ဗော်ဒဳမဵုကရေဇြဳအလုံရးမန်
| ဗော်ဒဳမဵုကရေဇြဳအလုံရးမန် | |
|---|---|
| အင်္ဂလိက် ယၟု | All Mon Region Democracy Party |
| ညးအုပ်ကာနာနာ | နာဲသဵုနဲ |
| ဥက္ကဌ | နာဲဇၞူမန် |
| မဒက်ပတန် | ၄ မေ ၂၀၁၀ |
| ပလီု | ဂျူလာင် 11, 2019 |
| ဂဥုပ်ဌာန | ခြံအမှတ်(၂၂၇)၊ (၆)လမ်း၊ မြိုင်သာယာမြို့သစ်၊ မော်လမြိုင်မြို့၊ မွန်ပြည်နယ်။ |
| ကောန်ဗော် | ၅၀,၀၀၀+ |
| သဘဴဓရ် ပရေင်ဍုင်ကွာန် |
အခေါင်အရာ သွက်ဂကူမန် သၞောတ်ကၟိန်ဍုင်ပံင်ကောံဖေဝ်ဒရေဝ် |
| အသာ် | ဗကေတ် |
| အလာံဗော် | |
 | |
ဗော်ဒဳမဵုကရေဇြဳအလုံရးမန် (All Mon Region Democracy Party – AMDP, မွန်ဒေသလုံးဆိုင်ရာဒီမိုကရေစီပါတီ) ဂှ် ဒှ်ဗော်ပရေင်ဍုင်ကွာန် ကောန်ဂကူမန် မကတဵုဒှ်လဝ် ကြဴနူ သၞောဝ်ဥပဒေသဇိုင် ၂၀၀၈ သွက်သဘင်မာဲ သၞာံ ၂၀၁၀ တုဲ ဆက်တန်တဴအာ နဒဒှ် ဗော်ပရေင်ဍုင်မန် စဵုကဵု ဗော်ပရေင်ဍုင်ကွာန်မန်ၜါ ပံင်ကောံတုဲ ဒက်ပ္တန် ဗော်ညဳသၟဟ်မန် ပ္ဍဲသၞာံ ၂၀၁၉ ရ။[၁] နကဵု ဗော်ဏအ် လုပ်ဒုင်ရုဲမာဲ ပ္ဍဲသဘင်မာဲ ၂၀၁၀ သီုဖအိုတ် ၃၄ ဒၞာဲ က္လိဂွံဇမၞး သီုဖအိုတ် ၁၆ ဒၞာဲ၊[၂][၃] ပ္ဍဲသဘင်မာဲ ၂၀၁၅ ဂှ် လုပ်ဒုင်ရုဲမာဲ ၃၅ ဒၞာဲ က္လိဂွံဇၞး ၁ ဒၞာဲ။[၄]
ဝင်
[ပလေဝ်ဒါန် | ပလေဝ်ဒါန် တမ်ကၞက်]ကြဴနူ အလဵုအသဳပၞာန် ပဒတန် သၞောဝ်ဥပဒေသဇိုင် ၂၀၀၈ တုဲ သၞာံ ၂၀၁၀ ဂှ် သွက်ဂွံ ကၠောန်သဘင်မာဲဂှ် ကဵုအခေါင် ဒက်ပ္တန် စၟတ်သမ္တီ ဗော်ပရေင်ဍုင်ကွာန်ရ။ ဂကောံဒဳမဝ်ကရေသဳကောန်ဂကူမန် မဒှ်ဗော်ပရေင်ဍုင်ကွာန် မဒးဒုင် ပလီုလဝ်တအ်ဂှ် ညံင်ရဴ ဗော်အေန်အေဝ်ဒဳ ဟွံဒုင်တဲ သၞောဝ်သဇိုင် ၂၀၀၈ တုဲ ဟွံလုပ်ဒုင်ရုဲမာဲကီု နကဵု ဂကောံဒဳမဝ်ကရေသဳကောန်ဂကူမန်လေဝ် ဟွံစၟတ်သမ္တီဗော်ပရေင်ဍုင်ကွာန်၊ ဟွံလုပ် ဒုင်ရုဲမာဲ ပ္ဍဲသဘင်မာဲ ၂၀၁၀ ဂှ်ကီုရ။[၅] က္ဍိုပ်သကိုပ် ကောန်ဂကူမန်လ္ၚဵုတအ် ညာတ်ကေတ် ယဝ်ရ မန်ဟွံဒုင်ရုဲမာဲမ္ဂး အခေါင်အရာ ဂကူမန် မဒးက္လိဂွံထေက်တအ်ဂှ် ဆောံလေင်အာမာန်ရောင်တုဲ ပ္တိုန်စရင် ဒက်ပ္တန်ဗော်ရ။ သၞာံ ၂၀၁၀ ဂိတုမေ ၄ ဂှ် က္လိဂွံ အခေါင်ဒက်ပ္တန်ဗော်တုဲ ဂိတုမေ ၇ ဂှ် ဒက်ပ္တန် ဗော်ဒဳမဵုကရေဇြဳအလုံရးမန် ဝွံရ။ ပ္ဍဲအခိင် မဒက်ပ္တန်ဗော်ဂှ်
