ဘာကောန်ဂကူမန် ကွာန်ဝါကွဴ

နူ ဝဳကဳပဳဒဳယာ
ဘာကောန်ဂကူမန် ကွာန်ဝါကွဴ
ဘာကောန်ဂကူမန် ကွာန်ဝါကွဴ is located in Myanmar
ဘာကောန်ဂကူမန် ကွာန်ဝါကွဴ
ဘာကောန်ဂကူမန် ကွာန်ဝါကွဴ
ကွာန်ဝါကွဴ၊ ပွိုင်ဍုင်ဍာ်ဗု
ရးနိဂီုဗၟာ
မပံင်တောဲလဝ် 15°01′24″N 97°55′03″E / 15.023401°N 97.917463°E / 15.023401; 97.917463
တင်ဂၞင်ဂမၠိုင်
ဒက်ပတန် ၂၀၂၂

ဘာကောန်ဂကူမန် ကွာန်ဝါကွဴ ပွိုင်ဍုင်ဍာ်ဗု၊ ရးတၞင်သဳဂှ် စကမၠောန် ကၠောန်ဗဒှ် မ္ၚဵုဖျေဟ်ပၞက်သေဝ် ဍိုတ်ထဝ် ဍိုတ်သြန် ပ္ဍဲကဵု သၞာံ ၂၀၂၃ ဂိတုမာတ် ၅ (သက္ကရာဇ် ၁၃၈၄ ဂိတုဖဝ်ရဂိုန် ၁၅ မမံက်) တ္ၚဲအဒိုတ်။[၁]


ဝင်[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲကွာန်ဝါကွဴဝွံ ဘာကောန်ဂကူမန် တန်မူလ ကေင်နွံကၠုင်လဝ်ကီုရ။ ဗွဲကြဴ ဘာကောန်ဂကူမန်ဂှ် ဍိုန်လျအာ။ နကဵုအလဵုအသဳ ပံက်လဝ် စဵုကဵု ဘာတန်ဒေါဝ်။ သၞာံ ၂၀၂၁ ပၞာန်သီအဝဵုဍုင်တုဲ အစာဘာဗၟာတအ် ဟွံဂံင်အာကၠုင်တုဲ ဘာအလဵုအသဳဂှ် ဟွံဒှ်ပံက်ရ။ သင် ကေုာံ အုပ်ဓုပ်ကွာန်၊ မိမကွးဘာတအ် ချပ်ဂၞန် ရေင်သကအ်တုဲ ပံက်ပ္တိုန် ဘာကောန်ဂကူမန် ပ္ဍဲဘာလကျာ်။ နူကဵု ဌာနပရေင်ပညာကောန်ဂကူမန် (ဗဟဵု) လေဝ် ကဵုအရီုအဗင်အစာတုဲ ဘာကောန်ဂကူမန် က္လေင်ဒှ်ကၠုင် ပ္ဍဲကွာန်ဝါကွဴဂှ်ပၠန်ရ။[၂] ဘာကောန်ဂကူမန် ကွာန်ဝါကွဴဝွံ ကၠောန်ဗဒှ် သဘင်မ္ၚဵုဖျေဟ်ရိုဟ်ကၞက် ဍိုတ်ထဝ် ဍိုတ်သြန် ပ္ဍဲဂိတုမာတ် ၅၊ ၂၀၂၃ (သက္ကရာဇ် ၁၃၈၄ ဂိတုဖဝ်ရဂိုန် ၁၅ မမံက်) တ္ၚဲအဒိုတ်။[၁]

နူဂကောံအအာ ကဵုဒါန် သွက်ဂွံသြိုင်ဘာ သြန် ၂၀ ကိုဋ်။[၃]


