ရးမည ပညုင်၊ ဒွက်
ဒွက်ရးမညပညုင်ဝွံ ဒှ်ဒွက် မချူလဝ် ပရူဗညာစိင် မဒဴလုပ် ဍုင်ဒျူဒျာတုဲ ဆဝ်မ္ၚုဟ်ကောန်ဂကူမန် ညးမစိုပ်ဍုင်သေံတအ် ညံင်ဂွံကလေင်စဴ ပ္တန်ဍုင်မန်မွဲဝါပၠန်ရ၊၊ ဒွက်ရးမညပညုင်ဝွံ စတမ္ညဝ်ကၠုင် အကြာဂကူမန် ပ္ဍဲအခိင် မန်တအ် ကလေင်ၚုဟ်ကတဵုတိုန် ပ္ဍဲပရေင်ဍုင်ကွာန် မွဲဝါပၠန် အကြာသၞာံ ၁၉၄၅ တေအ်တုဲ ဗွဲကြဴ နူကဵု ဂကောံလျးဟံသာ နာဲလျးဟံင်မန် ဒယှ်ေတုဲ ပြးဇးတန်ကြန်အာ အကြာဂကူမန်တအ်ရ၊၊ ဒွက်ဝွံ ဟိုတ်မချူလဝ် ပရူဗီုဍုင်ဟံသာဝတဳလီု ကေုာံ ဆဝ်မ္ၚုဟ်လဝ် ညံင်မန်တအ် ဂွံကလေင်စဴ ဒက်ပ္တန် ဍုင်ဟံသာဝတဳ မွဲဝါပၠန်တုဲ စောဲဗာန်ဒၟံင် ပ္ဍဲဂၠံသြိုဟ် ကောန်တၟအ် ကောန်ဂကူမန်တအ်တုဲ ဒှ်ဒွက်အဓိက ပ္ဍဲဂကူမန် ပ္ဍဲခေတ်လက္ကရဴဏအ်ရ၊၊
သတ်ဒွက်
[ပလေဝ်ဒါန် | ပလေဝ်ဒါန် တမ်ကၞက်]
ရးမညပညုင် ဍုင်ၜိုပ်ဟံသာ ကၠာတေအ် ဍုင်မန် လၟုဟ်ချပ်ရံင်ပၠန် ပိုယ်ကောန်ဂကူ အောန်စိုတ်လ္ၚုလ္ၚန်တုဲ ဗှ်ဗၞုဟ်အာပၠန်အာပၠန် ရးမန်ပိကၠာ ဖာသီ ဍုင်မတ္တမ အိုတ်လၟေင်ဍုင် ဟီုပညုင် ရိုဟ်ရေင်အာ တၞင်သဳပိုယ်ပၠ ဍုင်ၜိုပ်ဟံသာ၊၊
(ယွံလေဝ်ကလောဟိုဲ ပိုယ်ဒးအာစိုပ် စ္ၜုဲစ္ၜော် လဒေါဝ်ဂြိုပ်ဂၞိင် ထင်ဍာ်ကအ်ကှ် ပှ်ဗျိင် နာဲပိုယ်သၟိင်မန် အောန်စိုတ် လ္ၚုလ္ၚန် တန်ဒၟံင် ပ္ဍဲကဵုဂြိုပ်ဇၞော် ဗော်သွးကလော်ယာန် သံက်သၟာန်ရောဟွံမဲ ပိုယ်ဒးဍောင်ၜိုတ် အိုတ်ဓတ်သြိုဟ်ဍန် ပိုယ်ဒးတန်ဒၟံင် ပ္ဍဲကဵုဇိုင်ဍာ်လဂေါဝ်)၂
(လဒေါဝ် ပ္ဍဲကဵုဂြိုပ်ဂၞိင် သၟိင်ၜိုပ်ဟိင်ဟပ် အကြာလတိုပ်ဟေမာ)၂ သၟိင်တၠဟံသာ ပဝ်ဂစာန်ဒဴပါဲ ပဝ်ဂစာန်ဒဴပါဲ ယွံနာဲသၟိင်ၜိုပ်ဟံင်ထဝ် (ပဝ်ဂစာန်ဒဴ တ္ၚေန်ဂဝ်ဂၞဴ ထောအ်ဝါ ဂွံဂြိုပ် ကဣဗီုကြိုတ် ဂြပ်လဝ် သီုသီုခၟာဲ)၂
