တ္ၚဲဗ္ဂဲသာန် ဂၠးကဝ်

တ္ၚဲဗ္ဂဲသာန် ဂၠးကဝ် ; National Black Cat Day
	ဗ္ဂဲသာန် မာံဗိုလ်ရုင် တ္ၚဲခရေတ်သမာတ် သၞာံ ၂၀၁၈ (အာယုက် ၇ သၞာံ)
ဍုင်မကၠောန်	ဂၠးကဝ်
ပေါဲသဘင်ဂမၠိုင်	ဆက်ဆောမ် လတူဗ္ဂဲသာန် ခိုဟ်ဟ်၊ ပတိုန်ဗီုရုပ် ဗ္ဂဲသာန်ဇကု ပ္ဍဲသဝ်ရှေလ်မဳဒဳယာ၊
စၟတ်တ္ၚဲ	အံက်တဝ်ပါ ၂၇

တ္ၚဲဗ္ဂဲသာန် ဂၠးကဝ် (အၚ်္ဂလိက်: National Black Cat Day)ဝွံ ဒှ်တ္ၚဲမကၠောန်ဗဒှ် ပ္ဍဲဂိတုအံက်တဝ်ပါ ၂၇ မဒှ်တ္ၚဲ ကၠာဟွံစိုပ် တ္ၚဲဟာလ္လဝ်ဝေန် ပန်တ္ၚဲရ။ တ္ၚဲဗ္ဂဲသာန် ဂၠးကဝ်ဂှ် ဒှ်တ္ၚဲမကၠောန်သဘင် သွက်တိရစ္ဆာန် ဟိုတ်နူ အသာ်ကသော်ဇကုတုဲ မဒးဆဵုဂဗ ပ္ဍဲအရာ မဒးဒုင်တးပါဲတအ်ရ။ ဗ္ဂဲသာန်ဂှ် ပ္ဍဲယေန်သၞာင် အခိုက်ကၞာ (ခေတ်တြေံ) ဗွဲမဂၠိုင် ပတှ်ေကေတ် ဒဒှ်ရ မဆက်စပ်ဒၟံင် ကုအရာနိမိတ်ပရေအ်၊ မဖန်ကဵု လာပ်ပရေအ်ရ။ ဟိုတ်ဂှ်ရ မၞိဟ်မိက်ဂွံလွဳ ဗ္ဂဲသာန်ဂှ် အောန်ညိရ။ ပ္ဍဲဒၞာဲမရံင်စံင် တိရစ္ဆာန်တအ်လေဝ် ဗ္ဂဲသာန်ဂှ် မၞိဟ်ကၠုင်လွဳဗ္စအောန်တုဲ မလေပ်သှ်ေဒၟံင် ပ္ဍဲကဵု ဗဒိုပ်လွဳလွတ်တိရစ္ဆာန်ဂၠိုင်ရ။^[၁]

ဝင် ကေုာံ လစွံစိုတ် လတူဗ္ဂဲသာန်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲဗ္ဂဲသာန်ဂှ် စကၠောန်ကၠုင် နူအခိင်လဵုရောဂှ် ညးမွဲကီု ဟွံတီကၠးကၠးရ။ တုဲပၠန် မွဲဒေသကဵု မွဲဒေသလေဝ် စၟတ်သမ္တီလဝ် ဟွံတုပ်ရေင်သကအ်ရ။^[၁] ဍုင်ဗြိတိန် ကဵု ဍုင်နဝ်တာန်အာဲယျာလာန်ဂှ် ဂကောံစဵုဒၞာဗ္ဂဲတအ် စၟတ်သမ္တီလဝ် ပ္ဍဲစၟတ်တ္ၚဲအံက်တဝ်ပါ ၂၇ ရ။ ^[၂]နမရန်တၟအ် ညံင်မၞိဟ်တအ် ဂွံဆာန် ဗ္ဂဲသာန်တုပ်ပ် ကုဗ္ဂဲတၞဟ်တအ်တုဲ ညံင်မၞိဟ်တအ် ဂွံလွဳဗ္ဂဲသာန်ရ။ ပ္ဍဲသၞာံ ၂၀၁၄ ဂကောံမင်မဲဗ္ဂဲ ဍုင်ဗြိတိန် ပတိတ်လိက်ဒုင်စဳရေင် ဒဒှ်ရ ဗ္ဂဲသာန်ဂှ် မၞိဟ်ကၠုင်ကေတ် သွက်ဂွံလွဳဗစ အောန်နူ ဗ္ဂဲအသာ်တၞဟ် ၇၀% ရ။ ^[၃] ဟိုတ်ဍေဟ်ဂှ် ညးတအ် ညာတ်ကေတ် မၞိဟ်တအ် ပတှ်ေကေတ် ဗ္ဂဲသာန်ဂှ် ဒှ်အသာ် ဟွံကျေဝ် ဟွံလုပ်ကဵု အရီုမတ်မၞိဟ်တအ် ၜိုတ်ဗ္ဂဲအသာ်တၞဟ် ဒှ်မာန်ရ။^[၄]

