗၟံက်ကွာန် ၜိုတ် 3.95 တိုင်မ္ဂး စိုပ်ဂၠံင်ဇၞော် မတ်မလီုကဵုရေဝ် ရ၊၊ လပါ်သၟဝ်ကျာကွာန်ဂှ် နွံကြုင်/ၜဳမွဲ ယဝ်ဍာ်အာဂၠုင် အတိုင်လၟောဝ်ပ္ၚံက်ၜဳဂှ် 6.4 တိုင်မ္ဂး စိုပ်ပါင်ၜဳဇၞော်ရ၊၊
လၟိဟ်မၞိဟ်
[ပလေဝ်ဒါန် | ပလေဝ်ဒါန် တမ်ကၞက်]အတိုင်စရင်မၞိဟ် သၞာံ ၂၀၁၄ မ္ဂး ပ္ဍဲဂကောံကွာန်အနေင်ဂှ် မၞိဟ်တြုဟ် နွံ ၄၀၀၀၊ မၞိဟ်ဗြဴ နွံ ၄၂၄၅ သီုဖအိုတ် မၞိဟ်မပဒတဴ ၈၂၄၅ တၠရ။[၁]
ပလံင်ဗစိုပ်
[ပလေဝ်ဒါန် | ပလေဝ်ဒါန် တမ်ကၞက်]အဓိက ပရေင်ပလံင်ဗစိုပ် ကွာန်အနေင်ဝွံ ဒှ်ကွဳပၟတ် ကေုာံ ဂၠံင်တိုက်ရ၊၊
ကွိက်ဇၞော်
[ပလေဝ်ဒါန် | ပလေဝ်ဒါန် တမ်ကၞက်]နူတၞုင်ကွာန် လပါ်ဒိုဟ်အဂၞဲ ၜိုတ်ဘာ်တိုင်ဂှ် နွံကွိက်ဇၞော်မွဲရ၊၊
ကွိက်ဝွံ ညးဒေသတအ် ကော်ခဴစနကဵုယၟုမ္ဂး "ကွိက်ဇၞော်" တုဲ မၞုံပ္ဍဲကွာန်အနင်၊ ပွိုင်ဍုင်ဇြပ်ဗု၊ တွဵုရဍုင်မန်ရ။
ကွိက်ဇၞော်ဝွံ နွံ နူကွာန်အနေင် လပါ်ဒိုဟ်အဂၞဲ နူတၞုင်ကွာန်အနေင် ခြာၜိုတ် ဗၞတ် (၁) တိုင်၊ ဇမၠိင်ကွိက် ဗွဲသၠုင်ကျာ ကဵု သၟဝ်ကျာ နွံ ၂၂၉၂ ပေ၊ လပါ်ဗၟံက်ကဵုပလိုတ်မ္ဂး နွံဗၞတ် ၉၄၀ ပေ ဗွိုက်သမၠဲ ဍာ်ကွိက်ဂှ် နွံဗၞတ် ၅၅.၈၀ ဨက ဒှ်ရ[၂]၊၊
အခိင်ကၠာနူသက္ကရာဇ် ၁၃၄၀ သၞာံတေံမ္ဂး ကွာန်မၞုံပွဳပွိုင်ဒေသအနေင် မပ္တံကွာန်အနင်၊ ကွာန်ပလိုင်မှုဟ်၊ ကွာန်ပြာန်ဍောင်တအ်ဝွံ စိုပ်အခိင်က္ညင်မ္ဂး ဒးဆဵုဂဗကဵုဘဲဒဒိုက်ဍာ်ကှ် ကၠောဝ်ဍာ်အိုတ်ရ။ ညးဒေသအနေင်ဂမၠိုင်ဝွံ ဟိုတ်လွဳပရာတဴ ပရေင်ဗုင်ဂၞဴ နကဵုပရေင်တဵုလွဳတအ်ဟေင်တုဲ စိုပ်အခိင်က္ညင်မ္ဂး ဟိုတ်နူဍာ်ဒဴကှ်အာအိုတ်တုဲ ဒးက္တဵုဒှ်မံင် ဒဒိုက်အရိုဟ်သၞာံရ။ တၞဟ်နရဲကွာန်တအ် ဂွံတိတ်ဗၠးနူဘဲ ကၞောဝ်ဍာ် ပ္ဍဲဥတုကညင်တုဲ ကျာ်ဇၞော်အစာ ဘဒ္ဒန္တ ရာမည နူဘာဒဵု ပရိယတ္တိ အာဂတပၠတရဴတုဲ ကောန်ကွာန်အနေင်တအ် စဗဝ်ပတိုန်ကၟိုန်ဍာ် သွက်ဂွံကြိုင်စွံလဝ်ဍာ်ရ၊၊ ပ္ဍဲမွဲဒမြိပ်ကၟိုန်ဂှ် ကျာ်ဇၞော်အစာရာမည ကဵုတဵုလဝ် တၞံဆုတုဲ ပ္ဍဲကၞောတ်ကၟိုန် လပါ်သၠုင်ကျာဂှ် ကဵုကၠောန်လဝ် ပါင်တြင်ကၟာတ်ဍာ်မွဲရ၊၊ ပ္ဍဲဒၞာဲပါင်တြင်ဍာ်ဂှ် စိုပ်အခိင်ကသီုမ္ဂး ပံက်ဇွောဝ်ဖျေဟ်ဍာ်တုဲ စိုပ်အခိင်ဗြဲအိုတ် ၜိုတ် ဂိတုဘတ် မ္ဂး ညးကဵုဗဝ်ကၟာတ်ထောအ် တြင်ဍာ်ဂှ်ရ၊၊ စနူ ကျာ်ဇၞော်အစာ ရာမည ကေုာံ ကောန်ကွာန်တအ် ကၟာတ်လဝ်ဍာ်ဂှ်တုဲ ကွိက်ဇၞော်ဝွံ ကတဵုဒှ်ကၠုင်ရ၊၊ စနူဂှ်တုဲ ကွာန်အနေင်ကီု သီုကဵု ကွာန်ဗဒါဲဗဒါဲတအ် ဗီုကဵု ကွာန်ပလိုင်မှုဟ်၊ ကွာန်ပြာန်ဍေင်တအ် ဟွံဒး ဘဲကၞောဝ်ဍာ်ရ၊၊ တၞံဆုဒုန်တအ်လေဝ် ဍိုပ်ဍဴဒၟံင် ကၠိုဟ်သၞာံရ၊၊ ပ္ဍဲသက္ကရာဇ် ၁၃၆၆ ဂှ် ကျာ်ဇၞော်အစာရာမည စဴအာသွဝ်တုဲ ကောန်ကွးညး အပါယု နာဲအံင်ဖေ ဆက်ကေတ်အာ တာလျိုင် ကမၠောန်ပၠတရဴ ကၟိုန်ဍာ်ဂှ်ရ၊၊
နူဂှ်တုဲ လၟေင်င်သၞာံ ကျာ်ဇၞော်အ္စာတၠရာမည က္ဍိုက်ပ်တုဲ ဂကောံဒါယကာဂမၠိုင် စိုပ်အခိင်ရာသဳဗြဲအိုတ်မ္ဂး ကၟာတ်ကြိုင်ကၠုင်ဍာ်လၟေင်င်သၞာံအိုတ်ရ။ ဒုင်သဇိုင်ကဵုဂကောံထိင်ဒဝ်ပွဳပွူသဘာဝ ဒေသအနေင်တုဲ ပ္ဍဲသက္ကရာဇ် ၁၃၈၀၊ ဂိတုက္ထိုန် ၁၁ စွေက် (3 Dec, 2018) ဂှ် ဒက်ပ္တန်ကၠုင် ကမ္မတဳထိင်ဒက်မင်မွဲ ကွိက်ဇၞော်ရ။ ဟိုတ်နူဇြဟတ်စေတနာ ညးဍုင်ကွာန်၊ ကမ္မတဳ၊ ဂကောံ ကေုာံ အလဵုအသဳတုဲ ပါင်တြင်ထိင်ဍာ်တၟိဂှ် စနူ (22 Jan, 2019 စိုပ် 8 May, 2019) သိုင်ခၞံတုဲဒှ်အာ ဗွဲမအံင်ဇၞးရ[၂]။
ကၟိန်ဍာ်မဗဝ်လဝ်ဝွံ စဵုကဵုအခိင်တ္ၚဲဏအ် သုင်စောဲအာကၠုင်ဒၟံင် နဒဒှ်ဂၠံင်ဍာန်မွဲဖိုဟ်ဏီရ။ ဍာ်ကွိင်ဇၞော်ဏအ်ဝွံ အခိင်အခါတ္ၚဲဏအ်မ္ဂး လၟိဟ်မၞိဟ်ၜိုတ် ၁၈၀၀ ကေုာံ တိရစ္ဆာန် ပြေင်ဂၠဴဗွဲမဂၠိုင်တအ် မ္ဒးဗ္ဒဗ္ဒဲါဒၟံင်အိုတ်ရ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]လိက်ဝင်ကွိက်ဇၞော် ဗွဲခမၞောန်၊ ဂကောံထိင်ဒဝ်ပွဳပွူသဘာဝ ဒေသအနေင်
https://web.facebook.com/EPCS.Anin
.svg){kind=small}
- ↑ Place codes (Pcodes). Myanmar Information Management Unit (June 2020).
- ↑ ၂.၀ ၂.၁ https://web.facebook.com/EPCS.Anin