ဂကောံသၚ်သၟတ်မန်-ဍုၚ်လၟိုၚ်

ဂကောံသၚ်သၟတ်မန်-ဍုၚ်လၟိုၚ်
Mon Young Sangha's Society-Lamaing
MYSSL

တဆိပ်ဂကောံသၚ်သၟတ်မန်-ဍုၚ်လၟိုၚ် တဆိပ် ဂကောံသၚ်သၟတ်မန်-ဍုၚ်လၟိုၚ်
မဒက်ပတန်	၂၀၀၇ (၂၀၀၇)
ဗီုပြင်	ချဳဓရာင် ပရေၚ်မၞိဟ်၊ ပရေၚ်ပညာ
တင်ရန်တၟအ်	သၚ်သၟတ်မန် ဍုၚ်လၟိုၚ်ဂမၠိုၚ် သ္ဂောံကၠောံက္ဍညးသ္ကအ်တုဲ ဂွံရေၚ်တၠုၚ်ပတိုန်။
ဂအုပ်ဌာန	ဍုၚ်လၟိုၚ်
ဒေသမယိုက်ဂၠေင်	ဍုၚ်လၟိုၚ်
ဂကူကမၠောန်	ထံက်ပၚ်ပရေၚ်ပညာ၊ ပရေၚ်မၞိဟ် ချဳဒရာၚ်သွာၚ်ဂကူ
ကောန်ဂကောံ	သၚ်သၟတ်မန် ညးမဒှ်ဇာတိ ဌာန်ဘာဍုၚ်လၟိုၚ် နကဵုဗီုပြၚ်နာနာ
မထံက်ပင်	နကဵုစေတနာ (စိုတ်ဓါတ်)

ဂကောံသၚ်သၟတ်မန်-ဍုၚ်လၟိုၚ် (အၚ်္ဂလိက်: Mon Young Sangha's Society-Lamaing) ဝွံ ပ္ဍဲသက္ကရာဇ်ဍုၚ် ၁၃၆၉ ဂိတု ဇှော်ပေၚ် တ္ၚဲဗုဒ္ဓဝါဂှ် သၚ်သၟတ်လၟိုၚ်ဇဳတအ် ကသပ်ညဳသ္ကအ်တုဲ ဒက်ပတန်လဝ်ဂကောံဝွံရ။ ဂကောံဝွံ ဒုၚ်သ္ဇိုၚ်လ္တူသၚ်သၟတ်မၞုံသၟဝ် အယုက် (၄၀) မဒှ်သၚ်ဍုၚ်လၟိုၚ် နူဘာရုၚ်ဒါန်၊ ဘာရာမညနိကာယ၊ ဘာမ္ၚဵုအံၚ်ဇၞး၊ ဘာကျာ်တအ်ဗွဲအဓိကတုဲ ဒက်ပတန်လဝ်ရ။ ဌာန်ဒတန်ဂကောံဂှ် နွံလ္တူဘာဍုၚ်လၟိုၚ်ရ။ ဂကောံဝွံ နကဵုဆန္ဒမမာဲဗၠးၜး ရုဲစှ်ပတိုန်ဒၟံၚ် ညးတာလျိုၚ်ကမ္မတီတအ်တုဲ ပန်သၞာံမွဲဝါ ခုတ်စွံပတိုန်လဝ်အယုက်ကမ္မတဳတအ်ရ။

တၚ်ရန်တၟံဂကောံ

ဗီု-ကောံဓရီုဇၞော် ဂကောံသၚ်သၟတ်မန်-ဍုၚ်လၟိုၚ်

• ပရေၚ်မၞိဟ်
• ပရေၚ်ပညာ

ကောန်ဂကောံပဵု-ယအ် လၟေၚ်သၞာံ

ဇြဟတ်ဂကောံဂှ် နွံပ္ဍဲဇြဟတ်ကောန်ဂကောံရ။ ဂကောံမွဲမွဲ ဂွံက္တဵုဒှ် ဂွံဗိုန်ဗတ် ဂွံဖောအ်ဗြေဝ် ဂွံတန်တဴ အဓါန်မဂၠိၚ်သ္ၚောဲမာန်ဂှ် တန်တဴမံၚ်ကဵု ဇြဟတ်စိုတ်ဓါတ် ဇြဟတ်ချဳဒရိုၚ် ညးမၞုံပ္ဍဲဂကောံ (ဝါ) ကောန်ဂကောံတံရ။ ပွမသ္ၚဳဂၠိပ် စိုတ်ဓါတ်ကောန်ဂကောံဂှ် ဒှ်ကမၠောန်အဓိက ပ္ဍဲကဵုဂကောံမွဲသာ်ရ။ ယြဴခမဳသာမဏီ မဍိုက်ပေၚ်ကဵု လက်သဏ်လုပ်ဂကောံမွဲ လုပ်ဂကောံမ္ဂး ဒးစုတ်ဝတ္ထုသြန် တြဴဠက် (၆၀၀၀၀) ဝါ ဒးစုတ်မွဲသၞာံ ၜါဠက် (၂၀၀၀၀) ပွိုၚ်ပိသၞာံရ။

