ကအ်ဍောတ်၊ ပွိုင်ဍုင်ရေဝ်
| ကွာန်ကအ်ဍောတ် | |
|---|---|
| ကွာန် | |
  ကွာန်ကအ်ဍောတ် ဒၞာဲကွာန်ကအ်ဍောတ် မၞုံ | |
| ဒတန်ဒၞး: 15°31′00″N 97°46′54″E / 15.5165300369263°N 97.7816696166992°Eဒတန်: 15°31′00″N 97°46′54″E / 15.5165300369263°N 97.7816696166992°E | |
| ကၟိန်ဍုင် |
 Myanmar |
| တွဵုရး |
 Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်ရေဝ် |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ကွာန်ကအ်ဍောတ်(အၚ်္ဂလိက်: Koh Doot၊ ဗၟာ: ကော့ဒွတ်)ဂှ် နွံ ပ္ဍဲ တွဵုရးဍုင်မန်၊ ခရိုင်ရေဝ်၊ ပွိုင်ဍုင်ရေဝ်၊ ဂကောံကွာန်ကအ်ဍောတ်၊ ဂၞန်ကောဒ်ကွာန်ဂှ် ၁၉၅၃၉၆၊ [၁] သီုဖအိုတ် နွံ ၁၄ အရာပ်။ နူကွာန်ကအ်ဍောတ် ဗွဲဒိုဟ်ဗၟံက် ၜိုတ်ပိတိုင်ဂှ် ဒးဍုင်လၟိုင်။ ဗွဲဒိုဟ်နေရတိ ဒးကွာန်ဘာဂူ၊ နူဂှ် နွံခြာၜိုတ်ပိတိုင်ပြင်ပြင်မ္ဂး ဒးဗလးပြင်ၜဳကျာ်မင်ဝ(ကျာ်မင်ဇွ)။ ဗွဲဒိုဟ်ဗာယပ် ကွာန်ကအ်ချ၊ ကွာန်သၞေဟ်ဂဒေါအ် တအ် နွံရ။
လၟိဟ်မၞိဟ်
[ပလေဝ်ဒါန် | ပလေဝ်ဒါန် တမ်ကၞက်]အတိုင်စရင်မၞိဟ် ကၟိန်ဍုင်ဗၟာ သၞာံ ၂၀၁၄ မ္ဂး ပ္ဍဲဂကောံကွာန်ကအ်ဍောတ်ဂှ် မၞိဟ်တြုဟ် နွံ ၃၅၆၅၊ မၞိဟ်ဗြဴ နွံ ၄၉၁၅ တုဲ သီုဖအိုတ် မၞိဟ်ပဒတဴဒၟံင် ၈၄၈၀ တၠရ။[၁]
လျးကျာ်သြဳကွာန်
[ပလေဝ်ဒါန် | ပလေဝ်ဒါန် တမ်ကၞက်]အယာံနူဂယး ရမျှာၚ်တက်ခၞုက်ဗြု လျးအရှိုဏ်စာ်စ္ဍးတုဲ သၚ်တံက္ညစှ်ေပိဏ္ဍပါတ် ညးကွာန်တအ်လံၚ်တဴပိဏ္ဍပါတ်အိုတ်ရ။ တုဲပၠန် ညးလ္ၚဵုပလံၚ်ပ္ကဴဝတ် ညးလ္ၚဵုကွဟ်ကၟဟ် သအးဇ္ၚးအရှာမ်ဘာ ညးလ္ၚဵုယဵုပတိုန်ဍာ်နုၚ် ဍာ်လွပ်ရပ်စပ် ပ္ဍဲဘာအိုတ်ရ၊ ပယာံသဝ်တ္ၚဲ ညးလ္ၚဵုပလံၚ်ပ္ကဴဝတ် ပူဇဴပၟတ်ပၞာၚ်သ္ဍဴ ပ္ဍဲအရှာမ်ကျာ်အတုလရတနာစေတဳ၊ ညးလ္ၚဵုပလံၚ်ပ္ကဴဝတ် ညးလ္ၚဵုယဵုပတိုန်ဍာ်နုၚ် ဍာ်လွပ်ရပ်စပ် ပ္ဍဲဘာမွဲဝါပၠန်ရ။
