တံင်ပိုအ်၊ ပွိုင်ဍုင်မုဟ်ဍုင်
| ကွာန်တံင်ပိုအ် | |
|---|---|
| ကွာန် | |
  ကွာန်တံင်ပိုအ် ဒၞာဲကွာန်တံင်ပိုအ် မၞုံ | |
| ဒတန်ဒၞး: 16°05′37″N 97°42′40″E / 16.0935497283936°N 97.7112426757813°Eဒတန်: 16°05′37″N 97°42′40″E / 16.0935497283936°N 97.7112426757813°E | |
| ကၟိန်ဍုင် |
 Myanmar |
| တွဵုရး |
 Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်မုဟ်ဍုင် |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
.jpg)
ကွာန်တံင်ပိုအ်(အၚ်္ဂလိက်: Taungpa)ဂှ် နွံ ပ္ဍဲ တွဵုရးဍုင်မန်၊ ခရိုင်မတ်မလီု၊ ပွိုင်ဍုင်မုဟ်ဍုင်၊ ဂကောံကွာန်တံင်ပိုအ်၊ ဂၞန်ကောဒ်ကွာန်ဂှ် ၁၉၅၃၂၄။ အတိုင်စရင်မၞိဟ် ကၟိန်ဍုင်ဗၟာ သၞာံ ၂၀၁၄ မ္ဂး ပ္ဍဲကွာန်တံင်ပိုအ်ဂှ် မၞိဟ်တြုဟ် နွံ ၁၉၃၇၊ မၞိဟ်ဗြဴ နွံ ၂၃၂၅ တုဲ သီုဖအိုတ် မၞိဟ်ပဒတဴဒၟံင် ပ္ဍဲကွာန်ဂှ် ၄၂၆၂ တၠရ။[၁]
ဝၚ်ကွာန်တံၚ်ပိုအ်
[ပလေဝ်ဒါန် | ပလေဝ်ဒါန် တမ်ကၞက်]ဒၞာဲဌာန်ဂှ်ကၠာကျာ်တြဲဂေါတမဟွံဒှ်ဗၞတ်(၅၀)သၞာံ၊ မၚ်ဗၠာဲမၞုံယၟုဓနုဓမ္မရာဇာ နူဍုၚ်သဓီုကသေံဂွံရဲ (၁၄) အိန်ထံၚ်စှ်ေကၠုၚ်ဌာန်ဂှ်ရ။ ကိုပ်ကၠာဂှ် ညးကော်စ ဝတံၚ်ပေါံ (ဒၞာဲဌာန်ဂှ်ဒှ်ဒၟံၚ်ကအ်တုဲ ခ္ဍံမံၚ်ညံၚ်မဝေၚ်ရ) ဍုၚ်ဝတံၚ်ပေါံဝွံ (လက်ထက်သၟိၚ်ဗညာဒလ ကျအာပၞာန်ဍုၚ်လီုအာရ) တံၚ်ပေါံ (ရဲဝတံၚ်ပေါံတံ မၞိဟ်၂၅ အိန်ထံၚ်ကလေၚ်ပ္တန်ကွာန်တၟိရ) တံၚ်ဖံၚ် (ဗၟံက်ကွာန်ဂှ်ဒှ်ဒၟံၚ်ၜီတုဲ တံၚ်ပိုအ်ကဵု ကၠံသတ်ဂှ် အာကၠုၚ် တံၚ်စၠောံ ကေတ်ကဵုဖံၚ်ရ) တံၚ်ကလောံ (အာကၠအ်သတ်တေံ ဒှ်တံၚ်စၠောံကေတ်ရ) လးကလောံ (လက်ထက်ကျာ်တြဲကဿပ ကဵုလဝ်ပျးဒိုဟ်ရ) တံၚ်ပိုတ် (လက်ထက်ဂလာမုက်ဗု ကၠောန်ပ္တိုန်ဒဒန်ဗၟံက်ကွာန်ဂှ် ဒှ်အာယၟုဏအ်ရ) တံၚ်ပိုအ် (လၟုဟ်ဂှ် ကော်စမံၚ်ယၟုဏအ်ရ)[၂]
ဘာလကျာ်ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]၁။ ဘာတြေံ ၂။ ဘာတၟိ
၃။ ဘာဒုန်
ဝၚ်ဘာတြေံ
[ပလေဝ်ဒါန် | ပလေဝ်ဒါန် တမ်ကၞက်]ကျာ်တြဲသ္ပပရိနိဗ္ဗာန်တုဲ သၞာံမလအ်လံ ပ္ဍဲသာသနာ (၂၃၆)သၞာံဂှ် ခၟဳတၠရှန်မန် နူဍုၚ်သဓီု က္ညအာပ္တန်သာသနာရ။ ခၟဳတၠအရှန်မန် ပ္တန်သာသနာ ဂိုဏ် ရာမည နိကာယ စိုပ်ကၠုၚ်ကွာန်တံၚ်ပိုအ်ဏံ (၂၈)ဇကုရ။ ဗၟံက်ကွာန်ၜဳဇၞော်တဴ ဗွဲမလောန်ရ။ ခၟဳသၚ်ဂမၠိုၚ်စိုပ်ကၠုၚ်ဂှ် ကောန်ကွာန်တံၚ်ပိုအ်တံ လျုၚ်ဇြုၚ်သ္ဍိုက်တဴ သာသနာကျာ်ဗွဲမလောန်တုဲ ၚးတးအုပ်ခြုံ သွက်ဂွံပ္တန်ဘာရ။ ၚးတးအုပ်ခြုံတုဲ ပ္တဴဒယိုၚ်သိုၚ်ဘာ သွက်ခၟဳတၠအရှန် ဂွံတန်တဴအာတုဲ ကော်စဘာ တၠအရှန်ဘာတြေံလၟုဟ်ရ။ ခၟဳတၠအရှန်တအ် မွဲအဆက်မၚ်မွဲကၠုၚ်သာသနာကျာ်တုဲ ပ္ဍဲသာသနာ (၆၄၃)သၞာံဂှ် ခၟဳတံချပ်သွက်ဂွံ ပ္တန်သီရ။ ခၟဳတၠရှန်ကဵုဒကာ စိုတ်တုပ်ဒှ်မွဲ ဂၠာဲပ္တန်သီရ။ သ္ပဟိုတ်ကဵုတၠရှန်ပ္တန်လဝ်တုဲကော်ခဴစ သဳတၠရှန်ရ။ ဒက်ပ္တန်သီတုဲ ကၠေၚ်ဒက်ပ္တန်အာ ဘုတ်မွဲမကဵု ကျာ်စေတဳပိတၞုၚ်ရ။
ရုပ်ကျာ်သဳလ္ပာ်အပ္ဍဲဝွံ နူလက်ထက်အၚ်္ဂလိက်ညးကၠတ်ရုပ်ကျာ်နွံဒၟံၚ်တုဲ ရဲကွာန်တအ်ညးဂမၠိုၚ်ကလေၚ် ကြေပ်စွံလဝ်ရုပ်ကျာ်လဝ်နွံရ။
.jpg)
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ Place codes (Pcodes). Myanmar Information Management Unit (June 2020).
- ↑ (1) Video | Facebook
.svg){kind=small}