ပွမတိတ်အာနူဂကောံဂှ် ဒုၚ်ဂိုၚ်ကေတ် ပိ ဂကူရ။

• (၁) ကောန်ဂကောံစဴအာဘဝပရလိုက် (စဴသွဝ်)
• (၂) ကောန်ဂကောံမရာံၜးတိတ်အာ နူအဝေါၚ်သာသနာ
• (၃) ကောန်ဂကောံမအာတ်နုက်ပတိတ် သာ်ဝွံ နွံပိသာ်ရ။

ပ္ဍဲကဵုအာယုက်ဂကောံ ပွိုၚ်(၁၀)သၞာံဏံဂှ် ထပိုဲစဴအာသွဝ်မွဲဇကု၊ ခမဳပြံၚ်တိတ်အာနူဍုၚ်လၟိုၚ် ဟိုတ်နူပါလုပ်ဟွံသၟဟ်အစောံတုဲ အာတ်နုက်ပတိတ်မွဲဇကု ပံၚ်ၜါဇကုရ။ ပဲါနူၜါဇကုဏံတုဲ ပွမရာံတိတ်အာနူဘဝခမဳသာမဏဳဂှ် ဂၠိုၚ်တဴရ။ ဗီုကောန်ဂကောံပဵု-ယအ် အတိုၚ်လၟေၚ်သၞာံတုန်-

စရၚ်ကောန်ဂကောံ လၟေၚ်ပွိုၚ် ၁၀ သၞာံ

လၟေၚ်	သၞာံ	ပဵု	ယအ်	သှေ်
၁။	၁၃၆၉	+ ၁၉ ဇကု	- ၂ ဇကု	၁၇ ဇကု
၂။	၁၃၇၀	+ ၆	- ၁	၂၂
၃။	၁၃၇၁	+ ၄	- ၁	၂၅
၄။	၁၃၇၂	+ ၅	- ၂	၂၈
၅။	၁၃၇၃	+ ၉	- ၃	၃၆
၆။	၁၃၇၄	+ ၈	- ၂	၄၂
၇။	၁၃၇၅	+ ၁	- ၅	၃၈
၈။	၁၃၇၆	+ ၃	- ၆	၃၅
၉။	၁၃၇၇	×	- ၆	၂၉
၁၀။	၁၃၇၈	+ ၄	- ၁	၃၂
၁၁။	၁၃၇၉	×	- ၃	၂၈ ဇကု

ကောန်ဂကောံသီုဖအိုတ်ဂှ် ခမဳ ၂၂ဇကု၊ သာမဏီ ၃၇ ဇကု၊ ပံၚ်ေကာန်ဂကောံ ၅၉ ဇကု ရ။ ပၞောဝ်ကဵု ၅၉ ဇကုဂှ် ခမဳယအ်အာ ၆ ဇကု၊ သာမဏဳ ယအ်အာ ၂၅ ဇကုတုဲ သှေ် ၂၈ ဇကုရ။