ပ္ဍဲကၟိန်ဍုင်အမေရိကာန် ညးတအ်ကၠောန် တ္ၚဲမဒးဂၞပ်ဗ္ဂဲသာန် (Black Cat Appreciation Day) ပ္ဍဲဂိတုအဝ်ဂေတ် ၁၇ ^[၅] အတိုင်နူလိက်သုတေသန ဂကောံမင်မဲဗ္ဂဲအမေရိကာန် (ASPCA) ညာတ်ကေတ် ဗ္ဂဲသာန်ဂှ် မၞိဟ်တအ် ကၠုင်လွဳဗ္စ နူကဵု ဗဒပ်လွဳလွတ် အောန်နူ ဗ္ဂဲအသာ်တၞဟ်တအ်ရ။^[၅] ဟိုတ်ဍေဟ်ဂှ် ဟိုတ်နူ မၞိဟ်တအ် ပတှ်ေကေတ်လဝ် ဗ္ဂဲသာန်ဂှ် ဆက်စပ်ဒၟံင် ကုအရာဟွံခိုဟ်သန်၊ မပကဵု လာပ်ဗဇဴဂွံဍိုန်လျ၊ ဟွံသေင်မ္ဂး ဟိုတ်နူဍေဟ်တအ် ဟွံကျေဝ်ဆာန်ဠာန် ညံင်ဗ္ဂဲအသာ်တၞဟ် ဗ္ဂဲကၞင်င်တအ်လေဝ် ဒှ်မာန်ကီုရ။

စပ်ကဵုဗ္ဂဲသာန်တုဲ အခိုက်ကၞာ မွဲကုမွဲ စၟတ်သမ္တီလဝ် ဟွံတုပ်ရေင်သကအ်ရ။ ဥပမာ ဍုင်ဗြိတိန် ကဵု ဂျပေန်မ္ဂး ညးတအ် စၟတ်သမ္တီလဝ် ဗ္ဂဲသာန်ဂှ် ဒှ်အရာ မပလံင်ကဵု လာပ်ခိုဟ်။ ဆဂး ဍုင်အမေရိကာန်မ္ဂး ဗ္ဂဲသာန်ဂှ် ဒှ်လက်သန် လာပ်ပရေအ်၊ မဒှ်ဒြဟတ်မယုတ်မာ။ ပ္ဍဲကဵု ယေန်သၞာင်ဂကူလ္ၚဵုဂှ် မၞိဟ်တအ် ပတှ်ေကေတ် အဃောဇကုမအာတရဴ ယဝ်ရ ဗ္ဂဲသာန်မွဲ တတ်အာ ဂတဇကုမ္ဂး ဒှ်နိမိတ်ပရေအ် လာပ်ပရေအ် ကတဵုဒှ်မာန်ရ။ ပ္ဍဲကဵု ပေါမ်အာဂီုတြေံတအ်လေဝ် ဗ္ဂဲသာန်ဂှ် ဒှ်လက်သန်ပရေအ်၊ ဆလက်သန်သၟး ဟွံသေင် အလဵုဇကု ဗ္ဂဲသာန်ဂှ် မၞိဟ်တအ် စၟတ်သမ္တီလဝ် ပရေအ် မယုတ်မာ မတုပ်ညံင် ခမုဲကီုရ။ ပ္ဍဲယူရောပ် ဒေသလ္ၚဵုတအ်မ္ဂး အခိင်ကၠာတေအ် ပ္ဍဲသဘင်စံင်ပၟတ်လဒေါဝ်ကညင် မဒှ်သဘင်မစံင်ခမုဲဂှ်မ္ဂး ညးတအ် စုတ်ဗ္ဂဲသာန် ဂြိုင်င်တုဲ စံင်လေဝ် ကေင်နွံလဝ်ကီုရ။ ^[၁]