ဆက်ဗှ်[ပလေဝ်ဒါန် | ပလေဝ်ဒါန် တမ်ကၞက်]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. ၁.၀ ၁.၁ " မ္ၚဵုဖျေဟ်ရိုဟ်ကၞက် ဘာကောန်ဂကူမန်. Open (5 March 2023).
  2. " ဘာကောန်ဂကူမန် ကွာန်ဝါကွဴ. Open (5 March 2023). “ပ္ဍဲသၞာံ (၂၀၂၁) နူပၞာန်သီအဝဵုတုဲ ဘာအလဵုအသဳပံက်လဝ်ကဆံၚ်တန်ဒေါဝ်ဂှ် ဟိုတ်နူအ္စာဘာ အ္စာၝောံဗမာတံ ဟွံဂံၚ်အာကၠုၚ်တုဲ ကွးဘာတံ ဟွံဂွံအခေါၚ်ဗ္တောန်ပညာရ ဟိုတ်နူဘာဗမာဟွံပံက်တုဲ အခေါၚ်အရာဂွံပံက်ဘာကောန်ဂကူမန်ဂှ် ဍေံမံက်ကၠုၚ်ရ သွက်ကောန်ၚာ်ပ္ဍဲကွာန်တံ ဂွံဆက်ဗ္တောန်ပညာမာန် ရန်တၟံတုဲ သၚ်ကေုာံ အုပ်ဓုပ်ကွာန် မိမကွးဘာတံ ချပ်စညးသ္ကံတုဲ ပံက်ပတိုန်ဘာကောန်ဂကူမန် ပ္ဍဲဘာလကျာ်ရ အာတ်အရီုအဗၚ်အ္စာ ပ္ဍဲဌာနပရေၚ်ပညာကောန်ဂကူမန်(ဗဟဵု)ရ နူဌာနပညာ ကဵုအရီုအဗၚ်အ္စာတုဲ ပရေၚ်ဗ္တောန်လိက် ပ္ဍဲဘာလကျာ်ဂှ် ပြေပြံၚ်ကၠုၚ်ရ လမျီုဘာကောန်ဂကူမန် ကလေၚ်လုပ်ကၠုၚ်ရ ကွာန်ဏံ နူဘာဗမာ ကလေၚ်ဒှ်တိုန် ဘာကောန်ဂကူမန်ဂှ် ကေတ်ဂုဏ်စရာဲ လ္တူကောန်ကွာန်တံ ဗွဲမလောန်ရ ရန်တၟံကဵု ဂွံဆက်ပံက်အာဘာကောန်ဂကူမန်မာန်တုဲ သၚ်ကေုာံဒကာတံ စချဳဒရာၚ်သိုၚ်ဗဒှ်မံၚ်ဘာကောန်ဂကူမန်ယျ နကဵုဇြဟတ်ကောန်ကွာန် ဇြဟတ်ပွိုၚ်ဍုၚ် ဇြဟတ်အလုံကောန်ဂကူမန်ပိုဲ ဘိုၚ်ပူဗိုၚ် ချဳဒရာၚ်အာညဳညဳသာသာမ္ဂး ဟွံဒှ်ဟွံမွဲ ဒးဒှ်ဟေၚ်”
  3. " တရဴအအာ ဗိုၚ်ထံက်ပၚ်သိုၚ်ဘာကောန်ဂကူမန် ပ္ဍဲကွာန်ဝါကွဴ. Open (9 March 2023). “တရဴအအာ ဗိုၚ်ထံက်ပၚ်သိုၚ်ဘာကောန်ဂကူမန် ပ္ဍဲကွာန်ဝါကွဴ (၂၀)ကိုဋ်ဒကေဝ် စၟတ်တ္ၚဲ(၅-၃-၂၀၂၃)ဂှ် ပ္ဍဲကွာန်ဝါကွဴ ပွိုဍုၚ်ဍာ်ဗု ဖျေံဍိုတ်ထဝ်ဍိုတ်သြန်တုဲ စသိုၚ်ခၞံ ဘာကောန်ဂကူမန်ရ ပ္ဍဲကွာန်ဏံဝွံ မွဲအခိၚ်တေံ ဘာကောန်ဂကူမန် ကဆံၚ်တန်မူလ ကေၚ်နွံကၠုၚ်လဝ်ကီု ဂွံတီကေတ်ရ ပ္ဍဲသၞာံ (၂၀၂၁) နူပၞာန်သီအဝဵုတုဲ ဘာအလဵုအသဳပံက်လဝ်ကဆံၚ်တန်ဒေါဝ်ဂှ် ဟိုတ်နူအ္စာဘာ အ္စာၝောံဗမာတံ ဟွံဂံၚ်အာကၠုၚ်တုဲ ကွးဘာတံ ဟွံဂွံအခေါၚ်ဗ္တောန်ပညာရ ဟိုတ်နူဘာဗမာဟွံပံက်တုဲ အခေါၚ်အရာဂွံပံက်ဘာကောန်ဂကူမန်ဂှ် ဍေံမံက်ကၠုၚ်ရ သွက်ကောန်ၚာ်ပ္ဍဲကွာန်တံ ဂွံဆက်ဗ္တောန်ပညာမာန် ရန်တၟံတုဲ သၚ်ကေုာံ အုပ်ဓုပ်ကွာန် မိမကွးဘာတံ ချပ်စညးသ္ကံတုဲ ပံက်ပတိုန်ဘာကောန်ဂကူမန် ပ္ဍဲဘာလကျာ်ရ အာတ်အရီုအဗၚ်အ္စာ ပ္ဍဲဌာနပရေၚ်ပညာကောန်ဂကူမန်(ဗဟဵု)ရ နူဌာနပညာ ကဵုအရီုအဗၚ်အ္စာတုဲ ပရေၚ်ဗ္တောန်လိက် ပ္ဍဲဘာလကျာ်ဂှ် ပြေပြံၚ်ကၠုၚ်ရ လမျီုဘာကောန်ဂကူမန် ကလေၚ်လုပ်ကၠုၚ်ရ ကွာန်ဏံ နူဘာဗမာ ကလေၚ်ဒှ်တိုန် ဘာကောန်ဂကူမန်ဂှ် ကေတ်ဂုဏ်စရာဲ လ္တူကောန်ကွာန်တံ ဗွဲမလောန်ရ ရန်တၟံကဵု ဂွံဆက်ပံက်အာဘာကောန်ဂကူမန်မာန်တုဲ သၚ်ကေုာံဒကာတံ စချဳဒရာၚ်သိုၚ်ဗဒှ်မံၚ်ဘာကောန်ဂကူမန်ယျ နကဵုဇြဟတ်ကောန်ကွာန် ဇြဟတ်ပွိုၚ်ဍုၚ် ဇြဟတ်အလုံကောန်ဂကူမန်ပိုဲ ဘိုၚ်ပူဗိုၚ် ချဳဒရာၚ်အာညဳညဳသာသာမ္ဂး ဟွံဒှ်ဟွံမွဲ ဒးဒှ်ဟေၚ်”