မာတိကာသို့ ခုန်သွားရန်

ဘာကောန်ဂကူမန် ကွာန်ခလံက်ခပြု

စုတ် လေန်ဂမၠိုင်
နူ ဝဳကဳပဳဒဳယာ

ဘာကောန်ဂကူမန် ကွာန်ခလံက်ခပြု ဂှ် စသြိုင်လဝ် ပ္ဍဲ သၞာံ ၂၀၂၂ ဂိတုသေပ်တေမ်ဗါ ၂၉ (သက္ကရာဇ်ဍုင် ၁၃၈၄ ဂိတုဝှ် ၅ မမံက်) တ္ၚဲဗြဴဗတိ စဖျေဟ်ရိုဟ်ကၞက်။[၁]

သြိုင်ခၞံ

[ပလေဝ်ဒါန် | ပလေဝ်ဒါန် တမ်ကၞက်]

သွက်ဂွံသြိုင်ခၞံ ဘာကောန်ဂကူမန် ကွာန်ခလံက်ခပြုဂှ် ပ္ဍဲသေပ်တေမ်ဗါ ၁၁၊ ၂၀၂၂ ဂှ် ဒက်ပ္တန်လဝ် ဂကောံသြိုင်ခၞံဘာကောန်ဂကူမန် ကွာန်ခလံက်ခပြု။ [၂] ဒယိုင်မုက်ပါင်ဘာဂှ် စကၠောန် နူသၞာံ ၂၀၂၂ သေပ်တေမ်ဗါ ၂၁။[၃]

သၞာံ ၂၀၂၂ သေပ်တေမ်ဗါ ၂၅ ဂှ် ဂကောံသြိုင်ခၞံ ဘာကောန်ဂကူမန် ကွာန်ခလံက်ခပြုတအ် ကောံဓရီု ပ္ဍဲဘာမင်္ဂလသိင်္ဂဳတုဲ တုပ်စိုတ် ရေင်သကအ် သေပ်တေမ်ဗါ ၂၉ (သက္ကရာဇ် ၁၃၈၄ ဂိတုဝှ် ၅ မမံက်) တ္ၚဲဗြဴဗတိဂှ် ကၠောန်သဘင်ဖျေဟ်ရိုဟ်ကၞက်၊ နကဵု ခမဳသင်တအ် ဖ္ဍောတ်မ္ၚဵုဖာပ်သင်။[၄] သွက်ဂွံသြိုင်ဘာဂှ် သၞာံ ၂၀၂၂ သေပ်တေမ်ဗါ ၂၇ ဂှ် စပလေဝ်စဒၞာဲ သွက်ဂွံဖျေဟ်ရိုဟ်ကၞက်ဘာ ပ္ဍဲ သေပ်တေမ်ဗါ ၂၉ (ဂိတုဝှ် ၅ မမံက် ၁၃၈၄) ဂှ်တုဲ[၅] သေပ်တေမ်ဗါ ၂၉၊ ၂၀၂၂ (သက္ကရာဇ်ဍုင် ၁၃၈၄ ဂိတုဝှ် ၅ မမံက်) တ္ၚဲဗြဴဗတိဂှ် ကၠောန်သဘင် ဖျေဟ်ရိုဟ်ကၞက်ဘာရ။ ပ္ဍဲသဘင်ဂှ် ခမဳသင် ဖ္ဍောတ်ဗှ်မ္ၚဵု၊ တုဲဂှ် ဍိုတ်မဗာန်လဝ် စက္ခောထဝ် စက္ခောသြန်တအ်ဂှ် ညးတာလျိုင်ဖျေဟ်စုတ် ဒၞာဲသၟဝ်ဂှ်ရ။ တုဲညးဍုင်ကွာန်တအ် စုတ်တၟအ်မဒုင်သၟဝ်ဂမၠိုင်ရ။[၁]

နိဿဲ

[ပလေဝ်ဒါန် | ပလေဝ်ဒါန် တမ်ကၞက်]
  1. ↑ ၁.၀ ၁.၁ ဖျေဟ်ရိုဟ်ကၞက်ဘာ. Open (29 September 2022). “ဂိတုဝှ် 5 မံက်ဖျေံရိုဟ်က္နက်ဖျေံဍိုတ်ထဝ်ဍိုတ်သြန် ဘာကောန်ဂကူမန် ကွာန်ခလံက်ခပြု တုဲဒှ်အာ ဗွဲမအံင်ဇ္နးရအာ”
  2. ↑ ဂကောံကမ္မတီ သိုင်ခ္နံဘာကောန်ဂကူမန် ကွာန်ခလံက်ခပြု. Open (11 September 2022). “ဂကောံကမ္မတီ သိုင်ခ္နံဘာကောန်ဂကူမန် ကွာန်ခလံက်ခပြု”
  3. ↑ စပစူ ဒယိုင်မုက်ဘာ. Open (21 September 2022). “စပစူဒယိုင်မုခ်ဘာကောန်ဂကူမန်ကွာန်ခလံက်ခပြု စမတ်ငဲ ( 21/ 9 / 22) ကလောန်ဗဒှ်မံင်ယျ”
  4. ↑ ကောံဓရီု သွက်ဂွံဖျေဟ် ရိုဟ်ကၞက်ဘာ. Open (25 September 2022). “ကောံဓရီုသီက္လီသွက်ဂွံဖျေံရိုဟ်က္နက် ဘာကောန်ဂကူမန် ကွာန်ခလံက်ခပြု ဂွံတင်တုပ်စိုတ်ဖျေံဒတန်သ္ဂုတ်သွာတ် ဂိတုဝှ်(၅)မံက် ဖ္ဍောတ်မ္ရ်ုံဖါပ်သင် ဖျေံရိုဟ်က္နက်ဘာကောန်ဂကူမန်ကွာန်ခလံက်ခပြု မဒှ်ရအ"”
  5. ↑ ပလေဝ်ပလေတ် သွက်ဖျေဟ်ရိုဟ်ကၞက်. Open (27 September 2022). “ဂိတုဝှ်(၅)မံက်သွက်ဂွံဖျေံရိုဟ်က္နက် ဘာကောန်ဂကူမန်ကွာန်ခလံက်ခပြု မပဠေဝ်ပဠေတ်မံင်ဖိုဟ်”


ကလေၚ်သီကေတ်လဝ် နူ "https://mnw.wikipedia.org/w/index.php?title=ဘာကောန်ဂကူမန်_ကွာန်ခလံက်ခပြု&oldid=34786"