ချဳဒရာၚ် ဒါန်ဇဳတ ကေုာံ ဒါန်ညးဒးဘဲဍာ်

ပ္ဍဲအရာရေၚ်တၠုၚ်ဒတုဲဖဵုမၞိဟ် ကိစ္စဇၞော်ဂှ် ဆေၚ်စပ်ကဵုညးဂိယဲ၊ ချိုတ်ဂၠိုၚ် ဒးဒဒိုက်ဘဲ သဘာဝတံရ။ ဂကောံသၚ်သၟတ်ဏံလေဝ် ဟိုတ်နူလးလဝ် သွက်ဂွံဖောအ်ဗြေဝ်ပ္တိုန်ပရေၚ်မၞိဟ် ဂွံသၠုၚ်ပတိုန် ပရဟိတစေတနာတုဲ နူစဒက်ပတန်ဂကောံတေံ ဇၟာပ်ကောန်ဂကောံ ဒးစမ်လဝ် ဂကူဆီ ခါညးနွံပၟိက်နွံမ္ဂး ဂွံကဵုဒါန်ဆီရ။ ၜိုန်ရရန်တၟံလဝ်သာ်ဏံကီုလေဝ် ဟိုတ်နူဒှ်မံၚ်ကောန်ကတ်လိက်ဖအိုတ်တုဲ ကိစ္စကဵုဒါန်ဆီ နကဵုဂကောံဂှ် ၜိုန်ရေၚ်တၠုၚ်ကဵုဟွံမာန်ကီုလေဝ် ဒါန်ဇဳဝဳတ ပွမကၠောန်ဗဒှ်စမ်ၜတ်ယဲ ကဵုဂဥုဲကုညးဂိယဲတံဂှ် ဂွံရေၚ်တၠုၚ်ကၠုၚ် ဇၟာပ်ပ်သဘၚ်ဂကောံကၠောံသၞာံ ကၠောန်ဗဒှ်ပ္ဍဲဂိတုဇှေ်ပေၚ်ရ။

လၟေၚ်သၞာံဂွံရေၚ်တၠုၚ် ကၠောန်ဗဒှ်လဝ် ဇဳဝိတဒါန ကေုာံ ကဵုဒါန်ညးဒး ဒဒိုက်ဘဲဍာ်တုန်

ဒါန်ဇဳဝိတ + ရီုဘဲဍာ်

လၟေၚ်	သၞာံ	သွာၚ်	ဝတ္ထုသြန်
၁။	၁၃၇၃	ဇဳဝိတဒါန	၂၂၀၀၀၀
၂။	၁၃၇၄	။	၂၀၀၀၀၀
၃။	၁၃၇၅	။	၂၁၂၅၀၀
၄။	၁၃၇၆	။	၂၅၀၀၀၀
၅။	၁၃၇၇	။	၃၁၅၀၀
၆။	၁၃၇၇	ရီုဘဲဍာ်	၁၀၀၀၀၀
၇။	၁၃၇၈	ဇဳဝိတဒါန	၂၅၀၀၀၀

ပ္ဍဲကဵုပွိုၚ် (၆) သၞာံ နူကဵုဂကောံ သုၚ်စောဲဏာသြန် သွက်ဇဳဝိတဒါန ကေုာံ ဒါန်ညးဒး ဒဒိုက်ဘဲဍာ် ပံၚ်သြန် ၁၅၄၇၅၀၀ ဒကေဝ်ရ။

ထံက်ပၚ်ပရေၚ်ပညာကောန်ဂကူမန်

အတိုၚ်ကျာ်ဗုဒ္ဓ စဳပျး စၞောန်ထ္ၜးလတ် ပါဠိမ္ဂး "ညာတကာနဉ္စ သၚ်္ဂဟော" ပွမယိုက်ဒိုက်ထံက်ပၚ်ကလော ဒညာတ် (ဝါ) ဂကူကီု၊ နကဵုပါဠိမ္ဂး "ဉာတတ္ထစရိယ" ပွမမၚ်မွဲ ဒတုဲမြမောဝ်ကလောဒညာတ် (ဝါ) ဂကူကီု၊ ဟိုတ်မလၟောဝ်ဗက် ဂၠံၚ်တရဴကျာ်သာ်ဏံတုဲ ဂကောံသၚ်သၟတ်ဝွံ ရန်တၟံသီုကဵုဂွံထံက်ပၚ်ဂကူ၊ ကၠောန်ဒတုဲဖဵုမြမောဝ် ဂကူကီုရ။ ဟိုတ်ဂှ်ရ အရာထေက်ကဵု သ္ဒးထံက်ပၚ်ကၠာအိုတ် သ္ၚဳဂၠိပ်အာ ဂွံညာတ်ကေတ်ဘာတန်ဒေါဝ် ဘာကောန်ဂကူ ဍုၚ်လၟိုၚ်ရ။

ဂကောံသၚ်သၟတ်တံဖျေံသ္ဂုတ်သွာတ် ဗီုဂွံထံက်ပၚ်တုဲ ထၟံက်တဴရုပ်ရဴ မပ္တံကဵုဖါပ်ဗ္စအ္စာ ကေုာံ ကွးဘာ၊ ကၠောန်ကပေါတ်ကြိယာဘာ၊ ထံက်ပၚ်ဝတ္ထုသြန်တံရ။ အတိုၚ်လၟေၚ် မထံက်ပၚ်ကၠုၚ်လဝ်ဂှ် -