ဗီုမကၠောန်သဘင်[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲတ္ၚဲဗ္ဂဲသာန်ဂၠးကဝ်ဂှ်မ္ဂး တၠဗ္ဂဲတအ် နမပ သဘင်စၟတ်သမ္တီတုဲ ကဵုဗစ စၞခိုဟ်ဟ်၊ စၞဍေဟ်တအ် မဒးစိုတ်။ ပကဵုဗ္ဂဲညးတအ် ညံင်ဂွံမိပ်မြဟ် မပ္တံ ဇွိတ်သ္ပောတ်ကဵု၊ ဆာန်ကဵု ဂၠိုင်င်ရ။ တုဲပၠန် ညးတအ် တက်ဗီု ဗ္ဂဲသာန်ညးတအ်တုဲ ပတိုန်စုတ် ပ္ဍဲသဝ်ရှေလ်မဳဒဳယာတအ်ရ။ ^[၁]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

↑ ^၁.၀ ^၁.၁ ^၁.၂ ^၁.၃ [http:/www.holidayscalendar.com/ National Black Cat Day]. Open Publishing (21. Oct. 2019).
↑ National Black Cat Day 2015. Cats Protection (2015). Archived from the original on 2015-10-05။ Retrieved on 2015-10-18။
↑ Arkell, Harriet (2014-07-29). Hundreds of black cats are being abandoned by their owners because they don't look good in selfies. Daily Mail. Archived from the original on 2015-10-01။ Retrieved on 2015-10-18။
↑ Hooten, Christopher (2014-07-30). Black cats being rejected because they don't look good in selfies, says RSPCA. The Independent. Archived from the original on 2015-04-05။ Retrieved on 2015-10-18။
↑ ^၅.၀ ^၅.၁ Black Cats — The Good, The Bad, and The Misunderstood. The Animal Foundation (n.d.). Archived from the original on 2016-10-28။ Retrieved on 2016-10-27။

[holidays-1] ၁.၀ ^၁.၁ ^၁.၂ ^၁.၃ [http:/www.holidayscalendar.com/ National Black Cat Day]. Open Publishing (21. Oct. 2019).

[NBCatDay-2] National Black Cat Day 2015. Cats Protection (2015). Archived from the original on 2015-10-05။ Retrieved on 2015-10-18။

[3] Arkell, Harriet (2014-07-29). Hundreds of black cats are being abandoned by their owners because they don't look good in selfies. Daily Mail. Archived from the original on 2015-10-01။ Retrieved on 2015-10-18။

[4] Hooten, Christopher (2014-07-30). Black cats being rejected because they don't look good in selfies, says RSPCA. The Independent. Archived from the original on 2015-04-05။ Retrieved on 2015-10-18။

[AnimalFound-5] ၅.၀ ^၅.၁ Black Cats — The Good, The Bad, and The Misunderstood. The Animal Foundation (n.d.). Archived from the original on 2016-10-28။ Retrieved on 2016-10-27။

[၁]

[၂]

[၃]

[၄]

[၅]

ဗဵု t e သဘင် ကေုာံ တ္ၚဲစၟတ်သမ္တီဂမၠိုင်
သဘင် ကေုာံ တ္ၚဲစၟတ်သမ္တီဂမၠိုင်
တ္ၚဲစၟတ်သမ္တီ မဆေင်ကဵု ဂကူမန်	တ္ၚဲကောန်ဂကူမန် တ္ၚဲဟံသာဝတဳလီု တ္ၚဲပၠန်ဂတးမန် တ္ၚဲကောန်ၚာ်မည် တ္ၚဲသၟတ်မန်
တ္ၚဲစၟတ်သမ္တီ မဆေင်ကဵု ဂၠးတိ	တ္ၚဲသၟာကမၠောန် ဂၠးကဝ် တ္ၚဲအရေဝ်ဘာသာမိအလုံလိုက် တ္ၚဲမိ တ္ၚဲအစာ ဂၠးကဝ် တ္ၚဲဂၠးတိ တ္ၚဲညးလလဴ ဂၠးကဝ်
တ္ၚဲမဆေင်ကဵု ဘာသာဂမၠိုင်	တ္ၚဲကျာ်ဗုဒ္ဓ ဗပေၚ်ပသာ်
တ္ၚဲမဆေင်ကဵု ကၟိန်ဍုင်ဗၟာ	တ္ၚဲကၟိန်ဍုင်ပံင်ကောံ