သၟိင်ၜိုပ်ထဝ် ဂေတ်သွဝ်ပၠးသၞေဝ်ပဝ်ဂၠာဲ ဇျင်မာဲအာစိုပ် က္ဍိုပ်ဗညာစိင်)၂ ပဝ်ရေတ်ဂၠာဲ သ္ၚေဝ်ရေတ်ဂၠာဲ ဖျေဟ်ခၟာဲ ဍုင်ဒျူဒျာ၊ ဒျူဒျာရောမိပ် ဗဂေါရောင်မိပ်သန် ကလေင်ပၠန်လေဝ်နာဲ၊ ကောန်သၟိင်ၜိုပ်ထဝ် ကာလသၞေင်ပေင် ဂ္ၚေင်ပဝ်စဴစိုပ် ဍုင်ၜိုပ်ဟံသာဝတဳ၊၊
သြ ကောန်ညးဇျင်မာဲ ကွာဲပလံင်ဗစိုပ်နင် သၟိင်ၜိုပ်ထဝ်ဟေင် ပဝ်ကလေင်စဴရောင်၊ ကွာဲဗစိုပ်အဵု စဵုကဵုဍုင်မန်၊ ဘာသာပညာပိုယ် ဟိုဲကလောမန် ပ္တန်ညိရ သာသနာမန်ပိုယ် ပ္တန်ညိရ သာသနာမန်ပိုယ် တုဲဂွံစိုပ် ဍုင်ဟံသာဝတဳ၊၊
တင်စၟတ်
ပ္ဍဲပိုဒ်မွဲဂှ် ＂အိုတ်ဇရေင်ဍုင် ဟီုပညုင်ရိုဟ်ရေင်အာ＂မြဴသာ်ဝွံ ဂွံဆဵုကေတ် ပ္ဍဲကဝးဒွက် လျးဟံသာရ၊၊ အိုတ်လၟေင်ဍုင် မြဴသာ်ဝွံ နူတမ်တေအ် ဒှ်မာန်ရ၊၊
နကဵုအဓိပ္ပါယ် ဗီုဗၟာ
[ပလေဝ်ဒါန် | ပလေဝ်ဒါန် တမ်ကၞက်]ဒွက်ဝွံ နာဲဗဳထဝ် မန်ဇြာ ကၠာဲစၠောအ်လဝ် ညံင်ဂွံကိတ်ညဳ ကေုာံ ကာရန် နကဵုဘာသာဗၟာတုဲ ညးစုတ်လဝ် ပ္ဍဲလိက် နိရုတ္တိ (စကားဇစ်မြစ်)အမြင်ဖြင့် ပျူ နှင့် မွန်လူမျိုးတို့အကြောင်း အတိုင် ဗွဲသၟဝ်ဝွံရ၊၊
ရာမညတိုင်း ဟင်္သာတိုင်းပြည် အရင်က မွန်တို့ဌာနေ ယခုအခါ ပြန်စဥ်းစာကာလေ တို့တတွေ ဝမ်းနည်းဖွယ်ရာများ ဖြစ်ရလေပြီး၊၊ သတိရစွာ ပြောရပြောရရင်လေ မွန်တို့သုံးတိုင်းဌာနေ ပုသိမ်၊ မုတ္တမ တနင်သာရီအထိ လျားရှည်၊ ပြည်ဟံသာဝတီ၊၊
အိုး အမျိုးအပေါင်းတို့ တို့တတွေ တောမြိုင်ဂနိုင်အလယ် ခိုကိုးရလေပြီး၊၊ တို့သခင် မွန်မင်းလည်း တောနက်မှာ ရေငတ် နွမ်းပန်း ခံနေရလေပြီး၊၊ တစ္ဆေမိစ္ဆာ တောအုပ်ကလည်း မပြောပလောက်အောင် များလှလေပြီး၊၊ တို့တတွေ ရေချောင်းနံဘေးမှာ ပူးဆွေသောက အားပျော့ရင်ဝယ် ကြပ်တည်းရလေပြီး၊၊
(တော တောဂနိုင်အလယ် နှင်းမြူမှောင်ကြား ဟင်္သာမင်း ပူးဆွေးရတယ်) အရှင် ဟင်္သာ မင်းသခင် ဘေးကင်းရာဝယ် ရှောင်ရလေ ပျံဝဴရှောင်ရလေ (ပျံဝဴရှောင်ကာ ဥမကွဲ သိုက်မပျက် တောတောင်လယ်ဖြတ် ဆက်လက်ပျံဝဴ)