လၟေၚ်	သၞာံ	ဝတ္ထုသြန်
၁။	၁၃၇၂	၁၀၃၀၀၀၀
၂။	၁၃၇၃	၁၀၀၀၀၀
၃။	၁၃၇၄	၄၀၀၀၀၀
၅။	၁၃၇၅	၅၀၀၀၀၀
၆။	၁၃၇၆	၅၀၀၀၀၀
၇။	၁၃၇၇	၅၀၀၀၀၀
၈။	၁၃၇၈	၅၀၀၀၀၀

ပ္ဍဲကဵုပွိုၚ် (၇) သၞာံ ဂွံသုၚ်စောဲဏာဝတ္ထုသြန် သွက်ဒတုဲဖိုလ်ဘာတန်လဒေါဝ် ဘာကောန်ဂကူမန်-ဍုၚ်လၟိုၚ် ပံၚ်လၟိဟ်သြန် ၃၅၃၀၀၀၀ ဒ္ကေဝ်ရ။

ဆၜိုတ်ထံက်ပၚ်ဘာကောန်ဂကူ ပ္ဍဲဍုၚ်လၟိုၚ်သၟးဟွံက-

• သၞာံ ၁၃၇၇ ဂှ် ဂွံထံက်ပၚ်ဏာ ဘာပရေၚ်ပညာခရိုၚ်ထဝဲါ ၂၀၀၀၀၀ ဒ္ကေဝ်။
• သၞာံ ၁၃၇၈ ဂှ် ဂွံထံက်ပၚ်ဏာ ဘာပရေၚ်ပညာညဳသာ ၅၀၀၀၀၀ ဒ္ကေဝ်။

ပံၚ်ဖအိုတ် ဂွံပတုဲဏာဒတုဲဖိုလ်သွက်ဘာကောန်ဂကူ ပံၚ်သြန် ၄၂၃၀၀၀၀ ဒ္ကေဝ်ရ။

ကဵုလာဘ်ပ္တိုန်စရာဲ လ္တူစၚ်တ္ၚဲကောန်ဂကူမန်

အနာဂတ်ဌာန်ဍုၚ်လၟိုၚ်ဂှ် ဒးစိုပ်သၟဝ်တဲသၟတ်ညးဍုၚ်လၟိုၚ်တံရောၚ်။ ပတှေ်ကေတ်လဝ်သာ်ဏံတုဲ ဂကောံသၚ်သၟတ်တံမၞုံစေတနာ မိက်ဂွံကဵုသၟတ်ကောန်ညးဍုၚ်လၟိုၚ်တံ သ္ကေက်သ္ကာပ္ဍဲပရေၚ်ပညာ လောကဳ ဗွဲမဍာံစၟတ်ရ။ ပ္ဍဲကဵုတၚ်ရန်တၟံဂကောံလေဝ် သွက်ဂွံဇၞော်မောဝ်ပ္တိုန်ပရေၚ်ပညာ နွံမံၚ်ကီုတုဲ ဖျေံလဝ်သ္ဂုတ်သွာတ် ကဵုလာဘ်ပတိုန်စရာဲ ကုအ္စာဘာမန် မၞုံကဵုဇဴလွဳသ္ပလဝ်အ္စာဘာ အတိုၚ်မပိုၚ်ခြာလဝ်သၞာံကီု၊ ကွးဘာမန်လၟိုန် ကွးဘာမန်ဥတုက္ညၚ် မကလိဂွံအံၚ်ဇၞး နကဵုဂုဏ်တၟေၚ်ကီု၊ ကွးဘာအလဵုအသီ အံၚ်စှ်တန် နကဵုဂုဏ်တၟေၚ်တံကီု၊ ဗွဲလၟေၚ်သၞာံ ဂကောံသၚ်သၟတ်ကေတ်တာလျိုၚ် ကဵုလာဘ်ပတိုန်ဂုဏ်စရာဲ ပ္ဍဲလ္တူစၚ်တ္ၚဲကောန်ဂကူမန် ဍုၚ်လၟိုၚ်ရ။

လာဘ်ပတိုန်စရာဲ

လၟေၚ်	သၞာံ	စရိတ်သုၚ်စောဲ
၁။	၁၃၇၀	၂၈၅၀၀၀
၂။	၁၃၇၁	၁၇၂၀၀၀
၃။	၁၃၇၂	၂၆၄၅၀၀
၄။	၁၃၇၃	၃၂၇၅၀၀
၅။	၁၃၇၄	၉၂၀၀၀
၆။	၁၃၇၅	၂၄၀၀၀၀
၇။	၁၃၇၆	၈၁၂၅၀၀
၈။	၁၃၇၇	၇၀၀၀၀၀
၉။	၁၃၇၈	၉၁၁၀၀၀

