မာတိကာသို့ ခုန်သွားရန်

ဘာတန်မူလ ကောန်ဂကူမန် ကွာန်ခရိုင်စိင်

စုတ် လေန်ဂမၠိုင်
နူ ဝဳကဳပဳဒဳယာ
ဘာတန်မူလ ကောန်ဂကူမန် ကွာန်ခရိုင်စိင်
ဘာတန်မူလ ကောန်ဂကူမန် ကွာန်ခရိုင်စိင် is located in Myanmar
ဘာတန်မူလ ကောန်ဂကူမန် ကွာန်ခရိုင်စိင်
ဘာတန်မူလ ကောန်ဂကူမန် ကွာန်ခရိုင်စိင်
ကွာန်ခရိုင်စိင်၊ ပွိုင်ဍုင်ဍာ်ဗု
ရးနိဂီုဗၟာ
မပံင်တောဲလဝ် 14°48′54″N 97°59′07″E / 14.81493°N 97.98521°E / 14.81493; 97.98521

ဘာတန်မူလ ကောန်ဂကူမန် ကွာန်ခရိုင်စိင် (Mon National Primary School) ဂှ် နွံပ္ဍဲပွိုင်ဍုင်ဍာ်ဗု၊ ရးတၞင်သဳ။ သၞာံ ၂၀၂၂ ဂှ် သီုဖအိုတ် နွံကွးဘာၜိုတ် ၃၃ တၠ၊ အစာၝောအ် နွံၜါတၠရ။

ကမၠောန်မသြိုင်ခၞံဘာတၟိ

[ပလေဝ်ဒါန် | ပလေဝ်ဒါန် တမ်ကၞက်]

ဘာဆုမတြေံသရိုဟ်ဒၟံင်တုဲ သွက်ဂွံသြိုင်ဘာတၟိဂှ် နူကဵု တရဴအအာ ဘိုင်ထံက်ပင်ကဵုလဝ် မသြန် မသုန်စှ်ောကိုဋ်ဒကေဝ် ပ္ဍဲသၞာံ ၂၀၂၀ ဂှ်တုဲ ကောန်ကွာန်တအ် စသြိုင်ဘာဂှ်ရ။[၁] ဗွဲကြဴ သြန်အိုတ်တုဲ ဒးဒေါအ်ဇူလဝ်ရ။ စိုပ်သၞာံ ၂၀၂၂ ဂိတုဇာန်နဝါရဳ ၂၄ ဂှ် နကဵု တၠဂုဏ်အစာအဇ္ဇ တရဴအအာ အာကဵုဒါန် လိက်ပလးတုဲ ဂွံဆဵုကေတ် ကမၠောန်မသြိုင်ဘာတၟိဂှ် ဒးဒေါအ်ဇူလဝ်ဂှ်တုဲ စိုတ်ဟွံမိပ်၊ စဴနူဂှ် ဗိုင်ဆဝ်မ္ၚုဟ် ခမဳသင် ကေုာံ ညးတၠစေတနာတအ်ရ။[၂] ဂတဂှ် ၜိုတ်ၜါဂိတုကပါ် ပ္ဍဲ ဂိတုမာတ် ၁၈ ဂှ် တၠဂုဏ်အစာအဇ္ဇ၊ တၠဂုဏ်အစာဂရု (ဍုင်လ္ဂုင်)၊ တၠဂုဏ်အစာခေမာသာ (ရာမရဋ္ဌဗုဒ္ဓတက္ကသိုလ်) မွဲဟာန် ကေုာံ သင်ဒေသဍာ်ဗု၊ ညးတာလျိုင်ဘာ ဌာနပရေင်ပညာ ပွိုင်ဍုင်ဍာ်ဗု၊ ညးတာလျိုင်ကွာန်မိမကွးဘာကီု သီုကဵု သၟတ်ပွိုင်ဍုင်ဍာ်ဗုတအ် ပံင်ကောံတုဲ ဖျေဟ်အစဳအဇန်ကမၠောန် ညံင်ဂွံသြိုင်ဒတုဲဘာဂှ်ရ။ ပ္ဍဲကဵုအစဳအဇန်ကမၠောန်ဂှ် နကဵု ကျာ်ဇၞော်အစာ ကုသလ (ဍာ်ဂမ္တူ) ကဵု ကျာ်ဇၞော် ဘာဝါဇၞော် ကေတ်တာလျိုင်တုဲ ညံင်ဂွံ ပကောံ ဗတဳ၊ တၟအ်၊ တိဗဳလာတ်။ တၠဂုဏ်အစာဂရု၊ တၠဂုဏ်အစာ ပုပ္ဖ ကေုာံ အစာပရန် နာဲဆာန်ရတ် ကေတ်တာလျိုင်တုဲ အပ်ပြာပ် ကမၠောန်သြိုင်ခၞံ ကုအစာပရန် ကွာန်ကအ်ကြေင်မွဲ။ သွက်အစာပရန်တအ် ဂွံစသိုင်ဂှ် နကဵု ဥက္ကဋ္ဌကွာန်ကေတ်တာလျိုင်။ မိမကွးဘာတအ်ဂှ် ဘိုင်ထံက်ပင်ကဵု လပါ်စသုင်နာနာ။ သၟတ်ဒေသဍာ်ဗုတအ် ညံင်ဂွံဘိုင်ကၠောန်ကဵု ဒြဟတ်ကမၠောန်။ ကိစ္စရပ်စရင်သြန်မဒါန်ဂှ် နာဲဗညာစိင် ကဵု နာဲမန်ညာဏ် ကေတ်တာလျိုင်တုဲ နကဵု တရဴအအာဂှ် ဘိုင်ဆဝ်မ္ၚုဟ် ညးတၠဒါန်တအ်တုဲ ညံင်ဂွံဗစိုပ်ကဵု မဒါန် နူညးတၠဒါန်နာနာတအ်ရ။[၃] သြန်မဒါန် မကလိဂွံ ဒၞာဲဂၠိိုင်င်ဂှ် နူကဵု ဂကောံပုညကာရဳ နူဍုင်ဂျပါန်ဂှ် ၂,၃၀၀,၀၀၀ ဒကေဝ်။[၄]နူကဵု သၟတ်ကွးဘာမန် ဍုင်အကြန် (USA) ဂှ် ဘိုင်ထံက်ပင်ကဵု ၁,၈၆၉,၀၀၀ ဒကေဝ်။[၅] ဂကောံသၟတ် ကေုာံ ကောန်ကွာန်ခရိုင်စိင် မနွံဍုင်သေံတအ် ပံင်ကောံတုဲ ကဵုဒါန် သြန်သေံ ၂၇,၁၂၀ (=၁,၄၂၈,၃၅၂ ဒကေဝ်)[၆] နူဂကောံထံက်ပင် တရဴအအာ ဍုင်သေံ ထံက််ပင်ကဵု ၃,၉၀၀,၀၀၀ ဒကေဝ်။[၇] တၠဂုန်အစာအဇ္ဇ တွဟ်ဓရ် အကြာကောန်ဂကူမန် ညးမအာကၠောန်ကမၠောန် ဍုင်သေံ ၜါဒၞာဲ ဌာနပေါင်ၜန်-ဆောမ်ဘန် ကလိဂွံ ဝတ္ထုဒါန်ပူဇဴဓရ် သြန်ၜါတ်သေံ ၅၄,၅၆၀ (=၂,၈၉၄,၅၀၆ ဒကေဝ်)၊ ဌာနဘာဏာခေါ-ဇြုရာတ် ကလိဂွံ ဝတ္ထုဒါန်ပူဇဴဓရ် သြန်သေံ ၂၃,၇၈၀ ၜါတ် (= ၁၂၆၁၈၅၆ ဒကေဝ်)ဂှ် နကဵု တၠဂုန် ထံက်ပင်ကဵု သွက်ဂွံသြိုင်ဘာဝွံဖအိုတ်ရ။[၈] နူကဵု ပူဂိုလ်ဂကူမန်တအ်လေဝ် ဗိုင်ထံက်ပင် ကဵုဒါန်အိုတ်ကီုရ။[၉]

နိဿဲ

[ပလေဝ်ဒါန် | ပလေဝ်ဒါန် တမ်ကၞက်]