ရွှေဟင်္သာမင်း ဗညားစိန် သခင်ကား ပျံသန်းဝဲကာ ဇင်းမယ်သို့ ရောက်ရရှာ၊၊ ပျံကာ ရှာကာ ယိုးဒယားမှာ ဥချခဲ့ရှာပြီး၊၊ ယိုးဒယားမှာ မပျော်ပါးနိုင် ဗဂိုးသာ ပျော်နိုင်မည်၊၊ ပြန်ခဲ့ပါလာ မောင်တို့ မယ်တို့ရာ၊၊ ရွှေဟင်္သာလေးတို့ အတောင်ပြည့်တဲ့အခါ ဟင်္သာတို့ မြေထံ ဟံသာဝတီကို ပြန်ကြပါ၊၊
အိုး ဇင်းမယ်သားတို့ အရောက်ပို့လာပြီး ရွှေဟင်္သာမင်းက တကယ်ပျံပြန်ရမည်၊၊ မွန်တို့နိုင်ငံတော် အရောက်ပြန်ရမည်၊၊ အိုး မွန်အမျိုးသားအပေါင်းတို့ တို့ဘာသာ တို့ပညာ ပြန်ထူထောင်ကြပါ၊၊ တို့မွန်သာသနာတော်ကို ပြန်ထူထောင်ကြပါ ဟံသာဝတီ နေပြည်တော်ကြီးမှာ၊၊
ညးမချူဒွက်
[ပလေဝ်ဒါန် | ပလေဝ်ဒါန် တမ်ကၞက်]ဒွက်ရးမညပညုင်ဝွံ ပ္ဍဲလိက်လ္ၚဵု သီုကဵု လိက်ဒွက် ဂကောံလျးဟံသာဂှ် ဗၟံက်ထ္ၜးလဝ် ညးမချူဂှ် ဒှ် နာဲသ္ဍဴချေတ် ဇာတိကွာန်ဝါကပိုဟ်၊၊ ဆဂး ရွှေမြိုင် မင်းအောင် ဗၟံက်ထ္ၜးလဝ် ယၟုညးမချူဒွက်ဂှ် ဒှ်နာဲဖဝ်တေ (ဘိုးတေ) ကွာန်ထိုင်အာင် လတူ (အရာပ် (၈)) မချူလဝ် ပ္ဍဲသၞာံ ၁၉၄၅၊၊ ပ္ဍဲလိက်ဂှ် ဒဒှ်ရ နာဲသ္ဍဴချေတ် ဟွံသေင် ဒှ်မၞိဟ်မချူလဝ်ဂှ်လေဝ် ဗၟံက်ထ္ၜးလဝ် နကဵုသက်သဳ၊ ခအှ် နာဲသ္ဍဴချေတ်ဟီု ဒဒှ်ရ ခမ်သဳညး နာဲသ္ဍဴချေတ် မချူလဝ်ဒွက်ဂှ် ညးဟွံဂွံတီကေတ်ရ၊၊ မင်းအောင် ဆက်ချူ ပရူနာဲဖဝ်တေဂှ် ဒှ်မၞိဟ် အစာသဝ် ကေုာံ မစိုန်သကီု ပ္ဍဲလိက်မန်တုဲ ဒှ်မၞိဟ် အစာဘာ မဗ္တောန်လိက်မန် ကုရဲကွာန်တအ်ရ၊၊ ပၞောဝ်ကဵု မၞိဟ်ညးမဗ္တောန်လဝ်ကဵု လိက်မန်ဂမၠိုင်ဂှ် မိကောန်ရှေန်(ကွန်ရှင်)လေဝ် ပါလုပ်မွဲကီုတုဲ ပ္ဍဲခေတ်အလဵုအသဳဦးနု သွက်ကွာန်မန် (၁၀) ဂှ် ညးခပတိုန် အစာဘာ စှ်တၠရ၊၊ ပၞောဝ်ကဵု ညးစှ်တၠဂှ် မိကောန်ရှေန် လေဝ် ပါလုပ်မွဲတၠကီုရ၊၊ ကောန်စဴ နာဲဖဝ်တေ၊ နာဲအောင်ဘ ဂှ် ဒှ်မၞိဟ် မလေပ်ကွတ်ဂဳတတုဲ နာဲဖဝ်တေဂှ် ဒှ်မၞိဟ်ချူတုဲ ကောန်စဴညး နာဲအောင်ဘ ဒှ်မၞိဟ် မဖျေဟ်အခိုက် ဒှ်မာန်ရောင် ညးထေင်ကေတ်ရ၊၊ ပ္ဍဲသၞာံ ၁၉၄၈ ဂကောံမန်ကောန်ဍုင်အရင် ချဳဓရာင်ကၠုင် ပရေင်ဍုင်ကွာန်ဂှ် ဒွက်ဝွံ ဒယှ်ေ ပ္ဍဲသဘင်ကောံဓရီုဇၞော် ပရေင်ဂကူမန် ပ္ဍဲကွာန်ဖအံက်တုဲ နူဂှ်မွဲအဆက် ပြးဇးတမ္ညဝ်အာ အလုံဂကူမန်ရ၊၊ [၁]
ပ္ဍဲဒွက်ရးမညပညုင်ဂှ် ချူလဝ် ပရူဗညာစိင် (ဗညာမဟာယောဓါ) ကေုာံ ကောန်ဂကူမန် မဒဴလုပ် ဍုင်သေံဒျူဒျာတုဲ ဆဝ်မ္ၚုဟ်လဝ် ညံင်ကောန်မန် မစိုပ်ဒၟံင် ဍုင်သေံတအ် ဂွံကလေင်စဴပ္တန် ဍုင်ဟံသာဝတဳ မွဲဝါပၠန်ရ၊၊ ပရူဗညာစိင်ဂှ် မန်မသှ်ေဒၟံင် ပ္ဍဲဍုင်မန်တအ် ဂွံတီကေတ် ဟွံလအ်ကွေဟ်ဟ်ဏီရ၊၊ ပ္ဍဲအခိင် ဗွဲကြဴဏအ်ကွေဟ်ဟ် ကောန်ဂကူမန် မစိုပ်ဒၟံင် ဍုင်သေံတအ် ဗွဲတၟေင် ခမဳသင်မန်တအ် တၞဟ်န ဂွံကလေင်ဇၞော်မောဝ်ပတိုန် လိက်ပတ်မန် ပ္ဍဲဍုင်မန်တုဲ မပြာပ်ကၠုင်မံင် ပ္ဍဲဍုင်မန်ဂှ် ပရူဝင်ဗညာစိင်ဂှ် ဂွံစိုပ်ကၠုင် ပ္ဍဲဍုင်မန်ရ၊၊ ရံင်ကဵု ဗီုအဓိပ္ပါယ်ဒွက်ဂှ်ကီု ရံင်ကဵု အကာဲအရာ ဂကူမန် ပ္ဍဲအခိင် ၁၉၄၀တအ်ကီုတုဲ ဒွက်ရးမညပညုင်ဝွံ မန်မၞုံဍုင်သေံမွဲမွဲတၠ မချူလဝ် ဒှ်မာန် ဂၠိုင်အိုတ်ရ၊၊ ကာလခမဳသင်မန် နူဍုင်သေံ မကၠုင် ဍုင်မန်ဂှ် ဒွက်ဂှ် ပါကၠုင်တုဲ နာဲဖဝ်တေ ကေုာံ ကောန်စဴညး နာဲအောင်ဘ တအ် ကလိဂွံတုဲ ဒယှ်ေလဝ်ကၠာ ဒှ်မာန်ရ၊၊
ကလင်ဒွက်
[ပလေဝ်ဒါန် | ပလေဝ်ဒါန် တမ်ကၞက်]နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ရွှေမြိုင် မင်းအောင်၊ (လိက်ပရေင်) မွန်သီချင်းများတွင် မွန်ပြည်သူတို့၏ အသည်းနှလုံးကို ဆွဲဆောင်နိုင်သော သီချင်း၏ အဓိပ္ပါယ်ရှင်းလင်းချက်
လှ်ေဒယှ်ေ မန်ဂမၠိုင် | ||
|---|---|---|
 | လလှ်ေ ကေုာံ ဒိင်ဂမၠိုင် | |
| ဒွက်ဂမၠိုင် | ||