ပ္ဍဲကဵု (၉)သၞာံ ဂွံကဵုဏာလာဘ် ပတိုန်စရာဲ ပံၚ်သြန် ၃၈၀၀၅၀၀ ဒ္ကေဝ်

ထံက်ပၚ် ပရိယတ္တိ ကေုာံ တက္ကသိုလ်

"ဂကောံမွဲမွဲ ကောန်ဂကောံဂွံနွံစရာဲမ္ဂး နကဵုဂကောံ သ္ဒးကဵုလာဘ်ပတိုန်ဂုဏ်စရာဲထေက်တုဲ ဝတ်စေဝ်ပၞောန်လီုမ္ဂး ပွမကဵုဒုဟ်ဒဏ်ဂှ် ဒှ်ကမၠောန်ဂကောံရ" ရန်ကဵုဂလာန် သာ်ဏံတုဲ ဂကောံဝွံ ထၟံက်ကၠုၚ်ရုပ်ရဴ ထံက်ပၚ်ကောန်ဂကောံ ကတ်လိက်ပရိယတ္တိ နူကဵုသက္ကရာဇ် ၁၃၇၀ စဵုကဵု သက္ကရာဇ် ၁၃၇၉ သၞာံရ။ ပ္ဍဲကဵုသက္ကရာဇ် ၁၃၇၈ ဂှ် ဖျေံလဝ်သ္ဂုတ်သွာတ်ထံက်ပၚ် ထပ်ဟပဵုတိုန် သၚ်ကတ်ပညာ ဘာတက္ကသိုလ်အပ္ဍဲဍုၚ် မ္ၚးဍုၚ်ပၠန်ရ။

လၟေၚ်	သၞာံ	ဝတ္ထုသြန်	လၟိဟ်ဇကု	ပံၚ်
၁။	၁၃၇၀	၁၈၀၀၀	၁၃ ဇကု	၂၃၄၀၀၀
၂။	၁၃၇၁	၁၅၀၀၀	၁၅	၂၂၅၀၀၀
၃။	၁၃၇၂	၃၇၀၀၀	၁၆	၅၉၂၀၀
၄။	၁၃၇၃	၃၀၀၀၀	၃၆	၁၀၈၀၀၀၀
၅။	၁၃၇၄	၃၅၀၀၀	၄၁	၁၄၃၅၀၀၀
၆။	၁၃၇၅	၄၀၀၀၀	၃၇	၁၄၈၀၀၀၀
၇။	၁၃၇၆	၄၀၀၀၀	၃၄	၁၃၆၀၀၀၀
၈။	၁၃၇၇	၄၀၀၀၀	၂၉	၁၁၆၀၀၀၀
၉။	၁၃၇၈	၁၀၀၀၀၀	၁၈	၁၉၀၀၀၀၀

ပ္ဍဲကဵုပွိုၚ် (၉) သၞာံ ဂွံထံက်ပၚ်ဏာကောန်ဂကောံကတ်ပရိယတ္တိ ကေုာံ တိုန်ဘာတက္ကသိုလ် လၟိဟ်ဝတ္ထုသြန် ပံၚ်အိုတ်အာ ၈၈၇၄၀၀၀ ဒ္ကေဝ်။

ပ္တိုန်ဂုဏ်စရာဲ သၚ်အာဇာနဲအံၚ်လိက်

"ကၠောန်ဂကောံမ္ဂး ဒတုဲဖိုလ်ကောန်ဂကောနွံမှ ဂကောံဂှ် ဗိုန်ဗတ်မာန်ရ" ရန်ကဵုဂလာန်သာ်ဏံတုဲ ဂကောံဝွံ ထၟံက်ကၠုၚ်ရုပ်ရဴ ထံက်ပၚ်ကၠုၚ်ကောန်ဂကောံ ကတ်ပရိယတ် တိုန်တက္ကသိုလ် ကေုာံ ပ္တိုန်စရာဲသၚ်အံၚ်လိက် စပ္တံနူကဵု သက္ကရာဇ် ၁၃၇၀ စဵုကဵုသက္ကရာဇ် ၁၃၇၉ သၞာံဏံရ။