  1. ↑ တရဴအအာ. open (April 26, 2020). “ဘာတန်မူလကောန်ဂကူမန် ကွာန်ခရိုင်စိင် ဒေသဍာ်ဗု ညးဍုင်ကွာန်တံ စသိုင်မံင်ယျ မိပ်စိုတ်ဗွဲမလောန် ဘာမန်ကွာန်ခရိုင်စိင် ကဵုဂွံတန်တဴဗိုန်ခိုင်အာ လၟိုန်ကာလညိအဴ ညးဍိုတ်မွဲမ အဲဗတဳမွဲကေမ် သောတ်မွဲတၞးဘိုင်ပါလုပ်ဗပေင်ဇြဟတ်မ္ဂး ဘဝဘာကောန်ဂကူမန်ပိုယ်ကျေဝ်ဂေါဝ်ဍိုပ်ဍဴဟေင်ရ နကဵုမဒါန်ကောန်ဂကူမန်ပိုယ် တရဴအအာ ဘိုင်ထံက်ပင်လဝ်မသြန်(၅၀)ကိုဋ်ဒကေဝ်တုဲ ဘာဏံစဒှ်သိုင်အာဂှ် ဒှ်မံင်မုဒိတာလၟိုန်ရ”
  2. ↑ အအာ. Open (January 24, 2022). “ဘာတန်မူလကောန်ဂကူမန်တၟိ ကွာန်ခရိုၚ်စိၚ် ပွိုၚ်ဍုၚ်ဍာ်ဗု သိုၚ်မံၚ်ဟွံတုဲဏီ ဂွံဆဵုညာတ်မုက်မတ်ကောန်ၚာ်ကွးဘာတံအီခၟောံကီု ဂွံအခေါၚ်ကဵုဒါန်လိက်ပလး ကုကွးဘာတံဂှ် မိပ်မြဟ်စိုတ်ဗွဲမလောန်ရ ဆဂး ဘာကောန်ဂကူမန်တၟိ ဘိုၚ်သိုၚ်ပ္တန်လဝ် နူလောန်ကၠုၚ်ပိသၞာံတေံဂှ် ဟွံစိုပ်ဒတုဲဏီတုဲ စိုတ်ဟွံမိပ်ရ ပ္ဍဲကွာန်ဏံဝွံ ဂွိၚ်ဖေက်ဘာဗမာတံ လုပ်ကေတ်ဒၞာဲတုဲ နကဵုမဒါန်ကောန်ဂကူမန်ပိုဲ တရဴအအာ ဘိုၚ်ထံက်ပၚ်လဝ် သွက်ဂွံသိုၚ်ဘာတၟိဏံ (၅၀)ကိုဋ်ဒကေဝ်ကီုရ သီုကဵုသြန်ဒါန်ကောန်ကွာန်တံ ၜိုတ်ဇြဟတ်နွံ ပကောံပကေဝ်တုဲ ကမ္မတဳသိုၚ်ဘာကောန်ကွာန်တံ သိုၚ်ဗဒှ်လဝ်ကဵု ဘာကောန်ဂကူမန်တၟိဏံ ဂွံလဝ်ဗီုညာတ်မံၚ်လၟုဟ်ရ ဘာကောန်ဂကူမန် ကွာန်ခရိုၚ်စိၚ်ဏံ ၜိုန်ရဘာဟွံခိုဟ်ကီုလေဝ် ညာတ်ဒးမုက်မတ်ကွးဘာတံ ဂစာန်ကတ်မံၚ်ပညာဂှ် ဒှ်ပဳတိဗွဲမလောန်ရ ဘာကောန်ဂကူမန်တၟိဏံ ညံၚ်ဂွံဆက်သိုၚ်ဗဒှ်အာ စဵုကဵုအာစိုပ်ဒတုဲမာန်ဂှ် ဒှ်တာလျိုၚ်ညးဍုၚ်ကွာန်မန်ပိုဲတံရ နူတရဴအအာ ဆက်တုဲ ဘိုၚ်ဗပေၚ်ပာဇြဟတ် နကဵုမဒါန်ကောန်ဂကူမန်ပိုဲတံရောၚ်”