- နာဲဇၞူမန် (နိုင်ငွေသိန်း) ဥက္ကဋ္ဌ၊
- နာဲလှအံင် ဒုဥက္ကဋ္ဌ ၁
- နာဲသိုက် ဒုဥက္ကဋ္ဌ ၂
- နာဲနဲသဵု (ဒေါက်တာ မင်းနွယ်စိုး) ညးအုပ်ကာနာနာ
- နာဲစံတင် ဖက်ဆော ညးအုပ်ကာနာနာ ၁
- နာဲခေန်အံင် ဖက်ဆော ညးအုပ်ကာနာနာ ၂[၅]
သဘင်မာဲ သၞာံ ၂၀၁၀ ဂိတုနဝ်ဝေမ္ဗာ ၇ ဂှ် နကဵု ဗော်ဏအ် လုပ်ပြိုင် ပ္ဍဲတွဵုရးဍုင်မန်၊ တွဵုရးကရေင် သီုဖအိုတ် ၃၄ ဒၞာဲဂှ် ဂွံဇၞးကေတ် သွက်စၠတ်ထဝ်ညးဍုင်ကွာန် ၃ ဒၞာဲ၊ စၠတ်ထဝ်ကောန်ဂကူ ၄ ဒၞာဲ၊ စၠတ်ထဝ်တွဵုရး ၉ ဒၞာဲ သီုဖအိုတ် ၁၃ ဒၞာဲရ။[၅]
စၠတ်ထဝ်ညးဍုင်ကွာန် ၃ ဒၞာဲဂှ်
- မိမြင့်သန်း (ပွိုင်ဍုင်ရေဝ်)
- နိုင်လှမောင် (ပွိုင်ဍုင်တကအ်ခၟိုင်)
- နိုင်သိန်းအောင် (ပွိုင်ဍုင်ဇြပ်ဗု)။[၅]
စၠတ်ထဝ် ကောန်ဂကူ ၄ ဒၞာဲဂှ်
- ဒေါက်တာဗညားအောင်မိုး ပွိုင်ဆန္ဒမာဲ ၇ (ရေဝ်)
- နိုင်ကျော်သိန်း ပွိုင်ဆန္ဒမာဲ ၄ (တကအ်ခၟိုင်)
- နိုင်ထွန်းအုံး ပွိုင်ဆန္ဒမာဲ ၅ (မုဟ်ဍုင်)
- နိုင်မျိုးတင့်လွင် ပွိုင်ဆန္ဒမာဲ ၁၀ (ကအ်ကြိက်)[၅]
စၠတ်ထဝ် တွဵုရး ၉ ဒၞာဲဂှ်
- ဒေါက်တာမင်းနွယ်စိုး ပွိုင်ဆန္ဒမာဲ စၟတ် ၂ (မုဟ်ဍုင်)
- နာဲလွဳအံင် ပွိုင်ဆန္ဒမာဲ စၟတ် ၁ (ရေဝ်)
- ဒေါက်တာအောင်နိုင်ဦး ပွိုင်ဆန္ဒမာဲ စၟတ် ၁ (တကအ်ခၟိုင်)
- နိုင်သိန်းဟန် ပွိုင်ဆန္ဒမာဲ စၟတ် ၂ (ရေဝ်)
- နိုင်စံတင် ပွိုင်ဆန္ဒမာဲ ၂ (ကျာ်မြဟ်)
- နာဲတၠဆာန် ပွိုင်ဆန္ဒမာဲ စၟတ် ၂ (ဇြပ်ဗု)
- နိုင်ချမ်းမြင့် ပွိုင်ဆန္ဒမာဲ စၟတ် ၂ (ပံင်)
- မင်းစိုးသိန်း ပွိုင်ဆန္ဒမာဲ စၟတ် ၂ (ကအ်ကြိက်)
- နိုင်ချစ်ဦး ဝန်ဇၞော်ကောန်ဍုင်အရင်မန် (တွဵုရးကရေင်)[၅]