ဂွံပတိုန်စရာဲ

လၟေၚ်	သၞာံ	လၟိဟ်
၁။	၁၃၇၀	၁၅ ဇကု
၂။	၁၃၇၁	၇ ဇကု
၃။	၁၃၇၂	၅
၄။	၁၃၇၃	၆
၅။	၁၃၇၄	၁၄
၆။	၁၃၇၅	၁၀
၇။	၁၃၇၆	၅
၈။	၁၃၇၇	၅
၉။	၁၃၇၈	၉
၁၀။	၁၃၇၉	၁၉ ဇကု

• ပ္ဍဲကဵုသၞာံ ၁၃၇၀ - ၁၃၇၁ သၞာံဂှ် ပြကိုဟ်တုဲမွဲကၞပ် (၅၀၀၀၀)၊ တန်ဇၞော် (၅၀၀၀၀) တန်ဒေါဝ် (၄၀၀၀၀) တန်ဍောတ် (၃၀၀၀၀) တန်မူလဟွံမွဲ
• ပ္ဍဲကဵုသၞာံ ၁၃၇၂-၇၅ ဂှ် ပြကိုဟ်တုဲမွဲကၞပ် (၁၀၀၀၀၀)၊ တန်ဇၞော် (၈၀၀၀၀) တန်ဒေါဝ် (၆၀၀၀၀) တန်ဍောတ် (၄၀၀၀၀) တန်မူလ (၂၀၀၀၀)
• ပ္ဍဲကဵုသၞာံ ၁၃၇၆ -၇၉ ဏံဂှ် ပြကိုဟ်တုဲမွဲကၞပ် (၁၂၀၀၀၀) တန်ဇၞော် (၁၂၀၀၀၀) တန်ဒေါဝ် (၁၀၀၀၀၀) တန်ဍောတ် (၈၀၀၀၀) တန်မူလ (၆၀၀၀၀)။
• (တၚ်စၟတ် ယဝ်ပြကိုဟ်တုဲမ္ဂး ၃ ကိုဋ်ထပ်ပတိုန်စရာဲပၠန်ရ။)

ပွမတြးပ္တိတ်လိက်ကၞပ်ဂမၠိုၚ်

လိက်ပတ်ဂှ် ဟိုတ်နူဒှ်မံၚ်ရိုဟ်ကၞက်ဂကူတုဲ ဂကူမွဲမွဲ ဂွံကၠေံဗ္ဒန်အာမာန်ဂှ် ဗွဲကိုပ်ကၠာ ပဟိုတ်နူလိက်ပတ်ကၠေံရ။ ရန်ကဵုဂလာန်သတိ သာ်ဏံတုဲ ညံၚ်ဂွံပတိတ်လိက်ကၞပ် ဇၞော်ဇၞော်ဍောတ်ဍောတ်မာန်ဂှ် ဂေကာံသၚ်သၟတ်မန်-ဍုၚ်လၟိုၚ် YOUNG MON SANGHA'S SOCIETY-LAMINE ဏံ ပၠုပ်လဝ်အာရီု ဒဒှ်တာလျိုၚ်ဂကောံမွဲသာ်ကီုတုဲ သ္ပလွဳပရာကၠုၚ် ပွမတြးပတိတ်လိက်ကၞပ် နကဵုဘာသာမန်ရ။ လိက်ကၞပ်ဂကောံသၚ်သၟတ် မတြးပတိတ်လဝ်ဂှ် လိက်ကၞပ်ဒးသုၚ်စောဲ ပ္ဍဲကေၚ်ကာကောန်ညးဍုၚ်လၟိုၚ် ကောန်ဂကောံတံ ပကောံပကေဝ်လဝ်တုဲ ပွမတြးပတိတ်ဏာကီု၊ လိက်ကၞပ်ဗဟုသုတ နူကဵုအ္စာကၞေဟ်မွဲမွဲ ဂကောံကေတ်တာလျိုၚ်သၟဟ်အစောံမ္ဂး ပွမတြးပတိတ်ဏာကီု ရဲသာ်ဝွံ ရေၚ်တၠုၚ်တက်တြးပတိတ်လိက်ကၞပ်ရ။