  3. ↑ အအာ. Open (March 18, 2022). “ဖျေံအစဳအဇန် ဘိုၚ်သိုၚ်ပ္တုဲဘာကောန်ဂကူမန် ကွာန်ခရိုၚ်စိၚ်" တ္ၚဲဏံ တၠဂုဏ်အစာဂရု (ဍုၚ်လၟိုၚ်) တၠဂုဏ်အစာ ခေမာသာရ(ရာမညရဋ္ဌဗုဒ္ဓတက္ကသိုလ်) မွဲဟာန်ကေုာံ သၚ်ဒေသဍာ်ဗု။ ညးတာလျိုၚ်ဘာ ဌာနပရေၚ်ပညာ ပွိုၚ်ဍုၚ်ဍာ်ဗု ညးတာလျိုၚ်ကွာန် မိမကွးဘာကီု သီုကဵုသၟတ်ပွိုၚ်ဍုၚ်ဍာ်ဗုတံ ပံၚ်ကောံတုဲ နကဵုတၚ်နၚ်သၟဝ်ဝွံ ဖျေံအစဳဇန် သွက်ဂွံ သိုၚ်ပ္တုဲအာဘာတန်မူလကောန်ဂကူမန် ကွာန်ခရိုၚ်စိၚ် ဒေသဍာ်ဗုဏံရ။ ၁။ အကြာပွိုၚ် မွဲဂိတုဏံ ညံၚ်ဂွံသိုၚ်တုဲဒှ်အာမာန်။ ၂။ ဗတဳ တၟံ တိဗိလာတ် နာနာတံဂှ် ကျာ်ဇၞော်အစာ ကုသလ (ဍာ်ဂမ္တူ) ကဵု ကျာ်ဇၞော်ဘာဝါဇၞော် ကေတ်လျိုၚ် ပကောံပကေဝ် ထိၚ်ဒက်။ ၃။ အပ်ပြာပ်အစာပရန် နူကွာန်ကအ်ကြေၚ်မွဲ ( ဂုဏ်အာစာဂရု ကေုာံ ဂုဏ်အစာ ပုပ္ဖကေုာံအစာပရန်နာဲဆာန်ရတ် ကေတ်တာလျိုၚ်) ၄။ သွက်အစာပရန်တံ ဂွံစသုၚ် မံၚ်စံၚ်အာ ဥက္ကဌ ညးဇၞော်ကွာန် ကေတ်တာလျိုၚ်။ ၅။ မိမကွးဘာတံ ဘိုၚ်ထံက်ပၚ် ဗစဖျုၚ်နာနာ။ ၆။ သၟတ်ဒေသဍာ်ဗုတံ ဘိုၚ်ပါလုပ် ဂွံကဵုရီုဗၚ်မာန်။ ၇။ သြန်ထံက်ပၚ် ကၠုၚ်စိုပ်တံဂှ် သွက်ကၠောန်စရၚ် ဟတၚ် ညးတာလျိုၚ် သိုၚ်ခၞံဘာ နာဲဗညာစိၚ်ကေုာံ နာဲမန်ညာဏ် ကေတ်လျိုၚ် ။ ၈။ တရဴအအာ ဆက်လလောၚ်တြးအာ ပရိုၚ် ဆဝ်ပ္ၚုဟ်မဒါန် သိုၚ်ဘာကေုာံ ဒုၚ်တဲမဒါန် လးဒဒန်အကြာညးတၠဒါန် ကေုာံပတိုန် ပရိုၚ်လပှ်ကျာ။ ၉။ အစာမှောံ ၂ တၠ ပံၚ်တောဲကဵု ညးလျိုၚ် သိုၚ်ခၞံဘာတုဲ သွက်ဂွံ ပတိုန်ထၜးလၟေၚ်ကမၠောန် ကေုာံ ဗီုရုပ်စိုပ်ဒတုဲ။ ပြဟ်ဟ်ဏံ ကလိဂွံလဝ် သြန်ဒါန် သွက်ဂွံသိုၚ်ဘာ ကွာန်ခရိုၚ်စိၚ်ဂှ် -၁၀၂၀၂၈၀၀ ဒကေဝ်။ ညးမပတိုန်ထၜး တၚ်နၚ်- ဂုဏ်အစာခေမာ။ တဲညဳကသုညဳ ပံၚ်တောဲညးသကံတုဲ သြဝ်ဘိုၚ် ထံက်ပၚ် သိုၚ်ခၞံ ဘာကောန်ဂကူမန် ကွာန်ခရိုၚ်စိၚ် ပွိုၚ်ဍုၚ်ဍာ်ဗု အိုတ်စိုအ်။ မဒါန် နူဂကောံ ပုညကာရဳ ဍုၚ်ဂျပါန် ဂကောံထံက်ပၚ်တရဴအအာ နူဍုၚ်သေၚ်ကာပေါဝ် နူဍုၚ်သေံကီု သီုကဵုဇြဟတ်ကောန်ဂကူမန်ပိုဲ ယူရောပ် အမေရိကာန် မလေဝ်ယှာ အဝ်သတေလျာ ကိုဝ်ရဳယျာနာနာ ပၠောပ်စိုတ် မှောဝ်ဇဴ အိုတ်တၟိုဟ်မဒါန်တုဲ ဒုၚ်ကေတ်သာဓုညိအဴ”