အခိုက်ကၞာကွာန် လၟေၚ်ဂိတု
[ပလေဝ်ဒါန် | ပလေဝ်ဒါန် တမ်ကၞက်]ဂိတုစဲ ကလအ်ပူဇဴကဵုဒါန် မၞိဟ်အာယုက်ဇၞော် အာယုဝဍ္ဎိ ပ္ဍဲတ္ၚဲအတးကြာပ်သၞာံ၊ ဗ္တောန်လိက်ပတ်မန် ဥတုကညၚ်
ဂိတုပသာ် သဘၚ်ဖဍာ်ဇြဲဗောဓိ၊ ဍေန်ပၟတ်ပၞာၚ် ရာဒနာဖျေံမေတ္တာ တ္ၚဲဍုၚ်မန် ဟံသာဝတဳလီု
ဂိတုဇှ်ေ
ဂိတုဒဂိုန် ကလအ်အာစာ၊ ကဵုဒါန်သ္ၚာသၞုက်ဗြဲ
ဂိတုခ္ဍဲသဳ ကဵုဒါန်နုၚ်နိဓိ
ဂိတုဘတ် ဗတ်သၟုတ်က္ၜၚ်၊ တွံဓရ် ဇာတ်သၟိၚ်ဝေသန္တရ်၊ လှ်ေဝေၚ် ရုပ်ရဴဂၠဴဘတ်၊ ပတိုန်ဂိုမ်
ဂိတုဝှ်(ဝသ်) သဘၚ်သှ်ပဝါရဏာ၊ လံၚ်ဗပေၚ်ဇၞော်(လံၚ်ဗပေၚ်သၚ်ဇဳ)၊ ပူဇဴ သၚ် သဳလ အံၚ်လိက်ပရိယတ်၊ လးသ္ၚာကထိုန်
ဂိတုကထိုန် ဗတ်သၟုတ်ကဵုဒါန် ဘာမဟာထေရ်ဥပဂုတ္တ၊ သဘၚ်ကျာ်မၚ်ဝ
ဂိတုမြေက္ကသိုလ်
ဂိတုပှော်
ဂိတုမာ် သဘၚ်သၟာန်သှ်လိက် ဂကောံသဒ္ဓမ္မဓဇဝိနယာဓိက၊ သဘၚ်ကျာ်အတုလရတနစေတဳ၊ မာ်မွဲစွေက် တ္ၚဲဂကူမန်၊ စံၚ်အှော်ဒါန်
ဂိတုဖဝ်ရဂိုန်
မၞုံအာယုက် (၁၀၀)ပြၚ်ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]သီ မၞုံအာယုက် (၁၀၀)ပြၚ်
သာသနာ - ၂၄၄၂ သၞာံ၊ ကောဇာ - ၁၂၆၀ သၞာံဂှ် သၟိတ်ပတန်လဝ် အာစိုပ်ဒတုဲ၊ ပ္ဍဲသာသနာ - ၂၅၄၂ သၞာံ၊ ကောဇာ - ၁၃၆၀ သၞာံ၊ ခရေတ် - ၁၉၉၉ သၞာံဂှ် နူဂိတုဝှ် ၂ စွေက် စဵုကဵုစိုပ် မြေက္ကသဵု ၈ စွေက် ပလေဝ်လဟဵုပတိုန် အာစိုပ်ဒတုဲတုဲ ပစၟတ်သမ္တီ သီပေၚ် ၁၀၀ သၞာံ တက်တြးလဝ် ကြက္ကဒိန်မန်နွံရ။ နူစသၟိတ်ပတန်လဝ်တုဲ စဵုကဵုစိုပ် ပေၚ် ၁၀၀ သၞာံ ဂှ် ထပ်ပၠေဝ်ကၠုၚ်လဝ် ဗၞတ်ပန်ဝါ ပန်အလန်တုဲရ၊ သာသနာ ၂၅၆၂ သၞာံ၊ ကောဇာ - ၁၃၈၀ သၞာံ၊ ခရေတ် - ၂၀၁၈ ဂှ် ထပ်ပၠေဝ်လဝ်မွဲဝါပၠန်ရ။