လိက်မကေၚ်ပတိတ်ကၠုၚ်လဝ်ဂမၠိုၚ်တုန်

လိက်မကေၚ်ပတိတ်ကၠုၚ်လဝ်ဂမၠိုၚ်တုန်

လၟေၚ်	သၞာံ	ယၟုလိက်	ညးချူ
၁။	၁၃၇၀	သ္ကံတဲကောန်ဗုဒ္ဓဘာသာ
၂။	၁၃၇၁	ဂါထာလ္ၚောဝ်ကျာ်
၃။	၁၃၇၃	မ္ၚဵု (၃၈) သာ်	တက္ကသိုလ်မာံဇော (B.A.)
၄။	၁၃၇၅	ဥပဒေဍုၚ်လိုက်	တက္ကသိုလ်မာံဇော (B.A.)
၅။	၁၃၇၇	ဥပဒေဍုၚ်လိုက် (ဒုတိယမ္ပိ)
၆။	၁၃၇၈	သ္ကံတဲကောန်ဗုဒ္ဓဘာသာ (ဒုတိယမ္ပိ)
၇။	၁၃၇၈	ပဌာန်ဓမ္မစက် အနတ္တလက္ခဏသုတ်

ကပေါတ်ပရၚ်တဲ သဘၚ်ဇှ်ေပေၚ် (လၟေၚ်သၞာံ)

ပွမစဳကၠး ပ္ဍဲအရာမကဵုကေတ်ညးသ္ကအ်ဂှ် ဒှ်ပွခိုဟ် သွက်ဂွံတန်တဴအာ ပ္ဍဲလိုက်မၞိဟ်ဏံမွဲသာ်ရ။ ပတှေ်ကေတ်ဂလာန်သာ်ဏံတုဲ ဂကောံသၚ်သၟတ်ဝွံ ပွမကေတ်သၟးဟွံသေၚ် ဗီုလဵုဂွံသၠးကဵုဂှ်လေဝ် ချပ်ကဵုမံၚ်လၟိုန်တုဲ ပ္ဍဲကဵုသဘၚ်ဇှေ်ပေၚ်မ္ဂး သီုဂွံဒှ်စၟတ်သမ္တီဂကောံ ကၠောန်ပတိတ်ကပေါတ် ပရၚ်တဲမွဲမွဲသာ်ရ။ ပ္ဍဲကဵုသၞာံ ၁၃၇၆ ဂှ် နူကဵုဂကောံ ဖအိုတ်သြန်ဗၞတ် ၃၈၀၀၀၀ တုဲ ဂွံကဵုလဝ်ပရၚ်တဲ (ဖိုၚ်စုတ်တၞးလိက်) ကုအ္စာဘာအလဵုအသဳ၊ ဘာကောန်ဂကူမန် ဗၞတ်ၜိုတ်ကၠံတၠရ။ ပ္ဍဲကဵုသၞာံ ၁၃၇၉ ဂှ် ဖအိုတ်သြန်သေံ ဗၞတ် ၁၂၇၅၀ ဘာတ် ညဳသၟဟ်ကဵုသြန် ၅၀၀၀၀၀ ဒ္ကေဝ်တုဲ ဂွံကဵုလဝ်ပရၚ်တဲ ကုအ္စာဘာအလဵုအသဳ၊ ဘာကောန်ဂကူမန် ဗၞတ်ကၠံၜါစှော်တြဴတၠပၠန်ရ။ ဆဝွံသၟးဟွံက ပ္ဍဲကဵုသဘၚ်ဇှေ်ပေၚ်လေဝ် ဂွံကဵုကၠုၚ်လဝ် ကပေါတ်ပရၚ်တဲ အတိုၚ်လၟေၚ်ၚ်သၞာံဂှ်

ကပေါတ်ပရၚ်တဲ

လၟေၚ်	သၞာံ	ယၟုကပေါတ်
၁။	၁၃၇၀	စုတ်ကောန်ကသအ် (ကၠောန်လဝ်နကဵုဂဝ်)
၂။	၁၃၇၁	လိက်အုပ်ဂါထာလ္ၚောဝ်ကျာ်
၃။	၁၃၇၃	တၞးဗီုရုပ် မနုဿသဳဟ
၄။	၁၃၇၄	သ္ၚိအၚ် လောက (၃၁) ဘုံ
၅။	၁၃၇၅	ယာတ်လွံက် ကြာဲလ္တူပၞး (ဗၜက်ပၞး)
၆။	၁၃၇၆	လိက်ကဵုလညာတ် နိုၚ်ၚံသစ္စာစောၚ်သိသူ (၁+၂) တိလောကဘိဝံသ
၇။	၁၃၇၇	စုတ်ကောန်ကသအ်
၈။	၁၃၇၈	လိက်အုပ် "ဂုဏ်စရာဲမိမ"
၉။	၁၃၇၉	စုတ်ကောန်ကသအ် စၟတ်သမ္တီ ပေၚ် (၁၀) သၞာံ ထိုၚ်ကၟာဲခမဳသၚ် စၟတ်သမ္တီပေၚ် (၁၀) သၞာံ ပဠောံစၟတ်သမ္တီ ဂကောံပေၚ် (၁၀) သၞာံ