သၞာံ ၂၀၁၄ ဂိတုမေ ၂၄-၂၅ ကၠောန်သဘင်သဳကၠဳဗော်တုဲ ရုဲစှ်မၞိဟ်တာလျိုင်တၟိ နကဵု ကေင်ကာဗဟဵု ၂၁ ။
- နာဲသိုက် ဥက္ကဋ္ဌ
- နာဲဆာန်ထေက် ဒုဥက္ကဋ္ဌ ၁
- နာဲလှအံင် ဒုဥက္ကဋ္ဌ ၂
- ဒေါက်တာမင်းနွယ်စိုး ညးအုပ်ကာနာနာ
- နိုင်စံတင် ဖက်ဆော ညးအုပ်ကာနာနာ ၁
- နိုင်သန်းရွှေ ဖက်ဆော ညးအုပ်ကာနာနာ ၂
ဥက္ကဋ္ဌ နာဲသိုက် စုတိအာ ပ္ဍဲ သၞာံ ၂၀၁၆ ဂိတုဖေဖဝ်ဝါရဳ ၆ ဂှ်တုဲ နာဲဆာန်ထေက် ဂွံဒှ် ဥက္ကဋ္ဌဗော်ရ။
သဘင်မာဲ ၂၀၁၅ ဂှ် နကဵု ဗော်အေန်အေဝ်ဒဳလေဝ် လုပ်ဒုင်ရုဲမာဲ၊ တုဲပၠန် နကဵု ဗော်ကောန်ဂကူမန်လေဝ် ဒုင်ရုဲမာဲကီုတုဲ နကဵု ဗော်ဒဳမဵုကရေဇြဳအလုံရးမန် ဏအ် ၜိုန်ရ လုပ်ဒုင်ရုဲမာဲ သီုဖအိုတ် ၃၅ ဒၞာဲကီုလေဝ် ဆ ဒံက်တာအံင်နာင်ဥူ ပွိုင်ဆန္ဒမာဲ စၟတ် ၁ တကအ်ခၟိုင် သွက်စၠတ်ထဝ်တွဵုရးဍုမန် မွဲဒၞာဲဟေင် က္လိဂွံ ဒုင်ရုဲစှ်ရ။
သၞာံ ၂၀၁၉ ဂိတုဂျူလာင် ၁၁ ဂှ် ဗော်မန်ၜါဂှ် ပလီုကၠေအ်တုဲ ပံင်ပ္ကောံ ဒက်ပ္တန် ဗော်တၟိ ဗော်ညဳသၟဟ်မန်ရ။ [၅]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ နိုင်ငံရေးပါတီအဖြစ် မှတ်ပုံတင်ခွင့်ပြုထားခြင်းကို ပယ်ဖျက်၍ ပါတီအား ဖျက်သိမ်းခြင်း. ပြည်ထောင်စု ရွေးကောက်ပွဲ ကော်မရှင် (၁၂ ဇူလိုင် ၂၀၂၀). Retrieved on ၁၅ ဩဂုတ် ၂၀၂၀။
- ↑ "All Mon Region Democracy Party"၊ Election 2010၊ Mizzima၊ 20 November 2010။ 2 April 2012 တင်နိဿဲဏအ် စၟဳစၟတ်တုဲ။ Archived from the original on 25 March 2012။
- ↑ "All legislatures"၊ 2010 Election Watch၊ Alternative Asean Network on Burma၊ 2010။ 2 April 2012 တင်နိဿဲဏအ် စၟဳစၟတ်တုဲ။ Archived from the original on 1 January 2012။
- ↑ THE VOICE - News Myanmar. Archived from the original on 25 July 2017။ Retrieved on 24 July 2017။
- ↑ ၅.၀ ၅.၁ ၅.၂ ၅.၃ ၅.၄ ၅.၅ ၅.၆ ရတ်, နာဲထဝ် (2023 July 29). " ဗော်ဒဳမဵုကရေဇြဳအလုံရးမန်. Open.