ဘာကောန်ဂကူမန် ကွာန်အၜဝ်၊ ပွိုင်ဍုင်ရေဝ်
| ဘာကောန်ဂကူမန် တန်မူလ | |
|---|---|
  ဘာကောန်ဂကူမန် တန်မူလ | |
|
ကွာန်အၜဝ်၊ ပွိုင်ဍုင်ရေဝ် သၠုင်ကျာ ရးနိဂီုဗၟာ | |
| မပံင်တောဲလဝ် | 15°14′45″N 97°49′17″E / 15.245752°N 97.821504°E |
| တင်ဂၞင်ဂမၠိုင် | |
| ဒက်ပတန် | ၂၀၂၂ |
ဘာကောန်ဂကူမန် ကွာန်အၜဝ် ပွိုင်ဍုင်ရေဝ် ဂှ် စဵုကဵု သၞာံ ၂၀၂၂ ဂှ် ဒှ်ဒၟံင် ဘာတန်မူလတုဲ နွံကွးဘာ သီုဖအိုတ် ၈၀ ပြင်ပြင်ရ။ သွက်ဂွံသြိုင်ဘာတၟိဂှ် နူသၞာံ ၂၀၂၀ ဂိတုဇာန်နဝါရဳ ၅ (သက္ကရာဇ် ၁၃၈၁၊ ပုဟ် ၁၁ မမံက်) ဂှ် စရပ်ကမၠောန်သြိုင်ကၠုင်ရ။ ဂအာင်ဘာဂှ် ကျာ်ဇၞော်အစာတၠ နွံပိုန်ဘာဇၞော် ကွာန်အၜဝ် ဘဒ္ဒန္တဝဏ္ဏသာရ ရာန်ကဵုလဝ်ဒါန်တုဲ နကဵု တၠဂုဏ်အစာနန္ဒသာရ ဘာဇၞော် ကွာန်အၜဝ် ဒှ်ညးပကမ္မကထ၊ နကဵု မဒါန်သြန်နူကောန်ဂကူမန် ဗွဲတၟေင် ကောန်ကွာန်အၜဝ်တအ်ဂှ် သြိုင်ခၞံဗဒှ်လဝ်ရ။[၁]
ကမၠောန်သြိုင်ဘာတၟိ
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၂၀၂၀ ဂိတုဇာန်နဝါရဳ ၅ (၁၃၈၁ ပုဟ် ၁၁ မမံက်) ဂှ်
ကျာ်ဇၞော်အစာတၠ နွံပိုန်ဘာဇၞော် ကွာန်အၜဝ် ဘဒ္ဒန္တဝဏ္ဏသာရ ညးမဒှ် ဥက္ကဋ္ဌ ဂကောံရာမညဓမ္မာစရိယ အလုံဒေသရးမန် ရာန်ကဵုဒါန်တိ နကဵုင္ၚုဟ်သြန် ၁၀၀ ကိုဋ်ဒကေဝ်တုဲ အပ်ပြာပ် ကဵုတာလျိုင် ကုတၠဂုဏ်နန္ဒသာရတုဲ နူသၞာံ ၂၀၂၀ ဇာန်နဝါရဳ ၅ (၁၃၈၁ ပုဟ် ၁၁ မမံက်)ဂှ် စသြိုင်ကၠုင် ဘာကောန်ဂကူမန်ရ။ သွက်ဂွံသြိုင်ဘာဏအ်ဂှ် ညးတာလျိုင်အရီုအဗင်ဗွဲတၟေင် သွက်ဂွံဆဝ်မ္ၚုဟ်မဒါန် အလုံကောန်ဂကူမန်ဂှ် တၠဂုဏ်အစာအဇ္ဇ (တရဴအအာ - မန်ရီုဗင်မန်)၊ ကျာ်ဇၞော်အ္စာဉာဏဝံသ ဘာတြေံ ကွာန်ကျာ်ပရင်၊ တၠဂုဏ်အ္စာနန္ဒသာရ ဘာဇၞော် ကွာန်အၜဝ်၊ ကျာ်ဇၞော်အ္စာ မဟာထဝ် ဘာမန်က္ၜင်က္ဍဳ ဍုင်က္ၜင်ကံက်၊ တၠဂုဏ်အ္စာအာလောက ဘာဇၞော် ကွာန်ဝါဂျဳ၊ တၠဂုဏ်အ္စာသုဝဏ္ဏ ဘာသုဝဏ္ဏဘူမိ ဍုင်မုဟ်ဍုင်၊ ကျာ်ဇၞော်အ္စာပုပ္ဖ ဘာဝါဂၠဴ ဍုင်ရေဝ်၊ ကျာ်ဇၞောအ္စာကောသလ္လ ဘာတိုက်ပိဋကတ် ကွာန်တဝ်ကၞဴ (ခၟိုင်)၊ တၠဂုန်အ္စာခေမာသာရ ဘာရာမညရဋ္ဌဗုဒ္ဓတက္ကသိုလ် ဍုင်မတ်မလီု။[၂][၁]
