ဘာကောန်ဂကူမန် ကွာန်ကျာ်ရဲ
| ဘာကောန်ဂကူမန် ကွာန်ကျာ်ရဲ | |
|---|---|
 | |
| ဒၞးဒတန် | 16°12′11″N 97°44′12″E / 16.20306°N 97.73667°Eဒတန်: 16°12′11″N 97°44′12″E / 16.20306°N 97.73667°E |
| တင်ဂၞင်ဂမၠိုင် | |
| ဒက်ပတန် | ၃၁ မာတ် ၂၀၂၂ |
| သၟိင်အဝဵုအသဳ | ဌာနပရေင်ပညာကောန်ဂကူမန် |
| အရေဝ်ဘာသာ | မန် |
ဘာကောန်ဂကူမန် ကွာန်ကျာ်ရဲဝွံ ဒှ် ဘာတန်မူလ မနွံ ပ္ဍဲ ကွာန်ကျာ်ရဲ၊ ပွိုင်ဍုင်မုဟ်ဍုင်၊ တွဵုရးဍုင်မန်။ ဘာကောန်ဂကူမန်ဝွံ ခမဳသင် ကောံ ကုညးမဆာန် ပရေင်ပညာကောန်ဂကူမန် ကောန်ကွာန်ကျာ်ရဲတအ် အာဂတ ပၠတရဴတုဲ သြိုင်လဝ် နကုသြန်ဒါန် နူ ဂကူမန် ဗွဲတၟေင် ကောန်ကွာန်ကျာ်ရဲတအ်ရ။ ကမၠောန်မသြိုင်ဘာဝွံ စကၠောန်လဝ် နူ ဂိတုမာတ် ၃၁ သၞာံ ၂၀၂၂ တုဲ သၞာံ ၂၀၂၅ ဂိတုမာတ် ၆ ဂှ် ကၠောန် သဘင်စရိုဟ်ဍာ်ဘာရ။
ဂကောံမသြိုင်ခၞံ
[ပလေဝ်ဒါန် | ပလေဝ်ဒါန် တမ်ကၞက်]ကမၠောန်မသြိုင်ခၞံဘာဝွံ ကျာ်ဇၞော်ဘာဓမ္မဂါရဝ၊ ကျာ်ဇၞော်ဘာသုသာန်၊ ကျာ်ဇၞော်ဘာတြေံ ကွာန်ကျာ်ရဲ၊ ကျာ်ဇၞော်ဘာတိုက်တၟိ ကွာန်ကျာ်ရဲ ကေုာံ ကမ္မတဳ (ယာယဳ) မသုန်တၠ၊ နာဲထွန်းအုံး၊ နာဲဆာန်နာဲ၊ နာဲမြင့်လွင်ဦး၊ နာဲရွှေချိန်၊ နာဲနေအောင်တအ် ဗွဲကိုပ်ကၠာ ဒက်ပ္တန်လဝ်တုဲ ဗၟံက်အာ ရုပ်ရဴကမၠောန်ရ။[၁] ပ္ဍဲကောံဓရီု စၟတ်တ္ၚဲ ဂိတုမေ ၂၊ ၂၀၂၂ ဂှ် ဒက်ပ္တန်လဝ် ကမ္မတဳမသြိုင်ခၞံဘာကောန်ဂကူမန် ကွာန်ကျာ်ရဲ အာစိုပ်ဒတုဲ။[၂]
ကမၠောန်မသြိုင်ခၞံ
[ပလေဝ်ဒါန် | ပလေဝ်ဒါန် တမ်ကၞက်]ဘာကောန်ဂကူမန်ဝွံ နူ ခမဳသင် ကေုာံ ညးမဆာန် ပရေင်ပညာကောန်ဂကူမန် ကောန်ကွာန်ကျာ်ရဲတအ် စချဳဓရာင်တုဲ ကၠောန် ကောံဓရီု သွက်ဂွံချပ်ဂၞန် ရေင်သကအ် ပ္ဍဲ ဂိတုမာတ် ၃၁၊ ၂၀၂၂ ပ္ဍဲ ဘာလကျာ် ဘာဆုသာန် ကွာန်ကျာ်ရဲ။ ပ္ဍဲ တ္ၚဲဂှ် နာဲမျေတ်တိင် ကေုာံ ဣစဳဝေန်မျ ပ္အပ်ကဵု လိက်ကသုက်တိ နဒဒှ် မဒါန် သွက်ဂအာင်ဘာကောန်ဂကူမန် ကုခမဳ ကေုာံ ညးတာလျိုင်တအ်ရ။[၃] ဆဂး ဂအာင်တိဒၞာဲဂှ် ဟိုတ်မဒှ် အပ္ဍဲပယျဵုတိ ကွာန်ဝင်ဒုန်တုဲ ဟွံဒှ်သြိုင် ပ္ဍဲ ဒၞာဲဂအာင်တိဂှ်။ စၞးဂှ် နကုကမ္မတဳတအ် ဒးရာန်ကေတ် တိဂရာင် ပလိုတ်သလာတ်ဝေင်ဒြဟတ် ဘာသုသာန်မွဲဒၞာဲတုဲ ဆက်သြိုင်အာလဝ်ဘာဂှ်ရ။
ဗွဲကိုပ်ကၠာ ကလိဂွံလဝ်ဒါန်တိ သွက်ဂွံသြိုင် ဘာကောန်ဂကူမန်ဂှ် ဟိုတ်နူ တိဒၞာဲဂှ် ဒှ်ဒၟံင် အပ္ဍဲကွာန်ဝင်ဒုန်တုဲ ဘာဂှ် ဒးဒုင်ယၟု ဘာကောန်ဂကူမန် ကွာန်ဝင်ဒုန် ဟေင် သြိုင်ဂွံရောင် ဥက္ကဋ္ဌကွာန် ဟီု၊ တုဲ ဟွံဒှ် သြိုင်ဒၞာဲဂှ်။ စၞးဂှ် ကမ္မတဳမသြိုင်ဘာတအ် ရာန်ကေတ် တိဂအာင် နာဲအောင်မိုး မိနုဝါ ၜါဂအာင်။ မွဲဂအာင်မ္ဂး နွံ အနာံ ၆၀ ပေ၊ ဇမၠိင် ၉၆ ပေ။ င္ၚုဟ်ဂအာင်ဂှ် မွဲဂအာင် ၁၇၀ ကိုဋ်။ သွက်သြိုင်ဘာကောန်ဂကူမန်တုဲ ညးဖျအ်ကဵု င္ၚုဟ် မွဲဂအာင် ၁၅၀ ကိုဋ်။ နကုညးတၠတိဂှ် ကလေင်ကဵုဒါန် ၅၀ ကိုဋ် နကုကမ္မတဳတအ် ဒးကဵု ၂၅၀ ကိုဋ်။ ဂအာင်ဘာဂှ် နွံ ပလိုတ် သလာတ်ဝေင်ဇြဟတ် ဘာဆုသာန်။[၄] င္ၚုဟ်တိ သြန် ၁၅၀ ကိုဋ်ဂှ် ဂိတုမေ ၁၉၊ ညးတၠတိ ကဵုဒါန် ၅၀ ကိုဋ် ပ္ဍဲ ဂိတုမေ ၁၉၊ ၂၀၂၂ ဂှ်တုဲ[၅][၆] ဂိတုမေ ၂၂ ဂှ် စဒက် ကၟာင်ဘာရ။[၇]
စဝ်ကောန်ကြေတ် ထပ်သၟဝ် ပ္ဍဲ ဂိတုဂျူလာင် ၁၆ [၈]
သၞာံ ၂၀၂၅ ဂိတုမာတ် ၆ (သက္ကရာဇ် ၁၃၈၆၊ ဂိတုဖဝ်ရဂိုန် ၈ မၟံက်) တ္ၚဲဗြဴဗတိဂှ် ကၠောန် ဗဒှ် မ္ၚဵုစရိုဟ်ဍာ်ဘာကောန်ဂကူရ။[၉] ကိုပ်ကၠာ ဟွံစိုပ် တ္ၚဲစရိုဟ်ဍာ်ဂှ် ကၠောန်ဗဒှ် သဘင်ဓရ် ပွိုင်ပိဗတံ ဖဝ်ရဂိုန် ၅ မၟံက်ဂှ် ကျာ်ဇၞော်အ္စာဘဒ္ဒန္တသဳလဝန္တ ညးမနွံပိုန် ဘာဟံသာထဝ် ဍုင်ဇြပ်ဗု ဒှ် ဓမမ္မကထိုက်၊ ဖဝ်ရဂိုန် ၆ မၟံက်ဂှ် တၠဂုဏ်အ္စာဘဒ္ဒန္တဝေပုလ္လ ဘာတၟိ ကွာန်တံင်ပိုအ် ဒှ် ဓမ္မကထိုက်၊ ဖဝ်ရဂိုန် ၇ မၟံက်ဂှ် ကျာ်ဇၞော်အ္စာဘဒ္ဒန္တသဳဟ ညးမနွံပိုန် ဘာမေတ္တာအံင်ဇၞးပရိယတ္တိ ဒှ် ဓမ္မကထိုက်ရ။[၁၀]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ဆဝ်မ္ၚုဟ် ဒၞာဲမကဵုမဒါန်မာန် ဘာကောန်ဂကူမန် ကွာန်ကျာ်ရဲ. Open (April 18, 2022).