  4. ↑ အအာ. Open (March 11, 2022). “ညးဘိုၚ်ပူဗိုၚ်ထံက်ပၚ် သိုၚ်ပတုဲဘာကောန်ဂကူမန် ကွာန်ခရိုၚ်စိၚ် ဂကောံပုညကာရဳ နူဍုင်ဂျပါန် ဘိုၚ်ထံက်ပၚ်ကဵုဒါန်(2,300,000) ဒကေဝ်ကီုရ သာဓု မုဒိတာသြန်ဒါန်တံဝွံ မ္ဒးအပ်ပြာပ်လဝ်ကဵု တၠဂုဏ်အ္စာဂြု ဍုၚ်လၟိုၚ်ရ သွက်ဂွံချဳဒရာၚ်သိုၚ်ဘာကောန်ဂကူမန် ကွာန်ခရိုၚ်စိၚ်ဂှ် တၠဂုဏ်အ္စာ ညးဘိုၚ်ရေၚ်တၠုၚ်အာရောၚ်နကဵုဇြဟတ်မဒါန်ကောန်ဂကူမန်ပိုဲ အကြာစအကြာသုၚ် ညးညိအဲညိ ဘိုၚ်ပါ်ပရအ်ကဵုမဒါန်မ္ဂး ဘိုၚ်ကောန်ဂကူမန်ပိုဲ ပ္ဍဲကွာန်ခရိုၚ်စိၚ်ဒးတုဲဒှ် ဗွဲမဍိုက်ပေၚ်ရောၚ်”
  5. ↑ အအာ. Open (March 27, 2022). “ဇြဟတ်ညးညိအဲညိဏံဂှ် ဒှ်ဇြဟတ်ဗွဲမလောန်ညးဘိုၚ်ပူဗိုၚ်ထံက်ပၚ် သိုၚ်ပတုဲဘာကောန်ဂကူမန် ကွာန်ခရိုၚ်စိၚ်သၟတ်ကွးဘာမန် ဍုင်အကြန် (USA)တံ ဘိုၚ်ထံက်ပၚ် (1,869,000)ဒကေဝ်ကီုရ သာဓု မုဒိတာ နကဵုဇြဟတ်မဒါန်ကောန်ဂကူမန်ပိုဲ အကြာစအကြာသုၚ် ညးညိအဲညိ ဘိုၚ်ပါ်ပရအ်ကဵုမဒါန်မ္ဂး ဘိုၚ်ကောန်ဂကူမန်ပိုဲ ပ္ဍဲကွာန်ခရိုၚ်စိၚ်ဒးတုဲဒှ် ဗွဲမဍိုက်ပေၚ်ရောၚ်”
  6. ↑ အအာ. Open (March 27, 2022). “ညးဘိုၚ်ပူဗိုၚ်ထံက်ပၚ် သိုၚ်ပတုဲဘာကောန်ဂကူမန် ကွာန်ခရိုၚ်စိၚ် ဂကောံသၟတ် ကေုာံ ကောန်ကွာန်ခရိုင်စိင်ဂမၠိုင် နွံဍုင်သေံ ဘိုၚ်ထံက်ပၚ် (27,120)ၜါတ်ကီုရ သာဓု မုဒိတာ နကဵုဇြဟတ်မဒါန်ကောန်ဂကူမန်ပိုဲ အကြာစအကြာသုၚ် ညးညိအဲညိ ဘိုၚ်ပါ်ပရအ်ကဵုမဒါန်မ္ဂး ဘိုၚ်ကောန်ဂကူမန်ပိုဲ ပ္ဍဲကွာန်ခရိုၚ်စိၚ်ဒးတုဲဒှ် ဗွဲမဍိုက်ပေၚ်ရောၚ်”