ဓမ္မကထိကမတွံဓရ် ပ္ဍဲသဘၚ်ကၠောံသၞာံဂကောံ

လၟေၚ်	သၞာံ	ယၟု	ယၟုဓရ်	ဂုဏ်စရာဲ	ဘာ	ကွာန်
၁။	၁၃၇၀	ကျာ်ဇၞော်အ္စာ ဘဒ္ဒန္တစန္ဒောဘာသ	ပရေၚ်သာသနာ သိက္ခာပိသာ်	ဟိတဓရ(ရာမညဓမ္မာစရိယ) ကဝိဓဇ၊ ဓမ္မကထိက	ကျာ်	ပံၚ်
၂။	၁၃၇၁	ကျာ်ဇၞော်အ္စာ ဘဒ္ဒန္တနန္ဒသာရ	ဓရ်လ္တူကုန်ဒဵု	ဓမ္မာစရိယ၊ အဂ္ဂမဟာဂန္ထဝါစကပဏ္ဍိ ဂုဏဝိဌရာမညဂန္ထဝါစကပဏ္ဍိတ၊ သံဃမဟာယန (ကၟိန်ဍုၚ်)	ဒေါဝ်	ကျာ်ခမဳ
၃။	၁၃၇၁	တၠဂုဏ်အ္စာ ဘဒ္ဒန္တစိတ္တာလၚ်္ကာရ	ကဵုတီမံၚ်ကွေံ ဂးအာဲကၟာဲဇကု	ဂုဏဝိသိဌရာမညဂန္ထဝါစကပဏ္ဍိတ	ကၠအ်ပၞဟ်	မုဟ်ဍုၚ်
၄။	၁၃၇၂	ကျာ်ဇၞော်အ္စာ ဘဒ္ဒန္တသဳလဝန္တ	ကောန်ဂကူမန်ကဵုဗုဒ္ဓဘာသာ		ဟံသာထဝ်	ဇြပ်ဗု
၅။	၁၃၇၃	ကျာ်ဇၞော်အ္စာ ဘဒ္ဒန္တသဳလာစာရ	သန္ဒိဋ္ဌိကသာမညဖလသုတ်	ဓမ္မာစရိယ၊ အဂ္ဂမဟာပိဏ္ဍတ၊ ဂုဏဝိသိဋ္ဌရာမညဂန္ထဝါစကပဏ္ဍိတ	ဗ္ဂေါပရိယတ္တိ	မတ်မလီု
၆။	၁၃၇၄	ကျာ်ဇၞော်အ္စာ ဘဒ္ဒန္တဣန္ဒဟဳရိ	ညဳမှသာ		ဝၚ်နန်	ဝါခရူ
၇။	၁၃၇၅	ကျာ်ဇၞော်အ္စာ ဘဒ္ဒန္တသာရဝန္တ	ပညာနွံကီု သတိလီုဒှ်		ဇၞော်	ရုတ္တံၚ်
၈။	၁၃၇၆	ကျာ်ဇၞော်အ္စာ ဘဒ္ဒန္တဇနက	ဂုဏ်စရာဲခိုဟ် ဂွံမိပ်ၜိုဟ်သြိုဟ်		ဇနကာရာမ	တၟိတဴတက်
၉။	၁၃၇၇	ကျာ်ဇၞော်အ္စာ ဘဒ္ဒန္တနာရဒ	လျးပညာပြဲ မတ်ကျာ်တြဲ	ဓမ္မာစရိယ	ဓမ္မာလောက	မတ်မလီု
၁၀။	၁၃၇၈	ကျာ်ဇၞော်အ္စာ ဘဒ္ဒန္တပဏ္ဍိတ	ဓရ်ဟိုတ်ဂှ်ဒှ်တသိုက်		ကလျာဏမိတ္တ	ဆုကၠ
၁၁။	၁၃၇၉	ကျာ်ဇၞော်အ္စာ ဘဒ္ဒန္တစန္ဒောဘာသ	ပရေၚ်ပညာမွဲ ဒှ်ပြဲအိုတ်	ဟိတဓရ(ရာမညဓမ္မာစရိယ) ကဝိဓဇ၊ ဓမ္မကထိက	ကျာ်	ပံၚ်

နိဿဲ

[[Category:]] [[Category:]] [[Category:]]