- ↑ ဒက်ပ္တန် ကမ္မတဳသိုင်ခၞံဘာကောန်ဂကူမန် ကွာန်ကျာ်ရဲ. Open (May 2, 2022).
- ↑ ဘာကောန်ဂကူမန် ကွာန်ကျာ်ရဲ. Open (March 31, 2022). “ညးတလဒါန်တိ ဂအာင်ဘာကောန်ဂကူမန် နာဲမျေတ်တိင် ±ဣိစီ ေဝန်မျ တံအပ်ပြာပ်ကု်လိခ်ကသုက် ဂတညးမတိုန်စိုပ်ကောံဓရုံ”
- ↑ ဂအာင် ဘာကောန်ဂကူမန် ကွာန်ကျာ်ရဲ. Open (April 10, 2022). “ယွံ မိက်ဂွံလဴဗ္စကဵု ကောန်ကွာန်ကျာ်ရဲ ညိ ရဲဆာန်ဂကူတအ်ညိရ ကိစ္စ သိုၚ်ခၞံ ဘာကောန်ဂကူမန် ကွာန်ကျာ်ရဲ ဂှ် ဒှ်ခက်ခုဲအာကဵု ဂအာၚ်တိရ ဂအာၚ်တိ သွက်အရၚ်ဘာကောန်ဂကူမန် ညးတၠဂအာၚ်တိ ကဵုလဝ်ဒါန်ဂှ် ဟိုတ်ဒှ်အာ တိဝၚ်ဒုန်တုဲ ဥက္ကထ ဝၚ်ဒုန်ဟီု ဒုၚ်ယၟုဝၚ်ဒုန်မှ သိုၚ်ဂးတဴရ ဣဏအ်ဂှ် ဟလ်ုပလေဝ် ဒှ်ဟွံမာန်ရ တေံ ပွိုၚ်တိုက်ဝၚ်ဒုန် သိုၚ်မံၚ်ဖိုဟ်ရ ဣဏအ်လေဝ် ကဵုဒုၚ်ယၟုဝၚ်ဒုန် ပၠန်တေှ် ဟလဵုပလေဝ် ဒှ်ဟွံဂွံ ညာတ်ရ ပိုယ်စှ်ေစိုတ်ဂှ် နကဵု ဥက္ကထ ဝၚ်ဒုၚ် ညးဟွံကဵုသိုၚ်ရရောၚ်တုဲ ချပ်သဳကၠဳ ညးသကအ်တုဲ ဖျေံဗီုတၟိရ ဒးဒှ် တိ ကျာ်ရဲမှ ပြေပြံၚ်ရောၚ် စှ်ေစိုတ်တုဲ ဗက်သၟာန် ဂလိုက်ဂလာဲ ဂအာၚ်တိ အပဍဲကွာန် မဒှ်တိကွာန်ကျာ်ရဲရ ဆ်ုရ တၠဂအာၚ်တိဂှ်လေဝ် စေတနာညးနွံကီုတုဲ တက်ကျာ သဳကၠဳ ပြေပြံၚ်ကၠုၚ်ရ တၠဂအာၚ်တိဝွံ နာဲအောၚ်မိုး ကဵုမိနုဝါ တအ်ရ ဂအာၚ်ညးဂှ် မွဲဂအာၚ်မဂး ၃၀= ၉၆ ပေး နွံရ ပိုယ်ကေတ်ဒးကေတ် ၂ ဂအာၚ်ရောၚ်တုဲ ဒှ်အာ မုက် ၆၀ ဇလိၚ် ၉၆ ပေးရ မွဲဂအာၚ် ညးကော်လဝ် ၁၇၀ ယဝ်သွက်ဘာကောန်ဂကူမဂး ညးစွံကဵု ၁၅၀ ရ ၂ ဂအာၚ်မဂး ၃၀၀ ကိုတ်ရ ညး ထံက်ပၚ် ကဵုဒါန် ၅၀ ကိုတ်ရောၚ်တုဲ ကမ္မတဳတအ် ဒးကလးကဵုညး ၂၅၀ ကိုတ်ရ ယွံ ဂအာၚ်တိ ဂှ် ဒှ်ဒနာဲ သၠာတ်ဝေၚ်ဇြဟတ် ဘာဆုသာန် ကွာန်ကျာ်ရဲ ဗွဲဒိုဟ် ပၠိုတ်ရောၚ် ဘာကောန်ဂကူဂှ် ကဵုမုက်ဗွဲဒိုဟ်ဗၟံက်ရ ယွံ ဂအာၚ်ကၠာ ဂှ်ဂှ် နွံသၟဝ်ကျာ သၠာတ်ရ တိ ကျာ်ရဲ ကဵု ဝၚ်ဒုန်ဂှ် ပယျဵု ပါ် ဂှ်ရ ယွံ တၚ်ဂုန် ဗွဲလောန်ရ အဴ သွက်ဂအာၚ်တိ အရၚ်ဘာကောန်ဂကူ ၂ ဂအာၚ် ကိုတ် ၂၅၀ ဂှ် ဂှ် ပိုယ်ကမ္မတဳ စန္ဒက်ဘာကောန်ဂကူမန် ကွာန်ကျာ်ရဲတအ် ဒုၚ်တဲ မံၚ်မဒါန် သွက်ဘာကောန်ဂကူမန် ဖိုဟ်ရ ဟိုတ်ခက်ခုဲကဵု ဂအာၚ်တိ တုဲ ဟိုတ်ခက်ခုဲက်ုဥက္ကထ ကွာန်ဝၚ်ဒုန် တုဲ ပိုယ်ကမ္မတဳ စန္ဒက်ဘာကောန်ဂကူမန် ကွာန်ကျာ်ရဲတအ် ခက်ခုဲအာ ဗွဲမဇၞော်ကဵု ဇြဟတ်ရောၚ် ယွံ ကဵုဒှ်တသိုက်အိုတ်ညိ”
- ↑ သွက်ဂွံရာန်ဂအာင်ဘာ ၁၅၀ ကိုဋ်. Open (May 19, 2022). “သွက်ဂွံရာန်ဂအာင်ဘာ ကောန်ဂကူမန်ကွာန်ကျာ်ရဲ ဂှ် တၚဲဏံ ဂတမုက် ကမ္မတီ ညးတာလျိုင်တံ လ္မိဟ်သြန် ၁၅၀ ကိုဋ် ညးတၠဒါန်နာနာဂမလိုင် မိပ်စိုတ်တုဲ ဒုင်ကေတ်သာဓုကာ စိုအ်”
- ↑ ညးတၠစေတနာ နာဲအံင်မိုဝ် မိငုဝါ. Open (May 19, 2022). “ညးတၠစေတနာ နာဲအံင်မိုဝ် မိငုဝါ သြန် ၅၀ကုိဋ်ဒကေဝ် (ငုဟ်မးတိ)ထံက်ပင်ဘာကောန်ဂကူမန် ကွာန်ကျာ်ရဲ နူကု်ကမ္မတီ သိုင်ခၞံဘာတံ မိပ်စိုတ်တုဲ ဒုင်ကေတ်သာဓုကာ စိုအ်”
- ↑ ဒက်ကၟာင်ဘာ. Open (May 22, 2022). “ညးတၠစေတနာ နာဲအံင်မိုဝ် မိငုဝါ သြန် ၅၀ကုိဋ်ဒကေဝ် (ငုဟ်မးတိ)ထံက်ပင်ဘာကောန်ဂကူမန် ကွာန်ကျာ်ရဲ နူကု်ကမ္မတီ သိုင်ခၞံဘာတံ မိပ်စိုတ်တုဲ ဒုင်ကေတ်သာဓုကာ စိုအ်”
- ↑ စဝ်ကောန်ကြေတ် ထပ်သၟဝ်. Open (July 16, 2022).
- ↑ မာန်, မန်ဇၞူ (February 26, 2025). " width="500" လိက်ဘိက်ပၟိင် မ္ၚဵုစရိုဟ်ဍာ် ဘာကောန်ဂကူမန် ကွာန်ကျာ်ရဲ ပွိုင်ဍုင်မုဟ်ဍုင်. Open.
- ↑ မာန်, မန်ဇၞူ (February 16, 2025). " width="500" မ္ၚဵုစရိုဟ်ဍာ် ဘာကောန်ဂကူမန် ကေုာံ သဘင်ပူဇဴဓရ်ဓမ္မဒေသနာ ကွာန်ကျာ်ရဲ ပွိုင်ဍုင်မုဟ်ဍုင်. Open.
.svg){kind=small} | ||
|---|---|---|
နကဵု သၟဝ်ပကင်ရင်ပညာ ဌာနပရေင်ပညာကောန်ဂကူမန် (Mon National Education Committee) | ||
| ပွိုင်ဍုင်ပံင် |  | |
| ပွိုင်ဍုင်မုဟ်ဍုင် |
| |
| ပွိုင်ဍုင်ဇြပ်ဗု |
| |
| ပွိုင်ဍုင်ရေဝ် |
| |
| ပွိုင်ဍုင်ဍာ်ဗု | ||
| ပွိုင်ဍုင်ကျာ်မြဟ် | ||
| ပွိုင်ဍုင်လှာဒကှ် |
| |