စဵုကဵုသၞာံ ၂၀၂၂ ဂိတုဇာန်နဝါရဳဂှ် ကလိဂွံသြန်ဒါန် သီုဖအိုတ် ၁၃,၀၇၀ ကိုဋ်။ သြန်တအ်ဂှ် နူကဵု ဂကောံတရဴအအာဂှ် ၂၉ကိုဋ် ၁လက်။ ဂကောံပရေင်ပညာမန် (MEG) ဂှ် ၁၀ ကိုဋ်၊ ဌာနပရေင်ပညာကောန်ဂကူမန်ဂှ် ၄၆ ကိုဋ် ၂ လက်၊ နကဵုပူဂိုလ် ညးမကဵုလဝ်ဂၠိုင်င်ဂှ် ကောန်ကွာန်အၜဝ် ကောဒေအ်ပိတၠ - ကျာ်ဇၞော်အ္စာဉာဏဝံသ ဘာတြေံ ကွာန်ကျာ်ပရင်၊ ညးမပဒတဴ ကၟိန်ဍုင်အမေရိကာန် နာဲဆာန်မန် ကဵု နာဲဆာန်လောန် ၁၅၀ ကိုဋ်။ သဘင်ဓရ်သြန်ဂအုံ ဘာကောန်ဂကူမန်ဏအ် မကၠောန်ဗဒှ် ပ္ဍဲကွာန်အၜတ် နူကဵု သြန်ဒါန်ဓရ်ဂှ် တၠဂုဏ်အစာသဳလာစာရ (တၠဂုဏ်မှေအ်) ဂှ် ၅၁ ကိုဋ်၊ တလဂုန်ဇဝနဟံသာဂှ် ၂၀ ကိုဋ်၊ တၠဂုဏ်အစာပညာသာမိ ၄၀ ကိုဋ်။ တုဲပၠန် တၠဂုန်အစာအိန္ဒ တွဟ်ဓရ် ပ္ဍဲဘာတြေံ ကွာန်အၜဝ်တုဲ သြန်ဒါန်ဓဝ် ၂၀ ကိုဋ်ဂှ် ကဵုဒါန် သွက်ဘာကောန်ဂကူမန်ဝွံရ။ သၟေဟ်တအ်ဂှ် ဒှ်သြန်ဒါန် နူကဵုကောန်ဂကူမန်နာနာ ဗွဲတၟေင် ကောန်ကွာန်အၜဝ်တအ်ရ။[၂]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ ဂတဵုဆဝ်မ္ၚုဟ်မဒါန်. Open (October 2, 2020).
- ↑ ၂.၀ ၂.၁ ဘာကောန်ဂကူမန် ကွာန်အၜဝ် ဒေသဖါလိန်. Open (6 June 2022).
.svg){kind=small} | ||
|---|---|---|
နကဵု သၟဝ်ပကင်ရင်ပညာ ဌာနပရေင်ပညာကောန်ဂကူမန် (Mon National Education Committee) | ||
| ပွိုင်ဍုင်ပံင် |  | |
| ပွိုင်ဍုင်မုဟ်ဍုင် |
| |
| ပွိုင်ဍုင်ဇြပ်ဗု |
| |
| ပွိုင်ဍုင်ရေဝ် |
| |
| ပွိုင်ဍုင်ဍာ်ဗု | ||
| ပွိုင်ဍုင်ကျာ်မြဟ် | ||
| ပွိုင်ဍုင်လှာဒကှ် |
| |