မံက်တဴ၊ ကျာ်စေတဳ

နူ ဝဳကဳပဳဒဳယာ

ကျာ်စေတဳမံက်တဴ

ကျာ်စေတဳမံက်တဴဝွံ နွံလ္ပာ်ပလိုတ်ဍုၚ်ဟံသာတဳရ ကျာ်စေတဳဝွံ မၞိဟ်တြေံကိုပ်ကၠာတေံ ကော်ခဴစကျာ်မံက်တဴတုဲ မၞိဟ်က္တဵုဒှ်တိုန်ခေတ်တၟိဏအ် ကော်ခဴစကျာ်မုဟ်တဴအိုတ်ရ ကျာ်တြဲသ္ပပရိနိဗ္ဗာန်တုဲ ပ္ဍဲမစိုပ်သက္ကရာဇ်သာသနာ ၁၈၉၂ သၞာံ သက္ကရာဇ်ဍုၚ် ၇၁၀ သၞာံဂှ် နာဲတၠညးစိၚ်ဗ္တာၚ်သၟိၚ်မၞုံယၟု ဓမ္မစေတဳလောကနာထရာဇာ သ္ပသၟိၚ်ပ္ကၚ်ရၚ်ဍုၚ်ပွိုၚ် ၃၅ သၞာံရ သၟိၚ်ဝွံမဒှ်သၟိၚ်မရနုက်ကဵုဒ္စာံဒတောဝ်ရ ပ္ဍဲကာလသၟိိိၚ််ဂှ်ကျာ်စေတဳဝွံ ဍောတ်သွတ်တဴရ သ္ၚိရုၚ်ကျာ်စေတဳကီုလေဝ် ဟွံဗိုန်ဟွံခိုၚ်ဒှ်ပ္ဍဲစိုတ်တုဲ ပါဲပ္တိတ်ထောံသ္ၚိရုၚ်ကျာ်စေတဳဂှ်ရ ကျာ်စေတဳတြေံဂှ် ထပ်ဒက်ဂြောပ်ခၜမ်ဇမၞော်ပ္တိုန်ရ။

ပ္ဍဲကာကလက်ကြဴနူဂှ် ပ္ဍဲမစိုပ်သက္ကရာဇ်ဍုၚ် ၇၄၅ သၞာံဂှ် ကောန်နာဲတၠညးစိၚ်ဗ္တာၚ်မရနုက်ကဵုဒ္စါံဒတောဝ်ဂှ် မၞုံယၟုသၟိၚ် သုတသောမရာဇာသ္ပသၟိၚ်ပ္ကၚ်ရၚ်ဍုၚ် ၃၈ သၞာံပၠန်ရ သၟိၚ်ဝွံကီုလေဝ် နူကျာ်စေတဳသၟိၚ်မအံက်ဇကုမဒက်ပ္တိုန်လဝ်ဂှ် ဍောတ်အာဒှ်ပ္ဍဲစိုတ်တုဲ ထပိဒက်ဂြောပ်ခၜမ်ဇမၞော်တိုန်မွဲဝါပၠန်ရ ပ္ဍဲကာလကြဴသၟိၚ် ဒတောဝ် သ္ပသၟိၚ်ပ္ကၚ်ရၚ်ဍုၚ်ဆက်အာမွဲဝါပၠန်ဂှ် ဍုၚ်ကွာန်ကလိုက်ကၟဵုက္တဵုဒှ်တိုန်ရ ပ္ဍဲကာလမစိုပ်သက္ကရာဇ်သာသနာ ၂၀၀၂ သၞာံ သက္ကရာဇ်ဍုၚ် ၈၂၀ သၞာံဂှ် ကောန်တၠညးသုတသောမရာဇာ မၞုံယၟုသၟိၚ်တြိဘုဝနာဒိတျပဝရဓမ္မစေတိယလောကနာထရာဇာ သ္ပသၟိၚ်ပ္ကၚ်ရၚ်ဍုၚ်ဆက်အာပၠန်ရ သၟိၚ်ဝွံမၞုံကဵုရုပ်သာ်မဇြုၚ်ဂွုဗုသ္အးကျေဝ်ဂေါဝ်မတုပ်ကေုာံလျးဂိတု ပ္ဍဲဂိတုကထိုန်ပေၚ်တုဲ ဒ္ဂေတ်မၚ်မွဲဓရ်စှ်ညဳသၟတ်ကဵုဗုဒ္ဓဝါဒရ  သၟိၚ်ဝွံဖအောဝ်ဗလးအမာတ်ဇၞောံမလေပ်စဳရေၚ်ကေၚ်ကာအိုတ်သီု မၞုံယၟုအမာတ်သဳဟပ္ပမဏကဵု သၟာပရန်ဒက်ဍိုတ်တအ် ထပ်ဒက်ဇမၞော်တိုန်ကျာ်စေတဳမွဲဝါပၠန်ရ ကေၚ်ကာမဒက်ပ္တိုန်ကျာ်စေတဳဝွံ ပ္ဍဲမအာစိုပ်သက္ကရာဇ်ဍုၚ် ၈၂၄ ဂှ်အာစိုပ်ဒတုဲရောၚ်။

ဝၚ်ပဠေဝ်လဟဵုကျာ်မံက်တဴတုဲဆဝွံရောၚ်။

နိဿဲ

လိက်ဝွံနိဿဲလဝ်နူလိက်ပြးကိုဟ်လိက်တၟအ်ကလျာဏဳ နာဲညးဍုၚ်မန်ချူဆန်လဝ်ရ။