တၞံကြုက်ယ မၞုံအာယုက် ၁၀၀ ပြၚ် (လၟုဟ်ဒေါမ်ကၟိုၚ်)
နွံသကဲ ဒိုဟ်သၠုၚ်ကျာအရှာမ်သီ ဗွဲမ္ၚးရ၊ မၞိဟ်ဇၞော်ဇၞော် ညးသမ္တီဒးတအ်ဟီု နူစအခိၚ် သၟိတ်ပတန်သီတေံ တၞံကြုက်ယဂှ် မၞုံဗၞတ်အယျဲတၞံဆုဇၞော်ဇၞော်မွဲရ၊ အခိၚ်သီပေၚ် ၁၀၀ သၞာံ ဂှ်လေဝ် မၞုံဗၞတ်အယျဲဂှ်ဖိုဟ်ရ၊ ပ္ဍဲကြက္ကဒိန်မန် တက်တြးပစၟတ်သမ္တီ သီပေၚ် ၁၀၀ သၞာံဂှ် ဂွံဆဵုညာတ်ကေတ် တၞံကြုက်ယဂှ် ကၠးကၠးဖ္ဍးဖ္ဍးရ။
တၞံသတ်ဂအဳဠၚ် (ဣဳဠၚ်) မၞုံအာယုက် ၁၀၀ ပြၚ်
နွံဒိုဟ်ပါၚ်မုက်ဘာ ဂၠံၚ်ဗၟံက်၊ နွံပ္ဍဲအရှာမ် ဘာမဟာဝိဟာရ ပရိယတ္တိ ကွာန်ကအ်ဍောတ်။
ရာမညနိကာယ ဘာမဟာဝိဟာရပရိယတ္တိ
[ပလေဝ်ဒါန် | ပလေဝ်ဒါန် တမ်ကၞက်]ဘာဝွံ မွဲအခိင်တေအ် ကေင်ဒှ်လဝ် တိုက်လိက်ပရိယတ် မပြာကတ် အကြာသင်မန်တအ်ကီုရ။
ကျာ်စေတဳဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]ကျာ်အတုလရတနစေတဳ၊ ကျာ်စေတဳ လဒေါဝ်သာသနာ၊ ကျာ်စေတဳ ကၠံဒစာံ
ဘာတန်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ဘာတန်ဒေါဝ်ကောန်ဂကူမန်
ဘာတန်သၠုင်(စၟတ်−၁)အလဵုအသဳ၊ နွံဗွဲဒိုဟ်သၠုင်ကျာ
ဘာတန်မူလ(စၟတ်−၂) အလဵုအသဳ၊ နွံဗလးဖဠာတ်ကျာ်
ဘာတန်မူလ(စၟတ်−၃) အလဵုအသဳ၊ နွံဗွဲဒိုဟ်သၟဝ်ကျာ
ဘာတန်မူလ၊ နွံဗွဲဒိုဟ်ဨသာန်၊ ဂၠံင်ကအ်ဍောတ်−ဍုင်လၟိုင်
ဂကောံ
[ပလေဝ်ဒါန် | ပလေဝ်ဒါန် တမ်ကၞက်]ဂကောံလိက်ပတ်ယေန်သၞာင်မန်
ဂကောံသၟတ် - ကွာန်ကအ်ဍောတ်
ဂကောံသဒ္ဓါရတ်ပိ - ကွာန်ကအ်ဍောတ်
ဂကောံဂိလာနစေတနာ(ရီုဗၚ်ဂိယဲ)
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ Place codes (Pcodes). Myanmar Information Management Unit (June 2020).
.svg){kind=small}