  7. ↑ အအာ. Open (March 27, 2022). “ညးဘိုၚ်ပူဗိုၚ်ထံက်ပၚ် သိုၚ်ပတုဲဘာကောန်ဂကူမန် ကွာန်ခရိုၚ်စိၚ် သြန်လၟေၚ်ဂိတု ဂကောံထံက်ပၚ်တရဴအအာ နူသွာၚ်ညးစန်ဒက် နာဲဓနမန်တံ ပကောံလဝ်သွက်ပိဂိတုဂှ် ပံၚ်ကောံတုဲ ဘိုၚ်ထံက်ပၚ်ဏာ 64300 ၜါတ် ကလိဂွံ 3,900,000 ဒကေဝ်ရ ကီုရ သာဓု မုဒိတာ နကဵုဇြဟတ်မဒါန်ကောန်ဂကူမန်ပိုဲ အကြာစအကြာသုၚ် ညးညိအဲညိ ဘိုၚ်ပါ်ပရအ်ကဵုမဒါန်မ္ဂး ဘိုၚ်ကောန်ဂကူမန်ပိုဲ ပ္ဍဲကွာန်ခရိုၚ်စိၚ်ဒးတုဲဒှ် ဗွဲမဍိုက်ပေၚ်ရောၚ်”
  8. ↑ အအာ. Open (March 29, 2022). “နူဒါန်ပူဇဴဓရ် ကလေၚ်ကဵုဏာဒါန်ပညာ သာဓုရကျာ် ညးဘိုၚ်ပူဗိုၚ်ထံက်ပၚ် သိုၚ်ပတုဲဘာကောန်ဂကူမန် ကွာန်ခရိုၚ်စိၚ်ဒါန်ပူဇဴဓရ် ၜါဒၞာဲ ဍုင်သေံ နူဌာနပေါင်ၜန်-ဆောမ်ဘန် ကလိဂွံဒါန်(54560)ၜါတ် နူဌာနဘာဏာခေါ-ဇြုရာတ် ကလိဂွံဒါန်(23780)ၜါတ်တံဝွံ ဘိုၚ်ထံက်ပၚ်ဏာ ပ္ဍဲဘာကောန်ဂကူမန် ကွာန်ခရိုၚ်စိၚ်ရ သာဓု မုဒိတာ ဒါန်ဓရ် 4,727,300ဒကေဝ် နကဵုဇြဟတ်မဒါန်ကောန်ဂကူမန်ပိုဲ အကြာစအကြာသုၚ် ညးညိအဲညိ ဘိုၚ်ပါ်ပရအ်ကဵုမဒါန်မ္ဂး ဘိုၚ်ကောန်ဂကူမန်ပိုဲ ပ္ဍဲကွာန်ခရိုၚ်စိၚ်ဒးတုဲဒှ် ဗွဲမဍိုက်ပေၚ်ရောၚ်”
  9. ↑ အအာ. Open (March 9, 2022). “ညးဘိုၚ်ပူဗိုၚ်ထံက်ပၚ် သိုၚ်ပတုဲဘာကောန်ဂကူမန် ကွာန်ခရိုၚ်စိၚ်လေံဍံက်+ရူပါထဝ် ဘိုၚ်ထံက်ပၚ် (၂၀၀၀၀၀)ဒကေဝ်ကီုရ သာဓု မုဒိတာနကဵုဇြဟတ်မဒါန်ကောန်ဂကူမန်ပိုဲ အကြာစအကြာသုၚ် ညးညိအဲညိ ဘိုၚ်ပါ်ပရအ်ကဵုမဒါန်မ္ဂး ဘိုၚ်ကောန်ဂကူမန်ပိုဲ ပ္ဍဲကွာန်ခရိုၚ်စိၚ်ဒးတုဲဒှ် ဗွဲမဍိုက်ပေၚ်ရောၚ်”
ကလေၚ်သီကေတ်လဝ် နူ "https://mnw.wikipedia.org/w/index.php?title=ဘာတန်မူလ_ကောန်ဂကူမန်_ကွာန်ခရိုင်စိင်&oldid=32133"